MEMORANDUM TA’ SPJEGAZZJONI

1.IL-KUNTEST TAL-PROPOSTA

•Ir-raġunijiet għall-proposta u l-għanijiet tagħha

Il-pakkett il-ġdid tat-telekomunikazzjoni li l-Kummissjoni adottat illum jinkludi Komunikazzjoni li tistabbilixxi viżjoni Ewropea tal-konnettività tal-internet għaċ-ċittadini u għan-negozji fis-Suq Uniku Diġitali 1 , u jinkludi wkoll proposta leġiżlattiva għal Kodiċi Ewropew tal-Komunikazzjoni Elettronika 2 li jirrevedi l-qafas regolatorju għat-telekomunikazzjoni elettronika. Il-proposti tal-Kummissjoni jistabbilixxu r-riformi meħtieġa biex ikunu żgurati d-disponibbiltà u l-adozzjoni ta’ netwerks b’kapaċità kbira ħafna li jippermettu l-użu fil-wisa’ ta’ prodotti, servizzi u applikazzjonijiet fis-Suq Uniku Diġitali.

Il-konnettività diġitali u tal-internet ibiddlu mill-qiegħ il-ħajjiet privati u l-prattiki professjonali fl-Unjoni u lil hinn, u għaldaqstant hemm bżonn li jkun żgurat li l-pubbliku ġenerali jitħeġġeġ jaħtaf l-opportunitajiet li toffri din il-bidla.

Għal din ir-raġuni, fost l-għanijiet strateġiċi, il-Kummissjoni timmira li sal-2025 il-postijiet fejn jingħataw is-servizzi pubbliċi, bħall-binijiet tal-amministrazzjoni pubblika, l-isptarijiet u l-libreriji, jitgħammru b’konnessjonijiet tal-internet tal-Gigabits. Jekk dawn iċ-ċentri u ċentri oħrajn tal-ħajja komunitarja, fosthom l-ispazji fil-beraħ miftuħa għall-pubbliku ġenerali, jiġu konnessi b’veloċitajiet ferm akbar mill-aċċess għall-internet funzjonali, iċ-ċittadini mill-oqsma kollha tal-ħajja jkunu jistgħu jaħtfu l-vantaġġi tal-konnettività tal-internet tal-ġenerazzjoni li jmiss waqt li jkunu qed jivvjaġġaw, meta l-konnessjoni tkun tant meħtieġa.

Fost il-miżuri li jwieżnu dan il-għan, il-pakkett il-ġdid se jippromwovi l-introduzzjoni ta’ punti tal-aċċess lokali bla fili permezz ta’ proċeduri simplifikati tal-ippjanar u obbligi regolatorji ħfief, fost l-oħrajn meta dan l-aċċess ikun provdut fuq bażi mhux kummerċjali jew ikun anċillari għall-forniment ta’ servizzi pubbliċi oħrajn.

Il-miżura proposta hawnhekk tikkumplimenta dan l-isforz b’emendi fil-qafas ġuridiku tat-telekomunikazzjoni fil-Faċilità Nikkollegaw l-Ewropa, li jinsabu fir-Regolament (UE) Nru 1316/2013 3 (minn hawn ’il quddiem “ir-Regolament CEF”) u fir-Regolament (UE) Nru 283/2014 4 (minn hawn ’il quddiem “ir-Regolament tal-Linji Gwida”). Dawn l-emendi jinkoraġġixxu lill-entitajiet b’missjoni pubblika bħalma huma l-awtoritajiet pubbliċi u l-fornituri tas-servizzi pubbliċi biex joffru konnettività lokali bla fili u mingħajr ħlas fiċ-ċentri tal-ħajja pubblika lokali (bħal pereżempju fil-binjiet tal-amministrazzjoni pubblika, fil-libreriji, fiċ-ċentri tas-saħħa u fl-ispazji pubbliċi fil-beraħ). Għal dan il-għan, din tipprovdi inċentivi finanzjarji favur dawk l-entitajiet li jixtiequ jipprovdu konnettività lokali bla fili, b’kapaċità kbira u mingħajr ħlas fi spazji pubbliċi fil-beraħ fil-ġuriżdizzjoni tagħhom jew fis-siti tagħhom tas-servizz. Fl-ewwel fażi tal-intervent se tingħata prijorità lill-fondi lill-awtoritajiet pubbliċi lokali għal punti tal-aċċess fiċ-ċentri tal-ħajja pubblika lokali, inkluż fl-ispazji fil-beraħ miftuħa għall-pubbliku ġenerali.

L-intervent jistimula l-integrazzjoni ma’ servizzi pubbliċi eżistenti, u għalhekk se jippromwovi l-interess taċ-ċittadini f’servizzi tal-internet b’kapaċità kbira u jikkontribwixxi ferm għall-adozzjoni tas-servizzi tal-broadband u għall-iżvilupp tal-infrastruttura pubblika. Jekk fil-postijiet fejn jinġabru u jistennew in-nies biex jissoktaw bil-qadjiet tagħhom ta’ kuljum ikun hemm aċċessibbli konnettività lokali bla fili u mingħajr ħlas, din tipprovdi valur miżjud ġmielu għax il-ħin tal-istennija u tal-vjaġġ jista’ jissarraf f’esperjenzi produttivi, rilassanti jew aktar informattivi. Barra minn hekk, dawn il-punti tal-aċċess lokali bla fili jistgħu jipprovdi aktar granularità ta’ kopertura fi nħawi li mhux faċli jintlaħqu jew li huma miżgħuda b’għadd kbir ta’ utenti tant li mingħajrha tiddgħajjef ferm l-esperjenza tal-konnettività bla fili. Jekk l-utenti jkunu jistgħu jibqgħu konnessi waqt li jkunu għaddejjin bil-qadi tagħhom, dawn isaħħu l-mobbiltà, il-flessibbiltà u l-interess li jużaw is-servizzi li joffru l-entitajiet b’missjoni pubblika, u ċ-ċittadini jaf ikollhom kontroll aħjar fuq it-tqassim tal-ħin. Fl-istess waqt, l-ilħuq limitat tal-punti tal-aċċess uniċi jiżgura li din l-offerta pubblika ma tikkontestatx l-offerti kummerċjali, iżda tista’ taqdi rwol importanti fil-promozzjoni tal-użu tal-broadband u tippromwovi l-litteriżmu diġitali. Min-naħa tiegħu, dan jippromwovi l-interess tal-utenti biex jieħdu offerti kummċerjali tal-broadband residenzjali jew mobbli. L-intervent propost jikkumplimenta l-kunċett leġiżlattiv ġdid ta’ servizz universali li hemm fil-proposta ta’ Kodiċi Ewropew għall-Komunikazzjoni Elettronika, fejn kull ċittadin tal-UE għandu dritt għal konnessjoni: id-dritt għal konnessjoni tal-internet funzjonali, għallinqas f’post fiss, bi prezz li wieħed jiflaħ u b’mod li wieħed ikun jista’ jinvolvi ruħu bis-sħiħ fl-ekonomija u s-soċjetà diġitali.

Il-miżura proposta tipprevedi mekkaniżmu sempliċi ta’ finanzjament għall-installazzjoni ta’ punti tal-aċċess lokali bla fili. L-intervent tfassal biex jinkiseb l-akbar impatt fi żmien qasir billi jitrawwem l-interess taċ-ċittadini fis-servizzi tal-aċċess għall-internet u biex jeħfief l-użu ta’ servizzi diġitali pubbliċi, inkluż l-aċċess għal infrastrutturi tas-servizz diġitali. L-aspettattiva li l-interess iġġenerat se jipprovdi l-bażi biex tissokta l-operazzjoni u biex il-punti tal-aċċess possibbilment jinbidlu mingħajr aktar għajnuna finanzjarja skont ir-regolamenti hija konsistenti mal-għan li ftit ftit titneħħa din l-għajnuna kull meta possibbli u li titħeġġeġ id-dipendenza fuq mekkaniżmi ta’ finanzjament alternattivi.

Biex ikun żgurat li l-intervent ikollu natura mmirata u biex jinkiseb l-akbar benefiċċju pubbliku possibbli, il-finanzjament se jkun limitat għal sitwazzjonijiet meta l-ebda punt tal-aċċess pubbliku jew privat mingħajr ħlas ma jkun jeżisti biex jipprovdi broadband b’veloċità kbira ħafna. Billi l-ammont tal-għajnuna finanzjarja tal-Unjoni li għandu jingħata għal azzjonijiet individwali se jkun inqas mil-limitu tal-għotjiet ta’ valur baxx ta’ EUR 60,000 previst fir-Regolament Finanzjarju 5 , bl-intervent mhu mistenni l-ebda effett sostanzjali fuq il-kompetizzjoni 6 . Barra minn hekk, il-finanzjament għandu jingħata b’mod bilanċjat ġeografikament biex jikkontribwixxi għall-koeżjoni ekonomika, soċjali u territorjali fl-Unjoni billi jitqiesu b’mod partikolari l-ħtiġijiet tal-komunitajiet lokali 7 . Bl-applikazzjoni konġunta ta’ dawn il-kriterji, l-intervent propost hu konsistenti mal-qafas tas-swieq miftuħa u kompetittivi li jirfdu l-operazzjoni tan-netwerks trans-Ewropej.

Minbarra li jistimula d-domanda għal konnettività tal-broadband b’veloċità kbira u jħeġġeġ l-adozzjoni wiesgħa fil-livell komunitarju, l-intervent se jħalli wkoll bosta effetti pożittivi indiretti li jvarjaw minn aċċess aħjar għall-gvern elettroniku u parteċipazzjoni fil-ħajja demokratika, inkluż għal gruppi demografiċi li inkella jsibuha diffiċli biex jaċċessaw il-konnettività (bħar-refuġġjati u l-gruppi bi dħul baxx), għal infrastruttura addizzjonali għall-komunikazzjoni waqt emerġenza u kriżi u avviżi tas-servizz pubbliku. Biex ikun żgurat li l-komunitajiet lokali b’riżorsi limitati jkunu jistgħu jgawdu wkoll minn dawn il-benefiċċji tal-parteċipazzjoni fis-Suq Uniku Diġitali, b’din il-miżura għandu jkun disponibbli ċertu appoġġ sa 100% tal-ispejjeż eliġibbli u mingħajr preġudizzju għall-prinċipju tal-kofinanzjament. Il-benefiċjarji potenzjali jaf jinvolvu lill-membri tal-komunità lokali biex iwettqu azzjonijiet iffinanzjati mill-miżura proposta biex jinstabu ċ-ċentri tal-ħajja pubblika fejn l-installazzjoni ta’ punti tal-aċċess bla fili u mingħajr ħlas tkun tipprovdi l-akbar valur miżjud għall-komunità.

Minħabba n-natura flessibbli u ffukata tiegħu b’rabta mal-appoġġ għan-netwerks tal-broadband skont il-pakkett tas-settur tat-telekomunikazzjoni għall-implimentazzjoni tas-CEF, l-intervent għandu jitqies bħala proġett separat ta’ interess komuni b’azzjonijiet assoċjati skont ir-Regolament CEF u b’baġit apposta, li d-dettalji tiegħu għandhom jiġu stabbiliti skont ir-Regolament tal-Linji Gwida. Billi l-għajnuna finanzjarja mogħtija lil kull benefiċjarju hija limitata, iżda l-għadd ta’ benefiċjarji hu ġmielu, hu importanti li jkun żgurat li l-proċeduri amministrattivi jiġu simplifikati biex id-deċiżjonijiet ikunu jistgħu jittieħdu malajr u b’mod effiċjenti. Għal dan il-għan, bir-Regolament CEF l-Istati Membri għandhom jitħeġġu biex japprovaw il-kategoriji tal-proposti skont dan l-intervent, minflok ma jkollhom joqogħdu jaqblu fuq listi ta’ benefiċjarji individwali. Bl-implimentazzjoni ta’ din l-emenda b’mod orizzontali għall-benefiċċju ta’ proġetti oħra ta’ interess komuni, il-proposta twieġeb ukoll is-sejħiet tal-Istati Membri għal modi aktar effiċjenti li jimplimentaw l-azzjonijiet fil-qasam tal-infrastrutturi tas-servizzi diġitali.

Biex ikun żgurat li l-miżura tkun rispons għal varjetà wiesgħa ta’ sitwazzjonijiet u tkun tista’ tagħti riżultati konkreti malajr kemm jista’ jkun, hu essenzjali li l-forom ta’ għajnuna finanzjarja disponibbli ma jiġux limitati bla bżonn. F’dan il-kuntest jista’ jinżamm ċertu livell importanti ta’ flessibbilità billi l-implimentazzjoni titħalla tibbenefika mill-akbar firxa possibbli ta’ forom ta’ għajnuna xierqa għall-intervent. Għal dan il-għan, u minħabba n-negozjati li għaddejjin dwar ir-reviżjoni tar-Regolament Finanzjarju, it-test tar-Regolament CEF għandu jiġi emendat biex jiġi ċċarat li kull azzjoni li tikkontribwixxi għall-proġetti ta’ interess komuni, inkluż dan l-intervent, ġeneralment huma eliġibbli għall-appoġġ bil-forom ta’ għajnuna finanzjarja disponibbli bħalissa u prospettivi skont ir-Regolament Finanzjarju.

Min-naħa l-oħra, għall-istess raġunijiet, qed ikun propost li jiġu speċifikati l-forom ta’ għajnuna finanzjarja disponibbli għall-intervent b’mod konsistenti reċiprokament fir-Regolament CEF u fir-Regolament tal-Linji Gwida. Aktarx, l-għotjiet ikunu l-aktar tip ta’ għajnuna finanzjarja xierqa biex jintlaħaq l-għan tal-promozzjoni ta’ konnettività lokali bla fili u mingħajr ħlas fil-komunitajiet lokali, iżda forom oħrajn ta’ għajnuna finanzjarja ma għandhomx jiġu esklużi awtomatikament, ħlief għall-istrumenti finanzjarji. L-istrumenti finanzjarji għandhom jitħallew barra minħabba l-piż amministrattiv relattivament għoli tagħhom u d-dewmien assoċjat fl-implimentazzjoni, li ma jipprovdux biżżejjed konformità mal-karatteristiċi tal-azzjonijiet previsti.

Biex tiżgura l-ħeffa u l-effiċjenza, l-implimentazzjoni ta’ dan l-intervent se ssir bi proċeduri amministrattivi simplifikati b’dokumentazzjoni standardizzata (bħal vawċers) u għodod online għall-ipproċessar tal-applikazzjonijiet kif ukoll għall-monitoraġġ u l-awditjar sussegwenti tal-punti tal-aċċess lokali bla fili installati.

Hu mistenni li l-miżura proposta, promossa bin-netwerk tal-UE tal-Uffiċċji Kompetenti fil-Broadband 8 , se toħloq għarfien fost l-awtoritajiet lokali u ċ-ċittadini fuq il-prijoritajiet il-ġodda tal-Kummissjoni għas-Soċjetà tal-Gigabits u se tipprovdi livell għoli ta’ viżibbiltà u l-fiduċja fil-kapaċità tal-UE biex tipprovdi konnettività u aċċess għal servizzi diġitali madwar il-kontinent Ewropew. Ir-rikonoxximent tal-azzjonijiet iffinanzjati bil-miżura proposta se tiżgurah l-identità viżiva speċifika li se tiżviluppa l-Kummissjoni u li se tkun disponibbli għall-benefiċjarji waqt l-implimentazzjoni, u b’hekk ikun żgurat ir-rikonoxximent tal-marka.

•Konsistenza mad-dispożizzjonijiet eżistenti dwar il-qasam ta’ politika

Bħalissa, il-qafas ġuridiku għat-telekomunikazzjoni fil-Faċilità Nikkollegaw l-Ewropa jipprevedi appoġġ finanzjarju fil-qasam tat-telekomunikazzjoni għall-infrastrutturi tas-servizzi diġitali (fl-għamla ta’ għotjiet u/jew akkwist) u għan-netwerks tal-broadband (fl-għamla ta’ strumenti finanzjarji).

Fejn jidħol l-intervent li jappoġġa l-broadband, minħabba l-importanza ewlenija tan-netwerks tal-broadband għat-tkabbir u għall-impjiegi, u minħabba l-isfidi – finanzjarji u tekniċi – marbutin mal-investiment pubbliku fis-settur, ir-Regolament tal-Linji Gwida jipprevedi intervent limitat. Is-CEF tiffinanzja kontribuzzjoni żgħira biex jitwaqqfu strumenti finanzjarji fil-livell tal-Unjoni, b’mod partikolari b’koperazzjoni mal-Bank Ewropew tal-Investiment, biex tiffaċilita l-użu effiċjenti ta’ riżorsi oħra pubbliċi u privati. Din għandha l-għan li jinbdew proġetti innovattivi tal-broadband, ibbażati fuq l-aktar teknoloġija avvanzata u b’potenzjal tajjeb għar-replikabbiltà, u b’hekk jintlaħqu l-għanijiet tagħha kemm direttament kif ukoll b’effett dimostrattiv.

Il-miżura proposta tikkumplimenta l-elementi tal-proposta għal Kodiċi Ewropew tal-Komunikazzjoni Elettronika li huma msejsin fuq l-utenti finali. L-appoġġ għall-installazzjoni ta’ punti tal-aċċess lokali bla fili fiċ-ċentri tal-ħajja pubblika lokali jikkumplimenta azzjonijiet oħra fis-settur tat-telekomunikazzjoni tas-CEF u sorsi oħrajn ta’ appoġġ finanzjarju, bħall-Fondi Strutturali u ta’ Investiment Ewropej, li jappoġġaw it-tifrix tan-netwerks tal-broadband. Billi bħalissa dawn l-azzjonijiet la tkoprihom is-CEF u lanqas ma jkoprihom ir-Regolament tal-Linji Gwida, hu propost li dawk ir-regolamenti jiġu emendati kif meħtieġ.

2.IL-BAŻI ĠURIDIKA, IS-SUSSIDJARJETÀ U L-PROPORZJONALITÀ

•Il-bażi ġuridika

Il-proposta tissejjes fuq l-Artikolu 172 tat-TFUE, li jkopri l-intervent tal-UE li jappoġġa t-twaqqif u l-iżvilupp ta’ netwerks trans-Ewropej fl-oqsma tat-trasport, tat-telekomunikazzjoni u tal-infrastrutturi tal-enerġija. B’konformità mal-Artikolu 170(1) tat-TFUE, l-inizjattiva tiżgura li l-komunitajiet lokali jistgħu jiksbu l-benefiċċju kollu tas-Suq Uniku Diġitali billi bl-introduzzjoni ta’ dawn in-netwerks tiġi stabbilita żona mingħajr fruntieri interni.

•Is-sussidjarjetà u l-proporzjonalità

Il-proposta tikkonforma mal-prinċipju tal-proporzjonalità, u tibqa’ fil-kamp ta’ applikazzjoni tal-azzjoni fil-qasam tan-netwerks tat-telekomunikazzjoni trans-Ewropej, kif definit fl-Artikolu 170 tat-Trattat dwar il-Funzjonament tal-Unjoni Ewropea.

Il-proposta tqis b’mod partikolari l-ħtiġijiet tal-komunitajiet lokali fil-kuntest usa’ tal-istrateġija tas-Suq Uniku Diġitali, u b’hekk tikkontribwixxi biex jinkiseb suq intern għall-komunikazzjoni elettronika u tippermetti l-parteċipazzjoni tal-komunitajiet fih. Billi t-twaqqif ta’ żona li tkopri l-UE kollha b’konnettività bla fili ta’ kwalità kbira ma jistax isir b’azzjoni ta’ Stati Membri individwali, il-proposta hi konsistenti mal-prinċipju tas-sussidjarjetà tal-Artikolu 5 tat-TUE. Hu mistenni li l-intervent jiġi promoss fost l-oħrajn bin-netwerk tal-UE tal-Uffiċċji Kompetenti fil-Broadband, u dan għandu jgħin biex ikun żgurat li l-ħtiġijiet tal-komunitajiet lokali jkunu jistgħu jiġu indirizzati b’mod effiċjenti u biex il-piżijiet amministrattivi jkunu mill-inqas.

L-inizjattivi attwali relatati mal-konnettività lokali bla fili mingħajr ħlas huma frammentati, u dan iwassal għall-ineffiċjenzi. Jidher ċar li ma teżisti l-ebda strateġija ġenerali li tippromwovi l-aċċess għal konnettività bla fili madwar l-Unjoni ħalli ssaħħaħ il-parteċipazzjoni tal-komunitajiet lokali fis-Suq Uniku Diġitali. Billi l-introduzzjonijiet individwali ta’ punti tal-aċċess lokali huma limitati mil-lat ta’ territorju, anki fil-komunitajiet lokali, il-koordinazzjoni f’dan l-isforz issir ferm aktar importanti biex ikun żgurat li l-introduzzjoni tkun tippromwovi l-interess komuni f’konnettività mal-UE kollha b’mod koerenti. Jekk l-introduzzjoni pan-Ewropea ta’ soluzzjonijiet tal-konnettività bla fili u mingħajr ħlas issir b’koerenza, din tottimizza l-ispejjeż tal-intervent (b’mod partikolari billi tnaqqas l-ispejjeż tal-amministrazzjoni tal-għotjiet żgħar minħabba l-effetti tal-iskala, iżda anki billi tnaqqas il-prezz tat-tagħmir) u tiżgura aktar ekwità fl-aċċess, u b’hekk iżżid il-koeżjoni ekonomika, soċjali u territorjali fl-Unjoni. Il-miżura proposta tfasslet biex tkompli żżid il-valur Ewropew billi tiżgura li l-infrastrutturi l-ġodda jkunu jippermettu wkoll aċċess permezz ta’ infrastrutturi tas-servizzi diġitali għal servizzi interoperabbli trans-Ewropej ta’ interess komuni bħal Europeana, għal infrastrutturi tas-servizz tal-internet aktar sikuri u għal servizzi transfruntieri interoperabbli tas-saħħa elettronika.

Il-kamp ta’ applikazzjoni tal-intervent propost hu limitat għall-forniment tal-konnettività fiċ-ċentri tal-ħajja pubblika u fi spazji fil-beraħ miftuħa għall-pubbliku permezz ta’ punti tal-aċċess li b’mod inerenti għandhom kopertura limitata, u l-proġetti individwali jkunu żgħar. B’hekk l-intervent jibqa’ proporzjonat mal-għan li l-komunitajiet lokali jitħallew jieħdu sehem fid-dimensjoni bla fili tas-Suq Uniku Diġitali mingħajr preġudizzju għall-offerti kummerċjali. Fl-istess waqt, il-miżura hi mistennija tħalli effetti konsegwenzjali pożittivi fuq il-parteċipazzjoni ġenerali fl-offerti tal-konnettività permezz ta’ servizzi tal-aċċess provduti kummerċjalment. L-effikaċja tal-intervent hi mistennija tkompli tissaħħaħ għax ir-replikabbiltà hi faċli u minħabba l-eventwali effetti dimostrattivi ta’ każijiet ta’ użu b’suċċess.

L-amministrazzjoni online tal-miżura proposta u fost l-oħrajn flimkien mal-appoġġ tan-netwerk domestiku tal-Uffiċċji Kompetenti fil-Broadband se jiżguraw li l-piż amministrattiv imġarrab bl-implimentazzjoni tal-inizjattiva u bil-parteċipazzjoni fiha jkun mill-inqas.

3.IR-RIŻULTATI TAL-EVALWAZZJONIJIET EX-POST, TAL-KONSULTAZZJONIJIET TAL-PARTIJIET KONĊERNATI U TAL-VALUTAZZJONIJIET TAL-IMPATT

Din l-inizjattiva tikkumplimenta l-pakkett il-ġdid tat-telekomunikazzjoni, inkluż il-Komunikazzjoni li tistabbilixxi viżjoni Ewropea tal-konnettività tal-internet għaċ-ċittadini u għan-negozji fis-Suq Uniku Diġitali u l-proposta leġiżlattiva li tirrevedi l-qafas regolatorju għall-komunikazzjoni elettronika, u għalhekk tistrieħ bil-bosta fuq il-kontribut tal-partijiet konċernati u fuq l-analiżi fil-fond li ssir waqt l-evalwazzjoni u l-valutazzjoni tal-impatt li jappoġġaw dawn il-proposti u d-dokumenti ta’ ħidma tal-persunal mehmużin mal-Komunikazzjoni. L-aktar punti rilevanti għall-miżura proposta huma miġbura fil-qosor hawn taħt. B’mod ġenerali, l-analiżi turi li filwaqt li l-azzjonijiet leġiżlattivi u regolatorji jistgħu jneħħu l-ostakli, isaħħu l-inċentivi kompetittivi, iżidu l-prevedibbiltà għall-investituri u jnaqqsu l-ispejjeż għall-introduzzjoni tan-netwerk, il-finanzjament pubbliku għandu rwol importanti biex jintlaħqu l-għanijiet tal-konnettività fit-tul tal-Ewropa.

Ir-rapport riċenti 9 li jiġbor fil-qosor l-eżitu tal-konsultazzjoni pubblika li għamlet il-Kummissjoni fuq ir-rieżami tal-qafas regolatorju għall-komunikazzjoni elettronika joħroġ fid-dieher li ħafna awtoritajiet pubbliċi u parteċipanti privati jappoġġaw l-introduzzjoni ta’
netwerks tal-Wi-Fi fil-binjiet pubbliċi, u li jinħoloq ambjent regolatorju xieraq għal kwistjonijiet bħar-responsabbiltà tal-fornitur tal-aċċess u l-esponiment għall-kampi elettromanjetiċi (l-EMF). L-operaturi saħqu li kull appoġġ pubbliku għandu jkun newtrali mil-lat teknoloġiku u enfasizzaw li t-tifrix jista’ wkoll jeħfief b’diversi forom ta’ sħubijiet pubbliċi privati. Dawn ir-riżultati huma konformi mal-evalwazzjoni ex-post tar-reġim attwali, li takkumpanja l-proposta għal rieżami tal-qafas regolatorju.

Il-valutazzjoni tal-impatt li saret għar-rieżami tal-qafas regolatorju tibni fuq dawn il-kunsiderazzjonijiet li semmew il-partijiet konċernati u tipproponi li jiddaħħlu dispożizzjonijiet dwar l-introduzzjoni ta’ ċelloli żgħar. Dawn id-dispożizzjonijiet għandhom l-għan li jnaqqsu l-ispejjeż għall-introduzzjoni ta’ netwerks densi ħafna u li jsaħħu l-aċċess għall-konnettività lokali bla fili lokali ħalli tiġi ssodisfata d-domanda esponenzjali għal konnettività kullimkien. Il-miżura proposta, li tikkumplimenta l-alternattiva preferuta għall-iżvilupp tal-qafas regolatorju fil-qasam tal-ġestjoni tal-ispettru, se tgħin biex jitrawwem il-forniment ta’ konnettività lokali bla fili u b’hekk tgħin biex titwettaq il-viżjoni Ewropea tal-konnettività tal-internet għaċ-ċittadini u għan-negozji fis-Suq Uniku Diġitali.

4.L-IMPLIKAZZJONIJIET BAĠITARJI

L-approprjazzjonijiet li teħtieġ din il-proposta jridu jiġu ffinanzjati għalkollox fl-ambitu tal-Qafas Finanzjarju Pluriennali 2014-2020. EUR 70 miljun għandhom jiġu allokati mill-ġdid fi ħdan l-ammonti programmati għas-settur tat-telekomunikazzjoni tas-CEF 2017-2019, u EUR 50 miljun se jiġu trasferiti fil-pakkett finanzjarju għall-qasam tat-telekomunikazzjoni permezz ta’ emenda tal-Artikolu 5(1) tar-Regolament CEF. Għal raġunijiet ta’ konsistenza, din iż-żieda hi riflessa wkoll fil-proposta għal emenda tal-qafas ġuridiku għall-Fond Ewropew għall-Investimenti Strateġiċi 10 , kif stabbilit fir-Regolament (UE) 2015/1017 11 .

2016/0287 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolamenti (UE) Nru 1316/2013 u (UE) Nru 283/2014 fejn tidħol il-promozzjoni tal-konnettività tal-internet fil-komunitajiet lokali

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 172 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 12 ,

Wara li kkunsidraw l-opinjoni tal-Kumitat tar-Reġjuni 13 ,

Filwaqt li jaġixxu skont il-proċedura leġiżlattiva ordinarja,

Billi:

(1)Il-Komunikazzjoni tal-Kummissjoni li tistabbilixxi viżjoni Ewropea tal-konnettività tal-internet għaċ-ċittadini u għan-negozji fis-Suq Uniku Diġitali 14 tiddeskrivi bosta miżuri possibbli li kapaċi jsaħħu l-konnettività fl-Unjoni Ewropea.

(2)Fost il-miżuri li jappoġġaw il-viżjoni tal-konnettività Ewropea, din tippromwovi l-introduzzjoni ta’ punti tal-aċċess lokali bla fili permezz ta’ proċeduri simplifikati tal-ippjanar u b’inqas ostakli regolatorji. Dawn il-punti tal-aċċess, inklużi dawk anċillari għall-forniment ta’ servizzi pubbliċi oħrajn jew b’natura mhux kummerċjali, jistgħu jagħtu kontribut importanti biex jitjiebu n-netwerks attwali tal-komunikazzjoni bla fili u biex jiġu introdotti l-ġenerazzjonijiet futuri ta’ dawn in-netwerks, billi jiffaċilitaw kopertura aktar granulari skont il-ħtiġijiet li qed jinbidlu.

(3)Wara l-Komunikazzjoni li tistabbilixxi viżjoni Ewropea tal-konnettività tal-internet għas-Suq Uniku Diġitali u sabiex tippromwovi l-inklużjoni diġitali, l-Unjoni għandha tappoġġa l-forniment ta’ konnettività lokali bla fili u mingħajr ħlas fiċ-ċentri tal-ħajja pubblika lokali, inkluż fi spazji fil-beraħ miftuħa għall-pubbliku ġenerali, permezz ta’ appoġġ immirat. Dan l-appoġġ għadu mhux kopert bir-Regolamenti (UE) Nru 1316/2013 15 u (UE) Nru 283/2014 16 .

(4)Appoġġ ta’ dan it-tip għandu jħeġġeġ lill-entitajiet b’missjoni pubblika bħall-awtoritajiet pubbliċi u l-fornituri tas-servizzi pubbliċi biex joffru konnettività lokali bla fili mingħajr ħlas bħala servizz anċillari għall-missjoni pubblika tagħhom ħalli jiżguraw li l-komunitajiet lokali jistgħu jesperjenzaw il-benefiċċji tal-broadband b’veloċità kbira ħafna fiċ-ċentri tal-ħajja pubblika. Dawn l-entitajiet jistgħu jinkludu l-muniċipalitajiet u lil awtoritajiet pubbliċi lokali oħra, lil-libreriji u lill-isptarijiet..

(5)Il-konnettività lokali bla fili għandha tikkwalifika biss bħala mingħajr ħlas meta tkun qed tingħata mingħajr ħlas korrispondenti imħallas b’mod dirett jew b’xi tip ieħor ta’ ħlas korrispondenti, inkluż ir-reklamar u l-għoti tad-dejta personali, iżda mhux limitat għalihom.

(6)Jekk jitqiesu l-għan speċifiku tal-intervent u n-natura mmirata tiegħu lejn il-ħtiġijiet lokali, dan għandu jiġi identifikat bħala proġett distint ta’ interess komuni fis-settur tat-telekomunikazzjoni skont it-tifsira tar-Regolamenti (UE) Nru 1316/2013 u (UE) Nru 283/2014.

(7)Dan l-intervent se jeħtieġ finanzjament xieraq u għalhekk il-pakkett finanzjarju għall-implimentazzjoni tas-CEF fis-settur tat-telekomunikazzjoni għandu jiżdied b’EUR 50 miljun.

(8)Billi dan l-intervent għandu natura mhux kummerċjali u l-proġetti individwali previsti huma żgħar, il-piż amministrattiv għandu jkun l-inqas possibbli. Għalhekk l-intervent għandu jitwettaq bl-aktar forom xierqa ta’ għajnuna finanzjarja, l-aktar b’għotjiet, disponibbli skont ir-Regolament Finanzjarju, issa jew fil-futur. L-intervent ma għandux jistrieħ fuq l-istrumenti finanzjarji.

(9)Billi punt tal-aċċess lokali bla fili partikolari għandu lħuq limitat u l-valur tal-proġetti individwali koperti hu żgħir, il-punti tal-aċċess li se jibbenefikaw mill-għajnuna finanzjarja skont dan ir-Regolament mhumiex mistennija jikkontestaw l-offerti kummerċjali. Biex ikun żgurat aktar li din l-għajnuna finanzjarja ma xxekkilx il-kompetizzjoni, ma tgerrixx l-investimenti privati jew ma tiddiżinċentivax lill-operaturi privati milli jinvestu, l-intervent għandu jkun limitat għall-proġetti li ma jidduplikawx l-offerti privati jew pubbliċi eżistenti b’karatteristiċi simili fl-istess żona. Dan ma għandux jeskludi appoġġ addizzjonali għal introduzzjonijiet b’din l-inizjattiva minn sorsi pubbliċi u privati ta’ finanzjament.

(10)Biex ikun żgurat li l-konnettività skont dan ir-Regolament tingħata malajr, l-għajnuna finanzjarja għandha tiġi implimentata kemm jista’ jkun b’għodod online ħalli l-applikazzjonijiet jkunu jistgħu jitressqu u jiġu pproċessati malajr filwaqt dawn jappoġġaw l-implimentazzjoni, il-monitoraġġ u l-awditjar tal-punti tal-aċċess lokali bla fili installati.

(11)Minħabba l-ħtiġijiet tal-konnettività tal-internet fl-Unjoni u l-urġenza li jiġu promossi netwerks tal-aċċess li jistgħu jwasslu esperjenza tal-internet ta’ kwalità kbira mal-UE kollha bbażati fuq servizzi tal-broadband b’veloċità kbira ħafna, l-għajnuna finanzjarja għandha tara li tikseb distribuzzjoni bilanċjata ġeografikament.

(12)Għaldaqstant ir-Regolamenti (UE) Nru 1316/2013 u (UE) Nru 283/2014 għandhom jiġu emendati skont dan,

ADOTTAW DAN IR-REGOLAMENT:

Artikolu 1

Emendi għar-Regolament (UE) Nru 1316/2013

Ir-Regolament (UE) Nru 1316/2013 huwa emendat kif ġej:

1. Fl-ewwel subparagrafu tal-Artikolu 5(1), il-punt (b) jinbidel b’dan li ġej:

“(b) is-settur tat-telekomunikazzjoni: EUR 1 091 602 000;”

2. L-Artikolu 7 huwa emendat kif ġej:

a)il-paragrafu 1 jinbidel b’dan li ġej:

“1. Għall-appoġġ tal-għajnuna finanzjarja tal-UE bl-għamla ta’ għotjiet, akkwist u strumenti finanzjarji għandhom ikunu eliġibbli biss dawk l-azzjonijiet li jikkontribwixxu għall-proġetti ta’ interess komuni skont ir-Regolamenti (UE) Nru 1315/2013, (UE) Nru 347/2013 u r-Regolament tal-Linji Gwida għan-netwerks trans-Ewropej fil-qasam tal-infrastruttura tat-telekomunikazzjoni, u l-azzjonijiet ta’ appoġġ għall-programmi.”

b)il-paragrafu 4 jinbidel b’dan li ġej:

“4. Fis-settur tat-telekomunikazzjoni, l-azzjonijiet kollha li jimplimentaw il-proġetti ta’ interess komuni u l-azzjonijiet ta’ appoġġ għall-programmi identifikati fir-Regolament tal-Linji Gwida għan-netwerks trans-Ewropej fil-qasam tal-infrastruttura tat-telekomunikazzjoni, li jkunu jissodisfaw il-kriterji tal-eliġibbiltà u/jew il-kundizzjonijiet stabbiliti b’konformità ma’ dak ir-Regolament għandhom ikunu eliġibbli biex jirċievu l-għajnuna finanzjarja tal-Unjoni skont dan ir-Regolament, kif ġej:

(a) is-servizzi ġeneriċi, il-pjattaformi ta’ servizzi prinċipali u l-azzjonijiet ta’ appoġġ għall-programmi għandhom jiġu ffinanzjati b’għotjiet u/jew bl-akkwist;

(b) l-azzjonijiet fil-qasam tan-netwerks tal-broadband għandhom jiġu ffinanzjati bi strumenti finanzjarji;

(ċ) l-azzjonijiet fil-qasam tal-forniment tal-konnettività lokali bla fili mingħajr ħlas fil-komunitajiet lokali għandhom jiġu ffinanzjati b’għotjiet jew b’forom oħra ta’ għajnuna finanzjarja mill-istrumenti finanzjarji.”

3. Fl-Artikolu 9, jiżdied dan il-paragrafu li ġej:

“1a. Meta jkun ġustifikat bil-ħsieb li jiġi evitat piż amministrattiv mhux meħtieġ, l-aktar fil-każ ta’ għotjiet b’valur baxx skont it-tifsira tal-Artikolu 185 tar-Regolament (UE) Nru 1286/2012, il-ftehim tal-Istati Membri jista’ jingħata għal ċertu kategorija ta’ proposti fil-programmi ta’ ħidma b’konformità mal-Artikolu 17, mingħajr ma jiġu indikati applikanti individwali.”

4. Fl-Artikolu 10(4) jiddaħħal dan it-tielet subparagrafu:

“L-azzjonijiet fil-qasam tal-forniment tal-konnettività lokali bla fili mingħajr ħlas fil-komunitajiet lokali għandhom jiġu ffinanzjati b’għajnuna finanzjarja tal-Unjoni sa 100% tal-ispejjeż eliġibbli, mingħajr preġudizzju għall-prinċipju tal-kofinanzjament.”

Artikolu 2

Emendi għar-Regolament (UE) Nru 283/2014

Ir-Regolament (UE) Nru 283/2014 huwa emendat kif ġej:

1. Fl-Artikolu 2(2) jiddaħħal dan il-punt (h):

“(h) “punt tal-aċċess lokali bla fili” tfisser tagħmir b’potenza baxxa li jaħdem fuq firxa żgħira, li juża spettru tar-radju fuq bażi mhux esklussiva li l-kundizzjonijiet għad-disponibbiltà tiegħu u l-użu effiċjenti għal dan il-għan huma armonizzati fil-livell tal-Unjoni, u li permezz tiegħu l-utenti jkunu jistgħu jiksbu aċċess bla fili għal netwerk tal-komunikazzjoni elettronika.”

2. Fl-Artikolu 4(1) jiddaħħal dan il-punt (c):

“(ċ) jappoġġaw il-forniment ta’ konnettività lokali bla fili u mingħajr ħlas fil-komunitajiet lokali.”

3. L-Artikolu 5 huwa emendat kif ġej:

a)il-paragrafu 7 jinbidel b’dan li ġej:

“7. L-ammont totali tal-baġit allokat għall-istrumenti finanzjarji għan-networks tal-broadband ma għandux jaqbeż il-minimu meħtieġ għall-istabbiliment ta’ interventi kosteffiċjenti li għandhom jiġu ddeterminati abbażi ta’ valutazzjonijiet ex-ante kif imsemmi fl-Artikolu 14(1) tar-Regolament (UE) Nru 1316/2013.

Dak l-ammont għandu jkun sa 15% tal-pakkett finanzjarju għas-settur tat-telekomunikazzjoni msemmi fil-punt (b) tal-Artikolu 5(1) tar-Regolament (UE) Nru 1316/2013.”

b)jiddaħħal il-paragrafu li ġej:

“5a. L-azzjonijiet li jikkontribwixxu għall-proġetti ta’ interess komuni fil-qasam tal-forniment tal-konnettività lokali bla fili u mingħajr ħlas fil-komunitajiet lokali għandhom jiġu appoġġati permezz ta’:

(a) għotjiet; u/jew

(b) forom ta’ għajnuna finanzjarja minn strumenti finanzjarji oħrajn.”

4. Fl-Artikolu 6 jiżdied dan il-paragrafu 8a:

“8a. L-azzjonijiet li jikkontribwixxu għall-proġetti ta’ interess komuni fil-qasam tal-forniment tal-konnettività lokali bla fili u mingħajr ħlas fil-komunitajiet lokali għandhom jissodisfaw il-kundizzjonijiet stabbiliti fit-Taqsima 4 tal-Anness.”

5. Fl-Artikolu 8(9) jiżdied dan il-punt (d):

“(d) l-għadd ta’ konnessjonijiet għall-punti tal-aċċess lokali bla fili stabbilit bl-azzjonijiet li jimplimentaw it-Taqsima 4 tal-Anness.”

6. Fl-Anness għandha tiddaħħal din it-taqsima:

“TAQSIMA 4. KONNETTIVITÀ BLA FILI FIL-KOMUNITAJIET LOKALI

L-azzjonijiet immirati għall-forniment tal-konnettività lokali bla fili u mingħajr ħlas fiċ-ċentri tal-ħajja pubblika lokali, inkluż fi spazji fil-beraħ miftuħa għall-pubbliku ġenerali, u li jaqdu rwol ewlieni fil-ħajja pubblika tal-komunitajiet lokali, għandhom ikunu eliġibbli għall-għajnuna finanzjarja.

L-għajnuna finanzjarja għandha tkun disponibbli għall-entitajiet b’missjoni pubblika bħalma huma l-awtoritajiet lokali u l-fornituri tas-servizzi pubbliċi li jipprovdu konnettività lokali bla fili u mingħajr bl-installazzjoni ta’ punti tal-aċċess lokali bla fili.

Il-proġetti għall-forniment tal-konnettività bla fili permezz ta’ punti tal-aċċess lokai bla fili aċċessibbli liberament jistgħu jirċievu finanzjament jekk:

1)timplimentahom entità b’missjoni pubblika li tkun kapaċi tippjana u tissorvelja l-installazzjoni tal-punti tal-aċċess lokali bla fili interni u esterni fl-ispazji pubbliċi;

2)jissejsu fuq konnettività tal-broadband b’veloċità kbira ħafna ħalli l-utenti jkunu jistgħu jesperjenzaw internet ta’ kwalità kbira u:

a.mingħajr ħlas, faċli li jiġi aċċessat, u li juża tagħmir avvanzat ħafna, u

b.li jappoġġja l-aċċess għal servizzi diġitali innovattivi, bħal dawk offruti permezz ta’ infrastrutturi tas-servizzi diġitali;

3)juża l-identità viżiva komuni li tipprovdi l-Kummissjoni u r-rabta mal-għodod online assoċjati.

Ma għandhomx jiġu koperti proġetti li jidduplikaw offerti privati jew pubbliċi eżistenti b’karatteristiċi simili, inkluż il-kwalità, fl-istess żona.

Il-baġit disponibbli għandu jiġi allokat b’mod bilanċjat ġeografikament għall-proġetti li jissodisfaw il-kundizzjonijiet ta’ hawn fuq fid-dawl tal-proposti li jaslu u, fil-prinċipju, skont min japplika l-ewwel.”

Artikolu 3

Id-dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew Għall-Kunsill

Il-President Il-President

ANNESS

Dikjarazzjoni finanzjarja leġiżlattiva

Proposta għal Regolament li jemenda r-Regolamenti (UE) Nru 1316/2013 u (UE)
Nru 283/2014 fejn tidħol il-promozzjoni tal-konnettività tal-internet fil-komunitajiet lokali

1.IL-QAFAS TAL-PROPOSTA/INIZJATTIVA

1.1.It-titlu tal-proposta/inizjattiva

1.2.L-oqsma ta’ politika kkonċernati fl-istruttura ABM/ABB

1.3.In-natura tal-proposta/inizjattiva:

1.4.L-għanijiet

1.5.Ir-raġunijiet għall-proposta/inizjattiva

1.6.Id-durata u l-impatt finanzjarju

1.7.Il-modi ta’ ġestjoni ppjanati

2.IL-MIŻURI TA’ ĠESTJONI

2.1.Ir-regoli ta’ monitoraġġ u rappurtar

2.2.Is-sistema ta’ ġestjoni u kontroll

2.3.Il-miżuri għall-prevenzjoni tal-frodi u tal-irregolaritajiet

3.STIMA TAL-IMPATT FINANZJARJU TAL-PROPOSTA/INIZJATTIVA

3.1.L-intestaturi tal-qafas finanzjarju pluriennali u l-linji tal-baġit tan-nefqa affettwati

3.2.L-impatt stmat fuq in-nefqa

3.2.1.Sommarju tal-impatt stmat fuq in-nefqa

3.2.2.L-impatt stmat fuq l-approprjazzjonijiet operazzjonali

3.2.3.L-impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet tal-partijiet terzi

3.3.L-impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.IL-QAFAS TAL-PROPOSTA/INIZJATTIVA

1.1.It-titlu tal-proposta/inizjattiva

Proposta għal Regolament li jemenda r-Regolamenti (UE) Nru 1316/2013 u (UE)
Nru 283/2014 fejn tidħol il-promozzjoni tal-konnettività tal-internet fil-komunitajiet lokali

1.2.L-oqsma ta’ politika kkonċernati fl-istruttura ABM/ABB 17

09. Netwerks tal-komunikazzjoni, kontenut u teknoloġija

1.3.In-natura tal-proposta/inizjattiva:

x Il-proposta/inizjattiva hija relatata ma’ azzjoni ġdida

◻ Il-proposta/inizjattiva hija marbuta ma’ azzjoni ġdida b’segwitu għal proġett pilota/azzjoni preparatorja 18

◻ Il-proposta/inizjattiva hi marbuta mal-estensjoni ta’ azzjoni eżistenti

◻ Il-proposta/inizjattiva hija marbuta ma’ azzjoni ridiretta lejn azzjoni ġdida

1.4.L-għanijiet

1.4.1.L-għanijiet strateġiċi pluriennali tal-Kummissjoni fil-mira tal-proposta/inizjattiva

Il-pakkett il-ġdid tat-telekomunikazzjoni li l-Kummissjoni adottat fit-13 ta’ Settembru 2016 jinkludi Komunikazzjoni li tistabbilixxi viżjoni Ewropea tal-konnettività tal-internet għaċ-ċittadini u għan-negozji Ewropej, u proposta leġiżlattiva għal rieżami tal-qafas regolatorju għat-telekomunikazzjoni. Il-proposti tal-Kummissjoni jistabbilixxu r-riformi meħtieġa biex tinċentiva aktar l-introduzzjoni tan-netwerks tal-futur u tiżgura li l-ebda persuna u l-ebda reġjun ma jinqatgħu lura.

Din il-proposta se tħeġġeġ u twieżen lill-entitajiet b’missjoni pubblika, bħalma huma l-awtoritajiet pubbliċi lokali, biex joffru konnettività tal-Wi-Fi mingħajr ħlas fiċ-ċentri tal-ħajja komunitarja (eż. fil-binjiet pubbliċi u madwarhom, fiċ-ċentri tas-saħħa, fil-ġonna pubbliċi jew fil-pjazez).

1.4.2.L-għanijiet speċifiċi u l-attivitajiet ABM/ABB ikkonċernati

Għan speċifiku

Il-pakkett il-ġdid se jipprovdi inċentivi finanzjarji għall-proġetti proposti mill-entitajiet b’missjoni pubblika, bħalma huma l-awtoritajiet pubbliċi u l-fornituri tas-servizzi pubbliċi, li jinstallaw punti tal-aċċess bla fili u joffru konnettività mingħajr ħlas fiċ-ċentri tal-ħajja komunitarja fil-ġuriżdizzjoni tagħhom jew fis-siti tagħhom tas-servizz (eż. il-binjiet tal-amministrazzjoni pubblika, il-libreriji, iċ-ċentri tas-saħħa u l-ispazji pubbliċi fil-beraħ).

Minbarra li tistimula d-domanda għal konnettività tal-broadband b’veloċità kbira u tħeġġeġ l-adozzjoni wiesgħa fil-livell komunitarju, l-inizjattiva se tħalli wkoll bosta effetti pożittivi indiretti fosthom aċċess aħjar għal servizzi diġitali innovattivi u l-benefiċċji bikrija tas-soċjetà tal-gigabits previsti bl-istrateġija l-ġdida li adottat il-Kummissjoni Ewropea.

L-attivitajiet tal-ABM/ABB ikkonċernati

Il-Faċilità Nikkollegaw l-Ewropa (CEF) – In-netwerks tat-telekomunikazzjoni

1.4.3.Ir-riżultati u l-impatti mistennija

Speċifika l-effetti li l-proposta/inizjattiva għandu jkollha fuq il-benefiċjarji/gruppi fil-mira.

L-inizjattiva hi mistennija tħalli dan l-impatt:

L-iskema għandha l-potenzjal li tipprovdi konnettività f’eluf ta’ spazji pubbliċi, li jaf twassal għal 40 sa 50 miljun konnessjoni tal-Wi-Fi kuljum. Din il-konnettività lokali se tappoġġa lill-awtoritajiet pubbliċi u lin-negozji lokali biex joffru firxa usa’ ta’ servizzi diġitali lokali, applikazzjonijiet u prodotti lill-popolazzjonijiet tagħhom u anki lill-viżitaturi, u b’hekk jintegraw ruħhom aħjar fis-Suq Uniku Diġitali.

1.4.4.L-indikaturi tar-riżultati u tal-impatti

Speċifika l-indikaturi għall-monitoraġġ tal-implimentazzjoni tal-proposta/inizjattiva.

L-indikaturi ewlenin tal-monitoraġġ huma: a) l-għadd ta’ punti tal-aċċess installati; u b) l-għadd ta’ konnessjonijiet li jiġġeneraw.

1.5.Ir-raġunijiet għall-proposta/inizjattiva

1.5.1.Ir-rekwiżiti li jridu jiġu ssodisfati fi żmien qasir jew fit-tul

L-inizjattiva taqa’ fil-kamp ta’ applikazzjoni tal-azzjonijiet fil-qasam tan-netwerks tat-telekomunikazzjoni trans-Ewropej, kif definit fl-Artikolu 170 tat-Trattat dwar il-Funzjonament tal-Unjoni Ewropea.

Parallel ma’ dan, proposta leġiżlattiva għal Kodiċi tal-Komunikazzjoni Elettronika ġdid li timmodernizza l-qafas regolatorju attwali tas-servizzi tal-komunikazzjoni elettronika, b’mod partikolari se xxejjen ostakli legali għall-entitajiet li jdaħħlu u jikkondividu l-aċċess tal-Wi-Fi fl-Ewropa, meta xi komunitajiet lokali jew entitajiet privati jkunu jixtiequ jdaħħlu u joffru aċċess tal-Wi-Fi lill-kostitwenti tagħhom.

Fost l-għanijiet strateġiċi tal-Unjoni għall-2025 (Il-Komunikazzjoni dwar il-konnettività għal Soċjetà Ewropea tal-Gigabits) hemm li kull mutur soċjo-ekonomiku ewlieni, bħall-iskejjel, iċ-ċentri tat-trasport u l-fornituri ewlenin tas-servizzi pubbliċi 19 kif ukoll l-intrapriżi intensivi b’mod diġitali, ikun mgħammar b’konnessjonijiet tal-Gigabits. L-inizjattiva tippromwovi l-aċċess tal-Wi-Fi mingħajr ħlas fiċ-ċentri ewlenin tal-ħajja pubblika, inkluż fl-ispazji fil-beraħ miftuħa għall-pubbliku ġenerali, u għalhekk tagħti eżempju konkret ta’ skema li tippromwovi din il-konnettività bl-aktar infrastrutturi diġitali avvanzati.

1.5.2.Il-valur miżjud bl-involviment tal-UE

Ibbażata fuq il-vawċers, l-inizjattiva se tasal b’mod effiċjenti ħafna, u se tattira kategoriji ġodda ta’ promoturi tal-proġetti lejn is-CEF – tipikament awtoritajiet lokali. Fost l-awtoritajiet lokali u fost fornituri oħrajn tas-servizzi pubbliċi se ssir promozzjoni tal-emulazzjoni permezz tan-netwerk tal-UE tal-Uffiċċji Kompetenti fil-Broadband li għandu jinħoloq bil-pakkett il-ġdid tat-telekomunikazzjoni. B’mod ġenerali, l-inizjattiva se tħaffef l-għarfien tal-prijoritajiet il-ġodda tal-Kummissjoni għal soċjetà tal-Gigabits fil-livelli kollha tal-amministrazzjoni, u se tipprovdi livell għoli ta’ rikonoxximent, tal-marka, viżibbiltà u fiduċja fil-kapaċità tal-UE li twassal servizzi diġitali liċ-ċittadini madwar il-kontinent Ewropew. Il-punti tal-aċċess se jaslu b’mod uniformi u lill-entitajiet interessati li jużaw il-Wi-Fi se jipprovdulhom l-aqwa prattika, biex b’hekk iservu ta’ mudell innovattiv li jinfirex mal-UE kollha.

1.5.3.Tagħlimiet minn esperjenzi simili fl-imgħoddi

F’dawn l-aħħar snin, dan it-tip ta’ aċċess għall-Wi-Fi mingħajr ħlas mingħand l-awtoritajiet muniċipali feġġ f’ħafna żoni lokali madwar l-Ewropa. Għaldaqstant din l-iskema se tibni fuq din l-esperjenza u ssaħħaħ ir-replikabbiltà ta’ dan il-mudell billi toktor fl-Istati Membri kollha tal-UE fl-istess waqt.

1.5.4.Il-kompatibbiltà u s-sinerġija possibbli ma’ strumenti oħrajn xierqa

L-inizjattiva se tikkumplimenta t-tifrix tan-netwerks diġitali ffinanzjati mill-Fondi Strutturali u ta’ Investiment Ewropej (l-aktar il-FEŻR u l-FAEŻR) li joħolqu backhaul u jagħtu aċċess għall-broadband f’żoni fejn l-operaturi tat-telekomunikazzjoni ma esprimew l-ebda interess li jinvestu. Għalhekk se jinħolqu aktar inċentivi għall-awtoritajiet lokali biex jgħammru t-territorju kollu fil-ġurisdizzjoni tagħhom u joħolqu konnessjonijiet bejn l-ispazji pubbliċi li għandhom netwerks backhaul b’kapaċità kbira ħafna.

L-inizjattiva se tħeġġeġ ukoll l-iżvilupp ta’ servizzi diġitali innovattivi u applikazzjonijiet li jiġu prodotti lokalment – ħafna drabi mill-SMEs lokali. Ngħidu aħna, filwaqt li jsejsu fuq id-diġitalizzazzjoni tal-kontenut lokali u sorsi storiċi oħrajn, il-mużewijiet jew xi sit ta’ wirt fuq barra jistgħu jiżviluppaw apps biex jagħnu l-esperjenza tal-viżitaturi. Dan japplika wkoll għall-apps tat-turiżmu elettroniku għall-benefiċċju tal-kummerċ lokali u tal-attivitajiet muniċipali. Għalhekk din l-inizjattiva se tappoġġa l-politika dwar l-intraprenditorija diġitali tal-Kummissjoni Ewropea.

1.6.Id-durata u l-impatt finanzjarju

x Proposta/inizjattiva b’durata limitata

–x Il-proposta/inizjattiva tidħol fis-seħħ mill-2017 sal-2020

–x L-impatt finanzjarju mill-2017 sal-2020

◻ Proposta/inizjattiva b’durata bla limitu

–L-implimentazzjoni b’perjodu għat-tnedija minn XXX sa XXX,

–u wara tħaddim fuq skala sħiħa.

1.7.Il-modi ta’ ġestjoni ppjanati 20

◻ Ġestjoni diretta mill-Kummissjoni

–◻ mid-dipartimenti tagħha, inkluż il-persunal tagħha fid-delegazzjonijiet tal-Unjoni;

–x mill-aġenziji eżekuttivi

◻ Ġestjoni konġunta mal-Istati Membri

◻ Ġestjoni indiretta billi l-kompiti tal-implimentazzjoni baġitarja jiġu fdati lil:

–◻ pajjiżi terzi jew il-korpi nnominati minnhom;

–◻ organizzazzjonijiet internazzjonali u l-aġenziji tagħhom (iridu jiġu speċifikati);

–◻ il-BEI u l-Fond Ewropew tal-Investiment;

–◻ il-korpi msemmija fl-Artikoli 208 u 209 tar-Regolament Finanzjarju;

–◻ korpi tal-liġi pubblika;

–◻ korpi rregolati mil-liġi privata b’missjoni ta’ servizz pubbliku safejn jipprovdu garanziji finanzjarji adegwati;

–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk ikun indikat aktar minn mod wieħed ta’ ġestjoni, agħti d-dettalji fit-taqsima “Kummenti”.

Kummenti

2.IL-MIŻURI TA’ ĠESTJONI

2.1.Ir-regoli ta’ monitoraġġ u rappurtar

Speċifika l-frekwenza u l-kundizzjonijiet.

Se tinħoloq sistema ta’ monitoraġġ biex tiżgura li din l-inizjattiva tiġi implimentata malajr u tipproduċi riżultati immedjati. Qabelxejn din se tiġi implimentata b’għodod online u b’verifika ta’ kampjun tal-installazzjonijiet fil-livell tal-punti tal-aċċess lokali bla fili.

2.2.Is-sistema ta’ ġestjoni u kontroll

2.2.1.Ir-riskji identifikati

Riskju tal-implimentazzjoni: in-natura mhux burokratiku tal-iskema tal-vawċers se tibni fuq l-esperjenza ta’ inizjattivi simili (eż. l-innovazzjoni fl-ICT għall-SMEs, il-konnettività bis-satellita, eċċ.) fil-livell reġjonali u fil-livell nazzjonali iżda se tiżdied fil-livell tal-UE.

Riskju tal-adozzjoni: billi qed jitħaddem il-prinċipju ta’ min japplika l-ewwel, hemm riskju ta’ adozzjoni żbilanċjata bejn it-territorji. Iżda l-Kummissjoni hi impenjata li tiżgura impatt bilanċjat ġeografikament u li tqis il-ħtiġijiet speċifiċi tal-Istati Membri u r-reġjuni li huma iżgħar u għadhom lura ekonomikament.

Riskju għas-sigurtà u għall-protezzjoni tad-dejta: l-iskema se tiżgura protezzjoni sħiħa tad-dejta personali u livell biżżejjed ta’ awtentikazzjoni biex tiżgura li l-konnessjoni fil-livell ta’ punt tal-aċċess tkun faċli biex tintuża.

Riskju għar-reputazzjoni: il-kwalità tas-servizz se tiġi żgurata bl-impenn tal-benefiċjarji li jibnu fuq konnettività tal-broadband b’veloċità kbira ħafna ħalli l-utenti jkunu jistgħu jesperjenzaw internet ta’ kwalità kbira; u din se tiġi sorveljata b’mod regolari.

2.2.2.Tagħrif fuq it-twaqqif tas-sistema ta’ kontroll intern

Il-ftehimiet u d-deċiżjonijiet fuq l-implimentazzjoni tal-azzjonijiet skont is-CEF se jipprovdu għal superviżjoni u kontroll finanzjarju mill-Kummissjoni, jew minn xi rappreżentant awtorizzat mill-Kummissjoni, kif ukoll għal awditjar mill-Qorti tal-Awdituri u verifiki fuq il-post imwettqa mill-Uffiċċju Ewropew Kontra l-Frodi (l-OLAF), b’konformità mal-proċeduri stabbiliti fir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra u fir-Regolament (KE) Nru 1073/1999 tal-Parlament Ewropew u tal-Kunsill tal-25 ta’ Mejju 1999 dwar investigazzjonijiet immexxija mill-Uffiċċju Ewropew ta’ Kontra l-Frodi (OLAF).

2.2.3.Stima tal-ispejjeż u tal-benefiċċji tal-kontrolli u valutazzjoni tal-livell mistenni tar-riskju ta’ żball

Sommarju tal-kontrolli

Ammonti f’EUR miljun

Għadd ta’ benefiċjarji: tranżazzjonijiet (% tat-total)

Kemm jidħol fil-fond il-kontroll * (valutazzjoni 1-4)

Kopertura (% tal-valur)

Ġestjoni tal-azzjonijiet mill-evalwazzjoni sal-awditjar ex-post

0.060

1) monitoraġġ ġenerali tal-proġetti kollha: 100%

100%

2) awditjar tal-proġetti magħżula: 5%

10%

2.3.Il-miżuri għall-prevenzjoni tal-frodi u tal-irregolaritajiet

Speċifika l-miżuri għall-prevenzjoni u għall-protezzjoni eżistenti jew previsti.

Il-Kummissjoni se tiżgura li meta jkunu implimentati l-azzjonijiet iffinanzjati skont dan ir-Regolament, l-interessi finanzjarji tal-Unjoni jkunu mħarsa bl-applikazzjoni ta’ miżuri preventivi kontra l-frodi, il-korruzzjoni u kull attività illegali oħra, b’verifiki effettivi u bl-irkupru ta’ ammonti li ma kellhomx jitħallsu u, jekk jinstabu irregolaritajiet, permezz ta’ sanzjonijiet effettivi, proporzjonali u dissważivi, b’konformità mar-Regolament tal-Kunsill (KE, Euratom) Nru 2988/95, mar-Regolament tal-Kunsill (Euratom, KE) Nru 2185/96 u mar-Regolament (KE) Nru 1073/1999 tal-Parlament Ewropew u tal-Kunsill.

Il-kuntratti se jiġu bbażati fuq mudelli standard li se jistabbilixxu l-miżuri kontra l-frodi applikabbli ġeneralment.

3.STIMA TAL-IMPATT FINANZJARJU TAL-PROPOSTA/INIZJATTIVA

3.1.L-intestaturi tal-qafas finanzjarju pluriennali u l-linji tal-baġit tan-nefqa affettwati

Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u l-linji baġitarji.

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	1a Kompetittività għat-Tkabbir u għall-Impjiegi	Diff./Mhux diff.	mill-pajjiżi tal-EFTA	mill-pajjiżi kandidati	minn pajjiżi terzi	skont it-tifsira tal-Artikolu 21(2)(b) tar-Regolament Finanzjarju
	09 03 04 Wireless għall-UE (W4EU)	Differenzjata	IVA	LE	LE	LE

3.2.L-impatt stmat fuq in-nefqa

[Din it-taqsima għandha timtela bl-użu ta’ spreadsheet dwar id-dejta tal-baġit ta’ natura amministrattiva (it-tieni dokument fl-Anness ta’ din id-dikjarazzjoni finanzjarja) u tittella’ fuq DECIDE għall-finijiet ta’ konsultazzjoni bejn is-servizzi.]

3.2.1.Sommarju tal-impatt stmat fuq in-nefqa

EUR miljun (sa tliet punti deċimali)

Intestatura tal-qafas finanzjarju
pluriennali

Kompetittività għat-tkabbir u għall-impjiegi

L-approprjazzjonijiet operazzjonali meħtieġa minn din il-proposta jridu jiġu ffinanzjati għalkollox fl-ambitu tal-Qafas Finanzjarju Pluriennali 2014-2020. Kif indikat hawn taħt, EUR 70 miljun għandhom jiġu allokati mill-ġdid fi ħdan l-ammonti pprogrammati għas-settur tat-telekomunikazzjoni tal-Faċilità Nikkollegaw l-Ewropa għall-perjodu 2017-2020 u EUR 50 miljun se jiġu ffinanzjati permezz tal-Marġini Mhux Allokat.

Sorsi ta’ finanzjament għall-inizjattiva	2017	2018	2019	2020	Total
09 03 02 Ħolqien ta’ ambjent li jattira l-investiment privat għal proġetti fl-infrastruttura tat-telekomunikazzjoni - il-broadband tas-CEF	19,422	19,967			39,389
09 03 03 Promozzjoni tal-interoperabbiltà, l-introduzzjoni sostenibbli, it-tħaddim u l-aġġornament tal-infrastrutturi tas-servizzi diġitali trans-Ewropej, kif ukoll il-koordinazzjoni fil-livell Ewropew	0,578			0,350	0,928
09 04 02 01 Tmexxija fit-teknoloġija tal-informazzjoni u tal-komunikazzjoni (LEIT)		30,033 21			30,033
Intestatura 1a marġini mhux allokat			49,650		49,650
Total	20,000	50,000	49,650	0,350	120,000

Id-DĠ: CNECT/MOVE			2017	2018	2019	2020	TOTAL
Approprazzjonijiet operazzjonali f’EUR miljun
09 03 04 Wireless għall-UE (W4EU)	Impenji	(1)	19,330	49,610	49,260		118,200
	Pagamenti	(2)	0	44,135	49,435	24,630	118,200
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 22
06 01 06 01 L-Aġenzija Eżekuttiva għall-Innovazzjoni u n-Netwerks – kontribuzzjoni mis-CEF	Impenji		0,580	0,365	0,365	0,290	1,600
	Pagamenti		0,580	0,365	0,365	0,290	1,600
09 01 04 01 Nefqa ta’ Appoġġ għall-Faċilità Nikkollegaw l-Ewropa (CEF)	Impenji		0,090	0,025	0,025	0,060	0,200
	Pagamenti		0,090	0,025	0,025	0,060	0,200
TOTAL tal-approprjazzjonijiet għad-DĠ CNECT/MOVE	Impenji	=1+1a +3	20,000	50,000	49,650	0,350	120,000
	Pagamenti	=2+2a +3	0,670	44,525	49,825	24,980	120,000

Intestatura tal-qafas finanzjarju
pluriennali

“Nefqa amministrattiva”

EUR miljun (sa tliet punti deċimali)

		2017	2018	2019	2020	TOTAL
Id-DĠ: <CNECT …….>
• Riżorsi umani		0,204	0,204	0,204	0,204	0,816
• Nefqa amministrattiva oħra		0,020	0,020	0,010	0,010	0,060
TOTAL tad-DĠ CNECT	Approprjazzjonijiet	0,224	0,224	0,214	0,214	0,876

TOTAL tal-approprjazzjonijiet
fl-INTESTATURA 5
tal-qafas finanzjarju pluriennali

(Total tal-impenji = Total tal-pagamenti)

0,224

0,214

0,876

EUR miljun (sa tliet punti deċimali)

		2017	2018	2019	2020	TOTAL
TOTAL tal-approprjazzjonijiet fl-INTESTATURI 1 sa 5 tal-qafas finanzjarju pluriennali	Impenji	20,224	50,224	49,864	0,564	120,876
	Pagamenti	0,894	44,749	50,039	25,194	120,876

3.2.2.L-impatt stmat fuq l-approprjazzjonijiet operazzjonali

–◻ Il-proposta/inizjattiva ma teħtieġx l-użu ta’ approprjazzjonijiet operazzjonali

–x Il-proposta/inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet għall-impenji f’EUR miljun (sa tliet punti deċimali)

Indika l-għanijiet u r-riżultati ⇩			2017		2018		2019		2020		TOTAL
	RIŻULTATI
	Tip 23	Spiża medja	Nru	Spiża	Nru	Spiża	Nru	Spiża	Nru	Spiża	Nru Totali	Spiża Totali
GĦAN SPEĊIFIKU
Aċċessi			967	0,02	2480	0,02	2463	0,02			5910	118,200
SPIŻA TOTALI			967	19,330	2480	49,610	2463	49,260			5910	118,200

3.2.3.L-impatt stmat fuq l-approprjazzjonijiet ta’ natura amministrattiva

3.2.3.1.Sommarju

–◻ Il-proposta/inizjattiva ma teħtieġx l-użu ta’ approprjazzjonijiet ta’ natura amministrattiva

–x Il-proposta/inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

EUR miljun (sa tliet punti deċimali)

2017

2018

2019

2020

TOTAL

INTESTATURA 5 tal-qafas finanzjarju pluriennali
Riżorsi umani	0,204	0,204	0,204	0,204	0,816
Nefqa amministrattiva oħra	0,020	0,020	0,010	0,010	0,060
Subtotal tal-INTESTATURA 5 tal-qafas finanzjarju pluriennali	0,224	0,224	0,214	0,214	0,876

Barra mill-INTESTATURA 5 24 tal-qafas finanzjarju pluriennali
Riżorsi umani
Infiq ieħor ta’ natura amministrattiva	0,090	0,025	0,025	0,060	0,200
Subtotal barra mill-INTESTATURA 5 tal-qafas finanzjarju pluriennali	0,090	0,025	0,025	0,060	0,200

TOTAL

0,314

0,249

0,239

0,274

1,076

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jintlaħqu b’approprjazzjonijiet mid-DĠ li diġà jkunu assenjati għall-ġestjoni tal-azzjoni u/jew kienu ġew ridistribwiti fid-DĠ, u jekk ikun neċessarju, flimkien ma’ kull allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tad-diffikultajiet baġitarji.

3.2.3.2.Stima tar-riżorsi umani meħtieġa

–◻ Il-proposta/inizjattiva ma teħtieġx l-użu ta’ riżorsi umani.

–X Il-proposta/inizjattiva teħtieġ l-użu ta’ riżorsi umani, kif spjegat hawn taħt:

Stima li trid tingħata f’unitajiet ekwivalenti għal fulltime

		2017	2018	2019	2020
• Postijiet tal-pjan tal-istabbiliment (uffiċjali u persunal temporanju)
09 01 01 01 (Kwartieri Ġenerali u l-Uffiċċji tar-Rappreżentanza tal-Kummissjoni)		1,0	1,0	1,0	1,0
XX 01 01 02 (Delegazzjonijiet)
XX 01 05 01 (Riċerka indiretta)
10 01 05 01 (Riċerka diretta)
• Persunal estern (f’unità Ekwivalenti għal Fulltime: FTE) 25
09 01 02 01 (AC, END, INT mill-“pakkett globali”)		1,0	1,0	1,0	1,0
XX 01 02 02 (AC, AL, END, INT u JED fid-Delegazzjonijiet)
XX 01 04 yy 26	- fil-Kwartieri Ġenerali
	- fid-Delegazzjonijiet
XX 01 05 02 (AC, END, INT - Riċerka indiretta)
10 01 05 02 (AC, END, INT - Riċerka diretta)
Linji baġitarji oħra (speċifika)
TOTAL		2,0	2,0	2,0	2,0

09 hija l-qasam ta’ politika jew it-titolu tal-baġit ikkonċernat.

Ir-riżorsi umani meħtieġa se jintlaħqu mill-persunal tad-DĠ li diġà huma assenjati għall-ġestjoni tal-azzjoni u/jew li diġà ngħataw kariga band’oħra fid-DĠ, u jekk ikun meħtieġ, flimkien ma’ kull allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tar-restrizzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju
Persunal estern

3.2.4.Kompatibbiltà mal-qafas finanzjarju pluriennali attwali

–X Il-proposta/inizjattiva hija kompatibbli mal-qafas finanzjarju pluriennali attwali.

–◻ Il-proposta/inizjattiva se teħtieġ programmazzjoni mill-ġdid tal-intestatura rilevanti fil-qafas finanzjarju pluriennali.

Spjega xi programmazzjoni mill-ġdid hija meħtieġa billi tispeċifika l-linji baġitarji kkonċernati u l-ammonti korrispondenti.

–◻ Il-proposta/inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali.

Spjega dak li hemm bżonn u speċifika l-intestaturi u l-linji baġitarji kkonċernati u l-ammonti korrispondenti.

3.2.5.Kontribuzzjonijiet tal-partijiet terzi

–Il-proposta/inizjattiva ma tipprevedi l-ebda kofinanzjament mingħand il-partijiet terzi

3.3.L-impatt stmat fuq id-dħul

–X Il-proposta/inizjattiva ma għandha l-ebda impatt finanzjarju fuq id-dħul.

ANNESS
tad-DIKJARAZZJONI FINANZJARJA LEĠIŻLATTIVA

Isem il-proposta/inizjattiva:

Proposta għal Regolament li jemenda r-Regolamenti (UE) Nru 1316/2013 u (UE) Nru 283/2014 fejn tidħol il-promozzjoni tal-konnettività tal-internet fil-komunitajiet lokali

1.L-GĦADD u L-ISPIZA tar-RIŻORSI UMANI MEQJUSA NEĊESSARJI

2.L-ISPIŻA ta’ NEFQA AMMINISTRATTIVA OĦRA

3.IL-METODI tal-KALKOLU UŻATI għall-ISTIMI tal-ISPEJJEŻ

3.1.Riżorsi umani

3.2.Nefqa amministrattiva oħra

Dan l-Anness għandu jinhemeż mad-dikjarazzjoni finanzjarja leġiżlattiva meta titnieda l-konsultazzjoni bejn is-servizzi.

It-tabelli tad-dejta jintużaw bħala sors għat-tabelli tad-dikjarazzjoni finanzjarja leġiżlattiva. Dawn huma strettament għall-użu intern fil-Kummissjoni.

1.L-ispiża tar-riżorsi umani kkunsidrati neċessarji

Il-proposta/inizjattiva ma teħtieġx l-użu ta’ riżorsi umani.

X Il-proposta/inizjattiva teħtieġ l-użu ta’ riżorsi umani, kif spjegat hawn taħt:

EUR miljun (sa tliet punti deċimali)

INTESTATURA 5 tal-qafas finanzjarju pluriennali		2017		2018		2019		2020		...niżżel kemm hemm bżonn snin biex turi d-durata tal-impatt (ara l-punt 1.6)		TOTAL
		FTE	Approprjazzjonijiet	FTE	Approprjazzjonijiet	FTE	Approprjazzjonijiet	FTE	Approprjazzjonijiet	FTE	Approprjazzjonijiet	FTE	Approprjazzjonijiet
• Postijiet tal-pjan tal-istabbiliment (uffiċjali u persunal temporanju)
09 01 01 01 (Kwartieri Ġenerali u l-Uffiċċji tar-Rappreżentanza tal-Kummissjoni)	AD	1	0.134	1	0.134	1	0.134	1	0.134			1	0.536
	AST
XX 01 01 02 (fid-Delegazzjonijiet tal-Unjoni)	AD
	AST
• Persunal estern 27
09 01 02 01 (“pakkett globali”)	AC	1	0.070	1	0.070	1	0.070	1	0.070			1	0.280
	END
	INT
XX 01 02 02 (fid-Delegazzjonijiet tal-Unjoni)	AC
	AL
	END
	INT
	JED
Linji baġitarji oħra (speċifika)
Subtotal – INTESTATURA 5 tal-qafas finanzjarju pluriennali		2	0.204	2	0.204	2	0.204	2	0.204			2	0.816

XX huwa l-qasam ta’ politika jew it-titolu tal-baġit ikkonċernat.

Barra mill-INTESTATURA 5
tal-qafas finanzjarju pluriennali

2017

2018

2019

2020

...niżżel kemm hemm bżonn snin biex turi d-durata tal-impatt (ara l-punt 1.6)

TOTAL

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

• Postijiet tal-pjan tal-istabbiliment (uffiċjali u persunal temporanju)

10 01 05 02 (Riċerka diretta)

AST

XX 01 05 01 (Riċerka indiretta)

AST

• Persunal estern 28

09 01 04 01
Sottolimitu għall-persunal estern mill-approprjazzjonijiet operazzjonali (dawk li kienu l-linji “AB”).

- fil-Kwartieri Ġenerali

END

INT

- fid-Delegazzjonijiet tal-Unjoni

END

INT

JED

XX 01 05 02 (Riċerka indiretta)

END

INT

10 01 05 02 (Riċerka diretta)

END

INT

Linji baġitarji oħra (speċifika)

Subtotal - Barra mill-INTESTATURA 5
tal-qafas finanzjarju pluriennali

09 hija l-qasam ta’ politika jew it-titolu tal-baġit ikkonċernat. TOTAL

2.L-ispejjeż ta’ nefqa amministrattiva oħra

Il-proposta/inizjattiva ma teħtieġx l-użu ta’ approprjazzjonijiet amministrattivi

x Il-proposta/inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

EUR miljun (sa tliet punti deċimali)

	2017	2018	2019	2020	... niżżel kemm hemm bżonn snin biex turi d-durata tal-impatt (ara l-punt 1.6)	TOTAL
INTESTATURA 5 tal-qafas finanzjarju pluriennali
Fil-Kwartieri Ġenerali:
09 01 02 11 01 - Spejjeż tal-missjonijiet u tar-rappreżentanzi	0.020	0.020	0.010	0.010		0.060
09 01 02 11 02 - Spejjeż tal-konferenzi tal-laqgħat
09 01 02 11 03 - Kumitati 29
09 01 02 11 04 - Studji u konsultazzjonijiet
09 01 02 11 05 – Sistemi tal-ġestjoni u tal-informazzjoni
XX 01 03 01 – Tagħmir u servizzi tal-ICT 30
Linji baġitarji oħra (speċifika fejn meħtieġ)
Fid-Delegazzjonijiet tal-Unjoni
XX 01 02 12 01 - Spejjeż tal-missjonijiet, tal-konferenzi u tar-rappreżentanzi
XX 01 02 12 02 - Taħriġ ulterjuri tal-persunal
XX 01 03 02 01 - Nefqa għall-akkwiżizzjoni u l-kera, u nefqa relatata
XX 01 03 02 02 Tagħmir, għamara, fornituri u servizzi
Subtotal tal-INTESTATURA 5 tal-qafas finanzjarju pluriennali	0.020	0.020	0.010	0.010		0.060

09 hija l-qasam ta’ politika jew it-titolu tal-baġit ikkonċernat.

EUR miljun (sa tliet punti deċimali)

2017

2018

2019

2020

... niżżel kemm hemm bżonn snin biex turi d-durata tal-impatt
(ara l-punt 1.6)

TOTAL

Barra mill-INTESTATURA 5 tal-qafas finanzjarju pluriennali
09 01 04 01 - Nefqa għal assistenza teknika u amministrattiva (li ma tinkludix il-persunal estern) minn approprjazzjonijiet operazzjonali (li qabel kienu l-linji “BA”)	0.090	0.025	0.025	0.060	0.200
- fil-Kwartieri Ġenerali
- fid-Delegazzjonijiet tal-Unjoni
XX 01 05 03 - Nefqa maniġerjali oħra għar-riċerka indiretta
10 01 05 03 - Nefqa maniġerjali oħra għar-riċerka diretta
Linji baġitarji oħra (speċifika fejn meħtieġ)
Subtotal - Barra mill-INTESTATURA 5 tal-qafas finanzjarju pluriennali	0.090	0.025	0.025	0.060	0.200

XX huwa l-qasam ta’ politika jew it-titolu tal-baġit ikkonċernat.

TOTAL

INTESTATURA 5 u Barra mill-INTESTATURA 5
tal-qafas finanzjarju pluriennali

0.314

0.249

0.239

0.274

1.076

L-approprjazzjonijiet amministrattivi meħtieġa se jintlaħqu b’approprjazzjonijiet li diġà jkunu assenjati għall-ġestjoni tal-azzjoni u/jew kienu ġew ridistribwiti, u jekk ikun neċessarju, flimkien ma’ kull allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tad-diffikultajiet baġitarji eżistenti.

3.Il-metodi tal-kalkolu użati għall-istimi tal-ispejjeż

3.1. Riżorsi umani

Din il-parti tispjega l-metodu tal-kalkolu li ntuża biex jiġu stmati r-riżorsi umani kkunsidrati neċessarji (assunzjonijiet tal-ammont ta’ xogħol, inkluż kariġi speċifiċi (il-profili tax-xogħol tas-Sysper 2), il-kategoriji tal-persunal u l-ispejjeż medji korrispondenti)

INTESTATURA 5 tal-qafas finanzjarju pluriennali

NB: L-ispejjeż medji għal kull kategorija tal-persunal fil-Kwartieri Ġenerali jinsabu fuq BudgWeb:

https://myintracomm.ec.europa.eu/budgweb/EN/pre/legalbasis/Pages/pre-040-020_preparation.aspx

• Uffiċjali u persunal temporanju

L-użu tal-ispiża medja tad-DĠ BUDG

• Persunal estern

L-użu tal-ispiża medja tad-DĠ BUDG

Barra mill-INTESTATURA 5 tal-qafas finanzjarju pluriennali

• Postijiet iffinanzjati mill-baġit tar-riċerka biss

• Persunal estern

3.2.Nefqa amministrattiva oħra

Agħti dettalji fuq il-metodu tal-kalkolu użat għal kull linja baġitarja

u partikolarment fuq l-assunzjonijiet sottostanti (pereżempju l-għadd ta’ laqgħat kull sena, l-ispejjeż medji, eċċ.)

INTESTATURA 5 tal-qafas finanzjarju pluriennali

żjara waħda (1) għal kull Stat Membru matul l-ewwel sentejn (2) (spiża medja +/-EUR 715)

Segwitu inqas intensiv matul l-aħħar sentejn (2).

Barra mill-INTESTATURA 5 tal-qafas finanzjarju pluriennali

L-iżvilupp tal-IT fl-2017 u l-manutenzjoni fis-snin ta’ wara.
L-ispejjeż għall-evalwazzjoni fi tmiem l-implimentazzjoni.

(1) Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, u lill-Kumitat tar-Reġjuni – Konnettività għal Suq Uniku Diġitali Kompetittiv – Lejn Soċjetà Ewropea tal-Gigabits (COM(2016) 587).

(2) Proposta għal Direttiva tal-Parlament Ewropew u tal-Kunsill li tistabbilixxi l-Kodiċi Ewropew tal-Komunikazzjoni Elettronika (Riformulazzjoni) (COM(2016)590).

(3) Ir-Regolament (UE) Nru 1316/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-Faċilità Nikkollegaw l-Ewropa, li jemenda r-Regolament (UE) Nru 913/2010 u jħassar ir-Regolamenti (KE) Nru 680/2007 u (KE) Nru 67/2010, ĠU L 348, 20.12.2013, p. 129, kif emendat l-aħħar bir-Regolament (UE) 2015/1017 tal-Parlament Ewropew u tal-Kunsill tal-25 ta’ Ġunju 2015, ĠU L 169, 1.7.2015, p. 1.

(4) Ir-Regolament (UE) Nru 283/2014 tal-Parlament Ewropew u tal-Kunsill tal-11 ta’ Marzu 2014 dwar linji gwida għal netwerks trans-Ewropej fil-qasam tal-infrastruttura tat-telekomunikazzjoni u li jħassar id-Deċiżjoni Nru 1336/97/KE, ĠU L 86, 21.3.2014, p. 14.

(5) Kif definit fl-Artikolu 185 tar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni, ĠU L 362, 31.12.2012, p. 1, kif emendat bir-Regolament Delegat tal-Kummissjoni (UE) 2015/2462 tat-30 ta’ Ottubru 2015, ĠU L 342, 29.12.2015, p. 7.

(6) Normalment, kull għajnuna finanzjarja addizzjonali mill-Istati Membri għandha tikkwalifika bħala għajnuna de minimis, kif definit fl-Artikolu 3 tar-Regolament tal-Kummissjoni (UE) Nru 1407/2013 tat-18 ta’ Diċembru 2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis, ĠU L 352, 24.12.2013, p. 1. Jekk din l-għajnuna finanzjarja addizzjonali mill-Istati Membri ma tissodisfax ir-rekwiżiti biex tkun tista’ titqjies bħala għajnuna de minimis, l-Artikoli 107 u 108 TFUE għandhom japplikaw għall-finanzjament addizzjonali.

(7) L-għan li jkun hemm distribuzzjoni bilanċjata ġeografikament tal-għajnuna finanzjarja tal-Unjoni jrid jinkiseb fil-limiti tal-proposti rċevuti realment, u b’konformità sħiħa mal-prinċipji għal ċerti forom ta’ għajnuna finanzjarja kif definit fir-Regolament Finanzjarju.

(8) https://ec.europa.eu/digital-single-market/en/broadband-competence-offices .

(9) https://ec.europa.eu/digital-single-market/en/news/full-synopsis-report-public-consultation-evaluation-and-review-regulatory-framework-electronic

(10) Proposta għal Regolament tal-Parlament Ewropew u tal-Kunsill li jemenda r-Regolamenti (UE) Nru 1316/2013 u (UE) 2015/1017 dwar l-estensjoni tad-durata tal-Fond Ewropew għall-Investimenti Strateġiċi, kif ukoll l-introduzzjoni ta’ titjib tekniku għal dan il-Fond u għaċ-Ċentru Ewropew ta’ Konsulenza għall-Investimenti (COM(2016) 597).

(11) Ir-Regolament (UE) 2015/1017 tal-Parlament Ewropew u tal-Kunsill tal-25 ta’ Ġunju 2015 dwar il-Fond Ewropew għall-Investimenti Strateġiċi, iċ-Ċentru Ewropew ta’ Konsulenza għall-Investimenti u l-Portal Ewropew ta’ Proġetti ta’ Investiment u li jemenda r-Regolamenti (UE) Nru 1291/2013 u (UE) Nru 1316/2013 – il-Fond Ewropew għall-Investimenti Strateġiċi, ĠU 169, 1.7.2015, p. 1.

(12) ĠU C,, p...

(13) ĠU C,, p..

(14) Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, u lill-Kumitat tar-Reġjuni – Konnettività għal Suq Uniku Diġitali Kompetittiv – Lejn Soċjetà Ewropea tal-Gigabits (COM(2016) 587).

(15) Ir-Regolament (UE) Nru 1316/20136 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-Faċilità Nikkollegaw l-Ewropa, li jemenda r-Regolament (UE) Nru 913/2010 u jħassar ir-Regolamenti (KE) Nru 680/2007 u (KE) Nru 67/2010, ĠU L 348, 20.12.2013, p. 129, kif emendat l-aħħar bir-Regolament (UE) 2015/1017 tal-Parlament Ewropew u tal-Kunsill tal-25 ta’ Ġunju 2015, ĠU L 169, 1.7.2015, p. 1.

(16) Ir-Regolament (UE) Nru 283/2014 tal-Parlament Ewropew u tal-Kunsill tal-11 ta’ Marzu 2014 dwar linji gwida għal netwerks trans-Ewropej fil-qasam tal-infrastruttura tat-telekomunikazzjoni u li jħassar id-Deċiżjoni Nru 1336/97/KE, ĠU L 86, 21.3.2014, p. 14.

(17) ABM: immaniġġjar ibbażat fuq l-attività; ABB: ibbaġitjar ibbażat fuq l-attività.

(18) Kif imsemmi fl-Artikolu 54(2)(a) jew (b) tar-Regolament Finanzjarju.

(19) Li tkopri: eż. l-iskejjel primarji u sekondarji, l-istazzjonijiet tal-ferrovija, il-portijiet u l-ajruporti, il-binjiet tal-awtoritajiet lokali, l-universitajiet, iċ-ċentri tar-riċerka, il-kliniki, l-isptarijiet u l-grawnds.

(20) Id-dettalji fuq il-modi ta’ ġestjoni u r-referenzi għar-Regolament Finanzjarju jinsabu fis-sit tal-BudgWeb: https://myintracomm.ec.europa.eu/budgweb/EN/man/budgmanag/Pages/budgmanag.aspx

(21) Dan l-ammont se jiġi ritornat mis-CEF DSI (09.0303) għall-Orizzont 2020 fl-2020-2019

(22) L-għajnuna teknika u/jew amministrattiva u n-nefqa li tappoġġa l-implimentazzjoni ta’ programmi u/jew azzjonijiet tal-UE (dawk li kienu l-linji “BA”), riċerka indiretta, riċerka diretta.

(23) Ir-riżultati huma l-prodotti u s-servizzi fornuti (pereżempju: l-għadd ta’ skambji tal-istudenti ffinanzjati, l-għadd ta’ kilometri ta’ toroq mibnija, eċċ).

(24) L-għajnuna teknika u/jew amministrattiva u n-nefqa li tappoġġa l-implimentazzjoni ta’ programmi u/jew azzjonijiet tal-UE (dawk li kienu l-linji “BA”), riċerka indiretta, riċerka diretta.

(25) AC = Aġent Kuntrattwali; AL = Persunal Lokali; END = Espert Nazzjonali Sekondat; INT = Persunal tal-Aġenzija; JED = Espert Żagħżugħ fid-Delegazzjonijiet.

(26) Sottolimitu għall-persunal estern kopert bl-approprjazzjonijiet operazzjonali (dawk li kienu l-linji “BA”).

(27) AC = Aġent Kuntrattwali; AL = Persunal Lokali; END = Espert Nazzjonali Sekondat; INT= persunal tal-aġenzija; JED = Espert Żagħżugħ fid-Delegazzjonijiet.

(28) AC = Aġent Kuntrattwali; AL = Persunal Lokali; END = Espert Nazzjonali Sekondat; INT= persunal tal-aġenzija; JED = Espert Żagħżugħ fid-Delegazzjonijiet.

(29) Speċifika t-tip ta’ kumitat u l-grupp li jappartjeni għalih.

(30) L-ICT: it-Teknoloġiji tal-Informazzjoni u l-Komunikazzjoni: Id-DIGIT għandu jiġi konsultat.