IL-KUMMISSJONI EWROPEA

Brussell, 23.10.2015

COM(2015) 524 final

2015/0248(NLE)

Proposta għal

DEĊIŻJONI TAL-KUNSILL

dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inkluż il-limitu massimu għall-2017, l-ammont għall-2016 u l-ewwel ħlas parzjali għall-2016.

MEMORANDUM TA’ SPJEGAZZJONI

Il-11-il Ftehim Intern 1 u r-Regolament tal-Kunsill (KE) Nru 2015/323 dwar ir-regolament finanzjarju applikabbli ghall-11-il Fond Ewropew għall-Iżvilupp (minn hawn’ il quddiem imsejjaħ “ir-Regolament Finanzjarju tal-11-il FEŻ”) jipprevedu proċedura ta’ sejħiet għal kontribuzzjonijiet li għandhom jitħallsu mill-Istati Membri għall-finanzjament tal-FEŻ. Skont l-Artikolu 21(2) tar-Regolament Finanzjarju tal-11-il FEŻ, din il-proposta tkopri:

–Il-limitu massimu tal-ammont annwali tal-kontribuzzjonijiet għas-sena finanzjarja 2017.

–L-ammont annwali tal-kontribuzzjonijiet għall-2016;

–L-ammont tal-ewwel ħlas parzjali tal-kontribuzzjoni għall-2016.

F'konformità mal-Artikolu 21(7) tar-Regolament Finanzjarju tal-11-il FEŻ, l-ammont ġestit mill-Kummissjoni u l-ammont ġestit mill-Bank Ewropew tal-Investiment (BEI) huma speċifikati separatament.

Skont l-Artikolu 52 tar-Regolament Finanzjarju tal-11-il FEŻ 2 , il-BEI bagħat lill-Kummissjoni l-estimi aġġornati tiegħu tal-impenji u tal-ħlasijiet għall-istrumenti li jiġġestixxi.

F'konformità mal-Artikolu 22(1) tar-Regolament Finanzjarju tal-11-il FEŻ, is-sejħiet għall-kontribuzzjonijiet għandhom l-ewwel jużaw l-ammonti disponibbli minn FEŻ preċedenti, wieħed wara l-ieħor. Għaldaqstant, is-sejħiet għal kontribuzzjonijiet f'din il-proposta jirrigwardaw l-ammonti fl-10 FEŻ, kemm għall-Kummissjoni kif ukoll għall-BEI.

Skont l-Artikolu 21(2) tar-Regolament Finanzjarju tal-11-il FEŻ, il-Kunsill għandu jiddeċiedi dwar din il-proposta sa mhux aktar tard mill-15 ta' Novembru 2015, u l-Istati Membri għandhom iwettqu l-ewwel ħlas parzjali mhux aktar tard mill-21 ta' Jannar 2016.

L-Artikolu 23(1) tar-Regolament Finanzjarju tal-11-il FEŻ jistipula li Stat Membru li jonqos milli jwettaq il-ħlas parzjali tal-kontribuzzjoni dovuta sal-iskadenza, ikun jeħtieġlu jħallas l-imgħax fuq l-ammont li ma ħallasx; l-arranġamenti għall-ħlas tal-imgħax huma speċifikati fl-istess Artikolu.

Skont l-Artikolu 1, it-tieni subparagrafu tad-Deċiżjoni tal-Kunsill 2013/759/UE dwar miżuri ta’ tranżizzjoni tal-ġestjoni tal-FEŻ mill-1 ta’ Jannar 2014 sad-dħul fis-seħħ tal-11-il Fond Ewropew għall-Iżvilupp (il-Faċilità ta’ Tranżizzjoni ) 3 , il-kwoti tal-kontribuzzjonijiet tal-Istati Membri stabbiliti fl-Artikolu 1(2)(a) tal-Ftehimiet Interni tat-8, tad-9 u tal-10 FEŻ, għandhom jitnaqqsu skont il-każ, wara li jidħol fis-seħħħ il-Ftehim Intern tal-11-il FEŻ. It-tnaqqis se jkollu impatt fuq il-kontribuzzjonijiet tal-Istati Membri lill-Kummissjoni tal-2015, tal-2016 u tal-2017, skont l-opzjoni ta’ aġġustament magħżula minn kull Stat Membru.

2015/0248 (NLE)

Proposta għal

DEĊIŻJONI TAL-KUNSILL

dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inkluż il-limitu massimu għall-2017, l-ammont għall-2016 u l-ewwel ħlas parzjali għall-2016.

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea,

Wara li kkunsidra l-Ftehim Intern bejn ir-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill, dwar l-iffinanzjar tal-għajnuna tal-Komunità fl-ambitu tal-Qafas Finanzjarju Pluriennali għall-perjodu mill-2014 sal-2020, skont il-Ftehim ta' Sħubija AKP-UE, u dwar l-allokazzjoni ta' assistenza finanzjarja għall-Pajjiżi u t-Territorji extra-Ewropej li għalihom tapplika r-Raba' Parti tat-Trattat dwar il-Funzjonament tal-Unjoni Ewropea 4 , ("il-Ftehim Intern"), u b'mod partikolari l-Artikolu 7,

Wara li kkunsidra r-Regolament tal-Kunsill (UE) 2015/323 tat-2 ta’ Marzu 2015 dwar ir-Regolament Finanzjarju applikabbli għall-11-il Fond Ewropew għall-Iżvilupp (minn hawn 'il quddiem msejjaħ "ir-Regolament Finanzjarju tal-11 FEŻ") 5 , u b’mod partikolari l-Artikolu 21 (2) tiegħu,

Wara li kkunsidra l-proposta mill-Kummissjoni Ewropea,

Billi:

(1)Skont il-proċedura stipulata fl-Artikoli minn 21 sa 24 tar-Regolament Finanzjarju tal-11-il FEŻ, il-Kummissjoni qed tippreżenta hawnhekk proposta li tispeċifika (a) il-limitu massimu tal-ammont annwali tal-kontribuzzjoni tal-Istati Membri għall-2017, (b) l-ammont tal-kontribuzzjoni għall-2016, u (c) l-ammont tal-ewwel ħlas parzjali tal-kontribuzzjoni għall-2016.

(2)Skont l-Artikolu 52 tar-Regolament Finanzjarju tal-11-il FEŻ, il-Bank Ewropew tal-Investiment bagħat lill-Kummissjoni fiż-żmien debitu l-estimi aġġornati tiegħu tal-impenji u tal-ħlasijiet għall-istrumenti li jiġġestixxi.

(3)L-Artikolu 22(1) tar-Regolament Finanzjarju tal-11 FEŻ jistipula li s-sejħiet għal kontribuzzjonijiet għandhom l-ewwel jużaw l-ammonti stabbiliti mill-FEŻ preċedenti. Għaldaqstant, għandha ssir sejħa għall-fondi taħt l-10 FEŻ.

(4)Il-Kunsill adotta fl-10 ta’ Novembru 2014, fuq proposta magħmula mill-Kummissjoni, id-deċiżjoni li tistabbilixxi li l-limitu massimu tal-ammont annwali tal-kontribuzzjonijiet tal-FEŻ tal-Istati Membri għall-2016 jkun ta' EUR 3 350 000 000 għall-Kummissjoni, u għall-Bank Ewropew tal-Investiment jkun ta' EUR 250 000 000 għall-2016 6 .

(5)Skont l-Artikolu 1, it-tieni subparagrafu tad-Deċiżjoni tal-Kunsill 2013/759/UE dwar miżuri ta’ tranżizzjoni tal-ġestjoni tal-FEŻ mill-1 ta’ Jannar 2014 sad-dħul fis-seħħ tal-11-il Fond Ewropew għall-Iżvilupp ("il-Faċilità ta’ Tranżizzjoni ") 7 , il-kwoti tal-kontribuzzjonijiet tal-Istati Membri stabbiliti fl-Artikolu 1(2)(a) tal-Ftehimiet Interni tat-8, id-9 u l-10 FEŻ, għandhom jitnaqqsu skont il-każ, wara li jidħol fis-seħħħ il-Ftehim Intern tal-11-il FEŻ. It-tnaqqis se jkollu impatt fuq il-kontribuzzjonijiet tal-Istati Membri tal-2015, tal-2016 u tal-2017, skont l-opzjoni ta’ aġġustament magħżula minn kull Stat Membru;

ADOTTA DIN ID-DEĊIŻJONI:

Artikolu 1

Il-limitu massimu tal-ammont annwali tal-kontribuzzjonijiet tal-FEŻ tal-Istati Membri għal-2017 hawnhekk qed jiġi stabbilit għal EUR 3 950 000 000 għall-Kummissjoni, u għal EUR 200 000 000 għall Bank Ewropew tal-Investiment.

Artikolu 2

L-ammont annwali tal-kontribuzzjonijiet tal-FEŻ tal-Istati Membri għas-sena 2016 għandu jammonta għal EUR 3°600°000°000. Madankollu għandu jinqasam f'EUR 3 450 000 000 għall-Kummissjoni, u f'EUR 150 000 000 għall-Bank Ewropew tal-Investiment.

Artikolu 3

Il-kontribuzzjonijiet individwali għall-FEŻ li jridu jitħallsu mill-Istati Membri lill-Kummissjoni u lill-Bank Ewropew tal-Investiment bħala l-ewwel ħlas parzjali għall-2016 huma stabbiliti fit-tabella fl-Anness.

Il-pagamenti ta’ dawn il-kontribuzzjonijiet jistgħu jiġu kkombinati ma’aġġustamenti fl-ambitu tal-implimentazzjoni tat-tnaqqis tal-fondi impenjati skont id-Deċiżjoni tal-Kunsill 2013/759/UE dwar miżuri ta’ tranżizzjoni tal-ġestjoni tal-FEŻ mill-1 ta’ Jannar 2014 sad-dħul fis-seħħ tal-11-il Fond Ewropew għall-Iżvilupp, wara pjan ta’ aġġustament kkomunikat minn kull Stat Membru lill-Kummissjoni, mal-adozzjoni tat-tielet ħlas parzjali għall-2015.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell,

(1) Ftehim Intern bejn ir-Rappreżentanti tal-Gvernijiet tal-Istati Membri tal-Unjoni Ewropea, imlaqqgħin fi ħdan il-Kunsill, dwar l-iffinanzjar tal-għajnuna mill-Unjoni Ewropea taħt il-Qafas Finanzjarju Pluriennali għall-perjodu mill-2014 sal-2020, skont il-Ftehim ta’ Sħubija AKP-UE, u dwar l-allokazzjoni ta’ assistenza finanzjarja għall-pajjiżi u t-territorji extra-Ewropej li għalihom tapplika r-Raba’ Parti tat-Trattat (ĠU L 58, 3.3.2015, p. 17–38)

(2) ĠU L 58, 3.3.2015, p. 17–38

(3) ĠU L 335, 14.12.2013, p. 48.

(4) ĠU L 210, 6.8.2013, p. 1.

(5) ĠU L 58, 3.3.2015, p. 17–38

(6) Il-Fajl Interistituzzjonali 2014/0298 (NLE), in-Numru tad-Dokument 14565/14

(7) ĠU L 335, 14.12.2013, p. 48.

IL-KUMMISSJONI EWROPEA

Brussell, 23.10.2015

COM(2015) 524 final

ANNESS

għall-

Proposta għal

DEĊIŻJONI TAL-KUNSILL

dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inkluż il-limitu massimu għall-2017, l-ammont għall-2016 u l-ewwel ħlas parzjali għall-2016.

ANNESS

għall-

Proposta għal

DEĊIŻJONI TAL-KUNSILL

dwar il-kontribuzzjonijiet finanzjarji li għandhom jitħallsu mill-Istati Membri għall-finanzjament tal-Fond Ewropew għall-Iżvilupp, inkluż il-limitu massimu għall-2017, l-ammont għall-2016 u l-ewwel ħlas parzjali għall-2016.

STATI MEMBRI	Taqsim tal-10 FEŻ %	l-1 ħlas parzjali tal-2016
		mħallas lill-	mħallas lill-	Total
		BEI	Il-Kummissjoni
		l-10 FEŻ	l-10 FEŻ
L-AWSTRIJA	2,41	0,00	42 175 000,00	42 175 000,00
Il-BELĠJU	3,53	0,00	61 775 000,00	61 775 000,00
IL-BULGARIJA	0,14	0,00	2 450 000,00	2 450 000,00
ĊIPRU	0,09	0,00	1 575 000,00	1 575 000,00
IR-REPUBBLIKA ĊEKA	0,51	0,00	8 925 000,00	8 925 000,00
ID-DANIMARKA	2,00	0,00	35 000 000,00	35 000 000,00
L-ESTONJA	0,05	0,00	875 000,00	875 000,00
IL-FINLANDJA	1,47	0,00	25 725 000,00	25 725 000,00
FRANZA	19,55	0,00	342 125 000,00	342 125 000,00
IL-ĠERMANJA	20,50	0,00	358 750 000,00	358 750 000,00
IL-GREĊJA	1,47	0,00	25 725 000,00	25 725 000,00
L-UNGERIJA	0,55	0,00	9 625 000,00	9 625 000,00
L-IRLANDA	0,91	0,00	15 925 000,00	15 925 000,00
L-ITALJA	12,86	0,00	225 050 000,00	225 050 000,00
IL-LATVJA	0,07	0,00	1 225 000,00	1 225 000,00
IL-LITWANJA	0,12	0,00	2 100 000,00	2 100 000,00
IL-LUSSEMBURGU	0,27	0,00	4 725 000,00	4 725 000,00
MALTA	0,03	0,00	525 000,00	525 000,00
IN-NETHERLANDS	4,85	0,00	84 875 000,00	84 875 000,00
IL-POLONJA	1,30	0,00	22 750 000,00	22 750 000,00
IL-PORTUGALL	1,15	0,00	20 125 000,00	20 125 000,00
IR-RUMANIJA	0,37	0,00	6 475 000,00	6 475 000,00
IS-SLOVAKKJA	0,21	0,00	3 675 000,00	3 675 000,00
IS-SLOVENJA	0,18	0,00	3 150 000,00	3 150 000,00
SPANJA	7,85	0,00	137 375 000,00	137 375 000,00
L-IŻVEZJA	2,74	0,00	47 950 000,00	47 950 000,00
IR-RENJU UNIT	14,82	0,00	259 350 000,00	259 350 000,00
TOTAL UE-27	100,00	0,00	1 750 000 000,00	1 750 000 000,00