IL-KUMMISSJONI EWROPEA

Brussell, 2.5.2017

COM(2017) 256 final

2017/0086(COD)

Pakkett ta' Konformità

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ portal diġitali uniku li jipprovdi informazzjoni, proċeduri, u servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012

(Test b’relevanza għaż-ŻEE)

{SWD(2017) 211 final}
{SWD(2017) 212 final}
{SWD(2017) 213 final}
{SWD(2017) 214 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

·Ir-Rapport tal-2014 tal-Grupp ta' Livell Għoli dwar is-Servizzi tan-Negozju 3 , ir-riżoluzzjonijiet tal-Parlament Ewropew u diversi komunikazzjonijiet tal-Kummissjoni talbu pakkett ta’ informazzjoni u assistenza aktar komprensiv u faċli għall-utent li jgħin lin-negozji jinnavigaw fis-Suq Uniku. Issuġġerew verżjonijiet imtejba tal-pjattaformi u tal-punti ta’ kuntatt eżistenti, jew ipproponew amalgamazzjonijiet aktar radikali tagħhom kollha f’one-stop shop wieħed.

·Il-konklużjonijiet tal-Kunsill Kompetittività ta’ Marzu 2015 dwar il-politika tas-Suq Uniku talbu impenn politiku għat-‘tisħiħ u l-integrazzjoni tal-għodod eżistenti tas-Suq Uniku (…) sabiex l-attivitajiet u l-espansjoni transfruntiera tan-negozji u ċ-ċittadini jiġu ssimplifikati u ffaċilitati”. Din is-sejħa ġiet imtennija mill-Kunsill Kompetittività ta’ Frar 2016, li, minbarra dan, laqa’ “l-kunċett ta’ Portal Diġitali Uniku, li b’mod partikolari jkun jindirizza l-ħtiġijiet tan-negozji ġodda”.

·Fl-Istrateġija għal Suq Uniku Diġitali u fl-Istrateġija għal Suq Uniku tal-2015, il-Kummissjoni ħabbret li beħsiebha tindirizza l-kwistjonijiet imsemmija qabel permezz ta’ portal diġitali uniku, li jidher b’mod prominenti wkoll fil-Pjan ta' Azzjoni dwar il-gvern elettroniku 4 , li jistabbilixxi azzjonijiet li jħaffu t-trasformazzjoni diġitali tas-servizzi pubbliċi.

·F’Jannar 2016, il-Parlament Ewropew sejjaħ għall-iżvilupp ta’ portal diġitali uniku komprensiv bħala proċess diġitali uniku minn tarf għall-ieħor għan-negozji sabiex jistabbilixxu ruħhom u joperaw madwar l-UE, mit-twaqqif online tan-negozju, l-ismijiet tad-dominju, l-iskambju ta’ informazzjoni ta’ konformità, ir-rikonoxximent ta’ fatturi elettroniċi, is-sottomissjoni ta’ formoli tat-taxxi, skema simplifikata tal-VAT online, informazzjoni online dwar il-konformità tal-prodotti, il-kollokament ta’ ħaddiema, id-drittijiet tal-konsumatur, l-aċċess għal netwerks tal-konsumaturi u tan-negozju, il-proċeduri ta’ notifika u mekkaniżmi għas-soluzzjoni tat-tilwim.

·F’Ġunju 2016, il-Pjattaforma REFIT (li tikkonsisti f’rappreżentanti tan-negozji, tas-sħab soċjali, tas-soċjetà ċivili u tal-Istati Membri) ħarġet opinjoni li tirrakkomanda l-istabbiliment ta’ punt uniku ta’ dħul b’informazzjoni ċara u servizzi kkoordinati għan-negozji f’kull Stat Membru sabiex jgħin lill-kumpaniji li joperaw fis-Suq Uniku, u d-definizzjoni ta’ kriterji ta’ kwalità minima komuni għall-kontenut, il-funzjonament u l-livell ta’ integrazzjoni ta’ kull portal mal-portal diġitali uniku.

·Fl-aħħar nett, ir-rapport dwar iċ-Ċittadinanza tal-UE tal-2017, ippubblikat f’Jannar 2017, jikkunsidra l-portal diġitali uniku bħala prijorità għaċ-Ċittadinanza tal-UE.

Konsistenza mad-dispożizzjonijiet ta’ politika eżistenti fil-qasam ta’ politika

(a)L-aċċess għall-informazzjoni online

(b)Aċċess għal servizzi ta’ assistenza u ta’ soluzzjoni tal-problemi

(c)L-aċċess għall-proċeduri online

•Konsistenza ma’ politiki oħrajn tal-Unjoni

·Il-Qafas Ewropew għall-Interoperabbiltà (EIF): billi jappoġġa l-interoperabbiltà mtejba bejn l-amministrazzjonijiet pubbliċi madwar l-Ewropa, dan se jżid il-livell ta’ interkonnessjoni tas-servizzi pubbliċi.

·Il-Vokabularju Bażiku tas-Servizzi Pubbliċi (CPSV), mudell ta’ dejta komuni għad-deskrizzjoni ta’ avvenimenti ta’ negozju u servizzi pubbliċi ewlenin. L-użu tiegħu mill-Istati Membri meta jiddisinjaw jew jaġġornaw is-siti web tagħhom jista’ jiffaċilita t-traduzzjoni tal-kontenut kif ukoll l-iżvilupp tal-għodda ta’ tiftix tal-Portal Diġitali Uniku, u b’hekk l-informazzjoni, il-proċeduri u s-servizzi ta’ assistenza jkunu jistgħu jinstabu aktar faċilment.

·Is-Sistema ta’ Interkonnessjoni tar-Reġistri Kummerċjali (BRIS) 11 – se tiżgura l-aċċess fil-livell tal-UE għal informazzjoni dwar kumpaniji rreġistrati fl-Istati Membri u l-iskambju ta’ informazzjoni bejn reġistri differenti (operattiv sa Ġunju 2017);

·L-Interkonnessjoni Elettronika tar-Reġistri tal-UE dwar l-Insolvenza – se ttejjeb (mill-2019) l-amministrazzjoni effettiva ta’ proċeduri ta’ insolvenza transfruntiera;

·Il-Kard elettronika tas-Servizzi Ewropej – proposta tal-Kummissjoni adottata f’Jannar 2017 12 . Din tipprovdi proċedura elettronika simplifikata għall-fornitur ta’ ċerti servizzi ta’ negozju u ta’ kostruzzjoni li għandhom il-ħsieb li jipprovdu s-servizzi tagħhom fi Stat Membru ieħor; element bażiku ta’ din il-proċedura huwa l-komunikazzjoni bejn l-awtoritajiet domestiċi u dawk ospitanti;

·Id-Dokument Ewropew Uniku għall-Akkwist (ESPD) 13 huwa awtodikjarazzjoni ta’ konformità ma’ rekwiżiti relatati ma’ proċeduri ta’ akkwist pubbliku. Il-verżjoni elettronika tiegħu tista’ ssir element ewlieni importanti tal-implimentazzjoni tal-prinċipju ta’ darba biss fl-akkwist pubbliku;

·L-inizjattiva ppjanata dwar il-liġi tal-kumpaniji għall-iffaċilitar tas-soluzzjonijiet diġitali matul iċ-ċiklu tal-ħajja ta’ kumpanija kif imsemmija fil-Programm ta’ Ħidma tal-2017 tal-Kummissjoni;

·L-estensjoni ppjanata tal-Mini-One-Stop-Shop għall-VAT;

·Azzjonijiet li jirrigwardaw il-prinċipju ta’ darba biss bħala parti mill-Pjan ta’ Azzjoni tal-Gvern elettroniku se jiffaċilitaw il-kondiviżjoni ta’ informazzjoni u dejta bejn l-amministrazzjonijiet tal-Istati Membri. L-ewwel pass f’din id-direzzjoni jkun proġett pilota fuq skala kbira dwar każijiet ta’ negozju u valutazzjoni tal-fattibbiltà għaċ-ċittadini.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

L-Arikoli 21(2), 48 u 114 (1) TFUE huma rilevanti għal din il-proposta dwar l-approssimazzjoni tal-liġijiet. Skont l-Artikolu 26(2), is-suq intern għandu jinkludi arja bla fruntieri interni, li fiha l-moviment liberu ta' merkanzija, persuni, servizzi u kapital huwa żgurat skont id-dispożizzjonijiet tat-Trattati. L-Artikolu 21(2) TFUE jintroduċi l-bażi legali għall-adozzjoni ta’ regoli li jiffaċilitaw l-eżerċitar miċ-ċittadini tal-Unjoni tad-drittijiet imsemmija fl-Artikolu 21(1). L-Artikolu 48 jipprevedi bażi legali għall-adozzjoni ta’ miżuri fil-qasam tas-sigurtà soċjali li huma meħtieġa sabiex jipprovdu l-libertà tal-moviment għall-ħaddiema. L-Artikolu 114 jipprevedi bażi legali, ħlief fejn stipulat mod ieħor fit-Trattati għall-adozzjoni ta’ miżuri sabiex jinkisbu l-objettivi stipulati fl-Artikolu 26 TFUE.

Din il-proposta għandha l-għan li tippermetti liċ-ċittadini u lin-negozji aċċess faċli għall-informazzjoni, il-proċeduri u l-assistenza u s-servizzi ta’ soluzzjoni ta’ problemi li jeħtieġu għall-eżerċizzju tad-drittijiet tagħhom fis-suq intern. Għal dak l-għan, din il-proposta tistabbilixxi portal diġitali uniku li fih il-Kummissjoni u l-awtoritajiet kompetenti jkollhom rwol importanti fil-kisba tal-objettivi li ssemmew. L-inizjattiva timmira biss li telimina d-diskriminazzjoni u tnaqqas il-piż amministrattiv addizzjonali fuq iċ-ċittadini u n-negozji li joperaw jew iridu joperaw fi Stati Membri oħrajn f’konformità sħiħa mar-regoli u l-proċeduri nazzjonali, kif ukoll li telimina d-diskriminazzjoni f’konformità sħiħa mar-regoli u l-proċeduri nazzjonali. Ma taffettwax is-sustanza ta’ regoli jew proċeduri bħal dawn jew il-kompetenza fir-rigward tagħhom.

Peress li l-inizjattiva ssegwi għan triplu u l-komponenti rigward il-moviment liberu taċ-ċittadini, is-sigurtà soċjali u l-għan li jinkiseb is-suq intern u jiġi żgurat il-funzjonament tiegħu fir-rigward tal-għoti ta’ informazzjoni, il-proċeduri u l-assistenza u s-servizzi ta’ soluzzjoni ta’ problemi ma jistgħux jitqiesu biss inċidentali, l-inizjattiva għandha tkun ibbażata fuq l-Artikoli 21(2), 48 u 114 (1) TFUE.

•Sussidjarjetà

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

Ir-raġunijiet sottostanti għan-nuqqas ta’ prestazzjoni tas-servizzi eżistenti huma: approċċi bbażati fuq sajlo u ċċentrati fuq l-amministrazzjoni li jwasslu għall-frammentazzjoni; L-amministrazzjoni fil-livell tal-UE u dik nazzjonali fasslu servizzi pubbliċi skont il-ħtiġijiet tagħhom aktar milli tal-utenti tagħhom; is-soluzzjonijiet tekniċi mfassla ħafna snin ilu ma għadhomx jirriflettu l-progress tekniku u l-aħjar prattika tal-lum u n-negliġenza tal-amministrazzjonijiet nazzjonali tal-utent barrani.

•Konsultazzjonijiet mal-partijiet ikkonċernati

(a)Is-Sessjoni ta' ħidma dwar il-Portal Diġitali Uniku, Marzu 2016

(b)Konsultazzjoni pubblika online

·il-ħtieġa ta’ informazzjoni online dwar regoli u proċeduri f’pajjiżi oħrajn tal-UE: 93 % tan-negozji u 92 % taċ-ċittadini jqisuha importanti ħafna jew importanti;

·l-aċċess għall-proċeduri elettroniċi: 94 % tan-negozji u 92 % taċ-ċittadini jqisuha importanti ħafna jew importanti;

·l-aċċess għas-servizzi li jipprovdu assistenza fuq talba: 88 % tan-negozji u 87 % taċ-ċittadini jqisuha importanti ħafna jew importanti.

(c)Skambji mal-partijiet ikkonċernati u mal-Istati Membri

•Ġbir u użu tal-kompetenzi

•Valutazzjoni tal-impatt

·Għażla 1: portali għan-negozji u ċ-ċittadini ċċentralizzati fil-livell nazzjonali, li jippreskrivu struttura ta’ informazzjoni ċentrali permezz ta’ portali uniċi fil-livell nazzjonali u Ewropew, iżda li jieħdu approċċ ta’ liġi mhux vinkolanti fir-rigward tat-tnedija tal-proċeduri online. Ma hija prevista ebda soluzzjoni tal-UE biex jiġu aċċettati dokumenti u dejta minn Stati Membri oħrajn. Kull Stat Membru għandu jamalgama t-tliet punti ta’ kuntatt ewlenin tan-negozju (għas-servizzi u għall-oġġetti).

·Għażla 2: Approċċ ikkoordinat mill-UE, li jħalli lill-Istati Membri liberi f’dak li jirrigwarda fejn jipprovdu l-informazzjoni meħtieġa online. Ikunu meħtieġa biss jipprovdu l-links tas-siti web rilevanti lil repożitorju ċentrali tal-Kummissjoni, minn fejn faċilità ta’ tiftix komuni tkun tista’ tiġborhom u tippreżentahom lill-utent bi tweġiba għal xi tfittxija. Bħala parti minn dan, tiġi żviluppata “faċilità għas-sejbien ta’ servizzi ta’ assistenza” li jiggwida lill-utenti lejn is-servizz ta’ assistenza adatt. Il-faċilità tat-tiftix tkun limitata għall-kontenut tal-portal, u tista’ tkun integrata f’portali u paġni tal-web ta’ informazzjoni nazzjonali u tal-UE. Din l-għażla tobbliga lill-Istati Membri jagħmlu ċerti proċeduri ewlenin għan-negozji u għaċ-ċittadini kompletament online, skont skeda ta’ żmien miftiehma.

·Għażla 3: Approċċ kompletament ċentralizzat madwar l-UE: li tipprovdi l-informazzjoni kollha fil-livell tal-UE u dak nazzjonali permezz ta’ bażi ta' dejta ċentrali fil-livell tal-UE. Din l-għażla tippreskrivi li jitqiegħdu online l-istess għoxrin proċedura bażika tal-Għażla 2, iżda tipprovdi wkoll l-istabbiliment ta’ għodda speċjali tal-IT li tippermetti kooperazzjoni bejn l-uffiċċji amministrattivi tal-awtoritajiet tal-pajjiżi ta’ oriġini u dawk ospitanti biex jakkomodaw il-ħtiġijiet (l-aktar f’termini ta’ sottomissjoni ta’ evidenza) tal-utent barrani. L-informazzjoni u l-proċeduri jkunu jistgħu jinstabu faċilment minn fuq il-bażi ta’ dejta ċentrali. Faċilità għas-sejbien ta’ assistenza komuni (bħal fl-Għażla 2) tgħin biex jinstabu servizzi ta’ assistenza.

L-Għażla 1 kienet meqjusa bħala soluzzjoni effiċjenti, iżda mhux effettiva ħafna minħabba l-iżvantaġġ sinifikanti jekk it-tnedija tal-proċeduri online titħalla volontarja għall-Istati Membri, u minħabba n-nuqqas ta’ soluzzjoni komuni għall-problema tal-użu transfruntier ta’ evidenza għall-proċeduri. Barra minn hekk in-nuqqas ta’ sejbien ma jkunx indirizzat biżżejjed peress li l-faċilitajiet ta’ tiftix fuq il-portali tan-negozju nazzjonali, ma jkunux jipprovdu, fil-prinċipju, għal tiftix fil-lingwi kollha tal-UE. Fl-aħħar nett, in-nuqqas ta’ għodda komuni ta’ monitoraġġ tal-kwalità jagħmel l-infurzar tal-kriterji tal-kwalità aktar inkonvenjenti. Għal dawn ir-raġunijiet, ġie konkluż li din l-għażla aktarx ma tkunx suffiċjenti sabiex tindirizza l-ħtiġijiet tal-utenti.

L-Għażla 3 kisbet l-aktar punti f’dak li jirrigwarda l-issodisfar tal-ħtiġijiet tal-utenti. L-approċċ kompletament ċentralizzat tagħha jiggarantixxi mod armonizzat kif wieħed jippreżenta l-informazzjoni u b’hekk ikun żgurat li l-utenti jistgħu faċilment isibu l-informazzjoni li qed ifittxu. Proċeduri armonizzati madwar l-UE kollha jkunu kompletament aċċessibbli apposta għall-utenti transfruntiera. Madankollu, l-iżvantaġġi serji ta’ din l-għażla huma n-nuqqas ta’ fattibbiltà minħabba l-ftit appoġġ mill-Istati Membri għal approċċ ċentralizzat bħal dan. Barra minn hekk, din l-għażla ma kinitx meqjusa ġeneralment effiċjenti ħafna peress li tgħaqqad spejjeż kbar ħafna ma’ ammont sinifikanti ta’ duplikazzjoni.

•Idoneità u simplifikazzjoni regolatorja

•Drittijiet fundamentali

4.IMPLIKAZZJONIJIET GĦALL-BAĠIT

5.ELEMENTI OĦRAJN

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rappurtar

•Spjegazzjoni fid-dettall tad-dispożizzjonijiet speċifiċi tal-proposta

2017/0086 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ portal diġitali uniku li jipprovdi informazzjoni, proċeduri, u servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012

(Test b’relevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u partikolarment l-Artikolu 21(2), 48 u l-Artikolu 114(1) tiegħu,

Wara li kkunsidraw il-proposta mill-Kummissjoni Ewropea,

Wara li ntbagħat l-abbozz tal-att leġiżlattiv lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 14 ,

Wara li kkunsidraw l-opinjoni tal-Kumitat tar-Reġjuni 15

Wara li kkonsultaw il-Kontrollur Ewropew għall-Protezzjoni tad-Dejta,

Waqt li jaġixxu skont il-proċedura leġiżlattiva ordinarja,

Billi:

(1)Is-Suq Uniku hu wieħed mill-kisbiet l-aktar tanġibbli tal-Ewropa. Peress li jippermetti lin-nies, lill-oġġetti, lis-servizzi u lill-kapital jiċċaqilqu b’mod liberu, joffri opportunitajiet ġodda liċ-ċittadini u lin-negozji. Dan ir-Regolament huwa azzjoni ewlenija tal-Istrateġija tas-Suq Uniku 16 bl-għan li joħroġ il-potenzjal sħiħ tas-Suq Uniku billi jagħmilha aktar faċli għaċ-ċittadini u għan-negozji li jiċċaqilqu fl-UE u li jinnegozjaaw, jistabbilixxu lilhom infushom u jespandu n-negozju tagħhom bejn il-fruntieri.

(2)Il-Komunikazzjoni dwar is-Suq Uniku Diġitali 17 tirrikonoxxi r-rwol tal-Internet u tat-teknoloġiji diġitali fit-trasformazzjoni tal-ħajja tagħna u l-mod kif naħdmu billi jiffaċilitaw opportunitajiet kbar għall-innovazzjoni, it-tkabbir u l-impjiegi. Il-Komunikazzjoni tirrikonoxxi li l-bżonnijiet taċ-ċittadini u tan-negozji f’pajjiżhom stess u b'mod transfruntiera jintlaħqu aħjar bl-estensjoni u l-integrazzjoni ta’ portali, netwerks, servizzi u sistemi Ewropej eżistenti u billi dawn jintrabtu mal-“Portali Diġitali Uniku”. Il-Pjan ta' Azzjoni tal-Unjoni dwar il-Gvern elettroniku 2016-2020 18 jelenka l-portal diġitali uniku fost waħda mill-azzjonijiet tiegħu għall-2017. Ir-rapport dwar iċ-Ċittadinanza tal-UE 19  jikkunsidra l-portal diġitali uniku bħala prijorità għad-drittijiet taċ-ċittadinanza tal-UE.

(3)Il-Parlament Ewropew u l-Kunsill talbu ripetutament għal pakkett ta’ informazzjoni u assistenza aktar komprensiv u aktar faċli għall-utent biex jgħin lin-negozji jinnavigaw is-Suq Uniku u biex isaħħaħ u jissimplifika l-għodod tas-Suq Uniku sabiex jissodisfa l-bżonnijiet taċ-ċittadini u tan-negozji fl-attivitajiet transfruntiera tagħhom.

(4)Dan ir-Regolament jwieġeb għal dawn it-talbiet billi joffri liċ-ċittadini u lin-negozji aċċess faċli għal informazzjoni, proċeduri u servizzi ta’assistenza u ta’ soluzzjoni ta’ problemi li jeħtieġu għall-eżerċitar tad-drittijiet tagħhom fis-suq intern. Dan ir-Regolament jistabbilixxi portal diġitali uniku li fil-kuntest tiegħu l-Kummissjoni u l-awtoritajiet kompetenti jkollhom rwol importanti fil-kisba ta’ dawn l-objettivi.

(5)Dan ir-Regolament jelenka l-oqsma ta’ informazzjoni li huma rilevanti għaċ-ċittadini u għan-negozji li jeżerċitaw id-drittijiet tagħhom fis-suq intern u jenħtieġ li jirrikjedi lill-Istati Membri u lill-Kummissjoni jiżguraw li l-informazzjoni f'dawk l-oqsma tkun koperta bis-sħiħ minn siti web u portali nazzjonali u tal-Unjoni. Barra minn hekk, l-informazzjoni ma għandhiex tispjega biss ir-regoli u l-obbligi taċ-ċittadini u tan-negozji, iżda għandha tispjega wkoll il-proċeduri li jridu jitwettqu miċ-ċittadini u min-negozji sabiex jikkonformaw ma’ dawk ir-regoli u l-obbligi. L-informazzjoni għandha tipprovdi wkoll deskrizzjoni tas-servizzi ta’ assistenza u ta’ soluzzjoni tal-problemi li għalihom iċ-ċittadini u n-negozji jistgħu jirreferu meta jkollhom problemi biex jifhmu l-informazzjoni, biex japplikaw dik l-informazzjoni għas-sitwazzjoni partikolari tagħhom jew biex iwettqu proċedura.

(6)Peress li l-inizjattiva ssegwi għan triplu, jiġifieri timmira li tnaqqas piż amministrattiv addizzjonali fuq iċ-ċittadini u n-negozji li joperaw jew li jridu joperaw fi Stati Membri oħrajn b'konformità sħiħa mar-regoli u l-proċeduri nazzjonali, li telimina d-diskriminazzjoni u li tiżgura l-funzjonament tas-suq intern fir-rigward tal-għoti ta’ informazzjoni, proċeduri u servizzi ta' assistenza u ta’ soluzzjoni ta’ problemi u minħabba li l-komponenti tagħha jkopru l-moviment liberu taċ-ċittadini u tas-sigurtà soċjali, li ma jistgħux jitqiesu biss inċidentali, l-inizjattiva għandha tkun ibbażata fuq l-Artikoli 21(2), 48 u 114 (1) TFUE.

(7)Sabiex iċ-ċittadini u n-negozji tal-Unjoni jgawdu d-dritt tagħhom ta’ moviment liberu fis-suq intern, jenħtieġ li l-Unjoni tadotta miżuri speċifiċi li jippermettu liċ-ċittadini u lin-negozji jkollhom aċċess faċli għal informazzjoni komprensiva u affidabbli dwar id-drittijiet tagħhom maħluqa mil-liġi tal-Unjoni u għal informazzjoni dwar ir-regoli u l-proċeduri nazzjonali applikabbli li jkollhom jikkonformaw magħhom fejn iridu jmorru sabiex jgħixu jew jistudjaw jew fejn jixtiequ jistabbilixxu ruħhom jew jagħmlu negozju fi Stat Membru ieħor minbarra pajjiżhom stess. L-informazzjoni li trid tingħata fil-livell nazzjonali ma għandhiex tirrigwarda biss ir-regoli nazzjonali li jimplimentaw il-liġi tal-Unjoni, iżda wkoll kwalunwke regola oħra nazzjonali applikabbli għaċ-ċittadini u n-negozji ta’ Stati Membri oħrajn ukoll.

(8)Huwa ċar li ċ-ċittadini u n-negozji ("l-utenti") minn Stati Membri oħrajn jistgħu jkunu fi żvantaġġ minħabba n-nuqqas ta’ familjarità tagħhom mar-regoli nazzjonali u mas-sistemi amministrattivi, id-differenzi fil-lingwi użati u n-nuqqas ta’ prossimità ġeografika għall-awtoritajiet pubbliċi f’dawk l-Istati Membri. L-aktar mod effiċjenti kif jitnaqqsu l-ostakli riżultanti għas-suq intern huwa li l-utenti transfruntiera jingħataw aċċess għal informazzjoni online, f’lingwa li jistgħu jifhmu, sabiex ikunu jistgħu jwettqu proċeduri għall-konformità mar-regoli nazzjonali kompletament online u joffrulhom l-assistenza fejn ir-regoli u l-proċeduri mhumiex ċari biżżejjed jew fejn jiltaqgħu ma’ ostakli fl-eżerċitar tad-drittijiet tagħhom.

(9)Għadd ta’ atti tal-Unjoni ppruvaw jipprovdu soluzzjonijiet billi joħlqu one-stop shops settorjali, fosthom Punti ta’ Kuntatt Waħdieni stabbiliti mid-Direttiva dwar is-Servizzi 20 sabiex joffru informazzjoni, servizzi ta’ assistenza u aċċess għal proċeduri online rilevanti għall-forniment ta’ servizzi; Punti ta’ Kuntatt tal-Prodott 21 u Punti ta’ Kuntatt għall-Prodotti għall-Bini 22 stabbiliti sabiex jipprovdu aċċess għal regoli tekniċi speċifiċi għall-prodotti u Ċentri ta’ Assistenza għall-Kwalifiki Professjonali 23 sabiex jgħinu lill-professjonisti li jkunu se jmorru pajjiż ieħor. Barra minn hekk, ġew stabbiliti netwerks, bħaċ-Ċentri Ewropej tal-Konsumaturi sabiex jippromwovu l-fehim tad-drittijiet tal-konsumaturi tal-Unjoni u sabiex jgħinuhom isolvu l-ilmenti tagħhom dwar akkwisti magħmula fi Stati Membri oħrajn fi ħdan in-netwerk, meta jivvjaġġjaw jew meta jkunu qegħdin jixtru online. Barra minn hekk, SOLVIT 24 jipprova jwassal soluzzjonijiet mgħaġġla, effettivi u informali lil individwi u negozji meta d-drittijiet tal-Unjoni tagħhom fis-suq intern jiġu miċħuda mill-awtoritajiet pubbliċi. Fl-aħħar nett, diversi portali ta’ informazzjoni bħall-Ewropa Tiegħek, fir-rigward tas-suq intern, u l-portal tal-Ġustizzja elettronika, b’rabta mal-qasam tal-ġustizzja, kienu stabbiliti sabiex jinformaw lill-utenti dwar ir-regoli tal-Unjoni u dawk nazzjonali.

(10)Bħala riżultat tan-natura settorjali ta’ dawn l-atti, il-provvista attwali ta’ informazzjoni u ta’ servizzi ta’ assistenza online flimkien mal-proċeduri online għaċ-ċittadini u għan-negozji għadha frammentata ħafna. Hemm diskrepanzi fid-disponibbiltà ta’ informazzjoni u proċeduri online, hemm nuqqas ta’ kwalità b’rabta mas-servizzi u n-nuqqas ta’ għarfien fir-rigward ta' dik l-informazzjoni u dawk is-servizzi ta’ assistenza. Hemm ukoll problemi bil-faċilità tas-sejbien u bl-aċċessibbiltà tas-servizzi għall-utenti barranin li għadha kwistjoni kbira.

(11)Dan ir-Regolament għandu jistabbilixxi punt ta’ dħul uniku li minnu ċ-ċittadini u n-negozji jkunu jistgħu jaċċessaw l-informazzjoni dwar ir-regoli u r-rekwiżiti li jkollhom jikkonformaw magħhom, skont il-liġi tal-Unjoni u/jew nazzjonali. Għandu jissimplifika l-kuntatt taċ-ċittadini u tan-negozji mas-servizzi ta’ assistenza u ta’ soluzzjoni tal-problemi, stabbiliti fil-livell tal-Unjoni u dak nazzjonali u jagħmlu aktar effettiv. Il-portal għandu wkoll jiffaċilita l-aċċess għall-proċeduri u t-twettiq tagħhom. Għaldaqstant, dan ir-Regolament għandu jeżiġi li l-Istati Membri jippermettu lill-utenti jwettqu kompletament ċerti proċeduri online li huma ta' importanza ewlenija għall-maġġoranza taċ-ċittadini u tan-negozji li jaqsmu l-fruntieri, mingħajr ma jaffettwa bl-ebda mod ir-rekwiżiti sostantivi eżistenti skont il-liġi tal-Unjoni u/jew il-liġi nazzjonali f’dawk l-oqsma ta’ politika. F’dan il-kuntest, ir-Regolament għandu jappoġġa l-użu tal-prinċipju ta’ “darba biss” għall-fini tal-iskambju ta’ evidenza bejn l-awtoritajiet kompetenti fi Stati Membri differenti.

(12)Il-portal għandu jkun iċċentrat madwar l-utent u faċli biex jintuża u għandu jippermetti liċ-ċittadini u lin-negozji jinteraġixxu mal-amministrazzjonijiet nazzjonali u tal-Unjoni billi jipprovdilhom l-opportunità li jagħtu feedback dwar l-esperjenza tagħhom kemm tas-servizzi offruti mill-portal kif ukoll tal-funzjonament tas-suq intern. L-għodda tal-feedback għandha tippermetti lill-utent jindika l-problemi perċepiti, in-nuqqasijiet u l-ħtiġijiet sabiex tħeġġeġ it-titjib kontinwu tal-kwalità tas-servizzi.

(13)Is-suċċess tal-portal jiddependi mill-isforz konġunt tal-Kummissjoni u tal-Istati Membri. Il-portal għandu jinkludi interfaċċa komuni tal-utenti integrata fil-portal eżistenti L-Ewropa Tiegħek li se jkun immexxi mill-Kummissjoni. L-interfaċċa komuni tal-utenti għandha tipprovdi links għal informazzjoni, proċeduri u għal servizzi ta’ assistenza jew ta’ soluzzjoni tal-problemi disponibbli fuq portali ġestiti mill-awtoritajiet kompetenti fl-Istati Membri u mill-Kummissjoni. Sabiex tiffaċilita l-użu tal-portal, l-interfaċċa tal-utent għandha tkun disponibbli fil-lingwi uffiċjali kollha tal-Unjoni. Il-funzjonament tal-portal għandu jkun appoġġat minn għodod tekniċi żviluppati mill-Kummissjoni f’kooperazzjoni mal-Istati Membri.

(14)Fil-Karta għall-Punti ta’ Kuntatt Waħdieni (PSCs) elettroniċi skont id-Direttiva dwar is-Servizzi 25 , l-Istati Membri għamlu impenn volontarju li jassumu approċċ utentċentriku fil-provvediment ta’ informazzjoni mill-PSCs, sabiex ikopru oqsma ta’ importanza partikolari għan-negozji fosthom il-VAT, it-taxxi fuq l-introjtu, is-sigurtà soċjali jew ir-rekwiżiti tal-liġi tax-xogħol. Skont il-Karta u skont l-esperenzja mill-Portal L-Ewropa Tiegħek, l-informazzjoni għandha tipprovdi wkoll deskrizzjoni tas-servizzi ta’ assistenza u ta’ soluzzjoni tal-problemi li għalihom iċ-ċittadini u n-negozji jistgħu jirreferu meta jkollhom problemi biex jifhmu l-informazzjoni, biex japplikaw dik l-informazzjoni għas-sitwazzjoni partikolari tagħhom jew biex iwettqu proċedura.

(15)Dan ir-Regolament għandu jtejjeb id-dimensjoni tas-suq intern ta’ proċeduri online billi jisħaq fuq il-prinċipju ġenerali tan-nondiskriminazzjoni anki b’rabta mal-aċċess miċ-ċittadini jew min-negozji għal proċeduri online diġà stabbiliti fil-livell nazzjonali u fuq il-bażi tal-liġi nazzjonali jew tal-Unjoni. L-utenti li ma jkunux residenti jew stabbiliti fi Stat Membru għandhom ikunu jistgħu jaċċessaw u jwettqu proċeduri online mingħajr ostakli bħal pereżempju partijiet ta’ formoli li jeħtieġu numri tat-telefon nazzjonali jew kodiċijiet postali nazzjonali, pagamenti ta’ miżati li jistgħu jsiru biss permezz ta’ sistemi li ma jipprovdux għal pagamenti transfruntiera, nuqqas ta’ spjegazzjonijiet dettaljati f’lingwa oħra għajr fil-lingwa jew fil-lingwi nazzjonali, in-nuqqas ta’ possibbiltajiet ta’ preżentazzjoni ta’ evidenza elettronika minn awtoritajiet li jinsabu fi Stat Membru ieħor u n-nuqqas ta’ aċċettazzjoni ta’ mezzi ta’ identifikazzjoni elettroniċi maħruġa fi Stati Membri oħrajn.

(16)Dan ir-Regolament għandu jibni fuq ir-Regolament dwar l-eIDAS 26 li jistabbilixxi l-kundizzjonijiet li taħthom l-Istati Membri jirrikonoxxu ċerti mezzi ta’ identifikazzjoni elettronika għal persuni fiżiċi u ġuridiċi li jaqgħu taħt skema ta’ identifikazzjoni elettronika notifikata ta’ Stat Membru ieħor. Mid-data ta’ applikazzjoni ta’ dak ir-regolament l-utenti għandhom ikunu jistgħu jużaw il-mezzi ta’ identifikazzjoni u ta’ awtentikazzjoni elettronika tagħhom sabiex joperaw fuq bażi transfruntiera u jinteraġixxu b’mod elettroniku mal-awtoritajiet kompetenti.

(17)Għadd ta’ atti settorjali tal-Unjoni bħad-Direttiva dwar is-Servizzi 27 , id-Direttiva dwar il-Kwalifiki Professjonali 28 u d-Direttivi dwar l-Akkwist Pubbliku 29 jeħtieġu li l-proċeduri jkunu magħmula kompletament disponibbli online. Dan ir-Regolament għandu jżid ir-rekwiżiti għal għadd ta’ proċeduri ewlenin kemm għaċ-ċittadini kif ukoll għan-negozji biex ikunu kompletament disponibbli online.

(18)Sabiex jippermetti liċ-ċittadini u lin-negozji jgawdu direttament mill-benefiċċji tas-suq intern mingħajr piż amministrattiv addizzjonali bla bżonn, dan ir-Regolament għandu jeħtieġ diġitalizzazzjoni sħiħa tal-interfaċċa tal-utenti ta’ ċerti proċeduri ewlenin għall-utenti transfruntiera, li huma elenkati fl-Anness II ta' dan ir-Regolament u jipprovdi l-kriterji għad-definizzjoni ta’ kif il-proċedura tikkwalifika bħala kompletament online. Ir-“reġistrazzjoni tal-attività tan-negozju” hija waħda minn dawn il-proċeduri ta’ rilevanza partikolari għan-negozji. Madankollu, ma għandux ikopri l-proċeduri li jwasslu għall-kostituzzjoni ta’ kumpaniji jew ditti bħala entitajiet legali peress li proċeduri bħal dawn jeħtieġu approċċ komprensiv li jiffaċilita s-soluzzjonijiet diġitali tul iċ-ċiklu tal-ħajja ta’ kumpanija. Meta n-negozji jistabbilixxu ruħhom fi Stat Membru ieħor, ikunu meħtieġa jirreġistraw fi skema tas-sigurtà soċjali u fi skema ta’ assigurazzjoni sabiex jirreġistraw lill-impjegati tagħhom u jħallsu kontribuzzjonijiet liż-żewġ skemi. Dawn il-proċeduri huma komuni għan-negozji kollha li joperaw fi kwalunkwe settur tal-ekonomija, u għalhekk huwa xieraq li dawk iż-żewġ proċeduri ta’ reġistrazzjoni jkunu magħmula disponibbli online.

(19)F’ċerti każijiet, minħabba l-istat attwali tal-iżvilupp tekniku xorta waħda jista’ jkun hemm il-bżonn li l-utenti ta’ proċedura jidhru personalment quddiem awtorità kompetenti bħala parti mill-proċedura online, speċjalment fil-każ ta’ talba jew tiġdid ta’ passaporti jew ta’ karti tal-identità li jkun fihom dejta bijometrika. Kwalunkwe eċċezzjoni bħal din għandha tkun limitata għal sitwazzjonijiet fejn ma teżisti ebda teknoloġija diġitali biex jintlaħaq l-iskop tal-proċedura.

(20)Dan ir-Regolament ma għandux jinterferixxi mal-kompetenzi tal-awtoritajiet nazzjonali f’fażijiet differenti ta’ kwalunkwe proċedura, inklużi l-flussi ta’ ħidma proċedurali fl-awtoritajiet kompetenti u bejniethom kemm jekk ikunu diġitalizzati kif ukoll jekk le.

(21)Dan ir-Regolament ma għandux jaffettwa r-regoli ta’ koordinazzjoni tas-sigurtà soċjali stabbiliti fir-Regolament (KE) Nru 883/2004 tal-Parlament Ewropew u tal-Kunsill 30 u r-Regolament (KE) Nru 987/2009 tal-Parlament Ewropew u tal-Kunsill 31 , li jiddefinixxu d-drittijiet u l-obbligi ta’ persuni assigurati u tal-istituzzjonijiet tas-sigurtà soċjali, kif ukoll il-proċeduri applikabbli fil-qasam tal-koordinazzjoni tas-sigurtà soċjali.

(22)Ġew stabbiliti diversi netwerks u servizzi fil-livell nazzjonali u fil-livell tal-Unjoni sabiex jassistu liċ-ċittadini u lin-negozji fl-attivitajiet transfruntiera tagħhom. Huwa importanti li dawn is-servizzi, inklużi ċ-Ċentri Ewropej tal-Konsumaturi, il-Pariri tal-Ewropa Tiegħek, SOLVIT, il-helpdesk għad-Drittijiet ta' Proprjetà Intellettwali, Europe Direct u n-Netwerk Enterprise Europe, jifformaw parti mill-portal diġitali uniku sabiex ikun żgurat li l-utenti potenzjali kollha jkunu jistgħu jsibuhom. Dawk li huma elenkati fl-Anness III ta' dan ir-Regolament kienu stabbiliti permezz ta’ atti vinkolanti tal-Unjoni filwaqt li oħrajn joperaw fuq bażi volontarja. Is-servizzi preċedenti għandhom ikunu marbutin bi kriterji tal-kwalità stabbiliti f'dan ir-Regolament filwaqt li dawn tal-aħħar għandhom jagħżlu li jikkonformaw mar-rekwiżiti tal-kwalità jekk iridu li s-servizzi tagħhom ikunu magħmula aċċessibbli mill-portal.

(23)Barra minn hekk, l-Istati Membri u l-Kummissjoni jistgħu jiddeċiedu li jżidu servizzi oħrajn ta’ assistenza nazzjonali jew ta’ soluzzjoni ta’ problemi pprovduti minn awtoritajiet kompetenti jew minn entitajiet privati jew semiprivati, taħt il-kundizzjonijiet stipulati f'dan ir-Regolament. Fil-prinċipju, l-awtoritajiet kompetenti għandhom ikunu responsabbli biex jgħinu liċ-ċittadini u lin-negozji fi kwalunkwe problema li jkollhom rigward ir-regoli applikabbli u l-proċeduri li ma jistgħux ikunu indirizzati għal kollox mis-servizzi online. Madankollu, f’oqsma speċjalizzati ħafna u fejn is-servizz ipprovdut minn korpi privati jew semiprivati jissodisfa l-ħtiġijiet tal-utenti, l-Istati Membri jistgħu jipproponu lill-Kummissjoni biex tinkludi dawn is-servizzi fil-portal, diment li jissodisfaw il-kundizzjonijiet kollha stipulati fir-Regolament u ma jidduplikawx is-servizzi ta’ assistenza jew ta’ soluzzjoni ta’ problemi li jkunu diġà inklużi.

(24)Biex jassisti lill-utenti jidentifikaw is-servizz xieraq, dan ir-Regolament għandu jipprovdi għodda li awtomatikament tiggwida lill-utenti lejn is-servizz it-tajjeb.

(25)Il-konformità ma’ lista minima ta’ rekwiżiti tal-kwalità hija element essenzjali għas-suċċess tal-portal diġitali uniku sabiex ikun żgurat li l-għoti ta’ informazzjoni jew servizzi huwa affidabbli inkella tiġi mminata l-kredibbiltà tal-portal inġenerali. L-aċċessibbiltà tal-informazzjoni għall-utenti transfruntiera tista’ tittejjeb b’mod sostanzjali meta l-informazzjoni tkun disponibbli mhux biss fil-lingwa nazzjonali ta’ Stat Membru iżda wkoll f’mill-inqas lingwa uffiċjali oħra tal-UE. It-traduzzjoni mil-lingwa jew mil-lingwi nazzjonali f’din il-lingwa uffiċjali l-oħra tal-Unjoni għandha tirrifletti perfettament il-kontenut tal-informazzjoni pprovduta fil-lingwa jew fil-lingwi nazzjonali.

(26)Dan ir-Regolament għandu jippermetti wkoll il-verifika tal-evidenza pprovduta mill-utenti fil-format elettroniku, meta din tiġi ppreżentata mingħajr siġill elettroniku jew ċertifikazzjoni mill-awtorità kompetenti emittenti u meta l-għodda teknika li tippermetti l-iskambju dirett ta’ evidenza bejn l-awtoritajiet kompetenti ta’ Stati Membri differenti ma tkunx għadha disponibbli. Għal dawn il-każijiet dan ir-Regolament għandu jipprovdi mekkaniżmu effettiv għal kooperazzjoni amministrattiva fost l-awtoritajiet kompetenti tal-Istati Membri bbażat fuq is-Sistema ta' Informazzjoni tas-Suq Intern (‘IMI’), stabbilita mir-Regolament (UE) Nru 1024/2012 tal-Parlament Ewropew u tal-Kunsill 32 . Ir-Regolament (UE) Nru 1024/2012 għandu jkun emendat sabiex jippermetti lill-korpi, lill-uffiċċji jew lill-aġenziji tal-Unjoni jsiru atturi fi ħdan l-IMI.

(27)Is-servizzi online ipprovduti mill-awtoritajiet kompetenti huma kruċjali biex tiżdied il-kwalità tas-servizzi mogħtija liċ-ċittadini u lin-negozji. Fejn l-amministrazzjonijiet pubbliċi fl-Istati Membri, aktar ma jmur ma għadhomx jeħtieġu li ċ-ċittadini u n-negozji jipprovdu l-istess informazzjoni diversi drabi iżda minflok qegħdin jaħdmu lejn l-użu mill-ġdid tad-dejta, l-istess ħaġa għandha tkun iffaċilitata għall-utenti li jiffaċċjaw proċeduri fi Stati Membri oħrajn, biex jonqos il-piż addizzjonali.

(28) B’konformità mal-prinċipju ta’ “darba biss”, sabiex ikompli jiġi ffaċilitat l-użu ta’ proċeduri online, dan ir-Regolament għandu jipprovdi l-bażi għall-iskambju dirett ta’ evidenza bejn l-awtoritajiet kompetenti kkonċernati minn Stati Membri differenti, fuq talba taċ-ċittadini u tan-negozji. Il-prinċipju ta’ “darba biss” ifisser li ċ-ċittadini u n-negozji ma għandhomx għalfejn jipprovdu l-istess informazzjoni lill-awtoritajiet pubbliċi aktar minn darba għall-iskambju transfruntier ta’ evidenza.

(29)Is-sistema teknika sigura li għandha tiġi stabbilita sabiex tippermetti l-iskambju ta’ evidenza skont dan ir-Regolament għandha tagħti wkoll lill-awtoritajiet kompetenti rikjedenti ċ-ċertezza li l-evidenza ġiet ippreżentata mill-awtorità emittenti t-tajba.

(30)Sistema bħal din għandha tkun disponibbli minbarra sistemi oħrajn li jipprovdu mekkaniżmi għall-kooperazzjoni bejn l-awtoritajiet, bħall-IMI jew l-[e-Services Card] u ma għandhiex taffettwa lil sistemi oħrajn, inkluż is-sistema prevista fl-Artikolu 4 tar-Regolament (KE) Nru 987/2009, id-Dokument Ewropew Uniku għall-Akkwist skont id-Direttiva (UE) 2014/24 tal-Parlament Ewropew u tal-Kunsill 33 , l-interkonnessjoni ta’ reġistri nazzjonali, l-interkonnessjoni ta’ reġistri ċentrali, kummerċjali u tal-kumpaniji skont id-Direttiva 2009/101/KE tal-Parlament Ewropew u tal-Kunsill 34 u tar-reġistri tal-insolvenza taħt ir-Regolament (UE) 2015/848 tal-Parlament Ewropew u tal-Kunsill 35 .

(31)Sabiex jiġu żgurati kundizzjonijiet uniformi għall-implimentazzjoni ta’ sistema teknika li tippermetti l-iskambju ta’ evidenza, għandhom jingħataw setgħat ta' implimentazzjoni lill-Kummissjoni sabiex din tipprovdi dettalji, b’mod partikolari l-ispeċifikazzjonijiet tekniċi ta’ sistema għall-ipproċessar tat-talba tal-utent għall-iskambju ta’ evidenza, għat-trasferiment ta’ tali evidenza, u għall-miżuri meħtieġa biex tiġi żgurata l-integrità u l-kunfidenzjalità tat-trasferiment. Dawn is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill 36 .

(32)Il-konformità mal-kriterji tal-kwalità għandha tkun ir-responsabbiltà tal-awtoritajiet kompetenti u tal-Kummissjoni fir-rigward tal-informazzjoni, il-proċeduri u s-servizzi li għalihom huma responsabbli. Il-koordinaturi nazzjonali u l-Kummissjoni għandhom jissorveljaw il-konformità mal-kriterji tal-kwalità fil-livell nazzjonali u Ewropew rispettivament, u jindirizzaw kwalunkwe problema li titfaċċa. Dan ir-Regolament għandu jagħti lill-Kummissjoni firxa wiesgħa ta’ mezzi sabiex tindirizza kull deterjorament fil-kwalità tas-servizzi offruti mill-portal, skont is-serjetà u l-persistenza ta’ dan id-deterjorament li tkun tinkludi l-involviment tal-grupp ta’ koordinazzjoni tal-portal. Dan ma għandux jippreġudika r-responsabbiltà ġenerali tal-Kummissjoni rigward il-monitoraġġ tal-konformità ma’ dan ir-Regolament.

(33)Dan ir-Regolament għandu jispeċifika l-funzjonalitajiet ewlenin tal-għodod tekniċi li jappoġġjaw il-funzjonament tal-portal, b’mod partikolari l-interfaċċa komuni tal-utent, ir-repożitorju tal-links u l-faċilità ta’ sejbien tas-servizzi ta’ assistenza komuni. Sabiex jiġu żgurati kundizzjonijiet uniformi għall-implimentazzjoni tas-soluzzjonijiet tekniċi li jappoġġjaw lill-portal, għandhom jingħataw setgħat ta' implimentazzjoni lill-Kummissjoni sabiex tispeċifika l-organizzazzjoni, l-istruttura u l-immarkar ta’ kull informazzjoni, proċedura u servizz ta’ assistenza jew ta’ soluzzjoni tal-problemi taħt ir-responsabbiltà tal-Istati Membri u tal-Kummissjoni għall-fini tal-interfaċċa tal-utent. Dawn is-setgħat għandhom jiġu eżerċitati skont ir-Regolament (UE) Nru 182/2011. Dan ir-Regolament għandu wkoll jalloka b’mod ċar ir-responsabbiltà għall-iżvilupp, id-disponibbiltà, il-manutenzjoni u s-sigurtà ta' dawn l-għodod bejn il-Kummissjoni u l-Istati Membri.

(34)Sabiex jiġi żviluppat il-potenzjal sħiħ tal-oqsma differenti ta’ informazzjoni, il-proċeduri u s-servizzi ta’ assistenza u ta’ soluzzjoni tal-problemi li għandhom ikunu inklużi fil-portal, jenħtieġ li jittejjeb ħafna aktar l-għarfien tal-udjenzi fil-mira dwar l-eżistenza tagħhom. L-inklużjoni tagħhom fil-portal għandha tagħmilha ħafna aktar faċli għall-utenti li jsibu l-informazzjoni, il-proċeduri u s-servizzi ta’ assistenza u ta’ soluzzjoni tal-problemi li jeħtieġu, anki meta ma jkunux familjari magħhom. Barra minn hekk, se jkun meħtieġ sforz promozzjonali kkoordinat biex jiżgura li ċ-ċittadini u n-negozji madwar l-Unjoni jsiru jafu bl-eżistenza tal-portal u l-vantaġġi li joffri. Għal effiċjenza massima, l-attivitajiet ta’ promozzjoni għandhom ikunu kkoordinati fil-qafas tal-grupp ta’ koordinazzjoni u l-Istati Membri għandhom jaġġustaw l-isforzi promozzjonali tagħhom sabiex ikun hemm referenza komuni għall-marka f’kull kuntest rilevanti, bil-possibbiltà li jirreklamaw il-portal diġitali uniku ma’ inizjattivi nazzjonali.

(35)Sabiex tinkiseb informazzjoni adegwata għall-kejl tal-prestazzjoni tal-portal diġitali uniku, dan ir-Regolament jipprovdi qafas għall-istabbiliment ta’ speċifikazzjonijiet komuni għall-ġbir u l-analiżi ta’ dejta relatata mal-użu tad-diversi oqsma ta’ informazzjoni, proċeduri u servizzi offruti mill-portal. Sabiex jiġu stabbiliti l-kategoriji dettaljati tad-dejta li trid tiġi rreġistrata u l-metodu ta’ reġistrazzjoni u skambju ta’ dejta, il-Kummissjoni għandha tingħata s-setgħa li tadotta atti skont l-Artikolu 290 tat-Trattat. Huwa partikolarment importanti li l-Kummissjoni tagħmel konsultazzjonijiet xierqa waqt il-ħidma ta’ preparazzjoni tagħha, inkluż fil-livell tal-esperti, u li dawk il-konsultazzjonijiet isiru skont il-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016 37 . B’mod partikolari, biex tiġi żgurata l-parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill għandhom jirċievu d-dokumenti kollha fl-istess ħin bħall-esperti tal-Istati Membri, u l-esperti tagħhom għandu jkollhom aċċess sistematikament għal-laqgħat tal-gruppi ta’ esperti tal-Kummissjoni involuti fit-tħejjija tal-atti delegati.

(36)Il-Kummissjoni għandha tingħata s-setgħa li tadotta atti ta' implimentazzjoni sabiex tistabbilixxi regoli uniformi dwar il-metodu ta’ reġistrazzjoni u skambju ta’ statistika. Dawn is-setgħat għandhom jiġu eżerċitati skont ir-Regolament (UE) Nru 182/2011.

(37)Il-kwalità tal-informazzjoni, il-proċeduri u s-servizzi ta’ assistenza u ta’ soluzzjoni tal-problemi disponibbli mill-portal għandha tkun immonitorjata l-aktar permezz ta’ għodda għall-feedback mill-utenti li se titlob lill-utenti jivvalutaw il-kopertura u l-kwalità tal-informazzjoni, il-proċedura jew is-servizz ta' assistenza u ta' soluzzjoni tal-problemi li użaw. Dan il-feedback se jinġabar f’għodda komuni li għaliha l-Kummissjoni, l-awtoritajiet kompetenti u l-koordinaturi nazzjonali għandu jkollhom aċċess. Il-Kummissjoni għandha tingħata setgħat ta' implimentazzjoni sabiex jiġu żgurati kundizzjonijiet uniformi għall-implimentazzjoni ta’ dan ir-Regolament b’konnessjoni mal-funzjonalitajiet ta’ din l-għodda għall-feedback mill-utenti u l-modi relatati mal-ġbir u l-kondiviżjoni tal-feedback tal-utenti. Dawn is-setgħat għandhom jiġu eżerċitati skont ir-Regolament (UE) Nru 182/2011.

(38)Dan ir-Regolament għandu wkoll jippermetti lill-utenti jinnotifikaw, b’mod volontarju u anonimu, kwalunkwe problema u diffikultà li jiltaqgħu magħha waqt li jeżerċitaw id-drittijiet tas-suq intern tagħhom permezz ta’ għodda għall-feedback dwar is-suq intern inkluża fil-portal. Din l-għodda għandha titqies biss bħala kumplimentari għall-mekkaniżmi ta’ indirizzar tal-ilmenti peress li ma tistax toffri tweġibiet personalizzati lill-utenti. L-input li jidħol għandu jkun ikkombinat ma’ informazzjoni mis-servizzi ta’ assistenza u ta’ soluzzjoni tal-problemi dwar il-każijiet li jkunu ttrattaw, sabiex tinħareġ ħarsa ġenerali fuq is-suq intern kif perċepit mill-utenti u sabiex jiġu identifikati oqsma ta’ problemi għal azzjonijiet futuri possibbli biex jittejjeb il-funzjonament tas-suq intern.

(39)Għandu jitwaqqaf grupp ta’ koordinazzjoni magħmul mill-koordinaturi nazzjonali u ppresedut mill-Kummissjoni bl-għan li tiġi ffaċilitata l-applikazzjoni ta’ dan ir-Regolament, speċjalment bl-iskambju tal-aħjar prattiki u b’ħidma konġunta biex tittejjeb il-konsistenza tal-preżentazzjoni tal-informazzjoni kif meħtieġ minn dan ir-Regolament. Il-ħidma tal-grupp għandha ssegwi l-objettivi stipulati fil-programm ta' ħidma annwali.

(40)Meta l-miżuri previsti f'dan ir-Regolament jinvolvu l-ipproċessar ta’ dejta personali, dawn għandhom jitwettqu skont il-liġi tal-Unjoni dwar il-protezzjoni tad-dejta personali, b’mod partikolari [id-Direttiva 95/46/KE 38 ] [ir-Regolament (UE) 2016/679 tal-Parlament Ewropew u tal-Kunsill 39 ] u [ir-Regolament il-ġdid li jissostitwixxi (KE) Nru 45/2001] tal-Parlament Ewropew u tal-Kunsill.

(41)L-objettiv ta’ dan ir-Regolament huwa li jiżgura li l-utenti li joperaw fi Stati Membri oħrajn ikollhom aċċess online għal informazzjoni tal-Unjoni u nazzjonali komprensiva, affidabbli u li tinftiehem dwar id-drittijiet, ir-regoli u l-obbligi, għal proċeduri online li huma għal kollox tranżazzjonali bejn il-fruntieri u għal servizzi ta’ assistenza u ta’ soluzzjoni tal-problemi. Peress li dan ma jistax jinkiseb biżżejjed mill-Istati Membri, l-Unjoni tista’ tadotta miżuri, skont il-principju tas-sussidjarjetà kif stipulat fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif imniżżel f'dak l-Artikolu, dan ir-Regolament ma jmurx lil hinn minn dak li hu meħtieġ sabiex jintlaħqu dawk l-objettivi.

(42)Sabiex l-Istati Membri u l-Kummissjoni jiżviluppaw u jimplimentaw l-għodod meħtieġa għall-finijiet ta' implimentazzjoni ta' dan ir-Regolament, jenħtieġ li wħud mid-dispożizzjonijiet tiegħu japplikaw minn sentejn wara d-data tad-dħul fis-seħħ.

(43)Dan ir-Regolament jirrispetta d-drittijiet fundamentali u josserva l-prinċipji rikonoxxuti b'mod partikolari mill-Karta tad-Drittijiet Fundamentali tal-Unjoni Ewropea, u jenħtieġ li jiġi implimentat b'konformità ma' dawn id-drittijiet u l-prinċipji.

(44)Il-Kontrollur Ewropew għall-Protezzjoni tad-Dejta ġie kkonsultat skont l-Artikolu [28(2)] tar-Regolament [(KE) Nru 45/2001] [ir-Regolament il-ġdid dwar il-KEPD] u ppreżenta opinjoni fil-[date to be inserted].

ADOTTAW DAN IR-REGOLAMENT:

Kapitolu I
Dispożizzjonijiet ġenerali

Artikolu 1
Suġġett

1.Dan ir-Regolament:

(a)jistabbilixxi r-regoli għall-istabbiliment u l-operat ta’ portal diġitali uniku li jipprovdi liċ-ċittadini u lin-negozju aċċess faċli għal informazzjoni ta’ kwalità għolja u komprensiva, servizzi effettivi ta’ assistenza u ta’ soluzzjoni tal-problemi u proċeduri effiċjenti rigward ir-regoli tal-Unjoni u dawk nazzjonali applikabbli għaċ-ċittadini u għan-negozji li jeżerċitaw jew għandhom il-ħsieb li jeżerċitaw id-drittijiet tagħhom mogħtija mid-dritt tal-Unjoni fil-qasam tas-suq intern, skont it-tifsira tal-Artikolu 26(2) TFUE;

(b)jiffaċilita l-użu ta’ proċeduri minn utenti minn Stati Membri oħrajn u jappoġġja l-implimentazzjoni tal-prinċipju ta’ “darba biss”;

(a)jistabbilixxi r-regoli għar-rapportar dwar l-ostakli fis-suq intern ibbażat fuq il-ġbir ta’ feedback mingħand l-utenti u statistika mingħand is-servizzi koperti mill-portal.

Artikolu 2
Stabbiliment tal-portal diġitali uniku

1.Il-Kummissjoni u l-awtoritajiet kompetenti għandhom jistabbilixxu portal diġitali uniku (“il-portal”) skont dan ir-Regolament. Il-portal għandu jikkonsisti minn interfaċċa komuni tal-utent integrata f’portal uniku ġestit mill-Kummissjoni u għandu jkun konness mas-siti web nazzjonali u tal-Unjoni rilevanti.

2.Il-portal għandu jipprovdi aċċess għal:

(a)informazzjoni dwar id-drittijiet, l-obbligi u r-regoli stipulati fil-liġi tal-Unjoni u dik nazzjonali, li japplikaw għall-utenti li jeżerċitaw, jew għandhom il-ħsieb li jeżerċitaw, id-drittijiet mogħtija lilhom mil-liġi tal-Unjoni fil-qasam tas-suq intern fl-oqsma elenkati fl-Anness I;

(b)informazzjoni dwar proċeduri stabbiliti fil-livell tal-Unjoni u f’dak nazzjonali u links għalihom sabiex wieħed jeżerċita dawk id-drittijiet u jkun konformi ma’ dawk l-obbligi u r-regoli;

(c)informazzjoni dwar servizzi ta’ assistenza u ta’ soluzzjoni tal-problemi u links għalihom b’mod li ċ-ċittadini u n-negozji jkunu jistgħu jirreferu għalihom bil-mistoqsijiet jew il-problemi relatati mad-drittijiet tagħhom, l-obbligi jew il-proċeduri msemmija fil-punti (a) u (b), elenkati fl-Anness III u msemmija fl-Artikolu 6.

3.L-interfaċċa komuni tal-utent imsemmija fil-paragrafu 1 (“l-interfaċċa komuni tal-utent”) għandha tkun aċċessibbli fil-lingwi uffiċjali kollha tal-Unjoni.

Artikolu 3
Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)"utent" tfisser kull min huwa ċittadin tal-Unjoni, persuna fiżika residenti fi Stat Membru jew persuna ġuridika li għandha l-uffiċċju rreġistrat tagħha fi Stat Membru, u li taċċessa l-informazzjoni, il-proċeduri jew is-servizzi ta’ assistenza jew ta’ soluzzjoni tal-problemi, imsemmija fl-Artikolu 2(2), permezz tal-portal;

(2)"proċedura" tfisser sekwenza ta’ azzjonijiet li jridu jieħdu l-utenti sabiex jissodisfaw ir-rekwiżiti jew jiksbu deċiżjoni mingħand awtorità kompetenti sabiex ikunu jistgħu jeżerċitaw id-drittijiet tagħhom kif imsemmija fl-Artikolu 2(2)(a);

(3)"awtorità kompetenti" tfisser kwalunkwe korp jew awtorità ta’ Stat Membru stabbilita kemm f’livell nazzjonali, reġjonali jew lokali b’responsabbiltajiet speċifiċi relatati mal-informazzjoni, mal-proċeduri, mas-servizzi ta' assistenza u ta' soluzzjoni tal-problemi koperti minn dan ir-Regolament;

(4)"evidenza" tfisser kwalunkwe dokument jew dejta, inkluża reġistrazzjoni ta’ test jew ta’ ħoss, viżiva jew awdjoviżiva, irrispettivament mill-mezz użat, maħruġa minn awtorità kompetenti sabiex turi fatti jew konformità ma’ rekwiżiti għall-proċeduri msemmija fl-Artikolu 2(2)(b).

Kapitolu II
Servizzi tal-portal

Artikolu 4
Aċċess għall-informazzjoni

1.L-Istati Membri għandhom jiżguraw li l-utenti jkollhom aċċess faċli u online għal dawn li ġejjin fuq il-paġni web nazzjonali tagħhom:

(a)informazzjoni dwar id-drittijiet, l-obbligi u r-regoli msemmija fl-Artikolu 2(2)(a), li ġejjin mil-liġi nazzjonali;

(b)informazzjoni dwar il-proċeduri msemmija fl-Artikolu 2(2)(b), li huma stabbiliti fil-livell nazzjonali;

(c)informazzjoni dwar is-servizzi ta’ assistenza u ta’ soluzzjoni tal-problemi, imsemmija fl-Artikolu 2(2)(c), li huma pprovduti fil-livell nazzjonali.

2.Il-Kummissjoni għandha tiżgura li l-utenti jkolhom aċċess online faċli għal dawn li ġejjin fil-portal uniku msemmi fl-Artikolu 2(1):

(a)informazzjoni dwar id-drittijiet, l-obbligi u r-regoli msemmija fl-Artikolu 2(2)(a), li ġejjin mid-dritt tal-Unjoni;

(b)informazzjoni dwar il-proċeduri msemmija fl-Artikolu 2(2)(b), li huma stabbiliti fil-livell tal-Unjoni;

(c) informazzjoni dwar is-servizzi ta’ assistenza u ta’ soluzzjoni tal-problemi, imsemmija fl-Artikolu 2(2)(c) li huma pprovduti fil-livell tal-Unjoni.

Artikolu 5
Aċċess għal proċeduri

1.L-Istati Membri għandhom jiżguraw li fejn proċedura, imsemmija fl-Artikolu 2(2)(b), stabbilita fil-livell nazzjonali, tista’ tkun aċċessata u mwettqa online mill-utenti ta’ dak l-Istat Membru, din tista’ tkun aċċessata u mwettqa wkoll mill-utenti ta’ Stati Membri oħrajn b'mod nondiskriminatorju.

2.L-Istati Membri għandhom jiżguraw li l-utenti jistgħu jwettqu l-proċeduri elenkati fl-Anness II kompletament online.

3.Il-proċeduri, imsemmija fil-paragrafu 2, għandhom jitqiesu bħala kompletament online meta l-identifikazzjoni, l-għoti ta’ informazzjoni, l-evidenza ta’ appoġġ, il-firma u s-sottomissjoni finali jistgħu jsiru b’mod elettroniku mill-bogħod u permezz ta’ kanal ta’ komunikazzjoni uniku u jekk l-output tal-proċedura wkoll jiġi kkonsenjat b’mod elettroniku.

4.Meta l-objettiv imfittex minn proċedura partikolari, imsemmija fil-paragrafu 2, ma jistax jinkiseb mingħajr ma l-utent jiġi mitlub jidher personalment quddiem l-awtorità kompetenti f’xi stadju jew ieħor tal-proċedura, l-Istati Membri għandhom jillimitaw din il-preżenza fiżika għal dak li huwa strettament meħtieġ u oġġettivament iġġustifikat u għandhom jiżguraw li passi oħra tal-proċedura jistgħu jitwettqu kompletament online. Huma għandhom jinnotifikaw eċċezzjonijiet bħal dawn lill-Kummissjoni.

5.Dan ir-Regolament ma għandux jaffettwa s-sustanza tad-drittijiet mogħtija permezz ta’ kwalunkwe proċedura stipulata fil-livell tal-Unjoni u dak nazzjonali fi kwalunkwe qasam irregolat minn dan ir-Regolament.

6.Xejn f'dan l-Artikolu ma għandu jżomm lill-Istati Membri milli joffru lill-utenti l-possibbiltà addizzjonali li jaċċessaw u jwettqu l-proċeduri kif imsemmija fl-Artikolu 2(2)(b) b’mezzi oħrajn minbarra kanal online.

Artikolu 6
Aċċess għal servizzi ta’ assistenza u ta’ soluzzjoni tal-problemi

1.L-Istati Membri u l-Kummissjoni għandhom jiżguraw li l-utenti jkollhom aċċess faċli u online għas-servizzi ta’ assistenza jew ta’ soluzzjoni tal-problemi msemmija fl-Artikolu 2(2)(c).

2.Il-koordinatur nazzjonali u l-Kummissjoni jistgħu jipprovdu links għas-servizzi ta’ assistenza u ta’ soluzzjoni tal-problemi offruti mill-awtoritajiet kompetenti, il-Kummissjoni jew il-korpi, l-uffiċċji u l-aġenziji tal-Unjoni, minbarra dawk elenkati fl-Anness III, skont l-Artikolu 16(2) u (3) jekk dawn is-servizzi jkunu konformi mar-rekwiżiti tal-kwalità stipulati fl-Artikoli 9 u 13.

3.Fejn meħtieġ biex jiġu ssodisfati l-ħtiġijiet tal-utenti, il-koordinatur nazzjonali jista’ jipproponi lill-Kummissjoni, li links għal servizzi ta’ assistenza jew ta’ soluzzjoni tal-problemi pprovduti minn entitajiet privati jew semiprivati jiġu inklużi fil-portal fejn is-servizzi li jipprovdu dawk l-entitajiet jissodisfaw il-kundizzjonijiet li ġejjin:

(a)is-servizz joffri informazzjoni jew assistenza fl-oqsma u għall-finijiet koperti minn dan ir-regolament u jikkumplimenta servizzi diġà inklużi fil-portal;

(b)is-servizz huwa offrut bla ħlas jew bi prezz li l-mikrointrapriżi jew iċ-ċittadini jifilħu jħallsu;

(c)is-servizz jikkonforma mar-rekwiżiti stipulati fl-Artikoli 9 u 13.

4.Meta l-koordinatur nazzjonali jkun ippropona l-inklużjoni ta’ link skont il-paragrafu 3 u jipprovdi din il-link skont l-Artikolu 16(3), il-Kummissjoni għandha tivvaluta jekk il-kundizzjonijiet f’dak il-paragrafu humiex issodisfati, u jekk iva, għandha tattiva l-link.

Kapitolu III
Rekwiżiti tal-kwalità

Taqsima 1
Rekwiżiti tal-kwalità relatati mal-informazzjoni dwar id-drittijiet, l-obbligi u r-regoli, dwar il-proċeduri u dwar is-servizzi ta' assistenza u ta' soluzzjoni tal-problemi

Artikolu 7
Kwalità tal-informazzjoni dwar id-drittijiet, l-obbligi u r-regoli

1.L-awtoritajiet kompetenti u l-Kummissjoni għandhom jiżguraw li fejn, skont l-Artikolu 4 huma responsabbli biex jiżguraw l-aċċess għal informazzjoni kif imsemmi fl-Artikolu 2(2)(a) dik l-informazzjoni tkun konformi mar-rekwiżiti li ġejjin:

(a)hija komprensiva, eżatta u tkopri informazzjoni li l-utenti jridu jkunu jafu sabiex jeżerċitaw id-drittijiet tagħhom f’konformità sħiħa mar-regoli u l-obbligi applikabbli;

(b)tinkludi referenzi, links għal atti legali, speċifikazzjonijiet tekniċi u linji gwida, fejn ikun rilevanti;

(c)tinkludi l-isem tal-entità responsabbli mill-kontenut tal-informazzjoni;

(d)tinkludi d-dettalji u links ta’ kuntatt għal kwalunkwe servizz ta' assistenza u ta' soluzzjoni tal-problemi;

(e)tinkludi d-data ta’ pubblikazzjoni u l-aħħar aġġornament tal-informazzjoni;

(f)hija strutturata tajjeb u ppreżentata b’mod li l-utenti jistgħu jsibu malajr l-informazzjoni li jridu;

(g)tinżamm aġġornata;

(h)hija miktuba f’lingwaġġ ċar u sempliċi adattat għall-ħtiġijiet tal-utenti fil-mira.

2.L-awtoritajiet kompetenti għandhom jipprovdu l-informazzjoni f’mill-inqas lingwa uffiċjali waħda tal-Unjoni minbarra fil-lingwa jew fil-lingwi nazzjonali, fejn japplika.

Artikolu 8
Kwalità tal-informazzjoni dwar il-proċeduri

1.Għall-finijiet ta’ konformità mal-Artikolu 4, l-awtoritajiet kompetenti u l-Kummissjoni għandhom jiżguraw li l-utenti jkollhom aċċess għal spjegazzjoni ċara u faċli għall-utent tal-elementi tal-proċeduri li ġejjin, imsemmija fl-Artikolu 2(2)(b), qabel ma jkollhom jidentifikaw lilhom infushom qabel it-tnedija tal-proċedura:

(a)id-diversi stadji tal-proċedura;

(b)il-mezzi aċċettati ta’ awtentikazzjoni, identifikazzjoni u ffirmar għal din il-proċedura;

(c)it-tip u l-format ta’ evidenza li trid tiġi ppreżentata;

(d)il-mezzi ta’ rimedju jew appell li huma disponibbli f’każ ta’ tilwim mal-awtoritajiet kompetenti b’rabta mal-eżitu ta’ proċedura;

(e)fejn rilevanti, il-miżati applikabbli u l-metodu ta’ ħlas online;

(f)stima taż-żmien meħtieġ biex titlesta l-proċedura u kwalunkwe skadenza applikabbli;

(g)il-lingwa jew, fejn applikabbli, il-lingwi li fihom tista’ titwettaq il-proċedura.

2.Meta l-ispjegazzjoni msemmija fil-paragrafu 1 tkun diġà disponibbli għall-utenti nazzjonali, tista’ terġa’ tintuża għall-finijiet ta’ dan ir-Regolament, diment li tkun tinkludi informazzjoni relatata mas-sitwazzjoni ta’ utenti barranin, fejn applikabbli.

3.L-awtoritajiet kompetenti għandhom jipprovdu l-ispjegazzjoni msemmija fil-paragrafu 1 f’mill-inqas lingwa uffiċjali waħda tal-Unjoni minbarra fil-lingwa jew fil-lingwi nazzjonali, fejn applikabbli.

Artikolu 9
Kwalità tal-informazzjoni dwar is-servizzi ta' assistenza u ta' soluzzjoni tal-problemi

1.Għall-finijiet ta’ konformità mal-Artikolu 4, l-awtoritajiet kompetenti u l-Kummissjoni għandhom jiżguraw li l-utenti jkollhom aċċess għal spjegazzjoni ċara u faċli għall-utent ta’ dan li ġej qabel ma jressqu talba għal servizz kif imsemmi fl-Artikolu 2(2)(c):

(a)it-tip, l-iskop u r-riżultati mistennija mis-servizz offrut;

(b)l-isem u d-dettalji ta’ kuntatt tal-entitajiet responsabbli għas-servizz;

(c)fejn rilevanti, il-miżati applikabbli u l-metodu ta’ ħlas online;

(d)l-istima taż-żmien meħtieġa biex jitwassal is-servizz jew medja tal-ħin ta’ rispons;

(e)il-lingwa, jew fejn japplika, il-lingwi li fihom tista’ ssir it-talba u li jistgħu jintużaw f’kuntatti sussegwenti.

2.L-awtoritajiet kompetenti għandhom jipprovdu l-ispjegazzjoni msemmija fil-paragrafu 1 f’mill-inqas lingwa uffiċjali waħda tal-Unjoni minbarra fil-lingwa jew fil-lingwi nazzjonali, fejn applikabbli.

Taqsima 2
Rekwiżiti relatati mal-proċeduri online

Artikolu 10
Rekwiżiti ta’ kwalità relatati mal-proċeduri online

L-awtoritajiet kompetenti għandhom jiżguraw li r-rekwiżiti li ġejjin jiġu ssodisfati fir-rigward tal-proċeduri msemmija fl-Artikolu 5(1) li għalihom huma responsabbli:

(a)kwalunkwe skadenza li tapplika għall-awtoritajiet kompetenti tul il-proċedura hija rrispettata;

(b)f’każ ta’ nuqqas ta’ konformità mal-iskadenzi applikabbli, l-utenti jiġu informati minn qabel dwar ir-raġunijiet u għandha tingħata skadenza ġdida.

Artikolu 11
Aċċess transfruntier għal proċeduri online

1.L-awtoritajiet kompetenti għandhom jiżguraw li fejn il-proċeduri msemmija fl-Artikolu 5(1) ikunu offruti online, tal-inqas il-kundizzjonijiet li ġejjin ikunu ssodisfati:

(a)l-utenti jistgħu jaċċessaw u jirċievu struzzjonijiet biex iwettqu l-proċedura f’mill-inqas lingwa uffiċjali waħda tal-Unjoni, minbarra fil-lingwa nazzjonali jew fil-lingwi nazzjonali, fejn applikabbli;

(b)l-utenti mhumiex limitati b’partijiet tal-formola li jaċċettaw biss dejta f’formati nazzjonali partikolari;

(c)l-utenti jistgħu jidentifikaw lilhom infushom, jiffirmaw u jawtentifikaw id-dokumenti billi jużaw mezzi ta’ identifikazzjoni u awtentifikazzjoni elettronika, kif previst skont ir-Regolament (UE) 910/2014 tal-Parlament Ewropew u tal-Kunsill, fejn huma meħtieġa l-identifikazzjoni u l-firma;

(d)l-utenti jistgħu jipprovdu evidenza ta’ konformità mar-rekwiżiti applikabbli f’format elettroniku;

(e)fejn it-twettiq ta’ proċedura jeħtieġ pagament, l-utenti jistgħu jħallsu kwalunkwe miżata online permezz ta’ servizzi ta’ pagamenti transkonfinali, inkluż, mill-inqas, trasferimenti tal-kreditu jew tad-debiti diretti kif speċifikat fir-Regolament (UE) Nru 260/2012 tal-Parlament Ewropew u tal-Kunsill 40 .

2.Meta l-awtoritajiet kompetenti jaċċettaw kopji diġitali ta’ evidenza ta’ identità li mhijiex elettronika bħal karti tal-identità jew passaporti għall-utenti nazzjonali, huma għandhom jaċċettaw dawn il-kopji diġitali għall-utenti minn Stati Membri oħrajn.

3.L-awtoritajiet kompetenti għandhom jikkooperaw permezz tas-Sistema ta' Informazzjoni tas-Suq Intern (IMI), stabbilita bir-Regolament (UE) Nru 1024/2012 tal-Parlament Ewropew u tal-Kunsill, fejn meħtieġ sabiex jivverifikaw l-awtentiċità tal-evidenza ppreżentata lilhom f’format elettroniku mill-utent għall-fini ta’ proċedura online.

Artikolu 12
Skambju transfruntier ta’ evidenza bejn l-awtoritajiet kompetenti

1.Għall-finijiet ta’ skambju ta’ evidenza għall-proċeduri online elenkati fl-Anness II u l-proċeduri previsti fid-Direttivi 2005/36/KE, 2006/123/KE, 2014/24/UE u 2014/25/UE il-Kummissjoni, b’kooperazzjoni mal-Istati Membri, għandha tistabbilixxi sistema teknika għall-iskambju elettroniku ta’ evidenza bejn l-awtoritajiet kompetenti fi Stati Membri differenti (“is-sistema teknika”).

2.Is-sistema teknika għandha tissodisfa r-rekwiżiti li ġejjin:

(a)għandha tippermetti l-ipproċessar ta’ talbiet biex tiġi skambjata l-evidenza;

(b)għandha tippermetti t-trażmissjoni ta’ evidenza bejn l-awtoritajiet kompetenti;

(c)għandha tippermetti l-ipproċessar tal-evidenza mill-awtorità kompetenti riċeventi;

(d)għandha tiżgura l-kunfidenzjalità u l-integrità tal-evidenza;

(e)għandha tiżgura li l-utent għandu l-possibbiltà li jara minn qabel l-evidenza li se tiġi skambjata.

3.L-Istati Membri għandhom jintegraw is-sistema teknika bħala parti mill-proċeduri msemmija fil-paragrafu 1.

4.L-awtoritajiet kompetenti responsabbli mill-proċeduri online imsemmija fil-paragrafu 1 għandhom jitolbu evidenza direttament mingħand l-awtoritajiet kompetenti li joħorġu l-evidenza fi Stati Membri oħrajn, fuq talba espliċita tal-utent, permezz tas-sistema teknika. Soġġett għall-paragrafu 2(d), l-awtoritajiet emittenti għandhom jagħmlu din l-evidenza disponibbli permezz tal-istess sistema.

5.Fejn l-awtoritajiet kompetenti joħorġu evidenza fil-format elettroniku għall-finijiet tal-proċeduri msemmija fil-paragrafu 1 fl-Istat Membru tagħhom, huma għandhom jagħmlu din l-evidenza disponibbli wkoll għall-awtoritajiet kompetenti rikjedenti minn Stati Membri oħrajn, permezz tas-sistema teknika.

6.L-evidenza magħmula disponibbli minn awtorità kompetenti għandha tkun strettament limitata għal dak li ġie mitlub u għandha tintuża biss mill-awtorità riċeventi għall-fini tal-proċedura li għaliha ġiet skambjata l-evidenza.

7.Il-Kummissjoni għandha tadotta l-atti ta’ implimentazzjoni sabiex tistabbilixxi l-ispeċifikazzjonijiet tas-sistema teknika meħtieġa għall-implimentazzjoni ta’ dan l-Artikolu. Dawk l-atti ta’ implimentazzjoni għandhom jiġu adottati skont il-proċedura msemmija fl-Artikolu 34(2).

8.Il-paragrafi 3 sa 6 ma għandhomx japplikaw għall-proċeduri stabbiliti fil-livell tal-Unjoni li jipprovdu għal mekkaniżmi differenti għall-iskambju ta’ evidenza, sakemm is-sistema teknika msemmija fil-paragrafu 1 ma tkunx integrata f’dawk il-proċeduri skont ir-regoli tal-atti tal-Unjoni li jistabbilixxuhom.

Taqsima 3
Rekwiżiti ta’ kwalità relatati mas-servizzi ta’ assistenza u ta’ soluzzjoni tal-problemi

Artikolu 13
Rekwiżiti ta’ kwalità relatati mas-servizzi ta’ assistenza u ta’ soluzzjoni tal-problemi

L-awtoritajiet kompetenti u l-Kummissjoni għandhom jiżguraw li s-servizzi elenkati fl-Anness III u s-servizzi li ġew inklużi fil-portal skont l-Artikolu 6(2), (3) u (4) jikkonformaw mar-rekwiżiti ta’ kwalità li ġejjin:

(a)kwalunkwe skadenza li tapplika għall-awtoritajiet kompetenti tul is-servizz hija rrispettata;

(b)f’każ ta’ nuqqas ta’ konformità mal-iskadenzi applikabbli, l-utenti jiġu informati minn qabel dwar ir-raġunijiet u għandha tingħata skadenza ġdida;

(c)fejn l-għoti ta’ servizz jeħtieġ pagament, l-utenti jistgħu jħallsu kwalunkwe miżata online permezz ta’ servizzi ta’ pagament transkonfinali, inkluż mill-inqas, trasferimenti ta’ kreditu jew debitu dirett kif speċifikat fir-Regolament (UE) Nru 260/2012.

Taqsima 4
Monitoraġġ tal-kwalità

Artikolu 14
Monitoraġġ tal-kwalità

1.Il-koordinaturi nazzjonali u l-Kummissjoni għandhom jimmonitorjaw il-konformità tal-informazzjoni, tal-proċeduri u tas-servizzi ta’ assistenza u ta’ soluzzjoni tal-problemi disponibbli fuq il-portal li għalihom huma responsabbli, mar-rekwiżiti tal-kwalità stabbiliti fl-Artikoli 7 sa 11 u 13. Il-monitoraġġ għandu jsir fuq il-bażi tad-dejta miġbura skont l-Artikolu 22.

2.F’każ ta’ deterjorament fil-kwalità tas-servizzi msemmija fil-paragrafu 1, ipprovduti mill-awtoritajiet kompetenti, il-Kummissjoni tista’ tieħu kwalunkwe waħda mill-miżuri li ġejjin wara li tikkunsidra s-serjetà u l-persistenza tad-deterjorament:

(a)tinforma lill-koordinatur nazzjonali rilevanti u titlob azzjoni ta’ rimedju;

(b)tissottometti l-kwalità ta’ deterjorament għad-diskussjoni fil-grupp ta’ koordinazzjoni;

(c)tibgħat ittra bir-rakkomandazzjonijiet lill-Istat Membru;

(d)taqta’ temporanjament il-konnessjoni tal-informazzjoni, tal-proċedura, tas-servizz ta’ assistenza jew ta’ soluzzjoni tal-problemi mill-portal.

3.Fejn servizz ta’ assistenza jew ta’ soluzzjoni tal-problemi li għalih hemm ipprovduti links skont l-Artikolu 6(2) b’mod konsistenti ma jikkonformax mar-rekwiżiti stipulati fl-Artikolu 13, jew ma jibqax jissodisfa l-ħtiġijiet tal-utenti kif indikat mid-dejta miġbura skont l-Artikolu 22, il-Kummissjoni tista’ taqta’ l-konnessjoni tiegħu mill-portal.

Kapitolu IV
Soluzzjonijiet tekniċi

Artikolu 15
Interfaċċa komuni tal-utent

1.Il-Kummissjoni għandha tipprovdi interfaċċa komuni tal-utent sabiex jiżguraw il-funzjonament xieraq tal-portal.

2.L-interfaċċa komuni tal-utent għandha tagħti aċċess għall-informazzjoni, il-proċeduri u s-servizzi ta’ assistenza jew ta’ soluzzjoni tal-problemi permezz ta’ links għas-siti web fil-livell nazzjonali u tal-Unjoni rilevanti, ipprovduti fir-repożitorju msemmi fl-Artikolu 16.

3.L-Istati Membri u l-Kummissjoni, waqt li jaġixxu skont ir-rwoli u r-responsabbiltajiet rispettivi tagħhom, kif stipulat skont l-Artikolu 4, għandhom jiżguraw li l-informazzjoni, il-proċeduri u s-servizzi ta’ assistenza u ta’ soluzzjoni tal-problemi jkunu organizzati, strutturati u mmarkati b’mod li jtejbu l-faċilità tas-sejbien permezz tal-interfaċċa tal-utent.

4.Il-Kummissjoni tista’ tadotta atti ta’ implimentazzjoni li jistabbilixxu l-organizzazzjoni, l-istruttura u l-immarkar dettaljati ta’ kull informazzjoni, proċedura u servizz ta’ assistenza jew ta’ soluzzjoni tal-problemi sabiex tippermetti l-funzjonament xieraq tal-interfaċċa komuni tal-utent. Dawk l-atti ta’ implimentazzjoni għandhom jiġu adottati skont il-proċedura msemmija fl-Artikolu 35(2).

Artikolu 16
Repożitorju tal-links

1.Il-Kummissjoni għandha tistabbilixxi u żżomm repożitorju elettroniku għal links għall-informazzjoni, il-proċeduri u s-servizzi ta’ assistenza u ta’ soluzzjoni tal-problemi msemmija fl-Artikolu 2(2) li jippermetti l-konnessjoni bejn dawn is-servizzi u l-interfaċċa komuni tal-utent tal-portal.

2.Il-Kummissjoni għandha tipprovdi l-links għall-informazzjoni, il-proċeduri u s-servizzi ta’ assistenza u ta’ soluzzjoni tal-problemi aċċessibbli fuq il-paġni web ġestiti fil-livell tal-Unjoni, u l-aġġornamenti sussegwenti tagħhom kollha, lir-repożitorju tal-links.

3.Il-koordinaturi nazzjonali għandhom jipprovdu l-links għall-informazzjoni, il-proċeduri u s-servizzi ta’ assistenza u ta’ soluzzjoni tal-problemi aċċessibbli fuq il-paġni web ġestiti mill-awtoritajiet kompetenti jew mill-entitajiet privati jew semiprivati kif imsemmi fl-Artikolu 6(3), u l-aġġornamenti sussegwenti tagħhom kollha, lir-repożitorju tal-links.

Meta jipprovdu l-links għas-servizzi ta’ assistenza u ta’ soluzzjoni tal-problemi, il-koordinaturi nazzjonali għandhom jindikaw liema servizzi huma pprovduti minn dawk l-entitajiet privati jew semiprivati kif imsemmi fl-Artikolu 6(3).

4.Il-Kummissjoni għandha tqiegħed il-links imdaħħla fir-repożitorju għad-dispożizzjoni tal-pubbliku.

5.Il-Kummissjoni u l-koordinaturi nazzjonali għandhom jiżguraw li l-informazzjoni, il-proċeduri u s-servizzi ta’ assistenza u ta’ soluzzjoni tal-problemi offruti permezz tal-portal ma jinkludux duplikazzjoni sħiħa jew parzjali bla bżonn li aktarx tfixkel lill-utenti.

6.Meta d-disponibbiltà tal-informazzjoni msemmija fl-Artikolu 4 tkun ipprovduta minn atti oħrajn tal-leġiżlazzjoni tal-Unjoni, il-koordinaturi nazzjonali u l-Kummissjoni jistgħu jipprovdu links għal dik l-informazzjoni sabiex jikkonformaw mar-rekwiżiti ta’ dak l-Artikolu.

Artikolu 17
Faċilità ta’ sejbien komuni għas-servizzi ta’ assistenza

1.Sabiex jiġi ffaċilitat l-aċċess għas-servizzi ta’ assistenza u ta’ soluzzjoni tal-problemi elenkati fl-Anness III u msemmija fl-Artikolu 6(2) u (3), l-awtoritajiet kompetenti u l-Kummissjoni għandhom jiżguraw li l-utenti jistgħu jaċċessawhom permezz tal-faċilità tas-sejbien tas-servizz ta’ assistenza komuni u ta' soluzzjoni tal-problemi ("il-faċilità tas-sejbien tas-servizz tal-assistenza komuni") disponibbli permezz tal-portal.

2.Il-Kummissjoni għandha tiżviluppa u tiġġestixxi l-faċilità ta’ sejbien komuni ta’ servizzi ta’ assistenza, u tiddeċiedi fuq l-istruttura u l-format li bihom għandhom jingħataw id-deskrizzjonijiet u d-dettalji ta’ kuntatt tas-servizzi ta’ assistenza u soluzzjoni ta' problemi, sabiex il-faċilità ta’ sejbien komuni għas-servizzi ta’ assistenza tkun tista’ taħdem kif xieraq.

3.Il-koordinaturi nazzjonali għandhom jgħaddu lill-Kummissjoni d-deskrizzjonijiet u d-dettalji ta’ kuntatt kif imsemmija fil-paragrafu 2.

Artikolu 18
Responsabbiltajiet għall-applikazzjonijiet tal-IT li jappoġġaw lill-portal

1.Il-Kummissjoni għandha tkun responsabbli għall-iżvilupp, id-disponibbiltà, il-manutenzjoni, is-sigurtà u l-ospitar ta’ dawn l-applikazzjonijiet tal-IT u paġni tal-web li ġejjin:

(a)il-portal uniku msemmi fl-Artikolu 2(1);

(b)l-interfaċċa komuni tal-utent imsemmija fl-Artikolu 15(1);

(c)ir-repożitorju tal-links imsemmi fl-Artikolu 16(1);

(d)il-faċilità ta' sejbien komuni tas-servizzi ta’ assistenza msemmija fl-Artikolu 17;

(e)l-għodod ta’ feedback mingħand l-utent imsemmija fl-Artikoli 22(1) u 23(1)(a).

2.L-awtoritajiet kompetenti għandhom ikunu responsabbli għall-iżvilupp, id-disponibbiltà, il-manutenzjoni u s-sigurtà tal-applikazzjonijiet tal-IT relatati mal-paġni web li qegħdin imexxu u li huma konnessi mal-interfaċċa komuni tal-utent.

Kapitolu V
Promozzjoni

Artikolu 19
Isem u tikketta tal-kwalità

1.L-isem u l-logo li l-portal għandu jkun magħruf bihom u rreklamat mal-pubbliku inġenerali, se jiġu deċiżi mill-Kummissjoni b’kooperazzjoni mill-qrib mal-grupp ta’ koordinazzjoni tal-portal, sa mhux aktar tard mid-data ta’ applikazzjoni ta’ dan ir-Regolament.

2.L-isem tal-portal iservi wkoll bħala tikketta tal-kwalità li tista’ tintuża biss f’dak is-sens minn siti wib ta’ informazzjoni u servizzi ta’ assistenza u ta’ soluzzjoni tal-problemi inklużi fir-repożitorju msemmi fl-Artikolu 16 bħala prova ta’ aderenza mar-rekwiżiti tal-kwalità msemmija fil-Kapitolu III.

Artikolu 20
Promozzjoni

1.L-awtoritajiet kompetenti u l-Kummissjoni għandhom jippromwovu l-għarfien u l-użu tal-portal fost iċ-ċittadini u n-negozji u għandhom jiżguraw l-aċċessibbiltà u l-viżibbiltà tal-portal u tas-servizzi tiegħu permezz ta’ magni tat-tiftix aċċessibbli għall-pubbliku.

2.L-awtoritajiet kompetenti u l-Kummissjoni għandhom jikkoordinaw l-attivitajiet ta’ promozzjoni msemmija fil-paragrafu 1 u għandhom jirreferu għall-portal bil-logo u r-referenza f’attivitajiet bħal dawn flimkien ma’ kwalunkwe isem ta’ marka oħra kif xieraq.

3.L-awtoritajiet kompetenti u l-Kummissjoni għandhom jiżguraw li l-portal jista’ jinstab faċilment mill-portali relatati li għalihom huma responsabbli u li hemm inklużi links ċari għall-portal f’kull sit web rilevanti.

4.Il-koordinaturi nazzjonali għandhom jippromwovu l-portal fost l-awtoritajiet nazzjonali.

Kapitolu VI
Ġbir ta’ feedback u ta’ statistika mingħand l-utenti

Artikolu 21
Statistika tal-utenti

1.L-awtoritajiet kompetenti u l-Kummissjoni għandhom jiżguraw li tinġabar statistika relatata maż-żjarat tal-utenti fuq il-portal u l-paġni web li magħhom huwa marbut il-portal sabiex il-portal jiffunzjona aħjar.

2.L-awtoritajiet kompetenti u l-Kummissjoni għandhom jirreġistraw u jiskambjaw, b’mod aggregat, in-numri, l-oriġini u s-suġġett tat-talbiet għas-servizzi ta’ assistenza u ta’ soluzzjoni tal-problemi u l-ħinijiet ta’ rispons tagħhom.

3.Il-Kummissjoni għandha s-setgħa li tadotta atti delegati skont l-Artikolu 34 rigward il-kategoriji dettaljati ta’ dejta li trid tiġi rreġistrata skont il-paragrafu 2, b’konnessjoni mal-informazzjoni, il-proċeduri u s-servizzi ta’ assistenza u ta’ soluzzjoni tal-problemi li magħhom huwa konness il-portal.

4.Il-Kummissjoni għandha tadotta atti ta’ implimentazzjoni li jistipulaw il-metodu ta’ reġistrazzjoni u ta’ skambju ta’ statistika bħal din. Dawk l-atti ta’ implimentazzjoni għandhom jiġu adottati skont il-proċedura msemmija fl-Artikolu 35(2).

Artikolu 22
Feedback mingħand l-utenti dwar is-servizzi tal-portal

1.Sabiex tiġbor informazzjoni diretta mingħand l-utenti dwar is-sodisfazzjon tagħhom bis-servizzi pprovduti fil-portal, il-Kummissjoni għandha tipprovdi lill-utenti għodda faċli għall-utent fuq il-portal li tippermettilhom jikkummentaw b’mod anonimu, minnufih wara li jużaw kwalunkw wieħed mis-servizzi msemmija fl-Artikolu 2(2) dwar il-kwalità u d-disponibbiltà tas-servizzi pprovduti fuq il-portal u tal-interfaċċa komuni tal-utent.

2.L-awtoritajiet kompetenti u l-Kummissjoni għandhom jinkludu link xierqa għal din l-għodda fuq il-paġni web kollha li huma parti mill-portal. L-awtoritajiet kompetenti għandhom jikkooperaw mal-Kummissjoni u għandhom jintegraw din l-għodda fil-paġni web li huma responsabbli għalihom.

3.Il-Kummissjoni u l-koordinaturi nazzjonali għandu jkollhom aċċess dirett għall-feedback tal-utenti miġbur permezz ta’ din l-għodda sabiex jindirizzaw kwalunkwe problema mqajma.

4.B’deroga mill-paragrafu 2, l-awtoritajiet kompetenti mhumiex meħtieġa jintegraw l-għodda tal-feedback mingħand l-utent imsemmija fil-paragrafu 1 fil-paġni web tagħhom li huma konnessi mal-portal meta mekkaniżmu għall-feedback mingħand l-utent ta’ funzjonalitajiet simili għall-għodda msemmija fil-paragrafu 1huwa disponibbli fuq dawk il-paġni web sabiex tiġi mmonitorjata l-kwalità tas-servizz. L-awtoritajiet kompetenti għandhom jiġbru l-feedback tal-utenti riċevuti permezz tal-għodda għall-feedback tal-utenti u għandhom jaqsmuh mal-Kummissjoni u l-koordinaturi nazzjonali tal-Istati Membri l-oħrajn.

5.Il-Kummissjoni għandha tadotta atti ta’ implimentazzjoni li tistabbilixxi regoli għall-ġbir u l-qsim tal-feedback tal-utenti. Dawk l-atti ta’ implimentazzjoni għandhom jiġu adottati skont il-proċedura msemmija fl-Artikolu 35(2).

Artikolu 23
Rapportar dwar il-funzjonament tas-suq intern

1.Il-Kummissjoni għandha:

(a)tipprovdi lill-utenti tal-portal b'għodda faċli għall-utent sabiex jinnotifikaw b’mod anonimu l-ostakli li huma jiltaqgħu magħhom waqt li jkunu qegħdin jeżerċitaw id-drittijiet tas-suq intern tagħhom;

(b)tiġbor informazzjoni mingħand is-servizzi ta’ assistenza u ta’ soluzzjoni tal-problemi dwar is-suġġett tat-talbiet u r-rispons.

2.Il-Kummissjoni għandha tippubblika f’forma anonima sinteżi ġenerali online tal-problemi kif joħorġu mill-informazzjoni miġbura skont il-paragrafu 1.

3.L-Istati Membri u l-Kummissjoni għandhom janalizzaw u jinvestigaw il-problemi mqajma u jindirizzawhom kull fejn ikun possibbli, bil-mezzi xierqa.

Kapitolu VII
Governanza tal-portal

Artikolu 24
Koordinaturi nazzjonali

1.Kull Stat Membru għandu jaħtar koordinatur nazzjonali. Minbarra li jissodisfaw l-obbligi tagħhom skont l-Artikoli 6, 14, 16, 17, 20 u 22, il-koordinaturi nazzjonali għandhom:

(a)jaġixxu bħala punt ta' kuntatt nazzjonali għall-kwistjonijiet kollha relatati mal-portal;

(b)ikunu responsabbli għall-kuntatti mal-Kummissjoni għall-kwistjonijiet kollha relatati mal-portal;

(c)jippromwovu l-applikazzjoni uniformi tal-Artikoli 7 sa 13 fi ħdan l-awtoritajiet nazzjonali;

(d)jiżguraw li r-rakkomandazzjonijiet imsemmija fl-Artikolu 14(2)(c) jiġu implimentati kif xieraq.

2.Kull Stat Membri għandu jinforma lill-Istati Membri l-oħrajn u lill-Kummissjoni dwar l-isem u d-dettalji ta’ kuntatt tal-koordinatur nazzjonali tiegħu.

Artikolu 25
Grupp ta’ koordinazzjoni

Għandu jiġi stabbilit grupp ta’ koordinazzjoni (“il-grupp ta’ koordinazzjoni tal-portal”). Għandu jkun magħmul mill-koordinaturi nazzjonali u għandu jkun presjedut minn rappreżentant tal-Kummissjoni. Għandu jadotta r-regoli ta' proċedura tiegħu. Il-Kummissjoni għandha tipprovdi s-segretarjat.

Artikolu 26
Kompiti tal-grupp ta’ koordinazzjoni tal-portal

1.Il-grupp ta’ koordinazzjoni tal-portal għandu jappoġġa l-implimentazzjoni tal-portal. B’mod partikolari, għandu:

(a)jiffaċilita l-iskambju u l-aġġornament regolari tal-aqwa prattika;

(b)jiddiskuti titjib fil-preżentazzjoni ta’ informazzjoni fl-oqsma elenkati fl-Anness I;

(c)jiddiskuti l-abbozz tal-programm ta' ħidma annwali;

(d)jgħin lill-Kummissjoni fil-monitoraġġ tat-twettiq tal-programm ta' ħidma annwali;

(e)jgħin lill-Kummissjoni fil-monitoraġġ tal-konformità mar-rekwiżiti stabbiliti fl-Artikoli 7 sa 11 u 13;

(f)jinforma dwar l-implimentazzjoni tal-Artikolu 5(2);

(g)jagħti opinjonijiet u jirrakkomanda azzjonijiet lill-awtoritajiet kompetenti u lill-Kummissjoni bl-għan li tiġi evitata jew eliminata d-duplikazzjoni tas-servizzi disponibbli permezz tal-portal;

(h)jagħti opinjonijiet dwar proċeduri jew miżuri organizzattivi sabiex kwalunkwe problema rigward il-kwalità tas-servizzi mqajma mill-utenti jew suġġeriment biex din titjieb jiġu indirizzati b’mod effiċjenti;

(i)jiddiskuti kwistjonijiet relatati mar-rekwiżiti tal-kwalità tas-servizzi offruti permezz tal-portal;

(j)jgħin lill-Kummissjoni fl-organizzazzjoni, l-istruttura u l-preżentazzjoni tas-servizzi msemmija fl-Artikolu 2(2), fuq l-interfaċċa komuni tal-utent;

(k)jiffaċilita l-iżvilupp u l-implimentazzjoni tal-promozzjoni koordinata;

(l)jikkoopera mal-korpi ta’ governanza ta’ informazzjoni, servizzi jew netwerks ta’ assistenza jew ta’ soluzzjoni tal-problemi.

2.Il-Kummissjoni tista’ tikkonsulta lill-grupp ta’ koordinazzjoni dwar kwalunkwe kwistjoni relatata mal-applikazzjoni ta’ dan ir-Regolament.

Artikolu 27
Programm ta' ħidma annwali

1.Il-Kummissjoni għandha tadotta l-programm ta' ħidma annwali li b’mod partikolari għandu jispeċifika:

(a)l-azzjonijiet għall-implimentazzjoni tal-preżentazzjoni speċifika tal-informazzjoni fl-oqsma elenkati fl-Anness I;

(b)l-azzjonijiet meħtieġa biex tiġi żgurata l-konformità mal-Artikoli 5 u 11;

(c)l-azzjonijiet meħtieġa biex tiġi żgurata konformità konsistenti mar-rekwiżiti stabbiliti fl-Artikoli 7 sa 10;

(d)l-attivitajiet relatati mal-promozzjoni tal-portal f’konformità mal-Artikolu 20.

2.Meta tkun qed tħejji l-abbozz tal-programm ta' ħidma annwali, il-Kummissjoni għandha tieħu inkunsiderazzjoni l-feedback tal-utenti miġbur skont l-Artikolu 22. Qabel ma tadottah, il-Kummissjoni għandha tippreżenta l-abbozz tal-programm ta' ħidma annwali lill-grupp ta’ koordinazzjoni għad-diskussjoni.

Kapitolu VIII
Dispożizzjonijiet finali

Artikolu 28
Spejjeż

1.Il-baġit ġenerali tal-Unjoni Ewropea għandu jkopri l-ispejjeż ta’:

(a)l-iżvilupp u l-manutenzjoni tal-għodod tal-IT li jappoġġaw l-implimentazzjoni ta’ dan ir-Regolament fil-livell tal-Unjoni;

(b)il-promozzjoni tal-portal fil-livell tal-Unjoni;

(c)it-traduzzjoni ta' volum massimu għal kull Stat Membru ta’ informazzjoni msemmija fl-Artikolu 2(2)(a) u l-istruzzjonijiet għat-twettiq tal-proċeduri msemmija fl-Artikolu 11(1)(a), f’lingwa uffiċjali tal-Unjoni, minbarra fil-lingwa nazzjonali.

2.L-ispejjeż relatati mal-portali web nazzjonali, mal-pjattaformi tal-informazzjoni, servizzi ta’ assistenza u proċeduri stabbiliti fil-livell tal-Istat Membru għandhom jitħallsu mill-baġits rispettivi tal-Istati Membri, sakemm ma jkunx ipprovdut mod ieħor fil-leġiżlazzjoni tal-Unjoni.

Artikolu 29
Protezzjoni tad-dejta personali

L-ipproċessar ta’ dejta personali fil-qafas ta’ dan ir-Regolament mill-awtoritajiet kompetenti jrid ikun konformi mad-[Direttiva 95/46/KE] [ir-Regolament (UE) 2016/679 tal-Parlament Ewropew u tal-Kunsill]. L-ipproċessar ta’ dejta personali mill-Kummissjoni fil-kuntest ta’ dan ir-Regolament, għandu jkun konformi mad-dispożizzjonijiet tar-Regolament 00/0000 [Regolament ġdid li jieħu post ir-Regolament 45/2001].

Artikolu 30
Kooperazzjoni ma’ netwerks oħrajn ta’ informazzjoni u ta’ assistenza

1.Il-Kummissjoni għandha tiddeċiedi liema arranġamenti ta’ governanza informali li jeżistu għal kwalunkwe wieħed mis-servizzi ta’ assistenza jew ta’ soluzzjoni tal-problemi elenkati fl-Anness III jew għal kwalunkwe wieħed mill-oqsma ta’ informazzjoni koperti mill-Anness I, għandhom ikunu integrati fil-grupp ta’ koordinazzjoni tal-portal.

2.Fejn is-servizzi jew in-netwerks ta’ informazzjoni u ta’ assistenza nħolqu permezz ta’ att vinkolanti tal-Unjoni għal kwalunkwe qasam ta’ informazzjoni kopert mill-Anness I, il-Kummissjoni għandha tikkoordina l-ħidma tal-grupp ta’ koordinazzjoni tal-portal u tal-korpi ta’ governanza ta’ dawn is-servizzi jew netwerks bl-għan li tikseb sinerġiji u tevita d-duplikazzjoni.

Artikolu 31
Relazzjoni ma' dispożizzjonijiet oħrajn tad-dritt tal-Unjoni

Meta d-dispożizzjonijiet ta' dan ir-Regolament ikollhom kunflitt ma' dispożizzjoni ta' att ieħor tal-Unjoni li jirregola aspetti speċifiċi tal-materja tas-suġġett koperta b'dan ir-Regolament, id-dispożizzjoni tal-att l-ieħor tal-Unjoni għandha tipprevali.

Artikolu 32
Sistema ta’ Informazzjoni tas-Suq Intern

1.Is-Sistema ta’ Informazzjoni tas-Suq Intern stabbilita mir-Regolament (UE) Nru 1024/2012 għandha tintuża għall-finijiet tal-Artikolu 11(4).

2.Il-Kummissjoni tista’ tiddeċiedi li tuża l-IMI bħala repożitorju elettroniku ta’ links kif stipulat fl-Artikolu 16(1).

Artikolu 33
Rapportar u rieżami

Sa erba’ snin wara d-dħul fis-seħħ ta’ dan ir-Regolament u darba kull sentejn wara dan, il-Kummissjoni għandha tirrieżamina l-applikazzjoni ta’ dan ir-Regolament u tippreżenta lill-Parlament Ewropew u lill-Kunsill rapport ta' valutazzjoni dwar il-funzjonament tal-portal u dwar il-funzjonament tas-suq intern fuq il-bażi tal-istatistika u l-feedback miġbur skont l-Artikoli 21, 22 u 23. Ir-rieżami se jevalwa, b’mod partikolari, il-kamp ta’ applikazzjoni tal-Artikolu 12 ta’ dan ir-Regolament waqt li jikkunsidra l-iżviluppi teknoloġiċi, tas-suq u dawk legali li jirrigwardaw l-iskambju tal-evidenza bejn l-awtoritajiet kompetenti.

Artikolu 34
Eżerċizzju tad-delega

1.Il-Kummissjoni għandha tingħata s-setgħa li tadotta att delegat soġġett għall-kundizzjonijiet stipulati f'dan l-Artikolu.

2.Is-setgħa li tadotta atti delegati msemmija fl-Artikolu 21(3) għandha tingħata lill-Kummissjoni għal perjodu ta’ ħames snin minn […]. Il-Kummissjoni għandha tfassal rapport rigward id-delega ta' setgħa sa mhux aktar tard minn disa’ xhur qabel jintemm il-perjodu ta’ ħames snin. Id-delega tas-setgħa għandha tkun estiża b’mod taċitu għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn tliet xhur qabel tmiem kull perjodu.

3.Id-delega tas-setgħa msemmija fl-Artikolu 21(3) tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta’ revoka għandha ġġib fi tmiemha d-delega tas-setgħa speċifikata f’dik id-deċiżjoni. Din għandha tidħol fis-seħħ l-għada tal-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. Din ma għandha taffettwa l-validità tal-ebda att delegat li diġà jinsab fis-seħħ.

4.Malli tadotta att delegat, il-Kummissjoni għandha tinnotifikah fl-istess waqt lill-Parlament Ewropew u lill-Kunsill.

5.Att delegat adottat skont l-Artikolu 21(3) għandu jidħol fis-seħħ biss jekk la l-Parlament Ewropew u lanqas il-Kunsill ma jqajmu oġġezzjoni fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel jiskadi dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex se joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 35
Proċedura ta' kumitat

1.Il-Kummissjoni għandha tiġi assistita minn kumitat. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 36
Emenda għar-Regolament (UE) Nru 1024/2012

Ir-Regolament (UE) Nru 1024/2012 huwa emendat kif ġej:

(1)    L-Artikolu 1 huwa sostitwit b'dan li ġej:

Artikolu 1
Suġġett

"Dan ir-Regolament jistabbilixxi r-regoli għall-użu ta’ Sistema ta' Informazzjoni tas-Suq Intern ("IMI") għall-kooperazzjoni amministrattiva, inkluż l-ipproċessar ta’ dejta personali, fost l-atturi li ġejjin ("l-atturi tal-IMI"):

(a)    l-awtoritajiet kompetenti tal-Istati Membri;

(b)    l-awtoritajiet kompetenti tal-Istati Membri u l-Kummissjoni;

(c)    l-awtoritajiet kompetenti tal-Istati Membri, il-Kummissjoni u l-korpi, l-uffiċċji u l-aġenziji tal-Unjoni.

(2)    L-Artikolu 3(1) huwa sostitwit b'dan li ġej:

"1. L-IMI għandha tintuża għall-iskambji ta’ informazzjoni, inkluż ta’ dejta personali, fost l-atturi tal-IMI u għall-ipproċessar ta’ dik l-informazzjoni għall-finijiet ta’ kwalunkwe wieħed minn dawn li ġejjin:

(a)    kooperazzjoni amministrattiva meħtieġa skont l-atti elenkati fl-Anness;

(b)    kooperazzjoni amministrattiva soġġetta għal proġett pilota mwettaq skont l-Artikolu 4."

(3)    it-tieni paragrafu tal-Artikolu 5 huwa emendat kif ġej:

(a) il-punt (a) huwa sostitwit b’dan li ġej:

"(a) "IMI" tfisser l-għodda elettronika pprovduta mill-Kummissjoni sabiex tiffaċilita l-kooperazzjoni amministrattiva bejn l-awtoritajiet kompetenti tal-Istati Membri u bejn l-awtoritajiet kompetenti tal-Istati Membri, il-Kummissjoni u l-korpi, l-uffiċċji u l-aġenziji tal-Unjoni";

(b) il-punt (b) huwa sostitwit b’dan li ġej:

"(b) "kooperazzjoni amministrattiva" tfisser il-kollaborazzjoni bejn l-atturi tal-IMI bl-iskambju u bl-ipproċessar ta’ informazzjoni għall-fini ta’ applikazzjoni aqwa tal-liġi tal-Unjoni.";

(c) il-punt (g) huwa mħassar.

(4)    Fl-Artikolu 8(1) jiżdied il-punt li ġej:

‘(f) "tiżgura l-koordinazzjoni mal-korpi, l-uffiċċji u l-aġenziji tal-Unjoni u tagħtihom aċċess għall-IMI";

(5)    L-Artikolu 9(4) huwa sostitwit b'dan li ġej:

"4. Għandhom jiġu implimentati mezzi adatti mill-Istati Membri, mill-Kummissjoni u minn korpi, uffiċċji u aġenziji oħrajn tal-Unjoni biex jiġi żgurat li l-utenti tal-IMI jkunu permessi jaċċessaw dejta personali pproċessata fl-IMI biss fuq il-bażi tal-ħtieġa tal-għarfien u fil-qasam jew l-oqsma tas-suq intern li għalihom ingħataw id-drittijiet ta’ aċċess skont il-paragrafu 3."

(6)    L-Artikolu 21 huwa emendat kif ġej:

(a)    il-paragrafu 2 jinbidel b'dan li ġej:

"2. Il-Kontrollur Ewropew għall-Protezzjoni tad-Dejta għandu jkun responsabbli għall-monitoraġġ u jiżgura li d-dispożizzjonijiet ta’ dan ir-Regolament jiġu applikati meta l-Kummissjoni jew korpi, uffiċċji u aġenziji oħrajn tal-Unjoni, fir-rwol tagħhom bħala atturi tal-IMI, jipproċessaw dejta personali. Id-dmirijiet u s-setgħat imsemmija fl-Artikoli 58 u 59 tar-[Regolament (UE) Nru XX/201Y] għandhom japplikaw kif meħtieġ".

(b)    il-paragrafu 3 jinbidel b'dan li ġej:

"3. L-Awtoritajiet ta’ Sorveljanza Nazzjonali u l-Kontrollur Ewropew għall-Protezzjoni tad-Dejta, kull wieħed jaġixxi fl-ambitu tal-kompetenzi rispettivi tiegħu, għandhom jikkooperaw flimkien sabiex jiżguraw kontroll ikkoordinat tal-IMI u l-użu tagħha mill-atturi tal-IMI skont l-Artikolu 62 tar-[Regolament (UE) Nru XX/201Y] ".

(c)    il-paragrafu 4 huwa mħassar.

(7)    L-Artikolu 29(1) huwa mħassar.

(8)    Fl-Anness, jiżdied il-punt 12 li ġej:

"12. [Ir-Regolament (UE) XX/201Y] tal-Parlament Ewropew u tal-Kunsill dwar l-istabbiliment ta’ portal diġitali uniku għall-informazzjoni, il-proċeduri u s-servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012: Artikolu [11(4)]."

Artikolu 37
Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

L-Artikolu 2, l-Artikoli 4 sa 11, l-Artikolu 12(1) sa (6) u (8), l-Artikolu 13, l-Artikolu 14, l-Artikolu 15(1) sa (3), l-Artikolu 16, l-Artikolu 17, l-Artikolu 21(1) u (2), l-Artikolu 22(1) sa (4) u l-Artikolu 23 għandhom japplikaw minn [sentejn wara d-dħul fis-seħħ ta’ dan ir-Regolament].

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Il-qasam jew l-oqsma ta’ politika kkonċernati fl-istruttura ABM/ABB

1.3.Natura tal-proposta/inizjattiva

1.4.Objettiv(i)

1.5.Raġunijiet għall-proposta/inizjattiva

1.6.Tul ta’ żmien u impatt finanzjarju

1.7.Il-metodu jew il-metodi ta’ ġestjoni ppjanati

2.MIŻURI TA’ ĠESTJONI

2.1.Regoli dwar il-monitoraġġ u r-rappurtar

2.2.Sistema ta' ġestjoni u kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/INIZJATTIVA

3.1.Intestatura jew intestaturi tal-qafas finanzjarju pluriennali u tal-linja jew tal-linji baġitarji tan-nefqa affettwati

3.2.Impatt stmat fuq in-nefqa 

3.2.1.Is-sommarju tal-impatt stmat fuq in-nefqa

3.2.2.L-impatt smat fuq l-approprjazzjonijiet operattivi

3.2.3.L-impatt stmat fuq l-approprjazzjonijiet ta’ natura amministrattiva

3.2.4.Il-kompatibbiltà mal-qafas finanzjarju pluriennali attwali

3.2.5.Il-kontribuzzjonijiet minn partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam jew oqsma ta’ politika kkonċernati fl-istruttura ABM/ABB 41  

1.3.Natura tal-proposta/inizjattiva

⊠ Il-proposta/l-inizjattiva hija relatata ma’ azzjoni ġdida 

◻ Il-proposta/l-inizjattiva hija relatata ma’ azzjoni ġdida wara proġett pilota/azzjoni preparatorja 42  

◻ Il-proposta/l-inizjattiva hija relatata mal-estensjoni ta’ azzjoni eżistenti 

◻ Il-proposta/l-inizjattiva hija relatata ma' azzjoni diretta mill-ġdid lejn azzjoni ġdida 

1.4.Objettiv(i)

1.4.1.L-objettiv jew l-objettivi strateġiċi pluriennali tal-Kummissjoni fil-mira talproposta/inizjattiva

1.4.2.L-objettiv jew l-objettivi speċifiċi u l-attività jew l-attivitajiet ABM/ABB ikkonċernati

1.4.3.Ir-riżultat(i) u l-impatt mistennija

Speċifika l-effetti li l-proposta/l-inzjattiva għandu jkollha fuq il-benefiċjarji/il-gruppi fil-mira.

1.4.4.L-indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

1.5.Raġunijiet għall-proposta/inizjattiva

1.5.1.Ir-rekwiżit jew ir-rekwiżiti li jridu jiġu ssodisfati fuq medda qasira jew medda twila ta' żmien

1.5.2.Valur miżjud tal-involviment tal-UE

1.5.3.It-tagħlim miksub minn esperjenzi simili fl-imgħoddi

1.5.4.Il-kompatibbiltà u s-sinerġija possibbli ma’ strumenti xierqa oħrajn

1.6.Tul ta’ żmien u impatt finanzjarju

◻ Proposta/inizjattiva ta’ tul ta' żmien limitat

–◻    Proposta/inizjattiva fis-seħħ minn [DD/MM]YYYY sa [DD/MM]YYYY

–◻    Impatt finanzjarju minn YYYY sa YYYY

⌧ Proposta/inizjattiva ta' tul ta' żmien mhux limitat

–Implimentazzjoni b'perjodu tal-bidu mill-2018 sal-2020,

–segwita minn operazzjoni fuq skala sħiħa.

1.7.Metodu jew metodi ta’ ġestjoni ppjanati 43  

⌧ Ġestjoni diretta mill-Kummissjoni

–⌧ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi l-kompiti tal-implimentazzjoni tal-baġit jiġu fdati lil:

–◻ pajjiżi terzi jew lil korpi li jkunu nnominaw;

–◻ organizzazzjonijiet internazzjonali u l-aġenziji tagħhom (iridu jiġu speċifikati);

–◻il-BEI u l-Fond Ewropew tal-Investiment;

–◻ il-korpi msemmijin fl-Artikoli 208 u 209 tar-Regolament Finanzjarju;

–◻ il-korpi rregolati bil-liġi pubblika;

–◻ korpi rregolati bil-liġi privata b'missjoni ta' servizz pubbliku sal-punt li jipprovdu garanziji finanzjarji xierqa;

–◻ korpi rregolati bil-liġ privata ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ persuni inkarigati biex jimplimentaw azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk ikun indikat aktar minn metodu wieħed ta’ ġestjoni, jekk jogħġbok agħti d-dettalji fit-taqsima “Kummenti”.

2.MIŻURI TA’ ĠESTJONI

2.1.Regoli dwar il-monitoraġġ u r-rappurtar

Speċifika l-frekwenza u l-kundizzjonijiet.

2.2.Sistema ta' ġestjoni u kontroll

2.2.1.Riskju jew riskji identifikati

2.2.2.Informazzjoni dwar l-istruttura tas-sistema ta' kontroll intern

2.2.3.Stima tal-kostijiet u l-benefiċċji tal-kontrolli u l-valutazzjoni tal-livell mistenni tar-riskju ta' errur

2.3.Miżuri għall-prevenzjoni ta’ frodi u ta’ irregolaritajiet

Speċifika l-miżuri eżistenti jew previsti ta’ prevenzjoni u protezzjoni.

3.IMPATT FINANZJARJU STMAT TAL-PROPOSTA/INIZJATTIVA

3.1.Intestatura jew intestaturi tal-qafas finanzjarju pluriennali u tal-linja jew tal-linji baġitarji tan-nefqa affettwati

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitjarji.

3.2.Impatt stmat fuq in-nefqa

3.2.1.Is-sommarju tal-impatt stmat fuq in-nefqa

miljuni ta' EUR (sa tliet ċifri wara l-punt deċimali)

DĠ: GROW			2018	2019	2020	2021	2022 u wara	TOTAL
• Approprjazzjonijiet operattivi
02 02 01	Impenji	(1)	615 000	150 000	710 000			1 475 000
	Pagamenti	(2)	615 000	150 000	710 000			1 475 000
02 03 01	Impenji	(1)			710 000			710 000
	Pagamenti	(2)			710 000			710 000
02 03 04	Impenji	(1)				3 920 000	1 420 000	5 340 000
	Pagamenti	(2)				3 920 000	1 420 000	5 340 000
Approprjazzjonjiet ta’ natura amministrattiva ffinanzjati mill-pakkett għall-programmi speċifiċi 47			0	0	0	0	0	0
TOTAL tal-approprjazzjonijiet għal DĠ GROW	Impenji	=1+1a +3	615 000	150 000	1 420 000	3 920 000	1 420 000	7 525 000
	Pagamenti	=2+2a +3	615 000	150 000	1 420 000	3 920 000	1 420 000	7 525 000
• TOTAL tal-approprjazzjonijiet operattivi	Impenji	(4)	615 000	150 000	1 420 000	3 920 000	1 420 000	7 525 000
	Pagamenti	(5)	615 000	150 000	1 420 000	3 920 000	1 420 000	7 525 000
• TOTAL tal-approprjazzjonjiet ta’ natura amministrattiva ffinanzjati mill-pakkett għall-programmi speċifiċi		(6)	0	0	0	0	0	0
TOTAL tal-approprjazzjonijiet taħt l-INTESTATURA 1A tal-qafas finanzjarju pluriennali	Impenji	=4+ 6	615 000	150 000	1 420 000	3 920 000	1 420 000	7 525 000
	Pagamenti	=5+ 6	615 000	150 000	1 420 000	3 920 000	1 420 000	7 525 000

Intestatura tal-qafas finanzjarju pluriennali

5

"Nefqa amministrattiva"

miljuni ta' EUR (sa tliet ċifri wara l-punt deċimali)

TOTAL tal-approprjazzjonijiet taħt l-INTESTATURA 5 tal-qafas finanzjarju pluriennali

(Total ta' impenji = Total ta' pagamenti)

85 300

781 600

1 068 600

780 600

789 600

3 505 700

miljuni ta' EUR (sa tliet ċifri wara l-punt deċimali)

3.2.2.L-impatt smat fuq l-approprjazzjonijiet operattivi

◻    Il-proposta/l-inizjattiva ma teħtieġ l-ebda użu ta' approprjazzjonijiet operattivi

⌧    Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet ta' impenn f’miljuni ta' EUR (sa tliet ċifri wara l-punt deċimali)

3.2.3.L-impatt stmat fuq l-approprjazzjonijiet ta’ natura amministrattiva

3.2.3.1.Sommarju

◻    Il-proposta/l-inizjattiva ma teħtieġ l-ebda użu ta' approprjazzjonijiet ta' natura amministrattiva

⌧    Il-proposta/l-inizjattiva teħtieġ l-użu ta’ approprjazzjonijiet ta' natura amministrattiva, kif spjegat hawn taħt:

miljuni ta' EUR (sa tliet ċifri wara l-punt deċimali)

INTESTATURA 5 tal-qafas finanzjarju pluriennali
Riżorsi umani	69 000	690 000	828 000	690 000	759 000			3 036 000
Nefqa amministrattiva oħra	16 300	91 600	240 600	90 600	30 600			469 700
Subtotal INTESTATURA 5 tal-qafas finanzjarju pluriennali

Barra l-INTESTATURA 5 50 tal-qafas finanzjarju pluriennali
Riżorsi umani
Nefqa oħra ta’ natura amministrattiva
Subtotal barra l-INTESTATURA 5 tal-qafas finanzjarju pluriennali								0

TOTAL

85 300

781 600

1 068 600

780 600

789 600

3 505 700

L-approprjazzjonijiet meħtieġa għar-riżorsi umani u nefqa oħra ta’ natura amministrattiva se jkunu ssodisfati b’approprjazzjonijiet mid-DĠ li huma diġà assenjati lill-ġestjoni tal-azzjoni u/jew ġew użati mill-ġdid fi ħdan id-DĠ, flimkien jekk ikun meħtieġa ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura annwali ta’ allokazzjoni u fid-dawl tar-restrizzjonijiet baġitarji.

3.2.3.2.Rekwiżiti stmati ta' riżorsi umani

◻    Il-proposta/l-inizjattiva ma teħtieġ l-ebda użu ta' riżorsi umani.

⌧    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

Stima li trid tiġi espressa f'unitajiet ekwivalenti għal full-time

XX hija l-qasam ta’ politika jew titolu baġitjarju kkonċernat.

Ir-riżorsi umani meħtieġa se jiġu koperti minn persunal tad-DĠ li huwa diġà assenjat għall-ġestjoni tal-azzjoni u/jew ġie riskjerat fid-DĠ, flimkien ma’, jekk ikun hemm bżonn, kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju

- 2018 – it-tieni nofs: 1 FTE – xogħol ta’ tħejjija għall-użu tas-sistema tal-IMI (għall-iżvilupp tar-repożitorju tal-links u għall-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza) - 2019: 1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza 2 FTEs – il-monitoraġġ tal-kwalità 2 FTEs – il-ġestjoni tal-portal diġitali uniku - 2020: 1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza 2 FTEs – il-monitoraġġ tal-kwalità 1 FTE – l-analiżi u l-pubblikazzjoni tar-riżultati tal-feedback 2 FTEs – il-ġestjoni tal-portal diġitali uniku - 2021: 1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza 1 FTE – il-monitoraġġ tal-kwalità 1 FTE – l-analiżi u l-pubblikazzjoni tar-riżultati tal-feedback 2 FTEs – il-ġestjoni tal-portal diġitali uniku - 2022 u wara: 1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza 0,5 FTE – l-użu ta’ mezzi tekniċi oħrajn għall-iskambju ta’ evidenza bejn l-awtoritajiet tal-Istati Membri 1 FTE – il-monitoraġġ tal-kwalità 1 FTE – l-analiżi u l-pubblikazzjoni tar-riżultati tal-feedback 2 FTEs – il-ġestjoni tal-portal diġitali uniku

Persunal estern

3.2.4.Il-kompatibbiltà mal-qafas finanzjarju pluriennali attwali

⌧    Il-proposta/l-inizjattiva hija kompatibbli mal-qafas finanzjarju pluriennali attwali. Għall-perjodu ta' wara l-31 ta' Diċembru 2020, l-ammont għandu jitqies li jkun ikkonfermat jekk ikun konsistenti mal-qafas finanzjarju pluriennali fis-seħħ għal dak il-perjodu.

◻    Il-proposta/l-inizjattiva se tinvolvi l-ipprogrammar mill-ġdid tal-intestatura rilevanti fil-qafas finanzjarju pluriennali.

◻    Il-proposta/l-inizjattiva teħtieġ l-applikazzjoni tal-istrument ta' flessibbiltà jew reviżjoni tal-qafas finanzjarju pluriennali.

3.2.5.Il-kontribuzzjonijiet minn partijiet terzi

⌧ Il-proposta/l-inizjattiva ma tipprovdi l-ebda kofinanzjament minn partijiet terzi.

◻ Il-proposta/l-inizjattiva tipprevedi l-kofinanzjament stmat hawn taħt:

3.3.Impatt stmat fuq id-dħul

⌧    Il-proposta/l-inizjattiva ma għandha l-ebda impatt finanzjarju fuq id-dħul.

◻    Il-proposta/l-inizjattiva għandha l-impatt finanzjarju li ġej:

fuq ir-riżorsi proprji

fuq id-dħul mixxellanju

ANNESS
tad-DIKJARAZZJONI FINANZJARJA LEĠIŻLATTIVA

Isem il-proposta/l-inizjattiva:

1.L-GĦADD u L-ISPIZA tar-RIŻORSI UMANI MEQJUSA NEĊESSARJI

2.L-ISPIŻA ta’ NEFQA AMMINISTRATTIVA OĦRA

3.IL-METODI tal-KALKOLU UŻATI għall-ISTIMI tal-ISPEJJEŻ

3.1.Riżorsi umani

3.2.Nefqa amministrattiva oħra

1.L-ispiża tar-riżorsi umani kkunsidrati neċessarji

◻    Il-proposta/l-inizjattiva ma teħtieġ l-ebda użu ta' riżorsi umani

⌧    Il-proposta/inizjattiva teħtieġ l-użu ta’ riżorsi umani, kif spjegat hawn taħt:

miljuni ta' EUR (sa tliet ċifri wara l-punt deċimali)

XX hija l-qasam ta’ politika jew titolu baġitjarju kkonċernat.

Ir-riżorsi umani meħtieġa se jiġu koperti minn persunal tad-DĠ li huwa diġà assenjat għall-ġestjoni tal-azzjoni u/jew ġie riskjerat fid-DĠ, flimkien ma’, jekk ikun hemm bżonn, kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet baġitarji.    

Barra mill-INTESTATURA 5 tal-qafas finanzjarju pluriennali

2018

2019

2020

2021

2022 u wara

TOTAL

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

• Pożizzjonijiet fil-pjan ta' stabbiliment (uffiċjali u persunal temporanju)

·10 01 05 02 (Riċerka diretta)

AD

AST

·XX 01 05 01 (Riċerka indiretta)

AD

AST

• Persunal estern 54

·XX 01 04 yy  Sottolimitu għall-persunal estern kopert mill-approprjazzjonijiet operattivi (dawk li kienu l-linji “BA”).

·- fil-Kwartieri

AC

ENS

INT

·- fid-delegazzjonijiet tal-Unjoni

AC

AL

ENS

INT

JED

·XX 01 05 02 (Riċerka indiretta)

AC

ENS

INT

·10 01 05 02 (Riċerka diretta)

AC

ENS

INT

·Linji baġitarji oħrajn (speċifika)

·Subtotal – Barra mill-INTESTATURA 5 tal-qafas finanzjarju pluriennali

0

0

0

0

0

0

0

0

0

0

0

0

·XX hija l-qasam ta’ politika jew titolu baġitjarju kkonċernat.TOTAL

0.5

69 000

5

690 000

6

828 000

5

690 000

5.5

759 000

22

3 036 000

Ir-riżorsi umani meħtieġa se jiġu koperti minn persunal tad-DĠ li huwa diġà assenjat għall-ġestjoni tal-azzjoni u/jew ġie riskjerat fid-DĠ, flimkien ma’, jekk ikun hemm bżonn, kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet baġitarji.

2.L-ispejjeż ta’ nefqa amministrattiva oħra

◻    Il-proposta/l-inizjattiva ma teħtieġ l-ebda użu ta' approprjazzjonijiet amministrattivi

◻    Il-proposta/l-inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

miljuni ta' EUR (sa tliet ċifri wara l-punt deċimali)

XX hija l-qasam ta’ politika jew titolu baġitjarju kkonċernat.

miljuni ta' EUR (sa tliet ċifri wara l-punt deċimali)

XX hija l-qasam ta’ politika jew titolu baġitjarju kkonċernat.

TOTAL INTESTATURA 5 u Barra mill-INTESTATURA 5 tal-qafas finanzjarju pluriennali

16 300

91 600

240 600

90 600

30 600

469 700

L-approprjazzjonijiet meħtieġa għar-riżorsi umani u nefqa oħra ta’ natura amministrattiva se jkunu ssodisfati b’approprjazzjonijiet mid-DĠ li huma diġà assenjati lill-ġestjoni tal-azzjoni u/jew ġew użati mill-ġdid fi ħdan id-DĠ, flimkien jekk ikun meħtieġa ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura annwali ta’ allokazzjoni u fid-dawl tar-restrizzjonijiet baġitarji.

3.Il-metodi tal-kalkolu użati għall-istimi tal-ispejjeż

3.1.Riżorsi umani

Din il-parti tispjega l-metodu tal-kalkolu li ntuża biex jiġu stmati r-riżorsi umani kkunsidrati neċessarji (assunzjonijiet tal-ammont ta’ xogħol, inkluż kariġi speċifiċi (il-profili tax-xogħol tas-Sysper 2), il-kategoriji tal-persunal u l-ispejjeż medji korrispondenti)

·INTESTATURA 5 tal-qafas finanzjarju pluriennali

·NB: L-ispejjeż medji għal kull kategorija tal-persunal fil-Kwartieri Ġenerali jinsabu fuq BudgWeb: · https://myintracomm.ec.europa.eu/budgweb/EN/pre/legalbasis/Pages/pre-040-020_preparation.aspx

·• Uffiċjali u persunal temporanju ·- it-tieni nofs tal-2018: ·1 FTE – xogħol ta’ tħejjija għall-użu tas-sistema tal-IMI (għall-iżvilupp tar-repożitorju tal-links u għall-użu tas-sistema tal-IMI għall-kooperazzjoni bejn l-awtoritajiet tal-Istati Membri biex jiġu vverifikati l-awtentiċità u l-validità tal-evidenza) ·- 2019: ·1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza ·2 FTEs – il-monitoraġġ tal-kwalità ·2 FTEs – il-ġestjoni tal-portal diġitali uniku · ·- 2020: ·1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza ·2 FTEs – il-monitoraġġ tal-kwalità ·1 FTE – l-analiżi u l-pubblikazzjoni tar-riżultati tal-feedback ·2 FTEs – il-ġestjoni tal-portal diġitali uniku · ·- 2021: ·1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza ·1 FTE – il-monitoraġġ tal-kwalità ·1 FTE – l-analiżi u l-pubblikazzjoni tar-riżultati tal-feedback ·2 FTEs – il-ġestjoni tal-portal diġitali uniku · ·- 2022 u wara: ·1 FTE – l-użu tas-sistema tal-IMI għall-kooperazzjoni bejn l-awtoritajiet tal-Istati Membri sabiex jiġu vverifikati l-awtentiċità u l-validità tal-evidenza ·0,5 FTE – l-użu ta’ mezzi tekniċi oħrajn għall-iskambju ta’ evidenza bejn l-awtoritajiet tal-Istati Membri ·1 FTE – il-monitoraġġ tal-kwalità ·1 FTE – l-analiżi u l-pubblikazzjoni tar-riżultati tal-feedback ·2 FTEs – il-ġestjoni tal-portal diġitali uniku · ·

·• Persunal estern · ·

·Barra mill-INTESTATURA 5 tal-qafas finanzjarju pluriennali

·• Pożizzjonijiet iffinanzjati biss mill-baġit ta’ riċerka  · ·

·• Persunal estern · ·

3.2.Nefqa amministrattiva oħra

Agħti dettalji fuq il-metodu tal-kalkolu użat għal kull linja baġitarja

u partikolarment l-assunzjonijiet sottostanti (pereżempju l-għadd ta’ laqgħat kull sena, l-ispejjeż medji, eċċ.)

Barra mill-INTESTATURA 5 tal-qafas finanzjarju pluriennali

(1) Ara pereżempju l-Konklużjonijiet tad-9 ta’ Marzu 2017.

(2) Study on information and assistance needs of businesses operating cross-border within the EU, Rapport Finali, April 2017.

(3) Ir-Rapport Finali tal-Grupp ta' Livell Għoli dwar is-Servizzi tan-Negozju, April 2014

(4) “Il-Pjan ta’ Azzjoni tal-UE dwar il-Gvern elettroniku għall-2016-2020 Inħaffu t-trasformazzjoni diġitali tal-amministrazzjoni pubblika” Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, COM(2016)0179 final.

(5) Ara l-Kapitolu 6.2.3 tal-Valutazzjoni tal-Impatt.

(6) Id-Direttiva 2006/123/KE tal-Parlament Ewropew u tal-Kunsill tat-12 ta' Diċembru 2006 dwar is-servizzi fis-suq intern (ĠU L 376, 27.12.2006, p. 36).

(7) Id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent tal-kwalifiki professjonali (ĠU L 255, 30.9.2005, p. 22–142).

(8) “Naġġornaw is-Suq Uniku: opportunitajiet aktar għaċ-ċittadini u għan-negozji” Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, 28.10.2015, COM(2015) 550 final.

(9) https://ec.europa.eu/commission/work-programme-2017_en

(10) Ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73–114).

(11) Id-Direttiva 2012/17/UE tal-Parlament Ewropew u tal-Kunsill tat-13 ta’ Ġunju 2012 li temenda d-Direttiva tal-Kunsill 89/666/KEE u d-Direttivi 2005/56/KE u 2009/101/KE tal-Parlament Ewropew u tal-Kunsill fir-rigward tal-interkonnessjoni tar-reġistri ċentrali, kummerċjali u tal-kumpaniji (ĠU L 156, 16.6.2012, p. 1–9).

(12) http://ec.europa.eu/DocsRoom/documents/20813

(13) Ir-Regolament ta' Implimentazzjoni tal-Kummissjoni (UE) 2016/7 tal-5 ta' Jannar 2016 li jistabbilixxi formola standard għad-Dokument Ewropew Uniku għall-Akkwist (ĠU L 3, 6.1.2016, p. 16–34).

(14) ĠU C , , p. .

(15) ĠU C , , p. .

(16) “Naġġornaw is-Suq Uniku: opportunitajiet aktar għaċ-ċittadini u għan-negozji” Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, COM(2015)550 final, 28.10.2015.

(17) “Strateġija għal Suq Uniku Diġitali għall-Ewropa”, Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, COM(2015) 192 final.6.5.2015

(18) “Il-Pjan ta’ Azzjoni tal-UE dwar il-Gvern elettroniku għall-2016-2020 Inħaffu t-trasformazzjoni diġitali tal-amministrazzjoni pubblika” Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, COM(2016)0179 final.

(19) Ir-rapport dwar iċ-Ċittadinanza tal-UE: It-tisħiħ tad-drittijiet taċ-ċittadini f’Unjoni ta’ tibdil demokratiku, 24 ta’ Jannar 2017, COM(2017)30/2 final.

(20) Id-Direttiva 2006/123/KE tal-Parlament Ewropew u tal-Kunsill tat-12 ta' Diċembru 2006 dwar is-servizzi fis-suq intern (ĠU L 376, 27.12.2006, p. 36).

(21) Ir-Regolament (KE) Nru 764/2008 tal-Parlament Ewropew u tal-Kunsill tad-9 ta' Lulju 2008 li jistabbilixxi l-proċeduri relatati mal-applikazzjoni ta' ċerti regoli tekniċi nazzjonali għal prodotti legalment kummerċjalizzati fi Stat Membru ieħor u li jħassar id-Deċiżjoni Nru 3052/95/KE (ĠU L 218, 13.8.2008, p. 21–29).

(22) Ir-Regolament (UE) Nru 305/2011 tal-Parlament Ewropew u tal-Kunsill tad-9 ta’ Marzu 2011 li jistabbilixxi kondizzjonijiet armonizzati għall-kumerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (ĠU L 88, 4.4.2011, p. 5–43).

(23) Id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent tal-kwalifiki professjonali (ĠU L 255, 30.9.2005, p. 22–142).

(24) Ir-Rakkomandazzjoni tal-Kummissjoni tas-17 ta’ Settembru 2013 dwar il-prinċipji li jirregolaw SOLVIT (ĠU L 249, 19.9.2011, p. 10).

(25) Il-Karta ġiet approvata mill-Kunsill fl-2013.

(26) Ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73–114).

(27) Id-Direttiva 2006/123/KE tal-Parlament Ewropew u tal-Kunsill tat-12 ta' Diċembru 2006 dwar is-servizzi fis-suq intern (ĠU L 376, 27.12.2006, p. 36).

(28) Id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-rikonoxximent tal-kwalifiki professjonali (ĠU L 255, 30.9.2005, p. 22–142).

(29) Id-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (ĠU L 94, 28.3.2014, p. 65–242) u d-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (ĠU L 94, 28.3.2014, p. 243–374).

(30) Ir-Regolament (KE) Nru 883/2004 tal-Parlament Ewropew u tal-Kunsill tad-29 ta’ April 2004 dwar il-koordinazzjoni ta’ sistemi ta’ sigurtà soċjali (ĠU L 166, 30.4.2004, p. 1-123).

(31) Ir-Regolament (KE) Nru 987/2009 tal-Parlament Ewropew u tal-Kunsill tas-16 ta’ Settembru 2009 li jistabbilixxi l-proċedura għall-implimentazzjoni tar-Regolament (KE) Nru 883/2004 dwar il-koordinazzjoni tal-iskemi ta’ sigurtà soċjali (ĠU L 284, 30.10.2009, p. 1-42).

(32) Ir-Regolament (Unjoni) Nru 1024/2012 tal-Parlament Ewropew u tal-Kunsill tal- 25 ta' Ottubru 2012 dwar il-kooperazzjoni amministrattiva permezz tas-Sistema ta’ Informazzjoni tas-Suq Intern u li jħassar id-Deċiżjoni tal-Kummissjoni 2008/49/KE (“ir-Regolament tal-IMI”) (ĠU L 316, 14.11.2012, p. 1).

(33) Id-Direttiva 2014/24/UE tal-Parlament Ewropew u tal-Kunsill tas-26 ta’ Frar 2014 dwar l-akkwist pubbliku u li tħassar id-Direttiva 2004/18/KE (ĠU L 94, 28.3.2014, p. 65–242).

(34) Id-Direttiva 2009/101/KE tal-Parlament Ewropew u tal-Kunsill tas-16 ta’ Settembru 2009 dwar il-koordinazzjoni ta’ salvagwardji li, għall-protezzjoni tal-interessi ta’ membri u oħrajn, huma meħtieġa mill-Istati Membri minn kumpaniji fis-sens tat-tieni paragrafu tal-Artikolu 48 tat-Trattat, bil-għan li tagħmel dawn is-salvagwardji ekwivalenti (ĠU L 258, 1.10.2009, p. 11–19).

(35) Ir-Regolament (UE) Nru 2015/848 tal-Parlament Ewropew u tal-Kunsill tal-20 ta’ Mejju 2015 dwar proċedimenti ta' insolvenza (ĠU L 141, 5.6.2015, p. 19–72).

(36) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13-18).

(37) Il-Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar it-Tfassil Aħjar tal-Liġijiet, (ĠU L 123, 12.5.2016, p. 1–14).

(38) Id-Direttiva 95/46/KE tal-Parlament Ewropew u tal-Kunsill tal-24 ta' Ottubru 1995 dwar il-protezzjoni ta’ individwi fir-rigward tal-ipproċessar ta’ dejta personali u dwar il-moviment liberu ta’ dik id-dejta (ĠU L 281, 23.11.1995, p. 31-50).

(39) Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' dejta personali u dwar il-moviment liberu ta' tali dejta, u li jħassar id-Direttiva 95/46/KE (Regolament Ġenerali dwar il-Protezzjoni tad-Dejta) (ĠU L 119, 4.5.2016, p. 1).

(40) Ir-Regolament (UE) Nru 260/2012 tal-Parlament Ewropew u tal-Kunsill tal-14 ta’ Marzu 2012 li jistabbilixxi rekwiżiti tekniċi u tan-negozju għat-trasferimenti ta’ kreditu u debiti diretti bl-euro u li jemenda r-Regolament (KE) Nru 924/2009 (ĠU L 94, 30.3.2012, p. 22–37).

(41) ABM: ġestjoni bbażata fuq l-attività; ABB: baġit ibbażat fuq l-attività.

(42) Kif imsemmi fl-Artikolu 54(2)(a) jew (b) tar-Regolament Finanzjarju.

(43) Dettalji tal-metodi ta’ ġestjoni u referenzi għar-Regolament Finanzjarju jistgħu jinstabu fuq is-sit BudgWeb: http://www.cc.cec/budg/man/budgmanag/budgmanag_en.html

(44) Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(45) EFTA: Assoċjazzjoni Ewropea tal-Kummerċ Ħieles.

(46) Pajjiżi kandidati u, fejn applikabbli, pajjiżi kandidati potenzjali mill-Balkani tal-Punent.

(47) L-assistenza u n-nefqa teknika u/jew amministrattiva bħala appoġġ għall-implimentazzjoni tal-programmi u/jew tal-azzjonijiet tal-UE (dawk li kienu l-linji "BA"), tar-riċerka indiretta u r-riċerka diretta.

(48) L-outputs huma prodotti u servizzi li jridu jiġu fornuti (eż.: numru ta’ skambji ta’ studenti ffinanzjati, numru ta’ kilometri ta’ toroq mibnija. eċċ.).

(49) Kif deskritt fil-punt 1.4.2. "Objettiv(i) speċifiku/speċifiċi…’

(50) L-għajnuna teknika u/jew amministrattiva u n-nefqa li tappoġġa l-implimentazzjoni ta’ programmi u/jew azzjonijiet tal-UE (dawk li kienu l-linji “BA”), riċerka indiretta, riċerka diretta.

(51) AC= Persunal Kuntrattwali; AL = Persunal Lokali; ENS= Espert Nazzjonali Sekondat; INT = Persunal tal-aġenzija; JED= Esperti Subordinati fid-Delegazzjonijiet.

(52) Sottolimitu għall-persunal estern kopert minn approprjazzjonijiet operattivi (dawk li kienu l-linji “BA”).

(53) AC= Persunal Kuntrattwali; AL = Persunal Lokali; ENS= Espert Nazzjonali Sekondat; INT= Persunal tal-aġenzija; JED= Esperti Subordinati fid-Delegazzjonijiet.

(54) AC= Persunal Kuntrattwali; AL = Persunal Lokali; ENS= Espert Nazzjonali Sekondat; INT= Persunal tal-aġenzija; JED= Esperti Subordinati fid-Delegazzjonijiet.

(55) Speċifika t-tip ta’ kumitat u l-grupp li jappartjeni għalih.

(56) ICT: it-Teknoloġiji tal-Informazzjoni u l-Komunikazzjoni: id-DIGIT għandu jiġi kkonsultat.

IL-KUMMISSJONI EWROPEA

Brussell, 2.5.2017

COM(2017) 256 final

Pakkett ta' Konformità

ANNESSI

tal-

PROPOSTA GĦAL REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ portal diġitali uniku li jipprovdi informazzjoni, proċeduri, u servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012

{SWD(2017) 211 final}
{SWD(2017) 212 final}
{SWD(2017) 213 final}
{SWD(2017) 214 final}

ANNESSI

tal-

PROPOSTA GĦAL REGOLAMENT TAL-PARLAMENT EWROPEW U TAL-KUNSILL

dwar l-istabbiliment ta’ portal diġitali uniku li jipprovdi informazzjoni, proċeduri, u servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012

ANNESS I
Lista ta’ oqsma ta’ informazzjoni li huma rilevanti għaċ-ċittadini u għan-negozji li jeżerċitaw id-drittijiet tagħhom tas-Suq Uniku msemmija fl-Artikolu 2(2)(a)

Oqsma ta’ informazzjoni relatati maċ-ċittadini:

Oqsma ta’ informazzjoni relatati man-negozji:

ANNESS II
Proċeduri msemmija fl-Artikolu 5(2)

Avvenimenti tal-ħajja	Proċeduri	Output mistenni
Twelid	Talba għal ċertifikat tat-twelid	Ċertifikat tat-twelid
Studju	Applikazzjoni għal għotja ta’ studju minn istituzzjoni pubblika	Deċiżjoni rigward l-applikazzjoni għal għotja
Xogħol	Reġistrazzjoni għall-benefiċċji tas-sigurtà soċjali	Konferma tar-riċevuta
	Kif titlob ir-rikonoxximent ta’ diploma	Deċiżjoni dwar it-talba għar-rikonoxximent
Ċaqliq	Reġistrazzjoni ta’ bidla tal-indirizz	Konferma tar-reġistrazzjoni tal-indirizz il-ġdid
	Talba għall-karta tal-identità jew għall-passaport jew għat-tiġdid tagħhom	Ħruġ jew tiġdid ta’ karta tal-identità jew ta’ passaport
	Reġistrazzjoni ta’ vettura bil-mutur	Ċertifikat ta’ reġistrazzjoni
Irtirar	Talba għall-pensjoni u għall-benefiċċji ta’ qabel l-irtirar minn skemi pubbliċi jew semipubbliċi	Deċiżjoni rigward it-talba għal pensjoni jew għal benefiċċji ta’ qabel l-irtirar
Bidu ta’ negozju	Reġistrazzjoni ġenerali ta’ attività ta’ negozju, minbarra l-proċeduri li jirrigwardaw il-kostituzzjoni ta’ kumpaniji jew ditti skont it-tifsira tat-tieni paragrafu tal-Artikolu 54 TFUE	Konferma tat-tlestija tal-passi kollha meħtieġa biex wieħed jibda jopera negozju
	Reġistrazzjoni ta’ impjegatur (persuna fiżika) mal-iskemi pubbliċi jew semipubbliċi tal-pensjoni u tal-assigurazzjoni	Numru ta’ reġistrazzjoni tas-sigurtà soċjali
	Reġistrazzjoni ta’ impjegati mal-iskemi pubbliċi jew semipubbliċi tal-pensjoni u tal-assigurazzjoni	Numru ta’ reġistrazzjoni tas-sigurtà soċjali
Twettiq ta’ negozju	Notifika lill-iskemi tas-sigurtà soċjali tat-tmiem ta’ kuntratt ma’ impjegat	Konferma tal-wasla tan-notifika
	Pagament ta’ kontribuzzjonijiet soċjali għall-impjegati	Wasla jew forma oħra ta’ konferma ta’ pagament ta’ kontribuzzjonijiet soċjali għall-impjegati

ANNESS III
Lista tas-servizzi ta’ assistenza u ta’ soluzzjoni tal-problemi msemmija fl-Artikolu 2(2)(c)

(1)Punti ta' Kuntatt Waħdieni

(2)Punti ta' Kuntatt għall-Prodotti

(3)Punti ta' Kuntatt għall-Prodotti għall-Bini

(4)Ċentri ta’ Assistenza Nazzjonali għall-Kwalifiki Professjonali

(5)Punti ta' Kuntatt tas-Saħħa

(6)EURES

(7)Soluzzjoni tat-Tilwim Online