3.2.2017   

MT

Il-Ġurnal Uffiċjali tal-Unjoni Ewropea

C 35/3

Noti ta’ Spjegazzjoni għan-Nomenklatura Magħquda tal-Unjoni Ewropea

(2017/C 35/04)

Skont it-tieni inċiż tal-Artikolu 9(1)(a) tar-Regolament tal-Kunsill (KEE) Nru 2658/87 (1), in-Noti ta’ Spjegazzjoni għan-Nomenklatura Magħquda tal-Unjoni Ewropea (2) huma b’dan emendati kif ġej:

Fil-paġna 368 jiddaħħal dan it-test:

“8802 11 00

Ta’ piż mingħajr tagħbija li ma jaqbiżx l-2 000 kg

Dan is-subtitolu jkopri l-ħelikopters multirotor (l-hekk imsejħa “drons”) ta’ qisien differenti li jaħdmu b’mod awtonomu (id-destinazzjoni tkun ipprogrammata minn qabel) jew jiġu ggwidati mill-utent mill-bogħod.

Iżda jekk dawn ikunu xorta ta’ ġugarell jew ta’ mudell li jintuża għall-passatemp, jiġu kklassifikati taħt it-titolu 9503. Ara n-noti ta’ Spjegazzjoni għan-Nomenklatura Magħquda għal dak it-titolu.”

Fil-paġna 381:

9503 00

Triċikletti, skuters, karozzi tal-pedali u ġugarelli bir-roti simili; karozzelli tal-pupi; pupi; ġugarelli oħra; mudelli f’qies imċekken (“skala”) u mudelli ta’ rikreazzjoni simili, jaħdmu jew le; logħob ta’ taħbil il-moħħ ta’ kull tip

it-test: “2. dgħajjes li jintefħu biex it-tfal jilagħbu fihom.”

huwa sostitwit b’dan li ġej:

“2.

dgħajjes li jintefħu maħsubin biex jilagħbu fihom it-tfal;”

3.

Ħelikopters multirotor (l-hekk imsejħa “drons”) Wieħed jiddistingwi bejn dawn u l-oġġetti tat-titolu 8802 pereżempju minħabba l-ħeffa fil-piż tagħhom, u minħabba l-għoli, id-distanza jew iż-żmien limitat tat-titjir, il-veloċità massima tagħhom, il-fatt li mhumiex kapaċi jtiru b’mod awtonomu, u l-fatt li mhumiex kapaċi jerfgħu tagħbija jew merkanzija.

Dawn jiġu kkontrollati mill-bogħod faċilment u mhumiex mgħammra b’apparat elettroniku sofistikat (eż. Sistemi ta’ lokalizzazzjoni bis-satellita (GPS), rekwiżiti għal titjiriet billejl/viżibbiltà billejl).”

(1)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).

(2)  ĠU C 76, 4.3.2015, p. 1.