IL-KUMMISSJONI EWROPEA

Brussell, 16.5.2018

COM(2018) 301 final

ANNESSI

għall-

KOMUNIKAZZJONI MILL-KUMMISSJONI LILL-PARLAMENT EWROPEW, LILL-KUNSILL EWROPEW U LILL-KUNSILL

Rapport ta' Progress dwar l-Implimentazzjoni tal-Aġenda Ewropea dwar il-Migrazzjoni

ANNESS 1 - Il-Fond Fiduċjarju tal-UE għall-Afrika

Kontribuzzjonijiet tal-Istati Membri

	Kontribuzzjonijiet iċċertifikati (EUR)				Kontribuzzjonijiet riċevuti (EUR)
Pajjiż	Il-pakketti kollha	Allokati skont il-pakkett			Fit-08/05/2018
		Is-Saħel u l-Lag Chad	Il-Qarn tal-Afrika	It-Tramuntana tal-Afrika	Total
L-Awstrija	6 000 000		3 000 000	3 000 000	6 000 000
Il-Belġju	10 000 000	5 500 000	500 000	4 000 000	6 000 000
Il-Bulgarija	550 000	220 000	220 000	110 000	550 000
Il-Kroazja	300 000	100 000	100 000	100 000	300 000
Ir-Repubblika Ċeka	10 411 624	-	740 000	9 671 624	10 411 624
Id-Danimarka	10 032 933	2 400 768	2 400 768	5 231 396	10 032 932
L-Estonja	1 450 000	-	-	1 450 000	1 450 000
Il-Finlandja	5 000 000	1 000 000	3 000 000	1 000 000	5 000 000
Franza	9 000 000	7 200 000	1 200 000	600 000	9 000 000
Il-Ġermanja	157 500 000	39 600 000	1 200 000	116 700 000	139 500 000
L-Ungerija	9 450 000		700 000	8 750 000	9 450 000
L-Irlanda	6 000 000	1 200 000	4 200 000	600 000	2 600 000
L-Italja	104 000 000	86 000 000	5 000 000	11 000 000	102 000 000
Il-Latvja	300 000	20 000	20 000	260 000	300 000
Il-Litwanja	200 000	20 000	20 000	160 000	200 000
Il-Lussemburgu	3 100 000	3 000 000	100 000		3 100 000
Malta	325 000	-	125 000	200 000	175 000
In-Netherlands	26 362 000	3 000 000	13 362 000	10 000 000	23 362 000
In-Norveġja (ekwivalenti f’EUR tan-NOK)	8 865 381	2 695 547	4 061 018	2 108 815	8 865 381
Il-Polonja	10 550 748	-	1 100 000	9 450 748	10 550 748
Il-Portugall	1 800 000	855 000	180 000	765 000	1 800 000
Ir-Rumanija	100 000	40 000	40 000	20 000	100 000
Is-Slovakkja	10 350 000	700 000	300 000	9 350 000	10 350 000
Is-Slovenja	100 000	40 000	40 000	20 000	100 000
Spanja	9 000 000	7 200 000	1 200 000	600 000	9 000 000
L-Iżvezja	3 000 000	1 200 000	1 200 000	600 000	3 000 000
L-Iżvizzera	4 100 000	1 640 000	1 640 000	820 000	3 600 000
Ir-Renju Unit	6 000 000		3 000 000	3 000 000	1 200 000
Kontribuzzjoni esterna totali	413 847 685	163 631 316	48 648 787	199 567 583	377 997 685

Proġetti approvati skont l-objettivi strateġiċi tal-Fond Fiduċjarju tal-UE għall-Afrika (f’miljuni ta’ EUR)

EUTF - Objettivi strateġiċi	Is-Saħel u l-Lag Chad	Il-Qarn tal-Afrika	It-Tramuntana tal-Afrika	Trażversali	Total
1.Opportunitajiet ekonomiċi u ta’ impjieg akbar	383.6	184	0	0	567.6
2.Tisħiħ tar-reżiljenza tal-komunitajiet	397	335.2	0	0	732.2
3.Ġestjoni tal-migrazzjoni mtejba	182.5	114.15	335	123.6	755.25
4.Titjib fil-governanza u fil-prevenzjoni ta’ kunflitti	328.1	174.8	0	0	502.9
5.Oħrajn u trażversali	2.2	12.1	0	21.5	35.8
Total	1293*	820.3*	335*	145.1*	2 593*

*Ċifri mqarrba

Anness 2 - Faċilità għar-Rifuġjati fit-Turkija

Minn perspettiva operazzjonali, il-pakkett tal-Faċilità - EUR 3 biljun - kien impenjat u kkuntrattat operazzjonalment 1 fi tmiem l-2017 permezz ta’ 72 proġett. Għal dawn il-kuntratti kollha għaddejja implimentazzjoni effettiva. Mill-aħħar rapport f’Marzu 2018, l-iżborżi żdiedu minn EUR 1,85 biljun għal aktar minn EUR 1,93 biljun, jew 64 % tal-pakkett totali, u l-bilanċ għandu jitħallas matul l-implimentazzjoni ta’ proġetti tal-Faċilità, u l-ħlasijiet finali se jsiru sa mhux aktar tard minn tmiem l-2021. Id-dettalji sħaħ jinsabu fit-tabella aġġornata tal-proġetti online 2 . L-attivitajiet li għaddejjin bħalissa diġà għandhom impatt sinifikanti fuq il-post:

Għajnuna umanitarja 3

Taħt is-Sistema ta’ Protezzjoni Soċjali ta’ Emerġenza, madwar 1,3 miljun refuġjati attwalment jibbenefikaw minn trasferimenti ta’ flus kull xahar permezz tal-programm. It-Trasferiment Kundizzjonali ta’ Flus għall-Edukazzjoni issa qed jibbenefika lill-familji ta’ aktar minn 290 000 tfal refuġjati li kollha jattendu l-iskola fuq bażi regolari.

Is-Sistema ta’ Protezzjoni Soċjali ta’ Emerġenza u t-Trasferiment Kundizzjonali ta’ Flus għall-Edukazzjoni huma kkumplementati minn proġetti oħra li jiffukaw fuq is-saħħa, inklużi servizzi speċjalizzati, l-edukazzjoni mhux formali u l-protezzjoni. Proġetti oħra jiffokaw fuq l-għoti ta’ informazzjoni dwar is-servizzi tal-gvern u l-iffaċilitar tal-informazzjoni dwarhom u l-aċċess għalihom. B’kollox, 45 proġett umanitarju ġew miftiehma taħt il-Faċilità.

Għajnuna mhux umanitarja

Taħt l-għotja diretta mal-Ministeru tas-Saħħa, 12-il ċentru tas-saħħa għall-migranti, huma operattivi u jgħinu biex jittejbu s-servizzi tal-kura tas-saħħa primarja. 813 membru tal-persunal huma impjegati f’dawn iċ-ċentri u fis-86 ċentri oħrajn diġà stabbiliti. Ir-refuġjati bbenefikaw minn 763 963 konsultazzjoni tal-kura tas-saħħa primarja u 217 511-il tarbija refuġjata Sirjana tlaqqmu kompletament 4 . Barra minn hekk, l-implimentazzjoni tal-proġetti biex jinbnew żewġ sptarijiet f’Kilis u Hatay bdiet, b’kapaċità ta’ 300 u 250 sodda rispettivament.

Taħt l-għotja diretta lill-Ministeru għall-Edukazzjoni Nazzjonali, 312 151 tifel u tifla rċevew taħriġ fil-lingwa Torka minn 5 486 għalliem tal-lingwa Torka impjegati bis-saħħa tal-Faċilità. Id-distribuzzjoni ta’ kartolerija u kotba tal-korsijiet għal 500 000 student u l-kostruzzjoni ta’ 175 skola bdew.

It-tieni porzjon tal-Faċilità

Id-Dikjarazzjoni UE-Turkija ta’ Marzu 2016 tistipula li “meta dawn ir-riżorsi jkunu waslu biex jintużaw kollha”, l-UE “timmobilizza finanzjament addizzjonali … ta’ EUR 3 biljun addizzjonali sa tmiem l-2018”. Il-mobilizzazzjoni tat-tieni porzjon ta’ EUR 3 biljun issa tinsab għaddejja. Implimentazzjoni rapida se tkun meħtieġa biex jiġu assikurati nuqqasijiet fil-finanzjament tal-Faċilità, sabiex l-ewwel kuntratti taħt il-porzjon li jmiss ikunu jistgħu jiġu ffirmati fis-sajf tal-2018. Valutazzjoni aġġornata tal-ħtiġijiet qed titħejja u għandha tkun lesta sa Ġunju 2018.

ANNESS 3 - Gwardja Ewropea tal-Fruntiera u tal-Kosta

1.Skjeramenti

L-Aġenzija Ewropea għall-Gwardja tal-Fruntiera u tal-Kosta tkompli tappoġġa lill-Istati Membri bi skjeramenti fil-Greċja, l-Italja, il-Bulgarija u Spanja, kif ukoll fil-Balkani tal-Punent, b’aktar minn 1 300 membru ta’ timijiet Ewropej ta’ Gwardji tal-Fruntiera u tal-Kosta. Il-mappa tippreżenta s-sitwazzjoni matul il-ġimgħa tal-14-18 ta’ Mejju 2018.

* Il-Balkani tal-Punent

Bejn l-1 ta’ Jannar u l-31 ta’ Ottubru 2017, l-Istati Membri kkontribwew aktar minn 75 272 jiem ta’ xogħol.

SM/Pajjiżi assoċjati ma’ Schengen 5	Jiem ta’ xogħol ta’ skjeramenti tal-EBCGT (Timijiet Ewropej ta’ Gwardji tal-Fruntieri) 6 (minbarra Skjeramenti Interni)	Jiem ta’ xogħol ta’ skjeramenti ta’ ekwipaġġ/persunal tekniku, persunal għall-koordinazzjoni u interpreti (minbarra skjeramenti interni)	Jiem ta’ xogħol ta’ skjeramenti interni	Skjeramenti tal-Balkani tal-Punent	Total
L-Awstrija	2,725			931	3,656
Il-Belġju	486				486
Il-Bulgarija	712		3,024	29	3,765
Il-Kroazja	196	257		367	820
Ċipru	26				26
Ir-Repubblika Ċeka	1,514	212		1,210	2,936
Id-Danimarka	2,014	406			2,420
L-Estonja	1,672	272		157	2,101
Il-Finlandja	568	268		6	842
Franza	6,213	159		167	6,539
Il-Ġermanja	8,318	378		1,714	10,410
Il-Greċja	244	6	6,323	29	6,602
L-Ungerija	276			122	398
L-Iżlanda		126		-	126
L-Italja	450	193	3,283	138	4,064
Il-Latvja	967	676		731	2,374
Il-Litwanja	2,018	198		12	2,228
Il-Lussemburgu	302	156		6	464
Malta		313		48	361
In-Netherlands	3,659	3,653		414	7,726
In-Norveġja	372	-		6	378
Il-Polonja	3,101	157		867	4,125
Il-Portugall	1,161	754		306	2,221
Ir-Rumanija	1,860	167		432	2,459
Is-Slovakkja	961			87	1,048
Is-Slovenja	260			512	772
Spanja	470		2,033	301	2,804
L-Iżvezja	672			57	729
L-Iżvizzera	95			250	345
Ir-Renju Unit*	1,163	884			2,047
Total	42,475	9,235	14,663	8,899	75,272

* Mhux formalment kontibutur tal-EBCGT

Madankollu, nuqqasijiet serji f’impenji f’riżorsi umani u tekniċi ġew identifikati għall-2018 għall-attivitajiet operazzjonali. Minkejja żewġ sejħiet miftuħa għal tagħmir addizzjonali, hemm riskju li n-nuqqasijiet konsiderevoli jillimitaw serjament l-implimentazzjoni tal-attivitajiet ippjanati għal Mejju-Diċembru 2018 fil-fruntieri tal-art, tal-baħar u tal-ajru.

Fruntieri tal-Art
	Jiem ta’ xogħol ta’ persuna mitluba	Maqbula Jiem ta’ xogħol ta’ persuna	Nuqqasijiet Jiem ta’ xogħol ta’ persuna	Nuqqasijiet % Jiem ta’ xogħol ta’ persuna
Riżorsi umani (profili differenti tal-EBCGT)	106045	48232	57847	55 %
	Mitluba Assi - Jiem	Maqbula Assi - Jiem	Nuqqasijiet Assi - Jiem	Nuqqasijiet % Assi - Jiem
Karozzi tal-għassa	21061	8372	12689	60 %
Vetturi b’viżjoni termika	2368	1209	1159	49 %
Vetturi tat-trasport	786	0	786	100 %
Rilevatur tas-CO2	1320	1603	0	0 %
Detettur tal-polz	338	0	338	100 %
Laboratorju mobbli	169	0	169	100 %
Total	26042	11184	15141	58 %
Fruntieri Marittimi
	Jiem ta’ xogħol ta’ persuna mitluba	Maqbula Jiem ta’ xogħol ta’ persuna	Nuqqasijiet Jiem ta’ xogħol ta’ persuna	Nuqqasijiet % Jiem ta’ xogħol ta’ persuna
Riżorsi umani (profili differenti tal-EBCGT)	112176	88623	23553	21 %
	Mitluba Assi - Jiem	Maqbula Assi - Jiem	Nuqqasijiet Assi - Jiem	Nuqqasijiet % Assi - Jiem
Bastiment tal-Għassa Offshore	1711	899	812	47 %
Bastiment tal-Għassa tal-Kosta	1778	510	1268	71 %
Dgħajjes tal-Għassa tal-Kosta	3554	2048	1506	42 %
Inġenji tal-ajru bi ġwienaħ fissi	1220	814	406	33 %
Ħelikopters	1102	630	472	43 %
Vetturi b’viżjoni termika	736	1106	0	0 %
Karozzi tal-għassa	4725	887	3838	81 %
Vettura tat-trasport	2376	2376	0	0 %
Total	17202	9270	8302	48 %
Fruntieri tal-Ajru
	Jiem ta’ xogħol ta’ persuna mitluba	Maqbula Jiem ta’ xogħol ta’ persuna	Nuqqasijiet Jiem ta’ xogħol ta’ persuna	Nuqqasijiet % Jiem ta’ xogħol ta’ persuna
Riżorsi umani (profili differenti tal-EBCGT)	11111	7942	3169	29 %

2.Kapaċitajiet ta’ Reazzjoni Rapida, inkluża r-riżerva obbligatorja ta’ riżorsi

Sat-30 ta’ April 2018, l-għadd totali ta’ gwardji tal-fruntieri “nnominati” disponibbli għall-iskjeramenti mir-Riżerva ta’ Reazzjoni Rapida se jkun 1482, li jirrappreżentaw 99% tar-Riżerva, fejn huma nieqsa nominazzjonijiet sħaħ minn żewġ Stati Membri u fejn tnejn oħra jridu jiġu kkumplimentati.

Stati Membri	L-Awstrija	Il-Belġju	Il-Bulgarija	Il-Kroazja	Ċipru	Ir-Repubblika Ċeka	Id-Danimarka	L-Estonja	Il-Finlandja	Franza	Il-Ġermanja	Il-Greċja	L-Ungerija	L-Iżlanda	L-Italja	Il-Latvja	Il-Litwanja	Il-Lussemburgu	Malta	In-Netherlands	In-Norveġja	Il-Polonja	Il-Portugall	Ir-Rumanija	Is-Slovakkja	Is-Slovenja	Spanja	L-Iżvezja	L-Iżvizzera
Għadd ta’ gwardji tal-fruntieri nnominati f’Opera	55	83	40	96	0	147	28	175	57	400	377	87	65	0	130	30	52	8	14	93	13	284	68	196	56	36	146	53	49
Għadd disponibbli għal skjerament obbligatorju skont il-Pjan ta’ Risposta Reġjonali (Regional Response Plan, RRP)	34	30	40	65	0	20	28	18	30	170	225	50	65	0	125	30	39	8	6	50	12	100	47	75	35	35	111	17	16
Kontribuzzjonijiet skont l-Anness I tar-Regolament tal-EBCG	34	30	40	65	8	20	29	18	30	170	225	50	65	2	125	30	39	8	6	50	20	100	47	75	35	35	111	17	16

Skont ir-Riżerva ta’ Reazzjoni Rapida, filwaqt li sar xi titjib, jibqgħu nuqqasijiet konsiderevoli għall-maġġoranza tat-tipi ta’ tagħmir u l-kontribuzzjonijiet attwali jkomplu jiġu żgurati minn 15-il Stat Membru/Stat Assoċjat biss:

Tip ta’ tagħmir	Nru. ta’ assi-xhur mitlubin mid-Deċiżjoni tal-Bord ta’ Ġestjoni	Nru. ta’ assi-xhur offruti mill-SM/SAC	Nuqqasijiet	Stati kontribwenti
Dgħajsa tal-Għassa tal-Kosta	67	24	43	Il-Bulgarija, ir-Repubblika Ċeka, il-Finlandja, il-Kroazja, l-Ungerija, il-Latvja, in-Netherlands, is-Slovenja, il-Portugall, l-Italja, l-Awstrija, il-Polonja, il-Ġermanja, l-Iżvizzera, id-Danimarka
Bastiment tal-Għassa tal-Kosta	33	14	19
Inġenju tal-ajru bi ġwienaħ fissi	19	5	14
Ħelikopter	20	3	17
Bastiment tal-Għassa Offshore	28	14	14
Karozza tal-għassa	167	453	0
Rilevatur tat-taħbit tal-qalb	6	1	5
Vetturi b’viżjoni termika	55	35	20
Rilevatur tas-CO2	54	0	54
Laboratorju Mobbli	3	0	3

3.Valutazzjonijiet tal-Vulnerabbiltà

Sas-27 ta’ April 2018, wara l-valutazzjonijiet tal-2017, l-Aġenzija rakkomandat 53 miżura fi 21 Stat Membru, li jindirizzaw il-vulnerabbiltajiet f’oqsma differenti. Għadhom jistgħu jinħarġu xi rakkomandazzjonijiet addizzjonali.

Vulnerabbiltajiet	Miżuri rrakkomandati	Għadd ta’ Stati Membri
Verifiki fuq il-fruntieri	·Proċeduri adatti għall-konsultazzjonijiet tal-bażi tad-dejta għall-verifiki sistematiċi ·Stabbiliment ta’ għadd stmat ta’ każijiet mhux identifikati ta’ frodi ta’ dokumenti/dħul klandestin u twettiq ta’ verifiki mmirati	21
Ippjanar ta’ kontinġenza	·Żvilupp u/jew aġġornament tal-pjan ta’ kontinġenza, ittestjar tal-pjan	10
Kapaċità tar-reġistrazzjoni u tal-akkomodazzjoni	·Żieda fil-kapaċità ta’ akkomodazzjoni ·Jiġi stabbilit inventarju dettaljat tal-apparat tat-teħid tal-marki tas-swaba’ tal-EURODAC	7
Persunal għall-kontroll tal-fruntieri	·Żieda fin-numru effettiv ta’ persunal	2
Analiżi tar-riskju	·Implimentazzjoni tal-Mudell ta’ Analiżi ta’ Riskju Komuni	1
Movimenti Sekondarji	·Twettiq ta’ kontrolli biex jiġu evitati movimenti sekondarji	1
Sorveljanza fil-fruntiera	·Twaqqif ta’ reġistru ta’ ħinijiet ta’ reazzjoni wara l-identifikazzjoni	11

ANNESS 4 - Is-Sitwazzjoni Attwali tar-Risistemazzjoni tal-4 ta’ Mejju 2018

Stat Membru / Stat Assoċjat	Imwiegħda 7 skont il-Konklużjonijiet tal-20 ta’ Lulju 2015	Risistemati 8 skont il-Konklużjonijiet tal-20 ta’ Lulju 2015	Imwiegħda skont l-iskema tal-“50,000”	Risistemati skont l-iskema tal-“50,000”	Risistemati 9 skont id-Dikjarazzjoni UE-Turkija	Risistemazzjonijiet totali skont l-iskemi tal-UE (2015-2018)
L-Awstrija	1,900	1,900	0		210 (210)	1,900
Il-Belġju	1,100	1,100	2,000	360	823 (252)	2,031
Il-Bulgarija	50	0	110		0	0
Il-Kroazja	150	40	200	41	81 (81)	81
Ċipru	69	0	69		0	0
Ir-Repubblika Ċeka	400	52	0		0	52
Id-Danimarka	1,000	481	0		0	481
L-Estonja	20	20	80		59 (20)	59
Il-Finlandja	293	293	1,670	163	1,002 (5)	1,453
Franza	2,375	2,375	10,200	1,425	1,681 (730)	4,751
Il-Ġermanja	1,600	1,600	10,200 10		4,840 (1,600)	4,840
Il-Greċja	354	0	0		0	0
L-Ungerija			0		0	0
L-Iżlanda	50	50				50
L-Irlanda	520	520	1,200		0	520
L-Italja	1,989	1,612	1,000	94	327 (327)	1,706
Il-Latvja	50	46	0		46 (46)	46
Il-Lichtenstein	20	20				20
Il-Litwanja	70	32	74	52	84 (84)	84
Il-Lussemburgu	30	28	200		206	234
Malta	14	14	20		17 (14)	17
In-Netherlands	1,000	1,000	3,000	24	2,602 (570)	3,056
In-Norveġja	3,500	3,500				3,500
Il-Polonja	900	0	0		0	0
Il-Portugall	191	136 11	1,010	43	142 (142)	179
Ir-Rumanija	80	43	146		0	43
Is-Slovakkja	100	0	0		0	0
Is-Slovenja	20	0	60		0	0
Spanja	1,449	1,360	2,250	64	440 (440)	1,424
L-Iżvezja	491	491	8,750	1,986	753 (269)	2,961
L-Iżvizzera	519	519				519
Ir-Renju Unit	2,200	2,200	7,800		0	2,200
TOTAL	22,504	19,432	Il-Liġi Għat-Trasport bil-Ferrovija, l-Artikoli 50, 039	4,252	13,313 (4,790)	32,207

Anness 5 – Statistika dwar ir-ritorn

	2014				2015				2016				2017
	Residenti illegalment	Ordnati biex jitilqu	Ritornati lejn pajjiż terz	Rata ta’ ritorn	Residenti illegalment	Ordnati biex jitilqu	Ritornati lejn pajjiż terz	Rata ta’ ritorn	Residenti illegalment	Ordnati biex jitilqu	Ritornati lejn pajjiż terz	Rata ta’ ritorn	Residenti illegalment	Ordnati biex jitilqu	Ritornati lejn pajjiż terz	Rata ta’ ritorn
L-Unjoni Ewropea (28 pajjiż)	672.215	470.080	170.415	36,25 %	2.154.675	533.395	196.190	36,78 %	983.860	493.785	226.150	45,80%	550.670	516.115	188.920	36,60%
Il-Belġju	15.540	35.245	5.250	14,90 %	16.275	31.045	5.550	17,88 %	19.320	33.020	6.920	20,96 %	18.285	32.235	5.255	16,30 %
Il-Bulgarija	12.870	12.870	1.090	8,47 %	20.810	20.810	540	2,59 %	14.125	14.120	1.105	7,83 %	2.595	2.600	1.250	48,08 %
Ir-Repubblika Ċeka	4.430	2.460	315	12,80 %	8.165	4.510	330	7,32 %	4.885	3.760	390	10,37 %	4.360	6.090	680	11,17 %
Id-Danimarka	515	2.905	910	31,33 %	2.165	3.925	1.040	26,50 %	1.390	3.050	930	30,49 %	1.105	3.185	1.115	35,01 %
Il-Ġermanja	128.290	34.255	19.060	55,64 %	376.435	54.080	53.640	99,19 %	370.555	70.005	74.080	105,82 %	156.710	97.165	44.960	46,27 %
L-Estonja	720	475	100	21,05 %	980	590	40	6,78 %	665	505	380	75,25 %	755	645	580	89,92 %
L-Irlanda	900	970	335	34,54 %	2.315	875	205	23,43 %	2.315	1.355	245	18,08 %	2.780	1.105	270	24,43 %
Il-Greċja	73.670	73.670	27.055	36,72 %	911.470	104.575	14.390	13,76 %	204.820	33.790	19.055	56,39 %	:	45.765	18.060	39,46 %
Spanja	47.885	42.150	14.155	33,58 %	42.605	33.495	12.235	36,53 %	37.295	27.845	9.530	34,23 %	44.625	27.340	10.165	37,18 %
Franza	96.375	86.955	13.030	14,98 %	109.720	79.950	12.195	15,25 %	91.985	81.000	10.930	13,49 %	115.085	84.675	12.720	15,02 %
Il-Kroazja	2.500	3.120	2.150	68,91 %	3.295	3.910	1.405	35,93 %	3.320	4.730	1.720	36,36 %	3.495	4.400	1.980	45,00 %
L-Italja	25.300	25.300	5.310	20,99 %	27.305	27.305	4.670	17,10 %	32.365	32.365	5.715	17,66 %	36.230	36.240	7.045	19,44 %
Ċipru	4.980	3.525	2.985	84,68 %	4.215	2.250	1.840	81,78 %	3.450	1.575	1.035	65,71 %	4.090	1.850	760	41,08 %
Il-Latvja	265	1.555	1.550	99,68 %	745	1.190	1.030	86,55 %	745	1.450	1.355	93,45 %	400	1.350	1.275	94,44 %
Il-Litwanja	2.465	2.245	1.925	85,75 %	2.040	1.870	1.685	90,11 %	1.920	1.740	1.545	88,79 %	2.210	2.080	1.860	89,42 %
Il-Lussemburgu	440	775	605	78,06 %	190	700	720	102,86 %	140	655	405	61,83 %	300	915	435	47,54 %
L-Ungerija	56.170	5.885	3.440	58,45 %	424.055	11.750	5.755	48,98 %	41.560	10.765	780	7,25 %	25.730	8.730	685	7,85 %
Malta	990	990	495	50,00 %	575	575	465	80,87 %	450	415	420	101,20 %	530	470	470	100,00 %
In-Netherlands	2.645	33.735	7.655	22,69 %	2.340	23.765	8.380	35,26 %	2.685	32.950	11.980	36,36 %	2.165	31.565	8.310	26,33 %
L-Awstrija	33.055	:	:	:	86.220	9.910	:	:	49.810	11.850	5.895	49,75 %	26.660	8.850	5.715	64,58 %
Il-Polonja	12.050	10.160	9.000	88,58 %	16.835	13.635	12.750	93,51 %	23.375	20.010	18.530	92,60 %	28.470	24.825	22.165	89,28 %
Il-Portugall	4.530	3.845	760	19,77 %	5.145	5.080	565	11,12 %	6.500	6.200	0	0,00 %	6.005	5.760	0	0,00 %
Ir-Rumanija	2.335	2.030	2.085	102,71 %	2.010	1.930	1.995	103,37 %	2.430	2.070	1.865	90,10 %	3.340	1.975	1.815	91,90 %
Is-Slovenja	1.025	1.025	150	14,63 %	1.025	1.025	155	15,12 %	2.475	1.375	205	14,91 %	4.180	1.220	120	9,84 %
Is-Slovakkja	1.155	925	655	70,81 %	1.985	1.575	970	61,59 %	2.035	1.735	1.390	80,12 %	2.590	2.375	1.725	72,63 %
Il-Finlandja	2.930	3.360	2.855	84,97 %	14.285	4.905	2.980	60,75 %	2.130	17.975	5.610	31,21 %	930	7.255	3.565	49,14 %
L-Iżvezja	72.835	14.280	6.230	43,63 %	1.445	18.150	9.695	53,42 %	1.210	17.585	10.160	57,78 %	2.145	20.525	6.845	33,35 %
Ir-Renju Unit	65.365	65.365	41.265	63,13 %	70.020	70.020	40.965	58,50 %	59.895	59.895	36.445	60,85 %	54.910	54.910	29.090	52,98 %
L-Iżlanda	:	:	:	:	:	:	:	:	30	:	:	:	15	:	:	:
Il-Lichtenstein	0	15	5	33,33 %	110	15	0	0,00 %	40	15	5	33,33 %	35	:	:	:
In-Norveġja	3.720	13.305	3.755	28,22 %	5.455	13.705	3.540	25,83 %	5.330	14.540	3.540	24,35 %	3.850	9.795	2.345	23,94 %
L-Iżvizzera	13.800	3.335	:	:	15.555	3.730	0	0,00 %	15.765	:	:	:	:	:	:	:

Data estratta mill-bażi tad-data tal-EUROSTAT:

Ċittadini ta’ pajjiżi terzi misjuba preżenti illegalment - data annwali (imqarrba) [migr_eipre]                                

Ċittadini ta’ pajjiżi ordnati jitilqu - data annwali (imqarrba) [migr_eiord]                                        

Ċittadini ta’ pajjiżi terzi rritornati lejn pajjiż terz wara ordni biex jitilqu - data annwali (mqarrba) [migr_eirtn]                            

Rata ta’ Redditu - ikkalkulat                                                            

                                                               

L-aħħar aġġornament    17.04.18                                                            

Data meta ġiet estratta d-data    17.04.18                                                            

Sors tad-data    Eurostat                                                            

UNITÀ    Persuna     

(1)      F’konformità mar-Regolament Finanzjarju, in-nefqa amministrattiva u ta’ appoġġ tekniku, kif ukoll il-monitoraġġ, l-evalwazzjoni u l-awditu, jistgħu jingħataw b’kuntratt lil hinn mill-2017.

(2)       https://ec.europa.eu/neighbourhood-enlargement/news_corner/migration_en

(3)      Il-provvista ta’ assistenza umanitarja skont il-Faċilità qed tiġi implimentata skont il-liġi tal-UE dwar l-għajnuna umanitarja u skont il-prinċipji stabbiliti fil-Kunsens Ewropew dwar l-Għajnuna Umanitarja.

(4)      Mill-31 ta’ Ottubru 2017.

(5)      L-Istati Membri/Pajjiżi assoċjati ma’ Schengen.

(6)      It-Tim tal-Gwardja tal-Fruntiera u tal-Kosta Ewropea.

(7)      Bosta Stati Membri ttrasferixxew parti mill-wegħdiet tagħhom mhux issodisfati għas-sena 2018. Dawn issa jiġu kkunsidrati skont l-iskema l-ġdida ta’ “50,000” f’konformità mar-Rakkomandazzjoni tal-Kummissjoni tas-27 ta’ Settembru 2017.

(8)      Matul l-istess perjodu xi Stati Membri u Stati Assoċjati rrisistemaw aktar persuni, barra l-iskema tal-UE.

(9)      Iċ-ċifra fil-parentesi turi l-għadd ta’ persuni risistemati skont id-Dikjarazzjoni EU-Turkija li hija diġà magħduda skont l-iskema tal-UE tal-20 ta’ Lulju 2015 jew skont l-iskema tal-“50,000” l-ġdida.

(10)    Il-Ġermanja ma ppreżentatx uffiċjalment il-wegħda tagħha sa issa.

(11)      Iċ-ċifra tal-Portugall finali skont il-Konklużjonijiet tal-20 ta’ 2015 għadha trid tiġi kkonfermata.

IL-KUMMISSJONI EWROPEA

Brussell, 16.5.2018

COM(2018) 301 final

KOMUNIKAZZJONI TAL-KUMMISSJONI

Rapport dwar il-progress fl-Implimentazzjoni tal-Aġenda Ewropea dwar il-Migrazzjoni

1.INTRODUZZJONI

Dan ir-rapport jagħti ħarsa ġenerali lejn il-progress u l-iżviluppi fl-aspetti kollha ta’ ħidma tal-Aġenda Ewropea dwar il-Migrazzjoni li saru mill-aħħar rapport tal-Kummissjoni f’Marzu 2018 1 . Ir-rapport iqis ukoll il-progress li sar skont il-pjan direzzjonali tal-Kummissjoni ppreżentat lil-Laqgħa tal-Mexxejja tal-UE f’Diċembru 2017 2 . Dan juri n-natura komprensiva tal-ħidma u l-ħtieġa li tinżamm l-intensità tal-isforzi tal-UE kullimkien.

Dan jidentifika wkoll l-azzjonijiet ewlenin konkreti meħtieġa biex jiżguraw l-effikaċja kontinwa tar-rispons tal-UE. Dan jinkludi l-ħtieġa għal aktar investiment finanzjarju b’mod konġunt mill-Istati Membri u l-UE biex tiġi appoġġata l-azzjoni mill-UE fuq id-dimensjoni esterna tal-migrazzjoni.

Dan ir-rapport juri l-ħtieġa għal azzjoni kontinwa biex tiġi indirizzata l-isfida tal-migrazzjoni u jidentifika fejn l-azzjoni attwali hija insuffiċjenti u huma meħtieġa sforzi addizzjonali. Kif stabbilit f’rapporti preċedenti, is-sitwazzjoni attwali tikkonferma li l-kawżi tal-pressjoni migratorja fuq l-Ewropa huma strutturali. Konflitti mtawla bħal dawk fis-Sirja x’aktarx li mhumiex se jonqsu. It-tibdil fil-klima qed joħloq raġunijiet ġodda li jimbuttaw lin-nies jiċċaqilqu. Id-demografija tindika xejra fit-tul ta’ popolazzjonijiet li qed jikbru fil-viċinat tal-UE 3 . Dan ifisser li huwa saħansitra iktar essenzjali li l-UE tgħammar lilha nnifisha bl-għodda biex tkun tista' tlaħħaq mas-sitwazzjoni.

2.IS-SITWAZZJONI FIR-ROTOT EWLENIN TAL-MIGRAZZJONI

L-ewwel xhur tal-2018 raw żieda fil-pressjoni fuq ċerti rotot u żidiet xi kultant qawwija, f’daqqa, u f’postijiet speċifiċi. Filwaqt li l-pressjoni għadha għolja, ix-xejra ’l isfel tal-2017 kompliet fil-Mediterran Ċentrali għall-ewwel tliet xhur tal-2018. L-esperjenza tissuġġerixxi li t-titjib fil-kundizzjonijiet tat-temp fis-sajf iwassal għal probabbiltà ikbar ta’ żidiet f’daqqa u li hija meħtieġa attenzjoni partikolari fuq rotot li wrew xejriet differenti matul dawn l-aħħar snin. L-esperjenza turi wkoll li hemm ċaqliq minn rotta għal oħra u li hemm bżonn ta’ viġilanza u ta’ koordinazzjoni fiż-żoni kollha.

Qsim irregolari tal-fruntieri fuq ir-rotot migratorji prinċipali — 2014–2017

Ir-rotta tal-Mediterran tal-Lvant

Fuq ir-rotta tal-Lvant tal-Mediterran, wara iż-żieda fil-wasliet matul is-sajf tal-2017, il-wasliet reġgħu żdiedu b’mod sinifikanti sa minn Marzu 2018 — anki jekk il-movimenti ġenerali jibqgħu limitati meta mqabbla mal-perjodu ta’ qabel l-attivazzjoni tad-Dikjarazzjoni ta’ bejn l-UE u t-Turkija f’Marzu 2016. Fit-18-il ġimgħa sas-6 ta’ Mejju, kien hemm 9 349 wasla reġistrata fil-Gżejjer Griegi, meta mqabbel mal-5 582 matul l-istess perjodu fl-2017 4 . It-tliet nazzjonalitajiet ewlenin baqgħu l-istess bħal 2017, li huma 41 % Sirjani, 23 % Iraqqini u 11 % Afgani sa issa fl-2018 5 . Fir-rigward tal-wasliet bil-baħar, Lesvos kienet il-gżira li rat l-aktar wasliet (58 % tat-total tal-wasliet bil-baħar), segwita minn Samos 6 . Fl-2018, sas-6 ta’ Mejju, 19-il fatalità u persuni neqsin ġew irreġistrati fil-Baħar Eġew, b’hekk jitkompla t-tnaqqis li rajna fl-2017 7 .

Filwaqt li l-qsim mit-Turkija lejn l-Italja, Ċipru, il-Bulgarija u r-Rumanija ġie limitat, kien hemm żieda sinifikanti fil-qsim irregolari mit-Turkija lejn il-Greċja permezz tal-fruntiera fuq l-art. It-tendenza li qed tikber ta’ żieda fil-pressjonijiet migratorji irregolari f’din il-fruntiera diġà kienet tidher fl-aħħar xhur tal-2017, u baqgħet. Matul l-ewwel xhur tal-2018, il-qsim illegali tal-fruntieri żdied aktar minn disa’ darbiet meta mqabbel mal-istess perjodu fl-2017: 6 108 qasma illegali tal-fruntieri ġew irreġistrati sa mis-6 ta’ Mejju. Iż-żieda inizjali fuq din ir-rotta kienet tikkonsisti b’mod predominanti minn ċittadini Torok (kważi 50 %), iżda minn Marzu 2018, in-nazzjonalitajiet ewlenin kienu Sirjani (48 %), Torok (18 %) u Iraqini (15 %). Il-perċentwal ta’ ċittadini Torok f’din il-fruntiera matul l-2017 kien ta’ 39,6 % 8 .

Ir-rotta tal-Balkani tal-Punent

L-azzjoni koordinata biex jiġi indirizzat it-tranżitu irregolari permezz tal-kuritur ċentrali tal-Balkani tal-Punent poġġa l-attenzjoni fuq rotot alternattivi possibbli. Żieda fil-moviment ġiet irrapportata matul l-ewwel kwart tal-2018 mill-Albanija, il-Montenegro u l-Bożnja u Ħerzegovina lejn il-fruntiera Kroata u minn hemm lejn is-Slovenja. Barra minn hekk, hemm evidenza ta’ migranti preżenti fis-Serbja li jingħaqdu ma’ din ir-rotta biex jevitaw il-kontrolli msaħħa fuq il-fruntieri tas-Serbja mal-Kroazja, l-Ungerija u r-Rumanija. Għall-ewwel tliet xhur tas-sena, il-Bożnja u Ħerzegovina rrappurtaw 533 każ identifikat ta’ qsim illegali tal-fruntieri f’pajjiżhom; in-nazzjonalitajiet ewlenin kienu Sirjani, Libjani, Pakistani u Afgani.

Il-fenomenu taċ-ċittadini Iranjani li qed jippruvaw jidħlu fl-UE illegalment kompla, għalkemm f’livell stabbli. Is-Serbja rrapportat aktar minn 11 305 ċittadin Iranjan li daħlu fit-territorju tagħha minn mindu tneħħew ir-restrizzjonijiet tal-viża f’Settembru 2017 u 9 052 ħarġa rreġistrati, b’inqas minn 30 sottomissjoni ta’ applikazzjonijiet għal ażil. Hemm rapporti li l-Iranjani qed jippruvaw jaslu l-Ewropa Ċentrali u tal-Punent mill-Greċja, bl-użu ta’ dokumenti foloz. It-tnedija ta’ titjiriet diretti minn Teheran għal Belgrad f’Marzu 2018 tista’ tintensifika l-ħtieġa biex jiġu sorveljati dawn l-iżviluppi.

Ir-rotta tal-Mediterran Ċentrali

Sas-6 ta’ Mejju, fl-2018 kien hemm 9 567 wasla, madwar 77 % inqas minn dak irreġistrat fl-istess perjodu fl-2017. Madankollu, kien hemm xi żidiet qawwija f’dawn l-aħħar ġimgħat, b’2 072 persuna jaslu f’dawn l-aħħar ġimagħtejn ta’ April u l-ewwel ġimgħa ta’ Mejju. Hemm ukoll bidla notevoli fin-nazzjonalitajiet ewlenin fuq din ir-rotta meta mqabbel mal-2017. In-nazzjonalitajiet ewlenin fl-2018 huma Tuneżini (20 %), Eritreani (19 %), u Niġerjani (7 %), filwaqt li n-nazzjonalitajiet ewlenin fl-2017 kienu Niġerjani, Guineani u Ivorijani 9 .

Għadd sinifikanti ta’ dgħajjes lejn l-Italja jitilqu mit-Tuneżija, li jirrappreżenta 22 % tal-wasliet fl-2018 sas-26 ta’ April (il-maġġoranza kbira ta’ dawk li waslu mit-Tuneżija huma ċittadini Tuneżini).

Ix-xejra ta’ inqas imwiet ta’ migranti tul din ir-rotta kompliet. Fuq il-baħar, kien hemm 358 fatalità u persuni neqsin rreġistrati sas-6 ta’ Mejju ta’ din is-sena. L-operazzjonijiet tal-UE b’appoġġ għall-Gwardja tal-Kosta Taljana salvaw madwar 290 000 migrant mill-1 ta’ Frar 2016. Bis-saħħa tal-azzjoni tal-UE, il-kapaċità tal-Gwardja tal-Kosta Libjana biex issalva lill-migranti fl-ibħra territorjali Libjani tjiebet ukoll, u l-Organizzazzjoni Internazzjonali għall-Migrazzjoni tistma li l-awtoritajiet Libjani salvaw 4 964 migrant matul l-ewwel erba’ xhur tal-2018 10 . Fl-ewwel tliet xhur tal-2018, 2 963 migrant ġew salvati mill-Organizzazzjoni Internazzjonali għall-Migrazzjoni fid-deżert fin-Niġer.

Ir-rotta tal-Mediterran tal-Punent/tal-Atlantiku

Il-wasliet mir-rotta tal-Mediterran tal-Punent/Atlantiku tkompli turi xejra ’l fuq, li hija riflessa wkoll fin-numru ta’ mwiet u persuni nieqsa (b’217 irreġistrati sas-6 ta’ Mejju ta’ din is-sena). L-għadd totali ta’ wasliet fi Spanja (permezz tar-rotta tal-Mediterran tal-Punent, ir-rotta tal-Atlantiku u minn Ceuta u Melilla) fl-2018 sad-29 ta’ April kien ta’ 6 623, li huwa 22 % ogħla milli kien fl-istess perjodu fl-2017 (5 429) 11 . In-nazzjonalitajiet ewlenin tal-wasliet fuq din ir-rotta fl-2018 huma Marokkini (17 %), Guineani (14 %), Maljani (10 %), Ivorjani (7 %), u Gambjani (6 %).

Ażil

Minkejja li l-wasliet huma anqas mill-massimu tal-2015, numru sinifikanti ta’ każi pendenti ta’ applikazzjoni għall-ażil għadu joħloq pressjoni fuq is-sistemi nazzjonali tal-ażil. L-UE tkompli tappoġġa lill-Istati Membri biex jindirizzaw din is-sitwazzjoni. L-għadd ta’ applikazzjonijiet għall-ażil imressqa fl-UE fl-2017 (685 000, inkluż 160 000 magħmula minn tfal 12 ) kien 43 % iktar baxx milli fl-2016. Fir-rigward tal-2018, kien hemm 186 522 applikazzjoni għall-protezzjoni internazzjonali mressqa fl-Istati Membri tal-UE mid-29 ta’ April, inklużi 5 257 minorenni mhux akkumpanjati 13 .

Għadd ta’ applikazzjonijiet għall-ażil fl-UE, 2018 sal-ewwel kwart tal-2018

Sehem kbir tal-għadd totali tal-applikazzjonijiet għall-ażil huwa kkonċentrat fi ftit Stati Membri biss. Fl-2015, it-tliet Stati Membri bl-aktar applikazzjonijiet għall-ażil rċevew 62 % tat-total tal-UE (dan jitqabbel ma’ 76 % fl-2016 u 64 % fl-2017).

In-nazzjonalitajiet ewlenin tal-persuni li jitolbu l-ażil fl-UE nbidel mill-2015 ‘l hawn. Filwaqt li s-Sirja, l-Afganistan u l-Iraq baqgħu fost l-ewwel ħamsa mill-2015, il-Kosovo u l-Albanija ġew sostitwiti fl-2016 mill-Pakistan u n-Niġerja. L-ogħla nazzjonalità f’termini ta’ numru ta’ applikazzjonijiet għal ażil hija s-Sirja. Ir-rata medja ta’ rikonoxximent għas-Sirjani baqgħet stabbli, minn 97 % fl-2015 għal 94 % fl-2017.

Fl-2017, ir-rata ta’ rikonoxximent ġenerali għal deċiżjonijiet fl-ewwel istanza fl-UE kienet ta’ 46 % (meta mqabbla ma’ 61 % fl-2016 u 52 % fl-2015). Apparti s-Sirja, l-Eritrea (92 %) u s-Somalja (69 %) kellhom ukoll rati għoljin ta’ rikonoxximent. L-iżjed rati ta’ rikonoxximent baxxi kellhom it-tendenza li jikkonċernaw nazzjonalitajiet mill-Balkani tal-Punent.

Il-protezzjoni tat-tfal migranti

Skont l-Aġenzija tan-NU għar-Refuġjati UNHCR, fl-2017, 32 963 tifel u tifla waslu l-Greċja, l-Italja, Spanja u l-Bulgarija, li minnhom 60 % kienu tfal mhux akkumpanjati jew mifruda. Il-wasliet ta’ tfal fl-2017 naqsu b’mod ġenerali b’67 % meta mqabbel mal-2016, iżda, minkejja dan, il-proporzjon ta’ tfal li jaslu mhux akkumpanjati jew mifruda żdied minn 34 % fl-2016 għal 60 % fl-2017 14 . Jenħtieġ li l-implimentazzjoni tal-Komunikazzjoni dwar il-Protezzjoni tat-Tfal fil-Migrazzjoni 15 tiġi intensifikata mill-Istati Membri, speċjalment fir-rigward tat-titjib tal-kundizzjonijiet ta’ akkoljenza u l-iżgurar tal-aċċess għas-servizzi, il-prevenzjoni tal-għajbien tat-tfal, u t-tnaqqis tad-dewmien fil-proċeduri li jikkonċernaw it-tfal, speċjalment ir-riunifikazzjoni tal-familja, u b’mod ġenerali, il-kisba ta’ implimentazzjoni aktar b’saħħitha tal-prinċipju tal-aħjar interessi tat-tfal fid-deċiżjonijiet kollha li jaffettwaw lit-tfal. Il-Kummissjoni infurmat dwar il-progress li sar fl-implimentazzjoni tal-Komunikazzjoni u l-isfidi li ġejjin waqt id-dibattitu plenarju tal-Parlament Ewropew fit-2 ta’ Mejju 2018.

3.L-APPOĠĠ TAL-UE GĦALL-ĠESTJONI TAL-MIGRAZZJONI

L-appoġġ tal-UE għall-kriżi tar-refuġjati u tal-migrazzjoni kien sostenut u intens. Dan kien l-aktar effettiv meta kien l-aktar kollettiv. L-appoġġ dirett u l-appoġġ finanzjarju tal-UE u l-aġenziji tagħha kienu l-aktar effettivi meta l-ħidma saret flimkien mal-għarfien espert u r-riżorsi fuq il-post mill-Istati Membri. Ir-reviżjoni proposta tal-Kummissjoni tal-leġiżlazzjoni dwar l-Uffiċjali ta’ Kollegament tal-Immigrazzjoni 16 se tikkontribwixxi wkoll biex tiġi intensifikata l-koordinazzjoni meħtieġa u biex titjieb l-effikaċja tal-azzjoni komuni tal-UE. Il-passi stipulati hawn taħt juru kemm huwa essenzjali li l-intensità tal-appoġġ tinżamm u l-koordinazzjoni tiġi intensifikata aktar.

Illum, il-Kummissjoni qed tadotta wkoll proposta 17 għal Reviżjoni tal-qafas legali tas-Sistema ta’ Informazzjoni dwar il-Viża, li se żżid is-sigurtà fil-fruntieri u fl-UE, billi ttejjeb il-kontrolli fl-ipproċessar tal-viżi bl-użu tal-interoperabilità u bl-indirizzar tal-lakuni ta’ informazzjoni li jibqa’. Il-Kummissjoni tkompli timmonitorja l-isfidi tal-migrazzjoni irregolari f’pajjiżi li ma jeħtiġux viża u qed tieħu miżuri proattivi meta meħtieġ.

Ir-rotta tal-Mediterran tal-Lvant — Appoġġ lill-Greċja u lill-Bulgarija

Element ewlieni tal-appoġġ tal-UE lill-Greċja jibqa’ l-approċċ tal-hotspots. L-appoġġ għall-kapaċità ta’ akkoljenza addizzjonali tkompla. Il-kapaċità ta’ akkoljenza totali żdiedet bi ftit (minn 6 292 għal 6 338 post), 18 bis-saħħa tal-postijiet addizzjonali maħluqa fil-hotspot ta’ Kos. Il-kapaċità ta’ qabel it-tneħħija inżammet f’710 postijiet, b’aktar minn 200 detenut jinżammu f’dawn iċ-ċentri.

Madankollu, il-kundizzjonijiet ta’ akkoljenza għadhom ta’ tħassib serju. Sas-6 ta’ Mejju, l-għadd totali ta’ migranti preżenti fil-5 gżejjer tal-Lvant tal-Eġew kien ta’ 16 565, li jwassal għal iffullar gravi kontinwu. B’riżultat ta’ dan, l-awtoritajiet f’Lesvos użaw tined kemm ġewwa kif ukoll barra miż-żona hotspot biex jilgħu aktar wasliet u hemm pressjoni kbira fuq l-infrastruttura, is-servizzi mediċi, u l-ġestjoni tal-iskart: it-tensjonijiet bejn il-komunitajiet u bejn il-migranti u l-partijiet tal-popolazzjoni lokali żdiedu. Biex jiġu indirizzati uħud mill-aktar bżonnijiet urġenti fil-gżejjer, l-awtoritajiet Griegi qed jinvestu EUR 3 miljun fuq il-ġestjoni tal-iskart u tal-ilma, kif ukoll imexxu ’l quddiem proġetti ffinanzjati mill-UE biex itejbu l-infrastruttura (EUR 15-il miljun) u l-għoti ta’ servizzi u oġġetti mhux tal-ikel (EUR 63 miljun).

Problema partikolari hija l-provvitsa ta’ kenn xieraq għal minorenni mhux akkumpanjati, kemm fil-gżejjer kif ukoll fuq il-kontinent. Aktar minn 2 000 minorenni (inklużi tfal separati) bħalissa qegħdin fuq il-lista ta’ stennija għal kenn, inklużi tfal minorenni residenti fil-hotspots jew dawk li huma taħt kustodja protettiva. Bħalissa għaddejja sejħa għal proposti u offerti ġew irċevuti għal 1 785 post ta’ akkomodazzjoni. Għadd ta’ kuntratti ġew iffirmati mill-awtoritajiet Griegi, iżda huma meħtieġa aktar sforzi mill-imsieħba kollha, inklużi l-muniċipalitajiet u l-NGOs, biex tiddaħħal fis-seħħ sistema nazzjonali sostenibbli. Dan għandu jiġi kkomplementat b’leġiżlazzjoni ġdida dwar il-foster care, fejn jiġu koperti wkoll migranti minorenni mhux akkumpanjati, u bħalissa tinsab quddiem il-Parlament Grieg. Uffiċjali għall-protezzjoni tat-tfal ġew reklutati, imħarrġa u skjerati fil-hotspots.

B’dawn il-ħtiġijiet riflessi mill-pressjoni maġġura wara l-wasliet fuq il-fruntiera fuq l-art, l-awtoritajiet Griegi issa qed jelaboraw pjan ta’ kontinġenza sabiex ilaħħaq mal-probabbiltà ta’ wasliet akbar hekk kif qed joqrob is-sajf. Dan il-pjan għandu jintuża bħala bażi għall-iżvilupp ta’ strateġija komprensiva għal sistema nazzjonali ta’ akkoljenza sostenibbli bbażata fuq il-flussi attwali u projjettati, għadd ta’ benefiċjarji potenzjali ta’ protezzjoni internazzjonali, l-ipproċessar imħaffef ta’ talbiet għall-ażil, u ż-żieda fir-ritorni.

L-UE tkompli tipprovdi appoġġ finanzjarju sostanzjali lill-Greċja biex tindirizza l-isfidi relatati mal-migrazzjoni, bil-Pjan Finanzjarju tal-2018 li qed jiġi implimentat bħalissa biex imexxi ’l quddiem il-programmi nazzjonali li jammontaw għal EUR 561 miljun. Barra minn hekk, l-Istrument ta’ Appoġġ ta’ Emerġenza qed jaħdem mas-sħab umanitarji biex jiġu megħjuna r-refuġjati biex ikollhom ħajja aktar sikura u normali u biex jintegraw aħjar fl-ekonomija u s-soċjetà lokali. Bħalissa jipprovdi aktar minn 24 500 akkomodazzjoni għall-kiri ta’ postijiet u jipprovdi assistenza fi flus kull xahar biex tingħata s-setgħa lir-refuġjati biex jissodisfaw il-ħtiġijiet bażiċi tagħhom u joħloq xibka ta’ sigurtà soċjali bażika għal dawk li qed ifittxu l-ażil u r-refuġjati fil-Greċja, kif ukoll jgħin lill-ekonomija lokali. Kważi 45 000 ruħ bħalissa qegħdin jibbenefikaw minn din l-iskema.

L-aġenziji tal-UE komplew il-ħidma importanti tagħhom fl-appoġġ lill-awtoritajiet Griegi. Mit-30 ta’ April, b’kollox 63 espert nazzjonali, megħjuna minn 27 persunal interim u 85 interpretu, kienu sjkerati mill-Uffiċċju Ewropew ta’ Appoġġ fil-qasam tal-Ażil fil-Greċja. Sa mis-7 ta’ Mejju, 13-il uffiċjali mistiedna tal-Europol u żewġ membri tal-persunal tal-Europol, ġew stazzjonati għal ħames postijiet fil-Greċja, biex iwettqu kontrolli ta' sigurtà sekondarji. Il-ħidma tal-Europol se tiġi żviluppata wkoll permezz ta’ Pjan ta’ Azzjoni għall-implimentazzjoni tar-rakkomandazzjonijiet minn evalwazzjoni riċenti. Rigward l-Aġenzija Ewropea għall-Gwardja tal-Fruntiera u tal-Kosta, in-numri totali skjerati mill-14 ta’ Mejju kienu 573. Dan l-appoġġ xorta waħda għadu ma jilħaqx mal-ħtieġa, u l-inċertezzi dwar is-sostituzzjoni mill-Istati Membri tal-uffiċjali f’rotazzjoni joħolqu instabbiltà fit-tul fl-għajnuna li l-UE tista’ tipprovdi.

Aktar pressjoni fuq il-fruntiera fuq l-art bejn il-Greċja u t-Turkija indikat il-ħtieġa għal appoġġ aktar intensiv fuq il-fruntiera. Minbarra l-kooperazzjoni eżistenti bejn it-Turkija u l-Greċja, l-Aġenzija Ewropea għall-Gwardja tal-Fruntiera u tal-Kosta tinsab lesta biex issaħħaħ il-preżenza tagħha u żżid l-operazzjonijiet konġunti. Dan ovvjament jirrikjedi aktar impenn mill-Istati Membri.

Il-programm ewlieni ta’ appoġġ lill-Bulgarija jkompli, b’ammont addizzjonali ta’ EUR 13-il miljun li jsir disponibbli bħala żieda għall-2018, flimkien mal-EUR 97,2 miljun fil-programmi nazzjonali u EUR 172 miljun ipprovduti fl-assistenza ta’ emerġenza sa mill-bidu tal-2015. L-implimentazzjoni ta’ xi għotjiet taħt l-assistenza ta’ emerġenza għal tagħmir għall-kontrol tal-fruntieri mxiet bil-mod minħabba dewmien fis-sejħiet għal offerti, iżda l-fondi taħt il-programmi nazzjonali qed jiġu implimentati b’pass tajjeb. Barra minn hekk, fil-Bulgarija, għad hemm nuqqasijiet fl-iskjerament tal-persunal tal-Aġenzija Ewropea ta’ Gwardja tal-Fruntiera u tal-Kosta: in-numru attwali ta’ esperti huwa ta’ 130, li huwa 57 espert inqas mill-ħtiġijiet definiti.

Id-Dikjarazzjoni UE-Turkija

Id-dikjarazzjoni UE-Turkija tibqa’ ta’ importanza kbira fit-tnaqqis tal-vjaġġi irregolari u perikolużi lejn il-gżejjer Griegi, fis-salvataġġ tal-ħajjiet fuq il-baħar, u fil-promozzjoni tar-risistemazzjoni ta’ Sirjani fi bżonn ta’ protezzjoni internazzjonali. Is-suċċess tagħha jiddependi fuq l-involviment u l-isforz sostnut mill-partijiet kollha involuti. Huwa kruċjali li t-Turkija tkompli l-isforzi tal-infurzar tal-liġi intensivi tagħha biex iżżarma n-netwerks ta’ kutrabandu u biex twaqqaf il-qsim irregolari lejn il-Greċja, kemm fil-Greċja kontinentali kif ukoll fil-gżejjer, u li tkompli tikkoopera dwar ir-ritorn u r-riammissjoni mill-Greċja, jew permezz tad-Dikjarazzjoni UE-Turkija jew permezz tal-protokoll bilaterali bejn il-Greċja u t-Turkija.

It-Turkija għamlet sforzi eċċellenti biex tipprovdi kenn u appoġġ lil aktar minn 3,5 miljun refuġjat Sirjan irreġistrati, u l-UE wriet l-impenn tagħha biex tappoġġa lit-Turkija f’din l-isfida. Il-Faċilità għar-Refuġjati fit-Turkija qed tkompli tappoġġa l-ħtiġijiet tar-refuġjati u tal-komunitajiet ospitanti fit-Turkija, f’kooperazzjoni mill-qrib mal-awtoritajiet Torok 19 . Din uriet li kienet waħda mill-iżjed mekkaniżmi ta’ appoġġ tal-UE rapidi u effettivi, bl-iżborżamenti jilħqu EUR 1,9 biljun. Il-faċilità qed tgħin lil aktar minn 1,3 miljun refuġjat, permezz ta’ trasferimenti ta’ flus u tappoġġa l-edukazzjoni u l-kura tas-saħħa għal mijiet ta’ eluf ta’ nies. Il-mobilizzazzjoni tat-tieni porzjon ta’ EUR 3 biljun issa tinsab għaddejja. L-implimentazzjoni rapida se tiżgura li jkun hemm segwitu kontinwu tal-interventi ffinanzjati taħt il-Faċilità ta’ suċċess tal-ewwel porzjon, b’mod partikolari finanzjament addizzjonali għal appoġġ għall-edukazzjoni, li trid tkun fis-seħħ qabel il-bidu tas-sena skolastika l-ġdida.

Id-dewmien tal-eżami tal-applikazzjonijiet għall-ażil fil-Greċja għadu qed iżomm lura ir-ritorni lejn it-Turkija skont id-Dikjarazzjoni. Ir-riskju ta’ żieda possibbli fil-wasliet fis-sajf ifisser li huwa dejjem iktar importanti li dan jiġi indirizzat b’mod urġenti mill-awtoritajiet Griegi. L-UE tkompli tappoġġa s-Servizz tal-Ażil Grieg u l-Kumitati ta’ Appell 20 .

B’mod parallel, ir-restrizzjoni ġeografika ġenerali li tapplika għal persuni li jfittxu ażil preżenti fil-gżejjer tal-Eġew ġiet annullata permezz ta’ deċiżjoni tal-Kunsill tal-Istat Grieg f’April. Il-Qorti kkonkludiet li r-restrizzjoni ma kellhiex ir-raġunament legali meħtieġ u rrikonoxxiet li r-restrizzjoni toħloq piż konsiderevoli fil-gżejjer. L-awtoritajiet Griegi rreaġġixxew mill-ewwel għas-sentenza u s-Servizz ta’ Ażil Grieg ħareġ Deċiżjoni ġdida li skont l-awtoritajiet Griegi tindirizza t-tħassib tal-Kunsill tal-Istat. Il-Greċja ressqet ukoll leġiżlazzjoni ġdida li timmira biex tlesti t-traspożizzjoni tad-Direttiva dwar il-Kundizzjonijiet ta’ Akkoljenza, li tipprovdi bażi ġuridika aktar b’saħħitha għal din id-Deċiżjoni. Il-liġi l-ġdida issa qed jiġi ffinalizzata għall-adozzjoni mill-Parlament Grieg.

Sakemm ikun hemm implimentazzjoni effettiva min-naħa tat-Turkija tal-klawżola taċ-ċittadini ta’ pajjiżi terzi tal-ftehim ta’ riammissjoni bejn l-UE u t-Turkija, it-Turkija u l-Greċja huma mħeġġa jiżguraw l-applikazzjoni effettiva tad-dispożizzjonijiet rilevanti tal-ftehim bilaterali ta’ riammissjoni bejn il-Greċja u t-Turkija għal dawk il-wasliet li mhumiex koperti mid-Dikjarazzjoni bejn l-UE u t-Turkija.

L-appoġġ fis-Sirja u l-ġirien tagħha jibqa’ prijorità għolja. Aktar minn EUR 1 biljun ġew allokati mill-UE lill-Ġordan u lil-Libanu sa mill-bidu tal-kriżi, biex jappoġġaw lil dawk l-aktar vulnerabbli permezz ta’ finanzjament umanitarju u jipprovdu edukazzjoni u kura tas-saħħa u jgħinu l-għajxien għar-refuġjati u l-komunitajiet ospitanti. L-appoġġ lil-Libanu kien ukoll appoġġat f’żewġ konferenzi internazzjonali fil-livell ministerjali li koprew is-sigurtà u l-investiment 21 . Il-konferenza Brussell II dwar l-appoġġ għall-ġejjieni tas-Sirja u tar-reġjun, kopreseduta mill-UE u min-Nazzjonijiet Uniti f’April 2018 ikkonfermat mill-ġdid l-appoġġ tal-UE għal soluzzjoni politika fis-Sirja u l-impenn tagħha li tindirizza l-ħtiġijiet sostanzjali, b’konferma ta’ EUR 560 miljun għall-2018 u l-allokazzjoni ta’ ammont addizzjonali ta’ EUR 560 miljun għall-2019. B’kollox, il-Konferenza mmobilizzat EUR 6,2 biljun f’għotjiet mill-komunità internazzjonali għal 2020, bi tliet kwarti ġejjin mill-UE u l-Istati Membri tagħha.

Ir-rotta tal-Balkani tal-Punent

Il-Kummissjoni bħalissa qed tiffinalizza l-proċeduri interni tagħha biex tiffirma ftehim mal-Albanija, inizjalat fi Frar 2018, li se jippermetti lill-Aġenzija Ewropea għall-Gwardja tal-Fruntiera u tal-Kosta li tipprovdi assistenza fil-qasam tal-ġestjoni tal-fruntieri esterni kif ukoll biex tibgħat timijiet operattivi fuq it-territorju Albaniż malajr kemm jista’ jkun f’każ ta’ bidla f’daqqa fil-flussi migratorji. Fit-30 ta’ April, intlaħaq ftehim fuq livell tekniku dwar arranġament simili mal-Eks Repubblika Jugoslava tal-Maċedonja. Bħalissa għaddejjin negozjati mas-Serbja u l-Kummissjoni pproponiet li tibda negozjati dwar tali ftehim mal-Montenegro u l-Bożnja u Ħerzegovina.

Iċ-Ċentru Ewropew kontra l-Faċilitazzjoni ta' Dħul Klandestin ta' Migranti tal-Europol kompla jappoġġa l-kooperazzjoni operazzjonali biex jindirizza t-traffikar tal-migranti mir-rotta tal-Balkani tal-Punent. Fl-ewwel kwart tal-2018, il-Europol organizza 11-il laqgħa operazzjonali li ffokaw fuq il-Balkani tal-Punent u mexxa 28 każ ta’ prijorità. 7 jiem ta’ azzjoni komuni li rriżultaw fl-arrestar b’suċċess ta’ kuntrabandisti ġew ukoll organizzati fil-pajjiżi tal-Balkani tal-Punent. Il-Europol kompliet issegwi x-xejra ’l fuq tat-traffikar ta’ migranti fi trakkijiet u vetturi kbar. Il-pajjiżi tar-reġjun saħħew il-kapaċitajiet tagħhom ta’ kontroll u sorveljanza tal-fruntieri, bit-trasferiment ta’ pattulji lejn taqsimiet immirati tal-fruntieri.

B’mod parallel, l-UE tkompli tipprovdi appoġġ lill-pajjiżi fuq ir-rotta tal-Balkani tal-Punent billi tiffoka fuq it-titjib tal-kundizzjonijiet tal-akkoljenza u tal-kapaċità għall-migranti u għar-rifuġjati u biex tibni l-kapaċitajiet biex issaħħaħ is-sistemi ta’ ġestjoni tal-migrazzjoni. Il-vidjokonferenzi regolari ta’ darbtejn fil-ġimgħa, bil-parteċipazzjoni tal-Kummissjoni, l-Istati Membri, l-aġenziji tal-UE, u msieħba tal-Balkani tal-Punent komplew sabiex tiġi ffaċilitata l-kooperazzjoni u l-kondiviżjoni tal-informazzjoni dwar is-sitwazzjoni migratorja tul ir-rotta tal-Balkani tal-Punent. Il-pakkett annwali tat-Tkabbir tal-Kummissjoni adottat fis-17 ta’ April 2018, enfasizza l-ħtieġa li l-pajjiżi jsaħħu l-isforzi tagħhom sabiex jindirizzaw b’mod effettiv l-isfidi relatati mal-migrazzjoni 22 .

Ir-rotta tal-Mediterran Ċentrali

-    Appoġġ lill-Italja

L-UE tkompli tappoġġa lill-Italja fl-implimentazzjoni tal-approċċ hotspot. L-attivitajiet fil-hotspot ta’ Taranto ġew sospiżi b’mod temporanju biex jitwettqu xogħlijiet ta’ manutenzjoni u x-xogħlijiet ta’ tiġdid qed jillimitaw ukoll l-attivitajiet fil-hotspot ta’ Lampedusa. B’mod parallel, l-awtoritajiet Taljani kkonfermaw l-impenn tagħhom biex jiftħu tliet lokazzjonijiet hotspot addizzjonali fil-Kalabrija u fi Sqallija aktar tard din is-sena. Reviżjoni tal-proċeduri operattivi standard tal-hotspots tinsab għaddejja.

L-aġenziji tal-UE qed jieħdu miżuri biex jadattaw il-livelli tal-persunal tagħhom u jiffokaw fuq l-attivitajiet tagħhom fl-Italja skont il-ħtiġijiet attwali. Mit-30 ta’ April, l-Uffiċċju Ewropew ta’ Appoġġ fil-qasam tal-Ażil immobilizza 38 espert nazzjonali fl-Italja, appoġġjati minn 54 persunal interim u 98 medjatur kulturali. 428 espert Ewropej tal-Gwardja tal-Fruntiera u tal-Kosta qed jappoġġaw il-ħidma mal-migranti li jkunu għadhom kif waslu. Sa mis-7 ta’ Mejju 2018, f’ħames postijiet fl-Italja kien hemm skjerati total ta’ 15-il uffiċjal tal-Europol mistieden u tliet membri tal-persunal mill-Europol biex iwettqu kontrolli ta' sigurtà sekondarji. L-Italja żiedet ukoll il-kapaċità ta’ detenzjoni fiċ-ċentru ta’ detenzjoni ta’ Potenza u laħqet il-kapaċità sħiħa ta’ 96 post.

L-UE tkompli tipprovdi assistenza finanzjarja sostanzjali lill-Italja. L-awtoritajiet Taljani bdew l-implimentazzjoni tal-azzjonijiet taħt il-pakkett finanzjarju allokat lill-Italja f’Novembru, fil-qasam tal-assistenza medika, il-medjazzjoni interkulturali, it-tagħmir għall-iskrinjar tal-migranti fil-hotspots u l-operazzjonijiet għas-sorveljanza tal-fruntieri marittimi u ta’ tfittxija u salvataġġ. B’segwitu għall-ittra lill-Prim Ministru Gentiloni tal-25 ta’ Lulju 2017, il-Kummissjoni u l-Ministeru Taljan tal-Intern komplew id-diskussjonijiet tagħhom sabiex ifasslu l-azzjonijiet li għandhom jiġu ffinanzjati taħt l-assistenza ta’ emerġenza mmirati biex jappoġġaw l-integrazzjoni fil-livell lokali, jipproteġu l-vittmi tat-traffikar tal-bnedmin, u jtejbu l-effettività tal-proċeduri tal-ażil u r-ritorn. L-assistenza ta’ emerġenza pprovduta lill-Italja tikkumplimenta aktar minn EUR 654 miljun f’appoġġ tal-UE għall-programmi nazzjonali tal-Italja 23 .

L-Operazzjoni Konġunta Themis kompliet, u appoġġat lill-Italja biex tindirizza l-immigrazzjoni irregolari mil-Mediterran Ċentrali, issalva l-ħajjiet fuq il-baħar u tipprevjeni u tiskopri l-kriminalità transfruntiera. Iż-żona operazzjonali tagħha issa tkopri l-Baħar Adrijatiku u l-komponent ta’ infurzar tal-liġi tagħha, b’mod partikolari fir-rigward tal-ġlieda kontra t-terroriżmu u l-ġellieda barranin, issaħħaħ. Attwalment, b’kontribuzzjonijiet minn 27 Stat Membru, l-Aġenzija Ewropea għall-Gwardja tal-Fruntiera u tal-Kosta tappoġġa l-Italja b’428 gwardja tal-fruntiera u membri tal-ekwipaġġ, żewġ ajruplani, ħelikopter, bastiment ta’ pattulja wieħed ’il barra mix-xatt, seba’ bastimenti tal-għassa tal-kosta, erba’ bastimenti ta’ pattulja tal-kosta, u 14-il uffiċċju mobbli.

-    Il-Libja u r-reġjun, u l-pajjiżi tul ir-rotta

L-UE tkompli l-ħidma tagħha biex ittejjeb il-kundizzjonijiet tal-biża’ li qegħdin jiffaċċjaw ħafna migranti u refuġjati fil-Libja u biex jiġi indirizzat il-kuntrabandu tal-migranti. Il-programmi ffinanzjati mill-UE qed jaħdmu biex jindirizzaw il-ħtiġijiet immedjati tal-migranti u r-refuġjati, jgħinu lill-migranti jerġgħu lura lejn darhom jew isibu passaġġ sikur għal dawk fi bżonn ta’ protezzjoni lejn l-Ewropa permezz tar-risistemazzjoni, u x-xogħol għal żmien twil biex jiġu stabbilizzati l-komunitajiet.

Sal-lum, bl-appoġġ tal-UE, l-Organizzazzjoni Internazzjonali għall-Migrazzjoni tat lil kważi 41 000 migrant kutri, saqqijiet u settijiet tal-iġjene fil-punti ta’ żbark, fiċ-ċentri ta’ detenzjoni u fil-komunitajiet ospitanti fil-Libja. Assistenza medika ġiet ipprovduta lil iktar minn 14 500 migrant vulnerabbli. Aktar minn 950 migrant ingħataw ukoll għajnuna permezz tal-Mekkaniżmu ta’ Riżorsi u ta’ Reazzjoni għall-Migrazzjoni stabbilit fin-Nofsinhar tal-Libja. Kien hemm ukoll għajnuna speċifika mill-Fond tan-Nazzjonijiet Uniti għat-Tfal UNICEF biex jiġu pprovduti ħwejjeġ tax-xitwa fiċċentri ta’ detenzjoni, kif ukoll il-ħtiġijiet ewlenin għas-sopravivenza u l-għajxien deċenti, inklużi attivitajiet ta’ rikreazzjoni u attivitajiet edukattivi. Sforz konġunt għadu għaddej ukoll biex jinħelsu t-tfal u jinstabu alternattivi għad-detenzjoni. 24 Il-Programm ta’ Żvilupp tan-Nazzjonijiet Uniti waqqaf ukoll Campus tal-Intraprenditorija li jipprova jgħin lil intraprendituri żgħażagħ 25 .

L-UE kompliet tappoġġa lill-muniċipalitajiet Libjani madwar il-pajjiż, li qed jaħdmu fuq ir-riabilitazzjoni ta’ infrastrutturi ewlenin li jippermettu l-aċċess għal servizzi bażiċi għall-popolazzjonijiet lokali u l-migranti. Għaddejjin diskussjonijiet bejn l-UE u s-sħab implimentattivi (il-Kooperazzjoni Taljana, il-Programm ta’ Żvilupp tan-Nazzjonijiet Uniti u l-Fond tan-Nazzjonijiet Uniti għat-Tfal UNICEF) biex jibda jitħaddem programm ta’ EUR 50 miljun f’appoġġ għall-muniċipalitajiet, adottat f’Marzu 2018. Dan se jsaħħaħ il-kapaċità tal-muniċipalitajiet Libjani biex jipprovdu s-servizzi bażiċi bħas-saħħa, l-edukazzjoni, l-ilma u s-sanità.

Sa mill-4 ta’ Mejju, 1 006 refuġjat u dawk li jfittxu l-ażil ġew rilaxxati mid-detenzjoni wara l-interventi tal-Aġenzija tan-Nazzjonijiet Uniti għar-Refuġjati UNHCR fl-2018, żieda fuq 1 428 fl-2017. L-Aġenzija wettqet 486 żjara ta’ monitoraġġ f'ċentri ta’ detenzjoni s’issa fl-2018. Is-sostenn tal-UE ppermetta wkoll lill-Aġenzija għar-refuġjati tan-NU UNHCR twettaq 15 216-il konsultazzjoni medika għar-refuġjati u għal dawk li jfittxu l-ażil — filwaqt li stinkat għall-ħelsien tagħhom.

Bl-appoġġ tal-UE, l-Organizzazzjoni Internazzjonali għall-Migrazzjoni qed tkompli l-programm tagħha għar-ritorni volontarji assistiti u fl-2018 sal-24 ta’ April, 6 185 persuna marru lura f’arthom qawwijin u sħaħ. Matul il-fażi ta’ evakwazzjoni bejn it-28 ta’ Novembru 2017 u l-1 ta’ Marzu 2018, total ta’ 15 391 persuna volontarjament marru lura d-dar. 26 Għaldaqstant, il-mira ffissata mill-Kummissjoni f'Diċembru 27 ntlaħqet. Appoġġ għar-riintegrazzjoni qed jiġi pprovdut għal total ta’ 27 138 persuna rritornata minn Mejju 2017.

L-UE ilha taħdem mill-qrib mal-Istati Membri u l-Aġenzija tan-NU għar-Refuġjati UNHCR biex tiżgura li l-ikbar numru ta’ persuni vulnerabbli li jeħtieġu protezzjoni internazzjonali kemm jista’ jkun jiġu evakwati mil-Libja lejn in-Niġer, u mbagħad risistemati malajr. Wara sospensjoni temporanja tal-evakwazzjonijiet fil-bidu ta’ Marzu minħabba tħassib mill-gvern tan-Niġer li t-tluq lejn pajjiżi oħra ma kienx qed jinżamm mar-ritmu tal-wasliet lejn in-Niġer, l-Aġenzija tan-NU għar-Refuġjati (UNHCR) fl-10 ta’ Mejju reġgħet bdiet il-Mekkaniżmu ta’ Tranżitu ta' Emerġenza, u ttrasportat bl-ajru 132 rifuġjat vulnerabbli u dawk li qed ifittxu ażil 28 . Minn 1 152 persuna evakwati mil-Libja lejn in-Niġer, sat-13 ta’ Mejju l-Aġenzija tan-NU għar-Refuġjati UNHCR ippreżentat 475 persuna għar-risistemazzjoni 29 u minn dawn, 108 diġà telqu min-Niġer 30 . 71 oħra ġew aċċettati mill-istati ta’ risistematizzazzjoni u qed jistennew it-tluq 31 . Dan ifisser li l-istati ta’ risistematizzazzjoni diġà risistemaw madwar 38 % tal-persuni kollha ppreżentati. Għalkemm għadhom meħtieġa impenji għal risistemazzjoni addizzjonali min-Niger, l-għadd ta’ impenji ta’ risistemazzjoni min-Niger mhuwiex il-fattur limitanti billi saru 2 681 impenn 32 . Huwa importanti li r-riferimenti mill-Aġenzija tan-NU għar-Refuġjati UNHCR jiġu aċċellerati, b’tali mod li l-impenji jistgħu jiġu mmaterjalizzati u l-persuni evakwati mil-Libja risistemati malajr kemm jista’ jkun mill-Istati Membri ta’ risistemazzjoni 33 . L-UE tappoġġa bis-sħiħ dawn l-isforzi, u se tissupplimenta l-appoġġ finanzjarju eżistenti lill-Aġenzija tan-NU għar-Refuġjati UNHCR ta’ EUR 20 miljun. L-Istati Membri, li għadhom ma rriżervawx parti mill-impenn tar-risistemazzjoni tagħhom għan-Niġer huma mistiedna jagħmlu dan u dawk li diġà qed jirrisistemaw għandhom ikomplu jiżguraw li t-trasferimenti jseħħu malajr wara r-riferimenti. Il-UNHCR għandha tiġi mħeġġa tiffoka ir-riferimenti ta’ risistemazzjoni tagħha fin-Niġer primarjament fuq persuni evakwati mil-Libja.

Wara l-missjoni trilaterali ta’ livell għoli bejn l-Unjoni Afrikana-UE-Nazzjonijiet Uniti 34 fi Tripli fi Frar, il-Kummissjoni involviet ruħha mal-awtoritajiet Libjani biex jiġi żgurat it-twettiq tal-impenji meħuda. Dawn jinkludu l-importanza li jiġu ffaċilitati l-operazzjoni ta’ evakwazzjoni umanitarja billi jsiru rinunzji fuq il-viżi ta’ ħruġ; biex jippermetti li l-Aġenzija għar-Refuġjati tan-NU UNHCR timplimenta bis-sħiħ il-mandat tagħha lil hinn mil-limiti imposti fuq in-nazzjonalitajiet; jitjieb l-aċċess u l-kundizzjonijiet tal-migranti u r-refuġjati fiċ-ċentri ta’ detenzjoni; isir progress lejn l-għeluq taċ-ċentri ta’ detenzjoni fil-forma attwali tagħhom; u ssir kunsiderazzjoni ta’ alternattivi għall-kriminalizzazzjoni tal-migranti irregolari; tiġi żgurata r-reġistrazzjoni sħiħa u t-traċċar l-migranti kollha.

Komplew l-isforzi tal-UE biex tappoġġa ż-żewġ Gwardji tal-Kosta Libjana. L-operazzjoni EUNAVFORMED Sophia sa issa ħarġet madwar 191 membru tal-persunal tal-Gwardja tal-Kosta Navali Libjana inklużi 5 membri tal-ekwipaġġ tad-dgħajjes tal-għassa permezz ta’ taħlita ta' taħriġ fuq l-art u fuq il-baħar. It-taħriġ għadu għaddej fil-Greċja għal 22 persunal Libjan u modulu ieħor huwa skedat fi Spanja għal 34 kandidat fil-bidu ta’ Lulju 2018. L-ewwel rapport ta’ monitoraġġ f’Marzu enfasizza li l-kapaċità u l-professjonaliżmu qed jipprogressaw iżda li l-monitoraġġ effettiv jista’ jibbenefika aktar mill-preżenza kontinwa tal-persunal ta’ EUNAVFORMED fiċ-ċentri ta’ operazzjoni tal-Gwardja tal-Kosta Navali Libjana.

It-twaqqif ta’ netwerk ta’ komunikazzjoni sigur fil-Mediterran għall-iskambju ta’ informazzjoni dwar il-migrazzjoni irregolari bil-baħar issa qed jilħaq l-aħħar stadju, u s-Seahorse Mediterranean network għandu jkun operattiv fit-tieni nofs tal-2018.

Proġett pilota biex tissaħħaħ il-kooperazzjoni bejn l-aġenziji tal-UE u l-Operazzjoni EUNAVFORMED Sophia, li ħadem direttament flimkien, taħt l-azzjoni ewlenija Operazzjoni Sophia, bħala Ċellula ta’ Informazzjoni dwar il-Kriminalità , ġie approvat mill-Ministri waqt il-Kunsill tal-Ġustizzja u l-Affarijiet Interni ta’ Marzu 2018. Iċ-Ċellula għandha tibda taħdem malajr kemm jista’ jkun. Il-Missjoni tal-UE ta’ Assistenza għall-Ġestjoni Integrata tal-Fruntieri fil-Libja qed tfittex li iżżid il-kapaċità biex tibgħat sa 17-il membru tal-persunal fi Tripli fuq bażi permanenti jew fuq bażi ta’ rotazzjoni sa Mejju 2018, biex tibni fuq l-aktar impenn profond possibbli mal-awtoritajiet Libjani ma mill-“preżenza ħafifa” stabbilita f’Diċembru 2017.

-    Finanzjament

Il-Fond Fiduċjarju ta’ Emerġenza tal-UE għall-Afrika se jkompli jaqdi rwol importanti fil-ħidma tal-UE. Mit-8 ta’ Mejju 2018, 147 programm ġew miftiehma għal ammont totali ta’ madwar EUR 2 593,4 miljun, maqsum bejn it-tliet twieqi: Is-Saħel/il-Lag Chad EUR 1293 miljun (79 programm), il-Qarn tal-Afrika EUR 820,3 miljun (50 programm), l-Afrika ta’ Fuq EUR 335 miljun (14-il programm). Dan l-ammont jinkludi wkoll 4 programmi trasversali bejn it-twieqi (EUR 145,1 miljun). Total ta’ 235 kuntratt ma’ implimentaturi s’issa ġew iffirmati għal total ta’ ammont ta’ EUR 1611,2 miljun, u żborżi totali li jammontaw għal EUR 650 miljun.

Ir-riżorsi li huma allokati fil-preżent lill-Fond Fiduċjarju tal-UE għall-Afrika jammontaw għal EUR 3,39 biljun, u jinkludu aktar minn EUR 2,98 biljun mill-Fond Ewropew għall-Iżvilupp u mill-baġit tal-UE. B’kollox, l-Istati Membri tal-UE u donaturi oħra (l-Iżvizzera u n-Norveġja) ikkontribwew EUR 413,8 miljun, li minnhom EUR 378 miljun tħallsu s’issa. Id-donaturi ewlenin jibqgħu l-Ġermanja (EUR 157,5 miljun) u l-Italja (EUR 104 miljun). Il-kontribuzzjoni tal-Istati Membri għat-tieqa tal-Afrika ta’ Fuq tal-Fond Fiduċjarju tal-UE kienet ta’ importanza partikolari biex ikun jista’ jiġi offrut approċċ ġdid mal-Libja: Id-diskussjonijiet tal-Kunsill Ewropew wasslu lill-Istati Membri jagħmlu wegħdiet ta’ EUR 178,6 miljun, l-aktar biex ifornu lit-tieqa tal-Afrika ta’ Fuq.

Madankollu, diskrepanza sinifikanti fil-finanzjament x’aktarx li sseħħet diġà fl-2018. Din ġiet diskussa waqt il-laqgħa tal-Bord Strateġiku tal-24 ta’ April 2018. Is-sett ta’ proġetti għat-tliet itwieqi, li jinkludi azzjonijiet bħal li jitkompla x-xogħol fil-Libja, u jinżamm l-istess ritmu ta’ ritorni volontarji assistiti u evakwazzjonijiet, huwa stmat li jiswa madwar EUR 2 biljun. Filwaqt li r-riżorsi li fadal jistgħu jkopru xi prijoritajiet, nuqqas fil-finanzjament totali ta’ madwar 1,2 biljun ġie identifikat għat-tliet itwieqi, biex jinżamm il-livell attwali ta’ ambizzjoni. Għall-Afrika ta’ Fuq, il-prijoritajiet se jkomplu jikkontribwixxu għal ġestjoni ta’ migrazzjoni effettiva, inkluż il-protezzjoni ta’ migranti vulnerabbli, ir-ritorn volontarju, l-istabbilizzazzjoni tal-komunità, il-ġestjoni integrata tal-fruntieri u l-appoġġ għall-migrazzjoni tax-xogħol. L-attivitajiet fil-Qarn tal-Afrika u s-Saħel u ż-żoni tal-Lag Chad għandhom impatt dirett fuq l-effikaċja tal-azzjoni tal-UE fl-Afrika ta’ Fuq u huma meħtieġa biex jiġi żgurat li l-approċċ tal-UE jkun verament komprensiv. L-Istati Membri rrikonoxxew il-valur tas-sett ta’ proġetti, u qablu li jkomplu jipprijoritizzaw l-azzjonijiet fl-oqsma li ġejjin: ir-ritorn u r-riintegrazzjoni, il-Qafas ta’ Rispons Komprensiv għar-Rifuġjati, dokumenti u reġistru ċivili sikuri, l-indirizzar tat-traffikar tal-bnedmin, sforzi ta’ stabilizzazzjoni essenzjali fis-Somalja, is-Sudan u s-Sudan t’Isfel, u appoġġ għal djalogi dwar il-migrazzjoni. Fl-istess ħin, il-Bord qabel, li l-Fond Fiduċjarju għandu jkompli l-operazzjonijiet tiegħu lil hinn mill-2018 u li biex dan iseħħ kien meħtieġ li jiġu fornuti mill-ġdid ir-riżorsi.

Taħt l-ewwel pilastru tal-Pjan ta’ Investiment Estern, il-garanzija tal-Fond Ewropew għall-Iżvilupp Sostenibbli, total ta’ 12-il istituzzjoni finanzjarja eliġibbli pproponew aktar minn 46 programm ta’ investiment taħt il-ħames twieqi ta’ investiment li għalihom hemm disponibbli fondi ta’ garanzija ta’ EUR 1,5 biljun. Il-proposti rċevuti jammontaw għal valur totali ta’ aktar minn EUR 3,5 biljuni għall-ħames twieqi 35 . L-ewwel deċiżjonijiet tal-Kummissjoni li japprovaw il-programmi huma mistennija kmieni fis-sajf. L-operazzjonijiet ta’ taħlit taħt il-Pjattaformi ta’ Investiment Għall-Afrika u l-Viċinat tal-Pjan ta’ Investiment qed jitħejjew.

-    Pajjiżi tul ir-rotta

Il-kooperazzjoni ssaħħet ma’ numru ta’ sħab fl-Afrika. Minkejja t-taqlib politiku, il-ħidma mal-awtoritajiet Etjopjani dwar il-ħames pilastri tad-Dikjarazzjoni tal-Belt Valletta issokktat mingħajr problemi. Id-djalogu dwar il-migrazzjoni u l-kooperazzjoni mal-Guinea u l-Gambja isostni progress kontinwu, b’seminar ta’ suċċess tal-Aġenzija Ewropea għall-Gwardja tal-Fruntiera u tal-Kosta dwar l-aħjar prattiki għall-organizzazzjoni ta’ attivitajiet relatati mar-ritorn f’Marzu. Fil-Kosta tal-Avorju, id-djalogu dwar il-migrazzjoni tnieda mill-ġdid. Tkomplew id-diskussjonijiet man-Niġerja dwar il-pakkett tal-migrazzjoni u l-mobilità, li jkopri t-tkabbir u l-investimenti, il-ġestjoni tal-fruntieri u l-identifikazzjoni diġitali, il-kuntrabandu, it-traffikar tal-bnedmin, kif ukoll ir-riintegrazzjoni u r-riammissjoni.

Apparti mill-kooperazzjoni operattiva kontinwa, l-appoġġ addizzjonali għan-Niġer ikun jiffoka fuq azzjoni li tindirizza rotot migratorji emerġenti ħdejn il-fruntiera Niġerjana u programmi ta’ sostituzzjoni ekonomika msaħħa. F’Marzu 2018, in-Niġer ospita konferenza ministerjali li involviet il-partijiet interessati ewlenin kollha biex jiddiskutu u jippromwovu l-kooperazzjoni kontra l-kuntrabandu tal-migranti u t-traffikar tal-bnedmin 36 . In-Niġer, iċ-Chad, il-Libja u s-Sudan laħqu wkoll ftehim ġdid biex jistabbilixxu kooperazzjoni biex jiġu żgurati fruntieri komuni u l-ġlieda kontra l-kriminalità organizzata.

Ingħatat spinta wkoll lill-ħidma biex jiġu indirizzati netwerks tal-faċilitazzjoni ta' immigrazzjoni illegali fil-Qarn tal-Afrika bl-iżvilupp ulterjuri taċ-Ċentru Operattiv Reġjonali għall-Proċess ta’ Khartoum appoġġat mill-Fond Fiduċjarju tal-UE, bil-mira tat-titjib tal-investigazzjonijiet konġunti fost il-pajjiżi. Il-programm għall-Ġestjoni Aħjar tal-Migrazzjoni fil-Qarn tal-Afrika ra aktar minn 400 uffiċjal tal-gvern mħarrġa fil-qasam tal-migrazzjoni u l-ġestjoni tal-fruntieri, u madwar 150 parti konċernata governattiva u mhux governattiva mħarrġa dwar id-drittijiet tal-migranti.

Il-migrazzjoni kienet inkluża fl-aġenda tar-Raggruppament dwar l-Istabbiltà UE-Eġittu li sar fil-15 ta’ Marzu fil-Kajr. Dan kompla fejn ħalliet l-ewwel laqgħa tad-Djalogu dwar il-Migrazzjoni bejn l-UE u l-Eġittu f’Diċembru 2017 u ħa kont tal-progress fl-oqsma differenti ta’ kooperazzjoni bilaterali bejn l-UE u l-Eġittu dwar il-migrazzjoni. Aktar kooperazzjoni mal-aġenziji tal-UE ġiet diskussa wkoll.

Ir-rotta tal-Mediterran tal-Punent

Il-Marokk qed ikompli jagħmel sforzi biex jipprevjeni l-migrazzjoni irregolari billi jikkoopera fuq is-sorveljanza tal-fruntieri, b’mod partikolari ma’ Spanja. Għaddejjin kuntatti tekniċi bil-għan li jitfassal pakkett ta’ għajnuna biex tissaħħaħ il-kapaċità tal-ġestjoni tal-fruntieri u jiġu mnedija mill-ġdid in-negozjati dwar il-Faċilitazzjoni tal-Viżi u l-Ftehimiet ta’ Riammissjoni. Programm ta’ appoġġ baġitarju għall-politiki ta’ migrazzjoni tal-Marokk (EUR 35 miljun) ġie ffirmat mill-Kummissjoni u l-Marokk f’Diċembru 2017. Fit-2 ta’ Mejju f’Marrakexx, il-Ħames Konferenza Ministerjali tal-proċess ta’ Rabat affermat mill-ġdid l-impenn permezz ta’ Pjan ta’ Azzjoni Adottat b’mod konġunt biex titkompla l-kooperazzjoni dwar l-indirizzar tal-kawżi fundamentali tal-migrazzjoni, il-ġlieda kontra l-faċilitazzjoni ta’ dħul klandestin ta’ migranti, u t-tisħiħ tar-ritorni u r-riammissjonijiet 37 .

Wara żieda ta’ 43 % bejn l-2016 u l-2017, l-għadd ta’ ċittadini Alġerini li waslu jaslu b’mod irregolari fl-Ewropa naqas fl-ewwel erba’ xhur tas-sena 2018, meta mqabbel mal-istess perjodu fl-2017 38 . L-Alġerija wkoll tibqa’ pajjiż ta’ tranżitu għall-migranti irregolari li jippruvaw jaslu l-Marokk u l-Libja, u l-awtoritajiet Alġerini rrappurtaw żieda fil-wasliet minn pajjiżi tal-Afrika Sub-Saħarjana lejn l-Alġerija. Filwaqt li l-UE u l-Alġerija qablu dwar it-titjib tal-iskambju ta’ informazzjoni dwar wasliet illegali, dwar il-possibilitajiet ta’ mobilità legali u dwar ir-ritorn, dan għadu ma ġiex tradott f’kooperazzjoni konkreta.

4.IR-RITORN U R-RIAMMISSJONI

L-istatistika dwar ir-ritorni fl-2017 tindika li meta mqabbel mal-2016 (493 785 deċiżjoni ta’ ritorn), in-numru ta’ deċiżjonijiet ta’ ritorn maħruġa fl-UE fl-2017 żdied b’4 % (516 115-il deċiżjoni fl-2017). Din iż-żieda tista’ tiġi attribwita għall-fatt li numru kbir ta’ proċeduri ta’ ażil (ta’ appell), fosthom bosta mibdija matul iż-żmien ta’ influss bil-massa fl-UE — qed joqorbu lejn tmiemhom, f’ħafna każijiet konklużi b’deċiżjoni negattiva. Hemm żieda konsistenti fl-għadd ta’ deċiżjonijiet ta’ ritorn maħruġa mill-Istati Membri li kienu l-aktar milquta mill-influss, b’mod partikolari, il-Ġermanja u l-Greċja.

Madankollu, iż-żieda fin-numru ta’ deċiżjonijiet ta’ ritorn mhijiex riflessa f’żieda simili fl-għadd ta’ ritorni implimentati fir-realtà. Għall-kuntrarju, l-informazzjoni pprovduta mill-Istati Membri għall-EUROSTAT tindika b’mod ċar li l-għadd ta’ ritorni implimentati fl-2017 naqas bi kważi 20 %: minn 226 150 fl-2016 għal 188 920 fl-2017. Dan jissarraf fi tnaqqis konsiderevoli fir-rata ta’ ritorn 39 madwar l-UE minn 45,8 % fl-2016 għal biss 36,6 % fl-2017.

Din it-tendenza negattiva hija parzjalment spjegata mill-fatt li l-istokk ta’ dawk li potenzjalment jirritornaw lura pajjiżhom minn pajjiżi fil-Balkani tal-Punent naqas b’mod sinifikanti. Il-koperazzjoni ma’ dawn il-pajjiżi dwar ir-riammissjoni taċ-ċittadini tagħhom stess kienet eċċellenti matul dawn l-aħħar sentejn, iffaċilitata minn ftehimiet ta’ riammissjoni effettivi tal-UE. Ir-riżultat huwa li fejn qabel kien hemm ħafna każijiet ta’ ritorni pendenti akkumulati lejn dawn il-pajjiżi, dawn tlestew fl-2015 u fl-2016, li mbagħad, żied ir-rata ta’ ritorn medja tal-UE.

Madankollu, anki jekk id-data dwar il-pajjiżi tal-Balkani tal-Punent titneħħa mid-data ta’ ritorn ġenerali tal-2017, għad hemm tnaqqis fir-rata ta’ ritorn minn 34,5 % fl-2016 għal 29,2 % fl-2017. Dan jista’ jiġi spjegat minn żieda proporzjonata fl-għadd ta’ deċiżjonijiet ta’ ritorn għal ċittadini ta’ pajjiżi ta’ oriġini, inqas kooperattivi, ta’ migranti irregolari lejn l-UE u li mhijiex tiġi mqabbla bir-ritorni effettivi. Dan jenfasizza b’mod ċar il-ħtieġa ta’ aktar sforz fl-Istati Membri sabiex jiġi żgurat li d-deċiżjonijiet ta’ ritorn jiġu implimentati b’mod effikaċi, billi tintuża l-ħidma taħt il-Qafas ta’ Sħubija bħala xprun u l-Gwardja Ewropea tal-Fruntiera u tal-Kosta bħala għodda ewlenija biex jitwettqu r-ritorni.

Filwaqt li l-iżgurar tal-kooperazzjoni tal-pajjiżi terzi fuq ir-riammissjoni taċ-ċittadini proprji għadu sfida għall-UE, l-2017 ra progress sinifikanti b’diversi arranġamenti prattiċi ġodda konklużi. Inkisbet il-mira stabbilita fil-pjan direzzjonali tal-Kummissjoni ta’ Diċembru tal-2017 biex jintlaħaq ftehim ma’ tliet pajjiżi sħab dwar l-arranġamenti għar-ritorn u r-riammissjoni 40 . Ir-reviżjoni proposta tal-Kummissjoni tal-leġiżlazzjoni dwar l-Uffiċjali ta’ Kollegament tal-Immigrazzjoni se tgħin biex tintensifika wkoll il-koordinazzjoni meħtieġa f’dan il-qasam 41 .

Bħala parti mill-proposta tagħha li temenda l-Kodiċi dwar il-Viżi 42 , il-Kummissjoni ipproponiet li jissaħħaħ l-użu tal-politika dwar il-viżi bħala għodda biex isir progress fil-kooperazzjoni dwar ir-ritorn u r-riammissjoni ma’ pajjiżi li mhumiex fl-UE. Se jiġu stabbiliti kundizzjonijiet aktar stretti għall-ipproċessar ta’ applikazzjonijiet għal viża għal ċittadini ta’ pajjiżi li mhumiex tal-UE li ma jikkooperawx b’mod sodisfaċenti dwar ir-ritorn u r-riammissjoni.

Madankollu, żieda sinifikanti fin-numru ta’ ritorni tiddependi l-ewwel u qabel kollox fuq l-impenn tal-Istati Membri f’din il-kooperazzjoni u fl-użu ta’ dawn l-istrumenti sal-potenzjal sħiħ tagħhom. S’issa, hemm varjazzjonijiet sinifikanti f’dan ir-rigward: filwaqt li xi Stati Membri qed jużaw l-istrumenti eżistenti b’mod proattiv u effettiv u b’hekk qed jibdew jaraw riżultati, oħrajn għad iridu jintegraw il-proċeduri l-ġodda fil-fluss tax-xogħol tagħhom u għadhom ma bdewx l-implimentazzjoni. Il-Kummissjoni u l-Aġenzija Ewropea għall-Gwardja tal-Fruntiera u tal-Kosta joffru appoġġ speċifiku lill-Istati Membri biex jagħmlu użu effettiv minn dawn l-arranġamenti l-ġodda, pereżempju billi jorganizzaw seminars ta’ tagħrif ma’ pajjiżi terzi dwar proċeduri ġodda. Xi azzjonijiet speċifiċi, bħall-istabbiliment ta’ pjattaformi elettroniċi (il-Pakistan) jew l-aġġornament ta’ dawk eżistenti (is-Sri Lanka), jew ta’ proċeduri għall-verifika tan-nazzjonalità b’mezzi elettroniċi (il-Bangladexx), għandhom jagħtu riżultati sinifikanti fuq medda twila ta’ żmien.

Għadd dejjem jikber ta’ operazzjonijiet ta’ ritorn ġew appoġġati operazzjonalment mill-Aġenzija Ewropea għall-Gwardja tal-Fruntiera u tal-Kosta: 111-il operazzjoni ġew organizzati jew ikkoordinati mill-Gwardja Ewropea tal-Fruntiera u tal-Kosta fl-2018 sal-aħħar ta’ April, imqabbla ma’ 39 għall-istess perjodu fl-2016 u 108 fl-2017 43 . Madankollu, jenħtieġ li l-Istati Membri jieħdu vantaġġ aħjar tal-mandat il-ġdid u estiż tal-Aġenzija dwar ir-ritorn. L-Istati Membri jridu jiżguraw ukoll li l-bżonnijiet dejjem ikbar jiġu korrisposti b’mod xieraq mill-kapaċità disponibbli biex jitwettqu r-ritorni, sabiex tiġi żgurata d-disponibbiltà fiżika tal-persuni ripatrijati, u biex jintużaw proċeduri ta’ ritorn rapidi u effiċjenti.

Bħala segwitu tal-impenn tagħha 44 biex trawwem iċ-ċarezza dwar ir-riskji possibbli tal-kriminalizzazzjoni għal dawk li jipprovdu għajnuna umanitarja ġenwina lill-migranti f’diffikultà, fit-3 ta’ Mejju, il-Kummissjoni organizzat l-ewwel skambju ta’ fehmiet mal-NGOs ewlenin involuti u l-Aġenzija għad-Drittijiet Fundamentali, sabiex ikun hemm fehim komuni tal-istat attwali u skambju dwar modi possibbli ’l quddiem.

Kruċjali għall-effettività tal-monitoraġġ tar-ritorni hija l-istatistika aktar dettaljata, frekwenti u f’waqtha dwar l-ażil u l-migrazzjoni ġestita, inkluż dwar ir-ritorn u r-riammissjoni. Tali statistika se tikkontribwixxu għal ħarsa ġenerali aktar komprensiva u regolari tas-sitwazzjoni fil-qasam tal-ażil u tal-migrazzjoni ġestita. Abbażi ta’ dan, kif imħabbar fir-rapport ta’ progress ta’ Novembru 2017 45 , il-Kummissjoni qed tipproponi li tindirizza l-aktar lakuni urġenti b’emenda fil-leġiżlazzjoni dwar l-istatistika dwar il-imigrazzjoni u l-protezzjoni internazzjonali 46 . Sabiex titjieb aktar il-kooperazzjoni rigward id-dħul iridu jintużaw l-inċentivi u l-ingranaġġi kollha tal-politiki interni u esterni tagħna.

5.ĠESTJONI MSAĦĦA TAL-FRUNTIERI ESTERNI

L-Aġenzija Ewropea għall-Gwardja tal-Fruntiera u l-Kosta għadha qed tappoġġa lill-Istati Membri permezz ta’ operazzjonijiet konġunti bejn ir-rotot migratorji prinċipali fil-Mediterran tal-Punent, Ċentrali u tal-Lvant u r-rotta tal-Balkani tal-Punent, bl-iskjerament ta’ aktar minn 1 300 gwardjan tal-fruntiera u persunal ieħor. L-Aġenzija offriet li tittriplika l-iskjeramenti operazzjonali tagħha fil-fruntieri tal-art tal-Greċja mal-Albanija u mal-Eks-Repubblika Jugoslava tal-Maċedonja.

Ġew identifikati lakuni serji fil-wegħdiet għall-attivitajiet operattivi tal-2018. Minkejja żewġ sejħiet imnedija fid-19 ta’ Jannar 2018 u t-23 ta’ Marzu 2018, ma kien hemm l-ebda titjib sinifikanti. L-impenji kollha magħmula sa tmiem April 2018 ikopru biss 49 % mill-ħtiġijiet operazzjonali identifikati mill-esperti u 44 % tal-assi tekniċi għall-attivitajiet fil-fruntieri tal-art fil-perjodu Mejju-Ġunju 2018. Għall-operazzjonijiet tal-fruntieri tal-baħar, ġew ipprovduti 85 % tal-esperti iżda 51 % biss tal-assi tekniċi.

B’dawn in-nuqqasijiet konsiderevoli hemm riskju li tkompli tiġi limitata serjament l-implimentazzjoni tal-attivitajiet ippjanati sa Diċembru tal-2018. Fis-17 ta’ April 2018, l-Aġenzija kellha laqgħa ta’ livell għoli mal-Istati Membri u l-Kummissjoni biex ittejjeb il-proċess annwali tal-impenji għall-2019 billi tinġieb aktar flessibbiltà u trasparenza u permezz tal-progress fit-tnedija tal-eżerċizzju ta’ impenji li jippermetti għal aġġustamenti possibbli u miżuri oħra ta' mitigazzjoni (bħall-użu ta’ kapaċitajiet tekniċi proprji).

Sat-30 ta’ April 2018, l-għadd totali ta’ gwardji tal-fruntieri “nominati” disponibbli għall-iskjerament mir-Riżerva ta' Reazzjoni Rapida se jkun ta’ 1 482, li jirrappreżenta 99 % tar-Riżerva. Żewġ Stati Membri biss kienu għadhom ma nnominawx gwardji tal-fruntieri. In-nuqqasijiet serji ta’ Riżerva Ewropea ta' Tagħmir għal Reazzjoni Rapida għadhom ma ġewx indirizzati mill-Istati Membri mill-aħħar rapport.

Fit-2 ta’ Mejju 2018, il-Kummissjoni adottat il-proposta tagħha għall-Qafas Finanzjarju Pluriennali għall-2021–2027. Din tipprevedi riżorsi sinifikanti biex tappoġġja l-iżvilupp futur tal-Gwardja Ewropea tal-Fruntiera u tal-Kosta, inkluż il-ħolqien ta’ korp permanenti ta’ 10 000 gwardjan tal-fruntieri għad-dispożizzjoni tal-Aġenzija Ewropea għall-Gwardja tal-Fruntiera u tal-Kosta, sabiex tkun tista’ ssir effettiva għal kollox fl-appoġġ tal-fruntiera esterna sikura tal-UE.

Il-passi li jmiss: ·L-Istati Membri għandhom jagħtu segwitu malajr u bis-sħiħ tar-rakkomandazzjonijiet li saru fl-eżerċizzju tal-Valutazzjonijiet tal-Vulnerabbiltà tal-2017; ·L-Istati Membri għandhom mingħajr dewmien jimlew il-lakuni fl-impenji tal-attivitajiet operazzjonali tal-Aġenzija Ewropea għall-Gwardja tal-Fruntiera u tal-Kosta ppjanati għall-2018 fil-fruntieri esterni tal-UE; ·L-Aġenzija Ewropea għall-Gwardja tal-Fruntiera u tal-Kosta fix-xhur li ġejjin tistabbilixxi strateġija teknika u operazzjonali għall-Ġestjoni Integrata Ewropea tal-Fruntieri u l-Istati Membri jiżguraw li jkollhom fis-seħħ strateġiji nazzjonali korrispondenti.

6.RILOKAZZJONI, RISISTEMAZZJONI, VIŻA U MEZZI LEGALI

Sal-aħħar ta’ Marzu 2018, l-applikanti eliġibbli kollha ġew rilokati mill-Greċja għal Stati Membri oħra, total ta’ 21 999 persuna, inklużi 546 minorenni mhux akkumpanjati għal 24 pajjiż 47 . Mill-Italja, sas-7 ta’ Mejju 2018, 12 691 persuna ġew rilokati (inklużi 256 minorenni mhux akkumpanjati), b’31 applikant (inklużi 26 minorenni mhux akkumpanjati) diġà ġew aċċettati għar-rilokazzjoni u qed jistennew li jiġu ttrasferiti. Erba’ talbiet ta’ rilokazzjoni għal minorenni mhux akkumpanjati ġew mibgħuta mill-Italja u għadhom ma ġewx imwieġba 48 . Ir-rilokazzjoni kienet waħda ta’ suċċess, b’mod ġenerali 96 % tal-persuni eliġibbli ġew rilokati.

F’Settembru 2017, fid-dawl tal-pressjoni migratorja li qed tkompli fuq il-Greċja u l-Italja, il-Kummissjoni talbet lill-Istati Membri kollha biex jikkunsidraw ikomplu r-rilokazzjoni fuq bażi volontarja, lil hinn mill-iskemi ta’ rilokazzjoni ta’ emerġenza, u impenjat ruħha li tipprovdi l-appoġġ finanzjarju meħtieġ. Il-Kummissjoni tinkoraġġixxi lill-Istati Membri kollha biex jimpenjaw ruħhom mal-Greċja u l-Italja u li jagħmlu użu minn din il-possibbiltà kif xieraq.

L-ewwel skema ta’ risistemazzjoni tal-UE ta’ Lulju 2015 49 waslet fi tmiema. L-għadd totali ta’ persuni risistemati skont l-iskemi ta’ risistemazzjoni fl-UE kollha sa minn dan iż-żmien, inklużi s-Sirjani li ġew risistemati mit-Turkija skont id-Dikjarazzjoni UE-Turkija, huwa ta’ 32 207. L-isforzi ta’ risistemazzjoni mill-Istati Membri issa huma ffukati fuq il-kisba tal-impenji li saru skont l-iskema l-ġdida tal-UE. B’deċiżjoni reċenti tal-gvern Ġermaniż li jwiegħed 10 200 post ta’ risistemazzjoni, 20 Stat Membru 50 wiegħdu aktar minn 50 000 post ta’ risistemazzjoni, li huwa l-ikbar l-impenn kollettiv tal-UE u l-Istati Membri tagħha dwar ir-risistemazzjoni sal-lum 51 . L-iskema hija appoġġjata minn EUR 500 miljun mill-baġit tal-UE, u 10 Stati Membri 52 diġà risistemaw 4 252 persuna taħt din l-iskema ta’ risistemazzjoni tal-UE. Dan jirrappreżenta progress sinifikanti, b’2 397 persuna li ġew risistemati sar-rapport ta’ progress ta’ Marzu.

Dan jinkludi persuni risistemati wara l-evakwazzjoni mil-Libja lejn in-Niġer u r-risistemazzjoni tas-Sirjani mit-Turkija skont id-Dikjarazzjoni bejn l-UE u t-Turkija 53 . Ir-risistemazzjoni mit-Turkija skont id-Dikjarazzjoni UE-Turkija miexja b’pass aktar bil-mod meta mqabbla mal-għadd rekord ta’ Sirjani risistemati fis-sajf tal-2017. Seba’ Stati Membri biss taw il-kontribut tagħhom għar-risistemazzjoni mit-Turkija s’issa din is-sena u l-ebda Stat Membru addizzjonali ma kkontribwixxa sa mill-aħħar rapport ta’ progress. Mir-rapport ta’ Marzu dwar il-progress, 837 Sirjan ġew risistemati u b’hekk it-total minn meta saret id-dikjarazzjoni tela’ għal aktar minn 13 313.

Il-Kummissjoni tappella lill-Istati Membri biex jimplimentaw 50 % tal-wegħdiet li saru taħt l-iskema l-ġdida tal-UE minn Ottubru, il-mira stabbilita fil-pjan direzzjonali tal-Kummissjoni ta' Diċembru 2017. Għandha ssir risistemazzjoni kostanti għar-reġjuni kollha ta’ prijorità b’enfasi urġenti fuq ir-risistemazzjoni tal-persuni evakwati mil-Libja lejn in-Niġer permezz tal-Mekkaniżmu ta’ Tranżitu ta’ Emerġenza.

Barra minn hekk, il-Kummissjoni qed tlesti studju dwar il-fattibiltà u l-valur mżjud tal-iskemi ta’ sponsorizzazzjoni bħala direzzjoni possibbli għal kanali sikuri għall-ammissjoni fl-UE, sabiex tiġi esplorata l-possibbiltà tal-appoġġ lill-Istati Membri fl-iżvilupp ulterjuri ta’ direzzjonijiet alternattivi legali għall-protezzjoni. L-istudju huwa mistenni li jkun iffinalizzat sa Lulju 2018.

Il-Kummissjoni kompliet tappoġġa lill-Istati Membri biex jiżviluppaw proġetti pilota għall-migrazzjoni legali ma’ pajjiżi Afrikani magħżulin. Fis-16 ta’ April, tnediet sejħa għal proposti taħt il-Faċilità tas-Sħubija għall-Mobilità 54 . Din is-sejħa hija apparti programm reġjonali ta’ EUR 15-il miljun li jappoġġa l-migrazzjoni legali fl-Afrika ta’ Fuq fir-reġjun li għandu jiġi adottat taħt il-Fond Fiduċjarju tal-UE għall-Afrika fit-tieqa li jmiss tal-Afrika ta’ Fuq fil-laqgħa tal-Kumitat Operattiv.

L-ewwel kwart tal-2018 ra l-bidu tal-implimentazzjoni tas-Sħubija (iffirmata f’Diċembru 2017) bejn il-Kummissjoni u l-imsieħba ekonomiċi u soċjali li jippromwovu l-integrazzjoni tar-refuġjati fis-suq tax-xogħol. Dan kien jinkludi skambji li jinvolvu l-imsieħba ekonomiċi u soċjali ma’ gruppi rilevanti bħan-netwerk tas-Servizz Pubbliku tal-Impjiegi, in-Netwerk Ewropew tal-Integrazzjoni u l-Kumitat tal-Fond Soċjali Ewropew. Fit-tieni nofs tal-2018 se jsir eżerċizzju ta’ rendikont sabiex jitkejjel il-progress miksub.

L-isforzi biex tiġi promossa l-integrazzjoni taċ-ċittadini ta’ pajjiżi terzi huma aktar u aktar rilevanti fid-dawl tar-riżultati tal-Istħarriġ Speċjali tal-Ewrobarometru dwar l-Integrazzjoni 55 (li sar fl-aħħar ta’ Ottubru 2017). Dan juri li maġġoranza kbira tal-Ewropej (69 %) iqisu l-integrazzjoni "bħala investiment neċessarju fuq perjodu ta’ żmien fit-tul għal pajjiżhom”. Erbgħa minn kull ħamsa minn dawk li wieġbu (u maġġoranza fl-Istati Membri kollha) jaraw li l-UE għandha rwol importanti fl-integrazzjoni tal-immigranti, b’valur miżjud partikolari għall-kondiviżjoni tal-aħjar prattiki fost l-Istati Membri, il-promozzjoni tal-kooperazzjoni bejn l-atturi kollha involuti u l-għoti ta’ appoġġ finanzjarju. L-integrazzjoni b’suċċess ta’ għadd kbir ta’ refuġjati u persuni li jfittxu l-ażil rikonoxxuti li qed jistennew l-eżitu tal-applikazzjoni tagħhom se teħtieġ investiment xieraq fis-snin li ġejjin.

7.KONKLUŻJONIJIET U PASSI LI JMISS

Dan ir-rapport juri li l-progress li sar matul l-aħħar sena b’mod ġenerali inżamm, u l-firxa ta’ miżuri stabbiliti qed ikomplu jipproduċu l-effetti tagħhom. Madankollu, l-esperjenza turi li l-flussi migratorji huma soġġetti għal varjazzjonijiet f’daqqa u qawwija. Barra minn hekk, il-pressjonijiet migratorji strutturali minn reġjuni ġirien lejn l-UE għadhom b’saħħithom. Għalhekk, is-sitwazzjoni tibqa’ fraġli u ma tagħti l-ebda lok għall-kompjaċenza. L-UE trid tkun viġilanti u mħejjija kif hemm bżonn biex tirrispondi għal kwalunkwe żidiet kbar jew ċaqliq staġonali fil-pressjoni, inkluż minn rotta għall-oħra.

F’din il-perspettiva, dan ir-rapport identifika oqsma fejn ir-rispons attwali jeħtieġ li jissaħħaħ. B’mod partikolari, il-Kummissjoni tinnota għal darb’ oħra l-ħtieġa li l-Istati Membri jimplimentaw l-impenji li għamlu biex jappoġġaw ix-xogħol essenzjali tal-Aġenzija Ewropea għall-Gwardja tal-Fruntiera u tal-Kosta fil-fruntieri esterni. Ir-rapport jenfasizza wkoll l-isfida taż-żieda fir-rata effettiva ta’ ritorn. Hemm ukoll setturi fejn huwa kruċjali li jiġu intensifikati l-isforzi biex jiġi kkonsolidat il-progress li sar sa issa: il-protezzjoni ta’ migranti u l-ġlieda kontra l-kuntrabandu fil-Libja u tul ir-rotta tal-Mediterran Ċentrali, ir-risistemazzjoni u l-implimentazzjoni tad-Dikjarazzjoni bejn l-UE u t-Turkija. F’dan ir-rigward, il-Fond Fiduċjarju tal-UE għall-Afrika u l-Faċilità għar-Refuġjati fit-Turkija taw prova li huma għodod effettivi u rapidi iżda is-suċċess kontinwu tagħhom se jirrikjedi livell adegwat ta’ finanzjament mill-Istati Membri wkoll. UE li titkellem b’leħen wieħed fil-fora internazzjonali tibqa’ kruċjali biex jinkisbu riżultati effettivi u biex jiġu appoġġati d-djalogi eżistenti reġjonali, kontinentali u globali dwar il-migrazzjoni. Il-Kummissjoni tenfasizza wkoll l-importanza tat-tkomplija ta’ koordinazzjoni regolari u effikaċi tal-ġestjoni tal-migrazzjoni, kemm fl-Istituzzjonijiet tal-UE kif ukoll fl-Istati Membri u l-pajjiżi sħab.

Dan ir-rapport ta’ progress jenfasizza mill-ġdid l-importanza ta’ approċċ komprensiv tal-UE għall-ġestjoni tal-migrazzjoni. L-aġenda Ewropea dwar il-Migrazzjoni hija bbażata fuq sett ta’ għanijiet li jirrinfurzaw lil xulxin li flimkien joffru tweġiba stabbli fit-tul għall-isfida tal-migrazzjoni. Is-Sistema Ewropea Komuni tal-Ażil riformata hija parti ċentrali ta’ dan l-approċċ, u l-importanza li jintlaħaq ftehim malajr kemm jista’ jkun dwar ir-riforma ma tistax tiġi stmata żżejjed. Flimkien mal-enfasi importanti fuq il-migrazzjoni u l-ġestjoni tal-fruntieri fil-Qafas Finanzjarju Pluriennali propost 56 , is-Sistema Ewropea Komuni tal-Ażil riformata hija essenzjali biex ikun żgurat li l-UE tkun ippreparata sew biex tittratta l-kriżijiet migratorji futuri.

Il-Kunsill Ewropew li jmiss f’Ġunju se jkollu diskussjoni fuq l-ilħuq ta’ qbil dwar il-politika ta’ migrazzjoni interna u esterna, li l-Kummissjoni se tikkontribwixxi għaliha.

(1)      COM(2018) 250 final tal-14.03.2018.

(2)      COM(2017) 820 final tal-7.12.2017.

(3)      Ara, pereżempju żewġ pubblikazzjonijiet mill-Kummissjoni Ewropea, iċ-Ċentru Konġunt tar-Riċerka: Demographic and Human Capital Scenarios for the 21st Century: 2018 assessment for 201 countries, u Many more to come? Migration from and within Africa (l-Uffiċċju tal-Pubblikazzjonijiet tal-Unjoni Ewropea, Il-Lussemburgu, 2018).

(4)      Data mill-Pulizija Griega.

(5)      Data mill-Aġenzija Ewropea għall-Gwardja tal-Fruntiera u tal-Kosta.

(6)      Data mill-Pulizija Griega.

(7)      Sors: Proġett tal-IOM dwar Migranti Neqsin ( https://missingmigrants.iom.int/region/mediterranean ).

(8)      Data mill-Aġenzija Ewropea għall-Gwardja tal-Fruntiera u tal-Kosta.

(9)      Data mill-Ministeru Taljan għall-Intern.

(10)      Data mill-IOM li tkopri mill-1 ta’ Jannar sal-31 ta’ Marzu 2018. https://www.iom.int/sites/default/files/situation_reports/file/libya_sr_20180301-31.pdf  

(11)      Data mill-Aġenzija Ewropea għall-Gwardja tal-Fruntiera u tal-Kosta, li tkopri l-wasliet bil-baħar fil-Mediterran tal-Punent.

(12)      Data mill-Fond tan-Nazzjonijiet Uniti għat-Tfal - UNICEF.

(13)      Data pprovduta mill-Uffiċċju Ewropew ta' Appoġġ fil-qasam tal-Ażil

(14)     https://data2.unhcr.org/en/documents/download/63435 .

(15)      COM(2017) 211 final tal-12.4.2017.

(16)      COM(2018) 303 final tal-16.05.2018.

(17)      COM(2018) 302 final tal-16.05.2018.

(18)      Data mingħand il-Ministeru tal-Intern Grieg, iċ-Ċentru Nazzjonali ta’ Koordinazzjoni għall-Kontroll tal-Fruntieri, l-Immigrazzjoni u l-Ażil (NCCBCIA-ESKESMA).

(19)    Id-detalji sħaħ jinsabu fit-tabbella tal-proġetti onlajn https://ec.europa.eu/neighbourhood-enlargement/sites/near/files/facility_table.pdf .

(20)      57 espert nazzjonali mill-Istati Membri se jintbagħtu mal-Uffiċċju Ewropew ta’ Appoġġ għall-Ażil biex jappoġġaw l-implimentazzjoni tad-Dikjarazzjoni UE-Turkija fil-Greċja.

(21)      Dawn seħħu fil-15 ta’ Marzu 2018 f’Ruma (l-appoġġ għall-Forzi Armati Libaniżi u l-Forzi tas-Sigurtà Interna) u fis-6 ta’ April 2018 f’Pariġi (l-appoġġ għall-investiment u r-riformi ekonomiċi).

(22)      Ara COM(2018) 450 final tas-17.4.2018 u r-rapporti tal-pajjiżi individwali. L-inizjattiva ewlenija 2 (“It-tisħiħ tal-impenn dwar is-sigurtà u l-migrazzjoni”) tal-Istrateġija għall-Balkani tal-Punent (COM(2018) 65 final tas-6.2.2018) ikkonfermat l-impenn li titkompla l-kooperazzjoni u l-kondiviżjoni tal-informazzjoni tul ir-rotta. Dan se jservi bħala bażi għall-azzjonijiet speċifiċi li l-UE se tieħu fis-snin li ġejjin biex tappoġġa l-pajjiżi tar-reġjun.

(23)

     Għall-perjodu 2014-2020, dan jammonta għal EUR 387,7 miljun taħt il-Fond għall-Ażil, il-Migrazzjoni u l-Integrazzjoni, inklużi EUR 43,6 miljun għal rilokazzjoni/risistemazzjoni, u EUR 266 miljun taħt il-Fond għas-Sigurtà Interna, li minnhom EUR 201,5 miljun huma għall-Fruntieri u l-Viża u EUR 64,5 miljun għall-Pulizija.

(24)       https://blogs.unicef.org/blog/invisible-child-migrants-libya/  

(25)    Aktar informazzjoni hija disponibbli fi http://tec.ly/ .

(26)     https://eeas.europa.eu/headquarters/headquarters-homepage/40705/joint-au-eu-un-taskforce-assists-16000-people_en  

(27)    COM(2017) 820 final tal-7.12.2017.

(28)      Mill-bidu tal-evakwazzjonijiet mil-Libja fi tmiem l-2017, total ta’ 1 474 persuna ġew evakwati lejn in-Niġer (1 152); L-Italja (312), u ċ-Ċentru ta’ Tranżitu tal-Emerġenza fir-Rumanija (10).

(29)      Lejn Franza, il-Ġermanja, in-Netherlands, l-Iżvezja, il-Finlandja, l-Iżvizzera u l-Kanada.

(30)      Lejn Franza, l-Iżvezja, u l-Iżvizzera.

(31)      Barra minn hekk, Franza risistemat ukoll 97 refuġjat li kienu diġà rreġistrati fin-Niġer u 42 persuna ġew risistemati mil-Libja direttament fi Franza, l-Iżvezja u n-Netherlands.

(32)      L-Istati ta’ risistemazzjoni tal-UE u mhux tal-UE (Franza, il-Kanada, il-Ġermanja, il-Finlandja, in-Netherlands, l-Iżvizzera, l-Iżvezja, ir-Renju Unit) s’issa ressqu 2 680 impenn għar-risistemazzjoni min-Niġer (għal persuni evakwati mil-Libja kif ukoll għal refuġjati li jkunu diġà ġew irreġistrati fin-Niġer).

(33)      Saret missjoni fuq il-post fin-Niġer fil-qafas tal-Grupp Ristrett dwar ir-risistemazzjoni mtejba tul il-Mediterran Ċentrali, bil-parteċipazzjoni ta’ għadd ta’ stati ta’ risistematizzazzjoni u l-Kummissjoni Ewropea, li saret mid-9 sal-11 ta’ April biex tkompli tintensifika l-ħidma f’dan il-qasam.

(34)      It-Task Force Unjoni Afrikana-UE-Nazzjonijiet Uniti twaqqfet fil-marġni tal-ħames summit bejn l-Unjoni Afrikana u l-Unjoni Ewropa li sar fid-29 u t-30 ta’ Novembru 2017 f’Abidjan, fil-Kosta tal-Avorju.

(35)      Il-maġġoranza tal-proposti (EUR 2,5 biljuni) huma għat-tieqa tal-intrapriżi mikro, żgħar, u ta’ daqs medju (15-il proposta) u t-tieqa tal-enerġija sostenibbli u l-konnettività (15-il proposta). Barra minn hekk, proposti għal aktar minn EUR 1 biljun, ġew riċevuti għat-tliet twieqi l-oħra: l-agrikoltura sostenibbli, l-intraprendituri rurali u l-kummerċ agrikolu, l-ibliet sostenibbli, u d-diġitali għall-iżvilupp.

(36)      Il-Konferenza adottat Dikjarazzjoni: http://europa.eu/rapid/press-release_STATEMENT-18-2067_en.htm .  

(37)      https://ec.europa.eu/home-affairs/sites/homeaffairs/files/20180503_declaration-and-action-plan-marrakesh_en.pdf

(38)      Iċ-ċittadini Alġerini jużaw kemm ir-rotta Ċentrali (1 980 wasla fl-2017, 114 fl-ewwel kwart tal-2018), kif ukoll ir-rotta tal-Mediterran tal-Punent (3 687 wasla fl-2017 u 125 fl-ewwel kwart tal-2018).

(39)      Ir-rata ta’ ritorn hija l-proporzjon bejn l-għadd ta’ persuni li tinħarġilhom deċiżjoni ta’ ritorn u l-għadd ta’ persuni mibgħuta lura effettivament (irrispettivament minn jekk ir-ritorn huwiex volontarju jew sfurzat).

(40)      Il-kooperazzjoni dwar il-migrazzjoni mal-pajjiżi Asjatiċi qed tkompli turi xejra pożittiva. Serje ta’ laqgħat importanti seħħew mal-Afganistan, il-Pakistan u l-Bangladexx. Riżultati konkreti jinkludu pjattaforma elettronika għall-ipproċessar ta’ applikazzjonijiet ta’ riammissjoni mal-Pakistan u operazzjonijiet ta’ ritorn skont il-Proċeduri Operattivi Standard mal-Bangladexx. Djalogi qed jitwettqu biex jiġi stabbilit livell simili ta’ kooperazzjoni ma’ pajjiżi fosthom it-Tuneżija u n-Niġerja.

(41)      COM(2018) 303 final tal-16.5.2018.

(42)      COM(2018) 252 final tal-14.3.2018.

(43)      Data disponibbli mill-Applikazzjoni għar-Ritorn tal-Frontex.

(44)      SWD (2017) 117 final tat-22.3.2017 u COM (2017) 558 final tas-27.9.2017.

(45)    COM(2017) 669 final tal-15.11.2017.

(46)      COM(2018) 307 tas-16.05.2018.

(47)      Il-Belġju, il-Bulgarija, il-Kroazja, Ċipru, ir-Repubblika Ċeka, l-Estonja, il-Finlandja, Franza, il-Ġermanja, l-Irlanda, il-Latvja, il-Litwanja, il-Liechtenstein, il-Lussemburgu, Malta, in-Netherlands, in-Norveġja, il-Portugall, ir-Rumanija, is-Slovakkja, is-Slovenja, Spanja, l-Iżvezja, l-Iżvizzera.

(48)      Intbagħtet talba lill-Portugall.

(49)      Il-konklużjonijiet tal-Kunsill (“dwar ir-risistemazzjoni, permezz ta’ skemi multilaterali u nazzjonali ta’ 20 000 persuna fi bżonn ċar ta’ protezzjoni internazzjonali”) ta’ 20.7.2015, dokument 11130/15.

(50)      Il-Belġju, il-Bulgarija, il-Kroazja, Ċipru, l-Estonja, il-Finlandja, Franza, il-Ġermanja, l-Irlanda, l-Italja, il-Litwanja, il-Lussemburgu, Malta, in-Netherlands, il-Portugall, ir-Rumanija, is-Slovenja, Spanja, l-Iżvezja, ir-Renju Unit.

(51)      Ir-rakkomandazzjoni, C(2017) 6504 tas-27.9.2017, sejħet għal mill-anqas 50 000 persuna fil-bżonn ta’ protezzjoni internazzjonali biex jiġu risistemati sal-31 ta’ Ottubru 2019.

(52)      Il-Belġju, il-Kroazja, il-Finlandja, Franza, l-Italja, il-Litwanja, in-Netherlands, il-Portugall, Spanja, l-Iżvezja.

(53)      L-Istati Membri sa issa risistemaw minn aktar minn 25 pajjiż terz. L-ogħla għadd ta’ risistemazzjonijiet s’issa saru mil-Libanu, it-Turkija, il-Ġordan, l-Uganda, iċ-Chad u n-Niġer.

(54)    https://www.icmpd.org/our-work/capacity-building/multi-thematic-programmes/mobility-partnership-facility-mpf/pilot-projects-on-legal-migration-call-for-proposals-application-package/

(55)    http://ec.europa.eu/commfrontoffice/publicopinion/index.cfm/survey/getsurveydetail/instruments/special/surveyky/2169

(56)      Baġit Modern għal Unjoni li Tipproteġi, Tagħti s-Setgħa u Tiddefendi — Il-Qafas Finanzjarju Pluriennali għall-2027–2021. COM(2018) 321 final tal-2.5.2018.