29.8.2015

Il-Ġurnal Uffiċjali tal-Unjoni Ewropea

C 286/3

Aġġornament tal-lista ta’ permessi ta’ residenza msemmija fl-Artikolu 2(15) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (Kodiċi tal-Fruntieri ta’ Schengen) (1)

(2015/C 286/04)

Il-pubblikazzjoni tal-lista ta’ permessi ta’ residenza msemmija fl-Artikolu 2(15) tar-Regolament (KE) Nru 562/2006 tal-Parlament Ewropew u tal-Kunsill tal-15 ta’ Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (il-Kodiċi tal-Fruntieri ta’ Schengen) hija bbażata fuq l-informazzjoni kkomunikata mill-Istati Membri lill-Kummissjoni f’konformità mal-Artikolu 34 tal-Kodiċi tal-Fruntieri ta’ Schengen.

Minbarra l-pubblikazzjoni fil-ĠU, aġġornament ta’ kull xahar huwa disponibbli fuq is-sit tad-Direttorat Ġenerali għall-Affarijiet Interni.

GREĊJA

Sostituzzjoni tal-informazzjoni ppubblikata fil-ĠU C 239, 6.10.2009

1. Permessi ta’ residenza maħruġa skont il-format uniformi

—	Άδεια παραμονής αλλοδαπού (Permess ta’ residenza tal-aljeni — maħruġ lill-aljeni kollha li jkunu legalment fil-Greċja)

—	Άδεια διαμονής ομογενών Αλβανίας (ενιαίου τύπου) (Permess ta’ residenza taċ-ċittadini Albaniżi ta’ dixxendenza Griega — validu sa għaxar (10) snin u mogħti liċ-ċittadini tal-Albanija ta’ dixxendenza Griega u l-membri tal-familja tagħhom għal residenza u xogħol fil-Greċja)

—	Άδεια διαμονής (Permess ta’ residenza maħruġ lill-benefiċjarji ta’ protezzjoni internazzjonali u lir-refuġjati (ΑΔΕΙΑ ΔΙΑΜΟΝΗΣ) b’validità sa tliet snin.)

2. Id-dokumenti l-oħra kollha maħruġa liċ-ċittadini tal-pajjiżi terzi li jkollhom valur ekwivalenti għal permess ta’ residenza

—	Δελτίο Διαμονής Μέλους Οικογένειας Πολίτη της Ένωσης (Kard ta’ residenza ta’ membru tal-familja ta’ ċittadin tal-UE — tinħareġ liċ-ċittadini tal-pajjiżi terzi li jkunu membri tal-familja ta’ ċittadin Grieg jew ċittadin tal-Unjoni Ewropea u lill-ġenituri ta’ tfal taħt l-età)

—	Δελτίο Μόνιμης Διαμονής Μέλους Οικογένειας Πολίτη της Ένωσης (Permess ta’ residenza permanenti ta’ membru tal-familja ta’ ċittadin tal-UE — maħruġ liċ-ċittadini tal-pajjiżi terzi li huma membri tal-familja ta’ ċittadin Grieg jew ċittadin tal-Unjoni Ewropea u lill-ġenituri ta’ tfal taħt l-età)

—

Άδεια διαμονής αλλοδαπού (βιβλιάριο χρώματος λευκού)

(Permess ta’ residenza ta’ aljen (librett abjad) — maħruġ lil:

—	persuni rikonoxxuti bħala refuġjati taħt il-Konvenzjoni ta’ Ġinevra tal-1951,

—	frustieri ta’ dixxendenza Griega (ħlief għal ċittadini Albaniżi))

—	Δελτίο ταυτότητας αλλοδαπού (χρώμα πράσινο) (Karta tal-identità ta’ aljen (ħadra) — maħruġa biss lill-aljeni ta’ dixxendenza Griega. Jista’ jkun validu għal sentejn jew ħames snin)

—

Ειδικό Δελτίο Ταυτότητας Ομογενούς (χρώμα μπεζ)

(Karta tal-identità speċjali għall-aljeni ta’ dixxendenza Griega (bex) — maħruġa liċ-ċittadini Albaniżi ta’ dixxendenza Griega. Hija valida għal tliet snin. Il-karta tinħareġ ukoll lill-irġiel jew in-nisa tagħhom u d-dixxendenti ta’ oriġini Griega, irrispettivament min-nazzjonalità, bil-kundizzjoni li jkun hemm dokumentazzjoni uffiċjali ta’ kwalunkwe tip bħala evidenza tar-rabtiet familjari tagħhom)

—	Ειδικό Δελτίο Ταυτότητας Ομογενούς (χρώμα ροζ) (Karta tal-identità speċjali għall-aljeni ta’ dixxendenza Griega (roża) — maħruġa lill-aljeni ta’ dixxendenza Griega minn dik li kienet l-Unjoni Sovjetika. Hija valida b’mod indefinit)

—	Ειδικό Δελτίο Ταυτότητας Ομογενούς (Karta tal-identità speċjali għall-aljeni ta’ dixxendenza Griega — hija valida għal għaxar (10) snin u tinħareġ liċ-ċittadini Albaniżi ta’ dixxendenza Griega u l-membri tal-familja tagħhom).

—

Ειδικές Ταυτότητες της Διεύθυνσης Εθιμοτυπίας του Υπουργείου Εξωτερικών

(Karti tal-identità speċjali maħruġa mid-Direttorat għall-Protokoll tal-Ministeru tal-Affarijiet Barranin)

—	Format “D” (persunal diplomatiku) (aħmar) Dan id-dokument jinħareġ lill-kap u l-membri ta’ kull missjoni diplomatika u lill-membri tal-familji tagħhom (l-irġiel/in-nisa u t-tfal sal-età ta’ tmintax-il sena) li jkunu d-detenturi ta’ passaporti diplomatiċi.

—	Format “A” (staff amministrattiv u tekniku) (oranġjo) Dan id-dokument jinħareġ lill-membri tal-persunal ta’ missjonijiet diplomatiċi u lill-membri tal-familja tagħhom (l-irġiel/in-nisa u t-tfal sal-età ta’ tmintax-il sena) li jkunu detenturi ta’ passaporti ta’ servizz.

—	Format “S” (persunal ta’ servizz) (aħdar) Dan id-dokument jinħareġ lill-membri tal-persunal tas-servizz tal-missjonijiet diplomatiċi u lill-membri tal-familja tagħhom (l-irġiel/in-nisa u t-tfal sal-età ta’ tmintax-il sena).

—	Format “CC” (uffiċjal konsulari) (ikħal) Dan id-dokument jinħareġ lill-membri tal-persunal konsolari u lill-membri tal-familja tagħhom (l-irġiel/in-nisa u t-tfal sal-età ta’ tmintax-il sena).

—	Format “CE” (impjegat konsulari) (ikħal ċar/ċelesti) Dan id-dokument jinħareġ lill-membri tal-persunal amministrattiv tal-awtoritajiet konsolari u lill-membri tal-familja tagħhom (l-irġiel/in-nisa u t-tfal tagħhom sal-età ta’ tmintax-il sena).

—	Format “CH” (uffiċjal konsulari onorarju) (griż) Dan id-dokument jinħareġ lill-konsli onorarji.

—	Format “IO” (organizzazzjoni internazzjonali) (lelà skur) Dan id-dokument jinħareġ lill-membri ta’ organizzazzjoniiet internazzjonali u lill-membri tal-familja tagħhom (l-irġiel/in-nisa u t-tfal tagħhom sal-età ta’ tmintax-il sena) li jgawdu mill-istat diplomatiku.

—	Format “IO” (organizzazzjoni internazzjonali) (lelà ċar) Dan id-dokument jinħareġ lill-membri tal-persunal amministrattiv tal-organizzazzjonijiet internazzjonali u lill-membri tal-familja tagħhom (lill-irġiel/in-nisa u t-tfal tagħhom sal-età ta’ tmintax-il sena)

Lista ta’ pubblikazzjonijiet preċedenti

ĠU C 247, 13.10.2006, p. 1

ĠU C 153, 6.7.2007, p. 5

ĠU C 192, 18.8.2007, p. 11

ĠU C 271, 14.11.2007, p. 14

ĠU C 57, 1.3.2008, p. 31

ĠU C 134, 31.5.2008, p. 14

ĠU C 207, 14.8.2008, p. 12

ĠU C 331, 21.12.2008, p. 13

ĠU C 3, 8.1.2009, p. 5

ĠU C 64, 19.3.2009, p. 15

ĠU C 198, 22.8.2009, p. 9