IL-KUMMISSJONI EWROPEA

Strasburgu, 12.6.2018

COM(2018) 474 final

2018/0258(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistabbilixxi l-istrument ta’ appoġġ finanzjarju għat-tagħmir ta’ kontroll doganali
bħala parti mill-Fond għall-Ġestjoni Integrata tal-Fruntieri

{SWD(2018) 347}
{SWD(2018) 348}
{SEC(2018) 315}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

–l-Artikolu 33 tat-Trattat dwar il-Funzjonament tal-Unjoni Ewropea (it-TFUE), li jitlob lill-Unjoni tieħu azzjoni b’rabta mal-kooperazzjoni doganali u mal-Unjoni Doganali tal-UE;

–l-Artikolu 114 tat-TFUE, li jitlob lill-Unjoni tieħu azzjoni b’rabta mas-suq intern; u

–l-Artikolu 207 tat-TFUE, li jitlob lill-Unjoni tieħu azzjoni b’rabta mal-politika kummerċjali komuni.

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

•Valutazzjoni tal-impatt

Għaldaqstant, l-għażla ppreferuta kienet il-ġestjoni diretta permezz tal-għoti ta’ għotjiet lill-awtoritajiet nazzjonali. Fil-fatt, l-intervent il-ġdid tal-UE għandu l-għan li jindirizza l-iżbilanċi li hemm bħalissa fost l-Istati Membri u li jiżgura li l-kontrolli doganali jitwettqu b’mod ekwivalenti fl-Unjoni Doganali kollha. Naturalment, dan l-għan jeżiġi koordinazzjoni li tmur lil hinn mill-fruntieri nazzjonali, li tista’ tintlaħaq bl-aħjar mod permezz ta’ approċċ iċċentralizzat ġestit b’mod dirett. Minħabba li jenħtieġ li l-awtoritajiet nazzjonali – u mhux l-Unjoni, ikomplu jkunu s-sidien diretti tat-tagħmir li jużaw biex iwettqu dmirijiethom mal-fruntieri tal-UE, l-intervent tal-UE se jieħu l-forma ta’ għotjiet lill-Istati Membri bħala appoġġ għax-xiri, għall-manutenzjoni u għall-evoluzzjoni tat-tagħmir ta’ kontroll doganali skont standards iddefiniti minn qabel għal kull tip ta’ fruntiera. Barra minn hekk, il-ġestjoni diretta hija l-mekkaniżmu eżekuttiv għall-azzjonijiet eżistenti fil-qasam doganali, kemm fil-kuntest tal-programm Dwana u kemm fil-kuntest tal-programm Erkole III. Dan huwa wkoll approċċ adattat minħabba li se jkun jinvolvi biss għadd limitat ta’ benefiċjarji, jiġifieri s-27 Stat Membru.

•Simplifikazzjoni

•Drittijiet fundamentali

4.IMPLIKAZZJONIJIET BAĠITARJI

Għalkemm f’termini assoluti dan huwa ammont sinifikanti, huwa jirrappreżenta biss parti mid-diskrepanza stmata fl-investiment. Skont l-informazzjoni li nġabret mingħand l-Istati Membri fl-2014 u fl-2015, ġie stmat li d-diskrepanza fl-investiment kienet ta’ madwar EUR 2.3 biljun fuq ħames snin. Madankollu, l-intervent tal-Unjoni mhux bilfors jenħtieġ li jkopri d-diskrepanza kollha stmata fl-investiment, minħabba li l-livell tal-intervent tal-Unjoni jenħtieġ li jiġi analizzat fil-kuntest usa’ tad-dazji doganali bħala riżorsi proprji, li minnhom bħalissa l-Istati Membri jżommu 20 % – li kien jirrappreżenta ammont ta’ EUR 4.7 biljun fl-2015 – biex ikopru l-ispejjeż u l-investimenti tagħhom fil-qasam doganali 11 .

Barra minn hekk, jenħtieġ li l-livell tal-intervent tal-Unjoni jiġi vvalutat fi proporzjon mal-volum totali tal-kummerċ barrani tal-Unjoni, li l-kontrolli doganali jagħtu kontribut biex jiġi mmonitorjat, iżda wkoll biex jiġi ffaċilitat. Huma u jimplimentaw il-politika kummerċjali tal-Unjoni, ta’ kuljum l-awtoritajiet doganali jittrattaw volum enormi ta’ kummerċ – fl-2016, il-valur statistiku kollu tal-fluss kummerċjali fl-EU-28 kien ta’ EUR 3.46 triljun (li minnhom EUR 1.75 triljun kienu marbutin mal-esportazzjoni u EUR 1.71 triljun kienu marbutin mal-importazzjoni) jew ta’ EUR 9.5 biljun kuljum. B’hekk, l-intervent tal-UE li qed jiġi propost se jirrappreżenta inqas minn 0,01 % mill-volum tal-kummerċ barrani.

L-istrument se jiġi implimentat b’ġestjoni diretta u abbażi ta’ prijoritajiet. Flimkien mal-partijiet ikkonċernati se jiġu stabbiliti programmi ta’ ħidma billi jiġu vvalutati l-ħtiġijiet, u dawn il-programmi se jistipulaw il-prijoritajiet għal perjodu speċifiku.

L-istrument marbut mat-tagħmir ta’ kontroll doganali se jkollu impatt fuq id-dħul tal-Unjoni u fuq dak tal-Istati Membri. Għalkemm dan l-impatt ma jistax jiġi kkwantifikat, l-istrument mistenni jiffaċilita u jissimplifika l-ħidma tal-awtoritajiet doganali biex jiġbru d-dazji doganali, kif ukoll il-VAT u d-dazji tas-sisa fuq l-importazzjoni. Minħabba li se titjieb il-kwalità tal-kontrolli, l-amministrazzjonijiet doganali se jkunu iktar effiċjenti fil-protezzjoni tal-interessi finanzjarji u ekonomiċi tal-Unjoni u tal-Istati Membri tagħha.

5.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

Minħabba li dan huwa qasam ġdid ta’ intervent tal-UE, se jkun importanti ħafna li jiġi żgurat li l-istrument marbut mat-tagħmir ta’ kontroll doganali jkun iffukat u jagħti r-riżultati. Barra minn hekk, se jkun meħtieġ li jsiru ċerti għażliet tal-politika qabel ma jiġu implimentati għalkollox l-azzjonijiet: filwaqt li l-attivitajiet tal-programm Dwana 2020 li għaddejjin bħalissa ppermettew li titqies is-sitwazzjoni fil-fruntieri esterni tal-UE fuq l-art u li din tiġi mmappjata f’termini tal-uffiċjali doganali preżenti u tat-tagħmir disponibbli f’kull punt ta’ qsim tal-fruntiera kkonċernat, bħalissa hemm biss informazzjoni limitata dwar il-fruntieri tal-baħar u tal-ajru u dwar iċ-ċentri postali.

F’dan il-kuntest, tfassal mudell apposta adattat għaċ-ċirkustanzi u għall-ħtiġijiet speċifiċi tal-istrument. Dan jissejjes fuq ir-rekwiżit ta’ koordinazzjoni ċentrali li tmur lil hinn mill-fruntieri nazzjonali sabiex ikun hemm kundizzjonijiet ekwi u li tkun ibbażata fil-fond fuq l-għarfien espert u l-esperjenza fil-livell nazzjonali. Erba’ elementi importanti li jikkorrispondu mal-erba’ passi identifikati se jgħinu biex jintlaħqu l-għanijiet ġenerali u speċifiċi identifikati:

Kull wieħed minn dawn l-erba’ elementi importanti huwa spjegat fid-dettall fl-Anness 6 tal-valutazzjoni tal-impatt. Fi ftit kliem, il-proċess se jkun dan li ġej:

–l-ewwel pass se jkun li jiġu vvalutati l-ħtiġijiet ta’ kull tip ta’ fruntiera: dik fuq l-art, tal-baħar, tal-ajru u taċ-ċentri postali. B’mod konkret, dan se jirriproduċi l-esperjenza taċ-CELBET – it-tim ta’ esperti dwar il-fruntiera fuq l-art tal-Ewropa Ċentrali u tax-Xlokk 12 , li ħoloq inventarju tat-tagħmir użat fil-fruntiera tal-UE fuq l-art billi pproċessa iktar minn 9 200 attribut minn 172 punt ta’ qsim tal-fruntiera, li identifika l-karatteristiċi ewlenin ta’ dawn il-punti tal-qsim tal-fruntiera u ppropona tipoloġija għalihom (pereżempju punti tal-qsim tal-fruntiera bit-triq jew bil-ferrovija, bit-traffiku bit-trakkijiet jew bi traffiku mhux kummerċjali biss), li identifika l-istandards tat-tagħmir proposti għal kull kategorija u li fl-aħħar għamel analiżi tad-diskrepanzi li kien hemm bejn l-inventarju u l-istandards iddefiniti li ppermettiet li jiġu stmati l-fondi meħtieġa;

–it-tieni pass se jiffoka fuq il-programmazzjoni u se jwassal b’mod ewlieni għall-iżvilupp tal-programm ta’ ħidma u tal-ftehimiet tal-għotja korrispondenti. Minħabba li se jkun hemm valutazzjoni separata għal kull tip ta’ fruntiera, ix-xogħol mhux se jkun limitat għall-verifika tal-eliġibbiltà, iżda se jkun ikopri minflok l-organizzazzjoni tal-allokazzjoni tal-fondi skont il-prijoritajiet doganali, it-theddid fil-qasam doganali u l-volumi tal-kummerċ. Barra minn hekk, se jkun meħtieġ li jsiru ċerti għażliet tal-politika meta jiġi adottat il-programm ta’ ħidma;

–it-tielet pass se jkun l-implimentazzjoni: ladarba jiġu ffirmati l-ftehimiet tal-għotja, l-Istati Membri se jiksbu t-tagħmir skont il-kundizzjonijiet kuntrattwali;

–ir-raba’ u l-aħħar pass se jkun il-monitoraġġ u l-kontroll.

Sabiex ikunu żgurati monitoraġġ u rapportar regolari, il-proposta tistabbilixxi qafas speċifiku għall-monitoraġġ tar-riżultati li jinkisbu permezz tal-istrument u tal-azzjonijiet li jkunu saru fil-kuntest tiegħu. It-tali monitoraġġ u r-rapportar se jissejsu fuq indikaturi li jkejlu l-effetti tal-azzjonijiet li jkunu saru fil-kuntest tal-istrument meta mqabblin ma’ xenarji ta’ referenza ddefiniti minn qabel. Ir-rekwiżiti proporzjonati tar-rapportar se jkunu jinkludu xi informazzjoni minima dwar it-tagħmir li jkun jiswa iktar minn ċertu ammont ta’ flus.

Barra minn hekk, il-Kummissjoni se twettaq evalwazzjoni interim u evalwazzjoni finali. Dawn l-evalwazzjonijiet se jitwettqu skont il-paragrafi 22 u 23 tal-Ftehim Interistituzzjonali tat-13 ta’ April 2016 13 , li fih it-tliet istituzzjonijiet ikkonfermaw li l-evalwazzjonijiet tal-leġiżlazzjoni u tal-politika eżistenti jenħtieġ li jiffurmaw il-bażi tal-valutazzjonijiet tal-impatt tal-għażliet għal iktar azzjoni. Fl-evalwazzjonijiet se jiġu vvalutati l-effetti tal-istrument fir-realtà, abbażi ta’ indikaturi u ta’ miri u ta’ analiżi ddettaljata ta’ kemm l-istrument jista’ jitqies li huwa rilevanti, effettiv u effiċjenti, ta’ jekk jipprovdix biżżejjed valur miżjud tal-UE u ta’ jekk huwiex koerenti mal-politiki l-oħrajn tal-UE. Dawn se jinkludu t-tagħlim miksub sabiex jiġu identifikati n-nuqqasijiet u l-problemi, kif ukoll il-potenzjal li jista’ jkun hemm biex ikomplu jitjiebu l-azzjonijiet jew ir-riżultati tagħhom u biex ikun jista’ jitkabbar kemm jista’ jkun l-impatt tagħhom. Dawn se jinkludu wkoll l-identifikazzjoni u l-kwantifikazzjoni tal-kostijiet regolatorji, tal-benefiċċji u tal-iffrankar.

•Spjegazzjoni fid-dettall tad-dispożizzjonijiet speċifiċi tal-proposta

Dan ir-Regolament jistabbilixxi l-Fond għall-Ġestjoni Integrata tal-Fruntieri flimkien mar-Regolament (UE) [2018/XXX] li jistabbilixxi l-istrument ta’ appoġġ finanzjarju għall-ġestjoni tal-fruntieri u għall-viżi 14 . Iż-żewġ strumenti huma marbutin mill-qrib ma’ xulxin: l-istrument li din il-proposta tkopri joffri appoġġ għat-tagħmir maħsub għall-kontroll tal-oġġetti fil-fruntieri tal-Unjoni, filwaqt li x-xiri tat-tagħmir appoġġat mill-istrument l-ieħor (li jappoġġa wkoll azzjonijiet oħrajn marbutin mal-ġestjoni integrata tal-fruntieri) se jiffoka biss fuq il-kontrolli fil-kuntest tal-ġestjoni tal-fruntieri u tal-viżi. Peress li se jintużaw bażijiet differenti mit-Trattat minħabba l-firxa wiesgħa ta’ għanijiet li jridu jiġu koperti, jeħtieġ li l-Fond għall-Ġestjoni Integrata tal-Fruntieri jiġi stabbilit bħala qafas komprensiv ta’ finanzjament magħmul minn żewġ proposti settorjali speċifiċi.

Il-Kummissjoni għandha s-setgħa li tadotta atti delegati għall-finijiet li ġejjin:

–biex tirrevedi l-iskopijiet tal-kontrolli, jiġifieri l-kriterji essenzjali tal-eliġibbiltà, minħabba li dawn jistgħu jevolvu ħafna maż-żmien fid-dawl tal-prijoritajiet doganali, tat-theddid fil-qasam doganali u tat-teknoloġija; kif ukoll

–biex temenda l-Anness 2 biex tirrevedi l-indikaturi jew biex tikkumplimentahom, meta dan jitqies li jkun meħtieġ, u biex tissupplimenta lil dan ir-Regolament b’dispożizzjonijiet dwar l-istabbiliment ta’ qafas għall-monitoraġġ u għall-evalwazzjoni.

Il-Kumitat se jgħin lill-Kummissjoni. Sabiex ikunu żgurati l-koerenza u l-koordinazzjoni orizzontali tal-azzjonijiet doganali kollha li jsiru kemm fil-kuntest ta’ dan l-istrument kif ukoll fil-kuntest tal-programm Dwana, qed jiġi propost li jiġi stabbilit kumitat wieħed. Minħabba li diġà jeżisti kumitat fil-kuntest tal-programm Dwana 2020 u minħabba li qed jiġi propost li dan jinżamm fil-kuntest tal-programm Dwana l-ġdid, qed jiġi propost li dan il-Kumitat tal-Programm Dwana jkollu kompetenza wkoll b’rabta ma’ dan l-istrument.

Se jiġi żgurat li tingħata informazzjoni mmirata li tkun koerenti, effettiva u proporzjonata lil diversi udjenzi, fosthom lill-mezzi tax-xandir u lill-pubbliku.

2018/0258 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistabbilixxi l-istrument ta’ appoġġ finanzjarju għat-tagħmir ta’ kontroll doganali
bħala parti mill-Fond għall-Ġestjoni Integrata tal-Fruntieri

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 33, 114 u 207 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 16 ,

Filwaqt li jaġixxu skont il-proċedura leġiżlattiva ordinarja,

Billi:

(1)L-2 140 uffiċċju doganali 17 li jinsabu fil-fruntieri esterni tal-Unjoni Ewropea jridu jkunu mgħammra kif xieraq sabiex ikun żgurat li l-Unjoni Doganali taħdem sew. Hemm ħtieġa urġenti li jkun hemm kontrolli doganali adegwati u ekwivalenti mhux biss minħabba l-funzjoni tradizzjonali tad-dwana li tiġbor id-dħul, iżda dejjem iktar ukoll minħabba l-ħtieġa li jissaħħaħ b’mod sinifikanti l-kontroll tal-oġġetti li jidħlu mill-fruntieri esterni tal-UE u li joħorġu minnhom biex ikunu żgurati s-sigurtà u s-sikurezza. Madankollu, fl-istess ħin, jenħtieġ li dawn il-kontrolli marbutin mal-moviment tal-oġġetti fil-fruntieri esterni ma jfixklux il-kummerċ leġittimu mal-pajjiżi terzi, iżda jiffaċilitawh.

(2)Bħalissa hemm żbilanċ fit-twettiq tal-kontrolli doganali min-naħa tal-Istati Membri. Dan l-iżbilanċ ġej kemm mid-differenzi ġeografiċi ta’ bejniethom u kemm mid-differenzi fil-kapaċitajiet u fir-riżorsi rispettivi tagħhom. Il-ħila tal-Istati Membri li jwieġbu għall-isfidi li ġejjin minn mudelli kummerċjali u ktajjen tal-valur dinjin li qed jevolvu l-ħin kollu ma tiddependix biss fuq l-element uman, iżda wkoll fuq id-disponibbiltà ta’ tagħmir ta’ kontroll doganali modern u affidabbli. Għalhekk, biex jiġi indirizzat l-iżbilanċ eżistenti, huwa importanti li jiġi pprovdut tagħmir ekwivalenti għall-kontrolli doganali. Dan se jtejjeb l-ekwivalenza tat-twettiq tal-kontrolli doganali fl-Istati Membri u b’hekk jevita li l-flussi tal-oġġetti jintbagħtu lejn l-iktar punti dgħajfa.

(3)L-Istati Membri kemm-il darba tennew li għandhom bżonn ta’ appoġġ finanzjarju u talbu li ssir analiżi fil-fond tat-tagħmir meħtieġ. Fil-konklużjonijiet tiegħu tat-23 ta’ Marzu 2017 dwar il-finanzjament doganali 18 , il-Kunsill stieden lill-Kummissjoni “tevalwa l-possibbiltà tal-finanzjament tal-ħtiġijiet ta’ tagħmir tekniku minn programmi finanzjarji futuri tal-Kummissjoni; (...) [u] ittejjeb il-koordinazzjoni, u (...) il-kooperazzjoni bejn l-Awtoritajiet Doganali u awtoritajiet oħrajn tal-infurzar tal-liġi għal skopijiet ta’ finanzjament”.

(4)Skont ir-Regolament (UE) Nru 952/2013 tal-Parlament Ewropew u tal-Kunsill 19 , il-kontrolli doganali jridu jinftehmu mhux biss bħala s-superviżjoni tal-leġiżlazzjoni doganali iżda wkoll bħala s-superviżjoni ta’ leġiżlazzjoni oħra li tirregola d-dħul, il-ħruġ, it-tranżitu, il-moviment, il-ħażna u l-użu aħħari ta’ oġġetti ttrasportati bejn it-territorju doganali tal-Unjoni u pajjiżi jew territorji ’l barra minn dak it-territorju, u l-preżenza u l-moviment fit-territorju doganali tal-Unjoni ta’ oġġetti mhux tal-Unjoni u ta’ oġġetti mqiegħda taħt il-proċedura tal-użu aħħari. Din il-leġiżlazzjoni l-oħra li tagħti kompiti speċifiċi ta’ kontroll lill-awtoritajiet doganali tinkludi dispożizzjonijiet dwar it-tassazzjoni, b’mod partikolari f’dak li għandu x’jaqsam mad-dazji tas-sisa u mat-taxxa fuq il-valur miżjud, dispożizzjonijiet dwar l-aspetti esterni tas-suq intern, dispożizzjonijiet dwar il-politika kummerċjali komuni u dwar politiki komuni oħrajn tal-Unjoni li jaffettwaw il-kummerċ, dispożizzjonijiet dwar is-sigurtà ġenerali tal-katina tal-provvista u dispożizzjonijiet dwar il-protezzjoni tal-interessi finanzjarji u ekonomiċi tal-Unjoni u tal-Istati Membri tagħha.

(5)L-għoti ta’ appoġġ biex ikun hemm kontrolli doganali ta’ livell adegwat u ekwivalenti fil-fruntieri esterni tal-Unjoni jippermetti li jitkabbru kemm jista’ jkun il-benefiċċji tal-Unjoni Doganali. Barra minn hekk, intervent tal-Unjoni li jkun iddedikat għat-tagħmir ta’ kontroll doganali u li jikkoreġi l-iżbilanċi li hemm bħalissa jikkontribwixxi għall-koeżjoni ġenerali bejn l-Istati Membri. Meta wieħed iqis l-isfidi li d-dinja qed tħabbat wiċċha magħhom, b’mod partikolari l-ħtieġa kontinwa li jiġu protetti l-interessi finanzjarji u ekonomiċi tal-Unjoni u tal-Istati Membri tagħha filwaqt li jiġi ffaċilitat il-fluss tal-kummerċ leġittimu, sar essenzjali li jkun hemm tagħmir modern u affidabbli ta’ kontroll fil-fruntieri esterni.

(6)Għalhekk jixraq li jiġi stabbilit strument ġdid ta’ appoġġ finanzjarju għat-tagħmir ta’ kontroll doganali.

(7)Minħabba li l-għadd ta’ responsabbiltajiet li l-awtoritajiet doganali tal-Istati Membri qed jieħdu fuqhom qiegħed dejjem jiżdied, u ħafna drabi dawk ir-responsabbiltajiet jestendu għall-qasam tas-sigurtà u għandhom x’jaqsmu ma’ kompiti li jitwettqu fil-fruntieri esterni, jeħtieġ li jiġi żgurat li l-kontrolli doganali u l-kontrolli ta’ mal-fruntiera jitwettqu b’mod ekwivalenti fil-fruntieri esterni billi l-Istati Membri jingħataw appoġġ finanzjarju adegwat min-naħa tal-Unjoni. Huwa daqstantieħor importanti li tiġi promossa l-kooperazzjoni bejn l-aġenziji fil-fruntieri tal-Unjoni f’dak li għandu x’jaqsam mal-kontrolli tal-oġġetti u tal-persuni fost l-awtoritajiet nazzjonali ta’ kull Stat Membru li huma responsabbli għall-kontroll tal-fruntieri jew għal kompiti oħrajn li jitwettqu mal-fruntieri.

(8)Għalhekk jeħtieġ li jiġi stabbilit Fond għall-Ġestjoni Integrata tal-Fruntieri (minn hawn ’il quddiem imsejjaħ “il-Fond”).

(9)Minħabba l-partikolarijiet legali li japplikaw għat-Titolu V tat-TFUE, kif ukoll il-bażijiet ġuridiċi differenti li japplikaw għall-politiki dwar il-fruntieri esterni u għall-politiki dwar il-kontroll doganali, mhuwiex possibbli mil-lat legali li l-Fond jiġi stabbilit bħala strument wieħed.

(10)Għalhekk jenħtieġ li l-Fond jiġi stabbilit bħala qafas komprensiv għall-appoġġ finanzjarju tal-Unjoni fil-qasam tal-ġestjoni tal-fruntieri, magħmul mill-Istrument ta’ appoġġ finanzjarju għat-tagħmir ta’ kontroll doganali (minn hawn ’il quddiem imsejjaħ “l-Istrument”), li qed jiġi stabbilit b’dan ir-Regolament, u mill-istrument ta’ appoġġ finanzjarju għall-ġestjoni tal-fruntieri u għall-viżi, stabbilit bir-Regolament (UE) Nru …/… tal-Parlament Ewropew u tal-Kunsill 20 .

(11)Dan ir-Regolament jistabbilixxi pakkett finanzjarju għall-Istrument, li għandu jikkostitwixxi l-ammont ta’ referenza primarja għall-Parlament Ewropew u għall-Kunsill matul il-proċedura baġitarja annwali, skont it-tifsira tal-punt 17 tal-Ftehim interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba 21 .

(12)Ir-Regolament (UE, Euratom) [2018/XXX] tal-Parlament Ewropew u tal-Kunsill 22 (minn hawn ’il quddiem imsejjaħ “ir-Regolament Finanzjarju”) japplika għal dan l-Istrument. Dan jistabbilixxi regoli dwar l-implimentazzjoni tal-baġit tal-Unjoni, inklużi r-regoli dwar l-għotjiet.

(13)Ir-Regolament (UE) [2018/XXX] tal-Parlament Ewropew u tal-Kunsill 23 jistabbilixxi l-programm “Dwana” għall-kooperazzjoni fil-qasam tad-dwana sabiex jiġu appoġġati l-Unjoni Doganali u l-awtoritajiet doganali. Sabiex jitħarsu l-koerenza u l-koordinazzjoni orizzontali tal-azzjonijiet ta’ kooperazzjoni, jixraq li dawn l-azzjonijiet jiġu implimentati kollha fil-kuntest ta’ att legali wieħed u ta’ sett wieħed ta’ regoli. Għalhekk, jenħtieġ li dan l-Istrument jappoġġa biss ix-xiri, il-manutenzjoni u l-aġġornament tat-tagħmir eliġibbli ta’ kontroll doganali, filwaqt li l-programm Dwana għall-kooperazzjoni fil-qasam tad-dwana jappoġġa l-azzjonijiet relatati magħhom, bħall-azzjonijiet ta’ kooperazzjoni biex jiġu vvalutati l-ħtiġijiet jew it-taħriġ marbut mat-tagħmir ikkonċernat.

(14)Barra minn hekk, meta jkun xieraq, jenħtieġ li l-Istrument jappoġġa wkoll ix-xiri jew l-aġġornament tat-tagħmir ta’ kontroll doganali għall-ittestjar ta’ unitajiet individwali ġodda tat-tagħmir jew ta’ funzjonalitajiet ġodda f’kundizzjonijiet operattivi qabel ma l-Istati Membri jibdew jixtru t-tali tagħmir ġdid fuq skala kbira. L-ittestjar f’kundizzjonijiet operattivi jenħtieġ li jsir b’segwitu, b’mod partikolari, għar-riżultati tar-riċerka dwar it-tagħmir ta’ kontroll doganali li titwettaq fil-qafas tar-Regolament (UE) [2018/XXX] 24 .

(15)Ħafna mit-tagħmir ta’ kontroll doganali jista’ jintuża bl-istess mod jew b’kumbinazzjoni wkoll għall-kontrolli tal-konformità ma’ leġiżlazzjoni oħra, bħad-dispożizzjonijiet dwar il-ġestjoni tal-fruntieri, dwar il-viżi jew dwar il-kooperazzjoni bejn il-pulizija. Għalhekk, il-Fond għall-Ġestjoni Integrata tal-Fruntieri nħaseb bħala żewġ strumenti kumplimentari li għandhom kamp ta’ applikazzjoni differenti iżda koerenti b’rabta max-xiri tat-tagħmir. Minn naħa, l-istrument għall-ġestjoni tal-fruntieri u għall-viżi stabbilit bir-Regolament [2018/XXX] 25 se jeskludi t-tagħmir li jista’ jintuża kemm għall-ġestjoni tal-fruntieri u kemm għall-kontroll doganali. Min-naħa l-oħra, l-istrument ta’ appoġġ finanzjarju għat-tagħmir ta’ kontroll doganali stabbilit b’dan ir-Regolament mhux biss se jagħti appoġġ finanzjarju lit-tagħmir li l-għan ewlieni tiegħu jkun li jintuża għall-kontrolli doganali, iżda se jippermetti wkoll li dan jintuża wkoll għal skopijiet oħrajn bħall-kontrolli mal-fruntiera u s-sigurtà. Dan it-tqassim tar-rwoli se jrawwem il-kooperazzjoni bejn l-aġenziji bħala komponent tal-approċċ għal ġestjoni integrata Ewropea tal-fruntieri, kif imsemmi fl-Artikolu 4(e) tar-Regolament (UE) 2016/1624 26 , u b’hekk se jippermetti lill-awtoritajiet doganali u lill-awtoritajiet tal-fruntieri jikkollaboraw bejniethom u se jżid kemm jista’ jkun l-impatt tal-baġit tal-Unjoni permezz tal-qsim konġunt tat-tagħmir ta’ kontroll u tal-interoperabbiltà tiegħu.

(16)B’deroga mir-Regolament Finanzjarju, jenħtieġ li azzjoni tkun tista’ tiġi ffinanzjata minn diversi programmi jew strumenti tal-Unjoni biex ikun jista’ jkun hemm il-kooperazzjoni u l-interoperabbiltà bejn oqsma differenti u sabiex din il-kooperazzjoni u din l-interoperabbiltà jkunu jistgħu jiġu appoġġati meta dan ikun xieraq. Madankollu, fit-tali każijiet, il-kontribuzzjonijiet ma jistgħux ikopru l-istess kostijiet, skont il-prinċipju tal-projbizzjoni tal-finanzjament doppju stabbilit fir-Regolament Finanzjarju.

(17)Minħabba l-evoluzzjoni rapida tal-prijoritajiet doganali, tat-theddid fil-qasam doganali u tat-teknoloġiji, jenħtieġ li l-programmi ta’ ħidma ma jitħejjewx għal perjodi twal taż-żmien. Fl-istess ħin, il-ħtieġa li jiġu stabbiliti programmi annwali ta’ ħidma żżid il-piż amministrattiv kemm għall-Kummissjoni kif ukoll għall-Istati Membri, mingħajr ma dan ikun meħtieġ għall-implimentazzjoni tal-Istrument. F’dan il-kuntest, jenħtieġ li, fil-prinċipju, il-programmi ta’ ħidma jkunu jkopru iktar minn sena finanzjarja waħda.

(18)Sabiex ikunu żgurati kundizzjonijiet uniformi għall-implimentazzjoni tal-programm ta’ ħidma skont dan ir-Regolament, jenħtieġ li l-Kummissjoni tingħata setgħat ta’ implimentazzjoni. Jenħtieġ li dawk is-setgħat jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill 27 .

(19)Għalkemm l-implimentazzjoni ċentrali hija essenzjali biex jintlaħaq l-għan speċifiku li jiġu żgurati kontrolli doganali ekwivalenti, minħabba n-natura teknika ta’ dan l-Istrument, hemm bżonn ta’ ħidma preparatorja fil-livell tekniku. Għalhekk jenħtieġ li l-implimentazzjoni tiġi appoġġata minn valutazzjonijiet tal-ħtiġijiet li jkunu jiddependu fuq l-għarfien espert u l-esperjenza fil-livell nazzjonali permezz tal-involviment tal-amministrazzjonijiet doganali tal-Istati Membri. Jenħtieġ li dawk il-valutazzjonijiet tal-ħtiġijiet jissejsu fuq metodoloġija ċara li tkun tinkludi għadd minimu ta’ passi li jiżguraw li tinġabar l-informazzjoni meħtieġa.

(20)Sabiex ikunu żgurati monitoraġġ u rapportar regolari, jenħtieġ li jiġi stabbilit qafas xieraq għall-monitoraġġ tar-riżultati li jinkisbu permezz tal-Istrument u tal-azzjonijiet li jkunu saru fil-kuntest tiegħu. Jenħtieġ li t-tali monitoraġġ u r-rapportar jissejsu fuq indikaturi li jkejlu l-effetti tal-azzjonijiet li jkunu saru fil-kuntest tal-Istrument. Jenħtieġ li r-rekwiżiti tar-rapportar ikunu jinkludu xi informazzjoni dwar it-tagħmir ta’ kontroll doganali li jkun jaqbeż ċertu limitu tal-kostijiet.

(21)Skont il-paragrafi 22 u 23 tal-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 28 , jeħtieġ li dan l-Istrument jiġi evalwat abbażi tal-informazzjoni miġbura permezz ta’ rekwiżiti speċifiċi tal-monitoraġġ, filwaqt li jiġu evitati r-regolamentazzjoni żejda u l-piżijiet amministrattivi, b’mod partikolari fuq l-Istati Membri. Meta jkun xieraq, dawn ir-rekwiżiti jistgħu jinkludu indikaturi li jistgħu jitkejlu bħala l-bażi għall-evalwazzjoni tal-effetti tal-Istrument fil-prattika.

(22)Sabiex tingħata tweġiba xierqa għall-prijoritajiet tal-politika, għat-theddid u għat-teknoloġiji li qed jevolvu, jenħtieġ li s-setgħa ta’ adozzjoni tal-atti skont l-Artikolu 290 tat-Trattat dwar il-Funzjonament tal-Unjoni Ewropea tiġi delegata lill-Kummissjoni fir-rigward tal-emendar tal-iskopijiet tal-kontrolli doganali għall-azzjonijiet li huma eliġibbli skont l-Istrument u tal-emendar tal-lista tal-indikaturi li jintużaw biex titkejjel il-kisba tal-għanijiet speċifiċi. Hu tassew importanti li matul il-ħidma preparatorja tagħha, il-Kummissjoni twettaq konsultazzjonijiet xierqa, inkluż fil-livell tal-esperti, u li dawn il-konsultazzjonijiet isiru b’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet. B’mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li fih jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jkunu qed jittrattaw it-tħejjija tal-atti delegati.

(23)Skont ir-Regolament Finanzjarju, ir-Regolament (UE, Euratom) Nru 883/2013 tal-Parlament Ewropew u tal-Kunsill 29 , ir-Regolament tal-Kunsill (KE, Euratom) Nru 2988/95 30 , ir-Regolament tal-Kunsill (Euratom, KE) Nru 2185/96 31 u r-Regolament tal-Kunsill (UE) 2017/1939 32 , l-interessi finanzjarji tal-Unjoni jenħtieġ li jiġu protetti permezz ta’ miżuri proporzjonati, inkluż il-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u ta’ frodi, l-irkupru ta’ fondi mitlufa, imħallsa bi żball jew użati b’mod mhux korrett u, fejn xieraq, l-impożizzjoni ta’ sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew ta’ Kontra l-Frodi (l-OLAF) jista’ jwettaq investigazzjonijiet amministrattivi, inklużi kontrolli u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew kwalunkwe reat ieħor li jaffettwa l-interessi finanzjarji tal-Unjoni. Skont ir-Regolament (UE) 2017/1939, l-Uffiċċju tal-Prosekutur Pubbliku Ewropew (l-UPPE) jista’ jinvestiga u jressaq każijiet ta’ frodi u attivitajiet illegali oħrajn li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 tal-Parlament Ewropew u tal-Kunsill 33 . Skont ir-Regolament Finanzjarju, kwalunkwe persuna jew entità li tirċievi fondi tal-Unjoni trid tikkoopera bis-sħiħ fil-protezzjoni tal-interessi finanzjarji tal-Unjoni, tagħti d-drittijiet u l-aċċess meħtieġa lill-Kummissjoni, lill-OLAF, lill-UPPE u lill-Qorti Ewropea tal-Awdituri u tiżgura li kwalunkwe parti terza involuta fl-implimentazzjoni tal-fondi tal-Unjoni tagħti drittijiet ekwivalenti.

(24)Ir-regoli finanzjarji orizzontali li l-Parlament Ewropew u l-Kunsill adottaw abbażi tal-Artikolu 322 tat-Trattat dwar il-Funzjonament tal-Unjoni Ewropea japplikaw għal dan ir-Regolament. Dawn ir-regoli huma stabbiliti fir-Regolament Finanzjarju u jistabbilixxu, b’mod partikolari, il-proċedura biex jiġi stabbilit il-baġit u biex dan jiġi implimentat permezz ta’ għotjiet, akkwist, premjijiet u implimentazzjoni indiretta, u jipprevedu verifiki tar-responsabbiltà tal-atturi finanzjarji. Ir-regoli adottati abbażi tal-Artikolu 322 tat-TFUE għandhom x’jaqsmu wkoll mal-protezzjoni tal-baġit tal-Unjoni f’każ ta’ nuqqasijiet ġeneralizzati b’rabta mal-istat tad-dritt fl-Istati Membri, minħabba li r-rispett għall-istat tad-dritt huwa prerekwiżit essenzjali għal ġestjoni finanzjarja tajba u għal finanzjament effettiv min-naħa tal-UE.

(25)Jenħtieġ li t-tipi ta’ finanzjament u l-metodi ta’ implimentazzjoni skont dan ir-Regolament jingħażlu abbażi tal-ħila tagħhom li jiksbu l-għan speċifiku tal-azzjonijiet u li jagħtu r-riżultati, filwaqt li jitqiesu, b’mod partikolari, il-kostijiet tal-kontrolli, il-piż amministrattiv u r-riskju ta’ nuqqas ta’ konformità li mistenni jkun hemm. F’dan ir-rigward, jenħtieġ li jitqies l-użu ta’ somom f’daqqa, ta’ rati fissi u ta’ kostijiet unitarji, kif ukoll il-finanzjament mhux marbut mal-kostijiet imsemmi fl-Artikolu 125(1) tar-Regolament Finanzjarju.

(26)Minħabba li l-għan ta’ dan ir-Regolament, li jistabbilixxi strument li jappoġġa lill-Unjoni Doganali u lill-awtoritajiet doganali, ma jistax jintlaħaq b’mod suffiċjenti mill-Istati Membri waħedhom minħabba l-iżbilanċi oġġettivi li jeżistu bejniethom fil-livell ġeografiku iżda jista’ jintlaħaq aħjar fil-livell tal-Unjoni minħabba l-livell ekwivalenti tal-kontrolli doganali u l-kwalità ekwivalenti tagħhom li approċċ ikkoordinat u finanzjament iċċentralizzat se jgħinu biex jipprovdu, l-Unjoni tista’ tadotta miżuri skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li hu meħtieġ biex jintlaħaq dak l-għan,

ADOTTAW DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett

1.Dan ir-Regolament jistabbilixxi l-istrument ta’ appoġġ finanzjarju għat-tagħmir ta’ kontroll doganali (minn hawn ’il quddiem imsejjaħ “l-Istrument”), bħala parti mill-Fond għall-Ġestjoni Integrata tal-Fruntieri (minn hawn ’il quddiem imsejjaħ “il-Fond”), biex jipprovdi appoġġ finanzjarju għax-xiri, għall-manutenzjoni u għall-aġġornament tat-tagħmir ta’ kontroll doganali.

2.Dan ir-Regolament jistabbilixxi l-Fond flimkien mar-Regolament [2018/XXX] li jistabbilixxi l-istrument ta’ appoġġ finanzjarju għall-ġestjoni tal-fruntieri u għall-viżi bħala parti mill-Fond għall-Ġestjoni Integrata tal-Fruntieri 34 .

3.Huwa jistabbilixxi l-għanijiet tal-Istrument, il-baġit għall-perjodu mill-2021 sal-2027, il-forom ta’ finanzjament tal-Unjoni u r-regoli għall-għoti ta’ dan it-tip ta’ finanzjament.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)“awtoritajiet doganali” tfisser l-awtoritajiet iddefiniti fl-Artikolu 5(1) tar-Regolament (UE) Nru 952/2013;

(2)“kontrolli doganali” tfisser l-atti speċifiċi ddefiniti fl-Artikolu 5(3) tar-Regolament (UE) Nru 952/2013;

(3)“tagħmir ta’ kontroll doganali” tfisser tagħmir maħsub b’mod ewlieni għat-twettiq tal-kontrolli doganali;

(4)“tagħmir mobbli ta’ kontroll doganali” tfisser kull mezz tat-trasport li, minbarra li jista’ jiċċaqlaq, huwa maħsub biex ikun unità individwali tat-tagħmir ta’ kontroll doganali huwa stess jew huwa mgħammar għalkollox bit-tagħmir ta’ kontroll doganali;

(5)“manutenzjoni” tfisser l-interventi preventivi, korrettivi u ta’ previżjoni, fosthom il-verifiki operattivi u funzjonali, is-servizzi ta’ manutenzjoni, it-tiswija u t-tiġdid, iżda mhux l-aġġornament, li huma meħtieġa biex unità individwali tat-tagħmir ta’ kontroll doganali tinżamm fil-kundizzjoni operattiva speċifikata tagħha jew terġa’ tinġieb fiha sabiex tkun tista’ tinkiseb il-ħajja utli massima tagħha;

(6)“aġġornament” tfisser l-interventi evoluttivi meħtieġa biex unità individwali eżistenti tat-tagħmir ta’ kontroll doganali tinġieb minn kundizzjoni operattiva speċifikata antikwata għal kundizzjoni operattiva speċifikata moderna.

Artikolu 3

Għanijiet tal-Istrument

1.Bħala parti mill-Fond għall-Ġestjoni Integrata tal-Fruntieri, l-Istrument għandu l-għan ġenerali li jappoġġa lill-Unjoni Doganali u lill-awtoritajiet doganali sabiex jiġu protetti l-interessi finanzjarji u ekonomiċi tal-Unjoni u tal-Istati Membri tagħha, sabiex jiġu żgurati s-sigurtà u s-sikurezza fl-Unjoni u sabiex l-Unjoni tiġi protetta mill-kummerċ illegali u inġust filwaqt li jiġu ffaċilitati l-attivitajiet kummerċjali leġittimi.

2.L-Istrument għandu l-għan speċifiku li jikkontribwixxi biex ikun hemm kontrolli doganali adegwati u ekwivalenti permezz tax-xiri, tal-manutenzjoni u tal-aġġornament ta’ tagħmir ta’ kontroll doganali li jkun rilevanti, modern u affidabbli.

Artikolu 4

Baġit

1.Il-pakkett finanzjarju għall-implimentazzjoni tal-Istrument għall-perjodu mill-2021 sal-2027 għandu jkun ta’ EUR 1 300 000 000 fi prezzijiet kurrenti.

2.L-ammont imsemmi fil-paragrafu 1 jista’ jkopri wkoll l-ispejjeż ta’ tħejjija, ta’ monitoraġġ, ta’ kontroll, ta’ awditu, ta’ evalwazzjoni u ta’ attivitajiet oħrajn għall-ġestjoni tal-Istrument u għall-evalwazzjoni tal-kisba tal-għanijiet tiegħu. Barra minn hekk, dan jista’ jkopri l-ispejjeż relatati mal-istudji, mal-laqgħat tal-esperti, mal-azzjonijiet ta’ informazzjoni u ta’ komunikazzjoni, sa fejn dawn ikunu relatati mal-għanijiet tal-Istrument, kif ukoll l-ispejjeż marbutin man-netwerks tat-teknoloġija tal-informazzjoni li jiffukaw fuq l-ipproċessar u l-iskambju tal-informazzjoni, fosthom l-għodod korporattivi tat-teknoloġija tal-informazzjoni u assistenza teknika u amministrattiva oħra meħtieġa b’rabta mal-ġestjoni tal-Istrument.

Artikolu 5

Implimentazzjoni u forom ta’ finanzjament mill-UE

1.L-Istrument għandu jiġi implimentat b’ġestjoni diretta skont ir-Regolament Finanzjarju.

2.L-Istrument jista’ jipprovdi finanzjament fi kwalunkwe waħda mill-forom stabbiliti fir-Regolament Finanzjarju u, b’mod partikolari, permezz tal-għotjiet.

3.Meta l-azzjoni appoġġata tkun tinvolvi x-xiri jew l-aġġornament tat-tagħmir, il-Kummissjoni għandha tistabbilixxi mekkaniżmu ta’ koordinazzjoni li jiżgura l-effiċjenza tat-tagħmir kollu mixtri bl-appoġġ tal-programmi u tal-istrumenti tal-Unjoni u l-interoperabbiltà tat-tali tagħmir.

KAPITOLU II

ELIĠIBBILTÀ

Artikolu 6

Azzjonijiet eliġibbli

1.Sabiex l-azzjonijiet ikunu eliġibbli għall-finanzjament skont dan l-Istrument, iridu jikkonformaw mar-rekwiżiti li ġejjin:

(a)jimplimentaw l-għanijiet imsemmijin fl-Artikolu 3;

(b)jappoġġaw ix-xiri, il-manutenzjoni u l-aġġornament tat-tagħmir ta’ kontroll doganali li jkollu wieħed mill-iskopijiet tal-kontrolli doganali li ġejjin jew iktar:

(1)l-ispezzjoni mhux invażiva;

(2)l-indikazzjoni ta’ oġġetti moħbija fuq il-persuni;

(3)id-detezzjoni tar-radjazzjoni u l-identifikazzjoni tan-nuklidi;

(4)l-analiżi tal-kampjuni fil-laboratorji;

(5)il-kampjunar u l-analiżi tal-kampjuni fuq il-post;

(6)it-tiftix b’apparat portabbli.

L-Anness 1 jistabbilixxi lista indikattiva tat-tagħmir ta’ kontroll doganali li jista’ jintuża għall-iskopijiet tal-kontrolli doganali msemmijin fil-punti (1) sa (6).

2.B’deroga mill-paragrafu 1, f’każijiet iġġustifikati kif xieraq, l-azzjonijiet jistgħu jkopru wkoll ix-xiri, il-manutenzjoni u l-aġġornament tat-tagħmir ta’ kontroll doganali għall-ittestjar ta’ unitajiet individwali ġodda tat-tagħmir jew ta’ funzjonalitajiet ġodda f’kundizzjonijiet operattivi.

3.Il-Kummissjoni għandha s-setgħa li tadotta atti delegati skont l-Artikolu 14 biex temenda l-iskopijiet tal-kontrolli doganali stabbiliti fil-paragrafu 1(b), kif ukoll l-Anness 1, meta t-tali reviżjoni titqies li tkun meħtieġa.

4.It-tagħmir ta’ kontroll doganali ffinanzjat skont dan l-Istrument jista’ jintuża għal skopijiet oħrajn minbarra l-kontrolli doganali, fosthom għall-kontroll tal-persuni biex jingħataw appoġġ l-awtoritajiet nazzjonali li jieħdu ħsieb il-ġestjoni tal-fruntieri, u għall-investigazzjonijiet.

Artikolu 7

Entitajiet eliġibbli

B’deroga mill-Artikolu 197 tar-Regolament Finanzjarju, l-entitajiet eliġibbli għandhom ikunu l-awtoritajiet doganali tal-Istati Membri meta dawn jipprovdu l-informazzjoni meħtieġa għall-valutazzjonijiet tal-ħtiġijiet kif stabbilit fl-Artikolu 11(3).

Artikolu 8

Rata ta’ kofinanzjament

1.L-Istrument jista’ jiffinanzja sa 80 % tal-kostijiet eliġibbli kollha ta’ azzjoni.

2.Kull finanzjament li jaqbeż dan il-limitu massimu għandu jingħata biss f’ċirkustanzi eċċezzjonali ġġustifikati kif xieraq.

Artikolu 9

Kostijiet eliġibbli

Il-kostijiet li ġejjin ma għandhomx ikunu eliġibbli għall-finanzjament skont l-Istrument:

(a)il-kostijiet marbutin max-xiri tal-art;

(b)il-kostijiet marbutin mal-infrastruttura, bħall-bini jew il-faċilitajiet esterni, kif ukoll mal-għamara;

(c)il-kostijiet marbutin mas-sistemi elettroniċi, ħlief għas-softwer li huwa meħtieġ b’mod dirett biex jintuża t-tagħmir ta’ kontroll doganali;

(d)il-kostijiet tan-netwerks, bħall-mezzi ta’ komunikazzjoni sikuri u mhux, jew tal-abbonamenti;

(e)il-kostijiet tal-mezzi tat-trasport, bħall-vetturi, l-inġenji tal-ajru u l-bastimenti, ħlief għat-tagħmir mobbli ta’ kontroll doganali;

(f)il-kostijiet tal-oġġetti ta’ konsum għat-tagħmir ta’ kontroll doganali, fosthom tal-materjal ta’ kalibrazzjoni jew ta’ referenza;

(g)il-kostijiet marbutin mat-tagħmir ta’ protezzjoni personali.

KAPITOLU III

GĦOTJIET

Artikolu 10

Għoti, kumplimentarjetà u finanzjament ikkombinat

1.L-għotjiet li jaqgħu taħt l-Istrument għandhom jingħataw u jiġu ġestiti skont it-Titolu VIII tar-Regolament Finanzjarju.

2.Skont l-Artikolu 195(f) tar-Regolament Finanzjarju, l-għotjiet għandhom jingħataw mingħajr sejħa għall-proposti lill-entitajiet eliġibbli msemmijin fl-Artikolu 7.

3.B’deroga mill-Artikolu 191 tar-Regolament Finanzjarju, azzjoni li tkun irċeviet kontribuzzjoni mill-programm Dwana għall-kooperazzjoni fil-qasam tad-dwana stabbilit bir-Regolament (UE) [2018/XXX] 35 jew minn kull programm ieħor tal-Unjoni tista’ tirċievi kontribuzzjoni wkoll fil-kuntest ta’ dan l-Istrument, dejjem jekk dawk il-kontribuzzjonijiet ma jkunux ikopru l-istess kostijiet. Ir-regoli ta’ kull programm tal-Unjoni li jkun qed jagħti kontribuzzjoni għandhom japplikaw għall-kontribuzzjoni rispettiva tiegħu għall-azzjoni. Il-finanzjament kumulattiv ma għandux jaqbeż il-kostijiet eliġibbli kollha tal-azzjoni u l-appoġġ mogħti mill-programmi differenti tal-Unjoni jista’ jiġi kkalkulat fuq bażi pro rata skont id-dokumenti li jistabbilixxu l-kundizzjonijiet tal-appoġġ.

KAPITOLU IV

PROGRAMMAZZJONI, MONITORAĠĠ U EVALWAZZJONI

Artikolu 11

Programm ta’ ħidma

1.L-Istrument għandu jiġi implimentat permezz tal-programmi ta’ ħidma msemmijin fl-Artikolu 110(2) tar-Regolament Finanzjarju.

2.Il-programmi ta’ ħidma għandhom jiġu adottati mill-Kummissjoni permezz ta’ att ta’ implimentazzjoni. Dak l-att ta’ implimentazzjoni għandu jiġi adottat skont il-proċedura ta’ eżami msemmija fl-Artikolu 15.

3.It-tħejjija tal-programmi ta’ ħidma msemmijin fil-paragrafu 1 għandha tkun appoġġata minn valutazzjoni tal-ħtiġijiet li għandha tkun magħmula tal-inqas mill-affarijiet li ġejjin:

(a)kategorizzazzjoni komuni tal-punti tal-qsim tal-fruntiera;

(b)inventarju eżawrjenti tat-tagħmir ta’ kontroll doganali disponibbli;

(c)definizzjoni komuni ta’ standard minimu u tal-aqwa standard għat-tagħmir tal-kontroll doganali b’referenza għall-kategorija tal-punti tal-qsim tal-fruntiera; u

(d)stima ddettaljata tal-ħtiġijiet finanzjarji.

Il-valutazzjoni tal-ħtiġijiet għandha toħroġ mill-azzjonijiet li jitwettqu fil-kuntest tal-programm Dwana 2020 li ġie stabbilit bir-Regolament (UE) Nru 1294/2013 tal-Parlament Ewropew u tal-Kunsill 36 jew fil-kuntest tal-programm Dwana għall-kooperazzjoni fil-qasam tad-dwana stabbilit bir-Regolament (UE) [2018/XXX] 37 , u għandha tiġi aġġornata b’mod regolari u tal-inqas kull tliet snin.

Artikolu 12

Monitoraġġ u rapportar

1.L-indikaturi għar-rapportar dwar il-progress tal-Istrument lejn il-kisba tal-għanijiet ġenerali u speċifiċi stabbiliti fl-Artikolu 3 huma stabbiliti fl-Anness 2.

2.Sabiex ikun żgurat li jiġi vvalutat b’mod effettiv il-progress tal-Istrument lejn il-kisba tal-għanijiet tiegħu, il-Kummissjoni għandha s-setgħa li tadotta atti delegati skont l-Artikolu 14 biex temenda l-Anness 2 biex tirrevedi l-indikaturi jew biex tikkumplimentahom, meta dan jitqies li jkun meħtieġ, u biex tissupplimenta lil dan ir-Regolament b’dispożizzjonijiet dwar l-istabbiliment ta’ qafas għall-monitoraġġ u għall-evalwazzjoni. 

3.Is-sistema ta’ rapportar dwar il-prestazzjoni għandha tiżgura li d-data għall-monitoraġġ tal-implimentazzjoni u tar-riżultati tal-Istrument tinġabar b’mod effiċjenti, effettiv u f’waqtu. Għal dan il-għan, għandhom jiġu imposti rekwiżiti proporzjonati tar-rapportar fuq dawk li jirċievu l-fondi tal-Unjoni.

4.Ir-rekwiżiti tar-rapportar imsemmijin fil-paragrafu 3 għandhom jinkludu tal-inqas il-komunikazzjoni annwali tal-informazzjoni li ġejja lill-Kummissjoni f’każ li unità individwali tat-tagħmir ta’ kontroll doganali tkun tiswa iktar minn EUR 10 000 mingħajr it-taxxi:

(a)id-dati tal-kummissjonar u tad-dekummissjonar tat-tagħmir ta’ kontroll doganali;

(b)l-istatistika dwar l-użu tat-tagħmir ta’ kontroll doganali;

(c)l-informazzjoni dwar ir-riżultati li ħarġu mill-użu tat-tagħmir ta’ kontroll doganali.

Artikolu 13

Evalwazzjoni

1.L-evalwazzjonijiet għandhom jitwettqu f’waqthom sabiex jikkontribwixxu għall-proċess tat-teħid tad-deċiżjonijiet.

2.L-evalwazzjoni interim tal-Istrument għandha titwettaq ladarba jkun hemm biżżejjed informazzjoni disponibbli dwar l-implimentazzjoni tal-Istrument, iżda mhux aktar tard minn erba’ snin wara l-bidu tal-implimentazzjoni tal-Istrument.

3.Fi tmiem l-implimentazzjoni tal-Istrument, iżda mhux aktar tard minn erba’ snin wara tmiem il-perjodu speċifikat fl-Artikolu 1, għandha titwettaq evalwazzjoni finali tal-Istrument mill-Kummissjoni.

4.Il-Kummissjoni għandha tibgħat il-konklużjonijiet tal-evalwazzjonijiet, flimkien mal-osservazzjonijiet tagħha, lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.

KAPITOLU V

EŻERĊIZZJU TAD-DELEGA U PROĊEDURA TA’ KUMITAT

Artikolu 14

Eżerċizzju tad-delega

1.Il-Kummissjoni tingħata s-setgħa li tadotta atti delegati soġġett għall-kundizzjonijiet stabbiliti f’dan l-Artikolu.

2.Is-setgħa ta’ adozzjoni ta’ atti delegati msemmija fl-Artikoli 6(3) u 12(2) għandha tingħata lill-Kummissjoni sal-31 ta’ Diċembru 2028.

3.Id-delega tas-setgħa msemmija fl-Artikoli 6(3) u 12(2) tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħa speċifikata f’dik id-Deċiżjoni. Din għandu jibda jkollha effett fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Ma għandhiex taffettwa l-validità ta’ kwalunkwe att delegat li diġà jkun fis-seħħ.

4.Qabel ma tadotta att delegat, il-Kummissjoni għandha tikkonsulta lill-esperti maħtura minn kull Stat Membru b’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikoli 6(3) u 12(2) għandu jidħol fis-seħħ biss jekk la l-Parlament Ewropew u lanqas il-Kunsill ma jkunu oġġezzjonaw għalih fi żmien xahrejn minn meta jkunu ġew mgħarrfin bih jew jekk, qabel ma jiskadi dak il-perjodu, kemm il-Parlament Ewropew u kif ukoll il-Kunsill it-tnejn ikunu għarrfu lill-Kummissjoni li mhumiex se joġġezzjonaw għalih. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 15

Proċedura ta’ kumitat

1.Il-Kummissjoni għandha tkun megħjuna mill-“Kumitat tal-Programm Dwana” imsemmi fl-Artikolu 18 tar-Regolament (UE) [2018/XXX] 38 .

2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

KAPITOLU VI

DISPOŻIZZJONIJIET TRANŻITORJI U FINALI

Artikolu 16

Informazzjoni, komunikazzjoni u pubbliċità

1.Dawk li jirċievu l-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni (b’mod partikolari meta jippromwovu l-azzjonijiet u r-riżultati tagħhom) billi jipprovdu informazzjoni mmirata koerenti, effettiva u proporzjonata lil diversi udjenzi, inkluż lill-midja u lill-pubbliku.

2.Il-Kummissjoni għandha timplimenta azzjonijiet ta’ informazzjoni u ta’ komunikazzjoni relatati mal-Istrument, u mal-azzjonijiet u mar-riżultati tiegħu. Ir-riżorsi finanzjarji allokati għall-Istrument għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu relatati mal-għanijiet imsemmijin fl-Artikolu 3.

Artikolu 17

Dispożizzjonijiet tranżitorji

Jekk ikun meħtieġ, l-approprjazzjonijiet jistgħu jiddaħħlu fil-baġit lil hinn mill-2027 biex ikopru l-ispejjeż previsti fl-Artikolu 4(2), sabiex jippermettu l-ġestjoni tal-azzjonijiet li jkun għadhom ma tlestewx sal-31 ta’ Diċembru 2027.

Artikolu 18

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i) fl-istruttura ABM/ABB

1.3.Natura tal-proposta/tal-inizjattiva

1.4.Għan(ijiet)

1.5.Raġunijiet għall-proposta/għall-inizjattiva

1.6.Durata u impatt finanzjarju

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema ta’ ġestjoni u ta’ kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u linja/i baġitarja/i tan-nefqa affettwata/i

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operattivi

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i) (Raggruppament ta’ programmi)

1.3.Il-proposta/l-inizjattiva hija dwar:

X azzjoni ġdida 

◻ azzjoni ġdida li ssegwi proġett pilota/azzjoni preparatorja 39  

◻ l-estensjoni ta’ azzjoni eżistenti 

◻ fużjoni jew ridirezzjonar ta’ azzjoni waħda jew aktar lejn/ma’ azzjoni oħra jew azzjoni ġdida 

1.4.Raġunijiet għall-proposta/għall-inizjattiva

1.4.1.Rekwiżit(i) li jridu jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva

1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, effettività akbar jew il-kumplimentarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li kieku kien jinħoloq mill-Istati Membri waħedhom.

1.4.3.Tagħlimiet meħudin minn esperjenzi simili fl-imgħoddi

1.4.4.Kompatibbiltà u sinerġija possibbli ma’ strumenti xierqa oħrajn

1.5.Durata u impatt finanzjarju

X durata limitata

–X    fis-seħħ mill-1 ta’ Jannar 2021 sal-31 ta’ Diċembru 2027

–X    Impatt finanzjarju mill-2021 sal-2027 għall-approprjazzjonijiet ta’ impenn u mill-2021 sal-2030 għall-approprjazzjonijiet ta’ pagament.

◻ durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita b’operazzjoni fuq skala sħiħa.

1.6.Mod(i) ta’ ġestjoni ppjanat(i) 40  

X Ġestjoni diretta mill-Kummissjoni

–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lil pajjiżi terzi jew lill-korpi nnominati minnhom;

–◻ lil organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi li jissemmew fl-Artikoli 70 u 71 tar-Regolament Finanzjarju;

–◻ lil korpi tal-liġi pubblika;

–◻ lil korpi rregolati mil-liġi privata b’missjoni ta’ servizz pubbliku safejn dawn jipprovdu garanziji finanzjarji adegwati;

–◻ lil korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lil persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat aktar minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposti

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.

2.2.4.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura tal-qafas finanzjarju pluriennali u l-linji baġitarji l-ġodda tan-nefqa proposti

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	Numru	Diff./Mhux diff. 41	mingħand il-pajjiżi tal-EFTA 42	mingħand il-pajjiżi kandidati 43	mingħand pajjiżi terzi	skont it-tifsira tal-Artikolu [21(2)(b)] tar-Regolament Finanzjarju
4	11.01.02 Nefqa ta’ appoġġ għall-istrument marbut mat-tagħmir ta’ kontroll doganali	Mhux diff.	LE	LE	LE	LE
4	11.02.11 L-istrument marbut mat-tagħmir ta’ kontroll doganali	Diff.	LE	LE	LE	LE

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

EUR miljun (aġġustati għal tliet pożizzjonijiet deċimali)

Intestatura tal-qafas finanzjarju pluriennali

4

“Il-migrazzjoni u l-ġestjoni tal-fruntieri”

			2021	2022	2023	2024	2025	2026	2027	Wara l-2027	TOTAL
Approprjazzjonijiet operattivi għal-linja baġitarja 11.02.11	Impenji	(1)	174.903	178.403	181.973	185.614	189.329	193.117	195.961		1.299.300
	Pagamenti 44	(2)	42.481	129.274	162.474	170.688	175.066	178.602	182.209	258.506	1.299.300
Approprjazzjonijiet ta’ natura amministrattiva ffinanzjati mill-pakkett tal-istrument 45 , 46 għal-linja baġitarja 11.01.02	Impenji = Pagamenti	(3)	0.100	0.100	0.100	0.100	0.100	0.100	0.100		0.700
TOTAL tal-approprjazzjonijiet għall-pakkett tal-istrument	Impenji	= 1+3	175.003	178.503	182.073	185.714	189.429	193.217	196.061		1 300.000
	Pagamenti	= 2+3	42.581	129.374	162.574	170.788	175.166	178.702	182.309	258.506	1.300.000

Intestatura tal-qafas finanzjarju pluriennali

7

“Nefqa amministrattiva”

EUR miljun (aġġustati għal tliet pożizzjonijiet deċimali)

		2021	2022	2023	2024	2025	2026	2027	Wara l-2027	TOTAL
Riżorsi umani		3.575	3.575	3.575	3.575	3.575	3.575	3.575		25.025
Nefqa amministrattiva oħra		0.100	0.100	0.100	0.100	0.100	0.100	0.100		0.700
TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali	(Total ta’ impenji = Total ta’ pagamenti)	3.675	3.675	3.675	3.675	3.675	3.675	3.675		25.725

EUR miljun (aġġustati għal tliet pożizzjonijiet deċimali)

			2021	2022	2023	2024	2025	2026	2027	Wara l-2027	TOTAL
TOTAL tal-approprjazzjonijiet fl-INTESTATURI kollha tal-qafas finanzjarju pluriennali	Impenji		178.678	182.178	185.748	189.389	193.104	196.892	199.736		1325.725
	Pagamenti		46.256	133.049	166.249	174.463	178.841	182.377	185.984	258.506	1325.725

3.2.2.Sommarju tal-impatt stmat fuq l-approprjazzjonijiet ta’ natura amministrattiva

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–X    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

EUR miljun (aġġustati għal tliet pożizzjonijiet deċimali)

Snin

Fl-2021

Fl-2022

Fl-2023

Fl-2024

Fl-2025

Fl-2026

Fl-2027

TOTAL

L-INTESTATURA 7 tal-qafas finanzjarju pluriennali
Riżorsi umani	3.575	3.575	3.575	3.575	3.575	3.575	3.575	25.025
Nefqa amministrattiva oħra	0.100	0.100	0.100	0.100	0.100	0.100	0.100	0.700
Subtotal għall-INTESTATURA 7 tal-qafas finanzjarju pluriennali	3.675	3.675	3.675	3.675	3.675	3.675	3.675	25.725

Barra mill-INTESTATURA 7 47 tal-qafas finanzjarju pluriennali
Riżorsi umani
Nefqa oħra ta’ natura amministrattiva	0.100	0.100	0.100	0.100	0.100	0.100	0.100	0.700
Subtotal barra mill-INTESTATURA 7 tal-qafas finanzjarju pluriennali	0.100	0.100	0.100	0.100	0.100	0.100	0.100	0.700

TOTAL

3.775

3.775

3.775

3.775

3.775

3.775

3.775

26.425

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limiti baġitarji.

3.2.2.1.Rekwiżiti stmati ta’ riżorsi umani

–◻    Il-proposta/l-inizjattiva ma teħtieġx l-użu ta’ riżorsi umani.

–X    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għal full-time

Snin		2021	2022	2023	2024	2025	2026	2027
• Pożizzjonijiet fil-pjan ta’ stabbiliment (uffiċjali u aġenti temporanji)
Kwartieri Ġenerali u Uffiċċji ta’ Rappreżentanza tal-Kummissjoni		25	25	25	25	25	25	25
Delegazzjonijiet
Riċerka
• Persunal estern (f’unità Ekwivalenti għall-Full-Time: FTE) – AC, AL, END, INT u JED  48 Intestatura 7
Iffinanzjati mill-INTESTATURA 7 tal-qafas finanzjarju pluriennali	- fil-Kwartieri Ġenerali
	- fid-Delegazzjonijiet
Iffinanzjati mill-pakkett tal-istrument  49	- fil-Kwartieri Ġenerali
	- fid-Delegazzjonijiet
Riċerka
Oħrajn (speċifika)
TOTAL		25	25	25	25	25	25	25

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limiti baġitarji.

Deskrizzjoni tal-kompiti li jridu jitwettqu:

Uffiċjali u aġenti temporanji

Se jkun hemm bżonn ta’ persunal addizzjonali għall-ġestjoni tal-Istrument u tal-implimentazzjoni tiegħu. Din il-ġestjoni se tkun tinkludi, fost l-oħrajn, il-kompiti li ġejjin: - il-parteċipazzjoni fil-valutazzjoni tal-ħtiġijiet u s-superviżjoni u l-koordinazzjoni tat-tali valutazzjoni: l-inventarju, it-tipoloġija u l-istandard, l-analiżi tad-diskrepanzi u l-istima tal-fondi meħtieġa għal kull tip ta’ fruntiera (dik ta’ fuq l-art, tal-baħar, tal-ajru u taċ-ċentri postali); - il-programmazzjoni: il-koordinazzjoni orizzontali (b’mod partikolari l-valutazzjoni tat-theddid u tal-volumi), it-tħejjija tal-programm ta’ ħidma u tal-proċeduri relatati miegħu (il-komitoloġija) u t-tħejjija u n-negozjar tal-ftehimiet tal-għotja; - l-implimentazzjoni: il-monitoraġġ tal-implimentazzjoni min-naħa tal-awtoritajiet doganali u l-għoti ta’ appoġġ għal din l-implimentazzjoni (pereżempju l-akkwist konġunt); - ir-rapportar u l-kontroll jew l-awditu.

Persunal estern

Mhux applikabbli.

3.2.3.Kontribuzzjonijiet ta’ partijiet terzi

Il-proposta/l-inizjattiva:

–X    ma tipprevedix il-kofinanzjament minn partijiet terzi

–◻    tipprevedi l-kofinanzjament minn partijiet terzi li qed jiġi stmat hawn taħt:

Approprjazzjonijiet f’EUR miljun (aġġustati għal tliet pożizzjonijiet deċimali)

Snin	2021	2022	2023	2024	2025	2026	2027	TOTAL
Speċifika l-korp ta’ kofinanzjament
TOTAL tal-approprjazzjonijiet kofinanzjati

3.3.Impatt stmat fuq id-dħul

–◻    Il-proposta/l-inizjattiva ma għandha l-ebda impatt finanzjarju fuq id-dħul.

–X    Il-proposta/l-inizjattiva għandha l-impatt finanzjarju li ġej:

–X        fuq ir-riżorsi proprji

–◻    fuq dħul ieħor

jekk jogħġbok indika, jekk id-dħul huwa assenjat għal-linji tan-nefqa ◻    

EUR miljun (aġġustati għal tliet pożizzjonijiet deċimali)

Linja baġitarja tad-dħul:	Impatt tal-proposta/tal-inizjattiva 50
	2021	2022	2023	2024	2025	2026	2027
Artikolu ………….

Għad-dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. metodu/formula użati għall-kalkolu tal-impatt fuq id-dħul jew kwalunkwe informazzjoni oħra).

(1)    COM(2018) 322 final.

(2)    Il-programm Dwana twaqqaf fl-1991 permezz tad-Deċiżjoni tal-Kunsill tal-20 ta’ Ġunju 1991 dwar l-adozzjoni ta’ programm ta’ azzjoni Komunitarja dwar it-taħriġ vokazzjonali tal-uffiċjali tad-dwana (il-programm Matthaeus) [traduzzjoni mhix uffiċjali], u wara ġie sostitwit bis-serje sħiħa tal-programm Dwana li ġiet stabbilita bid-Deċiżjoni Nru 210/97/KE tal-Parlament Ewropew u tal-Kunsill tad-19 ta’ Diċembru 1996 li tadotta programm ta’ azzjoni għad-dwana fil-Komunità (imsejjaħ “Dwana 2000”) [traduzzjoni mhix uffiċjali] u l-programmi suċċessuri tiegħu li ġew stabbiliti bid-Deċiżjoni Nru 105/2000/KE, bid-Deċiżjoni Nru 253/2003/KE, bid-Deċiżjoni Nru 624/2007/KE u bir-Regolament (UE) Nru 1294/2013.

(3)    Ir-Regolament (UE) Nru 250/2014 tal-Parlament Ewropew u tal-Kunsill tas-26 ta’ Frar 2014 li jistabbilixxi programm għall-promozzjoni ta’ attivitajiet fil-qasam tal-protezzjoni tal-interessi finanzjarji tal-Unjoni Ewropea (il-programm Erkole III) u li jħassar id-Deċiżjoni Nru 804/2004/KE (ĠU L 84, 20.3.2014, p. 6).

(4)    Ir-Regolament (UE) 2017/825 tal-Parlament Ewropew u tal-Kunsill tas-17 ta’ Mejju 2017 dwar l-istabbiliment ta’ Programm ta’ Appoġġ għal Riformi Strutturali għall-perjodu mill-2017 sal-2020 u li jemenda r-Regolamenti (UE) Nru 1303/2013 u (UE) Nru 1305/2013 (ĠU L 129, 19.5.2017, p. 1).

(5)     https://ec.europa.eu/info/funding-tenders/funding-opportunities/funding-programmes/overview-funding-programmes/european-structural-and-investment-funds_mt.  

(6)     https://www.consilium.europa.eu/media/22301/st09581en17-vf.pdf u http://data.consilium.europa.eu/doc/document/ST-7586-2017-INIT/mt/pdf .

(7)    Il-Grupp tal-Politika Doganali huwa grupp ta’ esperti li l-Kummissjoni stabbiliet biex jagħtiha pariri dwar kwistjonijiet marbutin ma’ kwistjonijiet strateġiċi tal-politika doganali, biex jimmonitorja l-iżvilupp ta’ diversi aspetti tal-politika doganali u biex jiffaċilita l-iskambju tal-fehmiet fost l-Istati Membri. Għal iktar informazzjoni ara s-sit web li ġej: http://ec.europa.eu/transparency/regexpert/index.cfm?do=groupDetail.groupDetail&groupID=944&Lang=MT .

(8)    COM(2016) 813 final.

(9)    Ara, pereżempju, ir-Riżoluzzjoni tal-Parlament Ewropew dwar l-indirizzar tal-isfidi tal-implimentazzjoni tal-Kodiċi Doganali tal-Unjoni (2016/3024(RSP)).

(10)    Ir-Regolament (UE) 2016/1624 tal-Parlament Ewropew u tal-Kunsill tal-14 ta’ Settembru 2016 dwar il-Gwardja Ewropea tal-Fruntiera u tal-Kosta u li jemenda r-Regolament (UE) 2016/399 tal-Parlament Ewropew u tal-Kunsill u li jħassar ir-Regolament (KE) Nru 863/2007 tal-Parlament Ewropew u tal-Kunsill, ir-Regolament tal-Kunsill (KE) Nru 2007/2004 u d-Deċiżjoni tal-Kunsill 2005/267/KE (ĠU L 251, 16.9.2016, p. 1).

(11)    Fil-Proposta għal Deċiżjoni tal-Kunsill dwar is-sistema ta’ Riżorsi Proprji tal-Unjoni Ewropea (COM(2018) 325 final) qed jiġi propost li l-kostijiet tal-ġbir li l-Istati Membri jżommu jitnaqqsu minn 20 % għal-livell oriġinali tagħhom ta’ 10 %.

(12)     https://ec.europa.eu/taxation_customs/expert-teams-europa_en.  

(13)    Il-Ftehim Interistituzzjonali tat-13 ta’ April 2016 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar it-Tfassil Aħjar tal-Liġijiet (ĠU L 123, 12.5.2016, p. 1).

(14)    COM(2018) 473.

(15)    COM(2018) 442.

(16)    ĠU C , , p. .

(17)    L-Anness tar-Rapport annwali tal-2016 dwar il-prestazzjoni tal-Unjoni Doganali, li jinsab fis-sit web li ġej: https://ec.europa.eu/info/publications/annual-activity-report-2016-taxation-and-customs-union_mt .

(18)     https://www.consilium.europa.eu/media/22301/st09581en17-vf.pdf u http://data.consilium.europa.eu/doc/document/ST-7586-2017-INIT/mt/pdf .

(19)    Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(20)    COM(2018) 473.

(21)    Il-Ftehim interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba (ĠU C 373, 20.12.2013, p. 1).

(22)    COM(2016) 605 final.

(23)    COM(2018) 442.

(24)    COM(2018) 435.

(25)    COM(2018) 473.

(26)    Ir-Regolament (UE) 2016/1624 tal-Parlament Ewropew u tal-Kunsill tal-14 ta’ Settembru 2016 dwar il-Gwardja Ewropea tal-Fruntiera u tal-Kosta u li jemenda r-Regolament (UE) 2016/399 tal-Parlament Ewropew u tal-Kunsill u li jħassar ir-Regolament (KE) Nru 863/2007 tal-Parlament Ewropew u tal-Kunsill, ir-Regolament tal-Kunsill (KE) Nru 2007/2004 u d-Deċiżjoni tal-Kunsill 2005/267/KE (ĠU L 251, 16.9.2016, p. 1).

(27)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(28)    Il-Ftehim Interistituzzjonali tat-13 ta’ April 2016 bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar it-Tfassil Aħjar tal-Liġijiet (ĠU L 123, 12.5.2016, p. 1).

(29)    Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).

(30)    Ir-Regolament tal-Kunsill (KE, Euratom) Nru 2988/95 tat-18 ta’ Diċembru 1995 dwar il-protezzjoni tal-interessi finanzjarji tal-Komunità Ewropea (ĠU L 312, 23.12.1995, p. 1).

(31)    Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292, 15.11.1996, p. 2).

(32)    Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1).

(33)    Id-Direttiva (UE) 2017/1371 tal-Parlament Ewropew u tal-Kunsill tal-5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (ĠU L 198, 28.7.2017, p. 29).

(34)    COM(2018) 473.

(35)    COM(2018) 442.

(36)    Ir-Regolament (UE) Nru 1294/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi programm ta’ azzjoni għad-dwana fl-Unjoni Ewropea għall-perjodu 2014-2020 (Dwana 2020) u jirrevoka d-Deċiżjoni Nru 624/2007/KE (ĠU L 347, 20.12.2013, p. 209).

(37)    COM(2018) 442.

(38)    COM(2018) 442.

(39)    Kif imsemmi fl-Artikolu 58(2)(a) jew (b) tar-Regolament Finanzjarju.

(40)    Id-dettalji tal-modi ta’ ġestjoni u r-referenzi għar-Regolament Finanzjarju jinsabu fuq is-sit BudgWeb: https://myintracomm.ec.europa.eu/budgweb/EN/man/budgmanag/Pages/budgmanag.aspx.  

(41)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(42)    L-EFTA = l-Assoċjazzjoni Ewropea tal-Kummerċ Ħieles.

(43)    Il-pajjiżi kandidati u, meta applikabbli, il-kandidati potenzjali mill-Balkani tal-Punent.

(44)    Il-profil tal-pagamenti għal dan il-programm il-ġdid fil-kuntest tal-qafas finanzjarju pluriennali għall-2021 sal-2027 jissejjes fuq estrapolazzjoni tal-profili storiċi tal-pagamenti tal-programmi b’mekkaniżmi eżekuttivi simili f’oqsma simili tal-politika, b’mod partikolari dawk tad-dwana, tat-tassazzjoni u tal-ġlieda kontra l-frodi, għall-perjodu mill-2007 sal-2017.

(45)    Assistenza teknika u/jew amministrattiva u nefqa b’sostenn għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(46)    Pereżempju t-traduzzjonijiet u n-netwerks u s-sistemi tat-teknoloġija tal-informazzjoni li jintużaw għall-ġestjoni tal-istrument (bħall-“ABAC”, l-“eGrants” u l-“AGM”).

(47)    Assistenza teknika u/jew amministrattiva u nefqa b’sostenn għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(48)    AC = Aġenti Kuntrattwali; AL = Persunal Lokali; END = Espert Nazzjonali Sekondat; INT = Persunal tal-aġenzija; JPD = Esperti Subordinati fid-Delegazzjonijiet.

(49)    Sottolimitu massimu għall-persunal estern kopert mill-approprjazzjonijiet operattivi (li qabel kienu l-linji “BA”).

(50)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis tal-kostijiet tal-ġbir.

IL-KUMMISSJONI EWROPEA

Strasburgu,12.6.2018

COM(2018) 474 final

ANNESSI

tal-Proposta għal

REGOLAMENT TAL-PARLAMENT EWROPEW U TAL-KUNSILL

li jistabbilixxi l-istrument ta’ appoġġ finanzjarju għat-tagħmir ta’ kontroll doganali bħala parti mill-Fond għall-Ġestjoni Integrata tal-Fruntieri

{SWD(2018) 347}
{SWD(2018) 348}
{SEC(2018) 315}

ANNESS 1

Lista indikattiva tat-tagħmir ta’ kontroll doganali marbut mal-iskopijiet tal-kontrolli doganali
msemmijin fl-Artikolu 6(1)(b)

SKOP TAL-KONTROLLI DOGANALI	TAGĦMIR TA’ KONTROLL DOGANALI
	KATEGORIJA	UŻU
L-ispezzjoni mhux invażiva	Skener bir-raġġi X li juża livell għoli ta’ enerġija	Għall-kontejners, għat-trakkijiet u għall-vaguni tal-ferrovija
	Skener bir-raġġi X li juża livell baxx ta’ enerġija	Għall-palits, għall-kaxxi u għall-pakketti
		Għall-bagalji tal-passiġġieri
	Retrodiffużjoni tar-raġġi X	Għall-kontejners
		Għat-trakkijiet
		Għall-vetturi
	Tagħmir ieħor	Għas-sistemi ta’ rikonoxximent awtomatiku tal-pjanċi tal-vetturi jew tal-kontejners
		Għall-imwieżen għall-vetturi
		Għall-forklifters u għat-tagħmir mobbli ta’ kontroll doganali simili
L-indikazzjoni ta’ oġġetti moħbija fuq il-persuni 1	Portal tar-retrodiffużjoni tar-raġġi X	Dan it-tagħmir jintuża l-iktar fl-ajruporti biex jinstabu l-oġġetti moħbija fuq il-persuni (id-drogi, l-isplussivi, il-flus kontanti)
	Skener tal-persuna
Id-detezzjoni tar-radjazzjoni u l-identifikazzjoni tan-nuklidi	Id-detezzjoni radjoloġika u nukleari	Għad-detetturi personali tar-radjazzjoni
		Għad-detetturi portabbli tar-radjazzjoni
		Għall-apparat għall-identifikazzjoni tal-isotopi (RIID)
		Għad-detetturi portiċi tar-radjazzjoni (RPMs)
		Għad-detetturi portiċi spettrometriċi għall-identifikazzjoni tal-isotopi (SPMs)
L-analiżi tal-kampjuni fil-laboratorji	L-identifikazzjoni, il-kwantifikazzjoni u l-verifika tal-oġġetti kollha possibbli	Għall-kromatografija b’fażi gassuża u għall-kromatografija b’fażi likwida (GC, LC, HPLC, eċċ.)
		Għall-ispettrometrija u għal tekniki kkombinati magħha (l-ispettroskopija bl-infraaħmar, l-ispettroskopija Raman, l-ispettroskopija ultravjola-viżibbli (UV-VIS), il-fluworexxenza, il-kromatografija b’fażi gassuża/l-ispettrometrija ta’ massa, eċċ.)
		Għat-tagħmir bir-raġġi X (il-fluworexxenza bir-raġġi X, eċċ.)
		Għall-ispettrometrija bir-reżonanza manjetika nukleari (NMR) u għall-analiżi tal-isotopi stabbli
		Għal tagħmir ieħor tal-laboratorju (l-ispettrometrija tal-assorbiment atomiku, l-analizzatur tad-distillazzjoni, il-kalorimetrija differenzjali bl-iskennjar, l-elettroforeżi, il-mikroskopju, l-għadd bix-xintillazzjoni likwida, il-magna tat-tipjip, eċċ.)

SKOP TAL-KONTROLLI DOGANALI	TAGĦMIR TA’ KONTROLL DOGANALI
	KATEGORIJA	UŻU
Il-kampjunar u l-analiżi tal-kampjuni fuq il-post	Id-detezzjoni tat-traċċi abbażi tal-ispettrometrija tal-mobbiltà jonika	Għat-tagħmir portabbli li jintuża għad-detezzjoni ta’ traċċi ta’ materjal perikoluż speċifiku
	Id-detezzjoni tat-traċċi bl-użu tal-klieb	Din tintuża l-iktar għal diversi riskji marbutin mal-oġġetti ż-żgħar u l-kbar
	Il-kampjunar	Għall-għodod biex jittieħdu l-kampjuni, għall-kappoċċ tal-estrattur u għar-reċipjent issiġillat imsejjaħ “glovebox”
	Il-laboratorji mobbli	Għall-vetturi li jkun fihom it-tagħmir kollu għall-analiżi tal-kampjuni fuq il-post
	[L-analiżi tal-materjal organiku, tal-metalli u tal-ligi] Id-detetturi portabbli	Għat-testijiet kimiċi kolorimetriċi
		Għall-ispettroskopija Raman
		Għall-ispettroskopija bl-infraaħmar
		Għall-fluworexxenza bir-raġġi X
		Għad-detetturi tal-gass għall-kontejners
It-tiftix b’apparat portabbli	L-għodod portabbli personali	Għall-għodod tal-but
		Għas-settijiet ta’ għodod mekkaniċi
		Għall-mirja teleskopiċi
	L-apparat	Għall-endoskopji
		Għad-detetturi fissi jew portabbli tal-metalli
		Għall-kameras biex jiġi ċċekkjat qiegħ il-vetturi
		Għall-apparat ultrasoniku
		Għall-miters għall-kejl tad-densità
	Tagħmir ieħor	Għat-tiftix taħt wiċċ l-ilma

ANNESS 2

Indikaturi

Għan speċifiku: li jingħata kontribut biex ikun hemm kontrolli doganali adegwati u ekwivalenti permezz tax-xiri, tal-manutenzjoni u tal-aġġornament ta’ tagħmir ta’ kontroll doganali li jkun rilevanti, modern u affidabbli

1.Tagħmir disponibbli

(a)Id-disponibbiltà fil-punti tal-qsim tal-fruntiera fuq l-art ta’ tagħmir ta’ kontroll doganali li jilħaq l-istandards maqbulin (skont it-tip ta’ tagħmir)

(b)Id-disponibbiltà fil-punti tal-qsim tal-fruntiera bil-baħar ta’ tagħmir ta’ kontroll doganali li jilħaq l-istandards maqbulin (skont it-tip ta’ tagħmir)

(c)Id-disponibbiltà fil-punti tal-qsim tal-fruntiera bl-ajru ta’ tagħmir ta’ kontroll doganali li jilħaq l-istandards maqbulin (skont it-tip ta’ tagħmir)

(d)Id-disponibbiltà fil-punti tal-qsim tal-fruntiera li huma ċentri postali ta’ tagħmir ta’ kontroll doganali li jilħaq l-istandards maqbulin (skont it-tip ta’ tagħmir)

(e)Id-disponibbiltà fil-punti tal-qsim tal-fruntiera bil-ferrovija ta’ tagħmir ta’ kontroll doganali li jilħaq l-istandards maqbulin (skont it-tip ta’ tagħmir)

(1)    Soġġett għad-dispożizzjonijiet leġiżlattivi applikabbli u għal rakkomandazzjonijiet oħrajn marbutin mal-protezzjoni tas-saħħa u mar-rispett tal-privatezza.