|
10.10.2018 |
MT |
Il-Ġurnal Uffiċjali tal-Unjoni Ewropea |
C 366/12 |
Aġġornament tal-ammonti ta’ referenza għal-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (Kodiċi tal-Fruntieri ta' Schengen) (1)
(2018/C 366/06)
Il-pubblikazzjoni ta’ ammonti ta’ referenza għall-qsim tal-fruntieri esterni, kif imsemmi fil-Artikolu 6(4) tar- Regolament (UE) 2016/399 tal-Parlament Ewropew u tal-Kunsill tad-9 ta' Marzu 2016 li jistabbilixxi Kodiċi tal-Unjoni dwar ir-regoli li jirregolaw il-moviment ta' persuni min-naħa għall-oħra tal-fruntiera (Il-Kodiċi tal-Fruntieri ta' Schengen) hija bbażata fuq l-informazzjoni mogħtija mill-Istati Membri lill-Kummissjoni skont l-Artikolu 39 tal-Kodiċi tal-Fruntieri ta' Schengen (kodifikazzjoni).
Minbarra l-pubblikazzjoni fil-ĠU, huwa disponibbli aġġornament ta' kull xahar fuq is-sit web tad-Direttorat Ġenerali għall-Affarijiet Interni.
IL–LUSSEMBURGU
Emenda fl-informazzjoni ppubblikata fil-ĠU C 247, 13.10.2006
Ċittadin ta’ pajjiż terz li jixtieq jivvjaġġa lejn il-Lussemburgu jrid jipprovdi prova li għandu mezzi ta’ għajxien suffiċjenti għall-ħtiġijiet tiegħu. L-ammont ta’ referenza meħtieġ għal min jivvjaġġa lejn il-Lussemburgu jikkorrispondi għall-ammont tas-salarju minimu ta’ ħaddiem mhux kwalifikat ikkalkulat bħala proporzjon tan-numru ta’ jiem ta’ soġġorn previsti.
Fl-1 ta’ Jannar 2018, l-ammont tas-salarju soċjali minimu għal kull jum huwa ta’ madwar EUR 67.
Biex jipprova li għandu riżorsi personali suffiċjenti, kemm għal waqt is-soġġorn previst kif ukoll għar-ritorn lejn il-pajjiż ta’ oriġini jew għat-tranżitu lejn pajjiż ieħor, iċ-ċittadin ta’ pajjiż terz għandu jkollu bejn wieħed u ieħor EUR 67 għal kull ġurnata tas-soġġorn ippjanat. Il-prova tar-riżorsi meħtieġa tista’ tkun fil-forma ta’ flus kontanti, ta’ ċekkijiet tal-vjaġġaturi, ta’ karti ta’ kreditu jew ta’ dokument li jixhed il-possibilità li jinkisbu legalment il-mezzi meħtieġa.
Dikjarazzjoni ta’ garanzija tista’ tikkostitwixxi wkoll prova ta’ mezzi suffiċjenti ta’ sussistenza, sakemm tkun ġiet rikonoxxuta mis-servizz kompetenti, jiġifieri mill-Uffiċċju tal-passaporti, tal-viżi u tal-legalizzazzjoni fil-Lussemburgu. Id-dikjarazzjoni ta’ garanzija hija maħsuba biex tkopri l-ispejjeż tas-soġġorn, inklużi l-ispejjeż tal-kura tas-saħħa u tar-ritorn taċ-ċittadin ta’ pajjiż terz, għal perjodu stabbilit fid-dikjarazzjoni.
Barra minn hekk, il-persuna kkonċernata trid turi biljett tat-trasport li jippermettilha tmur lura lejn il-pajjiż ta’ oriġini tagħha jew li tmur f’pajjiż li fih ikun żgur li se tiġi ammessa.
Lista ta' pubblikazzjonijiet preċedenti
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
(1) Ara l-lista ta’ pubblikazzjonijiet preċedenti fl-aħħar parti ta' dan l-aġġornament.