30.1.2018 |
MT |
Il-Ġurnal Uffiċjali tal-Unjoni Ewropea |
C 33/21 |
Notifika minn qabel ta' konċentrazzjoni
(Il-Każ M.8777 — Votorantim/CPPIB/VTRM Energia Participações/Ventos do Araripe III)
Każ li jista' jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 33/11)
1. |
Fid-19 ta’ Jannar 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Votorantim u CPPIB jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ diversi kumpaniji ta’ parks eoliċi fil-Brażil. Il-konċentrazzjoni hija mwettqa permezz ta' xiri ta' ishma f'kumpanija maħluqa ġdida li tikkostitwixxi impriża konġunta (joint venture, JV). |
2. |
L-attivitajiet kummerċjali tal-impriżi kkonċernati huma: — Votorantim: hija attiva f’firxa wiesgħa ta’ segmenti kummerċjali inklużi servizzi ta’ siment u konkrit, tħaffir u metallurġija (aluminju, azzar, nikil u zingu), polpa u karti, meraq tal-larinġ ikkonċentrat, swieq speċjali tal-kimiċi, ġenerazzjoni interna tal-elettriku u tas-settur finanzjarju, — CPPIB: din hija organizzazzjoni għall-ġestjoni tal-investiment professjonali li tinvesti l-fondi mhux meħtieġa mill-Canada Pension Plan Fund (CPP Fund). Biex jinbena portafoll diversifikat ta’ assi, CPPIB tinvesti f’ekwitajiet pubbliċi, ekwitajiet privati, proprjetà immobbli, infrastruttura u strumenti b’introjtu fiss, — VTRM Energia Participações: tħaddem parks eoliċi fil-Brażil, — Ventos do Araripe III: tħaddem parks eoliċi fil-Brażil. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet taħt ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż. |
4. |
Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja dejjem tiġi speċifikata: M.8777 — Votorantim/CPPIB/VTRM Energia Participações/Ventos do Araripe III Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.