IL-KUMMISSJONI EWROPEA
Brussell, 2.7.2019
COM(2019) 287 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-implimentazzjoni u r-riżultati tal-programm Pericles 2020 għall-protezzjoni tal-euro kontra l-iffalsifikar fl-2018
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-implimentazzjoni u r-riżultati tal-programm Pericles 2020 għall-protezzjoni tal-euro kontra l-iffalsifikar fl-2018
1.Ġenerali
Il-programm “Pericles 2020” (minn hawn ’il quddiem “il-Programm”) huwa programm ta' skambju, assistenza u taħriġ għall-protezzjoni tal-euro kontra l-iffalsifikar. Huwa jissostitwixxi l-programm Pericles li ġie stabbilit fl-2001 u li kien jopera fil-perjodu 2002-2013. Il-Programm kien stabbilit bir-Regolament (UE) Nru 331/2014 tal-Parlament Ewropew u tal-Kunsill tal-11 ta' Marzu 2014. L-applikazzjoni tiegħu ġiet estiża għal Stati Membri mhux parteċipanti permezz tar-Regolament tal-Kunsill (UE) Nru 2015/768 tal-11 ta' Mejju 2015. Ir-Regolament (UE) Nru 331/2014 jistabbilixxi li l-programm se jibqa’ għaddej sal-31 ta' Diċembru 2020. L-Artikolu 13(3) tar-Regolament jirrikjedi li l-Kummissjoni tipprovdi informazzjoni annwali dwar ir-riżultati tal-programm lill-Parlament Ewropew u lill-Kunsill. Dan ir-Rapport Annwali jirrispondi għal dan ir-rekwiżit għas-sena 2018.
2.Programm ta’ Ħidma Annwali 2018
a.Implimentazzjoni tal-Programm ta’ Ħidma Annwali fl-2018
Il-baġit annwali għall-implimentazzjoni tal-Programm għas-sena 2018 ġie stabbilit għal EUR 1 055 100 u kien iffinanzjat mil-linja baġitarja 01. 020400 tal-baġit ġenerali tal-Unjoni Ewropea għall-2018. Ġie impenjat total ta’ EUR 993 388,74 fl-2018. Il-Programm huwa implimentat permezz ta’ azzjonijiet kofinanzjati (għotjiet) li joriġinaw mill-awtoritajiet kompetenti tal-Istati Membri u permezz ta’ “azzjonijiet tal-Kummissjoni”, organizzati direttament mill-Kummissjoni. Sar trasferiment ta’ EUR 167 199,89 mill-baġit tal-għotjiet għall-baġit tal-azzjonijiet tal-Kummissjoni fl-2018 biex jikkomplementa l-azzjonijiet tal-Istati Membri.
L-implimentazzjoni tal-Programm tirrifletti l-impenn tal-Istati Membri u tal-Kummissjoni biex iħarsu l-euro mill-iffalsifikar. Id-diskussjonijiet dwar l-istrateġija pluriennali fil-laqgħat tal-Grupp ta’ Esperti dwar l-Iffalsifikar tal-Euro (Euro Counterfeiting Experts Group, ECEG) għamluha possibbli li jiġi impenjat 94,15 % tal-baġit globali fl-2018. Fl-2018, il-Programm b’kollox iffinanzja 11-il proġett. B’kollox, tmien (8) għotjiet kienu mogħtija b’suċċess minn applikazzjonijiet li joriġinaw mill-awtoritajiet kompetenti tal-Istati Membri. Tnaqqis minn 10 għotjiet fl-2017. Barra minn hekk, ġew iffinanzjati tliet (3) azzjonijiet tal-Kummissjoni, l-istess għadd bħal tas-sena ta’ qabel. Ħames (5) azzjonijiet ġew implimentati fl-2018, filwaqt li sitt (6) azzjonijiet qed jiġu/se jkunu implimentati fl-2019 jew aktar tard.
Ċart I u Ċart II: Tip ta’ azzjoni ffinanzjata u għadd ta’ azzjonijiet għal kull Stat Membru (azzjonijiet impenjati fl-2018, ara l-Anness I)
L-applikanti għall-programm fl-2018 jirrappreżentaw żewġ Stati Membri: l-Italja u Spanja. Dan jirrifletti l-fatt li l-pajjiżi li l-aktar jiġu affettwati mill-iffalsifikar tal-euro jużaw il-fondi ta’ Pericles aktar frekwentement. L-isforzi tagħhom isaħħu l-protezzjoni tal-euro, li huwa ta’ benefiċċju għall-Istati Membri l-oħrajn kollha fiż-żona tal-euro.
L-azzjonijiet li għalihom saru impenji fl-2018 kienu jikkonsistu fi tliet seminars/konferenzi, żewġ sessjonijiet ta’ taħriġ tekniku, erba’ skambji ta’ persunal u żewġ akkwisti ta’ tagħmir. Ta’ min ninnutaw l-għadd relattivament għoli ta’ skambji bejn il-persunal, miżura kosteffettiva li tolqot udjenza relattivament kbira, li tiffaċilita l-iskambju tal-għarfien u bis-saħħa tagħha jkompli jikber qafas omoġenju għall-ħarsien tal-euro kontra l-iffalsifikar. Barra minn hekk, iż-żewġ akkwisti ta’ apparat għal awtoritajiet ta’ pajjiżi terzi jikkonfermaw is-suċċess tal-introduzzjoni ta’ din il-miżura bħala azzjoni eliġibbli skont il-programm Pericles 2020. L-azzjonijiet isiru kemm fl-UE kif ukoll barra minnha, skont il-ħtiġijiet speċifiċi għall-ħarsien tal-euro kontra l-iffalsifikar. Sa mill-bidu tiegħu, il-Programm ikkonsolida l-approċċ reġjonali tiegħu billi implimenta azzjonijiet li jinvolvu reġjuni partikolarment sensittivi tad-dinja. Hemm enfasi speċifika fuq l-Amerka Latina (żewġ azzjonijiet organizzati minn Spanja, u azzjoni waħda tal-Kummissjoni, u x-xlokk tal-Ewropa (erba’ azzjonijiet organizzati mill-Italja).
Iċ-ċarts III u IV jipprovdu rendikont tal-oriġini u l-isfond professjonali tal-parteċipanti tal-Programm:
Ċart III u Ċart IV: L-oriġini tal-parteċipanti u l-isfond professjonali tal-parteċipanti (azzjonijiet impenjati fl-2018, ara l-Anness I)
Huwa stmat li 568 espert ħadu sehem fl-azzjonijiet li għalihom saru impenji fl-2018.
F’termini ta’ oriġini, il-parteċipanti kienu ġejjin minn 58 pajjiż. Il-maġġoranza ta’ dawk li tħarrġu (67 %) kienu Ewropej: 37 % ġew minn Stati Membri fiż-żona tal-euro, 19 % fil-mija ġew minn pajjiżi Ewropej li mhumiex fl-UE, filwaqt li 11 % kienu minn Istati Membri li mhumiex fiż-żona tal-euro; 26 % ta’ dawk li tħarrġu ġew mill-Amerika Latina, żieda sinifikanti meta mqabbel mas-sena ta’ qabel. Finalment, 1 % ġew mil-Lvant Nofsani u l-Afrika ta’ Fuq u 1 % mill-Asja.
Rigward l-isfond professjonali tal-parteċipanti, 54 % tat-total huma membri mill-forzi tal-pulizija. Din il-preżenza prominenti hija dovuta għall-fatt li l-awtoritajiet tal-pulizija jinsabu fuq quddiem nett fil-ġlieda kontra l-iffalsifikar tal-euro, u li l-persunal tal-pulizija jinkludi kemm investigaturi kif ukoll persunal tekniku.
Mill-banda l-oħra, 46 % ġejjin minn kategoriji oħra ta’ parteċipanti, tnaqqis minn 58 % fis-sena ta’ qabel. Il-parteċipazzjoni sostanzjali tal-banek ċentrali baqgħet kważi kostanti fil-livell ta’ 23 % u qed tkompli l-parteċipazzjoni tal-membri tal-ġudikatura (4 %). Ta’ min ninnutaw ukoll is-sehem taz-zekek (2 %), ministeri tal-finanzi (1 %), u ta’ dawk responsabbli għat-tranżitu ta' flus kontanti (2 %), li jirriflettu l-ispettru sħiħ tal-isfondi professjonali tal-parteċipanti. Fl-aħħar nett, l-implimentazzjoni tal-azzjoni tal-Kummissjoni intitolata “it-tieni laqgħa tal-Pjattaforma 1210” wasslet għal rata għolja ta’ parteċipazzjoni ta’ rappreżentanti mill-industrija tal-magni tal-ipproċessar tal-muniti (CPM) (6 %) għat-tielet sena konsekuttiva, li jafferma lis-settur privat bħala attur importanti fil-ġlieda kontra l-iffalsifikar.
B’riżultat, l-implimentazzjoni tal-Programm tissodisfa d-dimensjonijiet tranżnazzjonali u multidixxiplinari tal-Programm meħtieġa skont ir-Regolament (UE) Nru 331/2014.
b.Ħarsa ġenerali lejn l-azzjonijiet skont il-Programm ta’ Ħidma Annwali 2018
Ħarsa ġenerali komprensiva lejn l-azzjonijiet ta’ Pericles fil-Programm ta’ Ħidma Annwali tal-2018 tinsab fl-Anness I. Jistgħu jiġu enfasizzati l-azzjonijiet li ġejjin:
Kooperazzjoni internazzjonali reġjonali fix-xlokk tal-Ewropa
Fl-2018 il-programm irnexxielu jżomm u jkompli jsaħħaħ kooperazzjoni internazzjonali u reġjonali b’saħħitha fix-xlokk tal-Ewropa. Wieħed mill-punti għoljin tal-2018 kienet l-azzjoni organizzata mill-UCAMP, “Strateġija komunitarja għall-Ħarsien tal-Euro fiż-Żona tal-Mediterran”, li saret fis-Serbja fl-2018. Din l-azzjoni laqqgħet flimkien seba’ pajjiżi mix-xlokk tal-Ewropa u Franza, u rnexxielha żżomm netwerk effiċjenti ta’ esperti f’wieħed mir-reġjuni l-aktar sensittivi fir-rigward tal-iffalsifikar tal-euro. Wara din l-azzjoni, tliet arranġamenti ta’ kooperazzjoni amministrattiva għall-protezzjoni tal-muniti tal-euro ġew iffirmati bejn il-Kummissjoni u s-Serbja, il-Montenegro, u l-Kosovo UNSCR 1244 rispettivament. Barra minn hekk, il-UCIFM Taljan organizza akkwist ta’ tagħmir biex jintuża minn awtoritajiet speċjalizzati kontra l-iffalisfikar biex iħarsu l-euro kontra l-iffalsifikar, kif ukoll taħriġ tal-pulizija u tal-bank nazzjonali tal-Montenegro.
Il-kooperazzjoni internazzjonali reġjonali fl-Amerka Latina
Il-programm irnexxielu wkoll iżomm u jkompli jsaħħaħ kooperazzjoni internazzjonali u reġjonali qawwija fl-Amerka Latina:
·Il-BIBE Spanjola organizzat kors ta’ taħriġ dwar l-iffalsifikar tal-flus għal esperti minn pajjiżi tal-Amerka Latina, li laqqa’ l-awtoritajiet ta’ 18-il pajjiż mill-Amerka Latina fil-Panama fl-2018, li fih ġew promossi miżuri biex jipproteġu l-euro kontra l-iffalsifikar fil-pajjiżi tal-Amerka Latina li huma potenzjalment suxxettibbli għalih. Din l-azzjoni appoġġat l-istabbiliment u l-ħidma tal-Uffiċċji Ċentrali Nazzjonali (NCOs) għall-iffalsifikar tal-muniti fil-pajjiżi li ħadu sehem. Abbażi ta’ taħriġ bl-istess format li kien sar qabel, l-Arġentina waqqfet NCO bħal dawn.
·Il-BIBE Spanjola xtrat tagħmir biex jintuża mill-ispeċjalisti kontra l-iffalisfikar tal-Uffiċċju Ċentrali Nazzjonali Arġentin li għadu kemm issemma u li għadu kemm twaqqaf biex tipproteġi l-euro kontra l-iffalsifikar.
·Il-Kummissjoni fl-2019 se timplimenta t-taħriġ tattiku tekniku bjennali f’Medellin, il-Kolombja, indirizzat għall-awtoritajiet tal-infurzar tal-liġi u ġudizzjarji Kolombjani.
3.L-implimentazzjoni ta’ azzjonijiet fl-2018 li kienu impenjati taħt baġits preċedenti tal-Programm
Is-sena 2018 rat l-implimentazzjoni ta’ 10 azzjonijiet li kienu impenjati taħt baġits preċedenti tal-Programm
. Minn dawn l-azzjonijiet, tmienja oriġinaw mill-awtoritajiet kompetenti nazzjonali tal-Istati Membri – jiġifieri Franza, Spanja, il-Portugall, ir-Rumanija, l-Awstrija, il-Kroazja u l-Italja – filwaqt li żewġ azzjonijiet bdiethom il-Kummissjoni. L-azzjonijiet kienu jikkonsistu minn tliet seminars, sessjoni ta’ taħriġ tekniku, erba’ skambji bejn il-persunal, akkwist ta’ tagħmir, u studju. Reġjuni u suġġetti ta’ enfasi partikolari kienu x-xlokk tal-Ewropa, iċ-Ċina, u l-Amerka Latina, kif ukoll id-darknet u l-awtentikazzjoni tal-muniti tal-euro. Nistgħu nenfasizzaw l-azzjonijiet li ġejjin:
Kooperazzjoni internazzjonali reġjonali fix-xlokk tal-Ewropa
Fl-2018 rajna l-implimentazzjoni ta’ bosta azzjonijiet ta’ Pericles 2020 li ffukaw fuq li jħeġġu u jżommu kooperazzjoni b’saħħitha bejn l-awtoritajiet kompetenti nazzjonali fix-xlokk tal-Ewropa. Dan kien jinkludi skambji tal-persunal organizzati rispettivament mill-awtoritajiet tal-pulizija Rumeni u Taljani; l-awtoritajiet Rumeni waqqfu u mantnew il-kooperazzjoni ma’ pajjiżi fir-reġjun tal-Balkani tal-punent u tal-Baħar l-Iswed, inkluż it-Turkija, il-Moldova, u l-Ukrajna. Barra minn hekk, it-Tielet Konferenza tan-Netwerk tal-Balkani, organizzata mill-Bank Nazzjonali tal-Kroazja laqqgħet parteċipanti minn banek nazzjonali u kummerċjali fir-reġjun, u appoġġat it-tħaddim u l-iskambju ta’ informazzjoni ta’ sistema ta’ twissija bikrija fost il-pajjiżi involuti.
Il-kooperazzjoni internazzjonali reġjonali fl-Amerka Latina
It-tisħiħ tal-kooperazzjoni internazzjonali reġjonali fl-Amerka Latina jista’ wkoll jiġi implimentat aħna u nirreferu għall-implimentazzjoni tal-azzjonijiet ta’ Pericles 2020 fl-2018. Il-Policia Judiciaria Portugiża inkludiet l-awtoritajiet kompetenti Brażiljani fl-iskambju tal-persunal tagħha. L-approċċ diversifikat tal-BIBE Spanjola rriżulta f’konferenza ta’ taħriġ, skambju tal-persunal u xiri ta’ tagħmir fir-reġjun, biex b’hekk ġie żgurat is-sehem ta’ għadd kbir ta’ parteċipanti mill-Amerka Latina minn bosta pajjiżi fir-reġjun.
L-Internet/id-darknet: il-konferenza “ICIT – Investigazzjoni tad-Darknet – Protezzjoni tal-Euro”
Bosta azzjonijiet implimentati fl-2018 indirizzaw it-theddida li jġibu magħhom l-internet/darknet fil-ġlieda kontra l-iffalsifikar, u ffukaw fuq l-effettività ta’ metodi ta’ investigazzjoni u l-ħtieġa għal rispons koordinat għat-theddida. B’mod partikolari, il-konferenza “ICIT – Investigazzjoni tad-Darknet – Protezzjoni tal-Euro” kienet kollha ddedikata għal dan is-suġġett u laqqgħet bosta esperti ġudizzjarji u tal-pulizija li jaħdmu f’dan il-qasam minn 19-il pajjiż. Din il-konferenza ħarġet diversi rakkomandazzjonijiet, bħal pereżempju l-ħtieġa li jiġi stabbilit netwerk ta’ speċjalisti reġjonali għall-investigazzjonijiet dwar id-darknet u t-tfassil ta’ manwal bl-aħjar prattika għall-infurzar tal-liġi.
4.Konklużjoni u t-triq ’il quddiem
Il-programm “Pericles 2020” jibqa’ għodda importanti u effiċjenti fil-ġlieda kontra l-iffalsifikar. Il-Programm jifforma l-bażi għall-appoġġ ta’ studji, iż-żamma u l-iżvilupp ta’ kooperazzjoni, u l-iskambju tal-aħjar prattiki fost l-atturi kollha involuti fil-ġlieda kontra l-iffalsifikar tal-euro.
Il-Kummissjoni xxerred b’mod kostanti r-riżultati tal-azzjonijiet appoġġati skont il-Programm tal-esperti tal-Grupp ta' Esperti dwar l-Iffalsifikar tal-Euro (Euro Counterfeit Experts Group, ECEG). Fl-2018 saru tliet laqgħat tal-ECEG. Il-Programm juri livell għoli ta’ konsistenza u komplementarjetà ma’ programmi u azzjonijiet rilevanti oħra fil-livell tal-Unjoni minħabba li huwa ddedikat esklussivament għal u jiffoka fuq il-prevenzjoni u l-ġlieda kontra forom speċifiċi ta’ kriminalità organizzata, b’mod partikolari l-iffalsifikar tal-euro. Dan huwa minnu għall-istrument tal-Assistenza Teknika u l-Iskambju tal-Informazzjoni (TAIEX), li ta’ sikwit jiġi użat f’appoġġ għan-negozjati tal-adeżjoni, u l-Fond tas-Sigurtà Interna — Pulizija, li jkopri l-prevenzjoni tal-kriminalità u l-ġlieda kontriha inġenerali.
Hija u tqis ir-rakkomandazzjoni biex il-programm jiġġedded lil hinn mill-2020 u l-effettività ppruvata tiegħu li ġiet sottolinjata fl-evalwazzjoni ta' nofs it-terminu tal-programm “Pericles 2020”, kif ukoll l-appoġġ pożittiv mill-partijiet ikkonċernatti tiegħu, bħall-Istati Membri, il-BĊE u l-Europol, il-Kummissjoni adottat bħala parti mill-Qafas Finanzjarju Pluriennali li ġej proposta biex il-programm jitkompla wara l-2020 bħala l-programm Pericles IV. Il-Kunsill adotta Approċċ Ġenerali Parzjali fid-19 ta’ Diċembru 2018. L-appoġġ min-naħa tal-Kunsill jirrifletti l-appoġġ wiesa’ li hemm għall-proposta Pericles IV tal-Kummissjoni. Fil-Parlament Ewropew, il-Kumitat LIBE adotta b’mod unanimu l-pożizzjoni tiegħu dwar il-proposta tal-Kummissjoni dwar Pericles IV fl-4 ta’ Frar 2019, u esprima l-appoġġ tiegħu favur li l-programm jitkompla.
Abbażi tar-riżultati tal-implimentazzjoni tal-Programm u tal-analiżi kontinwa ta’ theddid emerġenti diskussi fl-ECEG, il-prijoritajiet għall-2018 huma dawn li ġejjin:
·L-attivitajiet ta' appoġġ kellhom l-għan li jtejbu l-kooperazzjoni bejn l-Istati Membri li huma milquta b'mod partikolari mill-produzzjoni u mid-distribuzzjoni ta' flus foloz;
·it-trawwim ta' kooperazzjoni aktar mill-qrib mal-awtoritajiet ta’ dawk il-pajjiżi terzi fejn hemm suspett jew evidenza tal-preżenza ta’ produzzjoni ta' flus foloz tal-euro;
·iż-żamma ta' qafas effiċjenti għall-ħarsien tal-euro fix-xlokk tal-Ewropa;
·żviluppi topiċi: l-elementi ta’ sigurtà tal-muniti tal-euro, l-implimentazzjoni tar-Regolament (UE) Nru 1210/2010 li jikkonċerna l-awtentikazzjoni tal-muniti tal-euro u t-trattament ta' muniti tal-euro li mhumiex tajbin għaċ-ċirkolazzjoni, id-distribuzzjoni ta’ flus foloz u komponenti ta’ kwalità għolja fuq l-internet, l-appoġġ għall-istabbiliment/tisħiħ tal-NCOs.
IL-KUMMISSJONI EWROPEA
Brussell, 2.7.2019
COM(2019) 287 final
ANNESS
tar-
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-implimentazzjoni u r-riżultati tal-programm Pericles 2020 għall-protezzjoni tal-euro kontra l-iffalsifikar fl-2018
Anness I: Ħarsa ġenerali lejn l-azzjonijiet imwettqa fl-2018
|
Organizzatur
|
Attività
|
Post u Data
|
Kontribuzzjoni tal-Kummissjoni
(ammont totali impenjat f’euro)
|
|
Seminars
|
|
L-Italja
UCAMP
|
Strateġija komunitarja għall-ħarsien tal-euro fiż-żona tal-Mediterran
|
Belgrad (RS)
24-26 ta’ Ottubru 2018
|
59 467,74
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Il-Kummissjoni
ECFIN
|
It-tieni laqgħa tal-Pjattaforma 2010
|
Ruma (IT)
14-17 ta’ Mejju 2019
|
199 709,50
|
|
L-għan ewlieni tal-azzjoni: Iż-żieda tal-effikaċja fl-awtentikazzjoni tal-muniti tal-euro u l-klassifikazzjoni ta’ muniti tal-euro foloz.
|
|
Spanja
BIBE
|
Kors ta’ taħriġ dwar il-falsifikazzjoni tal-flus għall-esperti mill-pajjiżi tal-Amerka Latina
|
Panama (PA)
27-28 ta’ Novembru 2018
|
132 405,44
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Taħriġ tekniku
|
|
Il-Kummissjoni
ECFIN
|
Kors avvanzat dwar il-klassifikazzjoni tal-euro foloz (ACC)
|
Brussell (BE)
9-11 ta’ Lulju 2019
|
88 983,29
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Il-Kummissjoni
ECFIN
|
Taħriġ Tattiku Tekniku
|
Medellin (CO)
25-28 ta' Ġunju 2019
|
233 607,10
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Skambji ta' Persunal
|
|
L-Italja
UCIFM
|
Skambju ta’ persunal bejn l-awtoritajiet kompetenti tal-Italja, tal-Belġju, tal-Bulgarija, tal-Finlandja, tal-Litwanja u tal-Portugall
|
Ruma (IT), Brussell (BE), Sofija (BG)
Helsinki (FI), Vilnius (LT), Lisbona (PT)
Ottubru 2018-
Ġunju 2019
|
41 777,26
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Spanja
BDE
|
Skambju bejn il-persunal dwar proċeduri, għarfien u esperjenzi sabiex jittejbu l-metodi ta’ ħidma interni fl-NACs Taljani u Spanjoli
|
Ruma (IT)
5-10 ta’ Mejju 2019
Madrid (ES)
20-25 ta’ Ottubru 2019
|
22 204,53
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
L-Italja
GdF
|
Skambji tal-persunal u seminar għall-awtoritajiet tal-infurzar tal-liġi u ġudizzjarji mill-Italja, l-Awstrija, il-Belġju, Franza u l-Ġermanja, u seminar dwar il-ġlieda kontra l-falsifikazzjoni tal-euro
|
Ruma (IT), Vjenna (AT), Brussell (BE)
Pariġi (FR), Berlin (DE), Madrid (ES)
April - Lulju 2019
|
54 685,11
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
L-Italja
CCAFM
|
Taħriġ u skambju bejn il-persunal mill-awtoritajiet kompetenti Taljani dwar it-tekniki ta’ investigazzjoni kontra l-falsifikazzjoni tal-flus mal-awtoritajiet kompetenti mix-xlokk tal-Ewropa (ir-Russja, il-Belarussja, il-Georgia, il-Każakistan, l-Armenja u l-Ukrajna) u l-grigal tal-Afrika (l-Eġittu)
|
Ruma (IT)
17-23 ta’ Marzu 2019
Il-Belarussja, l-Ukrajna, il-Federazzjoni Russa, il-Każakistan, il-Georgia, l-Armenja
Marzu - Lulju 2019
|
70 822,48
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Xiri ta’ tagħmir
|
|
L-Italja
UCIFM
|
Xiri ta’ tagħmir biex jintuża minn awtoritajiet speċjalizzati kontra l-iffalisfikar biex iħarsu l-euro kontra l-falsifikazzjoni, kif ukoll taħriġ tal-pulizija u tal-bank nazzjonali tal-Montenegro
|
Podgorica (ME)
24-26 ta’ Settembru 2018
|
15 072,65
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Spanja
BIBE
|
Xiri ta’ tagħmir biex jintuża mill-ispeċjalisti kontra l-Falisifkazzjoni (tal-Uffiċċju Ċentrali Nazzjonali Arġentin li għadu kemm twaqqaf ) biex jipproteġi l-euro kontra l-iffalsifikar
|
Madrid (ES)
Frar 2019
Panama (PA)
April 2019
|
74 653,64
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
IL-KUMMISSJONI EWROPEA
Brussell, 2.7.2019
COM(2019) 287 final
ANNESS
tar-
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar l-implimentazzjoni u r-riżultati tal-programm Pericles 2020 għall-protezzjoni tal-euro kontra l-iffalsifikar fl-2018
Anness II: Azzjonijiet ta' Pericles 2020 impenjati f’baġits preċedenti iżda implimentati fl-2018
|
Organizzatur
|
Attività
|
Post u Data
|
Kontribuzzjoni tal-Kummissjoni
(ammont totali impenjat f’euro)
|
|
Seminars
|
|
Il-Kroazja
Il-Bank Nazzjonali
|
It-tielet konferenza min-netwerk tal-Balkani għall-protezzjoni tal-euro
|
Dubrovnik (HR)
21 -22 ta’ Marzu 2018
|
77 675,15
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Il-Kummissjoni
ECFIN
|
L-ewwel laqgħa tal-pjattaforma 1210
|
Brussell (BE)
16-17 ta’ Mejju 2018
|
134 700,00
|
|
L-għan ewlieni tal-azzjoni: iż-żieda fl-effikaċja fl-awtentikazzjoni tal-muniti tal-euro u l-klassifikazzjoni ta’ muniti tal-euro foloz.
|
|
L-Awstrija
BMI
|
ICIT - Investigazzjoni tad-Darknet— Protezzjoni tal-Euro (Titjib – Kooperazzjoni – Investigazzjoni – Taħriġ
|
Vjenna (AT)
1-5 ta’ Ottubru 2018
|
164 024,15
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Taħriġ tekniku
|
|
Il-Kummissjoni
ECFIN
|
Il-workshop tal-2018 “kif tapplika” ta’ Pericles 2020.
|
Brussell (BE)
11 ta' April 2018
|
134 700,002
|
|
L-għan ewlieni tal-azzjoni: appoġġ u gwida għal applikanti potenzjali għall-programm Pericles 2020
|
|
Skambji ta' Persunal
|
|
Spanja
BIBE
|
Skambju ta’ Persunal bejn l-esperti tal-Arġentina, iċ-Ċilì, l-Ekwador u Spanja
|
Madrid (ES) u Brussell (BE)
18-22 ta' Ġunju 2018
|
70 049,02
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Ir-Rumanija
GIRP
|
Skambju ta’ Persunal bejn l-Awtoritajiet Kompetenti tal-Pulizija involuti fil-ġlieda kontra l-iffalsifikar tal-flus fir-Rumanija, l-Ungerija, il-Moldova, il-Bulgarija, is-Serbja, l-Ukraina, l-Italja, il-Greċja u t-Turkija
|
Bucharest (RO), Budapest (HU), Chisinau (MD), Kiev (UA), Ateni (EL), Ruma, Napli (IT) u Ankara (TR).
Mejju-Novembru 2018
|
71 573,55
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Il-Portugall
Polícia Judiciária
|
Proċeduri tal-NACs u tas-CNACs kontra l-iffalsifikar tal-euro – skambju tal-persunal
|
Lisbona (PT)
4-9 ta’ Marzu 2019
Mainz (DE), Nikosija (CY), Ljubljana (SI), Madrid (ES), Ateni (EL), Brasilia (BR)
Mejju - Ġunju 2018
|
94 351,06
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
L-Italja
CCAFM
|
Skambju tal-Persunal dwar Tekniki Investigattivi kontra l-Iffalsifikar tal-Flus
|
Ruma (IT), Podgorica (ME), Bratislava (SK), Praga (CZ), Kiev (UA), Tirana (AL), Budapest (HU)
Marzu - Ġunju 2018
|
60 480,47
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Xiri ta’ tagħmir
|
|
Spanja
BIBE
|
Ix-xiri ta’ Tagħmir u t-taħriġ għal Speċjalisti ta’ kontra l-Iffalsifikar għall-Protezzjoni tal-Euro kontra l-Iffalsifikar
|
Buenos Aires (AR)
15-19 ta’ Mejju 2018
|
26 336,53
|
|
L-għan ewlieni tal-azzjoni: it-tisħiħ tal-kooperazzjoni u l-iskambju tal-għarfien espert.
|
|
Studju
|
|
Franza
Monnaie de Paris
|
Polimeri Fotokromatiċi Nanostrutturati għal Karatteristiċi ta’ Sigurtà ta’ Muniti Ġodda - Tieni Fażi tal-Istudju
|
Pariġi (FR)
Settembru 2016-Frar 2019
|
126 673,00
|
|
L-għan ewlieni tal-azzjoni: it-titjib tal-elementi ta’ sigurtà tal-muniti futuri tal-euro.
|