IL-KUMMISSJONI EWROPEA

Brussell, 28.7.2017

COM(2017) 404 final

RAPPORT TAL-KUMMISSJONI LILL-KUNSILL U LILL-PARLAMENT EWROPEW

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2015

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2015

I. Introduzzjoni

Il-Fond għal Għajnuna Ewropea għall-Persuni l-Aktar fil-Bżonn (FEAD) ġie stabbilit skont ir-Regolament (UE) Nru 223/2014 1 . L-għan tiegħu huwa li jgħin biex jittaffew l-agħar forom ta’ faqar fl-UE, bħalma huma l-problema ta’ persuni mingħajr dar, il-faqar fost it-tfal u l-privazzjoni alimentari. Skont it-termini tar-Regolament, il-FEAD jista’ jappoġġa l-aktar gruppi żvantaġġati fis-soċjetà billi jipprovdi ikel, oġġetti bażiċi għall-konsumatur bħal ħwejjeġ, żraben u prodotti tal-iġjene personali, jew billi jorganizza attivitajiet ta’ inklużjoni soċjali. B’dan il-mod, il-valur miżjud li jikkontribwixxi l-FEAD huwa l-għoti ta’ appoġġ dedikat lil grupp ta’ persuni li jista’ jkun li mhumiex f’pożizzjoni li jaċċessaw b’mod dirett u li jibbenefikaw minn strumenti oħra ta’ finanzjament tal-UE, bħalma huma l-Fondi Strutturali u ta’ Investiment Ewropej (Fondi SIE).

L-ammont totali disponibbli tal-fondi tal-FEAD huwa EUR 3 813 miljun fi prezzijiet kurrenti. L-Istati Membri kollha jimplimentaw il-fond fil-livell nazzjonali permezz ta’ programmi operazzjonali. Waqt il-fażi ta’ programmazzjoni l-Istati Membri jistgħu jagħżlu li jiżviluppaw programm operazzjonali ta’ għajnuna alimentari u/jew ta’ għajnuna materjali bażika (PO I) u/jew programm operazzjonali għall-inklużjoni soċjali tal-persuni l-aktar fil-bżonn (PO II) 2 . Huma għandhom ukoll il-libertà li jagħżlu l-gruppi fil-mira, it-tipi speċifiċi ta’ appoġġ mogħti u l-kopertura ġeografika tal-programmi tagħhom.

Filwaqt li l-inklużjoni soċjali tal-persuni l-aktar fil-bżonn hija ċentrali għall-PO II, din hija wkoll parti essenzjali tal-PO I. L-għajnuna materjali għandha tiġi ikkumplimentata minn miżuri ta’ akkumpanjament, imfassla biex jippromwovu l-inklużjoni soċjali tar-riċevituri aħħarin (pereżempju billi jiġu diretti lejn is-servizzi adattati, u billi jingħataw gwida dwar dieta bilanċjata u pariri dwar il-ġestjoni tal-baġit). Hekk, il-PO I jissodisfa l-ħtiġijiet materjali bażiċi tal-persuni l-aktar żvantaġġati u jgħinhom ukoll jieħdu pass ’il quddiem fl-integrazzjoni tagħhom mill-ġdid fis-soċjetà.

L-Istati Membri jikkooperaw ma’ organizzazzjonijiet sħab fl-implimentazzjoni tal-programmi tal-FEAD. Dawn l-organizzazzjonijiet, li jistgħu jkunu korpi pubbliċi jew organizzazzjonijiet mingħajr skop ta’ qligħ, jagħtu għajnuna materjali (PO I) jew jistabbilixxu u jmexxu l-attivitajiet ta’ inklużjoni soċjali (PO II), kif deskritt fil-programmi. B’dan il-mod, il-fond jappoġġa wkoll il-bini ta’ kapaċità fil-qasam tal-politika soċjali fi ħdan l-organizzazzjonijiet sħab.

L-arranġamenti ta’ monitoraġġ għall-fond jispeċifikaw li l-Istati Membri jridu jibagħtu rapport dwar l-implimentazzjoni tal-programmi tagħhom lill-Kummissjoni kull sena, sat-30 ta’ Ġunju tas-sena kalendarja ta’ wara 3 . Il-Kummissjoni tivvaluta r-rapporti ta’ implimentazzjoni u, jekk meħtieġ, titlob lill-Istat Membru kkonċernat biex jagħmel bidliet 4 . Il-Kummissjoni hija wkoll mitluba li tippreżenta sommarju tar-rapporti ppreżentati mill-Istati Membri lill-Parlament Ewropew u lill-Kunsill 5 .

Ir-Regolament jistipula wkoll li l-Kummissjoni għandha tikkonsulta, tal-anqas darba fis-sena, mal-organizzazzjonijiet li jirrappreżentaw lill-organizzazzjonijiet sħab fil-livell tal-UE rigward l-implimentazzjoni tal-appoġġ mill-fond, u għandha tirrapporta lura lill-Parlament Ewropew u lill-Kunsill.

Dan is-sommarju huwa bbażat fuq l-informazzjoni inkluża fir-rapporti ta’ implimentazzjoni għas-sena 2015, kif ġew aċċettati mill-Kummissjoni. Ir-Renju Unit ma bagħatx rapport ta’ implimentazzjoni minħabba li fl-2015 ma twettqu ebda attivitajiet. Is-sommarju jagħti ħarsa ġenerali lejn l-iżviluppi fil-livell tal-UE b’rabta mal-FEAD u jippreżenta l-informazzjoni mogħtija mill-Istati Membri, skont l-istruttura tar-rapporti. Jagħti wkoll ħarsa ġenerali lejn il-konsultazzjonijiet dwar l-implimentazzjoni tal-FEAD li saru fl-2015 mar-rappreżentanti tal-UE tal-organizzazzjonijiet sħab. Il-valuri rrappurtati għall-indikaturi komuni jinsabu fl-Anness.

Sabiex jittieħed kont tad-dewmien fiż-żmien bejn l-implimentazzjoni u ż-żmien tar-rappurtar, ir-rapport jinkludi wkoll informazzjoni dwar l-iżviluppi li saru wara l-2015, jekk din tkun disponibbli.

II. Żviluppi ġenerali

Il-programmazzjoni tar-riżorsi tal-FEAD tlestiet fl-2015, u l-aħħar tliet programmi li kien għad fadal (DE, SE, UK) ġew approvati mill-Kummissjoni fl-ewwel xhur tal-2015. Żewġ Stati Membri ppreżentaw ukoll l-ewwel talbiet għal emendi. Ir-Rumanija pproponiet modifika fil-programm tagħha bl-għan li tiġi faċilitata l-identifikazzjoni tar-riċevituri aħħarin. Ir-Repubblika Ċeka pproponiet li testendi l-kamp ta’ applikazzjoni tal-programm tagħha b’mod li jingħata appoġġ lill-forniment ta’ ikliet b’xejn lill-istudenti tal-iskola żvantaġġati. Fl-2016 ġew ippreżentati erba’ talbiet oħra għal emendi.

Matul is-sena nkiseb progress fl-iżvilupp tal-qafas leġiżlattiv sekondarju tal-FEAD. Sa tmiem l-2015 il-Kummissjoni kienet adottat u ppubblikat tliet atti delegati u ħames atti ta’ implimentazzjoni 6 , jiġifieri kisbet rata ta’ tlestija ta’ 80 %. Sa Novembru 2016 kienet adottat u ppubblikat l-atti ta’ implimentazzjoni u l-atti delegati kollha.

Fl-2015 ir-rata tal-wasla ta’ migranti fl-UE kienet għolja ħafna, u fost dawk li waslu kien hemm ukoll ħafna persuni jfittxu l-asil. Dan ta lok għal ħafna tħassib, inkluż b’rabta ma’ kif kellhom jingħataw l-għajnuna materjali meħtieġa. Id-Direttorat Ġenerali tal-Impjiegi, l-Affarijiet Soċjali u l-Inklużjoni ħejja nota 7 dwar l-appoġġ li jista’ jingħata mill-Fond Soċjali Ewropew (FSE) u mill-FEAD lil persuni jfittxu l-asil. L-eliġibbiltà ta’ persuni li jfittxu l-asil għal għajnuna mill-FEAD tiddependi fuq id-definizzjoni tal-Istati Membri dwar min jista’ jibbenefika mill-fond. In-nota ġiet ippreżentata lill-Istati Membri u ġiet diskussa magħhom waqt laqgħa speċjali li saret fil-25 ta’ Settembru 2015.

Fl-2016 il-Kummissjoni ħadet pass deċiżiv lejn il-bini ta’ kapaċità tal-partijiet ikkonċernati tal-FEAD, permezz tat-tnedija tan-Netwerk tal-FEAD għall-iskambju ta’ esperjenzi u ta’ prattiki tajbin. Wara l-konferenza ta’ tnedija li saret f’Ġunju 2016 u li laqqgħet flimkien 200 parti kkonċernata minn kull wieħed mit-28 Stat Membru, sa tmiem is-sena saru tliet laqgħat tan-Netwerk tal-FEAD. Il-laqgħat iffukaw fuq l-aspetti differenti tal-FEAD li għandhom l-għan li jikkontribwixxu lejn l-inklużjoni soċjali tal-persuni l-aktar fil-bżonn. Il-parteċipanti ppreżentaw studji ta’ każijiet u sfidi komuni, kif ukoll soluzzjonijiet dwar kwistjonijiet ta’ interess komuni b’rabta mat-twettiq tal-programmi tal-FEAD. Għall-2017 ġew ippjanati ħames laqgħat mal-partijiet ikkonċernati.

Fl-2016 il-Kummissjoni bdiet ukoll l-evalwazzjoni ta’ nofs it-terminu tal-FEAD biex tevalwa l-kisbiet tal-programmi tal-FEAD. Bħala parti minn din l-evalwazzjoni ġiet imnedija konsultazzjoni pubblika miftuħa mmirata lejn il-partijiet ikkonċernati u lejn il-pubbliku ġenerali. Ir-rapport interim se jkun lest fis-sajf tal-2017. Il-verżjoni finali se tiġi ppreżentata lill-Parlament Ewropew u lill-Kunsill sal-31 ta’ Diċembru 2018.

L-esperjenza inizjali li nkisbet mill-implimentazzjoni tal-programmi fuq il-post u r-rispons li wasal mingħand diversi partijiet ikkonċernati wrew li hemm lok għal titjib tar-regoli dwar il-FEAD. F’Settembru 2016 il-Kummissjoni adottat proposta għal reviżjoni tar-Regolament Finanzjarju, flimkien ma’ proposti għal emendi b’rabta ma’ firxa ta’ leġiżlazzjoni settorjali 8 . Il-proposta tinkludi diversi emendi għar-Regolament (UE) Nru 223/2014 li għandhom l-għan li jkomplu jissimplifikaw il-ġestjoni tal-fond.

III. Livell ta’ implimentazzjoni tal-programmi operazzjonali

Implimentazzjoni finanzjarja

Fl-2015 l-implimentazzjoni finanzjarja tal-programmi tal-FEAD bdiet issir b’pass aktar mgħaġġel. EUR 419.3 miljun ġew allokati għal operazzjonijiet tal-FEAD f’21 Stat Membru. Din kienet żieda mill-ammont ta’ EUR 333.5 miljun allokat fl-2014. B’hekk, kien hemm total ta’ EUR 752.7 miljun ta’ nefqa impenjata għall-perjodu 2014-15, jew 17 % tar-riżorsi totali tal-programmi (kofinanzjament tal-UE u nazzjonali). Iż-żieda fil-pass tal-implimentazzjoni finanzjarja kienet saħansitra aktar evidenti f’dawk li huma l-pagamenti lill-benefiċjarji: fl-2015 tħallsu EUR 388 miljun, ammont erba’ darbiet akbar minn dak ta’ EUR 96.3 miljun li tħallas fl-2014. Il-biċċa l-kbira tal-pagamenti kienu diretti lejn operazzjonijiet ta’ għajnuna alimentari (97.7 %).

L-applikazzjonijiet għal pagamenti ġew ippreżentati lill-Kummissjoni għall-ewwel darba fl-2015. Tliet Stati Membri (l-Estonja, Franza u l-Latvja) iddikjaraw nefqa pubblika eliġibbli ta’ EUR 46.3 miljun. Sal-31 ta’ Diċembru 2016, il-Kummissjoni kienet għamlet total ta’ pagamenti ta’ EUR 732.3 miljun, li EUR 312.8 miljun minnhom kienu pagamenti interim.

Implimentazzjoni f’livell fiżiku (PO I)

L-implimentazzjoni finanzjarja aċċellerata fl-2015 kienet riżultat tal-progress ulterjuri li sar fl-implimentazzjoni f’livell fiżiku tal-programmi tal-FEAD. Sa tmiem is-sena, bis-saħħa tal-PO I l-assistenza kienet ġiet ipprovduta f’16-il Stat Membru minn 24. Fl-2015 ġie distribwit total ta’ 408 770 tunnellata ta’ ikel, u l-Istat Membru fejn tqassam l-akbar proporzjon ta’ dak l-ikel, jew 21.4 %, kien l-Italja. Ħames pajjiżi (ES, FR, IT, PL, RO) ipprovdew aktar minn 93 % tal-kwantità totali ta’ għajnuna alimentari. F’14-il Stat Membru, l-ikel tqassam fil-forma ta’ pakketti.

L-għadd ta’ pajjiżi li kienu qed jiddistribwixxu l-ikliet żdied minn tnejn fl-2014 għal sebgħa fl-2015 (il-Belġju, BG, ES, FI, IT, LV, PL). Huwa stmat li fl-2015 il-FEAD ikkontribwixxa, b’mod parzjali jew bis-sħiħ, għall-għoti ta’ 47 miljun ikla.

Prodotti tal-ħalib, u warajhom prodotti tal-ikel li fihom il-lamtu, jirrappreżentaw l-akbar proporzjon tal-kwantità totali ta’ għajnuna alimentari pprovduta – iktar minn nofs il-kwantità totali. Il-frott u l-ħxejjex, bi proporzjon ta’ 10 % tal-kwantità totali, jirrappreżentaw it-tielet l-akbar proporzjon. Il-Kummissjoni ħerqana li tara żieda konsistenti fil-kwantità ta’ frott u ħxejjex distribwiti, peress li din hija l-aqwa garanzija għall-promozzjoni ta’ dieti tajbin għas-saħħa fi gruppi b’livelli soċjoekonomiċi baxxi.

Minbarra l-ikel li nxtara bil-fondi mill-FEAD, fl-2015 il-fond ikkontribwixxa wkoll biex titnaqqas il-ħela tal-ikel billi ffinanzja donazzjonijiet ta’ ikel. Fil-Lussemburgu, 51 % tal-ikel li tqassam kien ikel li ngħata bħala donazzjoni u li għalih l-FEAD kopra biss l-ispejjeż tat-trasport u ta’ distribuzzjoni li ġarrbu l-organizzazzjonijiet sħab. Il-Lussemburgu wettaq ukoll attivitajiet ta’ sensibilizzazzjoni 9 biex dawk li jistgħu jkunu donaturi jiġu mħeġġa jagħmlu donazzjonijiet ta’ ikel.

Fl-2015, għall-ewwel darba ġiet ipprovduta wkoll għajnuna materjali bażika fi tliet Stati Membri. Fl-Awstrija tqassmu provvisti tal-iskola lil 33 493 student minn familji żvantaġġati. Fil-Lussemburgu id-distribuzzjoni tal-ikel saret flimkien mad-distribuzzjoni ta’ prodotti bażiċi tal-iġjene, bħal xampù u tutpejst, u minnha bbenefikaw 9 243 persuna. Oġġetti simili tal-iġjene tqassmu wkoll lil 25 675 riċevitur aħħari fil-Latvja, flimkien ma’ oġġetti oħra, bħal deterġenti tal-ħasil tal-ħwejjeġ u sapun likwidu għall-ħasil tal-platti.

Huma stmat li fl-2015 aktar minn 14-il miljun persuna, li 47.2 % (6.7 miljun) minnhom huma nisa, ibbenefikaw minn assistenza għall-ikel mill-FEAD. Huwa kkalkulat li madwar 30 % tar-riċevituri aħħarin (4.1 miljun persuna) huma tfal tal-età ta’ 15-il sena jew inqas, filwaqt li 10 % (1.4 miljun persuna) minnhom huma persuni tal-età ta’ 65 sena jew aktar. Madwar 5.5 % (0.8 miljun) tar-riċevituri aħħarin huma persuni b’diżabbiltà, filwaqt li kważi 14 % (2 miljun) minnhom huma migranti, persuni bi sfond barrani (fosthom refuġjati u benefiċjarji oħra ta’ protezzjoni internazzjonali) u minoranzi. 8.5 % (1.2 miljun) minnhom huma persuni mingħajr saqaf fuq rashom.

Meta jiġu eżaminati l-valuri aggregati għall-indikaturi komuni għandu jitqies li l-indikaturi għall-għadd ta’ persuni li bbenefikaw mill-PO I tal-FEAD huma bbażati fuq stimi li saru mill-organizzazzjonijiet sħab, sabiex il-piż amministrattiv fuqhom u fuq ir-riċevituri aħħarin jiġi limitat. L-istimi jistgħu jkunu bbażati fuq metodi ta’ teħid ta’ kampjuni (eż. billi jingħadd l-għadd ta’ benefiċjarji f’ċerti ġranet jew matul ċerti ġimgħat tas-sena, biex wara ssir estrapolazzjoni) jew fuq metodi oħra. Jista’ jkun li f’xi każijiet ir-riċevituri aħħarin jiġu magħduda aktar minn darba, u dan isir sabiex jiġu stabbiliti l-istimi tal-organizzazzjonijiet sħab. Barra minn hekk, ir-riċevituri aħħarin li bbenefikaw mill-għajnuna f’forma ta’ ikel setgħu wkoll ibbenefikaw minn għajnuna materjali. Bħala konsegwenza ta’ dan l-approċċ, il-valuri rrappurtati jridu jiġu kkunsidrati bħala stima approssimattiva tal-għadd ta’ każijiet ta’ parteċipazzjoni, aktar milli tal-parteċipanti individwali fl-operazzjonijiet tal-FEAD, jew tal-għadd ta’ drabi li ġiet offruta għajnuna mill-FEAD lil persuni żvantaġġati.

Ir-riċevituri aħħarin ivarjaw bejn Stat Membru u ieħor, minħabba li kull pajjiż għandu d-definizzjoni nazzjonali tiegħu ta’ persuni l-aktar fil-bżonn. Ħafna drabi l-grupp fil-mira jiġi determinat fuq il-bażi ta’ kriterji ekonomiċi, f’liema każ l-awtoritajiet nazzjonali jħejju listi tal-persuni li huma eliġibbli għal appoġġ mill-FEAD. F’xi pajjiżi hemm modi oħra aktar flessibbli biex tiġi determinata l-eliġibbiltà tar-riċevituri aħħarin. Hemm każijiet fejn l-organizzazzjonijiet sħab jistgħu jiddeterminaw “fuq il-post” huma stess jekk persuna hijiex eliġibbli, u dan fuq il-bażi tal-informazzjoni li dik il-persuna tipprovdi rigward is-sitwazzjoni tagħha. Ċerti drabi l-għajnuna tiġi pprovduta lill-persuni mingħajr saqaf fuq rashom fit-toroq jew f’kantins soċjali, mingħajr il-ħtieġa li l-persuni inkwistjoni jiġu identifikati b’mod formali jew li tintalab informazzjoni mingħandhom. F’dawn il-każijiet, il-valuri rrappurtati għall-indikaturi tar-riżultati tal-FEAD jistgħu jagħtu biss stima tal-għadd ta’ drabi meta ġiet ipprovduta l-għajnuna mill-FEAD, aktar milli l-għadd proprju ta’ persuni żvantaġġati li ngħataw għajnuna.

Karatteristika importanti tal-FEAD hu li dan jimmira li jmur lilhinn mill-għoti ta’ appoġġ materjali permezz tal-promozzjoni tal-inklużjoni soċjali tal-persuni l-aktar fil-bżonn. Din hija r-raġuni għalfejn l-għajnuna ngħatat flimkien ma’ firxa ta’ miżuri ta’ akkumpanjament. Il-miżura l-aktar komuni tibqa’ dik tal-għoti ta’ informazzjoni u r-riferiment għand servizzi soċjali kompetenti. L-Istati Membri ta’ spiss jirrappurtaw ukoll dwar l-għoti ta’ gwida rigward dieta bilanċjata, l-organizzar ta’ gruppi ta’ ħidma tat-tisjir dwar kif għandha tiġi evitata l-ħela tal-ikel, u l-għoti ta’ pariri dwar il-ġestjoni tal-baġit domestiku. F’xi każijiet jingħata wkoll appoġġ psikoloġiku u għajnuna biex jiġu megħluba d-diffikultajiet (LU, LV), kif ukoll pariri dwar it-trobbija tat-tfal (LV), pariri dwar modi kif għandhom jiġu trattati l-emerġenzi (BG), għajnuna mmirata lejn it-titjib tal-ħiliet soċjali tar-riċevituri aħħarin, assistenza legali bla ħlas (SI), informazzjoni dwar l-akkomodazzjoni disponibbli u attivitajiet immirati lejn it-titjib tal-litteriżmu (FR). Fil-Finlandja il-miżuri ta’ akkumpanjament inkludew wkoll azzjonijiet differenti għat-titjib tal-livell ta’ attività fiżika u għall-promozzjoni ta’ stil ta’ ħajja tajjeb għas-saħħa fost ir-riċevituri aħħarin, kif ukoll id-distribuzzjoni ta’ kotba tar-riċetti.

Il-miżuri ta’ akkumpanjament huma parti integrali tal-implimentazzjoni tal-PO I, peress li għandhom l-għan li jrawmu l-inklużjoni soċjali tar-riċevituri aħħarin. Huwa obbligatorju li r-riċevituri aħħarin jiġu offruti miżuri ta’ akkumpanjament, iżda l-Istati Membri jistgħu jagħżlu jekk jiffinanzjahomx permezz tal-FEAD jew le. Ir-rapporti tal-2015 juru riżultati differenti f’dak li jirrigwarda l-adozzjoni ta’ miżuri ta’ akkumpanjament. Filwaqt li f’xi pajjiżi r-riċevituri aħħarin jidhru li huma aktar miftuħa għal dawn l-attivitajiet supplementari, f’pajjiżi oħra l-interess fihom huwa pjuttost baxx. F’xi każijiet, in-nuqqas ta’ esperjenza tar-riċevituri aħħarin f’dawk li huma l-attivitajiet ta’ inklużjoni soċjali jwassal biex dawn isibuha bi tqila li jieħdu sehem. Iż-żieda fl-involviment tar-riċevituri aħħarin fil-miżuri ta’ akkumpanjament hija waħda mill-isfidi li jridu jiffaċċjaw l-organizzazzjonijiet sħab matul l-implimentazzjoni tal-programmi. Dan huwa ta’ importanza partikolari peress li dawk il-miżuri huma maħsuba biex jippromwovu l-inklużjoni soċjali tar-riċevituri aħħarin, u jistgħu jservu bħala rabta diretta mal-FSE.

Implimentazzjoni f’livell fiżiku (PO II)

Fl-2015, għadd ta’ programmi ta’ inklużjoni soċjali kienu mmirati lejn attivitajiet ta’ tħejjija, fosthom it-twaqqif ta’ kumitati ta’ monitoraġġ u l-għażla ta’ organizzazzjonijiet sħab.

Il-PO II tal-DE għandu l-għan li jtejjeb l-inklużjoni soċjali tal-immigranti l-aktar fil-bżonn fl-UE u ta’ wliedhom, kif ukoll l-inklużjoni soċjali ta’ persuni mingħajr saqaf fuq rashom jew ta’ persuni li jinsabu f’riskju li jispiċċaw mingħajr saqaf fuq rashom. Wara l-adozzjoni tiegħu fil-bidu tal-2015 twaqqaf kumitat ta’ monitoraġġ li kellu l-ewwel laqgħa preliminari tiegħu f'Jannar, u li warajha saret oħra f’Marzu. F’Ġunju 2015, l-Awtorità ta’ Ġestjoni nediet sejħa għal proposti għall-ewwel ċiklu li jkopri l-perjodu bejn l-2016 u l-2018. Għal dan l-ewwel ċiklu waslu total ta’ 191 proposta għal proġett. Bħala miżura ta’ simplifikazzjoni, is-sejħa inkludiet l-użu ta’ rati fissi, stabbiliti fil-livell nazzjonali.

Fid-DK, fejn l-FEAD jintuża fil-ġlieda kontra l-faqar u kontra l-problema ta’ persuni mingħajr dar u għandu l-għan li jsaħħaħ l-inklużjoni soċjali fost dawk li huma l-aktar soċjalment vulnerabbli, kien hemm bidla fil-ġestjoni tal-programm, u f’Awwissu 2015 ġiet maħtura awtorità ta’ ġestjoni. Id-DK tat bidu għal emenda fil-programm biex taġġorna l-informazzjoni fil-programm, u f’April 2016 nediet sejħa għall-applikazzjonijiet.

Fin-NL, fejn il-PO II għandu l-mira li jnaqqas l-esklużjoni soċjali ta’ persuni anzjani bi dħul baxx, intgħażel benefiċjarju biex iwettaq l-attivitajiet ta’ inklużjoni soċjali f’erba’ bliet Netherlandiżi sa mill-bidu tal-2016: Amsterdam, Rotterdam, l-Aja, u Utrecht.

Il-PO II tal-SE, li għandu l-mira li jappoġġa ċ-ċittadini vulnerabbli tal-UE/taż-ŻEE fl-interazzjoni tagħhom fis-soċjetà Żvediża, tnieda waqt avveniment ta’ informazzjoni f'Marzu 2015. Il-kumitat ta’ monitoraġġ ġie mwaqqaf fix-xahar ta’ wara. F’Ġunju 2015 tnediet sejħa għal proposti, u ngħataw fondi lil ħames proġetti. L-SE waqqfet ukoll grupp ta’ riċerkaturi tal-FEAD, li ltaqa’ għall-ewwel darba f’Novembru 2015.

Sistemi ta’ ġestjoni u ta’ kontroll

Fl-2015 l-Istati Membri allokaw riżorsi sinifikanti bl-għan li jissodisfaw ir-rekwiżiti tal-proċedura għall-ħatra tal-awtoritajiet stabbiliti fil-qafas leġiżlattiv tal-FEAD 10 . Dan inkluda l-iżvilupp ta’ proċeduri xierqa u korretti fil-livell nazzjonali, it-tfassil tad-deskrizzjoni tas-sistemi ta’ ġestjoni u ta’ kontroll, l-iżvilupp tas-sistema tal-IT u t-twettiq ta’ awditi inizjali mill-awtoritajiet tal-awditjar. Sa tmiem l-2015 sitt Stati Membri (LV, l-Estonja, LT, FR, BG u HU) kienu lestew il-proċedura ta’ ħatra, u b’hekk kellhom il-possibbiltà li jippreżentaw lill-Kummissjoni applikazzjonijiet provviżorji għal pagamenti.

Sa Diċembru 2016, kienu 25 l-Istati Membri li kienu lestew il-proċedura ta’ ħatra.

Il-kriżi migratorja

Diversi Stati Membri għamlu użu mill-FEAD biex jittrattaw il-konsegwenzi tal-kriżi migratorja. Fil-Belġju kien hemm organizzazzjonijiet sħab li speċjalizzaw fl-għoti ta’ appoġġ lil persuni li jfittxu l-asil u lir-refuġjati. Il-Litwanja u r-Repubblika Ċeka estendew il-kamp ta’ applikazzjoni tal-gruppi tagħhom fil-mira għall-persuni li jfittxu l-asil. Malta u l-Finlandja irrinfurzaw il-koordinazzjoni bejn l-awtoritajiet fil-livell nazzjonali biex tiġi żgurata l-komplimentarjetà bejn l-appoġġ ipprovdut mill-FSE, mill-FEAD u mill-Fond għall-Asil, il-Migrazzjoni u l-Integrazzjoni (AMIF). Sabiex il-gruppi vulnerabbli tal-popolazzjoni jiġu infurmati aħjar dwar il-possibbiltà li jiġu appoġġati mill-FEAD, l-Awtorità ta’ Ġestjoni tal-Litwanja wettqet kampanja ta’ informazzjoni li kienet tinkludi wkoll elementi kontra d-diskriminazzjoni li jindirizzaw it-tħassib espress mill-pubbliku. Fin-NL huwa mistenni li dawk li se jieħdu sehem fil-proġett fil-biċċa l-kbira se jkollhom sfond ta’ migrazzjoni u l-Awtorità ta’ Ġestjoni adattat l-azzjonijiet kif xieraq b’mod li jinkludu lezzjonijiet tal-lingwa.

Problemi li xirfu

Għadd ta’ programmi FEAD kienu għadhom ma kinux operazzjonali bis-sħiħ matul is-sena. F’ħafna każijiet, id-dewmien kien ikkawżat mill-fatt li t-tranżizzjoni mir-regoli tal-istrument AGRI preċedenti lejn ir-regoli għall-ġestjoni tal-FEAD damet aktar biex seħħet milli kien maħsub fil-bidu. Diversi Stati Membri ppreferew li jiffinalizzaw it-twaqqif tas-sistemi ta’ ġestjoni u ta’ kontroll qabel issir l-għażla tal-operazzjonijiet. Fi Stati Membri oħra l-implimentazzjoni inizjali seħħet, pereżempju l-għażla tal-organizzazzjonijiet sħab ġiet finalizzata, iżda l-attivitajiet proprji bdew fl-2016.

L-informazzjoni dwar id-diffikultajiet li ltaqgħu magħhom l-Istati Membri li kisbu riżultati fl-2015 tvarja minn rapport ta’ Stat Membru għal ieħor. Dan seħħ parzjalment minħabba r-rekwiżiti mhux stretti ta’ rappurtar. Fil-biċċa l-kbira tal-każijiet, kull sfida ġiet indirizzata permezz ta’ miżura speċifika. L-isfidi ewlenin huma elenkati hawn taħt.

-Kopertura mhux uniformi tat-territorju jew allokazzjoni tal-għajnuna b’mod mhux bilanċjat: dawn dehru li kienu problemi fi Stati Membri differenti u, filwaqt li f’xi każijiet intgħażlu organizzazzjonijiet sħab addizzjonali sabiex tiġi pprovduta l-għajnuna li kien fadal, fi Stati Membri oħrajn l-assistenza ġiet trasferita bejn l-organizzazzjonijiet qabel ngħatat (LV, PL).

-Problemi marbuta mal-identifikazzjoni tar-riċevituri aħħarin: f’każ minnhom, dawn ġew indirizzati permezz ta’ emenda għall-programm operazzjonali (RO).

-Dewmien fl-għoti ta’ għajnuna minħabba appelli kontra r-riżultati tal-proċess ta’ akkwist, l-irtirar ta’ offerenti rebbieħa jew offerti mhux konformi. Dawn ġew indirizzati primarjament permess tal-estensjoni tal-perjodu tal-għoti u, fejn meħtieġ, permess tat-tnedija mill-ġdid ta’ sejħiet għall-offerti (il-Belġju, il-Bulgarija, Malta).

-Problemi fir-rigward tal-kwalità ta’ ikel mixtri: dawn ħolqu l-bżonn li l-kuntrattur jibdel il-prodotti li mhumiex tajbin biex jitqassmu, filwaqt li l-Awtorità ta’ Ġestjoni għamlet sforzi biex tħaffef il-proċess (FR).

-F’ċerti każijiet ir-rekwiżiti ta’ rappurtar għall-organizzazzjonijiet sħab ġew meqjusa bħala kumplessi wisq u l-Awtorità ta’ Ġestjoni ħadet il-passi meħtieġa biex dawn jiġu semplifikati (PL).

IV. Prinċipji orizzontali

·Il-koordinazzjoni mal-FSE u ma’ politiki oħra rilevanti tal-UE 11

Il-koordinazzjoni bejn il-FEAD u l-FSE tinkludi żewġ aspetti prinċipali: li jiġi evitat li jingħata finanzjament doppju u li tinkiseb il-komplementarjetà bejn iż-żewġ fondi. L-Istati Membri daħħlu fis-seħħ firxa wiesgħa ta’ miżuri biex jiġi evitat li jingħata finanzjament doppju, inkluż permezz tal-iskambju ta’ informazzjoni bejn l-awtoritajiet rilevanti, l-użu ta’ sistema unika ta’ monitoraġġ, jew billi jiġi żgurat li ma jkunx hemm duplikazzjoni waqt l-istadju tal-programmazzjoni, permezz ta’ diversifikazzjoni tal-gruppi fil-mira jew tal-attivitajiet iffinanzjati.

Fl-2015 ittieħdu xi passi inizjali lejn il-ksib tal-komplementarjetà bejn l-FSE u l-FEAD. Dan is-soltu kien jinkiseb permezz tal-miżuri ta’ akkumpanjament tal-PO I, skont liema l-organizzazzjonijiet sħab jinfurmaw lir-riċevituri aħħarin dwar il-possibbilitajiet li jieħdu sehem fl-operazzjonijiet tal-FSE. Fil-Polonja l-Awtorità ta’ Ġestjoni introduċiet rekwiżit skont liema l-organizzazzjonijiet sħab reġjonali u lokali għandhom jipprovdu informazzjoni dwar il-miżuri disponibbli tal-FSE lil riċevituri aħħarin tal-FEAD, u jgħinhom jieħdu sehem. Fil-Litwanja, il-parteċipanti tal-FSE li huma eliġibbli skont il-FEAD jistgħu jirċievu għajnuna komplimentari miż-żewġ fondi fl-istess ħin. Anki r-riċevituri aħħarin tal-FEAD huma mħeġġa jieħdu sehem fl-operazzjonijiet tal-ESF. Franza rrappurtat każijiet fejn għadd ta’ organizzazzjonijiet sħab huma wkoll benefiċjarji ta’ operazzjonijiet tal-FSE. Dan jagħmilha aktar faċli biex ir-riċevituri aħħarin tal-FEAD jaċċessaw, f’ħin sussegwenti, l-appoġġ mill-FSE.

Il-ħolqien ta’ rabtiet bejn l-għajnuna tal-FEAD u tal-FSE jista’ jżid l-effett ġenerali tal-operazzjonijiet tal-FEAD li huma mmirati lilhinn mill-għoti ta’ kontribut sabiex jittaffew l-agħar forom ta’ faqar. Huwa għalhekk li għandha tkun prijorità li l-possibbiltajiet għall-ksib tal-komplimentarjetà bejn iż-żewġ fondi fil-forma ta’ mogħdijiet u miżuri komplementari jiġu esplorati meta jiġu ppjanati operazzjonijiet f’livell nazzjonali.

·L-ugwaljanza bejn is-sessi, l-integrazzjoni tal-perspettiva dwar is-sessi u l-prevenzjoni tad-diskriminazzjoni 12

Fil-biċċa l-kbira tal-każijiet, l-individwi li huma l-aktar fil-bżonn jiġu identifikati abbażi ta’ kriterji ekonomiċi. Dan jevita d-diskriminazzjoni f’dak li huwa l-għoti ta’ aċċess għal għajnuna abbażi tas-sess, l-oriġini, ir-reliġjon jew it-twemmin, id-diżabbiltà jew l-orjentazzjoni sesswali. F’uħud mill-Istati Membri, l-organizzazzjonijiet sħab jistgħu jipprovdu assistenza fil-post ta’ residenza jekk ir-riċevitur aħħari ma jkunx jista’ jmur fil-punt ta’ distribuzzjoni. Ir-Repubblika Ċeka identifikat lill-ommijiet weħidhom u lin-nisa bit-tfal fid-djar ta’ kenn bħala fost l-aktar persuni vulnerabbli, u tqassam pakketti speċjali tal-iġjene għall-bżonnijiet tagħhom. Is-Slovakkja adattat il-piż tal-pakketti sabiex ikunu jistgħu jinġarru kemm mill-irġiel kif ukoll min-nisa. Il-Latvja ħadet għadd ta’ passi biex tiżgura li l-prinċipji kontra d-diskriminazzjoni jiġu applikati. Dawn jinkludu arranġamenti biex iċ-ċentri ta’ distribuzzjoni jkunu aċċessibbli għal persuni b’diżabbiltà, biex ikun hemm ħinijiet ta’ ftuħ flessibbli u biex jiġu pprovduti servizzi għall-indukrar tat-tfal għal ġenituri li jkunu qed jirċievu l-għajnuna jew li jkunu qed jibbenefikaw minn miżuri ta’ akkumpanjament.

   

·L-aspetti ambjentali u klimatiċi, bil-għan li titnaqqas il-ħela tal-ikel 13

Il-kriterji użati mill-Istati Membri biex jagħżlu prodotti tal-ikel jinkludu: kemm l-ikel jibqa’ frisk, kemm jinżamm b’mod faċli u kemm idum ma jiskadi, bil-għan li titnaqqas il-ħela tal-ikel. Il-Lussemburgu jiffinanzja wkoll l-ġbir u d-distribuzzjoni ta’ ikel li jingħata bħala donazzjoni. Fil-Bulgarija, il-pakketti li ma jinġabrux jitqassmu fost riċevituri aħħarin oħra, filwaqt li fil-Latvja ir-riċevituri aħħarin jiġu mħeġġa jħallu prodotti li mhux biħsiebhom jużaw f’postijiet speċifiċi fiċ-ċentri ta’ distribuzzjoni. Il-miżuri ta’ akkumpanjament għandhom ukoll l-effett li joħolqu sensibilizzazzjoni: waħda mis-sessjonijiet ta’ ħidma offruti fil-Polonja tiffoka fuq modi kif tiġi evitata l-ħela tal-ikel.

·Kontribuzzjoni għal dieta bilanċjata tal-persuni l-aktar fil-bżonn 14

L-Istati Membri inkorporaw ir-rekwiżiti nutrizzjonali u tas-sikurezza tal-ikel fi ħdan l-ispeċifikazzjonijiet għax-xiri tal-ikel. Huma jikkonsultaw ma’ organizzazzjonijiet sħab, sħab soċjali, awtoritajiet kompetenti u esperti dwar l-għażla tal-prodotti tal-ikel għad-distribuzzjoni li jikkontribwixxu lejn dieta bilanċjata. Il-lista tal-prodotti tal-ikel tqis ukoll il-mod kif il-grupp fil-mira pperċepixxa l-prodotti fi żmien preċedenti.

Fl-2015, il-Belġju aġġorna l-lista tiegħu ta’ prodotti billi ta preferenza lil prodotti mhux ipproċessati u lil prodotti inqas pproċessati, li jaqblu mad-drawwiet alimentari tal-kulturi kollha u li jħeġġu lir-riċevituri aħħarin biex isajru. L-għadd ta’ prodotti ġie miżjud sabiex tiġi pprovduta varjetà ikbar u ġie deċiż li jiġu fornuti aktar proteini veġetali, pereżempju fil-forma ta’ għads. Ġie deċiż ukoll li tingħata prijorità lil proteini mill-annimali fil-forma ta’ ħut, li tipikament jiġi aċċettat iktar faċilment mir-riċevituri aħħarin.

Ir-Repubblika Ċeka immirat lejn livell għoli ta’ kwalità tal-ikel, filwaqt li qieset il-komponenti prinċipali ta’ dieta bilanċjata: prodotti magħżula qiesu l-ħtieġa għal kontenut għoli ta’ laħam, proporzjon baxx ta’ addittivi, kontenut baxx ta’ xaħam, proporzjon għoli ta’ frott, eċċ. Sabiex jiġi żgurat l-użu, ġie definit ukoll il-perjodu minimu ta’ ħajja għal kull prodott mal-konsenja.

Fl-Estonja, il-ġewż, li huma l-aktar allerġeni komuni, ġew esklużi mill-pakkett, filwaqt li tqassmu laħam u ħut fil-laned, kif ukoll ċereali b’valur nutrizzjonali għoli ħafna. Il-kontenut tal-pakkett tal-ikel ivarja skont kull distribuzzjoni, sabiex ir-riċevituri aħħarin jibbenefikaw minn diversità ikbar.

Spanja mmirat li tissodisfa l-ħtiġijiet nutrizzjonali tar-riċevituri aħħarin billi tipprovdi nutrijenti bażiċi (proteini, karboidrati, xaħam, fibri, vitamini u minerali). Tqassmu wkoll prodotti speċifiċi għat-tfal, bl-għan li jkunu jistgħu jikbru u jiżviluppaw sew.

Fil-Finlandja ġew stipulati rekwiżiti ta’ kwalità speċifiċi għal kull prodott. Pereżempju, kien meħtieġ li s-soppa tal-piżelli jkun fiha kontenut ta’ laħam ta’ mill-inqas 5 %, filwaqt li t-trab tal-ħalib irid ikun fih il-Vitamina D.

V. Konsultazzjonijiet mar-rappreżentanti tal-organizzazzjonijiet sħab fil-livell tal-UE

Fl-2015 saru żewġ laqgħat mar-rappreżentanti tal-organizzazzjonijiet sħab fil-livell tal-UE.

L-ewwel laqgħa saret fid-9 ta’ Marzu. Il-Kummissjoni ppreżentat il-karatteristiċi bażiċi tal-FEAD u pprovdiet ħarsa ġenerali lejn l-eżitu tal-programmazzjoni tar-riżorsi l-ġodda. Ġiet diskussa wkoll is-sitwazzjoni attwali fir-rigward tat-tħejjija tan-Netwerk tal-FEAD. Il-parteċipanti qajmu għadd ta’ kwistjonijiet, b’mod partikolari fir-rigward tal-involviment tal-organizzazzjonijiet sħab fl-għoti ta’ għajnuna tal-FEAD fil-livell nazzjonali.

It-tieni laqgħa saret fis-16 ta’ Novembru. Il-Kummissjoni ppreżentat l-abbozz tas-sommarju tar-rapporti annwali ta’ implimentazzjoni tal-FEAD li l-Istati Membri ppreżentaw biex jiġu diskussi. Dan ġie segwit minn dibattitu dwar il-mobilizzazzjoni tar-riżorsi tal-FEAD (u tal-FSE) b’reazzjoni għall-kriżi tal-migrazzjoni. L-aħħar punt fuq l-aġenda kien dwar il-preżentazzjoni tal-elementi ewlenin tan-Netwerk tal-FEAD.

VI. Konklużjoni

Il-mira ewlenija tal-istrateġija Ewropa 2020 li l-għadd ta’ persuni li jinsabu f’riskju ta’ faqar jew ta’ esklużjoni soċjali jitnaqqas b’mill-inqas 20 miljun tirrifletti l-importanza li l-UE tagħti lill-ġlieda kontra l-faqar. Il-Kummissjoni tappoġġa lill-Istati Membri fl-isforzi tagħhom immirati lejn it-tnaqqis tal-għadd ta’ persuni f’riskju ta’ faqar, inkluż bl-għajnuna tal-FEAD. Madankollu, peress li dik tal-faqar hija kwistjoni kumplessa li teħtieġ approċċ integrat, huwa kruċjali li jkun hemm komplementarjetà mal-FSE u ma’ strumenti u miżuri oħra nazzjonali u tal-UE. Minħabba r-riżorsi limitati tal-FEAD, ir-rwol speċifiku tiegħu huwa li jnaqqas il-faqar u li jippromwovi l-inklużjoni soċjali, inkluż permezz tal-ħolqien ta’ rabtiet ma’ servizzi oħra disponibbli. B’dan il-mod, il-fond jista’ jkun l-ewwel pass fi triq li tbiegħed lill-bniedem mill-faqar.

Il-mudelli l-ġodda tal-appoġġ tal-FEAD joffru għajnuna b’varjetà akbar, u dan huwa prerekwiżit għal approċċ iktar mirqum għall-għoti ta’ għajnuna lil gruppi speċifiċi fil-mira. L-esperjenza li nkisbet fl-2015 turi li fost il-popolazzjoni fil-mira jista’ jkun li jkun hemm persuni li jfittxu l-asil u refuġjati, kif ukoll rappreżentanti ta’ komunitajiet marġinalizzati, bħar-Rom. Il-fond jikkontribwixxi wkoll lejn it-tnaqqis tal-ħela tal-ikel, kif ukoll lejn iż-żieda tal-kapaċità tal-organizzazzjonijiet sħab u tal-fiduċja fid-donaturi potenzjali ta’ ikel u ta’ għajnuna materjali.

Ir-rapporti tal-FEAD tal-2015 juru riżultati inkoraġġanti li, madankollu, huma mqassma b’mod mhux uniformi. Fl-aħħar tas-sena, 12-il Stat Membru kien għad baqagħlom jiksbu r-riżultati inizjali tagħhom. Dan juri li f’ċerti każijiet il-perjodu ta’ qabel l-implimentazzjoni tal-operazzjonijiet fuq il-post jista’ jkun itwal minn sena mid-data tal-adozzjoni tal-programm ikkonċernat. Biex il-fond ikun jista’ jilħaq il-potenzjal sħiħ tiegħu, huwa kruċjali li r-rapporti tal-2016 juru li l-maġġoranza kbira tal-Istati Membri kisbu jkunu kisbu xi riżultati.

Ir-rapporti tal-2015 urew li ftit wara t-tnedija tal-programmi l-Istati Membri kellhom iħabbtu wiċċhom ma’ problemi differenti u implimentaw miżuri speċifiċi biex jindirizzawhom. Ġie adottat għadd żgħir ta’ modifiki fil-programmi operazzjonali sabiex jiġi żgurat li jkun hemm kopertura xierqa tal-Istat Membru u li l-popolazzjoni fil-mira jkollha aċċess faċli għall-fond. Huwa importanti li l-problemi jiġu indirizzati b’mod effiċjenti, filwaqt li jitqies li l-FEAD ġie stabbilit bħala strument taħt ġestjoni sempliċi, li hu kapaċi jittratta emerġenzi ta’ natura soċjali. Fil-prattika l-implimentazzjoni tal-FEAD tista’ tkun sempliċi biss jekk ir-rekwiżiti simplifikati tal-leġiżlazzjoni jiġu applikati fil-livell ta’ operazzjonijiet individwali. Għal din ir-raġuni, huwa importanti wkoll li jintużaw l-opportunitajiet kollha disponibbli biex ikun hemm skambju ta’ esperjenzi u ta’ prattiki tajbin kemm fil-livell tal-awtoritajiet tal-programmi kif ukoll fil-livell tal-organizzazzjonijiet sħab permezz tal-kanali eżistenti: il-Grupp ta’ Esperti tal-FEAD, in-Netwerk tal-FEAD u l-konsultazzjonijiet regolari mal-partijiet ikkonċernati fil-livell nazzjonali u tal-UE.

Għall-ewwel darba, fir-rapporti ta’ implimentazzjoni annwali tal-2016 l-Istati Membri se jippreżentaw valutazzjoni tal-kontribuzzjoni tal-programmi lejn l-għanijiet speċifiċi u globali tal-FEAD. Din l-informazzjoni se tippermetti li ssir valutazzjoni aktar dettaljata ta’ kull riżultat u impatt kumulattivi b’rabta mal-għanijiet tal-FEAD fis-sommarju li jmiss u li għandha tħejjih il-Kummissjoni.

(1)

Ir-Regolament (UE) Nru 223/2014 tal-Parlament Ewropew u tal-Kunsill tal-11 ta’ Marzu 2014 dwar il-Fond għal Għajnuna Ewropea għall-Persuni l-Aktar fil-Bżonn (ĠU L 72, 12.3.2013, p. 1).

(2)

Ir-Regolament (UE) Nru 223/2014 jagħti lill-Istati Membri l-possibbiltà li jimplimentaw iż-żewġ tipi ta’ programmi fl-istess ħin, iżda l-Istati Membri ppreferew li jiżviluppaw biss wieħed minnhom.

(3)

L-Artikolu 13(1) tar-Regolament (UE) Nru 223/2014.

(4)

Fit-3 ta’ Frar 2017, il-Kummissjoni kienet f’pożizzjoni fejn setgħet taċċetta l-aħħar rapporti tal-2015 li ġew ippreżentati mill-Istati Membri. Dan irregola l-iskeda taż-żmien għall-adozzjoni ta’ dan ir-Rapport tal-Kummissjoni.

(5)

L-Artikolu 13(9) tar-Regolament (UE) Nru 223/2014.

(6)

Ir-Regolament ta’ Delega tal-Kummissjoni (UE) Nru 532/2014 tat-13 ta’ Marzu 2014 (ĠU L 148, 20.5.2014 p. 54), ir-Regolament ta’ Delega tal-Kummissjoni (UE) Nru 1255/2014 tas-17 ta’ Lulju 2014 (ĠU L 337, 25.11.2014, p. 46), ir-Regolament ta’ Delega tal-Kummissjoni (UE) 2015/1972 tat-8 ta’ Lulju 2015 (ĠU L 293, 10.11.2015, p. 11), ir-Regolament ta’ Implimentazzjoni tal-Kummissjoni (UE) Nru 463/2014 tal-5 ta’ Mejju 2014 (ĠU L 134, 7.5.2014, p. 32), ir-Regolament ta’ Implimentazzjoni tal-Kummissjoni (UE) 2015/212 tal-11 ta’ Frar 2015 (ĠU L 36, 12.2.2015, p. 1) u Regolament ta’ Implimentazzjoni tal-Kummissjoni (UE) 2015/341 tal-20 ta’ Frar 2015 (ĠU L 60, 4.3.2015, p. 1), ir-Regolament ta’ Implimentazzjoni tal-Kummissjoni (UE) 2015/1386 tat-12 ta’ Awwissu 2015 (ĠU L 214, 13.8.2015, p. 9) u r-Regolament ta’ Implimentazzjoni tal-Kummissjoni (UE) 2015/1976 tat-8 ta’ Lulju 2015 (ĠU L 293, 10.11.2015, p. 26).

(7)

  http://ec.europa.eu/esf/main.jsp?catId=67&langId=en&newsId=2336  

(8)

COM(2016) 605 final.

(9)

Dawn l-attivitajiet ma kinux iffinanzjati mill-FEAD.    

(10)

L-Artikolu 35 tar-Regolament (UE) Nru 223/2014.

(11)

L-Artikolu 5(6) tar-Regolament (UE) Nru 223/2014.

(12)

L-Artikolu 5(11) tar-Regolament (UE) Nru 223/2014.

(13)

L-Artikolu 5(13) tar-Regolament (UE) Nru 223/2014.

(14)

L-Artikolu 5(13) tar-Regolament (UE) Nru 223/2014.

IL-KUMMISSJONI EWROPEA

Brussell, 28.7.2017

COM(2017) 404 final

ANNESS

Valuri rrappurtati għall-indikaturi komuni bħala parti mill-Fond għal Għajnuna Ewropea għall-Persuni l-Aktar fil-Bżonn għall-2015

tar-

RAPPORT TAL-KUMMISSJONI LILL-KUNSILL U LILL-PARLAMENT EWROPEW

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2015

IL-KUMMISSJONI EWROPEA

Brussell, 28.7.2017

COM(2017) 404 final

ANNEX 1

 

ANNESS

tar-

RAPPORT TAL-KUMMISSJONI LILL-KUNSILL U LILL-PARLAMENT EWROPEW

Sommarju tar-rapporti annwali ta’ implimentazzjoni għall-programmi operazzjonali kofinanzjati mill-Fond għal Għajnuna Ewropea għall-Persuni l-Aktar fil-Bżonn fl-2015

Valuri rrappurtati għall-indikaturi komuni bħala parti mill-Fond għal Għajnuna Ewropea għall-Persuni l-Aktar fil-Bżonn għall-2015

I. L-indikaturi komuni ta’ input (PO I u PO II) 2014-2020

Stat Membru	1		2		2a		2b		3
	L-ammont totali tan-nefqa pubblika eliġibbli approvata fid-dokumenti li jistabbilixxu l-kundizzjonijiet għall-appoġġ tal-operazzjonijiet (f’EUR)  1		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet (f’EUR)		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet marbuta mal-għoti ta’ għajnuna alimentari (f’EUR)		L-ammont totali tan-nefqa pubblika eliġibbli mġarrba mill-benefiċjarji u mħallsa fl-implimentazzjoni tal-operazzjonijiet marbuta mal-għoti ta’ għajnuna materjali bażika (f’EUR)		L-ammont totali tan-nefqa pubblika eliġibbli ddikjarata lill-Kummissjoni (f’EUR)
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv
AT	2,910,741	2,910,741	2,302,674	2,302,674	-	-	2,173,950	2,173,950	0	0
BE	13,282,352	25,977,589	6,170,521	15,969,586	5,705,688	15,392,776	0	0	0	0
BG	22,238,451	22,238,451	1,756,863	1,756,863	1,756,863	1,756,863	-	-	0	0
CY	3,309	7,363	0	0	-	-	0	0	0	0
CZ	2,545,308	2,545,308	0	0	0	0	0	0	0	0
DE	0	0	0	0	-	-	-	-	0	0
DK	0	0	0	0	-	-	-	-	0	0
EE	1,365,193	1,365,193	1,359,647	1,359,647	1,359,647	1,359,647	-	-	519,018	519,018
ES	86,754,423	127,094,423	80,818,407	118,426,437	77,334,788	114,737,751	-	-	0	0
FI	6,401,754	6,401,754	1,595,957	1,595,957	1,507,125	1,507,125	-	-	0	0
FR	79,801,116	156,678,947	67,754,637	105,984,868	67,754,637	105,984,868	-	-	44,426,884	44,426,884
GR	2,592,814	2,592,814	2,151,320	2,151,320	1,927,582	1,927,582	223,738	223,738	0	0
HR	0	0	0	0	0	0	0	0	0	0
HU	0	0	0	0	0	0	0	0	0	0
IE	0	0	0	0	0	0	0	0	0	0
IT	71,500,000	111,500,000	52,023,915	52,023,915	52,023,915	52,023,915	0	0	0	0
LT	16,417,000	28,023,522	13,124,243	16,519,966	13,124,243	16,519,966	0	0	0	0
LU	582,471	1,053,031	253,907	266,327	104,020	104,020	54,188	54,188	0	0
LV	6,621,938	13,114,034	3,087,601	3,166,465	2,501,289	2,501,289	274,231	274,231	1,405,538	1,405,538
MT	0	0	0	0	0	0	-	-	0	0
NL	4,471,108	4,510,788	134,342	174,022	-	-	-	-	0	0
PL	80,003,086	89,302,607	53,225,776	53,225,776	51,747,995	51,747,995	-	-	0	0
PT	11,157,987	22,315,928	0	0	0	0	0	0	0	0
RO	0	122,997,381	100,793,293	107,971,343	100,793,293	107,971,343	0	0	0	0
SE	5,339,914	5,339,914	59,351	59,351	-	-	-	-	0	0
SI	5,000,000	6,500,000	1,477,073	1,478,879	1,429,656	1,429,656	-	-	0	0
SK	282,738	282,738	0	0	0	0	0	0	0	0
Total	419,271,703	752,752,528	388,089,526	484,433,396	379,070,740	474,964,796	2,726,107	2,726,107	46,351,439	46,351,439

II. Indikaturi komuni tal-output dwar l-għajnuna alimentari li ġiet distribwita (PO I) 2014-2020

Stat Membru	4		5		6		7		8		9
	Kwantità ta’ frott u ħxejjex (f’tunnellati)  2		Kwantità ta’ laħam, bajd, ħut, frott tal-baħar (f’tunnellati)		Kwantità ta’ dqiq, ħobż, patata, ross u prodotti oħra li fihom il-lamtu (f’tunnellati)		Kwantità ta’ zokkor (f’tunnellati)		Kwantità ta’ prodotti tal-ħalib (f’tunnellati)		Kwantità ta’ xaħmijiet, żejt (f’tunnellati)
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv
AT	-	-	-	-	-	-	-	-	-	-	-	-
BE	1,101	1,617	390	972	1,079	1,854	0	0	3,177	5,331	1,147	1,278
BG	97	97	85	85	189	189	1	1	35	35	12	12
CY	-	-	-	-	-	-	-	-	-	-	-	-
CZ	1	1	2	2	1	1	0	0	0.3	0.3	1	1
EE	33	33	217	217	224	224	84	84	0	0	82	82
ES	11,109	16,737	3,866	3,866	12,445	28,730	0	0	27,748	37,336	4,808	4,808
FI	0	0	60	60	410	410	0	0	47	47	0	0
FR	7,953	14,183	3,543	5,912	10,925	21,163	2,753	5,356	40,002	77,148	4,047	6,986
GR	0	0	0	0	0	0	0	0	0	0	0	0
HR	0	0	0	0	0	0	0	0	0	0	0	0
HU	0	0	0	0	0	0	0	0	0	0	0	0
IE	0	0	0	0	0	0	0	0	0	0	0	0
IT	12,197	12,197	1,306	1,306	20,634	20,634	3,777	3,777	33,823	33,823	4,641	4,641
LT	75	75	186	329	3,669	6,058	907	1,278	183	183	541	967
LU	120	120	50	50	106	106	38	38	169	169	44	44
LV	0	0	71	71	942	942	71	71	114	114	143	143
MT	0	0	0	0	0	0	0	0	0	0	0	0
PL	9,210	9,210	8,785	9,283	16,354	17,281	7,576	8,823	13,843	15,084	4,470	5,089
PT	1,368	2,585	984	1,843	1,928	3,686	539	981	2,982	5,492	449	1,370
RO	0	0	17,758	22,210	36,664	45,854	11,457	14,329	0	0	11,457	14,329
SI	0	0	0	0	1,087	1,158	0	0	665	814	132	147
SK	0	0	0	0	0	0	0	0	0	0	0	0
Total	43,263	56,855	37,303	46,206	106,656	148,291	27,203	34,738	122,789	175,576	31,973	39,898

   

Stat Membru	10		11		11a	11b	12		13
	Kwantità ta’ ikel ta’ konvenzjenza, oġġetti oħra tal-ikel (li ma jaqgħux taħt kategoriji oħra) (f’tunnellati)		Kwantità totali ta’ għajnuna alimentari distribwita (f’tunnellati)		Sehem tal-ikel li għalih tħallsu biss it-trasport, id-distribuzzjoni u l-ħżin mill-PO (f’%)	Proporzjon ta’ prodotti tal-ikel kofinanzjati mill-FEAD mill-volum totali tal-ikel distribwit mill-organizzazzjonijiet sħab (f’%) 3	L-għadd totali ta’ ikliet distribwiti u finanzjati b’mod parzjali jew bis-sħiħ mill-PO 4		L-għadd totali ta’ pakketti tal-ikel distribwiti u finanzjati b’mod parzjali jew bis-sħiħ mill-PO 5
Perjodu	2015	Kumulattiv	2015	Kumulattiv	2015	2015	2015	Kumulattiv	2015	Kumulattiv
AT	-	-	-	-	-	-	-	-	-	-
BE	792	1,241	7,685	12,294	-	50	514,203	2,084,725	1,695,777	3,073,265
BG	23	23	442	442	-	0	466,609	466,609	0	0
CY	-	-	-	-	-	-	-	-	-	-
CZ	1	1	7	7	-	50	0	0	1,627	1,627
EE	68	68	708	708	0	45	0	0	40,050	40,050
ES	21,602	38,880	81,578	130,357	-	100	28,694,973	47,017,773	3,118,008	7,358,008
FI	81	81	598	598	-	41	6,608	6,608	74,285	74,285
FR	4,864	9,198	74,087	139,946	-	29	0	0	76,250,118	149,032,015
GR	0	0	0	0	-	0	0	0	0	0
HR	0	0	0	0	-	0	0	0	0	0
HU	0	0	0	0	-	0	0	0	0	0
IE	0	0	0	0	-	0	0	0	0	0
IT	11,140	11,140	87,517	87,517	0	63	16,981,240	16,981,240	51,876,352	51,876,352
LT	365	365	5,925	9,255	-	59	0	0	1,468,371	2,224,031
LU	647	647	1,174	1,174	51	14	0	0	8,338	8,338
LV	0	0	1,341	1,341	-	83	2,205	2,205	285,362	285,362
MT	0	0	0	0	-	0	0	0	0	0
PL	0	0	60,238	64,770	-	61	336,668	336,668	6,303,877	6,917,035
PT	0	0	8,250	15,957	-	0	0	0	408,737	857,423
RO	0	0	77,336	96,722	-	100	0	0	5,743,190	7,179,209
SI	0	0	1,884	2,119	-	40	0	0	794,347	815,472
SK	0	0	0	0	0	0	0	0	0	0
Total	39,583	61,645	408,770	563,208	-	-	47,002,506	66,895,828	148,068,439	229,742,472

III. Indikaturi komuni tar-riżultati dwar l-għajnuna alimentari li ġiet distribwita 6 (PO I) 2014-2020

Stat Membru	14		14a		14b		14c		14d		14e		14f
	L-għadd totali ta’ persuni li jirċievu l-għajnuna alimentari		L-għadd ta’ tfal li għandhom 15-il sena jew inqas		L-għadd ta’ persuni li għandhom 65 sena jew aktar		L-għadd ta’ nisa		L-għadd ta’ migranti, parteċipanti bi sfond barrani, minoritajiet		L-għadd ta’ persuni b’diżabbiltajiet		L-għadd ta’ persuni mingħajr saqaf fuq rashom
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv
AT	-	-	-	-	-	-	-	-	-	-	-	-	-	-
BE	273,121	498,670	70,143	131,311	19,241	34,133	89,980	159,569	99,111	186,129	5,858	10,871	11,021	32,370
BG	6,536	6,536	562	562	2,094	2,094	3,559	3,559	2,268	2,268	1,537	1,537	101	101
CY	-	-	-	-	-	-	-	-	-	-	-	-	-	-
CZ	1,916	1,916	436	436	98	98	364	364	152	152	54	54	1,015	1,015
EE	26,608	26,608	8,887	8,887	412	412	13,503	13,503	4,636	4,636	3,555	3,555	1,022	1,022
ES	1,676,836	3,864,822	470,689	1,104,834	108,619	259,494	844,463	2,008,472	442,974	1,069,857	32,407	73,322	30,132	70,750
FI	113,191	113,191	20,117	20,117	23,011	23,011	34,756	34,756	6,608	6,608	1,530	1,530	304	304
FR	4,166,337	8,214,149	1,423,018	2,894,166	179,640	430,441	1,978,105	4,397,395	0	0	0	0	1,010,198	1,010,198
GR	0	0	0	0	0	0	0	0	0	0	0	0	0	0
HR	0	0	0	0	0	0	0	0	0	0	0	0	0	0
HU	0	0	0	0	0	0	0	0	0	0	0	0	0	0
IE	0	0	0	0	0	0	0	0	0	0	0	0	0	0
IT	2,809,131	2,809,131	856,879	856,879	309,205	309,205	1,334,337	1,334,337	1,348,383	1,348,383	50,564	50,564	112,365	112,365
LT	250,560	522,673	57,688	114,961	9,138	9,138	83,898	151,106	2,616	3,612	18,866	32,559	566	566
LU	9,243	9,243	2,824	2,824	135	135	5,008	5,008	6,397	6,397	310	310	42	42
LV	68,876	68,876	17,782	17,782	5,991	5,991	41,036	41,036	1,445	1,445	7,598	7,598	358	358
MT	0	0	0	0	0	0	0	0	0	0	0	0	0	0
PL	1,678,367	2,053,256	542,796	673,686	97,883	118,737	836,645	1,037,488	30,338	34,812	245,516	299,991	34,750	42,216
PT	408,737	857,423	96,529	208,051	42,630	87,670	173,853	368,896	0	0	0	0	0	0
RO	2,449,049	3,061,311	493,959	617,234	589,296	733,324	1,142,282	1,427,853	0	0	408,627	507,681	0	0
SI	181,699	202,824	41,086	44,124	21,413	23,707	93,469	104,185	16,225	16,562	5,667	5,869	1,822	1,840
SK	0	0	0	0	0	0	0	0	0	0	0	0	0	0
Total	14,120,207	22,310,629	4,103,395	6,695,854	1,408,806	2,037,590	6,675,258	11,087,527	1,961,153	2,680,861	782,089	995,441	1,203,696	1,273,147

IV. Indikaturi komuni tal-output dwar l-għajnuna materjali bażika li ġiet distribwita (PO I) 2014-2020

Stat Membru	15		15a		15b		15c
	Il-valur monetarju totali tal-beni distribwiti (f’EUR)		Il-valur monetarju totali tal-beni għat-tfal (f’EUR)		Il-valur monetarju totali tal-beni għall-persuni mingħajr saqaf fuq rashom (f’EUR)		Il-valur monetarju totali tal-beni għal gruppi oħra fil-mira (f’EUR)
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv
AT	2,250,523	2,250,523	2,250,523	2,250,523	0	0	0	0
BE	0	0	0	0	0	0	0	0
BG	-	-	-	-	-	-	-	-
CY	0	0	0	0	0	0	0	0
CZ	0	0	0	0	0	0	0	0
EE	-	-	-	-	-	-	-	-
ES	-	-	-	-	-	-	-	-
FI	-	-	-	-	-	-	-	-
FR	-	-	-	-	-	-	-	-
GR	0	0	0	0	0	0	0	0
HR	0	0	0	0	0	0	0	0
HU	0	0	0	0	0	0	0	0
IE	0	0	0	0	0	0	0	0
IT	0	0	0	0	0	0	0	0
LT	0	0	0	0	0	0	0	0
LU	54,188	54,188	0	0	0	0	54,188	54,188
LV	191,693	191,693	191,693	191,693	0	0	0	0
MT	-	-	-	-	-	-	-	-
PL	-	-	-	-	-	-	-	-
PT	0	0	0	0	0	0	0	0
RO	0	0	0	0	0	0	0	0
SI	-	-	-	-	-	-	-	-
SK	0	0	0	0	0	0	0	0
Total	2,496,404	2,496,404	2,442,216	2,442,216	0	0	54,188	54,188

(16)

Kategoriji ta’ beni distribwiti lit-tfal 7

AT

BE

BG

CY

CZ

EE

ES

FI

FR

GR

HR

HU

IE

IT

LT

LU

LV

MT

PL

PT

RO

SI

SK

16a

Layette

L

L

-

L

L

-

-

-

-

L

L

L

L

L

L

L

L

-

-

L

L

-

L

16b

Basktijiet tal-iskola

I

L

-

L

L

-

-

-

-

L

L

L

L

L

L

L

L

-

-

L

L

-

L

16c

Kartolerija, pitazzi, pinen, materjal tat-tpinġija u materjali oħra meħtieġa fl-iskola (mhux ħwejjeġ)

I

L

-

L

L

-

-

-

-

L

L

L

L

L

L

L

L

-

-

L

L

-

L

16d

Tagħmir sportiv (żraben tal-isport, leotards, malji tal-għawm, eċċ.)

L

L

-

L

L

-

-

-

-

L

L

L

L

L

L

L

L

-

-

L

L

-

L

16e

Ħwejjeġ (kowtijiet tax-xitwa, żraben, uniformijiet tal-iskola, eċċ.)

L

L

-

L

L

-

-

-

-

L

L

L

L

L

L

L

L

-

-

L

L

-

L

(17)

Kategoriji ta’ beni distribwiti lil persuni mingħajr saqaf fuq rashom 8

AT

BE

BG

CY

CZ

EE

ES

FI

FR

GR

HR

HU

IE

IT

LT

LU

LV

MT

PL

PT

RO

SI

SK

17a

Sleeping bags/kutri

L

L

-

L

L

-

-

-

-

L

L

L

L

L

L

L

L

-

-

L

L

-

L

17b

Tagħmir tal-kċina (borom, taġnijiet, pożati, eċċ.)

L

L

-

L

L

-

-

-

-

L

L

L

L

L

L

L

L

-

-

L

L

-

L

17c

Ħwejjeġ (kowtijiet tax-xitwa, żraben, eċċ.)

L

L

-

L

L

-

-

-

-

L

L

L

L

L

L

L

L

-

-

L

L

-

L

17d

Bjankerija tad-dar (xugamani, friex)

L

L

-

L

L

-

-

-

-

L

L

L

L

L

L

L

L

-

-

L

L

-

L

17e

Oġġetti tal-iġjene (kaxxi għall-ewwel għajnuna, sapun, xkupilji tas-snien, xfafar riutilizzabbli għat-tqaxxir tal-leħja, eċċ.)

L

L

-

L

L

-

-

-

-

L

L

L

L

L

L

L

L

-

-

L

L

-

L

V. Indikaturi komuni tar-riżultati dwar l-għajnuna materjali bażika li ġiet distribwita 9 (PO I) 2014-2020

Stat Membru	19		19a		19b		19c		19d		19e		19f
	L-għadd ta’ persuni li jirċievu għajnuna materjali bażika		L-għadd ta’ tfal li għandhom 15-il sena jew inqas		L-għadd ta’ persuni li għandhom 65 sena jew aktar		L-għadd ta’ nisa		L-għadd ta’ migranti, parteċipanti bi sfond barrani, minoritajiet		L-għadd ta’ persuni b’diżabbiltajiet		L-għadd ta’ persuni mingħajr saqaf fuq rashom
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv
AT	33,213	33,213	30,493	30,493	0	0	15,942	15,942	10,628	10,628	0	0	0	0
BE	0	0	0	0	0	0	0	0	0	0	0	0	0	0
BG	-	-	-	-	-	-	-	-	-	-	-	-	-	-
CY	0	0	0	0	0	0	0	0	0	0	0	0	0	0
CZ	0	0	0	0	0	0	0	0	0	0	0	0	0	0
EE	-	-	-	-	-	-	-	-	-	-	-	-	-	-
ES	-	-	-	-	-	-	-	-	-	-	-	-	-	-
FI	-	-	-	-	-	-	-	-	-	-	-	-	-	-
FR	-	-	-	-	-	-	-	-	-	-	-	-	-	-
GR	0	0	0	0	0	0	0	0	0	0	0	0	0	0
HR	0	0	0	0	0	0	0	0	0	0	0	0	0	0
HU	0	0	0	0	0	0	0	0	0	0	0	0	0	0
IE	0	0	0	0	0	0	0	0	0	0	0	0	0	0
IT	0	0	0	0	0	0	0	0	0	0	0	0	0	0
LT	0	0	0	0	0	0	0	0	0	0	0	0	0	0
LU	9,243	9,243	2,824	2,824	135	135	5,008	5,008	6,397	6,397	310	310	42	42
LV	25,675	25,675	17,782	17,782	0	0	3,718	3,718	804	804	917	917	0	0
MT	-	-	-	-	-	-	-	-	-	-	-	-	-	-
PL	-	-	-	-	-	-	-	-	-	-	-	-	-	-
PT	0	0	0	0	0	0	0	0	0	0	0	0	0	0
RO	0	0	0	0	0	0	0	0	0	0	0	0	0	0
SI	-	-	-	-	-	-	-	-	-	-	-	-	-	-
SK	0	0	0	0	0	0	0	0	0	0	0	0	0	0
Total	68,131	68,131	51,099	51,099	135	135	24,668	24,668	17,829	17,829	1,227	1,227	42	42

VI. Indikaturi komuni tal-output dwar l-għajnuna għall-inklużjoni soċjali (PO II) 2014-2020

Stat Membru	20		20a		20b		20c		20d		20e		20f
	L-għadd totali ta’ persuni li jirċievu għajnuna għall-inklużjoni soċjali		L-għadd ta’ tfal li għandhom 15-il sena jew inqas		L-għadd ta’ persuni li għandhom 65 sena jew aktar		L-għadd ta’ nisa		L-għadd ta’ migranti, parteċipanti bi sfond barrani, minoritajiet		L-għadd ta’ persuni b’diżabbiltajiet		L-għadd ta’ persuni mingħajr saqaf fuq rashom
Perjodu	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv	2015	Kumulattiv
DE	0	0	0	0	0	0	0	0	0	0	0	0	0	0
DK	0	0	0	0	0	0	0	0	0	0	0	0	0	0
NL	0	0	0	0	0	0	0	0	0	0	0	0	0	0
SE	0	0	0	0	0	0	0	0	0	0	0	0	0	0
Total	0	0	0	0	0	0	0	0	0	0	0	0	0	0

(1)

L-Istati Membri għandhom il-possibbiltà li jibdlu l-valuri rrappurtati għal indikatur għas-snin ta’ qabel. Il-kolonna “Kumulattiv”, li fiha jiġi ppreżentat l-ammont totali tal-valuri rrappurtati għal kull indikatur mill-2014 ’il quddiem, tinkorpora kull bidla introdotta mill-Istati Membri b’rabta mal-valuri rrappurtati għall-2014 fir-rapporti ta’ implimentazzjoni tagħhom tal-2015.

(2)

L-indikaturi 4 sa 11 jinkludu dawn il-prodotti f’kull forma eż. oġġetti tal-ikel friski, fil-laned u ffriżati.

(3)

Il-valuri għal dan l-indikatur huma stabbiliti permezz ta’ stima infurmata tal-organizzazzjonijiet sħab.

(4)

Id-definizzjoni ta’ x’għandu jiġi mifhum bħala ikla tista’ tingħata fil-livell tal-organizzazzjoni msieħba/tal-operazzjoni/tal-awtorità ta’ ġestjoni. Il-valuri għal dan l-indikatur huma stabbiliti permezz ta’ valutazzjoni mwettqa mill-organizzazzjonijiet sħab.

(5)

Id-definizzjoni ta’ x’għandu jiġi mifhum bħala pakkett tal-ikel tista’ tingħata fil-livell tal-organizzazzjoni msieħba/tal-operazzjoni/tal-awtorità ta’ ġestjoni. Il-pakketti ma għandhomx bżonn jiġu standardizzati f’dak li huma d-daqs jew il-kontenut. Il-valuri għal dan l-indikatur huma stabbiliti permezz ta’ valutazzjoni mwettqa mill-organizzazzjonijiet sħab.

(6)

Il-valuri għal dawn l-indikaturi huma determinati abbażi tal-istima infurmata tal-organizzazzjonijiet sħab. La huwa mistenni u lanqas meħtieġ li jkunu bbażati fuq l-informazzjoni pprovduta mir-riċevituri aħħarija. Il-valuri rrappurtati jridu jiġu kkunsidrati bħala stima approssimattiva tal-għadd ta’ każijiet ta’ parteċipazzjoni, aktar milli tal-parteċipanti individwali.

(7)

Il-lista tinkludi l-kategoriji kollha rilevanti li jkopru mill-inqas 75 % tal-beni distribwiti.

(8)

Il-lista tinkludi l-kategoriji kollha rilevanti li jkopru mill-inqas 75 % tal-beni distribwiti.

(9)

Il-valuri għal dawn l-indikaturi huma determinati abbażi tal-istima infurmata tal-organizzazzjonijiet sħab. La huwa mistenni u lanqas meħtieġ li jkunu bbażati fuq l-informazzjoni pprovduta mir-riċevituri aħħarija. Il-valuri rrappurtati jridu jiġu kkunsidrati bħala stima approssimattiva tal-għadd ta’ każijiet ta’ parteċipazzjoni, aktar milli tal-parteċipanti individwali.