11.8.2017   

MT

Il-Ġurnal Uffiċjali tal-Unjoni Ewropea

C 264/25

1.

Fl-4 ta’ Awwissu 2017, il-Kummissjoni Ewropea rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża BNP Paribas Group (“BNPP”, Franza) u Starwood Hotels & Resorts Worldwide, LLC (“Starwood”, l-Istati Uniti), li jappartjenu għal Marriott International, Inc. (“Marriott”, l-Istati Uniti), jakkwistaw skont tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ żewġ lukandi fl-Italja (il-“Hotel Portfolio”) permezz ta’ xiri ta’ ishma u ta’ ftehimiet preeżistenti għall-ġestjoni tal-lukandi.

2.

L-attivitajiet kummerċjali tal-impriżi kkonċernati huma:

—   għal BNPP: grupp bankarju b’operat domestiku u internazzjonali. Iż-żewġ negozji prinċipali huma: (i) Operazzjonijiet u servizzi bankarji għall-konsumatur, u (ii) Servizzi bankarji korporattivi u istituzzjonali.

—   għal Starwood: sussidjarja akkwiżita totalment minn Marriott. Marriott hija kumpanija diversifikata ta’ ospitalità li taġixxi bħala maniġer u franchisor għal madwar 6 080 lukanda u proprjetà tat-timeshare madwar id-dinja.

—   għall-Hotel Portfolio: iż-żewġ lukandi jinsabu l-Italja (il-Westin Palace f’Milan u l-Westin Europa & Regina f’Venezja) u bħalissa huma ġestiti indirettament minn Marriott.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301) jew b’email lil COMP-MERGER-REGISTRY@ec.europa.eu jew bil-posta, bir-referenza M.8598 — BNPP/Starwood/Hotel Portfolio, f’dan l-indirizz: