IL-KUMMISSJONI EWROPEA
Brussell, 16.3.2016
COM(2016) 149 final
2016/0081(NLE)
Proposta għal
DEĊIŻJONI TAL-KUNSILL
li tistabbilixxi l-pożizzjoni li għandha tittieħed f'isem l-Unjoni Ewropea
fil-Kumitat Konġunt stabbilit skont il-Ftehim
bejn l-Unjoni Ewropea u r-Repubblika ta' Cape Verde
dwar l-iffaċilitar tal-ħruġ ta’ viżi għal żjarat qosra
għal ċittadini tar-Repubblika ta' Cape Verde u tal-Unjoni Ewropea,
fir-rigward
tal-adozzjoni tar-regoli ta' proċedura tal-Kumitat Konġunt għall-ġestjoni tal-Ftehim
MEMORANDUM TA’ SPJEGAZZJONI
1.IL-KUNTEST TAL-PROPOSTA
Il-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika ta' Cape Verde u tal-Unjoni Ewropea daħal fis-seħħ fl-1 ta' Diċembru 2014. Il-Ftehim stabbilixxa, fuq il-bażi ta’ reċiproċità, drittijiet u obbligi legalment vinkolanti bil-għan li jiġu ssimplifikati l-proċeduri tal-ħruġ tal-viżi għaċ-ċittadini ta' Cape Verde u tal-UE. L-Artikolu 10 ta’ dan il-Ftehim jistabbilixxi Kumitat Konġunt bil-kompitu li jissorvelja l-implimentazzjoni tal-Ftehim. Il-Kumitat Konġunt huwa obbligat skont l-Artikolu 10(4) tal-Ftehim li jistabbilixxi r-regoli ta' proċedura tiegħu.
Ir-regoli ta' proċedura li għandhom jiġu adottati mhumiex se jkunu parti mill-Ftehim.
2.IL-BAŻI ĠURIDIKA, IS-SUSSIDJARJETÀ U L-PROPORZJONALITÀ
•Il-Bażi ġuridika
Ir-regoli ta' proċedura, li għandhom jiġu adottati abbażi tas-setgħa mogħtija lir-rappreżentant tal-Kummissjoni fil-Kumitat Konġunt abbażi ta’ din il-proposta se jorganizzaw il-ħidma tal-Kumitat Konġunt u jgħinu biex jitħejjew u jitmexxew il-laqgħat tiegħu.
3.IR-RIŻULTATI TAL-EVALWAZZJONIJIET EX POST, TAL-KONSULTAZZJONIJIET TAL-PARTIJIET IKKONĊERNATI U TAL-VALUTAZZJONIJIET TAL-IMPATT
Ir-regoli ta' proċedura kif mehmuża mal-Anness ta' din il-proposta għal Deċiżjoni tal-Kunsill huma r-riżultat ta' konsultazzjoni mal-awtoritajiet responsabbli f'Cape Verde f'Ġunju 2015. L-Istati Membri ġew ikkonsultati fil-proċedura bil-miktub li ntemmet fit-23.10.2015.
4.L-IMPLIKAZZJONIJIET BAĠITARJI
Din il-proposta ma għandha l-ebda impatt fuq il-baġit tal-UE.
2016/0081 (NLE)
Proposta għal
DEĊIŻJONI TAL-KUNSILL
li tistabbilixxi l-pożizzjoni li għandha tittieħed f'isem l-Unjoni Ewropea
fil-Kumitat Konġunt stabbilit skont il-Ftehim
bejn l-Unjoni Ewropea u r-Repubblika ta' Cape Verde
dwar l-iffaċilitar tal-ħruġ ta’ viżi għal żjarat qosra
għal ċittadini tar-Repubblika ta' Cape Verde u tal-Unjoni Ewropea,
fir-rigward
tal-adozzjoni tar-regoli ta' proċedura tal-Kumitat Konġunt għall-ġestjoni tal-Ftehim
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1)
L-Artikolu 10 tal-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika ta' Cape Verde u tal-Unjoni Ewropea ("il-Ftehim") jistabbilixxi Kumitat Konġunt. Il-punt 4 ta' dan l-Artikolu jipprevedi li l-Kumitat għandu jistabbilixxi r-regoli ta' proċedura tiegħu.
(2)
Ir-regoli ta' proċedura huma meħtieġa biex jorganizzaw il-ħidma tal-Kumitat Konġunt li ngħata l-kompitu li jmexxi l-Ftehim u jissorvelja l-implimentazzjoni tiegħu.
(3)
Huwa xieraq li tiġi stabbilita l-pożizzjoni li għandha tiġi adottata f'isem l-Unjoni fil-Kumitat Konġunt rigward l-adozzjoni tar-regoli ta' proċedura tal-Kumitat Konġunt għall-ġestjoni tal-Ftehim,
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f'isem l-Unjoni fil-Kumitat Konġunt stabbilit bl-Artikolu 10 tal-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta' viżi għal żjarat qosra għal ċittadini tar-Repubblika ta' Cape Verde u tal-Unjoni Ewropea, fir-rigward tal-adozzjoni tar-regoli ta' proċedura tal-Kumitat Konġunt għall-ġestjoni tal-Ftehim, tkun ibbażata fuq l-abbozz tad-Deċiżjoni tal-Kumitat Konġunt anness ma' din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell,
Għall-Kunsill
Il-President
IL-KUMMISSJONI EWROPEA
Brussell, 16.3.2016
COM(2016) 149 final
ANNESS
tal-
Proposta għal DEĊIŻJONI TAL-KUNSILL
li tistabbilixxi l-pożizzjoni li għandha tittieħed f'isem l-Unjoni Ewropea fi ħdan il-Kumitat Konġunt stabbilit skont il-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta' viżi għal żjarat qosra għaċ-ċittadni tar-Repubblika ta' Cape Verde u tal-Unjoni Ewropea, fir-rigward tal-adozzjoni tar-regoli ta' proċedura tal-Kumitat Konġunt għall-ġestjoni tal-Ftehim
ABBOZZ
TA' DEĊIŻJONI N° … TAL-KUMITAT KONĠUNT GĦALL-FAĊILITAZZJONI TAL-VIŻA
MWAQQAF PERMEZZ TAL-
FTEHIM BEJN
L-UNJONI EWROPEA U R-REPUBBLIKA TA' CAPE VERDE
DWAR L-IFFAĊILITAR TAL-ĦRUĠ TA' VIŻI GĦAL ŻJARAT QOSRA GĦAL ĊITTADINI
TAR-REPUBBLIKA TA' CAPE VERDE U TAL-UNJONI EWROPEA,
tal- ……
fir-rigward tal-adozzjoni tar-Regoli ta’ Proċedura tiegħu
IL-KUMITAT KONĠUNT,
Wara li kkunsidra l-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika ta' Cape Verde u tal-Unjoni Ewropea (“il-Ftehim”), u b'mod partikolari l-Artikolu 10(4) tiegħu,
Billi dak il-Ftehim daħal fis-seħħ fl-1 ta' Diċembru 2014.
IDDEĊIEDA KIF ĠEJ:
Artikolu 1
Ir-Regoli ta' Proċedura tal-Kumitat Konġunt għall-ġestjoni tal-Ftehim bejn l-Unjoni Ewropea u r-Repubblika ta' Cape Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika ta' Cape Verde u tal-Unjoni Ewropea huma stabbiliti fl-anness ta' din id-Deċiżjoni.
Artikolu 2
Din id-Deċiżjoni tidħol fis-seħħ fil-jum tal-adozzjoni tagħha.
Magħmul fi …
Għall-Unjoni Ewropea
Għar-Repubblika ta' Cape Verde
ANNESS
IR-REGOLI TA' PROĊEDURA
TAL-KUMITAT KONĠUNT GĦALL-ĠESTJONI TAL-FTEHIM BEJN L-UNJONI EWROPEA U R-REPUBBLIKA TA' CAPE VERDE
DWAR L-IFFAĊILITAR TAL-ĦRUĠ TA' VIŻI GĦAL ŻJARAT QOSRA GĦAĊ-ĊITTADINI TAR-
REPUBBLIKA TA' CAPE VERDE U TAL-UNJONI EWROPEA
Artikolu 1
Il-presidenza
Il-Kumitat Konġunt ikollu presidenza konġunta minn rappreżentant tal-Unjoni Ewropea u rappreżentant tar-Repubblika ta' Cape Verde.
Artikolu 2
Il-kompiti tal-Kumitat Konġunt
(1)F’konformità mal-Artikolu 10(2) tal-Ftehim, il-Kumitat Konġunt dwar il-Faċilitazzjoni tal-Viża jkollu, b’mod partikolari, dawn il-kompiti li ġejjin:
(a)li jagħmel monitoraġġ tal-implimentazzjoni tal-Ftehim;
(b)li jissuġġerixxi emendi jew żidiet għall-Ftehim;
(c)li jirriżolvi tilwim li jirriżulta mill-interpretazzjoni jew l-applikazzjoni tad-dispożizzjonijiet tal-Ftehim.
(2)Il-Kumitat Konġunt dwar il-Faċilitazzjoni tal-Viża jista’ jilħaq ftehim dwar rakkommandazzjonijiet li jkun fihom linji gwida jew "l-aħjar prattiki" biex jassistu fl-implimentazzjoni tal-Ftehim.
Artikolu 3
Il-laqgħat
(1)Il-Kumitat Konġunt dwar il-Faċilitazzjoni tal-Viża jiltaqa’ kull meta jkun meħtieġ, fuq talba mill-Partijiet u mill-anqas darba fis-sena.
(2)Il-Partijiet jospitaw il-laqgħa, darba kull wieħed, sakemm ma jkunx miftiehem mod ieħor.
(3)Il-laqgħat tal-Kumitat Konġunt dwar il-Faċilitazzjoni tal-Viża jissejħu mill-Kopresidenti.
(4)Il-Kopresidenti jistabbilixxu data għal-laqgħa u jiskambjaw tali dokumenti kif ikun meħtieġ fil-ħin biex jiżguraw preparazzjoni xierqa, jekk possibbli, erbatax-il jum qabel il-laqgħa.
(5)Il-Parti li tospita laqgħa tassumi l-aspetti ta' loġistika.
Artikolu 4
Id-delegazzjonijiet
Il-Partijiet jinnotifikaw lil xulxin dwar il-kompożizzjoni intenzjonata tad-delegazzjoni tagħhom mill-inqas sebat ijiem qabel laqgħa.
Artikolu 5
L-aġenda tal-laqgħat
(1)Titħejja aġenda proviżorja għal kull laqgħa mill-Kopresidenti mhux aktar tard minn erbatax-il jum qabel il-laqgħa. L-aġenda proviżorja tinkludi l-punti li dwarhom tkun waslet talba għal inklużjoni fl-aġenda għand wieħed mill-Kopresidenti sa mhux aktar tard minn erbatax-il jum qabel il-laqgħa.
(2)Kull Parti tista' żżid punti mal-aġenda proviżorja fi kwalunkwe ħin qabel il-laqgħa jekk iż-żewġ Partijiet ikunu jaqblu. Talbiet biex jiżdiedu punti mal-aġenda proviżorja jintbagħtu bil-miktub u jiġu inklużi sakemm dan ikun possibbli.
(3)L-aġenda finali tiġi adottata mill-Kopresidenti fil-bidu ta' kull laqgħa. Punt li ma jkunx jidher fuq l-aġenda proviżorja jista' jitqiegħed fuq l-aġenda jekk il-Partijiet jaqblu u għandu jiġi inkluż sakemm dan ikun possibbli.
Artikolu 6
Ir-rekords tal-laqgħa
(1)Abbozz tar-rekord jitħejja fl-iqsar żmien possibbli mill-Kopresident li jospita l-laqgħa.
(2)Ir-rekord, bħala regola ġenerali, jindika fir-rigward ta' kull punt fuq l-aġenda:
(a)id-dokumentazzjoni mressqa lill-Kumitat Konġunt dwar il-Faċilitazzjoni tal-Viża;
(b)l-istqarrijiet li Parti tkun talbet li jiddaħħlu; u
(c)id-deċiżjonijiet li jittieħdu, ir-rakkomandazzjonijiet li jsiru u l-konklużjonijiet adottati rigward punt speċifiku.
(3)Ir-rekord ikun jindika wkoll l-individwi tad-delegazzjonijiet rispettivi parteċipanti, flimkien mal-ministeru, l-aġenzija jew l-istituzzjoni li jkunu qed jirrappreżentaw.
(4)Ir-rekord għandu jiġi approvat mill-Kumitat Konġunt dwar il-Faċilitazzjoni tal-Viża fil-laqgħa tiegħu li jkun imiss.
Artikolu 7
Id-deċiżjonijiet u r-rakkomandazzjonijiet tal-Kumitat Konġunt dwar il-Faċilitazzjoni tal-Viża
(1)Il-Kumitat Konġunt dwar il-Faċilitazzjoni tal-Viża jieħu d-deċiżjonijiet bi ftehim taż-żewġ Partijiet.
(2)Id-deċiżjonijiet tal-Kumitat Konġunt dwar il-Faċilitazzjoni tal-Viża jkollhom it-titolu “Deċiżjonijiet” segwit b’numru tas-serje u b’deskrizzjoni tas-suġġett tagħhom. Id-data li fiha d-deċiżjoni tidħol fis-seħħ tkun indikata wkoll. Id-deċiżjonijiet jiġu ffirmati mir-rappreżentanti tal-Kumitat Konġunt dwar il-Faċilitazzjoni tal-Viża li huma awtorizzati sabiex jaġixxu f’isem il-Partijiet. Id-deċiżjonijiet jitħejjew idduplikati, fejn kull verżjoni tkun ugwalment awtentika.
(3)Il-paragrafi 1 u 2 ikunu japplikaw mutatis mutandis għal rakkomandazzjonijiet tal-Kumitat Konġunt dwar il-Faċilitazzjoni tal-Viża.
Artikolu 8
L-ispejjeż
(1)Kull Parti tkun responsabbli għall-ispejjeż marbuta mal-parteċipazzjoni tagħha fil-laqgħat tal-Kumitat Konġunt dwar il-Faċilitazzjoni tal-Viża, inklużi l-ispejjeż tal-ivvjaġġar u s-sussistenza tal-persunal u l-ispejjeż tal-posta jew tat-telekomunikazzjoni.
(2)Spejjeż oħrajn relatati mal-organizzazzjoni tal-laqgħat ġeneralment ikunu koperti mill-Parti li tospita l-laqgħa.
Artikolu 9
Il-proċeduri amministrattivi
(1)Sakemm ma jkunx deċiż mod ieħor, il-laqgħat tal-Kumitat Konġunt dwar il-Faċilitazzjoni tal-Viża ma jkunux pubbliċi.
(2)Rekords u dokumenti oħrajn tal-Kumitat Konġunt dwar il-Faċilitazzjoni tal-Viża jiġu ttrattati b’kunfidenzjalità.
(3)Parteċipanti li mhumiex uffiċjali tal-Partijiet u tal-Istati Membri jistgħu jiġu mistiedna bi ftehim bejn iż-żewġ Kopresidenti u jkunu suġġetti għall-istess rekwiżiti ta’ kunfidenzjalità.
(4)Il-Partijiet jistgħu jorganizzaw laqgħat ta’ informazzjoni pubbliċi jew inkella jikkomunikaw ir-riżultati tal-laqgħat tal-Kumitat Konġunt dwar il-Faċilitazzjoni tal-Viża lil membri tal-pubbliku li jkunu interessati.
Għall-Unjoni Ewropea
Għar-Repubblika ta' Cape Verde
DIKJARAZZJONI KONĠUNTA
ANNESSA MAR-REGOLI TA' PROĊEDURA
TAL-KUMITAT KONĠUNT GĦALL-ĠESTJONI
TAL-FTEHIM BEJN L-UE U CAPE VERDE
DWAR L-IFFAĊILITAR TAL-ĦRUĠ TA' VIŻI GĦAL ŻJARAT QOSRA GĦAL ĊITTADINI TAR-REPUBBLIKA TA' CAPE VERDE U TAL-UNJONI EWROPEA
Sabiex jiżguraw li l-implimentazzjoni tal-Ftehim issir b’mod kontinwu, armonjuż u korrett, ir-Repubblika ta' Cape Verde, il-Kummissjoni Ewropea u l-Istati Membri jagħmlu kuntatti informali bejn il-laqgħat formali tal-Kumitat Konġunt, sabiex jittrattaw kwistjonijiet urġenti. Fil-laqgħa li jmiss tal-Kumitat Konġunt, isir rapport dwar dawn il-kwistjonijiet u l-kuntatti informali.