Avviż dwar id-dazji antidumping u kompensatorji definittivi imposti fuq l-importazzjonijiet tal-moduli fotovoltajċi tas-siliċju kristallin u komponenti ewlenin (jiġifieri ċelloli) li joriġinaw fi jew li huma kkunsinjati mir-Repubblika tal-Poplu taċ-Ċina: il-bdil tal-isem ta’ kumpanija suġġetta għal impriża

(2015/C 286/06)

L-impenn offrut fil-qafas ta’ proċedimenti antidumping u antisussidji dwar l-importazzjonijiet tal-moduli fotovoltajċi tas-siliċju kristallin u komponenti ewlenin (jiġifieri ċelloli) li joriġinaw fi jew li huma kkunsinjati mir-Repubblika tal-Poplu taċ-Ċina ġie aċċettat mid-Deċiżjoni ta’ Implimentazzjoni tal-Kummissjoni 2013/707/UE (1).

Wuxi Machinery & Equipment Import & Export Co. Ltd, kodiċi addizzjonali TARIC B893 (flimkien maż-żewġ kumpaniji relatati tagħha, li isimhom jibqa’ l-istess), li l-impenn tagħha ġie aċċettat bid-Deċiżjoni 2013/707/UE, innotifikat lill-Kummissjoni li bidlet isimha għal China Machinery Engineering Wuxi Co. Ltd.

Il-kumpanija argumentat li l-bdil ta’ isimha ma jaffettwax id-dritt tagħha li tkompli tibbenefika mir-rati tad-dazju individwali li qabel kienu japplikaw għal Wuxi Machinery & Equipment Import & Export Co. Ltd.

Il-Kummissjoni eżaminat it-tagħrif mogħti lilha u kkonkludiet li l-bidla fl-isem ma taffettwa bl-ebda mod is-sejbiet tad-Deċiżjoni 2013/707/UE.

Għalhekk, ir-referenza fl-Anness tad-Deċiżjoni 2013/707/UE għal:

għandha tinbidel għal:

Il-kodiċi addizzjonali TARIC B893, li qabel kien ta’ Wuxi Machinery & Equipment Import & Export Co. Ltd u ż-żewġ kumpaniji relatati tagħha għandu japplika għal China Machinery Engineering Wuxi Co. Ltd u u għaż-żewġ kumpaniji relatati tagħha.

(1)  ĠU L 325, 5.12.2013, p. 214.