Brussell, 10.6.2016

COM(2016) 380 final

RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar l-isforzi tal-Istati Membri matul l-2014 biex jinkiseb bilanċ sostenibbli bejn il-kapaċità tas-sajd u l-opportunitajiet tas-sajd


RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar l-isforzi tal-Istati Membri matul l-2014 biex jinkiseb bilanċ sostenibbli bejn il-kapaċità tas-sajd u l-opportunitajiet tas-sajd

Introduzzjoni

Skont ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd (minn hawn ’il quddiem ir-Regolament bażiku tal-PKS) 1 , l-Istati Membri huma mitluba jħejju rapport annwali dwar is-sitwazzjoni tal-kapaċità tas-sajd tal-flotot tagħhom skont l-opportunitajiet tas-sajd. Sabiex jiġi ffaċilitat approċċ komuni fl-Unjoni kollha, dawn ir-rapporti tal-flotot nazzjonali jiġu ppreparati skont il-Linji Gwida għall-analiżi tal-bilanċ bejn il-kapaċità tas-sajd u l-opportunitajiet tas-sajd skont l-Art. 22 tar-Regolament (UE) Nru 1380/2013 tal-Parlament Ewropew u tal-Kunsill dwar il-Politika Komuni tas-Sajd (minn hawn ’il quddiem il-Linji Gwida tal-Kummissjoni) adottat mill-Kummissjoni fl-2014 2 . Barra minn hekk, jekk xi Stat Membru jsib żbilanċ strutturali, għandu jħejji u jressaq pjan ta’ azzjoni għas-segment(i) kkonċernat(i), billi jistabbilixxi l-miri ta’ aġġustament, l-għodod u skeda taż-żmien ċara għall-implimentazzjoni tiegħu. Fuq il-bażi ta’ dawn ir-rapporti tal-flotot nazzjonali 3 il-Kummissjoni tipprepara rapport dwar l-isforzi tal-Istati Membri biex jiksbu bilanċ sostenibbli bejn il-kapaċità tas-sajd u l-opportunitajiet tas-sajd. Dan ir-rapport ikopri s-sena 2014.

Ir-rapporti annwali u l-pjanijiet ta’ azzjoni tal-Istati Membri

It-23 Stat Membru kostali lkoll ressqu r-rapporti tagħhom lill-Kummissjoni għall-2014. Il-Kummissjoni talbet lill-Kumitat Xjentifiku, Tekniku u Ekonomiku għas-Sajd (minn hawn ’il quddiem STECF) jipprovdi analiżi tal-bilanċ bejn il-kapaċità tal-flotot u l-opportunitajiet tas-sajd bl-użu ta’ metodu standard komuni għas-segmenti tal-flotot kollha tal-UE 4 . L-indikaturi kollha tal-bilanċ pprovduti u użati fl-EWGs 15-17 tal-STECF ġew ikkalkolati skont il-Linji Gwida tal-Kummissjoni.

L-STECF ikkonkluda li saru sforzi konsiderevoli mill-Istati Membri fit-tħejjija tar-rapporti nazzjonali tagħhom. Madankollu, l-analiżi tar-rapporti nazzjonali turi li l-indikaturi mhux dejjem jistgħu jiġu kkalkulati għas-segmenti kollha tal-flotot. Dan jiġri minħabba n-nuqqas ta’ dejta, jew inkella, fil-każ tal-indikaturi ekonomiċi u tekniċi, minħabba r-raggruppament tas-segmenti (li jsir biex tkun żgurata l-protezzjoni tal-kunfidenzjalità kummerċjali). Nuqqasijiet fid-dejta jwasslu għal diffikultajiet fil-kalkolu tal-indikaturi tal-bilanċ għas-segmenti tal-flotot, u għaldaqstant ma jibqgħux affidabbli jew rappreżentattivi. Kif innutat mill-STCEF, biex titjieb il-kopertura u l-adegwatezza tal-indikaturi, l-Istati Membri jridu jipprovdu settijiet ta’ dejta aktar komprensiva b’kopertura akbar tas-segmenti tal-flotot u aktar evalwazzjoni analitika tal-istokk, li tipponta lejn dejta bijoloġika u miġbura mill-istħarriġ permezz tal-qafas għall-ġbir tad-dejta (minn hawn ’il quddiem QĠD) 5 . Barra minn hekk, id-dejta dwar il-qabdiet, aktar milli dwar il-ħatt l-art, tista’ ttejjeb il-kopertura u l-adegwatezza tal-indikaturi. Din tista’ tintrabat mad-dejta dwar il-qbid skartat li tkun ġejja mill-ġurnali ta’ abbord, fi kliem ieħor, dejta miġbura skont ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd 6 (minn hawn ’il quddiem ir-Regolament tal-Kontroll) u użat fil-QĠD. Kwistjoni oħra hija d-dejta dwar il-qbid u l-isforz fl-istratifikazzjoni ġeografika xierqa fil-Mediterran, li tagħmilha impossibbli biex tinħoloq rabta bejn l-isforz u l-kapaċità u fl-aħħar mill-aħħar mal-opportunitajiet tas-sajd. Barra minn hekk, id-dejta dwar is-sajd fuq skala żgħira hija problematika, għaliex l-Istati Membri ma jiġbrux dejta bl-istess mod bħal għal segmenti oħrajn tal-flotot. B’konsegwenza ta’ dan, is-sajd fuq skala żgħira huwa fil-biċċa l-kbira tiegħu mhux issorveljat f’termini ta’ sforz, ħatt l-art u qabdiet. L-analiżi turi tabilħaqq li xi segmenti tal-flotot bħall-bastimenti tat-tkarkir huma ekonomikament dipendenti fuq stokkijiet mistada f’livell ogħla mill-livelli ta' pressjoni tas-sajd tar-rendiment massimu sostenibbli (RMS). Tikkonferma wkoll l-utilizzazzjoni baxxa ta' bastimenti f’ħafna Stati Membri. Dawn l-osservazzjonijiet jiġġustifikaw it-tkomplija tal-ġestjoni u l-aġġustament tal-kapaċità attiva tal-flotot fejn meħtieġ. L-Istati Membri għandhom ikomplu jindirizzaw il-kapaċità tas-sajd tal-flotot tagħhom biex ikollhom flotot ekonomikament vijabbli li joperaw u jisfruttaw ir-riżorsi bijoloġiċi tal-baħar b’mod sostenibbli.

Skont il-Politika Komuni tas-Sajd, l-Istati Membri għandhom idaħħlu miżuri sabiex jaġġustaw il-kapaċità tas-sajd tal-flotot tagħhom skont l-opportunitajiet tas-sajd tagħhom tul iż-żmien. F'sitwazzjonijiet konkreti ta' segmenti b'kapaċità żejda strutturali identifikata, il-pjan ta’ azzjoni biex jitnaqqas l-iżbilanċ huwa mezz trasparenti u effettiv biex tul iż-żmien jinżamm bilanċ bejn il-kapaċità tal-flotot tas-sajd u l-opportunitajiet tas-sajd.

Kien hemm aktar pjanijiet ta’ azzjoni mill-Istati Membri fl-2015 milli fl-2014. B’kollox, 17-il Stat Membru 7 identifikaw is-segmenti tal-flotot li huma jqisu żbilanċjati, jew li juru sinjali potenzjali ta’ żbilanċ, bl-użu ta’ indikaturi bijoloġiċi, ekonomiċi jew tekniċi u/jew informazzjoni supplimentari, u għalhekk jeħtieġu pjanijiet ta’ azzjoni skont il-Linji Gwida tal-Kummissjoni. Ħames (5) Stati Membri oħra 8 kkonkludew li ebda segmenti tal-flotot ma wrew biċ-ċar żbilanċ u ma ressqux pjanijiet ta’ azzjoni.

F’dan il-kuntest ir-rapport annwali għandu rwol importanti. Skont ir-Regolament (UE) Nru 508/2014 tal-Parlament Ewropew u tal-Kunsill tal-15 ta’ Mejju 2014 dwar il-Fond Ewropew għall-Affarijiet Marittimi u s-Sajd (minn hawn ’il quddiem ir-Regolament FEMS) 9 , is-sottomissjoni ta’ rapport nazzjonali dwar il-bilanċ bejn il-kapaċità tas-sajd u l-opportunitajiet tas-sajd skont il-linji gwida tal-Kummissjoni hija kundizzjonalità ex ante għall-approvazzjoni ta’ Programm Operazzjonali tal-FEMS. Barra minn hekk, miżuri speċifiċi ffinanzjati mill-FEMS bħall-waqfien permanenti, il-bdil ta' magni jew l-appoġġ tal-bidu għas-sajjieda żgħażagħ jistgħu biss jiġu appoġġjati mill-FEMS f’segmenti tal-flotot fejn ikun hemm kapaċità żejda identifikata (fil-każ ta’ waqfien permanenti) jew fejn ma jkun hemm l-ebda kapaċità żejda strutturali (fil-każ ta’ sostituzzjoni ta’ magna u appoġġ tal-bidu għas-sajjieda żgħażagħ).

B’hekk, il-pjanijiet ta’ azzjoni jgħinu lill-Istati Membri jidentifikaw dawk il-miżuri, inkluż il-waqfien permanenti, maħsuba biex inaqqsu l-kapaċità tas-sajd għal dawk is-segmenti li mhux meqjusa f'bilanċ mal-opportunitajiet tas-sajd tagħhom. Għall-ewwel ftit snin li ġejjin, l-appoġġ tal-FEMS għall-miżuri ta’ waqfien permanenti se jgħin biex jiġġenera tnaqqis tal-kapaċità tal-flotot tal-UE u konsegwentement tonqos il-pressjoni fuq ir-riżorsi tal-baħar.

Il-qagħda tal-kapaċità tal-flotot tas-sajd fl-Unjoni

Il-Politika Komuni tas-Sajd (minn issa 'l quddiem il-PKS) tirrikjedi wkoll li l-Istati Membri jiżguraw li mill-2014, il-kapaċità tas-sajd tal-flotot tagħhom tibqa’ taħt il-limiti massimi tal-kapaċità stabbiliti fl-Anness II tar-Regolament (UE) Nru 1380/2013. Kif innotat hawn fuq, il-kapaċità tal-flotot tissokta tiċkien. Skont ix-xejra f’dawn l-aħħar għaxar snin (Ara l-Anness III u IV), bejn Jannar 2014 u Novembru 2015, il-kapaċità tas-sajd tat-28 Stat Membru tal-UE naqset b’0.8% f’kilowatts (KW) u b’1.3% f’tunnellaġġ gross (TG) (Ara l-Anness I).

Minn Novembru 2015 'il hawn, fir-reġistru tal-flotot tal-UE kien hemm 85,065 bastiment reġistrati b’kapaċità ġenerali ta’ 1. 627,125 TG u 6.474,617 KW. Dan juri tnaqqis fl-2015 (mingħajr ir-reġjuni ultraperiferiċi) ta' 0,6% fl-għadd ta’ bastimenti (Ara l-Anness I). Il-kapaċità tas-sajd tal-flotta tal-UE kienet 18,42% inqas mil-limiti massimi tal-kapaċità għat-tunnellaġġ u 11,60 % inqas mil-limiti massimi għall-kilowatts (Ara l-Graff 1). Għar-reġjuni ultraperiferiċi tal-Unjoni Ewropea li jirrappreżentaw 5.4 % tal-flotta totali tal-UE, matul il-perjodu bejn Jannar 2014 u Novembru 2015, il-kapaċità tal-flotta naqset b’0.1 % f’TG u żdiedet b’0.9 f'KW (ara l-Anness V).

Biex tkun żgurata l-preċiżjoni tal-kejl fir-reġistru tal-flotot, f'konformità mar-Regolament tal-Kontroll, l-Istati Membri huma obbligati jiċċertifikaw l-magni ġodda u l-magni sostituti u mmodifikati teknikament ta’ aktar minn 120 k; għall-bastimenti soġġetti għal reġim tal-isforz tas-sajd minn Jannar 2012 u għall-bastimenti kollha minn Jannar 2013. Barra minn hekk, skont ir-Regolament tal-Kontroll, l-Istati Membri għandhom jagħmlu verifika tad-dejta fuq il-bażi tal-pjanijiet tat-teħid ta’ kampjuni. Bl-istess mod, meta l-informazzjoni tindika li l-qawwa tal-magna tkun akbar mill-qawwa ddikjarata fuq il-liċenzja tas-sajd tal-bastiment, l-Istati Membri jridu jwettqu verifiki fuq il-post.

Mill-aħħar ta’ Diċembru 2015, tmintax-il Stat Membru 10 adottaw pjan għat-teħid ta’ kampjuni għall-verifika tal-qawwa tal-magna.

Bħala riżultat ta’ 16-il każ prekontenzjuż fl-UE, il-Kummissjoni rċeviet mill-Istati Membri l-pjanijiet kollha għat-teħid ta’ kampjuni dwar il-qawwa tal-magni. Il-Kummissjoni bħalissa qed twettaq xi verifiki sabiex timmonitorja l-implimentazzjoni effettiva tagħhom.

Fil-perjodu bejn l-2007 u l-2015, l-Istati Membri użaw miżuri ta’ waqfien permanenti skont il-Fond Ewropew għas-Sajd biex jiddekommissjonaw bastimenti mill-flotot tagħhom u jnaqqsu l-kapaċità (ara l-Graff 2). Bejn l-2007 u l-31 ta’ Mejju 2014, bl-għajnuna pubblika ġew dekommissjonati 4,267 bastiment, u b’kollox in-nefqa pubblika kważi laħqet EUR 935 miljun, li EUR 546 miljun minnhom kienu kontribuzzjoni mill-FES (Ara l-Anness VII) 11 . Il-bastimenti dekommissjonati b’għajnuna mill-FES ma jistgħux jiġu sostitwiti, u b’hekk ikun żgurat li l-kapaċità totali tal-flotta titnaqqas. 2,077 bastiment ieħor (TG 88014.37 — KW 215320.6) ġew irtirati mill-flotta mingħajr għajnuna pubblika, għalkemm il-kapaċità rtirata mingħajr għajnuna pubblika tista' tiġi introdotta mill-ġdid.


Il-flotot fir-reġjuni ultraperiferiċi ta’ Spanja, ta’ Franza u tal-Portugall ukoll qegħdin taħt il-limiti massimi tal-kapaċitajiet rispettivi tagħhom. Dawn il-flotot (għadd totali ta' bastimenti tas-sajd 4,562) jitqiesu b’mod separat mill-flotot kontinentali fl-Anness II tar-Regolament (KE) Nru 1380/2013. F’Novembru 2015, il-limiti massimi ġenerali għar-reġjuni ultraperiferiċi naqsu bi ftit (-1.4 %).

Il-Valutazzjoni Reġjonali

Il-Grigal tal-Atlantiku

Il-kapaċità tas-sajd f’termini ta’ tunnellaġġ gross (TG) u f’kilowatt (KW) naqset b’mod ġenerali wara t-tendenza ta’ dawn l-aħħar snin. L-STECF jirrapporta li għal ħafna segmenti ta' flotot fil-Grigal tal-Atlantiku li għalihom setgħu jiġu kkalkulati l-valuri tal-indikaturi ekonomiċi, tekniċi u bijoloġiċi, il-valuri matul il-perjodu 2009-2013 kienu qed jindikaw progressivament anqas żbilanċ bejn il-kapaċità tas-sajd u l-opportunitajiet tas-sajd. Fil-Grigal tal-Atlantiku, fil-Baħar tat-Tramuntana u fil-Baħar Baltiku, is-sajd mexa 'l quddiem b’mod ġenerali lejn rendiment massimu sostenibbli (RMS). Dan ukoll jista’ jkun marbut mat-tnaqqis kontinwu tal-limiti tal-kapaċità tal-flotot li nkisbu matul l-aħħar snin.

Il-Baħar Mediterran u l-Baħar l-Iswed

Il-qagħda tal-istokkijiet fil-Baħar Mediterran u fil-Baħar l-Iswed turi li kważi 92 % tal-istokkijiet studjati huma mistada żżejjed. F’dan ir-rigward, l-Istati Membri ppreżentaw għadd ta’ pjanijiet ta’ azzjoni lill-Kummissjoni sabiex jindirizzaw sitwazzjonijiet ta’ żbilanċ. Dwar l-indikaturi ekonomiċi l-STECF jirrapporta li t-tendenzi fir-rendiment matul 2009-2013 kienu qed jitjiebu għall-maġġoranza tas-segmenti tal-flotot. Il-valuri għall-proporzjon bejn l-utilizzazzjoni u l-bastimenti jindikaw żbilanċ dejjem akbar għal ħafna mis-segmenti tal-flotot li ġew ivvalutati matul dak il-perjodu.

L-osservazzjonijiet mir-rapporti tal-Istati Membri u mill-analiżi tal-STECF

Abbażi tal-analiżi tal-STECF jistgħu jsiru l-konklużjonijiet li ġejjin:

1.Sar progress konsiderevoli fil-kwalità tar-rapporti nazzjonali mressqa. Madankollu, sabiex tiżdied il-konsistenza tal-valuri tal-indikaturi li jirriżultaw, il-kopertura u l-kwalità tal-indikaturi tal-bilanċ, speċjalment l-indikaturi bijoloġiċi, għandhom jittejbu.

2.L-analiżi tal-STECF turi li xi indikaturi ma setgħux jiġu kkalkulati għas-segmenti kollha tal-flotot minħabba n-nuqqas ta’ dejta, jew inkella, fil-każ tal-indikaturi ekonomiċi u tekniċi, minħabba r-raggruppament tas-segmenti flimkien, li jsir biex tkun protetta l-kunfidenzjalità kummerċjali.

3.Fl-2014, kien hemm żieda ġenerali fl-għadd ta’ segmenti tal-flotot li għalihom l-Istati Membri identifikaw kapaċità strutturali żejda. B’riżultat ta’ dan, tressqu 17-il pjan ta’ azzjoni mill-Istati Membri li jinkludu l-miri ta’ aġġustament u l-għodod biex jinkiseb bilanċ bejn il-kapaċità tas-sajd u l-opportunitajiet tas-sajd kif ukoll skeda ċara taż-żmien għall-implimentazzjoni tagħhom. L-Istati Membri għażlu varjetà ta’ miżuri għat-tnaqqis tal-kapaċità inkluż l-introduzzjoni ta’ konċessjonijiet tas-sajd trasferibbli jew waqfien permanenti bil-ħsieb ta' appoġġ mill-FEMS.

4.L-introduzzjoni ta’ kondizzjonalità ex-ante dwar il-preżentazzjoni ta’ rapport tal-flotot skont il-linji gwida tal-Kummissjoni, bħala parti mill-approvazzjoni ta’ Programm Operazzjonali tal-FEMS, saħħet ir-rabta bejn il-finanzjament tal-UE u l-konformità mar-regoli tal-PKS.

5.Ħarsa ġenerali tal-flotta tal-UE turi utilizzazzjoni baxxa ta' bastimenti. F’xi Stati Membri l-livell huwa xi ftit ogħla. L-ogħla livelli ta’ inattività jidhru fil-flotot ta’ bastimenti ta' skala żgħira, jiġifieri bastimenti ta' inqas minn 12m. 93% tal-bastimenti inattivi kienu taħt it-12-il metru bħala tul, filwaqt li l-bastimenti ta’ bejn it-12m u l-24m ammontaw għal 6% u l-bastimenti ta’ aktar minn 24m kienu inqas minn 2% tal-bastimenti inattivi (Ara l-Graff 3) 12 .

6.B’mod ġenerali, kien hemm progress sinifikanti fis-snin reċenti fl-isforzi biex jinkiseb bilanċ bejn il-kapaċità tas-sajd u l-opportunitajiet tas-sajd madwar l-UE. It-tnaqqis fil-kapaċità tal-flotot f’dawn l-aħħar snin għen biex titjieb is-sitwazzjoni tal-istokkijiet tal-ħut li huma sfruttati żżejjed, u dan qed iwassal lejn id-direzzjoni tal-miri tar-rendiment massimu sostenibbli. Barra minn hekk, implimentazzjoni aħjar tal-Linji Gwida għenet biex titjieb l-analiżi ta’ żbilanċ ġewwa l-flotot differenti. Madankollu, rapporti mill-Istati Membri jiżvelaw li għal ċerti segmenti tal-flotot, jinħtieġu aktar sforzi biex jitnaqqsu l-iżbilanċi identifikati, speċjalment fil-Baħar Mediterran.

(1) L-Artikolu 22(4) tar-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE, ĠU L 354/22, 28.12.2013.
(2) COM(2014) 545 finali.
(3) Ara: http://s-antares.fish.cec.eu.int/front/index.cfm?method=FM_Reporting.AnnualReport
(4) Scientific, Technical and Economic Committee for Fisheries (STECF), Assessment of balance indicators for key fleet segments and review of national reports on Member States efforts to achieve balance between fleet capacity and fishing opportunities (STECF-15-15), https://stecf.jrc.ec.europa.eu/documents/43805/1166222/2015-10_STECF+15-15+-+Balance+capacity_JRC97991.pdf
(5)

 Ir-Regolament tal-Kunsill (KE) Nru 199/2008 tal-25 ta’ Frar 2008 dwar l-istabbiliment ta’ qafas Komunitarju għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni dwar is-Sajd, ĠU L 60/1, 5.3.2008.

(6)

 Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006, ĠU L 343/1, 22.12.2009. .

(7) Il-Bulgarija, il-Kroazja, Ċipru, id-Danimarka, Franza, il-Ġermanja, l-Irlanda, l-Italja, il-Latvja, il-Litwanja, Malta, il-Polonja, il-Portugall, is-Slovenja, Spanja, l-Isvezja u r-Renju Unit. Il-pjanijiet ta’ azzjoni huma disponibbli permezz tal-link li tidher fl-Anness VI.
(8) Il-Belġju, l-Estonja, il-Finlandja, in-Netherlands, ir-Rumanija.
(9)
(10) Il-Belġju, il-Bulgarija, Ċipru, il-Kroazja, id-Danimarka, l-Estonja, il-Finlandja, Franza, il-Ġermanja, l-Irlanda, il-Latvja, il-Litwanja, in-Netherlands, il-Polonja, il-Portugall, Spanja, l-Isvezja, ir-Renju Unit.
(11) Ara l-Artikolu 40 tar-Regolament tal-Kummissjoni (KE) Nru 498/2007 tas-26 ta' Marzu 2007 li jistabbilixxi regoli ddettaljati għall-implimentazzjoni tar-Regolament tal-Kunsill (KE) Nru 1198/2006 dwar il-Fond Ewropew għas-Sajd, ĠU L 120/1 10.05.2007.
(12)

Brussell, 10.6.2016

COM(2016) 380 final

ANNESSI

tar-

RAPPORT MILL-KUMMISSJONI LILL-PARLAMENT EWROPEW U LILL-KUNSILL

dwar l-isforzi tal-Istati Membri matul l-2014 biex jiksbu bilanċ sostenibbli bejn il-kapaċità tas-sajd u l-opportunitajiet tas-sajd


Fig.1

Fig. 2

Fig. 3

Evoluzzjoni tal-flotta skont l-Istat Membru mingħajr ir-reġjuni ultraperiferiċi (għadd ta' bastimenti, tunnellaġġ u qawwa tal-magna) matul 2014-2015

 

 

01/01/2014

 

 

01/11/2015

 

 

Δ 2014-2015

 

 

 

 

 

 

 

 

 

 

 

Stat Membru

Għadd

TG

KW

Għadd

TG

KW

Δ għadd (%)

Δ TG (%)

Δ KW (%)

 

 

 

 

 

 

 

 

 

 

BE

80

14.645

46.525

78

14.535

46.289

-2.50 %

-0.80 %

-0.50 %

BG

1.981

4.781

49.741

1989

6.541

58.043

0.40 %

36.80 %

16.70 %

DK

2.625

65.707

223.258

2396

69.607

224.769

-8.70 %

5.90 %

0.70 %

DE

1.528

61.573

143.689

1465

64.221

141.679

-4.10 %

4.30 %

-1.40 %

EE

1.445

13.388

43.994

1534

13.225

43.714

6.20 %

-1.20 %

-0.60 %

IE

2.193

64.176

194.241

2157

63.466

192.441

-1.60 %

-1.10 %

-0.90 %

EL

15.763

78.009

454.985

15638

76.573

449.534

-0.80 %

-1.80 %

-1.20 %

ES

9.873

373.044

850.386

9481

353.356

812.550

-4.00 %

-5.30 %

-4.40 %

FR

7.116

163.984

998.669

6964

171.544

1.001.603

-2.10 %

4.60 %

0.30 %

IT

12.592

163.494

1.015.881

12414

162.749

1.003.301

-1.40 %

-0.50 %

-1.20 %

CY

886

3.401

38.774

893

3.502

40.209

0.80 %

3.00 %

3.70 %

LV

703

29.945

49.948

688

24.671

43.114

-2.10 %

-17.60 %

-13.70 %

LT

144

34.111

42.125

143

41.401

46.418

-0.70 %

21.40 %

10.20 %

MT

1.027

7.418

74.440

1005

7.106

73.106

-2.10 %

-4.20 %

-1.80 %

NL

829

150.558

334.830

832

133.995

312.548

0.40 %

-11.00 %

-6.70 %

PL

838

33.916

81.381

874

26.293

76.256

4.30 %

-22.50 %

-6.30 %

PT

7.174

90.039

318.983

8137

98.217

362.058

13.40 %

9.10 %

13.50 %

RO

194

615

6.288

152

870

6.146

-21.60 %

41.50 %

-2.30 %

SI

170

598

8.425

169

597

8.540

-0.60 %

-0.20 %

1.40 %

FI

3.211

16.522

172.638

2839

15.613

160.475

-11.60 %

-5.50 %

-7.00 %

SE

1.368

29.209

166.599

1357

30.398

167.214

-0.80 %

4.10 %

0.40 %

UK

6.298

196.325

793.308

6320

196.304

789.992

0.30 %

0.00 %

-0.40 %

HR

7.551

52.785

416.476

7540

52.341

414.618

-0.10 %

-0.80 %

-0.40 %

Total UE

85.589

1.648.243

6.525.584

85065

1.627.125

6.474.617

-0.60 %

-1.30 %

-0.80 %

1 Il-Kroazja saret membru tal-Unjoni f’Lulju tal-2013. Iż-żieda tal-kapaċità tal-flotta tal-UE li rriżultat għaldaqstant dehret biss fl-1 ta' Jannar tal-2014.



Il-kapaċità tal-flotot tar-Reġjuni Ultraperiferiċi – (Novembru 2015)



Lista ta' Stati Membri li ressqu Pjanijiet ta’ Azzjoni (l-Artikolu 22(4) tar-Regolament Nru 1380/2013 ( 2 ).

1) Il-Bulgarija

2) Il-Kroazja

3) Ċipru

4) Id-Danimarka

5) Franza

6) Il-Ġermanja    

7) L-Irlanda

8) L-Italja

9) Il-Latvja

10) Il-Litwanja

11) Malta    

12) Il-Polonja

13) Il-Portugall

14) Is-Slovenja

15) Spanja

16) L-Isvezja

17) Ir-Renju Unit

L-impenji tal-FES tul il-perjodu 1/01/2007 - 31/05/2015

Assi I skont il-miżura

Għadd ta’ operazzjonijiet

L-ispiża totali li tqieset fid-deċiżjoni li tingħata l-għajnuna pubblika (EUR)

L-ispiża pubblika totali li tqieset fid-deċiżjoni li tingħata l-għajnuna pubblika (EUR)

L-għajnuna tal-FES mogħtija għall-operazzjoni (EUR)

Waqfien permanenti mill-attivitajiet tas-sajd

4,267

937,869,060.2

935,808,043.8

546,338,043.7

Waqfien temporanju mill-attivitajiet tas-sajd

63,152

387,083,877.1

385,784,794.6

227,875,526.4

Investimenti abbord bastimenti tas-sajd (inkluż selettività akbar)

1,3019

509,600,384.2

210,529,056.5

121,932,339.2

Sajd kostali fuq skala żgħira

5,741

67,790,798.49

55,030,429.97

38,006,056.97

Kumpensi soċjoekonomiċi għall-ġestjoni tal-flotta

5,691

210,513,660.2

119,289,699.3

71,134,345.26

Total

136,489

9,273,139.061

6.350,131.929

3,908,371.808

(1)

 

(2)

Ir-rapporti annwali tal-flotot u l-pjanijiet ta’ azzjoni tal-Istati Membri jinsabu hawn:

http://ec.europa.eu/fisheries/fleet/index.cfm?method=FM_Reporting.AnnualReport