Aġġornament tal-Anness II u tat-Tabelli 1 u 2 tal-Anness IIIb fir-rigward tal-valuri applikabbli tal-euro f’konformità mal-Artikolu 10a tad-Direttiva 1999/62/KE tal-Parlament Ewropew u tal-Kunsill, kif emendata bid-Direttiva 2011/76/UE

L-Anness II tad-Direttiva 1999/62/KE tal-Parlament Ewropew u tal-Kunsill tas-17 ta’ Ġunju 1999 dwar il-ħlas li jrid isir minn vetturi ta' merkanzija tqila għall-użu ta' ċerti infrastrutturi (1), huwa aġġornat kif ġej:

“ANNESS II

AMMONTI MASSIMI F’EURO TA’ PAGAMENTI FUQ L-UTENTI, INKLUŻI SPEJJEŻ AMMINISTRATTIVI, LI HEMM REFERENZA GĦALIHOM FL-ARTIKOLU 7(7)

Annwali

	massimu ta’ tliet fusien	massimu ta’ erba’ fusien
EURO 0	1 478	2 478
EURO I	1 286	2 145
EURO II	1 119	1 866
EURO III	972	1 622
EURO IV u li jniġġsu inqas	884	1 475

Fix-xahar u fil-ġimgħa

Rati massimi fix-xahar u fil-ġimgħa huma fi proporzjon għat-tul tal-użu magħmul mill-infrastruttura.

Kuljum

Il-pagament ta’ kuljum impost fuq l-utent għall-kategoriji kollha ta’ vetturi jammonta għal EUR 13.”

L-Anness IIIb tad-Direttiva 1999/62/KE kif emendat bid-Direttiva 2011/76/UE tal-Parlament Ewropew u tal-Kunsill (2), huwa aġġornat kif ġej:

“ANNESS IIIb

TARIFFA MEDJA PPEŻATA MASSIMA GĦALL-ISPIŻA ESTERNA

Dan l-Anness jistabbilixxi l-parametri li għandhom jintużaw biex tiġi kkalkolata t-tariffa medja ppeżata massima għall-ispiża esterna.

1. Spiża massima għat-tniġġis tal-arja minħabba t-traffiku:

Tabella 1

Spiża massima li għandha titħallas għat-tniġġis tal-arja

ċent./kilomentru tal-vettura	Toroq suburbani (inklużi l-awtostradi)	Toroq interurbani (inklużi l-awtostradi)
EURO 0	17,8	13,4
EURO I	12,2	8,9
EURO II	10,1	7,9
EURO III	7,9	6,8
EURO IV	4,5	3,5
EURO V wara l-31 ta’ Diċembru 2013	0	0
EURO V wara l-31 ta’ Diċembru 2013	3,5	2,3
EURO VI wara l-31 ta’ Diċembru 2017	0	0
EURO VI wara l-31 ta’ Diċembru 2017	2,3	1,2
Iniġġsu inqas minn EURO VI	0	0

Il-valuri tat-Tabella 1 jistgħu jiġu mmultiplikati b’fattur ta’ mhux aktar minn 2 f’żoni muntanjużi dment li dan ikun iġġustifikat mill-pendil tat-toroq, l-altitudni u/jew l-inverżjonijiet tat-temperatura.

2. Spiża massima għat-tniġġis mill-istorbju minħabba t-traffiku

Tabella 2

Spiża massima li għandha titħallas għall-istorbju

ċent./kilometru tal-vettura

Ġurnata

Lejl

Toroq suburbani

(inklużi l-awtostradi)

1,22

2,23

Toroq interurbani

(inklużi l-awtostradi)

0,23

0,35

Il-valuri fit-Tabella 2 jistgħu jiġu mmultiplikati b’fattur mhux akbar minn 2 fiż-żoni muntanjużi dment li dan ikun iġġustifikat mill-pendil tat-toroq, l-inverżjonijiet tat-temperatura u/jew l-effett ta’ anfiteatru tal-widien.”