27.7.2021 |
MT |
Il-Ġurnal Uffiċjali tal-Unjoni Ewropea |
C 300/76 |
Opinjoni tal-Kumitat Ewropew tar-Reġjuni — Theddid transkonfinali serju għas-saħħa u l-mandat taċ-Ċentru Ewropew għall-Prevenzjoni u l-Kontroll tal-Mard
(2021/C 300/14)
|
Introduzzjoni
IL-KUMITAT EWROPEW TAR-REĠJUNI
— |
jappoġġja l-pjani tal-Kummissjoni Ewropea biex toħloq qafas legali aktar b’saħħtu u aktar komprensiv li fih l-Unjoni Ewropea, bil-kundizzjoni li tirrispetta l-prinċipju tas-sussidjarjetà u r-responsabbiltà primarja tal-Istati Membri għall-kura tas-saħħa u t-tħejjija għall-kriżijiet, tista’ tirreaġixxi malajr u tagħti bidu għall-implimentazzjoni ta’ miżuri ta’ tħejjija u rispons għal theddid transkonfinali għas-saħħa fl-UE kollha; |
— |
jirrimarka li s-saħħa pubblika f’dsatax-il Stat Membru tal-UE mhijiex il-kompetenza esklużiva tal-livell nazzjonali, iżda hija deċentralizzata fil-parti l-kbira tagħha u l-awtoritajiet lokali u reġjonali għandhom kompetenzi sinifikanti fis-sistema nazzjonali tas-saħħa; jitlob, għalhekk, li jiddaħħal komponent sottonazzjonali aktar b’saħħtu; |
— |
jirrimarka li l-pandemija tal-COVID-19 serviet ta’ test tal-istress ġenwin li ħarġet fid-dieher lakuni serji fit-tħejjija, fil-komunikazzjoni transfruntiera u fil-kooperazzjoni bejn l-Istati Membri u r-reġjuni tal-fruntiera biex jindirizzaw it-theddid għas-saħħa. Stati Membri differenti, kif ukoll reġjuni individwali, adottaw approċċi epidemjoloġiċi differenti ħafna, b’konsegwenzi negattivi mhux biss għas-saħħa pubblika, iżda wkoll għal konsegwenzi soċjali u ekonomiċi negattivi; |
— |
huwa tal-fehma li r-rappreżentanti tal-Kumitat Ewropew tar-Reġjuni (KtR), li jirrappreżenta l-awtoritajiet lokali u reġjonali mill-Istati Membri kollha tal-UE, għandhom ikunu involuti bħala osservaturi fil-ħidma tat-timijiet, il-kumitati u t-task forces stabbiliti fil-livell tal-UE biex jindirizzaw l-emerġenzi tas-saħħa pubblika, b’mod partikolari l-Kumitat Konsultattiv dwar l-emerġenzi tas-saħħa pubblika; |
— |
jappella sabiex jiġu introdotti strumenti effikaċi għall-koordinazzjoni bejn ir-reġjuni tal-fruntiera, inklużi dawk li jinsabu fil-fruntieri esterni tal-UE, u jipproponi l-istabbiliment ta’ gruppi ta’ kuntatt interreġjonali u transkonfinali; |
— |
jinnota li, għalkemm il-politika tas-saħħa tibqa’ kompetenza primarja tal-Istati Membri, f’konformità mal-prinċipju tas-sussidjarjetà, huwa meħtieġ li titnieda riflessjoni biex jiġu approfonditi l-kompetenzi tal-UE fil-qasam tas-saħħa (Artikolu 168 tat-TFUE) matul id-dibattitu dwar il-futur tal-Ewropa sabiex, b’solidarjetà, jiġi indirizzat theddid transkonfinali serju għas-saħħa fl-Unjoni Ewropea, waqt li jitqiesu l-istrutturi sottonazzjonali differenti fil-qasam tas-saħħa u l-kompetenzi differenti tal-awtoritajiet tas-saħħa fl-Istati Membri individwali. Dawn il-kompetenzi l-ġodda għandhom, fost l-oħrajn, jippermettu lill-Kummissjoni tirrikonoxxi formalment emerġenza tas-saħħa pubblika fil-livell tal-Unjoni; |
— |
ifakkar li l-pandemija tal-COVID-19 kienet akkumpanjata minn restrizzjonijiet importanti għal-libertà ta’ moviment fl-Unjoni Ewropea; |
I. RAKKOMANDAZZJONIJIET SABIEX JITRESSQU EMENDI
A. Proposta għal Regolament tal-Parlament Ewropew u tal-Kunsill dwar theddid transkonfinali serju għas-saħħa u li jħassar id-Deċiżjoni Nru 1082/2013/UE
Emenda 1
Artikolu 5
Test propost mill-Kummissjoni Ewropea |
Emenda tal-KtR |
||||
1. Il-Kummissjoni, f’kooperazzjoni mal-Istati Membri u mal-aġenziji rilevanti tal-Unjoni, għandha tistabbilixxi pjan tal-Unjoni għall-kriżi tas-saħħa u għall-pandemija (“il-pjan tal-Unjoni ta’ tħejjija u rispons”) biex tippromwovi rispons effettiv u koordinat għal theddid għas-saħħa transkonfinali fil-livell tal-Unjoni. |
1. Il-Kummissjoni, f’kooperazzjoni mal-Istati Membri u mal-aġenziji rilevanti tal-Unjoni, għandha tistabbilixxi pjan tal-Unjoni għall-kriżi tas-saħħa u għall-pandemija (“il-pjan tal-Unjoni ta’ tħejjija u rispons”) biex tippromwovi rispons effettiv u koordinat għal theddid għas-saħħa transkonfinali fil-livell tal-Unjoni. |
||||
2. Il-pjan tal-Unjoni ta’ tħejjija u rispons għandu jikkumplimenta l-pjanijiet nazzjonali ta’ tħejjija u rispons stabbiliti f’konformità mal-Artikolu 6. |
2. Il-pjan tal-Unjoni ta’ tħejjija u rispons għandu jikkumplimenta l-pjanijiet nazzjonali ta’ tħejjija u rispons stabbiliti f’konformità mal-Artikolu 6. |
||||
3. Il-pjan tal-Unjoni ta’ tħejjija u rispons għandu, b’mod partikolari, jinkludi arranġamenti għall-governanza, għall-kapaċitajiet u għar-riżorsi għal: |
3. Il-pjan tal-Unjoni ta’ tħejjija u rispons għandu, b’mod partikolari, jinkludi arranġamenti għall-governanza, għall-kapaċitajiet u għar-riżorsi għal: |
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
4. Il-pjan tal-Unjoni ta’ tħejjija u rispons għandu jinkludi elementi ta’ tħejjija interreġjonali sabiex jiġu stabbiliti miżuri tas-saħħa pubblika transkonfinali koerenti, multisettorjali, b’mod partikolari billi jitqiesu l-kapaċitajiet għall-ittestjar, għat-traċċar tal-kuntatti, għal-laboratorji, u għal trattament speċjalizzat jew għal kura intensiva fir-reġjuni ġirien. Il-pjanijiet għandhom jinkludu mezzi ta’ tħejjija u rispons biex tiġi indirizzata s-sitwazzjoni ta’ dawk iċ-ċittadini b’riskji ogħla. |
4. Il-pjan tal-Unjoni ta’ tħejjija u rispons għandu jinkludi elementi ta’ tħejjija interreġjonali sabiex jiġu stabbiliti miżuri tas-saħħa pubblika transkonfinali koerenti, multisettorjali, b’mod partikolari billi jitqiesu l-kapaċitajiet għall-ittestjar, għat-traċċar tal-kuntatti, għal-laboratorji, u għal trattament speċjalizzat jew għal kura intensiva fir-reġjuni ġirien. Ir-reġjuni għandhom ikunu involuti bis-sħiħ fil-livell politiku fit-tfassil u l-implimentazzjoni ta’ dawn il-pjanijiet. Il-pjanijiet għandhom jinkludu mezzi ta’ tħejjija u rispons biex tiġi indirizzata s-sitwazzjoni ta’ dawk iċ-ċittadini b’riskji ogħla. |
||||
5. Sabiex tiżgura t-tħaddim tal-pjan tal-Unjoni ta’ tħejjija u rispons, il-Kummissjoni għandha twettaq testijiet tal-istress, eżerċizzji u analiżi ta’ azzjoni u ta’ wara l-azzjoni mal-Istati Membri, u taġġorna l-pjan kif meħtieġ. |
5. Sabiex tiżgura t-tħaddim tal-pjan tal-Unjoni ta’ tħejjija u rispons, il-Kummissjoni għandha twettaq testijiet tal-istress, eżerċizzji u analiżi ta’ azzjoni u ta’ wara l-azzjoni mal-Istati Membri, u taġġorna l-pjan kif meħtieġ. |
Emenda 2
Artikolu 6
Pjanijiet nazzjonali ta’ tħejjija u rispons
Test propost mill-Kummissjoni Ewropea |
Emenda tal-KtR |
1. Fit-tħejjija tal-pjanijiet nazzjonali ta’ tħejjija u rispons kull Stat Membru għandu jikkoordina mal-Kummissjoni sabiex tintlaħaq konsistenza mal-pjan tal-Unjoni ta’ tħejjija u rispons, jinforma wkoll mingħajr dewmien lill-Kummissjoni u lill-HSC bi kwalunkwe reviżjoni sostanzjali tal-pjan nazzjonali. |
1. Fit-tħejjija tal-pjanijiet nazzjonali ta’ tħejjija u rispons kull Stat Membru għandu jikkoordina mal-Kummissjoni sabiex tintlaħaq konsistenza mal-pjan tal-Unjoni ta’ tħejjija u rispons, jinforma wkoll mingħajr dewmien lill-Kummissjoni u lill-HSC bi kwalunkwe reviżjoni sostanzjali tal-pjan nazzjonali. Fejn applikabbli u fejn l-awtoritajiet lokali u reġjonali għandhom responsabbiltajiet importanti tas-saħħa pubblika fil-kuntest tas-sistemi tas-saħħa nazzjonali, il-pjanijiet nazzjonali għandhom jinkludu pjanijiet ta’ tħejjija u ta’ rispons sottonazzjonali. 2. Il-pjanijiet nazzjonali ta’ tħejjija u ta’ rispons għandhom jispeċifikaw jekk il-gruppi ta’ kuntatt transkonfinali interreġjonali jistgħux jew għandhomx jiġu stabbiliti f’żoni tal-fruntiera biex iħejju u jikkoordinaw azzjonijiet fir-reġjuni fuq iż-żewġ naħat tal-fruntiera f’każ ta’ theddida għas-saħħa. |
Raġuni
L-involviment tar-reġjuni mhuwiex għażla fir-rigward tal-kompetenzi fil-livell reġjonali.
Spjega tal-bidliet proposti
Evidenti.
Emenda 3
Artikolu 7
Rapportar dwar l-ippjanar għat-tħejjija u għar-rispons
Test propost mill-Kummissjoni Ewropea |
Emenda tal-KtR |
||||
|
|
||||
Ir-rapport għandu jinkludi, kull meta jkun rilevanti, elementi ta’ tħejjija u rispons interreġjonali f’konformità mal-pjanijiet tal-Unjoni u dawk nazzjonali, li jkopru b’mod partikolari l-kapaċitajiet, ir-riżorsi u l-mekkaniżmi ta’ koordinazzjoni eżistenti fir-reġjuni ġirien. |
Ir-rapport għandu jinkludi, kull meta jkun rilevanti, elementi ta’ tħejjija u rispons interreġjonali u transkonfinali f’konformità mal-pjanijiet tal-Unjoni u dawk nazzjonali, li jkopru b’mod partikolari l-kapaċitajiet, ir-riżorsi u l-mekkaniżmi ta’ koordinazzjoni eżistenti fir-reġjuni ġirien. L-awtoritajiet reġjonali u lokali għandhom ikunu involuti fit-tħejjija ta’ rapporti dwar kwistjonijiet relatati mal-kompetenzi tagħhom, b’mod partikolari dawk imsemmija fil-punt (c). |
||||
2. Il-Kummissjoni għandha tqiegħed għad-dispożizzjoni tal-HSC l-informazzjoni li tirċievi f’konformità mal-paragrafu 1 f’rapport imħejji b’kooperazzjoni mal-ECDC u mal-aġenziji u mal-korpi rilevanti oħra tal-Unjoni kull sentejn. |
2. Il-Kummissjoni għandha tqiegħed għad-dispożizzjoni tal-HSC l-informazzjoni li tirċievi f’konformità mal-paragrafu 1 f’rapport imħejji b’kooperazzjoni mal-ECDC u mal-aġenziji u mal-korpi rilevanti oħra tal-Unjoni kull sentejn. |
||||
Ir-rapport għandu jinkludi profili tal-pajjiżi għall-monitoraġġ tal-progress u għall-iżvilupp ta’ pjani ta’ azzjoni biex jiġu indirizzati n-nuqqasijiet identifikati fil-livell nazzjonali. |
Ir-rapport għandu jinkludi profili tal-pajjiżi għall-monitoraġġ tal-progress u għall-iżvilupp ta’ pjanijiet ta’ azzjoni biex jiġu indirizzati n-nuqqasijiet identifikati fil-livell nazzjonali jew sottonazzjonali . |
Emenda 4
Artikolu 9
Rapport tal-Kummissjoni dwar l-ippjanar għat-tħejjija
Test propost mill-Kummissjoni Ewropea |
Emenda tal-KtR |
1. Abbażi tal-informazzjoni pprovduta mill-Istati Membri f’konformità mal-Artikolu 7, u tar-riżultati tal-awditi msemmija fl-Artikolu 8, il-Kummissjoni għandha sa Lulju 2022 u kull sentejn wara, tibgħat lill-Parlament Ewropew u lill-Kunsill rapport dwar is-sitwazzjoni attwali u l-progress dwar l-ippjanar għat-tħejjija u għar-rispons fil-livell tal-Unjoni. |
1. Abbażi tal-informazzjoni pprovduta mill-Istati Membri f’konformità mal-Artikolu 7, u tar-riżultati tal-awditi msemmija fl-Artikolu 8, il-Kummissjoni għandha sa Lulju 2022 u kull sentejn wara, tibgħat lill-Parlament Ewropew u lill-Kunsill kif ukoll lill-Kumitat Ewropew tar-Reġjuni rapport dwar is-sitwazzjoni attwali u l-progress dwar l-ippjanar għat-tħejjija u għar-rispons fil-livell tal-Unjoni. |
Emenda 5
Artikolu 10
Koordinazzjoni tal-ippjanar għat-tħejjija u għar-rispons fl-HSC
Punt ġdid (f)
Test propost mill-Kummissjoni Ewropea |
Emenda tal-KtR |
||
|
|
Raġuni
Il-komponent reġjonali tal-ħidma tal-Kumitat għas-Sigurtà tas-Saħħa (HSC) jippermetti l-integrazzjoni mingħajr xkiel tar-reġjuni tal-fruntiera fir-rispons għall-kriżijiet u jgħin biex jiġi evitat in-nuqqas ta’ komunikazzjoni osservat f’numru ta’ okkażjonijiet fil-pandemija tal-COVID-19 fl-2020.
Emenda 6
Artikolu 11
Taħriġ tal-persunal tal-kura tas-saħħa u tal-persunal tas-saħħa pubblika
Test propost mill-Kummissjoni Ewropea |
Emenda tal-KtR |
2. L-attivitajiet ta’ taħriġ imsemmija fil-paragrafu 1 għandhom jimmiraw li jipprovdu lill-persunal imsemmi f’dak il-paragrafu bl-għarfien u bil-ħiliet meħtieġa b’mod partikolari biex jiżviluppaw u jimplimentaw il-pjanijiet nazzjonali ta’ tħejjija msemmija fl-Artikolu 6, jimplimentaw attivitajiet biex tissaħħaħ it-tħejjija għall-kriżijiet u għall-kapaċitajiet ta’ sorveljanza inkluż l-użu ta’ għodod diġitali. |
2. L-attivitajiet ta’ taħriġ imsemmija fil-paragrafu 1 għandhom jimmiraw li jipprovdu lill-persunal imsemmi f’dak il-paragrafu bl-għarfien u bil-ħiliet meħtieġa b’mod partikolari biex jiżviluppaw u jimplimentaw il-pjanijiet nazzjonali ta’ tħejjija msemmija fl-Artikolu 6, jimplimentaw attivitajiet biex tissaħħaħ it-tħejjija għall-kriżijiet u għall-kapaċitajiet ta’ sorveljanza inkluż l-użu ta’ għodod diġitali. L-attivitajiet ta’ taħriġ għandhom ikunu mmirati wkoll lejn l-awtoritajiet lokali u reġjonali b’kompetenzi fil-qasam tal-kura tas-saħħa sabiex jappoġġjaw il-bini tal-kapaċità fil-livell sottonazzjonali. |
[…] |
[…] |
5. Il-Kummissjoni tista’ tappoġġa l-organizzazzjoni ta’ programmi, f’kooperazzjoni mal-Istati Membri, għall-iskambju ta’ persunal fil-qasam tal-kura tas-saħħa u persunal fis-settur tas-saħħa pubblika bejn żewġ Stati Membri jew aktar u għall-issekondar temporanju ta’ persunal minn Stat Membru għall-ieħor. |
5. Il-Kummissjoni tista’ tappoġġa l-organizzazzjoni ta’ programmi, f’kooperazzjoni mal-Istati Membri, għall-iskambju ta’ persunal fil-qasam tal-kura tas-saħħa u persunal fis-settur tas-saħħa pubblika bejn żewġ Stati Membri jew aktar u għall-issekondar temporanju ta’ persunal minn Stat Membru għall-ieħor. Tali miżuri għandhom jittieħdu b’mod partikolari f’reġjuni tal-fruntiera fejn l-awtoritajiet reġjonali u lokali għandhom kompetenzi sinifikanti fil-qasam tal-kura tas-saħħa, inkluż permezz tat-taħriġ tal-persunal ta’ gruppi ta’ kuntatt interreġjonali u transkonfinali. |
Raġuni
Minkejja d-differenzi fid-diviżjoni tal-kompetenzi bejn l-Istati Membri individwali, l-awtoritajiet lokali u reġjonali spiss ikunu involuti kemm fil-ġestjoni tal-isptarijiet lokali kif ukoll fil-protezzjoni ċivili. Madankollu, huma neqsin minn taħriġ u kapaċitajiet speċifiċi. Hemm bżonn urġenti ta’ taħriġ immirat għas-servizzi muniċipali li ta’ spiss ikollhom nuqqas ta’ persunal. Dan se jippermetti ħinijiet iqsar ta’ rispons u azzjoni aktar effettiva.
Emenda 7
Artikolu 13(8)
Sorveljanza epidemjoloġika
Test propost mill-Kummissjoni Ewropea |
Emenda tal-KtR |
8. Kull Stat Membru għandu jinnomina l-awtoritajiet kompetenti responsabbli fi ħdan l-Istat Membru għas-sorveljanza epidemjoloġika kif imsemmi fil-paragrafu 1. |
8. Kull Stat Membru għandu jinnomina l-awtoritajiet kompetenti responsabbli fi ħdan l-Istat Membru għas-sorveljanza epidemjoloġika kif imsemmi fil-paragrafu 1. Dan il-monitoraġġ għandu jiġi żviluppat ukoll fil-livell territorjali, b’mod partikolari permezz ta’ statistika reġjonali. |
Raġuni
Evidenti.
Emenda 8
Artikolu 19(3)
Notifika ta’ twissija
Test propost mill-Kummissjoni Ewropea |
Emenda tal-KtR |
||||
Meta jinnotifikaw twissija, l-awtoritajiet nazzjonali kompetenti u l-Kummissjoni għandhom jikkomunikaw minnufih permezz tal-EWRS kwalunkwe informazzjoni rilevanti disponibbli fil-pussess tagħhom li tista’ tkun utli fil-koordinazzjoni tar-rispons bħal: |
Meta jinnotifikaw twissija, l-awtoritajiet nazzjonali kompetenti u l-Kummissjoni għandhom jikkomunikaw minnufih permezz tal-EWRS kwalunkwe informazzjoni rilevanti disponibbli fil-pussess tagħhom li tista’ tkun utli fil-koordinazzjoni tar-rispons bħal: |
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
||||
|
|
Raġuni
Evidenti.
B. Proposta għal Regolament tal-Parlament Ewropew u tal-Kunsill li jemenda r-Regolament (KE) Nru 851/2004 li jistabbilixxi Ċentru Ewropew għall-prevenzjoni u l-kontroll tal-mard
Emenda 9
Artikolu 3
Missjonijiet u kompiti taċ-Ċentru
Test propost mill-Kummissjoni Ewropea |
Emenda tal-KtR |
||||
|
|
Raġuni
Waqt il-pandemija tal-COVID-19, f’ċerti perjodi r-reġjuni tal-fruntiera u ċ-ċentri tat-trasport ma rċevewx gwida qabel ma daħlu fis-seħħ il-miżuri nazzjonali. Il-ħruġ bikri tal-linji gwida mill-ECDC, anke jekk ikunu informali u mhux vinkolanti, jiffaċilita rispons konġunt rapidu fil-livell lokali u reġjonali madwar l-UE, anke qabel jidħlu fis-seħħ il-miżuri nazzjonali speċifiċi.
Emenda 10
Artikolu 5
Tħaddim tan-networks iddedikati u l-attivitajiet tan-networks
Test propost mill-Kummissjoni Ewropea |
Emenda tal-KtR |
||
|
|
Raġuni
Is-sejħa għall-ġbir tad-data mill-ECDC fil-livell sottonazzjonali toriġina mill-esperjenza tal-pandemija tal-COVID-19: f’ċerti reġjuni, is-sitwazzjoni epidemjoloġika fil-livell reġjonali kienet differenti mill-medja fil-livell nazzjonali jew mis-sitwazzjoni fir-reġjuni ġirien.
Emenda 11
Artikolu 5b
Ippjanar tat-tħejjija u tar-rispons
Test propost mill-Kummissjoni Ewropea |
Emenda tal-KtR |
||||
|
|
Raġuni
Ir-reġjuni b’kompetenzi tas-saħħa importanti rrispondew għall-pandemija tal-COVID-19 permezz tal-ippjanar u r-riżorsi proprji tagħhom. Linji gwida u verifiki indipendenti setgħu ffaċilitaw l-iskambju ta’ informazzjoni u tejbu l-kwalità tar-rispons fil-bidu.
Emenda 12
Artikolu 5b
Ippjanar tat-tħejjija u tar-rispons
Test propost mill-Kummissjoni Ewropea |
Emenda tal-KtR |
||
|
|
Raġuni
Ir-reġjuni b’kompetenzi tas-saħħa importanti rrispondew għall-pandemija tal-COVID-19 permezz tal-ippjanar u r-riżorsi proprji tagħhom. Linji gwida u verifiki indipendenti setgħu ffaċilitaw l-iskambju ta’ informazzjoni u tejbu l-kwalità tar-rispons fil-bidu.
Emenda 13
Artikolu 8
Tħaddim tas-sistema ta’ twissija bikrija u ta’ rispons
Test propost mill-Kummissjoni Ewropea |
Emenda tal-KtR |
|
6. Iċ-Ċentru għandu jikkoordina mill-qrib kemm jista’ jkun mal-gruppi reġjonali ta’ kuntatt transkonfinali dwar kwistjonijiet tas-saħħa. |
Raġuni
In-nuqqas ta’ opportunitajiet ta’ skambju għamilha diffiċli għar-reġjuni tal-fruntiera biex jirreaġixxu b’mod adatt matul il-kriżi. Gruppi ta’ kuntatt transkonfinali konġunti li jaqsmu l-informazzjoni mal-ECDC u mal-awtoritajiet fil-livelli kollha jippermettu lill-awtoritajiet kompetenti jieħdu deċiżjonijiet infurmati.
II. RAKKOMANDAZZJONIJIET TA’ POLITIKA
A. Proposta għal Regolament tal-Parlament Ewropew u tal-Kunsill dwar theddid transkonfinali serju għas-saħħa u li jħassar id-Deċiżjoni Nru 1082/2013/UE
IL-KUMITAT EWROPEW TAR-REĠJUNI
1. |
jenfasizza li l-Artikolu 168 tat-Trattat dwar il-Funzjonament tal-Unjoni Ewropea (TFUE) jiddikjara li “livell għoli ta’ ħarsien tas-saħħa fiżika u mentali għandu jkun assigurat fid-definizzjoni u l-implimentazzjoni tal-istrateġiji u l-attivitajiet kollha tal-Unjoni” u li, skont l-Artikolu 196 tat-TFUE, “l-Unjoni għandha tinkoraġġixxi l-koperazzjoni bejn l-Istati Membri sabiex issaħħaħ l-effettività ta’ sistemi ta’ prevenzjoni ta’ diżastri naturali jew ikkaġunati mill-bniedem u ta’ protezzjoni minnhom”; |
2. |
ifakkar fl-impenn li ħa fl-Opinjoni tiegħu dwar il-Programm għall-azzjoni tal-Unjoni fil-qasam tas-saħħa sabiex “jipprijoritizza s-saħħa fil-livell Ewropew u jappoġġja l-awtoritajiet lokali u reġjonali fil-ġlieda kontra l-kanċer u l-epidemiji ta’ mard fil-kooperazzjoni transfruntiera dwar is-saħħa u fl-immodernizzar tas-sistemi tas-saħħa”; |
3. |
ifakkar fil-prinċipju ta’ “saħħa waħda” li jfisser li s-saħħa hija suġġett orizzontali li għandu jiġi integrat fl-oqsma u l-azzjonijiet kollha tal-politika tal-Unjoni Ewropea; |
4. |
iqis il-programm ta’ ħidma tal-Kummissjoni Ewropea ppubblikat fid-29 ta’ Jannar 2020, li jiddikjara li l-istil ta’ ħajja Ewropew ifisser li “insibu soluzzjonijiet komuni għall-isfidi kondiviżi u nħejju lin-nies bil-ħiliet li jeħtieġu, u ninvestu f’saħħithom u l-benesseri tagħhom”; |
5. |
jirrimarka li, skont l-Artikolu 1 tad-Direttiva 2011/24/UE tal-Parlament Ewropew u tal-Kunsill (1), għandhom jittieħdu miżuri biex jiġi ffaċilitat l-aċċess għal kura tas-saħħa transkonfinali sigura u ta’ kwalità għolja u biex tiġi promossa l-kooperazzjoni bejn l-Istati Membri fil-qasam tas-saħħa, b’rispett sħiħ tal-kompetenzi nazzjonali għall-organizzazzjoni u l-għoti ta’ servizzi tas-saħħa; |
6. |
jirrimarka li, skont stħarriġ tal-Ewrobarometru tal-2017, aktar minn 70 % tal-Ewropej jistennew li l-UE tinvolvi ruħha aktar fis-saħħa. Illum, aktar minn qatt qabel, dan huwa tħassib fundamentali taċ-ċittadini tal-UE, li bir-raġun jistennew li l-UE tassumi rwol aktar attiv f’dan il-qasam; |
7. |
jenfasizza li t-tagħlimiet meħuda mill-kriżi tal-COVID-19 jipprovdu opportunità għall-UE biex toħloq qafas interreġjonali aħjar għall-monitoraġġ u l-indirizzar ta’ theddid transkonfinali għas-saħħa għaċ-ċittadini tal-UE; |
8. |
jirrimarka li, minbarra l-ġlieda kontra l-pandemija, l-UE qed tħabbat wiċċha mal-problema serja tal-inugwaljanzi fis-sistema tas-saħħa u nuqqas permanenti ta’ persunal mediku f’xi partijiet, li teħtieġ ukoll l-attenzjoni tagħna; |
9. |
jinsab imħasseb li l-proposta ma tqisx kif dovut il-livell reġjonali u lokali, u jqis li l-kwistjonijiet transkonfinali huma indirizzati mill-perspettiva tal-fruntieri nazzjonali u mhux mill-perspettiva tal-ħtiġijiet speċifiċi tar-reġjuni tal-fruntiera; |
It-tisħiħ tar-rwol tal-awtoritajiet lokali u reġjonali fl-ippjanar u t-tħejjija tar-rispons
10. |
jiġbed l-attenzjoni għall-fatt li 19 minn 27 Stat Membru għażlu li jagħtu r-responsabbiltà primarja fil-qasam tal-saħħa, il-kura u s-saħħa pubblika lill-awtoritajiet lokali u reġjonali, u għalhekk jappella lil dawk l-awtoritajiet lokali u reġjonali biex ikunu involuti bis-sħiħ fl-iżvilupp tal-pjani nazzjonali ta’ tħejjija u ta’ rispons kif ukoll involuti fl-evalwazzjoni u fit-tħejjija tar-rispons; |
11. |
jirrimarka li jeħtieġ li jiġu identifikati mekkaniżmi ta’ implimentazzjoni fil-livell reġjonali. L-implimentazzjoni effettiva tal-pjanijiet nazzjonali ta’ tħejjija u ta’ rispons tiddependi fuq il-grad ta’ involviment tal-gvernijiet nazzjonali fil-livell reġjonali; |
12. |
jilqa’ l-proposta tal-Kummissjoni Ewropea li torganizza testijiet tal-istress tas-sistemi tas-saħħa fl-Istati Membri sabiex jiġi żgurat il-funzjonament tal-pjan ta’ tħejjija u ta’ rispons tal-Unjoni. Ifakkar li dawn it-testijiet tal-istress għandhom jinvolvu bis-sħiħ, skont il-kompetenzi tagħhom, ir-reġjuni u l-bliet fl-Istati Membri kkonċernati; |
13. |
jilqa’ l-proposta tal-Kummissjoni biex jiġi organizzat taħriġ lill-persunal tal-kura tas-saħħa bħala parti mill-iżvilupp u l-implimentazzjoni tal-pjanijiet ta’ tħejjija nazzjonali, bl-għan li tingħata spinta lit-tħejjija għall-kriżijiet, inkluż permezz tal-użu ta’ għodod diġitali; iqis, madankollu, li tali taħriġ għandu jingħata wkoll lill-persunal tal-awtoritajiet lokali u reġjonali responsabbli għall-kwistjonijiet tas-saħħa, peress li dawn għandhom responsabbiltà kbira għas-saħħa pubblika; |
14. |
jirrimarka li l-miżuri minn fuq għal isfel għandhom ikunu kkombinati b’mod flessibbli mal-għarfien espert u l-azzjoni fil-livell lokali u reġjonali; |
15. |
jenfasizza li r-reżiljenza tista’ tissaħħaħ b’mod aktar effettiv jekk in-nies u l-awtoritajiet lokali jkunu involuti. Għandhom jiġu involuti wkoll il-professjonisti, li jista’ jkun li jkollhom perspettiva differenti minn dik tal-leġiżlaturi; |
16. |
jiġbed l-attenzjoni għall-kwistjoni tal-edukazzjoni u s-sensibilizzazzjoni tal-pubbliku ġenerali dwar kwistjonijiet tas-saħħa pubblika. L-awtoritajiet lokali u reġjonali għandhom rwol ewlieni x’jaqdu f’dan ir-rigward; |
17. |
jinsisti fuq il-ħtieġa li jiġu appoġġjati l-konnettività u t-taħriġ diġitali fil-faċilitajiet tas-saħħa reġjonali u li tiġi promossa t-telemediċina, sabiex tiġi żgurata kura aktar effettiva bis-saħħa ta’ ċentri “intelliġenti” u timijiet multidixxiplinari mobbli; |
Reġjuni tal-fruntiera
18. |
jiġbed l-attenzjoni dwar ir-rwol speċjali u l-isfidi partikolari li jaffaċċjaw ir-reġjuni tul il-fruntieri interni u esterni tal-UE, li l-mudelli tagħhom tal-kooperazzjoni fil-qasam tas-saħħa fost ir-reġjuni tal-fruntiera ġew żviluppati fuq diversi snin, u jenfasizza l-benefiċċji ta’ arranġamenti bħal dawn għall-komunitajiet lokali; |
19. |
jipproponi li jissaħħu l-miżuri biex jiġu protetti s-sistemi teknoloġiċi tas-saħħa tal-awtoritajiet lokali u reġjonali kontra attakki ċibernetiċi possibbli li jistgħu jipperikolaw il-funzjonament proprju tas-sistemi tas-saħħa tal-Istati Membri. Hemm bżonn ta’ ppjanar ikkoordinat u konsulenza ċentralizzata biex jissaħħu s-sistemi li huma essenzjali f’sitwazzjonijiet normali, iżda aktar u aktar f’sitwazzjonijiet ta’ pandemija; |
20. |
jirrimarka, barra minn hekk, li l-kriżi attwali żvelat it-theddid eżistenti għall-kura tas-saħħa transkonfinali u li ħolqot ostakli ġodda għall-kooperazzjoni bejn ir-reġjuni. Id-differenzi fil-kompetenzi u d-diffikultajiet amministrattivi li jirriżultaw minn dispożizzjonijiet leġiżlattivi diverġenti saru sfidi sinifikanti biex tintlaħaq ġestjoni tas-saħħa aktar effettiva u mtejba fir-reġjuni tal-fruntiera; |
21. |
jitlob l-adozzjoni rapida ta’ soluzzjonijiet legali adatti, sistema ta’ inċentivi u l-promozzjoni tal-aħjar prattiki sabiex tittejjeb b’mod sostenibbli l-kooperazzjoni bejn ir-reġjuni tal-fruntiera fil-qasam tal-kura tas-saħħa. Dan għandu jsir b’mod partikolari billi titqies il-possibbiltà jew il-ħtieġa li jitwaqqfu gruppi ta’ kuntatt interreġjonali u transkonfinali, fil-qafas tal-pjanijiet nazzjonali ta’ tħejjija u ta’ rispons, li jkunu responsabbli sabiex iħejju u jikkoordinaw miżuri fil-każ ta’ theddid għas-saħħa fir-reġjuni fuq iż-żewġ naħat tal-fruntiera; |
22. |
jenfasizza li l-pazjenti li jfittxu kura tas-saħħa barra mill-pajjiż jagħmlu dan prinċipalment fir-reġjun ġar u, għaldaqstant, il-kooperazzjoni bejn ir-reġjuni tal-fruntiera hija kundizzjoni essenzjali għas-suċċess; |
23. |
jipproponi li jinħoloq l-“istatus” ta’ professjonist tal-kura tas-saħħa transkonfinali sabiex tiġi ffaċilitata l-mobbiltà tal-professjonisti tal-kura tas-saħħa; jipproponi li, sabiex tiġi ffaċilitata l-mobbiltà tal-professjonisti tal-kura u tas-saħħa fl-Ewropa, huwa essenzjali li tissaħħaħ is-sistema ta’ rikonoxximent reċiproku tal-kwalifiki professjonali u li jiġu promossi strutturi ta’ taħriġ uniformi; |
24. |
jistieden lill-Kummissjoni, għalhekk, tressaq proposta biex tiżgura l-permeabbiltà minima tal-fruntieri u b’hekk, b’mod relatat, il-kooperazzjoni transfruntiera fil-qasam tas-saħħa, sabiex il-provvista tas-servizzi f’dan il-qasam tkun tista’ tinżamm u, jekk ikun meħtieġ, tissaħħaħ, anke f’sitwazzjonijiet ta’ kriżi bħal ma kien, u għadu, il-każ tal-pandemija tal-COVID-19; |
25. |
iħeġġeġ favur il-konklużjoni ta’ ftehimiet ta’ kooperazzjoni permanenti bejn l-awtoritajiet kompetenti f’livelli nazzjonali differenti fil-qasam tas-saħħa sabiex jiġi żgurat l-iskambju ta’ pazjenti f’sitwazzjonijiet ta’ kriżi. Ftehimiet bħal dawn għandhom iqisu wkoll il-fatt li l-UE għandha fruntieri ma’ pajjiżi terzi. |
B. Proposta għal Regolament tal-Parlament Ewropew u tal-Kunsill li jemenda r-Regolament (KE) Nru 851/2004 li jistabbilixxi Ċentru Ewropew għall-prevenzjoni u l-kontroll tal-mard
IL-KUMITAT EWROPEW TAR-REĠJUNI
26. |
jilqa’ l-proposta għal mandat konsolidat taċ-Ċentru Ewropew għall-Prevenzjoni u l-Kontroll tal-Mard (ECDC), kif diġà talab fl-Opinjoni tiegħu dwar Mekkaniżmu tal-UE għall-Emerġenzi tas-Saħħa; |
27. |
iqis li t-twessigħ tal-mandat tal-ECDC huwa kruċjali sabiex jiġu żviluppati miżuri strateġiċi fil-livell tal-UE biex jiġi indirizzat it-theddid transkonfinali għas-saħħa; |
28. |
jirrakkomanda li l-ECDC, bħala parti mill-mandat il-ġdid tiegħu, jiġbor data fil-livell sottonazzjonali u jtejjeb il-kooperazzjoni bejn ir-reġjuni tal-fruntiera u ċ-ċentri ta’ tranżitu f’sitwazzjonijiet li jinvolvu theddid transkonfinali għas-saħħa; |
29. |
jenfasizza li kooperazzjoni mill-qrib mal-ECDC se tikkontribwixxi għat-titjib fl-ippjanar tat-tħejjija u tar-rispons, ir-rappurtar u l-awditjar fi ħdan l-awtoritajiet lokali u reġjonali, speċjalment fir-reġjuni tal-fruntiera; jappella wkoll għall-adozzjoni ta’ dispożizzjonijiet adatti li jippermettu li l-awtoritajiet reġjonali jorganizzaw miżuri ta’ rispons u koordinazzjoni transkonfinali rapidi f’każ ta’ pandemija; |
30. |
jittama li l-ECDC jagħmel rakkomandazzjonijiet mhux vinkolanti u proposti għall-ġestjoni tar-riskju, b’mod partikolari fir-rigward tar-reġjuni tal-fruntiera; |
31. |
jenfasizza l-importanza tal-kapaċità li tiġi mobilizzata u skjerata t-Task-Force tas-Saħħa tal-UE biex tappoġġja r-rispons fuq il-post fl-Istati Membri; |
32. |
jirrimarka li kooperazzjoni mill-qrib bejn il-punti ta’ kuntatt operazzjonali fl-Istati Membri u l-awtoritajiet kompetenti li jissorveljaw l-istituzzjonijiet tas-saħħa fil-livell lokali u reġjonali tista’ żżid b’mod sinifikanti l-effettività tas-sorveljanza epidemjoloġika; |
33. |
jenfasizza li l-faċilitajiet tas-saħħa għandhom l-aktar għarfien aġġornat, bħal bażijiet ta’ data dwar is-sitwazzjoni epidemjoloġika; jitlob, għalhekk, li l-awtoritajiet lokali u reġjonali li jissorveljaw dawn l-entitajiet jiġu involuti fit-tfassil u l-implimentazzjoni ta’ sistemi armonizzati għall-għoti ta’ din l-informazzjoni; |
34. |
jinsisti fuq il-ħtieġa li l-Istati Membri jaqblu dwar protokoll statistiku komuni li jippermetti l-komparabbiltà tad-data dwar l-impatt tal-kriżi tal-COVID-19 u tal-pandemiji tal-ġejjieni. Dan il-protokoll, li għandu jiġi żviluppat taħt l-awtorità konġunta tal-ECDC u l-Eurostat, jista’ jiddependi minn data pprovduta fil-livell tan-NUTS-2 biex jiffaċilita rispons ta’ politika li jintegra l-użu tal-Fondi Strutturali u ta’ Investiment Ewropej; |
35. |
iqis li l-ECDC jista’ jiżgura sorveljanza epidemjoloġika permezz ta’ sistemi integrati li jippermettu monitoraġġ f’ħin reali permezz tal-użu ta’ teknoloġiji moderni u ta’ applikazzjonijiet ta’ mudellar disponibbli attivati bl-intelliġenza artifiċjali. |
Brussell, is-7 ta’ Mejju 2021.
Apostolos TZITZIKOSTAS
Il-President tal-Kumitat Ewropew tar-Reġjuni
(1) Id-Direttiva 2011/24/UE tal-Parlament Ewropew u tal-Kunsill tad-9 ta’ Marzu 2011 dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali (ĠU L 88, 4.4.2011, p. 45).