26.11.2018 |
MT |
Il-Ġurnal Uffiċjali tal-Unjoni Ewropea |
C 425/2 |
Komunikazzjoni tal-Kummissjoni — Approvazzjoni tal-kontenut ta' abbozz tar-Regolament tal-Kummissjoni li jemenda ir-Regolament (UE) Nru 1408/2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tal-agrikoltura
(2018/C 425/02)
Fit-23 ta’ Novembru 2018, il-Kummissjoni approvat il-kontenut ta’ abbozz ta’ Regolament tal-Kummissjoni li jemenda r-Regolament (UE) Nru 1408/2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tal-agrikoltura.
L-abbozz ta’ Regolament tal-Kummissjoni huwa mehmuż bħala Anness ta’ din il-Komunikazzjoni.
L-abbozz ta’ Regolament jipproponi li jemenda r-Regolament (UE) Nru 1408/2013 bil-għan li jiġu definiti limiti massimi għal kull benefiċjarju tal-għajnuna kif ukoll għal kull Stat Membru sa fejn l-għoti ta’ għajnuna fis-settur agrikolu ma jikkostitwixxix għajnuna mill-Istat skont it-tifsira tal-Artikolu 107(1) tat-Trattat dwar il-Funzjonament tal-Unjoni Ewropea għaliex ma jipperikolax li jfixkel il-kompetizzjoni.
Wara analiżi bir-reqqa, il-Kummissjoni kkonkludiet li ma hemm l-ebda riskju ta’ distorsjoni tal-kompetizzjoni jekk il-limitu massimu ta’ għajnuna li jista’ jingħata għal kull benefiċjarju tal-għajnuna matul kull perjodu ta’ tliet snin fiskali għandu jiżdied minn EUR 15 000 għal EUR 25 000, u l-limitu massimu nazzjonali applikabbli matul l-istess perjodu minn 1 % attwali sa 1,5 % tal-produzzjoni agrikola ta’ kull Stat Membru sakemm mhux iktar minn 50 % mil-limitu massimu tal-Istat Membru individwali jiġi mogħti lil settur agrikolu individwali wieħed (“limitu tal-infiq skont is-settur”) u sakemm l-Istat Membru jorganizza reġistru għall-għajnuna de minimis li fih it-tagħrif meħtieġ biex jiġi ssorveljat ir-rispett ta’ dawn il-limiti f’kull mument ta’ żmien.
Madankollu, l-abbozz jipprevedi wkoll il-possibbiltà li la jiġi introdott limitu tal-infiq skont is-settur u lanqas reġistru għall-għajnuna de minimis. Sabiex jiġi żgurat li f’dan il-każ ma hemm l-ebda riskju ta’ distorsjoni tal-kompetizzjoni, il-limiti massimi huma ffissati għal EUR 20 000 għal kull benefiċjarju matul kwalunkwe perjodu ta’ tliet snin fiskali u għal 1,25 % għall-istess perjodu ta’ produzzjoni agrikola nazzjonali.
ANNESS
ABBOZZ TA’ REGOLAMENT TAL-KUMMISSJONI (UE) …/…
ta’ …
li jemenda r-Regolament tal-Kummissjoni (UE) Nru 1408/2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tal-agrikoltura
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-Artikolu 108(4) tiegħu,
Wara li kkunsidrat ir-Regolament tal-Kunsill (UE) 2015/1588 tat-13 ta’ Lulju 2015 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għal ċerti kategoriji ta’ għajnuna orizzontali mill-Istat (1),
Wara li ppubblikat abbozz ta’ dan ir-Regolament (2),
Wara li kkonsultat lill-Kumitat Konsultattiv dwar l-Għajnuna mill-Istat,
Billi:
(1) |
Il-finanzjament tal-Istat li jissodisfa l-kriterji fl-Artikolu 107(1) tat-Trattat dwar il-Funzjonament tal-Unjoni Ewropea (“it-Trattat”) jikkostitwixxi għajnuna mill-Istat, u jeħtieġ li l-Kummissjoni tiġi nnotifikata bih skont l-Artikolu 108(3) tat-Trattat. Madankollu, skont l-Artikolu 109 tiegħu, il-Kunsill jista’ jiddetermina kategoriji ta’ għajnuna eżentati minn dan ir-rekwiżit ta’ notifika. Skont l-Artikolu 108(4) tat-Trattat il-Kummissjoni tista’ tadotta regolamenti marbuta ma’ dawk il-kategoriji ta’ għajnuna mill-Istat. Skont ir-Regolament (UE) 2015/1588 u skont l-Artikolu 109 tat-Trattat, il-Kunsill iddeċieda li għajnuna de minimis tista’ tkun f’kategorija bħal din. Fuq dik il-bażi, għajnuna de minimis, li hija għajnuna mogħtija lil impriża waħda matul perjodu ta’ żmien partikolari li ma taqbiżx ċertu ammont fiss, hija meqjusa li ma tissodisfax il-kriterji kollha stipulati fl-Artikolu 107(1) tat-Trattat u għalhekk mhix soġġetta għall-proċedura ta’ notifika. Madankollu, jenħtieġ li l-Istati Membri jiġu mfakkra li anki jekk l-għajnuna de minimis ma titqiesx bħala għajnuna mill-Istat, jenħtieġ li din l-għajnuna ma’ tinvolvix ksur tad-dritt tal-UE. |
(2) |
Il-Kummissjoni diġà adottat għadd ta’ regolamenti li jistabbilixxu regoli dwar l-għajnuna de minimis mogħtija fis-settur tal-agrikoltura, li minnhom l-aħħar wieħed kien ir-Regolament tal-Kummissjoni (UE) Nru 1408/2013 (3). |
(3) |
Fid-dawl tal-esperjenza miksuba bl-applikazzjoni tar-Regolament (UE) Nru 1408/2013, u meta titqies il-varjetà tal-użi tal-għajnuna de minimis fl-Istati Membri, huwa xieraq li jiġu riveduti xi wħud mill-kundizzjonijiet stabbiliti f’dak ir-Regolament. L-ammont massimu ta’ għajnuna li tingħata lil impriża waħda fuq perjodu ta’ tliet snin jenħtieġ li jiżdied għal EUR 20 000 u l-limitu nazzjonali jenħtieġ li jiżdied għal 1,25 % tal-produzzjoni annwali. |
(4) |
Meta wieħed iqis il-bżonn ikbar li f’xi Stati Membri tintuża l-għajnuna de minimis, huwa xieraq li jkun hemm lok kemm għal żieda aktar tal-ammont massimu tal-għajnuna għal kull impriża sa EUR 25 000, kif ukoll tal-limitu nazzjonali sa 1,5 % tal-produzzjoni annwali, skont il-kundizzjonijiet addizzjonali neċessarji biex jitħares il-funzjonament tajjeb tas-suq intern. L-esperjenza miksuba matul l-ewwel snin tal-applikazzjoni tar-Regolament (UE) Nru 1408/2013 uriet li l-konċentrazzjoni ta’ għajnuna de minimis f’ċertu settur ta’ prodotti tista’ twassal għal distorsjoni potenzjali tal-kompetizzjoni u l-kummerċ. Għalhekk, jenħtieġ li l-prerekwiżit biex jintużaw l-ogħla limitu individwali u l-limitu nazzjonali jkun l-applikazzjoni ta’ limitu settorjali li jimpedixxi lill-Istati Membri milli jagħtu iktar minn 50 % tal-ammont totali kumulattiv ta’ għajnuna de minimis fuq kwalunke perjodu ta’ tliet snin fiskali għal miżuri li jibbenefikaw settur ta’ prodott speċifiku wieħed biss. Il-limitu settorjali jenħtieġ li jiżgura li kwalunkwe miżura li taqa’ taħt ir-Regolament (UE) Nru 1408/2013 tkun tista’ titqies li ma jkollha l-ebda effett fuq il-kummerċ bejn l-Istati Membri u li ma tfixkilx jew ma tkunx ta’ theddida li tfixkel il-kompetizzjoni. |
(5) |
Bħalissa, hija għażla tal-Istati Membri jużawx reġistru nazzjonali ċentrali biex jivverifikaw li la l-limitu individwali de minimis, u lanqas il-limitu nazzjonali ma jinqabeż. Madankollu, l-użu ta’ reġistru ċentrali jkun neċessarju f’dawk l-Istati Membri li jagħżlu l-ogħla limitu individwali u dak nazzjonali, ladarba l-limitu settorjali li huwa prerekwiżit għal dik l-għażla jitlob sorveljanza iktar mill-qrib tal-għajnuna li tingħata. Għalhekk, jenħtieġ li għal dawn l-Istati Membri jkun obbligatorju li jitwaqqaf u jiġi miżmum reġistru ċentrali, sabiex ikun hemm rekord tal-għajnuna de minimis kollha li tingħata, u b’dak il-mod ikun jista’ jiġi vverifikat li la l-limitu individwali u lanqas il-limitu settorjali jew nazzjonali, ma jinqabżu. |
(6) |
Jenħtieġ li l-kriterji għall-kalkolu tal-ekwivalenti tal-għotja gross għal self u garanziji jiġu aġġustati skont il-limiti de minimis miżjuda. |
(7) |
Jeħtieġ li l-Istati Membri li jagħżlu li jużaw il-limitu de minimis ogħla u l-limitu nazzjonali jkollhom biżżejjed żmien ta’ tranżizzjoni biex iwaqqfu r-reġistri ċentrali għas-sorveljanza tal-għajnuna de minimis. |
(8) |
Ir-Regolament (UE) Nru 1408/2013 jiskadi fil-31 ta’ Diċembru 2020. Għalhekk, dan il-perjodu ta’ żmien bejn id-dħul fis-seħħ ta’ dan ir-Regolament u t-tmiem tal-perjodu ta’ applikazzjoni tar-Regolament (UE) Nru 1408/2013 ikun qasir wisq. Għalhekk, jenħtieġ li għal raġunijiet ta’ ċertezza ekonomika u ġuridika, il-perjodu ta’ applikazzjoni tar-Regolament (UE) Nru 1408/2013 jiġi estiż sal-31 ta’ Diċembru 2027. |
(9) |
Għalhekk, jenħtieġ li r-Regolament (UE) Nru 1408/2013 jiġi emendat skont dan, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 1408/2013 huwa emendat kif ġej:
(1) |
fl-Artikolu 2, jiżdiedu l-paragrafi li ġejjin: “3. Għall-finijiet ta’ dan ir-Regolament, ‘settur ta’ prodott’ tfisser settur elenkat fl-Artikolu 1(2) tar-Regolament (UE) Nru 1308/2013 tal-Parlament Ewropew u tal-Kunsill (*1). 4. Għall-finijiet ta’ dan ir-Regolament, ‘limitu settorjali’ tfisser ammont massimu ta’ għajnuna kumulattiva li tapplika għal miżuri ta’ għajnuna li huma ta’ benefiċċju għal settur ta’ prodott uniku wieħed biss, li jikkorrispondi għal 50 % tal-ammont massimu ta’ għajnuna de minimis mogħtija għal kull Stat Membru kif stabbilit fl-Anness II.”; (*1) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671)." |
(2) |
L-Artikolu 3 huwa sostitwit b’dan li ġej: “Artikolu 3 Għajnuna de minimis 1. Il-miżuri ta’ għajnuna għandhom jitqiesu li ma jissodisfawx il-kriterji tal-Artikolu 107(1) tat-Trattat u għalhekk ikunu eżentati mill-ħtieġa tan-notifika fl-Artikolu 108(3) tat-Trattat, jekk jissodisfaw il-kundizzjonijiet stipulati f’dan ir-Regolament. 2. L-ammont totali ta’ għajnuna de minimis mogħtija għal kull Stat Membru lil impriża waħda ma għandux jaqbeż EUR 20 000 fuq kwalunkwe perjodu ta’ tliet snin fiskali. 3. L-ammont kumulattiv ta’ għajnuna de minimis mogħtija għal kull Stat Membru lill-impriżi attivi fil-produzzjoni primarja ta’ prodotti agrikoli fuq kwalunkwe perjodu ta’ tliet snin fiskali ma għandux ikun iktar mil-limitu nazzjonali stipulat fl-Anness I. 3a. Permezz ta’ deroga mill-paragrafi 2 u 3, Stat Membru jista’ jiddeċiedi li l-ammont totali ta’ għajnuna de minimis mogħtija lil impriża waħda ma għandux jaqbeż EUR 25 000 fuq kwalunkwe perjodu ta’ tliet snin fiskali u li l-ammont kumulattiv totali ta’ għajnuna de minimis mogħti fuq kwalunkwe perjodu ta’ tliet snin fiskali ma għandux jaqbeż il-limitu nazzjonali stabbilit fl-Anness II, skont dawn il-kundizzjonijiet:
4. L-għajnuna de minimis għandha titqies mogħtija fil-mument li d-dritt ġuridiku li tiġi riċevuta l-għajnuna jiġi kkonferit lill-impriża skont ir-reġim legali nazzjonali applikabbli, irrispettivament mid-data tal-ħlas tal-għajnuna de minimis lill-impriża. 5. Il-limiti de minimis u l-limiti nazzjonali u settorjali msemmija fil-paragrafi 2, 3 u 3a għandhom japplikaw irrispettivament mill-għamla ta’ għajnuna de minimis jew mill-objettiv segwit u irrispettivament minn jekk l-għajnuna mogħtija mill-Istat Membru hijiex iffinanzjata kompletament jew parzjalment minn riżorsi li joriġinaw fl-Unjoni. Il-perjodu ta’ tliet snin fiskali għandu jiġi ddeterminat minn referenza għas-snin fiskali użati mill-impriża fl-Istat Membru kkonċernat. 6. Għall-finijiet tal-limiti de minimis u l-limiti nazzjonali u settorjali msemmija fil-paragrafi 2, 3 u 3a, l-għajnuna għandha tiġi espressa bħala għotja monetarja. Iċ-ċifri kollha użati huma f’ammonti grossi, jiġifieri qabel it-tnaqqis tat-taxxi jew imposti oħra. Meta l-għajnuna tingħata f’xi forma oħra apparti għotja, l-ammont tal-għajnuna għandu jkun l-ekwivalenti tal-għotja gross tal-għajnuna. L-għajnuna pagabbli f’diversi pagamenti għandha titraħħas skont il-valur tagħha fil-mument li tingħata. Ir-rata tal-imgħax li trid tintuża għal skopijiet ta’ traħħis għandha tkun ir-rata ta’ skont applikabbli fil-mument li tingħata l-għajnuna. 7. Meta l-limiti de minimis, il-limiti nazzjonali jew dak settorjali stabbiliti fil-paragrafi 2, 3 u 3a jinqabżu bl-għotja ta’ għajnuna de minimis ġdida, dik l-għotja l-ġdida ma tkunx tista’ tibbenefika minn dan ir-Regolament. 8. Fil-każ ta’ fużjonijiet jew akkwiżizzjonijiet, l-għajnuna de minimis kollha li ngħatat qabel lill-impriżi għaddejjin mill-fużjoni għandha titqies meta jiġi ddeterminat jekk kwalunkwe għajnuna de minimis ġdida lill-impriża l-ġdida jew li takkwista taqbiżx il-limiti de minimis relevanti, il-limitu nazzjonali relevanti jew il-limitu settorjali. L-għajnuna de minimis li ngħatat legalment qabel il-fużjoni jew l-akkwiżizzjoni għandha tibqa’ legali. 9. Jekk impriża tinqasam fi tnejn jew f’iktar impriżi separati, l-għajnuna de minimis li tingħata qabel isir il-qsim għandha tiġi allokata lill-impriża li bbenefikat minnha, li hija fil-prinċipju l-impriża li qed tieħu ħsieb l-attivitajiet li għaliha ntużat l-għajnuna de minimis. Jekk din l-allokazzjoni ma tkunx possibbli, l-għajnuna de minimis għandha tiġi allokata b’mod proporzjonali abbażi tal-valur kontabilistiku tal-kapital ta’ ekwità tal-impriżi l-ġodda fid-data effettiva tas-separazzjoni.”; |
(3) |
L-Artikolu 4 huwa emendat kif ġej:
|
(4) |
L-Artikolu 6 huwa emendat kif ġej:
|
(5) |
L-Artikolu 7 huwa emendat kif ġej:
|
(6) |
Fl-Artikolu 8, it-tieni paragrafu jinbidel b’dan li ġej: “Dan għandu japplika sal-31 ta’ Diċembru 2027.”; |
(7) |
L-Anness huwa sostitwit bit-test ippreżentat fl-Anness ta’ dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, …
Għall-Kummissjoni
Il-President
Jean-Claude JUNCKER
Anness I
Ammonti massimi totali kumulattivi tal-għajnuna de minimis mogħtija lill-impriżi fis-settur tal-produzzjoni primarja ta’ prodotti agrikoli għal kull Stat Membru, skont l-Artikolu 3(3)
(EUR) |
|
Stat Membru |
Ammonti massimi ta’ għajnuna de minimis |
Il-Belġju |
100 251 042 |
Il-Bulgarija |
48 940 583 |
Ir-Repubblika Ċeka |
60 282 125 |
Id-Danimarka |
129 767 292 |
Il-Ġermanja |
687 676 542 |
L-Estonja |
10 630 167 |
L-Irlanda |
92 612 083 |
Il-Greċja |
129 441 708 |
Spanja |
565 246 333 |
Franza |
906 389 083 |
Il-Kroazja |
25 705 125 |
L-Italja |
679 716 500 |
Ċipru |
8 469 042 |
Il-Latvja |
16 122 833 |
Il-Litwanja |
32 505 583 |
Il-Lussemburgu |
5 328 250 |
L-Ungerija |
97 979 375 |
Malta |
1 581 667 |
In-Netherlands |
337 799 500 |
L-Awstrija |
85 697 833 |
Il-Polonja |
276 092 750 |
Il-Portugall |
84 801 750 |
Ir-Rumanija |
198 666 208 |
Is-Slovenja |
15 523 667 |
Is-Slovakkja |
28 760 708 |
Il-Finlandja |
50 912 375 |
L-Iżvezja |
75 125 875 |
Ir-Renju Unit |
385 044 042 |
Anness II
Ammonti massimi totali kumulattivi tal-għajnuna de minimis mogħtija lill-impriżi fis-settur tal-produzzjoni primarja ta’ prodotti agrikoli għal kull Stat Membru, skont l-Artikolu 3(3a)
(EUR) |
|
Stat Membru |
Ammonti massimi ta’ għajnuna de minimis |
Il-Belġju |
120 301 250 |
Il-Bulgarija |
58 728 700 |
Ir-Repubblika Ċeka |
120 301 250 |
Id-Danimarka |
58 728 700 |
Il-Ġermanja |
825 211 850 |
L-Estonja |
12 756 200 |
L-Irlanda |
111 134 500 |
Il-Greċja |
155 330 050 |
Spanja |
678 295 600 |
Franza |
1 087 666 900 |
Il-Kroazja |
30 846 150 |
L-Italja |
815 659 800 |
Ċipru |
10 162 850 |
Il-Latvja |
19 347 400 |
Il-Litwanja |
39 006 700 |
Il-Lussemburgu |
6 393 900 |
L-Ungerija |
117 575 250 |
Malta |
1 898 000 |
In-Netherlands |
405 359 400 |
L-Awstrija |
102 837 400 |
Il-Polonja |
331 311 300 |
Il-Portugall |
101 762 100 |
Ir-Rumanija |
238 399 450 |
Is-Slovenja |
18 628 400 |
Is-Slovakkja |
34 512 850 |
Il-Finlandja |
61 094 850 |
L-Iżvezja |
90 151 050 |
Ir-Renju Unit |
462 052 850 |
(1) ĠU L 248, 24.9.2015, p. 1.
(2) ĠU […], […], p. […].
(3) Ir-Regolament tal-Kummissjoni (UE) Nru 1408/2013 tat-18 ta’ Diċembru 2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tal-agrikoltura (ĠU L 352, 24.12.2013, p. 9).