IL-KUMMISSJONI EWROPEA
Brussell, 7.4.2016
COM(2016) 185 final
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni
(applikazzjoni minn Franza – EGF/2015/010 FR/MoryGlobal)
MEMORANDUM TA’ SPJEGAZZJONI
IL-KUNTEST TAL-PROPOSTA
1.Ir-regoli applikabbli għall-kontribuzzjonijiet finanzjarji mill-Fond Ewropew ta’ Aġġustament għall-Globalizzazzjoni (FEG) huma stabbiliti fir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 1 (ir-“Regolament tal-FEG”).
2.Fid-19 ta’ Diċembru 2015, Franza ressqet l-applikazzjoni EGF/2015/010 FR/MoryGlobal għal kontribuzzjoni finanzjarja mill-FEG, wara li ngħataw xi sensji 2 mill-MoryGlobal SAS fi Franza.
3.Wara li vvalutat din l-applikazzjoni u b’konformità mad-dispożizzjonijiet kollha applikabbli tar-Regolament tal-FEG, il-Kummissjoni kkonkludiet li l-kundizzjonijiet għall-għoti ta’ kontribuzzjoni finanzjarja mill-FEG huma ssodisfati.
SOMMARJU TAL-APPLIKAZZJONI
|
L-applikazzjoni tal-FEG |
EGF/2015/010 FR/MoryGlobal |
|
|
Stat Membru |
Franza |
|
|
Ir-reġjuni kkonċernati (il-livell NUTS 2 3 ) |
Is-sensji ngħataw madwar Franza kollha. Intlaqtu 54 sit differenti. |
|
|
Id-data tas-sottomissjoni tal-applikazzjoni |
Id-19 ta' Novembru 2015 |
|
|
Id-data tal-konferma tal-wasla tal-applikazzjoni |
L-1 ta' Diċembru 2015 |
|
|
Id-data tat-talba għal informazzjoni addizzjonali |
It-3 ta' Diċembru 2015 |
|
|
Id-data ta’ skadenza għall-għoti tal-informazzjoni addizzjonali |
L-14 ta' Jannar 2016 |
|
|
Id-data ta’ skadenza għat-tlestija tal-valutazzjoni |
Is-7 ta' April 2016 |
|
|
Il-kriterju għall-intervent |
L-Artikolu 4(1)(a) tar-Regolament tal-FEG |
|
|
L-intrapriża ewlenija |
MoryGlobal SAS |
|
|
L-għadd ta’ intrapriżi konċernati |
1 |
|
|
Is-setturi tal-attività ekonomika (It-Taqsima tal-NACE Reviżjoni 2) 4 |
It-Taqsima 49 (It-trasportazzjoni fuq l-art u t-trasportazzjoni permezz ta' pipelines) u It-Taqsima 52 (Il-ħżin u l-attivitajiet ta' appoġġ għat-trasportazzjoni) |
|
|
L-għadd ta’ sussidjarji, fornituri u produtturi fl-istadju aħħari tal-produzzjoni |
0 |
|
|
Il-perjodu ta’ referenza (erba’ xhur): |
Mis-27 ta' April 2015 sas-27 ta' Awwissu 2015 |
|
|
L-għadd ta’ sensji tul il-perjodu ta’ referenza (a) |
2 093 |
|
|
L-għadd ta’ sensji qabel u wara l-perjodu ta’ referenza (b) |
39 |
|
|
L-għadd totali ta’ sensji (a + b) |
2 132 |
|
|
L-għadd totali ta' benefiċjarji eliġibbli |
2 132 |
|
|
L-għadd totali ta’ benefiċjarji fil-mira |
2 132 |
|
|
L-għadd ta’ żgħażagħ fil-mira barra mill-edukazzjoni, mill-impjieg jew mit-taħriġ (NEETs) |
0 |
|
|
Il-baġit għas-servizzi personalizzati (f’EUR) |
8 528 000 |
|
|
Il-baġit għall-implimentazzjoni tal-FEG 5 (f’EUR) |
50 000 |
|
|
Baġit totali (f'EUR) |
8 578 000 |
|
|
Kontribuzzjoni mill-FEG (60 %) (f'EUR) |
5 146 800 |
|
VALUTAZZJONI TAL-APPLIKAZZJONI
Il-proċedura
4.Fid-19 ta’ Novembru 2015, Franza ressqet l-applikazzjoni EGF/2015/010 FR/MoryGlobal fit-12-il ġimgħa mid-data li fiha l-kriterji għall-intervent stabbiliti fl-Artikolu 4 tar-Regolament tal-FEG ġew issodisfati. Il-Kummissjoni rrikonoxxiet il-wasla tal-applikazzjoni fl-1 ta’ Diċembru 2015 u talbet informazzjoni addizzjonali mingħand Franza fit-3 ta’ Diċembru 2015, qabel għalqu l-ġimagħtejn mid-data tat-tressiq tal-applikazzjoni. Din l-informazzjoni addizzjonali ngħatat fi żmien sitt ġimgħat. Il-perjodu ta’ 12-il ġimgħa wara l-wasla tal-applikazzjoni mimlija, li matulu l-Kummissjoni għandha tlesti l-valutazzjoni tagħha tal-konformità tal-applikazzjoni mal-kundizzjonijiet għall-għoti ta’ kontribuzzjoni finanzjarja, jiskadi fis-7 ta’ April 2016.
L-eliġibbiltà tal-applikazzjoni
L-intrapriżi u l-benefiċjarji kkonċernati
5.L-applikazzjoni tikkonċerna 2 132 ħaddiem li ngħataw is-sensja minn MoryGlobal SAS. Din l-intrapriża kienet taħdem l-iżjed fis-settur ekonomiku li hu kklassifikat fit-Taqsima 49 tar-Reviżjoni 2 tal-NACE (It-trasportazzjoni fuq l-art u t-trasportazzjoni permezz ta' pipelines) kif ukoll fit-Taqsima 52 tar-Reviżjoni 2 tal-NACE (Il-ħżin u l-attivitajiet ta' appoġġ għat-trasportazzjoni). Is-sensji li tat MoryGlobal SAS saru madwar Franza kontinentali kollha. Il-postijiet bl-ogħla għadd ta' sensji qegħdin fir-reġjuni li jidhru hawn taħt tat-tieni livell tal-NUTS:
|
Reġjuni tat-tieni livell tal-NUTS |
Ħaddiema |
% |
|
Ċentru (FR24) |
336 |
16 |
|
Ile-de-France (FR10) |
242 |
11 |
|
Rhône-Alpes (FR71) |
199 |
9 |
|
Pays-de-la-Loire (FR51) |
178 |
8 |
|
Lorraine (FR41) |
146 |
7 |
|
Alsace (FR42) |
140 |
7 |
Il-kriterji għall-intervent
6.Franza ppreżentat l-applikazzjoni skont il-kriterji għall-intervent tal-Artikolu 4(1)(a) tar-Regolament tal-FEG, li jitlob li tal-inqas 500 ħaddiem ikunu ngħataw is-sensja matul perjodu ta’ referenza ta’ erba’ xhur f’intrapriża ta’ Stat Membru, inklużi l-ħaddiema li ngħataw is-sensja mill-fornituri u mill-produtturi fl-istadju aħħari tal-produzzjoni u/jew il-persuni li jaħdmu għal rashom u li l-attività tagħhom tkun waqfet.
7.Il-perjodu ta’ referenza ta’ erba’ xhur għall-applikazzjoni huwa mis-27 ta’ April 2015 sas-27 ta’ Awwissu 2015. Matul il-perjodu ta’ referenza, 2 093 ħaddiem ingħataw is-sensja minn MoryGlobal.
Il-kalkolu tas-sensji u tal-waqfien tal-attività
8.Is-sensji kollha tul il-perjodu ta' referenza ġew ikkalkulati mid-data tan-notifika individwali tal-impjegatur dwar it-tkeċċija jew it-terminazzjoni tal-kuntratt tal-impjieg tal-ħaddiema.
Il-benefiċjarji eliġibbli
9.Barra minn dawk il-ħaddiema li diġà ssemmew, il-benefiċjarji eliġibbli jinkludu 39 ħaddiem. Dawn il-ħaddiema kollha ngħataw is-sensja wara li kien spiċċa l-perjodu ta' referenza, u tista' tiġi stabbilita rabta ta' kawżalità ċara mal-avveniment li skatta s-sensji waqt il-perjodu ta' referenza.
10.L-għadd totali ta’ benefiċjarji eliġibbli huwa 2 132.
Ir-rabta bejn is-sensji u l-kriżi finanzjarja u ekonomika dinjija indirizzata fir-Regolament (KE) Nru 546/2009
11.Biex tiġi stabbilita r-rabta bejn is-sensji u l-kriżi finanzjarja u ekonomika dinjija indirizzata fir-Regolament (KE) Nru 546/2009, Franza ssostni li MoryGlobal kienet attiva fl-oqsma tas-servizzi tal-kurriera, tat-trasport u d-dispaċċ tal-merkanzija, tal-ħżin u tal-kiri ta’ materjali relatati, u li kienet tipprovdi dawn is-servizzi kemm fi Franza kif ukoll barra mill-pajjiż.
12.Minħabba l-kriżi globali finanzjarja u ekonomika, it-trasportazzjoni tal-merkanzija bit-triq f’vetturi li jiżnu aktar minn 3,5 tunnellata naqas bi 13,7 % fl-UE u b’21 % fi Franza bejn l-2007 u l-2012 (il-Eurostat). Dan it-tnaqqis isegwi t-tnaqqis ġenerali tal-produzzjoni fiżika fl-Ewropa, u s-settur tat-trasportazzjoni bit-triq fl-Ewropa għadu ma rkuprax mit-tnaqqis kbir tal-attività li ġarrab fl-2009 minħabba l-kriżi ekonomika. Fl-2014, l-attività tat-trasportazzjoni tal-merkanzija bit-triq kienet għadha 10% inqas milli kienet qabel il-kriżi.
13.Minħabba t-tnaqqis fil-volum ittrasportat, faqqgħet taqtigħa tal-prezzijiet fi ħdan is-settur, u ż-żidiet fl-ispejjeż bħall-petrol, il-pagi, u l-materjali xejn ma għenu; dan wassal għal deterjorament kostanti fil-marġnijiet tal-operazzjoni u għal telf wara telf għas-settur fi Franza mill-2007.
14.Wara dan, is-settur tat-trasport tal-merkanzija bit-triq ġarrab mewġa ta’ fallimenti, li l-Bank ta’ Franza jistma li żdiedu b'35 % kull sena meta wieħed iqabbel l-2013 mal-2007.
15.Sal-lum, is-settur tat-trasportazzjoni fuq l-art u permezz tal-pipelines kien soġġett għal tliet applikazzjonijiet għall-FEG: din li qed tissemma, l-applikazzjoni EGF/2014/017 FR/ Mory-Ducros 6 , u l-applikazzjoni EGF/2011/001 AT/ Nieder- und Oberoesterreich 7 , kollha bbażati fuq il-kriżi finanzjarja u ekonomika dinjija.
L-avvenimenti li wasslu għas-sensji u għall-waqfien tal-attività
16.L-avvenimenti li wasslu għas-sensji huma l-falliment u l-għeluq tal-kumpanija.
17.Id-diffikultajiet attwali ta' MoryGlobal tnisslu fis-snin 2012 u 2013. Dak iż-żmien din l-intrapriża kellha l-isem Mory-Ducros. Mory-Ducros iddikjarat l-insolvenza f'Novembru tal-2013 u bdiet il-proċeduri tal-likwidazzjoni. Billi ma kienx hemm min irid jixtri l-intrapriża, u fuq talba tal-awtoritajiet Franċiżi, waħda mill-azzjonisti ta' Mory-Ducros, Arcole Industrie, ippreżentat offerta biex tixtri lil Mory-Ducros f'isem MoryGlobal, kumpanija ġdida li kienet se tinħoloq bil-għan li tixtri xi negozji ta' Mory-Ducros u timpjega mill-ġdid uħud mill-ħaddiema tagħha (2 192 ħaddiem minn fost l-4 911) 8 .
18.Mill-bidu nett tagħha, il-MoryGlobal kellha tiffaċċja l-isfidi li baqgħu għaddejjin, bħad-deterjorament tas-suq tal-messaġġi flimkien mat-tnaqqis fil-volum ta' trasportazzjoni bit-triq ta' bejn 3% u 5% fl-2014. Dawn wasslu għal pressjoni permanenti fuq il-prezzijiet u ħolqu ambjent soċjali diffiċli. Dawn l-isfidi wasslu għal telf ta' EUR 27,1 miljun bejn Frar u Settembru tal-2014 u għal previżjoni ta' telf saħansitra ikbar għal tmiem l-2014 (EUR 43 miljun) u fl-aħħar għall-falliment u l-għeluq tal-kumpanija.
19.Fl-10 ta' Novembru 2014, il-qorti kummerċjali ta' Bobigny bdiet proċedura biex tintlaħaq riżoluzzjoni amikabbli mal-kredituri. Fi tmiem Jannar tal-2015, il-MoryGlobal kienet fi stat ta' twaqqif tal-pagamenti. L-intrapriża kienet teħtieġ EUR 8,5 miljun f'kontanti u l-assi attwali tagħha ma kinux biżżejjed biex jintlaħaq l-ammont tal-obbligazzjonijiet ta' terminu qasir, b'mod partikolari lejn is-sottokuntratturi, li mingħajrhom l-attività tal-kumpanija ma setgħetx tkompli. Għaldaqstant, fl-10 ta' Frar 2015, il-MoryGlobal irreġistrat dikjarazzjoni tat-twaqqif tal-pagamenti mal-qorti kummerċjali ta' Bobigny u din tat bidu għall-proċedimenti ġudizzjarji rilevanti. Fis-17 ta' Marzu 2015, billi l-kumpanija ma setgħetx tlaħħaq biex tħallas is-salarji kollha, irreġistrat talba ta' likwidazzjoni. Il-qorti kummerċjali ta' Bobigny ddeċidiet favur il-likwidazzjoni ġudizzjarja bi tkomplija tal-attivitajiet sat-30 ta' April 2015, biex jintlaħqu l-ħtiġijiet tal-proċedura tas-sensja kollettiva.
20.Din hija applikazzjoni ta' segwitu b'appoġġ tal-ħaddiema ta' Mory-Ducros 9 li ġew ittrasferiti għall-MoryGlobal.
L-impatt mistenni tas-sensji fuq l-ekonomija u l-impjiegi lokali, reġjonali jew nazzjonali
21.Is-sensji ngħataw fi 22 dipartiment madwar Franza kontinentali. Is-sensji għandhom impatt ħażin sinifikanti fuq l-ekonomiji reġjonali, b'mod partikolari minħabba li dawn l-istess territorji għadhom jissieltu biex isolvu l-problema tas-sensji tal-ħaddiema żejda li ngħataw is-sena ta' qabel minn Mory-Ducros. Dan qed jiġri f'sitwazzjoni fejn il-qgħad qiegħed jiżdied fi Franza kontinentali (fl-2015 ir-rata tal-qgħad kienet tliet punti perċentwali ogħla minn tal-2008, meta bdiet il-kriżi ekonomika u finanzjarja). Barra minn hekk, uħud mir-reġjuni kkonċernati, bħal Nord-Pas de Calais-Picardie (+2,5 punti perċentwali) u Provence-Alpes-Côte d'Azur (+1,5 punti perċentwali) 10 , għandhom rati ta' qgħad ogħla mill-medja nazzjonali.
Il-benefiċjarji fil-mira u l-azzjonijiet proposti
Il-benefiċjarji fil-mira
22.Il-ħaddiema żejda li ngħataw is-sensja kollha (2 132) huma mistennija li jieħdu sehem fil-miżuri. It-tqassim ta' dawn skont is-sess, iċ-ċittadinanza u l-età huwa kif ġej:
|
Kategorija |
Għadd ta’
|
||
|
Sess: |
Irġiel: |
1 740 |
(81,6 %) |
|
Nisa: |
392 |
(18,4 %) |
|
|
Ċittadinanza: |
ċittadini tal-UE: |
2 046 |
(96,0 %) |
|
mhux ċittadini tal-UE: |
86 |
(4,0 %) |
|
|
Grupp ta’ età: |
15-24 sena: |
2 |
(0,1 %) |
|
25-29 sena: |
453 |
(21,2 %) |
|
|
30-54 sena |
1 268 |
(59,5 %) |
|
|
55-64 sena: |
408 |
(19,1 %) |
|
|
iktar minn 64 sena: |
1 |
(0,0 %) |
|
L-eliġibbiltà tal-azzjonijiet proposti
23.L-FEG ikkofinanzja servizzi personalizzati għall-ħaddiema żejda ssensjati li jikkonsistu minn pariri u gwida lil dawn il-ħaddiema mingħand tim ta' konsulenti esperti (Dispositif d'Accompagnement Renforce – DAR.).
24.Id-DAR qed jingħata flimkien mal-pjan soċjali u mal-Contrat de Sécurisation Professionnelle (CSP). Il-pjan soċjali ffinanzjat minn MoryGlobal u minn AGS 11 , l-iskema ta' garanzija tal-pagi, jipprovdi lill-ħaddiema firxa ta' miżuri fosthom taħriġ, appoġġ psikoloġiku, għajnuna finanzjarja biex jibdew negozju, għajnuna finanzjarja għall-ispejjeż tal-ivvjaġġar ta' kuljum lejn il-post tat-taħriġ jew għal vjaġġi itwal u spejjeż tal-akkomodazzjoni meta dawn jivvjaġġaw għat-taħriġ jew meta jkunu qed ifittxu x-xogħol, u gratifiki waqt it-tfittxija tax-xogħol. Is-CSP joffri firxa ta' miżuri prattiċi (l-ewwel nett it-taħriġ) iffinanzjati mill-Istat Franċiż biex lill-ħaddiema jgħinuhom jerġgħu jimpjegaw ruħhom.
25.Il-kompitu tat-tliet kuntratturi magħżulin (BPI, Sodie u AFPA Transitions) huwa li jgħinu u jiggwidaw lill-ħaddiema li ngħataw is-sensja u jgħinuhom isibu modi kif ikunu kapaċi jibqgħu fis-suq tax-xogħol u jidħlu f'impjiegi oħra. L-istess kuntratturi diġà kienu bdew jagħtu servizzi personalizzati lill-ħaddiema li ngħataw is-sensja minn Mory-Ducros fl-2014.
26.Għall-iskop ta' bbaġitjar, is-servizzi personalizzati fid-DAR tqassmu fi tliet sottogruppi: is-sessjonijiet informattivi kollettivi u individwali, it-tranżizzjoni minn impjieg għal ieħor, u l-għajnuna biex jinstabu impjiegi ġodda.
27.L-aġenziji għandhom kuntratt biex kull parteċipant (a) jingħata pjan għall-karriera personalizzat, (b) ikollu biżżejjed offerti ta' impjieg, (c) ikun jista' jikkonsulta ma' esperti ġenerali u/jew esperti speċjalizzati fil-ħolqien tal-intrapriżi, li jkollhom għarfien eċċellenti tas-suq tal-impjiegi fir-reġjun u li jkunu disponibbli u reattivi.
28.L-aġenziji se jipprovdu sessjonijiet ta’ taħriġ fil-kompetenzi ġenerali (eż. it-tħejjija tas-CV, it-tħejjija għall-intervista, il-ħiliet tat-tiftix tax-xogħol u l-ħolqien ta’ negozju), taħriġ fl-użu tal-internet, fieri tal-impjiegi u laqgħat ma' persuni li jipprovdu x-xogħol jew rappreżentanti tas-settur, u laqgħat ma’ istituzzjonijiet tat-taħriġ.
29.L-azzjonijiet proposti deskritti hawnhekk jikkostitwixxu miżuri attivi tas-suq tax-xogħol fil-qafas tal-azzjonijiet eliġibbli stabbiliti fl-Artikolu 7 tar-Regolament tal-FEG. Dawn l-azzjonijiet ma jissostitwixxux miżuri passivi ta’ protezzjoni soċjali.
30.Franza pprovdiet l-informazzjoni meħtieġa dwar l-azzjonijiet li huma obbligatorji għall-intrapriża kkonċernata b’konformità mal-liġi nazzjonali jew skont ftehimiet kollettivi. Huma kkonfermaw li kontribuzzjoni finanzjarja mill-FEG ma tissostitwixxix dawn l-azzjonijiet.
Il-baġit stmat
31.L-ispejjeż totali stmati huma EUR 8 578 000, li jinkludu n-nefqa ta’ EUR 8 528 000 fuq is-servizzi personalizzati u n-nefqa ta’ EUR 50 000 fuq attivitajiet ta’ tħejjija, ġestjoni, informazzjoni u pubbliċità, kontroll u rappurtar.
32.Il-kontribuzzjoni finanzjarja totali mitluba mill-FEG hija EUR 5 146 800 (60 % tal-ispejjeż totali).
|
Azzjonijiet |
Għadd stmat ta’ parteċipanti |
Nefqa stmata għal kull parteċipant
|
Spejjeż totali stmati (f’EUR) |
|
Servizzi personalizzati (Azzjonijiet skont l-Artikolu 7(1)(a) u (c) tar-Regolament tal-FEG) |
|||
|
Sessjonijiet informattivi kollettivi u individwali (Information collective e individuelle des salariés) |
2 132 |
800 |
1 705 600 |
|
It-tranżizzjoni għal impjiegi oħra: ir-reġistrazzjoni, il-valutazzjoni tal-ħiliet, proġett vokazzjonali (Transition professionnelle: adhésion, bilan, project) |
2 132 |
1 800 |
3 837 600 |
|
L-għajnuna biex jinstabu impjiegi ġodda (Phase accompagnement et reclassement) |
2 132 |
1 400 |
2 984 800 |
|
Sottototal (a): Persentaġġ tal-pakkett ta’ servizzi personalizzati |
– |
8 528 000 |
|
|
(100 %) |
|||
|
Gratifiki u inċentivi (Azzjonijiet skont l-Artikolu 7(1)(b) tar-Regolament tal-FEG) |
|||
|
Sottototal (b): Persentaġġ tal-pakkett ta’ servizzi personalizzati: |
– |
0 |
|
|
(0,00 %) |
|||
|
Azzjonijiet skont l-Artikolu 7(4) tar-Regolament tal-FEG |
|||
|
1. Attivitajiet ta' tħejjija |
– |
0 |
|
|
2. Ġestjoni |
– |
0 |
|
|
3. Informazzjoni u pubbliċità |
– |
0 |
|
|
4. Kontroll u rappurtar |
– |
50 000 |
|
|
Sottototal (c): Persentaġġ tal-ispejjeż totali: |
– |
50 000 |
|
|
(0,58 %) |
|||
|
L-ispejjeż totali (a + b + c): |
– |
8 578 000 |
|
|
Kontribuzzjoni mill-FEG (60 % tal-ispejjeż totali) |
– |
5 146 800 |
|
33.Ma hemmx spejjeż identifikati fit-tabella ta’ hawn fuq bħala azzjonijiet skont l-Artikolu 7(1)(b) tar-Regolament tal-FEG (jiġifieri azzjonijiet li l-ipejjeż fuqhom ma għandhomx jaqbżu l-35 % tal-ispejjeż totali tal-pakkett ikkoordinat ta’ servizzi personalizzati).
Perjodu ta’ eliġibbiltà tan-nefqa
34.Franza bdiet tipprovdi s-servizzi personalizzati lill-benefiċjarji fil-mira fit-23 ta’ April 2015. Għaldaqstant, in-nefqa fuq dawn l-azzjonijiet għandha tkun eliġibbli għal kontribuzzjoni finanzjarja mill-FEG mit-23 ta’ April 2015 sad-19 ta’ Novembru 2017.
35.Franza bdiet iġġarrab in-nefqa amministrattiva biex timplimenta l-FEG fl-1 ta' Settembru 2015. Għalhekk, in-nefqa fuq l-attivitajiet ta’ tħejjija, ġestjoni, informazzjoni u pubbliċità, kontroll u rappurtar għandha tkun eliġibbli għal kontribuzzjoni finanzjarja mill-FEG mill-1 ta’ Settembru 2015 sad-19 ta’ Mejju 2018.
Komplimentarjetà ma’ azzjonijiet iffinanzjati minn fondi nazzjonali jew tal-Unjoni
36.Is-sors ta’ prefinanzjament jew ta’ kofinanzjament nazzjonali huwa l-baġit tal-Ministeru tax-Xogħol, l-Impjiegi, it-Taħriġ Vokazzjonali u d-Djalogu Soċjali bl-użu tal-linja baġitarja għall-akkumpanjament tal-bidla ekonomika u l-iżvilupp tal-impjieg.
37.Franza kkonfermat li l-miżura deskritta hawn fuq, li tirċievi kontribuzzjoni finanzjarja mill-FEG, mhix se tirċievi wkoll kontribuzzjonijiet finanzjarji minn strumenti finanzjarji oħrajn tal-Unjoni.
Il-proċeduri għall-konsultazzjoni mal-benefiċjarji fil-mira jew mar-rappreżentanti tagħhom, jew mas-sħab soċjali, kif ukoll mal-awtoritajiet lokali u reġjonali
38.Franza indikat li l-pakkett ikkoordinat ta’ servizzi personalizzati tfassal b’konsultazzjoni mar-rappreżentanti tal-benefiċjarji fil-mira u mas-sħab soċjali. Saru diversi laqgħat bejn is-7 u s-17 ta' April 2015. Dawn il-laqgħat kienu jikkonċernaw il-pakkett sħiħ ta’ miżuri, li minnhom l-aspett tal-FEG (Dispositif d'Accompagnement Renforcé — DAS —) huwa parti waħda.
Sistemi tal-ġestjoni u l-kontroll
39.L-applikazzjoni tinkludi deskrizzjoni tas-sistema tal-ġestjoni u l-kontroll li tispeċifika r-responsabbiltajiet tal-korpi involuti. Franza infurmat lill-Kummissjoni li l-kontribuzzjoni finanzjarja se tkun ġestita mid-Délégation générale à l’emploi et à la formation professionnelle (DGEFP) tal-Ministeru tax-Xogħol, tal-Impjiegi, tat-Taħriġ Vokazzjonali u tad-Djalogu Soċjali, b'mod partikolari mill-unità Fonds national de l'emploi (DGEFP - FNE). Il-pagamenti se jingħataw fl-iskema tad-DGEFP mill-unità Affaires financières (DGEFP - MAFI). Iċ-ċertifikazzjoni se titwettaq mill-Agence de services et de paiement (ASP).
L-impenji mogħtija mill-Istat Membru kkonċernat
40.Franza pprovdiet l-assigurazzjonijiet kollha meħtieġa fir-rigward ta’ dawn li ġejjin:
–il-prinċipji tal-ugwaljanza tat-trattament u tan-nondiskriminazzjoni se jiġu rispettati fil-kuntest tal-aċċess għall-azzjonijiet proposti u fl-implimentazzjoni tagħhom,
–inżammet il-konformità mar-rekwiżiti stabbiliti fil-leġiżlazzjoni nazzjonali u tal-UE dwar is-sensji kollettivi,
–l-azzjonijiet proposti mhumiex se jirċievu appoġġ finanzjarju minn fondi jew strumenti finanzjarji oħrajn tal-Unjoni, u se jkun evitat kull finanzjament doppju,
–l-azzjonijiet proposti se jikkomplementaw l-azzjonijiet iffinanzjati mill-Fondi Strutturali,
–il-kontribuzzjoni finanzjarja mill-FEG se tkun konformi mar-regoli proċedurali u materjali tal-Unjoni dwar l-għajnuna mill-Istat.
L-IMPLIKAZZJONI BAĠITARJA
Il-proposta baġitarja
41.L-FEG ma għandux jaqbeż ammont annwali massimu ta’ EUR 150 miljun (prezzijiet tal-2011), kif stipulat fl-Artikolu 12 tar-Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020 12 .
42.Wara li eżaminat l-applikazzjoni fir-rigward tal-kundizzjonijiet stabbiliti fl-Artikolu 13(1) tar-Regolament tal-FEG, u wara li qieset l-għadd ta’ benefiċjarji fil-mira, l-azzjonijiet proposti u l-ispejjeż stmati, il-Kummissjoni qed tipproponi li l-FEG jiġi mmobilizzat għall-ammont ta’ EUR 5 146 800, li jirrappreżenta 60 % tal-ispejjeż totali tal-azzjonijiet proposti, biex tingħata kontribuzzjoni finanzjarja għall-applikazzjoni.
43.Id-deċiżjoni proposta biex jiġi mmobilizzat l-FEG se tittieħed b’mod konġunt mill-Parlament Ewropew u mill-Kunsill, kif stabbilit fil-punt 13 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni fi kwistjonijiet baġitarji u dwar ġestjoni finanzjarja tajba 13 .
Atti relatati
44.Filwaqt li tippreżenta din il-proposta għal deċiżjoni biex jiġi mmobilizzat l-FEG, il-Kummissjoni se tippreżenta proposta lill-Parlament Ewropew u lill-Kunsill għal trasferiment tal-ammont ta’ EUR 5 146 800 fl-intestatura baġitarja rilevanti.
45.Filwaqt li tadotta din il-proposta għal deċiżjoni biex jiġi mmobilizzat l-FEG, il-Kummissjoni se tadotta deċiżjoni dwar kontribuzzjoni finanzjarja permezz ta’ att ta’ implimentazzjoni, li se tidħol fis-seħħ fid-data li fiha l-Parlament Ewropew u l-Kunsill jadottaw id-deċiżjoni proposta biex jiġi mmobilizzat l-FEG.
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni
(applikazzjoni minn Franza – EGF/2015/010 FR/MoryGlobal)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 14 , u b’mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni fi kwistjonijiet baġitarji u dwar ġestjoni finanzjarja tajba 15 , u b’mod partikolari l-punt 13 tiegħu,
Wara li kkunsidra l-proposta tal-Kummissjoni Ewropea,
Billi:
(1)Il-Fond Ewropew ta’ Aġġustament għall-Globalizzazzjoni (il-FEG) għandu l-għan li jipprovdi appoġġ lill-ħaddiema li jkunu ngħataw is-sensja u lill-persuni li jaħdmu għal rashom u li l-attività tagħhom tkun intemmet minħabba bidliet strutturali ewlenin fix-xejriet tal-kummerċ dinji kkawżati mill-globalizzazzjoni, jew minħabba l-issoktar tal-kriżi finanzjarja u ekonomika dinjija, jew minħabba kriżi ekonomika u finanzjarja globali ġdida, u biex jgħinhom biex jintegraw mill-ġdid fis-suq tax-xogħol.
(2)Il-FEG ma għandux jaqbeż l-ammont annwali massimu ta’ EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 16 .
(3)Fid-19 ta’ Novembru 2015, Franza ressqet l-applikazzjoni EGF/2015/010 FR/MoryGlobal għal kontribuzzjoni finanzjarja mill-FEG, wara li ngħataw xi sensji mill-MoryGlobal SAS fi Franza. Din kienet issupplimentata b’informazzjoni addizzjonali pprovduta skont l-Artikolu 8(3) tar-Regolament (UE) Nru 1309/2013. Din l-applikazzjoni tikkonforma mar-rekwiżiti għad-determinazzjoni tal-kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013.
(4)Għaldaqstant, l-FEG għandu jiġi mmobilizzat biex tingħata kontribuzzjoni finanzjarja li tammonta għal EUR 5 146 800 għall-applikazzjoni ppreżentata minn Franza.
(5)Biex jitnaqqas kemm jista' jkun iż-żmien biex jiġi mmobilizzat l-FEG, din id-Deċiżjoni għandha tapplika mid-data tal-adozzjoni tagħha,
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni Ewropea għas-sena finanzjarja 2016, il-Fond Ewropew ta’ Aġġustament għall-Globalizzazzjoni għandu jiġi mmobilizzat biex jagħti s-somma ta’ EUR 5 146 800 f’approprjazzjonijiet ta’ impenn u ta’ pagament.
Artikolu 2
Din id-Deċiżjoni tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea. Din tapplika minn [the date of its adoption]*.
17Magħmul fi Brussell,
Għall-Parlament Ewropew Għall-Kunsill
Il-President Il-President