9.2.2018   

MT

Il-Ġurnal Uffiċjali tal-Unjoni Ewropea

C 48/6

Notifika minn qabel ta’ konċentrazzjoni

(Il-Każ M.8803 — Michelin North America/Sumitomo Corporation of Americas/JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 48/07)

1.

Fl-1 ta’ Frar 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

Michelin North America Inc. (“MNAI”, l-Istati Uniti tal-Amerika), ikkontrollata mill-Michelin Group (Franza),

—

Sumitomo Corporation of Americas (“SCOA”, l-Istati Uniti tal-Amerika), ikkontrollata minn Sumitomo Corporation (il-Ġappun).

Michelin North America Inc. u Sumitomo Corporation of Americas jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ impriża konġunta (joint venture, “JV”) li għadha kif inħolqot. Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi joint venture.

2.

L-attivitajiet kummerċjali tal-impriżi kkonċernati huma:

—

MNAI timmanifattura u tbigħ tajers għal firxa wiesgħa ta’ vetturi (inklużi karozzi tal-passiġġieri u trakkijiet ħfief; trakkijiet tqal; vetturi ta’ rikreazzjoni; makkinarju għaċ-ċaqliq tat-terrapin; vetturi agrikoli; inġenji tal-ajru; muturi u roti) fl-Istati Uniti tal-Amerika, il-Kanada u l-Messiku. MNAI hija parti mill-grupp Michelin li huwa attiv globalment.

—

SCOA tinvolvi ruħha fi prodotti tubulari, fl-azzar u f’metalli mhux tal-ħadid, makkinarju u enerġija, kimiċi u l-elettronika, prodotti relatati mal-istil tal-ħajja, u riżorsi minerali u negozji tal-enerġija. SCOA hija kkontrollata minn Sumitomo Corporation li hija attiva globalment.

—

Il-JV se tkun il-kombinazzjoni tan-negozji tad-distribuzzjoni ta’ MNAI u SCOA u se tkun primarjament attiva fl-Istati Uniti tal-Amerika u l-Messiku. Il-JV se jkollha xi attivitajiet żgħar ta’ distribuzzjoni fiż-ŻEE.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibgħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8803 — Michelin North America/Sumitomo Corporation of Americas/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.