IL-KUMMISSJONI EWROPEA
Brussell, 4.10.2019
COM(2019) 442 final
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni wara
applikazzjoni mill-Belġju – EGF/2019/001 BE/Carrefour
MEMORANDUM TA’ SPJEGAZZJONI
KUNTEST TAL-PROPOSTA
1.Ir-regoli applikabbli għall-kontribuzzjonijiet finanzjarji mill-Fond Ewropew ta’ Aġġustament għall-Globalizzazzjoni (FEG) huma stabbiliti fir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 (ir-“Regolament tal-FEG”).
2.Fl-20 ta’ Ġunju 2019, il-Belġju ressaq applikazzjoni EGF/2019/001 BE/Carrefour għal kontribuzzjoni finanzjarja mill-FEG, wara li ngħataw is-sensji f’Carrefour Belgique SA fil-Belġju.
3.Wara l-valutazzjoni tagħha ta’ din l-applikazzjoni, il-Kummissjoni kkonkludiet li, skont id-dispożizzjonijiet kollha applikabbli tar-Regolament tal-FEG, il-kundizzjonijiet għall-għoti ta’ kontribuzzjoni finanzjarja mill-FEG ġew issodisfati.
SOMMARJU TAL-APPLIKAZZJONI
Applikazzjoni tal-FEG
|
EGF/2019/001 BE/Carrefour
|
Stat Membru
|
Il-Belġju
|
Reġjuni kkonċernati (il-livell 2 ta’ NUTS)
|
Is-sensji jikkonċernaw lill-Belġju kollu
|
Data tas-sottomissjoni tal-applikazzjoni:
|
20 ta’ Ġunju 2019
|
Data ta’ konferma tal-wasla tal-applikazzjoni:
|
20 ta’ Ġunju 2019
|
Data tat-talba għal informazzjoni addizzjonali
|
4 ta’ Lulju 2019
|
Data ta’ skadenza għall-għoti tal-informazzjoni addizzjonali
|
15 ta’ Awwissu 2019
|
Skadenza għat-tlestija tal-valutazzjoni
|
7 ta’ Novembru 2019
|
Kriterju ta’ intervent
|
L-Artikolu 4(1)(a) tar-Regolament tal-FEG
|
Intrapriża primarja
|
Carreur Belgique S.A.
|
L-għadd ta’ intrapriżi kkonċernati
|
1
|
Settur tal-attività ekonomika
(Diviżjoni tan-NACE Reviżjoni 2)
|
Id-Diviżjoni 47 (Kummerċ bl-imnut, għajr vetturi bil-mutur u muturi)
|
Perjodu ta’ referenza (erba’ xhur):
|
30 ta’ Novembru 2018 – 30 ta’ Marzu 2019
|
L-għadd ta’ sensji matul il-perjodu ta’ referenza (a)
|
751
|
L-għadd ta’ sensji qabel jew wara l-perjodu ta’ referenza (b)
|
268
|
L-għadd totali ta’ sensji (a + b)
|
1 019
|
L-għadd totali ta’ ħaddiema eliġibbli
|
1 019
|
L-għadd totali ta’ ħaddiema fil-mira
|
400
|
L-għadd ta’ żgħażagħ fil-mira barra mill-edukazzjoni, impjieg jew taħriġ (NEETs)
|
330
|
Baġit għas-servizzi personalizzati (f’EUR)
|
2 665 047
|
|
Baġit għall-implimentazzjoni tal-FEG (EUR)
|
55 000
|
|
Baġit totali (EUR)
|
2 720 047
|
|
Kontribuzzjoni tal-FEG (60 %) (EUR)
|
1 632 028
|
|
VALUTAZZJONI TAL-APPLIKAZZJONI
Il-proċedura
4.Fl-20 ta’ Ġunju 2019, il-Belġju ressaq l-applikazzjoni EGF/2019/001 BE/Carrefou fi żmien 12-il ġimgħa mid-data li fiha ġew issodisfati l-kriterji ta’ intervent stabbiliti fl-Artikolu 4 tar-Regolament tal-FEG. Il-Kummissjoni kkonfermat il-wasla tal-applikazzjoni fl-istess jum u talbet informazzjoni addizzjonali mill-Belġju fl-4 ta’ Lulju 2019. Tali informazzjoni addizzjonali ngħatat fi żmien sitt ġimgħat mit-talba. Il-Kummissjoni għandha tiffinalizza l-valutazzjoni tagħha tal-konformità tal-applikazzjoni mal-kundizzjonijiet għall-għoti ta’ kontribuzzjoni finanzjarja, fi żmien l-iskadenza ta’ 12-il ġimgħa minn meta tasal l-applikazzjoni kompluta u li tiskadi fis-7 ta’ Novembru 2019.
Eliġibbiltà tal-applikazzjoni
L-intrapriżi u l-benefiċjarji kkonċernati
5.L-applikazzjoni tikkonċerna 751 ħaddiem li ngħataw is-sensja minn Carrefour Belgique SA. L-intrapriża topera fis-settur ekonomiku kklassifikat taħt id-Diviżjoni 47 Reviżjoni 2 tan-NACE (Kummerċ bl-imnut, għajr ta’ vetturi bil-mutur u muturi). Is-sensji li saru minn Carrefour Belgique jikkonċernaw lill-Belġju kollu.
Il-kriterji ta’ intervent
6.Il-Belġju ressaq l-applikazzjoni skont il-kriterji ta’ intervent tal-Artikolu 4(1)(a) tar-Regolament tal-FEG, li jirrikjedu li tal-inqas 500 ħaddiem ikunu ngħataw is-sensja fuq perjodu ta’ referenza ta’ erba’ xhur f’intrapriża fi Stat Membru, inklużi l-ħaddiema li jkunu ngħataw is-sensja mill-fornituri u mill-produtturi fl-istadju aħħari tal-produzzjoni u/jew persuni li jaħdmu għal rashom li l-attività tagħhom tkun waqfet.
7.Il-perjodu ta’ referenza ta’ erba’ xhur għall-applikazzjoni jibda mit-30 ta’ Novembru 2018 u jintemm fit-30 ta’ Marzu 2019. 751 ħaddiem ingħataw is-sensja minn Carrefour Belgique matul il-perjodu ta’ referenza.
Il-kalkolu tas-sensji u tal-waqfien tal-attività
8.Is-751 sensja kollha tul il-perjodu ta’ referenza ġew ikkalkolati mid-data tat-terminazzjoni de facto tal-kuntratt tal-impjieg jew l-iskadenza tiegħu.
Benefiċjarji eliġibbli
9.Minbarra l-ħaddiema li diġà ssemmew, il-benefiċjarji eliġibbli jinkludu 268 ħaddiem li ngħataw is-sensja qabel jew wara l-perjodu ta’ referenza. Dawn il-ħaddiema ngħataw is-sensja wara t-tħabbira ġenerali tas-sensji mbassrin fil-25 ta’ Jannar 2018. Tista’ tiġi stabbilita rabta kawżali ċara mal-avveniment li wassal għas-sensji matul il-perjodu ta’ referenza.
10.Għaldaqstant, l-għadd totali ta’ benefiċjarji eliġibbli huwa ta’ 1 019.
Rabta bejn is-sensji u l-bidliet strutturali ewlenin fix-xejriet kummerċjali dinjija minħabba l-globalizzazzjoni
11.Il-Belġju jsostni li l-kummerċ bl-imnut għaddej minn perjodu ta’ bidliet kbar, minħabba l-globalizzazzjoni (xiri online), u dan jirriżulta f’sensji. It-tibdil fid-drawwiet tal-konsumaturi u d-diġitalizzazzjoni għandhom ukoll impatt fuq il-kummerċ bl-imnut.
12.Il-bejgħ online mad-dinja kollha ilu jiżdied b’mod stabbli għal bosta snin. Fl-2015, il-bejgħ globali bl-imnut tal-kummerċ elettroniku ammonta għal 7,4 % tan-nefqa totali bl-imnut. Fl-2017, dan laħaq USD 2 382 triljun, li jfisser żieda ta’ 28 % fuq is-sena ta’ qabel u li jammonta għal 10,4 % tal-bejgħ totali bl-imnut madwar id-dinja. Fl-2019, il-bejgħ online madwar id-dinja huwa mistenni li jikber b’20,7 % u jilħaq 14,1 % tal-infiq totali bl-imnut.
Bejgħ bl-imnut tal-kummerċ elettroniku madwar id-dinja 2017-2019
(USD triljuni, bidla % u % tal-bejgħ totali bl-imnut)
|
Bejgħ bl-imnut tal-kummerċ elettroniku
|
|
|
% tal-bidla
|
|
|
% tal-bejgħ totali bl-imnut
|
13.Skont il-previżjonijiet, din it-tendenza ’l fuq se tkompli fis-snin li ġejjin. Fl-2023, il-bejgħ bl-imnut tal-kummerċ elettroniku madwar id-dinja huwa mistenni li jittrippla l-bejgħ ikkalkolat fl-2018, filwaqt li jammonta għal 22 % tan-nefqa totali bl-imnut.
Bejgħ bl-imnut tal-kummerċ elettroniku madwar id-dinja 2020-2023. Previżjoni.
(USD triljuni, bidla % u % tal-bejgħ totali bl-imnut)
|
Bejgħ bl-imnut tal-kummerċ elettroniku
|
|
|
% tal-bidla
|
|
|
% tal-bejgħ totali bl-imnut
|
14.Fl-UE, il-perċentwal tal-popolazzjoni li tixtri online żdied minn 47 % għal 69 % matul il-perjodu bejn l-2013 u l-2018. Flimkien maż-żieda fl-għadd ta’ xerrejja elettroniċi, kien hemm bidliet fl-għażla tal-bejjiegħa elettroniċi. Ix-xerrejja li jixtru online mingħand bejjiegħa fil-pajjiż tagħhom stess naqsu għalkemm b’punt perċentwali wieħed biss, minn 89 % fl-2013 għal 88 % fl-2018; filwaqt li x-xiri transkonfinali tal-UE żdied b’mod sinifikanti minn 26 % għal 36 % u x-xiri online minn bejjiegħa barra mill-UE qed isir dejjem aktar popolari. Dan żdied minn 14 % għal 26 % matul l-istess perjodu.
15.Il-postijiet tas-suq huma karatteristika dejjem preżenti tad-dinja tal-kummerċ elettroniku. L-akbar tliet atturi huma Amazon, Aliexpress, u eBay, li joperaw bħala atturi globali.
L-għażla tal-bejjiegħa bl-imnut
(l-aħħar xiri transkonfinali online)
16.Għal kunsiderazzjonijiet ibbażati fuq il-prezzijiet, il-konsumaturi għandhom it-tendenza li jirrikorru għal tali ħwienet online internazzjonali, ibbażati f’pajjiżi li mhumiex fl-UE. Ix-xiri online mhux mill-UE qed ikollu impatt ewlieni fuq il-bejgħ ta’ ħwienet tal-bejgħ bl-imnut konvenzjonali fl-UE.
17.Ix-xejriet globali japplikaw ukoll għall-Belġju. Skont Comeos, 67 % tal-Belġjani xtraw online fl-2018, meta mqabbla ma’ 46 % biss fl-2012. Dan jirrappreżenta żieda ta’ 21 p.p. f’sitt snin. Ix-xerrejja elettroniċi Belġjani li kull xahar jixtru online jammontaw għal 44 % mit-total, filwaqt li 9 % jagħmlu dan kull ġimgħa. Aktar minn EUR 150 huwa baġit normali ta’ kull xahar għal 42 % tax-xerrejja elettroniċi Belġjani. 39 % tax-xerrejja elettroniċi Belġjani jsostnu li se jonfqu aktar jew ħafna aktar fl-2019 mis-sena ta’ qabel. Għal nofs ir-rispondenti huwa irrilevanti jekk il-ħanut online huwiex Belġjan jew le.
18.Sal-lum, is-settur tal-bejgħ bl-imnut kien is-suġġett ta’ 10 applikazzjonijiet tal-FEG, li tnejn minnhom huma bbażati fuq il-globalizzazzjoni relatata mal-kummerċ u tmienja minnhom fuq il-kriżi finanzjarja u ekonomika globali.
Avvenimenti li wasslu għas-sensji u l-waqfien tal-attività
19.Carrefour Belgium topera permezz ta’ tliet marki: Carreur Express (ħwienet ta’ prossimità) marka li tħalli l-qligħ u li qed tespandi (ftuħ ta’ 20-25 maħżen fis-sena); Carrefour Market (supermarkets), li tiffoka fuq prodotti friski, filwaqt li qiegħda tespandi wkoll b’ambizzjoni li tiftaħ 10 ħwienet fis-sena; u Carrefour Hypermarkets. Minn 45 hypermarket ta’ Carrefour, 19 minnhom ma jħallux qligħ.
20.L-avvenimenti li wasslu għas-sensji huma l-għeluq ta’ hypermarket wieħed ta’ Carrefour u l-kiri ta’ partijiet esterni tal-imħażen lil bejjiegħa bl-imnut esterni, f’uħud mill-hypermarkets li għadhom qed joperaw. Kif intqal hawn fuq, ix-xiri online minn bejjiegħa li mhumiex fl-UE qed ikollu impatt ewlieni fuq il-bejgħ ta’ ħwienet konvenzjonali fl-UE.
21.Il-prodotti li għalihom il-bejgħ online diġà huwa għoli jew li huma mistennija li jiżdiedu fil-futur qrib huma l-istess bħall-offerti mhux tal-ikel f’hypermarkets. Il-moda hija prodott matur fil-kummerċ elettroniku. “Prodotti li qegħdin jiżdiedu b’rata mgħaġġla” huma kotba u kotba elettroniċi, kompjuters u apparati elettroniċi, prodotti relatati mas-saħħa u s-sbuħija, u d-divertiment. Għall-kuntrarju ta’ dan, huma biss ftit konsumaturi Belġjani li jixtru l-ikel online, għalkemm ix-xerrejja elettroniċi jsostnu li beħsiebhom jagħmlu dan aktar ta’ spiss fil-futur.
22.Għal Carrefour, iż-żieda fil-bejgħ online ikkontribwixxiet għat-tnaqqis fil-bejgħ ta’ prodotti mhux tal-ikel fil-hypermarkets tagħha (il-fatturat ta’ prodotti mhux tal-ikel naqas b’6 % fl-2017, u bi 19 % mill-2010), u b’hekk iddgħajfet il-profittabbiltà ta’ dan it-tip ta’ ħwienet. Il-Belġju indika li s-sensji huma dovuti l-aktar għad-diffikultajiet fis-settur mhux tal-ikel deskritti hawn fuq.
Il-fatturat tal-hypermarkets ta’ Carrefour. Mhux tal-ikel
(it-taxxi kollha inklużi)
(bidla perċentwali minn sena għal oħra)
Il-profittabbiltà tal-hypermarkets ta’ Carrefour
(ROCf’miljuni ta’ euro)
L-impatt mistenni tas-sensji fir-rigward tal-ekonomija lokali, reġjonali jew nazzjonali u l-impjiegi
23.Għalkemm is-sensji jikkonċernaw lill-pajjiż kollu kemm hu, il-Belġju jistenna li dawn se jħallu impatt negattiv partikolarment sinifikanti fuq is-sitwazzjoni tal-impjiegi u b’hekk fuq l-ekonomija reġjonali tal-Wallonia. L-impatt mistenni huwa marbut mal-iskarsezza ta’ impjiegi fir-reġjun, mar-rata tal-qgħad relattivament għolja u, b’konsegwenza ta’ dan, mad-diffikultajiet mistennija tar-riallokazzjoni għall-ħaddiema li ngħataw is-sensja, b’mod partikolari dawk li għandhom aktar minn 50 sena, minħabba li waħda minn erba’ persuni li qed ifittxu impjieg f’Wallonia huma ħaddiema li għandhom aktar minn 55 sena.
24.Għalkemm l-għadd ta’ persuni li qed ifittxu impjieg fir-reġjun naqas b’1,5 % fl-2018 meta mqabbel mas-sena ta’ qabel, ir-rata tal-qgħad fil-Wallonia (8,6 %) hija aktar mid-doppju tar-rata tal-qgħad fi Flanders (3,5 %) u ’l fuq mill-medja ta’ 6,9 % fl-UE. Barra minn hekk, fil-Wallonia indikaturi oħra juru prestazzjonijiet aktar baxxi fis-suq tax-xogħol: l-attività interim naqset (- 2,3 % tas-sigħat ta’ xogħol bejn Diċembru 2017 u Diċembru 2018), il-qgħad temporanju żdied (+ 5,8 % fuq bażi annwali) u l-fallimenti żdiedu fl-aħħar trimestru tal-2018 (+5 % meta mqabbla mal-istess trimestru tal-2017). Barra minn hekk, il-ħolqien tal-impjiegi huwa mistenni li jonqos fl-2019 (madwar 15 000 impjieg anqas mill-2018).
25.Fl-2018, 57 % ta’ dawk li kienu qed ifittxu impjieg f’Wallonia kienu qiegħda fit-tul (aktar minn 12-il xahar), filwaqt li l-ħaddiema li kienu ilhom qiegħda għal aktar minn sentejn irrappreżentaw 67 % tat-total ta’ dawk li kienu qed ifittxu xogħol u li kienu ilhom qiegħda għal żmien twil.
26.Skont Comeos, għalkemm l-impjiegi fis-settur tal-bejgħ bl-imnut fil-Belġju għadhom mhumiex qed jonqsu, hemm tħassib li d-diġitalizzazzjoni u l-awtomatizzazzjoni tal-imħażen dalwaqt se jkollhom impatt fuq eluf ta’ impjiegi li relattivament ma jirrikjedux sengħa.
Il-benefiċjarji fil-mira u l-azzjonijiet proposti
Il-benefiċjarji fil-mira
27.Minħabba s-sitwazzjoni ta’ impjiegi partikolarment diffiċli f’Wallonia, il-Belġju jistenna li 400 ħaddiem biss li ngħataw is-sensja f’dan ir-reġjun se jieħdu sehem fil-miżuri. It-tqassim ta’ dawn il-ħaddiema skont is-sess, iċ-ċittadinanza u l-grupp ta’ età huwa kif ġej:
Kategorija
|
L-għadd ta’
benefiċjarji fil-mira
(ħaddiema)
|
Sess:
|
Irġiel:
|
118
|
29,5 %
|
|
Nisa:
|
282
|
70,5 %
|
Ċittadinanza:
|
Ċittadini tal-UE:
|
379
|
94,8 %
|
|
Ċittadini ta’ pajjiżi terzi:
|
21
|
5,2 %
|
Grupp ta’ età:
|
15-24 sena:
|
0
|
0,0 %
|
|
25-29 sena:
|
7
|
1,7 %
|
|
30-54 sena:
|
68
|
17,0 %
|
|
55-64 sena:
|
325
|
81,3 %
|
|
aktar minn 64 sena:
|
0
|
0,0 %
|
28.Barra minn hekk, il-Belġju se jipprovdi servizzi personalizzati kkofinanzjati mill-FEG lil massimu ta’ 330 żagħżugħ/a barra mill-edukazzjoni, impjieg jew taħriġ (NEETs) taħt l-età ta’ 25 sena fid-data ta’ tressiq tal-applikazzjoni, peress li 240 mis-sensji msemmija fil-paragrafu 5 jseħħu fir-reġjuni tal-livell NUTS 2 tar-reġjuni tal-Provinċja Hainaut (BE32) u l-Provinċja Liège (BE33)], li kellhom rati tal-qgħad fost iż-żgħażagħ għal żgħażagħ ta’ bejn il-15 u l-24 sena ta’ mill-inqas 20 %, abbażi tad-data annwali disponibbli għall-2018.
29.Għaldaqstant, it-total stmat ta’ benefiċjarji eliġibbli li huma mistennija jieħdu sehem fil-miżuri, inklużi n-NEETs, huwa ta’ 730.
Eliġibbiltà tal-azzjonijiet proposti
30.Is-servizzi personalizzati li għandhom jiġu pprovduti lill-ħaddiema li ngħataw is-sensja u lill-NEETs jikkonsistu mill-azzjonijiet li ġejjin.
–Appoġġ/Gwida/Integrazzjoni: Dan is-sett ta’ servizzi jespandi l-attivitajiet standard b’appoġġ għall-eks ħaddiema ta’ Carrefour imwettqa mill-Unitajiet tar-Riallokazzjoni tas-Servizz Pubbliku tal-Impjiegi (FOREM) ta’ Walloon f’isem l-intrapriża li tkun tat is-sensja. L-offerta standard se tiġi estiża lil hinn mill-perjodu obbligatorju u se jiġu proposti servizzi speċifiċi addizzjonali lill-ħaddiema li ngħataw is-sensji, bħal servizzi ta’ tiftix attiv għal impjieg u servizzi ta’ tqabbil tal-impjieg.
L-appoġġ u l-mobilizzazzjoni tal-NEETs jitwettqu minn Forem u s-sħab tat-trade union tiegħu.
L-NEETs se jkollhom l-opportunità li jieħdu sehem f’“Coup de boost”, skema ta’ appoġġ soċjoprofessjonali intensiva mifruxa fuq disa’ xhur. Il-parteċipanti se jiġu proposti varjetà ta’ attivitajiet kollettivi u individwali dwar suġġetti relatati ma’ tiftix ta’ impjieg (tħejjija għall-intervista tal-impjieg, talba għal intervista, eċċ.), l-iżvilupp tal-fiduċja personali u l-komunikazzjoni; attivitajiet biex jiġi skopert l-ambjent professjonali u taħriġ (żjarat, internships, esperjenza tax-xogħol, ...); intervisti individwali ma’ konsulenti u/jew ħarrieġa soċjali biex jgħinu lil kull żagħżugħ jiddefinixxi l-proġett professjonali tiegħu; informazzjoni adattata dwar il-liġi tax-xogħol u d-drittijiet soċjali u appoġġ fi proċeduri amministrattivi; attivitajiet ta’ skambju fejn iż-żgħażagħ jistgħu jgħinu lil xulxin u jikkondividu l-esperjenzi professjonali tagħhom, it-tiftix ta’ impjieg u t-taħriġ; eċċ.
L-għan, fi tmiem l-appoġġ, huwa li l-NEETs jiksbu l-ewwel impjieg jew jintegraw fi programm ta’ taħriġ kwalifikanti. Huwa previst ukoll appoġġ addizzjonali wara “Coup de Boost” biex jiġi żgurat li l-NEETs jiġu integrati sew fit-taħriġ jew l-impjiegi u biex jegħlbu d-diffikultajiet li jistgħu jinqalgħu.
–It-taħriġ, it-taħriġ mill-ġdid u t-taħriġ vokazzjonali. Il-ћaddiema u l-NEETs se jkollhom aċċess gћall-offerta standard ta’ taħriġ ta’ FOREM u tas-sħab tiegћu u se jintużaw wkoll moduli speċifiċi ta’ tiftix ta’ impjiegi. Barra minn hekk, wara t-tfassil tal-profili u l-validazzjoni ta’ proġetti professjonali individwali mal-konsulent vokazzjonali, se jiġi offrut taħriġ speċifiku biex jiġu indirizzati l-ħtiġijiet identifikati. Se jiġi offrut ukoll taħriġ fil-ħiliet bażiċi (profiċjenza fil-lingwa, fil-matematika, fl-użu tat-teknoloġija tal-informatika, eċċ.) liż-żgħażagħ li għandhom bżonnu.
–Appoġġ lejn il-ħolqien tan-negozju. Din il-miżura indirizzata lill-ħaddiema għandha tinkludi fażi ta’ dijanjożi u orjentazzjoni, azzjonijiet ta’ sensibilizzazzjoni dwar l-intraprenditorija, sessjonijiet ta’ informazzjoni dwar il-potenzjal li wieħed jibda negozju permezz ta’ dijanjożi ekonomika territorjali, u netwerking ma’ intraprendituri rilevanti u ma’ ħarrieġa ċċertifikati fil-bidu ta’ negozju.
–Kontribuzzjoni għall-bidu ta’ negozju. Il-ħaddiema li jibdew negozju jew attività bħala persuni li jaħdmu għal rashom se jirċievu kontribuzzjoni sa EUR 15 000. Il-kontribuzzjoni se titħallas f’żewġ pagamenti, wara li jintwera l-iżvilupp effettiv tal-attività b’dokumenti ta’ sostenn.
–Benefiċċji. (1) Benefiċċju għat-tiftix ta’ impjieg u għat-taħriġ. Il-ħaddiema u l-NEETs se jirċievu EUR 1 fis-siegħa ta’ parteċipazzjoni effettiva fit-taħriġ jew fl-attivitajiet ta’ tiftix ta’ impjieg tal-Unitajiet tar-Riallokazzjoni ta’ Forem. (2) Kontribuzzjoni għall-ispejjeż tal-ivvjaġġar. Sabiex tiġi mħeġġa l-mobbiltà reġjonali u interreġjonali, il-ħaddiema u l-NEETs li jsibu impjieg li jew ikun jinsab aktar minn 60 km ’il bogħod mid-dar tagħhom, jew li jkun f’distanza li timplika aktar minn erba’ sigħat ta’ ħin ta’ vvjaġġar (ritorn), se jirċievu somma f’daqqa ta’ EUR 500 jew EUR 750. (3) Benefiċċju lejn il-ħolqien ta’ negozju. Sabiex il-ħaddiema jiġu appoġġjati waqt it-twaqqif tan-negozju tagħhom, se jingħata benefiċċju ta’ kull xahar ta’ EUR 350 għal massimu ta’ 12-il xahar. (4) Il-benefiċċju tar-ritorn għall-iskola. Għandu jingħata benefiċċju ta’ kull xahar ta’ EUR 350 lill-ħaddiema u l-NEETs li jwettqu studji full-time (études de plein exercice) ta’ mill-inqas sena.
31.L-azzjonijiet proposti deskritti hawn fuq jikkostitwixxu miżuri attivi tas-suq tax-xogħol fi ħdan l-azzjonijiet eliġibbli stabbiliti fl-Artikolu 7 tar-Regolament tal-FEG. Dawn l-azzjonijiet ma jissostitwixxux il-miżuri passivi ta’ protezzjoni soċjali.
32.Il-Belġju pprovda l-informazzjoni meħtieġa dwar azzjonijiet li huma obbligatorji għall-intrapriża kkonċernata skont il-liġi nazzjonali jew skont ftehimiet kollettivi. Huma kkonfermaw li kontribuzzjoni finanzjarja mill-FEG mhijiex se tieħu post tali azzjonijiet.
Baġit stmat
33.Il-kostijiet totali stmati huma ta’ EUR 2 720 047, li jinkludu nefqa ta’ EUR 2 665 047 għal servizzi personalizzati u nefqa ta’ EUR 55 000 għal attivitajiet ta’ tħejjija, ta’ ġestjoni, ta’ informazzjoni u pubbliċità, ta’ kontroll u ta’ rapportar.
34.Il-kontribuzzjoni finanzjarja totali mitluba biex tingħata mill-FEG hija ta’ EUR 1 632 028 (60 % tal-kostijiet totali).
Azzjonijiet
|
Għadd stmat ta’ parteċipanti
|
Kost stmat għal kull parteċipant
(EUR)
|
Kostijiet totali stmati
(EUR)
|
Servizzi personalizzati (Azzjonijiet skont l-Artikolu 7(1)(a) u (c) tar-Regolament tal-FEG)
|
Appoġġ/Gwida/Integrazzjoni:
(Accompagnement, orientation, mobilisation et insertion)
|
730
|
2 241
|
1 636 130
|
Taħriġ, taħriġ mill-ġdid u taħriġ vokazzjonali
(Formation et modules specifiques)
|
460
|
941
|
432 710
|
Appoġġ lejn il-ħolqien ta’ negozju
(Dispositif d’accompagnement à l’entreprenariat)
|
250
|
463
|
115 743
|
Kontribuzzjoni għall-ftuħ ta’ negozju
(Bourse de lancement)
|
10
|
10 000
|
100 000
|
Sub-total (a):
Perċentwal tal-pakkett ta’ servizzi personalizzati
|
–
|
2 284 583
|
|
|
(85,72%)
|
Benefiċċji u inċentivi (Azzjonijiet skont l-Artikolu 7(1)(b) tar-Regolament tal-FEG)
|
Benefiċċji
(Allocations et primes)
|
730
|
521
|
380 464
|
Subtotal (b):
Perċentwal tal-pakkett ta’ servizzi personalizzati:
|
–
|
380 464
|
|
|
14,28 %
|
Azzjonijiet skont l-Artikolu 7(4) tar-Regolament tal-FEG
|
1. Attivitajiet ta’ tħejjija
|
–
|
0
|
2. Ġestjoni
|
–
|
10 000
|
3. Tagħrif u pubbliċità
|
–
|
15 000
|
4. Kontroll u rapportar
|
–
|
30 000
|
Subtotal (c):
Perċentwal tal-kostijiet totali:
|
–
|
55 000
|
|
|
(2,02%)
|
Kostijiet totali (a + b + c):
|
–
|
2 720 047
|
Kontribuzzjoni tal-FEG (60 % tal-kostijiet totali)
|
–
|
1 632 028
|
35.Il-kostijiet tal-azzjonijiet identifikati fit-tabella t’hawn fuq bħala azzjonijiet skont l-Artikolu 7(1)(b) tar-Regolament tal-FEG ma jaqbżux il-35 % tal-kostijiet totali tal-pakkett ikkoordinat ta’ servizzi personalizzati. Il-Belġju kkonferma li dawn l-azzjonijiet jiddependu fuq il-parteċipazzjoni attiva tal-benefiċjarji fil-mira f’attivitajiet ta’ tiftix ta’ impjieg jew ta’ taħriġ.
36.Il-Belġju kkonferma li l-kostijiet tal-investimenti għall-ħaddiema li jaħdmu għal rashom, in-negozji l-ġodda u l-akkwiżizzjoni minn impjegati mhumiex se jaqbżu l-EUR 15 000 għal kull benefiċjarju.
Perjodu ta’ eliġibbiltà tan-nefqa
37.Il-Belġju beda jipprovdi s-servizzi personalizzati lill-benefiċjarji fil-mira fl-1 ta’ Diċembru 2018. Għaldaqstant, in-nefqa fuq dawn l-azzjonijiet se tkun eliġibbli għal kontribuzzjoni finanzjarja mill-FEG mil-1 ta’ Diċembru 2018 sal-20 ta’ Ġunju 2021.
38.Il-Belġju beda jġarrab in-nefqa amministrattiva biex jimplimenta l-FEG fil-25 ta’ Jannar 2018. Għalhekk, in-nefqa għal attivitajiet ta’ tħejjija, ta’ ġestjoni, ta’ informazzjoni u pubbliċità, ta’ kontroll u rapportar għandha tkun eliġibbli għal kontribuzzjoni finanzjarja mill-FEG mill-25 ta’ Jannar 2018 sal-20 ta’ Diċembru 2021.
Komplementarjetà ma’ azzjonijiet iffinanzjati minn fondi nazzjonali jew tal-Unjoni
39.Is-sors ta’ prefinanzjament jew kofinanzjament nazzjonali huwa l-fondi tar-Reġjun ta’ Wallonne.
40.Il-Belġju kkonferma li l-miżuri deskritti hawn fuq li jirċievu kontribuzzjoni finanzjarja mill-FEG lanqas mhuma se jirċievu kontribuzzjonijiet finanzjarji minn strumenti finanzjarji oħra tal-Unjoni.
Proċeduri għall-konsultazzjoni mal-benefiċjarji fil-mira jew ir-rappreżentanti tagħhom jew is-sħab soċjali kif ukoll l-awtoritajiet lokali u reġjonali
41.Il-Belġju indika li l-pakkett ikkoordinat ta’ servizzi personalizzati tfassal f’konsultazzjoni mas-sħab soċjali.
42.Flimkien mal-informazzjoni u l-konsultazzjoni obbligatorji mar-rappreżentanti tal-ħaddiema, twaqqfet unità ta’ kriżi biex tiddefinixxi l-pjan soċjali u tikkoordina l-interventi tas-servizzi pubbliċi kkonċernati. Is-servizz pubbliku tal-impjiegi ta’ Walloon ikkonsulta mat-trade unions dwar diversi soluzzjonijiet ta’ riallokazzjoni, u trade unions, konsulenti vokazzjonali u ħaddiema soċjali f’kuntatt dirett mal-ħaddiema li ngħataw is-sensja, ġew ikkonsultati dwar il-ħtiġijiet ta’ taħriġ mill-ġdid/titjib tal-ħiliet tal-ħaddiema.
Sistemi ta’ ġestjoni u kontroll
43.Il-Belġju nnotifika lill-Kummissjoni li l-kontribuzzjoni finanzjarja se tkun ġestita u kkontrollata mill-istess korpi li jiġġestixxu u jikkontrollaw l-FSE.
L-impenji pprovduti mill-Istat Membru kkonċernat
44.Il-Belġju ta l-assigurazzjonijiet kollha meħtieġa rigward dawn li ġejjin:
–il-prinċipji tal-ugwaljanza tat-trattament u ta’ nondiskriminazzjoni se jiġu rrispettati fil-kuntest tal-aċċess għall-azzjonijiet proposti u fl-implimentazzjoni tagħhom,
–ir-rekwiżiti stabbiliti fil-leġiżlazzjoni nazzjonali u tal-UE dwar is-sensji kollettivi ġew osservati,
–Carrefour, li ssoktat bl-attivitajiet tagħha wara s-sensji, ikkonformat mal-obbligi legali tagħha li jirregolaw is-sensji u previsti għall-ħaddiema tagħha kif xieraq,
–l-azzjonijiet proposti mhumiex se jirċievu għajnuna finanzjarja minn fondi oħra jew minn strumenti finanzjarji oħra tal-Unjoni, u kwalunkwe finanzjament doppju se jiġi evitat;
–l-azzjonijiet proposti se jkunu komplementari għall-azzjonijiet iffinanzjati mill-Fondi Strutturali,
–il-kontribuzzjoni finanzjarja mill-FEG se tkun konformi mar-regoli proċedurali u materjali tal-Unjoni dwar l-għajnuna mill-Istat.
L-IMPLIKAZZJONI BAĠITARJA
Il-proposta baġitarja
45.L-FEG m’għandux jaqbeż ammont annwali massimu ta’ EUR 150 miljun (prezzijiet tal-2011), kif stipulat fl-Artikolu 12 tar-Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020.
46.Wara li eżaminat l-applikazzjoni fir-rigward tal-kundizzjonijiet stipulati fl-Artikolu 13(1) tar-Regolament tal-FEG, u wara li qieset l-għadd ta’ benefiċjarji fil-mira, l-azzjonijiet proposti u l-kostijiet stmati, il-Kummissjoni tipproponi li timmobilizza l-FEG għall-ammont ta’ EUR 1 632 028, li jirrappreżenta 60 % tal-kostijiet totali tal-azzjonijiet proposti, sabiex tingħata kontribuzzjoni finanzjarja għall-applikazzjoni.
47.Id-deċiżjoni proposta għall-mobilizzazzjoni tal-FEG se tittieħed b’mod konġunt mill-Parlament Ewropew u mill-Kunsill, kif stabbilit fil-punt 13 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba.
Atti relatati
48.Fl-istess waqt li tippreżenta din il-proposta għal deċiżjoni sabiex jiġi mmobilizzat il-FEG, il-Kummissjoni se tippreżenta lill-Parlament Ewropew u lill-Kunsill, proposta għal trasferiment tal-ammont ta’ EUR 1 632 028 għal-linja baġitarja rilevanti.
49.Fl-istess waqt li tadotta din il-proposta għal deċiżjoni biex jiġi mmobilizzat il-FEG, il-Kummissjoni se tadotta deċiżjoni dwar kontribuzzjoni finanzjarja, permezz ta’ att ta’ implimentazzjoni, li se jidħol fis-seħħ fid-data li fiha l-Parlament Ewropew u l-Kunsill jadottaw id-deċiżjoni proposta biex jiġi mmobilizzat il-FEG.
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni wara
applikazzjoni mill-Belġju – EGF/2019/001 BE/Carrefour
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006, u b’mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba, u b’mod partikolari l-punt 13 tiegħu,
Wara li kkunsidraw il-proposta mill-Kummissjoni Ewropea,
Billi:
(1)Il-Fond Ewropew ta’ Aġġustament għall-Globalizzazzjoni (l-FEG) għandu l-għan li jipprovdi appoġġ lill-ħaddiema li jkunu ngħataw is-sensja u lil persuni li jaħdmu għal rashom li l-attività tagħhom waqfet b’riżultat ta’ bidliet strutturali kbar fix-xejriet tal-kummerċ dinji minħabba l-globalizzazzjoni, b’riżultat ta’ kontinwazzjoni tal-kriżi finanzjarja u ekonomika globali, jew b’riżultat ta’ kriżi finanzjarja u ekonomika globali ġdida, u biex jgħinhom fir-riintegrazzjoni tagħhom fis-suq tax-xogħol.
(2)L-FEG m’għandux jaqbeż l-ammont massimu annwali ta’ EUR 150 miljun (il-prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013.
(3)Fl-20 ta’ Ġunju 2019, il-Belġju ssottometta applikazzjoni għall-mobilizzazzjoni tal-FEG, fir-rigward tas-sensji f’Carrefour Belgique SA fil-Belġju. Din kienet issupplimentata minn informazzjoni addizzjonali pprovduta f’konformità mal-Artikolu 8(3) tar-Regolament (UE) Nru 1309/2013. Dik l-applikazzjoni tikkonforma mar-rekwiżiti għad-determinazzjoni ta’ kontribuzzjoni finanzjarja mill-FEG, kif stabbilit fl-Artikolu 13 tar-Regolament (UE) Nru 1309/2013.
(4)Skont l-Artikolu 6(2) tar-Regolament (UE) Nru 1309/2013, il-Belġju ddeċieda li jipprovdi servizzi personalizzati kkofinanzjati mill-FEG lil 330 żagħżugħ u żagħżugħa li huma barra mill-edukazzjoni, l-impjieg jew it-taħriġ (NEETs) ukoll.
(5)L-FEG għandu, għalhekk, jiġi mmobilizzat sabiex jipprovdi kontribuzzjoni finanzjarja ta’ EUR 1 632 028 fir-rigward tal-applikazzjoni ppreżentata mill-Belġju.
(6)Sabiex jiġi mminimizzat iż-żmien meħud biex jiġi mobilizzat il-FEG, din id-Deċiżjoni għandha tapplika mid-data tal-adozzjoni tagħha,
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja għall-2019, il-Fond Ewropew ta’ Aġġustament għall-Globalizzazzjoni għandu jiġi mmobilizzat biex jipprovdi l-ammont ta’ EUR 1 632 028 f’approprjazzjonijiet ta’ impenn u ta’ pagament.
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea. Hija għandha tapplika minn [id-data tal-adozzjoni tagħha].
Magħmul fi Brussell,
Għall-Parlament Ewropew
Għall-Kunsill
Il-President
Il-President