IL-KUMMISSJONI EWROPEA

Brussell, 18.10.2016

COM(2016) 662 final

2016/0325(COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar il-parteċipazzjoni tal-Unjoni
fis-Sħubija għar-Riċerka u l-Innovazzjoni fiż-Żona tal-Mediterran (PRIMA)
imwettqa b’mod konġunt minn bosta Stati Membri

{SWD(2016) 331 final}
{SWD(2016) 332 final}

MEMORANDUM TA’ SPJEGAZZJONI

1.IL-KUNTEST TAL-PROPOSTA

•Ir-raġunijiet għall-proposta u l-objettivi tagħha

•L-isfond istituzzjonali

•Il-konsistenza mad-dispożizzjonijiet ta’ politika eżistenti fil-qasam ta’ politika

a)    Diplomazija fil-qasam tal-ilma (Konklużjonijiet tal-Kunsill Affarijiet Barranin tat-22 ta’ Lulju 2013)

b)    Reviżjoni tal-Politika Ewropea tal-Viċinat (PEV) (Konklużjonijiet tal-Kunsill Affarijiet Barranin tal-14 ta’ Diċembru 2015)

c)    Għanijiet ta’ Żvilupp Sostenibbli (Konklużjonijiet tal-Kunsill Affarijiet Barranin tas-26 ta’ Mejju 2015)

d)    Migrazzjoni (Konklużjonijiet tal-Kunsill Affarijiet Barranin tat-12 ta’ Ottubru 2015 u s-17-18 ta’ Marzu 2016)

e)    Diplomazija Ewropea dwar il-klima wara l-COP21 (Konklużjonijiet tal-Kunsill Affarijiet Barranin tal-15 ta’ Frar 2016)

•Il-konsistenza ma’ politiki oħra tal-Unjoni

2.IL-BAŻI ĠURIDIKA, IS-SUSSIDJARJETÀ U L-PROPORZJONALITÀ

•Il-bażi ġuridika

•Is-sussidjarjetà (għall-kompetenza mhux esklużiva)

a)    Tikseb l-iskala u l-kamp ta' applikazzjoni meħtieġa u jkollha l-massa kritika ta’ riżorsi

b)    Tistimola l-effetti ta’ ingranaġġ u jkollha impatti fuq il-politiki esterni tal-UE u l-implikazzjonijiet tagħhom u għall-migrazzjoni

c)    Tikkontribwixxi għal kooperazzjoni globali u għall-Viċinat Ewropew tan-Nofsinhar

•Il-proporzjonalità

•L-għażla tal-istrument

3.IR-RIŻULTATI TAL-EVALWAZZJONIJIET EX POST, TAL-KONSULTAZZJONIJIET TAL-PARTIJIET INTERESSATI U TAL-VALUTAZZJONIJIET TAL-IMPATT

•Konsultazzjonijiet mal-partijiet interessati

•Il-ġbir u l-użu tal-għarfien espert

•Il-valutazzjoni tal-impatt

L-għażla 0: L-ebda tibdil fil-politika - Xenarju bażi - L-Orizzont 2020 se jkompli jipprovdi appoġġ għal kwistjonijiet dwar l-ilma u l-ikel b’mod ġenerali u fuq bażi ad hoc. Aktarx li mhux ser jitniedu inizjattivi speċifiċi mmirati lejn l-integrazzjoni tas-sistemi tar-R&I Mediterranji. L-azzjonijiet individwali tipikament idumu tlieta sa erba’ snin, b’impatt limitat.

L-għażla 1: Azzjoni tal-ERA-NET Cofund – L-attività prinċipali taħt l-Orizzont 2020 hija l-implimentazzjoni ta’ sejħa konġunta għal proposti unika kkofinanzjata għal kull azzjoni, li tirriżulta fil-finanzjament ta’ riċerka transnazzjonali u/jew proġetti ta’ innovazzjoni. L-azzjonijiet individwali tipikament idumu ħames snin. Din l-għażla tkun tikkonsisti f’sensiela ta’ azzjonijiet tal-ERA-NET Cofund, limitati għall-bqija tal-Orizzont 2020. Ma tkunx tippermetti l-indirizzar b’mod sostanzjali tad-dimensjoni tal-innovazzjoni, għaliex il-programmi nazzjonali li jikkollaboraw u jikkoordinaw l-attivitajiet tagħhom jiffokaw l-aktar fuq l-attivitajiet ta’ riċerka tal-organizzazzjonijiet tar-riċerka pubblika. L-Għażla 1 mhix mistennija li tintegra l-programmi ta’ finanzjament nazzjonali f’aġenda strateġika ta’ riċerka komuni.

L-għażla 2: Il-Programm Konġunt tal-PRIMA bbażat fuq l-Artikolu 185 tat-TFUE – Dan jippermetti lill-UE tagħmel dispożizzjonijiet għall-parteċipazzjoni tagħha fil-programmi ta’ riċerka u żvilupp imħaddma minn bosta Stati Membri, inkluża l-parteċipazzjoni tagħha fl-istrutturi maħluqa għall-implimentazzjoni ta’ dawk il-programmi. L-Artikolu 26 tar-Regolament tal-Programm Qafas Orizzont 2020 jispeċifika l-kundizzjonijiet u l-kriterji għall-identifikazzjoni u l-proposta ta’ inizjattiva skont l-Artikolu 185 tat-TFUE.

effikaċja: l-għażliet proposti għandhom itejbu l-qafas tar-R&I fiż-żona tal-Mediterran fl-oqsma tal-provvista tal-ilma u tas-sistemi tal-ikel.

effiċjenza: l-għażliet proposti għandhom jiksbu l-impatti bl-akbar proporzjon bejn il-kostijiet u l-benefiċċji.

konsistenza ma’ politiki oħrajn: l-għażliet proposti għandhom ikunu konsistenti ma’ politiki u programmi oħra tal-UE u nazzjonali tar-R&I u ma’ politiki ta’ koordinazzjoni u kooperazzjoni internazzjonali.

jitwassal l-effett ta’ strutturar mixtieq fuq il-politiki u l-programmi nazzjonali tar-R&I u biex jiġu integrati;

jippermetti l-formulazzjoni ta’ aġendi strateġiċi ta’ riċerka komuni, stabbli u fit-tul bl-iskala u l-kamp ta' applikazzjoni adegwati tal-azzjonijiet;

jappoġġja l-allinjament ta’ programmi nazzjonali tar-R&I;

jippermetti l-involviment ta’ pajjiżi sħab fuq l-istess livell;

jippermetti l-involviment strutturali ta’ tipi differenti ta’ partijiet interessati, kemm pubbliċi kif ukoll privati, li jġibu flimkien u jużaw l-għarfien u r-riżorsi finanzjarji rispettivi tagħhom;

isaħħaħ il-kapaċitajiet tar-R&I b’mod dejjiemi.

•Drittijiet fundamentali

4.L-IMPLIKAZZJONIJIET BAĠITARJI

Id-Dikjarazzjoni Finanzjarja Leġiżlattiva li takkompanja din id-deċiżjoni tistabbilixxi l-implikazzjonijiet baġitarji indikattivi. Il-kontribuzzjoni tal-UE għandha tkun sa EUR 200 miljun inkluża l-kontribuzzjoni tal-EFTA. Il-prezzijiet tal-pakkett huma dawkattwali. Il-kontribuzzjoni tal-UE għandha tkun magħmula bħala parti mill-implimentazzjoni tal-Orizzont 2020 – il-Programm Qafas għar-Riċerka u l-Innovazzjoni.

Mid-DĠ Agrikoltura u Żvilupp Rurali:

–Sfida tas-Soċjetà 2 “Riċerka u innovazzjoni relatati mal-agrikoltura – Assigurazzjoni ta’ biżżejjed provvisti ta’ ikel sikur u ta’ kwalità għolja”.

Mid-DĠ R&I:

–Sfida tas-Soċjetà 2 “Sigurtà tal-Ikel, Agrikoltura u Foresterija Sostenibbli, Riċerka tal-Baħar, Marittima u tal-Ilmijiet Interni, u l-Bijoekonomija”;

–Sfida tas-Soċjetà 5 “Azzjoni Klimatika, Ambjent, Effiċjenza tar-Riżorsi u Materja Prima”;

–Tmexxija industrijali.

Id-dispożizzjoni tad-Deċiżjoni u tal-ftehim ta’ delega li jrid jiġi konkluż bejn il-Kummissjoni u l-istruttura speċifika ta’ implimentazzjoni jiżguraw li jitħarsu l-interessi finanzjarji tal-UE. Ir-riskju tan-nuqqas ta’ rkupru huwa kopert mill-garanziji finanzjarji li l-Istati Parteċipanti se jkollhom jipprovdu fi żmien xieraq u l-aktar tard qabel l-iffirmar tal-ftehim ta’ delega.

L-Istati Parteċipanti u l-UE jagħmlu impenji bil-quddiem biex jikkontribwixxu għall-PRIMA. L-impenn tal-UE ta’ EUR 200 miljun mill-Qafas Finanzjarju Pluriennali attwali se jintuża prinċipalment biex jiffinanzja l-azzjonijiet indiretti li jirriżultaw minn sejħiet imnedija mill-PRIMA-IS. Dan se jkopri sensiela ta’ seba’ Pjanijiet ta’ Ħidma Annwali (2018 – 2024), bl-aħħar impenn mill-Kummissjoni li se jsir fl-2020 u li se jintuża għall-finanzjament ta’ proġetti li jirriżultaw mis-sejħiet fis-snin 2020 – 2024. L-Istati Parteċipanti se jiddeskrivu fil-Pjan ta’ Ħidma Annwali l-attivitajiet tagħhom iffinanzjati minn programmi nazzjonali u mill-baġits rispettivi allokati għal dawn l-attivitajiet. L-Istati Parteċipanti kienu diġà ġew mgħarrfa bil-bżonn li jipprovdu impenji sostanzjali fl-ewwel snin tal-implimentazzjoni tal-programm u biex jiffinanzjaw l-inizjattiva minn qabel biex jinħoloq bilanċ mal-pagament bil-quddiem li sar mill-baġit tal-Unjoni.

Il-kontribuzzjoni tal-UE għal kull Pjan ta’ Ħidma Annwali mhux se teċċedi l-impenn tal-Istati Parteċipanti għalih. Dan jiżgura li mill-inqas ikun hemm bilanċ b’kontribuzzjonijiet li jaqblu ta’ finanzjament tal-UE u tal-Istati Parteċipanti. Dan jippermetti mekkaniżmu li jnaqqas l-impenn tal-UE jekk l-Istati Parteċipanti jonqsu milli jimpenjaw kif mistenni.

5.ELEMENTI OĦRA

•Pjanijiet ta’ Ħidma Annwali, arranġamenti dwar il-monitoraġġ, l-evalwazzjoni u r-rappurtar

•Derogi mir-Regoli għall-Parteċipazzjoni ta’ Orizzont 2020

2016/0325 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar il-parteċipazzjoni tal-Unjoni
fis-Sħubija għar-Riċerka u l-Innovazzjoni fiż-Żona tal-Mediterran (PRIMA)
imwettqa b’mod konġunt minn bosta Stati Membri

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 185 u t-tieni paragrafu tal-Artikolu 188 tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 3 ,

Filwaqt li jaġixxu skont il-proċedura leġiżlattiva ordinarja,

Billi:

(1)Fil-Komunikazzjoni tagħha tat-3 ta’ Marzu 2010 bl-isem “Ewropa 2020 Strateġija għal tkabbir intelliġenti, sostenibbli u inklussiv” il-Kummissjoni saħqet dwar il-bżonn li jiġu żviluppati kundizzjonijiet favorevoli għall-investiment fl-għarfien u fl-innovazzjoni biex fl-Unjoni jinħoloq tkabbir intelliġenti, sostenibbli u inklussiv. Kemm il-Parlament Ewropew kif ukoll il-Kunsill approvaw dik l-istrateġija.

(2)Ir-Regolament (UE) Nru 1291/2013 tal-Parlament Ewropew u tal-Kunsill 4 stabbilixxa Orizzont 2020 - il-Programm Qafas għar-Riċerka u l-Innovazzjoni (2014-2020) (“Orizzont 2020”). L-Orizzont 2020 għandu l-għan li jikseb impatt akbar fuq ir-riċerka u l-innovazzjoni billi jikkontribwixxi għat-tisħiħ tas-sħubijiet pubbliċi-pubbliċi, inkluż permezz tal-parteċipazzjoni tal-Unjoni fi programmi mwettqa minn bosta Stati Membri.

(3)Is-sħubiji pubbliċi-pubbliċi għandu jkollhom l-għan li jiżviluppaw sinerġiji aktar mill-qrib, iżidu l-koordinazzjoni u jevitaw id-duplikazzjoni mhux meħtieġa mal-programmi ta’ riċerka internazzjonali, nazzjonali, reġjonali u dawk tal-Unjoni, u għandhom josservaw għalkollox il-prinċipji ġenerali ta’ Orizzont 2020, b’mod partikolari dawk li jirrigwardaw attitudni miftuħa u t-trasparenza.

(4)Ir-Regolament (UE) Nru 1291/2013 identifika “
Azzjoni klimatika, ambjent, effiċjenza tar-riżorsi u l-materja prima” u “Sigurtà tal-ikel, agrikoltura u foresterija sostenibbli, riċerka tal-baħar, marittima u tal-ilmijiet interni, u l-bijoekonomija” bħala tnejn mill-isfidi tas-soċjetà ta’ prijorità li jridu jiġu indirizzati bl-appoġġ għall-investiment fir-riċerka u l-innovazzjoni. Barra minn hekk, ir-Regolament (UE) Nru 1291/2013 jirrikonoxxi li l-attivitajiet tar-riċerka u l-innovazzjoni għal dawn l-isfidi għandhom jitwettqu fil-livell tal-Unjoni u lil hinn, minħabba n-natura transnazzjonali u globali tal-klima u l-ambjent, l-iskala u l-kumplessità tagħhom, u d-dimensjoni internazzjonali tal-katina alimentari u tal-provvista agrikola.

(5)Ir-Regolament (UE) Nru 1291/2013 jirrikonoxxi li l-kooperazzjoni internazzjonali ma’ pajjiżi terzi hija meħtieġa biex tindirizza sfidi komuni b’mod effettiv. Il-kooperazzjoni internazzjonali fir-riċerka u fl-innovazzjoni hija aspett ewlieni tal-impenji globali tal-Unjoni u għandha rwol importanti x’taqdi fis-sħubija tal-Unjoni mal-pajjiżi tal-viċinat. Din il-kooperazzjoni ssegwi l-approċċ meħud fil-politika Ewropea tal-viċinat biex tiddifferenzja l-livell ta’ kooperazzjoni ma’ kull pajjiż fil-viċinat abbażi tal-impenn tagħhom lejn l-Unjoni.

(6)Fil-Komunikazzjoni tagħha tas-7 ta’ Ġunju 2016 dwar it-twaqqif ta’ Qafas ta’ Sħubija ġdid ma’ pajjiżi terzi skont l-Aġenda Ewropea dwar il-Migrazzjoni, il-Kummissjoni enfasizzat il-ħtieġa li tistieden il-politiki kollha, inkluż dwar ir-riċerka u l-innovazzjoni, jindirizzaw il-kawżi ewlenin tal-migrazzjoni permezz ta’ mudell ġdid ta’ kooperazzjoni li jinvolvi lill-investituri privati, l-ingranaġġ ta' riżorsi tal-baġit limitati, u li jiffoka fuq l-SMEs u l-infrastruttura sostenibbli.

(7)Fit-23 ta’ Diċembru 2014, grupp ta’ 19-il pajjiż miż-Żona Mediterranja ppreżentaw lill-Kummissjoni bi proposta għal inizjattiva ta’ Programm Konġunt “Sħubija għar-Riċerka u l-Innovazzjoni fiż-Żona tal-Mediterran” (PRIMA). Fost dawn il-pajjiżi, 14-il pajjiż qablu li b’mod konġunt iwettqu l-inizjattiva PRIMA billi jimpenjaw kontribuzzjonijiet finanzjarji: Ċipru, ir-Repubblika Ċeka, Franza, il-Greċja, l-Italja, il-Lussemburgu, Malta, il-Portugall u Spanja, Stati Membri tal-Unjoni; Iżrael u t-Tuneżija, pajjiżi terzi assoċjati mal-Orizzont 2020; l-Eġittu, il-Libanu u l-Marokk, pajjiżi terzi mhux assoċjati mal-Orizzont 2020.

(8)Il-PRIMA għandha l-għan li timplimenta programm konġunt għall-iżvilupp u l-adozzjoni ta’ soluzzjonijiet innovattivi u integrati għal titjib fl-effiċjenza, is-sikurezza, is-sigurtà u s-sostenibbiltà tal-produzzjoni tal-ikel u l-provvista tal-ilma fiż-żona Mediterranja. Il-PRIMA għandha tikkontribwixxi għall-ilħuq tal-Għanijiet ta’ Żvilupp Sostenibbli maqbula reċentement u għall-Istrateġija Ewropea għal Żvilupp Sostenibbli li ġejja.

(9)Biex tiġi żgurata l-parteċipazzjoni fil-PRIMA tal-pajjiżi terzi mhux assoċjati mal-Orizzont 2020 , jiġifieri l-Eġittu, il-Libanu u l-Marokk, il-ftehimiet internazzjonali bejn l-Unjoni u dawn il-pajjiżi terzi għandhom ikunu meħtieġa sabiex ir-reġim legali stabbilit minn din id-Deċiżjoni jiġi estiż għalihom ukoll.

(10)F’konformità mal-objettivi tal-Orizzont 2020, kwalunkwe Stat Membru ieħor u pajjiż terz assoċjat mal-Orizzont 2020 għandu jkun intitolat jipparteċipa fil-PRIMA jekk jimpenja ruħu li jikkontribwixxi għall-finanzjament tal-PRIMA.

(11)Sabiex jintlaħqu dawn l-objettivi tal-PRIMA, il-parteċipazzjoni ta’ kwalunkwe pajjiż terz ieħor mhux assoċjat mal-Orizzont 2020, b’mod partikolari l-pajjiżi tan-Nofsinhar tal-Mediterran, għandha tkun possibbli jekk il-pajjiż terz jimpenja ruħu li jikkontribwixxi għall-finanzjament tal-PRIMA u jekk il-PRIMA-IS tapprova l-parteċipazzjoni tiegħu. Il-parteċipazzjoni tiegħu għandha tkun prevista wkoll mill-ftehim internazzjonali rilevanti bejn dan il-pajjiż terz u l-Unjoni.

(12)Sabiex tiġi żgurata l-implimentazzjoni konġunta tal-PRIMA, għandha tiġi stabbilita struttura ta’ implimentazzjoni (“PRIMA-IS”). Il-PRIMA-IS għandha tkun ir-riċevitur tal-kontribuzzjoni finanzjarja tal-Unjoni u għandha tiżgura l-implimentazzjoni effiċjenti tal-PRIMA.

(13)Il-kontribuzzjoni finanzjarja tal-Unjoni għandha tkun soġġetta għal impenji formali mill-Istati Parteċipanti biex tikkontribwixxi għall-finanzjament tal-PRIMA u għat-twettiq sħiħ ta’ dawk l-impenji skont it-termini ta’ din id-Deċiżjoni. Għandha tingħata flessibbiltà lill-Istati Parteċipanti biex b’mod fakultattiv jikkontribwixxu finanzjarjament għall-PRIMA-IS fid-dawl tal-finanzjament ta’ azzjonijiet indiretti, biex b’hekk jinkiseb grad għoli ta’ integrazzjoni finanzjarja. Barra minn hekk, l-Istati Parteċipanti għandhom jikkontribwixxu finanzjarjament jew in natura għall-attivitajiet implimentati mingħajr il-kontribuzzjoni tal-Unjoni. Il-perjodu li matulu l-Istati Parteċipanti għandhom jipprovdu l-kontribuzzjoni tagħhom għandu jiġi definit b’mod ċar.

(14)Għandu jiġi stabbilit limitu għall-kontribuzzjoni tal-Unjoni fil-PRIMA b'finanzjament mill-Orizzont 2020. F’dan il-limitu, il-kontribuzzjoni tal-Unjoni għandha tkun daqs il-kontribuzzjoni tal-Istati Parteċipanti fil-PRIMA ħalli jintlaħaq effett qawwi ta’ ingranaġġ u tkun żgurata integrazzjoni aktar b’saħħitha tal-programmi tal-Istati Parteċipanti. Għandu jkun possibbli li tintuża parti limitata mill-kontribuzzjoni tal-Unjoni biex tkopri l-kostijiet amministrattivi tal-PRIMA-IS.

(15)Sabiex tiġi evitata implimentazzjoni mtawla tal-PRIMA, għandha tiġi ffissata skadenza għat-tnedija tal-aħħar attivitajiet, inklużi l-aħħar sejħiet għal proposti.

(16)L-attivitajiet tal-PRIMA għandhom ikunu f’konformità mal-objettivi u l-prijoritajiet tar-riċerka u l-innovazzjoni ta’ Orizzont 2020 u mal-prinċipji ġenerali u l-kondizzjonijiet stabbiliti fl-Artikolu 26 tar-Regolament (UE) Nru 1291/2013. Il-PRIMA għandha tieħu kont tad-definizzjonijiet tal-OECD dwar il-Livell ta' Tlestija Teknoloġika fil-klassifikazzjoni tar-riċerka teknoloġika, l-iżvilupp tal-prodotti u l-attivitajiet ta' dimostrazzjoni.

(17)Sabiex jintlaħqu l-objettivi tal-PRIMA, il-PRIMA-IS għandha tipprovdi appoġġ finanzjarju prinċipalment fil-forma ta’ għotjiet lill-parteċipanti fl-azzjonijiet iffinanzjati mill-PRIMA-IS. Dawk l-azzjonijiet għandhom jintgħażlu wara sejħiet għal proposti miftuħa u kompetittivi taħt ir-responsabbiltà tal-PRIMA-IS.

(18)Is-sejħiet għal proposti li tieħu ħsieb il-PRIMA-IS għandhom jiġu ppubblikati wkoll fuq il-portal uniku għall-parteċipanti, kif ukoll permezz ta’ mezzi elettroniċi oħra ta’ tixrid ta’ Orizzont 2020 li tieħu ħsieb il-Kummissjoni.

(19)Il-kontribuzzjoni finanzjarja tal-Unjoni għandha tkun ġestita skont il-prinċipju ta’ ġestjoni finanzjarja soda u r-regoli dwar il-ġestjoni indiretta stabbiliti fir-Regolament (UE, Euratom) Nru 966/2012 tal-Parlament Ewropew u tal-Kunsill 5 u r-Regolament Delegat tal-Kummissjoni (UE) Nru 1268/2012 6 .

(20)Biex jitħarsu l-interessi finanzjarji tal-Unjoni, il-Kummissjoni għandu jkollha d-dritt tnaqqas, tissospendi jew tittermina l-kontribuzzjoni finanzjarja tal-Unjoni jekk il-PRIMA tiġi implimentata b’mod inadegwat, parzjalment jew tard, jew jekk l-Istati Parteċipanti ma jikkontribwixxux, jew jikkontribwixxu parzjalment jew tard, għall-finanzjament tal-PRIMA.

(21)Il-parteċipazzjoni f’azzjonijiet indiretti ffinanzjati mill-PRIMA-IS hija soġġetta għar-Regolament (UE) Nru 1290/2013 tal-Parlament Ewropew u tal-Kunsill 7 . Madankollu, minħabba l-bżonnijiet operattivi speċifiċi tal-PRIMA, hemm bżonn jingħataw derogi skont l-Artikolu 1(3) ta’ dak ir-Regolament.

(22)Id-derogi mill-punt (b) tal-Artikolu 9(1) u mill-Artikolu 9(3) tar-Regolament (UE) Nru 1290/2013 huma meħtieġa sabiex jieħdu kont tal-ispeċifiċitajiet li jirriżultaw mill-kamp ta' applikazzjoni ġeografiku tal-PRIMA, billi jaġġustaw aktar il-kundizzjonijiet minimi tal-eliġibbiltà għall-parteċipazzjoni f’azzjonijiet indiretti. Sabiex tiġi żgurata parteċipazzjoni ewlenija bbilanċjata fl-azzjonijiet indiretti taħt konfigurazzjoni bejn it-Tramuntana u n-Nofsinhar, bħala deroga mill-punt (b) tal-Artikolu 9(1) tar-Regolament (UE) Nru 1290/2013, in-numru minimu ta’ parteċipanti għandu jkun tliet entitajiet ġuridiċi stabbiliti fi tliet Stati Parteċipanti differenti li minnhom waħda hija stabbilita fi Stat Membru jew f’pajjiż assoċjat mal-Orizzont 2020, u waħda hija stabbilita f’pajjiż terz, assoċjat jew le mal-Orizzont 2020. Id-deroga mill-Artikolu 9(3) tar-Regolament (UE) Nru 1290/2013 hija meħtieġa sabiex tiżgura li l-kundizzjonijiet minimi tal-eliġibbiltà għall-parteċipazzjoni f’azzjonijiet indiretti ma jkunux diskriminatorji għal entitajiet stabbiliti f’pajjiżi terzi li jipparteċipaw fil-PRIMA bħala Stati Parteċipanti. Sabiex jiġi żgurat li l-kundizzjonijiet tal-finanzjament mhumiex diskriminatorji għall-entitajiet stabbiliti f’pajjiżi terzi li jipparteċipaw fil-PRIMA bħala Stati Parteċipanti, għandu jiġi previst li l-entitajiet ġuridiċi stabbiliti fl-Istati Parteċipanti jkunu eliġibbli għall-finanzjament flimkien mal-entitajiet imsemmija fl-Artikolu 10(1) tar-Regolament (UE) Nru 1290/2013. Id-derogi mill-Artikolu 12 tar-Regolament (UE) Nru 1290/2013 huma meħtieġa sabiex jippermettu t-twessigħ tal-kooperazzjoni permezz ta’ sejħiet konġunti mnedija mill-PRIMA-IS ma’ entitajiet ġuridiċi għajr pajjiżi terzi u organizzazzjonijiet internazzjonali.

(23)Għall-finijiet ta’ simplifikazzjoni, il-piż amministrattiv għandu jitnaqqas għall-partijiet kollha. Awditi doppji u dokumentazzjoni u rapportar sproporzjonati għandhom jiġu evitati. Meta jsiru l-awditi, għandhom jiġu kkunsidrati l-ispeċifiċitajiet tal-programmi nazzjonali, kif xieraq.

(24)Awditi ta’ riċevituri ta’ fondi tal-Unjoni pprovduti skont din id-Deċiżjoni għandhom jiżguraw it-tnaqqis tal-piż amministrattiv, skont ir-Regolament (UE) Nru 1291/2013.

(25)L-interessi finanzjarji tal-Unjoni għandhom jitħarsu permezz ta' miżuri proporzjonati tul iċ-ċiklu tal-infiq kollu, inkluż il-prevenzjoni, il-kxif u l-investigazzjoni ta’ irregolaritajiet, l-irkupru ta’ fondi mitlufa, imħallsa ħażin jew użati ħażin u, meta xieraq, sanzjonijiet amministrattivi skont ir-Regolament (UE, Euratom) Nru 966/2012.

(26)Il-Kummissjoni għandha tmexxi evalwazzjoni interim li b’mod partikolari tivvaluta l-kwalità u l-effiċjenza tal-PRIMA u l-progress li jkun sar għall-għanijiet stabbiliti u evalwazzjoni finali u għandha tħejji rapporti dwar dawk l-evalwazzjonijiet.

(27)Fuq talba mill-Kummissjoni, il-PRIMA-IS u l-Istati Parteċipanti għandhom iressqu kwalunkwe informazzjoni li l-Kummissjoni jeħtieġ tinkludi fir-rapporti dwar l-evalwazzjoni tal-PRIMA.

(28)L-objettiv ta’ din id-Deċiżjoni huwa li ssaħħaħ l-integrazzjoni u l-allinjament tas-sistemi tar-riċerka u tal-innovazzjoni fil-pajjiżi Mediterranji fl-oqsma tal-provvista tal-ilma u tas-sistemi tal-ikel. L-iskala tar-riċerka u l-innovazzjoni meħtieġa biex jiġu indirizzati l-isfidi fiż-żona tal-Mediterran hija immensa minħabba l-karattru sistemiku tal-konġestjonijiet ewlenin. Il-kamp ta' applikazzjoni tar-riċerka u tal-innovazzjoni huwa kumpless, multidixxiplinarju u jeħtieġ approċċ b’diversi atturi u transkonfinali. Approċċ kollaborattiv b’sett wiesa’ ta’ Stati Parteċipanti jista’ jgħin biex iżid l-iskala u l-kamp ta' applikazzjoni meħtieġa, billi jinġabru flimkien ir-riżorsi finanzjarji u intellettwali. Għalhekk, peress li l-għan jista’ jintlaħaq aħjar fil-livell tal-Unjoni billi jiġu integrati l-isforzi nazzjonali f’approċċ tal-Unjoni konsistenti, billi jingħaqdu programmi nazzjonali tar-riċerka li huma maqtugħin għalihom, billi tingħata għajnuna biex jitfasslu strateġiji komuni tar-riċerka u l-finanzjament li jegħlbu l-fruntieri nazzjonali, u billi tinkiseb il-massa kritika ta’ atturi u ta' investimenti meħtieġa, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-Artikolu, din id-Deċiżjoni ma tmurx lil hinn minn dak meħtieġ biex jintlaħqu dawk l-għanijiet.

(29)Għalhekk, l-Unjoni għandha tipparteċipa fil-PRIMA,

ADOTTAW DIN ID-DEĊIŻJONI:

Artikolu 1
Parteċipazzjoni fil-PRIMA

1.L-Unjoni għandha tipparteċipa fis-Sħubija għar-Riċerka u l-Innovazzjoni fiż-Żona tal-Mediterran (“PRIMA”) imwettqa b’mod konġunt minn [Ċipru, ir-Repubblika Ċeka, Franza, il-Greċja, Iżrael, l-Italja, il-Lussemburgu, Malta, il-Portugall, Spanja u t-Tuneżija] (“Stati Parteċipanti”), skont il-kundizzjonijiet stabbiliti f’din id-Deċiżjoni.

2.L-Eġittu, il-Libanu u l-Marokk għandhom isiru Stati Parteċipanti soġġetti għall-konklużjoni ta’ ftehimiet internazzjonali mal-Unjoni li jistabbilixxu t-termini u l-kundizzjonijiet tal-parteċipazzjoni tagħhom fil-PRIMA.

3.Kwalunkwe Stat Membru u kwalunkwe pajjiż assoċjat mal-Orizzont 2020 għajr dawk elenkati fil-paragrafu 1 jistgħu jieħdu sehem fil-PRIMA sakemm jissodisfaw il-kundizzjoni stabbilita fil-punt (c) tal-Artikolu 4(1) ta’ din id-Deċiżjoni. Jekk jissodisfa dik il-kundizzjoni, għandu jitqies bħala Stat Parteċipanti għall-finijiet ta’ din id-Deċiżjoni.

4.Kwalunkwe pajjiż terz mhux assoċjat mal-Orizzont 2020 għajr dawk elenkati fil-paragrafu 2 jista’ jieħu sehem fil-PRIMA sakemm:

(a)jissodisfa l-kundizzjoni stabbilita fil-punt (c) tal-Artikolu 4(1) ta’ din id-Deċiżjoni;

(b)il-PRIMA-IS tapprova l-parteċipazzjoni tiegħu fil-PRIMA wara li teżamina r-rilevanza tal-parteċipazzjoni tiegħu għall-ilħuq tal-objettivi tal-PRIMA; kif ukoll

(c)jikkonkludi ftehim internazzjonali mal-Unjoni li jistabbilixxi t-termini u l-kundizzjonijiet tal-parteċipazzjoni tiegħu fil-PRIMA.

Jekk il-pajjiż jikkonforma mar-rekwiżiti stabbiliti fl-ewwel subparagrafu, għandu jitqies bħala Stat Parteċipanti għall-finijiet ta’ din id-Deċiżjoni.

Artikolu 2
L-objettivi tal-PRIMA

1.L-objettiv ġenerali tal-PRIMA huwa li tiżviluppa s-soluzzjonijiet innovattivi komuni ppilotati bis-sħiħ u murija għall-provvista tal-ilma u s-sistemi tal-ikel fir-reġjun tal-Mediterran, biex tagħmilhom aktar reżiljenti għall-klima, effiċjenti, kosteffikaċi u sostenibbli, u biex tikkontribwixxi għas-soluzzjoni upstream ta’ problemi dwar in-nutrizzjoni, is-saħħa, il-benesseri u l-migrazzjoni.

2.Sabiex tikkontribwixxi għall-objettiv ġenerali, il-PRIMA għandha tilħaq dawn l-objettivi speċifiċi li ġejjin:

(i)il-formulazzjoni ta’ aġenda strateġika komuni stabbli u fit-tul fil-qasam tal-provvista tal-ilma u tas-sistemi tal-ikel;

(ii)l-orjentazzjoni tal-programmi nazzjonali kollha tar-R&I lejn l-implimentazzjoni tal-aġenda strateġika;

(iii)l-involviment strutturali tal-atturi rilevanti kollha fis-settur pubbliku u privat fl-implimentazzjoni tal-aġenda strateġika billi jinġabru flimkien l-għarfien u r-riżorsi finanzjarji biex tinkiseb il-massa kritika meħtieġa;

(iv)it-tisħiħ tal-finanzjament u tal-kapaċitajiet ta’ implimentazzjoni tal-atturi kollha involuti.

Artikolu 3
Il-kontribuzzjoni finanzjarja tal-Unjoni għall-PRIMA

1.Il-kontribuzzjoni finanzjarja massima tal-Unjoni, inklużi l-approprjazzjonijiet tal-EFTA, għall-PRIMA għandha tkun EUR 200 000 000 biex tkun ugwali għall-kontribuzzjonijiet tal-Istati Parteċipanti.

2.Il-kontribuzzjoni finanzjarja tal-Unjoni għandha titħallas mill-approprjazzjonijiet fil-baġit ġenerali tal-Unjoni allokati għall-partijiet rilevanti tal-Programm Speċifiku li jimplimenta l-Orizzont 2020, stabbilit mid-Deċiżjoni tal-Kunsill 2013/743/UE 8 , u b’mod partikolari mill-Parti II “Tmexxija Industrijali” u mill-Parti III “Sfidi tas-soċjetà”, skont il-punt (c)(vi) tal-Artikolu 58(1) u l-Artikoli 60 u 61 tar-Regolament (UE, Euratom) Nru 966/2012.

3.Il-kontribuzzjoni finanzjarja tal-Unjoni għandha tintuża mill-istruttura ta’ implimentazzjoni tal-PRIMA (il-“PRIMA-IS”):

(a)biex tiffinanzja l-attivitajiet imsemmija fl-Artikolu 6(1)(a);

(b)biex tkopri l-kostijiet amministrattivi tal-PRIMA-IS, sa massimu ta’ 5% tal-kontribuzzjoni finanzjarja tal-Unjoni.

Artikolu 4
Il-kundizzjonijiet għall-kontribuzzjoni finanzjarja tal-Unjoni għall-PRIMA

1.Il-kontribuzzjoni finanzjarja tal-Unjoni għandu jkollha dawn il-kundizzjonijiet:

(a)l-Istati Parteċipanti juru li l-PRIMA hija stabbilita skont it-termini stabbiliti f’din id-Deċiżjoni;

(b)id-deżinjazzjoni mill-Istati Parteċipanti jew mill-organizzazzjonijiet iddeżinjati mill-Istati Parteċipanti ta’ entità b’personalità ġuridika, kif imsemmi fl-Artikolu 58(1)(c)(vi) tar-Regolament (UE, Euratom) Nru 966/2012, bħala l-PRIMA-IS. Il-PRIMA-IS għandha tkun responsabbli għall-implimentazzjoni effiċjenti tal-PRIMA, biex tirċievi, talloka u timmonitorja l-kontribuzzjoni finanzjarja tal-Unjoni, kif ukoll il-kontribuzzjoni tal-Istati Parteċipanti, fejn xieraq, u biex tiżgura li l-azzjonijiet meħtieġa kollha jitwettqu biex jintlaħqu l-objettivi tal-PRIMA;

(c)l-impenn ta’ kull Stat Parteċipant li jikkontribwixxi għall-finanzjament tal-PRIMA;

(d)il-PRIMA-IS turi l-kapaċità tagħha biex timplimenta l-PRIMA, inkluż li tirċievi, talloka u timmonitorja l-kontribuzzjoni tal-Unjoni fil-qafas tal-ġestjoni indiretta tal-baġit tal-Unjoni skont l-Artikoli 58, 60 u 61 tar-Regolament (UE, Euratom) Nru 966/2012;

(e)l-istabbiliment ta’ mudell ta’ governanza għall-PRIMA skont l-Artikolu 12;

(f)l-adozzjoni mill-PRIMA-IS, wara li tikseb l-approvazzjoni mill-Kummissjoni, tal-prinċipji komuni msemmija fl-Artikolu 6(6).

2.Matul l-implimentazzjoni tal-PRIMA, il-kontribuzzjoni finanzjarja tal-Unjoni għandu jkollha wkoll dawn il-kundizzjonijiet li ġejjin:

(a)l-implimentazzjoni mill-PRIMA-IS tal-objettivi stabbiliti fl-Artikolu 2, u tal-attivitajiet imsemmija fl-Artikolu 6;

(b)iż-żamma ta’ mudell ta’ governanza xieraq u effiċjenti skont l-Artikolu 12;

(c)il-PRIMA-IS tkun konformi mar-rekwiżiti tar-rappurtar stabbiliti fl-Artikolu 60(5) tar-Regolament (UE, Euratom) Nru 966/2012;

(d)it-twettiq mill-Istati Parteċipanti tal-impenji msemmija fil-punt (c) tal-paragrafu 1.

3.Il-Kummissjoni għandha tivvaluta t-twettiq tal-impenji assunti mill-Istati Parteċipanti, b’mod partikolari permezz tal-ewwel żewġ pjanijiet ta’ ħidma annwali tal-PRIMA. Wara dik il-valutazzjoni, il-kontribuzzjoni massima tal-Unjoni msemmija fl-Artikolu 3(1) għandha tiġi riveduta skont l-Artikolu 9.

Artikolu 5
Kontribuzzjonijiet mill-Istati Parteċipanti għall-PRIMA

1.L-Istati Parteċipanti għandhom jagħmlu l-arranġamenti meħtieġa biex il-korpi ta’ finanzjament nazzjonali tagħhom jagħmlu kontribuzzjonijiet finanzjarji jew in natura ta’ mill-anqas EUR 200 000 000 matul il-perjodu mid-data tad-dħul fis-seħħ ta’ din id-Deċiżjoni sal-31 ta’ Diċembru 2028.

2.Il-Kontribuzzjonijiet mill-Istati Parteċipanti jew il-korpi ta’ finanzjament nazzjonali tagħhom għandhom jikkonsistu minn dan li ġej:

(a)fejn xieraq, kontribuzzjonijiet finanzjarji lill-PRIMA-IS fid-dawl tal-azzjonijiet indiretti ta’ finanzjament imsemmija fl-Artikolu 6(1)(a);

(b)kontribuzzjonijiet finanzjarji jew in natura fl-implimentazzjoni ta’ attivitajiet imsemmija fl-Artikolu 6(1)(b); kif ukoll

(c)kontribuzzjonijiet finanzjarji għall-baġit amministrattiv tal-PRIMA-IS mhux koperti mill-kontribuzzjoni tal-Unjoni kif stabbilit fl-Artikolu 3(3)(b).

3.Il-kontribuzzjonijiet in natura msemmija fil-punt (b) tal-paragrafu 2 ta’ dan l-Artikolu għandhom jikkonsistu minn kostijiet li jġarrbu l-Istati Parteċipanti permezz tal-korpi ta’ finanzjament nazzjonali tagħhom biex jimplimentaw attivitajiet imsemmija fl-Artikolu 6(1)(b), wara li titnaqqas kull kontribuzzjoni finanzjarja diretta jew indiretta tal-Unjoni għal dawk il-kostijiet.

4.Għall-finijiet tal-valutazzjoni tal-kontribuzzjonijiet in natura msemmija fil-punt (b) tal-paragrafu 2, il-kostijiet għandhom jiġu ddeterminati skont il-prattiki tal-kontabilità normali tal-Istati Parteċipanti jew tal-korpi ta’ finanzjament nazzjonali kkonċernati, l-istandards tal-kontabilità applikabbli tal-Istat Parteċipanti fejn il-korpi ta’ finanzjament nazzjonali kkonċernati huma stabbiliti u l-Istandards Internazzjonali tal-Kontabilità/Standards Internazzjonali tar-Rappurtar Finanzjarju applikabbli. Il-kostijiet għandhom jiġu ċċertifikati minn awditur indipendenti maħtur mill-Istati Parteċipanti jew mill-korpi ta’ finanzjament nazzjonali kkonċernati. Jekk ikun hemm xi inċertezza li tirriżulta miċ-ċertifikazzjoni, il-metodu tal-valutazzjoni jista’ jiġi vverifikat mill-PRIMA-IS. Fil-każ ta’ inċertezzi li jibqgħu, jista’ jiġi awditjat mill-PRIMA-IS.

5.Il-kontribuzzjonijiet imsemmija fil-punti (a) u (b) tal-paragrafu 2 li jgħoddu bħala kontribuzzjonijiet mill-Istati Parteċipanti għandhom isiru wara d-dħul fis-seħħ ta’ din id-Deċiżjoni għall-attivitajiet inklużi fl-ewwel pjan ta’ ħidma annwali tal-PRIMA, u wara l-adozzjoni mill-PRIMA-IS tal-pjanijiet ta’ ħidma annwali sussegwenti.

Artikolu 6
Attivitajiet u l-implimentazzjoni tal-PRIMA

1.Il-PRIMA għandha tappoġġja dawn l-attivitajiet li ġejjin:

(a) l-azzjonijiet indiretti fis-sens tar-Regolamenti (UE) Nru 1290/2013 u (UE) Nru 1291/2013 iffinanzjati mill-PRIMA-IS skont l-Artikolu 7, prinċipalment fil-forma ta’ għotjiet wara sejħiet għal proposti transnazzjonali, miftuħa u kompetittivi organizzati mill-PRIMA-IS, inklużi:

(i) azzjonijiet ta’ riċerka u innovazzjoni, kif ukoll azzjonijiet ta’ innovazzjoni, inklużi dimostraturi, pjanti pilota, ittestjar, użu prekummerċjali, indirizzar b’mod partikolari tal-Livelli ogħla ta’ Tlestija tat-Teknoloġija;

(ii) azzjonijiet ta’ koordinazzjoni u appoġġ li jiffukaw fuq it-tixrid u s-sensibilizzazzjoni biex jippromwovu l-PRIMA u jimmassimizzaw l-impatti tagħha;

(b) attivitajiet iffinanzjati mill-Istati Parteċipanti permezz tal-korpi ta’ finanzjament nazzjonali tagħhom mingħajr il-kontribuzzjoni tal-Unjoni, li qed jindirizzaw dejjem aktar il-Livelli ta' Tlestija Teknoloġika ogħla u li jikkonsistu f':

(i) attivitajiet magħżula wara sejħiet għal proposti transnazzjonali, miftuħa u kompetittivi organizzati mill-PRIMA-IS, ġestiti mill-korpi ta’ finanzjament nazzjonali taħt il-programmi nazzjonali tal-Istati Parteċipanti, li jipprovdu appoġġ finanzjarju prinċipalment fil-forma ta’ għotjiet;

(ii) attivitajiet taħt il-programmi nazzjonali tal-Istati Parteċipanti.

2.Il-PRIMA għandha tiġi implimentata fuq il-bażi ta’ pjanijiet ta’ ħidma annwali, li għandhom jiġu adottati mill-PRIMA-IS, wara li tinkiseb l-approvazzjoni mill-Kummissjoni, sal-aħħar tas-sena ta’ qabel. Bħala eċċezzjoni, il-pjan ta’ ħidma annwali tal-PRIMA għall-2018 jista’ jiġi adottat sal-31 ta’ Marzu 2018. Il-PRIMA-IS għandha tagħmel il-pjan ta’ ħidma annwali pubblikament disponibbli.

3.L-attivitajiet jistgħu jiġu ffinanzjati biss taħt il-PRIMA jekk ikunu stabbiliti fil-pjan ta’ ħidma annwali tal-PRIMA. Il-pjan ta’ ħidma annwali tal-PRIMA għandu jiddistingwi bejn l-attivitajiet imsemmija fil-punt (a) tal-paragrafu 1, l-attivitajiet imsemmija fil-punt (b) ta’ dak il-paragrafu, kif ukoll il-kostijiet amministrattivi tal-PRIMA-IS. Għandu jipprovdi għall-istimi korrispondenti tagħhom tan-nefqa kif ukoll għall-allokazzjoni tal-baġit għal attivitajiet iffinanzjati bil-kontribuzzjoni tal-Unjoni u għal attivitajiet iffinanzjati mill-Istati Parteċipanti permezz tal-korpi ta’ finanzjament nazzjonali tagħhom mingħajr il-kontribuzzjoni tal-Unjoni. Il-pjan ta’ ħidma annwali tal-PRIMA għandu jinkludi wkoll il-valur stmat tal-kontribuzzjonijiet in natura tal-Istati Parteċipanti msemmija fl-Artikolu 5(2)(b).

4.L-aħħar attivitajiet li għandhom jiġu ffinanzjati, inkluż l-aħħar sejħiet għal proposti taħt il-pjanijiet ta’ ħidma annwali rilevanti tal-PRIMA għandhom jiġu mnedija sal-31 ta’ Diċembru 2024. F’każijiet debitament iġġustifikati, jistgħu jiġu mnedija sal-31 ta’ Diċembru 2025.

5.L-attivitajiet li se jiġu ffinanzjati mill-Istati Parteċipanti permezz tal-korpi ta’ finanzjament nazzjonali tagħhom mingħajr il-kontribuzzjoni tal-Unjoni, jistgħu jiġu inklużi biss fil-pjan ta’ ħidma annwali tal-PRIMA wara l-eżitu pożittiv tal-evalwazzjoni indipendenti esterna tagħhom minn evalwazzjoni internazzjonali bejn il-pari fir-rigward tal-objettivi tal-PRIMA, kif organizzata mill-PRIMA-IS.

6.L-attivitajiet inklużi fil-pjan ta’ ħidma annwali tal-PRIMA li huma ffinanzjati mill-Istati Parteċipanti permezz tal-korpi ta’ finanzjament nazzjonali tagħhom mingħajr il-kontribuzzjoni tal-Unjoni għandhom jiġu implimentati f’konformità ma’ prinċipji komuni li għandhom jiġu adottati mill-PRIMA-IS, wara li tinkiseb l-approvazzjoni mill-Kummissjoni. Il-prinċipji komuni għandhom iqisu l-prinċipji stabbiliti f’din id-Deċiżjoni, fit-Titolu VI tar-Regolament (UE, Euratom) Nru 966/2012 u fir-Regolament (UE) Nru 1290/2013, b’mod partikolari l-prinċipji ta’ trattament ugwali, trasparenza, evalwazzjoni internazzjonali bejn il-pari indipendenti u għażla. Il-PRIMA-IS għandha tadotta wkoll, wara li tikseb l-approvazzjoni mill-Kummissjoni, ir-rekwiżiti ta’ rapportur tal-Istati Parteċipanti lill-PRIMA-IS, inkluż fir-rigward ta’ indikaturi mdaħħla f’kull waħda minn dawk l-attivitajiet.

7.L-attivitajiet imsemmija fil-punt (b)(i) tal-paragrafu 1 għandhom, flimkien mal-prinċipji komuni msemmija fil-paragrafu 6, jikkonformaw mal-kundizzjonijiet li ġejjin:

(a)    Il-proposti għandhom ikunu għal proġetti transnazzjonali, bil-parteċipazzjoni minima ta’ mill-anqas tliet entitajiet ġuridiċi indipendenti stabbiliti fi tliet Stati Parteċipanti differenti, li minnhom:

(i)    waħda għandha tkun stabbilita fi Stat Membru jew f’pajjiż assoċjat mal-Orizzont 2020, u

(ii)    waħda f’pajjiż terz meqjus bħala Stat Parteċipanti skont din id-Deċiżjoni sad-data ta’ skadenza għas-sottomissjoni taħt is-sejħa għal proposti rilevanti.

(b)    Il-proposti għandhom jintgħażlu wara sejħiet għal proposti transnazzjonali u permezz ta’ proċedura b'żewġ passi. L-Ewwel Pass (1) għandu jikkonsisti f’analiżi fuq livell nazzjonali jew transnazzjonali tal-proposti ppreżentati mill-entitajiet ġuridiċi eliġibbli għall-finanzjament taħt il-programmi nazzjonali rilevanti. It-Tieni Pass (2) għandu jikkonsisti minn evalwazzjoni internazzjonali bejn il-pari indipendenti unika organizzata mill-PRIMA-IS. Taħt it-tieni pass (2), il-proposti għandhom jiġu evalwati bl-għajnuna ta’ mill-anqas tliet esperti indipendenti, fuq il-bażi tal-kriterji tal-għoti li ġejjin: eċċellenza, impatt, kwalità u effiċjenza tal-implimentazzjoni.

(c)    Il-proposti għandhom jiġu kklassifikati skont ir-riżultati tal-evalwazzjoni. L-għażla għandha ssir mill-PRIMA-IS fuq il-bażi ta’ din il-klassifikazzjoni. L-Istati Parteċipanti għandhom jaqblu dwar mod ta’ finanzjament adegwat li jippermetti l-massimizzazzjoni tan-numru ta’ proposti li għandhom jiġu ffinanzjati fuq il-bażi ta’ din il-klassifika, b’mod partikolari billi jiġu pprovduti ammonti ta’ riżerva għall-kontribuzzjonijiet nazzjonali għas-sejħiet għal proposti.

8.Il-PRIMA-IS għandha timmonitorja u tirrapporta lill-Kummissjoni dwar l-implimentazzjoni tal-attivitajiet kollha inklużi fil-pjan ta’ ħidma annwali tal-PRIMA.

9.Kwalunkwe komunikazzjoni jew pubblikazzjoni relatata mal-attivitajiet tal-PRIMA, u li ssir f’kooperazzjoni mal-PRIMA, kemm jekk twettaqhom il-PRIMA-IS, Stat Parteċipanti jew il-korpi ta’ finanzjament nazzjonali tiegħu, jew parteċipanti f’attività, għandha tiġi ttikkettata jew ikkotikkettata bħala “[isem l-attività] hi parti mill-programm PRIMA appoġġjat mill-Unjoni Ewropea”.

Artikolu 7
Regoli għall-parteċipazzjoni u t-tixrid

1.Il-PRIMA-IS għandha titqies bħala korp ta’ finanzjament fis-sens tar-Regolament (UE) Nru 1290/2013 u għandha tipprovdi appoġġ finanzjarju għal azzjonijiet indiretti msemmija fl-Artikolu 6(1)(a) ta’ din id-Deċiżjoni skont ir-regoli stabbiliti f’dak ir-Regolament, suġġett għad-derogi stabbiliti f’dan l-Artikolu. 

2.Permezz ta’ deroga mill-punt (b) tal-Artikolu 9(1) tar-Regolament (UE) Nru 1290/2013, in-numru minimu ta’ parteċipanti għandu jkun tliet entitajiet ġuridiċi stabbiliti fi tliet Stati Parteċipanti differenti li minnhom:

(a)    waħda għandha tkun stabbilita fi Stat Membru jew f’pajjiż assoċjat mal-Orizzont 2020, u

(b)    waħda stabbilita f’pajjiż terz meqjus bħala Stat Parteċipanti skont din id-Deċiżjoni sad-data ta’ skadenza għas-sottomissjoni taħt is-sejħa għal proposti rilevanti.

3.Permezz ta’ deroga mill-Artikolu 9(3) tar-Regolament (UE) Nru 1290/2013, f’każijiet debitament iġġustifikati previsti fil-pjan ta’ ħidma annwali tal-PRIMA, il-kundizzjoni minima għandha tkun il-parteċipazzjoni ta’ entità ġuridika waħda stabbilita fi Stat Parteċipanti, li huwa Stat Membru, pajjiż assoċjat mal-Orizzont 2020 jew pajjiż terz meqjus bħala Stat Parteċipanti skont din id-Deċiżjoni sal-iskadenza għas-sottomissjoni taħt is-sejħa għal proposti rilevanti.

4.Flimkien mal-parteċipanti eliġibbli għall-finanzjament skont l-Artikolu 10(1) tar-Regolament (UE) Nru 1290/2013, kwalunkwe entità ġuridika stabbilita fi Stat Parteċipanti għandha tkun eliġibbli għall-finanzjament.

5.Permezz ta’ deroga mill-Artikolu 12 tar-Regolament (UE) Nru 1290/2013, fejn tali attività tkun inkluża fil-pjan ta’ ħidma annwali tal-PRIMA, il-PRIMA-IS tista’ tniedi sejħiet konġunti ma’ pajjiżi terzi għajr l-Istati Parteċipanti jew l-organizzazzjonijiet u l-aġenziji xjentifiċi u teknoloġiċi tagħhom, ma’ organizzazzjonijiet internazzjonali jew ma’ partijiet terzi oħra, b’mod partikolari organizzazzjonijiet mhux governattivi, skont ir-regoli stabbiliti fl-Artikolu 12 tar-Regolament (UE) Nru 1290/2013.

Artikolu 8
Ftehimiet bejn l-Unjoni u l-PRIMA-IS

1.Soġġetta għal valutazzjoni ex ante pożittiva tal-PRIMA-IS skont l-Artikolu 61(1) tar-Regolament (UE, Euratom) Nru 966/2012 u l-għoti ta’ garanziji finanzjarji adegwati skont l-Artikolu 58(1)(c)(vi) tiegħu, il-Kummissjoni, f’isem l-Unjoni, għandha tikkonkludi ftehim ta’ delega u ftehimiet annwali tat-trasferiment tal-fondi mal-PRIMA-IS.

2.Il-ftehim ta’ delega msemmi fil-paragrafu 1 għandu jiġi konkluż skont l-Artikoli 58(3), 60 u 61 tar-Regolament (UE, Euratom) Nru 966/2012 u l-Artikolu 40 tar-Regolament Delegat (UE) Nru 1268/2012. Fost l-oħrajn dan għandu jistabbilixxi wkoll dawn li ġejjin:

(a)    ir-rekwiżiti għall-kontribuzzjoni tal-PRIMA-IS dwar l-indikaturi tal-prestazzjoni stabbiliti fl-Anness II għad-Deċiżjoni 2013/743/UE;

(b)    ir-rekwiżiti għall-kontribuzzjoni tal-PRIMA-IS għall-monitoraġġ imsemmi fl-Anness III għad-Deċiżjoni 2013/743/UE;

(c)    l-indikaturi ta’ prestazzjoni speċifiċi relatati mal-funzjonament tal-PRIMA-IS;

(d)    ir-rekwiżiti għall-PRIMA-IS dwar l-għoti tal-informazzjoni fuq il-kostijiet amministrattivi u ċ-ċifri fid-dettall dwar l-implimentazzjoni tal-PRIMA;

(e)    l-arranġamenti dwar l-għoti tad-data meħtieġa biex tiżgura li l-Kummissjoni kapaċi tissodisfa l-obbligi tagħha tat-tixrid u tar-rapportur;

(f)    l-arranġamenti għall-approvazzjoni jew ir-rifjut mill-Kummissjoni tal-abbozz tal-pjan ta’ ħidma annwali tal-PRIMA, il-prinċipji komuni msemmija fl-Artikolu 6(6) u r-rekwiżiti tar-rapportur tal-Istati Membri, qabel jiġu adottati mill-PRIMA-IS; kif ukoll

(g)    dispożizzjonijiet għall-pubblikazzjoni ta’ sejħiet għal proposti mill-PRIMA-IS, b’mod partikolari fuq il-portal uniku għall-parteċipanti kif ukoll permezz ta’ mezzi elettroniċi ta’ tixrid oħrajn tal-Orizzont 2020 ġestiti mill-Kummissjoni.

Artikolu 9
Terminazzjoni, tnaqqis jew sospensjoni tal-kontribuzzjoni finanzjarja tal-Unjoni

3.Jekk il-PRIMA ma tiġix implimentata jew ma tiġix implimentata kif xieraq, jew tiġi implimentata parzjalment jew tard, il-Kummissjoni tista’ tittermina, tnaqqas proporzjonalment jew tissospendi l-kontribuzzjoni finanzjarja tal-Unjoni skont l-implimentazzjoni attwali tal-PRIMA.

4.Jekk l-Istati Parteċipanti ma jikkontribwixxux, jikkontribwixxu parzjalment jew tard għall-finanzjament tal-PRIMA, il-Kummissjoni tista’ tittermina, tnaqqas proporzjonalment jew tissospendi l-kontribuzzjoni finanzjarja tal-Unjoni, filwaqt li tqis l-ammont ta’ finanzjament allokat mill-Istati Parteċipanti biex jimplimentaw il-PRIMA.

Artikolu 10
Awditi ex-post

1.L-awditi ex-post tan-nefqa fuq l-azzjonijiet indiretti msemmija fl-Artikolu 6(1)(a) ta’ din id-Deċiżjoni għandhom jitwettqu mill-PRIMA-IS skont l-Artikolu 29 tar-Regolament (UE) Nru 1291/2013.

2.Il-Kummissjoni tista’ tiddeċiedi li tagħmel l-awditi msemmija fil-paragrafu 1 hi stess. F’dawn il-każijiet, għandha tagħmel dan f’konformità mar-regoli applikabbli, b’mod partikolari d-dispożizzjonijiet tar-Regolamenti (UE, Euratom) Nru 966/2012, (UE) Nru 1290/2013 u (UE) Nru 1291/2013.

Artikolu 11
Protezzjoni tal-interessi finanzjarji tal-Unjoni

1.Il-Kummissjoni għandha tieħu miżuri xierqa biex tiżgura li, meta jiġu implimentati azzjonijiet iffinanzjati skont din id-Deċiżjoni, l-interessi finanzjarji tal-Unjoni jitħarsu bl-applikazzjoni ta’ miżuri preventivi kontra l-frodi, il-korruzzjoni u kull attività illegali oħra, b’kontrolli effikaċi u, jekk jinkixfu irregolaritajiet, bl-irkupru tal-ammonti li jkunu tħallsu ħażin u, meta xieraq, b’sanzjonijiet amministrattivi effikaċi, proporzjonati u dissważivi.

2.Il-PRIMA-IS għandha tagħti lill-persunal tal-Kummissjoni u lill-persuni oħra awtorizzati mill-Kummissjoni, flimkien mal-Qorti tal-Awdituri, aċċess għas-siti u l-bini tiegħu u għall-informazzjoni kollha, inkluża informazzjoni f’forma elettronika, meħtieġa sabiex isiru l-awditi tagħhom.

3.L-Uffiċċju Ewropew Kontra l-Frodi (OLAF) jista' jagħmel investigazzjonijiet, inklużi kontrolli u spezzjonijiet fuq il-post, skont id-dispożizzjonijiet u l-proċeduri stabbiliti fir-Regolament tal-Kunsill (Euratom, KE) Nru 2185/96 9 u r-Regolament (UE, Euratom) Nru 883/2013 tal-Parlament Ewropew u tal-Kunsill 10 bil-għan li jistabbilixxi jekk kienx hemm frodi, korruzzjoni jew xi attività illegali oħra li taffettwa l-interessi finanzjarji tal-Unjoni b’rabta ma’ ftehim għal għotja jew deċiżjoni għal għotja jew kuntratt iffinanzjat, direttament jew indirettament, skont din id-Deċiżjoni.

4.Mingħajr preġudizzju għall-paragrafi 1, 2 u 3, il-kuntratti, il-ftehimiet għal għotja u d-deċiżjonijiet għal għotja, li jirriżultaw mill-implimentazzjoni ta’ din id-Deċiżjoni għandhom jinkludu dispożizzjonijiet li b’mod espliċitu jagħtu s-setgħa lill-Kummissjoni, il-PRIMA-IS, il-Qorti tal-Awdituri u lill-OLAF, li jwettqu tali awditi u investigazzjonijiet skont il-kompetenzi rispettivi tagħhom. Meta l-implimentazzjoni ta’ azzjoni tiġi esternalizzata jew sottodelegata, kollha kemm hi jew parzjalment, jew meta tkun teħtieġ l-għoti ta’ kuntratt ta’ akkwist jew appoġġ finanzjarju lil parti terza, il-kuntratt, il-ftehim ta’ għotja jew id-deċiżjoni ta’ għotja għandhom jinkludu l-obbligu tal-kuntrattur jew tal-benefiċjarju li jimponi fuq kwalunkwe parti terza involuta l-aċċettazzjoni espliċita ta’ dawn is-setgħat tal-Kummissjoni, tal-PRIMA-IS, tal-Qorti tal-Awdituri u tal-OLAF.

5.Waqt l-implimentazzjoni tal-PRIMA, l-Istati Parteċipanti għandhom jieħdu l-miżuri leġiżlattivi, regolatorji, amministrattivi jew miżuri oħra meħtieġa biex iħarsu l-interessi finanzjarji tal-Unjoni, b’mod partikolari biex jiżguraw l-irkupru sħiħ ta’ xi ammonti dovuti lill-Unjoni f’konformità mar-Regolament (UE, Euratom) Nru 966/2012 u tar-Regolament Delegat (UE) Nru 1268/2012.

Artikolu 12
Governanza tal-PRIMA

1.Il-korpi tal-PRIMA-IS għandhom jinkludu:

(a) l-Assemblea Ġenerali;

(b) il-Bord tat-Tmexxija;

(c) is-Segretarjat;

(d) il-Bord Konsultattiv Xjentifiku.

2.Il-PRIMA-IS għandha tkun irregolata mill-Assemblea Ġenerali, li fiha l-Istati Parteċipanti kollha jkunu rappreżentati. L-Assemblea Ġenerali għandha tkun il-korp deċiżjonali tal-PRIMA-IS.

L-Assemblea Ġenerali għandha tadotta, wara li tikseb l-approvazzjoni mill-Kummissjoni:

(a)    il-pjan ta’ ħidma annwali tal-PRIMA;

(b)    il-prinċipji komuni msemmija fl-Artikolu 6(6); kif ukoll

(c)    ir-rekwiżiti ta’ rappurtar tal-Istati Parteċipanti lill-PRIMA-IS.

L-Assemblea Ġenerali għandha tapprova l-parteċipazzjoni fil-PRIMA ta’ kwalunkwe pajjiż terz mhux assoċjat mal-Orizzont 2020 għajr dawk elenkati fl-Artikolu 1(2) wara li teżamina r-rilevanza tal-parteċipazzjoni tiegħu għall-ilħuq tal-objettivi tal-PRIMA.

Kull Stat Parteċipanti għandu jkollu vot wieħed fl-Assemblea Ġenerali. Id-deċiżjonijiet għandhom jittieħdu b’kunsens. Fin-nuqqas ta’ dan, l-Assemblea Ġenerali għandha tieħu d-deċiżjonijiet tagħha b’maġġoranza ta’ mill-anqas 75% tal-voti. L-approvazzjoni tal-parteċipazzjoni fil-PRIMA ta’ kwalunkwe pajjiż terz mhux assoċjat mal-Orizzont 2020 għajr dawk elenkati fl-Artikolu 1(2) għandha tkun b’unanimità.

L-Unjoni, irrappreżentata mill-Kummissjoni, għandha tkun mistiedna għal-laqgħat kollha tal-Assemblea Ġenerali bħala osservatur, u tista’ tieħu sehem fid-diskussjonijiet. Għandha tirċievi d-dokumenti neċessarji kollha.

3.L-Assemblea Ġenerali għandha tiddetermina n-numru tal-membri tal-Bord tat-Tmexxija, li m’għandux ikun anqas minn ħamsa, u għandha taħtarhom. Il-Bord tat-Tmexxija għandu jissorvelja lis-Segretarjat tal-PRIMA-IS.

4.L-Assemblea Ġenerali għandha tistabbilixxi s-Segretarjat tal-PRIMA-IS bħala l-korp eżekuttiv tal-PRIMA.

Is-Segretarjat għandu:

(a)jimplimenta l-pjan ta’ ħidma annwali tal-PRIMA;

(b)jipprovdi appoġġ lill-korpi l-oħra tal-PRIMA-IS;

(c)jimmonitorja u jirrapporta dwar l-implimentazzjoni tal-PRIMA;

(d)jimmaniġġja l-kontribuzzjonijiet finanzjarji mill-Unjoni u mill-Istati Parteċipanti u jirrapporta dwar l-użu tagħhom;

(e)jżid il-viżibbiltà tal-PRIMA permezz ta’ promozzjoni u komunikazzjoni;

(f)jaħdem id f’id mal-Kummissjoni skont il-ftehim ta’ delega msemmi fl-Artikolu 8.

5.L-Assemblea Ġenerali għandha taħtar Bord Konsultattiv Xjentifiku li jikkonsisti minn esperti indipendenti mill-Istati Parteċipanti, kompetenti f’oqsma rilevanti għall-PRIMA. L-Assemblea Ġenerali għandha tistabbilixxi n-numru ta’ membri tal-Bord Konsultattiv Xjentifiku, id-drittijiet tal-vot tagħhom u l-arranġamenti għall-ħatra tagħhom skont l-Artikolu 40 tar-Regolament (UE) Nru 1290/2013.

L-Assemblea Ġenerali tista’ tistabbilixxi gruppi ta’ ħidma speċjalizzati taħt il-Bord Konsultattiv Xjentifiku b’esperti indipendenti addizzjonali għal kompiti speċifiċi.

Il-Bord Xjentifiku Konsultattiv għandu:

(a)jagħti pariri lill-Assemblea Ġenerali dwar prijoritajiet u ħtiġijiet strateġiċi;

(b)jagħti pariri lill-Assemblea Ġenerali dwar il-kontenut u l-kamp ta' applikazzjoni tal-abbozz tal-pjan ta’ ħidma annwali tal-PRIMA mill-perspettiva xjentifika u teknika;

(c)jirrevedi l-aspetti xjentifiċi u tekniċi tal-implimentazzjoni tal-PRIMA u jagħti opinjoni dwar ir-rapport annwali tiegħu;

(d)fejn xieraq, jagħti pariri lill-Assemblea Ġenerali biex tistabbilixxi sottokumitati xjentifiċi, task forces u gruppi ta’ ħidma speċjalizzati.

Artikolu 13
Komunikazzjoni tal-informazzjoni

1.Fuq talba tal-Kummissjoni, il-PRIMA-IS għandha tibgħat lill-Kummissjoni kwalunkwe informazzjoni meħtieġa għat-tħejjija tar-rapporti msemmija fl-Artikolu 14.

2.Permezz tal-PRIMA-IS, l-Istati Parteċipanti għandhom iressqu lill-Kummissjoni kull informazzjoni mitluba mill-Parlament Ewropew, il-Kunsill jew il-Qorti tal-Awdituri dwar il-ġestjoni finanzjarja tal-PRIMA.

3.Il-Kummissjoni għandha tinkludi l-informazzjoni msemmija fil-paragrafu 2 ta’ dan l-Artikolu fir-rapporti msemmija fl-Artikolu 14.

Artikolu 14
Evalwazzjoni

1.Sat-30 ta’ Ġunju 2022, il-Kummissjoni għandha tagħmel evalwazzjoni interim tal-PRIMA. Il-Kummissjoni għandha tħejji rapport dwar dik l-evalwazzjoni li tinkludi konklużjonijiet tal-evalwazzjoni u osservazzjonijiet mill-Kummissjoni. Il-Kummissjoni għandha tibgħat dak ir-rapport lill-Parlament Ewropew u lill-Kunsill sal-31 ta’ Diċembru 2022.

2.Sal-31 ta’ Diċembru 2028, il-Kummissjoni għandha tagħmel evalwazzjoni finali tal-PRIMA. Il-Kummissjoni għandha tħejji rapport dwar dik l-evalwazzjoni li jkun fih ir-riżultati tal-evalwazzjoni. Il-Kummissjoni għandha tibgħat dak ir-rapport lill-Parlament Ewropew u lill-Kunsill sat-30 ta’ Ġunju 2029.

Artikolu 15
Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 16
Destinatarji

Din id-Deċiżjoni hija indirizzata lill-Istati Membri.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.IL-QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/Oqsma ta’ politika kkonċernat(i) fl-istruttura tal-ABM/ABB

1.3.Natura tal-proposta/inizjattiva

1.4.Objettiv(i)

1.5.Raġunijiet għall-proposta/inizjattiva

1.6.It-tul ta’ żmien u l-impatt finanzjarju

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI

2.1.Ir-regoli dwar il-ġestjoni u r-rappurtar

2.2.Sistema ta’ ġestjoni u kontroll

2.3.Miżuri għall-prevenzjoni ta’ frodi u irregolaritajiet

3.STIMA TAL-IMPATT FINANZJARJU TAL-PROPOSTA/INIZJATTIVA

3.1.L-intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwati

3.2.Stima tal-impatt fuq in-nefqa 

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operazzjonali

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Il-kontribuzzjonijiet minn partijiet terzi

3.3.Stima tal-impatt fuq id-dħul

DIKJARAZZJONI FINANZJARJA LEĠIŻLATTIVA

1.IL-QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/Oqsma ta’ politika kkonċernat(i) fl-istruttura tal-ABM/ABB 11  

1.3.Natura tal-proposta/inizjattiva

⌧ Il-proposta/l-inizjattiva hija relatata ma’ azzjoni ġdida 

◻ Il-proposta/inizjattiva hija relatata ma’ azzjoni ġdida li ssegwi proġett pilota/azzjoni preparatorja 12  

◻ Il-proposta/inizjattiva hija relatata mal-estensjoni ta’ azzjoni eżistenti 

◻ Il-proposta/inizjattiva hija relatata ma’ azzjoni diretta mill-ġdid lejn azzjoni ġdida 

1.4.Objettiv(i)

1.4.1.L-objettiv(i) strateġiku/ċi pluriennali tal-Kummissjoni fil-mira tal-proposta/inizjattiva

1.4.2.Objettiv(i) speċifiku/ċi u attività/ajiet ABM/ABB ikkonċernati

1.4.3.Riżultat(i) u impatt mistennija

Speċifika l-effetti li l-proposta/inizjattiva għandu jkollha fuq il-benefiċjarji/gruppi fil-mira.

1.4.4.Indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

1.5.Raġunijiet għall-proposta/inizjattiva

1.5.1.Rekwiżit(i) li jrid(u) jiġi/u ssodisfat(i) fuq medda qasira jew medda twila ta’ żmien

1.5.2.Valur miżjud tal-involviment tal-UE

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà u sinerġija possibbli ma’ strumenti xierqa oħra

1.6.It-tul ta’ żmien u l-impatt finanzjarju

⌧ Proposta/inizjattiva b’tul taż-żmien limitat

–⌧    Proposta/inizjattiva fis-seħħ mid-data tad-dħul fis-seħħ ta’ din id-Deċiżjoni sal-31/12/2028

–⌧    L-impatt finanzjarju mill-2018 sal-2020 għall-approprjazzjonijiet ta’ impenji u mill-2018 sal-2029 għall-approprjazzjonijiet ta’ ħlasijiet

◻ Proposta/inizjattiva ta’ tul taż-żmien mhux limitat

–Implimentazzjoni b’perjodu għat-tnedija minn SSSS sa SSSS,

–u wara tħaddim fuq skala sħiħa.

1.7.Mod(i) ta’ ġestjoni ppjanat(i) 13  

◻ Ġestjoni diretta mill-Kummissjoni

–◻ mid-dipartimenti tagħha, inkluż il-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

⌧ Ġestjoni indiretta billi l-kompiti tal-implimentazzjoni baġitarja jiġu fdati lil:

–◻ pajjiżi terzi jew il-korpi nnominati minnhom;

–◻ organizzazzjonijiet internazzjonali u l-aġenziji tagħhom (għad iridu jiġu speċifikati);

–◻ il-BEI u l-Fond Ewropew tal-Investiment;

–◻ il-korpi msemmija fl-Artikoli 208 u 209 tar-Regolament Finanzjarju;

–◻ korpi tal-liġi pubblika;

–⌧ korpi rregolati mil-liġi privata b’missjoni ta’ servizz pubbliku sa fejn jipprovdu garanziji finanzjarji adegwati;

–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk ikun indikat aktar minn mod wieħed ta’ ġestjoni, jekk jogħġbok agħti d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Ir-regoli dwar il-monitoraġġ u r-rappurtar

Speċifika l-frekwenza u l-kundizzjonijiet.

2.2.Sistema ta’ ġestjoni u kontroll

2.2.1.Riskju/i identifikat(i)

2.2.2.Tagħrif li jikkonċerna l-istabbiliment tas-sistema ta’ kontroll intern

2.2.3.Stima tal-kostijiet u tal-benefiċċji tal-kontrolli u valutazzjoni tal-livell mistenni tar-riskju ta’ żball

2.3.Miżuri għall-prevenzjoni ta’ frodi u irregolaritajiet

Speċifika l-miżuri ta’ prevenzjoni u protezzjoni eżistenti jew previsti.

3.STIMA TAL-IMPATT FINANZJARJU TAL-PROPOSTA/INIZJATTIVA

3.1.L-intestatura(i) tal-qafas finanzjarju pluriennali u l-linja(i) baġitarja(i) tan-nefqa affettwati

Il-linji baġitarji eżistenti

Skont l-intestaturi tal-qafas finanzjarju pluriennali u linji baġitarji.

3.2.Stima tal-impatt fuq in-nefqa

[Din it-taqsima għandha timtela bl-użu ta’ spreadsheet dwar id-data tal-baġit ta’ natura amministrattiva (it-tieni dokument fl-Anness għal din id-dikjarazzjoni finanzjarja) u mtella’ fuq is-CISNET għal skopijiet ta’ konsultazzjoni bejn is-servizzi.]

3.2.1.Sommarju tal-impatt stmat fuq in-nefqa

EUR miljuni (sa tliet punti deċimali)

EUR miljuni (sa tliet punti deċimali)

EUR miljuni (sa tliet punti deċimali)

3.2.2.Impatt stmat fuq l-approprjazzjonijiet operazzjonali

–◻    Il-proposta/inizjattiva ma teħtieġx l-użu ta’ approprjazzjonijiet operazzjonali

–☒    Il-proposta/inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet għall-impenji f’miljuni ta’ EUR (sa tliet punti deċimali)

* Kontribuzzjoni tal-UE użata għal 10 proġetti ta’ dimostrazzjoni b’kost medju ta’ EUR 10 sa 15-il miljun u 20 pilota b’kost medju ta’ EUR 2.5 miljun għal kull proġett..

** Kontribuzzjoni tal-SP użata għal proġetti b’kost medju ta’ EUR 1 sa 1.5 miljun

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju

–◻    Il-proposta/inizjattiva ma tirrikjedix l-użu ta’ approprjazzjonijiet ta’ natura amministrattiva

–⌧    Il-proposta/inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

EUR miljuni (sa tliet punti deċimali)

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jiġu ssodisfati b’approprjazzjonijiet mid-DĠ li diġà huma assenjati għall-ġestjoni tal-azzjoni u/jew kienu ġew ridistribwiti fid-DĠ, flimkien, jekk dan ikun neċessarju, ma’ xi allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tad-diffikultajiet baġitarji.

3.2.3.2.Stima tar-riżorsi umani meħtieġa

–◻    Il-proposta/inizjattiva ma teħtieġx l-użu ta’ riżorsi umani.

–◻    Il-proposta/inizjattiva teħtieġ l-użu ta’ riżorsi umani, kif spjegat hawn taħt:

Stima li trid tingħata f’unitajiet ekwivalenti għall-full time

XX huwa l-qasam ta’ politika jew it-titolu tal-baġit ikkonċernat.

Ir-riżorsi umani meħtieġa se jintlaħqu mill-uffiċjali tad-DĠ li huma diġà assenjati għall-ġestjoni tal-azzjoni u/jew li diġà ngħataw kariga band’oħra fid-DĠ, flimkien, jekk ikun meħtieġ, ma’ xi allokazzjoni addizzjonali li tista’ tingħata lid-DĠ li jkun qed imexxi l-azzjoni skont il-proċedura ta’ allokazzjoni annwali u fid-dawl tar-restrizzjonijiet baġitarji.

Deskrizzjoni tal-kompiti li jridu jitwettqu:

3.2.4.Kompatibbiltà mal-qafas finanzjarju pluriennali attwali

–⌧    Il-proposta/inizjattiva hija kompatibbli mal-qafas finanzjarju pluriennali attwali.

–◻    Il-proposta/inizjattiva se tirrikjedi programmazzjoni mill-ġdid tal-intestatura rilevanti fil-qafas finanzjarju pluriennali.

–◻    Il-proposta/inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali.

3.2.5.Il-kontribuzzjonijiet minn partijiet terzi

–Il-proposta/inizjattiva ma tipprevedix il-kofinanzjament minn partijiet terzi.

–⌧ Il-proposta/inizjattiva tipprovdi għall-kofinanzjament stmat hawn taħt:

Approprjazzjonijiet f’miljuni ta’ EUR (sa tliet punti deċimali)

3.3.Stima tal-impatt fuq id-dħul

–⌧    Il-proposta/inizjattiva m’għandha l-ebda impatt finanzjarju fuq id-dħul.

–◻    Il-proposta/inizjattiva għandha l-impatt finanzjarju li ġej:

–◻    fuq ir-riżorsi proprji

–◻    fuq dħul mixxellanju

EUR miljuni (sa tliet punti deċimali)

Għal dħul “assenjat” mixxellanju, speċifika l-linja(i) tan-nefqa baġitarja affettwati.

Speċifika l-metodu għall-kalkolu tal-impatt fuq id-dħul.

(1) Il-Programm Konġunt tal-PRIMA jinvolvi 19-il pajjiż:- 11-il Stat Membru: il-Kroazja, Ċipru, ir-Repubblika Ċeka, Franza, il-Greċja, l-Italja, il-Lussemburgu, Malta, il-Portugall, is-Slovenja u Spanja;- 8 pajjiżi terzi: l-Alġerija, l-Eġittu, Iżrael, il-Ġordan, il-Libanu, il-Marokk, it-Tuneżija u t-Turkija.Minn dawn, 14-il pajjiż (Ċipru, ir-Repubblika Ċeka, l-Eġittu, Franza, il-Greċja, Iżrael, l-Italja, il-Libanu, il-Lussemburgu, Malta, il-Marokk, il-Portugall, Spanja u t-Tuneżija) qablu li b’mod konġunt iwettqu l-inizjattiva tal-PRIMA.

(2) Id-Deċiżjoni tal-Kummissjoni Ewropea C(2016)4614 tal-25 ta' Lulju 2016

(3) ĠU C ... [opinjoni tal-KES]

(4) Ir-Regolament (UE) Nru 1291/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi Orizzont 2020 - il-Programm Qafas għar-Riċerka u l-Innovazzjoni (2014-2020) u li jħassar id-Deċiżjoni Nru 1982/2006/KE (ĠU L 347, 20.12.2013, p. 104).

(5) Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298 tas-26.10.2012, p. 1).

(6) Ir-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 (ĠU L 362 tal-31.12.2012, p. 1).

(7) Ir-Regolament (UE) Nru 1290/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi r-regoli għal parteċipazzjoni u disseminazzjoni f’“Orizzont 2020 - il-Programm Qafas għar-Riċerka u l-Innovazzjoni (2014-2020)” u li jħassar ir-Regolament (KE) Nru 1906/2006 (ĠU L 347, 20.12.2013, p. 81).

(8) Id-Deċiżjoni tal-Kunsill 2013/743/UE tat-3 ta’ Diċembru 2013 li tistabbilixxi l-programm speċifiku li jimplimenta Orizzont 2020 - il-Programm Qafas għar-Riċerka u l-Innovazzjoni (2014-2020) u li tħassar id-Deċiżjonijiet 2006/971/KE, 2006/972/KE, 2006/973/KE, 2006/974/KE u 2006/975/KE (ĠU L 347, 20.12.2013, p. 965).

(9) Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292, 15.11.1996, p. 2).

(10) Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).

(11) ABM: ġestjoni bbażata fuq l-attività; ABB: baġit ibbażat fuq l-attività.

(12) Kif imsemmi fl-Artikolu 54(2)(a) jew (b) tar-Regolament Finanzjarju.

(13) Id-dettalji tal-modi ta’ ġestjoni u r-referenzi għar-Regolament Finanzjarju huma disponibbli fis-sit tal-BudgWeb: http://www.cc.cec/budg/man/budgmanag/budgmanag_en.html .

(14) Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(15) L-EFTA: l-Assoċjazzjoni Ewropea tal-Kummerċ Ħieles. .

(16) Pajjiżi kandidati u, fejn applikabbli, pajjiżi kandidati potenzjali mill-Balkani tal-Punent.

(17) Is-sena N hija s-sena li fiha tibda l-implimentazzjoni tal-proposta/inizjattiva.

(18) Is-sena N hija s-sena li fiha tibda l-implimentazzjoni tal-proposta/inizjattiva.

(19) Is-sena N hija s-sena li fiha tibda l-implimentazzjoni tal-proposta/inizjattiva.

(20) Ir-riżultati huma l-prodotti u s-servizzi li se jiġu fornuti (eż.: numru ta’ skambji ta’ studenti ffinanzjati, numru ta’ km ta’ toroq mibnija, eċċ.).

(21) Kif deskritt fil-punt 1.4.2. “Objettiv(i) speċifiku/ċi ...”

(22) Għajnuna teknika u/jew amministrattiva u nefqa b’appoġġ għall-implimentazzjoni ta’ programmi u/jew azzjonijiet tal-UE (dawk li kienu linji “BA”), riċerka indiretta, riċerka diretta.

(23) CA = Aġent Kuntrattwali; LA = Aġent Lokali; SNE = Espert Nazzjonali Sekondat; INT = persunal mill-aġenziji (“Intérimaire”); JED = “Jeune Expert en Délégation” (Esperti Żgħażagħ fid-Delegazzjonijiet).

(24) Sottolimitu għall-persunal estern kopert mill-approprjazzjonijiet operazzjonali (dawk li kienu linji “BA”).

(25) Fir-rigward ta’ riżorsi proprji tradizzjonali (dazji doganali, imposti fuq iz-zokkor), l-ammonti indikati għandhom ikunu ammonti netti, jiġifieri ammonti gross wara t-tnaqqis ta’ 25% għall-ispejjeż ta’ ġbir.