7.3.2015

Il-Ġurnal Uffiċjali tal-Unjoni Ewropea

C 80/4

Opinjoni tal-Kumitat Konsultattiv dwar ftehimiet restrittivi u pożizzjoni dominanti mogħtija fil-laqgħa tiegħu tal-5 ta’ Ġunju 2013 rigward abbozz ta’ deċiżjoni dwar il-każ C.39226 (1) — Lundbeck

Relatur: ir-Repubblika Ċeka

(2015/C 80/04)

1.	Il-Kumitat Konsultattiv jaqbel mal-Kummissjoni Ewropea li l-partijiet rispettivi kkonkludew ftehimiet fi ħdan it-tifsira tal-Artikolu 101 TFUW u l-Artikolu 53 tal-Ftehim taż-ŻEE bil-għan li tiġi limitata l-kompetizzjoni.

Il-Kumitat Konsultattiv jaqbel mal-Kummissjoni Ewropea li l-ftehimiet li ġejjin u l-estensjonijiet għall-ftehimiet, kienu jikkostitwixxu ksur uniku u kontinwu għall-perjodu ta’ żmien relevanti:

—	Il-ftehimiet ta’ Merck ma’ Lundbeck,

—	Il-ftehimiet ta’ Arrow ma’ Lundbeck,

—	Il-ftehim ta’ Alpharma ma’ Lundbeck, u

—	Il-ftehim ta’ Ranbaxy ma’ Lundbeck.

3.	Il-Kumitat Konsultattiv jaqbel mal-abbozz ta’ Deċiżjoni tal-Kummissjoni Ewropea fejn tikkonkludi li l-ftehimiet bejn l-indirizzati kienu kapaċi jkollhom effett konsiderevoli fuq il-kummerċ bejn Stati Membri tal-UE u bejn Partijiet Kontraenti tal-Ftehim taż-ŻEE.

4.	Il-Kumitat Konsultattiv jaqbel mal-Kummissjoni Ewropea li l-kundizzjonijiet tal-Artikolu 101(3) TFUE ma ġewx issodisfati.

5.	Il-Kumitat Konsultattiv jaqbel mal-abbozz ta’ Deċiżjoni tal-Kummissjoni Ewropea għar-rigward tal-indirizzati kollha tad-Deċżjoni, b’mod speċifiku fejn tidħol ir-responsabilita tal-ġenitur.

6.	Il-Kumitat Konsultattiv jaqbel mal-evalwazzjoni tal-Kummissjoni għar-rigward tal-perjodu li fih dam sejjer il-ksur.

7.	Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea.