“Dawn is-subintestaturi jinkludu l-hekk imsejħa ‘basktijiet għall-ħwejjeġ’ maħsuba għat-trasport tal-ħwejjeġ. Dawn il-basktijiet huma magħmula minn materjali reżistenti u huma adattati biex jintużaw fit-tul. Huma mgħammra b’manku(ijiet) għall-ġarr. Biex jinġarru b’mod aktar faċli, ġeneralment il-basktijiet ikunu jistgħu jintwew u ż-żewġ nofsijiet tagħhom jinqaflu permezz ta’ buttuni, ganċijiet jew żippijiet. Barra mill-fatt li ġeneralment ikollhom żipp fuq quddiem, tipikament ikunu mgħammra b’għeluq, kompartimenti, bwiet, eċċ. addizzjonali.

Madankollu, ‘il-basktijiet għall-ħwejjeġ’ sempliċi li jservu għall-ħżin u/jew għall-protezzjoni u/jew għall-ġarr għal żmien qasir ta’ ħwejjeġ (pereżempju, wara t-tindif fix-xott) huma esklużi (klassifikazzjoni skont il-materjal kostitwenti tagħhom, ġeneralment l-intestatura 3926 jew l-intestatura 6307). Ara wkoll in-nota ta’ Spjegazzjoni tas-SA tal-intestatura 6307 (6). Ġeneralment, dawn il-basktijiet ma jkunux mgħammra b’mankijiet u s-soltu jkollhom biss żipp fuq quddiem biex jitqiegħdu l-ħwejjeġ u fetħa biex tiddaħħal spalliera.”