IL-KUMMISSJONI EWROPEA

Brussell, 28.1.2016

COM(2016) 26 final

2016/0011(CNS)

Proposta għal

DIRETTIVA TAL-KUNSILL

li tistabbilixxi regoli kontra l-prattiki ta’ evitar tat-taxxa li jaffettwaw direttament il-funzjonament tas-suq intern

EMPTY

WERREJ

MEMORANDUM TA’ SPJEGAZZJONI    3

1.IL-KUNTEST TAL-PROPOSTA3

•Raġunijiet u għanijiet tal-proposta3

•Konsistenza mad-dispożizzjonijiet politiċi eżistenti fil-qasam tal-politika3

2.IL-BAŻI ĠURIDIKA, IS-SUSSIDJARJETÀ U L-PROPORZJONALITÀ4

•Il-bażi ġuridika4

•Is-sussidjarjetà (għal komptenza mhux esklussiva)4

•Il-proporzjonalità5

•L-għażla tal-istrument5

3.RIŻULTATI TAL-EVALWAZZJONIJIET EX-POST, KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT5

•Konsultazzjonijiet mal-partijiet interessati5

•Valutazzjoni tal-Impatt6

4.L-IMPLIKAZZJONIJIET GĦALL-BAĠIT6

5.ELEMENTI OĦRA6

•Spjega dettaljata tadd-dispożizzjonijiet speċifiċi tal-proposta6

DIRETTIVA TAL-KUNSILL li tistabbilixxi r-regoli kontra l-prattiki ta’ evitar tat-taxxa li jaffettwaw direttament il-funzjonament tas-suq intern    10

KAPITOLU I — DISPOŻIZZJONIJIET ĠENERALI1    14

KAPITOLU II MIŻURI KONTRA L-EVITAR TAT-TAXXA    16

KAPITOLU III DISPOŻIZZJONIJIET TAL-AĦĦAR    22

DIKJARAZZJONI FINANZJARJA LEĠIŻLATTIVA    23

1.IL-QAFAS TAL-PROPOSTA/TAL-INIZJATTIVA23

2.MIŻURI TA’ ĠESTJONI23

3.IMPATT FINANZJARJU STMAT TAL-PROPOSTA/TAL-INIZJATTIVA23

1.IL-QAFAS TAL-PROPOSTA/TAL-INIZJATTIVA24

2.MIŻURI TA’ ĠESTJONI27

3.IMPATT FINANZJARJU STMAT TAL-PROPOSTA/TAL-INIZJATTIVA28

MEMORANDUM TA’ SPJEGAZZJONI

1.IL-KUNTEST TAL-PROPOSTA

•Raġunijiet u għanijiet tal-proposta

•Konsistenza mad-dispożizzjonijiet politiċi eżistenti fil-qasam tal-politika

2.IL-BAŻI ĠURIDIKA, IS-SUSSIDJARJETÀ U L-PROPORZJONALITÀ

•Il-bażi ġuridika

•Is-sussidjarjetà (għal komptenza mhux esklussiva) 

•Il-proporzjonalità

•L-għażla tal-istrument

3.RIŻULTATI TAL-EVALWAZZJONIJIET EX-POST, KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

•Konsultazzjonijiet mal-partijiet interessati

•Valutazzjoni tal-Impatt

4.L-IMPLIKAZZJONIJIET GĦALL-BAĠIT

Din il-proposta għal Direttiva ma għandha l-ebda implikazzjoni għall-baġit tal-UE.

5.ELEMENTI OĦRA

•Spjega dettaljata tadd-dispożizzjonijiet speċifiċi tal-proposta

2016/0011 (CNS)

Proposta għal

DIRETTIVA TAL-KUNSILL

li tistabbilixxi regoli kontra l-prattiki ta’ evitar tat-taxxa li jaffettwaw direttament il-funzjonament tas-suq intern

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 115 tiegħu,

Wara li kkunsidra l-proposta mill-Kummissjoni Ewropea,

Wara t-trażmissjoni tal-abbozz tal-att leġiżlattiv lill-parlamenti nazzjonali,

Wara li kkunsidra l-opinjoni tal-Parlament Ewropew 1 ,

Wara li kkunsidra l-opinjoni tal-Kumitat Ekonomiku u Soċjali Ewropew 2 ,

Filwaqt li jaġixxi f'konformità ma' proċedura leġislattiva speċjali,

Billi:

(1)Il-prijoritajiet politiċi attwali fit-tassazzjoni internazzjonali jenfasizzaw il-ħtieġa li jkun żgurat li titħallas it-taxxa fejn jiġu ġġenerati profitti u valur. Għaldaqstant huwa essenzjali li tiġi rrestawrata l-fiduċja fil-korrettezza tas-sistemi tat-taxxa u li l-gvernijiet jitħallew jeżerċitaw b’mod effettiv is-sovranità fiskali tagħhom. Dawn l-għanijiet politiċi ġodda ġew tradotti f’rakkomandazzjonijiet ta’ azzjoni konkreta fil-kuntest tal-inizjattiva kontra l-Erożjoni tal-Bażi u t-Trasferiment tal-Profitt (BEPS) mill-Organizzazzjoni għall-Kooperazzjoni u l-Iżvilupp Ekonomiċi (OECD). Bi tweġiba għall-ħtieġa ta’ tassazzjoni aktar ġusta, fil-Komunikazzjoni tagħha tas-17 ta’ Ġunju 2015, il-Kummissjoni tistabbilixxi Pjan ta’ Azzjoni għal Tassazzjoni Korporattiva Ġusta u Effiċjenti fl-Unjoni Ewropea 3 (il-Pjan ta’ Azzjoni).

(2)Il-parti l-kbira tal-Istati Membri, fil-kapaċità tagħhom ta’ membri tal-OECD, intrabtu li jimplimentaw r-riżultat tal-15-il punt ta’ Azzjoni kontra l-erożjoni tal-bażi u t-trasferiment tal-profitti, ippubblikati fil-5 ta’ Ottubru 2015. Għaldaqstant huwa essenzjali għall-funzjonament tajjeb tas-suq intern li, bħala minimu, l-Istati Membri jimplimentaw l-impenn tagħhom taħt il-BEPS u b’mod aktar wiesa’, jieħdu azzjoni sabiex jiskoraġġixxu l-prattiki ta’ evitar tat-taxxa u jiżguraw tassazzjoni ġusta u effettiva fl-Unjoni b’mod koerenti u kkoordinat biżżejjed. F’suq ta’ ekonomiji integrati ħafna, hemm bżonn ta’ approċċi strateġiċi komuni u azzjoni kkoordinata, li jittejjeb il-funzjonament tas-suq intern u li nimmassimizzaw l-effetti pożittivi tal-inizjattiva kontra l-BEPS. Barra minn hekk, qafas komuni biss jista’ jipprevjeni l-frammentazzjoni tas-suq u jtemm id-diskrepanzi u d-distorsjonijiet tas-suq li jeżistu attwalment . Finalment, miżuri ta’ implimentazzjoni nazzjonali li jsegwu linja komuni madwar l-Unjoni jipprovdu lill-kontribwenti ċ-ċertezza legali li dawk il-miżuri huma kompatibbli mal-liġi tal-Unjoni.

(3)Jeħtieġ li jiġu stabbiliti regoli sabiex jissaħħaħ il-livell medju ta’ protezzjoni kontra l-ippjanar aggressiv tat-taxxa fis-suq intern. Peress li dawn ir-regoli ser ikollhom jidħlu fi 28 sistema tat-taxxa korporattiva separati, għandhom ikunu limitati għal dispożizzjonijiet ġenerali u jħallu l-implimentazzjoni f’idejn l-Istati Membri peress li huma f’qagħda aħjar biex isawru l-elementi speċifiċi ta’ dawn ir-regoli bl-aktar mod adattat għas-sistemi tat-taxxa korporattiva tagħhom. Dan l-għan jista’ jinkiseb bil-ħolqien ta’ livell minimu ta’ protezzjoni għas-sistemi tat-taxxa korporattiva nazzjonali madwar l-Unjoni. Għaldaqstant jeħtieġ li jiġu kkoordinati r-reazzjonijiet tal-Istati Membri fl-implimentazzjoni tar-riżultati tal-15-il Punt ta’ Azzjoni kontra l-erożjoni tal-bażi u t-trasferiment tal-profitti bl-għan li tittejjeb l-effettività tas-suq intern inġenerali fl-indirizzar tal-prattiki ta’ evitar tat-taxxa. Għaldaqstant jeħtieġ li jiġi stabbilit livell minimu komuni ta’ protezzjoni għas-suq intern f’oqsma speċifiċi.

(4)Jeħtieġ li jiġu stabbiliti regoli applikabbli għall-kontribwenti kollha li huma soġġetti għat-taxxa korporattiva fi Stat Membru. Dawk ir-regoli għandhom japplikaw ukoll għall-istabbilimenti permanenti ta’ dawk il-kontribwenti korporattivi li jistgħu jkunu stabbiliti fi Stat(i) Membru/i ieħor/oħrajn. Il-kontribwenti korporattivi jistgħu jkunu residenti għall-finijiet tat-taxxa fi Stat Membru jew ikunu stabbiliti taħt il-liġijiet ta’ Stat Membru. L-istabbilimenti permanenti ta’ entitajiet residenti f’pajjiż terz għall-finijiet tat-taxxa ukoll għandhom ikunu koperti minn dawn ir-regoli jekk ikunu jinsabu fi Stat Membru wieħed jew aktar.

(5)Jeħtieġ li jiġu stabbiliti regoli kontra l-erożjoni tal-bażijiet tat-taxxa fis-suq intern u t-trasferiment tal-profitti ’l barra mis-suq intern. Ir-regoli f’dawn l-oqsma li ġejjin huma meħtieġa sabiex jikkontribwixxu għall-kisba ta’ dak l-għan: limitazzjonijiet fit-tnaqqis tal-imgħax, it-tassazzjoni tal-ħruġ, klawżola ta’ bdil, regola ġenerali kontra l-abbuż, regoli għall-kumpaniji kkontrollati minn barra ’l pajjiż u qafas għall-indirizzar tad-diskrepanzi ibridi. Meta l-applikazzjoni ta’ dawk ir-regoli toħloq tassazzjoni doppja, il-kontribwenti għandhom jirċievu ħelsien mit-taxxa bi tnaqqis għat-taxxa mħallsa fi Stat Membru ieħor jew pajjiż terz, skont il-każ. B’hekk, ir-regoli mgħandhomx jimmiraw biss li jiġġieldu l-prattiki ta’ evitar tat-taxxa iżda jevitaw ukoll li joħolqu ostakoli oħrajn għas-suq, bħat-tassazzjoni doppja.

(6)Fi sforz biex inaqqsu l-obbligu fiskali globali tagħhom, il-gruppi ta’ kumpaniji transkonfinali qegħdin dejjem aktar jittrasferixxu l-profitti, normalment permezz ta’ ħlasijiet ta’ mgħax esaġerat, mill-ġurisdizzjonijiet b’taxxa għolja għal pajjiżi bi skemi ta’ taxxa aktar baxxi. Ir-regola tal-limitazzjoni tal-imgħax hija meħtieġa biex tiskoraġġixxi prattiki bħal dawn billi tillimita l-possibbiltà ta’ tnaqqis tal-ispejjeż finanzjarji netti (jiġifieri l-ammont li bih l-ispejjeż finanzjarji jaqbżu d-dħul finanzjarju). Għaldaqstant jeħtieġ li jiġi ffissat proporzjon għall-possibbiltà ta’ tnaqqis li jirreferi għall-qligħ ta’ kontribwent qabel l-imgħax, it-taxxa, id-deprezzament u l-amortizzamenti (EBITDA). Il-fatturat finanzjarju eżenti mit-taxxa mgħandux ikun ikkumpensat bi spejjeż finanzjarji. Dan għaliex id-dħul taxxabbli biss għandu jiġi kkunsidrat fid-determinazzjoni tal-ammont li għandu jitnaqqas mill-imgħax. Biex ikunu ffaċilitati dawk il-kontribwenti li huma f’inqas riskju relatat mal-erożjoni tat-taxxa u t-trasferiment tal-profitti, l-imgħax nett għandu dejjem ikun deduċibbli sa ammont massimu fiss, li jibda japplika meta jwassal għal tnaqqis ogħla mill-proporzjon ibbażat fuq l-EBITDA. Meta l-kontribwent ikun parti minn grupp li jiffajlja kontijiet statutorji konsolidati, id-dejn tal-grupp globali għandu jiġi kkunsidrat biex il-kontribwenti jingħataw il-permess inaqqsu ammonti ogħla ta’ spejjeż finanzjarji netti. Ir-regola tal-limitazzjoni tal-imgħax għandha tapplika f’dak li jirrigwarda l-ispejjeż finanzjarji netti ta’ kontribwent mingħajr distinzjoni ta’ jekk l-ispejjeż joriġinawx f’dejn magħmul fil-pajjiż, lil hinn mill-fruntieri fl-Unjoni jew f’pajjiż terz. Għalkemm huwa ġeneralment aċċettat li l-impriżi finanzjarji, jiġifieri l-istituzzjonijiet finanzjarji u l-kumpaniji tal-assigurazzjoni, ukoll għandhom ikunu soġġetti għal limitazzjonijiet fit-tnaqqis tal-imgħax, huwa rikonoxxut ukoll li dawn iż-żewġ setturi għandhom karatteristiċi speċjali li jitolbu approċċ aktar personalizzat. Peress li d-diskussjonijiet f’dan il-qasam għadhom mhumiex konklussivi biżżejjed fil-kuntest internazzjonali u dak Ewropew, għadu mhuwiex possibbli li jiġu pprovduti regoli speċifiċi fis-settur finanzjarju u dak tal-assigurazzjoni.

(7)It-taxxi tal-ħruġ għandhom il-funzjoni li jiżguraw li meta kontribwent iċaqlaq xi assi jew ir-residenza fiskali tiegħu barra mill-ġurisdizzjoni fiskali ta’ Stat, dak l-Istat jintaxxa l-valur ekonomiku ta’ kwalunkwe qligħ kapitali maħluq fit-territorju tiegħu anki jekk dan il-qligħ ikun għadu ma ġiex irrealizzat meta jsir il-ħruġ. Għaldaqsant jeħtieġ li jiġu speċifikati l-każijiet li fihom il-kontribwenti huma soġġetti għal regoli tat-taxxa tal-ħruġ u ntaxxati fuq qligħ kapitali mhux realizzat li nbnew fl-assi trasferiti tagħhom. Biex jinħadmu l-ammonti, huwa essenzjali li jiġi stabbilit valur tas-suq għall-assi trasferiti bbażat fuq il-prinċipju ta’ distakkament. Fi ħdan l-Unjoni, jeħtieġ li tiġi indirizzata l-applikazzjoni tat-tassazzjoni tal-ħruġ u spjegati l-kundizzjonijiet biex wieħed ikun konformi mal-liġi tal-Unjoni. F’daw is-sitwazzjonijiet, il-kontribwenti għandu jkollhom id-dritt li jew iħallsu minnufih l-ammont ta’ taxxa tal-ħruġ ivvalutat jew jiddifferixxu l-ħlas tal-ammont tat-taxxa, possibbilment flimkien mal-imgħax u garanzija, fuq ċertu numru ta’ snin u li jħallsu l-obbligi tat-taxxa tagħhom f’pagamenti mqassma. It-taxxa tal-ħruġ mgħandhiex tkun imposta meta t-trasferiment tal-assi jkun temporanju u sakemm al-assi jkunu maħsubu li jmorru lura għall-Istat Membru tat-trasferent, f’każ li t-trasferiment iseħħ sabiex jissodisfa rekwiżiti prudenzjali jew minħabba ġestjoni ta’ likwidità jew f’każ ta’ tranżazzjonijiet ta’ finanzjament ta’ titoli jew assi kkollokati bħala kollateral.

(8)Minħabba d-diffikultajiet inerenti fl-għoti ta’ ħelsien ta’ kreditu għal taxxi mħallsa barra l-pajjiż, l-Istati għandhom dejjem aktar it-tendenza li jeżentaw dħul barrani mit-tassazzjoni fl-Istat ta’ residenza. L-effett negattiv involontarju ta’ dan l-approċċ madankollu huwa li jinkoraġġixxi sitwazzjonijiet li fihom dħul mhux intaxxat jew intaxxat ftit jidħol fis-suq intern u mbagħad jiċċirkola – ħafna drabi mingħajr ma jkun ġie ntaxxat – fl-Unjoni, permezz tal-istrumenti disponibbli fil-liġi tal-Unjoni. Il-klawżoli ta’ bdil spiss jintużaw kontra prattiki bħal dawn. Għaldaqstant jeħtieġ li tiġi pprovduta klawżola ta’ bdil li tkun immirata kontra ċerti tipi ta’ dħul barrani, pereżempju, distribuzzjonijiet ta’ profitti, rikavati mid-disponiment ta’ ishma u profitti minn stabbilimenti permanenti li huma eżenti mit-taxxa fl-Unjoni u joriġinaw f’pajjiżi terzi. Dan id-dħul għandu jkun taxxabbli fl-Unjoni, jekk ġie intaxxat taħt ċertu livell fil-pajjiż terz. Jekk wieħed jikkunsidra li l-klawżola ta’ bdil ma teħtieġx kontroll fuq l-entità intaxxata ftit u għaldaqstant jista’ ma jkunx hemm aċċess għall-kontijiet statutorji tal-entità, il-komputazzjoni tar-rata tat-taxxa effettiva tista’ tkun eżerċizzju kkumplikat ħafna. Għaldaqstant l-Istati Membri għandhom jużaw ir-rata tat-taxxa statutorja meta japplikaw il-klawżola ta’ bdil. L-Istati Membri li japplikaw il-klawżola ta’ bdil għandhom jagħtu kreditu għat-taxxa mħallsa barra l-pajjiż, sabiex jevitaw l-intaxxar doppju.

(9)Regoli ġenerali kontra l-abbuż (GAARs) huma inklużi fis-sistemi fiskali sabiex jindirizzaw prattiki tat-taxxa abbużivi li għadhom ma ġewx indirizzati permezz ta’ dispożizzjonijiet speċifiċikament immirati. Għaldaqstant il-GAARs għandhom funzjoni mmirata biex timla l-vojt, li mgħandux jaffettwa l-applikabbiltà ta’ regoli speċifiċi kontra l-abbuż. Fi ħdan l-Unjoni, l-applikazzjoni ta’ GAARs għandu jkun limitat għal arranġamenti li huma "kompletament artifiċjali" (mhux ġenwini); inkella, il-kontribwent għandu jkollu d-dritt li jagħżel l-aktar struttura effiċjenti ta’ taxxa għall-affarijiet kummerċjali tiegħu. Barra minn hekk huwa importanti li jkun żgurat li l-GAARs japplikaw f’sitwazzjonijiet interni, fi ħdan l-Unjoni u vis-à-vis pajjiżi terzi b’mod uniformi, biex l-ambitu u r-riżultati tal-applikazzjoni tagħhom f’sitwazzjonijiet interni u transkonfinali ma jvarjawx.

(10)Ir-regoli dwar il-Kumpaniji Kkontrollati minn Barra l-Pajjiż (CFC) għandhom l-effett li jattribwixxu mill-ġdid id-dħul ta’ sussidjarja kkontrollata intaxxata ftit lill-kumpaniji prinċipali tagħha. Imbagħad, il-kumpanija prinċipali ssir taxxabbli għal dan id-dħul attribwit fl-Istat fejn hija residenti għall-finijiet tat-taxxa. Skont il-prijoritajiet politiċi ta’ dak l-Istat, ir-regoli dwar is-CFC jistgħu jkunu diretti lejn sussidjarja sħiħa ntaxxata ftit jew ikunu limitati għad-dħul li ġie devjat b’mod artifiċjali lejn is-sussidjarja. Huwa mixtieq li jiġu indirizzati sitwazzjonijiet kemm fil-pajjiżi terzi kif ukoll fl-Unjoni. Sabiex ikun hemm konformità mal-libertajiet fundamentali, l-impatt tar-regoli fl-Unjoni għandu jkun limitat għall-arranġamenti li jirriżultaw f’trasferiment artifiċjali ta’ profitti mill-Istat Membru tal-kumpanija omm lejn is-CFC. F’dan il-każ, l-ammonti ta’ dħul attribwiti lill-kumpanija omm għandhom jiġu aġġustati skont il-prinċipju tad-distakkament, b’tali mod li l-Istat Membru tal-kumpanija omm biss jintaxxa l-ammonti tad-dħul tal-CFC sal-punt li ma jkunux konformi ma’ dan il-prinċipju. Ir-regoli dwar is-CFC għandhom jeskludu lill-impriżi finanzjarji mill-ambitu tagħhom meta dawn ikunu residenti taxxabbli fl-Unjoni, inklużi stabbilimenti permanenti ta’ tali impriżi li jinsabu fl-Unjoni. Dan għaliex l-ambitu għal applikazzjoni leġittima tar-regoli dwar is-CFC fl-Unjoni għandu jkun limitat għal sitwazzjonijiet artifiċjali mingħajr sustanza ekonomika, li jimplika li s-setturi finanzjarji u tal-assigurazzjoni rregolati ħafna aktarx li ma jkunux inklużi f’dawn ir-regoli.

(11)Id-diskrepanzi ibridi huma l-konsegwenza ta’ differenzi fil-karatterizzazzjoni ġuridika tal-pagamenti (strumenti finanzjarji) jew ta’ entitajiet u dawk id-differenzi jitfaċċaw fl-interazzjoni bejn is-sistemi legali taż-żewġ ġurisdizzjonijiet. L-effett ta’ tali diskrepanzi huwa spiss tnaqqis doppju (jiġifieri tnaqqis fiż-żewġ stati) jew tnaqqis tad-dħul fi stat wieħed mingħajr l-inklużjoni fil-bażi tat-taxxa fl-ieħor. Sabiex jiġi evitat dan ir-riżultat, hemm bżonn li jiġu stabbiliti regoli li permezz tagħhom wieħed miż-żewġ ġurisdizzjonijiet f’diskrepanza għandha tagħti karatterizzazzjoni ġuridika lill-istrument ibridu jew lill-entità u l-ġurisdizzjoni oħra għandha taċċetta dan. Għalkemm l-Istati Membri qablu dwar gwida, fil-qafas tal-Grupp tal-Kodiċi ta’ Kondotta dwar it-Tassazzjoni tal-Intrapriżi, dwar it-trattament tat-taxxa ta’ entitajiet ibridi 4 u stabbilimenti permanenti ibridi 5 ġewwa l-Unjoni kif ukoll dwar it-trattament tat-taxxa ta’ entitajiet ibridi f’relazzjonijiet ma’ pajjiżi terzi, xorta waħda jeħtieġ li jiġu ppromulgati regoli vinkolanti. Fl-aħħar nett, jeħtieġ li jiġi limitat l-ambitu ta’ dawn ir-regoli għad-diskrepanzi ibridi bejn l-Istati Membri. Id-diskrepanzi ibridi bejn l-Istati Membri u l-pajjiżi terzi għadhom iridu jiġi eżaminati aktar.

(12)Jeħtieġ li jkun iċċarat li l-implimentazzjoni tar-regoli kontra l-evitar tat-taxxa pprovduti f’din id-Direttiva mgħandhiex taffettwa l-obbligu tal-kontribwenti li jikkonformaw mal-prinċipju ta’ distakkament jew id-dritt tal-Istat Membru li jaġġusta obbligu fiskali ’l fuq skont il-prinċipju ta’ distakkament, fejn japplika.

(13)Il-Kontrollur Ewropew għall-Protezzjoni tad-Data ġie kkonsultat skont l-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill 6 . Id-dritt għall-protezzjoni tad-data personali skont l-Artikolu 8 tal-Karta tad-Drittijiet Fundamentali tal-UE kif ukoll id-Direttiva 95/46/KE tal-Parlament Ewropew u tal-Kunsill 7 japplika għall-ipproċessar ta’ data personali li jsir fil-qafas ta’ din id-Direttiva.

(14)Jekk wieħed iqis li għan ewlieni ta’ din id-Direttiva huwa t-titjib tar-reżiljenza tas-suq intern inġenerali kontra l-prattiki ta’ evitar tat-taxxa transkonfinali, dan ma jistax jinkiseb biżżejjed jekk l-Istati Membri jaġixxu b’mod individwali. Is-sistemi tat-taxxa korporattiva nazzjonali huma diversi u azzjoni indipendenti mill-Istati Membri sempliċement tirreplika l-frammentazzjoni eżistenti tas-suq intern fit-tassazzjoni diretta. B’hekk tippermetti li jippersistu n-nuqqas ta’ effiċjenza u d-distorsjonijiet fl-interazzjoni ta’ miżuri nazzjonali differenti. Ir-riżultat ikun nuqqas ta’ koordinazzjoni. Pjuttost, minħabba l-fatt li nuqqas kbir ta’ effiċjenza fis-suq intern joħloq primarjament problemi ta’ natura transkonfinali, jeħtieġ li jiġu adottati miżuri ta’ rimedju fil-livell tal-Unjoni. Għaldaqstant huwa kruċjali li jiġu adottati soluzzjonijiet li jiffunzjonaw għas-suq intern inġenerali u dan jista’ jinkiseb aħjar fil-livell tal-Unjoni. B’hekk, l-Unjoni tista’ tadotta miżuri, skont il-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li hu meħtieġ biex jinkiseb dak l-objettiv. Bl-istabbiliment ta’ livell minimu ta’ protezzjoni għas-suq intern, din id-Direttiva għandha biss l-għan li tikseb il-grad minimu essenzjali ta’ koordinazzjoni fi ħdan l-Unjoni sabiex twettaq l-objettivi tagħha.

(15)Il-Kummissjoni għandha tevalwa l-implimentazzjoni ta’ din id-Direttiva tliet snin wara d-dħul fis-seħħ tagħha u tirrapporta lill-Kunsill dwarha. L-Istati Membri għandhom jgħaddu lill-Kummissjoni kwalunkwe tagħrif meħtieġ għal din l-evalwazzjoni,

ADOTTA DIN ID-DIRETTIVA:

KAPITOLU I

DISPOŻIZZJONIJIET ĠENERALI

Artikolu 1
Kamp ta’ applikazzjoni

Din id-Direttiva tapplika għall-kontribwenti kollha li huma soġġetti għat-taxxa korporattiva fi Stat Membru wieħed jew aktar, inklużi stabbilimenti permanenti fi Stat Membru wieħed jew aktar ta’ entitajiet residenti f’pajjiż terz għall-finijiet tat-taxxa.

Artikolu 2
Definizzjonijiet

Għall-finijiet ta’ din id-Direttiva, japplikaw id-definizzjonijiet li ġejjin:

(1)‘kostijiet tas-self’ tfisser spejjeż ta’ mgħaxijiet u spejjeż oħrajn ekwivalenti li kontribwent iġarrab b’konnessjoni mas-self ta’ fondi, inkluża kwalunkwe differenza bejn il-fondi meħuda b’self u l-ammont tal-fidwa, l-element ta’ mgħax f’kuntratt ta’ kiri meta s-sid ekonomiku huwa intitolat li jnaqqas l-imgħax u l-ispejjeż imġarrba b’konnessjoni mal-ġbir ta’ finanzi;

(2)‘kostijiet tas-self eċċessivi’ tfisser l-ammont li bih il-kostijiet tas-self ta’ kontribwent jaqbżu l-introjtu mill-imgħax u introjtu taxxabbli ieħor ekwivalenti minn assi finanzjarji li jirċievi l-kontribwent;

(3)‘assi finanzjarju’ tfisser strument finanzjarju kif definit fil-punt (15) tal-Artikolu 4(1) tad-Direttiva 2014/65/UE tal-Parlament Ewropew u tal-Kunsill 8 u depożiti u depożiti strutturali, pretensjonijiet ta’ self u prodotti ta’ investiment ibbażati fuq l-assigurazzjoni;

(4)'impriża finanzjarja’ tfisser kwalunkwe waħda minn dawn l-entitajiet li ġejjin:

(a)istituzzjoni ta’ kreditu jew impriża ta’ investiment kif definita fil-punt (1) tal-Artikolu 4(1) tad-Direttiva 2004/39/KE tal-Parlament Ewropew u tal-Kunsill 9 ;

(b)impriża tal-assigurazzjoni kif definita fil-punt (1) tal-Artikolu 13 tad-Direttiva 2009/138/KE tal-Parlament Ewropew u tal-Kunsill 10 ;

(c)kumpanija tar-riassigurazzjoni kif definita fil-punt (4) tal-Artikolu 13 tad-Direttiva 2009/138/KE;

(d)istituzzjoni għall-irtirar okkupazzjonali li taqa’ fil-kamp ta’ applikazzjoni tad-Direttiva 2003/41/KE tal-Parlament Ewropew u tal-Kunsill 11 , sakemm Stat Membru ma jkunx għażel li ma japplikax id-Direttiva kollha jew parti minnha għal dik l-istituzzjoni skont l-Artikolu 5 ta’ dik id-Direttiva jew għad-delegat ta’ istituzzjoni għall-provvista ta’ irtirar okkupazzjonali kif imsemmi fl-Artikolu 19(1) tad-Direttiva 2003/41/KE;

(e)fond ta’ investiment alternattiv ġestit minn maniġer ta’ fondi ta’ investiment alternattivi kif definit fil-punt (b) tal-Artikolu 4(1) tad-Direttiva 2011/61/UE tal-Parlament Ewropew u tal-Kunsill 12 ;

(f)impriżi għall-investiment kollettiv f’titoli trasferibbli (UCITS) fit-tifsira tal-Artikolu 1(2) tad-Direttiva 2009/65/KE tal-Parlament Ewropew u tal-Kunsill 13 ;

(g)kontroparti ċentrali kif definita fil-punt (1) tal-Artikolu 2 tar-Regolament (UE) Nru 648/2012 14 ;

(h)depożitorju ċentrali tat-titoli kif definit fil-punt (1) tal-Artikolu 2(1) tar-Regolament (UE) Nru 909/2014 tal-Parlament Ewropew u tal-Kunsill 15 .

(5)‘trasferiment ta’ assi’ tfisser operazzjoni li permezz tagħha d-dritt li jintaxxa l-assi trasferiti jgħaddi f’idejn Stat Membru ieħor jew pajjiż terz, filwaqt li l-assi jibqgħu taħt is-sjieda benefiċjarja tal-istess kontribwent, minbarra t-trasferiment ta’ assi temporanji diment li l-assi huma maħsuba li jaqgħu lura f’idejn l-Istat Membru tat-trasferent;

(6)‘it-trasferiment tar-residenza tat-taxxa’ tfisser operazzjoni li permezz tagħha kontribwent ma jibqax residenti fi Stat Membru għall-finijiet tat-taxxa, waqt li jikseb residenza fiskali fi Stat Membru ieħor jew f’pajjiż terz;

(7)‘it-trasferiment ta’ stabbiliment permanenti’ tfisser operazzjoni li permezz tagħha kontribwent ma jibqax ikollu preżenza taxxabbli fi Stat Membru waqt li jikseb tali preżenza fi Stat Membru ieħor jew f’pajjiż terz mingħajr ma jsir residenti f’dak l-Istat Membru jew pajjiż terz għall-finijiet tat-taxxa .

Artikolu 3
Livell minimu ta’ protezzjoni

Din id-Direttiva mgħandhiex tipprekludi l-applikazzjoni ta’ dispożizzjonijiet interni jew ibbażati fuq ftehimiet u li għandhom l-għan li jissalvagwardjaw livell ogħla ta’ protezzjoni għall-bażijiet tat-taxxa korporattiva interna.

KAPITOLU II

MIŻURI KONTRA L-EVITAR TAT-TAXXA

Artikolu 4
Regola dwar il-limitazzjoni tal-imgħax

1.Il-kostijiet tas-self għandhom dejjem jitnaqqsu diment li l-kontribwent jirċievi imgħax jew introjtu taxxabbli ieħor minn assi finanzjarji.

2.Il-kostijiet tas-self eċċessivi għandhom ikunu jistgħu jitnaqqsu fis-sena fiskali li fiha jiġġarrbu sa 30 fil-mija biss tal-qligħ tal-kontribwent qabel l-imgħax, it-taxxa, id-deprezzament u l-amortizzament (EBITDA) jew sal-ammont ta’ EUR 1 000 000, liema minnhom ikun l-ogħla. L-EBITDA għandu jkun ikkalkolat billi wieħed jerġa’ jżid mad-dħul taxxabbli l-ammonti aġġustati mit-taxxa għall-kostijiet tal-imgħax nett u kostijiet oħrajn ekwivalenti kif ukoll l-ammonti aġġustati mit-taxxa għad-deprezzament u l-amortizzament.

3.B’deroga mill-paragrafu 2, il-kontribwent jista’ jingħata d-dritt li jnaqqas għal kollox il-kostijiet tas-self eċċessivi jekk il-kontribwent jista’ juri li l-proporzjon tal-ekwità tiegħu fuq it-total tal-assi tiegħu huwa ugwali għal jew ogħla mill-proporzjon ekwivalenti tal-grupp.

L-ewwel subparagrafu għandu japplika soġġett għall-kundizzjonijiet li ġejjin:

(a)il-proporzjon tal-ekwità tal-kontribwent fuq it-total tal-assi tiegħu huwa kkunsidrat ugwali għall-proporzjon ekwivalenti tal-grupp jekk il-proporzjon tal-ekwità tal-kontribwent fuq it-total tal-assi tiegħu huwa aktar baxx sa żewġ punti perċentwali;

(b)il-grupp jikkonsisti fl-entitajiet kollha li huma inklużi f’dikjarazzjonijiet finanzjarji konsolidati awditjati mfassla skont l-Istandards Internazzjonali tar-Rappurtar Finanzjarju jew is-sistema nazzjonali ta’ rappurtar finanzjarju ta’ Stat Membru jew il-Prinċipji ta’ Kontabbiltà Ġeneralment Aċċettati tal-Istati Uniti (GAAP);

(c)l-assi u l-obbligazzjonijiet huma vvalutati permezz tal-istess metodu bħal fid-dikjarazzjonijiet finanzjarji konsolidati;

(d)l-ekwità u t-total tal-assi tal-kontribwent huma mnaqqsa b’kontribuzzjonijiet magħmulin fis-sitt xhur ta’ qabel id-data tal-karta bilanċjali rilevanti sakemm dawn il-kontribuzzjonijiet jaqblu ma’ tħassir jew distribuzzjonijiet matul is-sitt xhur ta’ wara d-data tal-karta bilanċjali rilevanti;

(e)il-pagamenti lill-impriżi assoċjati ma jaqbżux l-10 fil-mija tal-ispejjeż tal-imgħax netti totali.

4.L-EBITDA ta’ sena fiskali li ma jkunx assorbit għal kollox mill-kostijiet tas-self imġarrba mill-kontribwent f’dik is-sena fiskali jew dawk preċedenti jistgħu jiġu riportati għal snin fiskali futuri.

5.Il-kostijiet tas-self li ma jistgħux jitnaqqsu fis-sena fiskali kurrenti taħt il-paragrafu 2 għandhom ikunu jistgħu jitnaqqsu sa 30 fil-mija tal-EBITDA fi snin fiskali sussegwenti bl-istess mod bħall-kostijiet tas-self għal dawk is-snin.

6.Il-paragrafi 2 sa 5 mgħandhomx japplikaw għall-impriżi finanzjarji.

Artikolu 5

It-tassazzjoni tal-ħruġ

1.Kontribwent għandu jkun soġġett għat-taxxa f’ammont ugwali għall-valur tas-suq tal-assi trasferiti, fil-ħin tal-ħruġ, nieqes il-valur tagħhom għall-finijiet tat-taxxa, fi kwalunkwe waħda minn dawn iċ-ċirkustanzi li ġejjin:

(a)kontribwent jittrasferixxi assi mill-uffiċċju prinċipali tiegħu għall-istabbiliment permanenti tiegħu fi Stat Membru ieħor jew f’pajjiż terz;

(b)kontribwent jittrasferixxi assi mill-istabbiliment permanenti tiegħu fi Stat Membru għall-uffiċċju prinċipali tiegħu jew stabbiliment permanenti ieħor fi Stat Membru ieħor jew f’pajjiż terz;

(c)kontribwent jittrasferixxi r-residenza fiskali tiegħu lejn Stat Membru ieħor jew pajjiż terz, ħlief għal dawk l-assi li jibqgħu effettivament marbutin ma’ stabbiliment permanenti fl-ewwel Stat Membru;

(d)kontribwent jistabbilixxi l-istabbiliment permanenti tiegħu minn Stat Membru.

Għall-finijiet tal-punt (c) tal-ewwel subparagrafu, kwalunkwe trasferiment sussegwenti ta’ assi lejn pajjiż terz mill-istabbiliment permanent li jinsab fl-ewwel Stat Membru u li miegħu l-assi huma effettivament marbutin għandu jitqies bħala disponiment fil-valur tas-suq.

2.Kontribwent jista’ jiddifferixxi l-pagament ta’ taxxa tal-ħruġ imsemmija fil-paragrafu 1, billi jħallsu bin-nifs fuq mill-inqas ħames snin, fi kwalunkwe waħda miċ-ċirkustanzi li ġejjin:

(a)kontribwent jittrasferixxi assi mill-uffiċċju prinċipali tiegħu għall-istabbiliment permanenti tiegħu fi Stat Membru ieħor jew f’pajjiż terz li huwa parti għall-Ftehim dwar iż-Żona Ekonomika Ewropea (il-Ftehim ŻEE);

(b)kontribwent jittrasferixxi assi mill-istabbiliment permanenti tiegħu fi Stat Membru għall-uffiċċju prinċipali tiegħu jew stabbiliment permanenti ieħor fi Stat Membru ieħor jew f’pajjiż terz li huwa parti għall-Ftehim ŻEE;

(c)kontribwent jittrasferixxi r-residenza fiskali tiegħu lejn Stat Membru ieħor jew pajjiż terz li huwa parti għall-Ftehim ŻEE;

(d)kontribwent jistabbilixxi l-istabbiliment permanenti tiegħu lejn Stat Membru ieħor jew pajjiż terz li huwa parti għall-Ftehim ŻEE.

3.Jekk kontribwent jiddifferixxi l-pagament skont il-paragrafu 2, l-imgħax jista’ jiġi impost skont il-leġiżlazzjoni tal-Istat Membru tal-kontribwent jew tal-istabbiliment permanenti, skont il-każ, safejn ikun meħtieġ biex jiġi ppreservat il-valur tal-obbligazzjoni tat-taxxa vvalutat.

Jekk jista’ jintwera riskju jew hemm riskju attwali ta’ nuqqas ta’ rkupru, il-kontribwenti jistgħu jkunu meħtieġa wkoll jipprovdu garanzija bħala kundizzjoni għad-differiment tal-pagament skont il-paragrafu 2.

It-tieni subparagrafu mgħandux japplika meta l-leġiżlazzjoni fl-Istat Membru tal-kontribwent jew tal-istabbiliment permanenti tipprovdi għall-possibbiltà tal-irkupru tad-dejn tat-taxxa permezz ta’ kontribwent ieħor li huwa membru tal-istess grupp u huwa residenti f’dak l-Istat Membru għall-finijet tat-taxxa.

4.Id-differiment tal-ħlas skont il-paragrafu 2 għandu jieqaf minnufih u d-dejn fiskali jkun jista’ jiġi rkuprat f’dawn il-każijiet li ġejjin:

(a)isir disponiment tal-assi trasferiti;

(b)l-assi trasferiti sussegwentement jiġu trasferiti lejn pajjiż terz;

(c)ir-residenza fiskali tal-kontribwent jew l-istabbiliment permanenti tiegħu sussegwentement jiġi trasferit lejn pajjiż terz;

(d)il-kontribwent ifalli jew jiġi stralċjat.

5.Meta t-trasferiment tal-assi, tar-residenza fiskali jew tal-istabbiliment permanenti jkun lejn Stat Membru ieħor, dak l-Istat Membru għandu jaċċetta l-valur tas-suq stabbilit mill-Istat Membru tal-kontribwent jew tal-istabbiliment permanenti bħala l-valur inizjali tal-assi għall-finijiet tat-taxxa.

6.Għall-finijiet tal-paragrafi 1 sa 5, ‘valur tas-suq’ huwa l-ammont li għalih assi jista’ jiġi skambjat jew obbligi reċiproċi jistgħu jiġu saldati bejn xerrejja u bejjiegħa mhux relatati fi tranżazzjoni diretta.

7.    Dan l-artikolu ma għandux japplika għal trasferimenti ta’ natura temporanja fejn l-assi huwa maħsub li jaqa’ lura f’idejn l-Istat Membru tat-trasferent.

Artikolu 6
Klawżola ta’ bdil

1.L-Istati Membri mgħandhomx jeżentaw kontribwent mit-taxxa fuq id-dħul barrani li l-kontribwent ikun irċieva bħala distribuzzjoni tal-profitt mingħand entità f’pajjiż terz jew bħala rikavat mid-disponiment ta’ ishma miżmumin f’entità f’pajjiż terz jew bħala dħul minn stabbiliment permanenti li jinsab f’pajjiż terz fejn l-entità jew l-istabbiliment permanenti huwa soġġett, fil-pajjiż ta’ residenza tal-entità jew fil-pajjiż fejn jinsab l-istabbiliment permanenti, għal taxxa fuq il-profitti b’rata ta’ taxxa korporattiva statutorja ta’ inqas minn 40 fil-mija tar-rata tat-taxxa korporattiva statutorja li kienet tkun imposta taħt is-sistema tat-taxxa korporattiva applikabbli fl-Istat Membru tal-kontribwent. F’dawk iċ-ċirkustanzi, il-kontribwent għandu jkun soġġett għat-taxxa fuq id-dħul barrani bi tnaqqis tat-taxxa mħallsa fil-pajjiż terz mill-obbligu fiskali tiegħu fl-istat ta’ residenza tiegħu għall-finijiet tat-taxxa. It-tnaqqis mgħandux jaqbeż l-ammont ta’ taxxa, kif ikkomputata qabel it-tnaqqis, li hija attribbwibbli għad-dħul li jista’ jkun intaxxat.

2.L-ewwel paragrafu mgħandux japplika għat-tipi ta’ telf li ġejjin:

(a)telf imġarrab mill-istabbiliment permanenti ta’ kontribwent residenti li jinsab f’pajjiż terz;

(b)telf mid-disponiment ta’ ishma f’entità li hija residenti fiskali f’pajjiż terz.

Artikolu 7
Regola ġenerali kontra l-abbuż

1.Arranġamenti mhux ġenwini jew sensiela ta’ arranġamenti li jsiru bl-iskop essenzjali li jinkiseb vantaġġ fiskali li jegħleb l-għan jew l-iskop tad-dispożizzjonijiet tat-taxxa suppost applikabbli għandhom ikunu injorati għall-finijiet tal-ikkalkolar tal-obbligu tat-taxxa korporattiva. Arranġament jista' jinkludi aktar minn pass wieħed jew parti waħda.

2.Għall-finijiet tal-ewwel paragrafu, arranġament jew sensiela ta’ arranġamenti għandhom jitqiesu mhux ġenwini sakemm ma jkunux saru għal raġunijiet kummerċjali validi li jirriflettu r-realtà ekonomika.

3.Meta arranġamenti jew sensiela ta’ arranġamenti jiġu injorati skont l-ewwel paragrafu, l-obbligu tat-taxxa għandu jkun ikkalkolat b’referenza għas-sustanza ekonomika skont il-liġi nazzjonali.

Artikolu 8
Leġiżlazzjoni dwar il-kumpaniji kkontrollati minn barra l-pajjiż

1.Il-bażi tat-taxxa ta’ kontribwent għandha tinkludi d-dħul mhux distribwit ta’ entità meta jkunu ssodisfati l-kundizzjonijiet li ġejjin:

(a)il-kontribwent waħdu, jew flimkien mal-impriżi assoċjati tiegħu, kif definit taħt is-sistema tat-taxxa korporattiva applikabbli, ikollu parteċipazzjoni diretta jew indiretta ta’ aktar minn 50 fil-mija tad-drittijiet tal-vot, jew jippossiedi aktar minn 50 fil-mija tal-kapital jew huwa intitolat li jirċievi aktar minn 50 fil-mija tal-profitti ta’ dik l-entità;

(b)taħt l-iskema ġenerali fil-pajjiż tal-entità, il-profitti jkunu soġġetti għal rata tat-taxxa korporattiva effettiva ta’ inqas minn 40 fil-mija tar-rata tat-taxxa effettiva li kienet tkun imposta taħt is-sistema tat-taxxa korporattiva applikabbli fl-Istat Membru tal-kontribwent;

(c)aktar minn 50 fil-mija tad-dħul li jakkumula għall-entità jaqa’ f’xi waħda minn dawn il-kategoriji li ġejjin:

(i)imgħax jew kwalunkwe dħul ieħor iġġenerat minn assi finanzjarji;

(ii)royalties jew kwalunkwe dħul ieħor iġġenerat minn proprjetà intellettwali jew permessi negozjabbli;

(iii)dividendi u dħul mid-disponiment ta’ ishma;

(iv)dħul minn kiri finanzjarju;

(v)dħul minn proprjetà immobbli, sakemm l-Istat Membru tal-kontribwent ma jkunx intitolat li jintaxxa d-dħul skont ftehim konkluż ma’ pajjiż terz;

(vi)dħul minn attivitajiet tal-assigurazzjoni, attivitajiet bankarji u attivitajiet finanzjarji oħra;

(vii)dħul minn servizzi mogħtija lill-kontribwent jew lill-impriżi assoċjati tiegħu;

(d)l-entità mhijiex kumpanija li l-klassi prinċipali ta’ ishma tagħha hija regolarment innegozjata f’borża jew f’boroż rikonoxxuti.

Il-punt (c) tal-ewwel subparagrafu għandu japplika għall-impriżi finanzjarji biss jekk aktar minn 50 fil-mija tad-dħul tal-entità f’dawn il-kategoriji ġej minn tranżazzjonijiet mal-kontribwent jew mal-impriżi assoċjati tiegħu.

2.L-Istati Membri ma għandhomx japplikaw l-ewwel paragrafu meta entità tkun residenti fiskali fi Stat Membru jew f’pajjiż terz li huwa parti għall-Ftehim ŻEE jew fir-rigward ta’ stabbiliment permanenti ta’ entità ta’ pajjiż terz li jinsab fi Stat Membru, sakemm l-istabbiliment tal-entità ma jkunx kompletament artifiċjali jew sakemm l-entità ma tidħolx, waqt l-attività tagħha, f’arranġamenti mhux ġenwini stabbiliti għall-iskop essenzjali li tikseb vantaġġ fiskali.

Il-paragrafu 1 mgħandux japplika għall-impriżi finanzjarji li huma residenti fiskali fi Stat Membru jew f’pajjiż terz li huwa parti mill-Ftehim ŻEE jew fir-rigward tal-istabbilimenti permanenti tagħhom fi Stat Membru ieħor jew aktar.

Għall-finijiet tal-ewwel subparagrafu, arranġament jew sensiela ta’ arranġamenti għandhom jitqiesu mhux ġenwini sakemm l-entità ma tkunx il-proprjetarja tal-assi jew ma tkunx ħadet ir-riskji li jiġġeneraw id-dħul kollu, jew parti mid-dħul, tagħha li kieku ma kinitx ikkontrollata minn kumpanija fejn jitwettqu l-funzjonijiet tal-persuni sinifikanti, li huma rilevanti għal dawk l-assi u riskji, u li huma strumentali għall-iġġenerar tad-dħul tal-kumpanija kkontrollata.

Meta l-entità tidħol f’arranġamenti mhux ġenwini, id-dħul li għandu jkun inkluż fil-bażi tat-taxxa tal-kumpanija li tikkontrolla għandu jkun limitat għal ammonti ġġenerati permezz ta’ assi u riskji marbutin ma’ funzjonijiet ta’ persuni sinifikanti li jsiru mill-kumpanija li tikkontrolla. L-attribuzzjoni ta’ dħul ta’ kumpanija kkontrollata minn barra l-pajjiż għandha tkun ikkalkolata skont il-prinċipju tad-distakkament.

Artikolu 9
Il-komputazzjoni tad-dħul ta’ kumpanija kkontrollata minn barra l-pajjiż

1.Id-dħul li għandu jkun inkluż fil-bażi tat-taxxa għandu jkun ikkalkolat skont ir-regoli tal-liġi dwar it-taxxa korporattiva tal-Istat Membru fejn il-kontribwent huwa residenti għall-finijiet tat-taxxa. It-telf tal-entità mgħandux ikun inkluż fil-bażi tat-taxxa iżda għandu jiġi riportat u kkunsidrat fl-applikazzjoni tal-Artikolu 8 fi snin fiskali sussegwenti.

2.Id-dħul li għandu jkun inkluż fil-bażi tat-taxxa għandu jkun ikkalkolat fi proporzjon mad-dritt tal-kontribwent li jirċievi l-profitti tal-entità.

3.Id-dħul għandu jkun inkluż fis-sena fiskali li fiha tintemm is-sena fiskali tal-entità.

4.Meta l-entità tqassam il-profitti lill-kontribwent, l-ammonti tad-dħul li qabel kienu inklużi fil-bażi tat-taxxa skont l-Artikolu 8 għandhom jitnaqqsu mill-bażi tat-taxxa meta jiġi kkalkolat l-ammont ta’ taxxa dovuta fuq il-profitti mqassma, sabiex ikun żgurat li ma jkunx hemm tassazzjoni doppja.

5.Meta l-kontribwent jiddisponi mill-parteċipazzjoni tiegħu fl-entità, il-parti tar-rikavat mid-disponiment li qabel kienet inkluża fil-bażi tat-taxxa skont l-Artikolu 8 li tkun għadha ma ġietx distribwita għandha titnaqqas mill-bażi tat-taxxa meta jiġi kkalkolat l-ammont ta’ taxxa dovuta għal dak ir-rikavat, sabiex ikun żgurat li ma jkunx hemm tassazzjoni doppja.

Artikolu 10
Diskrepanzi ibridi

Meta żewġ Stati Membri jagħtu karatterizzazzjoni ġuridika differenti lill-istess kontribwent (entità ibrida), inklużi lill-istabbilimenti permanenti tiegħu fi Stat Membru wieħed jew aktar, u din twassal jew għal sitwazzjoni fejn id-deduzzjoni fuq l-istess pagament, l-istess spejjeż jew l-istess telf isseħħ kemm fl-Istat Membr li fih il-pagament għandu s-sors tiegħu, l-ispejjeż jkunu saru jew it-telf jiġġarrab u kif ukoll fi Stat Membru ieħor jew sitwazzjoni fejn hemm deduzzjoni ta' pagament fl-Istat Membru li fih il-pagament għandu s-sors tiegħu mingħajr inklużjoni korrispondenti tal-istess pagament fl-Istat Membru l-ieħor, il-karatterizzazzjoni ġuridika mogħtija lill-entità ibrida mill-Istat membru li fih il-pagament għandu s-sors tiegħu, l-ispejjeż ikunu saru jew it-telf jiġġarrab għandha tiġi segwita mill-Istat Membru l-ieħor.

Meta żewġ Stati Membri jagħtu karatterizzazzjoni ġuridika differenti lill-istess pagament (strument ibridu) u dan iwassal għal sitwazzjonijiet ta’ deduzzoni fi Stat Membru li fih il-pagament għandu s-sors tiegħu mingħajr inklużjoni tal-istess pagament fl-Istat Membru l-ieħor, il-karatterizzazzjoni legali mogħtija lill-istrument ibridu mill-Istat Membru li fih il-pagament għandu s-sors tiegħu għandu jiġi segwit mill-Istat Membru l-ieħor.

KAPITOLU III

DISPOŻIZZJONIJIET FINALI

Artikolu 11
Reviżjoni

1.Il-Kummissjoni għandha tevalwa l-implimentazzjoni ta’ din id-Direttiva tliet snin wara d-dħul fis-seħħ tagħha u jirrapporta lill-Kunsill dwarha.

2.L-Istati Membri għandhom jikkomunikaw lill-Kummissjoni t-tagħrif kollu meħtieġ għall-evalwazzjoni tal-implimentazzjoni ta’ din id-Direttiva.

Artikolu 12
Traspożizzjoni

1.L-Istati Membri għandhom jadottaw u jippubblikaw, sa mhux iktar tard minn […] il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma' din id-Direttiva. Huma għandhom jikkomunikaw it-test ta' dawk id-dispożizzjonijiet lill-Kummissjoni minnufih.

Għandhom japplikaw dawk id-dispożizzjonijiet minn […].

Meta l-Istati Membri jadottaw dawk id-dispożizzjonijiet, għandu jkun fihom referenza għal din id-Direttiva jew għandhom ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.

2.L-Istati Membri għandhom jikkomunikaw lill-Kummissjoni t-testi tad-dispożizzjonijiet ewlenin tal-dritt nazzjonali li huma jaddottaw fil-qasam kopert b’din id-Direttiva.

Artikolu 13
Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 14
L-indirizzati

Din id-Direttiva hija indirizzata lill-Istati Membri.

Magħmul fi Brussell,

DIKJARAZZJONI FINANZJARJA LEĠIŻLATTIVA24

1.IL-QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/oqsma ta’ politika konċernat(i) fl-istruttura ABM/ABB

1.3.Natura tal-proposta/tal-inizjattiva

1.4.Għan/għanijiet

1.5.Raġunijiet għall-proposta/inizjattiva

1.6.Tul taż-żmien u impatt finanzjarju

1.7.Mod/i ta’ ġestjoni ppjanat/i

2.MIŻURI TA’ ĠESTJONI 

2.1.Regoli dwar il-monitoraġġ u r-rapportar

2.2.Sistema ta’ ġestjoni u ta’ kontroll

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-intestatura/i tal-baġit tan-nefqa affettwati

3.2.Stima tal-impatt fuq in-nefqa 

3.2.1.Sommarju tal-impatt stmat fuq in-nefqa

3.2.2.Stima tal-impatt fuq l-approprjazzjonijiet operazzjonali

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju multiannwali attwali

3.2.5.Kontribuzzjonijiet ta’ partijiet terzi

3.3.Impatt stmat fuq l-introjtu

DIKJARAZZJONI FINANZJARJA LEĠIŻLATTIVA24

1.IL-QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika konċernat(i) fl-istruttura ABM/ABB 16  

1.3.Natura tal-proposta/tal-inizjattiva 

⊠ Il-proposta/inizjattiva hi relatata ma' a azzjoni ġdida 

◻ Il-proposta/inizjattiva hi relatata ma' azzjoni ġdida skont proġett pilota/azzjoni preparatorja 17  

◻ Il-proposta/inizjattiva hi relatata mal-estensjoni ta’ azzjoni eżistenti 

◻ Il-proposta/inizjattiva hi relatata ma' azzjoni diretta mill-ġdid lejn azzjoni ġdida 

1.4.Għan/għanijiet

1.4.1.Għan(ijiet) strateġiku/strateġiċi pluriennali tal-Kummissjoni fil-mira tal-proposta/inizjattiva 

1.4.2.Għan(ijiet) speċifiku/iċi u attività/ajiet ABM/ABB ikkonċernati 

1.4.3.Riżultat(i) u impatt(i) mistennija

Speċifika l-effetti li għandu jkollha l-proposta/l-inizjattiva fuq il-benefiċjarji/il-gruppi fil-mira.

1.4.4.Indikaturi tar-riżultati u tal-impatti 

Speċifika l-indikaturi għall-monitoraġġ tal-implimentazzjoni tal-proposta/tal-inizjattiva.

1.5.Raġunijiet għall-proposta/inizjattiva 

1.5.1.Rekwiżit(i) li jrid(u) jiġi/u ssodisfat(i) fuq medda qasira jew medda twila ta' żmien 

1.5.2.Valur miżjud tal-involviment tal-UE

1.5.3.Tagħlimiet meħuda minn esperjenzi simili fil-passat

1.5.4.Sinerġija possibbli u kompatibbiltà ma’ strumenti xierqa oħra

1.6.Tul taż-żmien u impatt finanzjarju 

◻ Proposta/inizjattiva b’tul taż-żmien limitat

–◻    ◻Proposta/inizjattiva fis-seħħ mill-[JJ/XX]SSSS sal-[JJ/XX]SSSS

–◻    ◻Impatt finanzjarju mill-SSSS sal-SSSS

⊠ Proposta/inizjattiva b'tul taż-żmien mhux limitat unlimited duration

Implimentazzjoni b'perjodu għat-tnedija minn SSSS sa SSSS,

u wara tħaddim fuq skala sħiħa.

1.7.Mod/i ta’ ġestjoni ppjanat/i 18  

◻ Ġestjoni diretta mill-Kummissjoni

–◻ mis-servizzi tagħha, inkluż mill-persunal tagħha fid-delegazzjonijiet tal-Unjoni;

–◻    ◻mill-aġenziji eżekuttivi

◻ Ġestjoni konġunta mal-Istati Membri

◻ Ġestjoni indiretta bid-delega tal-kompiti tal-implimentazzjoni baġitarja lil:

–◻ pajjiżi terzi jew il-korpi nnominati minnhom;

–◻ organizzazzjonijiet internazzjonali u l-aġenziji tagħhom (iridu jiġu speċifikati);

–◻il-BEI u l-Fond Ewropew tal-Investiment;

–◻ korpi li hemm referenza għalihom fl-Artikoli 208 u 209 tar-Regolament Finanzjarju;

–◻ korpi tal-liġi pubblika;

–◻ korpi rregolati mil-liġi privata b'missjoni ta’ servizz pubbliku safejn jipprovdu garanziji finanzjarji adegwati;

–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk ikun indikat aktar minn metodu wieħed ta’ ġestjoni, jekk jogħġbok agħti d-dettalji fit-taqsima “Kummenti”.

Kummenti

2.MIŻURI TA’ ĠESTJONI 

2.1.Regoli dwar il-monitoraġġ u r-rapportar 

Speċifika l-frekwenza u l-kundizzjonijiet.

2.2.Sistema ta’ ġestjoni u ta’ kontroll 

2.2.1.Riskju(i) identifikat(i) 

2.2.2.Informazzjoni dwar l-istruttura tas-sistema ta' kontroll intern

2.2.3.Stima tal-kosti u tal-benefiċċji tal-kontrolli u valutazzjoni tal-livell mistenni tar-riskju ta’ żball 

2.3.Miżuri għall-prevenzjoni ta’ frodi u ta’ irregolaritajiet 

Speċifika l-miżuri ta' prevenzjoni u protezzjoni eżistenti jew previsti.

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-intestatura/i tal-baġit tan-nefqa affettwati 

Il-linji baġitarji eżistenti

Skont l-ordni tal-intestaturi u l-linji baġitarji tal-qafas finanzjarju multiannwali.

Intestatura tal-qafas finanzjarju multiannwali	Linja baġitarja	Tip ta’ infiq	Kontribut
	Numru Xejn [Intestatura………………………...……………]	Diff./Mhux diff. 19 .	mill-pajjiżi tal-EFTA 20	mill-pajjiżi kandidati 21	minn pajjiżi terzi	fis-sens tal-Artikolu 21(2)(b) tar-Regolament Finanzjarju
	Xejn	Diff./Mhux diff.	IVA/LE	IVA/LE	IVA/LE	IVA/LE

Linji baġitarji ġodda mitluba

Skont l-ordni tal-intestaturi u l-linji baġitarji tal-qafas finanzjarju multiannwali.

Intestatura tal-qafas finanzjarju multiannwali	Linja baġitarja	Tip ta’ infiq	Kontribut
	Numru Xejn	Diff./Mhux diff.	mill-pajjiżi tal-EFTA	mill-pajjiżi kandidati	minn pajjiżi terzi	fis-sens tal-Artikolu 21(2)(b) tar-Regolament Finanzjarju
	Xejn		IVA/LE	IVA/LE	IVA/LE	IVA/LE

3.2.Stima tal-impatt fuq in-nefqa 

[Din it-taqsima għandha timtela bl-użu ta’ spreadsheet dwar id-dejta tal-baġit ta’ natura amministrattiva (it-tieni dokument fl-Anness għal din id-dikjarazzjoni finanzjarja) u mtella’ fuq is-CISNET għal skopijiet ta’ konsultazzjoni bejn is-servizzi.]

3.2.1.Sommarju tal-impatt stmat fuq in-nefqa 

miljuni ta’ EUR (sa tliet pożizzjonijiet deċimali)

Intestatura tal-qafas finanzjarju multiannwali

Numru

Mhux rilevanti……………...……………………………………………………………….]

DĠ: TAXUD				Sena N 22	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)			TOTALI
• Approprjazzjonijiet operazzjonali
Numru tal-intestatura baġitarja	Impenji	(1)
	Pagamenti	(2)
Numru tal-intestatura baġitarja	Impenji	(1a)
	Pagamenti	(2 a)
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 23
Numru tal-intestatura baġitarja		(3)
TOTAL ta’ approprjazzjonijiet għad-DĠ TAXUD	Impenji	=1+1a +3
	Pagamenti	=2+2a +3

• TOTAL tal-approprjazzjonijiet operazzjonali	Impenji	(4)
	Pagamenti	(5)
• TOTAL tal-approprjazzjonijiet ta' natura amministrattiva ffinanzjati mill-pakkett għal programmi speċifiċi		(6)
TOTAL ta’ approprjazzjonijiet taħt l-INTESTATURA Mhux rilevanti tal-qafas finanzjarju multiannwali	Impenji	=4+ 6
	Pagamenti	=5+ 6

Jekk iżjed minn intestatura waħda hija affettwata mill-proposta / inizjattiva:

• TOTAL tal-approprjazzjonijiet operazzjonali	Impenji	(4)
	Pagamenti	(5)
• TOTAL tal-approprjazzjonijiet ta' natura amministrattiva ffinanzjati mill-pakkett għal programmi speċifiċi		(6)
TOTAL ta’ approprjazzjonijiet skont l-INTESTATURI 1 sa 4 tal-qafas finanzjarju multiannwali (Ammont ta' referenza)	Impenji	=4+ 6
	Pagamenti	=5+ 6

Intestatura tal-qafas finanzjarju multiannwali

5

‘Nefqa amministrattiva'

miljuni ta’ EUR (sa tliet pożizzjonijiet deċimali)

			Sena N	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)			TOTALI
DĠ: TAXUD
• Riżorsi umani
• Nefqa amministrattiva oħra
TOTALI tad-DĠ TAXUD	Approprjazzjonijiet

TOTAL ta’ approprjazzjonijiet taħt l-INTESTATURA 5 tal-qafas finanzjarju multiannwali

(Impenji totali = Pagamenti totali)

miljuni ta’ EUR (sa tliet pożizzjonijiet deċimali)

			Sena N 24	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)			TOTALI
TOTAL ta’ approprjazzjonijiet skont l-INTESTATURI 1 sa 5 tal-qafas finanzjarju multiannwali	Impenji
	Pagamenti

3.2.2.Stima tal-impatt fuq l-approprjazzjonijiet operazzjonali 

–⊠    ⊠Il-proposta/l-inizjattiva ma tirrikjedix l-użu ta’ approprjazzjonijiet operazzjonali

–◻    ◻Il-proposta/l-inizjattiva tirrikjedi l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet għall-impenji f’miljuni ta’ EUR (sat-tielet punt deċimali)

Semmi l-għanijiet u r-riżultati ⇩

Sena N

Sena N+1

Sena N+2

Sena N+3

Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)

TOTALI

IR-RIŻULTATI

Tip 25

Kost medju

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru totali

Kost totali

OBJETTIV SPEĊIFIKU Nru 1 26 …

- Riżultat

- Riżultat

- Riżultat

Subtotal għall-għan speċifiku Nru 1

OBJETTIV SPEĊIFIKU Nru 2 ...

- Riżultat

Subtotal għall-għan speċifiku Nru 2

KOST TOTALI

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju 

–⊠    ⊠Il-proposta/l-inizjattiva ma tirrikjedix l-użu ta’ approprjazzjonijiet ta’ natura amministrattiva

–◻    ◻Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (sa tliet pożizzjonijiet deċimali)

Sena N 27

Sena N+1

Sena N+2

Sena N+3

Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)

TOTALI

INTESTATURA 5 tal-qafas finanzjarju multiannwali
Riżorsi umani
Infiq amministrattiv ieħor
Sottototal għall-INTESTATURA 5 tal-qafas finanzjarju multiannwali

Barra mill-INTESTATURA 5 28 tal-qafas finanzjarju multiannwali
Riżorsi umani
Infiq ieħor ta’ natura amministrattiva
Sottototal Barra mill-INTESTATURA 5 tal-qafas finanzjarju multiannwali

TOTALI

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jiġu ssodisfati b’approprjazzjonijiet mid-DĠ li diġà jkunu assenjati għall-ġestjoni tal-azzjoni u/jew kienu ġew ridistribwiti fid-DĠ, flimkien, jekk dan ikun neċessarju, ma’ xi allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tad-diffikultajiet baġitarji.

3.2.3.2.Stima tar-riżorsi umani meħtieġa

–⊠    ⊠Il-proposta/l-inizjattiva ma tirrikjedix l-użu ta’ riżorsi umani.

–◻    ◻Il-proposta/l-inizjattiva tirrikjedi l-użu ta’ riżorsi umani, kif spjegat hawn taħt:

Stima li trid tingħata f’unitajiet ekwivalenti għal full time

		Sena N	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)
• Postijiet tal-pjan ta' stabbiliment (uffiċjali u persunal temporanju)
XX 01 01 01 (il-Kwartieri Ġenerali u l-Uffiċċji ta’ Rappreżentanza tal-Kummissjoni)
XX 01 01 02 (Delegazzjonijiet)
XX 01 05 01 (Riċerka indiretta)
10 01 05 01 (Riċerka diretta)
• Persunal estern (f’unità Ekwivalenti ta' ingaġġ Full-Time: FTE) 29 
XX 01 02 01 (AC, END, INT mill-“finanzjament globali”)
XX 01 02 02 (AC, AL, END, INT u JED fid-delegazzjonijiet)
XX 01 04 ss  30 	- fil-Kwartieri Ġenerali 	
	- fid-Delegazzjonijiet	
XX 01 05 02 (AC, END, INT - Riċerka indiretta)
10 01 05 02 (AC, END, INT – Riċerka diretta)
Linji baġitarji oħra (speċifika liema)
TOTALI

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jintlaħqu mill-uffiċjali tad-DĠ li huma diġà assenjati għall-ġestjoni tal-azzjoni u/jew li diġà ngħataw kariga band'oħra fid-DĠ, flimkien, jekk ikun meħtieġ, ma' xi allokazzjoni addizzjonali li tista' tingħata lid-DĠ li jkun qed imexxi l-azzjoni skont il-proċedura ta' allokazzjoni annwali u fid-dawl tar-restrizzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju
Persunal estern

3.2.4.Kompatibbiltà mal-qafas finanzjarju multiannwali attwali 

–⊠    ⊠Il-proposta/l-inizjattiva hija kompatibbli mal-qafas finanzjarju multiannwali attwali.

–◻    ◻Il-proposta/l-inizjattiva se tirrikjedi programmazzjoni mill-ġdid tal-intestatura rilevanti fil-qafas finanzjarju multiannwali.

–◻    ◻Il-proposta/l-inizjattiva tirrikjedi l-applikazzjoni tal-istrument ta’ flessibbiltà jew reviżjoni tal-qafas finanzjarju multiannwali.

3.2.5.Kontribuzzjonijiet ta’ partijiet terzi 

–Il-proposta/l-inizjattiva ma tipprovdix għal kofinanzjament minn partijiet terzi

–Il-proposta/l-inizjattiva tipprovdi għall-kofinanzjament stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

	Sena N	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)			Totali
Speċifika l-korp ta’ kofinanzjament
TOTAL ta’ approprjazzjonijiet kofinanzjati

3.3.Impatt stmat fuq l-introjtu 

–⊠    ⊠Il-proposta/l-inizjattiva ma jkollha l-ebda impatt finanzjarju fuq l-introjtu.

–◻    ◻Il-proposta/l-inizjattiva jkollha l-impatt finanzjarju li ġej:

–◻    ◻fuq ir-riżorsi proprji

–◻    ◻fuq l-introjtu mixxellanju

miljuni ta’ EUR (sa tliet pożizzjonijiet deċimali)

L-intestatura tad-dħul baġitarju:	Approprjazzjonijiet disponibbli għas-sena finanzjarja kurrenti	Impatt tal-proposta/tal-inizjattiva 31
		Sena N	Sena N+1	Sena N+2	Sena N+3	Daħħal is-snin skont kemm ikun neċessarju sabiex turi d-durata tal-impatt (ara l-punt 1.6)
Artikolu ………….

Għall-introjtu mixxellanju “assenjat”, speċifika liema linji baġitarji tal-infiq ġew affettwati.

Speċifika l-metodu għall-kalkolu tal-impatt fuq l-introjtu.

(1) ĠU C , , p. .

(2) ĠU C , , p. .

(3)

   Il-Komunikazzjoni tal-Kummissjoni lill-Parlament Ewropew u lill-Kunsill dwar Sistema tat-Taxxa Korporattiva Ġusta u Effiċjenti fl-Unjoni Ewropea: 5 Oqsma Ewlenin għall-Azzjoni COM(2015) 302 finali tas-17 ta’ Ġunju 2015.

(4) Kodiċi tal-Kondotta (Tassazzjoni tal-Intrapriżi) – Rapport lill-Kunsill, 16553/14, FISC 225, 11.12.2014.

(5) Kodiċi tal-Kondotta (Tassazzjoni tal-Intrapriżi) – Rapport lill-Kunsill, 9620/15, FISC 60, 11.6.2015.

(6) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dak id-data (ĠU L 8, 12.1.2001, p. 1).

(7) Id-Direttiva tal-Parlament Ewropew u tal-Kunsill 95/46/KE tal-24 ta’ Ottubru, 1995 dwar il-protezzjoni ta’ individwi fir-rigward tal-ipproċessar ta’ data personali u dwar il-moviment liberu ta’ dik id-data (ĠU L 281, 23.11.1995, p. 31).

(8) Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).

(9) Id-Direttiva 2004/39/KE tal-Parlament Ewropew u tal-Kunsill tal-21 ta’ April 2004 dwar is-swieq fl-istrumenti finanzjarji li temenda d-Direttivi tal-Kunsill 85/611/KEE u 93/6/KEE u d-Direttiva 2000/12/KE tal-Parlament Ewropew u tal-Kunsill u li tħassar id-Direttiva tal-Kunsill 93/22/KEE (ĠU L 145, 30.4.2004, p. 1).

(10) Id-Direttiva 2009/138/KE tal-Parlament Ewropew u tal-Kunsill tal-25 ta’ Novembru 2009 dwar il-bidu u l-eżerċizzju tan-negozju tal-assigurazzjoni u tar-riassigurazzjoni (Solvibbiltà II) (ĠU L 335, 17.12.2009, p. 1).

(11) Id-Direttiva 2003/41/KE tal-Parlament Ewropew u tal-Kunsill tat-3 ta’ Ġunju 2003 dwar l-attivitajiet u s-superviżjoni ta’ istituzzjonijiet għall-provvista ta’ irtirar okkupazzjonali (ĠU L 235, 23.9.2003, p. 10).

(12) Id-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1).

(13) Id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).

(14) Ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).

(15) Ir-Regolament (UE) Nru 909/2014 tal-Parlament Ewropew u tal-Kunsill tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014, p. 1).

(16) ABM: immaniġġjar ibbażat fuq l-attività; ABB: ibbaġitjar ibbażat fuq l-attività.

(17) Kif imsemmi fl-Artikolu 54(2)(a) jew (b) tar-Regolament Finanzjarju.

(18) Id-dettalji dwar il-metodi ta' ġestjoni u r-referenzi għar-Regolament Finanzjarju jinsabu fis-sit web tal-BudgWeb: http://www.cc.cec/budg/man/budgmanag/budgmanag_en.html

(19) Diff:= Approprjazzjonijiet differenzjati / Mhux diff. = Approprjazzjonijiet mhux differenzjati.

(20) L-EFTA: Assoċjazzjoni Ewropea tal-Kummerċ Ħieles.

(21) Pajjiżi kandidati u, fejn applikabbli, pajjiżi kandidati potenzjali mill-Punent tal-Balkani.

(22) Is-sena N hija s-sena li fiha tibda l-implimentazzjoni tal-proposta/inizjattiva.

(23) Għajnuna teknika u/jew amministrattiva u nefqa b’appoġġ għall-implimentazzjoni ta’ programmi u/jew azzjonijiet tal-UE (dawk li kienu linji "BA"), riċerka indiretta, riċerka diretta.

(24) Is-sena N hija s-sena li fiha tibda l-implimentazzjoni tal-proposta/inizjattiva.

(25) Ir-riżultati huma prodotti u servizzi li għandhom jiġu forniti (eż.: għadd ta' skambji ta' studenti ffinanzjati, għadd ta' kilometri ta' toroq mibnija, eċċ.).

(26) Kif deskritt fil-punt 1.4.2. ‘Għan/ijiet speċifiku/speċifiċi …’.

(27) Is-sena N hija s-sena li fiha tibda l-implimentazzjoni tal-proposta/inizjattiva.

(28) Għajnuna teknika u/jew amministrattiva u nefqa b’appoġġ għall-implimentazzjoni ta’ programmi u/jew azzjonijiet tal-UE (dawk li kienu linji "BA"), riċerka indiretta, riċerka diretta.

(29) AC = Aġenti Kuntrattwali; AL = Persunal Lokali; END = Espert Nazzjonali Sekondat; INT = Persunal tal-Aġenzija; JED = Esperti Żgħażagħ f'Delegazzjonijiet.

(30) Sottolimitu għall-persunal estern kopert mill-approprjazzjonijiet operazzjonali (il-linji "BA" preċedenti).

(31) Fir-rigward ta’ riżorsi proprji tradizzjonali (dazji doganali, imposti fuq iz-zokkor), l-ammonti indikati għandhom ikunu ammonti netti, jiġifieri ammonti gross wara tnaqqis ta’ 25 % għal spejjeż ta’ ġbir.