IL-KUMMISSJONI EWROPEA
Brussell, 10.9.2018
COM(2018) 621 final
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni wara
applikazzjoni mill-Portugall - EGF/2018/002 PT/Norte — Centro — Lisboa għall-ilbies
x0009
MEMORANDUM TA’ SPJEGAZZJONI
KUNTEST TAL-PROPOSTA
1.Ir-regoli applikabbli għall-kontribuzzjonijiet finanzjarji mill-Fond Ewropew ta’ Aġġustament għall-Globalizzazzjoni (il-FEG) huma stabbiliti fir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 1 (ir-“Regolament dwar il-FEG”).
2.Fl-24 ta’ April 2018, il-Portugall ressaq l-applikazzjoni EGF/2018/002 PT/Norte — Centro — Lisboa tal-ilbies għal kontribuzzjoni finanzjarja mill-FEG, wara sensji 2 fis-settur ekonomiku kklassifikat taħt NACE Reviżjoni 2 Diviżjoni 14 (Manifattura tal-ilbies) fir-reġjuni tal-livell NUTS 2 ta’ Norte (PT11), ta’ Centro (PT16) u ta’ Lisboa (PT17) fil-Portugall.
3.F’konformità mad-dispożizzjonijiet applikabbli kollha tar-Regolament dwar il-FEG, wara l-valutazzjoni tagħha ta’ din l-applikazzjoni, il-Kummissjoni kkonkludiet li l-kundizzjonijiet għall-għoti ta’ kontribuzzjoni finanzjarja mill-FEG huma ssodisfati.
SOMMARJU TAL-APPLIKAZZJONI
|
Applikazzjoni tal-FEG |
EGF/2018/002 PT/Norte — Centro — Lisboa tal-ilbies |
|
Stat Membru |
Il-Portugall |
|
Reġjun(i) kkonċernat(i) (livell NUTS 3 2) |
Norte (PT11), Centro (PT16) u Lisboa (PT17) |
|
Data tal-tressiq tal-applikazzjoni |
l-24 ta' April 2018 |
|
Data tal-konferma tal-wasla tal-applikazzjoni |
l-24 ta' April 2018 |
|
Data tat-talba għal informazzjoni addizzjonali |
it-8 ta' Mejju 2018 |
|
Skadenza għall-forniment tal-informazzjoni addizzjonali |
id-19 ta' Ġunju 2018 |
|
Skadenza għat-tlestija tal-valutazzjoni |
il-11 ta' Settembru 2018 |
|
Kriterju ta’ intervent |
L-Artikolu 4(1)(b) tar-Regolament dwar il-FEG |
|
Għadd ta’ intrapriżi kkonċernati |
2 |
|
Settur(i) ta’ attività ekonomika (Diviżjoni tan-NACE Reviżjoni 2) 4 |
Diviżjoni 14 — Manifattura tal-ilbies |
|
Perjodu referenzjarju (disa’ xhur): |
l-1 ta’ Mejju 2017 - l-1 ta’ Frar 2018 |
|
Għadd ta’ sensji matul il-perjodu ta’ referenza (a) |
1 161 |
|
Għadd totali ta’ benefiċjarji eliġibbli |
1 161 |
|
Għadd totali ta’ benefiċjarji fil-mira |
730 |
|
Għadd ta’ żgħażagħ fil-mira li huma barra mill-edukazzjoni, impjieg jew taħriġ (NEETs) |
730 |
|
Baġit għal servizzi personalizzati (EUR) |
7 742 160 |
|
Baġit għall-implimentazzjoni tal-FEG 5 (EUR) |
17 646 |
|
Baġit totali (EUR) |
7 759 806 |
|
Kontribuzzjoni tal-FEG (60 %) (EUR) |
4 655 883 |
VALUTAZZJONI TAL-APPLIKAZZJONI
Proċedura
4.Fl-24 ta’ April 2018, il-Portugall ressaq l-applikazzjoni EGF/2018/002 fi żmien 12-il ġimgħa mid-data li fiha ġew issodisfati l-kriterji ta' intervent stabbiliti fl-Artikolu 4 tar-Regolament dwar il-FEG. Il-Kummissjoni kkonfermat il-wasla tal-applikazzjoni fl-istess data u fit-8 ta’ Mejju 2018 talbet informazzjoni addizzjonali mill-Portugall. Din l-informazzjoni addizzjonali ngħatat fi żmien sitt ġimgħat mid-data tat-talba. L-iskadenza ta’ 12-il ġimgħa mill-wasla tal-applikazzjoni kompluta, li fihom il-Kummissjoni jenħtieġ li tiffinalizza l-valutazzjoni tagħha dwar il-konformità tal-applikazzjoni mal-kundizzjonijiet għall-għoti ta’ kontribuzzjoni finanzjarja, tiskadi fil-11 ta’ Settembru 2018.
Eliġibbiltà tal-applikazzjoni
Intrapriżi u benefiċjarji kkonċernati
5.L-applikazzjoni tikkonċerna 1 161 ħaddiem li ngħataw is-sensja fis-settur ekonomiku kklassifikat taħt id-Diviżjoni 14 NACE Reviżjoni 2 (Manifattura tal-ilbies). Is-sensji seħħew fir-reġjuni tal-livell NUTS 2 ta’ Norte (PT11), ta’ Centro (PT16) u ta’ Lisboa (PT17).
|
Intrapriżi u għadd ta’ sensji fil-perjodu referenzjarju |
|||
|
Ricon Group |
709 |
||
|
Têxtil Gramax Internacional |
452 |
||
|
|
Għadd totali ta’ sensji: |
1 161 |
|
|
Għadd totali ta’ persuni li jaħdmu għal rashom li waqqfu l-attività tagħhom: |
0 |
||
|
Għadd totali ta’ ħaddiema u ta’ persuni li jaħdmu għal rashom li huma eliġibbli: |
1 161 |
||
Kriterji ta’ intervent
6.Il-Portugall ressaq l-applikazzjoni skont il-kriterji ta’ intervent tal-Artikolu 4(1)(b) tar-Regolament dwar il-FEG, li jeħtieġ li mill-inqas 500 ħaddiem ikunu ngħataw is-sensja tul perjodu referenzjarju ta’ disa’ xhur f’intrapriżi li joperaw fl-istess settur ekonomiku ddefinit fil-livell ta’ diviżjoni tan-NACE Reviżjoni 2, u li jkunu jinsabu f’reġjun wieħed jew f’żewġ reġjuni kontigwi, jew f’iktar minn żewġ reġjuni kontigwi ddefiniti fil-livell NUTS 2, dment li jkun hemm iktar minn 500 ħaddiem milquta fi tnejn mir-reġjuni kollha flimkien fi Stat Membru. Kien hemm 1 161 sensja b’kollox, imqassma f’reġjuni tal-livell NUTS 2 kif ġej: 609 sensja f’Norte (PT11), 17 f’Centro (PT16) u 535 f’Lisboa (PT17).
7.Il-perjodu referenzjarju ta’ disa’ xhur għall-applikazzjoni huwa validu mill-1 ta’ Mejju 2017 sal-1 ta’ Frar 2018.
Kalkolu tas-sensji u ta’ waqfien mill-attività
8.Is-sensji kollha ġew ikkalkolati mid-data tat-terminazzjoni de facto tal-kuntratt tal-impjieg jew mal-iskadenza tiegħu.
Benefiċjarji eliġibbli
9.L-għadd totali ta’ benefiċjarji eliġibbli huwa 1 161.
Rabta bejn is-sensji u l-bidliet strutturali ewlenin fix-xejriet kummerċjali dinjija minħabba l-globalizzazzjoni
10.Sabiex tiġi stabbilita rabta bejn is-sensji u l-bidliet strutturali ewlenin fix-xejriet kummerċjali dinjija minħabba l-globalizzazzjoni, il-Portugall jargumenta li s-settur tal-ilbies għadda minn taqlib ekonomiku serju, b’mod partikolari tnaqqis fis-sehem mis-suq tal-UE, wara tmiem il-Ftehim dwar il-Multifibra 6 fl-2004.
Importazzjonijiet u esportazzjonijiet ta’ ħwejjeġ fl-EU28 (f’miljuni ta’ Euro)
|
2004 |
2005 |
2006 |
2007 |
2008 |
2009 |
2010 |
|
|
IMPORTAZZJONIJIET |
49 674,5 |
54 379,5 |
61 409,9 |
64 479,0 |
65 990,0 |
63 735,6 |
71 169,7 |
|
ESPORTAZZJONIJIET |
14 929,5 |
15 684,1 |
17 095,7 |
18 368,8 |
19 159,5 |
16 218,6 |
17 346,2 |
|
2011 |
2012 |
2013 |
2014 |
2015 |
2016 |
||
|
IMPORTAZZJONIJIET |
77 866,3 |
75 008,4 |
74 830,4 |
82 016,8 |
90 256,8 |
91 002,5 |
|
|
ESPORTAZZJONIJIET |
20 555,7 |
22 857,5 |
23 888,9 |
24 990,4 |
25 944,7 |
26 149,1 |
11.Mill-2004 sal-2016, l-importazzjonijiet fl-EU28 żdiedu bi 83,19 %. Matul l-istess perjodu, l-esportazzjonijiet mill-EU28 żdiedu wkoll, għalkemm fuq skala iżgħar. L-esportazzjonijiet tal-ħwejjeġ żdiedu b’75,15 % fl-2016 meta mqabbla mal-2004. B’konsegwenza ta’ dan, il-bilanċ kummerċjali baqa’ f’defiċit.
12.Bħalissa, iċ-Ċina hija l-akbar fornitur tal-UE b’żieda ta’ 108 % tal-esportazzjonijiet tagħha lejn l-EU28 bejn l-2008 u l-2016, u warajha l-Bangladesh u t-Turkija 7 .
13.Sal-lum, is-settur tal-manifattura tal-ilbies għadu s-suġġett ta’ sitt applikazzjonijiet tal-FEG, li erbgħa minnhom kienu bbażati fuq il-globalizzazzjoni relatata mal-kummerċ u tnejn fuq il-kriżi finanzjarja u ekonomika globali 8 .
Avvenimenti li jikkawżaw is-sensji u l-waqfien mill-attività
14.Iż-żieda fl-importazzjonijiet lejn l-UE għamlet pressjoni biex jonqsu l-prezzijiet u dan ħalla effett negattiv fuq il-pożizzjoni finanzjarja tal-intrapriżi fis-settur tat-tessuti fl-UE u kkawża tendenza ġenerali fl-industrija tat-tessuti u l-ħwejjeġ biex il-produzzjoni tinħareġ lejn pajjiżi b’anqas spejjeż barra mill-UE, bħaċ-Ċina u diversi pajjiżi Asjatiċi 9 . Fil-Portugall, fir-reġjuni ta’ Norte, ta’ Centro u ta’ Lisboa, dan irriżulta fi tnaqqis kostanti fl-għadd ta’ ħaddiema fis-settur tal-ilbies (minn 130 000 fl-2005 għal 90 000 fl-2016) 10 .
Impatt mistenni tas-sensji fir-rigward tal-ekonomija u l-impjiegi lokali, reġjonali jew nazzjonali
15.Fl-2017, ir-rata tal-qgħad fiż-żewġ reġjuni ta’ Norte u Lisboa (9,5 %) kienet ogħla mill-medja nazzjonali (8,9 %) u minħabba s-sensji qawwija li ngħataw fis-settur ekonomiku tal-ilbies din is-sitwazzjoni se tkompli sejra għall-agħar 11 .
16.Ir-rata tal-qgħad fis-settur tal-ilbies fid-distretti fejn seħħew is-sensji hija ogħla minn dik fir-reġjuni — Norte, Centro u Lisboa — li jappartjenu għalihom 12 .
|
REĠJUN |
2017 |
|
NORTE |
6,88 |
|
Penafiel |
7,13 |
|
CENTRO |
4,66 |
|
Coimbra |
5,60 |
|
LISBOA |
5,18 |
|
Lisboa (id-distrett) |
7,39 |
Għalhekk is-sensji kellhom impatt negattiv sinifikanti fuq is-sitwazzjoni eżistenti tas-swieq tax-xogħol lokali 13 .
17.Aktar minn 20 % tal-ħaddiema fil-mira għandhom aktar minn 55 sena u 88 % huma nisa.
18.L-impatt mistenni tas-sensji huwa marbut mad-diffikultajiet biex ħaddiema b’ħiliet baxxi jkunu jistgħu jsibu impjieg ġdid. Il-ħaddiema li ngħataw is-sensja fil-biċċa l-kbira tagħhom huma b’ħiliet baxxi (78 % ma għandhomx edukazzjoni sekondarja għolja). Id-data fir-rigward tal-perjodu bejn l-2014 u l-2017 turi li r-rata tal-qgħad ta’ persuni b’livell ta’ edukazzjoni ogħla hija dejjem iktar baxxa mir-rata tal-qgħad totali (pereżempju 6,5% kontra 8,9 % fl-2017). Min-naħa l-oħra, ir-rata tal-qgħad ta’ persuni b’inqas jew bl-ebda livell ta’ edukazzjoni hija normalment ogħla mir-rata tal-qgħad nazzjonali (bil-livelli edukattivi kollha inklużi).
Ir-rata tal-qgħad skont il-livell tal-edukazzjoni 14
|
L-ebda livell edukattiv |
Primarju |
Sekondarju Post sekondarju |
Terzjarju |
Total |
|
|
2017 |
11,1 % |
9,5 % |
9,9 % |
6,5 % |
8,9 % |
|
2016 |
13,1 % |
11,8 % |
12,2 % |
8,4 % |
11,1 % |
|
2015 |
13,2 % |
13,3 % |
13,9 % |
9,2 % |
12,4 % |
|
2014 |
13,9 % |
15 % |
15,3 % |
10 % |
13,9 % |
Benefiċjarji fil-mira u azzjonijiet proposti
Benefiċjarji fil-mira
19.Huwa stmat li 730 ħaddiem li ngħataw is-sensja huma mistennija li jipparteċipaw fil-miżuri. It-tqassim ta’ dawn il-ħaddiema skont is-sess, iċ-ċittadinanza u l-grupp ta’ età huwa kif ġej:
|
Kategorija |
Għadd ta’
|
||
|
Sess: |
Irġiel: |
83 |
(11,37 %) |
|
Nisa: |
647 |
(88,63 %) |
|
|
Ċittadinanza: |
Ċittadini tal-UE: |
730 |
(100,00 %) |
|
Ċittadini mhux tal-UE: |
0 |
(0,00 %) |
|
|
Grupp ta’ età: |
15-24 sena: |
12 |
(1,64 %) |
|
25-29 sena: |
21 |
(2,88 %) |
|
|
30-54 sena: |
547 |
(74,93 %) |
|
|
55-64 sena: |
150 |
(20,55 %) |
|
|
aktar minn 64 sena: |
0 |
(0,00 %) |
|
20.Barra minn hekk, il-Portugall se jipprovdi servizzi personalizzati kkofinanzjati mill-FEG lil massimu ta’ 730 żagħżugħ/a barra mill-edukazzjoni, impjieg jew taħriġ (NEETs) taħt l-età ta’ 30 sena fid-data ta’ tressiq tal-applikazzjoni, peress li 1 161 mis-sensji msemmija fil-paragrafu 9 jseħħu fir-reġjuni tal-livell NUTS 2 ta’ Norte (PT11), Centro (PT16) u Lisboa (PT17) li kellhom rati tal-qgħad fost iż-żgħażagħ għal żgħażagħ ta’ bejn il-15 u l-24 sena ta’ mill-inqas 20 % bbażata fuq id-data annwali disponibbli għall-2017.
21.Għalhekk, l-għadd totali stmat ta’ benefiċjarji fil-mira li huma mistennija jieħdu sehem fil-miżuri, inklużi n-NEETs, huwa ta’ 1 460.
Eliġibbiltà tal-azzjonijiet proposti
22.Is-servizzi personalizzati li jridu jiġu pprovduti lill-ħaddiema li ngħataw is-sensja huma dawn l-azzjonijiet li ġejjin:
–Taħriġ u taħriġ mill-ġdid. Dan jinkludi traineeships, taħriġ vokazzjonali u kontinwu u pjanijiet ta’ integrazzjoni indirizzati lil ħaddiema u lin-NEETs. L-attivitajiet tfasslu biex jaqblu f’dak li joffru mad-domanda tas-suq tax-xogħol u biex jgħinu lill-parteċipanti jiżviluppaw il-ħiliet tagħhom.
–Promozzjoni tal-intraprenditorija. Din il-miżura se tipprovdi lill-parteċipanti b’għotja biex jippromwovu l-impjieg indipendenti flimkien ma’ taħriġ imprenditorjali u l-possibbiltà li jissieħbu ma’ Startup Incubation appoġġata mis-Servizz Pubbliku tal-Impjiegi Portugiż (IEFP).
–Allokazzjonijiet Dawn jinkludu: 1) allokazzjonijiet għat-taħriġ biex ikopru l-ispejjeż imġarrba waqt it-taħriġ mill-persuni li qed ifittxu x-xogħol jew in-NEETs; 2) allokazzjonijiet għall-mobbiltà biex jikkumpensaw għall-ivvjaġġar mill-post ta’ residenza lejn u minn attivitajiet ta’ taħriġ rispettivi; 3) allokazzjonijiet għall-ikel biex jgħinu jkopru l-ispejjeż lill-parteċipanti meta jkollhom jieklu barra.
23.L-azzjonijiet proposti, deskritti hawnhekk, huma miżuri attivi tas-suq tax-xogħol skont l-azzjonijiet eliġibbli stipulati fl-Artikolu 7 tar-Regolament dwar il-FEG. Dawn l-azzjonijiet ma jissostitwux miżuri passivi ta’ protezzjoni soċjali.
24.Il-Portugall ipprovda l-informazzjoni meħtieġa dwar l-azzjonijiet li huma obbligatorji għall-intrapriża kkonċernata b’konformità mal-liġi nazzjonali jew skont ftehimiet kollettivi. Ikkonferma li l-kontribuzzjoni finanzjarja mill-FEG mhijiex se tissostitwixxi dawn l-azzjonijiet.
Baġit stmat
25.L-ispejjeż totali stmati huma EUR 7 759 806, li jinkludu n-nefqa għal servizzi personalizzati ta’ EUR 7 742 160, u n-nefqa għal attivitajiet ta’ tħejjija, ġestjoni, informazzjoni u pubbliċità, kontroll u rapportar ta’ EUR 17 646.
26.Il-kontribuzzjoni finanzjarja totali mitluba mingħand il-FEG hija ta’ EUR 4 655 883 (60 % tal-ispejjeż totali).
|
Azzjonijiet |
Għadd stmat ta’ parteċipanti |
Stima tal-ispejjeż għal kull parteċipant
|
Spejjeż totali stmati (f’EUR) ** |
|
Servizzi personalizzati (Azzjonijiet skont l-Artikolu 7(1)(a) u (c) tar-Regolament dwar il-FEG) |
|||
|
Taħriġ u taħriġ mill-ġdid (Estágios Profissionais/Cursos de Formação Profissional/Plano de Integração) |
1 571*** |
3 147 |
4 943 633 |
|
Promozzjoni tal-intraprenditorija (Bolsa de criação de emprego por conta própria/Formação em empreendedorismo/Possibilidade de integração do Ninho de Empresas do IEFP) |
30 |
15 000 |
450 000 |
|
Subtotal (a): Perċentwal tal-pakkett ta’ servizzi personalizzati |
– |
5 393 633 |
|
|
(69,67%) |
|||
|
Allokazzjonijiet u inċentivi (Azzjonijiet skont l-Artikolu 7(1)(b) tar-Regolament dwar il-FEG) |
|||
|
Allowances għat-taħriġ, il-mobbiltà u l-ikel (Bolsa de formação, transporte e alimentação) |
861 |
2 728 |
2 348 527 |
|
Subtotal (b): Perċentwal tal-pakkett ta’ servizzi personalizzati: |
– |
2 348 527 |
|
|
(30,33 %) |
|||
|
Azzjonijiet skont l-Artikolu 7(4) tar-Regolament dwar il-FEG |
|||
|
1. Attivitajiet ta’ tħejjija |
– |
0,00 |
|
|
2. Ġestjoni |
– |
15 236 |
|
|
3. Informazzjoni u pubbliċità |
– |
0,00 |
|
|
4. Kontroll u rapportar |
– |
2 410 |
|
|
Subtotal (c): Perċentwal tal-ispejjeż totali: |
– |
17 646 |
|
|
(0,23 %) |
|||
|
Spejjeż totali (a + b + c): |
– |
7 759 806 |
|
|
Kontribuzzjoni tal-FEG (60 % tal-ispejjeż totali) |
– |
4 655 883 |
|
* Biex jiġu evitati d-deċimali, l-istimi tal-ispejjeż għal kull ħaddiem tqarrbu għall-eqreb numru sħiħ. Madankollu it-tqarrib ma għandu l-ebda impatt fuq l-ispiża totali ta’ kull miżura li jibqa’ bħal fl-applikazzjoni mressqa mill-Portugall.
** It-totali ma jaqblux minħabba t-tqarrib taċ-ċifri.
*** L-għadd ta’ parteċipanti huwa ogħla min-numru totali stmat ta’ benefiċjarji fil-mira, billi xi parteċipanti jieħdu sehem f’aktar minn attività waħda ta’ taħriġ.
27.L-ispejjeż tal-azzjonijiet identifikati fit-tabella ta’ hawn fuq bħala azzjonijiet skont l-Artikolu 7(1)(b) tar-Regolament tal-FEG ma jaqbżux il-35 % tal-ispejjeż totali tal-pakkett koordinat ta’ servizzi personalizzati. Il-Portugall ikkonferma li dawn l-azzjonijiet huma soġġetti għall-parteċipazzjoni attiva tal-benefiċjarji fil-mira fit-tfittix ta’ impjieg jew l-attivitajiet ta’ taħriġ.
28.Il-Portugall ikkonferma li l-ispejjeż tal-investimenti għall-ħaddiema li jaħdmu għal rashom, għall-istart-ups u għall-akkwiżizzjoni tal-impjegati mhumiex se jaqbżu l-EUR 15 000 għal kull benefiċjarju.
Perjodu ta’ eliġibbiltà tal-infiq
29.Il-Portugall beda jipprovdi s-servizzi personalizzati lill-benefiċjarji fil-mira fl-1 ta’ Ġunju 2018. Għalhekk, mill-1 ta’ Ġunju 2018 sal-1 ta’ Ġunju 2020, in-nefqa fuq l-azzjonijiet se tkun eliġibbli għal kontribuzzjoni finanzjarja mill-FEG.
30.Il-Portugall beda jakkumula n-nefqa amministrattiva sabiex jimplimenta l-FEG fl-1 ta’ Ġunju 2018. Għaldaqstant, in-nefqa għal attivitajiet ta’ tħejjija, ġestjoni, informazzjoni u pubbliċità, kontroll u rapportar għandha tkun eliġibbli għal kontribuzzjoni finanzjarja mill-FEG mill-1 ta’ Ġunju 2018 sal-1 ta’ Diċembru 2020.
Komplementarjetà mal-azzjonijiet iffinanzjati minn fondi nazzjonali jew tal-Unjoni
31.Is-sors ta’ prefinanzjament jew kofinanzjament nazzjonali huwa s-Servizz Pubbliku tal-Impjiegi Portugiż (IEFP).
32.Il-Portugall ikkonferma li l-miżuri deskritti hawn fuq li jirċievu kontribuzzjoni finanzjarja mill-FEG mhux se jirċievu wkoll kontribuzzjonijiet finanzjarji minn strumenti finanzjarji oħrajn tal-Unjoni.
Proċeduri għall-konsultazzjoni mal-benefiċjarji fil-mira, mar-rappreżentanti tagħhom, mas-sħab soċjali jew mal-awtoritajiet lokali u reġjonali
33.Il-Portugall indika li l-pakkett ikkoordinat ta’ servizzi personalizzati tfassal b’konsultazzjoni ma’ grupp ta’ ħidma, li kien jinkludi s-Servizz Pubbliku tal-Impjiegi, ir-rappreżentanti tat-trejdjunjins, l-Istitut tas-Sigurtà Soċjali u l-Awtorità għall-Kundizzjonijiet tax-Xogħol.
Sistemi ta’ ġestjoni u ta’ kontroll
34.L-applikazzjoni tinkludi deskrizzjoni tas-sistema ta’ ġestjoni u ta’ kontroll li tispeċifika r-responsabbiltajiet tal-korpi involuti. Il-Portugall innotifika lill-Kummissjoni li l-kontribuzzjoni finanzjarja se tiġi ġestita u kkontrollata mill-istess korpi li huma responsabbli għall-Fond Soċjali Ewropew (FSE).
Impenji mogħtija mill-Istat Membru kkonċernat
35.Il-Portugall ipprovda l-assigurazzjonijiet kollha meħtieġa fir-rigward ta’ dawn li ġejjin:
–fl-aċċess għall-azzjonijiet proposti u fl-implimentazzjoni tagħhom, se jiġu rispettati l-prinċipji tal-ugwaljanza fit-trattament u tan-nondiskriminazzjoni,
–ir-rekwiżiti stabbiliti fil-leġiżlazzjoni nazzjonali u dik tal-UE rigward sensji kollettivi se jkunu ġew issodisfati,
–l-azzjonijiet proposti mhumiex se jirċievu appoġġ finanzjarju minn fondi jew strumenti finanzjarji oħra tal-Unjoni, u se jiġi evitat kwalunkwe finanzjament doppju,
–l-azzjonijiet proposti se jikkumplimentaw l-azzjonijiet iffinanzjati mill-Fondi Strutturali,
–il-kontribuzzjoni finanzjarja mill-FEG se tikkonforma mar-regoli proċedurali u materjali tal-Unjoni dwar l-għajnuna mill-Istat.
IMPLIKAZZJONI BAĠITARJA
Proposta baġitarja
36.Il-FEG ma għandux jaqbeż ammont annwali massimu ta’ EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020 15 .
37.Wara li eżaminat l-applikazzjoni fir-rigward tal-kundizzjonijiet stipulati fl-Artikolu 13(1) tar-Regolament dwar il-FEG, u wara li qieset l-għadd ta’ benefiċjarji fil-mira, l-azzjonijiet proposti u l-istima tal-ispejjeż, il-Kummissjoni tipproponi li timmobilizza l-FEG għall-ammont ta’ EUR 4 655 883, li jirrappreżenta 60 % tal-ispejjeż totali tal-azzjonijiet proposti, sabiex tingħata kontribuzzjoni finanzjarja għall-applikazzjoni.
38.Id-deċiżjoni proposta biex jiġi mmobilizzat il-FEG se tittieħed b’mod konġunt mill-Parlament Ewropew u mill-Kunsill, kif stabbilit fil-punt 13 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba 16 .
Atti relatati
39.Fl-istess ħin li tressaq din il-proposta għal deċiżjoni sabiex jiġi mmobilizzat il-FEG, il-Kummissjoni se tressaq lill-Parlament Ewropew u lill-Kunsill, proposta għal trasferiment tal-ammont ta’ EUR 4 655 883 lejn il-linja baġitarja rilevanti.
40.Fl-istess ħin li tadotta din il-proposta għal deċiżjoni biex jiġi mmobilizzat il-FEG, il-Kummissjoni se tadotta deċiżjoni dwar kontribuzzjoni finanzjarja permezz ta’ att ta’ implimentazzjoni li se jidħol fis-seħħ fid-data li fiha l-Parlament Ewropew u l-Kunsill jadottaw id-deċiżjoni proposta biex jiġi mmobilizzat il-FEG.
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni wara
applikazzjoni mill-Portugall - EGF/2018/002 PT/Norte — Centro — Lisboa għall-ilbies
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 17 , u b’mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba 18 , u b'mod partikolari l-punt 13 tiegħu,
Wara li kkunsidraw il-proposta tal-Kummissjoni Ewropea,
Billi:
(1)Il-Fond Ewropew ta' Aġġustament għall-Globalizzazzjoni (il-FEG) għandu l-iskop li jagħti appoġġ lill-ħaddiema li jkunu ngħataw is-sensja u lill-persuni li jaħdmu għal rashom u li kellhom iwaqqfu l-attività tagħhom minħabba bidliet strutturali kbar fl-andament kummerċjali dinji bħala riżultat tal-globalizzazzjoni, bħala riżultat tal-kontinwazzjoni tal-kriżi finanzjarja u ekonomika globali, jew bħala riżultat ta' kriżi finanzjarja u ekonomika globali ġdida, u li jassistihom fir-reintegrazzjoni tagħhom fis-suq tax-xogħol.
(2)Il-FEG ma jridx jaqbeż ammont annwali massimu ta’ EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 19 .
(3)Fl-24 ta’ April 2018, il-Portugall ressaq applikazzjoni għall-mobilizzazzjoni tal-FEG, fir-rigward ta' sensji fis-settur ekonomiku kklassifikat taħt il-klassifikazzjoni Statistika ta’ attivitajiet ekonomiċi fil-Komunità Ewropea (“NACE”) Reviżjoni 2 Diviżjoni 14 (Manifattura tal-ilbies) fin-Nomenklatura ta' Unitajiet Territorjali għall-Istatistika (“NUTS”) 20 livell 2 ir-reġjuni ta’ Norte (PT11), ta’ Centro (PT16) u ta’ Lisboa (PT17), fil-Portugall. Dik l-applikazzjoni tikkonforma mar-rekwiżiti għad-determinazzjoni ta' kontribuzzjoni finanzjarja mill-FEG, kif stabbilit fl-Artikolu 13 tar-Regolament (UE) Nru 1309/2013.
(4)Skont l-Artikolu 6(2) tar-Regolament (UE) Nru 1309/2013, il-Portugall iddeċida li jipprovdi servizzi personalizzati kofinanzjati mill-FEG lil 730 żagħżugħ/a li jinsabu barra mill-impjieg, edukazzjoni jew taħriġ (NEETs) ukoll.
(5)Għaldaqstant, il-FEG jenħtieġ li jiġi mmobilizzat sabiex tingħata kontribuzzjoni finanzjarja li tammonta għal EUR 4 655 883 għall-applikazzjoni mressqa mill-Portugall.
(6)Sabiex iż-żmien li jittieħed għall-mobilizzazzjoni tal-FEG jitnaqqas kemm jista' jkun, din id-deċiżjoni jenħtieġ li tidħol fis-seħħ mid-data tal-adozzjoni tagħha,
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2018, il-Fond Ewropew ta’ Aġġustament għall-Globalizzazzjoni għandu jiġi mmobilizzat biex jipprovdi l-ammont ta’ EUR 4 655 883 f’approprjazzjonijiet ta’ impenn u ta’ pagament.
Artikolu 2
Din id-Deċiżjoni għandha tidħol fis-seħħ fil-jum li fih tiġi ppubblikata f’Il-Ġurnal Uffiċjali tal-Unjoni Ewropea. Hija għandha tapplika minn [the date of its adoption]*.
Magħmul fi Brussell,
Għall-Parlament Ewropew Għall-Kunsill
Il-President Il-President