IL-KUMMISSJONI EWROPEA
Brussell, 25.4.2019
COM(2019) 214 final
RAPPORT TAL-KUMMISSJONI LILL-PARLAMENT EWROPEW U LILL-KUNSILL
dwar in-nefqa tal-FAEG
Sistema ta' Twissija Bikrija Nru 1-3/2019
Werrej
1.Il-proċedura tal-baġit tal-FAEG tal-2019
2.Id-dħul assenjat għall-FAEG
3.Kummenti dwar l-implimentazzjoni provviżorja tal-baġit tal-FAEG tal-2019
3.1.
Miżuri tas-suq
3.1.1.
Promozzjoni
3.1.2.
Il-frott u l-ħaxix
3.1.3.
Il-prodotti tas-settur tal-vitikultura
3.1.4.
Prodotti/miżuri oħra tal-pjanti
3.1.5.
Il-ħalib u l-prodotti tal-ħalib
3.2.
Il-pagamenti diretti
3.2.1.
Il-pagamenti diretti diżakkoppjati
3.2.2.
Pagamenti diretti oħrajn
4.Implimentazzjoni tad-dħul assenjat għall-FAEG
5.Konklużjonijiet
anness 1:
|
Konsum provviżorju tal-approprjazzjonijiet tal-FAEG sal-31/01/2019
|
1.Il-proċedura tal-baġit tal-FAEG tal-2019
Fit-12 ta’ Diċembru 2018, il-Parlament Ewropew adotta l-baġit ġenerali tal-Unjoni Ewropea tal-2019. Għall-Fond Agrikolu Ewropew ta’ Garanzija (FAEG), il-baġit kien jinkludi approprjazzjonijiet ta’ impenn u ta’ pagament ta’ EUR 43 192 miljun u EUR 43 116 miljun rispettivament għall-pagamenti diretti u għan-nefqa relatata mas-suq.
Ir-raġuni għall-ammonti differenti għaż-żewġ tipi ta’ approprjazzjonijiet hija l-użu ta’ approprjazzjonijiet differenzjati għal ċerti miżuri implimentati direttament mill-Kummissjoni. Dawn għandhom x’jaqsmu l-iktar ma’ miżuri ta’ promozzjoni għall-prodotti agrikoli u ma’ miżuri ta’ strateġija politika u ta’ koordinazzjoni.
2.Id-dħul assenjat għall-FAEG
Abbażi tad-dispożizzjonijiet tal-Artikolu 43 tar-Regolament (UE) Nru 1306/2013, id-dħul li joriġina mill-korrezzjonijiet finanzjarji skont id-deċiżjonijiet tal-kontabilità u tal-approvazzjoni tal-konformità u mill-irregolaritajiet jikkonsisti fi dħul għall-finanzjament tan-nefqa tal-FAEG.
Skont dawn id-dispożizzjonijiet, id-dħul assenjat jista’ jkopri l-ħtiġijiet ta’ finanzjament ta’ kull nefqa tal-FAEG. Kull parti tad-dħul li tibqa’ ma tintużax matul is-sena baġitarja tingħadda awtomatikament għas-sena baġitarja ta’ wara
.
Il-baġit tal-FAEG tal-2019 jinkludi:
·l-istimi l-aktar riċenti tal-Kummissjoni dwar il-finanzjament meħtieġ għall-miżuri tas-suq u għall-pagamenti diretti,
·l-istimi tad-dħul assenjat li għandu jinġabar matul is-sena baġitarja,
·u r-riport tal-bilanċ tad-dħul assenjat li jkun għad baqa’ disponibbli mis-sena baġitarja ta’ qabel.
Fil-proposta tagħha għall-approprjazzjonijiet tal-baġit tal-FAEG tal-2019, il-Kummissjoni qieset id-dħul assenjat totali mistenni u talbet li l-livell tal-approprjazzjonijiet għall-baġit tal-2019 jiġi kkalkulat billi d-dħul assenjat stmat jitnaqqas mill-istima tal-ħtiġijiet. L-Awtorità tal-Baġit adottat il-baġit tal-FAEG filwaqt li qieset id-dħul assenjat mistenni.
Meta ġie stabbilit il-baġit tal-2019, l-istimi tal-Kummissjoni għad-dħul assenjat disponibbli kienu jammontaw għal EUR 1 078 miljun, li kienu magħmulin minn dawn li ġejjin:
·dħul assenjat li kien mistenni jiġi ġġenerat matul is-sena baġitarja tal-2019, li ġie stmat li se jkun ta’ EUR 634 miljun (EUR 499 miljun mill-korrezzjonijiet tal-approvazzjoni tal-konformità u EUR 135 miljun mill-irregolaritajiet);
·dħul assenjat li għandu jiġi riportat mill-2018, li ġie stmat li se jkun ta’ EUR 444 miljun.
Il-Kummissjoni assenjat dan id-dħul stmat ta’ EUR 1 078 miljun għall-iskemi li ġejjin, kif ġej:
·EUR 140 miljun ġew assenjati għall-fondi operattivi għall-organizzazzjonijiet tal-produtturi fis-settur tal-frott u tal-ħaxix; u
·EUR 938 miljun ġew assenjati għall-iskema ta’ pagament bażiku.
Is-somma tal-approprjazzjonijiet ivvutati u tad-dħul assenjat għal dawn l-iskemi tikkorrispondi għal:
·EUR 849 miljun għall-fondi operattivi għall-organizzazzjonijiet tal-produtturi fis-settur tal-frott u tal-ħaxix, u
·EUR 17 149 miljun għall-iskema ta’ pagament bażiku.
Fl-Anness, li jagħti l-implimentazzjoni provviżorja tal-baġit tal-2019, iċ-ċifri tal-approprjazzjonijiet tal-baġit għas-settur tal-frott u tal-ħaxix u għall-pagamenti diretti diżakkoppjati fil-livell tal-artikolu ma jqisux id-dħul assenjat imsemmi hawn fuq. Dawn iċ-ċifri jippreżentaw l-approprjazzjonijiet ivvutati għal dawn l-artikoli, li jammontaw għal EUR 715 miljun u għal EUR 34 388 miljun rispettivament.
Wara li jiġi inkluż id-dħul assenjat għal dawn l-artikoli, l-ammonti totali previsti fil-baġit tal-2019 huma ta’ EUR 855 miljun għas-settur tal-frott u tal-ħaxix u ta’ EUR 35 326 miljun għall-pagamenti diretti diżakkoppjati.
3.Kummenti dwar l-implimentazzjoni provviżorja tal-baġit tal-FAEG tal-2019
L-Anness għal dan ir-rapport jippreżenta l-implimentazzjoni proviżorja tal-baġit għall-perjodu bejn is-16 ta’ Ottubru 2018 u l-31 ta’ Jannar 2019. Isir tqabbil tal-livell ta’ implimentazzjoni mal-profil tan-nefqa tas-Sistema ta’ Twissija Bikrija (l-STB) li ġiet stabbilita b’konformità mal-Artikolu 28 tar-Regolament (UE) Nru 1306/2013.
3.1.Miżuri tas-suq
L-użu tal-approprjazzjonijiet għall-interventi fis-swieq agrikoli kien ta’ EUR 152 miljun inqas minn dak mistenni. Dan huwa prinċipalment spjegat permezz ta’ użu aktar baxx tal-approprjazzjonijiet fl-artikolu baġitarju għall-promozzjoni ta’ prodotti agrikoli (ara l-punt 3.1.1).
3.1.1.Promozzjoni
Il-profil tan-nefqa ppreveda impenn finanzjarju tal-approprjazzjonijiet tal-baġit għall-hekk imsejħa programmi “multi” li għandhom isiru f’Jannar. Madankollu, parti biss mill-ammont totali sar impenn dwarha sal-aħħar ta’ Jannar, u dan jispjega d-differenza ta’ EUR 112 miljun meta mqabbla mal-profil.
3.1.2.Il-frott u l-ħaxix
L-eżekuzzjoni f’dan is-settur tinsab fit-triq it-tajba, filwaqt li n-nefqa ddikjarata hija ta’ EUR 8 miljun qabel il-profil.
3.1.3.Il-prodotti tas-settur tal-vitikultura
Għal dan l-artikolu tal-baġit, in-nefqa ddikjarata s’issa hija ta’ 2 % -punti jew EUR -23 miljun inqas mill-profil tan-nefqa.
Id-diverġenza żgħira hija kkunsidrata temporanja u l-ammont ibbaġitjat mistenni li jiġi implimentat lejn tmiem is-sena.
3.1.4.Prodotti/miżuri oħra tal-pjanti
L-ispejjeż iddikjarati huma 6 % -punti jew EUR -14 miljun lura mill-profil. Il-pagamenti għall-POSEI (programmi speċifiċi għar-reġjuni ultraperiferiċi) huma aktar baxxi milli mistenni.
Hawnhekk ukoll, id-diverġenza hija kkunsidrata temporanja u l-ammont ibbaġitjat mistenni li jiġi implimentat lejn tmiem is-sena.
3.1.5.Il-ħalib u l-prodotti tal-ħalib
Id-devjazzjoni mill-profil tan-nefqa hija spjegata mid-dikjarazzjoni mill-Istati Membri tal-qligħ (bi tqabbil mal-valur tal-kontabilità) fuq il-bejgħ tat-trab tal-ħalib xkumat.
3.2.Il-pagamenti diretti
L-użu tal-approprjazzjonijiet għall-pagamenti diretti qabeż il-profil tal-konsum b’EUR 1 347 miljun, jew +3.4 % punti.
3.2.1.Il-pagamenti diretti diżakkoppjati
In-nefqa ddikjarata hija ta’ EUR 1 359 miljun jew 4 % punti qabel il-profil. Il-pagament għall-bdiewa f’żoni b’restrizzjonijiet naturali huwa konformi mal-profil, filwaqt li n-nefqa għall-ħames skemi l-oħra huwa qabel il-profil tal-infiq. L-iskema ta’ Pagament Bażiku u l-Pagament għal prattiki agrikoli ta’ benefiċċju għall-klima u l-ambjent jirrappreżentaw il-parti l-kbira tal-fażi tal-bidu, b’+ EUR 977 miljun u + EUR 278 miljun rispettivament.
3.2.2.Pagamenti diretti oħrajn
In-nefqa ddikjarata taħt dan l-artikolu tal-baġit hija konformi mal-profil.
4.Implimentazzjoni tad-dħul assenjat għall-FAEG
It-tabella fl-anness turi li sal-aħħar ta’ Jannar 2019 kien inġabar dħul assenjat li jammonta għal EUR 195 miljun. B'mod speċifiku:
·id-dħul mill-korrezzjonijiet ibbażat fuq deċiżjonijiet dwar il-kontabbiltà u l-approvazzjoni tal-konformità ammonta għal EUR 146 miljun, b’ammonti addizzjonali li mistennija sa tmiem is-sena baġitarja;
·id-dħul mill-irregolaritajiet ammonta għal EUR 48 miljun, b’xi ammonti addizzjonali wkoll mistennija sa tmiem is-sena baġitarja, u
·xi dħul li kien għad fadal jinġabar mill-imposta fuq il-ħalib li kien jammonta għal EUR 0,8 miljun.
Fl-aħħar nett, l-ammont ta’ dħul assenjat eventwalment riportat mill-2018 għall-2019 jammonta għal EUR 449 miljun, li huwa EUR 4.8 miljun inqas milli kien antiċipat meta ġie adottat il-baġit tal-2019.
Għalhekk, l-ammont totali tad-dħul assenjat disponibbli fil-31 ta’ Jannar 2019 għall-finanzjament tan-nefqa tal-FAEG kien ta’ EUR 644 miljun, b’ammonti addizzjonali mistennija jinġabru matul is-sena baġitarja.
5.Konklużjonijiet
L-implimentazzjoni proviżorja tal-approprjazzjonijiet baġitarji tal-FAEG tal-2019 għall-perjodu sal-31 ta’ Jannar 2019, turi li r-rimborżi ta’ kull xahar lill-Istati Membri huma EUR 1 183 miljun ogħla mill-profil tal-konsum ikkalkulat.
Ammont ta’ EUR 644 miljun ta’ dħul assenjat huwa diġà disponibbli, u huwa mistenni l-ġbir ta’ ammonti addizzjonali matul is-sena baġitarja.
Bħalissa, il-Kummissjoni tistenna li l-approprjazzjonijiet ivvutati flimkien mal-ammont tad-dħul assenjat li se jkun disponibbli sa tmiem is-sena baġitarja se jkunu biżżejjed biex ikopru n-nefqa kollha.
IL-KUMMISSJONI EWROPEA
Brussell, 25.4.2019
COM(2019) 214 final
ANNESS
tar-
RAPPORT MILL-KUMMISSJONI LILL-PARLAMENT EWROPEW U LILL-KUNSILL
dwar in-nefqa tal-FAEG
Sistema ta' Twissija Bikrija Nru 1-3/2019