Skont l-Artikolu 9(1)(a) tar-Regolament tal-Kunsill (KEE) Nru 2658/87 (1), in-Noti ta’ Spjega għan-Nomenklatura Magħquda tal-Unjoni Ewropea (2) qed jiġu emendati kif ġej:

Fil-paġna 95, bejn in-nota ta’ spjega għas-subintestatura tan-NM “2103 90 30 Morr aromatiku ta’ saħħa alkoħolika bil-volum ta’ 44,2 sa 49,2 % vol li fih minn 1,5 sa 6 % tal-piż ġenzjan, ħwawar u ingredjenti varji u minn 4 sa 10 % zokkor, f’kontenituri li jesgħu 0,5 litru jew inqas” u n-noti ta’ spjega għas-subintestatura tan-NM “2104 Sopop u brodi u preparazzjonijiet tagħhom; preparazzjonijiet tal-ikel komposti omoġenizzati”, jiddaħħal it-test li ġej:

“2103 90 90

Oħrajn

Din is-subintestatura tinkludi l-prodotti, li inkella jaqgħu taħt il-Kapitolu 22, ippreparati għal skopijiet kulinarji u li b’hekk ikunu saru mhux adattati għall-konsum bħala xorb.

Din is-subintestatura tinkludi b’mod partikolari “likuri għat-tisjir” li huma prodotti li fil-lingwaġġ ta’ kuljum jissejħu “inbejjed għat-tisjir”, “Port għat-tisjir”, “Cognac għat-tisjir” u “brandy għat-tisjir”. L-inbejjed għat-tisjir jikkonsistu minn inbid ordinarju jew minn inbid dealkoħolizzat, jew minn taħlita tat-tnejn, li magħhom ikun ġie miżjud il-melħ, jew kombinazzjoni ta’ diversi ħwawar (eż. melħ u bżar), li jagħmlu l-prodott mhux adattat għall-konsum bħala xarba. B’mod ġenerali, dawk il-prodotti fihom mill-inqas 5 g/l ta’ melħ.”

(1) Ir-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).