IL-KUMMISSJONI EWROPEA

Brussell, 12.12.2017

COM(2017) 745 final

RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar it-tħaddim tas-sistema tal-aġenziji tal-pagamenti fis-settur tal-agrikoltura

WERREJ

1.L-Għan tar-rapport

2.Informazzjoni ta’ sfond

3.Is-sitwazzjoni fir-rigward tal-operazzjonijiet tal-aġenziji tal-pagamenti

4.Is-superviżjoni tal-akkreditazzjoni tal-aġenziji tal-pagamenti

5.Konklużjonijiet u Azzjonijiet ulterjuri

Anness I Anness II

Lista tal-aġenziji tal-pagamenti tal-Agrikoltura għall-FAEG u għall-FAEŻR fl-UE In-nefqa għal dawn l-aħħar tliet snin finanzjarji għal kull aġenzija tal-pagamenti u għal kull fond

1.L-Għan tar-rapport

L-Artikolu 7(2) tar-Regolament (UE) Nru 1306/2013 jirrikjedi li l-Kummissjoni tippreżenta rapport lill-Parlament Ewropew u lill-Kunsill dwar it-tħaddim tas-sistema tal-aġenziji tal-pagamenti fl-Unjoni flimkien, fejn adatt, ma’ proposti leġiżlattivi.

L-awtorità kompetenti għandha l-obbligu li tirrapporta lill-Kummissjoni dwar is-superviżjoni u l-monitoraġġ tagħha tal-attivitajiet tal-aġenziji tal-pagamenti. Ir-rapport għandu jinkludi analiżi tal-konformità kontinwa tal-aġenziji tal-pagamenti mal-kriterji tal-akkreditazzjoni, flimkien ma’ sommarju tal-azzjonijiet meħuda biex jiġu rimedjati n-nuqqasijiet (l-Artikolu 2(1) tar-Regolament ta’ Implimentazzjoni tal-Kummissjoni (UE) Nru 908/2014). Dan ir-rappurtar isir kull tliet snin.

Dan ir-rapport jiġbor fil-qosor ir-riżultati tal-analiżi tar-rapporti tal-awtoritajiet kompetenti li waslu f’Ġunju 2016 u azzjonijiet ulterjuri possibbli.

2.Informazzjoni ta’ sfond

Il-Fond Agrikolu Ewropew ta’ Garanzija (FAEG) u l-Fond Agrikolu Ewropew għall-Iżvilupp Rurali (FAEŻR) huma implimentati taħt sistema ta’ ġestjoni kondiviża bejn l-Istati Membri u l-Unjoni, u l-kompiti ta’ implimentazzjoni huma ddelegati lill-Istati Membri, filwaqt li l-Kummissjoni terfa’ r-responsabbiltà finali.

L-Istati Membri huma mitluba jieħdu l-miżuri kollha meħtieġa biex jiżguraw li l-azzjonijiet iffinanzjati mill-baġit tal-UE jiġu implimentati b’mod korrett u b’mod effettiv u f’konformità mar-regoli tal-UE. L-obbligu tagħhom huwa li jkollhom sistemi fis-seħħ li jipprevjenu, jidentifikaw u jikkoreġu l-irregolaritajiet u l-frodi, u għalhekk l-Istati Membri, skont l-Artikolu 7(2) tar-Regolament (UE) Nru 1306/2013 tal-Parlament Ewropew u tal-Kunsill, għandhom jakkreditaw biss bħala aġenziji tal-pagamenti dawk id-dipartimenti jew il-korpi li jkollhom organizzazzjoni amministrattiva u sistema ta’ kontroll intern li jipprovdu biżżejjed garanziji li l-pagamenti huma legali u regolari, u kontabilizzati b’mod xieraq. L-aġenziji tal-pagamenti għandhom jikkonformaw mal-kondizzjonijiet minimi tal-akkreditazzjoni fir-rigward tal-ambjent ta’ kontroll intern, l-attivitajiet ta’ kontroll, l-informazzjoni u l-komunikazzjoni u l-monitoraġġ stabbiliti mill-Kummissjoni.

Kull Stat Membru għandu jillimita l-għadd ta’ aġenziji tal-pagamenti akkreditati tiegħu għal mhux aktar minn waħda fil-livell nazzjonali jew, fejn applikabbli, għal waħda għal kull reġjun. Madankollu, permezz ta’ deroga, l-Istati Membri jistgħu jżommu l-għadd ta’ aġenziji tal-pagamenti li jkunu ġew akkreditati qabel l-20 ta’ Diċembru 2013.

Il-Kummissjoni tirrimborża biss in-nefqa li tkun saret minn aġenziji tal-pagamenti akkreditati.

Meta aġenzija tal-pagamenti akkreditata ma tissodisfax jew ma tibqax tissodisfa xi wieħed jew aktar mill-kriterji tal-akkreditazzjoni, l-Istat Membru, skont l-Artikolu 7(5) tar-Regolament (UE) Nru 1306/2013, għandu jirtira l-akkreditazzjoni sakemm l-aġenzija tal-pagamenti ma tagħmilx il-bidliet neċessarji fi żmien perjodu determinat fid-dawl tas-severità tal-problema.

F’konformità mal-Artikolu 1(2) tar-Regolament ta’ Implimentazzjoni tal-Kummissjoni (UE) Nru 908/2014, l-awtorità kompetenti maħtura mill-Istat Membru tiddeċiedi dwar il-ħruġ jew l-irtirar tal-akkreditazzjoni ta’ aġenzija tal-pagamenti abbażi ta’ eżami tal-kriterji tal-akkreditazzjoni. L-awtorità kompetenti hija obbligata li żżomm lill-aġenziji tal-pagamenti taħt superviżjoni kontinwa, u għandha tieħu azzjoni ta’ segwitu f’kull tip ta’ nuqqas identifikat.

3.Is-sitwazzjoni fir-rigward tal-operazzjonijiet tal-aġenziji tal-pagamenti

Sal-1 ta’ Ottubru 2017, sar hemm 79 aġenzija tal-pagamenti fl-UE, li jagħmlu pagamenti għall-FAEG u għall-FAEŻR. Fil-maġġoranza tal-każijiet, l-aġenzija tal-pagamenti tagħmel pagamenti għaż-żewġ fondi, għalkemm f’xi każijiet 1 , l-aġenzija tal-pagamenti għandha x’taqsam ma’ fond wieħed biss.

Fil-maġġoranza tal-Istati Membri, hemm biss aġenzija tal-pagamenti waħda fil-pajjiż. Xi pajjiżi għandhom aktar minn aġenzija tal-pagamenti waħda: L-Awstrija (2 aġenziji tal-pagamenti), il-Belġju (2 aġenziji tal-pagamenti), il-Ġermanja (16-il aġenzija tal-pagamenti), Spanja (18-il aġenzija tal-pagamenti), Franza (4 aġenziji tal-pagamenti), l-Italja (11-il aġenzija tal-pagamenti), ir-Rumanija (2 aġenziji tal-pagamenti) u r-Renju Unit (4 aġenziji tal-pagamenti). Il-lista sħiħa tal-aġenziji tal-pagamenti għall-FAEG u għall-FAEŻR fl-UE tingħata fl-Anness I.

Għandu jiġi nnutat li, mill-2013, l-aġenziji tal-pagamenti naqsu u bħalissa hemm 79. L-attivitajiet tal-aġenzija tal-pagamenti BIRB (BE01) ħaduhom f’idejhom iż-żewġ aġenziji tal-pagamenti reġjonali fil-Belġju, filwaqt li ż-żewġ aġenziji tal-pagamenti fin-Netherlands - Dienst Landelijk Gebied (NL01) u Dienst Regelingen (NL03) - ingħaqdu f’aġenzija tal-pagamenti waħda, Ondernemend Nederland – RVO (NL04). Mill-1 ta’ Settembru 2017, hemm biss aġenzija tal-pagamenti waħda fil-Polonja minħabba li l-Aġenzija tas-Suq Agrikolu (PL02) waqfet topera bħala aġenzija tal-pagamenti.

Il-livell tan-nefqa għal kull aġenzija tal-pagamenti fl-UE jvarja b’mod sinifikanti. Fis-sena finanzjarja 2016, l-aġenzija tal-pagamenti Franċiża Agence de services et de paiement (FR19) kellha l-ogħla nfiq (EUR 6.6 biljun), filwaqt li l-aġenziji tal-pagamenti Ġermaniżi Hamburg-Jonas (DE02) u SAISA (IT02) kellhom irkupri biss. L-aġenzija tal-pagamenti Taljana ENR (IT03) ma kellha l-ebda nefqa matul dawn l-aħħar tliet snin finanzjarji. L-aġenzija tal-pagamenti Awstrijaka Zollamt Salzburg (AT03) kellha nefqa li kważi tammonta għal żero għal dawn l-aħħar tliet snin. Il-livell tan-nefqa jiddependi fuq jekk l-aġenzija tal-pagamenti tkunx involuta f’għadd kbir ta’ skemi/miżuri jew inkella tkun involuta biss fi skemi speċifiċi ħafna (pereżempju n-nefqa għal ħżin pubbliku). Fil-każ tal-aħħar, l-aġenzija tkun qed twettaq funzjoni bi skop aktar strett. In-nefqa għal dawn l-aħħar tliet snin finanzjarji ta’ kull aġenzija tal-pagamenti u ta’ kull fond tingħata fl-Anness II.

Żviluppi reċenti fir-rigward tal-għadd ta’ aġenziji tal-pagamenti:

1)L-Awstrija: l-awtoritajiet qed jikkunsidraw l-għeluq tal-Aġenzija tal-Pagamenti Zollamt Salzburg (AT03), probabbilment fl-aħħar tas-sena finanzjarja 2017.

2)Il-Ġermanja: l-awtoritajiet Ġermaniżi ddeċidew li jagħlqu l-aġenzija tal-pagamenti Hamburg (DE09) hekk kif jiġu ffinalizzati l-għeluq tal-programmi tal-FAEŻR 2007-2013 u l-approvazzjoni tal-kontijiet tal-FAEG għas-sena finanzjarja 2016. Skont l-awtoritajiet Ġermaniżi, dan se jsir minħabba l-ispejjeż dejjem jiżdiedu ta’ din l-aġenzija tal-pagamenti, filwaqt li fl-istess ħin il-volum ta’ għajnuna li trid titħallas naqas.

Jistgħu jinsiltu l-konklużjonijiet li ġejjin fir-rigward tal-aġenziji tal-pagamenti:

1)L-għadd ta’ aġenziji tal-pagamenti akkreditati fl-Istati Membri: L-Artikolu 7 tar-Regolament (UE) Nru 1306/2013 jirrikjedi li kull Stat Membru jenħtieġ li jillimita l-għadd ta’ aġenziji tal-pagamenti akkreditati tiegħu għal mhux aktar minn waħda fil-livell nazzjonali jew, fejn applikabbli, għal waħda għal kull reġjun. Il-Polonja u r-Rumanija għandhom żewġ aġenziji tal-pagamenti kull wieħed, għalkemm dawn mhumiex marbuta ma’ xi reġjun speċifiku. L-awtoritajiet Pollakki ħadu passi biex jgħaqqdu liż-żewġ aġenziji tal-pagamenti. Għar-Rumanija, kull waħda mill-aġenziji tal-pagamenti tiġġestixxi Fond, għall-FAEG u għall-FAEŻR rispettivament; l-applikazzjoni unika u s-Sistema Integrata ta’ Amministrazzjoni u Kontroll (SIAK) għaż-żewġ fondi tissuġġerixxi li aħjar ikun hemm aġenzija tal-pagamenti waħda.

2)Raġunijiet għall-eżistenza ta’ aġenziji tal-pagamenti żgħar jew inattivi: skont l-Artikolu 7 tar-Regolament (UE) Nru 1306/2013, l-Istati Membri għandhom jillimitaw in-numru ta’ aġenziji tal-pagamenti. Jekk Stat Membru jagħlaq aġenzija tal-pagamenti, mhux se jkun possibbli li tinfetaħ waħda ġdida fil-futur. Jirrizulta li l-leġiżlazzjoni attwali, li suppost tinkoraġġixxi t-tnaqqis fl-għadd ta’ aġenziji tal-pagamenti f’kull Stat Membru, f’xi każijiet qed ikollha l-effett oppost fejn f’termini ta’ nefqa, aġenziji żgħar jew saħansitra inattivi jinżammu operattivi.

3)Tnaqqis fl-għadd ta’ aġenziji tal-pagamenti: xi Stati Membri (l-Awstrija, il-Ġermanja u l-Polonja) ħadu passi biex inaqqsu l-għadd ta’ aġenziji tal-pagamenti.

4)L-ispejjeż tal-kontrolli involuti fil-ġestjoni u l-kontroll tal-fondi tal-UE: l-Istati Membri jirrappurtaw l-ispiża tal-kontrolli tal-Kummissjoni, u f’każ wieħed (Hamburg (DE09)), l-ispejjeż ta’ kontroll irrapportati, inklużi l-ispejjeż amministrattivi tal-aġenzija tal-pagamenti, huma ogħla mill-ammont tal-fondi tal-UE ġestiti mill-aġenzija tal-pagamenti. Dan jixħet dubju dwar jekk is-sistema ta’ ġestjoni u kontroll fl-Istati Membri hijiex adegwata jew le. Kif imsemmi aktar ’il fuq, l-ispejjeż għoljin meta mqabbla mal-livell ta’ fondi amministrati huma r-raġunijiet mogħtija mill-awtoritajiet Ġermaniżi biex jagħlqu l-aġenzija tal-pagamenti f’Hamburg.

4.Is-superviżjoni tal-akkreditazzjoni tal-aġenziji tal-pagamenti

L-awtorità kompetenti maħtura minn kull Stat Membru hija inkarigata mill-ħruġ, l-analiżi u l-irtirar tal-akkreditazzjoni tal-aġenziji tal-pagamenti. L-awtorità kompetenti hija obbligata wkoll li żżomm lill-aġenziji tal-pagamenti taħt superviżjoni kostanti, u għandha tieħu azzjoni ta’ segwitu fir-rigward ta’ kwalunkwe nuqqas identifikat. Skont l-Artikolu 2(1) tar-Regolament ta’ Implimentazzjoni tal-Kummissjoni (UE) Nru 908/2014, l-awtorità kompetenti hija obbligata li tirrapporta lill-Kummissjoni dwar is-superviżjoni u l-monitoraġġ tagħha tal-attivitajiet tal-aġenziji tal-pagamenti. Ir-rapport għandu jinkludi reviżjoni tal-konformità kontinwa tal-aġenziji tal-pagamenti mal-kriterji tal-akkreditazzjoni, flimkien ma’ sommarju tal-azzjonijiet meħuda biex jiġu rrimedjati n-nuqqasijiet.

Ir-rappurtar l-iktar reċenti mill-awtoritajiet kompetenti kopra s-snin finanzjarji 2013-2015 u kellu jiġi ppreżentat lill-Kummissjoni fit-30 ta’ Ġunju 2016. L-Istati Membri kollha pprovdew l-informazzjoni meħtieġa, għalkemm fil-każ ta’ żewġ Stati Membri r-rapporti ġew ippreżentati wara l-iskadenza. Ir-rappurtar kopra l-attivitajiet ta’ superviżjoni tal-awtorità kompetenti mwettqa direttament jew indirettament mill-korp ta’ ċertifikazzjoni u minn korpi esterni oħra, indipendentement mill-aġenziji tal-pagamenti u f’isem l-awtorità kompetenti. L-awtoritajiet kompetenti kollha taw il-fehma tagħhom dwar jekk l-għadd tal-aġenziji tal-pagamenti huwiex suffiċjenti jew le.

Is-sitwazzjoni preżenti ma tindikax kwistjonijiet sinifikanti rigward il-konformità. Jistgħu jinsiltu l-konklużjonijiet li ġejjin dwar il-konformità kontinwa:

1)Konformità mal-kriterji ta’ akkreditazzjoni: fil-każijiet kollha, l-awtorità kompetenti ddikjarat li l-aġenzija tal-pagamenti tikkonforma mal-kriterji tal-akkreditazzjoni. Għal 66 aġenzija tal-pagamenti (mit-80 li saru rapporti għalihom fl-2016), il-konformità mal-kriterji tal-akkreditazzjoni ġiet ikklassifikata bħala għolja ħafna.

2)Valutazzjoni tal-eżerċizzju tas-superviżjoni: l-awtorità kompetenti tibbaża l-konklużjonijiet rigward il-kriterji tal-akkreditazzjoni fuq ix-xogħol imwettaq mill-korp ta’ ċertifikazzjoni. F’xi każijiet, il-kapitolu sħiħ dwar l-akkreditazzjoni ġie kkupjat minn dak tar-rapport ta’ ċertifikazzjoni, u għalhekk tqajjem dubju dwar jekk l-objettiv ta’ dan l-eżerċizzju inftehimx jew le.

3)L-analiżi tal-komunikazzjonijiet li waslu mingħand l-awtoritajiet kompetenti dwar is-superviżjoni kontinwa żvelaw li f’ħafna mill-każijiet is-superviżjoni mhijiex kontinwa. Pjuttost li l-eżerċizzju huwa wieħed ad hoc li jseħħ darba kull tliet snin. Ta’ spiss, l-awtorità kompetenti kulma tagħmel hi li testernalizza l-analiżi lil korp ieħor jew lil kumpanija privata, u wara tibgħat ir-rapport lill-Kummissjoni. F’sitwazzjonijiet oħra, ir-rapport ta’ konformità kontinwa huwa sempliċiment segwitu jew aġġornament tal-istatus ta’ rakkomandazzjonijiet pendenti magħmula mill-korp ta’ ċertifikazzjoni fl-aħħar rapport annwali tiegħu. F’dawn il-każijiet, ma hemm l-ebda sinjal tal-attivitajiet ta’ superviżjoni jew ta’ monitoraġġ permanenti u kontinwi kif suppost kellhom isiru.

4)Fil-każ ta’ aġenziji tal-pagamenti inattivi, mhuwiex faċli għall-awtorità kompetenti li tiżgura li l-aġenzija tal-pagamenti tissodisfa l-kriterji tal-akkreditazzjoni meta l-aġenzija tal-pagamenti ma tkun wettqet l-ebda pagamenti għal bosta snin konsekuttivi. Hemm dubju wkoll dwar il-ħeffa li biha aġenzija tal-pagamenti inattiva tista’ terġa’ tibda topera minħabba diversi raġunijiet prattiċi, fosthom proċeduri u sistemi tal-IT antikwati, u persunal nieqes mill-esperjenza.

5.Konklużjonijiet u Azzjonijiet ulterjuri

Il-Kummissjoni tilqa’ l-passi meħuda minn ċerti Stati Membri biex inaqqsu l-għadd ta’ aġenziji tal-pagamenti.

Wara l-analiżi tas-sitwazzjoni fl-operat tas-sistema tal-aġenzija tal-pagamenti fl-UE fis-settur tal-agrikoltura, il-Kummissjoni biħsiebha tieħu l-azzjoni li ġejja:

1)Għalkemm hemm deroga għall-aġenziji tal-pagamenti li kienu jeżistu qabel l-20 ta’ Diċembru 2013, il-Kummissjoni għandha mnejn tibda diskussjonijiet mal-Istati Membri kkonċernati dwar jekk l-istruttura stabbilita hijiex xierqa u jekk l-aġenziji tal-pagamenti b’nefqa minuri jew bl-ebda nefqa għandhomx ikomplu jeżistu.

2)Segwitu mal-awtoritajiet kompetenti rilevanti biex ikun żgurat li superviżjoni xierqa u regolari tinsab fis-seħħ.

3)Li f’dan l-istadju ma tipproponi ebda modifika tal-atti legali attwali f’dak li jirrigwarda l-istabbiliment, l-għadd ta’ aġenziji tal-pagamenti u ħidmiethom.

(1)      Zollamt Salzburg (AT03), Hamburg-Jonas (DE02), Etablissement national des produits de l’agriculture et de la mer (FR05), Office de Développement Agricole et Rural de Corse (FR18), Etablissement national des produits de l’agriculture et de la mer (FR20), Servizio Autonomo Interventi Settore Agricolo (IT02), Rural Investment Financing Agency (RO01) u Paying and Intervention Agency for Agriculture (RO02).

IL-KUMMISSJONI EWROPEA

Brussell, 12.12.2017

COM(2017) 745 final

ANNESSI

tar-

RAPPORT TAL-KUMMISSJONI LILL-PARLAMENT U LILL-KUNSILL

dwar it-tħaddim tas-sistema tal-aġenziji tal-pagamenti fis-settur tal-agrikoltura

ANNESS I  LISTA TAL-AĠENZIJI TAL-PAGAMENTI TAL-AGRIKOLTURA GĦALL-FAEG U GĦALL-FAEŻR FL-UE
Kodiċi tal-Aġenzija tal-Pagamenti	Isem l-Aġenzija tal-Pagamenti
AT01	Agrarmarkt Austria
AT03	Zollamt Salzburg, Zahlstelle Ausfuhrerstattungen (ZOSA) [L-Uffiċċju Doganali ta’ Salzburg, l-Aġenzija tal-Pagamenti tar-Rifużjonijiet fuq l-Esportazzjoni]
BE02	Departement Landbouw en Visserij (Id-Dipartiment tal-Agrikoltura u tas-Sajd)
BE03	Département des Aides de la Direction générale opérationnelle Agriculture, Resources naturelles et Environnement
BG01	Il-Fond Statali għall-Agrikoltura
CY01	Κυπριακός Οργανισμός Αγροτικών Πληρωμών [L-Organizzazzjoni tal-Pagamenti Agrikoli ta’ Ċipru]
CZ01	Státní zemědělský intervenční fond [Il-Fond Statali għall-Intervent Agrikolu]
DE01	Bundesanstalt für Landwirtschaft und Ernährung [L-Uffiċċju Federali għall-Agrikoltura u l-Ikel]
DE02	Hauptzollamt Hamburg-Jonas [L-Uffiċċju Doganali Prinċipali ta’ Hamburg-Jonas]
DE03	Baden-Württemberg
DE04	Abteilung Ρ „Förderung und Zahlstelle" im Bayerischen Staatsministerium für Ernährung, Landwirtschaft und Forsten
DE07	Brandenburg und Berlin
DE09	EU-Zahlstelle der Freien und Hansestadt Hamburg
DE11	Mecklenburg-Vorpommern
DE12	EU-Zahlstelle Niedersachsen / Bremen
DE15	Der Direktor der Landwirtschaftskammer Nordrhein-Westfalen als Landesbeauftragter [Id-Direttur tal-Kamra tal-Agrikoltura tan-Nordrhein-Westfalen bħala r-rappreżentant statali awtorizzat]
DE17	EGFL- und ELER-Zahlstelle Rheinland-Pfalz
DE18	Zahlstelle ELER/EGFL des Saarlandes
DE19	Zahlstelle des Sächsischen Staatsministeriums für Umwelt und Landwirtschaft
DE20	Zahlstelle des Landes Sachsen-Anhalt [L-Aġenzija tal-Pagamenti ta’ Sassonja-Anhalt]
DE21	Ministerium für Energiewende, Landwirtschaft, Umwelt und ländliche Räume (MELUR) des Landes Schleswig-Holstein
DE23	Freistaat Thüringen [L-Istat Ħieles ta’ Thüringen]
DE26	Landesbank Hessen-Thüringen Girozentrale (WIBank) - Geschäftsbereich „Wirtschafts- und Infrastrukturbank Hessen“
DK02	Landbrugsstyrelsen [L-Aġenzija AgriSajd Daniża (DAFA)]
EE01	Põllumajanduse Registrite ja Informatsiooni Amet [Ir-Reġistri Agrikoli u l-Bord tal-Informazzjoni tal-Estonja]
ES01	Dirección General de Fondos Agrarios de la Consejería de Agricultura, Pesca y Medio Ambiente de la Junta de Andalucía
ES02	Departamento de Agricultura, Ganadería y Medio Ambiente del Gobierno de Aragón
ES03	Organismo Pagador de la Comunidad Autónoma del Principado de Asturias
ES04	Fondo de Garantía Agraria y Pesquera de las Islas Baleares (FOGAIBA)
ES05	Organismo Pagador de Fondos Agrícolas Europeos de la Comunidad Autónoma de Canarias
ES06	Organismo Pagador de la Comunidad Autónoma de Cantabria
ES07	Consejería de Agricultura de la Junta de Comunidades de Castilla-La Mancha
ES08	Consejería de Agricultura y Ganadería de la Junta de Castilla y León
ES09	Departamento de Agricultura, Ganadería, Pesca, Alimentación y Medio Natural de la Generalidad de Cataluña
ES10	Consejería de Agricultura, Desarrollo Rural, Medio Ambiente y Energía de la Junta de Extremadura
ES11	Fondo Galego de Garantía Agraria (FOGGA)
ES12	Consejería de Medio Ambiente y Ordenación del Territorio de la Comunidad de Madrid
ES13	Consejería de Agricultura y Agua de la Región de Murcia
ES14	Departamento de Desarrollo Rural, Medio Ambiente y Administración Local del Gobierno de Navarra (DRMAyAL)
ES15	Departamento de Desarrollo Económico y Competitividad del Gobierno Vasco
ES16	Consejería de Agricultura, Ganadería y Medio Ambiente del Gobierno de la Rioja
ES17	Agencia Valenciana de Fomento y Garantía Agraria (AVFGA)
ES18	Fondo Español de Garantía Agraria
FI01	Maaseutuvirasto [L-Aġenzija għall-Affarijiet Rurali]
FR05	Office de Développement de l'Economie Agricole des Départements d'Outre-Mer
FR18	Office du Développement Agricole et Rural de Corse
FR19	Agence de services et de paiement
FR20	Etablissement national des produits de l'agriculture et de la mer
GB05	The Department of Agriculture and Rural Development
GB06	The Scottish Government Rural Payments and Inspectorate Directorate
GB07	The Welsh Government
GB09	The Rural Payments Agency
GR01	Aġenzija tal-Pagamenti u tal-Kontroll għall-Għajnuniet Komunitarji ta’ Gwida u Garanzija
HR01	Agencija za plaćanja u poljoprivredi, ribarstvu i ruralnom razvoju [L-Aġenzija tal-Pagamenti għall-Agrikoltura, is-Sajd u l-Iżvilupp Rurali]
HU02	It-Teżor tal-Istat Ungeriż
IE01	Id-Dipartiment tal-Agrikoltura, l-Ikel u l-Ambjent Marittimu
IT01	Agenzia per le Erogazioni in Agricoltura
IT02	Servizio Autonomo Interventi Settore Agricolo
IT03	Ente Nazionale Risi
IT05	Agenzia Veneta per i Pagamenti in Agricoltura
IT07	Agenzia Regionale Toscana per le Erogazioni in Agricoltura
IT08	Agenzia Regionale per le Erogazioni in Agricoltura per l'Emilia-Romagna
IT10	Agenzia Regionale Piemontese per l'Erogazione in Agricoltura
IT23	Organismo Pagatore Regionale Regione Lombardia
IT24	Organismo Pagatore della Provincia Autonoma di Bolzano
IT25	Agenzia Provinciale Pagamenti della Provincia di Trento
IT26	Agenzia della regione Calabria per le Erogazioni in Agricoltura
LT01	Nacionalinė mokėjimo agentūra [L-Aġenzija Nazzjonali tal-Pagamenti]
LU01	Ministère de l'Agriculture, de la Viticulture et de la Protection des consommateurs
LV01	Is-Servizz ta' Għajnuna Rurali
MT01	L-Aġenzija tal-Pagamenti Agrikoli u Rurali
NL04	Rijksdienst voor Ondernemend Nederland [L-Aġenzija tal-Intraprenditorija tan-Netherlands]
PL01	Agencja Restrukturyzacji i Modernizacji Rolnictwa [L-Aġenzija għar-Ristrutturar u l-Modernizzazzjoni tal-Agrikoltura]
PL02	Agencja Rynku Rolnego [L-Aġenzija tas-Suq Agrikolu] sal-01/09/2017
PT03	Instituto de Financiamento da Agricultura, Desenvolvimento Rural e Pescas
RO01	Agenţia pentru Finanțarea Investițiilor Rurale [L-Aġenzija tal-Finanzjament għall-Investiment Rurali]
RO02	L-Aġenzija tal-Pagamenti u tal-Interventi għall-Agrikoltura
SE01	Statens jordbruksverk [Il-Bord Żvediż għall-Agrikoltura]
SI01	Agencija Republike Slovenije za kmetijske trge in razvoj podeželja [L-Aġenzija tar-Repubblika tas-Slovenja għas-Swieq Agrikoli u l-Iżvilupp Rurali]
SK01	Pôdohospodárska platobná agentúra [L-Aġenzija tal-Pagamenti Agrikoli]

ANNESS II

NEFQA MATUL IS-SNIN FINANZJARJI 2014 – 2016 GĦAL KULL AĠENZIJA TAL-PAGAMENTI U GĦAL KULL FOND

			Sena finanzjarja 2014		Sena finanzjarja 2015		Sena finanzjarja 2016
SM	Kodiċi	Aġenzija tal-pagamenti	FAEG	FAEŻR	FAEG	FAEŻR	FAEG	FAEŻR
AU	AT01	AMA	676.286.055,94	544.468.367,78	696.081.917,41	558.793.313,42	675.728.274,74	394.613.682,01
AU	AT03	Zollamt Salzburg	2.620,24	0,00	28.731,06	0,00	560.013,80	0,00
BE	BE01	BIRB	6.963.761,86	0,00	M.A.	M.A.	M.A.	M.A.
BE	BE02	ALV	310.855.276,06	16.783.607,72	327.544.428,74	31.457.011,90	284.260.592,01	11.217.225,24
BE	BE03	Reġjun ta’ Walloon	291.915.752,60	16.654.745,89	292.483.900,29	59.681.791,21	281.539.701,39	23.512.531,26
BG	BG01	Il-Fond Statali għall-Agrikoltura	599.955.628,56	395.493.074,51	659.650.091,29	412.810.551,59	726.576.063,42	128.659.829,66
CY	CY01	CAPO	56.158.531,84	22.567.015,08	57.276.537,11	22.958.412,01	56.082.868,30	7.177.698,67
CZ	CZ01	SAIF	893.292.195,64	326.067.553,26	895.742.857,33	395.051.377,98	851.003.406,06	203.695.541,97
DE	DE01	BLE	5.247.331,86	499.599,12	6.440.798,11	348.854,00	78.573.772,24	729.267,40
DE	DE02	Hamburg-Jonas	-6.466.834,33	0,00	-161.814.782,85	0,00	-238.347.962,14	0,00
DE	DE03	A.3 Baden-Württemberg	412.157.529,58	49.053.471,60	421.846.750,72	95.637.635,66	423.684.519,31	62.322.120,75
DE	DE04	Bayern StMLF	1.042.667.232,18	63.035.454,95	1.068.468.152,00	183.967.224,91	1.005.992.371,88	172.856.431,53
DE	DE07	Brandenburg MLUV	349.772.824,57	151.333.451,42	341.483.908,01	135.339.643,99	344.124.320,06	57.190.495,80
DE	DE09	Hamburg	63.526,06	1.756.006,08	99.697,95	1.750.067,73	0,00	0,00
DE	DE11	Mecklenburg-Vorpommern	387.870.907,90	132.709.585,60	380.419.915,66	131.321.073,18	362.394.448,14	32.907.654,46
DE	DE12	Is-Sassonja t’Isfel	863.584.716,32	129.627.838,13	874.377.150,71	92.532.194,32	807.450.458,36	76.820.996,40
DE	DE15	Nordrhein-Westfalen	498.472.118,61	44.569.423,98	509.372.321,91	43.925.013,49	480.397.884,65	25.364.258,93
DE	DE17	Rheinland-Pfalz	191.594.981,94	32.302.560,60	199.700.255,45	36.804.461,06	214.866.572,26	15.188.966,33
DE	DE18	Saarland AAL	20.609.334,13	2.742.462,33	21.193.388,76	3.323.950,58	21.101.322,38	1.122.058,90
DE	DE19	Is-Sassonja	279.592.928,51	161.853.097,22	276.996.362,08	159.246.090,64	255.747.417,20	46.901.778,47
DE	DE20	Is-Sassonja-Anhalt	358.072.210,78	124.731.223,27	351.662.694,72	131.649.357,19	323.673.875,75	22.191.251,75
DE	DE21	Schleswig-Holstein	328.201.858,33	40.589.272,39	328.056.433,84	53.673.348,20	305.840.723,21	33.053.627,56
DE	DE23	Thüringen	235.245.109,84	79.390.804,77	230.544.272,17	89.916.505,72	211.621.316,28	59.151.936,46
DE	DE26	Helaba	211.075.249,68	30.449.586,72	216.457.524,98	24.827.961,58	216.721.879,65	24.377.087,84
DK	DK02	DAFA	920.737.426,76	82.998.289,85	907.649.247,35	84.507.779,53	851.575.318,10	73.344.445,33
EE	EE01	PRIA	99.973.102,75	107.441.165,78	118.570.682,91	68.334.452,69	119.781.045,31	83.763.325,16
ES	ES01	Andalucía FAGA	1.593.787.112,07	205.999.762,70	1.594.417.323,68	312.464.904,95	1.535.696.982,88	5.496.839,18
ES	ES02	Aragona	439.320.891,25	52.921.899,62	449.662.170,83	64.881.788,22	442.072.634,11	37.077.404,25
ES	ES03	L-Asturji	62.096.839,80	23.124.915,85	61.221.693,62	19.695.337,51	66.346.023,43	20.156.350,32
ES	ES04	FOGAIBA	25.647.393,48	6.760.223,26	26.761.953,01	6.534.269,26	34.742.807,51	0,00
ES	ES05	Il-Gżejjer Kanarji	266.679.031,24	28.014.055,89	271.656.991,38	20.799.943,51	273.464.706,22	0,00
ES	ES06	Il-Cantabria	40.156.373,86	11.673.899,78	40.085.331,68	12.429.430,51	44.256.136,20	11.977.164,85
ES	ES07	Kastilja-La Mancha	754.966.244,08	180.347.367,42	748.367.866,97	193.521.247,07	717.330.278,53	63.042.503,15
ES	ES08	Kastilja u León	891.939.318,57	73.969.728,51	904.034.493,08	118.138.971,93	930.966.887,44	104.694.374,06
ES	ES09	Il-Katalonja	294.970.256,06	52.139.699,74	309.532.463,43	47.872.695,93	316.964.960,63	18.159.285,51
ES	ES10	Extremadura	517.077.948,73	156.843.297,22	532.779.063,91	143.171.238,15	539.962.163,39	69.712.131,94
ES	ES11	Il-Galizja	165.786.499,22	91.565.221,37	165.067.369,23	119.722.206,98	180.358.665,00	8.968.366,63
ES	ES12	Madrid	40.271.778,34	4.476.595,43	40.324.804,49	7.328.004,74	40.034.462,66	0,00
ES	ES13	Murcia	108.116.073,07	31.893.803,19	110.080.993,94	33.524.634,85	125.136.985,76	600.105,24
ES	ES14	Navarra	107.376.260,46	7.001.783,06	110.068.370,39	10.631.590,26	112.847.274,39	10.158.590,26
ES	ES15	Il-Pajjiż Bask	55.124.170,18	11.360.172,72	55.625.383,91	4.693.283,04	57.489.532,56	1.396.864,03
ES	ES16	La Rioja	45.358.766,12	8.838.843,37	47.165.852,91	9.023.346,62	47.424.148,83	10.831.079,13
ES	ES17	Il-Komunità Awtonoma ta’ Valenzja	157.584.096,46	31.857.532,37	155.189.513,23	21.675.218,51	171.706.636,93	572.742,76
ES	ES18	FEGA	5.173.265,61	5.773.319,62	4.011.726,00	3.069.601,66	3.765.294,56	1.679.171,19
FI	FI01	MAVI	518.402.172,26	183.584.907,11	538.369.644,43	513.022.798,18	537.722.597,80	279.152.074,39
FR	FR05	ODEADOM	259.286.348,19	0,00	266.404.270,97	0,00	263.276.363,14	0,00
FR	FR18	ODARC	0,00	13.637.663,26	0,00	15.711.107,01	0,00	1.000.586,91
FR	FR19	ASP	7.243.090.190,40	785.215.811,35	7.097.744.580,73	1.223.078.283,80	6.375.463.212,30	209.027.212,63
FR	FR20	France Agrimer	445.759.187,26	0,00	384.026.913,52	0,00	428.224.348,15	0,00
GB	GB05	DARD	318.359.403,01	61.921.949,43	320.190.585,69	50.082.832,52	320.472.920,26	28.130.955,88
GB	GB06	SGRPID	565.116.111,36	118.605.393,99	532.509.021,09	150.090.538,14	520.767.825,58	26.493.385,20
GB	GB07	WAG	300.628.826,06	53.920.344,45	268.630.388,83	49.334.363,68	258.870.588,36	41.128.704,54
GB	GB09	RPA	2.035.548.939,53	562.657.447,24	1.936.661.789,41	459.926.554,95	1.849.426.417,78	513.071.267,07
GR	GR01	OPEKEPE	2.073.942.293,84	552.785.544,73	2.026.923.435,50	377.142.003,83	1.931.266.283,90	230.990.348,26
HR	HR01	PAAFRD	96.423.778,67	0,00	165.210.965,71	54.740.205,68	189.069.655,09	130.642.964,35
HU	HU01	ARDA	1.330.785.197,64	550.321.317,91	1.311.850.189,94	596.879.874,27	1.317.869.300,83	208.468.099,99
IE	IE01	DAFM	1.224.363.225,59	179.326.161,10	1.215.973.716,18	412.628.841,98	1.100.232.600,17	203.978.965,76
IT	IT01	AGEA	2.272.891.654,23	766.614.763,43	2.263.111.913,38	943.374.743,62	2.257.178.649,57	244.238.660,42
IT	IT02	SAISA	3.069.536,61	0,00	-5.896,46	0,00	-481.951,86	0,00
IT	IT03	ENR	0,00	0,00	0,00	0,00	0,00	0,00
IT	IT05	Il-Veneto (AVEPA)	435.199.673,30	81.528.911,04	442.048.248,16	84.374.154,07	413.840.694,48	44.056.725,37
IT	IT07	It-Toskana (ARTEA)	187.189.422,71	58.921.922,19	191.339.059,15	75.016.759,24	180.496.350,92	15.473.747,31
IT	IT08	L-Emilia-Romagna (AGREA)	448.184.231,55	79.515.358,43	466.320.938,61	100.035.064,76	451.588.738,22	18.415.132,14
IT	IT10	ARPEA	336.773.700,62	58.633.519,29	352.408.463,56	66.446.622,59	365.719.554,24	5.113.543,78
IT	IT23	OPR Lombardia	507.876.246,99	64.999.720,96	525.874.650,92	51.167.885,83	518.417.304,27	15.958.139,98
IT	IT24	OPPAB	21.818.416,77	13.819.039,14	21.806.112,66	4.965.106,24	23.004.055,19	23.598.305,44
IT	IT25	APPAG	16.258.035,17	8.167.143,75	15.893.039,09	15.668.704,06	12.376.349,75	6.334.019,37
IT	IT26	ARCEA	272.405.330,25	77.467.416,73	261.090.512,51	104.912.640,50	253.817.999,87	35.281.803,08
LT	LT01	NMA	378.900.765,84	232.441.651,12	395.421.448,46	214.239.524,66	438.683.340,62	172.813.966,78
LU	LU01	Min. Agric.	33.194.729,35	6.858.402,21	32.275.082,07	15.298.674,93	28.963.594,31	6.945.887,80
LV	LV01	RSS	146.454.429,42	127.288.585,55	166.200.825,05	107.779.063,88	189.060.513,30	106.305.810,49
MT	MT01	MRRA	5.531.245,86	11.410.779,98	5.615.099,49	9.901.232,62	5.317.207,11	589.447,61
NL	NL01	DLG	745.838.491,67	24.836.169,23	M.A.	M.A.	M.A.	M.A.
NL	NL03	Dienst Regelingen	73.926.561,05	86.263.250,90	M.A.	M.A.	M.A.	M.A.
NL	NL04	RVO	M.A.	M.A.	741.369.266,22	80.325.050,94	618.414.657,81	33.528.096,93
PL	PL01	ARMA	3.171.476.743,93	1.700.780.302,65	3.390.670.949,94	2.148.129.123,67	3.399.880.615,91	454.725.264,81
PL	PL02	AMA	34.774.139,80	0,00	65.608.744,29	0,00	39.306.318,78	0,00
PT	PT03	IFAP	703.127.972,12	684.032.589,15	676.657.210,74	706.828.274,25	668.951.357,46	501.094.406,80
RO	RO01	PARDF	0,00	824.627.668,09	0,00	1.314.400.054,83	0,00	556.145.121,60
RO	RO02	PIAA	1.328.304.517,53	0,00	1.420.132.557,71	0,00	1.510.255.741,41	0,00
SE	SE01	SJV	689.891.887,12	264.374.589,77	696.399.384,16	257.643.681,60	677.120.048,81	190.974.384,34
Sl	SI01	AAMRD	144.306.816,72	129.408.871,46	139.556.508,94	121.684.127,67	140.789.748,39	76.080.128,11
SK	SK01	APA	379.797.357,10	148.343.717,70	436.709.901,57	230.587.102,62	430.776.343,03	105.008.846,90
		Totali:	43.354.231.276,34	12.053.990.692,51	43.417.386.125,62	14.522.450.782,90	42.017.656.128,34	6.405.451.188,42