9.12.2015

Il-Ġurnal Uffiċjali tal-Unjoni Ewropea

C 409/1

Sommarju tar-riżultati mill-awditi annwali tal-Qorti fir-rigward tal-Aġenziji Ewropej u korpi oħra għas-sena 2014

(2015/C 409/01)

WERREJ

Paragrafu

Paġna

INTRODUZZJONI

INFORMAZZJONI LI TAPPOĠĠA L-OPINJONIJIET TAL-QORTI

RIŻULTATI TAL-AWDITJAR

Opinjonijiet dwar l-affidabbiltà tal-kontijiet

Opinjonijiet dwar il-legalità u r-regolarità tat-tranżazzjonijiet li fuqhom huma bbażati l-kontijiet

Kummenti li ma jixħtux dubju fuq l-opinjonijiet tal-Qorti

Kummenti dwar l-affidabbiltà tal-kontijiet

Kummenti dwar il-legalità u r-regolarità tat-tranżazzjonijiet

Kummenti dwar il-kontrolli interni

Kummenti dwar l-implimentazzjoni tal-baġit

Kummenti oħra

Segwitu għall-kummenti mis-snin preċedenti

KONKLUŻJONIJIET

ANNESS I –

Introjtu (Tbassir tal-baġit, drittijiet stabbiliti u ammonti riċevuti) u Tabelli tal-persunal tal-Aġenziji

ANNESS II –

Kummenti li saru mill-Qorti fl-2014, li ma jixħtux dubju fuq l-opinjoni tagħha

ANNESS III –

Segwitu tal-kummenti miftuħa, għas-snin 2012 u 2013, li ma jixħtux dubju fuq l-opinjonijiet tal-Qorti

INTRODUZZJONI

Skont id-dispożizzjonijiet tal-Artikolu 287 tat-Trattat dwar il-Funzjonament tal-Unjoni Ewropea, il-Qorti ħarġet opinjoni dwar l-affidabbiltà tal-kontijiet u dwar il-legalità u r-regolarità tat-tranżazzjonijiet ta' bażi, għas-sena finanzjarja li ntemmet fil-31 ta' Diċembru 2014, għal kull waħda mit-32 aġenzija regolatorja, 6 aġenziji eżekuttivi, l-Aġenzija Fornitriċi tal-Euratom (Euratom), l-Istitut Ewropew tal-Innovazzjoni u t-Teknoloġija (EIT) u l-Fond tal-Pensjoni tal-Europol (ara t-Tabella).

Bħal fi snin preċedenti l-Qorti awditjat il-legalità u r-regolarità tat-tranżazzjonijiet. Madankollu, l-2014 hija l-ewwel sena fejn il-kontijiet annwali tat-30 aġenzija regolatorja li huma ssussidjati mill-Unjoni u l-EIT ġew ivverifikati minn awditur indipendenti estern (ditta tal-awditjar) skont l-Artikolu 208(4) (1) tar-Regolament Finanzjarju l-ġdid tal-UE u l-Artikolu 107(1) (2) tar-Regolament finanzjarju qafas il-ġdid għall-aġenziji. L-opinjoni tal-Qorti dwar dawn il-kontijiet qieset ix-xogħol tal-awditjar imwettaq mill-awditur indipendenti estern u l-azzjoni li ttieħdet b'rispons għas-sejbiet tal-awditur.

Għall-Aġenzija Fornitriċi tal-Euratom, żewġ aġenziji li huma kompletament awtofinanzjati (l-OHIM u s-CPVO), is-sitt aġenziji eżekuttivi u l-Fond tal-Pensjoni tal-Europol (EPF), il-Qorti wettqet ix-xogħol tal-awditjar propjru tagħha fuq il-kontijiet annwali.

Tabella

Arranġamenti tal-awditjar skont ir-raggruppament

	Aġenziji awditjati mill-Qorti	Awditjati mill-QEA biss	Awditjati mill-QEA u mill-awditur estern	Total
Aġenziji Regolatorji	Aġenziji ssussidjati mill-Unjoni	—	30	32
Aġenziji Regolatorji	Aġenziji awtofinanzjati – OHIM u CPVO	2	—	32
Aġenziji eżekuttivi	EACEA, REA, ERCEA, EASME, INEA u CHAFEA	6	—	6
Korpi oħra	Euratom u EPF	2	—	3
Korpi oħra	EIT	—	1	3
Total		10	31	41

Dettalji dwar l-aġenziji awditjati, il-baġits u l-persunal tagħhom jingħataw fl-Anness I.

Dan is-sommarju jipprovdi ħarsa ġenerali lejn ir-riżultati tal-awditi annwali tal-Qorti fir-rigward tal-aġenziji għas-sena finanzjarja 2014. Huwa għandu l-għan li jiffaċilita l-analiżi u t-tqabbil tar-rapporti speċifiċi tal-Qorti. L-opinjonijiet u l-kummenti tal-Qorti kif ukoll ir-risposti tal-aġenziji jistgħu jinstabu fir-Rapporti Annwali Speċifiċi (RAS). Dan is-sommarju mhuwiex rapport jew opinjoni tal-awditjar.

Aġenziji deċentralizzati għandhom rwol importanti fl-implimentazzjoni tal-politiki tal-UE, speċjalment kompiti ta' natura teknika, xjentifika, operazzjonali u/jew regolatorja. L-għan tagħhom huwa li jippermettu lill-Kummissjoni tikkonċentra fuq it-tfassil ta' politika u tirrinforza l-kooperazzjoni bejn l-UE u l-gvernijiet nazzjonali permezz tal-akkomunament ta' kompetenzi tekniċi u speċjalisti miż-żewġ naħat. Dawn jinsabu madwar l-UE kollha.

Is-sitt aġenziji eżekuttivi huma fdati b'kompiti relatati mal-immaniġġjar ta' wieħed jew aktar mill-programmi tal-Unjoni u huma stabbiliti għal perjodi fissi ta' żmien. Dawn jinsabu fi Brussell (ħamsa) jew fil-Lussemburgu (waħda).

L-EIT f'Budapest huwa korp indipendenti u deċentralizzat tal-UE li jiġbor flimkien riżorsi xjentifiċi, tan-negozju u edukattivi biex tingħata spinta lill-kapaċità ta' innovazzjoni tal-Unjoni.

Il-Euratom fil-Lussemburgu nħoloq biex jappoġġa l-għanijiet tat-Trattat li jistabbilixxi l-Komunità Ewropea tal-Enerġija Atomika.

10.

Il-Fond tal-Pensjoni tal-Europol, li jinsab f'L-Aja, ġie stabbilit biex jiffinanzja u jħallas il-pensjonijiet għall-persunal impjegat mill-Europol qabel ma din saret Aġenzija Ewropea fl-1 ta' Jannar 2010.

11.

Il-baġit totali tal-aġenziji għall-2014 ammonta għal madwar EUR 1,9 biljun (2013: EUR 2 biljun) jew madwar 1,4 % tal-baġit ġenerali tal-UE għall-2014 (2013: 1,4 %). Bejn wieħed u ieħor EUR 1,2 biljun ġejjin mis-sussidji tal-Kummissjoni Ewropea u l-bqija huwa introjtu minn tariffi u minn sorsi oħra. L-aġenziji jimpjegaw 6 578 (2013: 6 536) uffiċjal permanenti u temporanju jew 14 % (2013: 14 %) tat-total ta' uffiċjali awtorizzati taħt il-baġit ġenerali tal-UE (it-tabella tal-persunal). Barra minn hekk, madwar 3 200 (2013: 2 900) membru ieħor tal-persunal qed jaħdmu għall-aġenziji (persunal kuntrattwali jew issekondat). Iż-żieda fil-persunal hija primarjament ikkonċentrata f'dawk l-aġenzji li ġew assenjati kompiti addizzjonali, dawk b'responsabbiltà superviżorja għall-industrija finanzjarja, u l-aġenziji eżekuttivi b'responsabbiltajiet addizzjonali taħt Orizzont 2020 u programmi oħra.

12.

Filwaqt li r-riskju finanzjarju relatat mal-aġenziji huwa relattivament baxx meta mqabbel mal-baġit totali tal-UE, ir-riskju għar-reputazzjoni tal-Unjoni huwa għoli. Madankollu, l-aġenziji huma viżibbli ħafna fl-Istati Membri u għandhom influwenza sinifikanti fuq it-tfassil ta' politiki, it-teħid ta' deċiżjonijiet u l-implimentazzjoni ta' programmi f'oqsma li huma ta' importanza kruċjali għaċ-ċittadini Ewropej, jiġifieri s-saħħa, is-sikurezza, is-sigurtà, il-libertà u l-ġustizzja.

INFORMAZZJONI LI TAPPOĠĠA L-OPINJONIJIET TAL-QORTI

13.

Rigward il-31 aġenzija li ġew awditjati minn awditur indipendenti estern, il-Qorti analizzat ix-xogħol tad-ditti tal-awditjar skont standards internazzjonali tal-awditjar. Meta ffurmat l-opinjoni tagħha dwar l-affidabbiltà tal-kontijiet espressa fir-RAS, il-Qorti ħadet inkunsiderazzjoni ix-xogħol tad-ditti tal-awditjar.

14.

Hemm aċċertament adegwat biex il-Qorti tibbaża l-opinjonijiet tal-awditjar proprji tagħha fuq l-affidabbiltà tal-kontijiet bl-użu tax-xogħol tad-ditti privati tal-awditjar.

15.

Rigward il-legalità u r-regolarità tat-tranżazzjonijiet, li għalihom il-Qorti tibqa' esklussivament responsabbli, l-approċċ tal-awditjar jikkonsisti fi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli interni tal-aġenziji.

16.

Għall-10 aġenziji li jifdal, il-Qorti kompliet twettaq l-awditjar kemm tal-legalità u r-regolarità tat-tranżazzjonijiet ta' bażi kif ukoll tal-affidabbiltà tal-kontijiet.

RIŻULTATI TAL-AWDITJAR

Opinjonijiet dwar l-affidabbiltà tal-kontijiet

17.

Il-kontijiet finali tal-41 aġenzija jippreżentaw b'mod ġust, fl-aspetti materjali kollha, il-pożizzjoni finanzjarja tagħhom fil-31 ta' Diċembru 2014 u r-riżultati tal-operazzjonijiet tagħhom u l-flussi tal-flus tagħhom għas-sena li ntemmet dakinhar, skont id-dispożizzjonijiet tar-Regolamenti Finanzjarji applikabbli u r-regoli kontabilistiċi adottati mill-Uffiċjal tal-Kontabbiltà tal-Kummissjoni.

18.

ll-Qorti inkludiet paragrafi ta' osservazzjonijiet (3) rigward l-affidabbiltà tal-kontijiet tal-Aġenzija Ewropea għat-tmexxija operattiva tas-sistemi tal-IT Fuq skala kbira fl-ispazju ta’ libertà, sigurtà u ġustizzja (eu-LISA) u tal-EPF. Fil-każ tal-eu-LISA, is-sitwazzjoni li l-Qorti ġibdet l-attenzjoni għaliha fir-RAS għas-sena 2013 għadha għaddejja, jiġifieri l-ħtieġa li jkun hemm data affidabbli u kompleta għall-valutazzjoni tas-sistemi ta' informazzjoni ċentrali tal-aġenzija, inklużi l-ispejjeż tal-ħardwer, ta' softwer kummerċjalment disponibbli u tal-iżvilupp ta' softwer. Dawn l-assi qed jiġu deprezzati u filwaqt li għadu materjali għall-2014, l-ammont involut qed jonqos kull sena. Fil-każ tal-EPF, il-Qorti ġibdet l-attenzjoni għall-fatt li l-kontijiet tal-EPF għas-sena 2014 tħejjew fuq il-bażi ta’ negozju avvjat filwaqt li huwa mistenni li sa tmiem l-2015 mhux se jkun hemm parteċipanti attivi u attwalment il-likwidazzjoni tal-Fond qed tiġi vvalutata.

Opinjonijiet dwar il-legalità u r-regolarità tat-tranżazzjonijiet li fuqhom huma bbażati l-kontijiet

19.

Il-Qorti kkonkludiet li għall-41 aġenzija, it-tranżazzjonijiet li fuqhom huma bbażati l-kontijiet annwali għas-sena li ntemmet fil-31 ta' Diċembru 2014 kienu legali u regolari fl-aspetti materjali kollha.

20.

Il-Qorti inkludiet paragrafu ta' osservazzjonijiet rigward il-legalità u r-regolarità tat-tranżazzjonijiet li fuqhom huma bbażati l-kontijiet tal-EIT. Il-ftehimiet ta' għotja ffirmati taħt il-Ftehimiet Qafas ta' Sħubija (FPA) mal-ewwel tliet “Komunitajiet ta’ Konoxxenza u Innovazzjoni” (KKI) jistipulaw li l-kontribuzzjoni finanzjarja tal-EIT ma tistax taqbeż il-25 % tan-nefqa globali tal-KKI matul l-ewwel ħames snin, mill-1 ta' Jannar 2010 sal-31 ta' Diċembru 2014.

Kummenti li ma jixħtux dubju fuq l-opinjonijiet tal-Qorti

21.

Mingħajr ma tixħet dubju fuq l-opinjonijiet tagħha, il-Qorti għamlet total ta' 79 kumment (2013: 97) li jaffettwaw 35 aġenzija (2013: 35) biex tenfasizza kwistjonijiet ta' importanza u biex tindika lok għal titjib. Saru kummenti rigward l-affidabbiltà tal-kontijiet, il-legalità u r-regolarità tat-tranżazzjonijiet, il-kontrolli interni, l-implimentazzjoni tal-baġit u kwistjonijiet oħra bħall-ġestjoni finanzjarja tajba.

Ċart

Għadd ta' kummenti skont l-intestatura

Sors: Rapporti speċifiċi dwar il-kontijiet annwali tal-aġenziji għas-sena 2014.

22.

Ħarsa ġenerali lejn il-kummenti li saru għal kull waħda mill-aġenziji tingħata fl-Anness II. Sommarju tal-kummenti l-aktar frekwenti u/jew ta' dawk il-kummenti ta' rilevanza partikolari jingħata hawn taħt.

Kumment dwar l-affidabbiltà tal-kontijiet

23.

Minbarra ż-żewġ paragrafi ta' osservazzjonijiet li ssemmew hawn fuq, kien hemm kumment wieħed dwar l-affidabbiltà tal-kontijiet li taffettwa l-Awtorità Ewropea tat-Titoli u s-Swieq (ESMA) li jindirizza d-divulgazzjoni ta' dħul ibbażat fuq ammonti stmati minflok fuq ammonti reali.

Kummenti dwar il-legalità u r-regolarità tat-tranżazzjonijiet

24.

Il-ħames kummenti (2013: sebgħa) f'din il-kategorija jaffettwaw ħames aġenziji (2013: sebgħa) u huma relatati ma' dgħufijiet fil-proċeduri ta' akkwist rigward iċ-ċarezza tal-ispeċifikazzjonijiet tekniċi tal-offerti u l-puntwalità tas-sejħiet għall-offerti; id-dgħufijiet fil-kontrolli tal-għotjiet u l-konformità mad-dati regolatorji għall-ġbir ta' tariffi.

Kummenti dwar il-kontrolli interni

25.

Is-7 kummenti (2013: 17) jaffettwaw 7 aġenziji (2013: 10). F'żewġ każijiet huma relatati ma' dgħufijiet fil-kontrolli tal-għotjiet (2013: tnejn) u f'każ ieħor ma' dgħufijiet fil-kontrolli fuq l-assi (2013: tnejn); il-kummenti l-oħra jirreferu għal nuqqasijiet differenti fil-kontroll intern. B'mod kumplessiv, kien hemm titjib sinifikanti fil-kontroll intern. Il-kummenti naqsu b'aktar minn 50 % u ma hemm ebda kumment relatat man-nuqqas ta' implimentazzjoni tal-istandards ta' kontroll intern (ICS).

Kummenti dwar l-implimentazzjoni tal-baġit

26.

Livell għoli ta' riporti ta' approprjazzjonijiet impenjati jibqa' l-kumment l-aktar frekwenti f'dan il-qasam u affettwa 28 aġenzija (2013: 24). Għalkemm normalment jitqies li jmur kontra l-prinċipju baġitarju tal-annwalità u jista' jindika dgħufijiet fl-ippjanar u l-implimentazzjoni tal-baġit, dan spiss irriżulta minn avvenimenti li kienu (parzjalment) lil hinn mill-kontroll tal-aġenziji (eż. fatturi jew dikjarazzjonijiet tal-ispejjeż li ma kinux ġew riċevuti sa tmiem is-sena) jew li kienu ġġustifikati min-natura pluriennali tal-operazzjonijiet, tal-proċeduri ta' akkwist jew tal-proġetti.

27.

Fi tmien każijiet (2013: sebgħa) ġew innutati rati għoljin ta' kanċellazzjoni ta' riporti mis-snin preċedenti. Kanċellazzjonijiet bħal dawn jindikaw li l-approprjazzjonijiet riportati saru abbażi ta' ħtiġijiet li ġew stmati b'mod eċċessiv jew li ma kinux iġġustifikati b'xi mod ieħor.

28.

Hemm tliet kummenti dwar impenji insuffiċjenti (2013: sitta) u kumment wieħed dwar trasferimenti għolja tal-baġit (2013: tlieta).

Kummenti oħra

29.

Kien hemm total ta' 22 kumment ieħor (2013: 22) li saru fir-rigward ta' 17-il aġenzija (2013: 15), li 7 minnhom huma relatati ma' kwistjonijiet ta' ġestjoni finanzjarja tajba. Erbgħa mis-seba' osservazzjonijiet kienu relatati ma' dgħufijiet fl-akkwist u l-ġestjoni tal-kuntratti: l-akkumulazzjoni ta' spejjeż ġenerali u profitti sinifikanti; kompetizzjoni insuffiċjenti fuq il-prezz minħabba konċentrazzjoni eċċessiva fuq il-kwalità; objettiv u attivitajiet ippjanati li ma kinux speċifiċi biżżejjed biex jiġġustifikaw id-deċiżjoni ta' akkwist; u ppjanar fqir għas-sostituzzjoni ta' kuntratt eżistenti li affettwa l-kompetizzjoni ġusta.

30.

Matul l-awditu ta' aġenzija waħda, il-Qorti qabdet kalkolu skorrett li sar fis-salarji, u li rriżulta fil-pagament insuffiċjenti ta' xi persunal tal-UE rreklutat qabel l-applikazzjoni tar-Regolamenti tal-Persunal tal-2004. Wara kontrolli ulterjuri mitluba mill-Qorti, l-istess problema nstabet fi 18-il aġenzija oħra (total ta' pagamenti insuffiċjenti ta' madwar EUR 3 78 670). Madankollu, is-somom involuti kienu sinifikanti għal sitt aġenziji biss u għaldaqstant issemmew b'mod speċifiku fir-RAS rilevanti. Hemm differenza ta' opinjoni bejn l-aġenziji u l-PMO dwar min huwa responsabbli għall-iżball.

31.

L-Aġenzija Ewropea għall-Ambjent (EEA) ikkuntrattat servizzi supplimentari (backup) ma’ fornitur tas-servizzi tal-cloud bl-użu ta’ kuntratt interistituzzjonali pprovdut minn DIGIT. Il-kundizzjonijiet tal-kuntratt ma żgurawx li l-privileġġi u l-immunitajiet tal-Komunitajiet Ewropej, li huma applikabbli għall-Aġenzija, kienu ggarantiti, u lanqas li l-garanziji ta' privatezza mogħtija permezz tal-Artikolu 7 tal-Karta tad-Drittijiet Fundamentali liċ-ċittadini tal-Unjoni Ewropea huma rispettati. Huwa probabbli li aġenziji oħra jużaw servizzi bħal dawn fil-futur. Huwa importanti li huma jiżguraw li servizzi bħal dawn jipprovdu protezzjoni sħiħa tal-privileġġi u l-immunitajiet meħtieġa għall-prestazzjoni tal-Aġenzija u għall-privatezza taċ-ċittadini tal-UE.

Segwitu għall-kummenti mis-snin preċedenti

32.

Ir-rapporti annwali speċifiċi għall-2014 jipprovdu ħarsa ġenerali lejn l-azzjonijiet ta' segwitu li ttieħdu mill-aġenziji b'rispons għall-kummenti miftuħa mis-snin preċedenti. L-Anness III juri li għall-153 kumment li kienu miftuħin fi tmiem l-2013, l-azzjoni korrettiva ġiet ikkompletata matul l-2014 f'51 każ; kienet għadha għaddejja f'41 każ; u 6 kummenti baqgħu pendenti. Ma kienet meħtieġa ebda azzjoni korrettiva għal 55 kumment, prinċipalment rigward riporti ġġustifikati tal-baġit.

KONKLUŻJONIJIET

33.

L-aġenziji kollha pproduċew kontijiet affidabbli. Il-Qorti esprimiet żewġ osservazzjonijiet għall-eu-LISA u l-EPF.

34.

Il-Qorti kkonkludiet li t-tranżazzjonijiet li fuqhom huma bbażati l-kontijiet kienu legali u regolari għall-aġenziji kollha u esprimiet osservazzjoni waħda għall-EIT.

35.

Kien hemm kumment wieħed rigward l-użu ta' servizzi tal-cloud mill-EEA.

36.

Kien hemm sitt osservazzjonijiet relatati ma' pagamenti insuffiċjenti ta' persunal tal-UE rreklutat qabel l-applikazzjoni tar-Regolamenti tal-Persunal tal-2004.

37.

L-aġenziji komplew itejbu l-proċeduri tagħhom billi ħadu azzjoni korrettiva b'rispons għall-kummenti tal-Qorti mis-snin preċedenti. Madankollu, għad hemm lok għal titjib, kif indikat mill-għadd ta' kummenti li saru fl-2014.

(1) Ir-Regolament (UE, Euratom) Nru 966/2012 tal-Parlament Ewropew u tal-Kunsill (ĠU L 298, 26.10.2012, p. 1).

(2) L-Artikolu 107 tar-Regolament ta' delega tal-Kummissjoni (UE) Nru 1271/2013 (ĠU L 328, 7.12.2013, p. 42).

(3) Paragrafu ta' Osservazzjonijiet jintuża biex jiġbed l-attenzjoni tal-qarrejja għal kwistjoni li ma tkunx iddikjarata b'mod materjalment skorrett fil-kontijiet, iżda li tkun ta' tali importanza li tkun fundamentali biex l-utenti jifhmu l-kontijiet.

ANNESS I

Introjtu (Tbassir tal-baġit, drittijiet stabbiliti u ammonti riċevuti) u Tabelli tal-persunal tal-Aġenziji

			2014				2013
Aġenzija	DĠ Prinċipali	Qasam ta' Politika	Baġit Imbassar tal-Introjtu (1)	Drittijiet stabbiliti (1)	Ammonti riċevuti (1)	Tabella tal-persunal (2)	Baġit ta' Tbassir tal-Introjtu (1)	Drittijiet stabbiliti (1)	Ammonti riċevuti (1)	Tabella tal-persunal (2)
Aġenzija	DĠ Prinċipali	Qasam ta' Politika	(miljun EUR)	(miljun EUR)	(miljun EUR)	Tabella tal-persunal (2)	(miljun EUR)	(miljun EUR)	(miljun EUR)	Tabella tal-persunal (2)
Aġenziji Regolatorji
L-Aġenzija Ewropea għall-Mediċini – EMA	SANCO	Saħħa u Ħarsien tal-Konsumatur	282	311	272	599	252	269	240	611
L-Uffiċċju għall-Armonizzazzjoni fis-Suq Intern – OHIM	MARKT	Suq Intern	194	196	196	844	418	189	189	861
L-Aġenzija Ewropea tas-Sikurezza tal-Avjazzjoni – EASA	MOVE	Mobbiltà u Trasport	162	145	137	685	151	125	125	692
L-Aġenzija Ewropea għall-Ġestjoni ta' Kooperazzjoni Operazzjonali fil-Fruntieri Esterni – FRONTEX	HOME	Affarijiet Interni	98	87	87	152	94	92	92	153
L-Uffiċċju Ewropew tal-Pulizija – EUROPOL	HOME	Affarijiet Interni	84	85	85	450	83	83	83	457
L-Awtorità Ewropea dwar is-Sigurtà fl-Ikel – EFSA	SANCO	Saħħa u Ħarsien tal-Konsumatur	80	80	80	344	76	76	76	351
L-Aġenzija Ewropea għas-Sigurtà Marittima – EMSA	MOVE	Mobbiltà u Trasport	58	58	58	210	57	58	56	213
Iċ-Ċentru Ewropew għall-Prevenzjoni u l-Kontroll tal-Mard – ECDC	SANCO	Saħħa u Ħarsien tal-Konsumatur	60	59	59	194	58	59	59	198
Iċ-Ċentru tat-Traduzzjoni għall-Korpi tal-UE – CDT	LANGUAGE	Servizzi Lingwistiċi	56	48	47	203	52	54	50	206
L-Aġenzija Ewropea għall-Ambjent – EEA	ENV-CLIM	Ambjent	43	53	52	135	49	63	63	138
L-Unità ta' Kooperazzjoni Ġudizzjarja tal-Unjoni Ewropea – EUROJUST	HOME	Ġustizzja	34	34	34	209	32	32	32	213
L-Aġenzija Ewropea għas-Sustanzi Kimiċi – ECHA	ENTERPRISE AND INDUSTRY	Intrapriża	33	37	37	495	99	98	98	503
L-Aġenzija Ferrovjarja Ewropea – ERA	MOVE	Mobbiltà u Trasport	26	26	26	140	26	26	26	143
L-Aġenzija tal-Unjoni Ewropea għad-Drittijiet Fundamentali – FRA	JUSTICE	Ġustizzja	21	21	21	75	22	22	22	78
L-Awtorità Bankarja Ewropea – EBA	MARKT	Suq Intern	34	34	34	111	26	26	26	93
Il-Fondazzjoni Ewropea għat-titjib tal-kundizzjonijiet tal-ħajja u tax-xogħol – EUROFOUND	EMPL	Impjiegi u Affarijiet Soċjali	21	21	21	99	21	21	21	101
Il-Fondazzjoni Ewropea għat-Taħriġ – ETF	EAC	Edukazzjoni u Kultura	20	21	21	94	20	22	22	96
L-Awtorità Ewropea tat-Titoli u s-Swieq – ESMA	MARKT	Suq Intern	33	32	32	133	28	30	30	121
Iċ-Ċentru Ewropew għall-Iżvilupp ta' Taħriġ Vokazzjonali – CEDEFOP	EAC	Edukazzjoni u Kultura	18	17	17	98	19	18	18	100
L-Awtorità Ewropea tal-Assigurazzjoni u l-Pensjonijiet tax-Xogħol – EIOPA	MARKT	Suq Intern	22	22	22	87	19	18	18	80
Iċ-Ċentru Ewropew għall-Monitoraġġ tad-Droga u d-Dipendenza fuq id-Droga – EMCDDA	HOME	Affarijiet Interni	15	16	16	82	16	16	16	84
L-Aġenzija Ewropea għas-Sigurtà u s-Saħħa fuq il-Post tax-Xogħol – EU-OSHA	EMPL	Impjiegi u Affarijiet Soċjali	15	15	15	43	15	16	16	44
L-Uffiċċju Komunitarju tal-Varjetajiet tal-Pjanti – CPVO	SANCO	Agrikoltura u Żvilupp Rurali	15	13	13	47	14	13	13	48
L-Aġenzija tal-GNSS Ewropea – GSA	ENTERPRISE AND INDUSTRY	Intrapriża	25	358	358	96	14	54	54	77
L-Aġenzija Ewropea għall-Kontroll tas-Sajd – EFCA	MARE	Affarijiet Marittimi u Sajd	9	9	9	53	9	9	9	54
L-Istitut Ewropew għall-Ugwaljanza bejn is-Sessi – EIGE	JUSTICE	Ġustizzja	7	7	7	29	7	8	8	30
Il-Kulleġġ Ewropew tal-Pulizija – CEPOL	HOME	Affarijiet Interni	9	9	9	27	8	9	9	28
L-Aġenzija tal-Unjoni Ewropea dwar is-Sigurtà tan-Netwerks u l-Informazzjoni – ENISA	INFSO	Soċjetà Informatika u Mezzi ta’ Komunikazzjoni	10	10	10	48	10	10	9	47
L-Aġenzija għall-Kooperazzjoni tar-Regolaturi tal-Enerġija – ACER	ENER	Enerġija	11	11	11	54	12	12	12	49
L-Uffiċċju Ewropew ta' Appoġġ fil-qasam tal-Asil – EASO	HOME	Affarijiet Interni	16	13	13	51	11	10	10	45
L-Uffiċċju tal-korp ta’ Regolaturi Ewropej tal-Komunikazzjonijiet Elettroniċi – BEREC	INFSO	Soċjetà Informatika u Mezzi ta’ Komunikazzjoni	4	4	4	16	4	4	4	16
L-Aġenzija Ewropea għat-Tmexxija Operattiva tas-Sistemi tal-IT Fuq Skala Kbira fl-Ispazju ta’ Libertà, Sigurtà u Ġustizzja – eu-LISA	HOME	Affarijiet Interni	65	57	57	120	34	19	19	120
Aġenziji Eżekuttivi
L-Aġenzija Eżekuttiva għall-Edukazzjoni, l-Awdjoviżiv u l-Kultura – EACEA	EAC	Edukazzjoni u Kultura	47	47	47	108	51	52	52	105
L-Aġenzija Eżekuttiva għar-Riċerka – REA	RTD	Riċerka u Innovazzjoni	52	52	52	145	47	47	47	140
L-Aġenzija Eżekuttiva tal-Kunsill Ewropew tar-Riċerka – ERCEA	RTD	Riċerka u Innovazzjoni	36	36	36	100	40	40	40	100
L-Aġenzija Eżekuttiva għall-Intrapriżi Żgħar u Medji – EASME (preċedentement EACI)	ENER	Enerġija, Intraprenditorjat u Innovazzjoni	24	25	25	77	16	16	16	37
L-Aġenzija Eżekuttiva għall-Innovazzjoni u n-Netwerks – INEA (preċedentement TEN-TEA)	MOVE	Mobbiltà u Trasport	13	14	14	49	10	10	10	33
L-Aġenzija Eżekuttiva għall-Konsumatur, is-Saħħa, l-Agrikoltura u l-Ikel – CHAFEA (preċedentement EAHC)	SANCO	Ħarsien tal-Konsumatur	7	7	7	12	7	7	7	12
Korpi Oħra
L-Istitut Ewropew tal-Innovazzjoni u t-Teknoloġija – EIT	EAC	Innovazzjoni u Teknoloġija	175	167	167	39	99	97	97	34
L-Aġenzja Fornitriċi tal-Euratom (3) – EURATOM	ENER & RTD	Enerġija u Innovazzjoni	0,1	0,1	0,1	25	0,1	0,1	0,1	25
Il-Fond tal-Pensjoni tal-Europol – EPF	HOME	Nefqa Amministrattiva tal-Europol	m/a	m/a	m/a	m/a	m/a	m/a	m/a	m/a
Total			1 934	2 257	2 208	6 578	2 026	1 830	1 794	6 536
						2014	2013
	Is-sehem tas-sussidju mill-Kummissjoni fl-introjtu tal-aġenziji:					60,5 %	51,9 %
	Il-baġit imbassar tal-introjtu tal-aġenziji meta mqabbel mal-baġit ġenerali tal-UE:					1,4 %	1,4 %
	It-tabella tal-persunal tal-aġenziji mqabbla mat-total taħt il-baġit ġenerali tal-UE:					14,1 %	14,0 %

(1) L-Aġenzija Fornitriċi tal-Euratom mhijiex konsolidata fil-kontijiet annwali tal-UE;

(2) Skont il-kontijiet annwali konsolidati tal-UE ghall-2014/2013.

(3) Uffiċjali permanenti u temporanji tal-UE (AD, AST u AST/SC) biss, skont it-tabella tal-persunal.

ANNESS II

Kummenti li saru mill-Qorti fl-2014, li ma jixħtux dubju fuq l-opinjoni tagħha

		Għadd Totali ta' kummenti	Affidabbiltà tal-kontijiet	Legalità/Regolarità tat-Tranżazzjonijiet				Kontrolli interni			Implimentazzjoni tal-Baġit					Kummenti oħra
		Għadd Totali ta' kummenti	Affidabbiltà tal-kontijiet	Dgħufijiet fil-proċeduri tal-akkwist	Dgħufijiet fil-kontrolli tal-għotjiet	Riporti mingħajr impenn legali	Dewmien fil-ġbir ta' tariffi	Kontrolli dgħajfin fuq assi fissi/inventarji	Kontrolli dgħajfin fuq l-għotjiet	Oħrajn	Riporti għoljin	Trasferimenti għoljn tal-baġit	Kanċellazzjonijiet għoljin ta' riporti tal-2013	Impenji insuffiċjenti	Oħrajn	Ġestjoni Finanzjarja Tajba	Kalkolu skorrett fis-salarji tal-persunal	Dawran għoli tal-persunal	Oħrajn
1	ACER – Ljubljana	3									X				X				X
2	BEREC – Riga	3									X	X			X
3	CdT – Il-Lussemburgu	1														X
4	CEDEFOP – Tessalonika	0
5	CEPOL – Budapest	2									X		X
6	CHAFEA – Il-Lussemburgu	1									X
7	CPVO – Angers	2								X									X
8	EACEA – Brussell	1									X
9	EASA – Cologne	2									X					X
10	EASME – Brussell	3									X		X	X
11	EASO – Valletta	7				X				X	X		X	X		X		X
12	EBA – Londra	1									X
13	ECDC – Stokkolma	1									X
14	ECHA – Helsinki	2									X				X
15	EEA – Copenhagen	3		X					X										X
16	EFCA – Vigo	0
17	EFSA – Parma	1															X
18	EIGE – Vilnjus	1									X
19	EIOPA – Frankfurt	1									X
20	EIT – Budapest	4							X					X				X	X
21	EMA – Londra	4					X	X								X			X
22	EMCDDA – Lisbona	1									X
23	EMSA – Lisbona	0
24	ENISA – Heraklion	1									X
25	EPF – L-Aja	0
26	ERA – Valenciennes	2									X					X
27	ERCEA – Brussell	1						X
28	ESMA – Pariġi	4	X	X							X		X
29	ETF – Turin	3									X		X				X
30	EU-LISA – Tallinn	2									X		X
31	EU-OSHA – Bilbao	2									X						X
32	EURATOM – Il-Lussemburgu	0
33	EUROFOUND – Dublin	2									X						X
34	EUROJUST – L-Aja	2									X				X
35	EUROPOL – L-Aja	2									X		X
36	FRA – Vjenna	2									X						X
37	FRONTEX – Varsavja	4			X						X								XX
38	GSA – Praga	3									X					XX
39	INEA – Brussell	1									X
40	OHIM – Alicante	4								X	X		X				X
41	REA – Brussell	0
Subtotali:		79	1	2	1	1	1	2	2	3	28	1	8	3	4	7	6	2	7
Totali:		79	1	5				7			44					22
			1 %	6 %				9 %			56 %					28 %

ANNESS III

Segwitu tal-kummenti miftuħa, għas-snin 2012 u 2013, li ma jixħtux dubju fuq l-opinjonijiet tal-Qorti

		Total	Ikkompletati	Għadhom għaddejjin	Pendenti	M/A
Aġenziji Regolatorji
1	L-Aġenzija Ewropea għall-Mediċini – EMA	1	1
2	L-Uffiċċju għall-Armonizzazzjoni fis-Suq Intern – OHIM	4	1	1	1	1
3	L-Aġenzija Ewropea tas-Sikurezza tal-Avjazzjoni – EASA	3		2		1
4	L-Aġenzija Ewropea għall-Ġestjoni ta' Kooperazzjoni Operazzjonali fil-Fruntieri Esterni – FRONTEX	11	3	4		4
5	L-Uffiċċju Ewropew tal-Pulizija – EUROPOL	3		2		1
6	L-Awtorità Ewropea dwar is-Sigurtà fl-Ikel – EFSA	3	2	1
7	L-Aġenzija Ewropea għas-Sigurtà Marittima – EMSA	3	1	2
8	Iċ-Ċentru Ewropew għall-Prevenzjoni u l-Kontroll tal-Mard – ECDC	6	1	1		4
9	Iċ-Ċentru tat-Traduzzjoni għall-Korpi tal-UE – CDT	5	3	1	1
10	L-Aġenzija Ewropea għall-Ambjent – EEA	2		2
11	Il-Korp Ewropew għat-Tisħiħ tal-Kooperazzjoni Ġudizzjarja – EUROJUST	3	1	1		1
12	L-Aġenzija Ewropea għas-Sustanzi Kimiċi – ECHA	2				2
13	L-Aġenzija Ferrovjarja Ewropea – ERA	6	2	4
14	L-Aġenzija tal-Unjoni Ewropea għad-Drittijiet Fundamentali – FRA	2				2
15	L-Awtorità Bankarja Ewropea – EBA	3		1		2
16	Il-Fondazzjoni Ewropea għat-titjib tal-kundizzjonijiet tal-ħajja u tax-xogħol – EUROFOUND	5	2	1		2
17	Il-Fondazzjoni Ewropea għat-Taħriġ – ETF	1		1
18	L-Awtorità Ewropea tat-Titoli u s-Swieq – ESMA	10	4	5		1
19	Iċ-Ċentru Ewropew għall-Iżvilupp ta' Taħriġ Vokazzjonali – CEDEFOP	0
20	L-Awtorità Ewropea tal-Assigurazzjoni u l-Pensjonijiet tax-Xogħol – EIOPA	4	2			2
21	Iċ-Ċentru Ewropew għall-Monitoraġġ tad-Droga u d-Dipendenza fuq id-Droga – EMCDDA	4	3			1
22	L-Aġenzija Ewropea għas-Sigurtà u s-Saħħa fuq il-Post tax-Xogħol – EU-OSHA	2				2
23	L-Uffiċċju Komunitarju tal-Varjetajiet tal-Pjanti – CPVO	3	2			1
24	L-Aġenzija tal-GNSS Ewropea – GSA	2				2
25	L-Aġenzija Ewropea għall-Kontroll tas-Sajd – EFCA	2				2
26	L-Istitut Ewropew għall-Ugwaljanza bejn is-Sessi – EIGE	3	2			1
27	Il-Kulleġġ Ewropew tal-Pulizija – CEPOL	8	4	3		1
28	L-Aġenzija tal-Unjoni Ewropea dwar is-Sigurtà tan-Netwerks u l-Informazzjoni – ENISA	5	1	1		3
29	L-Aġenzija għall-Kooperazzjoni tar-Regolaturi tal-Enerġija – ACER	5	4			1
30	L-Uffiċċju Ewropew ta' Appoġġ fil-qasam tal-Asil – EASO	8		3	2	3
31	L-Uffiċċju tal-korp ta’ Regolaturi Ewropej tal-Komunikazzjonijiet Elettroniċi – BEREC	6	2	2		2
32	L-Aġenzija Ewropea għat-Tmexxija Operattiva tas-Sistemi tal-IT Fuq Skala Kbira fl-Ispazju ta’ Libertà, Sigurtà u Ġustizzja – eu-LISA	8	2	1	1	4
Aġenziji Eżekuttivi
33	L-Aġenzija Eżekuttiva għall-Edukazzjoni, l-Awdjoviżiv u l-Kultura – EACEA	1				1
34	L-Aġenzija Eżekuttiva għar-Riċerka – REA	0
35	L-Aġenzija Eżekuttiva tal-Kunsill Ewropew tar-Riċerka – ERCEA	0
36	L-Aġenzija Eżekuttiva għall-Intrapriżi Żgħar u Medji – EASME (preċedentement EACI)	1			1
37	L-Aġenzija Eżekuttiva għall-Innovazzjoni u n-Netwerks – INEA (preċedentement TEN-TEA)	3	2			1
38	L-Aġenzija Eżekuttiva għall-Konsumatur, is-Saħħa, l-Agrikoltura u l-Ikel – CHAFEA (preċedentement EAHC)	2				2
Korpi Oħra
39	L-Istitut Ewropew tal-Innovazzjoni u t-Teknoloġija – EIT	9	4	2		3
40	L-Aġenzija Fornitriċi tal-Euratom – EURATOM	3	2			1
41	Il-Fond tal-Pensjoni tal-Europol – EPF	1				1
Totali		153	51	41	6	55