23.11.2017   

MT

Il-Ġurnal Uffiċjali tal-Unjoni Ewropea

C 396/11

1.

Fit-3 ta’ Novembru 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

Lufthansa Technik u Pepperl + Fuchs jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ joint venture li għadha kif inħolqot.

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

—   għal Lufthansa Technik: il-provvista ta’ manutenzjoni, tiswija u servizzi ta’ eżami bir-reqqa fis-settur ajruspazjali madwar id-dinja;

—   għal Pepperl + Fuchs: l-iżvilupp, il-manifattura u l-bejgħ ta’ prodotti tal-protezzjoni mill-isplużjoni elettrika u teknoloġija tas-sensors għal soluzzjonijiet ta’ awtomazzjoni tal-proċess u sistemi għal varjetà ta’ setturi industrijali;

—   għall-JV: ir-riċerka, l-iżvilupp u l-bejgħ ta’ soluzzjonijiet għal awtomazzjoni ibbażati fuq is-sensors, inklużi servizzi ta’ manutenzjoni fuq inġenji tal-ajru u komponenti speċifikament għall-magni tal-inġenji tal-ajru.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8583 — Lufthansa Technik/Pepperl+Fuchs/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: