1.   

Fil-15 ta’ Novembru 2019, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	EUROVIA Industrie GmbH (“EVI”, il-Ġermanja),

—	ASA-Bau GmbH (“ASA”, il-Ġermanja),

—	Hanse-Asphaltmischwerke GmbH (“HANSE”, il-Ġermanja).

EVI u ASA jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ HANSE.

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture, JV).

2.   

L-attivitajiet kummerċjali tal-impriżi kkonċernati huma:

—	EVI: Il-produzzjoni u d-distribuzzjoni ta’ taħlit tal-asfalt, inġinerija ċivili (inklużi xogħlijiet fit-toroq) f’diversi stati federali Ġermaniżi, il-produzzjoni ta’ aggregati u l-produzzjoni ta’ bitumen. EVI tappartjeni għall-grupp VINCI S.A. (Franza).

—	ASA: il-produzzjoni u d-distribuzzjoni ta’ taħlit tal-asfalt, inġinerija ċivili (inklużi xogħlijiet fit-toroq) fil-Grigal tal-Ġermanja. ASA hija kkontrollata minn Arkil Holding A/S (id-Danimarka).

—	HANSE: il-produzzjoni u d-distribuzzjoni ta’ taħlit tal-asfalt fil-Grigal tal-Ġermanja.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9622 — EUROVIA Industrie/ASA-Bau/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permez tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË