IL-KUMMISSJONI EWROPEA
Brussell, 25.10.2017
COM(2017) 625 final
2017/0274(NLE)
Proposta għal
DEĊIŻJONI TAL-KUNSILL
dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inklużi l-limitu massimu għall-2019, l-ammont annwali għall-2018, l-ewwel ħlas parzjali għall-2018 u tbassir indikattiv u mhux vinkolanti għall-ammonti ta’ kontribuzzjonijiet annwali mistennija għas-snin 2020 u 2021
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u għanijiet tal-proposta
Il-proposta tkopri:
– Il-limitu massimu tal-ammont annwali tal-kontribuzzjonijiet għas-sena 2019;
– L-ammont annwali tal-kontribuzzjoni għas-sena 2018;
– L-ammont tal-ewwel ħlas parzjali tal-kontribuzzjoni għas-sena 2018.
– Tbassir mhux vinkolanti għall-ammonti annwali mistennija għas-snin 2020 u 2021.
Il-11-il Fond Ewropew għall-Iżvilupp (FEŻ) u l-fondi l-oħra tal-FEŻ li għadhom miftuħa (jiġifieri t-Tmien, id-Disa’ u l-10 FEŻ) huma mmaniġġati skont il-ġabra ta’ regoli li ġejjin:
- Il-Ftehim ta’ Sħubija attwali bejn il-membri tal-Grupp ta’ Stati Afrikani, tal-Karibew u tal-Paċifiku fuq naħa, u l-Komunità Ewropea u l-Istati Membri tagħha fuq in-naħa l-oħra (“il-Ftehim ta' Sħubija AKP-UE”) kif emendat l-aħħar 1 .
- Il-Ftehim Intern bejn ir-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fil-Kunsill, dwar l-iffinanzjar tal-għajnuna tal-Unjoni Ewropea fl-ambitu tal-qafas finanzjarju pluriennali għall-perjodu mill-2014 sal-2020, skont il-Ftehim ta’ Sħubija AKP-UE, u dwar l-allokazzjoni ta’ assistenza finanzjarja għall-Pajjiżi u t-Territorji Extra-Ewropej li għalihom tapplika r-Raba' Parti tat-Trattat dwar il-Funzjonament tal-Unjoni Ewropea 2 (il-11-il “Ftehim Intern” tal-FEŻ),
- Ir-Regolament tal-Kunsill (UE) 2015/323 dwar ir-Regolament Finanzjarju applikabbli għall-11-il Fond Ewropew għall-Iżvilupp 3 (“ir-Regolament Finanzjarju tal-11-il FEŻ”).
Id-dokumenti msemmijin hawn fuq jinkludu impenji pluriennali mill-Istati Membri biex jappoġġaw finanzjarjament it-teżor tal-FEŻ. Ir-Regolament Finanzjarju tal-11-il FEŻ jipprevedi li jsiru kontribuzzjonijiet regolari mill-Istati Membri għat-teżor tal-FEŻ skont impenji finanzjarji predeterminati. Il-kontribuzzjonijiet regolari huma xprunati minn Deċiżjonijiet tekniċi tal-Kunsill li jirriflettu l-implimentazzjoni ta’ impenji finanzjarji deċiżi minn qabel.
Għaldaqstant, uħud mill-intestaturi fil-memorandum ta’ spjegazzjoni mhumiex applikabbli għal sejħiet regolari għall-kontribuzzjonijiet, bħalma hi din.
•Konsistenza mad-dispożizzjonijiet ta’ politika eżistenti fil-qasam ta’ politika
Irreferi għall-punt 1. Raġunijiet u għanijiet tal-proposta
•Konsistenza ma’ politiki oħra tal-Unjoni
Irreferi għall-punt 1. Raġunijiet u għanijiet tal-proposta
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Skont l-Artikolu 21(7) tar-Regolament Finanzjarju tal-11-il FEŻ, l-ammont immaniġġjat mill-Kummissjoni u l-ammont immaniġġjat mill-Bank Ewropew tal-Investiment (BEI) huma speċifikati separatament.
Skont l-Artikolu 52 tar-Regolament Finanzjarju tal-11-il-FEŻ, il-BEI bagħat lill-Kummissjoni l-estimi aġġornati tiegħu ta' impenji u ħlasijiet skont l-istrumenti li jimmaniġġja.
Skont l-Artikolu 22(1) tal-11-il Regolament Finanzjarju, is-sejħiet għall-kontribuzzjonijiet l-ewwel għandhom jużaw l-ammonti disponibbli minn FEŻ preċedenti, wieħed wara l-ieħor. Għaldaqstant, is-sejħiet għal kontribuzzjonijiet f’din il-proposta jikkonċernaw l-ammonti fl-10 FEŻ għall-BEI u l-ammonti fil-11-il FEŻ għall-Kummissjoni Ewropea.
Skont l-Artikolu 21(2) tar-Regolament Finanzjarju tal-11-il FEŻ, il-Kunsill għandu jiddeċiedi fuq dik il-proposta sal-15 ta’ Novembru.
Skont l-Artikolu 2 tad-Deċiżjoni tal-Kunsill (UE) 2017/1206 4 , l-ishma tal-kontribuzzjonijiet tal-Istati Membri stabbiliti fl-Artikolu1(2)(a) tal-Ftehimiet Interni tat-Tmien u tad-Disa’ FEŻ għandhom jitnaqqsu. It-tnaqqis għandu jkun implimentat kontra t-tielet ħlas parzjali tal-2017 u/jew l-ewwel ħlas parzjali tal-kontribuzzjonijiet tal-2018 tal-Istati Membri, skont l-opzjoni tal-aġġustament magħżula minn kull Stat Membru.
L-Artikolu 23(1) tar-Regolament Finanzjarju tal-11-il FEŻ jistipula li Stat Membru li jonqos milli jħallas il-ħlas parzjali tal-kontribuzzjoni dovut sal-iskadenza jkun jeħtieġlu jħallas l-imgħax fuq l-ammont li ma jkunx ħallas; l-arranġamenti għall-ħlas tal-imgħax huma speċifikati fl-istess Artikolu.
•Sussidjarjetà (għall-kompetenza mhux esklużiva)
Irreferi għall-punt 1. Raġunijiet u għanijiet tal-proposta
•Proporzjonalità
Irreferi għall-punt 1. Raġunijiet u għanijiet tal-proposta
•Għażla tal-istrument
Irreferi għall-punt 1. Raġunijiet u għanijiet tal-proposta
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post / kontrolli tal-idoneità tal-leġiżlazzjoni eżistenti
Mhux rilevanti
•Konsultazzjonijiet mal-partijiet ikkonċernati
Mhux rilevanti
•Ġbir u użu tal-kompetenzi
Mhux rilevanti
•Valutazzjoni tal-impatt
Mhux rilevanti
•Idoneità regolatorja u simplifikazzjoni
Mhux rilevanti
•Drittijiet fundamentali
Mhux rilevanti
4.IMPLIKAZZJONIJIET GĦALL-BAĠIT
Mhux rilevanti
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Mhux rilevanti
•Dokumenti ta’ spjegazzjoni (għad-direttivi)
Mhux rilevanti
•Spjegazzjoni fid-dettall tad-dispożizzjonijiet speċifiċi tal-proposta
Mhux rilevanti
2017/0274 (NLE)
Proposta għal
DEĊIŻJONI TAL-KUNSILL
dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inklużi l-limitu massimu għall-2019, l-ammont annwali għall-2018, l-ewwel ħlas parzjali għall-2018 u tbassir indikattiv u mhux vinkolanti għall-ammonti ta’ kontribuzzjonijiet annwali mistennija għas-snin 2020 u 2021
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2015/323 tat-2 ta’ Marzu 2015 dwar ir-Regolament Finanzjarju applikabbli għall-11-il Fond Ewropew għall-Iżvilupp 5 (“ir-Regolament Finanzjarju tal-11-il FEŻ”), u b'mod partikolari l-Artikolu 21(2) tiegħu,
Wara li kkunsidra l-proposta tal-Kummissjoni Ewropea,
Billi:
(1)Skont il-proċedura stabbilita fl-Artikolu 21(2) tar-Regolament Finanzjarju tal-11 il-FEŻ, il-Kummissjoni għandha tippreżenta proposta sal-15 ta' Ottubru 2017 li tispeċifika (a) l-ammont massimu għall-ammont annwali ta’ kontribuzzjoni għall-2019; (b) l-ammont annwali tal-kontribuzzjoni għas-sena 2018; (c) l-ammont tal-ewwel ħlas parzjali tal-kontribuzzjoni għas-sena 2018; u (d) tbassir indikattiv u mhux vinkolanti għall-ammonti annwali mistennija tal-kontribuzzjonijiet għas-snin 2020-2021.
(2)Skont l-Artikolu 52 tar-Regolament Finanzjarju tal-11-il FEŻ, fl-4 ta’ Settembru 2017, il-Bank Ewropew tal-Investiment bagħat lill-Kummissjoni l-estimi aġġornati tiegħu ta’ impenji u pagamenti skont l-istrumenti li jimmaniġġja.
(3)L-Artikolu 22(1) tar-Regolament Finanzjarju tal-11-il FEŻ jistipula li s-sejħiet għal kontribuzzjonijiet għandhom l-ewwel jużaw l-ammonti stipulati fil-FEŻ preċedenti. Għaldaqstant, jenħtieġ li ssir sejħa għal fondi skont l-10 FEŻ għall-BEI u l-11-il FEŻ għall-Kummissjoni.
(4)Id-Deċiżjoni tal-Kunsill (UE) 2016/2026 tal-15 ta’ Novembru 2016 dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inklużi l-limitu massimu għall-2018, l-ammont annwali għall-2017, l-ewwel ħlas parzjali għall-2017 u previżjoni indikattiva u mhux vinkolanti għall-ammonti annwali mistennija għas-snin 2019 u 2020 6 stabbiliet il-limitu massimu għall-ammont annwali tal-kontribuzzjonijiet tal-FEŻ tal-Istati Membri għall-2018 għal EUR 4 550 000 000 għal Kummissjoni u EUR 250 000 000 għall-BEI.
(5)Id-Deċiżjoni tal-Kunsill (UE) 2017/1206 tal-4 ta’ Lulju 2017dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inkluż it-tieni ħlas parzjali għall-2017 7 stabbiliet tnaqqis mill-fondi diżimpenjati ta’ kontribuzzjoni mit-Tmien u d-Disa’ FEŻ għal ammont ta’ EUR 200 000 000.
ADOTTA DIN ID-DEĊIŻJONI:
Artikolu 1
Il-limitu massimu għall-ammont annwali tal-kontribuzzjonijiet għall-FEŻ tal-Istati Membri għall-2019 huwa b’dan stabbilit għal EUR 4 900 000 000. Għandu jinqasam f’EUR 4 600 000 000 għall-Kummissjoni, u EUR 300 000 000 għall-BEI.
Artikolu 2
L-ammont annwali tal-kontribuzzjonijiet għall-FEŻ tal-Istati Membri għall-2018 huwa b’dan stabbilit għal EUR 4 800 000 000. Għandu jinqasam f’EUR 4 550 000 000 għall-Kummissjoni, u EUR 250 000 000 għall-BEI.
Artikolu 3
Il-kontribuzzjonijiet individwali tal-Fond Ewropew għall-Iżvilupp li jridu jitħallsu mill-Istati Membri lill-Kummissjoni u lill-Bank Ewropew tal-Investiment bħala l-ewwel ħlas parzjali għall-2018 huma stabbiliti fit-tabella fl-Anness għal din id-Deċiżjoni.
Il-ħlasijiet ta’ dawk il-kontribuzzjonijiet jistgħu jiġu kkombinati ma’ aġġustamenti taħt l-implimentazzjoni tat-tnaqqis tal-kontribuzzjonijiet għal ammont ta’ EUR 200 000 000 minn fondi diżimpenjati taħt it-Tmien u d-Disa’ FEŻ, wara pjan ta’ aġġustament ikkomunikat minn kull Stat Membru.
Artikolu 4
It-tbassir mhux vinkolanti indikattiv għall-ammont annwali mistenni ta’ kontribuzzjonijiet għall-2020 huwa b’dan stabbilit għal EUR 4 600 000 000 għall-Kummissjoni u għal EUR 300 000 000 għall-BEI, u għall-2021 għal EUR 4 700 000 000 għall-Kummissjoni u 300 000 000 għall-BEI.
Artikolu 5
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 25.10.2017
COM(2017) 625 final
ANNESS
tal
Proposta għal Deċiżjoni tal-Kunsill
dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inklużi l-limitu massimu għall-2019, l-ammont annwali għall-2018, l-ewwel ħlas parzjali għall-2018 u tbassir indikattiv u mhux vinkolanti għall-ammonti ta' kontribuzzjonijiet annwali mistennija għas-snin 2020 u 2021
ANNESS
|
STATI MEMBRI |
Skema tal-10 FEŻ, % |
Skema tal-11 FEŻ, % |
l-ewwel (1) ħlas parzjali tal-2018 (EUR) |
Total |
|
|
Il-Kummissjoni |
Il-BEI |
||||
|
11-il FEŻ |
10 FEŻ |
||||
|
IL-BELĠJU |
3,53 |
3,24927 |
66 610 035,00 |
5 295 000,00 |
71 905 035,00 |
|
IL-BULGARIJA |
0,14 |
0,21853 |
4 479 865,00 |
210 000,00 |
4 689 865,00 |
|
IR-REPUBBLIKA ĊEKA |
0,51 |
0,79745 |
16 347 725,00 |
765 000,00 |
17 112 725,00 |
|
ID-DANIMARKA |
2,00 |
1,98045 |
40 599 225,00 |
3 000 000,00 |
43 599 225,00 |
|
IL-ĠERMANJA |
20,50 |
20,57980 |
421 885 900,00 |
30 750 000,00 |
452 635 900,00 |
|
L-ESTONJA |
0,05 |
0,08635 |
1 770 175,00 |
75 000,00 |
1 845 175,00 |
|
L-IRLANDA |
0,91 |
0,94006 |
19 271 230,00 |
1 365 000,00 |
20 636 230,00 |
|
IL-GREĊJA |
1,47 |
1,50735 |
30 900 675,00 |
2 205 000,00 |
33 105 675,00 |
|
SPANJA |
7,85 |
7,93248 |
162 615 840,00 |
11 775 000,00 |
174 390 840,00 |
|
FRANZA |
19,55 |
17,81269 |
365 160 145,00 |
29 325 000,00 |
394 485 145,00 |
|
IL-KROAZJA |
0,00 |
0,22518 |
4 616 190,00 |
0,00 |
4 616 190,00 |
|
L-ITALJA |
12,86 |
12,53009 |
256 866 845,00 |
19 290 000,00 |
276 156 845,00 |
|
ĊIPRU |
0,09 |
0,11162 |
2 288 210,00 |
135 000,00 |
2 423 210,00 |
|
IL-LATVJA |
0,07 |
0,11612 |
2 380 460,00 |
105 000,00 |
2 485 460,00 |
|
IL-LITWANJA |
0,12 |
0,18077 |
3 705 785,00 |
180 000,00 |
3 885 785,00 |
|
IL-LUSSEMBURGU |
0,27 |
0,25509 |
5 229 345,00 |
405 000,00 |
5 634 345,00 |
|
L-UNGERIJA |
0,55 |
0,61456 |
12 598 480,00 |
825 000,00 |
13 423 480,00 |
|
MALTA |
0,03 |
0,03801 |
779 205,00 |
45 000,00 |
824 205,00 |
|
IN-NETHERLANDS |
4,85 |
4,77678 |
97 923 990,00 |
7 275 000,00 |
105 198 990,00 |
|
L-AWSTRIJA |
2,41 |
2,39757 |
49 150 185,00 |
3 615 000,00 |
52 765 185,00 |
|
IL-POLONJA |
1,30 |
2,00734 |
41 150 470,00 |
1 950 000,00 |
43 100 470,00 |
|
IL-PORTUGALL |
1,15 |
1,19679 |
24 534 195,00 |
1 725 000,00 |
26 259 195,00 |
|
IR-RUMANIJA |
0,37 |
0,71815 |
14 722 075,00 |
555 000,00 |
15 277 075,00 |
|
IS-SLOVENJA |
0,18 |
0,22452 |
4 602 660,00 |
270 000,00 |
4 872 660,00 |
|
IS-SLOVAKKJA |
0,21 |
0,37616 |
7 711 280,00 |
315 000,00 |
8 026 280,00 |
|
IL-FINLANDJA |
1,47 |
1,50909 |
30 936 345,00 |
2 205 000,00 |
33 141 345,00 |
|
L-IŻVEZJA |
2,74 |
2,93911 |
60 251 755,00 |
4 110 000,00 |
64 361 755,00 |
|
IR-RENJU UNIT |
14,82 |
14,67862 |
300 911 710,00 |
22 230 000,00 |
323 141 710,00 |
|
TOTAL TAL-UE-28 |
100,00 |
100,00 |
2 050 000 000,00 |
150 000 000,00 |
2 200 000 000,00 |