1.   

Fit-18 ta’ Diċembru 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Amerra Capital Management LLC (‘Amerra’, l-Istati Uniti tal-Amerika),

—	MDC Industry Holding Company LLC (‘Mubadala’, l-Emirati Għarab Magħquda),

—	Andromeda Seafood Limited (‘Andromeda’, il-Greċja), ikkontrollata minn Amerra,

—	Nireus Aquaculture S.A. (‘Nireus’, il-Greċja),

—	Selonda Aquaculture S.A. (‘Selonda’, il-Greċja).

Amerra u Mubadala jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt tat-totalità ta’ Andromeda, Nireus u Selonda.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—   għal Amerra: ġestjoni tal-assi, privata, alternattiva li tipprovdi kapital strateġiku lil kumpaniji upstream u midstream fin-negozju agrikolu fil-kontinent Amerikan u fl-Ewropa tal-Punent,

—   għal Mubadala: investiment dinji u l-ġestjoni ta’ portafoll diversifikat f’setturi ta’ prijorità inkluż in-negozju agrikolu,

—   għal Andromeda: il-produzzjoni u l-provvista ta’ ħut imrobbi, friegħ u għalf tal-ħut minn faċilitajiet fil-Greċja u Spanja,

—   għal Nireus: il-produzzjoni u l-provvista ta’ ħut imrobbi, friegħ u għalf tal-ħut minn faċilitajiet fil-Greċja u Spanja,

—   għal Selonda: il-produzzjoni u l-provvista ta’ ħut imrobbi, friegħ u għalf tal-ħut minn faċilitajiet fil-Greċja.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.9110 — Amerra/Mubadala/Nireus/Selonda

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË