IL-KUMMISSJONI EWROPEA

Brussell, 23.11.2017

COM(2017) 772 final

2017/0309(COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

li temenda d-Deċiżjoni Nru 1313/2013/UE dwar Mekkaniżmu tal-Unjoni għall-Protezzjoni Ċivili

MEMORANDUM TA’ SPJEGAZZJONI

1.IL-KUNTEST TAL-PROPOSTA

•Ir-raġunijiet għall-proposta u l-objettivi tagħha

•Il-konsistenza mad-dispożizzjonijiet ta’ politika eżistenti fil-qasam ta’ politika

Din il-proposta tikkontribwixxi għal waħda mill-għaxar prijoritajiet politiċi stabbiliti mill-Kummissjoni għall-perjodu bejn l-2015 u l-2019, jiġifieri għall-ksib ta’ “Żona ta’ Ġustizzja u Drittijiet Fundamentali Bbażata fuq il-Fiduċja Reċiproka”. Il-fiduċja reċiproka hija mnaqqxa fil-prinċipju tas-solidarjetà, li jirfed id-Deċiżjoni Nru 1313/2013/UE, u taħt din il-proposta se tiġi msaħħa, flimkien mal-prinċipji tar-responsabbiltà u l-akkontabbiltà kondiviża.

Il-bidliet proposti huma kompletament konsistenti mal-objettiv usa’ tal-ħidma lejn “Ewropa li tipproteġi”, li ggwida l-isforzi tal-Kummissjoni matul l-aħħar snin, u se jkompli jagħmel dan fis-snin li ġejjin. Din il-proposta tibni fuq ir-riżultati pożittivi li pproduċa l-qafas s’issa, u għandha l-għan li tikkoreġi n-nuqqasijiet b’dispożizzjonijiet rinfurzati sabiex tkompli tappoġġa, tikkoordina u tikkumplimenta l-azzjoni tal-Istati Membri f’dan il-qasam.

•Il-konsistenza ma’ politiki oħrajn tal-Unjoni

L-azzjonijiet previsti taħt l-UCPM rivedut huma konformi mal-objettiv globali tal-Unjoni biex jiġi żgurat li l-politiki u l-istrumenti kollha rilevanti tal-UE jikkontribwixxu għar-rinfurzar tal-kapaċitajiet tal-Unjoni f’termini ta’ ġestjoni tar-riskju ta’ diżastri, mill-prevenzjoni ta’ diżastri, għat-tħejjija u r-rispons għal diżastri u l-irkupru minnhom. Huma jirriflettu wkoll l-objettiv stipulat fl-Artikolu 3(3) tat-Trattat dwar l-Unjoni Ewropea dwar l-appoġġ tas-solidarjetà fost l-Istati Membri.

Qed tingħata attenzjoni speċjali b’mod partikolari biex tiġi żgurata l-koordinazzjoni mill-qrib u l-konsistenza ma' azzjonijiet imwettqa taħt politiki oħra tal-UE, bħall-adattament għat-tibdil fil-klima, u strumenti li jaġixxu fil-qasam tal-prevenzjoni tad-diżastri u t-tnaqqis tar-riskju ta’ diżastri, bħall-koeżjoni, l-iżvilupp rurali, ir-riċerka, is-saħħa, kif ukoll il-migrazzjoni u l-politiki ta’ sigurtà. Bl-istess mod, il-proposta tfittex li tistabbilixxi sinerġiji aktar b’saħħithom mal-politika tal-għajnuna umanitarja, b’mod partikolari bħala rispons għall-emerġenzi barra mill-Unjoni.

Bħalissa ma hemm l-ebda att leġiżlattiv taħt politiki oħra tal-Unjoni li jista’ jikseb l-objettivi li qed tfittex li tilħaq din il-proposta. B’hekk ma jeħtieġ li jkun hemm ebda duplikazzjoni ta’ azzjonijiet fil-qasam.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

Il-bażi ġuridika għal din il-proposta hija l-Artikolu 196 tat-Trattat dwar il-Funzjonament tal-Unjoni Ewropea.

•Is-sussidjarjetà (għall-kompetenzi mhux esklużivi)

•Proporzjonalità

•L-għażla tal-istrument

3.IR-RIŻULTATI TAL-EVALWAZZJONIJIET EX POST, IL-KONSULTAZZJONIJIET MAL-PARTIJIET IKKONĊERNATI U L-VALUTAZZJONIJIET TAL-IMPATT

•Il-Konsultazzjonijiet mal-partijiet ikkonċernati

In-nuqqasijiet li din il-proposta għandha l-għan li tittratta ġew identifikati mill-esperjenza operazzjonali, kif ukoll mir-riżultati tal-konsultazzjoni komprensiva mal-partijiet ikkonċernati li twettqet reċentement fil-qafas tal-Evalwazzjoni Interim tal-UCPM 7 . L-objettiv ġenerali ta' din il-konsultazzjoni kien li l-partijiet ikkonċernati kollha jingħataw l-opportunità li jesprimu l-fehmiet tagħhom dwar il-prestazzjoni tal-UCPM matul l-ewwel nofs tal-implimentazzjoni tiegħu. L-objettivi speċifiċi kienu li:

(a)Jinġabru l-fehmiet u l-opinjonijiet taċ-ċittadini Ewropej dwar ir-riżultati li l-UCPM irnexxielu jikseb s’issa;

(b)Tiġi ddeterminata l-importanza tal-prijoritajiet differenti għall-ġestjoni tar-riskju ta’ diżastri kif dawn huma mifhuma mal-UE kollha;

(c)Jinkisbu feedback u konsulenza teknika speċifiċi mill-partijiet ikkonċernati ewlenin tal-UCPM;

(d)Tinġabar evidenza biex tappoġġa l-evalwazzjoni interim tal-UCPM għal kull waħda mill-kriterji ta’ evalwazzjoni ewlenin.

Matul l-attivitajiet ta’ konsultazzjoni ġew indirizzati erba’ gruppi ewlenin ta’ partijiet ikkonċernati:

–Entitajiet li qed jimplimentaw l-UCPM: Awtoritajiet tal-protezzjoni ċivili tal-Istati Membri li jikkontribwixxu permezz ta’ moduli u/jew esperti għall-Kapaċità Ewropea ta’ Rispons f’każ ta’ Emerġenza; awtoritajiet tal-protezzjoni ċivili oħra tal-Istati Membri; l-awtoritajiet tal-protezzjoni ċivili ta’ Stati Parteċipanti 8 .

–Entitajiet affettwati mill-UCPM: Pajjiżi ospitanti li rċevew appoġġ mill-UCPM (l-UE, il-Pajjiżi tal-Adeżjoni, il-pajjiżi Ewropej tl-Viċinat u pajjiżi terzi oħra), il-Parlament Ewropew, il-Kumitat tar-Reġjuni, l-awtoritajiet lokali.

–Entitajiet b'interess iddikjarat fl-UCPM: Awtoritajiet oħra tal-Istati Membri, awtoritajiet oħra tal-Istati Parteċipanti, aġenziji tan-NU, il-Bank Dinji, NGOs, is-Settur Privat, Fondazzjonijiet, eċċ.

–Entitajiet li għandhom l-għarfien rilevanti għall-UCPM (jiġifieri il-ġestjoni tar-riskju ta’ diżastri): Universitajiet/ċentri ta’ eċċellenza u gruppi ta’ riflessjoni, l-aktar fl-Istati Parteċipanti.

•Il-ġbir u l-użu tal-kompetenzi

L-Evalwazzjoni Interim li tirfed din il-proposta twettqet minn evalwatur estern bejn Settembru 2016 u Ġunju 2017. Din kienet ibbażata fuq dak li ntqal matul id-diskussjonijiet mal-Istati Parteċipanti (il-Kumitat tal-Protezzjoni Ċivili, il-Grupp ta’ Ħidma tal-Kunsill tal-Protezzjoni Ċivili, u l-laqgħat tad-Diretturi Ġenerali) u qieset l-informazzjoni miksuba permezz ta’ Konsultazzjoni Pubblika Miftuħa, ir-rapport speċjali dwar l-UCPM tal-Qorti Ewropea tal-Awdituri (il-QEA) u r-Rapport tal-Kummissjoni dwar il-progress li sar u n-nuqqasijiet li fadal fl-EERC.

L-evalwazzjoni tikkonsisti minn tliet fażijiet:

(i)bidu, inkluż analiżi mhux fuq il-post tal-attivitajiet tal-UCPM u intervisti esplorattivi mal-uffiċjali tal-Kummissjoni;

(ii)riċerka, inkluż konsultazzjoni speċifika mal-partijiet ikkonċernati ewlenin tal-UCPM 9 permezz ta’ stħarriġ onlajn, intervisti wiċċ imb'wiċċ u bit-telefon, u tliet studji tal-każ (in-Nirien tal-Foresti ta’ Ċipru, l-Eżerċizzju Modulu tal-Estonja, il-Kriżi tal-Migrazzjoni).

(iii)analiżi u sinteżi, inkluż it-triangulazzjoni tad-data, l-elaborazzjoni tal-konklużjonijiet u r-rakkomandazzjonijiet, u l-abbozzar.

Barra minn hekk, saret Konsultazzjoni Pubblika Miftuħa (OPC) onlajn għal tliet xhur (bejn Novembru 2016 u Frar 2017), b’madwar 130 parteċipant mill-Ewropa kollha li pprovdew feedback dwar l-UCPM. Rapport dwar l-eżitu tal-OPC ġie ppubblikat fl-aħħar ta’ Marzu 2017 10 .

Valutazzjoni tal-impatt

Sa issa għadha ma twettqitx Valutazzjoni tal-Impatt li takkumpanja din il-proposta, minħabba li hemm urġenza kbira fl-implimentazzjoni tal-bidliet proposti minħabba nuqqasijiet f’kapaċitajiet kritiċi fil-livell Ewropew, li kienu evidenti b’mod partikolari fl-istaġun tat-tifi tan-nar tal-foresti tal-2017. Tali nuqqasijiet affettwaw b’mod sostanzjali r-rispons tal-UE għad-diżastri u wasslu għal għadd kbir ta’ diżgrazzji, impatti ekonomiċi qawwija u ħsara lill-ambjent.

•Idoneità u simplifikazzjoni regolatorja

Ir-reviżjoni proposta hija limitata fil-kamp ta’ applikazzjoni u n-natura tagħha, tibbilanċja l-interessi tal-Istati Membri, u hija proporzjonali għal dak li huwa meħtieġ fuq livell operazzjonali.

Minħabba li din hija reviżjoni ta’ biċċa leġiżlazzjoni eżistenti, il-Kummissjoni ħarset lejn opportunitajiet biex tissimplifika u tnaqqas il-piż. Filwaqt li, kif spjegat hawn taħt, ġew identifikati għadd ta’ azzjonijiet ta’ simplifikazzjoni, ma kienx possibbli li dawn jiġu kkwantifikati, minħabba d-disponibbiltà limitata ta’ data fil-perjodu ta’ żmien limitat.

Din il-proposta tneħħi l-burokrazija żejda billi tintroduċi referenza speċifika għall-użu ta’ ammonti ta’ unitajiet, ammonti b’rata fissa u rati fissi fir-rigward tal-kofinanzjament tal-kostijiet tat-trasport. Barra minn hekk, hija tissimplifika l-proċeduri amministrattivi eżistenti billi tissimplifika r-regoli ta’ kofinanzjament.

B’mod aktar ġenerali, din il-proposta tfittex li taġġorna l-proċeduri operazzjonali biex tiżgura li dawn ikunu xierqa għall-użu, rapidi u mhux kumplikati biex jinftehmu u jiġu applikati, u b’hekk jiġi żgurat li l-Istati Membri jkunu kapaċi jaċċessaw l-appoġġ u l-faċilitazzjoni mill-Mekkaniżmu tal-Unjoni meta dan ikun meħtieġ. Pereżempju, diżastri riċenti taw evidenza li l-Unjoni aktarx mhix mgħammra biżżejjed għal emerġenzi b’impatt wiesa’ u li jaffettwaw diversi Stati Membri fl-istess ħin (eż. nirien tal-foresti, avvenimenti tat-temp estremi, għargħar fuq skala kbira, terremoti, epidemiji (bħall-Ebola), attakki terroristiċi). F’tali ċirkostanzi, l-Istati Membri mhux dejjem ikunu kapaċi joffru l-assistenza tagħhom.

4.IMPLIKAZZJONIJIET BAĠITARJI

–ir-rinfurzar tal-kapaċità kollettiva tal-Istati Membri u tal-Unjoni biex jirrispondu għad-diżastri permezz tal-ħolqien ta’ riżerva ddedikata ta’ kapaċitajiet ta’ rispons, bil-kmand u l-kontroll f’idejn il-Kummissjoni (rescEU),

–rati ogħla ta’ kofinanzjament (75%) tal- kapaċitajiet li jkunu għad-dispożizzjoni tar-riżerva Ewropea. Dan jinkludi l-kosti tal-adattament, it-tiswija, it-trasport u l-kosti operazzjonali;

–it-tisħiħ tal-enfasi fuq il-prevenzjoni u t-tisħiħ tal-koerenza ma’ politiki tal-UE oħra ewlenin, u;

–it-tisħiħ tal-kooperazzjoni ma’ pajjiżi tal-viċinat.

5.ELEMENTI OĦRAJN

•Il-pjanijiet ta’ implimentazzjoni u l-arranġamenti dwar il-monitoraġġ, l-evalwazzjoni u r-rappurtar

•Spjegazzjoni fid-dettall tad-dispożizzjonijiet speċifiċi tal-proposta

–Il-ħolqien ta’ riżerva ddedikata ta’ assi: rescEU. Din il-proposta b’mod ċar tippermetti lill-Kummissjoni tikseb il-kapaċitajiet operazzjonali tagħha, u tistabbilixxi arranġamenti biex tiżgura l-aċċess rapidu għal dawn il-kapaċitajiet sabiex toħloq riżerva ddedikata ta’ assi li tgħin biex jiġu rimedjati n-nuqqasijiet eżistenti fil-livell nazzjonali. Il-kapaċitajiet mikrija jew mogħtija b’lokazzjoni permezz ta’ arranġamenti tal-UE jew miksuba kompletament bil-finanzjament tal-UE isiru parti minn rescEU. Il-kosti kollha ta’ dawn il-kapaċitajiet ikunu koperti kollha mill-finanzjament tal-UE, li se żżomm il-kmand u l-kontroll operazzjonali ta’ dawn l-assi, u ladarba l-Mekkaniżmu jkun ġie attivat tieħu deċiżjoni dwar l-użu tagħhom. L-identifikazzjoni ta’ kapaċitajiet addizzjonali se titwettaq b’konsultazzjoni ma’ grupp ta’ esperti tar-rescEU.

–Ir-rinfurzar tal-Kapaċità Ewropea għal Rispons f’każ ta’ Emerġenza, fejn l-Istati Membri minn qabel jistgħu jallokaw kapaċitajiet ta’ rispons nazzjonali (eż. id-detezzjoni u l-kampjunar CBRN, is-salvataġġ f’għargħar bl-użu ta’ dgħajjes jew kapaċitajiet oħra bħal laboratorji mobbli), se jkompli jkun parti ewlenija mill-UCPM u se jkun magħruf bħala r-“Riżerva Ewropea ta' Protezzjoni Ċivili”. Din il-proposta tirrevedi s-sistema ta’ inċentivi għall-impenjar ta’ assi fir-Riżerva Ewropea ta' Protezzjoni Ċivili permezz taż-żieda ta’ rati ta’ kofinanzjament, kif ukoll it-tipi ta’ kosti eliġibbli. Taħt il-proposta l-ġdida, b’mod partikolari, l-assi allokati għar-Riżerva Ewropea ta' Protezzjoni Ċivili se jibbenefikaw minn kopertura ta’ 75 % tal-kosti kollha mġarrba matul l-operazzjonijiet tal-UCPM fl-Unjoni, inkluż il-kosti ta’ adattament, tiswija, trasport u dawk operazzjonali.

2017/0309 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

li temenda d-Deċiżjoni Nru 1313/2013/UE dwar Mekkaniżmu tal-Unjoni għall-Protezzjoni Ċivili

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 196 tiegħu,

Wara li kkunsidraw il-proposta mill-Kummissjoni Ewropea,

Wara t-trażmissjoni tal-abbozz tal-att leġiżlattiv lill-parlamenti nazzjonali,

Wara li kkunsidraw l-opinjoni tal-Kumitat tar-Reġjuni,

Waqt li jaġixxu f’konformità mal-proċedura leġiżlattiva ordinarja,

Billi:

(1)Il-Mekkaniżmu tal-Unjoni għall-Protezzjoni Ċivili (“il-Mekkaniżmu tal-Unjoni”), irregolat mid-Deċiżjoni Nru 1313/2013/UE tal-Parlament Ewropew u tal-Kunsill 12 , isaħħaħ il-kooperazzjoni bejn l-Unjoni u l-Istati Membri u jiffaċilita l-koordinazzjoni fil-qasam tal-protezzjoni ċivili sabiex ir-rispons tal-Unjoni għal diżastri naturali u kkawżati mill-bniedem jittejjeb.

(2)Filwaqt li jirrikonoxxi r-responsabbiltà ewlenija tal-Istati Membri li jipprevjenu, jħejju u jirrispondu għal diżastri naturali u kkawżati mill-bniedem, il-Mekkaniżmu tal-Unjoni jippromwovi s-solidarjetà bejn l-Istati Membri f’konformità mal-Artikolu 3(3) tat-Trattat dwar l-Unjoni Ewropea.

(3)Id-diżastri naturali u kkawżati mill-bniedem jistgħu jolqtu kwalunkwe post fid-dinja, spiss mingħajr twissija. Kemm jekk ikunu naturali kif ukoll jekk ikkawżati mill-bniedem, dawn qed isiru dejjem aktar frekwenti, estremi u kumplessi, u ggravati mill-impatti tat-tibdil fil-klima, irrispettivament mill-fruntieri nazzjonali. Il-konsegwenzi umani, ambjentali u ekonomiċi li ġejjin minn dawn id-diżastri huma enormi.

(4)Reċentement ġie osservat li d-dipendenza fuq l-offerti volontarji tal-assistenza reċiproka, ikkoordinata u ffaċilitata mill-Mekkaniżmu tal-Unjoni, mhux dejjem tiżgura li jkun hemm biżżejjed kapaċitajiet disponibbli biex jiġu indirizzati l-bżonnijiet bażiċi tan-nies affettwati mid-diżastri b’mod sodisfaċenti, u lanqas li l-ambjent u l-proprjetà jkunu ssalvagwardjati kif xieraq. Dan ikun partikolarment il-każ meta l-Istati Membri jiġu affettwati simultanjament minn diżastri rikorrenti u l-kapaċità kollettiva ma tkunx biżżejjed.

(5)Il-prevenzjoni hija ta’ importanza ewlenija għall-protezzjoni kontra d-diżastri u teħtieġ azzjoni ulterjuri. Għal dan il-għan, jeħtieġ li, fuq bażi regolari, l-Istati Membri jikkondividu kemm il-valutazzjonijiet tar-riskju kif ukoll is-sommarji tal-ippjanar tal-ġesjoni tar-riskju ta’ diżastru tagħhom. Dan biex jiżguraw approċċ integrat tal-ġestjoni tar-riskju, li jorbot flimkien azzjonijiet ta’ prevenzjoni u tħejjija tar-riskju, u r-rispons għalih. Barra minn hekk, il-Kummissjoni jeħtieġ li tkun kapaċi titlob lill-Istati Membri jipprovdu pjanijiet ta’ prevenzjoni u tħejjija speċifiċi fir-rigward ta’ diżastri speċifiċi, b’mod partikolari bil-għan li jimmassimizzaw l-appoġġ globali tal-Unjoni għall-ġestjoni tar-riskju ta’ diżastri. Jeħtieġ li jitnaqqas il-piż amministrattiv u jissaħħu l-politiki ta’ prevenzjoni, inkluż billi jiġu żgurati rabtiet neċessarji ma’ politiki u strumenti ewlenin oħra tal-Unjoni, b’mod partikolari l-Fondi Strutturali u ta' Investiment Ewropej kif elenkati fil-premessa 2 tar-Regolament (UE) Nru 1303/2013 13 .

(6)Hemm bżonn li tiġi rinforzata l-abbiltà kollettiva għat-tħejjija u r-rispons għal diżastri, b’mod partikolari permezz tal-appoġġ reċiproku fl-Ewropa. Barra milli ssaħħaħ il-possibbiltajiet offruti diġà mill-Kapaċità Ewropea għal Rispons f’każ ta’ Emerġenza (l-“EERC” jew il-“konsorzju volontarju”), minn hawn ’il quddiem ir-“Riżerva Ewropea ta' Protezzjoni Ċivili”, il-Kummissjoni jeħtieġ ukoll li tistabbilixxi r-rescEU. Il-kapaċità rescEU jeħtieġ li tkun magħmula minn kapaċitajiet ta’ rispons għall-emerġenza għal rispons f’każ ta’ nirien tal-foresti, għargħar fuq skala kbira u terremoti, kif ukoll sptar fuq il-post u timijiet mediċi f’konformità mal-istandards tal-Organizzazzjoni Dinjija tas-Saħħa, li jistgħu jiġu mobilizzati b’mod rapidu.

(7)L-Unjoni jeħtieġ li tkun tista' tappoġġa lill-Istati Membri meta l-kapaċitajiet disponibbli ma jkunux biżżejjed biex dawn jippermettu rispons effettiv għal diżastri, billi tikkontribwixxi għall-finanzjament ta’ arranġamenti ta’ lokazzjoni jew kiri sabiex jiġi żgurat aċċess rapidu għal tali kapaċitajiet jew billi tiffinanzja l-akkwiżizzjoni tagħhom. Dan iżid sostanzjalment l-effettività tal-Mekkaniżmu tal-Unjoni, billi jiżgura d-disponibbiltà tal-kapaċitajiet f’każijiet fejn ir-rispons effettiv għad-diżastri ma kienx se jiġi żgurat, b’mod partikolari għal diżastri b’impatti wiesa’ li jaffettwaw għadd sinifikanti ta’ Stati Membri. L-akkwist ta’ kapaċitajiet tal-Unjoni jeħtieġ li jippermetti ekonomiji ta’ skala u koordinazzjoni aħjar fir-rispons għal diżastri.

(8)Ir-rinfurzar tar-Riżerva Ewropea ta' Protezzjoni Ċivili jeħtieġ titjib fil-finanzjament tal-Unjoni f’termini ta’ adattament u tiswija tal-kapaċitajiet, kif ukoll l-ispejjeż operazzjonali.

(9)Sabiex tissaħħaħ l-effiċjenza u l-effettività tat-taħriġ u l-eżerċizzji u tittejjeb il-kooperazzjoni bejn l-awtoritajiet u s-servizzi tal-protezzjoni ċivili nazzjonali tal-Istati Membri, jeħtieġ li jiġi stabbilit Netwerk tal-Għarfien tal-Protezzjoni Ċivili tal-Unjoni li jkun ibbażat fuq strutturi eżistenti.

(10)Sabiex jinkiseb il-funzjonament tal-kapaċità rescEU, jeħtieġ li jkunu disponibbli approprjazzjonijiet finanzjarji addizzjonali għall-finanzjament ta’ azzjonijiet taħt il-Mekkaniżmu tal-Unjoni.

(11)Hemm bżonn li l-proċeduri tal-Mekkaniżmu tal-Unjoni jiġu ssimplifikati sabiex jiġi żgurat li l-Istati Membri jkunu jistgħu jaċċessaw l-assistenza u l-kapaċitajiet meħtieġa sabiex jirrispondu għal diżastri naturali jew ikkawżati mill-bniedem malajr kemm jista’ jkun.

(12)Sabiex jiġi massimizzat l-użu ta’ strumenti ta’ finanzjament eżistenti u l-Istati Membri jiġu appoġġati fl-għoti tal-assistenza, b’mod partikolari fir-rispons għal diżastri barra mill-Unjoni, jeħtieġ li tkun prevista deroga għall-Artikolu 129(1) tar-Regolament (UE, Euratom) 966/2012 tal-Parlament Ewropew u tal-Kunsill 14 għal meta jingħata finanzjament skont l-Artikoli 21, 22 u 23 tad-Deċiżjoni Nru 1313/2013/UE.

(13)Huwa importanti li jiġi żgurat li l-Istati Membri jieħdu l-azzjonijiet kollha meħtieġa sabiex jipprevjenu b’mod effettiv id-diżastri naturali u kkawżati mill-bniedem u jimmitigaw l-effetti tagħhom. Id-dispożizzjonijiet jeħtieġ li jirrinforzaw ir-rabtiet bejn l-azzjonijiet ta’ prevenzjoni, preparazzjoni u rispons taħt il-Mekkaniżmu tal-Unjoni. Jeħtieġ ukoll li tiġi żgurata l-koerenza mal-leġiżlazzjoni l-oħra rilevanti tal-Unjoni dwar il-prevenzjoni u l-ġestjoni tar-riskju ta’ diżastri, inkluż għall-azzjoni ta’ prevenzjoni transfruntiera u r-rispons għal theddid bħal theddid transfruntier serju għas-saħħa 15 . Bl-istess mod, jeħtieġ li tiġi żgurata koerenza fl-impenji internazzjonali bħall-Qafas ta’ Sendai għat-Tnaqqis tar-Riskju ta’ Diżastri 2015-2030, il-Ftehim ta’ Pariġi u l-Aġenda 2030 għall-Iżvilupp Sostenibbli.

(14)Id-delega ta’ setgħat mogħtija lill-Kummissjoni mid-Deċiżjoni Nru 1313/2013/UE jeħtieġ li tiġi emendata, sabiex tippermetti kapaċità ta’ appoġġ ta’ emerġenza effettiva għall-Unjoni Ewropea (rescEU). Is-setgħa li tadotta l-atti f’konformità mal-Artikolu 290 tat-Trattat dwar il-Funzjonament tal-Unjoni Ewropea jeħtieġ li tiġi delegata lill-Kummissjoni sabiex tiddefinixxi t-tipi addizzjonali ta’ kapaċitajiet ta’ rispons abbażi tar-riskji identifikati u tqis approċċ ta’ perikli multipli.

(15)Billi l-objettivi ta’ din id-Direttiva ma jistgħux jintlaħqu b’mod suffiċjenti mill-Istati Membri weħidhom iżda pjuttost jistgħu, minħabba l-iskala jew l-effetti, jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, din id-Deċiżjoni ma tmurx lil hinn minn dak meħtieġ biex jintlaħqu dawk l-objettivi.

(16)Għalhekk id-Deċiżjoni Nru 1313/2013/UE jeħtieġ li tiġi emendata skond dan,

ADOTTAW DIN ID-DEĊIŻJONI:

Artikolu 1

Id-Deċiżjoni Nru 1313/2013/KE hija b’dan emendata kif ġej:

(1)L-Artikolu 3 jiġi emendat kif ġej:

(a) fil-paragrafu 1 jiddaħħal il-punt (e) li ġej:

“(e)li jiżdiedu d-disponibbiltà u l-użu tal-għarfien xjentifiku dwar id-diżastri.”

(b) il-punt (a) tal-paragrafu 2 jinbidel b’dan li ġej:

“(a)il-progress fl-implimentazzjoni tal-qafas ta’ prevenzjoni tad-diżastri: li jitkejjel bl-għadd ta’ Stati Membri li jkunu qiegħdu għad-dispożizzjoni tal-Kummissjoni il-valutazzjonijiet tar-riskju tagħhom, valutazzjoni tal-kapaċità ta’ ġestjoni tar-riskju tagħhom u sommarju tal-ippjanar tal-ġestjoni tad-diżastri kif imsemmi fl-Artikolu 6;”

(2)fl-Artikolu 4, jiżdied il-punt 12 li ġej:

“(12) Stat Parteċipanti” tfisser pajjiż terz li qed jipparteċipa fil-Mekkaniżmu tal-Unjoni f’konformità mal-Artikolu 28(1);”

(3)fl-Artikolu 5(1), il-punt (a) jinbidel b’dan li ġej:

“(a)tieħu azzjoni biex ittejjeb il-bażi ta’ għarfien fuq riskji ta’ diżastru u tiffaċilita l-kondiviżjoni ta’ għarfien, ir-riżultati tar-riċerka xjentifika, l-aħjar prattiki u l-informazzjoni, inkluż fost l-Istati Membri li jikkondividu riskji komuni.”

(4)L-Artikolu 6 jiġi emendat kif ġej:

(a)il-punti (a) u (b) jinbidlu b’dan li ġej:

“(a)jiżviluppaw valutazzjonijiet tar-riskju f’livell nazzjonali jew livell subnazzjonali adatt u jqegħduhom għad-dispożizzjoni tal-Kummissjoni sat-22 ta’ Diċembru 2018 u kull tliet snin wara dan;

(b)jiżviluppaw u jorqmu l-ippjanar tagħhom tal-ġestjoni tar-riskju ta’ diżastru f’livell nazzjonali jew livell subnazzjonali adatt fuq il-valutazzjonijiet tar-riskju msemmija fil-punt (a) u jqisu l-valutazzjoni tal-kapaċità tal-ġestjoni tar-riskju tagħhom imsemmija fil-punt (c) u l-perspettiva ġenerali tar-riskji msemmija fil-punt (c) tal-Artikolu 5(1).”

(b)jiżdied it-tieni subparagrafu li ġej:

“Il-Kummissjoni għandha tingħata sommarju tal-elementi rilevanti tal-ippjanar tal-ġestjoni tar-riskju, inkluż informazzjoni dwar il-miżuri ta’ prevenzjoni u tħejjija magħżula, sal-31 ta’ Jannar 2019 u kull tliet snin wara dan. Barra minn hekk, il-Kummissjoni tista' titlob lill-Istati Membri jipprovdu pjanijiet ta’ prevenzjoni u tħejjija speċifiċi, li għandhom ikopru kemm l-isforzi ta’ terminu qasir kif ukoll dawk ta’ terminu twil. L-Unjoni għandha tqis kif xieraq il-progress li jkunu għamlu l-Istati Membri fir-rigward tal-prevenzjoni u t-tħejjija tad-diżastri bħala parti minn kwalunkwe mekkaniżmu futur ta’ kondizzjonalità ex ante taħt il-Fondi Strutturali u ta' Investiment Ewropej.”

(c)jiżdied il-punt (e) li ġej:

“(e)Il-Kummissjoni tista’ tistabbilixxi wkoll mekkaniżmi ta’ konsultazzjoni speċifiċi biex ittejjeb l-ippjanar u ta’ prevenzjoni u tħejjija xieraq u l-koordinazzjoni fost l-Istati Membri esposti għal diżastri simili.”

(4)Fl-Artikolu 10, il-paragrafu 1 jinbidel b’dan li ġej:

“1.Il-Kummissjoni u l-Istati Membri għandhom jaħdmu flimkien biex itejbu l-ippjanar ta’ operazzjonijiet ta’ reazzjoni għad-diżastri taħt il-Mekkaniżmu tal-Unjoni, inkluż permezz tat-tħejjija ta’ xenarji għar-reazzjoni bbażati fuq il-valutazzjonijiet tar-riskju msemmija fil-punt (a) tal-Artikolu 6 u l-perspettiva ġenerali tar-riskji msemmija fil-punt (c) tal-Artikolu 5(1), l-immappjar tal-assi u l-iżvilupp ta’ pjani għall-mobilizzazzjoni tal-kapaċitajiet ta’ reazzjoni.”

(5)L-Artikolu 11 huwa emendat kif ġej:

(a)It-titolu jinbidel b’dan li ġej:

“Ir-Riżerva Ewropea ta' Protezzjoni Ċivili”

(b) il-paragrafi 1, u 2 jinbidlu b’dan li ġej:

“1.Għandha tiġi stabbilita Riżerva Ewropea ta' Protezzjoni Ċivili. Dan għandu jikkonsisti minn konsorzju ta’ kapaċitajiet ta’ reazzjoni impenjati minn qabel mill-Istati Membri u jinkludi moduli, kapaċitajiet oħra ta’ reazzjoni u esperti.

2.Abbażi tar-riskji identifikati, il-Kummissjoni għandha tidentifika t-tipi u l-għadd ta’ kapaċitajiet ta’ reazzjoni ewlenin meħtieġa għar-Riżerva Ewropea ta' Protezzjoni Ċivili (“miri tal-kapaċità”). Il-Kummissjoni għandha tissorvelja l-progress lejn il-miri tal-kapaċità u n-nuqqasijiet li jkun għad fadal u għandha tħeġġeġ lill-Istati Membri jindirizzaw tali nuqqasijiet. Il-Kummissjoni għandha tappoġġa lill-Istati Membri f’konformità mal-Artikolu 20, il-punt (i) tal-Artikolu 21(1) u l-Artikolu 21(2).”

(c)il-paragrafi 7 u 8 jinbidlu b’dan li ġej:

“7.Il-kapaċitajiet ta’ reazzjoni li l-Istati Membri jqiegħdu għad-dispożizzjoni tar-Riżerva Ewropea ta' Protezzjoni Ċivili għandhom ikunu disponibbli għall-operazzjonijiet ta’ reazzjoni taħt il-Mekkaniżmu tal-Unjoni wara talba għal assistenza permezz tal-ERCC, sakemm l-Istati Membri ma jkunux qed jaffaċċjaw xi sitwazzjoni eċċezzjonali li taffettwa b’mod sostanzjali t-twettiq tal-kompiti nazzjonali.

8.Fil-każ tal-mobilizzazzjoni ta’ tali reazzjoni, dawn għandhom jibqgħu taħt il-kmand u l-kontroll tal-Istati Membri li jagħmluhom disponibbli u jistgħu jiġu rtirati meta l-Istati membri jiġu ffaċċati b’sitwazzjonijiet eċċezzjonali li jaffettwaw b’mod sostanzjali t-twettiq tal-kompiti nazzjonali li jimpedixxuhom milli jżommu dawn il-kapaċitajiet ta’ reazzjoni disponibbli. F’tali każijiet, il-Kummissjoni għandha tiġi kkonsultata.

Il-koordinazzjoni tal-kapaċitajiet differenti ta’ reazzjoni għandha tkun iffaċilitata fejn meħtieġ mill-Kummissjoni permezz tal-ERCC f’konformità mal-Artikoli 15 u 16.

(d)jiżdied il-paragrafu 10 li ġej:

“10.Ir-referenzi għall-Kapaċità Ewropea ta’ Reazzjoni f’każ ta’ Emerġenza (l-EERC) u l-konsorzju volontarju għandhom jinftiehmu bħala referenza għar-Riżerva Ewropea ta' Protezzjoni Ċivili.”

(6)L-Artikolu 12 jinbidel b’dan li ġej:

“rescEU”

1.Ir-rescEU għandha tiġi stabbilita biex tipprovdi għajnuna fejn il-kapaċitajiet eżistenti ma jkunux qed jippermettu reazzjoni effettiva għal diżastri.

2.Ir-rescEU għandha tkun tikkonsisti mill-kapaċitajiet li ġejjin:

(a)    tifi tan-nar fil-foresti mill-ajru;

(b)    ippumpjar b’kapaċità qawwija;

(c)    tfittxija u salvataġġ urban;

(d)    sptar fuq il-post u timijiet mediċi ta’ emerġenza.

3.Il-Kummissjoni tista’ takkwista, tikri, tillokalizza u/jew b'mod ieħor tikkuntratta kapaċitajiet li jkunu se jiġu mobilizzati fil-każijiet imsemmija fil-paragrafu 1, f’konformità mar-regoli finanzjarji tal-Unjoni.

4.Abbażi tar-riskji identifikati u billi tqis l-approċċ ta’ periklu multiplu, il-Kummissjoni għandha tkun awtorizzata tadotta atti delegati f’konformità mal-Artikolu 30 biex tiddefinixxi t-tipi ta’ kapaċitajiet ta’ reazzjoni meħtieġa minbarra dawk identifikati fil-paragrafu 2 ta’ dan l-Artikolu u tirrevedi l-kompożizzjoni tar-rescEU skont dan. Għandha tiġi żgurata l-konsistenza ma’ politiki oħra tal-Unjoni.

Fejn, f’każ ta’ diżastru jew diżastru imminenti, raġunijiet imperattivi ta’ urġenza jkunu jirrikjedu dan, għandha tapplika l-proċedura prevista fl-Artikolu 31 għall-atti delegati adottati skont dan l-Artikolu.

5.Il-Kummissjoni għandha tistabbilixxi rekwiżiti ta’ kwalità għall-kapaċitajiet ta’ reazzjoni li jiffurmaw parti mir-rescEU. Ir-rekwiżiti ta’ kwalità għandhom ikunu bbażati fuq standards internazzjonali stabbiliti, meta tali standards ikunu diġà jeżistu.

6.Il-Kummissjoni għandha tiżgura d-disponibbiltà u l-mobilizzar tal-kapaċitajiet imsemmija fil-paragrafu 2 taħt il-Mekkaniżmu tal-Unjoni.

7.Il-kapaċitajiet tar-rescEU għandhom ikunu disponibbli għal operazzjonijiet ta’ reazzjoni taħt il-Mekkaniżmu tal-Unjoni wara talba għall-assistenza permezz tal-ERCC. Id-deċiżjoni dwar l-istazzjonar tagħhom għandha tittieħed mill-Kummissjoni, li għandha żżomm il-kmand u l-kontroll tal-kapaċitajiet tar-rescEU.

8.F’każ ta’ mobilizzazzjoni, il-Kummissjoni għandha taqbel mal-Istat Membru rikjedenti dwar il-mobilizzazzjoni operazzjonali tal-kapaċitajiet tar-rescEU. L-Istat Membru rikjedenti għandu jiffaċilita l-koordinazzjoni operazzjonali tal-kapaċitajiet tiegħu u l-attivitajiet tar-rescEU matul l-operazzjonijiet.

9.Il-koordinazzjoni fost il-kapaċitajiet ta’ reazzjoni differenti għandha tkun iffaċilitata fejn meħtieġ mill-Kummissjoni permezz tal-ERCC f’konformità mal-Artikoli 15 u 16.

10.Meta l-Kummissjoni takkwista tagħmir bħal tagħmir tat-tifi tan-nar fil-foresti, permezz ta’ akkwiżizzjoni, lokazzjoni jew kiri, għandu jiġi żgurat dan li ġej:

(a)f’każ ta’ akkwiżizzjoni ta’ tagħmir, ftehim bejn il-Kummissjoni u Stat Membru jipprevedi r-reġistrazzjoni ta’ dan f’dak l-Istat Membru.

(b)f’każ ta’ lokazzjoni u kera, ir-reġistrazzjoni tat-tagħmir fi Stat Membru.

11.L-Istati Membri għandhom ikunu infurmati bl-istatus operazzjonali tal-kapaċitajiet tar-rescEU permezz tas-CECIS.”

(7)jiddaħħal l-Artikolu 12a li ġej:

“Artikolu 12a
Informazzjoni lill-Parlament Ewropew u lill-Kunsill

Il-Kummissjoni għandha tinforma lill-Parlament Ewropew u lill-Kunsill bl-operazzjonijiet u l-progress li jkun sar skont l-Artikoli 11 u 12 kull sentejn.”

(8)fl-Artikolu 13, it-titolu u l-ewwel sentenza tal-paragrafu 1 jinbidlu b’dan li ġej:

“In-Netwerk tal-Unjoni ta' Għarfien dwar il-Protezzjoni Ċivili

1. Il-Kummissjoni għandha tistabbilixxi netwerk ta’ atturi u istituzzjonijiet tal-protezzjoni ċivili u tal-ġestjoni tad-diżastri rilevanti, li flimkien mal-Kummissjoni jiffurmaw Netwerk tal-Unjoni ta’ Għarfien dwar il-Protezzjoni Ċivili.

In-Netwerk għandu jwettaq il-kompiti li ġejjin fil-qasam tat-taħriġ, l-eżerċizzji, il-tagħlimiet meħuda u t-tixrid tal-għarfien b’koordinazzjoni mill-qrib maċ-ċentri ta’ għarfien rilevanti, fejn xieraq.”

(9)fl-Artikolu 15, il-paragrafu 1 jinbidel b’dan li ġej:

“1.Meta jseħħ diżastru fl-Unjoni, jew dan ikun imminenti, l-Istat Membru affettwat jista’ jitlob għall-assistenza permezz tal-ERCC. It-talba għandha tkun speċifika kemm jista’ jkun. Talba għall-assistenza għandha tiskadi wara perjodu massimu ta’ 90 jum, sakemm elementi ġodda li jiġġustifikaw il-bżonn għal assistenza kontinwa jew addizzjonali ma jiġux ipprovduti mill-ERCC.”

(10)fl-Artikolu 16, il-paragrafu 1 jinbidel b’dan li ġej:

“1.Meta jseħħ diżastru barra l-Unjoni, jew dan ikun imminenti, il-pajjiż affettwat jista’ jitlob għall-assistenza permezz tal-ERCC. L-assistenza tista’ tintalab ukoll permezz tan-Nazzjonijiet Uniti u l-aġenziji tagħha jew minnhom, jew minn organizzazzjoni internazzjonali rilevanti. Talba għall-assistenza għandha tiskadi wara perjodu massimu ta’ 90 jum, sakemm elementi ġodda li jiġġustifikaw il-bżonn għal assistenza kontinwa jew addizzjonali ma jiġux ipprovduti mill-ERCC.”

(11)fl-Artikolu 19, il-paragrafu 1 jinbidel b’dan li ġej:

“1.Il-pakkett finanzjarju ta’ referenza għall-implimentazzjoni tal-Mekkaniżmu tal-Unjoni għall-perijodu mill-2014 sal-2020 għandu jkun ta’ EUR 631 566 000 fi prezzijiet attwali.

EUR 480 630 000 fi prezzijiet attwali għandhom jittieħdu mill-Intestatura 3 “Sigurtà u Ċittadinanza” tal-qafas finanzjarju pluriennali u EUR 150 936 000 fi prezzijiet attwali mill-Intestatura 4 “Ewropa Globali”.”

(12)jiddaħħal l-Artikolu 20a li ġej:

“Artikolu 20a
Viżibbiltà

Kwalunkwe assistenza jew finanzjament mogħtija taħt din id-Deċiżjoni għandhom jagħtu viżibbiltà xierqa lill-Unjoni, inkluż prominenza lill-emblema tal-Unjoni għal dawk il-kapaċitajiet imsemmija taħt l-Artikoli 11, 12 u 21(2)(c).”

(13)L-Artikolu 21 jiġi emendat kif ġej:

(a)il-punt (j) tal-paragrafu 1 jinbidel b’dan li ġej:

“(j)l-istabbiliment, l-immaniġġjar u l-manteniment tar-rescEU f’konformità mal-Artikolu 12;”

(b)Il-paragrafu 2 huwa emendat kif ġej:

(i) il-punt (c) jinbidel b’dan li ġej:

“(c)l-ispejjeż meħtieġa biex il-kapaċitajiet ta’ reazzjoni jiġu aġġornati jew imsewwija għal stat ta’ tħejjija u disponibbiltà li jagħmilhom stazzjonabbli bħala parti mir-Riżerva Ewropea ta' Protezzjoni Ċivili, f’konformità mar-rekwiżiti tal-kwalità tar-Riżerva -Ewropea ta' Protezzjoni Ċivili u, fejn relevanti, rakkomandazzjonijiet ifformulati fil-proċess ta' ċertifikazzjoni ("spejjeż ta' adattament"). Dawk l-ispejjeż jistgħu jinkludu spejjeż relatati mal-operabbiltà ta’ moduli u kapaċitajiet oħra ta’ reazzjoni, awtonomija, awtosuffiċjenza, trasportabbiltà, spejjeż ta’ imballaġġ u spejjeż neċessarji oħra, diment li dawk l-ispejjeż ikunu marbutin speċifikament mal-parteċipazzjoni tal-kapaċitajiet fir-Riżerva Ewropea ta' Protezzjoni Ċivili.

L-ispejjeż ta’ adattament jistgħu jkopru:

i) 75 % tal-ispejjeż eliġibbli f’każ ta’ titjib, dment dan ma jaqbiżx il-50 % tal-ispiża medja tal-iżvilupp tal-kapaċità;

ii) 75 % tal-ispejjeż eliġibbli f’każ ta’ tiswija.

Il-kapaċitajiet ta’ reazzjoni li jibbenefikaw minn finanzjament taħt il-punti (i) u (ii) għandhom jitqiegħdu għad-dispożizzjoni bħala parti mir-Riżerva Ewropea ta' Protezzjoni Ċivili għal perjodu minimu ta’ 5 u 10 snin rispettivament, ħlief meta t-tul ta’ ħajja tagħhom ikun iqsar.

L-ispejjeż ta’ adattament jistgħu jikkonsistu minn spejjeż għal kull unità jew ammonti sħaħ stabbiliti għal kull tip ta’ kapaċità.”

(ii) il-punt (d) huwa mħassar.

(c) jiżdiedu l-paragrafi li ġejjin:

“3.L-assistenza finanzjarja għall-azzjoni msemmija fil-punt (j) tal-paragrafu 1 għandha tkopri l-ispejjeż kollha meħtieġa biex tiġi żgurata d-disponibbiltà u l-istazzjonament tal-kapaċitajiet tar-rescEU taħt il-Mekkaniżmu tal-Unjoni meta dawn jiġu stazzjonati f’każ ta’ diżastru jew diżastru imminenti ġewwa l-Unjoni jew Stat Parteċipanti.

Il-miżuri msemmija fit-tielet subparagrafu għandhom jinkludu, kif xieraq:

(a)l-ispejjeż relatati mal-akkwist, il-kiri u/jew il-lokazzjoni tal-kapaċità tar-rescEU;

(b)l-ispejjeż relatati mal-operat tal-kapaċità tar-rescEU, inkluż it-trasport;

(c)l-ispejjeż relatati mal-akkwist tas-servizzi ta’ entitajiet pubbliċi jew privati meħtieġa għall-operat tal-kapaċitajiet tar-rescEU.

4.L-ispejjeż imsemmija fil-punt (a) tal-paragrafu 3 jistgħu jikkonsistu minn spejjeż għal kull unità, somom f'daqqa jew rati fissi stabbiliti għal kull kategorija jew tip ta’ kapaċità, kif xieraq.”

(14)L-Artikolu 23 jiġi emendat kif ġej:

(a) it-titlu jinbidel b’dan li ġej:

“Azzjonijiet eliġibbli marbuta mat-tagħmir u l-operazzjonijiet”

(b) il-paragrafi 2, 3 u 4 jinbidlu b’dan li ġej:

“2. Il-livell ta’ assistenza finanzjarja tal-Unjoni għal assi mwiegħda għar-Riżerva Ewropea ta' Protezzjoni Ċivili għandu jkun limitat għal massimu ta’ 75 % tal-ispejjeż tal-operat tal-kapaċitajiet, inkluż it-trasport f’każ ta’ diżastru jew diżastru imminenti fl-Unjoni jew fi Stat Parteċipanti.

3. L-appoġġ finanzjarju tal-Unjoni għat-trasport jista’ jkopri massimu ta’ 75 % tal-ispiża totali eliġibbli relatata mat-trasport ta’ kapaċitajiet imwiegħda minn qabel lir-Riżerva Ewropea ta' Protezzjoni Ċivili meta jiġu mobilizzati f’każ ta’ diżastru jew diżastru imminenti barra l-Unjoni kif imsemmi fl-Artikolu 16.

4. L-appoġġ finanzjarju tal-Unjoni għar-riżorsi tat-trasport relatati mal-kapaċitajiet imwiegħda minn qabel lir-Riżerva Ewropea ta' Protezzjoni Ċivili f’konformità mal-Artikolu 11 jistgħu, barra minn hekk, ikopru massimu ta’ 100 % mill-ispiża totali eliġibbli deskritta taħt il-punti (a), (b), (c) u (d) jekk dan ikun meħtieġ sabiex l-ippuljar tal-assistenza tal-Istati Membri jkun wieħed effettiv fuq livell operazzjonali u jekk l-ispejjeż ikunu relatati ma’ wieħed minn dawn li ġejjin:

(a)il-kiri ta’ terminu qasir tal-kapaċità ta’ magazzinaġġ biex tinħażen temporanjament l-assistenza mill-Istati Membri bil-ħsieb li jiġi ffaċilitat it-trasport koordinat tagħha;

(b) it-trasport mill-Istat Membru li jkun qed joffri l-assistenza lil Stat Membru li jkun qed jiffaċilita t-trasport koordinat tiegħu;

(c)l-imballaġġ mill-ġdid tal-assistenza tal-Istati Membri biex isir użu massimu mill-kapaċitajiet ta’ trasport disponibbli jew biex jiġu ssodisfati rekwiżiti operazzjonali speċifiċi; jew

(e)it-trasport lokali, it-transitu u l-magazzinaġġ ta’ assistenza ppuljata bil-ħsieb li tiġi żgurata kunsinna koordinata lejn id-destinazzjoni finali tal-pajjiż li jagħmel it-talba.”

(e) jiżdied il-paragrafu li ġej:

“8.    L-ispejjeż tat-trasport jistgħu jkunu jikkonsistu minn spejjeż għal kull unità, ammonti sħaħ jew rati fissi stabbiliti għal kull kategorija ta’ spiża.”

(15) fl-Artikolu 26, il-paragrafi 1 u 2 jinbidlu b’dan li ġej:

“1.    L-azzjonijiet li jirċievu assistenza finanzjarja taħt din id-Deċiżjoni ma għandhomx jirċievu assistenza minn strumenti finanzjarji oħra tal-Unjoni. B’deroga, l-assistenza finanzjarja mogħtija skont l-Artikoli 21, 22 u 23 ta’ din id-Deċiżjoni ma għandhiex timpedixxi l-finanzjament minn strumenti oħra tal-Unjoni f’konformità mal-kundizzjonijiet stabbiliti fiha.

Il-Kummissjoni għandha tiżgura li l-applikanti għall-assistenza finanzjarja taħt din id-Deċiżjoni u l-benefiċjarji ta’ tali assistenza jipprovduha b’informazzjoni dwar l-assistenza finanzjarja li jirċievu minn sorsi oħra, inkluż il-baġit ġenerali tal-Unjoni, u dwar applikazzjonijiet pendenti għal tali assistenza.

2.    Għandhom jitfittxu sinerġiji u kumplimentarjetà ma’ strumenti oħrajn tal-Unjoni bħal dawk li jappoġġaw politiki ta’ koeżjoni, tal-iżvilupp rurali, tar-riċerka, tas-saħħa, kif ukoll tal-migrazzjoni u tas-sigurtà. Fil-każ ta’ reazzjoni għal kriżijiet umanitarji f’pajjiżi terzi, il-Kummissjoni għandha tiżgura l-kumplimentarjetà u l-koerenza ta’ azzjonijiet iffinanzjati skont din id-Deċiżjoni u azzjonijiet iffinanzjati skont ir-Regolament (KE) Nru 1257/96.”

(16)fl-Artikolu 28, il-paragrafu 3 jinbidel b’dan li ġej:

“3.    Organizzazzjonijiet internazzjonali, organizzazzjonijiet reġjonali jew pajjiżi li jifformaw parti mill-Politika Ewropea tal-Viċinat jistgħu jikkooperaw f’attivitajiet taħt il-Mekkaniżmu tal-Unjoni fejn ftehimiet bilaterali jew multilaterali rilevanti jippermettu dan.

(17)fl-Artikolu 32, il-punti (g) u (h) tal-paragrafu 1 jinbidlu b’dan li ġej:

“(g)    l-istabbiliment, il-ġestjoni u l-manteniment tar-rescEU, kif previst fl-Artikolu 12, inkluż kriterji għal deċiżjonijiet ta’ mobilizzazzjoni u proċeduri operattivi;

(h)    l-istabbiliment u l-organizzazzjoni tan-Netwerk tal-Unjoni ta' Għarfien dwar il-Protezzjoni Ċivili, kif previst fl-Artikolu 13;”

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/oqsma ta’ politika kkonċernat(i) fl-istruttura ABM/ABB

1.3.Natura tal-proposta/inizjattiva

1.4.Objettiv(i)

1.5.Raġunijiet għall-proposta/inizjattiva

1.6.Id-durata u l-impatt finanzjarju

1.7.Metodu/i ta’ ġestjoni ppjanat(i)

2.MIŻURI TA’ ĠESTJONI

2.1.Regoli dwar il-ġestjoni u r-rappurtar

2.2.Sistema ta’ ġestjoni u kontroll

2.3.Miżuri għall-prevenzjoni tal-frodi u l-irregolaritajiet

3.L-IMPATT FINANZJARJU STMAT TAL-PROPOSTA/INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.L-impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Stima tal-impatt fuq l-approprjazzjonijiet operattivi

3.2.3.Stima tal-impatt fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Il-kontribuzzjonijiet ta’ partijiet terzi

3.3.L-impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/oqsma ta’ politika kkonċernat(i) fl-istruttura ta’ ABM/ABB 16  

1.3.Natura tal-proposta/inizjattiva

◻ Il-proposta/l-inizjattiva tirrigwarda azzjoni ġdida 

◻ Il-proposta/l-inizjattiva tirrigwarda azzjoni ġdida b’segwitu għal proġett pilota/azzjoni preparatorja 17  

X Il-proposta/l-inizjattiva tirrigwarda l-estensjoni ta’ azzjoni eżistenti 

◻ Il-proposta/l-inizjattiva tirrigwarda azzjoni mibdula f’azzjoni ġdida 

1.4.Objettiv(i)

1.4.1.L-objettiv(i) strateġiku/strateġiċi pluriennali tal-Kummissjoni fil-mira tal-proposta/inizjattiva

1.4.2.Objettiv(i) speċifiku/speċifiċi u l-attività/attivitajiet ABM/ABB ikkonċernata/i

1.4.3.Ir-riżultat(i) u l-impatt mistennija

Speċifika l-effetti li jeħtieġ li jkollha l-proposta/inizjattiva fuq il-benefiċjarji/gruppi fil-mira.

1.4.4.Indikaturi tar-riżultati u l-impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

1.5.Raġunijiet għall-proposta/inizjattiva

1.5.1.Rekwiżit(i) li għandu/hom jiġi/u ssodisfat(i) f’terminu qasir jew twil

1.5.2.Il-valur miżjud tal-involviment tal-UE

1.5.3. Tagħlimiet meħuda minn esperjenzi simili fl-imgħoddi

1.5.4.Il-kompatibbiltà u s-sinerġija possibbli ma’ strumenti oħra xierqa

1.6.Id-durata u l-impatt finanzjarju

◻ Proposta/inizjattiva ta’ durata limitata

◻    Proposta/inizjattiva b’effett minn [DD/MM]YYYY sa [DD/MM]YYYY

◻Impatt finanzjarju minn [DD/MM]YYYY sa [DD/MM]YYYY

X Proposta/inizjattiva ta’ durata mhux limitata

X Implimentazzjoni b’perjodu ta’ bidu mill-1/01/2018 sal-31/12/2020,

Segwita minn operazzjoni tal-iskala sħiħa.

1.7.Mod(i) ta’ ġestjoni ppjanat(i) 18  

X Ġestjoni diretta mill-Kummissjoni

X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

◻    mill-aġenziji eżekuttivi

◻ Ġestjoni kondiviża mal-Istati Membri

X Ġestjoni indiretta billi l-kompiti tal-implimentazzjoni tal-baġit jiġu fdati lil:

◻ pajjiżi terzi jew il-korpi maħtura minnhom;

X organizzazzjonijiet internazzjonali u l-aġenziji tagħhom (iridu jiġu speċifikati);

◻il-BEI u l-Fond Ewropew tal-Investiment;

◻ il-korpi msemmija fl-Artikoli 208 u 209 tar-Regolament Finanzjarju;

◻ korpi rregolati bil-liġi pubblika;

◻ korpi rregolati bil-liġi privata b’missjoni ta’ servizz pubbliku safejn jipprovdu garanziji finanzjarji adegwati;

◻ korpi rregolati bil-liġi privata ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE u identifikati fl-att bażiku rilevanti.

Jekk jiġi indikat iżjed minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Regoli dwar il-monitoraġġ u r-rappurtar

Speċifika l-frekwenza u l-kundizzjonijiet.

2.2.Sistema ta’ ġestjoni u kontroll

2.2.1.Riskju/i identifikat(i)

2.2.2.Informazzjoni li tikkonċerna s-sistema ta’ kontroll intern stabbilita.

2.2.3.Stima tal-ispejjeż u tal-benefiċċji tal-kontrolli u valutazzjoni tal-livell tar-riskju ta’ erruri mistenni

2.3.Miżuri għall-prevenzjoni tal-frodi u l-irregolaritajiet

Speċifika l-miżuri ta’ prevenzjoni jew protezzjoni eżistenti jew previsti.

3.L-IMPATT FINANZJARJU STMAT TAL-PROPOSTA/INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwati

Linji baġitarji eżistenti

Fl-ordni tal-intestaturi tal-qafas finanzjarju pluriennali u linji baġitarji.

3.2.L-impatt stmat fuq in-nefqa

3.2.1.Sommarju tal-impatt stmat fuq in-nefqa

Miljuni ta' EUR (sa tliet punti deċimali)

Miljuni ta' EUR (sa tliet punti deċimali)

Miljuni ta' EUR (sa tliet punti deċimali)

Miljuni ta' EUR (sa tliet punti deċimali)

3.2.2.Stima tal-impatt fuq l-approprjazzjonijiet operattivi

◻    Il-proposta/l-inizjattiva ma teħtieġx l-użu ta’ approprjazzjonijiet operattivi

◻    Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet ta’ impenn f’miljuni ta' EUR (sa tliet punti deċimali)

3.2.3.Stima tal-impatt fuq l-approprjazzjonijiet ta’ natura amministrattiva

3.2.3.1.Sommarju

◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

X    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

Miljuni ta' EUR (sa tliet punti deċimali)

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jiġu ssodisfati b’approprjazzjonijiet mid-DĠ li huma diġà assenjati għall-ġestjoni tal-azzjoni u/jew kienu ġew ridistribwiti fid-DĠ, flimkien, jekk dan ikun neċessarju, ma’ kwalunkwe allokazzjoni addizzjonali li tista’ tingħata lid-DĠ tat-tmexxija skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.2.Rekwiżiti stmati tar-riżorsi umani

◻    Il-proposta/l-inizjattiva ma teħtieġx l-użu tar-riżorsi umani.

X    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:*

L-istima li trid tingħata f’unitajiet ekwivalenti għal full time)

* Dawn iċ-ċifri jistgħu jiġu kkumplimentati bi 15-il FTE addizzjonali li jiġu pprovduti mir-riallokazzjoni minn DĠs oħra wara “sejħa għal espressjoni ta' interess”.

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu ssodisfati minn persunal tad-DĠ li huwa diġà assenjat għall-ġestjoni tal-azzjoni u/jew li ġie stazzjonat mill-ġdid fid-DĠ, flimkien ma’, jekk ikun hemm bżonn, kwalunkwe allokazzjoni addizzjonali li tista’ tingħata lid-DĠ tat-tmexxija skont il-proċedura ta’ allokazzjoni annwali u fid-dawl tal-limitazzjonijiet baġitarji.

Deskrizzjoni tal-kompiti li għandhom jitwettqu:

3.2.4.Kompatibbiltà mal-qafas finanzjarju pluriennali attwali

◻    Il-proposta/l-inizjattiva hija kompatibbli mal-qafas finanzjarju pluriennali attwali.

X    Il-proposta/l-inizjattiva se teħtieġ programmar mill-ġdid tal-intestatura rilevanti fil-qafas finanzjarju pluriennali. L-ammonti li ġejjin se jiġu riallokati:

X    Il-proposta/l-inizjattiva tirrikjedi applikazzjoni tal-istrument ta' flessibbiltà.

3.2.5.Il-kontribuzzjonijiet ta’ partijiet terzi

Il-proposta/l-inizjattiva ma tipprevedix il-kofinanzjament minn partijiet terzi.

Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet f’miljuni ta' EUR (sa tliet ċifri wara l-punt deċimali)

3.3.L-impatt stmat fuq id-dħul

X    Il-proposta/l-inizjattiva ma għandha l-ebda impatt finanzjarju fuq id-dħul.

◻    Il-proposta/l-inizjattiva għandha l-impatt finanzjarju li ġej:

◻    fuq ir-riżorsi proprji

◻    fuq id-dħul mixxellanju

Miljuni ta' EUR (sa tliet punti deċimali)

Għad-dħul mixxellanju “assenjat”, speċifika l-linja/i baġitarja/i tan-nefqa affettwata/i.

Speċifika l-metodu għall-kalkolu tal-impatt fuq id-dħul.

(1)    ICF, “Evalwazzjoni Interim tal-Mekkaniżmu tal-Unjoni għall-Protezzjoni Ċivili 2014-2016”, Rapport Finali, Awwissu 2017 (minn issa ’l quddiem: l-Evalwazzjoni Interim). Ir-rapport finali tal-Evalwazzjoni Interim jinsab hawnhekk: https://publications.europa.eu/en/publication-detail/-/publication/eb41bfee-78c3-11e7-b2f2-01aa75ed71a1/language-en/format-PDF

(2)    Il-Qorti Ewropea tal-Awdituri, Rapport Speċjali (2016), Il-Mekkaniżmu tal-Unjoni għall-Protezzjoni Ċivili: il-koordinazzjoni tar-rispons għal diżastri li seħħew barra mit-territorju tal-UE kienet effettiva, f’termini ġenerali. Disponibbli fuq: http://www.eca.europa.eu/Lists/ECADocuments/SR16_33/SR_DISASTER_RESPONSE_EN.pdf

(3)    Rapport mill-Kummissjoni u l-Parlament Ewropew u l-Kunsill dwar il-progress li sar u n-nuqqasijiet li fadal fil-Kapaċità Ewropea għal Rispons f’każ ta’ Emerġenza, 17.2.2017.

(4)    Ara n-nota f’qiegħ il-paġna Nru 2.

(5)    Ara n-nota f’qiegħ il-paġna Nru 3.

(6)    Dokument ta’ Ħidma tal-Persunal, Overview of Natural and Man-made Disaster Risks the European Union may face, 23.05.2017, SWD(2017)176 final.

(7)    Rapport mill-Kummissjoni lill-Parlament Ewropew u lill-Kunsill dwar l-Evalwazzjoni Interim tal-Mekkaniżmu tal-Unjoni għall-Protezzjoni Ċivili għall-perjodu 2014-2016, 30.08.2017, COM (2017) 460 final.

(8)    L-Eks-Repubblika Jugoslava tal-Maċedonja, l-Iżlanda, il-Montenegro, in-Norveġja, is-Serbja u t-Turkija.

(9)    Il-partijiet ikkonċernati li rrispondew jinkludu: L-Awtoritajiet tal-Protezzjoni Ċivili minn 26 Stat Parteċipant (SP) (stħarriġ onlajn); l-Awtoritajiet tal-Protezzjoni Ċivili minn 17-il SP (intervisti); Il-Koordinaturi tat-Taħriġ Nazzjonali minn 21 SP (stħarriġ onlajn); 137 espert li pparteċipaw fil-Programm tal-Iskambju ta’ Esperti u 23 kapijiet ta’ proġetti ffinanzjati permezz tal-UCPM minn 13-il SP (stħarriġ onlajn); 14-il sieħeb internazzjonali inklużi aġenziji tan-NU, l-OECD, il-Bank Dinji, is-Salib l-Aħmar, eċċ (intervisti); 15-il Direttorat Ġenerali u servizzi tal-UE (intervisti).

(10)    Ir-rapport hu disponibbli fuq:  http://ec.europa.eu/echo/EUCPM-consult_en .

(11)

   Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002, ĠU L 298, 26.10.2012, p. 1).

(12)    Id-Deċiżjoni Nru 1313/2013/UE tal-Parlament Ewropew u tal-Kunsill tas-17 ta’ Diċembru 2013 dwar Mekkaniżmu tal-Unjoni għall-Protezzjoni Ċivili (ĠU L 347, 20.12.2013, p. 924).

(13)    Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, p. 320).

(14)    Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002, ĠU L 298, 26.10.2012, p. 1).

(15)    Id-Deċiżjoni Nru 1082/2013/UE tal-Parlament Ewropew u tal-Kunsill tat-22 ta’ Ottubru 2013 dwar theddid transkonfinali serju għas-saħħa u li tħassar id-Deċiżjoni Nru 2119/98/KE (ĠU L 293, 5.11.2013, p. 1).

(16)    ABM: ġestjoni bbażata fuq l-attività; ABB: ibbaġitjar ibbażat fuq l-attività.

(17)    Kif imsemmi fl-Artikolu 54(2)(a) jew (b) tar-Regolament Finanzjarju.

(18)    Id-dettalji tal-modi ta’ ġestjoni u r-referenzi għar-Regolament Finanzjarju jinsabu fuq is-sit tal-BudgWeb: http://www.cc.cec/budg/man/budgmanag/budgmanag_mt.html

(19)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(20)    EFTA: Assoċjazzjoni Ewropea tal-Kummerċ Ħieles.

(21)    Pajjiżi kandidati u, meta dan ikun applikabbli, pajjiżi kandidati potenzjali mill-Balkani tal-Punent.

(22)    Assistenza teknika u/jew amministrattiva u nefqa biex tappoġġa l-implimentazzjoni ta’ programmi u/jew ta’ azzjonijiet tal-UE (dawk li kienu l-linji “BA”), riċerka indiretta, riċerka diretta.

(23)    Assistenza teknika u/jew amministrattiva u nefqa biex tappoġġa l-implimentazzjoni ta’ programmi u/jew ta’ azzjonijiet tal-UE (dawk li kienu l-linji “BA”), riċerka indiretta, riċerka diretta.

(24)    Ir-riżultati huma prodotti u servizzi li jridu jiġu fornuti (eż.: l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(25)    Kif deskritt fit-Taqsima 1.4.2. “Objettiv/i Speċifiku/ċi…”

(26)    Kif deskritt fit-Taqsima 1.4.2. “Objettiv/i Speċifiku/ċi…”

(27)    Assistenza teknika u/jew amministrattiva u nefqa biex tappoġġa l-implimentazzjoni ta’ programmi u/jew ta’ azzjonijiet tal-UE (dawk li kienu l-linji “BA”), riċerka indiretta, riċerka diretta.

(28)    CA= Aġent Kuntrattwali; INT = persunal tal-aġenziji (“Intérimaire”); JED = “Jeune Expert en Délégation” (Espert Żagħżugħ fid-Delegazzjonijiet); AL = Aġent Lokali; SNE = Espert Nazzjonali Sekondat;

(29)    Anqas mil-limitu massimu għall-persunal estern mill-approprjazzjonijiet operattivi (dawk li kienu l-linji “BA”).

(30)    Essenzjalment għall-Fondi Strutturali, għall-Fond Agrikolu Ewropew għall-Iżvilupp Rurali (FAEŻR) u għall-Fond Ewropew għas-Sajd (FES).

(31)    Fir-rigward ta’ riżorsi proprji tradizzjonali (dazji doganali, imposti fuq iz-zokkor), l-ammonti indikati jridu jkunu ammonti netti, jiġifieri ammonti gross wara tnaqqis ta’ 25 % għall-ispejjeż tal-ġbir.