IL-KUMMISSJONI EWROPEA
Brussell, 16.1.2020
COM(2019) 557 final/2
CORRIGENDUM
This document corrects document COM/2019/557 final of 31.10.2019.
Concerns all language versions.
Corrections to the following clerical mistakes have been made:
- Correction of the title of Directive 2003/87/EC on p. 6, footnote 3;
- Addition of Spain to the list of Member States which have EU ETS installations emitting PFCs and N2O on p. 8;
- Addition of reference to the OJ publication of Directive 2014/65/EU on p. 10, footnote 14;
- Correction of the inconsistent and incorrect use of decimal commas and points in Tables 4 and 7;
- Correction of the number of total cancelled auctions on p. 21;
- Correction of the publication date of Regulation (EU) No 600/2014 on p. 34, footnote 61;
- Correction of the title of DG Climate Action in Figures 2, 3, 4, and 5, in Tables 6 and 8, as well as in Tables 1.1., 1.2 and 1.3 of Annex 1, and Table 4.1. of Annex 4.
The text shall read as follows:
RAPPORT TAL-KUMMISSJONI LILL-PARLAMENT EWROPEW U LILL-KUNSILL
Rapport dwar il-funzjonament tas-suq Ewropew tal-karbonju
Werrej
Lista ta’ akronimi u abbrevjazzjonijiet
SOMMARJU
1. INTRODUZZJONI
2.1 Kopertura tal-attivitajiet, tal-installazzjonijiet u tal-operaturi tal-inġenji tal-ajru
2.2 Ir-Reġistru tal-Unjoni u r-Reġistru tat-Tranżazzjonijiet tal-Unjoni Ewropea (EUTL)
3. FUNZJONAMENT TAS-SUQ TAL-KARBONJU FL-2018
3.1. Provvista: kwoti mqiegħda fiċ-ċirkolazzjoni
3.1.1. Limitu massimu
3.1.2. Kwoti maħruġa
3.1.2.1.Allokazzjoni bla ħlas
3.1.2.2. Il-programm NER 300 u l-Fond għall-Innovazzjoni
3.1.2.3. Kumpens għall-kostijiet indiretti tal-karbonju
3.1.2.4. Irkant ta’ kwoti
3.1.2.5. Deroga minn irkant sħiħ għall-produzzjoni tal-elettriku u s-sħana
3.1.3. Krediti internazzjonali
3.2. Domanda: kwoti meħuda barra miċ-ċirkolazzjoni
3.3. Ibbilanċjar tal-provvista u d-domanda
4. AVJAZZJONI
5. SORVELJANZA TAS-SUQ
5.1. In-natura legali u t-trattament fiskali tal-kwoti tal-emissjonijiet
6. MONITORAĠĠ, RAPPORTAR U VERIFIKA TAL-EMISSJONIJIET
7. ĦARSA ĠENERALI LEJN L-ARRANĠAMENTI AMMINISTRATTIVI
8. KONFORMITÀ U INFURZAR
9. KONKLUŻJONIJIET U ASPETTATTIVI
ANNESS
Lista ta’ akronimi u abbrevjazzjonijiet
AVR
Regolament dwar l-Akkreditazzjoni u l-Verifika
AK
Awtorità Kompetenti
CCS
Ġbir u Ħżin tad-Diossidu tal-Karbonju
CCU
Ġbir u Użu tal-Karbonju
CDM
Mekkaniżmu għal Żvilupp Nadif
CERs
Tnaqqis Iċċertifikat ta’ Emissjonijiet
CORSIA
Skema ta’ Kumpens u Tnaqqis tal-Karbonju għall-Avjazzjoni Internazzjonali
CSCF
Fattur Trasversali ta’ Korrezzjoni
EA
Kooperazzjoni Ewropea għall-Akkreditazzjoni
ŻEE
Żona Ekonomika Ewropea
ŻEE
Aġenzija Ewropea għall-Ambjent
EEX
European Energy Exchange
BEI
Bank Ewropew tal-Investiment
ERUs
Unitajiet ta’ Tnaqqis tal-Emissjonijiet
ESMA
Awtorità Ewropea tat-Titoli u s-Swieq
EU ETS
Skema tal-Unjoni Ewropea għall-Iskambju ta’ Kwoti tal-Emissjonijiet
EUTL
Reġistru tat-Tranżazzjonijiet tal-Unjoni Ewropea
GHG
Gass serra
ICAO
Organizzazzjoni tal-Avjazzjoni Ċivili Internazzjonali
ICE
InterContinental Exchange Futures Europe
Proġetti ta’ Dimostrazzjoni fil-Qasam tal-Enerġija InnovFin EDP
JI
Implimentazzjoni Konġunta
MAR
Regolament dwar l-Abbuż tas-Suq
MiFID2
Direttiva dwar is-Swieq tal-Istrumenti Finanzjarji
MiFIR
Regolament dwar is-Swieq tal-Istrumenti Finanzjarji
MRR
Regolament dwar il-Monitoraġġ u r-Rapportar
MRVA
Monitoraġġ, Rapportar, Verifika u Akkreditazzjoni
MSR
Riżerva tal-Istabbiltà tas-Suq
NAB
Korp Nazzjonali ta’ Akkreditament
NER
Riżerva għal Min Jidħol Ġdid
OTC
Barra l-Borża
PFCs
Perfluworokarburi
RES
Sorsi ta’ Enerġija Rinnovabbli
SARPs
Standards u Prattiki Rakkomandati tal-CORSIA
TNAC
Numru Totali ta’ Kwoti fiċ-Ċirkolazzjoni
SOMMARJU
Fl-2018, l-emissjonijiet mill-installazzjonijiet koperti mill-Iskema Ewropea għall-Iskambju ta’ Kwoti tal-Emissjonijiet (EU ETS) naqsu b’4,1 % meta mqabbla mal-2017. It-tnaqqis kien prinċipalment ikkawżat mill-produzzjoni tal-elettriku u tas-sħana, filwaqt li l-emissjonijiet mill-industrija naqsu bi ftit biss (ara t-Tabella 7 fit-Taqsima 3.2). L-emissjonijiet ivverifikati mill-avjazzjoni komplew jikbru, b’żieda ta’ 3,9 % meta mqabbla mal-2017 (ara t-Tabella 8 fit-Taqsima 4).
Wara l-adozzjoni tad-Direttiva riveduta tal-EU ETS, l-enfasi issa xxaqilbet lejn l-implimentazzjoni tad-dispożizzjonijiet il-ġodda qabel ma tibda il-fażi 4. Ix-xogħol ta’ implimentazzjoni jinsab fl-aqwa tiegħu, b’leġiżlazzjoni ġdida ta’ implimentazzjoni dwar il-lista tar-rilokazzjoni tal-emissjonijiet tal-karbonju, ir-regoli ta’ allokazzjoni mingħajr ħlas, il-Fond ta’ Innovazzjoni, l-irkantar, l-MRVA, u fuq ir-Reġistru tal-Unjoni li ġie adottat matul is-sena li għaddiet (ara l-Kapitoli 2.2, 3.1.2 u 6.1).
L-indikatur tal-eċċess tar-Riżerva tal-Istabbiltà tas-Suq kien ippubblikat għat-tielet darba, u kkorrisponda għal 1 654 909 824 kwota. Il-pubblikazzjoni tiegħu se tibqa’ twassal għat-tqegħid ta’ kwoti fir-riżerva, u dan se jnaqqas il-volum tal-irkant bi kważi 40 %, jew qrib it-397 miljun kwota fl-2019 (ara l-Kapitoli 3.3).
Fl-2018, sinjal imsaħħaħ tal-prezz tal-karbonju fis-suq Ewropew tal-karbonju wassal għal ammont rekord ta’ dħul ta’ madwar EUR 14-il biljun mill-irkantar tal-kwoti għall-Istati Membri. L-Istati Membri nefqu jew ippjanaw li jonfqu madwar 70 % ta’ dan id-dħul għal skopijiet speċifiċi relatati mal-klima u l-enerġija matul is-sena (ara l-Kapitolu 3.1.2.4)
1. INTRODUZZJONI
Mill-2005, l-Iskema tal-UE għall-Iskambju ta’ Kwoti tal-Emissjonijiet (EU ETS) kienet ċentrali għall-istrateġija tal-UE għat-tnaqqis tal-emissjonijiet ta’ gassijiet serra (GHG) mill-industrija u l-produzzjoni tal-elettriku u s-sħana. Din tikkontribwixxi b’mod sinifikanti għall-ilħuq tal-mira tal-UE li sal-2020, l-emissjonijiet GHG jitnaqqsu b’20 % mil-livelli tal-1990. Filwaqt li l-UE tinsab fit-triq it-tajba biex tgħaddi din il-mira, it-tnaqqis tal-emissjonijiet GHG b’mill-inqas 40 % (bħala parti mill-qafas ta’ politika attwali tal-UE għall-2030 dwar il-klima u l-enerġija) u b’mill-inqas 50 %, biex jintlaħaq il-55 % b’mod responsabbli (bit-teħid inkunsiderazzjoni tal-Linji Gwida Politiċi għall-Kummissjoni l-ġdida) ikun jeħtieġ progress kontinwu.
Wara d-dħul fis-seħħ tar-reviżjoni tal-EU ETS għall-fażi 4 f’April 2018, l-adozzjoni tal-leġiżlazzjoni implimentattiva għar-raba’ perjodu ta’ negozjar miexja b’pass mgħaġġel. Matul is-sena li għaddiet, ġiet adottata leġiżlazzjoni ta’ implimentazzjoni dwar il-lista l-ġdida tar-rilokazzjoni tal-emissjonijiet tal-karbonju u r-regoli dwar l-allokazzjoni mingħajr ħlas, u l-qafas legali għas-sistema tar-Reġistru tal-Unjoni ġie rivedut biex jakkomoda l-aġġustamenti meħtieġa għall-fażi 4. Barra minn hekk, ġew stabbiliti r-regoli għall-operazzjonalizzazzjoni tal-Fond għall-Innovazzjoni – l-istrument ewlieni tal-ETS għall-finanzjament ta’ teknoloġiji innovattivi b’emissjonijiet baxxi ta’ karbonju u innovazzjoni rivoluzzjonarja involuta fil-fażi 4. Fl-istess ħin, ir-Regolament dwar l-Irkantar ġie rivedut biex jippermetti l-irkantar tal-ewwel 50 miljun kwota għall-Fond tal-Innovazzjoni fl-2020. It-tieni reviżjoni biex jinħoloq qafas istituzzjonali għall-irkantar ta’ kwoti għall-Fondi għall-Innovazzjoni u għall-Modernizzazzjoni fil-fażi 4 ġiet adottata mill-Kummissjoni f’Awwissu 2019. Fl-aħħar, iżda mhux l-inqas, il-qafas ta’ monitoraġġ, rapportar, verifika u akkreditazzjoni (MRVA) tal-EU ETS ġie aġġornat biex itejjeb u jikkjarifika r-regoli eżistenti bbażati fuq l-esperjenza ta’ implimentazzjoni mill-fażi 3. Il-Kummissjoni qiegħda tiffinalizza malajr id-dispożizzjonijiet ta’ implimentazzjoni li jifdal, bl-għan li jiġu adottati qabel Jannar 2021, meta jibda l-perjodu ta’ negozjar il-ġdid.
Il-bidliet leġiżlattivi miftiehma fis-snin reċenti biex jindirizzaw l-eċċess tal-kwoti fis-suq tal-karbonju bdew jagħtu l-frott. Sa mill-pubblikazzjoni tal-aħħar rapport dwar is-suq tal-karbonju, l-indikatur tal-eċċess tar-Riżerva tal-Istabbiltà tas-Suq ġie ppubblikat għat-tielet darba. Abbażi tal-indikatur u l-leġiżlazzjoni riveduta tal-EU ETS, il-volumi tal-irkant fl-2019 se jitnaqqsu bi kważi 400 miljun kwota, li jikkorrispondu għal 24 % tal-eċċess.
Is-sena li għaddiet kienet ikkaratterizzata wkoll miż-żieda fil-fiduċja tal-parteċipanti fis-suq, li kienet riflessa f’sinjal imsaħħaħ tal-prezz tal-karbonju. Il-prezz ogħla tal-kwoti tal-emissjonijiet wassal għal żieda sostanzjali fid-dħul totali mill-irkant iġġenerat mill-Istati Membri - fl-2018, id-dħul totali ġġenerat kien ta’ EUR 14-il biljun, aktar minn darbtejn ogħla mid-dħul iġġenerat fl-2017. Abbażi tad-data mressqa mill-Istati Membri, matul l-2018, madwar 70 % ta’ dan id-dħul intefaq (jew kien ippjanat għall-infiq) fuq skopijiet speċifiċi relatati mal-klima u l-enerġija.
Dan ir-Rapport dwar il-funzjonament tas-suq Ewropew tal-karbonju huwa ppreżentat f’konformità mar-rekwiżiti tal-Artikoli 10(5) u 21(2) tad-Direttiva 2003/87/KE (id-Direttiva tal-EU ETS). Kif stipulat permezz tad-Direttiva, l-għan tar-rapport huwa li jipprovdi stampa regolari tal-iżviluppi fis-suq Ewropew tal-karbonju fuq bażi annwali.
Ir-rapport ikopri s-sena 2018, iżda jippreżenta wkoll inizjattivi proposti jew miftiehma fl-ewwel nofs tas-sena 2019.
Sakemm ma jkunx indikat mod ieħor, id-data użata għal dan ir-rapport kienet dik disponibbli pubblikament u għad-dispożizzjoni tal-Kummissjoni sal-aħħar ta’ Ġunju 2019
. Informazzjoni ġenerali u deskrittiva dwar l-EU ETS hija inkluża fil-kaxex matul ir-rapport kollu.
2. L-INFRASTRUTTURA TAL-EU ETS
2.1 Kopertura tal-attivitajiet, tal-installazzjonijiet u tal-operaturi tal-inġenji tal-ajru
L-EU ETS topera fil-31 pajjiż taż-Żona Ekonomika Ewropea (ŻEE). Din tillimita l-emissjonijiet minn kważi 11 000 impjant tal-enerġija u installazzjonijiet tal-manifattura kif ukoll minn ’il fuq minn 500 operatur ta’ inġenji tal-ajru li jtiru bejn l-ajruporti taż-ŻEE. Din tkopri madwar 39 % tal-emissjonijiet GHG tal-UE.
Fil-fażi 3 (2013-2020)*, is-setturi b’installazzjonijiet stazzjonarji regolati mill-EU ETS huma l-industriji intensivi fl-enerġija, inklużi l-impjanti tal-enerġija u impjanti oħra ta’ kombustjoni, b’input nominali termiku ta’ >20MW (għajr l-installazzjonijiet ta’ skart perikoluż jew muniċipali), ir-raffineriji taż-żejt, il-fran tal-kokk, il-ħadid u l-azzar, il-gagazza tas-siment, il-ħġieġ, il-ġir, il-brikks, iċ-ċeramika, il-polpa, il-karta u l-kartun, l-aluminju, il-petrokimiki, l-ammonijaka, li-produzzjoni tal-aċidu nitriku, adipiku, gliossali u gliossiliku, il-ġbir ta’ CO2, it-trasport fil-pipelines u l-ħżin ġeoloġiku ta’ CO2.
Il-kamp ta’ applikazzjoni tal-avjazzjoni tal-EU ETS kien limitat għat-titjiriet fiż-ŻEE fil-perjodu 2013-2016, sal-adozzjoni ta’ approċċ globali mill-Organizzazzjoni tal-Avjazzjoni Ċivili Internazzjonali (ICAO). Biex jiġi appoġġat l-iżvilupp tal-Iskema ta’ Kumpens u Tnaqqis tal-Karbonju għall-Avjazzjoni Internazzjonali (CORSIA), fl-2017 il-limitazzjoni għat-titjiriet intra-ŻEE ġiet estiża sal-2023 (ara l-Kapitolu 4).
L-EU ETS tkopri l-emissjonijiet tad-diossidu tal-karbonju (CO2), iżda wkoll l-emissjonijiet tal-ossidu nitruż (N2O) minn kull produzzjoni ta’ aċidu nitriku, adipiku, gliossali u gliossiliku, u l-emissjonijiet tal-perfluworokarburi (PFC) mill-produzzjoni tal-aluminju. Għalkemm il-parteċipazzjoni fl-EU ETS hija obbligatorja, f’xi setturi jiġu inklużi biss installazzjonijiet akbar minn ċertu daqs. Barra minn hekk, il-pajjiżi parteċipanti jistgħu jeskludu l-installazzjonijiet żgħar (li jarmu inqas minn 25,000 tunnellata ta’ CO2e) mis-sistema jekk ikun hemm miżuri alternattivi u ekwivalenti fis-seħħ. Fil-fażi 4, l-emittenti żgħar ħafna (b’emissjonijiet irrapportati ta’ inqas minn 2 500 tunnellata ta’ CO2e fl-aħħar tliet snin) jistgħu jiġu esklużi mill-EU ETS soġġetti għall-eżistenza ta’ arranġamenti simplifikati ta’ monitoraġġ biex jevalwaw il-kwantità tal-emissjonijiet tagħhom. Il-pajjiżi parteċipanti jistgħu jżidu wkoll aktar setturi u GHGs fl-EU ETS l-hekk imsejħa “inklużjoni fakultattiva”).
* Informazzjoni dwar il-fażijiet 1 u 2 tal-EU ETS tista’ tinstab hawnhekk: https://ec.europa.eu/clima/policies/ets/pre2013_mt
Skont ir-rapporti tal-Artikolu 21 ippreżentati mill-pajjiżi parteċipanti fl-2019, fl-2018 kien hemm total ta’ 10 744 installazzjoni permessa.
Kif kien il-każ fis-snin preċedenti, il-karburanti maħruqa fl-EU ETS fl-2018 baqgħu fil-maġġor parti assoluta fossili. Madankollu, 29 pajjiż irrapportaw ukoll użu tal-bijomassa b’rabta mal-2 181 installazzjoni (20,3 % tal-installazzjonijiet kollha). Żewġ pajjiżi (LI u MT) ma rrapportaw l-ebda użu tal-bijomassa. Fl-2018, l-emissjonijiet totali mill-bijomassa ammontaw għal madwar 151 miljun tunnellata ta’ CO2 (9 % tal-emissjonijiet irrapportati tal-EU ETS), żieda żgħira mill-145 miljun tunnellata ta’ CO2 fl-2017 (8 % tal-emissjonijiet irrapportati tal-ETS). Minn dawn, 99,2 % kienu kklassifikati b’rata żero. Għall-2018, l-ebda pajjiż ma rrapporta l-użu ta’ bijokarburant għall-operaturi tal-inġenji tal-ajru, filwaqt li għall-2017, l-Iżvezja biss kienet irrapportat użu bħal dan għal żewġ operaturi tal-inġenji tal-ajru.
Fi ħdan il-kategoriji ta’ installazzjoni bbażati fuq l-emissjonijiet annwali
, id-data għall-2018 turi li, bħal fis-snin preċedenti, 72 % tal-installazzjonijiet huma tal-kategorija A, 21 % huma tal-kategorija B u 7 % huma tal-kategorija C. 6 113 installazzjoni ġew irrapportati bħala “installazzjonijiet b’emissjonijiet baxxi” (57 % tat-total).
Rigward l-attivitajiet tal-EU ETS elenkati b’mod addizzjonali għal emissjonijiet mhux tas-CO2, hemm rapporti ta’ permessi maħruġa fi 13-il pajjiż għall-aluminju primarju u għall-perfluworokarburi (PFCs) (DE, FR, EL, ES, IS, IT, NL, NO, RO, SE, SI, SK, UK), filwaqt li għall-produzzjoni ta’ aċidu nitriku u N2O hemm rapporti ta’ permessi maħruġa f’21 pajjiż (il-pajjiżi kollha għajr CY, DK, EE, IE, IS, LI, LU, LV, MT, u SI). Is-setturi l-oħrajn tal-N2O – il-produzzjoni ta’ aċidu adipiku u l-produzzjoni ta’ aċidu gliossali u gliossiliku huma rrapportati fi tliet pajjiżi (DE, FR, IT) u f’żewġ pajjiżi (DE, FR), rispettivament. In-Norveġja biss iddikjarat attivitajiet għall-ġbir u l-ħżin tas-CO2.
Bħas-sena ta’ qabel, seba’ pajjiżi (ES, FR, HR, IS, IT, SI, UK) użaw il-possibbiltà li jeskludu emittenti żgħar mill-EU ETS f’konformità mal-Artikolu 27 tad-Direttiva tal-EU ETS. L-emissjonijiet esklużi għall-2018 ammontaw għal 2,92 miljun tunnellata ta’ CO2 (madwar 0,17 % tal-emissjonijiet totali vverifikati, imqabbla ma’ 0,16 % is-sena ta’ qabel).
Skont is-sottomissjonijiet tal-Artikolu 21 fl-2019, sa issa tmien pajjiżi (BE, DK, FR, HR, HU, LI, LT, NL) ħadu vantaġġ mid-dispożizzjoni offruta mill-Artikolu 13 tar-Regolament dwar il-Monitoraġġ u r-Rapportar (MRR) li jawtorizzaw l-użu ta’ pjanijiet simplifikati ta’ monitoraġġ f’każijiet ta’ riskju baxx għal installazzjonijiet stazzjonarji. Fil-każ tal-operaturi ta’ inġenji tal-ajru b’emissjonijiet baxxi, tliet pajjiżi rrapportaw l-użu ta’ din id-dispożizzjoni għall-2018 (BE, IS u PL).
Fl-2018, 655 operatur ta’ inġenji tal-ajru ġew irrapportati li għandhom pjan ta’ monitoraġġ (meta mqabbla ma’ 541 għall-2017, u 503 għall-2016). 50 % (328) tal-operaturi rrapportati kienu kummerċjali filwaqt li l-50 % l-oħra (327) ma kinux kummerċjali. Total ta’ 287 (44 %) ikkwalifikaw bħala emittenti żgħar (meta mqabbla ma’ 280 (52 %) fl-2017 u ma’ 249 (50 %) fl-2016).
2.2 Ir-Reġistru tal-Unjoni u r-Reġistru tat-Tranżazzjonijiet tal-Unjoni Ewropea (EUTL)
Ir-Reġistru tal-Unjoni u r-Reġistru tat-Tranżazzjonijiet tal-Unjoni Ewropea (EUTL) jintraċċaw is-sidien tal-kwoti ġenerali u dawk tal-avjazzjoni u t-tranżazzjonijiet billi jirreġistraw l-ammonti miżmuma fil-kontijiet u t-tranżazzjonijiet bejn il-kontijiet. Dawn jitħaddmu u jinżammu mill-Kummissjoni, filwaqt li l-amministraturi tar-reġistru nazzjonali fil-pajjiżi parteċipanti jibqgħu jkunu l-punt ta’ kuntatt għar-rappreżentanti tal-kontijiet (kumpaniji jew persuni fiżiċi). Filwaqt li r-Reġistru tal-Unjoni jżomm kontijiet għal installazzjonijiet stazzjonarji u għal operaturi ta’ inġenji tal-ajru, l-EUTL jivverifika, jirreġistra u jawtorizza awtomatikament it-tranżazzjonijiet kollha bejn il-kontijiet, u b’hekk jiżgura li t-transferimenti kollha jikkonformaw mar-regoli tal-EU ETS.
Id-data rreġistrata fir-Reġistru tal-Unjoni u l-EUTL hija sors importanti ta’ informazzjoni għal diversi tipi ta’ rapportar dwar l-ETS, bħal kalkolu tal-indikatur tal-eċċess tar-Riżerva tal-Istabbiltà tas-Suq (ara l-Kapitolu 3.3) u r-rapportar magħmul mill-Aġenzija Ewropea għall-Ambjent (EEA). L-EUTL jipprovdi wkoll trasparenza mill-EU ETS, bil-pubblikazzjoni* ta’ informazzjoni dwar il-konformità tal-installazzjonijiet stazzjonarji u tal-operaturi tal-inġenji tal-ajru mad-dispożizzjonijiet tal-ETS.
* L-informazzjoni ppubblikata mill-EUTL tista’ tinstab fuq: https://ec.europa.eu/clima/ets/
Ir-Reġistru tal-Unjoni u l-EUTL kienu kompletament operattivi għal 365 ġurnata erbgħa u għoxrin siegħa kuljum matul l-2018, b’interruzzjonijiet żgħar biss li jammontaw għal total ta’ madwar 26-il siegħa minħabba titjib tekniku.
Mill-1 ta’ Jannar 2019, il-Kummissjoni ssospendiet
il-proċessi kollha għar-Renju Unit relatati mal-allokazzjoni mingħajr ħlas, l-irkantar u l-iskambju ta’ krediti internazzjonali, skont il-miżuri ta’ salvagwardja
biex titħares l-integrità ambjentali tal-EU ETS f’każijiet fejn il-liġi tal-UE ma tibqax tapplika għal Stat Membru li jirtira mill-UE.
F’Marzu 2019, ġie adottat ir-Regolament Delegat tal-Kummissjoni (UE) 2019/1122 li jistabbilixxi r-regoli għall-funzjonament tar-Reġistru tal-Unjoni fil-perjodu ta’ negozjar tal-EU ETS UE li jmiss (2021-2030). Ir-Regolament jippermetti lir-Reġistru tal-Unjoni jikkonforma mar-rekwiżiti għall-fażi 4 stabbiliti mid-Direttiva riveduta tal-EU ETS, pereżempju billi jaġġusta l-funzjonalitajiet sabiex il-kwoti jkunu validi indefinittivament u jkunu jistgħu jintużaw biss biex ikopru l-emissjonijiet mill-ewwel sena tal-perjodu ta’ għaxar snin li fihom ikunu nħarġu, kif ukoll biex jiġi żgurat li l-krediti internazzjonali ma jkunux jistgħu jintużaw biex ikopru l-emissjonijiet mill-2021. Barra minn hekk, ir-Regolament il-ġdid jadatta r-regoli li jirregolaw ir-Reġistru tal-Unjoni biex jallinjahom mar-rekwiżiti tal-leġiżlazzjoni tas-suq finanzjarju, wara l-klassifikazzjoni tal-kwoti tal-emissjonijiet bħala “strumenti finanzjarji” skont id-Direttiva 2014/65/UE mit-3 ta’ Jannar 2018 u mar-rekwiżiti tar-regoli riveduti dwar il-protezzjoni tad-data.
3. FUNZJONAMENT TAS-SUQ TAL-KARBONJU FL-2018
Dan il-kapitolu jipprovdi informazzjoni dwar l-aspetti relatati mal-provvista u d-domanda tal-kwoti tal-EU ETS. It-taqsima tan-naħa tal-provvista tinkludi informazzjoni dwar il-limitu massimu, l-allokazzjoni bla ħlas, il-programm NER300 (inklużi t-tħejjijiet għall-Fond ta’ Innovazzjoni li ġej), l-irkantar, id-deroga mill-irkantar sħiħ għall-produzzjoni tal-elettriku u s-sħana (l-Artikolu 10c), l-użu ta’ krediti internazzjonali, u kapitolu dwar mekkaniżmi ta’ kumpens għall-kost indirett tal-karbonju.
Min-naħa tad-domanda, hija pprovduta informazzjoni dwar in-numru ta’ emissjonijiet verifikati u dwar l-ibbilanċjar tal-provvista u d-domanda ta’ kwoti fis-suq tal-karbonju permezz tar-Riżerva tal-Istabbiltà tas-Suq (MSR).
3.1. Provvista: kwoti mqiegħda fiċ-ċirkolazzjoni
3.1.1. Limitu massimu
Il-limitu massimu huwa l-kwantità assoluta ta’ GHGs li jistgħu jiġu emessi mill-entitajiet koperti biex jiżguraw li tintlaħaq il-mira ta’ tnaqqis ta’ emissjonijiet u li dan jikkorrispondi man-numru ta’ kwoti mqiegħda fiċ-ċirkolazzjoni tul perjodu ta’ negozjar. Fil-fażi 3 huwa applikat limitu massimu komuni fl-UE kollha, li jissostitwixxi s-sistema preċedenti ta’ limiti massimi nazzjonali.
Il-limitu massimu tal-2013 għall-emissjonijiet mill-installazzjonijiet stazzjonarji kien stabbilit għal 2 084 301 856 kwota. Dan il-limitu massimu jonqos kull sena b’fattur lineari ta’ tnaqqis ta’ 1,74 % tal-kwantità totali medja ta’ kwoti maħruġa kull sena fl-2008-2012, u b’hekk jiżgura li n-numru ta’ kwoti li jistgħu jintużaw mill-installazzjonijiet stazzjonarji se jkun 21 % inqas fl-2020 minn dak fl-2005.
Il-limitu massimu tas-settur tal-avjazzjoni ġie stabbilit oriġinarjament għal 210 349 264 kwota tal-avjazzjoni fis-sena, li huwa 5 % inqas mil-livell medju annwali ta’ emissjonijiet tal-avjazzjoni fl-2004-2006. Fl-1 ta’ Jannar 2014, dan żdied b’116 524 kwota tal-avjazzjoni biex jakkomoda s-sħubija tal-Kroazja fl-EU ETS. Dan il-limitu massimu kien maħsub biex jirrifletti l-leġiżlazzjoni tal-2008* li kienet tgħid li t-titjiriet kollha, lejn u fi ħdan iż-ŻEE sejrin jiġu inklużi fl-EU ETS. Madankollu, il-kamp ta’ applikazzjoni tal-EU ETS kien temporanjament limitat għat-titjiriet fi ħdan iż-ŻEE bejn l-2013 u l-2016 biex jappoġġa l-iżvilupp ta’ miżura globali mill-ICAO biex jiġu stabbilizzati l-emissjonijiet mill-avjazzjoni internazzjonali fil-livelli tal-2020. Għalhekk, in-numru ta’ kwoti tal-avjazzjoni mqiegħda fiċ-ċirkolazzjoni fl-2013-2016 kien ferm inqas mil-limitu massimu oriġinali. Fl-2017, biex jiġi appoġġat l-iżvilupp tal-miżura globali tal-ICAO, il-limitazzjoni għat-titjiriet intra-ŻEE ġiet imtawla sal-2023 (ara l-Kapitolu 4).
* Id-Direttiva 2008/101/KE tal-Parlament Ewropew u tal-Kunsill tad-19 ta’ Novembru 2008, li temenda d-Direttiva 2003/87/KE sabiex tinkludi l-attivitajiet tal-avjazzjoni fl-iskema għall-iskambju ta’ kwoti tal-emissjonijiet ta’ gassijiet serra ġewwa l-Komunità
It-Tabella 1 turi ċ-l-figuri għal-limitu massimu għall-installazzjonijiet stazzjonarji u n-numru ta’ kwoti tal-avjazzjoni mqiegħda kull sena fiċ-ċirkolazzjoni għal kull sena matul il-fażi 3 tal-EU ETS.
Tabella 1: Limitu massimu tal-EU ETS 2013-2020
Sena
|
Limitu massimu annwali (installazzjonijiet)
|
Kwoti tal-avjazzjoni annwali mqiegħda fiċ-ċirkolazzjoni
|
2013
|
2 084 301 856
|
32 455 296
|
2014
|
2 046 037 610
|
41 866 834
|
2015
|
2 007 773 364
|
50 669 024
|
2016
|
1 969 509 118
|
38 879 316
|
2017
|
1 931 244 873
|
38 711 651
|
2018
|
1 892 980 627
|
38,909,625
|
2019
|
1 854 716 381
|
35,172.897
|
2020
|
1 816 452 135
|
|
3.1.2. Kwoti maħruġa
3.1.2.1.Allokazzjoni bla ħlas
Għalkemm fil-fażi 3 tal-irkant tal-EU ETS l-irkantar huwa l-metodu prestabbilit ta’ allokazzjoni, ammont sinifikanti ta’ kwoti jibqa’ jiġi allokat bla ħlas. Japplikaw il-prinċipji li ġejjin:
L-allokazzjoni bla ħlas hija pprovduta lill-installazzjonijiet industrijali biex jindirizzaw ir-riskju ta’ rilokazzjoni tal-emissjonijiet tal-karbonju (sitwazzjoni fejn il-kumpaniji jittrasferixxu produzzjoni lil pajjiżi terzi b’restrizzjonijiet inqas stretti fuq l-emissjonijiet GHG, li tista’ twassal għal żieda fl-emissjonijiet totali tagħhom). Is-setturi u s-subsetturi meqjusa bħala esposti għal riskju sinifikanti ta’ rilokazzjoni tal-emissjonijiet tal-karbonju huma mqiegħda f’lista ta’ rilokazzjoni tal-emissjonijiet tal-karbonju*. Filwaqt li oriġinarjament il-lista kienet tkopri l-perjodu 2015-2019, id-Direttiva riveduta dwar l-EU ETS estendiet il-validità tagħha sal-31 ta’ Diċembru 2020.
* Il-lista attwali ta’ rilokazzjoni tal-emissjonijiet tal-karbonju tista’ tinstab hawnhekk: http://eur-lex.europa.eu/legal-content/MT/ALL/?uri=CELEX:32014D0746
·Il-produzzjoni tal-elettriku ma tirċivix kwoti bla ħlas;
·Il-kwoti bla ħlas lill-industrija tal-manifattura jitqassmu skont regoli armonizzati fl-UE kollha;
·L-allokazzjoni bla ħlas hija bbażata fuq parametri referenzjarji tal-prestazzjoni għat-tisħiħ tal-inċentivi għat-tnaqqis ta’ emissjonijiet GHG u għall-innovazzjoni u għall-ippremjar tal-installazzjonijiet l-aktar effiċjenti;
·Ġiet stabbilita riżerva għal Min Jidħol Ġdid (NER) fl-UE kollha għall-installazzjonijiet industrijali ġodda u għall-installazzjonijiet li jżidu l-kapaċità b’mod sinifikanti, ekwivalenti għal 5 % tal-ammont totali tal-kwoti għall-fażi 3.
Matul il-fażi 3, madwar 43 % tal-kwantità totali tal-kwoti disponibbli se jiġu allokati bla ħlas, filwaqt li s-sehem ta’ kwoti li għandhom jiġu rkantati mill-Istati Membri jammonta għal madwar 57 %.
Ir-Riżerva għal Min Jidħol Ġdid (NER) inizjali, wara li tnaqqsu 300 miljun kwota għall-programm NER300, kellha 480,2 miljun kwota. Sa Ġunju 2019, 167,9 miljun kwota ġew riżervati għal 937 installazzjoni għall-fażi 3 kollha. L-NER li jibqa’ jammonta għal 312,3 miljun kwota. Huwa mistenni li numru sinifikanti ta’ dawn il-kwoti se jibqa’ mhux allokat. Dawn se jitqiegħdu fit-tmiem tal-fażi 3 fir-Riżerva tal-Istabbiltà tas-Suq (MSR), li minnhom se jintużaw 200 miljun biex jiġi stabbilit NER għall-fażi 4.
Sal-aħħar ta’ Ġunju 2019, l-allokazzjoni bla ħlas tnaqqset b’madwar 457 miljun kwota ta’ emissjoni minħabba installazzjonijiet li għalqu jew naqqsu l-produzzjoni jew il-kapaċità ta’ produzzjoni tagħhom meta mqabbla ma’ dik inizjalment użata għall-kalkolu tal-allokazzjoni tal-fażi 3.
Tabella 2: In-numru ta’ kwoti (f’miljuni) allokati għall-industrija bla ħlas mill-2013 sal-2019
|
2013
|
2014
|
2015
|
2016
|
2017
|
2018
|
2019
|
Allokazzjoni bla ħlas
(EU28+Stati taż-ŻEE-EFTA)
|
903,0
|
874,8
|
847,6
|
821,3
|
796,2
|
771,9
|
748,1
|
Allokazzjoni mir-riżerva għal min jidħol ġdid (investimenti f’żona ġdida u żidiet fil-kapaċità)
|
11,7
|
15,3
|
18,6
|
21,8
|
23,4
|
23,6
|
22,9
|
Kwoti bla ħlas li jifdal mhux allokati minħabba għeluq jew bidliet fil-produzzjoni jew il-kapaċità tal-produzzjoni
|
40,1
|
58,9
|
70,8
|
67,5
|
71,6
|
75,9
|
71,9
|
Peress li d-domanda għal allokazzjoni bla ħlas qabżet l-ammont disponibbli, l-allokazzjoni għall-installazzjonijiet kollha skont l-EU ETS tnaqqset bl-istess perċentwal permezz tal-applikazzjoni ta’ “fattur ta’ korrezzjoni trasversali (CSCF)”. Fl-2017, il-valuri oriġinali ta’ CSFC ġew riveduti.
Biex jiġi evitat ir-riskju tar-rilokazzjoni tal-emissjonijiet tal-karbonju, l-allokazzjoni bla ħlas se tkompli wara l-2020, ibbażata fuq valuri referenzjarji derivati b’referenza għall-prestazzjoni tal-10 % tal-installazzjonijiet l-aktar effiċjenti fl-UE. Il-livell tal-esponiment għar-rilokazzjoni tal-emissjonijiet tal-karbonju tas-setturi ġie vvalutat abbażi ta’ indikatur kombinat li jimmultiplika l-intensità tan-negozju tas-settur ma’ pajjiżi terzi bl-intensità tal-emissjonijiet tas-settur. Fuq il-bażi ta’ din l-evalwazzjoni, fi Frar 2019 il-Kummissjoni adottat il-lista tar-rilokazzjoni tal-emissjonijiet tal-karbonju għall-perjodu ta’ negozjar li jmiss, li se tkun valida għall-fażi 4 kollha.
Sabiex jiġi rifless il-progress fit-teknoloġija u l-innovazzjoni, il-valuri ta’ referenza se jiġu aġġornati darbtejn fil-fażi 4, abbażi ta’ data reali. L-installazzjonijiet li japplikaw għal allokazzjoni mingħajr ħlas għall-ewwel perjodu ta’ allokazzjoni (2021-2025) kellhom jissottomettu d-data meħtieġa sat-30 ta’ Mejju 2019 lill-awtoritajiet kompetenti. Din id-data se tintuża mill-Kummissjoni biex tikkalkula l-allokazzjoni ta’ kull installazzjoni u biex taġġorna l-valuri ta’ referenza għal 2021-2025. L-att delegat dwar ir-reviżjoni tar-regoli tal-allokazzjoni mingħajr ħlas għal 2021-2030 kien adottat f’Diċembru 2018
, filwaqt li bdiet ħidma biex jiġu aġġornati l-valuri ta’ referenza għal 2021-2025 (ara l-Appendiċi 7 tal-Anness).
Fil-fażi 4, l-allokazzjonijiet għall-installazzjonijiet individwali se jiġu aġġustati fil-mument xieraq biex jirriflettu żidiet u tnaqqis sinifikanti fl-operazzjoni. Biex jiġu evitati l-manipulazzjoni u l-abbuż tas-sistema ta’ aġġustament tal-allokazzjoni u biex jiġi evitat kwalunkwe piż amministrattiv żejjed, il-Kummissjoni se tadotta att ta’ implimentazzjoni biex tiddefinixxi arranġamenti ulterjuri għall-aġġustamenti (ara l-Appendiċi 7 tal-Anness).
3.1.2.2. Il-programm NER 300 u l-Fond għall-Innovazzjoni
L-NER300 huwa programm ta’ finanzjament fuq skala kbira għal proġetti ta’ dimostrazzjoni fil-qasam tal-enerġija innovattiva b’emissjonijiet baxxi ta’ karbonju. Huwa mmirat għall-wiri ta’ ġbir u ħżin tal-karbonju (CCS) sikuri għall-ambjent u teknoloġiji innovattivi ta’ sorsi tal-enerġija rinnovabbli (RES) fuq skala kummerċjali fi ħdan l-UE. L-NER 300 huwa ffinanzjat mill-monetizzazzjoni ta’ 300 miljun kwota tal-emissjoni mill-NER. Il-fondi ngħataw lill-proġetti magħżula permezz ta’ żewġ sensiliet ta’ sejħiet għal proposti f’Diċembru 2012 u f’Lulju 2014.
Il-Fond ta’ Innovazzjoni huwa wieħed miż-żewġ mekkaniżmi b’livell baxx ta’ karbonju maħluqa mid-Direttiva riveduta tal-EU ETS għall-fażi 4. Dan se jappoġġa, fuq bażi kompetittiva, l-iżvilupp għall-ewwel darba fis-suq u d-dimostrazzjoni fuq skala kummerċjali ta’ teknoloġiji innovattivi u innovazzjoni rivoluzzjonarja fis-setturi koperti mill-EU ETS, inkluż is-sorsi rinnovabbli innovattivi, l-industriji intensivi fl-enerġija, il-ġbir u l-użu tal-karbonju (CCU), u l-ħażna tal-enerġija. Dan se jkun iffinanzjat mill-irkant ta’ mill-inqas 450 miljun kwota u kwalunkwe baġit mhux skopert mill-Programm NER 300. L-ewwel sejħa għall-proposti qed titħejja għall-2020.
Bħala riżultat taż-żewġ sejħiet għal proposti tan-NER 300, b’kollox ingħataw 38 proġett RES u proġett wieħed CCS, f’20 Stat Membru tal-UE, li jammontaw għal EUR 2,1 biljun. Minn dawn, 7 huma operattivi: il-proġetti BEST relatati mal-bijoenerġija fl-Italja u Verbiostraw fil-Ġermanja, il-proġetti tal-enerġija mir-riħ fuq il-kosta f’Windpark Blaiken fl-Iżvezja u f’Windpark Handalm fl-Awstrija, il-proġetti tal-enerġija mir-riħ barra mill-kosta f’Veja Mate u f’Nordsee One fil-Ġermanja, u l-proġett ta’ grilji intelliġenti Puglia Active Network fl-Italja.
Ħames proġetti mill-ewwel sejħa huma mistennija jidħlu fis-seħħ sa tmiem l-2019, filwaqt li erba’ proġetti mit-tieni sejħa qegħdin javvanzaw fit-tħejjija tagħhom biex jibdew joperaw sat-30 ta’ Ġunju 2021. Minħabba l-kuntest ekonomiku u politiku diffiċli minn meta ġie stabbilit il-programm NER 300, 19-il proġett ma setgħux jattiraw biżżejjed appoġġ finanzjarju addizzjonali u ġew irtirati, u b’kollox ġew rilaxxati EUR 1,358 biljun. Erba’ proġetti oħra jinsabu f’diversi stadji ta’ żvilupp.
Id-Deċiżjoni emendata dwar NER 300
, ippermettiet investiment mill-ġdid tal-fondi rilaxxati mill-proġetti kanċellati tal-ewwel sejħa (EUR 623 miljun sa issa) fi strumenti finanzjarji eżistenti - il-Proġetti ta’ Dimostrazzjoni fil-Qasam tal-Enerġija InnovFin (EDP) u l-Istrument ta’ Dejn tal-Faċilità Nikkollegaw l-Ewropa, li t-tnejn huma mmexxija mill-Bank Ewropew tal-Investiment. Dan se jippermetti li jiġu massimizzati l-benefiċċji tal-programm NER 300 u l-ingranaġġ ta’ investimenti privati addizzjonali fl-innovazzjoni b’livell baxx ta’ emissjonijiet tal-karbonju.
Sa issa, intgħażlu tliet proġetti biex jibbenefikaw mill-fondi mhux minfuqa ta’ NER 300 taħt l-InnovFin EDP, bl-għajnuna li tammonta għal madwar EUR 73 miljun (ara l-Appendiċi 9 tal-Anness).
Il-fondi rilaxxati mill-proġetti kkanċellati tat-tieni sejħa (EUR 735,5 miljun sa issa) se jiżdiedu mar-riżorsi disponibbli għall-Fond ta’ Innovazzjoni.
Tabella 3: Il-proġetti tal-NER 300 li ntgħażlu fl-ewwel u fit-tieni sejħiet għal proposti
|
L-ewwel Sejħa għal proposti
|
It-tieni Sejħa għal proposti
|
Proġetti li qegħdin jitħejjew
|
6
|
7
|
Proġetti li bdew joperaw
|
6
|
1
|
Proġetti rtirati
|
8
|
11
|
Total
|
20
|
19
|
Fil-fażi 4, il-valur totali tar-riżorsi disponibbli għad-dimostrazzjoni ta’ teknoloġiji innovattivi u innovazzjoni li twassal għall-innovazzjoni skont il-Fond ta’ Innovazzjoni x’aktarx li jaqbeż b’mod sinifikanti ż-EUR 2,1 biljun għall-NER300. Fi Frar 2019, ġie adottat ir-Regolament Delegat dwar it-tħaddim tal-Fond ta’ Innovazzjoni. Proġetti fl-Istati Membri kollha, inklużi proġetti fuq skala żgħira, se jkunu eliġibbli għal appoġġ mill-fond.
Sabiex titqajjem kuxjenza dwar il-Fond ta’ Innovazzjoni, fl-2019 u l-ewwel nofs tal-2020 il-Kummissjoni qiegħda tinvolvi ruħha b’mod attiv f’attivitajiet ta’ komunikazzjoni mal-industrija u l-Istati Membri biex jiġu diskussi l-kwistjonijiet ewlenin għal kull settur relatat mal-implimentazzjoni tal-għażla tal-proġetti. L-ewwel sejħa għal proposti taħt il-Fond ta’ Innovazzjoni hija ppjanata għall-2020, segwita minn sejħiet regolari sal-2030.
3.1.2.3. Kumpens għall-kostijiet indiretti tal-karbonju
Minbarra l-allokazzjoni bla ħlas biex jiġu koperti l-kostijiet diretti tal-karbonju, l-Istati Membri tal-UE jistgħu jagħtu għajnuna mill-Istat biex jikkumpensaw xi industriji elettro-intensivi għall-kostijiet indiretti tal-karbonju, jiġifieri kostijiet li jirriżultaw minn żieda fil-prezzijiet tal-elettriku minħabba ġeneraturi tal-enerġija li jgħaddu l-kostijiet tax-xiri ta’ kwoti lill-konsumaturi.
Sabiex tiġi żgurata applikazzjoni armonizzata ta’ kumpens għall-kostijiet indiretti tal-karbonju madwar l-Istati Membri u sabiex jitnaqqsu d-distorsjonijiet tal-kompetizzjoni fis-suq intern, il-Kummissjoni adottat il-Linji Gwida tal-Għajnuna mill-Istat tal-EU ETS*, li huma validi sa tmiem l-2020. Il-Linji Gwida jiddeterminaw, inter alia, is-setturi eliġibbli u l-ammonti massimi għal kumpens tal-kostijiet indiretti tal-karbonju.
Id-Direttiva riveduta dwar l-ETS tippermetti lill-Istati Membri jkomplu jipprovdu kumpens għall-kostijiet indiretti tal-karbonju fil-fażi 4, u tikkumplimenta dan b’dispożizzjonijiet imsaħħa dwar it-trasparenza u r-rapportar. Fid-dawl ta’ dan, il-Kummissjoni bdiet reviżjoni tal-Linji Gwida tal-Għajnuna mill-Istat tal-EU ETS għall-perjodu ta’ negozjar li jmiss (ara l-Appendiċi 7 tal-Anness). Bħala parti minn dan il-proċess, il-Kummissjoni, abbażi ta’ konsultazzjonijiet li saru kmieni fl-2019 mal-partijiet ikkonċernati u l-Istati Membri, se tirrieżamina kemm il-lista ta’ setturi eliġibbli kif ukoll il-fatturi li jiddeterminaw l-ammonti massimi ta’ għajnuna.
* Linji Gwida dwar ċerti miżuri ta’ għajnuna mill-Istat fil-kuntest tal-iskema għall-iskambju ta’ kwoti ta’ emissjonijiet ta’ gassijiet serra għal wara l-2012, ĠU C 158, 05.06.2012, p. 4
Sal-lum, il-Kummissjoni approvat 13-il skema ta’ kumpens għall-kostijiet indiretti tal-karbonju fi 12-il Stat Membru. Fl-2018, l-iskema tal-Vallonja u l-iskema tal-Lussemburgu ħallsu kumpens għall-ewwel darba. Il-gvern Spanjol innotifika reviżjoni tal-iskema tiegħu lill-Kummissjoni bil-għan li jżid il-baġit tiegħu. Fl-2019, il-Polonja nnotifikat abbozz ta’ miżura lill-Kummissjoni u rċeviet approvazzjoni ta’ għajnuna mill-Istat għal skema li tibda tħallas appoġġ fl-2020 għall-kostijiet indiretti mġarrba fl-2019.
Id-Direttiva dwar l-EU ETS tiddetermina li fi żmien tliet xhur wara t-tmiem ta’ kull sena, l-Istati Membri li jkollhom skema ta’ kumpens għall-kostijiet indiretti fis-seħħ għandhom jagħmlu disponibbli lill-pubbliku, f’forma li tkun faċilment aċċessibbli, l-ammont totali pprovdut u t-tqassim għal kull settur u subsettur benefiċjarju.
Sommarju tad-data ppubblikata mill-Istati Membri dwar il-kumpens imħallas fl-2018 huwa ppreżentat fit-Tabella 4.
Tabella 4: Kumpens għall-kost indirett tal-karbonju mħallas mill-Istati Membri fl-2018
Stat Membru
|
Tul tal-iskema
|
Kumpens żburżat fl-2018 għall-kostijiet indiretti mġarrba fl-2017 (f’miljuni ta’ euro)
|
Għadd ta’ benefiċjarji (installazzjonijiet)
|
Dħul mill-irkant 2017 (minbarra l-kwoti tal-avjazzjoni, f’miljuni ta’ euro)
|
Perċentwal tad-dħul mill-irkant li jintefaq fuq il-kumpens tal-kost indirett
|
UK
|
2013 - 2020
|
22,36
|
60
|
1607
|
3,7 %
|
DE
|
2013 - 2020
|
202
|
891
|
1141,7
|
17,6 %
|
BE (FL)
|
2013 - 2020
|
31,7
|
106
|
143,5
|
27,3 %
|
BE (WL)
|
2017 - 2020
|
7,5
|
30
|
|
|
NL
|
2013 - 2020
|
36,9
|
96
|
189
|
19,5 %
|
EL
|
2013 - 2020
|
16,8
|
50
|
196,6
|
8,5 %
|
LT
|
2014 - 2020
|
0,24
|
1
|
31,4
|
0,8 %
|
SK
|
2014 - 2020
|
10
|
7
|
87
|
11,4 %
|
FR
|
2015 - 2020
|
98,7
|
296
|
309,8
|
31,8 %
|
FI
|
2016 - 2020
|
26,7
|
58
|
94,6
|
28,2 %
|
ES
|
2013 - 2015
|
6
|
151
|
488,8
|
1,2 %
|
LU
|
2018-2020
|
3,4
|
2
|
6,8
|
50 %
|
Il-kumpens totali għall-kostijiet indiretti mħallsa mill-11-il Stat Membru fl-2018 ammonta għal madwar EUR 462 miljun li jirrappreżenta kważi 11 % tad-dħul mill-irkant ta’ dawn l-Istati Membri. L-Istati Membri li għandhom skemi ta’ kumpens fis-seħħ flimkien huma responsabbli għal madwar 70 % tal-PDG tal-UE. L-akbar riċevituri ta’ kumpens kienu s-settur tal-kimika, is-settur tal-metalli mhux ferrużi, u s-settur tal-ħadid u l-azzar.
Waħda mid-dispożizzjonijiet ta’ trasparenza fid-Direttiva dwar l-EU ETS riveduta tistabbilixxi li l-Istati Membri li nefqu aktar minn 25 % tad-dħul mill-irkant tagħhom fuq il-kumpens tal-kostijiet indiretti fi kwalunkwe sena għandhom jippubblikaw rapport li jistabbilixxi r-raġunijiet għaliex dan l-ammont inqabeż. Abbażi tad-dħul mill-irkant għas-sena kalendarja 2017, erba’ pajjiżi qabżu l-limitu ta’ 25 % fl-2018.
3.1.2.4. Irkant ta’ kwoti
Fil-fażi 3, l-irkantar hu l-mod prestabbilit għall-allokazzjoni tal-kwoti. L-irkanti primarji huma rregolati mir-Regolament dwar l-Irkantar* li jispeċifika l-għażla taż-żmien, l-amministrazzjoni u aspetti oħrajn ta’ kif jenħtieġ li jsiru l-irkanti sabiex jiġi żgurat proċess miftuħ, trasparenti, armonizzat u mhux diskriminatorju.
* Ir-Regolament tal-Kummissjoni (UE) Nru 1031/2010 tat-12 ta’ Novembru 2010 dwar l-għażla taż-żmien, l-amministrazzjoni u aspetti oħra ta’ rkantar ta’ kwoti ta’ emissjonijiet ta’ gassijiet serra skont id-Direttiva 2003/87/KE tal-Parlament Ewropew u tal-Kunsill li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità, ĠU L 302, 18.11.2010, p. 1.
Fl-2018, ir-Regolament dwar l-Irkantar ġie emendat biex jaħtar mill-ġdid il-European Energy Exchange (“EEX”) bħala l-pjattaforma tal-irkant ta’ esklużjoni fakultattiva tal-Ġermanja u biex jippermetti l-monetizzazzjoni tal-ewwel lott ta’ 50 miljun kwota mir-Riżerva tal-Istabbiltà tas-Suq għall-finanzjament tal-Fond ta’ Innovazzjoni fl-2020.
Emenda oħra tar-Regolament dwar l-Irkantar ġiet adottata mill-Kummissjoni f’Awwissu 2019, sabiex jiġi stabbilit il-qafas għall-irkantar tal-kwoti u l-ġestjoni tal-proġetti taħt il-Fond ta’ Innovazzjoni u l-Fond ta’ Modernizzazzjoni fil-fażi 4. L-emenda tirrifletti wkoll il-klassifikazzjoni tal-kwoti tal-EU ETS bħala strumenti finanzjarji skont id-Direttiva 2014/65/UE dwar is-swieq fl-istrumenti finanzjarji (MiFID2).
Skont il-miżuri ta’ salvagwardja adottati biex tiġi protetta l-integrità ambjentali tal-EU ETS (ara l-Kapitolu 2.2), il-kwoti maħruġa mir-Renju Unit għall-2018 ġew aċċettati għal konsenja, iżda l-ebda kwota ma ġiet irkantata fl-2019 f’isem ir-Renju Unit.
L-irkanti matul l-2018 saru permezz tal-pjattaformi tal-irkant li ġejjin:
·L-EEX, li tirkanta bħala l-pjattaforma tal-irkant komuni għall-25 Stat Membru li ħadu sehem fi proċedura konġunta ta’ akkwist, u għall-Polonja, li ma ħaditx sehem fil-proċedura konġunta ta’ akkwist iżda ma ħatritx pjattaforma separata tal-irkant. Mill-5 ta’ Settembru 2016, l-EEX bdiet tmexxi l-irkanti bħala t-tieni pjattaforma komuni tal-irkant maħtura fit-13 ta’ Lulju 2016;
·L-EEX, f’irkant għall-Ġermanja bħala pjattaforma tal-irkant ta’ “esklużjoni fakultattiva”;
·L-ICE, f’irkant għar-Renju Unit bħala pjattaforma tal-irkant ta’ “esklużjoni fakultattiva”.
L-Iżlanda, il-Liechtenstein u n-Norveġja bdew jirkantaw kwoti f’Ġunju 2019, wara li l-Ftehim taż-ŻEE ġie emendat biex jippermettilhom jipparteċipaw fil-Ftehim Konġunt tal-Akkwist għall-pjattaforma komuni tal-irkant. Bi qbil mat-tliet pajjiżi, il-volumi tal-irkant għall-2013-2018 infirxu tul is-snin 2019 u 2020 biex tiġi żgurata provvista stabbli u prevedibbli ta’ kwoti għas-suq u biex jiġi evitat kwalunkwe effett negattiv fuq is-suq tal-karbonju minħabba din il-provvista addizzjonali. Il-kalendarji tal-irkanti riveduti tal-2019 u l-2020 għalhekk jinkludu parti mill-volumi preċedenti li ma ġewx aċċettati mill-irkantijiet.
Fl-2018, l-EEX, f’irkant f’isem is-27 Stat Membru tagħha rkantat 89 % mill-ammont totali rkantat, filwaqt li l-ICE rkantat 11 % mill-ammont totali f’isem ir-Renju Unit. Saru aktar minn 1 480 irkant sat-30 ta’ Ġunju 2019.
It-Tabella 5 tipprovdi ħarsa ġenerali tal-volumi ta’ kwoti rkantati mill-EEX u l-ICE sat-30 ta’ Ġunju 2019, inklużi l-irkanti bikrija
ta’ kwoti ġenerali.
Tabella 5: Volum totali tal-kwoti tal-fażi 3 irkantati fl-2012-2019
Sena
|
Kwoti ġenerali
|
Kwoti tal-avjazzjoni
|
2012
|
89 701 500
|
2 500 000
|
2013
|
808 146 500
|
0
|
2014
|
528 399 500
|
9 278 000
|
2015
|
632 725 500
|
16 390 500
|
2016
|
715 289 500
|
5 997 500
|
2017
|
951 195 500
|
4 730 500
|
2018
|
915 750 000
|
5 601 500
|
2019 (sat-30 ta’ Ġunju 2019)
|
292 975 500
|
2 032 500
|
Sors: EEX
Il-figuri għall-2019 jirriflettu l-effett tad-dħul fis-seħħ tar-Riżerva tal-Istabbiltà tas-Suq f’Jannar 2019, li naqqas sostanzjalment il-provvista tal-irkant fl-2019 (ara l-Kapitolu 3.3). L-irkanti ġeneralment twettqu mingħajr tfixkil u l-prezzijiet tal-bejgħ fl-irkant kienu ġeneralment konformi mal-prezzijiet tas-suq sekondarju.
Bejn Jannar 2018 u Ġunju 2019, ħames irkanti ġew ikkanċellati jew minħabba li l-prezz tar-riżerva ma ntlaħaqx jew minħabba li l-volum tal-offerta totali naqas milli jilħaq dak tal-volum irkantat. B’dawn il-ħamsa, ġew ikkanċellati total ta’ 13-il rkant minn aktar minn 1 480 irkant li saru sa tard fl-2012. Ħarsa ġenerali lejn il-prezzijiet tal-bejgħ fl-irkant mill-2013 sat-30 ta’ Ġunju 2019 hija pprovduta fil-Figura 1:
Figura 1: Prezz tal-bejgħ tal-irkanti tal-kwoti ġenerali mill-2013 sat-30 ta’ Ġunju 2019
Sors: EEX
___ Prezz tal-Bejgħ fl-Irkant
In-numru ta’ parteċipanti fl-irkantijiet ta’ kwoti ġenerali mill-2013 sat-30 ta’ Ġunju 2019 huwa pprovdut fl-Appendiċi 2. Il pjattaformi tal-irkant jippubblikaw ir-riżultati dettaljati ta’ kull irkant fil-ħin f’siti web apposta. Aktar informazzjoni dwar il-prestazzjoni tal-irkanti, inkluż dwar il-parteċipazzjoni, il-proporzjon ta’ kopertura u l-prezzijiet, tista’ tinstab fir-rapporti tal-Istati Membri ppubblikati fuq is-sit web tal-Kummissjoni
.
Id-dħul totali ġġenerat mill-Istati Membri fl-irkanti li saru bejn l-2012 u t-30 ta’ Ġunju 2019 qabeż il-EUR 42 biljun (ara t-Tabella 2.1 fl-Appendiċi 2). Fl-2018 biss, id-dħul totali ġġenerat kien ta’ EUR 14-il biljun. Id-Direttiva tal-EU ETS tipprovdi li tal-anqas 50 % tad-dħul mill-irkant, inkluż id-dħul kollu ġġenerat minn kwoti mqassma għall-finijiet tas-solidarjetà u tat-tkabbir, jenħtieġ li jintuża mill-Istati Membri għal finijiet relatati mal-klima u l-enerġija. Skont l-informazzjoni ppreżentata lill-Kummissjoni mill-Istati Membri, l-Istati Membri nefqu jew ippjanaw li jonfqu madwar 70 % ta’ dan id-dħul għal finijiet speċifiċi relatati mal-klima u mal-enerġija fl-2018. Fil-perjodu 2013-2018, madwar 80 % tad-dħul mill-irkant intefqu għal dawn il-finijiet.
3.1.2.5. Deroga minn irkant sħiħ għall-produzzjoni tal-elettriku u s-sħana
*Il-Bulgarija, Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja u r-Rumanija huma eliġibbli għad-deroga. Malta u l-Latvja ddeċidew li ma jużawhiex fil-fażi 3.
** Linji Gwida dwar ċerti miżuri ta’ għajnuna mill-Istat fil-kuntest tal-iskema għall-iskambju ta’ kwoti ta’ emissjonijiet ta’ gassijiet serra għal wara l-2012, ĠU C 158, 05.06.2012, p. 4.
Il-valur totali tal-appoġġ tal-investiment rapportat matul is-snin 2009 sal-2018 huwa ta’ madwar EUR 12,4 biljun. Madwar 82 % ta’ dan kien iddedikat għal titjib u modifikazzjoni fl-infrastruttura, filwaqt li l-bqija tal-investimenti kienu fit-teknoloġiji nodfa jew fid-diversifikazzjoni tal-provvista.
In-numru ta’ kwoti allokati bla ħlas lill-ġeneraturi tal-elettriku fl-2018 huwa indikat fit-Tabella 1.1, fl-Appendiċi 1 tal-Anness, filwaqt li n-numru massimu ta’ kwoti fis-sena huwa indikat fit-Tabella 1.2 tal-Appendiċi 1.
Il-kwoti mhux allokati jistgħu jew jiġu rkantati jew, skont id-dispożizzjonijiet tad-Direttiva riveduta tal-EU ETS, jistgħu jiġu allokati fl-2021-2030 għall-investimenti tal-Artikolu 10c magħżula permezz ta’ offerti kompetittivi. Il-Figura 2 turi n-numru ta’ kwoti li kienu allokati matul is-snin 2013-2018.
Figura 2: Kwoti allokati bla ħlas skont l-Artikolu 10c
Sors: DĠ AZZJONI KLIMATIKA
F’Diċembru 2018, il-Polonja infurmat lill-Kummissjoni li għandha l-intenzjoni li tirkanta 55,8 miljun mill-kwoti mhux allokati tagħha skont id-deroga tal-Artikolu 10c fl-2019. F’Mejju 2019, il-Polonja nnotifikat ukoll lill-Kummissjoni bl-intenzjoni tagħha li żżid 49,52 miljun kwota mhux allokata tal-Artikolu 10c mal-ammont li għandu jiġi rkantat mill-Polonja fl-2020.
Għall-kwoti tal-Artikolu 10c, il-Figura 3 turi l-punt sa fejn dawn ġew allokati, miżjuda mal-irkanti, jew baqgħu ma ntużawx (għadhom la allokati u lanqas miżjuda mal-irkanti).
Figura 3: Id-distribuzzjoni tal-kwoti (allokati, irkantati, li fadal mhux użati)
Sors: DĠ AZZJONI KLIMATIKA
|
Kwoti allokati
|
|
Kwoti rkantati
|
|
Kwoti li fadal mhux użati
|
It-Tabella 6 turi n-numru ta’ kwoti ta’ 10c li ġew irkantati fil-perjodu 2013-2018, kif ukoll in-numru ta’ kwoti li fadal mhux użati.
Tabella 6: Trattament tal-kwoti tal-Artikolu 10c mhux użati 2013-2018
Stat Membru
|
Numru ta’ kwoti tal-Artikolu 10c
li kienu rkantati (f’miljuni)
|
Numru ta’ kwoti li fadal mhux użati (f’miljuni)
|
BG
|
9,5
|
0,8
|
CY
|
0,0
|
0,0
|
CZ
|
0,3
|
0,1
|
EE
|
2,1
|
0,0
|
LT
|
1,1
|
0,1
|
PL
|
55,8
|
68,9
|
RO
|
15,4
|
2,8
|
HU
|
0
|
0,9
|
Total
|
84,2
|
73,5
|
Sors: DĠ AZZJONI KLIMATIKA
L-għadd ta’ kwoti mhux allokati li jkunu ġew rkantati (jew previsti għall-irkantar) mill-Istati Membri taħt id-deroga tal-Artikolu 10c għal kull sena tal-fażi 3 huwa indikat fit-Tabella 1.3 fl-Appendiċi 1 tal-Anness.
3.1.3. Krediti internazzjonali
Il-parteċipanti fl-EU ETS għadhom jistgħu jużaw il-krediti internazzjonali mill-Mekkaniżmu għal Żvilupp Nadif (CDM) u l-Implimentazzjoni Konġunta (IJ) tal-Protokoll ta’ Kjoto sabiex jissodisfaw il-parti tal-obbligi tagħhom tal-EU ETS sal-2020, soġġetti għal restrizzjonijiet kwalitattivi u kwantitattivi. Dawn il-krediti huma strumenti finanzjarji li jirrappreżentaw tunnellata ta’ CO2 imneħħija jew imnaqqsa mill-atmosfera bħala riżultat ta’ proġett għat-tnaqqis tal-emissjonijiet. Fil-fażi 3, il-krediti ma jibqgħux jiġu ċeduti direttament, iżda minflok jistgħu jiġu skambjati għal kwoti fi kwalunkwe ħin matul is-sena kalendarja.
Skont id-dispożizzjonijiet tad-Direttiva riveduta dwar l-EU ETS, il-krediti internazzjonali ma jibqgħux jintużaw għall-konformità mal-EU ETS fil-perjodu ta’ negozjar li jmiss.
* Proġetti CDM u JI jiġġeneraw krediti tal-karbonju ta’ Kjoto: Tnaqqis Iċċertifikat ta’ Emissjonijiet (CERs) u Unitajiet ta’ Tnaqqis tal-Emissjonijiet (ERUs) rispettivament.
Għalkemm il-kwantità eżatta ta’ intitolamenti ta’ kreditu internazzjonali matul il-fażijiet 2 u 3 (2008-2020) se tiddependi parzjalment fuq il-kwantità ta’ emissjonijiet ivverifikati futuri, l-analisti tas-suq jistmaw li din se tammonta għal madwar 1,6 biljun kreditu. Mil-aħħar ta’ Ġunju 2019, l-għadd totali ta’ krediti internazzjonali użati jew skambjati jammonta għal 1,51 biljun, jiġifieri aktar minn 90 % tal-istima għall-massimu awtorizzat.
Għal ħarsa ġenerali sħiħa tal-iskambju tal-krediti internazzjonali, ara l-Appendiċi 3 tal-Anness.
3.2. Domanda: kwoti meħuda barra miċ-ċirkolazzjoni
Fl-2018, ġie stmat li l-emissjonijiet mill-installazzjonijiet fl-EU ETS naqsu b’4,1 % meta mqabbla mal-2017 abbażi tal-informazzjoni rreġistrata fir-Reġistru tal-Unjoni. Kif turi t-Tabella 7, it-tnaqqis fl-emissjonijiet kien prinċipalment ikkawżat mill-produzzjoni tal-elettriku u tas-sħana, filwaqt li l-emissjonijiet mill-industrija naqsu bi ftit ħafna biss.
Tabella 7: Emissjonijiet ivverifikati (f’miljun tunnellata ta’ ekwivalenti ta’ CO2 )
Sena
|
2011
|
2012
|
2013
|
2014
|
2015
|
2016
|
2017
|
2018
|
Emissjonijiet totali vverifikati
|
1904
|
1867
|
1908
|
1814
|
1803
|
1750
|
1755
|
1682
|
Bidla għas-sena x-1
|
-1,8 %
|
-2 %
|
2,2 %
|
-4,9 %
|
-0,6 %
|
-2,9 %
|
0,2 %
|
-4,1 %
|
L-emissjonijiet verifikati mill-produzzjoni tal-elettriku u s-sħana
|
1190
|
1184
|
1125
|
1037
|
1032
|
992
|
985
|
913
|
Bidla għas-sena x-1
|
|
-0,5 %
|
-5,0 %
|
-7,8 %
|
-0,5 %
|
-3,8 %
|
-0,7 %
|
-7,3 %
|
Emissjonijiet verifikati mill-installazzjonijiet industrijali
|
715
|
683
|
783
|
777
|
771
|
758
|
769
|
769
|
Bidla għas-sena x-1
|
|
-4,5 %
|
14,7 %
|
-0,9 %
|
-0,7 %
|
-1,7 %
|
1,4 %
|
-0,1 %
|
Rata reali ta’ tkabbir tal-PGD EU28
|
1,8 %
|
-0,4 %
|
0,3 %
|
1,8 %
|
2,3 %
|
2,0 %
|
2,5 %
|
2,0 %
|
Sors: EUTL, data tal-PDG kif irrapportata fuq
http://epp.eurostat.ec.europa.eu/tgm/table.do?tab=table&init=1&plugin=1&language=en&pcode=tec00115
(aċċessata f’Lulju 2019). L-emissjonijiet verifikati tal-avjazzjoni huma rrapportati b’mod separat fil-Kapitolu 4.
Tqassim tal-emissjonijiet verifikati tal-ETS minn installazzjonijiet skont it-tip ta’ gass serra (CO2, N2O u PFCs) huwa pprovdut fit-Tabella 5.1, fl-Appendiċi 5 tal-Anness.
In-numru ta’ kwoti kkanċellati fuq bażi volontarja jammonta għal 36 559 kwota fl-2018. B’kollox, ġew irreġistrati l-kanċellazzjonijiet volontarji ta’ 345 893 kwota sal-aħħar ta’ Ġunju 2019.
3.3. Ibbilanċjar tal-provvista u d-domanda
Fil-bidu tal-fażi 3 fl-2013, l-EU ETS kienet ikkaratterizzata minn żbilanċ strutturali kbir bejn il-provvista u d-domanda tal-kwoti, li jirriżulta f’madwar 2,1 biljun kwota. L-eċċess kien qed jonqos matul il-perjodu ta’ negozjar attwali, baqa’ stabbli fl-2014 u naqas b’mod sinifikanti għal 1,78 biljun kwota fl-2015, 1,69 biljun kwota fl-2016 u 1,65 biljun kwota fl-2017. Fl-2018, l-eċċess baqa’ ta’ 1,65 biljun kwota.
Il-Figura 4 tippreżenta l-iżvilupp tal-eċċess fis-suq Ewropew tal-karbonju sa tmiem l-2018.
Figura 4: Żvilupp tal-eċċess fis-suq Ewropew tal-karbonju fl-2013-2018
Sors: DĠ AZZJONI KLIMATIKA
Sabiex jiġi indirizzat l-iżbilanċ strutturali bejn il-provvista u d-domanda tal-kwoti, fl-2015 inħolqot ir-Riżerva tal-Istabbiltà tas-Suq (MSR) sabiex il-provvista ta’ rkant tal-kwoti tal-emissjonijiet issir aktar flessibbli. Fil-kuntest tar-reviżjoni tal-EU ETS
, saru bidliet importanti għall-funzjonament tal-MSR, kif jidher fil-kaxxa tat-test hawn taħt. L-MSR beda jopera fil-bidu tal-2019.
Kunċett ewlieni għat-tħaddim tal-MSR huwa n-numru totali ta’ kwoti fiċ-ċirkolazzjoni (TNAC). Il-kwoti se jiżdiedu mar-riżerva, jekk it-TNAC ikun akbar minn limitu ogħla definit minn qabel (833 miljun kwota) u se jiġu rilaxxati mir-riżerva, jekk in-numru jkun inqas minn limitu aktar baxx definit minn qabel (taħt l-400 miljun kwota)*. Għalhekk, l-MSR tassorbi jew tirrilaxxa kwoti, jekk l-indikatur tat-TNAC ikun barra minn firxa definita minn qabel. Il-kwoti mgħobbija b’lura mill-perjodu 2014-2016**, kif ukoll l-hekk imsejħa kwoti mhux allokati*** se jitqiegħdu fir-riżerva wkoll.
L-għadd totali ta’ kwoti fiċ-ċirkolazzjoni rilevanti għad-determinazzjoni tal-introjti u tar-rilaxxi fl-MSR huwa kkalkolat abbażi tal-formula li ġejja:
TNAC = Provvista – (Domanda + kwoti fl-MSR)
Il-komponenti tal-provvista u d-domanda użati fil-formula huma deskritti fid-dettall fit-Tabella 4.1 fl-Appendiċi 4 tal-Anness.
Id-Direttiva riveduta tal-EU ETS tagħmel żewġ bidliet notevoli għall-funzjonament tal-MSR. L-ewwel, il-perċentwal tat-TNAC li għandu jitqiegħed fir-riżerva mill-2019 sal-2023 huwa rduppjat minn 12 % għal 24 %. Dan iżid sostanzjalment il-pass fit-tnaqqis tal-eċċess. It-tieni, mill-2023, il-kwoti miżmuma fl-MSR li jaqbżu l-volum tal-irkant tas-sena preċedenti ma jibqgħux aktar validi.
* Jew fejn jiġu adottati miżuri skont l-Artikolu 29a tad-Direttiva tal-EU ETS
** Id-Deċiżjoni Nru 1359/2013/UE tal-Parlament Ewropew u tal-Kunsill tas-17 ta’ Diċembru 2013 li temenda d-Direttiva 2003/87/KE fejn tiċċara d-dispożizzjonijiet dwar l-għażla taż-żmien tal-irkant tal-kwoti tal-gassijiet serra, ĠU L 343, 19.12.2013, p. 1.
**Kwoti mhux allokati huma kwoti mhux allokati skont l-Artikolu 10a(7) tad-Direttiva tal-EU ETS, jiġifieri kwoti li jifdal fir-riżerva għal min jidħol ġdid, u li jirriżultaw mill-applikazzjoni tal-Artikolu 10a(19) u (20), jiġifieri kwoti previsti għal allokazzjoni bla ħlas lill-installazzjonijiet iżda li jibqgħu mhux allokati minħabba waqfien (parzjali) ta’ operazzjonijiet jew tnaqqis sinifikanti tal-kapaċità. Il-kwoti effettivament “mhux allokati” li ġejjin mill-applikazzjoni tal-fattur rilevanti ta’ rilokazzjoni tal-emissjonijiet tal-karbonju għal setturi mhux inklużi fil-lista ta’ rilokazzjoni tal-emissjonijiet tal-karbonju matul il-perjodu attwali, kif ukoll kwalunkwe kwota li mhijiex allokata skont l-Artikolu 10c tad-Direttiva tal-ETS, mhuwiex previst li jiġu integrati fir-Riżerva tal-Istabbiltà tas-Suq skont l-Artikolu 1(3) tad-Deċiżjoni (UE) 2015/1814. Għalhekk, dawn il-kwoti mhumiex koperti (jekk jogħġbok irreferi għall-paġna 225 tal-Valutazzjoni tal-Impatt (SWD(2015) 135 final) li takkumpanja l-proposta għal reviżjoni tad-Direttiva tal-EU ETS fil-fażi 4).
Ir-rapport dwar is-suq tal-karbonju jippermetti l-konsolidazzjoni tal-figuri għall-provvista u d-domanda li huma ppubblikati skont l-ordni kronoliġika tal-obbligi ta’ rapportar li jirriżultaw mid-Direttiva tal-EU ETS u d-dispożizzjonijiet ta’ implimentazzjoni tagħha.
Il-Figura 5 turi l-kompożizzjoni tal-provvista u tad-domanda fl-2018. Id-data rilevanti ġiet ippubblikata wkoll bħala parti mit-tielet komunikazzjoni dwar l-għadd totali ta’ kwoti fiċ-ċirkolazzjoni (TNAC) għall-finijiet tal-MSR
.
Figura 5: Kompożizzjoni tal-provvista u d-domanda kumulattivi sal-aħħar tal-2018
Provvista (kumulattiva, miljuni)
Domanda (kumulattiva, miljuni)
Sors: DĠ AZZJONI KLIMATIKA
|
Irkantar
|
|
Allokazzjoni bla ħlas
|
|
Allokazzjoni bla ħlas (NER)
|
|
Allokazzjoni bla ħlas (10c)
|
|
Krediti internazzjonali skambjati
|
|
Monetizzazzjoni ta’ NER 300 mill-BEI
|
|
Irkanti bikrija
|
|
Riport
|
|
Emissjonijiet verifikati
|
|
Kanċellazzjonijiet
|
Bi preparazzjoni għall-MSR biex tibda topera fl-2019, minn nofs Mejju 2017 il-Kummissjoni ppubblikat regolarment
it-TNAC għas-sena preċedenti. F’Mejju 2019, it-TNAC ġie ppubblikat għat-tielet darba, u kkorrisponda għal 1 654 909 824 kwota
. Il-pubblikazzjoni tal-2019 twassal għat-tkomplija tat-tqegħid ta’ kwoti fl-MSR, u tnaqqas il-volumi tal-irkant fl-2019 u fl-2020.
Għalhekk, fuq il-bażi tat-TNAC tal-2017 u l-2018 u l-leġiżlazzjoni riveduta, il-volumi tal-irkant fl-2019 tnaqqsu bi kważi 40 %, jew qrib 397 miljun kwota. Il-volumi tal-irkant fl-2020 se jitnaqqsu wkoll b’mod korrispondenti.
B’riżultat ta’ dan, fl-2019, se jiġu rkantati madwar 30 %
anqas tal-kwoti
mill-2018. L-Appendiċi 8 tipprovdi informazzjoni dwar il-kontribuzzjonijiet mill-Istat Membru lill-MSR għall-ammont kollu tal-2019, u minn Jannar sa Awwissu 2020.
4. AVJAZZJONI
Is-settur tal-avjazzjoni ilu jagħmel parti mill-EU ETS sa mill-2012. Il-leġiżlazzjoni oriġinali kopriet it-titjiriet kollha lejn u barra miż-Żona Ekonomika Ewropea (ŻEE). Madankollu, l-UE ddeċidiet li tillimita l-obbligi għall-2012-2016 għat-titjiriet fi ħdan iż-ŻEE, sabiex tappoġġa l-iżvilupp ta’ miżura globali mill-Organizzazzjoni tal-Avjazzjoni Ċivili Internazzjonali (ICAO) għat-tnaqqis tal-emissjonijiet tal-avjazzjoni.
F’Ottubru 2016, l-Assemblea tal-ICAO qablet dwar riżoluzzjoni dwar Skema ta’ Kumpens u Tnaqqis tal-Karbonju għall-Avjazzjoni Internazzjonali (CORSIA). Il-CORSIA titqies bħala skema ta’ tnaqqis tal-karbonju bil-għan li tistabbilizza l-emissjonijiet mill-avjazzjoni internazzjonali fil-livelli 2020. Fid-dawl ta’ dan ir-riżultat, id-Direttiva tal-EU ETS ġiet emendata fl-2017 biex testendi l-limitazzjoni għat-titjiriet intra-ŻEE sal-31 ta’ Diċembru 2023. Wara dan, fin-nuqqas ta’ rieżami, għandu jerġa’ jkun hemm l-kamp ta’ applikazzjoni sħiħ oriġinali.
Id-Direttiva riveduta tal-EU ETS tipprevedi li l-Kummissjoni Ewropea jenħtieġ li tirrapporta lill-Parlament Ewropew u lill-Kunsill dwar il-modi kif il-CORSIA tiġi implimentata fil-liġi tal-UE permezz ta’ reviżjoni tad-Direttiva. Din tipprovdi wkoll għall-applikazzjoni tal-fattur lineari ta’ tnaqqis għall-avjazzjoni mill-2021.
Fl-2018, il-kwoti nħarġu skont il-kamp ta’ applikazzjoni intra-ŻEE. L-allokazzjoni bla ħlas ammontat għal kemxejn aktar minn 32,3 miljun kwota. Dan in-numru jinkludi kemm l-allokazzjoni bla ħlas (ftit aktar minn 31,2 miljun kwota) għal operaturi eżistenti u kważi 1,1 miljun kwota allokati mir-riżerva speċjali għal min jidħol ġdid u għall-operaturi li qed jikbru b’rata mgħaġġla. L-allokazzjonijiet minn din ir-riżerva huma rduppjati fl-2017-2020 peress li huma relatati mal-perjodu sħiħ tal-2013-2020. Il-volum ta’ kwoti rkantati fl-2018 kien ta’ madwar 5,6 miljun kwota.
L-emissjonijiet verifikati tal-avjazzjoni baqgħu jiżdiedu u ammontaw għal 67 miljun tunnellata ta’ diossidu tal-karbonju fl-2018, żieda ta’ 4 % meta mqabbla mal-2017.
It-Tabella 8 turi sommarju tal-emissjonijiet verifikati, tal-allokazzjoni bla ħlas, u tal-volumi tal-irkant għas-settur tal-avjazzjoni sa mill-bidu tal-fażi 3.
Tabella 8: Emissjonijiet ivverifikati u allokazzjoni għas-settur tal-avjazzjoni
Sena
|
2013
|
2014
|
2015
|
2016
|
2017
|
2018
|
2019
|
Emissjonijiet verifikati (f’miljun tunnellata ta’ ekwivalenti ta’ CO2)
|
53,5
|
54,8
|
57,1
|
61,5
|
64,4
|
67,0
|
|
Bidla fl-emissjonijiet ivverifikati għas-sena x-1
|
|
+2,5 %
|
+4,1 %
|
+7,6 %
|
+4,7 %
|
+4 %
|
|
Allokazzjoni bla ħlas (EU28+Stati taż-ŻEE-EFTA)
|
32,4
|
32,4
|
32,1
|
32,0
|
33,1
|
31,2
|
31,2
|
Allokazzjoni bla ħlas minn riżerva speċjali għal min jidħol ġdid u għall-operaturi li qegħdin jikbru malajr
|
0
|
0
|
0
|
0
|
1,1
|
1,1
|
1,1
|
Volumi ta’ kwoti rkantati
|
0
|
9,3
|
16,4
|
5,9
|
4,7
|
5,6
|
2,0
|
Sorsi: EUTL, DĠ AZZJONI KLIMATIKA, EEX
Fl-2013, ġiet adottata d-deċiżjoni
li l-obbligi tal-klima jiġu limitati biss għat-titjiriet fi ħdan iż-ŻEE. Il-konformità għas-settur tal-avjazzjoni ġiet posposta għall-2012 u l-2013. Għalhekk, l-volumi posposti tal-2012 ġew irkantati fl-2014, filwaqt li kien hemm konformità bejn Jannar u April 2015 għall-emissjonijiet tal-avjazzjoni mill-2013 u l-2014.
F’Ġunju 2018, l-ICAO adottat l-Istandards u l-Prattiki Rakkomandati tal-CORSIA (SARPs). Dawn, flimkien mal-Elementi ta’ Implimentazzjoni, jiddeskrivu fid-dettall il-funzjonament tal-CORSIA. Għadhom ma ġewx adottati elementi importanti ta’ implimentazzjoni, bħall-Unitajiet Eliġibbli u l-Qafas għal Karburanti Alternattivi. Filwaqt li tirrikonoxxi u tappoġġa l-adozzjoni formali tas-SARPs mill-ICAO, l-UE u l-Istati Membri tagħha segwew il-proċeduri tal-ICAO biex jinnotifikaw id-differenzi eżistenti bejn il-leġiżlazzjoni rilevanti tal-UE u l-CORSIA. Mill-1 ta’ Jannar 2019, l-operaturi tal-inġenji tal-ajru għandhom jimmonitorjaw u jirrapportaw ukoll l-emissjonijiet tagħhom għall-CORSIA. Il-qafas ta’ monitoraġġ, rapportar u verifika (MRV) taħt l-UE ETS ġie rivedut biex jiddaħħal obbligu legalment vinkolanti għal dan l-effett (ara l-Kapitolu 6.1). Approċċ integrat bħal dan għaż-żewġ strumenti jiżgura l-minimizzazzjoni tal-piż amministrattiv.
5. SORVELJANZA TAS-SUQ
Skont id-Direttiva riveduta dwar is-Swieq tal-Istrumenti Finanzjarji* (MiFID2) il-kwoti ta’ emissjonijiet huma kklassifikati bħala strumenti finanzjarji mit-3 ta’ Jannar 2018. Dan ifisser li regoli applikabbli għas-swieq finanzjarji tradizzjonali (dawk li jinkludu n-negozju ta’ derivattivi tal-karbonju fuq pjattaformi ewlenin jew barra l-borża (OTC)) se japplikaw ukoll għas-segment spot tas-suq tal-karbonju sekondarju (tranżazzjonijiet fi kwoti ta’ emissjonijiet għal konsenja immedjata fis-suq sekondarju). Huwa għalhekk li dan is-segment jitqiegħed fuq l-istess livell tas-suq tad-derivattivi f’termini ta’ trasparenza, protezzjoni tal-investitur u integrità. Is-sorveljanza fis-suq primarju se tkompli tkun koperta mir-Regolament dwar l-Irkantar, għajr fejn jidħlu kwistjonijiet relatati ma’ abbuż tas-suq.
Bis-saħħa ta’ kontroreferenzi għal definizzjonijiet tal-MiFID2 ta’ strumenti finanzjarji, se japplikaw biċċiet oħra ta’ leġiżlazzjoni tas-suq finanzjarju. Dan huwa partikolarment il-każ għar-Regolament dwar l-Abbuż tas-Suq (MAR)**, li se jkopri t-tranżazzjonijiet u l-kondotta li jinvolvu kwoti tal-emissjonijiet, kemm fis-swieq primarji kif ukoll fis-swieq sekondarji. B’mod simili, kontroreferenza għall-MiFID2 fid-Direttiva kontra l-Ħasil tal-Flus*** se tagħti lok għal applikazzjoni obbligatorja ta’ kontrolli dovuti ta’ diliġenza tal-klijenti minn negozjanti tal-karbonju liċenzjati mill-MiFID lill-klijenti tagħhom fis-suq spot sekondarju tal-kwoti tal-emissjonijiet. ****
* Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE
** Ir-Regolament (UE) Nru 596/2014 tal-Parlament Ewropew u tal-Kunsill tas-16 ta’ April 2014 dwar l-abbuż tas-suq (Regolament dwar l-abbuż tas-suq) u li jħassar id-Direttiva 2003/6/KE tal-Parlament Ewropew u tal-Kunsill u d-Direttivi tal-Kummissjoni 2003/124/KE, 2003/125/KE u 2004/72/KE
*** Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE
**** Il-kontrolli dovuti tad-diliġenza huma diġà obbligatorji fis-suq primarju u fis-suq sekondarju fid-derivattivi tal-kwoti tal-emissjonijiet.
Wara r-riforma tal-EU ETS għall-fażi 4, għadd ta’ parteċipanti fis-suq bħal atturi finanzjarji u sensara prinċipali reġgħu ngħaqdu mas-suq. L-għadd ta’ parteċipanti eliġibbli biex jagħmlu offerti fl-irkantijiet fil-pjattaforma komuni tal-irkant żdied minn 73 (Jannar 2018) għal 79 (Diċembru 2018). Il-maġġoranza l-kbira tal-parteċipanti kienu operaturi (73 %), filwaqt li l-bqija kienu jikkonsistu f’ditti tal-investiment u istituzzjonijiet ta’ kreditu (19 %), kif ukoll persuni eżentati mir-rekwiżiti tal-MiFID (8 %). Mill-banda l-oħra, meta l-irkanti bdew tard fl-2012, kien hemm 42 parteċipant li kienu eliġibbli li jagħmlu offerti fl-irkanti, li 67 % minnhom kienu operaturi, 26 % ditti tal-investiment u istituzzjonijiet ta’ kreditu u 7 % intermedjarji mhux finanzjarji
.
Skont ir-regoli eżistenti dwar l-abbuż tas-suq, l-awtoritajiet kompetenti nazzjonali
huma responsabbli għall-monitoraġġ tas-suq, kemm fir-rigward tal-irkantijiet kif ukoll tas-suq sekondarju. Fil-livell Ewropew, l-azzjonijiet tagħhom huma kkoordinati mill-Awtorità Ewropea tat-Titoli u s-Swieq (AETS), kif inhu l-każ għal strumenti finanzjarji oħra.
L-awtoritajiet kompetenti nazzjonali għandhom is-setgħa li jimponu azzjoni ta’ rimedju jew sanzjonijiet meta jiddeċiedu li ċerti aġir jagħti lok għall-abbuż mis-suq. Sabiex huma jwettqu l-kompitu tagħhom ta’ monitoraġġ tas-suq, il-leġiżlazzjoni dwar is-swieq finanzjarji tistabbilixxi għadd ta’ rekwiżiti ta’ rapportar u trasparenza applikabbli għall-postijiet tan-negozjar u ditti tal-investiment. Bħala parti mir-rekwiżiti ta’ rapportar, il-postijiet tan-negozjar u d-ditti tal-investiment għandhom jikkomunikaw lill-awtoritajiet kompetenti data dettaljata dwar tranżazzjonijiet fil-kwoti tal-emissjonijiet jew derivattivi tagħhom, imwettqa fil-postijiet tan-negozjar u barra l-Borża (OTC)
. Ir-rekwiżiti ta’ rapportar jinkludu wkoll obbligu għall-postijiet tan-negozjar u d-ditti tal-investiment li jipprovdu lill-awtoritajiet kompetenti data dwar il-pożizzjoni fir-rigward tal-kwoti tal-emissjonijiet
. Bħala parti mir-rekwiżiti ta’ trasparenza, id-data dwar in-negozju u d-data dwar il-pożizzjoni aggregata ta’ kull ġimgħa
jsiru disponibbli għall-pubbliku mill-postijiet tan-negozjar u mid-ditti tal-investiment.
5.1. In-natura legali u t-trattament fiskali tal-kwoti tal-emissjonijiet
In-natura legali u t-trattament fiskali tal-kwoti tal-emissjonijiet ivarja minn pajjiż għall-ieħor, peress li dawn iż-żewġ aspetti mhumiex definiti fid-Direttiva tal-ETS. Il-pajjiżi huma obbligati li jirrapportaw kull sena dwar ir-reġimi nazzjonali tagħhom relatati man-natura legali u t-trattament fiskali tal-kwoti bħala parti mir-rapporti tagħhom tal-Artikolu 21. Minkejja n-nuqqas ta’ armonizzazzjoni f’dan ir-rigward, il-qafas regolatorju attwali jipprovdi l-irfid legali meħtieġ għal suq tal-karbonju matur, trasparenti u likwidu, filwaqt li jiżgura l-istabbiltà u l-integrità tas-suq.
Wara rakkomandazzjoni tal-Qorti Ewropea tal-Awdituri, f’Lulju 2019 il-Kummissjoni ppubblikat studju dwar in-natura legali tal-kwoti. L-istudju, imwettaq minn konsulent indipendenti, ma identifikax problemi prattiċi marbuta man-nuqqas ta’ definizzjoni tan-natura legali tal-kwoti. Huwa kkonkluda li definizzjoni armonizzata ma tipprovdix aktar ċertezza legali, u mhux neċessarjament ikollha impatt fuq il-likwidità tas-suq tal-karbonju. Filwaqt li l-ebda inizjattiva leġiżlattiva ma kienet irrakkomandata, l-istudju ssuġġerixxa li l-informazzjoni, il-pariri, it-taħriġ u l-bini tal-kapaċità għandhom jiġu pprovduti lill-operaturi wara l-klassifikazzjoni tal-kwoti bħala strumenti finanzjarji mill-MiFID2
.
Fir-rigward tat-trattament fiskali tal-kwoti, tliet pajjiżi jirrapportaw li t-taxxa fuq il-valur miżjud (VAT) tapplika għall-ħruġ ta’ kwoti tal-emissjonijiet. Għall-kuntrarju, il-VAT hija dovuta fuq it-tranżazzjoni ta’ kwoti tal-emissjonijiet fis-suq sekondarju f’27 pajjiż parteċipant. Il-maġġoranza tal-pajjiżi rrapportaw li huma japplikaw il-mekkaniżmu tar-reverse charge fuq tranżazzjonijiet domestiċi li jinvolvu kwoti tal-emissjonijiet. Id-deroga tar-reverse charge tittrasferixxi r-responsabbiltà għall-ħlas tat-tranżazzjoni tal-VAT mill-bejjiegħ għax-xerrej ta’ oġġett jew servizz u tikkostitwixxi salvagwardja effettiva kontra l-frodi tal-VAT. F’Novembru 2018, il-possibbiltà għall-Istati Membri li japplikaw id-deroga ġiet estiża sat-30 ta’ Ġunju 2022. L-Istati Membri huma mħeġġa jkomplu japplikaw il-mekkaniżmu tar-reverse charge sabiex jipprovdu protezzjoni adegwata kontinwa lis-suq tal-karbonju.
6. MONITORAĠĠ, RAPPORTAR U VERIFIKA TAL-EMISSJONIJIET
Ir-rekwiżiti għal monitoraġġ, rapportar, verifika u akkreditazzjoni (MRVA) tal-EU ETS huma armonizzati fir-Regolament dwar il-Monitoraġġ u r-Rapportar (MRR)* u fir-Regolament dwar l-Akkreditazzjoni u l-Verifika (AVR)**.
Is-sistema ta’ monitoraġġ fl-EU ETS hija mfassla bħala approċċ ta’ “elementi importanti” li jippermetti grad għoli ta’ flessibbiltà għall-operaturi biex jiżguraw kosteffiċjenza, filwaqt li fl-istess ħin tintlaħaq affidabbiltà kbira tad-data immonitorjata dwar l-emissjonijiet. Għal dan il-għan, huma permessi diversi metodi ta’ monitoraġġ (“ibbażati fuq il-kalkolu" jew “ibbażati fuq il-kejl”, kif ukoll bħala eċċezzjoni, “approċċi ta’ riżerva”). Il-metodi jistgħu jingħaqdu għal partijiet individwali ta’ installazzjoni. Għall-operaturi ta’ inġenji tal-ajru, approċċi bbażati fuq il-kalkolu biss huma fattibbli, fejn il-konsum tal-karburant huwa l-parametru ċentrali li għandu jiġi ddeterminat għat-titjiriet koperti mill-EU ETS. Ir-rekwiżit li l-installazzjonijiet u l-operaturi ta’ inġenji tal-ajru jkollhom pjan ta’ monitoraġġ approvat mill-awtorità kompetenti fuq il-bażi tal-MRR jipprevjeni għażla arbitrarja tal-metodi ta’ monitoraġġ u varjazzjonijiet temporali.
Permezz tal-AVR għall-fażi 3 u lil hinn, ġie introdott approċċ armonizzat fl-UE kollha lejn l-akkreditazzjoni tal-verifikaturi. Il-verifikaturi li huma persuna ġuridika jew entità ġuridika jridu jkunu akkreditati minn Korp Nazzjonali ta’ Akkreditament (NAB) sabiex iwettqu verifiki f’konformità mal-AVR. Is-sistema ta’ akkreditazzjoni uniformi tippermetti lill-verifikaturi joperaw b’rikonoxximent reċiproku fil-pajjiżi parteċipanti kollha, u għalhekk jieħdu vantaġġ sħiħ tas-suq intern u jgħinu biex tiġi żgurata disponibbiltà suffiċjenti ġenerali.
* Ir-Regolament tal-Kummissjoni (UE) Nru 601/2012 tal-21 ta’ Ġunju 2012 dwar il-monitoraġġ u r-rapportar ta’ emissjonijiet ta’ gassijiet serra skont id-Direttiva 2003/87/KE tal-Parlament Ewropew u tal-Kunsill, ĠU L 181, 12.7.2012, p. 30.
** Ir-Regolament tal-Kummissjoni (UE) Nru 600/2012 tal-21 ta’ Ġunju 2012 dwar il-verifika tar-rapporti dwar l-emissjonijiet tal-gassijiet serra u r-rapporti dwar it-tunnellati kilometri u l-akkreditazzjoni tal-verifikaturi skont id-Direttiva 2003/87/KE tal-Parlament Ewropew u tal-Kunsill, ĠU L 181, 12.7.2012, p. 1.
6.1. Żviluppi Ġenerali
L-esperjenza fl-implimentazzjoni tal-MRR u l-AVR uriet il-ħtieġa għal aktar titjib, kjarifika u simplifikazzjoni ta’ regoli għal promozzjoni ulterjuri tal-armonizzazzjoni, għal tnaqqis tal-piż amministrattiv għall-operaturi u għall-pajjiżi parteċipanti u għal titjib ulterjuri tal-effiċjenza tas-sistema.
Minn Frar 2017, il-pajjiżi parteċipanti ġew ikkonsultati bil-ħsieb li jiġu aġġornati dawn iż-żewġ Regolamenti sabiex issir it-tħejjija għall-fażi 4 tal-EU ETS, u biex jiġu mtejba u ssimplifikati l-proċessi tal-MRVA. L-ewwel aġġornament bħal dan seħħ fl-2018. Sabiex ikun hemm fis-seħħ sistema ta’ verifika għall-ġbir tad-data dwar l-allokazzjoni mingħajr ħlas fl-2019 u sistema aġġornata tal-MRVA qabel il-bidu tal-ġbir tad-data għall-CORSIA (ara l-Kapitolu 4), il-verżjonijiet riveduti tal-MRR
u tal-AVR
bdew japplikaw fl-1 ta’ Jannar 2019. Aktar xogħol u konsultazzjonijiet għadhom għaddejjin biex jiġi konkluż il-proċess ta’ reviżjoni tal-MRVA kmieni biżżejjed qabel il-bidu tal-fażi 4.
L-effiċjenza tas-sistema ta’ konformità tjiebet peress li l-MRR jippermetti lill-pajjiżi jagħmlu r-rapportar elettroniku obbligatorju. Fl-2019, 17-il pajjiż parteċipant rrapportaw l-użu ta’ mudelli elettroniċi jew formati ta’ fajls speċifiċi għal pjanijiet ta’ monitoraġġ, rapporti ta’ emissjonijiet, rapporti ta’ verifika u / jew rapporti ta’ titjib ibbażati fuq ir-rekwiżiti minimi stabbiliti mill-Kummissjoni. Tlettax-il pajjiż parteċipant irrapportaw li jużaw xi forma ta’ sistema tal-IT awtomatizzata għar-rapportar tal-EU ETS.
6.2. Monitoraġġ applikat
Skont ir-rapporti tal-Artikolu 21 sottomessi fl-2019, ħafna mill-installazzjonijiet jużaw il-metodoloġija bbażata fuq il-kalkolu
. 182 installazzjoni biss (inqas minn 1,7 %) fi 23 pajjiż ġew irrapportati li jużaw sistemi għall-kejl tal-emissjonijiet kontinwi, bl-aktar mod frekwenti fil-Ġermanja, fi Franza u fir-Repubblika Ċeka. Filwaqt li n-numru ta’ pajjiżi huwa l-istess bħas-sena ta’ qabel, hemm tliet installazzjonijiet oħra li b’mod ġenerali qegħdin jużaw dan l-approċċ.
11-il pajjiż biss irrapportaw l-użu tal-approċċ ta’ riżerva minn 38 installazzjoni, li jkopru madwar 2,6 miljun tunnellata ta’ CO2e (meta mqabbla ma’ 3,4 miljun tunnellata ta’ CO2e fis-sena ta’ qabel). Installazzjoni waħda fin-Netherlands hija responsabbli għal 31 % tal-emissjonijiet globali rrapportati b’rabta mal-metodoloġija ta’ riżerva.
Is-saffi minimi prestabbiliti
tal-MRR huma ssodisfati mill-maġġoranza assoluta tal-installazzjonijiet. 97 installazzjoni biss tal-kategorija C (meta mqabbla ma’ 106 fis-sena ta’ qabel), jiġifieri 13,4 %, ġew irrapportati li jiddevjaw għal mill-inqas parametru wieħed tar-rekwiżit li jiġu applikati l-ogħla saffi għall-flussi minn sorsi maġġuri. Dawn id-devjazzjonijiet huma permessi biss meta l-operatur juri li l-ogħla saff mhuwiex teknikament vijabbli jew iġarrab kostijiet irraġonevoli. Ladarba dawn il-kundizzjonijiet ma jibqgħux japplikaw, l-operaturi għandhom itejbu s-sistema ta’ monitoraġġ tagħhom kif xieraq. Fl-2013, ġie rrapportat li 16 % tal-installazzjonijiet tal-kategorija C mhux qed jissodisfaw l-ogħla saffi b’xi mod jew ieħor. Għalhekk, sa mill-bidu tal-fażi 3, wieħed jista’ jara li hemm titjib fil-konformità tal-ogħla saff fl-installazzjonijiet tal-kategorija C.
B’mod simili, rapporti mit-22 pajjiż parteċipant jindikaw li b’mod ġenerali, 19 % tal-installazzjonijiet tal-kategorija B huma permessi b’xi forma ta’ devjazzjoni mir-rekwiżiti prestabbiliti tal-MRR, meta mqabbla ma’ 21 % fis-sena preċedenti u ma’ 22 % fis-sena ta’ qabilha, li juri titjib kostanti fil-konformità tal-ogħla saff.
6.3. Verifika akkreditata
In-numru totali ta’ verifikaturi mhuwiex irrapportat fir-rapporti tal-Artikolu 21. Madankollu, il-kooperazzjoni Ewropea għall-Akkreditazzjoni (EA) tipprovdi rabta ċentrali għall-Korpi Nazzjonali ta’ Akkreditament (NABs) rilevanti u għal-listi tagħhom ta’ verifikaturi akkreditati tal-EU ETS
.
Ir-rikonoxximent reċiproku tal-verifikaturi fost il-pajjiżi parteċipanti qiegħed jaħdem b’suċċess: 24 pajjiż irrapportaw li mill-inqas verifikatur barrani wieħed huwa attiv fit-territorju tagħhom.
Il-konformità tal-verifikaturi mal-AVR tinstab li hija għolja. Il-Polonja rrapportat sospensjoni ta’ verifikatur wieħed, filwaqt li ebda pajjiż ma rrapporta irtirar ta’ akkreditazzjoni fl-2018. Dan jitqabbel ma’ sospensjoni waħda u tliet każijiet ta’ rtirar għall-2017. Il-Ġermanja, Franza u l-Polonja rrapportaw tnaqqis li sar fil-kamp ta’ applikazzjoni ta’ żewġ akkreditazzjonijiet, akkreditazzjoni waħda u tliet akkreditazzjonijiet tal-verifikaturi għall-2018 rispettivament, meta mqabbel ma’ tnaqqis għal żewġ verifikaturi mill-Polonja fl-2017.
Għaxar pajjiżi rrapportaw ilmenti riċevuti dwar il-verifikaturi din is-sena (wieħed iktar mis-sena preċedenti). Madanakollu, in-numru ġenerali ta’ lmenti (71) huwa 14 % inqas. 93 % tal-ilmenti riċevuti huma rrapportati bħala riżolti (fis-sena ta’ qabel din ir-rata kienet ta’ 95 %). Għaxar pajjiżi rrapportaw l-identifikazzjoni ta’ nuqqasijiet ta’ konformità tal-verifikaturi bħala parti mill-proċess ta’ skambju ta’ informazzjoni bejn l-NABs u l-awtoritajiet kompetenti (meta mqabbla ma’ 12 is-sena li għaddiet).
7. ĦARSA ĠENERALI LEJN L-ARRANĠAMENTI AMMINISTRATTIVI
Il-pajjiżi li jipparteċipaw fl-EU ETS jużaw approċċi differenti rigward l-awtoritajiet kompetenti inkarigati mill-implimentazzjoni tagħha. F’ċerti pajjiżi diversi awtoritajiet lokali huma involuti, filwaqt li f’oħrajn l-approċċ huwa ferm aktar ċentralizzat.
Skont is-sottomissjonijiet tal-Artikolu 21 fl-2019, kien hemm, bħala medja, ħames awtoritajiet kompetenti involuti fl-implimentazzjoni tal-EU ETS għal kull pajjiż.
Fir-rigward tal-koordinazzjoni bejn l-awtoritajiet, ġew irrapportati għodod differenti, bħal strumenti leġiżlattivi għall-ġestjoni ċentrali ta’ pjanijiet ta’ monitoraġġ (f’14-il pajjiż), struzzjonijiet vinkolanti u gwida minn awtorità ċentrali kompetenti mogħtija lill-awtoritajiet lokali (f’10 pajjiżi), u gruppi ta’ ħidma jew laqgħat regolari bejn l-awtoritajiet (fi 15-il pajjiż), fost l-oħrajn. Seba’ pajjiżi indikaw li ma hemm fis-seħħ l-ebda għodda bħal din.
Fir-rigward tat-tariffi amministrattivi imposti b’rabta mal-permessi u mal-pjanijiet ta’ monitoraġġ approvati, fl-2019, 13-il pajjiż irrapportaw li ma jimponu l-ebda tariffa fuq l-operaturi tal-installazzjonijiet (CY, DE, EE, FR, GR, IE, LI, LT, LU, LV, MT, NL, SE, SK), wieħed inqas mis-sena ta’ qabel. Mingħajr ebda differenza għas-sena ta’ qabel, l-operaturi tal-inġenji tal-ajru fi 15-il pajjiż ma jħallsux tariffi (BE, CY, CZ, DE, EE, ES, GR, LI, LT, LU, LV, MT, NL, SE, SK). L-imposti jvarjaw b’mod sinifikanti bejn il-pajjiżi u t-tipi ta’ servizzi, li jvarjaw minn EUR 5 sa EUR 6913,31 għall-approvazzjoni ta’ permessi u ta’ pjanijiet ta’ monitoraġġ għal installazzjonijiet u minn EUR 5 sa EUR 2400 għall-istess servizz għal operaturi tal-avjazzjoni.
B’mod ġenerali, l-organizzazzjoni amministrattiva tal-ETS tal-pajjiżi parteċipanti hija fil-biċċa l-kbira effettiva. Il-komunikazzjoni u l-qsim tal-aħjar prattiki, inkluż permezz tal-attivitajiet tal-Forum ta’ Konformità tal-EU ETS u l-Konferenza ta’ Konformità tal-EU ETS annwali, jenħtieġ li tkompli tissaħħaħ u titħeġġeġ.
8. KONFORMITÀ U INFURZAR
Id-Direttiva tal-EU ETS tipprevedi penali għal emissjonijiet żejda fil-forma ta’ EUR 100 (indiċjati) għal kull tunnellata ta’ CO2 mormija li għalihom ma ġiet ċeduta l-ebda kwota fiż-żmien dovut. Penali oħrajn applikabbli għal ksur fl-implimentazzjoni tal-EU ETS huma konformi mad-dispożizzjonijiet nazzjonali stabbiliti mill-pajjiż ikkonċernat.
L-EU ETS għandha rata għolja ħafna ta’ konformità: kull sena madwar 99 % tal-emissjonijiet huma koperti bin-numru meħtieġ ta’ kwoti fil-ħin. Fl-2018, inqas minn 0,5 % tal-installazzjonijiet li rrapportaw emissjonijiet ma ċedewx kwoti li jkopru l-emissjonijiet kollha tagħhom sad-data ta’ skadenza tat-30 ta’ April 2019. Fis-settur tal-avjazzjoni, l-operaturi ta’ inġenji tal-ajru responsabbli għal 99,1 % tal-emissjonijiet tal-avjazzjoni tal-EU ETS ikkonformaw. L-operaturi mhux konformi kienu tipikament żgħar jew waqfu joperaw fl-2018.
L-awtoritajiet kompetenti jibqgħu jwettqu verifiki ta’ konformità differenti fuq ir-rapporti tal-emissjonijiet annwali. Skont is-sottomissjonijiet tal-Artikolu 21 fl-2019, il-pajjiżi parteċipanti kollha jivverifikaw ir-rapporti annwali tal-emissjonijiet għall-kompletezza (100 % tar-rapporti għajr BE 31 %, ES 95 % , FR 99 %, u SE 1 %). Ir-rapporti jkomplu jindikaw li bħala medja, il-pajjiżi jivverifikaw viċin it-80 % tar-rapporti għal konsistenza mal-pjanijiet ta’ monitoraġġ (il-pajjiżi kollha għajr HR) u viċin il-75 % mad-data dwar l-allokazzjoni (il-pajjiżi kollha għajr FI, HR, MT, NO, u SE). Erbgħa u għoxrin pajjiż irrapportaw li huma jwettqu wkoll kontroverifiki ma’ data oħra.
L-awtoritajiet kompetenti fi 12-il pajjiż wettqu stimi konservattivi dwar data nieqsa fil-każ ta’ 57 installazzjoni (madwar 0,5 % tal-installazzjonijiet b’mod ġenerali), simili għal 52 installazzjoni (0,5 %) għall-2017 u 57 (0,5 %) għall-2016. Il-kwantità rrapportata tal-emissjonijiet affettwati tal-2018 kienet ta’ 11,2-il miljun tunnellata ta’ CO2 (meta mqabbla ma’ 2,8 miljun tunnellata ta’ CO2 fl-2017), madwar 0,7 % tal-emissjonijiet ġenerali (meta mqabbla ma’ 0,2 % fl-2017). L-aktar raġunijiet komuni mogħtija għat-twettiq ta’ stimi konservattivi kienu n-nuqqas ta’ rapport dwar l-emissjonijiet sal-31 ta’ Marzu jew rapporti dwar l-emissjonijiet li ma kinux kompletament konformi mar-rekwiżiti tal-MRR/AVR.
Stimi konservattivi dwar id-data li kienet nieqsa għall-avjazzjoni ġew irrapportati minn seba’ pajjiżi fir-rigward ta’ 31 operatur ta’ inġenji tal-ajru (madwar 4,7 % tat-total), u 4,7 % tal-emissjonijiet tal-avjazzjoni.
Il-verifiki tal-awtoritajiet kompetenti jibqgħu importanti wkoll biex jissupplimentaw ix-xogħol tal-verifikatur. Għall-2018, il-pajjiżi kollha kkonfermaw li fil-każ ta’ installazzjonijiet huma jwettqu verifiki ulterjuri. Ħafna mill-pajjiżi rrapportaw approċċ simili dwar l-operaturi ta’ inġenji tal-ajru (kollha għajr CY, EE, EL, IT, u LI). Fl-2018, ħafna mill-pajjiżi (kollha għajr EL, IT, LU, u MT) irrapportaw li wettqu kontrolli fuq il-post f’installazzjonijiet.
Għall-2018, l-applikazzjoni ta’ penali għal emissjonijiet żejda ġiet irrapportata għal 36 installazzjoni minn għaxar pajjiżi (BG 1, CZ 2, FR 1, IE 2, IT 5, NL 1, PL 2, PT 7, RO 4, UK 11). Għall-avjazzjoni, il-penali għal emissjonijiet żejda ġew irrapportati għal 26 operatur ta’ inġenji tal-ajru (DE 2, FR 1, IT 9, LT 1, NL 1, PT 8, SI 1, u UK 3).
Fl-2018, tnax-il pajjiż kkonfermaw il-ħruġ ta’ penali (b’żieda mal-penali għal emissjonijiet żejda). Ma ġiet irrapportata l-ebda priġunerija, iżda ġew innotati multi, avviżi formali, u ittri finali ta’ twissija li jikkonċernaw 36 installazzjoni u 26 operatur ta’ inġenji tal-ajru, li jammontaw għal valur finanzjarju totali ta’ EUR 5,4 miljun.
L-aktar ksur komuni rrapportat għall-2018 kienu li ma seħħx pjan ta’ monitoraġġ approvat kif suppost (9), operat mingħajr permess (8), nuqqas ta’ konformità mal-kundizzjonijiet tal-permess (6), u nuqqas ta’ sottomissjoni ta’ rapporti annwali verifikati dwar l-emissjonijiet sad-data ta’ skadenza dovuta (ħames każijiet).
Kif ġie rrapportat is-sena ta’ qabel, fil-bidu tal-2018 bdiet il-ħames evalwazzjoni taċ-ċiklu ta’ konformità tal-EU ETS, bil-għan li jiġu identifikati l-kwistjonijiet ta’ konformità tal-EU ETS fil-livell ta’ pajjiżi parteċipanti u jiġu appoġġati fit-titjib tal-implimentazzjoni tagħhom tal-EU ETS. L-evalwazzjoni se tiġi konkluża tard fl-2019.
9. KONKLUŻJONIJIET U ASPETTATTIVI
L-2018 kien immarkat bi progress sinifikanti fl-adozzjoni tad-dispożizzjonijiet ta’ implimentazzjoni għall-fażi 4 tal-EU ETS. Matul is-sena li għaddiet ġew adottati dispożizzjonijiet dwar ir-rilokazzjoni tal-emissjonijiet tal-karbonju, l-allokazzjoni mingħajr ħlas, l-irkantar, l-istabbiliment tal-Fond ta’ Innovazzjoni, u l-monitoraġġ, ir-rapportar u l-verifika. Ir-regoli ta’ implimentazzjoni li jibqa’ qed jiġu finalizzati malajr u huma previsti li jiġu adottati qabel il-bidu tal-perjodu l-ġdid ta’ negozjar f’Jannar 2021.
Is-sena kienet ukoll immarkata minn tnaqqis sostanzjali fl-emissjonijiet mill-installazzjonijiet koperti mill-EU ETS. It-tnaqqis ta’ 4,1 % meta mqabbel mal-2017 kien immexxi l-aktar mill-produzzjoni tal-elettriku u s-sħana, b’emissjonijiet mill-industrija li naqsu bi ftit biss. Madankollu, l-emissjonijiet verifikati mill-avjazzjoni komplew jikbru fl-2018, b’żieda ta’ 3,9 % meta mqabbla mal-2017.
Il-bidliet leġiżlattivi miftiehma fis-snin riċenti biex jindirizzaw l-eċċess tal-kwoti ikomplu juru li qegħdin jagħtu l-frott. L-indikatur tal-eċċess tar-Riżerva tal-Istabbiltà tas-Suq ġie ppubblikat għat-tielet darba fl-2019, u flimkien mal-indikatur tal-2017, wassal għal tnaqqis fil-volumi tal-irkant bi kważi 40 %, jew qrib ta’ 397 miljun kwota fl-2019. B’riżultat ta’ dan, fl-2019, madwar 30 % anqas tal-kwoti se jiġu rkantati mill-2018.
Żviluppi pożittivi f’dawn il-fronti ssarrfu f’żieda fil-fiduċja mill-parteċipanti fis-suq u komplew isaħħu s-sinjal tal-prezz tal-karbonju. Il-prezz ogħla tal-kwoti tal-emissjonijiet wassal għal żieda sostanzjali fid-dħul totali mill-irkant iġġenerat mill-Istati Membri - fl-2018, id-dħul totali kien aktar minn darbtejn ogħla mid-dħul iġġenerat fl-2017.
Fl-2018, il-konformità tal-EU ETS baqgħet għolja ħafna - ir-rata ta’ konformità qabżet id-99 % kemm għall-installazzjonijiet stazzjonarji kif ukoll għall-operaturi tal-inġenji tal-ajru. L-istruttura tal-EU ETS baqgħet b’saħħitha u l-organizzazzjoni amministrattiva madwar l-Istati Membri wriet li kienet effettiva.
Il-Kummissjoni se tkompli timmonitorja s-suq Ewropew tal-karbonju u se tipprovdi r-rapport li jmiss tard fl-2020.
ANNESS
Appendiċi 1
Tabella 1.1: Numru ta’ kwoti bla ħlas allokati għall-immodernizzar tas-settur tal-elettriku
|
Numru ta’ kwoti bla ħlas mitluba minn Stat Membru skont l-Artikolu 10c
|
Stat Membru
|
2013
|
2014
|
2015
|
2016
|
2017
|
2018
|
BG
|
11 009 416
|
9 779 243
|
8 259 680
|
6 593 238
|
3 812 436
|
2 471 297
|
CY
|
2 519 077
|
2 195 195
|
1 907 302
|
1 583 420
|
1 259 538
|
935 657
|
CZ
|
25 285 353
|
22 383 398
|
20 623 005
|
15 831 329
|
11 681 994
|
7 661 840
|
EE
|
5 135 166
|
4 401 568
|
3 667 975
|
2 934 380
|
2 055 614
|
38 939
|
HU
|
7 047 255
|
mhux applikabbli
|
mhux applikabbli
|
mhux applikabbli
|
mhux applikabbli
|
mhux applikabbli
|
LT
|
322 449
|
297 113
|
269 475
|
237 230
|
200 379
|
158 922
|
PL
|
65 992 703
|
52 920 889
|
43 594 320
|
31 621 148
|
21 752 908
|
31 942 281
|
RO
|
15 748 011
|
8 591 461
|
9 210 797
|
7 189 961
|
6 222 255
|
3 778 439
|
Total
|
133 059 430
|
100 568 867
|
87 532 554
|
65 990 706
|
46 985 124
|
46 987 375
|
Sors: DĠ AZZJONI KLIMATIKA
Tabella 1.2: Numru massimu ta’ kwoti bla ħlas fis-sena skont id-deroga mill-irkantar sħiħ għall-produzzjoni tal-elettriku u s-sħana
Stat Membru
|
Numru massimu ta’ kwoti fis-sena
|
|
2013
|
2014
|
2015
|
2016
|
2017
|
2018
|
2019
|
Total
|
BG
|
13 542 000
|
11 607 428
|
9 672 857
|
7 738 286
|
5 803 714
|
3 869 143
|
1 934 571
|
54 167 999
|
CY
|
2 519 077
|
2 195 195
|
1 907 302
|
1 583 420
|
1 259 538
|
935 657
|
575 789
|
10 975 978
|
CZ
|
26 916 667
|
23 071 429
|
19 226 191
|
15 380 953
|
11 535 714
|
7 690 476
|
3 845 238
|
107 666 668
|
EE
|
5 288 827
|
4 533 280
|
3 777 733
|
3 022 187
|
2 266 640
|
1 511 093
|
755 547
|
21 155 307
|
HU
|
7 047 255
|
0
|
0
|
0
|
0
|
0
|
0
|
7 047 255
|
LT
|
582 373
|
536 615
|
486 698
|
428 460
|
361 903
|
287 027
|
170 552
|
2 853 628
|
PL
|
77 816 756
|
72 258 416
|
66 700 076
|
60 030 069
|
52 248 393
|
43 355 049
|
32 238 370
|
404 647 129
|
RO
|
17 852 479
|
15 302 125
|
12 751 771
|
10 201 417
|
7 651 063
|
5 100 708
|
2 550 354
|
71 409 917
|
Total
|
151 565 434
|
129 504 488
|
114 522 628
|
98 384 792
|
81 126 965
|
62 749 153
|
42 070 421
|
679 923 881
|
Sors: DĠ AZZJONI KLIMATIKA
Tabella 1.3: L-għadd ta’ kwoti mingħajr ħlas mhux użati skont id-deroga mill-irkant sħiħ għall-produzzjoni tal-elettriku u tas-sħana li jkunu ġew irkantati jew li jkunu ppjanati għall-irkantar fl-2013-2020
Kwoti mhux użati tal-Artikolu 10c irkantati
|
Stat Membru
|
2015
|
2016
|
2017
|
2018
|
2019
|
2020
|
BG
|
5 444 169
|
1 461 360
|
920 823
|
604 908
|
1 386 372
|
0
|
CY
|
0
|
0
|
0
|
0
|
0
|
0
|
CZ
|
0
|
90 694
|
77 741
|
66 740
|
54 550
|
80 295
|
EE
|
0
|
188 682
|
134 897
|
1 767 499
|
761 088
|
50 026
|
LT
|
259 924
|
0
|
456 725
|
191 229
|
161 522
|
128 105
|
PL
|
1 196
|
0
|
7 491
|
0
|
55 800 000
|
49 520 000
|
RO
|
2 104 468
|
6 710 664
|
3 540 974
|
3 011 456
|
0
|
0
|
HU
|
0
|
0
|
0
|
0
|
0
|
0
|
Sors: DĠ AZZJONI KLIMATIKA
Appendiċi 2
Figura 2.1: Numru ta’ offerenti fl-irkanti tal-kwoti ġenerali mill-2013 sat-30 ta’ Ġunju 2019
Sors: EEX
. Numru ta’ offerenti
Tabella 2.1: Dħul iġġenerat mill-irkant minn Stati Membri fil-perjodu 2012-2018
Dħul mill-irkant tal-kwoti tal-emissjonijiet 2012-2018 (f’miljuni ta’ EUR)
|
|
2012
|
2013
|
2014
|
2015
|
2016
|
2017
|
2018
|
|
Ġenerali (irkanti bikrija)
|
Avjazzjoni (irkanti bikrija)
|
Ġenerali
|
Avjazzjoni
|
Ġenerali
|
Avjazzjoni
|
Ġenerali
|
Avjazzjoni
|
Ġenerali
|
Avjazzjoni
|
Ġenerali
|
Avjazzjoni
|
Ġenerali
|
Avjazzjoni
|
AT
|
11,05
|
0,00
|
55,75
|
0,00
|
52,17
|
1,18
|
76,24
|
2,36
|
58,81
|
0,65
|
78,74
|
0,69
|
208,20
|
2,16
|
BE
|
0,00
|
0,00
|
114,99
|
0,00
|
95,03
|
2,05
|
138,96
|
2,69
|
107,14
|
0,74
|
143,52
|
0,79
|
379,00
|
2,47
|
BG
|
22,14
|
0,00
|
52,63
|
0,00
|
36,19
|
0,22
|
120,91
|
0,91
|
85,08
|
0,25
|
130,15
|
0,27
|
367,34
|
0,83
|
CY
|
1,58
|
0,00
|
0,35
|
0,00
|
0,43
|
0,30
|
0,00
|
1,42
|
0,00
|
0,39
|
6,15
|
0,41
|
24,66
|
1,30
|
HR
|
0,00
|
0,00
|
0,00
|
0,00
|
0,00
|
0,00
|
86,40
|
0,49
|
20,09
|
0,16
|
26,97
|
0,18
|
70,96
|
0,55
|
CZ
|
0,00
|
0,00
|
0,00
|
0,00
|
55,24
|
0,47
|
110,30
|
1,20
|
117,63
|
0,33
|
199,43
|
0,35
|
583,33
|
1,10
|
DE
|
166,18
|
17,52
|
791,25
|
0,00
|
749,97
|
0,00
|
1093,31
|
16,87
|
845,74
|
4,65
|
1141,74
|
5,07
|
2565,34
|
16,31
|
DK
|
1,07
|
0,00
|
56,06
|
0,00
|
46,93
|
1,16
|
68,64
|
2,71
|
52,93
|
0,74
|
70,93
|
0,79
|
187,32
|
2,48
|
EE
|
0,00
|
0,00
|
18,07
|
0,00
|
7,41
|
0,04
|
21,13
|
0,15
|
23,57
|
0,04
|
39,31
|
0,05
|
139,89
|
0,14
|
EL
|
14,84
|
0,00
|
147,64
|
0,00
|
129,97
|
1,10
|
190,17
|
4,99
|
146,68
|
1,37
|
196,57
|
1,46
|
518,96
|
4,57
|
ES
|
68,53
|
0,00
|
346,11
|
0,00
|
323,53
|
6,56
|
473,20
|
16,32
|
364,97
|
4,48
|
488,78
|
4,77
|
1291,07
|
14,97
|
FI
|
13,28
|
0,00
|
66,97
|
0,00
|
62,68
|
0,81
|
91,64
|
2,13
|
70,63
|
0,58
|
94,64
|
0,62
|
249,84
|
1,96
|
FR
|
43,46
|
0,00
|
219,25
|
0,00
|
205,29
|
10,05
|
299,94
|
12,18
|
231,34
|
3,35
|
309,85
|
3,55
|
818,40
|
11,16
|
HU
|
3,99
|
0,00
|
34,59
|
0,00
|
56,21
|
0,29
|
82,28
|
0,99
|
63,43
|
0,27
|
84,94
|
0,29
|
224,48
|
0,91
|
IE
|
0,00
|
0,00
|
41,68
|
0,00
|
35,11
|
0,87
|
51,32
|
2,15
|
39,54
|
0,59
|
52,93
|
0,63
|
140,10
|
1,97
|
IT
|
76,50
|
0,00
|
385,98
|
0,00
|
361,25
|
5,24
|
528,00
|
14,41
|
407,23
|
3,96
|
545,44
|
4,21
|
1440,10
|
13,22
|
LT
|
3,29
|
0,00
|
19,98
|
0,00
|
17,28
|
0,06
|
28,13
|
0,29
|
20,76
|
0,08
|
31,43
|
0,09
|
80,11
|
0,25
|
LU
|
0,74
|
0,00
|
4,97
|
0,00
|
4,52
|
0,63
|
6,62
|
0,22
|
5,08
|
0,06
|
6,81
|
0,07
|
18,09
|
0,20
|
LV
|
2,13
|
0,00
|
10,79
|
0,00
|
10,08
|
0,14
|
14,76
|
0,53
|
11,36
|
0,15
|
15,24
|
0,15
|
40,20
|
0,49
|
MT
|
0,27
|
0,00
|
4,47
|
0,00
|
3,81
|
0,10
|
5,62
|
0,57
|
4,30
|
0,16
|
5,78
|
0,17
|
15,19
|
0,52
|
NE
|
25,61
|
0,00
|
134,24
|
0,00
|
125,63
|
5,47
|
183,57
|
3,68
|
141,59
|
1,01
|
189,63
|
1,07
|
500,84
|
3,37
|
PL
|
0,00
|
0,00
|
244,02
|
0,00
|
78,01
|
0,00
|
129,84
|
2,98
|
135,57
|
0,58
|
505,31
|
0,69
|
1209,98
|
1,59
|
PT
|
10,65
|
0,00
|
72,78
|
0,00
|
65,82
|
1,27
|
96,32
|
2,89
|
74,29
|
0,79
|
99,50
|
0,85
|
262,96
|
2,65
|
RO
|
39,71
|
0,00
|
122,74
|
0,00
|
97,57
|
0,32
|
193,62
|
1,60
|
193,56
|
0,44
|
260,29
|
0,47
|
717,64
|
1,45
|
SE
|
7,07
|
0,00
|
35,67
|
0,00
|
33,34
|
1,02
|
48,79
|
3,63
|
37,61
|
1,00
|
50,45
|
1,06
|
132,98
|
3,34
|
SI
|
3,51
|
0,00
|
17,74
|
0,00
|
16,59
|
0,05
|
24,28
|
0,14
|
18,70
|
0,04
|
25,05
|
0,04
|
66,19
|
0,12
|
SK
|
12,19
|
0,00
|
61,70
|
0,00
|
57,59
|
0,04
|
84,31
|
0,20
|
64,99
|
0,06
|
87,01
|
0,06
|
229,74
|
0,18
|
UK
|
75,74
|
0,00
|
409,63
|
0,00
|
387,42
|
14,08
|
567,72
|
18,54
|
418,96
|
5,37
|
604,02
|
5,30
|
1607,32
|
0,00
|
TOTAL
|
603,52
|
17,53
|
3550,73
|
0,00
|
3115,11
|
53,53
|
4815,97
|
117,26
|
3761,57
|
32,28
|
5490,60
|
34,14
|
14090,23
|
90,27
|
Appendiċi 3
Tabella 3.1: Sommarju tal-iskambu ta’ krediti internazzjonali sal-aħħar ta’ Ġunju 2019
Skambju ta’ krediti internazzjonali sal-aħħar ta’ Ġunju 2019
|
miljun
|
perċentwali
|
Skambju ta’ krediti internazzjonali sal-aħħar ta’ Ġunju 2019
|
miljun
|
perċentwali
|
CERs
|
261,42
|
57,65 %
|
ERUs
|
192,07
|
42,35 %
|
Iċ-Ċina
|
195,20
|
74,67
|
L-Ukrajna
|
147,69
|
76,89 %
|
L-Indja
|
17,27
|
6,61
|
Ir-Russja
|
32,06
|
16,69 %
|
L-Użbekistan
|
9,89
|
3,79
|
Il-Polonja
|
2,82
|
1,46 %
|
Il-Brażil
|
5,43
|
2,08
|
Il-Ġermanja
|
1,65
|
0,85 %
|
Iċ-Ċilì
|
3,16
|
1,21
|
Franza
|
1,24
|
0,64 %
|
Il-Korea
|
2,93
|
1,12
|
Il-Bulgarija
|
0,50
|
0,26 %
|
Il-Messiku
|
2,89
|
1,10
|
Oħrajn
|
6,11
|
3,21 %
|
Oħrajn
|
24,65
|
9,43
|
|
|
|
TOTAL ta’ CERs u ERUs
|
453,49
|
100 %
|
|
|
|
Sors: EUTL
Tabella 3.2: Sommarju tal-iskambju ta’ krediti internazzjonali sal-aħħar ta’ Ġunju 2019 skont it-tip ta’ installazzjonijiet
Skambju ta’ krediti internazzjonali sal-aħħar ta’ Ġunju 2019 minn:
|
CERs
f’miljuni
|
ERUs
f’miljuni
|
Installazzjonijiet stazzjonarji
|
256,46
|
191,25
|
Operaturi tal-avjazzjoni
|
4,96
|
0,82
|
TOTAL
|
261,42
|
192,07
|
Sors: EUTL
Appendiċi 4
Tabella 4.1: Elementi ta’ provvista u domanda tal-ETS
Element
|
Provvista jew domanda?
|
Pubblikazzjoni
|
Aġġornament u inċertezzi
|
Riport totali tal-fażi 2
|
Provvista
|
Rapport dwar is-suq tal-karbonju
|
Mhuwa previst l-ebda aġġornament peress li l-fażi 2 spiċċat. Ċifra finali.
|
Irkanti bikrija tal-fażi 3
|
Provvista
|
Sit web tad-DĠ AZZJONI KLIMATIKA, siti web tal-EEX u ICE
|
Mhix parti mir-riport totali tal-fażi 2. Ċifri finali.
|
Kwoti għal NER 300
|
Provvista
|
Sit web tal-BEI
|
300 miljun kwota ġew monetizzati fl-2012-2014. Ċifri finali.
|
Irkanti tal-avjazzjoni
|
Provvista
|
Sit web tad-DĠ AZZJONI KLIMATIKA, siti web tal-EEX u ICE
|
Le – l-aġġustamenti huma riflessi fil-volumi għas-sena ta’ wara.
Irkanti tal-2013 u l-2014 saru fl-2015.
|
Irkanti tal-fażi 3
|
Provvista
|
Sit web tad-DĠ AZZJONI KLIMATIKA, siti web tal-EEX u ICE
|
Le - iċ-ċifra mhijiex soġġetta għal reviżjoni. Madankollu, il-kwoti (eż. minħabba dewmien biex jibda l-irkantar għal ċerti Stati Membri, pereżempju dawk għaż-ŻEE-EFTA) miżmuma mill-irkantijiet jistgħu jiġu rkantati fis-snin sussegwenti.
|
Allokazzjoni bla ħlas (NIMs)
|
Provvista
|
EUTL, tabelli
|
Dawn iċ-ċifri huma aġġornati matul is-sena kollha.
- Stat Membru jista’ jipprovdi sottomissjonijiet tard għas-snin preċedenti jew allokazzjoni attwali tista’ tkun inqas mill-ammont inizjalment previst.
L-EUTL jipprovdi stat tal-ħidma preċiż tal-allokazzjoni attwali.
|
Allokazzjoni bla ħlas (NER)
|
Provvista
|
EUTL, tabelli
|
|
Allokazzjoni bla ħlas
(avjazzjoni)
|
Provvista
|
EUTL, Pubblikazzjoni mill-SM tat-tabelli ta’ allokazzjoni
|
|
Allokazzjoni bla ħlas
(l-Artikolu 10c)
|
Provvista
|
EUTL, tabella tal-istatus
|
|
Emissjonijiet (installazzjonijiet stazzjonarji)
|
Domanda
|
EUTL, data ta’ konformità
|
Id-data ta’ konformità disponibbli għall-pubbliku fl-1 ta’ Mejju turi l-emissjonijiet u l-kwoti ċeduti għall-installazzjonijiet li huma konformi (jiġifieri dawk l-installazzjonijiet li jirrapportaw għas-snin kollha kkonċernati).
|
Emissjonijiet (avjazzjoni)
|
Domanda
|
|
Konformità għall-operaturi tal-avjazzjoni kemm għall-2013 u l-2014 saru fl-2015.
|
Kwoti kkanċellati
|
Domanda
|
|
Rapport dwar is-suq tal-karbonju
|
Tabella 4.2: Kronoloġija għal-pubblikazzjoni tad-data
Kronometraġġ
|
Data
|
Kamp ta’ applikazzjoni
|
L-1 ta’ Jannar – it-30 ta’ April tas-sena x
|
Aġġornamenti għall-allokazzjoni bla ħlas għall-produzzjoni tal-elettriku u s-sħana (l-Artikolu 10c)
|
Is-sena x-1
|
L-1 ta’ April tas-sena x
|
Emissjonijiet verifikati
Allokazzjoni bla ħlas (l-Artikolu 10a(5) – NIMs)
|
Is-sena x-1
|
L-1 ta’ Mejju tas-sena x
|
Skadenza ta’ konformità: emissjonijiet ivverifikati u kwoti ċeduti
|
Is-sena x-1
|
Mejju/Ottubru tas-sena x
|
Krediti internazzjonali skambjati
|
|
L-aħħar trimestru tas-sena x
|
Rapport dwar is-Suq tal-Karbonju
|
Is-sena x-1
|
Jannar/Lulju tas-sena x
|
Status tar-riżerva għal min jidħol ġdid - tabella NER
|
|
Mhux ippubblikata fil-livell tal-UE
|
Allokazzjoni bla ħlas għall-avjazzjoni ppubblikata fil-livell tal-Istati Membri
|
|
Appendiċi 5
Tabella 5.1 L-emissjonijiet mill-installazzjonijiet ivverifikati mill-ETS li mhumiex CO2 skont it-tip ta’ gass serra 2013-2018 (f’miljun tunnellati)
|
2013
|
2014
|
2015
|
2016
|
2017
|
2018
|
PFCs
|
0,40
|
0,74
|
0,58
|
0,64
|
0,47
|
0,60
|
N2O
|
2,47
|
5,49
|
5,32
|
4,62
|
4,96
|
4,11
|
Sors: EUTL
Appendiċi 6
Tabella 6.1: Deċiżjonijiet tal-Qorti tal-Ġustizzja tal-UE rilevanti għall-funzjonament tal-EU ETS fil-perjodu Lulju 2018 sa Ġunju 2019
Referenza tal-każ
|
Leġiżlazzjoni kkonċernata
|
Partiti
|
Kuntest tal-kawża
|
Data
|
Konstatazzjonijiet tal-Qorti
|
Każ C-682/17
|
Id-Direttiva 2003/87/KE,
Id-Deċiżjoni 2011/278/UE
|
ExxonMobil Production Deutschland GmbH/ DE
|
Installazzjoni għandha titqies bħala ġeneratur tal-elettriku jekk ma jkunx hemm attività oħra tal-Anness I imwettqa hemm, minbarra l-ġenerazzjoni tal-elettriku, u jekk iva, hija intitolata għal allokazzjoni mingħajr ħlas?
|
20.06.2019
|
Il-Qorti kkonfermat l-interpretazzjoni litterali tad-definizzjoni ta’ ġeneratur tal-elettriku fid-Direttiva 2003/87/KE.
|
Każ T-330/18
|
Id-Direttiva (UE) 2018/410, ir-Regolament (UE) 2018/842, ir-Regolament (UE) Nru 2018/841
|
Carvalho et al./ il-Parlament u l-Kunsill
|
37 persuna privata talbu l-annullament tad-Direttiva 2018/410, ir-Regolament (UE) 2018/842, u r-Regolament (UE) 2018/841, filwaqt li ddikjaraw li t-tnaqqis ippjanat tal-gassijiet serra mhuwiex biżżejjed.
Il-Parlament Ewropew u l-Kunsill tal-UE talbu n-nonammissibbiltà.
|
08.05.2019
|
Il-Qorti ċaħdet l-azzjoni bħala inammissibbli fl-intier tagħha.
|
Każ C-561/18
|
Ir-Regolament tal-Kummissjoni (UE) Nru 601/2012
|
Solvay Chemicals GmbH/ DE
|
- Il-fatt li r-Regolament (UE) 601/2012 jipprevedi li s-CO2 li ma jiġix trasferit skont it-tifsira tal-ewwel subparagrafu tal-Artikolu 49(1) għandu jiġi kkunsidrat bħala rilaxxat mill-installazzjoni li tkun qiegħda tipproduċi s-CO2, irrispettivament minn jekk ġietx rilaxxata fl-atmosfera, jagħmlu invalidu u jikser l-għanijiet tad-Direttiva 2003/87?
- Il-fatt li r-Regolament (UE) 601/2012 jipprovdi li s-CO 2 li jiġi ttrasferit minn installazzjoni ta’ produzzjoni ta’ soda għal installazzjoni oħra għall-fini ta’ produzzjoni ta’ PCC irid jiġi inkluż sistematikament fl-emissjonijiet ta’ dik l-installazzjoni, jagħmlu invalidu u jikser l-għanijiet tad-Direttiva 2003/87?
|
06.02.2019
|
Il-Qorti ddikjarat it-tieni subparagrafu tal-Artikolu 49(1) u l-punt 20(B) tal-Anness IV tar-Regolament Nru 601/2012 invalidi sa fejn dawn jinkludu sistematikament is-CO2 trasferit lejn installazzjoni oħra għall-produzzjoni tal-karbonat tal-kalċju preċipitat (PCC) fl-emissjonijiet tal-installazzjoni ta’ produzzjoni tas-soda, irrispettivament minn jekk dak is-CO2 jiġix irrilaxxat fl-atmosfera.
|
Appendiċi 7
Tabella 7.1: Il-qagħda attwali tal-implimentazzjoni tal-fażi 4 tal-EU ETS
Miżura
|
Għan
|
Tip ta’ att leġiżlattiv
|
Adozzjoni prevista
|
|
|
|
|
Lista tar-Rilokazzjoni tal-Emissjonijiet tal-Karbonju għall-2021-2030
|
L-istabbiliment tal-Lista tar-Rilokazzjoni tal-Emissjonijiet tal-Karbonju għall-fażi 4 tal-EU ETS bbażat fuq il-kriterji biex jiġu stabbiliti s-setturi esposti b’mod sinifikanti għar-riskju tar-rilokazzjoni tal-emissjonijiet tal-karbonju
|
Deċiżjoni Delegata tal-Kummissjoni
|
Adottata fil-15 ta’ Frar 2019 u ppubblikata fil-Ġurnal Uffiċjali fit-8 ta’ Mejju 2019
|
Reviżjoni tar-regoli dwar l-allokazzjoni bla ħlas għall-2021-2030
|
Ir-reviżjoni tad-Deċiżjoni tal-Kummissjoni 2011/278/UE li tiddetermina regoli tranżitorji madwar l-Unjoni kollha għal allokazzjoni armonizzata mingħajr ħlas sabiex tadattaha għall-kuntest legali l-ġdid stabbilit għall-fażi 4
|
Regolament Delegat tal-Kummissjoni
|
Adottat fid-19 ta’ Diċembru 2018 u ppubblikat fil-Ġurnal Uffiċjali fis-27 ta’ Frar 2019
|
Aġġustament għall-allokazzjoni bla ħlas minħabba bidliet fil-produzzjoni
|
Definizzjoni tal-arranġamenti għall-aġġustament tal-livell ta’ allokazzjoni bla ħlas għal installazzjonijiet abbażi ta’ livelli ta’ produzzjoni li qed jinbidlu ta’ aktar minn 15 % ’il fuq jew ’l isfel bħala medja fuq perjodu ta’ sentejn
|
Regolament ta’ Implimentazzjoni tal-Kummissjoni
|
2019
|
Aġġornament tal-valuri referenzjarji għall-allokazzjoni bla ħlas għall-2021-2025
|
Determinar tal-valuri referenzjarji aġġornati għall-2021-2025 abbażi tad-data ppreżentata mill-Istati Membri sat-30 ta’ Settembru 2019 għas-snin 2016 u 2017.
|
Att ta’ implimentazzjoni
|
2020
|
Stabbiliment tal-Fond ta’ Innovazzjoni
|
Determinar tar-regoli dwar l-operat tal-Fond ta’ Innovazzjoni, inkluż il-proċedura u l-kriterji tal-għażla
|
Regolament Delegat tal-Kummissjoni
|
Adottat fis-26 ta’ Frar 2019 u ppubblikat fil-Ġurnal Uffiċjali fit-28 ta’ Mejju 2019
|
Stabbiliment tal-Fond ta’ Modernizzazzjoni
|
Determinar tar-regoli dwar l-operat tal-Fond ta’ Modernizzazzjoni
|
Att ta’ implimentazzjoni
|
2020
|
Reviżjoni tar-Regolament (UE) Nru 389/2013 (ir-Regolament dwar ir-Reġistru)
|
L-istabbiliment tar-rekwiżiti għar-Reġistru tal-Unjoni għall-fażi 4 fil-forma ta’ bażijiet ta’ data elettroniċi standardizzati li fihom elementi ta’ data komuni biex tiġi ssorveljata l-kwistjoni, iż-żamma, it-trasferiment u l-kanċellazjoni tal-kwoti, u biex jiġi pprovdut aċċess għall-pubbliku u l-kunfidenzjalità
|
Regolament Delegat tal-Kummissjoni
|
Adottat fit-12 ta’ Marzu 2019 u ppubblikat fil-Ġurnal Uffiċjali fit-2 ta’ Lulju 2019
|
Emenda tar-Regolament (UE) Nru 1031/2010 (ir-Regolament dwar l-Irkantar)
|
Li tippermetti l-irkant tal-ewwel 50 miljun kwota għall-Fond ta’ Innovazzjoni meħuda mir-Riżerva tal-Istabbiltà tas-Suq (MSR) fl-2020
|
Regolament Delegat tal-Kummissjoni
|
Adottat fit-30 ta’ Ottubru 2018 u ppubblikat fil-Ġurnal Uffiċjali fl-4 ta’ Jannar 2019
|
Reviżjoni tar-Regolament (UE) Nru 1031/2010 (ir-Regolament dwar l-Irkantar)
|
Ir-reviżjoni ta’ xi aspetti tal-proċess tal-irkant biex jiġu implimentati r-rekwiżiti għall-fażi 4, b’mod partikolari biex ikun jista’ jsir l-irkant ta’ kwoti għall-Fond ta’ Innovazzjoni u l-Fond ta’ Modernizzazzjoni, kif ukoll biex tkun riflessa l-klassifikazzjoni tal-kwoti tal-EU ETS bħala strumenti finanzjarji skont id-Direttiva 2014/65/UE dwar is-swieq fl-istrumenti finanzjarji (MiFID2).
|
Att delegat
|
2019
|
Reviżjoni tar-Regolament Nru 601/2012 dwar il-Monitoraġġ u r-Rapportar
|
Is-simplifikazzjoni, it-titjib u l-kjarifika tar-regoli ta’ monitoraġġ u rapportar u t-tnaqqis tal-piż amministrattiv, ibbażat fuq l-esperjenza ta’ implimentazzjoni mill-fażi 3
|
Regolament ta’ Implimentazzjoni tal-Kummissjoni
|
Adottat fid-19 ta’ Diċembru 2018 u ppubblikat f'Il-Ġurnal Uffiċjali fil-31 ta’ Diċembru 2018
|
Reviżjoni tar-Regolament Nru 600/2012 dwar il-Verifika u l-Akkreditazzjoni
|
Is-simplifikazzjoni, it-titjib u l-iċċarar tar-regoli ta’ akkreditazzjoni u verifika u t-tnaqqis tal-piż amministrattiv sa fejn hu possibbli, ibbażati fuq l-esperjenza tal-implimentazzjoni mill-fażi 3
|
Regolament ta’ Implimentazzjoni tal-Kummissjoni
|
Adottatat fid-19 ta’ Diċembru 2018 u ppubblikat f'Il-Ġurnal Uffiċjali fil-31 ta’ Diċembru 2018
|
Regolament li jissupplimenta d-Direttiva 2003/87/KE fir-rigward tal-CORSIA
|
Li jissuplimenta d-Direttiva tal-EU ETS fir-rigward ta’ miżuri adottati mill-Organizzazzjoni tal-Avjazzjoni Ċivili Internazzjonali għall-monitoraġġ, ir-rapportar u l-verifika tal-emissjonijiet mill-avjazzjoni għall-fini tal-implimentazzjoni tal-CORSIA
|
Regolament Delegat tal-Kummissjoni
|
2019
|
Linji Gwida tal-Għajnuna mill-Istat tal-EU ETS 2021-2030
|
Ir-reviżjoni tal-Linji Gwida tal-Għajnuna mill-Istat tal-EU ETS għall-fażi 4 biex takkomoda d-dispożizzjonijiet il-ġodda dwar it-trasparenza u r-rapportar imtejba introdotti mid-Direttiva tal-EU ETS riveduta għall-mekkaniżmi ta’ kumpens għall-kost indirett tal-karbonju
|
Komunikazzjoni tal-Kummissjoni
|
2020
|
Qagħda attwali
|
Ippjanat
|
Għadu għaddej
|
Lest
|
Appendiċi 8
Tabella 8.1: Kontribuzzjonijiet ta’ Stati Membri għar-Riżerva tal-Istabbiltà tas-Suq fl-2019 u fl-2020
Stat Membru/ EEA
Stat tal-EFTA
|
Kontribuzzjonijiet tal-MSR fl-2019
|
Kontributi magħrufa mill-MSR fl-2020
|
L-Awstrija
|
5 935 748
|
3 957 699
|
Il-Belġju
|
9 846 994
|
6 565 549
|
Il-Bulgarija
|
8 292 720
|
5 529 227
|
Il-Kroazja
|
1 614 984
|
1 076 801
|
Ċipru
|
932 844
|
621 980
|
Ir-Repubblika Ċeka
|
15 406 858
|
10 272 626
|
Id-Danimarka
|
5 340 750
|
3 560 981
|
L-Estonja
|
2 904 319
|
1 936 474
|
Il-Finlandja
|
7 130 025
|
4 753 992
|
Franza
|
23 346 791
|
15 566 629
|
Il-Ġermanja
|
85 389 770
|
56 934 202
|
Il-Greċja
|
12 684 492
|
8 457 470
|
L-Ungerija
|
5 115 708
|
3 410 933
|
L-Iżlanda
|
166 450
|
110 982
|
L-Irlanda
|
3 991 393
|
2 661 288
|
L-Italja
|
40 304 729
|
26 873 449
|
Il-Latvja
|
865 501
|
577 079
|
Il-Liechtenstein
|
3 725
|
2 484
|
Il-Litwanja
|
1 792 324
|
1 195 044
|
Il-Lussemburgu
|
467 394
|
311 638
|
Malta
|
354 798
|
236 564
|
In-Netherlands
|
14 291 411
|
9 528 894
|
In-Norveġja
|
3 314 570
|
2 210 012
|
Il-Polonja
|
39 282 170
|
26 191 650
|
Il-Portugall
|
6 478 775
|
4 319 767
|
Ir-Rumanija
|
14 941 290
|
9 962 205
|
Is-Slovakkja
|
4 752 513
|
3 168 770
|
Is-Slovenja
|
1 577 714
|
1 051 951
|
Spanja
|
32 660 234
|
21 776 430
|
L-Iżvezja
|
3 457 106
|
2 305 049
|
Ir-Renju Unit
|
44 480 623
|
29 657 753
|
Total
|
397 124 723
|
264 785 572
|
Appendiċi 9
Tabella 9.1: Fondi NER300 mhux minfuqa skont l-InnoFin EDP: proġetti appoġġati
Titlu tal-proġett
|
Deskrizzjoni
|
Stampa
|
WAVE ROLLER
|
Il-Wave Roller għandu l-għan li juri l-fattibbiltà tat-teknoloġija tal-enerġija tal-mewġ fuq skala kummerċjali, billi jimla l-vojt bejn l-installazzjoni ta’ dimostrazzjoni u l-użu kummerċjali ta’ Konvertitur Oxxillanti tat-Tlugħ tal-Mewġ (l-OWSC) li jikkonverti l-enerġija tal-mewġ f’enerġija elettrika. Il-kontribuzzjoni ta’ NER300 se tammonta għal EUR 10 miljuni.
|
|
WINDFLOAT
|
Il-proġett Winfloat huwa impjant tal-enerġija mir-riħ lil hinn mill-kosta li juża pjattaforma nofsha sommerġibbli li żżomm f’wiċċ l-ilma u li jinsab madwar 20 km ’il barra mill-kosta tal-Portugall. Il-proġett għandu l-ħsieb li javvanza l-aħħar żviluppi ta’ strutturi ta’ appoġġ għal fuq wiċċ l-ilma billi juri l-iskalabbiltà tal-kunċett WindFloat għall-ospitar ta’ turbini ikbar. Imbagħad se jrawwem l-introduzzjoni ta’ impjanti tal-enerġija mir-riħ lil hinn ferm mill-kosta. Il-kontribuzzjoni ta’ NER300 taħt InnovFin EDP se tammonta għal EUR 60 miljun. WindFloat jibbenefika wkoll minn għotja ta’ kważi EUR 30 miljun taħt il-programm oriġinali ta’ NER300.
|
|
NETWERK TA’ MOGĦDIJIET EKOLOĠIĊI GĦALL-IĊĊARĠJAR TA’ VETTURI ELETTRIĊI
|
Il-proġett se jappoġġa l-iskjerament aċċellerat tal-infrastruttura tal-vetturi elettriċi. Huwa juri l-fattibilità tal-iskjerament fuq skala kummerċjali ta’ stazzjonijiet ta’ ċċarġjar ultraveloċi għall-vetturi elettriċi u l-proġett pilota ta’ sistema integrata ta’ ħżin tal-enerġija tal-batteriji. Id-dimostrazzjoni se tkun tinsab fis-Slovakkja, fil-Polonja, fir-Repubblika Ċeka u fil-pajjiżi Baltiċi. Il-finanzjament skont l-InnovFin EDP jammonta għal EUR 17-il miljun, li minnhom kważi EUR 3 miljuni huma appoġġati mill-fondi mhux minfuqa ta’ NER 300.
|
|