IL-KUMMISSJONI EWROPEA

Brussell, 12.12.2018

COM(2018) 812 final

2018/0412(CNS)

Proposta għal

DIRETTIVA TAL-KUNSILL

li temenda d-Direttiva 2006/112/KE rigward l-introduzzjoni ta’ ċerti rekwiżiti għall-fornituri tas-servizzi ta’ pagament

{COM(2018) 813 final} - {SEC(2018) 495 final} - {SWD(2018) 487 final} - {SWD(2018) 488 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

It-telf totali tal-VAT fl-Istati Membri dwar il-provvisti transfruntiera tal-merkanzija huwa stmat għal EUR 5 biljun fis-sena 8 . Il-frodi tal-VAT kienet irrappurtata wkoll fil-provvisti transfruntiera tas-servizzi, jiġifieri fit-televiżjoni online u l-logħob diġitali 9 . Din il-frodi kienet dokumentata mill-Europol u mill-Uffiċċju tal-Proprjetà Intellettwali tal-Unjoni Ewropea fl-aħħar rapport tal-Europol dwar id-distribuzzjoni illegali tax-xandir televiżiv (u l-bejgħ tal-aċċess għalihom) 10 . Din il-frodi kienet dokumentata wkoll mill-organizzazzjoni tal-industrija televiżiva Nordika Content Protection (NCP) 11 . Biss biss id-distributuri tat-televiżjoni online fid-Danimarka, il-Finlandja u l-Iżvezja (dawn il-pajjiżi flimkien għandhom inqas minn 10 % tas-suq tat-televiżjoni online totali tal-UE f’termini ta’ dħul) 12 jistmaw li t-telf annwali tal-bejgħ tagħhom mid-distribuzzjoni illegali jammonta għal EUR 436 miljun. Dan jammonta għal madwar EUR 103 miljun f’telf potenzjali tal-VAT 13 . Dawn iċ-ċifri (li se jkomplu jikbru b’mod parallel mat-tkabbir tal-kummerċ elettroniku) juru l-ħtieġa urġenti li tittieħed azzjoni għall-ġlieda kontra l-frodi tal-VAT fil-kummerċ elettroniku. Madankollu, il-biċċa l-kbira tal-awtoritajiet tat-taxxa ma għandhomx l-għodod u s-sorsi ta’ informazzjoni biex jikkwantifikaw il-livell tal-frodi tal-VAT fil-kummerċ elettroniku 14 . Fil-frodi tal-VAT fil-kummerċ elettroniku, l-internet jippermetti li n-negozji frawdolenti jaħbu l-identità tagħhom wara isem ta’ dominju. Anke meta awtorità tat-taxxa tkun konxja bl-eżistenza ta’ ħanut online partikolari, ħafna drabi l-identità tan-negozju warajh, il-pożizzjoni fejn jinsab realment jew il-fatturat tiegħu f’dak l-Istat Membru, jibqgħu mhux magħrufa. Dan joħloq problema għall-awtoritajiet tat-taxxa li jista’ jkun li jibdew investigazzjoni jew kooperazzjoni amministrattiva fil-livell tal-UE jew dak internazzjonali. L-Istati Membri tal-konsum, jiġifieri fejn trid titħallas il-VAT, x’aktarx ma jkollhom l-ebda rekord jew informazzjoni biex tinbeda spezzjoni. Dan jirriżulta minħabba l-fatt li l-konsumaturi finali mhuma obbligati jżommu l-ebda rekord tax-xiri online tagħhom. Anke kieku jżommu rekord tax-xiri online, ikun sproporzjonat li jsir rikors sistematiku għal dawn il-konsumaturi finali biex tiġi investigata l-frodi tal-VAT mill-bejjiegħ.

Barra minn hekk, meta ma jkunux magħrufa la l-frodaturi u lanqas il-pożizzjoni tagħhom, mhux faċli jiġi identifikat l-Istat Membru li jrid jindirizza talba għal kooperazzjoni amministrattiva.

Din il-proposta tipprova ssolvi l-problema tal-frodi tal-VAT fil-kummerċ elettroniku billi ssaħħaħ il-kooperazzjoni bejn l-awtoritajiet tat-taxxa u l-fornituri tas-servizzi ta’ pagament. F’dawn l-aħħar snin, aktar minn 90 % tax-xiri online mill-klijenti Ewropej sar bi trasferimenti ta’ kreditu, b’pagamenti ta’ debitu dirett u b’pagamenti bil-kard, jiġifieri permezz ta’ intermedjarju involut fit-tranżazzjoni 15 (fornitur ta’ servizzi ta’ pagament), u din ix-xejra se tissokta anke fil-futur 16 . Għalhekk, il-partijiet terzi li jkollhom informazzjoni dwar il-pagamenti jistgħu jagħtu stampa sħiħa tax-xiri online lill-awtoritajiet tat-taxxa biex jgħinuhom iwettqu l-kompitu tagħhom kif xieraq ta’ monitoraġġ tal-konformità mal-obbligi tal-VAT dwar il-provvisti ta’ kummerċ elettroniku ta’ merkanzija u servizzi. L-esperjenza tal-Istati Membri li diġà jikkooperaw ma’ fornituri tas-servizzi ta’ pagament fil-livell nazzjonali wriet li l-kooperazzjoni mal-fornituri tas-servizzi ta’ pagament tipproduċi riżultati tanġibbli fil-ġlieda kontra l-frodi tal-VAT fil-kummerċ elettroniku 17 . Xi pajjiżi mhux tal-UE jużaw ukoll l-informazzjoni dwar il-pagamenti bħala għodda għall-identifikazzjoni ta’ operaturi tas-suq mhux konformi flimkien ma’ sistemi ta’ ġbir simplifikati għall-provvisti transfruntiera ta’ merkanzija B2C, simili għas-sistema tal-UE 18 .

•Konsistenza mad-dispożizzjonijiet eżistenti fil-qasam ta’ politika

Din il-proposta tikkumplimenta l-qafas regolatorju attwali tal-VAT kif ġie modifikat dan l-aħħar bid-Direttiva tal-VAT għall-kummerċ elettroniku fil-kuntest tal-Istrateġija għal Suq Uniku Diġitali tal-Kummissjoni. Barra minn hekk, din l-inizjattiva ssaħħaħ il-qafas ta’ kooperazzjoni amministrattiva biex tiġi indirizzata aħjar il-frodi tal-VAT fil-kummerċ elettroniku u biex terġa’ tinkiseb il-kompetizzjoni ġusta. Waħda mill-prijoritajiet tal-Kummissjoni hija l-ġlieda kontra l-frodi tat-taxxa u l-evażjoni tat-taxxa biex tiġi evitata d-distorsjoni tal-kompetizzjoni u biex tgħin jiġi żgurat id-dħul nazzjonali u tal-UE. Il-linji gwida politiċi 19 tal-Kummissjoni attwali sejħu biex isiru aktar sforzi fil-ġlieda kontra l-evażjoni tat-taxxa u l-frodi tat-taxxa u fl-Istat tal-Unjoni 2018 20 ġie enfasizzat li l-Kummissjoni qed issegwi strateġija estensiva biex tiżgura li l-kumpaniji kollha, kemm kbar kif ukoll żgħar, iħallsu s-sehem ġust tagħhom tat-taxxa.

Ir-Regolament (UE) Nru 2018/1541 21 li jemenda r-Regolament (UE) Nru 904/2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur 22 joħloq għodod ġodda għall-kooperazzjoni amministrattiva bejn l-awtoritajiet tat-taxxa tal-Istati Membri. Dawn l-għodod se jintużaw prinċipalment għall-ġlieda kontra (i) l-hekk imsejħa frodi karusell (imwettqa fuq tranżazzjonijiet B2B); (ii) il-frodi li tinvolvi l-iskema ta’ marġni applikabbli għall-karozzi użati; (iii) il-frodi li tisfrutta reġimi doganali speċifiċi applikabbli għall-importazzjonijiet li jitwettqu minn persuni taxxabbli (anke fuq tranżazzjonijiet B2B); u (iv) se jippermettu li jittieħdu azzjonijiet konġunti bejn l-awtoritajiet tat-taxxa (jiġifieri inkjesti amministrattivi konġunti). Esperti minn awtoritajiet tat-taxxa u negozji fil-Forum tal-UE dwar il-VAT 23 jisħqu li l-forma tradizzjonali ta’ kooperazzjoni fil-ġlieda kontra l-frodi tal-VAT hija bbażata fuq rekords miżmuma min-negozji involuti direttament fil-katina ta’ tranżazzjonijiet. Għall-provvisti transfruntiera B2C, din l-informazzjoni tista’ ma tkunx direttament disponibbli u għalhekk il-kooperazzjoni “tradizzjonali” bejn l-awtoritajiet tat-taxxa mhijiex biżżejjed 24 . Għaldaqstant, din l-inizjattiva tikkumplimenta wkoll l-emendi li ddaħħlu l-aktar riċenti fil-qafas ta’ kooperazzjoni amministrattiva tal-UE fil-qasam tal-VAT, billi tipprovdi lill-awtoritajiet tat-taxxa b’għodda ġdida biex jidentifikaw il-frodi tal-VAT fil-provvisti transfruntiera B2C.

Fl-aħħar nett, jenħtieġ li din l-inizjattiva titqies ukoll f’kuntest internazzjonali. Meta l-frodi titwettaq minn fornituri stabbiliti f’pajjiż terz jew f’territorju terz, il-kooperazzjoni internazzjonali hija kruċjali biex tiġi rkuprata l-VAT dovuta. Dan l-aħħar l-Unjoni kkonkludiet ftehim ta’ kooperazzjoni dwar il-VAT man-Norveġja 25 u hija attiva fl-OECD biex jissaħħaħ l-użu tal-għodod ta’ kooperazzjoni amministrattiva fil-livell internazzjonali. Din l-inizjattiva se tipprovdi lill-Istati Membri b’evidenza biex tidentifika frodaturi f’pajjiżi terzi. Din l-evidenza se tintuża bħala l-ewwel pass biex tiġi attivata l-kooperazzjoni internazzjonali jew biex tikkontribwixxi għad-djalogu internazzjonali dwar it-titjib tal-kooperazzjoni amministrattiva ma’ ġurisdizzjonijiet oħra.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post

•Konsultazzjonijiet mal-partijiet ikkonċernati

Fl-2017, il-Kummissjoni talbet l-opinjoni ta’ diversi partijiet ikkonċernati permezz ta’ konsultazzjoni mmirata indirizzata lill-awtoritajiet tat-taxxa u lin-negozji, inkluzi b’mod partikolari l-fornituri tas-servizzi ta’ pagament. Fl-istess sena, tnediet ukoll konsultazzjoni pubblika 29 .

Kemm l-awtoritajiet tat-taxxa kif ukoll il-fornitur tas-servizzi ta’ pagament ikkonfermaw il-valur miżjud ta’ approċċ standardizzat u armonizzat għall-ġbir u l-iskambju ta’ informazzjoni dwar il-pagamenti.

Din il-proposta ġiet abbozzata wara konsultazzjoni mal-awtoritajiet tat-taxxa tal-Istati Membri u r-rappreżentanti tan-negozji, inklużi l-fornituri tas-servizzi ta’ pagament bħala parti mis-sottogrupp dwar il-kummerċ elettroniku tal-Forum tal-VAT.

•Ġbir u użu tal-għarfien espert

Minbarra l-konsultazzjoni mal-partijiet ikkonċernati kollha, ma kienx hemm bżonn ta’ esperti esterni biex titfassal din il-proposta.

•Valutazzjoni tal-impatt

(1)għażla mhux regolatorja li bażikament tipprovdi linji gwida biex tgħin lill-awtoritajiet tat-taxxa jiżviluppaw il-kapaċità amministrattiva tagħhom biex jiġġieldu kontra l-frodi tal-VAT fil-kummerċ elettroniku;

(2)għażla regolatorja li timplika l-emenda tal-qafas legali tal-UE (i) għall-fornituri tas-servizzi ta’ pagament biex iżommu rekords tal-informazzjoni dwar il-pagamenti rilevanti għall-VAT u (ii) għall-awtoritajiet tat-taxxa tal-Istati Membri biex jiġbru u jiskambjaw informazzjoni dwar il-pagamenti.

•Idoneità regolatorja u simplifikazzjoni

•Drittijiet fundamentali

Il-proposta li qed tiġi kkunsidrata se tixpruna skambji u proċessar ġodda tal-informazzjoni personali relatata mal-VAT.

Ir-Regolament Ġenerali dwar il-Protezzjoni tad-Data jagħti definizzjoni wiesgħa ta’ data personali, li tinkludi kwalunkwe informazzjoni dwar persuna fiżika identifikata jew identifikabbli li tista’ tiġi identifikata direttament jew indirettament. Għal din ir-raġuni, l-informazzjoni dwar il-pagamenti taqa’ fil-kamp ta’ applikazzjoni tiegħu u tal-prinċipji applikabbli għall-protezzjoni tad-data personali kif stipulat fil-Karta tad-Drittijiet Fundamentali.

Ir-Regolament Ġenerali dwar il-Protezzjoni tad-Data u r-Regolament (UE) 2018/1725 jistipulaw prinċipji preċiżi ħafna dwar kif għandhom jitħarsu d-drittijiet tas-suġġetti waqt l-ipproċessar tad-data personali. Madankollu, l-Unjoni tista’ tuża miżuri leġiżlattivi biex tillimita dawn il-prinċipji u d-drittijiet tas-suġġett tad-data 31 — sakemm ir-restrizzjonijiet jirrispettaw il-prinċipji tan-neċessità u l-proporzjonalità — biex tissalvagwardja objettivi importanti ta’ interess pubbliku ġenerali tal-Unjoni, bħall-interessi ekonomiċi u finanzjarji, inkluża t-tassazzjoni 32 .

Il-valutazzjoni tal-impatt li tappoġġa din l-inizjattiva wriet li l-awtoritajiet tat-taxxa ma għandhom l-ebda alternattiva effettiva oħra biex jiġbru l-informazzjoni meħtieġa biex jiġġieldu l-frodi tal-VAT fil-kummerċ elettroniku. Għalhekk, l-iskambju ta’ informazzjoni dwar il-pagamenti hija miżura neċessarja.

Barra minn hekk, skont din l-inizjattiva se tiġi proċessata biss l-informazzjoni dwar il-pagamenti meħtieġa għall-ġlieda kontra l-frodi tal-VAT fil-kummerċ elettroniku. L-informazzjoni li se tiġi proċessata tirreferi biss għar-riċevituri tal-fondi (il-benefiċjarji) u għat-tranżazzjoni tal-pagament stess (ammont, munita, data) filwaqt li l-informazzjoni dwar il-konsumaturi li jħallsu għall-merkanzija jew is-servizzi (il-pagaturi) mhijiex parti mill-iskambju ta’ informazzjoni. Għalhekk, dik l-informazzjoni ma tintużax għal finijiet oħra, bħall-kontroll tad-drawwiet tax-xiri tal-konsumaturi. Barra minn hekk, il-proposta tinkludi limitu massimu marbut mal-għadd ta’ pagamenti riċevuti minn benefiċjarju partikolari, esklużi l-pagamenti li probabbilment jiġu eżegwiti għal raġunijiet privati. Il-pagamenti domestiċi jiġu esklużi wkoll mill-kamp ta’ applikazzjoni tal-inizjattiva. Fl-aħħar nett, l-informazzjoni dwar il-pagamenti tkun disponibbli biss għall-uffiċjali ta’ kollegament tal-Eurofisc tal-Istati Membri 33 u għaż-żmien meħtieġ biss għall-ġlieda kontra l-frodi tal-VAT fil-kummerċ elettroniku.

4.IMPLIKAZZJONIJIET BAĠITARJI

Iż-żieda tad-dħul mill-VAT miġbur mistennija tikkumpensa għall-kostijiet ta’ investiment tal-Kummissjoni u tal-awtoritajiet tat-taxxa. Fil-fatt, fl-2017 il-bejgħ online B2C ammonta għal madwar EUR 600 biljun 34 . Għalhekk, jekk wieħed jassumi li l-awtoritajiet tat-taxxa jkunu jistgħu jistmaw telf tal-VAT li jikkorrispondi għal 1 % ta’ dak il-fatturat, dan kieku jiġġenera sa EUR 1,2 biljun f’VAT fil-livell tal-UE-28. Anke jekk jitqies l-irkupru mhux komplut tal-VAT stmat, dawn l-ammonti jaqbżu sew il-kostijiet operattivi ġenerali għall-inizjattiva. Barra minn hekk, il-livelli ta’ frodi jammontaw għal diversi punti perċentwali tal-bejgħ fil-kummerċ elettroniku. Bħala riżultat taż-żieda fil-ġbir tal-VAT, id-diskrepanza tal-VAT mistennija titnaqqas fis-settur tal-kummerċ elettroniku.

Il-kostijiet ta’ din l-inizjattiva se jkunu mifruxa fuq bosta snin li jibdew mill-2019. L-ewwel parti ta’ dawn il-kostijiet (sal-2020) se tkun koperta mill-allokazzjonijiet eżistenti tal-programm Fiscalis 2020 attwali. Madankollu, kif deskritt fid-Dikjarazzjonijiet Finanzjarji Leġiżlattivi, il-maġġoranza tal-kostijiet se jiġu ġġenerati wara l-2020.

Meta tqiesu l-ogħla kostijiet possibbli mġarrba mill-Kummissjoni, l-implikazzjonijiet baġitarji kienu stmati għal kost ta’ darba ta’ EUR 11,8 miljun għat-twaqqif tas-sistema u għal kost operazzjonali annwali ta’ EUR 4,5 miljun hekk kif is-sistema tkun kompletament operattiva. Ġie stmat li dawn il-kostijiet operazzjonali jibdew biss fl-2022 ladarba s-sistema tkun operattiva. L-impatt tagħhom fuq il-baġit kien ikkalkulat fuq perjodu ta’ ħames snin għal total (inkluż il-kost ta’ darba) ta’ EUR 34,3 miljun biex titwaqqaf u titħaddem is-sistema sal-2027.

Dawn il-kostijiet huma konsistenti mal-proposta tal-QFP u l-programm Fiscalis għall-perjodu li jmiss.

5.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

2018/0412 (CNS)

Proposta għal

DIRETTIVA TAL-KUNSILL

li temenda d-Direttiva 2006/112/KE rigward l-introduzzjoni ta’ ċerti rekwiżiti għall-fornituri tas-servizzi ta’ pagament

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 113 tiegħu,

Wara li kkunsidra l-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidra l-opinjoni tal-Parlament Ewropew 42 ,

Wara li kkunsidra l-opinjoni tal-Kumitat Ekonomiku u Soċjali Ewropew 43 ,

Filwaqt li jaġixxi skont proċedura leġiżlattiva speċjali,

Billi:

(1)Id-Direttiva tal-Kunsill 2006/112/KE 44 tistabbilixxi l-obbligi ta’ kontabilità ġenerali tat-taxxa fuq il-valur miżjud (VAT) għall-persuni taxxabbli.

(2)It-tkabbir tal-kummerċ elettroniku (“kummerċ elettroniku”) jiffaċilita l-provvista transfruntiera ta’ merkanzija u servizzi lill-konsumaturi finali fl-Istati Membri. F’dan il-kuntest, provvista transfruntiera tirreferi għal sitwazzjoni fejn il-VAT tkun dovuta fi Stat Membru wieħed iżda l-fornitur ikun stabbilit fi Stat Membru ieħor jew f’pajjiż terz jew f’territorju terz. Madankollu, in-negozji fawdolenti jisfruttaw l-opportunitajiet tal-kummerċ elettroniku biex jiksbu vantaġġi inġusti fis-suq billi jevadu l-obbligi tal-VAT tagħhom. Il-prinċipju ta’ tassazzjoni fid-destinazzjoni japplika għax il-konsumaturi ma jkollhom l-ebda obbligu ta’ kontabilità, iżda l-Istati Membri tal-konsum jeħtieġu għodod xierqa biex jidentifikaw u jikkontrollaw dawn in-negozji frawdolenti.

(3)Fil-parti l-kbira tal-bejgħ online li jsir mill-konsumaturi Ewropej, il-pagamenti jiġu eżegwiti permezz ta’ fornituri tas-servizzi ta’ pagament. Sabiex jeżegwixxi tranżazzjoni ta’ pagament, il-fornitur tas-servizz ta’ pagament iżomm informazzjoni speċifika li tidentifika r-riċevitur jew il-benefiċjarju ta’ dak il-pagament, flimkien mad-dettalji dwar l-ammont, id-data tat-tranżazzjoni ta’ pagament u l-Istat Membru ta’ oriġini tal-pagament. Dan isir b’mod partikolari fil-kuntest ta’ tranżazzjoni ta’ pagament transfruntiera fejn il-pagatur ikun fi Stat Membru wieħed u l-benefiċjarju jkun fi Stat Membru ieħor jew f’pajjiż terz jew f’territorju terz. L-awtoritajiet tat-taxxa jeħtieġu din l-informazzjoni biex iwettqu l-kompiti bażiċi tagħhom li jidentifikaw in-negozji frawdolenti u jikkontrollaw l-obbligazzjonijiet tal-VAT. Għalhekk, jeħtieġ li din l-informazzjoni rilevanti għall-VAT li tinżamm mill-fornituri tas-servizzi ta’ pagament, tkun disponibbli għall-awtoritajiet tat-taxxa tal-Istati Membri biex tgħinhom jidentifikaw u jiġġieldu kontra l-frodi tal-VAT fil-kummerċ elettroniku transfruntier.

(4)Bħala parti minn din il-miżura l-ġdida prevista għall-ġlieda kontra l-frodi tal-VAT fil-kummerċ elettroniku transfruntier, jenħtieġ li l-fornituri tas-servizzi ta’ pagament ikunu obbligati jżommu rekords dettaljati biżżejjed ta’ ċerti tranżazzjonijiet ta’ pagament transfruntiera skattati skont il-pożizzjoni tal-pagatur u tal-benefiċjarju. B’riżultat ta’ dan, jeħtieġ li jiġi definit il-kunċett speċifiku tal-pożizzjoni tal-pagatur u tal-benefiċjarju kif ukoll il-mezzi għall-identifikazzjoni tagħhom. Jenħtieġ li l-pożizzjoni tal-pagatur u tal-benefiċjarju tiskatta biss l-obbligu għaż-żamma tar-rekords tal-fornituri tas-servizzi ta’ pagament li huwa stabbilit fl-Unjoni u jenħtieġ li jkun mingħajr preġudizzju għar-regoli stipulati f’din id-Direttiva u fir-Regolament ta’ Implimentazzjoni tal-Kunsill (UE) Nru 282/2011 45 fir-rigward tal-post tat-tranżazzjoni taxxabbli.

(5)Mill-informazzjoni diġà miżmuma mill-fornituri tas-servizzi ta’ pagament, dawn jistgħu jidentifikaw il-pożizzjoni tal-benefiċjarju u tal-pagatur skont is-servizzi ta’ pagament li jeżegwixxu, abbażi ta’ identifikatur ta’ kont ta’ pagament individwali użat fi Stat Membru minn dak il-pagatur jew il-benefiċjarju.

(6)Alternattivament, jenħtieġ li tiġi determinata l-pożizzjoni tal-pagatur jew tal-benefiċjarju permezz ta’ identifikatur tan-negozju tal-fornitur tas-servizz ta’ pagament li kien qed jaġixxi f’isem il-pagatur jew il-benefiċjarju. Dan il-mezz ta’ identifikazzjoni jenħtieġ li jintuża wkoll meta l-fondi jiġu trasferiti lil benefiċjarju mingħajr ma jkun infetaħ l-ebda kont ta’ pagament f’isem pagatur jew meta l-fondi ma jiġu kreditati lill-ebda kont ta’ pagament.

(7)Skont ir-Regolament (UE) 2016/679 tal-Parlament Ewropew u tal-Kunsill 46 , importanti li l-obbligu fuq fornitur tas-servizz ta’ pagament li jżomm u jipprovdi informazzjoni dwar tranżazzjoni ta’ pagament transfruntier, jenħtieġ li jkun proporzjonat u jkun jinkludi biss dak li huwa meħtieġ għall-Istati Membri biex jiġġieldu kontra l-frodi tal-VAT fil-kummerċ elettroniku. Barra minn hekk, l-unika informazzjoni li jenħtieġ li tinżamm dwar il-pagatur, hija dik fejn jinsab il-pagatur. Fir-rigward tal-informazzjoni dwar il-benefiċjarju u t-tranżazzjoni ta’ pagament stess, jenħtieġ li l-fornituri tas-servizzi ta’ pagament jintalbu jżommu u jittrażmettu biss lill-awtoritajiet tat-taxxa, l-informazzjoni li dawn jeħtieġu biex jidentifikaw frodaturi possibbli u biex iwettqu kontrolli tal-VAT. Għalhekk, jenħtieġ li l-fornituri tas-servizzi ta’ pagament jintalbu jżommu rekords ta’ tranżazzjonijiet ta’ pagament transfruntiera li wisq probabbli jindikaw attivitajiet ekonomiċi. L-introduzzjoni ta’ limitu massimu bbażat fuq l-għadd ta’ pagamenti riċevuti minn benefiċjarju matul perjodu ta’ tliet xhur kalendarji jagħti indikazzjoni affidabbli li dawk il-pagamenti ġew riċevuti bħala parti minn attività ekonomika, u għalhekk jiġu esklużi l-pagamenti għal raġunijiet mhux kummerċjali. Meta jintlaħaq dan il-limitu massimu, jiskatta l-obbligu tal-kontabilità tal-fornitur tas-servizz ta’ pagament.

(8)Minħabba l-volum sinifikanti ta’ informazzjoni u s-sensittività tagħha f’termini ta’ protezzjoni tad-data personali, huwa meħtieġ u proporzjonat li l-fornituri tas-servizzi ta’ pagament iżommu rekords tal-informazzjoni dwar it-tranżazzjonijiet ta’ pagament transfruntiera għal perjodu ta’ sentejn sabiex jassistu lill-Istati Membri biex jiġġieldu kontra l-frodi tal-VAT fil-kummerċ elettroniku u biex jidentifikaw il-frodaturi. Dan il-perjodu jikkostitwixxi l-minimu meħtieġ għall-Istati Membri biex iwettqu l-kontrolli b’mod effettiv u biex jinvestigaw is-suspetti ta’ frodi tal-VAT jew biex jidentifikaw il-frodi tal-VAT.

(9)Jenħtieġ li l-informazzjoni li trid tinżamm mill-fornituri tas-servizzi ta’ pagament, tinġabar mill-Istati Membri u tiġi skambjata bejniethom skont ir-Regolament tal-Kunsill (UE) Nru 904/2010 47 li jistabbilixxi r-regoli għal kooperazzjoni amministrattiva u l-iskambju ta’ informazzjoni sabiex tiġi miġġielda l-frodi tal-VAT.

(10)Il-frodi tal-VAT fil-kummerċ elettroniku hija problema komuni għall-Istati Membri kollha iżda mhux bilfors li l-Istati Membri individwali għandhom l-informazzjoni biex jiżguraw li r-regoli tal-VAT fil-kummerċ elettroniku huma applikati b’mod korrett u biex jindirizzaw il-frodi tal-VAT fil-kummerċ elettroniku. Peress li l-objettiv ta’ din id-Direttiva, jiġifieri l-ġlieda kontra l-frodi tal-VAT fil-kummerċ elettroniku, ma tistax tinkiseb b’mod suffiċjenti mill-Istati Membri individwali minħabba n-natura transfruntiera tal-kummerċ elettroniku u l-ħtieġa li tinkiseb informazzjoni minn Stati Membri oħra, iżda tista’ tinkiseb aħjar fil-livell tal-Unjoni, l-Unjoni tista’ tadotta miżuri skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-istess Artikolu, din id-Direttiva ma tmurx lil hinn minn dak li hu meħtieġ biex jintlaħaq dak l-objettiv.

(11)Din id-Direttiva tirrispetta d-drittijiet fundamentali u tosserva l-prinċipji rikonoxxuti mill-Karta tad-Drittijiet Fundamentali tal-Unjoni Ewropea. B’mod partikolari, din id-Direttiva tirrispetta bis-sħiħ id-dritt tal-protezzjoni tad-data personali stipulat fl-Artikolu 8 tal-Karta. Jenħtieġ li l-informazzjoni dwar il-pagamenti miżmuma u żvelata skont din id-Direttiva tiġi proċessata biss mill-esperti kontra l-frodi tal-awtoritajiet tat-taxxa fil-limiti ta’ dak li huwa proporzjonat u meħtieġ biex jinkiseb l-objettiv tal-ġlieda kontra l-frodi tal-VAT fil-kummerċ elettroniku.

(12)Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill 48 u ta l-opinjoni tiegħu fi […]… 49

(13)Għaldaqstant, jenħtieġ li d-Direttiva 2006/112/KE tiġi emendata skont dan,

ADOTTA DIN ID-DIRETTIVA:

Artikolu 1

Emendi tad-Direttiva 2006/112/KE

Id-Direttiva 2006/112/KE hija emendata kif ġej:

(1)Il-Kapitolu 4 tat-Titolu XI huwa emendat kif ġej:

(a)tiddaħħal it-Taqsima 2a li ġejja:

“Taqsima 2a

Obbligi ġenerali għall-fornituri tas-servizzi ta’ pagament”;

(b)jiddaħħlu l-Artikoli 243a sa 243d li ġejjin:

“Artikolu 243a

Għall-finijiet ta’ din it-Taqsima, għandhom japplikaw id-definizzjonijiet li ġejjin:

(1)“fornitur ta’ servizzi ta’ pagament” tfisser korp elenkat fil-punti (a) sa (f) tal-paragrafu 1 tal-Artikolu 1 tad-Direttiva (UE) 2015/2366 (*), jew persuna fiżika jew ġuridika li tibbenefika minn eżenzjoni skont l-Artikolu 32 ta’ dik id-Direttiva;

(2)“servizz ta’ pagament” tfisser l-attivitajiet ta’ negozju stabbiliti fil-punti (3) sa (6) tal-Anness 1 tad-Direttiva (UE) 2015/2366;

(3)“tranżazzjoni ta’ pagament” tfisser att definit fil-punt 5 tal-Artikolu 4 tad-Direttiva (UE) 2015/2366;

(4)“pagatur” tfisser persuna fiżika jew ġuridika kif definita fil-punt 8 tal-Artikolu 4 tad-Direttiva (UE) 2015/2366;

(5)“benefiċjarju” tfisser persuna fiżika jew ġuridika kif definita fil-punt 9 tal-Artikolu 4 tad-Direttiva (UE) 2015/2366;

(6)“IBAN” tfisser identifikatur tan-numru tal-kont ta’ pagament internazzjonali kif definit fil-punt 15 tal-Artikolu 2 tar-Regolament (UE) Nru 260/2012 tal-Parlament Ewropew u tal-Kunsill (**);

(7)“BIC” tfisser kodiċi tal-identifikazzjoni tan-negozju kif definit fil-punt 16 tal-Artikolu 2 tar-Regolament (UE) Nru 260/2012.

_______________________________________________________________________

(*)    Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (ĠU L 337, 23.12.2015, p. 35).

(**)    Ir-Regolament (UE) Nru 260/2012 tal-Parlament Ewropew u tal-Kunsill tal-14 ta’ Marzu 2012 li jistabbilixxi rekwiżiti tekniċi u tan-negozju għat-trasferimenti ta’ kreditu u debiti diretti bl-euro u li jemenda r-Regolament (KE) Nru 924/2009 (ĠU L 94, 30.3.2012, p. 22).

Artikolu 243b

1.L-Istati Membri għandhom jiżguraw li l-fornituri tas-servizzi ta’ pagament iżommu reġistri dettaljati biżżejjed tal-benefiċjarji u tat-tranżazzjonijiet ta’ pagament relatati mas-servizzi ta’ pagament li jeżegwixxu għal kull tliet xhur kalendarji biex l-awtoritajiet kompetenti tal-Istati Membri jkunu jistgħu jwettqu kontrolli tal-provvisti ta’ merkanzija u servizzi li skont id-dispożizzjonijiet tat-Titolu V jitqiesu li jsiru fi Stat Membru.

2.Ir-rekwiżit imsemmi fil-paragrafu 1 għandu japplika f’ċirkostanzi fejn jiġu ssodisfati ż-żewġ kundizzjonijiet li ġejjin:

(a)meta fornitur tas-servizzi ta’ pagament jittrasferrixxi fondi minn pagatur li jinsab fi Stat Membru għal benefiċjarju li jinsab fi Stat Membru ieħor, f’territorju terz jew f’pajjiż terz;

(b)fir-rigward tat-trasferiment ta’ fondi msemmi fil-punt (a), meta fornitur tas-servizzi ta’ pagament jeżegwixxi aktar minn 25 tranżazzjoni ta’ pagament lill-istess benefiċjarju matul perjodu ta’ tliet xhur kalendarji.

3.Ir-reġistri msemmija fil-paragrafu 1 għandhom:

(a)jinżammu mill-fornitur tas-servizzi ta’ pagament f’format elettroniku għal perjodu ta’ sentejn minn tmiem is-sena li fiha tkun ġiet eżegwita t-tranżazzjoni ta’ pagament;

(b)ikunu disponibbli għall-Istati Membri ta’ stabbiliment tal-fornitur tas-servizzi ta’ pagament skont l-Artikolu 24b tar-Regolament (UE) Nru 904/2010 (*).

_____________________________________________________________________

(*)    Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

Artikolu 243c

1.Għall-finijiet tal-paragrafu 2 tal-Artikolu 243b u mingħajr preġudizzju għad-dispożizzjonijiet tat-Titolu V ta’ din id-Direttiva, il-pożizzjoni tal-pagatur għandha titqies li hija fi Stat Membru li jikkorrispondi għal waħda minn dawn:

(a)l-IBAN tal-kont ta’ pagament tal-pagatur;

(b)il-BIC jew kwalunkwe kodiċi ieħor tal-identifikazzjoni tan-negozju li jidentifika b’mod mhux ambigwu l-fornitur tas-servizz ta’ pagament li jaġixxi f’isem il-pagatur.

2.Għall-applikazzjoni tal-paragrafu 2 tal-Artikolu 243b, il-pożizzjoni tal-benefiċjarju għandha titqies li hija fi Stat Membru, f’pajjiż terz jew f’territorju terz li jikkorrispondi għal waħda minn dawn:

(a)l-IBAN tal-kont ta’ pagament tal-benifiċjarju jew kwalunkwe identifikatur tan-numru tal-kont ta’ pagament li jidentifika b’mod mhux ambigwu kont ta’ pagament individwali;

(b)il-BIC jew kwalunkwe kodiċi ieħor tal-identifikazzjoni tan-negozju li jidentifika b’mod mhux ambigwu l-fornitur tas-servizz ta’ pagament li jaġixxi f’isem il-benefiċjarju.

Artikolu 243d

1.Ir-reġistri miżmuma mill-fornituri tas-servizzi ta’ pagament, skont l-Artikolu 243b, għandhom jinkludu l-informazzjoni li ġejja:

(a)il-BIC jew kwalunkwe kodiċi ieħor tal-identifikazzjoni tan-negozju li jidentifika b’mod mhux ambigwu l-fornitur tas-servizz ta’ pagament;

(b)isem il-benefiċjarju jew isem in-negozju, jekk xieraq;

(c)kwalunkwe numru ta’ identifikazzjoni tal-VAT tal-benefiċjarju, jekk disponibbli;

(d)l-IBAN jew kwalunkwe identifikatur tan-numru tal-kont ta’ pagament li jidentifika b’mod mhux ambigwu l-kont ta’ pagament individwali tal-benefiċjarju;

(e)il-BIC jew kwalunkwe kodiċi ieħor tal-identifikazzjoni tan-negozju li jidentifika b’mod mhux ambigwu l-fornitur tas-servizz ta’ pagament li jaġixxi f’isem il-benefiċjarju, meta l-benefiċjarju jirċievi fondi mingħajr ma jkollu l-ebda kont ta’ pagament;

(f)l-indirizz tal-benefiċjarju fir-reġistri tal-fornitur tas-servizz ta’ pagament;

(g)kull tranżazzjoni ta’ pagament eżegwita msemmija fil-paragrafu 2 tal-Artikolu 243b;

(h)kull rifużjoni ta’ pagament eżegwita għat-tranżazzjonijiet ta’ pagament imsemmija fil-punt (g);

2.L-informazzjoni msemmija fil-punti (g) u (h) tal-paragrafu 1, għandha tinkludi d-dettalji li ġejjin:

(a)id-data u l-ħin tal-eżekuzzjoni tat-tranżazzjoni ta’ pagament jew tar-rifużjoni ta’ pagament;

(b)l-ammont u l-munita tat-tranżazzjoni ta’ pagament jew tar-rifużjoni ta’ pagament;

(c)    l-Istat Membru tal-oriġini tal-fondi riċevuti mill-benefiċjarju jew f’ismu, l-Istat Membru, it-territorju terz jew il-pajjiż terz ta’ destinazzjoni tar-rifużjoni, kif xieraq, u l-informazzjoni użata biex jiġu determinati l-oriġini jew id-destinazzjoni tat-tranżazzjoni ta’ pagament jew tar-rifużjoni ta’ pagament skont l-Artikolu 243c.”

Artikolu 2

1.    Sa mhux aktar tard mill-31 ta’ Diċembru 2021, l-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amminstrattivi meħtieġa biex jikkonformaw ma’ din id-Direttiva. Għandhom jikkomunikaw minnufih lill-Kummissjoni t-testi ta’ dawk id-dispożizzjonijiet.

Dawn għandhom japplikaw dawk id-dispożizzjonijiet mill-1 ta’ Jannar 2022.

Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati minn din ir-referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif issir din ir-referenza.

2.    L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.

Artikolu 3

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 4

Din id-Direttiva hi indirizzata lill-Istati Membri.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i) (raggruppament ta’ programmi)

1.3.Natura tal-proposta/tal-inizjattiva

1.4.Raġunijiet għall-proposta/għall-inizjattiva

1.5.Durata u impatt finanzjarju

1.6.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema ta’ ġestjoni u ta’ kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i tal-baġit tan-nefqa affettwata/i

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet ta’ natura amministrattiva

3.2.3.Kontribuzzjonijiet ta’ partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

It-trażmissjoni u l-iskambju obbligatorji tad-data dwar il-pagamenti rilevanti għall-VAT

PLAN/2017/2023 — TAXUD

1.2.Qasam/oqsma ta’ politika kkonċernat(i) (raggruppament ta’ programmi)

Suq Uniku, Innovazzjoni u Diġitali

1.3.Il-proposta/l-inizjattiva hija relatata ma’:

☒ azzjoni ġdida

◻ azzjoni ġdida li ssegwi proġett pilota/azzjoni preparatorja 50

◻ l-estensjoni ta’ azzjoni eżistenti

◻ fużjoni jew dirottar ta’ azzjoni waħda jew aktar lejn/ma’ azzjoni oħra jew azzjoni ġdida

1.4.Raġunijiet għall-proposta/għall-inizjattiva

1.4.1.Rekwiżit(i) li jridu jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

Ġew stabbiliti l-istadji importanti li ġejjin għall-proġett:

(1)Tmiem l-2022 — Tkun operattiva s-sistema ċentrali għall-ġbir tad-data minn fornituri ta’ pagament u għall-analiżi tar-riskju;

(2)Tmiem l-2024 — Il-feedback dwar l-użu tad-data dwar il-pagamenti, il-kriterji tar-riskju u l-ammont supplementari tal-VAT jiġi vvalutat u provdut mill-Kummissjoni b’mill-inqas żewġ/tliet utenti attivi (Stati Membri).

1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, aktar effettività jew kumplimentarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li altrimenti kien jinħoloq mill-Istati Membri weħidhom.

Raġunijiet għal azzjoni fil-livell Ewropew (ex ante): l-Istati Membri waħedhom ma jistgħux jiġġieldu b’mod effettiv kontra l-frodi tal-VAT fil-kummerċ elettroniku. L-awtoritajiet tat-taxxa ma għandhomx aċċess għall-informazzjoni dwar il-provvisti transfruntiera min-negozju għall-konsumaturi.

Barra minn hekk, minħabba limitazzjonijiet legali, mhux dejjem ikun possibbli jsir skambju ta’ informazzjoni dwar il-pagamenti bejn l-awtoritajiet tat-taxxa tal-Istati Membri, u dan iwassal biex l-għodod ta’ kooperazzjoni amministrattiva attwali ma jibqgħux effettivi fir-rigward tal-frodi tal-VAT fil-kummerċ elettroniku.

Valur miżjud tal-Unjoni li mistenni jiġi ġġenerat (ex post)

Livell ta’ konformità tal-VAT ogħla fost il-bejjiegħa mill-bogħod jiġġenera kundizzjonijiet ekwi mtejba għall-kumpaniji kollha li huma attivi fis-settur tal-kummerċ elettroniku. Bl-istess mod, il-livell ta’ konformità mtejjeb iwassal għal dħul ogħla mill-VAT u għal inqas diskrepanza tal-VAT.

Għall-fornituri ta’ pagament, bl-adozzjoni ta’ sistema ċentralizzata unika mal-UE kollha tal-ġbir tad-data dwar il-pagamenti rilevanti għall-VAT, jitnaqqsu r-riskji u l-kostijiet li tiġi rrappurtata l-istess informazzjoni f’formati differenti f’kull Stat Membru tal-UE.

1.4.3.Tagħlimiet meħuda minn esperjenzi simili fl-imgħoddi

Din hija inizjattiva ġdida. Madankollu, skont il-proġett tal-Punt uniku ta’ servizz żgħir (MOSS) li żviluppa pjattaforma Ewropea komuni għad-dikjarazzjoni u għall-pagament tal-VAT fuq is-servizzi elettroniċi madwar l-Ewropa, jistgħu jinsiltu dawn il-kunsiderazzjonijiet li ġejjin:

(1)L-implimentazzjoni tas-soluzzjoni teknika trid tiġi ppjanata ħafna minn qabel, biex tkun tista’ ssir konsultazzjoni wiesgħa mal-partijiet ikkonċernati filwaqt li jitqiesu ż-żmien u r-riżorsi finanzjarji meħtieġa biex tiġi żviluppata s-sistema l-ġdida;

(2)Ir-rekwiżiti biex tinħażen informazzjoni fit-tul għandhom jiġu ponderati sew f’termini ta’ kostijiet u benefiċċji;

(3)L-implimentazzjoni tal-inizjattiva għandha tkun akkumpanjata minn kampanja tajba ta’ komunikazzjoni sabiex tgħin lin-negozji jikkonformaw mar-rekwiżiti l-ġodda ta’ rappurtar.

Se jintużaw it-tagħlimiet meħuda mill-iżvilupp tas-sistemi tal-IT u l-kooperazzjoni amministrattiva taħt il-programmi Fiscalis u Dwana. B’mod partikolari, l-esperjenza li se tinkiseb fl-iżvilupp tas-Sistema ta’ Informazzjoni futura għal Dwana 2 tista’ tkun utli għall-bini tal-għodod tal-analiżi tar-riskju għad-data dwar il-pagamenti.

1.4.4.Kompatibbiltà u sinerġija possibbli ma’ strumenti xierqa oħra

Il-fondi għall-implimentazzjoni ta’ din l-inizjattiva se jingħataw mill-programm Fiscalis.

Fl-aħħar nett, l-inizjattiva se tiġi implimentata flimkien mar-regoli l-ġodda tal-Pakkett dwar is-Suq Uniku Diġitali tal-VAT, b’mod partikolari d-Direttiva tal-Kunsill (UE) 2017/2455 tal-5 ta’ Diċembru 2017 li temenda d-Direttiva 2006/112/KE u d-Direttiva 2009/132/KE fir-rigward ta’ ċerti obbligi tat-taxxa fuq il-valur miżjud għall-provvisti ta’ servizzi u għall-bejgħ mill-bogħod ta’ oġġetti. Id-data dwar il-pagamenti tippermetti li l-awtoritajiet tat-taxxa jwettqu kontroverfiki tal-informazzjoni ddikjarata mill-postijiet tas-suq, mill-pjattaformi jew minn bejjiegħa mill-bogħod oħra, u li jivverfikaw l-applikazzjoni tal-livell limitu ta’ EUR 10 000 għall-provvisti intra-UE.

1.5.Durata u impatt finanzjarju

◻ durata limitata

–◻    fis-seħħ minn [JJ/XX]SSSS sa [JJ/XX]SSSS

–◻    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

☒ durata illimitata

–Implimentazzjoni b’perjodu tal-bidu mill-2020 sal-2023,

–segwita b’operazzjoni fuq skala sħiħa.

1.6.Mod(i) ta’ ġestjoni ppjanat(i) 51

☒ Ġestjoni diretta mill-Kummissjoni

–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi li jissemmew fl-Artikoli 70 u 71 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

Kummenti

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

TAXUD se jissottometti rapporti ta’ monitoraġġ annwali lill-Kumitat Permanenti dwar il-Kooperazzjoni Amministrattiva (SCAC).

2.2.Sistema/i ta’ ġestjoni u kontroll

2.2.1.Ġustifikazzjoni tal-mod(i) ta’ ġestjoni, il-mekkaniżmu/i għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta

L-inizjattiva se tiġi implimentata b’ġestjoni diretta. Dan il-mod ta’ ġestjoni jipprovdi l-aktar allokazzjoni effiċjenti ta’ riżorsi finanzjarji u l-akbar impatt possibbli. Joffri lill-Kummissjoni ċerta flessibilità u orjentazzjoni biżżejjed għall-allokazzjoni annwali tar-riżorsi.

L-inizjattiva se tiġi implimentata mill-Kummissjoni permezz tal-akkwist pubbliku.

Għall-akkwist pubbliku, il-modalitajiet ta’ pagament huma allinjati bis-sħiħ mal-istandards korporattivi (l-ebda prefinanzjament; il-pagamenti kollha huma marbuta mal-aċċettazzjoni ta’ riżultati predefiniti).

Is-sistema ta’ kontroll għall-akkwist pubbliku hija bbażata fuq verifika ex ante bir-reqqa tat-tranżazzjonijiet kollha, u b’hekk teskludi kwalunkwe żball fil-ħin tal-pagament.

2.2.2.Informazzjoni dwar ir-riskji identifikati u s-sistema(i) ta’ kontroll intern stabbiliti għall-mitigazzjoni tagħhom

Ir-riskji ġenerali identifikati relatati mal-implimentazzjoni ta’ din l-inizjattiva jirreferu għal:

1.    In-nuqqas ta’ riżorsi finanzjarji u umani għas-soluzzjoni tal-IT dwar ir-repożitorju ċentrali u l-bidliet li kull Stat Membru jrid iwettaq fis-sistemi ta’ informazzjoni nazzjonali tiegħu;

2.    Ir-riskju għas-sigurtà relatati mal-ħżin u l-ipproċessar ta’ data dwar il-pagamenti sensittiva;

Ir-riskji se jiġu indirizzati minn TAXUD bl-appoġġ tal-Istati Membri permezz ta’ (i) deċiżjonijiet ta’ finanzjament xierqa, (ii) konsultazzjoni estensiva dwar ir-rekwiżiti tekniċi u funzjonali tas-sistemi l-ġodda tal-IT, kif ukoll konsultazzjoni ta’ diversi partijiet ikkonċernati u analiżi bir-reqqa mill-Kummissjoni u l-Kumitat Permanenti dwar il-Kooperazzjoni Amministrattiva ta’ indikaturi tal-prestazzjoni u xejriet tas-suq.

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u l-valutazzjoni tal-livelli mistennija tar-riskju ta’ żball (mal-ħlas u fl-għeluq)

Peress li l-finanzjament tal-inizjattiva se jsir permezz tal-programm Fiscalis, se tapplika s-sistema ta’ kontroll intern speċifika.

TAXUD se jivverfika b’mod regolari l-implimentazzjoni tal-inizjattiva, kemm mil-lat ta’ negozju kif ukoll minn dak tal-IT u se jistabbilixxi verifiki ta’ ġestjoni regolari fl-unitajiet tiegħu li huma responsabbli mill-amministrazzjoni tat-taxxa, mill-ġlieda kontra l-frodi u mis-sistemi tal-IT għat-tassazzjoni

TAXUD għandu rekord tajjeb u esperjenza xierqa fl-implimentazzjoni ta’ sistemi trans-Ewropej tal-IT fuq skala kbira u regoli tan-negozju kumplessi li jinvolvu l-Istati Membri kollha tal-UE. B’mod partikolari, l-esperjenza miksuba miż-żewġ programmi Fiscalis u Dwana se tnaqqas ir-riskji ta’ errur (taħt it-2 %).

L-istrateġija ta’ kontroll applikata wriet li hija effettiva u effiċjenti fil-kuntest ta’ inizjattivi simili preċedenti għall-programm Dwana u l-kost tal-kontroll deher li huwa limitat.

Peress li se jintużaw sistemi ta’ kontroll simili għal din l-inizjattiva, il-kost antiċipat tal-kontrolli u l-livell mistenni tar-riskju ta’ errur mal-pagament/mal-għeluq jistgħu jitqiesu bħala kosteffettivi.

2.3.Miżuri għall-prevenzjoni ta’ frodi u ta’ irregolaritajiet

Id-DĠ TAXUD jimplimenta Strateġija ta’ Kontra l-Frodi (AFS) komprensiva li twassal għal kultura ta’ kontra l-frodi fid-Direttorat Ġenerali permezz ta’ attivitajiet ta’ sensibilizzazzjoni dwar ir-riskji potenzjali tal-frodi u dwar l-imġiba etika fost il-persunal tad-DĠ TAXUD.

Meta jitqies li l-programm se jiġi implimentat permezz tal-akkwist pubbliku, tapplika d-dispożizzjoni tal-AFS (Objettiv 3 tal-AFS: “Il-ħolqien ta’ sensibilizzazzjoni dwar il-possibbiltà ta’ kunflitt ta’ interess fir-relazzjonijiet ma’ partijiet ikkonċernati esterni bħalma huma lobbisti, offerenti u kuntratturi”). Il-miżuri ta’ prevenzjoni se jiffukaw fuq 1) iż-żamma ta’ reġistru tal-kuntatti mal-lobbisti, 2) il-ġestjoni ċentralizzata tal-proċeduri tal-akkwist pubbliku u l-kuntatti mal-offerenti, 3) it-taħriġ dedikat dwar il-kuntatti mal-lobbisti u se jkun partikolarment applikabbli għall-implimentazzjoni tal-inizjattiva.

Il-konsultazzjoni obbligatorja mas-Sistema ta’ Identifikazzjoni Bikrija u ta’ Esklużjoni qabel ma jingħataw il-kuntratti (u kwalunkwe tranżazzjoni finanzjarja) se tkompli tiskoraġġixxi wkoll il-frodi u l-irregolarità potenzjali.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura tal-qafas finanzjarju pluriennali u l-linji baġitarji ġodda tan-nefqa proposti

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	Numru [Intestatura ……………………… ………………]	Diff./Mhux diff 52 .	mill-pajjiżi tal-EFTA 53	mill-pajjiżi kandidati 54	minn pajjiżi terzi	skont it-tifsira tal-Artikolu [21(2)(b)] tar-Regolament Finanzjarju
1	03.01 Suq Uniku – Linja amministrattiva 03.04 Suq Uniku – Kooperazzjoni fil-qasam tat-tassazzjoni (FISCALIS)	Diff.	LE	LE	LE	LE

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

miljuni ta’ EUR (aġġustati ’l fuq għal tliet pożizzjonijiet deċimali)

Intestatura tal-qafas finanzjarju pluriennali

<…>

“Suq Uniku, Innovazzjoni u Diġitali”

			2021	2022	2023	2024	2025	2026	2027	Wara l-2027	TOTAL
Approprjazzjonijiet operazzjonali (maqsuma skont il-linji baġitarji elenkati taħt 3.1)	Impenji	(1)	5,400	5,550	5,235	4,585	4,585	4,585	4,585		34,525
	Pagamenti	(2)									34,525
Approprjazzjonijiet ta’ natura amministrattiva ffinanzjati mill-pakkett tal-programm 55	Impenji = Pagamenti	(3)
TOTAL tal-approprjazzjonijiet għall-pakkett tal-programm	Impenji	=1+3	5,400	5,550	5,235	4,585	4,585	4,585	4,585		34,525
	Pagamenti	=2+3									34,525

Intestatura tal-qafas finanzjarju pluriennali

7

“Nefqa amministrattiva”

miljuni ta’ EUR (aġġustati ’l fuq għal tliet pożizzjonijiet deċimali)

		2021	2022	2023	2024	2025	2026	2027	Wara l-2027	TOTAL
Riżorsi umani		2,244	0,902	0,225	0,225	0,225	0,225	0,225		4,274
Nefqa amministrattiva oħra
TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali	(Total ta’ impenji = Total ta’ pagamenti)	2,444	0,952	0,276	0,276	0,276	0,276	0,276		4,774

miljuni ta’ EUR (aġġustati ’l fuq għal tliet pożizzjonijiet deċimali)

			2021	2022	2023	2024	2025	2026	2027	Wara l-2027	TOTAL
Approprjazzjonijiet totali fl-INTESTATURI kollha tal-qafas finanzjarju pluriennali	Impenji		7,644	6,452	5,460	4,810	4,810	4,810	8,910		38,798
	Pagamenti

3.2.2.Sommarju tal-impatt stmat fuq l-approprjazzjonijiet ta’ natura amministrattiva

–Il-proposta teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (aġġustati ’l fuq għal tliet pożizzjonijiet deċimali)

Snin

2021

2022

2023

2024

2025

2026

2027

TOTAL

INTESTATURA 7 tal-qafas finanzjarju pluriennali
Riżorsi umani	2,244	0,902	0,225	0,225	0,225	0,225	0,225	4,274
Nefqa amministrattiva oħra	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli
Subtotal tal-INTESTATURA 7 tal-qafas finanzjarju pluriennali

Barra mill-INTESTATURA 7 56 tal-qafas finanzjarju pluriennali
Riżorsi umani
Nefqa oħra ta’ natura amministrattiva
Subtotal barra mill-INTESTATURA 7 tal-qafas finanzjarju pluriennali

TOTAL

2,244

0,902

0,225

0,225

0,225

0,225

0,225

4,274

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.2.1.Rekwiżiti stmati ta’ riżorsi umani

–Il-proposta teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

Snin		2021	2022	2023	2024	2025	2026	2027
•Pożizzjonijiet fil-pjan ta’ stabbiliment (uffiċjali u aġenti temporanji)
Kwartieri Ġenerali u Uffiċċji ta’ Rappreżentanza tal-Kummissjoni		6	2	0,5	0,5	0,5	0,5	0,5
Delegazzjonijiet
Riċerka
•Persunal estern (f’unità Ekwivalenti għall-full time: FTE) — AC, AL, END, INT u JED  57 Intestatura 7
Iffinazjati mill-INTESTATURA 7 tal-qafas finanzjarju pluriennali	- fil-Kwartieri Ġenerali	9	4	1	1	1	1	1
	- fid-Delegazzjonijiet
Iffinanzjati mill-pakkett tal-programm  58	- fil-Kwartieri Ġenerali
	- fid-Delegazzjonijiet
Riċerka
Oħrajn (speċifika)
TOTAL		15	6	1,5	1,5	1,5	1,5	1,5

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Uffiċjali u aġenti temporanji	Iċ-ċifri jinkludu kemm il-persunal li jaħdem fuq il-ġestjoni u l-implimentazzjoni diretti tal-inizjattiva kif ukoll il-persunal li jaħdem fuq oqsma ta’ politika appoġġati mill-inizjattiva.
Persunal estern	Iċ-ċifri jinkludu kemm il-persunal li jaħdem fuq il-ġestjoni u l-implimentazzjoni diretti tal-inizjattiva kif ukoll il-persunal li jaħdem fuq oqsma ta’ politika appoġġati mill-inizjattiva.

3.2.3.Kontribuzzjonijiet ta’ partijiet terzi

Il-proposta/l-inizjattiva:

–ma tipprevedix il-kofinanzjament minn partijiet terzi

3.3.Impatt stmat fuq id-dħul

–Il-proposta/l-inizjattiva għandha l-impatt finanzjarju li ġej:

(1)fuq id-dħul mill-VAT

miljuni ta’ EUR (aġġustati ’l fuq għal tliet pożizzjonijiet deċimali)

Linja baġitarja tad-dħul:	Impatt tal-proposta/tal-inizjattiva 59
	2021	2022	2023	2024	2025	2026	2027
Artikolu …………	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli	Mhux applikabbli

(1)    Il-Komunikazzjoni tal-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew dwar is-segwitu għall-Pjan ta’ Azzjoni dwar il-VAT – Lejn żona unika tal-VAT fl-UE – Wasal iż-żmien li naġixxu (COM (2017) 566 final), il-punt 2.1.1, paġna 3. Ara wkoll il-punt 6 ta’ “20 measures to tackle the VAT gap”, anness mal-Pjan ta’ Azzjoni dwar il-VAT, disponibbli fuq: https://ec.europa.eu/taxation_customs/sites/taxation/files/docs/body/2016-03_20_measures_en.pdf  

(2)    Id-Direttiva tal-Kunsill (UE) 2017/2455 tal-5 ta’ Diċembru 2017 li temenda d-Direttiva 2006/112/KE u d-Direttiva 2009/132/KE fir-rigward ta’ ċerti obbligi tat-taxxa fuq il-valur miżjud għall-provvisti ta’ servizzi u għall-bejgħ mill-bogħod ta’ oġġetti (ĠU L 348, 29.12.2017, p. 7).

(3)    Il-Kunsill tal-Unjoni Ewropea 14769/1/17 REV 1, it-30 ta’ Novembru 2017, http://data.consilium.europa.eu/doc/document/ST-14769-2017-REV-1/mt/pdf

(4)    Implimentazzjoni tal-Istrateġija dwar is-Suq Uniku Diġitali - Suq Uniku Diġitali (COM (2017) 228 final, 10.5.2017) ara: https://eur-lex.europa.eu/legal-content/MT/TXT/?qid=1496330315823&uri=CELEX:52017DC0228

(5)    L-Artikolu 14a tad-Direttiva tal-Kunsill 2006/112/KE se jqis il-postijiet tas-suq online, il-pjattaformi u l-portali bħala “fornituri” biex jiġi ffaċilitat il-bejgħ ta’ merkanzija permezz tal-interfaċċi elettroniċi tagħhom. Dawn se jitqiesu li rċevew u fornew dik il-merkanzija huma stess għal (a) bejgħ mill-bogħod ta’ merkanzija importata minn territorji terzi jew minn pajjiżi terzi li l-valur tagħha ma taqbiżx il-EUR 150, u (b) l-iffaċilitar permezz ta’ dawn il-pjattaformi tal-provvisti ta’ merkanzija min-negozju għall-konsumatur (B2C) li huma diġà fl-UE (jiġifieri f’ċentri ta’ eżekuzzjoni) minn persuni taxxabbli li mhumiex stabbiliti fl-UE.

(6)    Id-dokument ta’ sfond tal-Qorti Ewropea tal-Awdituri, “Collection of VAT and customs duties on cross-border e-commerce”, Lulju 2018.

(7)    Dan jinkludi territorji terzi skont l-Artikolu 6.

(8)    Ara l-propiosta għal Direttiva tal-Kunsill li temenda d-Direttiva 2006/112/KE u d-Direttiva 2009/132/KE fir-rigward ta’ ċerti obbligi tat-taxxa fuq il-valur miżjud għall-provvisti ta’ servizzi u għall-bejgħ mill-bogħod ta’ prodotti (COM(2016) 757 final), p. 2.

(9)    L-ammont ta’ xandir televeżiv illegali fil-Latvja fl-2015, Stockholm School of Economics, “Nelegālās maksas TV apraides apjoms Latvijā 2015”, disponibbli fuq:     https://www.researchgate.net/profile/Arnis_Sauka/publication/303382487_Nelegalas_maksas_TV_apraides_apjoms_Latvija_2015/links/573f5c7408ae298602e8f2f2.pdf  

(10)    Il-Europol u l-Uffiċċju tal-Proprjetà Intellettwali tal-Unjoni Ewropea: “2017 Situation Report on Counterfeiting and Piracy in the European Union”, disponibbli fuq www.europol.europa.eu/publications-documents/2017-situation-report-counterfeiting-and-piracy-in-european-union

(11)    Nordic Content Protection: “Trend Report 2017”, disponibbli fuq: www.ncprotection.com/wp-content/uploads/2017/03/Trend-Report-2017.pdf

(12)    Ara: www.ofcom.org.uk/__data/assets/pdf_file/0027/95661/ICMR-2016-4.pdf

(13)    Ikkalkulat bl-użu tar-rati standard mingħajr ma tqiesu r-rati mnaqqsa.

(14)    Fil-konsultazzjoni mmirata biex titħejja din il-proposta, tliet awtoritajiet tat-taxxa biss ipprovdew stimi approssimattivi tat-telf tal-VAT dwar provvisti intra-UE ta’ merkanzija B2C, provvisti intra-UE ta’ servizzi B2C u importazzjonijiet ta’ merkanzija fl-2015, l-2016 u l-2017.

(15)    “E-shopper barometer 2017” (DPD group), disponibbli fuq: https://www.dpd.com/be_en/business_customers/dpd_insights/e_shopper_barometer_2017 u International Post Corporation, “e-Commerce logistics and delivery”, eCom21 2016.

(16)    Ara: https://www.atkearney.com/documents/10192/1448080/Winning+the+Growth+Challenge+in+Payments.pdf/b9da93a5-9687-419e-b166-0b25daf585ff , p. 5.

(17)    B’mod partikolari, l-awtorità tat-taxxa Finlandiża kienet kapaċi tiġbor EUR 16-il miljun fl-2016 abbażi tal-kooperazzjoni ma’ fornituri tas-servizzi ta’ pagament.

(18)    Ara l-Anness 11 tal-Valutazzjoni tal-Impatt, “Third countries using payment data as VAT control tool”.

(19)    Ara: https://ec.europa.eu/commission/sites/beta-political/files/juncker-political-guidelines-speech_mt.pdf

(20)    Ara: https://ec.europa.eu/commission/sites/beta-political/files/soteu2018-brochure_mt.pdf  

(21)    Ir-Regolament tal-Kunsill (UE) 2018/1541 tat-2 ta’ Ottubru 2018 li jemenda r-Regolamenti (UE) Nru 904/2010 u (UE) 2017/2454 dwar il-kooperazzjoni amministrattiva fil-qasam tat-taxxa fuq il-valur miżjud (ĠU L 259, 16.10.2018, p. 1).

(22)    Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

(23)    Il-Forum tal-UE dwar il-VAT huwa grupp ta’ esperti tal-Kummissjoni li joffri pjattaforma ta’ diskussjoni fejn in-negozji u l-awtoritajiet tal-VAT jiltaqgħu biex jiddiskutu kif tista’ titjieb fil-prattika l-implimentazzjoni tal-leġiżlazzjoni tal-VAT. Ara d-Deċiżjoni tal-Kummissjoni tat-3 ta’ Lulju 2012 li tistabbilixxi l-Forum tal-UE dwar il-VAT (ĠU C 198, 6.7.2012, p. 4).

(24)    “Consolidated report on cooperation between Member States and businesses in the field of e-commerce/modern commerce”, p. 5. Ara: https://ec.europa.eu/taxation_customs/business/vat/vat-reports-published_en

(25)    Ara: http://www.consilium.europa.eu/en/press/press-releases/2018/02/06/eu-norway-agreement-signed-strengthening-the-prevention-of-vat-fraud/

(26)    Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (Test b’rilevanza għaż-ŻEE) (ĠU L 119, 4.5.2016, p. 1).

(27)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(28)    Il-Karta tad-Drittijiet Fundamentali tal-Unjoni Ewropea (ĠU C 326, 26.10.2012, p. 391).

(29)    Il-Kummissjoni ppubblikat ukoll il-pjan direzzjonali kkombinat/il-valutazzjoni tal-impatt tal-bidu (ara: https://ec.europa.eu/info/law/better-regulation/initiatives/ares-2018-899238_mt ) “Exchange of VAT-relevant payment data”, li jippermettu li jingħata feedback inizjali dwar l-inizjattiva. Matul il-perjodu ta’ feedback, jiġifieri bejn il-15 ta’ Frar 2018 u l-15 ta’ Marzu 2018, il-Kummissjoni rċeviet biss tliet tweġibiet. Tnejn minnhom kienu jappoġġaw l-inizjattiva, filwaqt li t-tielet waħda ma kinitx marbuta mal-kontenut tal-inizjattiva.

(30)    L-iskeda tas-sommarju eżekuttiv hija disponibbli fil-paġna li ġejja: http://ec.europa.eu/transparency/regdoc/index.cfm?fuseaction=list&coteId=10102&version=ALL&p=1& http://ec.europa.eu/transparency/regdoc/index.cfm?fuseaction=list&coteId=10102&version=ALL&p=1&

(31)    Jistgħu jiġu stabbiliti restrizzjonijiet fuq id-dritt li individwi jkunu infurmati b’mod trasparenti dwar: l-ipproċessar tad-data (l-Artikoli 12, 13 u 14); l-aċċess għad-data (l-Artikolu 15); ir-rettifikazzjoni tad-data (l-Artikolu 16); it-tħassir tad-data (l-Artikolu 17); ir-restrizzjoni tal-ipproċessar tad-data (l-Artikolu 18); in-notifika dwar kwalunkwe rettifika jew tħassir ta’ data (l-Artikolu 19); id-data li tiġi riċevuta f’format strutturat u komuni - il-portabbiltà tad-data (l-Artikolu 20); id-dritt ta’ oġġezzjoni (l-Artikolu 21); u d-dritt li individwu ma jkunx soġġett għal ipproċessar awtomatizzat u tfassil ta’ profil (l-Artikolu 22).

(32)    L-Artikolu 23 tal-GDPR u l-Artikolu 25 tar-Regolament (UE) 2018/1725.

(33)    L-uffiċjali ta’ kollegament tal-Eurofisc huma esperti kontra l-frodi tal-awtoritajiet tat-taxxa u jinħatru mill-Istati Membri bħala uffiċjali kompetenti għall-iskambju ta’ sinjali ta’ twissija bikrija għall-ġlieda kontra l-frodi tal-VAT. Ir-Regolament (UE) Nru 904/2010, il-Kapitolu X.

(34)    Fl-2017, E-commerce Europe stmat il-fatturat tal-kummerċ elettroniku għal EUR 602 biljun għar-reġjuni tat-Tramuntana, il-Lvant u n-Nofsinhar tal-Ewropa.

(35)    Il-Kumitat Permanenti dwar il-Kooperazzjoni Amministrattiva (SCAC) huwa magħmul minn rappreżentanti tal-Istati Membri u ppresedut mill-Kummissjoni. Is-SCAC huwa responsabbli mill-implimentazzjoni tar-Regolament (UE) Nru 904/2010.

(36)    Il-Proposta għal Regolament tal-Parlament Ewropew u tal-Kunsill li jistabbilixxi l-programm “Fiscalis” għall-kooperazzjoni fil-qasam tat-tassazzjoni (COM(2018) 443 final), l-Artikolu 18.

(37)    Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (Test b’rilevanza għaż-ŻEE) (ĠU L 337, 23.12.2015, p. 35).

(38)    “Benefiċjarju” tfisser persuna fiżika jew ġuridika li tkun ir-riċevitur intenzjonat ta’ fondi li kienu s-suġġett ta’ tranżazzjoni ta’ pagament (l-Artikolu 4(9) tal-PSD2).

(39)    “Pagatur” tfisser persuna fiżika jew ġuridika li għandha kont ta’ pagament u li tippermetti ordni ta’ pagament minn dak il-kont ta’ pagament, jew, fejn ma jkun hemm l-ebda kont ta’ pagament, persuna fiżika jew ġuridika li tagħti ordni ta’ pagament (l-Artikolu 9(8) tal-PSD2).

(40)    https://www.statista.com/statistics/239247/global-online-shopping-order-values-by-device

(41)    Ir-Regolament SEPA (UE) Nru 260/2012 tal-Parlament Ewropew u tal-Kunsill tal-14 ta’ Marzu 2012 li jistabbilixxi rekwiżiti tekniċi u tan-negozju għat-trasferimenti ta’ kreditu u debiti diretti bl-euro (ĠU L 94, 30.3.2012, p. 22).

(42)    ĠU C , , p. .

(43)    ĠU C , , p. .

(44)    Id-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (ĠU L 347, 11.12.2006, p. 1).

(45)    Ir-Regolament ta’ Implimentazzjoni tal-Kunsill (UE) Nru 282/2011 tal-15 ta’ Marzu 2011 li jistabbilixxi miżuri ta’ implimentazzjoni fir-rigward tad-Direttiva 2006/112/KE dwar is-sistema komuni ta’ taxxa fuq il-valur miżjud (ĠU L 77, 23.3.2011, p. 1).

(46)    Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-proċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(47)    Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

(48)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(49)    ĠU C […], […], p. […].

(50)    Kif imsemmi fl-Artikolu 58(2)(a) jew (b) tar-Regolament Finanzjarju.

(51)    Dettalji tal-metodi ta’ ġestjoni u r-referenzi għar-Regolament Finanzjarju huma disponibbli fis-sit web tad-DĠ BUDG: https://myintracomm.ec.europa.eu/budgweb/EN/man/budgmanag/Pages/budgmanag.aspx

(52)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(53)    EFTA: l-Assoċjazzjoni Ewropea tal-Kummerċ Ħieles.

(54)    Pajjiżi kandidati u, fejn applikabbli, kandidati potenzjali mill-Balkani tal-Punent.

(55)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(56)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(57)    AC = Persunal b’Kuntratt; AL = Persunal Lokali; END = Espert Nazzjonali Sekondat; INT= Persunal tal-Aġenzija; JPD = Esperti Subordinati fid-Delegazzjonijiet.

(58)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji "BA").

(59)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % tal-kostijiet tal-ġbir.