Brussell, 5.7.2018

COM(2018) 518 final

2018/0281(NLE)

Proposta għal

DEĊIŻJONI TAL-KUNSILL

dwar il-konklużjoni, f’isem l-Unjoni Ewropea, tal-Ftehim fil-forma ta’ Skambju ta’ Ittri bejn l-Unjoni u r-Repubblika tal-Poplu taċ-Ċina f’rabta mal-proċedimenti għas-soluzzjoni tat-tilwim DS492 tad-WTO, Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam


MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

Wara r-rapport tal-bord tad-WTO adottat fid-19 ta’ April 2017 fil-proċedimenti għas-soluzzjoni tat-tilwim DS492 tad-WTO Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam imressqa mir-Repubblika Popolari taċ-Ċina kontra l-Unjoni Ewropea, l-UE kienet meħtieġa tikkonforma mas-sejbiet. B’mod partikolari, il-bord sab li fl-allokazzjoni tal-kwantitajiet fi ħdan il-kwoti tariffarji lill-pajjiżi fornituri skont ir-regoli tad-WTO, l-UE kellha tikkunsidra bħala “fattur speċjali” il-kapaċità akbar li ċ-Ċina tesporta prodotti tal-pollam lejn l-UE wara l-illaxkar tal-miżuri sanitarji f’Lulju 2008. Il-perjodu ta’ żmien raġonevoli għall-implimentazzjoni tar-Rapport tal-Bord skont ir-regoli tad-WTO beda fid-19 ta’ April 2017.

Fit-12 ta’ Marzu 2018, il-Kunsill awtorizza lill-Kummissjoni biex tiftaħ negozjati dwar soluzzjoni bi qbil reċiproku (“MAS” - mutually agreed solution) maċ-Ċina. In-negozjati maċ-Ċina rriżultaw f’abbozz ta’ Ftehim fil-forma ta’ Skambju ta’ Ittri li ġie inizjalat fit-18 ta’ Ġunju 2018 f’Geneva (“il-Ftehim”). Il-Ftehim jenħtieġ li jirrispetta d-drittijiet ta’ fornituri oħra, li dwarhom intlaħaq qbil fil-kuntest tan-negozjati tal-passat skont l-Artikolu XXVIII tal-GATT. Jeħtieġ ukoll li l-Kummissjoni taħseb f’ġestjoni tal-kwoti tariffarji trasparenti u xierqa.

It-Tajlandja indikat li taqbel mal-allokazzjonijiet ta’ TRQs liċ-Ċina kif stabbilit fil-Ftehim u nistennew li nirċievu konferma bil-miktub fi żmien qasir (u fi kwalunkwe każ qabel l-iffirmar formali ta’ dan il-Ftehim)

B’konsegwenza ta’ dan, il-Kummissjoni Ewropea tipproponi lill-Kunsill li jadotta deċiżjoni biex jikkonkludi l-Ftehim.

•Konsistenza mad-dispożizzjonijiet eżistenti fil-qasam ta’ politika

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Konsistenza ma’ politiki oħra tal-Unjoni

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

L-Artikolu 207 tat-Trattat dwar il-Funzjonament tal-Unjoni Ewropea (TFUE), flimkien mal-Artikolu 218(6) TFUE dwar il-konklużjoni ta’ ftehimiet internazzjonali.

•Sussidjarjetà (għall-kompetenza mhux esklużiva)

Il-proposta taqa’ fil-kompetenza esklużiva tal-Unjoni, l-Artikolu 3(1)(e) tat-Trattat dwar il-Funzjonament tal-Unjoni Ewropea. Għalhekk il-prinċipju tas-sussidjarjetà ma japplikax.

•Proporzjonalità

Il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Għażla tal-istrument

Skont l-Artikolu 218(6) TFUE, tenħtieġ Deċiżjoni tal-Kunsill li tawtorizza l-konklużjoni tal-Ftehim.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Konsultazzjonijiet mal-partijiet ikkonċernati

Pubblikazzjoni tal-pjan direzzjonali, konsultazzjoni regolari mal-industrija, mal-partijiet ikkonċernati u mal-Istati Membri. Fil-feedback tagħha, li wasal f’Jannar 2018 wara l-pubblikazzjoni tal-pjan direzzjonali, European Poultry, Egg and Game Association (EPEGA) iddikjarat biċ-ċar l-appoġġ tagħha għall-ftuħ ta’ dawn il-kwoti addizzjonali.

•Ġbir u użu tal-għarfien espert

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Valutazzjoni tal-impatt

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Idoneità regolatorja u simplifikazzjoni

Mhux applikabbli – il-miżura hija meħuda biex jiġi implimentat ir-Rapport tal-Bord tad-WTO, obbligu tal-Unjoni skont il-Ftehim tad-WTO.

•Drittijiet fundamentali

Mhux applikabbli.

4.IMPLIKAZZJONIJIET BAĠITARJI

Ara d-Dikjarazzjoni Finanzjarja.

5.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

Il-Kummissjoni tipproponi lill-Kunsill li l-Ftehim fil-forma ta’ Skambju ta’ Ittri maċ-Ċina jiġi konkluż f’isem l-Unjoni.

Ir-riżultati tal-Ftehim huma kif ġej:

L-Unjoni Ewropea għandha tiftaħ dawn il-Kwoti Tariffarji (TRQ):

TRQ ta’ 6 060 tunnellata għal-linja tariffarja 1602.3929 (b’allokazzjoni speċifika għall-pajjiż ta’ 6 000 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ ta’ 660 tunnellata għal-linja tariffarja 1602.3985 (b’allokazzjoni speċifika għall-pajjiż ta’ 600 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ erga omnes ta’ 5 000 tunnellata għal-linja tariffarja 1602.3219, b’rata ta’ dazju ta’ 8 % fi ħdan il-kwota

Il-Kummissjoni se tadotta Regolamenti ta’ Implimentazzjoni biex tespandi u tamministra l-kwoti rilevanti, skont l-Artikolu 187(a) tar-Regolament dwar l-Organizzazzjoni Komuni tas-Suq Unika (OKS) (ir-Regolament (KE) Nru 1308/2013).

Dawn il-miżuri ta’ implimentazzjoni qed jitħejjew b’mod parallel ma’ din il-proposta.

Ladarba jinfetħu l-kwoti, l-UE u ċ-Ċina se jinnotifikaw il-Ftehim lill-Korp għas-Soluzzjoni tat-Tilwim tad-WTO bħala soluzzjoni bi qbil reċiproku fir-rigward fit-tilwima DS492.

2018/0281 (NLE)

Proposta għal

DEĊIŻJONI TAL-KUNSILL

dwar il-konklużjoni, f’isem l-Unjoni Ewropea, tal-Ftehim fil-forma ta’ Skambju ta’ Ittri bejn l-Unjoni u r-Repubblika tal-Poplu taċ-Ċina f’rabta mal-proċedimenti għas-soluzzjoni tat-tilwim DS492 tad-WTO, Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4), flimkien mal-punt (a)(v) tat-tieni subparagrafu tal-Artikolu 218(6) tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-kunsens tal-Parlament Ewropew,

Billi:

(1)Fit-12 ta’ Marzu 2018, il-Kunsill awtorizza lill-Kummissjoni biex tiftaħ negozjati dwar soluzzjoni bi qbil reċiproku maċ-Ċina bħala parti mill-proċedimenti għas-soluzzjoni tat-tilwim DS492, Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam.

(2)Dawk in-negozjati ġew konklużi u fit-18 ta’ Ġunju 2018 ġie inizjalat Ftehim fil-forma ta’ Skambju ta’ Ittri bejn l-Unjoni Ewropea u ċ-Ċina.

(3)Il-Ftehim ġie ffirmat f’isem l-Unjoni fi […], soġġett għall-konklużjoni tiegħu f’data aktar tard, b’konformita mad-Deċiżjoni tal-Kunsill […] 1

(4)Jenħtieġ li l-Ftehim jiġi approvat f’isem l-Unjoni Ewropea,

ADOTTA DIN ID-DEĊIŻJONI:

Artikolu 1

Il-Ftehim fil-forma ta’ Skambju ta’ Ittri bejn l-Unjoni u r-Repubblika tal-Poplu taċ-Ċina f’rabta ma’ DS492 Unjoni Ewropea – Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam

It-test tal-Ftehim huwa mehmuż ma’ din id-Deċiżjoni.

Artikolu 2

Il-President tal-Kunsill għandu jinnomina l-persuna bis-setgħa li tipproċedi, f’isem l-Unjoni, li tagħti n-notifika stipulata fil-Ftehim.

Artikolu 3

Din id-Deċiżjoni għandha tidħol fis-seħħ fid-data tal-adozzjoni tagħha. Għandha tiġi ppubblikata f’Il-Ġurnal Uffiċjali tal-Unjoni Ewropea.

Id-data tad-dħul fis-seħħ tal-Ftehim għandha tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.

Magħmul fi Brussell,

   Għall-Kunsill

   Il-President

DIKJARAZZJONI FINANZJARJA LEĠIŻLATTIVA

Anness

DIKJARAZZJONI FINANZJARJA 

FinancSt/18/2693597

CM/aj

6.146.2018.1

agri.ddg1.a.2(2018)2631461

DATA: 07/05/2018

1.

INTESTATURA TAL-BAĠIT:

Kapitolu 12 – Dazji doganali u dazji oħrajn

APPROPRJAZZJONIJIET:

EUR 22 844 miljun

 

2.

TITOLU: Proposta għal DEĊIŻJONI TAL-KUNSILL dwar il-konklużjoni, f’isem l-Unjoni Ewropea, tal-Ftehim fil-forma ta’ Skambju ta’ Ittri bejn l-Unjoni u r-Repubblika tal-Poplu taċ-Ċina f’rabta mal-proċedimenti għas-soluzzjoni tat-tilwim DS492 tad-WTO Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam

3.

BAŻI ĠURIDIKA: It-Trattat dwar il-Funzjonament tal-Unjoni Ewropea, u b’mod partikolari l-Artikolu 207, flimkien mal-Artikolu 218(5)

4.

GĦANIJIET: li jiftaħ il-kwoti tariffarji fuq ċerti prodotti tal-laħam tal-pollam b’allokazzjoni speċifika ta’ kwantitajiet liċ-Ċina u kwantitajiet għall-oħrajn kollha, wara l-proċedimenti għas-soluzzjoni tat-tilwim tad-WTO DS492

5.

IMPLIKAZZJONIJIET FINANZJARJI

IL-PERJODU FINANZJARJU ATTWALI
2018
(EUR miljun)

SENA FINANZJARJA

2019

(EUR miljun)

IS-SNIN FINANZJARJI TA’ WARA

2020 u wara

(EUR miljun)

5.0

NEFQA

-    IDDEBITATA LILL-BAĠIT TAL-UE
(GĦAR-RIFUŻJONIJIET/GĦALL-INTERVENTI)

-    AWTORITAJIET NAZZJONALI

-    OĦRAJN

MHUX APPLIKABBLI

-

-

5.1

DĦUL

-    RIŻORSI PROPRJI TAL-UE
(MILL-IMPOSTI/MID-DAZJI DOGANALI)

-    NAZZJONALI

-

-8,2

-8,2

5.2

METODU TAL-KALKOLU: ara l-osservazzjonijiet

6.0

IL-PROĠETT JISTA’ JIĠI FFINANZJAT MILL-APPROPRJAZZJONIJIET IMDAĦĦLA FIL-KAPITOLU RILEVANTI TAL-BAĠIT ATTWALI?

IVA LE

6.1

IL-PROĠETT JISTA’ JIĠI FFINANZJAT PERMEZZ TA’ TRASFERIMENT BEJN IL-KAPITOLI TAL-BAĠIT ATTWALI?

IVA LE

6.2

SE JKUN HEMM BŻONN TA’ BAĠIT SUPPLIMENTARI?

IVA LE

6.3

SE JKUN HEMM BŻONN LI JIDDAĦĦLU L-APPROPRJAZZJONIJIET F’BAĠITS FUTURI?

IVA LE

OSSERVAZZJONIJIET:

Il-proposta ma għandha l-ebda impatt fuq in-nefqa.

It-telf teoretiku tar-riżorsi proprji, filwaqt li jitqies it-tnaqqis ta’ 20 % għall-kostijiet tal-ġbir, jammonta għal EUR 8,2 miljun. Dan jissejjes fuq is-suppożizzjoni li l-kwantitajiet totali mogħtija fil-konċessjonijiet (11720 tunnellata) kienu jiġu importati wkoll bl-applikazzjoni tat-tariffa sħiħa ta’ 86,7 EUR/100kg, li kienet twassal għal ammont totali ta’ riżorsi proprji, nett tal-kostijiet tal-ġbir, ta’ EUR 11,2-il miljun.

Il-konċessjoni mogħtija għandha tirriżulta f’ammont ta’ riżorsi proprji, nett tal-kostijiet tal-ġbir ta’ EUR 3 miljun.

(1)    ĠU L […], […], p. […].

Brussell,5.7.2018

COM(2018) 518 final

ANNESS

tal-

Proposta għal

DEĊIŻJONI TAL-KUNSILL

dwar il-konklużjoni, f’isem l-Unjoni Ewropea, tal-Ftehim fil-forma ta’ Skambju ta’ Ittri bejn l-Unjoni u r-Repubblika tal-Poplu taċ-Ċina f’rabta mal-proċedimenti għas-soluzzjoni tat-tilwim DS492 tad-WTO, Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam


ANNESS

FTEHIM FIL-FORMA TA' SKAMBJU TA’ ITTRI

Bejn l-Unjoni Ewropea u r-Repubblika tal-Poplu taċ-Ċina fir-rigward ta’ DS492: L-Unjoni Ewropea - Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam

A. Ittra mill-Unjoni Ewropea

Eċċellenza,

Għandi l-unur niktiblek biex ninfurmak dwar it-tilwima tad-WTO msemmija hawn fuq u r-riżultati tan-negozjati tagħna lejn soluzzjoni bi qbil reċiproku.

L-Unjoni Ewropea għandha tiftaħ dawn il-Kwoti Tariffarji (TRQ) 1 :

TRQ ta’ 6 060 tunnellata għal-linja tariffarja 1602.3929 (b’allokazzjoni speċifika għall-pajjiż ta’ 6 000 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ ta’ 660 tunnellata għal-linja tariffarja 1602.3985 (b’allokazzjoni speċifika għall-pajjiż ta’ 600 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ erga omnes ta’ 5 000 tunnellata għal-linja tariffarja 1602.3219, b’rata ta’ dazju ta’ 8 % fi ħdan il-kwota

L-Unjoni Ewropea u ċ-Ċina għandhom jinnotifikaw lil xulxin meta jkunu tlestew il-proċeduri interni tagħhom għad-dħul fis-seħħ ta’ dan il-ftehim. Il-ftehim għandu jidħol fis-seħħ fi żmien 14-il jum wara d-data tal-wasla tal-aħħar notifika. L-Unjoni Ewropea għandha tiftaħ it-TRQs imsemmija hawn fuq mid-data tad-dħul fis-seħħ ta’ dan il-ftehim.

 

Wara l-ftuħ tat-TRQs, l-Unjoni Ewropea u ċ-Ċina għandhom jinnotifikaw dan il-ftehim lill-Korp għas-Soluzzjoni tat-Tilwim (DSB - Dispute Settlement Body) bħala soluzzjoni bi qbil reċiproku skont l-Artikolu 3.6 tad-DSU f’rabta ma’ DS492 Unjoni Ewropea – Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam. Abbażi ta’ dan, iċ-Ċina tikkonferma li, fir-rigward ta’ DS492, la se titlob il-bidu tal-proċeduri skont l-Artikolu 21.5 tad-DSU u lanqas ma se titlob is-sospensjoni tal-konċessjonijiet jew obbligi oħra skont l-Artikolu 22.6 tad-DSU, sakemm l-Unjoni Ewropea tkun konformi mal-obbligi kollha tagħha skont dan il-Ftehim.

Napprezza jekk tikkonferma li l-Gvern tiegħek jaqbel ma’ dan ta’ hawn fuq.

Għandi l-unur nipproponi li, jekk dan ta’ hawn fuq huwa aċċettabbli għall-Gvern tiegħek, din l-ittra u l-konferma tiegħek flimkien jikkostitwixxu Ftehim fil-forma ta' Skambju ta' Ittri bejn l-Unjoni Ewropea u r-Repubblika tal-Poplu taċ-Ċina.

Dejjem tiegħek.

Cc. It-Tajlandja

F’isem l-Unjoni Ewropea



B. Ittra miċ-Ċina

Eċċellenza,

Għandi l-unur ngħarrfek li rċevejt l-ittra tiegħek bid-data tal-lum, li tgħid hekk:

“Għandi l-unur niktiblek biex ninfurmak dwar it-tilwima tad-WTO msemmija hawn fuq u r-riżultati tan-negozjati tagħna lejn soluzzjoni bi qbil reċiproku.

L-Unjoni Ewropea għandha tiftaħ dawn il-Kwoti Tariffarji (TRQ) 2 :

TRQ ta’ 6 060 tunnellata għal-linja tariffarja 1602.3929 (b’allokazzjoni speċifika għall-pajjiż ta’ 6 000 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ ta’ 660 tunnellata għal-linja tariffarja 1602.3985 (b’allokazzjoni speċifika għall-pajjiż ta’ 600 tunnellata liċ-Ċina u 60 tunnellata għall-oħrajn kollha), b’rata ta’ dazju ta’ 10,9 % fi ħdan il-kwota

TRQ erga omnes ta’ 5 000 tunnellata għal-linja tariffarja 1602.3219, b’rata ta’ dazju ta’ 8 % fi ħdan il-kwota

L-Unjoni Ewropea u ċ-Ċina għandhom jinnotifikaw lil xulxin meta jkunu tlestew il-proċeduri interni tagħhom għad-dħul fis-seħħ ta’ dan il-ftehim. Il-ftehim għandu jidħol fis-seħħ fi żmien 14-il jum wara d-data tal-wasla tal-aħħar notifika. L-Unjoni Ewropea għandha tiftaħ it-TRQs imsemmija hawn fuq mid-data tad-dħul fis-seħħ ta’ dan il-ftehim.

 

Wara l-ftuħ tat-TRQs, l-Unjoni Ewropea u ċ-Ċina għandhom jinnotifikaw dan il-ftehim lill-Korp għas-Soluzzjoni tat-Tilwim (DSB - Dispute Settlement Body) bħala soluzzjoni bi qbil reċiproku skont l-Artikolu 3.6 tad-DSU f’rabta ma’ DS492 Unjoni Ewropea – Miżuri li jaffettwaw il-Konċessjonijiet Tariffarji għal Ċerti Prodotti tal-Laħam tal-Pollam. Abbażi ta’ dan, iċ-Ċina tikkonferma li, fir-rigward ta’ DS492, la se titlob il-bidu tal-proċeduri skont l-Artikolu 21.5 tad-DSU u lanqas ma se titlob is-sospensjoni tal-konċessjonijiet jew obbligi oħra skont l-Artikolu 22.6 tad-DSU, sakemm l-Unjoni Ewropea tkun konformi mal-obbligi kollha tagħha skont dan il-Ftehim.”

B’dan għandi l-unur nesprimi l-qbil tal-Gvern tiegħi ma’ din l-ittra.

F’isem ir-Repubblika tal-Poplu taċ-Ċina

(1)    L-allokazzjoni liċ-Ċina għall-ewwel żewġ TRQs hija bi qbil mat-Tajlandja. 
(2)    L-allokazzjoni liċ-Ċina għall-ewwel żewġ TRQs hija bi qbil mat-Tajlandja.