15.1.2020 |
MT |
Il-Ġurnal Uffiċjali tal-Unjoni Ewropea |
C 14/1 |
Opinjoni tal-Kumitat Ekonomiku u Soċjali Ewropew dwar “Il-Pilastru Ewropew tad-Drittijiet Soċjali — evalwazzjoni tal-implimentazzjoni inizjali u rakkomandazzjonijiet għall-futur”
(opinjoni fuq inizjattiva proprja)
(2020/C 14/01)
Relatur: Bernd SCHLÜTER
Korelatur: Cinzia DEL RIO
Deċiżjoni tal-Assemblea Plenarja |
24.1.2019 |
Bażi legali |
Artikolu 32(2) tar-Regoli ta’ Proċedura Opinjoni fuq inizjattiva proprja |
Sezzjoni kompetenti |
Sezzjoni għax-Xogħol, l-Affarijiet Soċjali u ċ-Ċittadinanza |
Adottata fis-sezzjoni |
10.9.2019 |
Adottata fil-plenarja |
25.9.2019 |
Sessjoni plenarja Nru |
546 |
Riżultat tal-votazzjoni (favur/kontra/astensjonijiet) |
117/44/3 |
1. Konklużjonijiet u rakkomandazzjonijiet
1.1 |
Filwaqt li jemmen li futur realistiku għall-Unjoni Ewropea jista’ jkun ibbażat biss fuq ir-rabta bejn bażi ekonomika soda ma’ dimensjoni soċjali b’saħħitha (1), il-KESE wera li kien favur, b’mod konsistenti, tal-konverġenza ’l fuq u politika soċjali aktar effettiva kemm fil-livell tal-UE, kif ukoll f’dak tal-Istati Membri (2). Il-mudell soċjali Ewropew għandu wkoll jissaħħaħ u jiġi aġġornat bħala referenza internazzjonali. L-implimentazzjoni effettiva tal-Pilastru Ewropew tad-Drittijiet Soċjali (EPSR) tal-2017 tafferma mill-ġdid l-impenn komuni fil-konfront tal-mudell soċjali Ewropew fil-qafas ta’ strateġija ġdida soċjalment inklużiva. |
1.2 |
Meta tittieħed azzjoni għall-implimentazzjoni tal-EPSR, kemm permezz ta’ programmi ta’ politika kif ukoll permezz ta’ inizjattivi leġiżlattivi fil-livell tal-UE u dak nazzjonali, jeħtieġ li jiġu rispettati b’mod ibbilanċjat il-miri u l-prinċipji tat-Trattati, id-distribuzzjoni tal-kompetenzi fost l-istituzzjonijiet tal-UE u tal-Istati Membri u, fejn meħtieġ, il-klawsola ta’ nonregressjoni. |
1.3 |
Il-leġiżlazzjoni Ewropea f’oqsma adatti għandha tistabbilixxi qafas bi standards komuni ġenerali, li jirrispetta s-sitwazzjonijiet nazzjonali speċifiċi u s-sistemi soċjali u jirrikonoxxi d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali. Il-miri tal-Pilastru għandhom jiġu rispettati fl-oqsma kollha tal-politika tal-UE permezz tal-użu tal-klawsola orizzontali (3). |
1.4 |
L-EPSR bħalissa qed jiġi implimentat permezz ta’ miżuri leġiżlattivi u mhux leġiżlattivi, permezz ta’ finanzjament speċifiku u permezz ta’ bidliet fil-proċess tas-Semestru, li għandhom ikollhom l-għan li jwasslu għal konverġenza ’l fuq li tistabbilixxi standards minimi biex jinħolqu kundizzjonijiet ekwi komuni. |
1.5 |
Huwa importanti li jiġu stabbiliti u adottati standards bażiċi għal servizzi affidabbli u effettivi ta’ protezzjoni (4) u servizzi fundamentali ta’ interess ġenerali, li għandhom jiġu evalwati fuq bażi regolari minn evalwaturi indipendenti. |
1.6 |
Il-Kummissjoni u l-Parlament Ewropew għandhom jipproponu mekkaniżmi għall-involviment adatt tal-partijiet interessati soċjali rappreżentattivi kollha, inklużi l-imsieħba soċjali u l-organizzazzjonijiet tas-soċjetà ċivili, fil-livelli rilevanti kollha fl-implimentazzjoni tal-EPSR (5). Għandha tingħata attenzjoni partikolari lir-rwoli differenti u lit-tisħiħ tan-negozjar kollettiv fil-livell nazzjonali, li jista’ jantiċipa jew ikun alternattiva għal-leġiżlazzjoni f’oqsma speċifiċi tas-suq tax-xogħol. |
1.7 |
L-implimentazzjoni tal-EPSR teħtieġ bażi baġitarja u investiment robusti fil-livell tal-UE u tal-Istati Membri, permezz ta’ finanzjament adatt fil-QFP, permezz ta’ “regola tad-deheb” għal investiment pubbliku b’għan soċjali u l-Fondi Strutturali u ta’ Investiment Ewropej (FSIE), li jistgħu jkunu ffukati b’mod aktar ċar lejn l-EPSR u l-politiki adatti tat-tassazzjoni (6). |
1.8 |
Is-Semestru Ewropew u l-Programmi Nazzjonali ta’ Riforma — li japplikaw bl-istess mod għall-pajjiżi li mhumiex fiż-żona tal-euro — u t-tabella ta’ valutazzjoni soċjali jirrappreżentaw strument ewlieni għall-implimentazzjoni u l-monitoraġġ tal-Pilastru (7). |
1.9 |
Proċess ġdid tas-Semestru Ewropew għandu jilħaq għanijiet soċjali fil-qafas ta’ monitoraġġ tal-iżbilanċi soċjali u għandhom jiġu introdotti indikaturi ġodda li jistgħu jitkejlu, flimkien ma’ Rakkomandazzjonijiet immirati Speċifiċi għall-Pajjiżi. |
1.10 |
Għandu jiġi promoss monitoraġġ regolari tal-implimentazzjoni tal-EPSR, b’konsultazzjoni vinkolanti tal-partijiet ikkonċernati soċjali; il-KESE jipproponi l-istabbiliment ta’ Forum tal-UE dwar il-Politika Soċjali marbut mal-proċess tas-Semestru. |
1.11 |
Il-KESE diġà talab pjan direzzjonali ċar u kkoordinat li jistabbilixxi l-prijoritajiet għall-implimentazzjoni tal-Pilastru u l-infurzar tad-drittijiet u l-istandards soċjali eżistenti. Għandhom jiġu indirizzati bħala prijorità l-ħtiġijiet u d-drittijiet fundamentali b’mod partikolari tal-gruppi vulnerabbli, l-inugwaljanzi fl-opportunitajiet, id-dħul u l-ġid fi ħdan u bejn l-Istati Membri, il-politiki ta’ inklużjoni u l-kundizzjonijiet adatti għal servizzi pubbliċi u mingħajr skop ta’ qligħ u l-intrapriżi soċjali. |
1.12 |
Din l-Opinjoni tistabbilixxi linji gwida ġenerali, tagħti evalwazzjoni ġenerali tal-ewwel passi u toffri rakkomandazzjonijiet għall-istrumenti ewlenin. Tipprovdi aġġornament dwar il-progress li sar fil-livell tal-UE dwar il-miżuri adottati u l-istrumenti disponibbli, maqsuma fit-tliet oqsma ewlenin tal-EPSR — opportunitajiet indaqs u aċċess għas-suq tax-xogħol, kundizzjonijiet tax-xogħol ġusti u protezzjoni u inklużjoni soċjali — u tressaq proposti għall-passi li jmiss. |
2. Kuntest u linji gwida għall-implimentazzjoni
2.1 |
L-EPSR kien ipproklamat solennement fis-Summit Soċjali għall-Impjiegi Ġusti u t-Tkabbir f’Gothenburg f’Novembru 2017. Dan joħroġ mill-prinċipji ġenerali tat-Trattati Ewropej, li jistabbilixxu d-drittijiet fundamentali taċ-ċittadini, li l-infurzar tagħhom jibqa' r-responsabbiltà tal-atturi rilevanti kollha. L-Artikoli 9 u 151 tat-TFUE jistabbilixxu l-objettivi tal-Mudell Soċjali Ewropew, li jeħtieġ jiġu adattati għall-bidliet li ilhom iseħħu fid-dinja tax-xogħol u fis-soċjetajiet tagħna fil-qafas ta’ strateġija ġdida u soċjalment inklużiva. |
2.2 |
L-UE u l-Istati Membri introduċew u tejbu b’mod gradwali l-politiki mmirati lejn il-kisba ta’ kundizzjonijiet tax-xogħol u tal-għajxien aħjar għaċ-ċittadini tagħhom b’mudell soċjali Ewropew li wera wkoll li huwa għodda ta’ kompetittività għall-ekonomija tal-UE, filwaqt li jirrikonoxxu li l-implimentazzjoni tiegħu għadha fil-mira tal-UE. Jeżistu differenzi kbar bejn u fi ħdan l-Istati Membri tal-UE, bejn il-gruppi soċjali u s-sistemi tas-sigurtà soċjali. Ħafna pajjiżi qed jiffaċċjaw sfidi, xi pajjiżi tal-UE għandhom sistemi soċjali iktar inklużivi, iżda oħrajn ma jissodisfawx il-ħtiġijiet fundamentali. L-EPSR għandu jidderieġi lill-Istati Membri u l-livell tal-UE biex jipprovdu soluzzjonijiet moderni għall-problemi attwali li jiffaċċjaw iċ-ċittadini Ewropej u li joħolqu kundizzjonijiet ekwi għall-intrapriżi sostenibbli fil-kompetizzjoni globali. L-EPSR huwa impenn politiku u għandu jinvolvi lill-istituzzjonijiet tal-UE, l-Istati Membri, l-imsieħba soċjali, l-organizzazzjonijiet tas-soċjetà ċivili u l-partijiet ikkonċernati rilevanti l-oħrajn kollha fil-kompetenzi rispettivi tagħhom fi spirtu ta’ rispett reċiproku u għall-benefiċċju dirett taċ-ċittadini kollha. |
2.3 |
Id-Dikjarazzjoni Ċentinarja reċenti tal-ILO għall-Futur tax-Xogħol adottata fil-Konferenza Internazzjonali dwar ix-Xogħol tidentifika xi linji ta’ azzjoni importanti, u tistabbilixxi minn qabel miżuri li jimmodernizzaw il-liġi tax-xogħol u jipprevjenu l-esklużjoni, u tipprevedi wkoll sett ta’ investimenti fil-kapaċitajiet tan-nies, fl-istituzzjonijiet tax-xogħol u f’xogħol deċenti u sostenibbli li jifformaw l-aħjar ambjent biex il-kumpaniji jirnexxu u biex in-nies jimxu ’l quddiem lejn kundizzjonijiet ta’ xogħol u għajxien aktar ġusti, filwaqt li jiġu rispettati l-kuntesti nazzjonali u r-rwol speċifiku tal-imsieħba soċjali. |
2.4 |
L-Aġenda tan-NU għall-2030 tressaq 17-il Għan ta’ Żvilupp Sostenibbli (SDGs) li l-UE impenjat ruħha li tikseb sal-2030, u l-implimentazzjoni tal-EPRS se tikkontribwixxi għal dan. |
2.4.1 |
Il-KESE jemmen li futur realistiku għall-Ewropea huwa possibbli biss jekk bażi ekonomika soda timxi id f’id ma’ dimensjoni soċjali b’saħħitha. Huwa konvint li l-Unjoni Ewropea teħtieġ kunsens imġedded dwar strateġija ekonomika u soċjali sostenibbli biex twassal il-wegħda tagħha li taħdem għal tkabbir ekonomiku bbilanċjat u progress soċjali li jwasslu sabiex tikber il-benesseri taċ-ċittadini tagħha (8). |
2.4.2 |
Fid-Dikjarazzjoni ta’ Sibiu tad-9 ta’ Mejju 2019 (9), l-Istati Membri tal-UE impenjaw ruħhom li jagħtu riżultati fejn hu l-aktar importanti u biex ikomplu jkunu atturi sinifikanti fi kwistjonijiet ta’ natura serja u li dejjem jirrispettaw il-prinċipju tal-ġustizzja. |
2.5 |
Fil-livell tal-UE, s’issa l-EPSR qed jiġi implimentat permezz ta’:
|
2.6 Miżuri leġiżlattivi u mhux leġiżlattivi fil-livell tal-UE u f’dak nazzjonali
2.6.1 |
Hemm bżonn ta’ swieq tax-xogħol miftuħa, dinamiċi u mobbli biex jiġu appoġġjati perkorsi tal-karriera ġodda u aktar varjati u tranżizzjonijiet bla xkiel bejn l-impjiegi, is-setturi u l-istatus tal-impjiegi. Hija meħtieġa azzjoni biex tnaqqas id-diskrepanzi fis-suq tax-xogħol. Jeħtieġ li s-sistemi tal-edukazzjoni u t-taħriġ jitfasslu aħjar skont il-ħtiġijiet tas-suq tax-xogħol. Ir-riformi għandhom iħarsu lejn miżuri pożittivi biex jippromovu t-tixjiħ attiv tal-forza tax-xogħol, jagħmlu s-sistemi tal-pensjonijiet sostenibbli u adegwati, u jintegraw lill-migranti fil-forza tax-xogħol. |
2.6.2 |
Meta jiġu biex jieħdu azzjoni biex jimplimentaw il-Pilastru, l-UE u l-Istati Membri tagħha se jagħmlu użu mill-għodod kollha ta’ politika li jqisu meħtieġa biex jintlaħqu l-għanijiet komuni tagħhom, inklużi programmi ta’ politika u miżuri leġiżlattivi. Il-prinċipju tas-sussidjarjetà u l-proporzjonalità u l-valuri, il-miri u l-prinċipji vinkolanti tat-trattati jiddeterminaw f’liema livell għandhom jittieħdu azzjonijiet bħal dawn, filwaqt li jipprijoritizzaw il-livell li joffri l-aħjar valur miżjud għall-partijiet interessati kkonċernati u jikkontribwixxu għall-implimentazzjoni effettiva tal-EPSR. Għandhom jiġu rispettati d-distribuzzjoni tal-kompetenzi u, fejn meħtieġ, il-klawsola ta’ nonregressjoni. |
2.6.3 |
Bħala kwistjoni tad-demokrazija parteċipattiva u regolamentazzjoni aħjar, l-UE u l-Istati Membri se jikkonsultaw l-imsieħba soċjali minn qabel, skont l-Artikoli 153 sa 155. Jekk, waqt konsultazzjoni bħal din, l-imsieħba soċjali juru l-intenzjoni li jaġixxu b’mod awtonomu f’sistema ta’ djalogu soċjali, l-UE u l-Istati Membri se jieqfu milli jintervjenu fil-qasam ta’ politika kkonċernat sakemm l-imsieħba soċjali jkunu kapaċi jwettqu u jilħqu l-għanijiet tal-azzjoni kkonċernata. |
2.6.4 |
Il-mandat u l-parteċipazzjoni ta’ partijiet ikkonċernati rilevanti oħrajn, bħas-servizzi soċjali pubbliċi, l-assoċjazzjonijiet ta’ servizzi soċjali mingħajr skop ta’ qligħ u l-fornituri tal-akkomodazzjoni, l-assigurazzjonijiet pubbliċi, l-intrapriżi tal-ekonomija soċjali, l-organizzazzjonijiet tal-benesseri u taż-żgħażagħ, il-konsumaturi tas-servizzi soċjali u r-rappreżentanti tal-gruppi vulnerabbli għandhom jitqiesu fl-implimentazzjoni tal-EPSR. |
2.6.5 |
L-Istati Membri, l-istituzzjonijiet tal-UE, l-imsieħba soċjali u l-organizzazzjonijiet tas-soċjetà ċivili għandhom jimmonitorjaw l-implimentazzjoni tal-EPSR u l-effettività tal-miżuri eżistenti. L-istituzzjonijiet tal-UE għandhom jappoġġjaw l-Istati Membri u l-partijiet ikkonċernati soċjali fil-livell nazzjonali meta jimplimentaw l-EPSR. |
2.6.6 |
Il-leġiżlazzjoni Ewropea f’oqsma adatti għandha tistabbilixxi qafas bi standards komuni ġenerali u ċari li jirrispettaw is-sitwazzjonijiet nazzjonali speċifiċi, li jkunu kapaċi jadattaw għad-diversità tas-sistemi soċjali u r-rwol tal-partijiet ikkonċernati, u jirrikonoxxu d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali, u jinkludu valur miżjud Ewropew (10). Il-miri tal-Pilastru għandhom jiġu rispettati fl-oqsma kollha tal-politika tal-UE, inkluż bl-użu tal-klawsola orizzontali (l-Artikolu 9 tat-TFUE). |
2.6.7 |
L-implimentazzjoni tal-EPSR għandha l-għan li tiskatta l-proċess għal konverġenza ’l fuq, ittejjeb il-kundizzjonijiet soċjali u tas-suq tax-xogħol għall-ħaddiema u ċ-ċittadini Ewropej, ittejjeb u toħloq sistemi ta’ protezzjoni soċjali effettivi u affidabbli (11), u servizzi soċjali u tas-saħħa moderni, ibbażati fuq ix-xjenza u evalwati skont il-kwalità, speċjalment is-servizzi pubbliċi u mingħajr skop ta’ qligħ, tistipula standards minimi għall-ġlieda kontra d-dumping soċjali u fl-istess ħin toħloq kundizzjonijiet ekwi għall-ekonomiji bi prestazzjoni tajba, l-impjiegi u l-intrapriżi sostenibbli, filwaqt li ttejjeb il-fiduċja taċ-ċittadini fl-UE. L-istrateġiji ta’ politika soċjali għandhom jinkludu l-interessi tal-SMEs u kundizzjonijiet tas-suq ġusti għalihom. Huwa importanti li jiġu stabbiliti u approvati standards bażiċi għal servizzi ta’ interess ġenerali bħall-akkomodazzjoni, l-ilma u s-servizzi soċjali, li għandhom jiġu vvalutati fuq bażi regolari, anke minn evalwaturi indipendenti (istituti ta’ riċerka, akkademji eċċ.) li jistgħu jiġu appoġġjati finanzjarjament u li r-rapporti tagħhom jistgħu jsiru pubbliċi. Il-ħtiġijiet fundamentali taċ-ċittadini u l-gruppi vulnerabbli u d-differenzi perikolużi fl-opportunitajiet, id-dħul u l-ġid fi ħdan u bejn l-Istati Membri jeħtieġ li jiġu indirizzati bħala prijorità. |
2.6.8 |
Għandha tingħata attenzjoni partikolari għar-rwol differenti tan-negozjar kollettiv fil-livell nazzjonali u l-ftehimiet kollettivi, li jistgħu jantiċipaw il-leġiżlazzjoni jew ikunu alternattiva għaliha billi jirregolaw oqsma speċifiċi tas-suq tax-xogħol u tar-relazzjonijiet tal-impjieg. B’hekk l-imsieħba soċjali jista’ jkollhom rwol fil-proċess ta’ implimentazzjoni li jagħtu prova li jistgħu jiksbu l-istess effett legali. F'xi Stati Membri, il-proċessi ta' negozjar kollettiv mhumiex strutturati u l-kopertura tan-negozjar kollettiv hija dgħajfa ħafna, u għalhekk jippersistu differenzi fl-għoti tad-drittijiet soċjali stabbiliti fl-EPSR. F’każijiet bħal dawn il-liġi għandha tintervjeni. |
2.6.9 |
Id-dikjarazzjoni ta’ erba’ partijiet “Bidu ġdid għad-djalogu soċjali” tħeġġeġ l-iżvilupp ta’ negozjar kollettiv effettiv. L-impenn konġunt tal-imsieħba soċjali għall-implimentazzjoni tal-EPSR huwa rifless fil-programm konġunt ta’ ħidma tal-imsieħba soċjali Ewropej 2019-2021, li se jiġi implimentat ukoll fil-livelli nazzjonali li jikkontribwixxu għall-proċess ta’ riforma nazzjonali. Il-programm ta’ ħidma 2019-21 se jipprovdi proposti speċifiċi dwar suġġetti li huma relatati mal-implimentazzjoni tal-EPSR bħan-negozjati għal qafas ta’ ftehim awtonomu dwar id-diġitalizzazzjoni, inklużi possibbiltajiet u modalitajiet għall-konnessjoni u l-iskonnessjoni, kif ukoll it-titjib tal-prestazzjoni tas-swieq tax-xogħol u s-sistemi soċjali, u l-iżvilupp tal-ħiliet (12). |
2.6.10 |
Ir-rwol tas-soċjetà ċivili għandu jiġi rikonoxxut aħjar u msaħħaħ. Id-djalogu ċivili jeħtieġ li jissaħħaħ biex ikun żgurat li n-nies, inklużi ż-żgħażagħ (13) u dawk f’sitwazzjonijiet vulnerabbli jew li qed jiffaċċjaw diskriminazzjoni, iħossu li jistgħu jipparteċipaw fit-tfassil, l-implimentazzjoni u r-reviżjoni ta’ proċessi ta’ tfassil tal-politika (14). Il-KESE għadu kemm nieda d-dibattiti nazzjonali fl-Istati Membri magħżula tal-UE dwar kif jista’ jinkiseb involviment aħjar tas-soċjetà ċivili fiċ-ċirku tas-Semestru Ewropew (15). |
2.6.11 |
Il-Kummissjoni ħadet miżuri prattiċi biex tpoġġi l-Pilastru fil-prattika fil-livell Ewropew u reċentement ippubblikat skeda informattiva aġġornata li fiha l-inizjattivi leġiżlattivi u mhux leġiżlattivi adottati s’issa (16). Il-KESE diġà talab pjan direzzjonali ċar u kkoordinat (17) li jistabbilixxi l-prijoritajiet għall-implimentazzjoni tal-Pilastru. |
2.6.12 |
Il-miżuri għall-implimentazzjoni tal-EPSR għandhom ikunu bbażati fuq analiżi xjentifika tas-sitwazzjoni legali u prattika preżenti tal-politiki soċjali u tas-saħħa fl-Istati Membri u fil-livell tal-UE u għandhom jinvolvu l-partijiet ikkonċernati soċjali. Il-KESE jipproponi l-istabbiliment ta’ Forum tal-UE dwar il-Politika Soċjali: l-UE teħtieġ forum permanenti għall-komunikazzjoni, l-aħjar prattika, l-evalwazzjoni, seminars tal-esperti, programmi soċjali, il-konformità mar-regoli tal-UE u l-Istati Membri u l-proġetti ta’ riforma għall-politiki tal-Istati Membri u tal-UE. Peress li l-infurzar aħjar tad-drittijiet soċjali eżistenti għadu kwistjoni ta’ tħassib, u l-Kummissjoni u l-Istati Membri jridu jtejbu l-konformità mar-regoli tal-UE. Il-Forum il-ġdid għandu jkun marbut mill-qrib mal-KESE u mal-proċess tas-Semestru. |
2.6.13 |
Il-miżuri mhux leġiżlattivi, li jistgħu jkunu għodod komplementari għall-implimentazzjoni effettiva tal-EPSR, jinkludu strumenti legali mhux vinkolanti bħar-rikonoxximent reċiproku ta’ sistemi bi prestazzjoni tajba, inċentivi komuni, il-metodu miftuħ ta’ koordinazzjoni, tagħlim reċiproku, reviżjonijiet bejn il-pari, l-impenn tal-Istati Membri fil-midja, kif ukoll programmi ta’ diżinċentiv (18). Il-KESE jilqa’ l-inizjattivi mmirati lejn il-mobilizzazzjoni tas-soċjetà ċivili u tal-partijiet interessati, li jistgħu jkunu appoġġjati finanzjarjament, bħal “Stand Up for the Social Pillar” (19). |
2.7 Politiki finanzjarji u l-użu koerenti u mmirat tal-fondi tal-UE
2.7.1 |
Biex jiġi implimentat kif imiss, l-EPSR jeħtieġ spazju baġitarju u investimenti kemm fil-livell Ewropew kif ukoll f’dak nazzjonali; għandu jkun inkorporat fil-politiki ekonomiċi, finanzjarji u baġitarji, u l-istrateġija futura tal-UE, b’approċċ olistiku u koerenti. L-għan ta’ produttività ogħla u inqas differenza fid-dħul permezz tal-edukazzjoni, l-awtonomizzazzjoni u l-inklużjoni soċjali jaqdi rwol ewlieni hawnhekk (20). L-implimentazzjoni tal-EPSR għandha tikkostitwixxi wieħed mill-prinċipji gwida għad-definizzjoni tal-Qafas Finanzjarju Pluriennali li jmiss tal-UE. Dan jeħtieġ użu koerenti tal-fondi u li l-Pilastru jsir il-boxxla għall-programmi operattivi u l-għodda biex jiġi ddeterminat l-impatt tal-Fondi Strutturali u ta’ Investiment, tal-FSE+ u tal-fond InvestEU kif ukoll tal-kumplament tal-intestaturi baġitarji rilevanti tal-UE. Il-kriterji għall-aċċess għall-fondi tal-UE għandhom jirreferu b’mod kostruttiv u adatt għad-drittijiet u l-prinċipji tal-Pilastru, filwaqt li jitqiesu s-sitwazzjonijiet nazzjonali u l-kontributi tal-partijiet interessati soċjali kollha. Il-fondi tal-UE m’għandhomx jissostitwixxu l-finanzjament pubbliku ta’ sistemi tas-sigurtà soċjali moderni, ta’ kwalità tajba u aċċessibbli minn u fi ħdan l-Istati Membri. |
2.7.2 |
In-negozjati għall-Qafas Finanzjarju Pluriennali li jmiss għandhom jimmiraw li jiżguraw finanzjament adatt għall-politiki soċjali u tal-impjieg. Ir-regoli tal-baġit u tad-dejn tal-UE (21) għandhom jiġu riveduti sabiex jiġu rispettati d-drittijiet fundamentali kif ukoll il-miri tat-Trattati u tal-EPSR. Ekonomiji li sejrin tajjeb, il-kontroll tad-dejn u miri soċjali għandu jkollhom bilanċ adatt. Kif iddikjara kemm-il darba l-KESE (22), jista’ jkun iffaċilitat ukoll aktar investiment pubbliku fl-Istati Membri permezz ta’ “regola tad-deheb” għal investiment pubbliku b’għan soċjali, li jippermetti aktar flessibilità fir-regoli tal-baġit. Iż-żieda fil-livelli tad-dħul, it-tkabbir sostenibbli, koeżjoni soċjali aktar b’saħħitha u l-prevenzjoni tal-esklużjoni huma miri konġunti li għandhom jiġu kkunsidrati. Aktar investiment pubbliku jista’ jkun appoġġjat ukoll, speċjalment mill-Fondi Strutturali u ta’ Investiment Ewropej (FSIE), li jistgħu jkunu ffukati b’mod aktar ċar lejn għanijiet enfasizzati fl-EPSR (23). Politiki tat-tassazzjoni adatti li jkunu mmirati, fost l-oħrajn, lejn il-ġlieda effettiva kontra l-frodi tat-taxxa, l-evitar tat-taxxa u l-ippjanar aggressiv tat-taxxa, għandhom jippermettu li jiġu ġġenerati fondi addizzjonali biex jikkontribwixxu għall-finanzjament tal-EPSR (24). |
2.8 Is-Semestru Ewropew
2.8.1 |
L-EPSR jaffettwa l-governanza ekonomika Ewropea. Dan diġà huwa inkorporat fid-dokumenti ewlenin tas-Semestru Ewropew u kien is-suġġett ta’ rakkomandazzjonijiet speċifiċi għall-pajjiż (CSRs) fl-2018. Ir-Rapport Konġunt dwar l-Impjiegi tal-2019 (25) (JER) kiseb rwol prominenti fis-Semestru tal-UE flimkien mal-Istħarriġ Annwali dwar it-Tkabbir (AGS). |
2.8.2 |
Il-KESE jikkunsidra s-Semestru Ewropew u l-Programmi Nazzjonali ta’ Riforma — li japplikaw b’mod ugwali għal pajjiżi li mhumiex fiż-żona tal-euro — bħala strument ewlieni għall-implimentazzjoni u l-monitoraġġ tal-Pilastru (26). Qafas ta’ referenza, punti ta’ riferiment u skambji ta’ politika kkoordinati biex jappoġġjaw l-isforzi tal-Istati Membri, l-istituzzjonijiet tal-UE u l-imsieħba soċjali biex itejbu l-prestazzjoni tal-impjieg u l-politiki soċjali jistgħu jkunu meħtieġa biex jinkiseb progress.
It-Tabella ta’ Valutazzjoni Soċjali għandha timmonitorja b’mod regolari l-progress fl-implimentazzjoni tal-Pilastru kemm fir-rapport tal-JER kif ukoll f’dak tal-pajjiżi. Għandha taħdem b’mod integrat mal-Monitoraġġ tal-Prestazzjoni fil-Qasam tal-Impjiegi (MPI) u mal-Monitoraġġ tal-Prestazzjoni tal-Protezzjoni Soċjali (MPPS) li diġà jeżistu, żviluppati mill-Istati Membri. Din tista’ tittejjeb, peress li t-teknika ta’ valutazzjoni komparattiva tagħha (ibbażata fuq id-distanza mill-medji tal-UE) tista’ tipprovdi rappreżentazzjoni ottimista żżejjed tal-prestazzjoni soċjali tal-Istati Membri. L-14-il indikatur tat-tabella ta’ valutazzjoni u s-sottoindikaturi (35 b’kollox) għandhom ikunu soġġetti għal reviżjoni kontinwa, filwaqt li jinvolvu l-imsieħba soċjali u l-organizzazzjonijiet tas-soċjetà ċivili, biex jiġu adattati għall-għanijiet politiċi u għas-sitwazzjonijiet soċjoekonomiċi li qed jinbidlu fl-Ewropa. |
2.8.3 |
Semestru Ewropew ġdid għandu jikseb għanijiet soċjali fil-qafas tal-monitoraġġ tal-iżbilanċi soċjali biex jibbilanċja mill-ġdid il-predominanza tar-rekwiżiti fiskali u makroekonomiċi. It-Tabella ta’ Valutazzjoni Soċjali għandha timmonitorja u timmira d-drittijiet u l-prinċipji kollha tal-Pilastru, u tinkludi indikaturi mtejba u indikaturi ġodda li jistgħu jitkejlu. Dawn l-indikaturi jistgħu jinkludu, minbarra statistika, aċċess reali għal servizzi soċjali bbażati fuq il-kwalità, drittijiet soċjali infurzabbli, integrazzjoni soċjali u fis-suq tax-xogħol tal-migranti, kopertura ta' negozjar kollettiv, il-parteċipazzjoni tal-partijiet ikkonċernati soċjali fil-proċess tas-Semestru u aċċess għal apprendistati u edukazzjoni għolja ta' kwalità tajba. Il-Kummissjoni għandha timmonitorja l-implimentazzjoni tal-pjani nazzjonali ta’ riforma f’kooperazzjoni mill-qrib mal-imsieħba soċjali u l-organizzazzjonijiet rilevanti tas-soċjetà ċivili, biex b’hekk tippromovi rakkomandazzjonijiet soċjali speċifiċi għall-pajjiż. In-numru u l-istruttura tar-rakkomandazzjonijiet għandhom ikunu adatti u jissorveljaw il-progress magħmul fuq il-prijoritajiet indikati fil-pjan direzzjonali. |
2.8.4 |
L-involviment tal-imsieħba soċjali għandu jissaħħaħ f'konformità mad-dispożizzjonijiet tat-TFUE, li jippermettilhom li jiġu kkonsultati dwar it-tfassil u l-implimentazzjoni tal-politiki ekonomiċi, tal-impjieg, kif ukoll dawk soċjali, skont il-prattiki nazzjonali. L-involviment f’waqtu u sinifikanti tal-imsieħba soċjali huwa essenzjali sabiex jittejjeb l-impenn fil-politiki, u b’hekk tiġi ffaċilitata l-implimentazzjoni b’suċċess tagħhom b’mod li jibbilanċja l-interessi tal-ħaddiema u tal-impjegaturi. Il-kooperazzjoni bejn l-imsieħba soċjali tista’ tkun xprun biex il-politika ekonomika, dik tal-impjieg u dik tal-inklużjoni soċjali jkunu ta’ suċċess, sostenibbli u inklużivi (27). Il-konsultazzjoni mal-imsieħba soċjali għandha tkun obbligatorja (28). |
2.8.5 |
Il-parteċipazzjoni tal-organizzazzjonijiet tas-soċjetà ċivili, l-assoċjazzjonijiet tal-fornituri tas-servizzi u l-assigurazzjoni pubblika wriet ukoll li hija effettiva fit-tfassil ta’ politiki li jimplimentaw l-EPSR permezz tas-Semestru Ewropew. |
2.8.6 |
Meta wieħed iqis ir-rwol dejjem jikber li jaqdi s-Semestru tal-UE fil-gwida tal-infiq tal-baġit tal-UE, dan m’għandux iseħħ għad-detriment tal-klawsoli attwali jew futuri li jiżguraw it-trasparenza, il-ftuħ u r-responsabbiltà fl-ippjanar u l-infiq tal-baġit tal-UE. |
2.8.7 |
Parametri referenzjarji mfassla tajjeb jistgħu jaġixxu bħala boxxla għar-riformi nazzjonali meħtieġa mmirati biex iżidu l-prestazzjoni tas-swieq tax-xogħol u tas-sistemi soċjali. Għandu jkun hemm prijoritizzazzjoni ċara tal-kwistjonijiet koperti, li tiffoka fuq dawk li se jkollhom impatt pożittiv fuq il-kompetittività u l-impjieg, kif ukoll fuq is-sostenibbiltà, l-effettività, l-inklużività u l-effiċjenza tas-sistemi soċjali. Dan l-eżerċizzju għandu jkun sforz konġunt min-naħa tal-Kunsill, tal-Kummissjoni, tal-Istati Membri u tal-imsieħba soċjali. Bl-istess mod, l-imsieħba soċjali nazzjonali għandhom ikunu involuti bis-sħiħ mill-gvernijiet nazzjonali meta jkunu qed jimplimentaw il-prinċipji u d-drittijiet tal-pilastri. |
3. L-istat tal-implimentazzjoni u l-proposti għall-passi li jmiss
3.1 |
Abbażi tal-kuntest u l-linji gwida għall-implimentazzjoni, u b'referenza għall-punti 2.6.1, 2.6.2 u 2.6.3 dwar id-distribuzzjoni tal-kompetenzi fost l-istituzzjonijiet tal-UE u l-Istati Membri u l-involviment tal-partijiet ikkonċernati kollha, dan il-kapitolu jidentifika xi prijoritajiet li għandhom jiġu indirizzati fix-xhur li ġejjin. Madankollu, dan mhuwiex sett eżawrjenti ta’ azzjonijiet li jkunu meħtieġa għall-implimentazzjoni tal-Pilastru. |
3.2 Opportunitajiet indaqs u aċċess għas-suq tax-xogħol
3.2.1 |
Fl-2019 ġiet adottata Direttiva dwar il-Bilanċ bejn ix-Xogħol u l-Ħajja Privata u għandha ġġib benefiċċji tanġibbli għall-familji, l-iżjed in-nisa u t-tfal, u tintroduċi standard minimu għall-ġenituri u dawk li jindukraw. Skont l-Artikolu 153 tat-TFUE, l-imsieħba soċjali nazzjonali għandhom rwol kruċjali fl-iżgurar tat-traspożizzjoni rapida tagħha permezz ta’ ftehimiet kollettivi, billi jadattaw id-dritt tal-Unjoni għall-bżonnijiet attwali tal-pajjiż, filwaqt li jirrispettaw il-ftehimiet jew il-leġiżlazzjoni li diġà jissodisfaw l-istandards tad-direttiva. |
3.2.2 |
Meta tkun qed tiġi implimentata d-Direttiva dwar il-Bilanċ bejn ix-Xogħol u l-Ħajja Privata, għandha tingħata attenzjoni partikolari għal soluzzjonijiet vijabbli u ġusti għal kumpens adegwat lill-impjegati li jużaw il-liv tal-ġenituri, kif ukoll fir-rigward ta’ kundizzjonijiet tax-xogħol flessibbli, u l-inklużjoni ta’ reviżjoni possibbli tal-miri ta’ Barċellona. Għandhom jiġu kkunsidrati wkoll servizzi għall-kura tat-tfal u servizzi oħra bil-għan li jappoġġjaw lill-familji. |
3.2.3 |
Il-KESE talab strateġija integrata ta’ ugwaljanza bejn il-ġeneri (29). Fid-dawl tad-Dikjarazzjoni Konġunta mill-ministri Ewropej għall-Ugwaljanza bejn il-Ġeneri (30), il-KESE jappella biex jiġu eliminati d-differenzi bejn il-pagi tal-irġiel u n-nisa (31). B’mod partikolari, għandhom jiġu indirizzati l-ħtiġijiet tal-SMEs sabiex jiġi żgurat li jiġu evitati piżijiet amministrattivi eċċessivi. |
3.2.4 |
Tibqa’ kruċjali l-ħtieġa li jiġu kkunsidrati u indirizzati l-implikazzjonijiet tad-differenzi fil-pagi għall-pensjonijiet futuri tan-nisa, id-diskrepanza fil-pensjoni u r-riskju ogħla ta’ faqar tagħhom. |
3.2.5 |
Il-KESE jenfasizza għal darb’oħra li l-parteċipazzjoni fis-suq tax-xogħol u l-kwalità tax-xogħol jistgħu jitjiebu bis-saħħa ta’ żieda fl-investiment fil-politiki attivi tas-suq tax-xogħol u billi jiġu stabbiliti standards komuni għall-funzjonament effettiv tas-servizzi pubbliċi tal-impjiegi (PES) (32). Dan japplika wkoll għas-servizzi tal-impjieg mingħajr skop ta’ qligħ, bil-għan li jitnaqqas il-perjodu ta’ żmien fit-tranżizzjonijiet, li jiġi żgurat l-użu tal-ħiliet miksuba, li jiġu appoġġjati aktar u diversi perkorsi ta’ karriera u li nersqu lejn impjieg stabbli (33). Il-ġlieda kontra l-qgħad fit-tul, l-integrazzjoni tal-migranti regolari fis-suq tax-xogħol u r-riintegrazzjoni tal-persuni li jkunu qed jesperjenzaw skoraġġiment jiffurmaw qasam ta’ politika ewlieni ieħor li jeħtieġ miżuri mmirati urġenti, li jistgħu jinkludu d-dritt tal-ħaddiema li jirċievu appoġġ biex ifittxu impjieg, għat-taħriġ u l-kwalifikazzjoni mill-ġdid. |
3.2.6 |
L-iżgurar ta’ dritt għal tagħlim tul il-ħajja għal kulħadd għandu jkun fuq l-aġenda tal-UE (34). Is-sistemi nazzjonali ta’ edukazzjoni, taħriġ u apprendistati għandhom jiġu żviluppati aktar b'attenzjoni fuq l-oqsma STEM (xjenza, teknoloġija, inġinerija u matematika) u l-iżvilupp ta’ sistemi doppji li jwasslu għal tqabbil aħjar tal-ħtiġijiet tas-suq tax-xogħol. |
3.3 Kundizzjonijiet tax-xogħol ġusti
3.3.1 |
Fuq perjodu qasir ta’ żmien, il-fokus għandu jkun fuq il-monitoraġġ tal-implimentazzjoni tad-Direttiva riveduta dwar l-Istazzjonar ta’ Ħaddiema, li tafferma l-prinċipju tat-trattament ugwali, u d-Direttiva dwar Kundizzjonijiet tax-Xogħol Trasparenti u Prevedibbli, li tistabbilixxi drittijiet minimi għar-relazzjonijiet kollha tal-impjieg, flimkien mal-istabbiliment tal-Awtorità Ewropea tax-Xogħol, li għandha l-għan li ttejjeb l-infurzar tal-acquis tal-UE u l-effettività tal-ispezzjonijiet tax-xogħol. |
3.3.2 |
Il-KESE jirrakkomanda t-tisħiħ tal-involviment tal-impjegati fil-kumpaniji, speċjalment bil-għan li tiġi appoġġjata l-introduzzjoni ta’ teknoloġiji ġodda, u li jiġi sfruttat l-impatt fuq l-organizzazzjoni tax-xogħol u l-ħiliet tal-forza tax-xogħol. F’dan il-kuntest, il-KESE jistenna b’interess ir-riżultat tan-negozjati bejn l-imsieħba soċjali Ewropej dwar il-Ftehim Qafas dwar id-Diġitalizzazzjoni. |
3.3.3 |
Il-KESE jappoġġja l-iżvilupp, fil-qafas tad-djalogu soċjali fil-livelli adatti nazzjonali u Ewropej, ta’ miżuri adegwati dwar “tranżizzjonijiet ġusti” li jintroduċu miżuri u azzjonijiet biex jimmaniġġjaw, jibdlu u jintroduċu protezzjoni minima f’każijiet ta’ postijiet tax-xogħol organizzati mill-ġdid jew tkeċċijiet kollettivi li jirriżultaw minn tranżizzjonijiet (teknoloġiċi, demografiċi, tal-globalizzazzjoni, tat-tibdil fil-klima, tal-ekonomija ċirkolari), inkluż id-dritt ta’ involviment f’negozjar kollettiv biex jiġi antiċipat it-tibdil u jiġi pprovdut appoġġ lill-ħaddiema affettwati (evoluzzjoni tad-Direttiva dwar Sensji Kollettivi (35)). Il-KESE jistenna b’interess ukoll l-adozzjoni mill-koleġiżlaturi tal-Fond Ewropew ta’ Aġġustament għall-Globalizzazzjoni. |
3.3.4 |
L-involviment tal-impjegati fil-governanza korporattiva, bħala parti mid-drittijiet tagħhom għall-informazzjoni u l-konsultazzjoni, għandu jiġi adattat għall-qafas legali l-ġdid dwar l-informazzjoni mhux finanzjarja (36) u bil-ħsieb li tiġi indirizzata d-diliġenza dovuta meħtieġa fir-rekwiżiti tar-responsabbiltà tal-intrapriżi. |
3.3.5 |
Il-KESE jqis utli li jiġu stabbiliti punti ta’ riferiment li jgħinu biex tiġi vvalutata l-adegwatezza ta’ pagi baxxi għall-prevenzjoni tal-faqar fost dawk li jaqilgħu l-paga, inkluż billi jiġu promossi l-analiżi u l-iskambju ta’ prattiki tajba permezz tal-proċessi disponibbli ta’ tagħlim reċiproku u billi jiġu introdotti standards komuni biex jiġu stabbiliti pagi minimi trasparenti u prevedibbli, fejn dawn jeżistu u jekk l-imsieħba soċjali jriduhom. |
3.3.6 |
Filwaqt li jqis ukoll l-importanza mogħtija lis-saħħa u s-sigurtà fid-Dikjarazzjoni Ċentinarja tal-ILO, il-KESE jirrakkomanda li tittieħed azzjoni biex jiġi żgurat li l-ħaddiema jkunu jistgħu jibbenefikaw mill-aħjar teknoloġiji għat-titjib tas-saħħa u s-sigurtà fuq il-post tax-xogħol u għall-prevenzjoni tal-inċidenti, filwaqt li jitqies l-impatt li dan jista’ jkollu fuq il-privatezza u l-kontroll tal-prestazzjoni. |
3.3.7 |
L-Istati Membri kollha għandu jkollhom l-istess opportunità biex jibbenefikaw minn sistemi effettivi ta’ negozjar kollettiv. Fejn meħtieġ, għandhom jinbnew jew jittejbu oqfsa legali u operazzjonali għal negozjar kollettiv, ħieles, awtonomu u effettiv. L-oqfsa legali u operazzjonali għandhom jiġu appoġġjati permezz ta’ riżorsi adatti għall-bini tal-kapaċità għall-imsieħba soċjali fl-FSE+, u permezz tal-promozzjoni tad-djalogu soċjali u l-involviment tal-imsieħba soċjali, speċjalment fis-Semestru tal-UE. |
3.4 Il-ħarsien soċjali u l-inklużjoni
3.4.1 |
L-EPSR jipprovdi miżuri li jiggarantixxu l-protezzjoni soċjali għal kull min jgħix fl-UE. Il-politiki soċjali fil-livell tal-UE u tal-Istati Membri kkontribwew għat-titjib tal-mudell soċjali Ewropew li għandu jiġi aġġornat abbażi tal-miri tal-EPSR. Il-bilanċ bejn ir-responsabbiltà individwali — tal-ħaddiema u l-intrapriżi b’kontribuzzjoni soċjali — u s-solidarjetà jeħtieġ li jiġi assigurat sabiex jintlaħqu l-isfidi l-ġodda li jirriżultaw mill-impatt tal-globalizzazzjoni, id-diġitalizzazzjoni, it-tibdil fil-klima u l-mobilità tal-forza tax-xogħol. |
3.4.2 |
Huma partikolarment importanti l-prinċipji u d-drittijiet konnessi mal-bżonnijiet fundamentali u l-opportunitajiet indaqs tal-gruppi vulnerabbli indirizzati fil-kapitolu 3 tal-Pilastru, bħat-tfal u ż-żgħażagħ żvantaġġati u nies mingħajr riżorsi suffiċjenti. Aġenda effettiva għall-persuni b’diżabilità hija mira essenzjali tal-KESE (37). Id-drittijiet u l-prinċipji fundamentali mhumiex qed jiġu implimentati fl-Istati Membri kollha. L-introjtu minimu adegwat (14) flimkien ma’ appoġġ attiv għall-impjieg (4), id-dħul adegwat f'età avvanzata (15), aċċess għall-edukazzjoni u t-taħriġ (1), l-akkomodazzjoni u l-assistenza għall-persuni mingħajr dar (19) mhumiex kollha garantiti madwar l-UE, u lanqas mhuma l-benefiċċji u s-servizzi affidabbli u effettivi. |
3.4.3 |
Il-potenzjal tal-innovazzjoni permezz ta’ teknoloġiji ġodda u d-diġitalizzazzjoni għandu jintuża għas-servizzi pubbliċi u l-ekonomija soċjali filwaqt li jiġu rispettati d-drittijiet taċ-ċittadini (38). Fl-istess ħin, l-isfidi soċjali u kulturali li jistgħu jinħolqu mill-pjattaformi diġitali kummerċjali (39) u l-iżbilanċi fil-kompetizzjoni għandhom jiġu indirizzati biex tinkiseb mill-ġdid bażi ġusta għall-SMEs, u biex jinkisbu l-benesseri lokali kif ukoll l-inklużjoni soċjali fir-reġjuni żvantaġġati. |
3.4.4 |
F'xi Stati Membri, il-benefiċċji u s-servizzi abbażi tas-solidarjetà ma jingħatawx lil kulħadd u mhumiex soġġetti għal azzjoni legali. Flimkien mal-prattiki tajbin u l-progress, ir-Rapporti tal-Pajjiżi juru wkoll politiki soċjali li mhumiex koordinati u integrati sew, sistemi inadegwati, riskju għoli ta’ faqar, l-ebda inklużjoni attiva, differenzi reġjonali sostanzjali, u nuqqas ta’ investiment fis-servizzi tal-kura tas-saħħa u servizzi oħrajn ta’ interess ġenerali u l-aċċess għalihom. Biex jittrattaw din il-problema, l-awtoritajiet pubbliċi u servizzi mingħajr skop ta’ qligħ — li huma rikonoxxuti — għandhom jiġu pprovduti b’kundizzjonijiet adatti li jiggarantixxu l-forniment ta’ servizzi pubbliċi ta’ kwalità tajba. |
3.4.5 |
Il-KESE jilqa’ r-Rakkomandazzjoni tal-Kunsill dwar l-Aċċess għall-protezzjoni soċjali għall-ħaddiema u għall-persuni li jaħdmu għal rashom, li tindirizza d-differenzi fl-aċċess għall-protezzjoni soċjali li jiffaċċjaw il-persuni impjegati f’kuntratti mhux standard u f’diversi forom ta’ impjieg indipendenti. Dan għandu jiġi kkombinat ma’ miżuri ulterjuri għall-implimentazzjoni tar-Rakkomandazzjoni, bħal valutazzjoni skont il-qafas ta’ monitoraġġ miftiehem fir-Rakkomandazzjoni u abbażi ta’ pjani ta’ azzjoni mressqa mill-Istati Membri u kontribuzzjonijiet mill-imsieħba soċjali u l-organizzazzjonijiet tas-soċjetà ċivili. |
3.4.6 |
It-tisħiħ tal-kapaċità tal-Istati Membri biex jattivaw it-trasferimenti soċjali biex jissodisfaw il-ħtiġijiet bażiċi tal-persuni mit-twelid sal-anzjanità huwa wkoll meħtieġ b’mod urġenti. Dan jinvolvi:
|
3.4.7 |
Il-KESE jitlob lill-koleġiżlaturi tal-UE biex ikomplu bin-negozjati dwar ir-reviżjoni tar-Regolament 883 dwar il-Koordinazzjoni ta’ Sistemi tas-Sigurtà Soċjali, u jitlob lill-Istati Membri biex iħaffu l-implimentazzjoni tal-Att Ewropew dwar l-Aċċessibbiltà. |
3.4.8 |
Ir-rwol tas-servizzi soċjali, tal-intrapriżi tal-ekonomija soċjali u tal-organizzazzjonijiet mingħajr skop ta’ qligħ għandu jiġi promoss permezz ta’ miżuri mmirati u finanzjament speċifiku. |
3.5 Miżuri trasversali
3.5.1 |
L-EPSR għandu jsawwar mill-ġdid il-karatteristiċi u r-rekwiżiti ta’ regolamentazzjoni aħjar fil-livell tal-UE u f’dak nazzjonali, sabiex il-kriterji kollha, inkluża l-analiżi tal-ispejjeż imqabbla mal-benefiċċji, jirriflettu b’mod sħiħ l-impatt ekonomiku, soċjali u ambjentali fl-oqsma li qegħdin jiġu regolati, u jindirizzaw ukoll l-impatt fuq l-SMEs. |
3.5.2 |
Riżorsi speċifiċi, inklużi linji baġitarji speċifiċi, għandhom ikunu disponibbli għall-awtoritajiet lokali, l-imsieħba soċjali u organizzazzjonijiet oħrajn tas-soċjetà ċivili biex jinkoraġġixxu u jappoġġjaw l-azzjoni li jeħtieġ jieħdu biex jimplimentaw l-EPSR (konferenzi, studji, taħriġ, informazzjoni, skambju ta’ esperti, eċċ.). |
Brussell, il-25 ta’ Settembru 2019.
Il-President
tal-Kumitat Ekonomiku u Soċjali Ewropew
Luca JAHIER
(1) ĠU C 81, 2.3.2018, p. 145, punti 1.2 u 2.2.
(2) Eż. fl-Opinjonijiet tiegħu: ĠU C 13, 15.1.2016, p. 40; ĠU C 81, 2.3.2018, p. 145 u ĠU C 440, 6.12.2018, p. 135
(3) Artikolu 9 tat-TFUE.
(5) Kif elenkat fil-punt 2.6.3.
(6) ĠU C 262, 25.7.2018, p. 1, punti 1.5 u 1.6.
(7) ĠU C 125, 21.4.2017, p. 10, punt 6.3.1.
(8) ĠU C 81, 2.3.2018, p. 145, punt 2.2.
(9) https://www.consilium.europa.eu/mt/press/press-releases/2019/05/09/the-sibiu-declaration/
(10) ĠU C 440, 6.12.2018, p. 28, punt 3.3.
(11) ĠU C 13, 15.1.2016, p. 40.
(12) Djalogu Soċjali Ewropew, Programm ta’ Ħidma 2019-2021.
(13) L-importanza li jiġu involuti ż-żgħażagħ fid-djalogu tqajmet f’diversi dibattiti nazzjonali, pereżempju fis-Slovenja.
(14) ĠU C 125, 21.4.2017, p. 10.
(15) ĠU C 125, 21.4.2017, p. 10.
(16) https://ec.europa.eu/commission/sites/beta-political/files/european_pillar_one_year_on.pdf
(17) ĠU C 81, 2.3.2018, p. 145, punt 1.3.
(18) Dan jirreferi għall-kaxxa tal-għodod ta’ regolamentazzjoni aħjar ta’ miżuri komplimentari jew alternattivi għal-leġislazzjoni iebsa.
(19) https://www.etuc.org/en/pressrelease/stand-social-pillar-alliance-social-economy-enterprises-trade-unions-and-civil-society
(20) ĠU C 271, 19.9.2013, p. 91, punt 2.3.
(21) ĠU C 177, 18.5.2016, p. 35.
(22) ĠU C 227, 28.6.2018, p. 1 punti 1.8 u 3.6; ĠU C 327, 12.11.2013, p. 11; ĠU C 227, 28.6.2018, p. 95, punt 1.4; ĠU C 226, 16.7.2014, p. 21; ĠU C 262, 25.7.2018, p. 1, punt 3.14 u ĠU C 190, 5.6.2019, p. 24, punt 1.8.
(23) ĠU C 262, 25.7.2018, p. 1, punt 1.5.
(24) ĠU C 262, 25.7.2018, p. 1, punt 1.6.
(25) https://data.consilium.europa.eu/doc/document/ST-6167-2019-INIT/mt/pdf
(26) ĠU C 125, 21.4.2017, p. 10, punt 6.3.1.
(27) ĠU C 282, 20.8.2019, p. 10, punt 3.3.2.
(28) ĠU C 282, 20.8.2019, p. 32, punt 3.3.5.
(29) ĠU C 240, 16.7.2019, p. 3, punt 1.3.
(30) Dikjarazzjoni Konġunta dwar “L-Ugwaljanza bejn il-Ġeneri bħala Prijorità tal-Unjoni Ewropea llum u fil-ġejjieni” (mhux disponibbli bil-Malti) iffirmata fl-okkażjoni tal-Laqgħa Informali tal-Ministri għall-Ugwaljanza bejn il-Ġeneri fit-12 ta’ Ottubru 2018 fi Vjenna.
(31) ĠU C 110, 22.3.2019, p. 26, punti 3.1.1 u 3.1.3.
(32) Il-KESE adotta Opinjoni speċifika dwar il-PES (ĠU C 353, 18.10.2019, p. 46).
(33) ĠU C 353, 18.10.2019, p. 46.
(34) ĠU C 237, 6.7.2018, p. 8, punt 4.10.
(35) Id-Direttiva tal-Kunsill 98/59/KE tal-20 ta’ Lulju 1998 dwar l-approssimazzjoni tal-liġijiet tal-Istati Membri dwar sensji kollettivi (ĠU L 225, 12.8.1998, p. 16).
(36) Direttiva 2014/95/UE tal-Parlament Ewropew u tal-Kunsill tat-22 ta' Ottubru 2014 li temenda d-Direttiva 2013/34/UE fir-rigward tad-divulgazzjoni ta' informazzjoni mhux finanzjarja u dwar id-diversità minn ċerti impriżi u gruppi kbar (ĠU L 330, 15.11.2014, p. 1).
(37) SOC/616 – It-tiswir tal-aġenda tal-UE għal drittijiet tal-persuni b’diżabilità 2020-2030 (għadha għaddejja).
(38) ĠU C 353, 18.10.2019, p. 1.
(39) ĠU C 353, 18.10.2019, p. 17.
(40) ĠU C 190, 5.6.2019, p. 1.
(41) Il-KESE qed iħejji Opinjoni SOC/583 dwar “Standards minimi komuni fil-qasam tal-assigurazzjoni tal-qgħad fl-Istati Membri tal-UE” (għadha għaddejja).
APPENDIĊI
L-emendi li ġejjin inċaħdu waqt id-diskussjoni iżda rċevew aktar minn kwart tal-voti (Artikolu 59(3) tar-Regoli ta’ Proċedura):
Punt 2.3
Ibdel it-test kif ġej:
2.3 |
Id-Dikjarazzjoni Ċentinarja reċenti tal-ILO għall-Futur tax-Xogħol adottata fil-Konferenza Internazzjonali dwar ix-Xogħol tidentifika xi linji ta’ azzjoni importanti għall-ILO. Fid-dikjarazzjoni, il-Konferenza Internazzjonali dwar ix-Xogħol tappella wkoll lill-membri kollha biex, filwaqt li jqisu ċ-ċirkostanzi nazzjonali, jaħdmu individwalment u kollettivament, abbażi tat-tripartitiżmu u d-djalogu soċjali, u bl-appoġġ tal-ILO, biex tkompli tiżviluppa l-approċċ tagħha ċċentrat fuq il-bniedem fir-rigward tal-futur tax-xogħol. Id-dikjarazzjoni tittratta kwistjonijiet bħat-tisħiħ tal- u tistabbilixxi minn qabel miżuri li jimmodernizzaw il-liġi tax-xogħol u jipprevjenu l-esklużjoni, u tipprevedi wkoll sett ta’ investimenti fil-kapaċitajiet tan-nies, u l-fl-istituzzjonijiet tax-xogħol u l-promozzjoni ta’ tkabbir ekonomiku sostnut, inklużiv u sostenibbli, impjieg sħiħ u produttiv u xogħol deċenti għal kulħadd f’xogħol deċenti u sostenibbli li jifformaw l-aħjar ambjent biex il-kumpaniji jirnexxu u biex in-nies jimxu ’l quddiem lejn kundizzjonijiet ta’ xogħol u għajxien aktar ġusti, filwaqt li jiġu rispettati l-kuntesti nazzjonali u r-rwol speċifiku tal-imsieħba soċjali. |
Raġuni
It-tibdil propost għandu l-għan li jiżgura li t-test tal-paragrafu jikkorrispondi għall-kontenut tad-Dikjarazzjoni Ċentinarja tal-ILO. Barra minn hekk, għall-finijiet ta’ din l-Opinjoni, ara l-istqarrija ġenerali dwar kif il-membri tal-ILO għandhom jaħdmu — individwalment u kollettivament — biex jiġi appoġġjat l-approċċ tagħhom għall-futur tax-xogħol.
Riżultat tal-votazzjoni
Favur |
56 |
Kontra |
121 |
Astensjonijiet |
3 |
Punt 2.5
Ibdel it-test kif ġej:
2.5 |
Fil-livell tal-UE, s’issa l-EPSR qed jiġi implimentat permezz ta’: |
(a) |
miżuri leġiżlattivi u mhux leġiżlattivi, b’enfasi fuq l-infurzar u l-eżami tal-Acquis Soċjali eżistenti, li għandhom jiġu aġġornati fejn meħtieġ, |
(b) |
permezz ta’ finanzjament speċifiku, u |
(c) |
permezz ta’ xi bidliet inizjali fil-proċess tas-Semestru. |
Raġuni
Dan il-punt jittratta x’tip ta’ miżuri ttieħdu fil-livell tal-UE s’issa biex jiġi implimentat l-EPSR. Għalhekk, mhuwiex loġiku li jkun hemm referenza għall-aġġornament tal-acquis eżistenti.
Riżultat tal-votazzjoni
Favur |
56 |
Kontra |
124 |
Astensjonijiet |
2 |
Punt 2.6
Ibdel it-test kif ġej:
2.6 |
Kummenti ġenerali dwar miżuri Miżuri leġiżlattivi u mhux leġiżlattivi fil-livell tal-UE u f’dak nazzjonali |
Raġuni
Qed jiġi propost li l-intestatura prinċipali u s-subintestatura ta’ din it-taqsima jinbidlu sabiex jirriflettu t-test li qed jiġi propost li jiżdied mal-punti l-ġodda proposti hawn taħt.
Riżultat tal-votazzjoni
Favur |
49 |
Kontra |
126 |
Astensjonijiet |
8 |
L-ewwel punt ġdid qabel il-punt 2.6.1
Żid punt fil-bidu ġdid qabel il-punt 2.6.1:
Il-premessa bażika għall-implimentazzjoni — approċċ ġenerali
Raġuni
Qed jiġi propost li l-intestatura prinċipali u s-subintestatura ta’ din it-taqsima jinbidlu sabiex jirriflettu t-test li qed jiġi propost li jiżdied mal-punti l-ġodda proposti hawn taħt.
Riżultat tal-votazzjoni
Favur |
55 |
Kontra |
119 |
Astensjonijiet |
5 |
Żid punt ġdid wara punt 2.6.1
Żid punt ġdid wara punt 2.6.1:
Il-premessa bażika għandha tkun li l-kwistjonijiet li m’għandhomx dimensjoni transnazzjonali ċara fil-qasam tal-liġi tax-xogħol jiġu ttrattati b’mod aktar adatt fil-livell nazzjonali. Għandha tiġi evitata l-leġiżlazzjoni tal-UE li tibni fuq approċċ “wieħed tajjeb għal kulħadd”, u li ma tqisx id-differenzi bejn il-karattru u d-daqs tan-negozji, is-setturi jew it-tradizzjonijiet u s-sistemi fl-Istati Membri. Din iddgħajjef ukoll il-possibbiltà li t-trejdjunjins u l-assoċjazzjonijiet tal-impjegaturi jinnegozjaw ftehimiet li huma mfassla apposta għal industriji differenti, li huwa ta’ importanza partikolari f’pajjiżi fejn l-imsieħba soċjali għandhom livell għoli ta’ libertà biex jirregolaw il-kundizzjonijiet tax-xogħol u tal-impjieg, kemm b’mod indipendenti kif ukoll bħala komplement għal-leġiżlazzjoni nazzjonali.
Raġuni
Ser tingħata bil-fomm.
Riżultat tal-votazzjoni
Favur |
51 |
Kontra |
116 |
Astensjonijiet |
6 |
Punt 2.6.4
Ibdel it-test kif ġej:
2.6.4 |
L-Istati Membri, u l-istituzzjonijiet tal-UE, l-imsieħba soċjali u l-organizzazzjonijiet tas-soċjetà ċivili għandhom jimmonitorjaw l-implimentazzjoni tal-EPSR u l-effettività tal-miżuri eżistenti fil-qafas tas-Semestru Ewropew, filwaqt li jiżguraw l-involviment tal-imsieħba soċjali u l-organizzazzjonijiet tas-soċjetà ċivili. L-istituzzjonijiet tal-UE għandhom jappoġġjaw l-Istati Membri u l-partijiet ikkonċernati soċjali fil-livell nazzjonali meta jimplimentaw l-EPSR. |
Raġuni
Dan it-tibdil sar biex jirrifletti l-fatt li fil-monitoraġġ tal-implimentazzjoni tal-EPSR, ir-rwol tal-UE u tal-Istati Membri huwa differenti mir-rwol tal-imsieħba soċjali u s-soċjetà ċivili.
Riżultat tal-votazzjoni
Favur |
54 |
Kontra |
120 |
Astensjonijiet |
1 |
Punt 2.6.5
Ħassar il-punt:
2.6.5 |
Il-leġiżlazzjoni Ewropea f’oqsma adatti għandha tistabbilixxi qafas bi standards komuni ġenerali u ċari li jirrispettaw is-sitwazzjonijiet nazzjonali speċifiċi, li jkunu kapaċi jadattaw għad-diversità tas-sistemi soċjali u r-rwol tal-partijiet ikkonċernati, u jirrikonoxxu d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali, u jinkludu valur miżjud Ewropew (1). Il-miri tal-Pilastru għandhom jiġu rrispettati fl-oqsma kollha tal-politika tal-UE, inkluż bl-użu tal-klawsola orizzontali (l-Artikolu 9 tat-TFUE). |
Raġuni
Ser tingħata bil-fomm.
Riżultat tal-votazzjoni
Favur |
48 |
Kontra |
123 |
Astensjonijiet |
5 |
Punt 2.6.5
Ibdel it-test kif ġej:
2.6.5 |
Il-leġiżlazzjoni Ewropea f’oqsma adatti għandha tistabbilixxi qafas bili jimmira lejn standards fattibbli, komuni ġenerali u ċari li jirrispettaw is-sitwazzjonijiet nazzjonali speċifiċi, li jkunu kapaċi jadattaw għad-diversità tas-sistemi soċjali u r-rwol tal-partijiet ikkonċernati, u jirrikonoxxu d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali, u jinkludu valur miżjud Ewropew (2). Il-miri tal-Pilastru għandhom jiġu rrispettati fl-oqsma kollha tal-politika tal-UE, inkluż bl-użu tal-klawsola orizzontali (l-Artikolu 9 tat-TFUE). |
Raġuni
Meta l-għan huwa li tiġi rispettata d-diversità fost l-Istati Membri fil-qasam tas-sistema soċjali, ma jistgħux jintalbu standards ġenerali jew komuni.
Riżultat tal-votazzjoni
Favur |
48 |
Kontra |
120 |
Astensjonijiet |
4 |
Punt 2.6.6
Ibdel it-test kif ġej:
2.6.6 |
L-implimentazzjoni tal-EPSR għandha l-għan li tiskatta l-proċess għal konverġenza ’l fuq f’termini ta’ impjieg u eżiti soċjali, ittejjeb u tadatta l-il-kundizzjonijiet soċjali u tas-suq tax-xogħol għall-ħaddiema u ċ-ċittadini Ewropej, ittejjeb u toħloq sistemi ta’ protezzjoni soċjali effettivi, sostenibbli u affidabbli (3), u servizzi soċjali u tas-saħħa moderni, ibbażati fuq ix-xjenza u evalwati skont il-kwalità, speċjalment is-servizzi pubbliċi u mingħajr skop ta’ qligħ, timmira għal kundizzjonijiet tax-xogħol ġusti tistipula standards minimi għall-ġlieda kontra d-dumping soċjali u filwaqt li fl-istess ħin toħloq kundizzjonijiet ekwi għall-ekonomiji bi prestazzjoni tajba, l-impjiegi u l-intrapriżi sostenibbli, filwaqt li u ttejjeb il-fiduċja taċ-ċittadini fl-UE. L-istrateġiji ta’ politika soċjali għandhom jinkludu l-interessi tal-SMEs u kundizzjonijiet tas-suq ġusti għalihom. Huwa importanti li jiġu stabbiliti u approvati standards bażiċi għal servizzi ta’ interess ġenerali bħall-akkomodazzjoni, l-ilma u s-servizzi soċjali, li għandhom jiġu vvalutati fuq bażi regolari, anke minn evalwaturi indipendenti (istituti ta’ riċerka, akkademji eċċ.) li jistgħu jiġu appoġġjati finanzjarjament u li r-rapporti tagħhom jistgħu jsiru pubbliċi. Il-ħtiġijiet fundamentali taċ-ċittadini u l-gruppi vulnerabbli u d-differenzi perikolużi fl-opportunitajiet, id-dħul u l-ġid fi ħdan u bejn l-Istati Membri jeħtieġ li jiġu indirizzati bħala prijorità. L-inklużjoni soċjali bbażata fuq opportunitajiet indaqs u kundizzjonijiet ta’ għajxien ġusti għandha tiġi promossa mill-Istati Membri kollha. |
Raġuni
L-implimentazzjoni tal-EPSR għandha twassal għal konverġenza ’l fuq tar-riżultati tal-impjieg u r-riżultati soċjali peress li huma dawn li jiddeterminaw jekk l-għażliet ta’ politika rnexxewx. Kif jingħad fil-preambolu tal-EPSR (punt 12), “L-għan tal-Pilastru Ewropew tad-Drittijiet Soċjali hu li jservi bħala gwida lejn riżultati tal-impjiegi u soċjali effiċjenti meta jiġu indirizzati l-isfidi kurrenti u futuri (...)”. It-test għandu jsemmi wkoll l-adattament tal-kundizzjonijiet soċjali u tax-xogħol (mhux biss it-titjib tagħhom), peress li adattament bħal dan jista’ jkun bżonjuż minħabba tibdil fis-soċjetajiet u l-ħajja tax-xogħol tagħna. Jeħtieġ li s-sistemi tas-sigurtà soċjali jkunu affidabbli u effettivi, iżda wkoll sostenibbli.
L-EPSR mhuwiex dwar l-istabbiliment ta’ standards minimi għall-ġlieda kontra d-dumping soċjali, għalhekk din il-parti għandha titħassar.
Il-lista tal-kwistjonijiet li għandhom jiġu indirizzati bħala prijoritajiet m’għandhiex tinkludi kwistjonijiet li mhumiex koperti mill-prinċipji tal-EPSR (eż. l-inugwaljanzi fil-ġid u fid-dħul fi ħdan jew bejn l-Istati Membri).
Riżultat tal-votazzjoni
Favur |
53 |
Kontra |
115 |
Astensjonijiet |
3 |
Punt 2.6.7
Ibdel it-test kif ġej:
2.6.7 |
Għandha tingħata attenzjoni partikolari għar-rwol differenti tan-negozjar kollettiv fil-livell nazzjonali u l-ftehimiet kollettivi, li jistgħu jantiċipaw il-leġiżlazzjoni jew ikunu alternattiva għaliha billi jirregolaw oqsma speċifiċi tas-suq tax-xogħol u tar-relazzjonijiet tal-impjieg. B’hekk l-imsieħba soċjali jista’ jkollhom rwol fil-proċess ta’ implimentazzjoni li jagħtu prova li jistgħu jiksbu l-istess effett legali. F’xi Stati Membri, il-proċessi ta’ negozjar kollettiv mhumiex strutturati u l-kopertura tan-negozjar kollettiv hija dgħajfa ħafna, u għalhekk jippersistu differenzi fl-għoti tad-drittijiet soċjali stabbiliti fl-EPSR. F’każijiet bħal dawn il-liġi għandha tintervjeni. Għalhekk, il-KESE jħeġġeġ lill-Istati Membri jsaħħu l-kapaċitajiet tal-imsieħba soċjali fil-livell nazzjonali. |
Raġuni
Qed nipproponu li titħassar l-aħħar biċċa tat-tieni sentenza peress li mhuwiex ċar x’inhu mifhum b’“jiksbu l-istess effett legali”. Is-sistemi nazzjonali jvarjaw f’dak li jirrigwarda r-rwoli rispettivi tan-negozjar kollettiv u l-leġislazzjoni fir-regolazzjoni tas-suq tax-xogħol, fil-livelli li fihom jitwettaq in-negozjar (transsettorjali, settorjali, tal-kumpaniji u fuq il-post tax-xogħol, reġjonali, okkupazzjonali), u fil-mod kif in-negozjati f’livelli differenti jistgħu jkunu relatati bejniethom (artikolazzjoni) [sors: Eurofound].
Riżultat tal-votazzjoni
Favur |
59 |
Kontra |
114 |
Astensjonijiet |
2 |
Punt 2.6.8
Ibdel it-test kif ġej:
2.6.8 |
Id-dikjarazzjoni ta’ erba’ partijiet “Bidu ġdid għad-djalogu soċjali” tħeġġeġ l-iżvilupp ta’ negozjar kollettiv effettiv. L-impenn konġunt tal-imsieħba soċjali għall-implimentazzjoni tal-EPSR huwa rifless fil-programm konġunt ta’ ħidma tal-imsieħba soċjali Ewropej 2019-2021, li se jiġi implimentat ukoll fil-livelli nazzjonali li jikkontribwixxu għall-proċess ta’ riforma nazzjonali. Il-programm ta’ ħidma 2019-21 jindirizza wkoll is-sitt prijoritajiet li ġejjin: id-diġitalizzazzjoni, it-titjib tal-prestazzjoni tas-swieq tax-xogħol u tas-sistemi soċjali; l-indirizzar tal-affetti psikosoċjali u r-riskji fuq il-post tax-xogħol; il-bini tal-kapaċità għal djalogu soċjali aktar b’saħħtu; l-ekonomija ċirkolari se jipprovdi proposti speċifiċi dwar suġġetti li huma relatati mal-implimentazzjoni tal-EPSR bħan-negozjati għal qafas ta’ ftehim awtonomu dwar id-diġitalizzazzjoni, inklużi possibbiltajiet u modalitajiet għall-konnessjoni u l-iskonnessjoni, kif ukoll it-titjib tal-prestazzjoni tas-swieq tax-xogħol u s-sistemi soċjali, u l-iżvilupp tal-ħiliet (4). |
Raġuni
Huwa importanti li jiġi żgurat li t-test tal-Opinjoni jsegwi l-formulazzjonijiet li jintużaw fil-programm ta’ ħidma tal-imsieħba soċjali Ewropej. (Pereżempju, il-konnessjoni u l-iskonnessjoni jissemmew fil-programm ta’ ħidma fil-kuntest ta’ stqarrija dwar l-organizzazzjoni ta’ seminar konġunt ta’ ġbir ta’ informazzjoni fejn se janalizzaw esperjenzi differenti).
Riżultat tal-votazzjoni
Favur |
53 |
Kontra |
115 |
Astensjonijiet |
6 |
Punt 2.6.10
Ibdel it-test kif ġej:
2.6.10 |
Il-Kummissjoni ħadet miżuri prattiċi biex tpoġġi l-Pilastru fil-prattika fil-livell Ewropew u reċentement ippubblikat skeda informattiva aġġornata li fiha l-inizjattivi leġiżlattivi u mhux leġiżlattivi adottati s’issa (5). Il-KESE diġà indika li jemmen li pjan direzzjonali ċar għall-implimentazzjoni tal-EPSR jgħin biex titrawwem il-konverġenza u biex jinkisbu l-objettivi tiegħu. talab pjan direzzjonali ċar u kkoordinat (6) li jistabbilixxi l-prijoritajiet għall-implimentazzjoni tal-Pilastru. |
Raġuni
Nipproponu li tintuża l-formulazzjoni eżatta tal-Opinjoni SOC/564.
Riżultat tal-votazzjoni
Favur |
50 |
Kontra |
113 |
Astensjonijiet |
4 |
Punt 2.6.11
Ibdel it-test kif ġej:
2.6.11 |
Il-miżuri għall-implimentazzjoni tal-EPSR għandhom ikunu bbażati fuq analiżi xjentifika tas-sitwazzjoni legali u prattika preżenti tal-politiki soċjali u tas-saħħa fl-Istati Membri u fil-livell tal-UE u għandhom jinvolvu l-partijiet ikkonċernati soċjali. Il-KESE jista’ jaġixxi bħala faċilitatur. Il-KESE jipproponi l-istabbiliment ta’ Forum tal-UE dwar il-Politika Soċjali: l- L-UE teħtieġ għandha bżonn tħeġġeġ modi forum permanenti għall-komunikazzjoni, l-iskambju tal-aħjar prattika, l-evalwazzjoni, seminars tal-esperti, programmi soċjali, il-konformità mar-regoli tal-UE u l-Istati Membri u l-proġetti ta’ riforma għall-politiki tal-Istati Membri u tal-UE. Peress li l-infurzar aħjar tad-drittijiet soċjali eżistenti għadu kwistjoni ta’ tħassib, u l-Kummissjoni u l-Istati Membri jridu jtejbu l-konformità mar-regoli tal-UE. Il-Forum il-ġdid għandu jkun marbut mill-qrib mal-KESE u mal-proċess tas-Semestru. |
Raġuni
Mhuwiex ċar x’inhu mifhum meta ssir referenza għall-ħolqien ta’ “Forum tal-UE dwar il-Politika Soċjali”. M’hemmx bżonn li jinħolqu strumenti/pjattaformi ġodda u r-referenza għall-forum għandha titħassar. Dak li huwa importanti huwa l-konsultazzjoni u l-involviment tal-partijiet interessati rilevanti fl-implimentazzjoni tal-EPSR.
Riżultat tal-votazzjoni
Favur |
52 |
Kontra |
114 |
Astensjonijiet |
3 |
Punt 2.7.2
Ibdel it-test kif ġej:
2.7.2 |
In-negozjati għall-Qafas Finanzjarju Pluriennali li jmiss għandhom jimmiraw li jiżguraw finanzjament adatt għall-politiki soċjali u tal-impjieg. Ir-regoli tal-baġit u tad-dejn tal-UE (7) għandhom jiġu riveduti sabiex jiġu rispettati d-drittijiet fundamentali kif ukoll il-miri tat-Trattati u tal-EPSR. Ekonomiji li sejrin tajjeb, il-kontroll tad-dejn u miri soċjali għandu jkollhom bilanċ adatt. Kif iddikjara qabel (8) kemm-il darba il-KESE, il-finanzjament tal-implimentazzjoni tal-Pilastru Soċjali se jiddependi ħafna mir-riżorsi disponibbli fil-livell tal-Istati Membri. Dan ser jirrikjedi finanzjament mill-baġits tal-istat għall-investiment kif ukoll għal spejjeż ta’ attivitajiet matul il-ftit snin li ġejjin. Dan jista’ jiġi mxekkel mill-baġit tal-UE u r-regoli tad-dejn (9). Kif diġà ġie enfasizzat diversi drabi mill-KESE (10), għandha tingħata kunsiderazzjoni għal modi kif tissaħħaħ il-flessibilità permessa fi ħdanhom, pereżempju permezz ta’ “regola tad-deheb” li tippermetti l-investiment pubbliku b’għan soċjali sabiex jintlaħqu l-objettivi tal-Pilastru Soċjali, b’mod partikolari billi: jiżdiedu l-livelli ta’ dħul, tissaħħaħ il-koeżjoni soċjali u tiġi evitata l-esklużjoni ta’ gruppi żvantaġġati li ma jkunux jistgħu jagħtu sehem sħiħ fis-soċjetà, filwaqt li jinħoloq tkabbir ekonomiku sostenibbli. aktar investiment pubbliku fl-Istati Membri permezz ta’ “regola tad-deheb” għal investiment pubbliku b’għan soċjali, li jippermetti aktar flessibilità fir-regoli tal-baġit. Iż-żieda fil-livelli tad-dħul, it-tkabbir sostenibbli, koeżjoni soċjali aktar b’saħħitha u l-prevenzjoni tal-esklużjoni huma miri konġunti li għandhom jiġu kkunsidrati. Aktar investiment pubbliku jista’ jkun appoġġjat ukoll, speċjalment mill-Fondi Strutturali u ta’ Investiment Ewropej (FSIE), li jistgħu jkunu ffukati b’mod aktar ċar lejn għanijiet enfasizzati fl-EPSR (11)). Politiki tat-tassazzjoni adatti li jkunu mmirati, fost l-oħrajn, lejn il-ġlieda effettiva kontra l-frodi tat-taxxa, l-evitar tat-taxxa u l-ippjanar aggressiv tat-taxxa, għandhom jippermettu li jiġu ġġenerati fondi addizzjonali biex jikkontribwixxu għall-finanzjament tal-EPSR. Li jkun żgurat użu effiċjenti ta’ finanzjament addizzjonali jirrikjedi l-implimentazzjoni ta’ programmi ta’ azzjoni u pjani direzzjonali għall-implimentazzjoni tal-Pilastru Soċjali bħala parti integrali tas-Semestru Ewropew, u b’mod partikolari l-iżvilupp tal-Programmi Nazzjonali ta’ Riforma u l-Programmi ta’ Konverġenza (12) . |
Raġuni
Huwa importanti li tintuża l-formulazzjoni eżatta tal-Opinjoni msemmija biex jiġi żgurat bilanċ aħjar fit-test u wkoll li ssir referenza għall-istqarrijiet li saru f’Opinjonijiet preċedenti dwar l-implimentazzjoni tal-Pilastru bħala parti mis-Semestru Ewropew.
Riżultat tal-votazzjoni
Favur |
55 |
Kontra |
112 |
Astensjonijiet |
4 |
Punt 2.8.4
Ibdel it-test kif ġej:
2.8.4 |
Ċiklu ta’ Is-Semestru Ewropew ġdid għandu jikseb għanijiet soċjali fil-qafas ta’ tal-monitoraġġ komprensivtal-iżbilanċi soċjali biex jibbilanċja mill-ġdid il-predominanza tar-rekwiżiti fiskali u makroekonomiċi. It-Tabella ta’ Valutazzjoni Soċjali għandha timmonitorja u timmira d-drittijiet u l-prinċipji kollha tal-Pilastru, u tinkludi indikaturi mtejba u indikaturi ġodda li jistgħu jitkejlu. Dawn l-indikaturi jistgħu jinkludu, minbarra statistika, aċċess reali għal servizzi soċjali bbażati fuq il-kwalità, drittijiet soċjali infurzabbli, integrazzjoni soċjali u fis-suq tax-xogħol tal-migranti, kopertura ta’ negozjar kollettiv, il-parteċipazzjoni tal-partijiet ikkonċernati soċjali fil-proċess tas-Semestru u aċċess għal apprendistati u edukazzjoni għolja ta’ kwalità tajba. Il-Kummissjoni għandha timmonitorja l-implimentazzjoni tal-pjani nazzjonali ta’ riforma f’kooperazzjoni mill-qrib mal-imsieħba soċjali u l-organizzazzjonijiet rilevanti tas-soċjetà ċivili, biex b’hekk tippromovi rakkomandazzjonijiet soċjali speċifiċi għall-pajjiż. In-numru u l-istruttura tar-rakkomandazzjonijiet għandhom ikunu adatti u jissorveljaw il-progress magħmul fuq il-prijoritajiet indikati fil-pjan direzzjonali. |
Raġuni
Mhux meħtieġ li nitħaddtu dwar semestru Ewropew “ġdid” peress li s-Semestru Ewropew ġie introdott fl-2010. Barra minn hekk, ma hemm l-ebda ħtieġa li nfittxu li noħolqu Semestru Ewropew “ġdid”: l-isforzi kollha għandhom ikunu ffukati biex jiġi żgurat il-funzjonament effettiv u orjentat lejn ir-riżultati tas-Semestru Ewropew eżistenti. Minflok, għandha ssir referenza għaċ-ċiklu l-ġdid tas-Semestru Ewropew. L-EPSR huwa akkumpanjat minn “Tabella ta’ Valutazzjoni Soċjali” li ssegwi x-xejriet u l-prestazzjoni fil-pajjiżi tal-UE fi tliet oqsma relatati mal-prinċipji tal-Pilastru. It-Tabella ta’ Valutazzjoni tikkontribwixxi għas-Semestru Ewropew għall-koordinazzjoni tal-politika ekonomika u sservi biex jiġi vvalutat il-progress lejn “klassifikazzjoni soċjali AAA” għall-UE kollha kemm hi. Dan ifisser li jkun hemm monitoraġġ komprensiv.
Riżultat tal-votazzjoni
Favur |
49 |
Kontra |
117 |
Astensjonijiet |
4 |
Punt ġdid qabel il-punt 3.1
Żid punt ġdid qabel il-punt 3.1:
Fl-Opinjoni (13) relatata tiegħu l-KESE diġà enfasizza li l-Pilastru jista’ jkun opportunità tajba biex jintwera li l-livell tal-UE għadu kapaċi jagħti tweġiba adatta, fejn xieraq, għall-isfidi li jiffaċċjaw persuni normali, filwaqt li jiġu rrispettati bis-sħiħ id-diviżjoni tal-kompetenzi u l-prinċipju tas-sussidjarjetà.
Raġuni
Din is-sentenza tiddeskrivi dak li għandu jinżamm f’moħħha fir-rigward tal-implimentazzjoni tal-EPSR u l-passi li jmiss: li l-EPSR jista’ jkun opportunità tajba biex jintwera li l-UE tista’ tipprovdi rispons adatt fejn ikun tajjeb li tittieħed azzjoni. Fl-istess ħin, hija tixħet dawl fuq l-importanza li tiġi rispettata bis-sħiħ id-diviżjoni tal-kompetenzi u l-prinċipju tas-sussidjarjetà.
Riżultat tal-votazzjoni
Favur |
50 |
Kontra |
114 |
Astensjonijiet |
4 |
L-ewwel punt ġdid fil-bidu wara l-punt 3.1
Żid punt ġdid fil-bidu wara l-punt 3.1:
Is-sinerġija bejn l-UE u l-politika soċjali nazzjonali u l-azzjonijiet hija essenzjali. Minħabba li l-mudell soċjali tal-UE huwa bbażat fuq mudelli nazzjonali differenti, li jridu jiġu ppreservati, jeħtieġ li l-UE tirrispetta l-kompetenzi nazzjonali u d-diversità tas-sistemi soċjali tal-Istati Membri, li huma bbażati fuq għażliet politiċi u mudelli tas-soċjetà li għandhom għeruq fondi. Il-kompitu ewlieni tal-UE għandu għalhekk ikun li tipprovdi l-aħjar kundizzjonijiet possibbli għall-Istati Membri u s-sħab soċjali tagħha u li tappoġġjahom fl-isforzi tagħhom biex jimplimentaw riformi identifikati.
Raġuni
Jinħtieġ li tiġi enfasizzata l-importanza tas-sinerġija bejn il-politika u l-azzjoni soċjali fil-livell tal-UE u fil-livell nazzjonali anke fit-test tal-konklużjonijiet u r-rakkomandazzjonijiet. Il-Preambolu tal-EPSR jgħid b’mod ċar li “It-twettiq tal-Pilastru Ewropew tad-Drittijiet Soċjali hu impenn u responsabbiltà politika kondiviżi. (…).” Barra minn hekk, il-Preambolu jirreferi b’mod espliċitu għar-rispett tad-diviżjoni tal-kompetenzi u għall-fatt li għandhom jiġu kkunsidrati kif imiss l-ambjenti soċjoekonomiċi differenti u d-diversità tas-sistemi nazzjonali, inkluż ir-rwol tal-imsieħba soċjali, u l-prinċipji tas-sussidjarjetà u tal-proporzjonalità.
Riżultat tal-votazzjoni
Favur |
45 |
Kontra |
116 |
Astensjonijiet |
4 |
Punt 3.2.2
Ibdel it-test kif ġej:
3.2.2 |
Meta tkun qed tiġi implimentata d-Direttiva dwar il-Bilanċ bejn ix-Xogħol u l-Ħajja Privata, għandha tingħata attenzjoni partikolari għal soluzzjonijiet vijabbli, affordabbli u ġusti għal kumpens adegwat lill-impjegati li jużaw il-liv tal-ġenituri, kif ukoll fir-rigward ta’ kundizzjonijiet tax-xogħol flessibbli li huma adatti għall-bżonnijiet fuq il-post tax-xogħol, u l-inklużjoni ta’ reviżjoni possibbli tal-miri ta’ Barċellona . Għandhom jiġu kkunsidrati wkoll servizzi għall-kura tat-tfal u servizzi oħra bil-għan li jappoġġjaw lill-familji. |
Raġuni
Is-soluzzjonijiet adottati fl-Istati Membri fl-implimentazzjoni tad-Direttiva dwar il-Bilanċ bejn ix-Xogħol u l-Ħajja Privata rigward il-kumpens adegwat tal-impjegati li jużaw il-liv tal-ġenituri għandhom ikunu affordabbli wkoll. Kwalunkwe soluzzjoni fir-rigward tal-kundizzjonijiet flessibbli tax-xogħol trid tqis ukoll il-ħtiġijiet tal-post tax-xogħol.
Peress li l-objettivi ta’ Barċellona ġew sabbiliti mill-Kunsill Ewropew (fl-2002), ir-reviżjoni possibbli tagħhom mhijiex marbuta mal-implimentazzjoni tad-Direttiva Direttiva dwar il-Bilanċ bejn ix-Xogħol u l-Ħajja Privata. Għalhekk, din il-parti għandha titħassar.
Riżultat tal-votazzjoni
Favur |
49 |
Kontra |
109 |
Astensjonijiet |
5 |
Punt 3.2.3
Ibdel it-test kif ġej:
3.2.3 |
Il-KESE talab strateġija integrata ta’ ugwaljanza bejn il-ġeneri (14). Fid-dawl tad-Dikjarazzjoni Konġunta mill-ministri Ewropej għall-Ugwaljanza bejn il-Ġener (15), il-KESE jappella biex jiġu eliminati d-differenzi mhux ġustifikati bejn il-pagi tal-irġiel u n-nisa (16). B’mod partikolari, għandhom jiġu indirizzati l-ħtiġijiet tal-SMEs sabiex jiġi żgurat li jiġu evitati piżijiet amministrattivi eċċessivi. |
Raġuni
Din iż-żieda tagħmel it-test aktar preċiż. Il-miżuri biex tiġi miġġielda d-differenza fil-pagi għandhom jiġu orjentati lejn il-ġlieda kontra d-differenzi mhux ġustifikati fil-pagi.
Riżultat tal-votazzjoni
Favur |
45 |
Kontra |
114 |
Astensjonijiet |
5 |
Punt 3.2.5
Ibdel it-test kif ġej:
3.2.5 |
Il-KESE jenfasizza għal darb’oħra li l-parteċipazzjoni fis-suq tax-xogħol u l-kwalità tax-xogħol jistgħu jitjiebu bis-saħħa ta’ żieda fl-investiment fil-politiki attivi tas-suq tax-xogħol u billi jiġu stabbiliti standards komuni għall-funzjonament effettiv tas-servizzi pubbliċi tal-impjiegi (PES) (17). Dan japplika wkoll għas-servizzi tal-impjieg mingħajr skop ta’ qligħ, bil-għan li jitnaqqas il-perjodu ta’ żmien fit-tranżizzjonijiet, li jiġi żgurat l-użu tal-ħiliet miksuba, li jiġu appoġġjati aktar u diversi perkorsi ta’ karriera u li nersqu lejn impjiegi sostenibbli impjieg stabbli (18) . Il-ġlieda kontra l-qgħad fit-tul, l-integrazzjoni tal-migranti regolari fis-suq tax-xogħol u r-riintegrazzjoni tal-persuni li jkunu qed jesperjenzaw skoraġġiment jiffurmaw qasam ta’ politika ewlieni ieħor li jeħtieġ miżuri mmirati urġenti, li jistgħu jinkludu d-dritt tal-ħaddiema li jirċievu appoġġ għall-ħaddiema biex ifittxu impjieg, għat-taħriġ u l-kwalifikazzjoni mill-ġdid. |
Raġuni
L-ewwel bidla ssegwi t-test tal-Opinjoni kkwotata. Fir-rigward tal-miżuri mmirati urġenti, dil-parti aħjar tkun ifformulata b’“mod attiv”. L-idea hawnhekk hija dwar l-offerta ta’ appoġġ lill-ħaddiema f’dak li jirrigwarda t-tiftix ta’ impjieg, it-taħriġ u r-rikwalifikazzjoni, mhux dwar il-formulazzjoni ta’ dan mil-lat ta’ “dritt”.
Riżultat tal-votazzjoni
Favur |
47 |
Kontra |
110 |
Astensjonijiet |
2 |
Punt 3.2.6
Ibdel it-test kif ġej:
3.2.6 |
L-iżgurar ta’ aċċess dritt għal tagħlim tul il-ħajja għal kulħadd għandu jkun fuq l-aġenda tal-UE (19). Is-sistemi nazzjonali ta’ edukazzjoni, taħriġ u apprendistati għandhom jiġu żviluppati aktar b’attenzjoni fuq l-oqsma STEM (xjenza, teknoloġija, inġinerija u matematika) u l-iżvilupp ta’ sistemi doppji li jwasslu għal tqabbil aħjar tal-ħtiġijiet tas-suq tax-xogħol. |
Raġuni
Għandna niffukaw fuq il-promozzjoni ta’ politiki li jiżguraw li kulħadd ikollu aċċess għat-tagħlim tul il-ħajja. Barra minn hekk, filwaqt li l-Opinjoni kkwotata tirreferi għall-importanza tat-tagħlim tul il-ħajja u l-promozzjoni tal-parteċipazzjoni fit-tagħlim tul il-ħajja, ma jidhirx li tgħid li d-dritt għat-tagħlim tul il-ħajja għandu jkun fuq l-aġenda tal-UE.
Riżultat tal-votazzjoni
Favur |
48 |
Kontra |
116 |
Astensjonijiet |
2 |
Punt 3.3.1
Ibdel it-test kif ġej:
3.3.1 |
Fuq perjodu qasir ta’ żmien, il-fokus għandu jkun fuq il-monitoraġġ tal-implimentazzjoni tad-Direttiva riveduta dwar l-Istazzjonar ta’ Ħaddiema, li tiżgura l-protezzjoni tal-ħaddiema stazzjonati waqt l-istazzjonar tagħhom, b’rabta mal-forniment tas-servizzi tafferma l-prinċipju tat-trattament ugwali, u d-Direttiva dwar Kundizzjonijiet tax-Xogħol Trasparenti u Prevedibbli, li tistabbilixxi drittijiet minimi għar-relazzjonijiet kollha tal-impjieg, flimkien mal-istabbiliment tal-Awtorità Ewropea tax-Xogħol, li għandha l-għan li ttejjeb l-infurzar tal-acquis tal-UE u l-effettività tal-ispezzjonijiet tax-xogħol. |
Raġuni
It-tibdil fil-formulazzjoni jiddeskrivi l-għan tad-Direttiva dwar l-Istazzjonar tal-Ħaddiema.
Riżultat tal-votazzjoni
Favur |
43 |
Kontra |
118 |
Astensjonijiet |
2 |
Punt 3.3.2
Ibdel it-test kif ġej:
3.3.2 |
Il-KESE jħeġġeġ jirrakkomanda t-tisħiħ tal-involviment tal-impjegati fil-kumpaniji, speċjalment b’rabta mal-bil-għan ġenerali li tinżied il-produttività u li tiġi appoġġjata l-introduzzjoni ta’ teknoloġiji ġodda, u li jiġi sfruttat l-impatt fuq l-organizzazzjoni tax-xogħol u l-ħiliet tal-forza tax-xogħol. F’dan il-kuntest, il-KESE jistenna b’interess ir-riżultat tan-negozjati bejn l-imsieħba soċjali Ewropej dwar il-Ftehim Qafas dwar id-Diġitalizzazzjoni. |
Raġuni
It-tibdil propost għandu l-għan li jenfasizza l-importanza tal-involviment tal-impjegati fir-rigward tal-appoġġ għall-introduzzjoni ta’ teknoloġiji ġodda.
Riżultat tal-votazzjoni
Favur |
46 |
Kontra |
118 |
Astensjonijiet |
4 |
Punt 3.3.3
Ibdel it-test kif ġej:
3.3.3 |
Il-KESE jappoġġja l-iżvilupp, fil-qafas tad-djalogu soċjali fil-livelli adatti nazzjonali u Ewropej, ta’ miżuri adegwati dwar “tranżizzjonijiet ġusti” li jintroduċu minn naħa miżuri u azzjonijiet biex jimmaniġġjaw, jibdlu li jiffaċilitaw il-bidla u min-naħa l-oħra jintroduċu protezzjoni adegwata minima f’każijiet ta’ postijiet tax-xogħol organizzati mill-ġdid jew tkeċċijiet kollettivi li jirriżultaw minn tranżizzjonijiet (teknoloġiċi, demografiċi, tal-globalizzazzjoni, tat-tibdil fil-klima, tal-ekonomija ċirkolari), inkluż id-dritt ta’ involviment f’ l-appoġġ għal negozjar kollettiv, antiċipazzjoni tal-bidla u proviżjoni ta’ biex jiġi antiċipat it-tibdil u jiġi pprovdut appoġġ lill-ħaddiema affettwati (evoluzzjoni tad-Direttiva dwar Sensji Kollettivi (20)) . Il-KESE jistenna b’interess ukoll l-adozzjoni mill-koleġiżlaturi tal-Fond Ewropew ta’ Aġġustament għall-Globalizzazzjoni. |
Raġuni
Għandhom jitħassru r-referenzi għad-“dritt ta’ involviment f’negozjar kollettiv” u għall-“evoluzzjoni tad-Direttiva dwar Sensji Kollettivi”, peress li kwalunkwe test dwar il-fehmiet tal-KESE dwar l-implimentazzjoni tal-EPSR għandu jkollu l-għan li jenfasizza kwistjonijiet li l-Istati Membri għandhom iqisu fl-isforzi tagħhom biex jiżviluppaw is-swieq tax-xogħol tagħhom u/jew is-sistemi tagħhom ta’ protezzjoni soċjali.
Riżultat tal-votazzjoni
Favur |
49 |
Kontra |
109 |
Astensjonijiet |
1 |
Punt 3.3.4
Ibdel it-test kif ġej:
3.3.4. |
L-involviment tal-impjegati fil-governanza korporattiva, bħala parti mid-drittijiet tagħhom għall-informazzjoni u l-konsultazzjoni, għandu jiġi adattat għall- vvalutat fid-dawl tal-qafas legali l-ġdid dwar l-informazzjoni mhux finanzjarja (21) u bil-ħsieb li tiġi indirizzata d-diliġenza dovuta meħtieġa fir-rekwiżiti tar-responsabbiltà tal-intrapriżi. |
Raġuni
It-tibdila propost għandu l-għan li t-test jinżamm f’livell aktar ġenerali. Għadu kmieni wisq biex nitkellmu dwar l-adattament tal-qafas legali l-ġdid dwar l-informazzjoni mhux finanzjarja.
Riżultat tal-votazzjoni
Favur |
49 |
Kontra |
114 |
Astensjonijiet |
1 |
Punt 3.3.5
Ibdel it-test kif ġej:
3.3.5 |
Il-KESE jqis utli li jiġu stabbiliti punti ta’ riferiment li jgħinu biex tiġi vvalutata l-adegwatezza ta’ pagi baxxi għall-prevenzjoni tal-faqar fost dawk li jaqilgħu l-paga, inkluż billi jiġu promossi l-analiżi u l-iskambju ta’ prattiki tajba permezz tal-proċessi disponibbli ta’ tagħlim reċiproku u billi jiġu introdotti standards komuni biex jiġu stabbiliti pagi minimi trasparenti u prevedibbli, fejn dawn jeżistu u jekk l-imsieħba soċjali jriduhom. |
Raġuni
L-introduzzjoni ta’ standards komuni għall-iffissar ta’ pagi minimi la hija mixtieqa u lanqas aċċettabbli minħabba li l-pagi għandhom ikunu soġġetti għal diskussjonijiet f’livell nazzjonali.
Riżultat tal-votazzjoni
Favur |
51 |
Kontra |
114 |
Astensjonijiet |
2 |
Punt 3.4.6
Ibdel it-test kif ġej:
3.4.6 |
It-tisħiħ tal-kapaċità tal-Istati Membri biex jattivaw it-trasferimenti soċjali u miżuri oħrajn biex jissodisfaw il-ħtiġijiet bażiċi tal-persuni mit-twelid sal-anzjanità huwa wkoll meħtieġ b’mod urġenti. Dan jinvolvi: |
— |
l-adozzjoni ta’ Direttiva Qafas Ewropea dwar appoġġ għall-isforzi tal-Istati Membri u t-tisħiħ tagħhom biex jiġu żviluppati u aġġornati sistemi ta’ dħul minimu biex jitrażżan il-faqar u jiġi promoss suq tax-xogħol inklużiv (22) ; |
— |
li tiġi eżaminata l-possibbiltà li jiġu stabbiliti standards minimi żviluppati prinċipji komuni fil-qasam tal-assigurazzjoni tal-qgħad fl-Istati Membri tal-UE (23); |
— |
l-iżgurar tal-aċċessibilità għal funzjonijiet soċjali u politiċi għall-persuni b’diżabilità; |
— |
ir-reviżjoni tal-formula tal-“ispiża tat-tixjiħ” u t-trasformazzjoni tagħha f’kunċett ta’ “dinjità tat-tixjiħ” li jpoġġi l-adegwatezza tal-pensjonijiet, is-servizzi tas-saħħa u l-kura fit-tul fil-qalba tal-governanza ekonomika mingħajr ma tiġi ttraskurata l-enfasi fuq is-sostenibbiltà tas-sistemi tal-pensjonijiet; |
— |
il-ħolqien ta’ programmi speċifiċi għall-akkomodazzjoni pubblika u l-aċċessibbiltà għall-akkomodazzjoni favur familji bi dħul baxx; |
— |
l-investiment f’faċilitajiet tal-kura tat-tfal fl-interess dirett ta’ tfal u żgħażagħ żvantaġġati; il-KESE jilqa’ l-proposta tal-Kummissjoni u tal-PE li tiġi introdotta garanzija tat-tfal; u |
— |
il-ħolqien ta’ żona Ewropea ġenwina ta’ tagħlim, li tiffaċilita l- l-iżgurar tal-aċċess għal edukazzjoni ta’ kwalità għal kulħadd u l-estensjoni tal-garanzija għaż-żgħażagħ. |
Raġuni
Peress li l-EPSR huwa dwar li l-Istati Membri jiġu ggwidati jiżviluppaw is-sistemi soċjali tagħhom, l-inċiż dwar id-dħul minimu għandu jiffoka fuq dan. Barra minn hekk, l-Opinjoni msemmija għandha bħala anness kontropinjoni li tesprimi fehma differenti.
Peress li ma hemm l-ebda proposta konkreta tal-Kummissjoni dwar il-garanzija għat-tfal, huwa prematur li din tiġi appoġġjata.
Għandha ssir referenza wkoll għall-ħtieġa li jinħoloq spazju Ewropew ġenwin ta’ tagħlim.
Riżultat tal-votazzjoni
Favur |
51 |
Kontra |
112 |
Astensjonijiet |
2 |
Punt 1.1
Ibdel it-test kif ġej:
1.1 |
Filwaqt li jemmen li futur realistiku għall-Unjoni Ewropea jista’ jkun ibbażat biss fuq ir-rabta bejn bażi ekonomika soda ma’ dimensjoni soċjali b’saħħitha (24), il-KESE wera li kien favur, b’mod konsistenti, tal-konverġenza ’l fuq f’termini ta’ impjieg u eżiti soċjali u politika soċjali aktar effettiva kemm fil-livell tal-UE, kif ukoll f’dak tal-Istati Membri (25). Il-mudell soċjali Ewropew għandu wkoll jissaħħaħ u jiġi aġġornat bħala referenza internazzjonali. L-implimentazzjoni effettiva tal-Pilastru Ewropew tad-Drittijiet Soċjali (EPSR) tal-2017 tafferma mill-ġdid l-impenn komuni fil-konfront tal-mudell soċjali Ewropew fil-qafas ta’ strateġija ġdida soċjalment inklużiva. |
Raġuni
Dak li huwa rilevanti għad-dimensjoni soċjali b’saħħitha huwa l-konverġenza ’l fuq tar-riżultati tal-impjieg u r-riżultati soċjali peress li huma r-riżultati li jiddeterminaw jekk l-għażliet ta’ politika rrnexxewx. Dan ġie ċċarat ukoll fil-Preambolu tal-EPSR li jistabbilixxi fil-punt 12 li “L-għan tal-Pilastru Ewropew tad-Drittijiet Soċjali hu li jservi bħala gwida lejn riżultati tal-impjiegi u soċjali effiċjenti meta jiġu indirizzati l-isfidi kurrenti u futuri (...).”
Riżultat tal-votazzjoni
Favur |
47 |
Kontra |
116 |
Astensjonijiet |
1 |
Punt 1.3
Ħassar il-punt:
1.3 |
Il-leġiżlazzjoni Ewropea f’oqsma adatti għandha tistabbilixxi qafas bi standards komuni ġenerali, li jirrispetta s-sitwazzjonijiet nazzjonali speċifiċi u s-sistemi soċjali u jirrikonoxxi d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali. Il-miri tal-Pilastru għandhom jiġu rispettati fl-oqsma kollha tal-politika tal-UE permezz tal-użu tal-klawsola orizzontali (26). |
Raġuni
Ser tingħata bil-fomm.
Riżultat tal-votazzjoni
Favur |
48 |
Kontra |
123 |
Astensjonijiet |
5 |
Punt 1.3
Ibdel it-test kif ġej:
1.3 |
Il-leġiżlazzjoni Ewropea f’oqsma adatti għandha tistabbilixxi qafas li jimmira għal bi standards fattibbli komuni ġenerali, li jirrispetta s-sitwazzjonijiet nazzjonali speċifiċi u s-sistemi soċjali u jirrikonoxxi d-drittijiet soċjali effettivi u infurzabbli għaċ-ċittadini fil-livell tal-UE u dak nazzjonali. Il-miri tal-Pilastru għandhom jiġu rispettati fl-oqsma kollha tal-politika tal-UE permezz tal-użu tal-klawsola orizzontali (27). |
Raġuni
Meta l-għan huwa li tiġi rispettata d-diversità fost l-Istati Membri fil-qasam tas-sistema soċjali, ma jistgħux jintalbu standards ġenerali jew komuni.
Riżultat tal-votazzjoni
Favur |
48 |
Kontra |
120 |
Astensjonijiet |
4 |
Punt 1.4
Ibdel it-test kif ġej:
1.4 |
L-EPSR bħalissa qed jiġi implimentat permezz ta’ miżuri leġiżlattivi u mhux leġiżlattivi, permezz ta’ finanzjament speċifiku u permezz ta’ bidliet fil-proċess tas-Semestru, li għandhom ikollhom l-għan li jwasslu għal konverġenza ’l fuq f’termini ta’ impjieg u eżiti soċjali u fl-istess ħin joħolqu li tistabbilixxi standards minimi biex jinħolqu kundizzjonijiet ekwi komuni. |
Raġuni
L-implimentazzjoni tal-EPSR għandha twassal għal konverġenza ’l fuq tar-riżultati tal-impjieg u r-riżultati soċjali peress li huma dawn li jiddeterminaw jekk l-għażliet ta’ politika rnexxewx. Dan ġie ċċarat ukoll fil-Preambolu tal-EPSR li jistabbilixxi fil-punt 12 li “L-għan tal-Pilastru Ewropew tad-Drittijiet Soċjali hu li jservi bħala gwida lejn riżultati tal-impjiegi u soċjali effiċjenti meta jiġu indirizzati l-isfidi kurrenti u futuri (...).”
Riżultat tal-votazzjoni
Favur |
47 |
Kontra |
116 |
Astensjonijiet |
1 |
Punt ġdid wara l-punt 1.4 attwali
Żid punt ġdid wara punt 1.4 attwali:
Il-premessa bażika għandha tkun li l-kwistjonijiet li m’għandhomx dimensjoni transnazzjonali ċara jridu jiġu indirizzati fil-livell nazzjonali. Ir-rwol primarju tal-UE għandu jkun li tipprovdi inċentivi, informazzjoni u għarfien espert sabiex l-Istati Membri u l-imsieħba soċjali jfasslu, jimplimentaw u jevalwaw politiki li jindirizzaw l-isfidi strutturali tas-suq tax-xogħol li jiffaċċjaw.
Raġuni
Ser tingħata bil-fomm.
Riżultat tal-votazzjoni
Favur |
49 |
Kontra |
113 |
Astensjonijiet |
3 |
Punt ġdid wara l-punt 1.4 attwali
Żid punt ġdid wara punt 1.4 attwali:
Is-sinerġija bejn l-UE u l-politika soċjali nazzjonali u l-azzjonijiet hija essenzjali. Minħabba li l-mudell soċjali tal-UE huwa bbażat fuq mudelli nazzjonali differenti, li jridu jiġu ppreservati, jeħtieġ li l-UE tirrispetta l-kompetenzi nazzjonali u d-diversità tas-sistemi soċjali tal-Istati Membri, li huma bbażati fuq għażliet politiċi u mudelli tas-soċjetà li għandhom għeruq fondi. Il-kompitu ewlieni tal-UE għandu għalhekk ikun li tipprovdi l-aħjar kundizzjonijiet possibbli għall-Istati Membri u s-sħab soċjali tagħha u li tappoġġjahom fl-isforzi tagħhom biex jimplimentaw riformi identifikati.
Raġuni
Jinħtieġ li tiġi enfasizzata l-importanza tas-sinerġija bejn il-politika u l-azzjoni soċjali fil-livell tal-UE u fil-livell nazzjonali anke fit-test tal-konklużjonijiet u r-rakkomandazzjonijiet. Il-Preambolu tal-EPSR jgħid b’mod ċar li “It-twettiq tal-Pilastru Ewropew tad-Drittijiet Soċjali hu impenn u responsabbiltà politika kondiviżi. (…).” Barra minn hekk, il-Preambolu jirreferi b’mod espliċitu għar-rispett tad-diviżjoni tal-kompetenzi u għall-fatt li għandhom jiġu kkunsidrati kif imiss l-ambjenti soċjoekonomiċi differenti u d-diversità tas-sistemi nazzjonali, inkluż ir-rwol tal-imsieħba soċjali, u l-prinċipji tas-sussidjarjetà u tal-proporzjonalità.
Riżultat tal-votazzjoni
Favur |
45 |
Kontra |
116 |
Astensjonijiet |
4 |
Punt 1.7
Ibdel it-test kif ġej:
1.7 |
L-implimentazzjoni tal-EPSR teħtieġ bażi baġitarja u investiment robusti fil-livell tal-UE u tal-Istati Membri, permezz ta’ finanzjament adatt fil-QFP, permezz ta’ “regola tad-deheb” għal investiment pubbliku b’għan soċjali u l-Fondi Strutturali u ta’ Investiment Ewropej (FSIE), li jistgħu jkunu ffukati b’mod aktar ċar lejn l-EPSR u l-politiki adatti tat-tassazzjoni (28). Kif iddikjara qabel il-KESE, il-finanzjament tal-implimentazzjoni tal-Pilastru Soċjali se jiddependi ħafna mir-riżorsi disponibbli fil-livell tal-Istati Membri. Dan ser jirrikjedi finanzjament mill-baġits tal-istat għall-investiment kif ukoll għal spejjeż ta’ attivitajiet matul il-ftit snin li ġejjin. Dan jista’ jiġi mxekkel mill-baġit tal-UE u r-regoli tad-dejn. Kif diġà ġie enfasizzat diversi drabi mill-KESE, għandha tingħata kunsiderazzjoni għal modi kif tissaħħaħ il-flessibilità permessa fi ħdanhom, pereżempju permezz ta’ “regola tad-deheb” li tkun tippermetti l-investiment pubbliku b’għan soċjali biex jintlaħqu l-objettivi tal-Pilastru Soċjali (29). |
Raġuni
Huwa importanti li tintuża l-formulazzjoni eżatta tal-Opinjoni msemmija biex jiġi żgurat bilanċ aħjar fit-test.
Riżultat tal-votazzjoni
Favur |
55 |
Kontra |
112 |
Astensjonijiet |
4 |
Punt 1.9
Ibdel it-test kif ġej:
1.9 |
Ċiklu Proċess ġdid tas-Semestru Ewropew għandu jilħaq għanijiet soċjali fil-qafas ta’ monitoraġġ komprensiv li jitwettaq bħala parti mill-proċess tal-iżbilanċi soċjali u għandhom jiġu introdotti indikaturi ġodda li jistgħu jitkejlu, flimkien ma’ Rakkomandazzjonijiet immirati Speċifiċi għall-Pajjiżi. |
Raġuni
Mhux meħtieġ li nitħaddtu dwar semestru Ewropew “ġdid” peress li s-Semestru Ewropew ġie introdott fl-2010. Minflok, għandha ssir referenza għaċ-ċiklu l-ġdid tas-Semestru Ewropew. Barra minn hekk, ma hemm l-ebda ħtieġa li nfittxu li noħolqu Semestru Ewropew “ġdid”: l-isforzi kollha għandhom ikunu ffukati biex jiġi żgurat il-funzjonament effettiv u orjentat lejn ir-riżultati tas-Semestru Ewropew eżistenti. L-EPSR huwa akkumpanjat minn “Tabella ta’ Valutazzjoni Soċjali” li ssegwi x-xejriet u l-prestazzjoni fil-pajjiżi tal-UE fi tliet oqsma relatati mal-prinċipji tal-Pilastru. It-Tabella ta’ Valutazzjoni tikkontribwixxi għas-Semestru Ewropew għall-koordinazzjoni tal-politika ekonomika u sservi biex jiġi vvalutat il-progress lejn “klassifikazzjoni soċjali AAA” għall-UE kollha kemm hi. Dan ifisser li jkun hemm monitoraġġ komprensiv.
Riżultat tal-votazzjoni
Favur |
49 |
Kontra |
117 |
Astensjonijiet |
4 |
Punt 1.10
Ibdel it-test kif ġej:
1.10 |
Għandu jiġi promoss monitoraġġ regolari tal-implimentazzjoni tal-EPSR, b’konsultazzjoni vinkolanti regolari tal-partijiet ikkonċernati soċjali, li jista’ jkun iffaċilitat mill-KESEs; il-KESE jipproponi l-istabbiliment ta’ Forum tal-UE dwar il-Politika Soċjali marbut mal-proċess tas-Semestru. |
Raġuni
It-tifsira tal-kelma “vinkolanti” mhijiex ċara f’dan il-kuntest u għandha tiġi sostitwita bil-kelma “regolari”. Mhuwiex ċar x’inhu mifhum meta ssir referenza għall-ħolqien ta’ “Forum tal-UE dwar il-Politika Soċjali”. M’hemmx bżonn li jinħolqu strumenti/pjattaformi ġodda u r-referenza għall-forum għandha titħassar Dak li huwa importanti huwa l-konsultazzjoni u l-involviment tal-partijiet interessati rilevanti fl-implimentazzjoni tal-EPSR.
Riżultat tal-votazzjoni
Favur |
52 |
Kontra |
114 |
Astensjonijiet |
3 |
Punt 1.11
Ibdel it-test kif ġej:
1.11 |
Il-KESE diġà indika li jemmen li pjan direzzjonali ċar għall-implimentazzjoni tal-EPSR jgħin biex titrawwem il-konverġenza u biex jinkisbu l-objettivi tiegħu (30). Il-KESE talab ukoll pjan direzzjonali ċar u kkoordinat li jistabbilixxi l-prijoritajiet għall-implimentazzjoni tal-Pilastru u l-infurzar tad-drittijiet u l-istandards l-prinċipji soċjali eżistenti. Għandhom jiġu indirizzati bħala prijorità l-ħtiġijiet u d-drittijiet fundamentali b’mod partikolari tal-gruppi vulnerabbli, l-inugwaljanzi fl-opportunitajiet, id-dħul u l-ġid fi ħdan u bejn l-Istati Membri, il-politiki ta’ inklużjoni u l-kundizzjonijiet adatti għal servizzi pubbliċi u mingħajr skop ta’ qligħ u l-intrapriżi soċjali. |
Raġuni
Nipproponu li tintuża l-formulazzjoni eżatta tal-Opinjoni SOC/564 Il-lista tal-kwistjonijiet li għandhom jiġu indirizzati bħala prijoritajiet m’għandhiex tinkludi kwistjonijiet li mhumiex koperti mill-prinċipji tal-EPSR (eż. l-inugwaljanzi fil-ġid u fid-dħul fi ħdan jew bejn l-Istati Membri).
Riżultat tal-votazzjoni
Favur |
50 |
Kontra |
113 |
Astensjonijiet |
4 |
(1) ĠU C 440, 6.12.2018, p. 28, punt 3.3.
(2) ĠU C 440, 6.12.2018, p. 28, punt 3.3.
(3) ĠU C 13, 15.1.2016, p. 40.
(4) Djalogu Soċjali Ewropew, Programm ta’ Ħidma 2019-2021.
(5) https://ec.europa.eu/commission/sites/beta-political/files/european_pillar_one_year_on.pdf
(6) ĠU C 81, 2.3.2018, p. 145, punti 8.3 u 1.3.
(7) ĠU C 177, 18.5.2016, p. 35.
(8) ĠU C 227, 28.6.2018, p. 1 punti 1.8 u 3.6; ĠU C 327, 12.11.2013, p. 11; Stħarriġ Annwali dwar it-Tkabbir 2018, punt 1.4, għadu ma ġiex ippubblikat; ĠU C 226, 16.7.2014, p. 21; u ĠU C 262, 25.7.2018, p. 1, punt 3.14 u ĠU C 190, 5.6.2019, p. 24, punt 1.8.
(9) ĠU C 177, 18.5.2016, p. 35 .
(10) ĠU C 227, 28.6.2018, p. 1, punt 1.6; Il-politika ekonomika taż-żona tal-euro 2018, punti 1.8 u 3.6; ĠU C 327, 12.11.2013, p. 11, punt 1.4, ĠU C 226, 16.7.2014, p. 21
(11) ĠU C 262, 25.7.2018, p. 1, punt 1.5.
(12) ĠU C 262, 25.7.2018, p. 1 , punt 1.6.
(13) ĠU C 125, 21.4.2017, p. 10 .
(14) ĠU C 240, 16.7.2019, p. 3, punt 1.3.
(15) Dikjarazzjoni Konġunta dwar “L-Ugwaljanza bejn il-Ġeneri bħala Prijorità tal-Unjoni Ewropea llum u fil-ġejjieni” (mhux disponibbli bil-Malti) iffirmata fl-okkażjoni tal-Laqgħa Informali tal-Ministri għall-Ugwaljanza bejn il-Ġeneri fit-12 ta’ Ottubru 2018 fi Vjenna.
(16) ĠU C 110, 22.3.2019, p. 26, punti 3.1.1 u 3.1.3.
(17) Il-KESE adotta Opinjoni speċifika dwar il-PES, ( ĠU C 353, 18.10.2019, p. 46).
(18) ĠU C 353, 18.10.2019, p. 46.
(19) ĠU C 237, 6.7.2018, p. 8, punt 4.10.
(20) Id-Direttiva tal-Kunsill 98/59/KE tal-20 ta’ Lulju 1998 dwar l-approssimazzjoni tal-liġijiet tal-Istati Membri dwar sensji kollettivi.
(21) Direttiva 2014/95/UE tal-Parlament Ewropew u tal-Kunsill tat-22 ta’ Ottubru 2014 li temenda d-Direttiva 2013/34/UE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċerti impriżi u gruppi kbar.
(22) ĠU C 190, 5.6.2019, p. 1 .
(23) Il-KESE qed iħejji Opinjoni SOC/583 dwar “Standards minimi komuni fil-qasam tal-assigurazzjoni tal-qgħad fl-Istati Membri tal-UE”.
(24) ĠU C 81, 2.3.2018, p. 145, punti 1.2 u 2.2.
(25) Eż. fl-Opinjonijiet tiegħu: ĠU C 13, 15.1.2016, p. 40; ĠU C 81, 2.3.2018, p. 145 u ĠU C 440, 6.12.2018, p. 135 .
(26) Artikolu 9 tat-TFUE.
(27) Artikolu 9 tat-TFUE.
(28) ĠU C 262, 25.7.2018, p. 1, punti 1.5 u 1.6.
(29) ĠU C 262, 25.7.2018, p. 1 , punt 3.1.4 (u r-referenzi inklużi).
(30) ĠU C 81, 2.3.2018, p. 145, punt 8.3.