IL-KUMMISSJONI EWROPEA
Brussell, 30.9.2015
COM(2015) 472 final
2015/0226(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi regoli komuni dwar it-titolizzazzjoni u li joħloq qafas Ewropew għal titolizzazzjoni sempliċi, trasparenti u standardizzata u li jemenda d-Direttivi 2009/65/KE, 2009/138/KE, 2011/61/UE u r-Regolamenti (KE) 1060/2009 u (UE) Nru 648/2012
(Test b'rilevanza għaż-ŻEE)
{SWD(2015) 185 final}
{SWD(2015) 186 final}
MEMORANDUM TA’ SPJEGAZZJONI
KUNTEST TAL-PROPOSTA
Raġunijiet u għanijiet tal-proposta
L-iżvilupp ta’ suq tat-titolizzazzjonijiet sempliċi, trasparenti u standardizzat jikkostitwixxi pedament tal-Unjoni tas-Swieq Kapitali (Capital Markets Union, CMU) u jikkontribwixxi għall-objettiv prijoritarju tal-Kummissjoni li jappoġġja l-ħolqien tax-xogħol u ritorn għal tkabbir sostenibbli. Qafas ta’ kwalità għolja għat-titolizzazzjoni fl-UE jista’ jippromwovi l-integrazzjoni tas-swieq finanzjarji tal-UE, jgħin sabiex jiġu diversifikati s-sorsi ta’ finanzjament u jiżdied il-kapital disponibbli, biex b’hekk ikun iktar faċli għall-istituzzjonijiet ta’ kreditu u l-mutwanti sabiex jisilfu lill-unitajiet domestiċi u lin-negozji.
Fil-Programm ta’ Ħidma tagħha għall-2015, il-Kummissjoni Ewropea stabbiliet l-azzjonijiet iffokati b’10 prijoritajiet u, bħala parti mill-prijorità li tiżviluppa Suq Intern iktar profond u ġust b’bażi industrijali msaħħa, ħabbret li ser timplimenta qafas tal-UE għal titolizzazzjoni sempliċi, trasparenti u standardizzata. Fil-Pjan ta’ Investiment għall-Ewropa ppreżentat mill-Kummissjoni fis-26 ta’ Novembru 2014, il-ħolqien ta’ suq sostenibbli għat-titolizzazzjoni, mingħajr ma jiġu ripetuti l-iżbalji li saru qabel il-kriżi, ġie identifikat bħala wieħed mill-ħames oqsma fejn kien hemm bżonn li tittieħed azzjoni ta’ terminu qasir.
It-titolizzazzjoni tirreferi għal tranżazzjonijiet li jippermettu lil mutwanti jew oriġinatur ieħor tal-assi – normalment istituzzjoni ta’ kreditu – sabiex jirrifinanzja sett ta’ self jew assi (eż. ipoteki, kirjiet ta’ karozzi, self lill-konsumatur, karti tal-kreditu) billi jikkonvertihom f’titoli. Il-mutwanti jew l-oriġinatur jorganizza portafoll tas-self tiegħu f’kategoriji ta’ riskju differenti, imfassal skont ir-riskji/gwadanji li jixtiequ l-investituri. Ir-redditi għall-investituri huma ġġenerati mill-flussi tal-flus tas-self sottostanti. Dawn is-swieq mhumiex immirati lejn l-investituri fil-livell tal-konsum.
It-titolizzazzjoni hija element importanti ta’ swieq ta’ kapital li jaħdmu kif suppost. Titolizzazzjoni strutturata tajjeb tista’ tkun mezz importanti sabiex jiġu diversifikati s-sorsi ta’ finanzjament u sabiex ir-riskju jiġi allokat b’effiċjenza ikbar fi ħdan is-sistema finanzjarja tal-UE. Tippermetti għal distribuzzjoni iktar mifruxa tar-riskju fis-settur finanzjarju u tista’ tgħin sabiex il-karti bilanċjali tal-istituzzjonijiet ta’ kreditu jkollhom iktar lok fejn jistgħu jkomplu jisilfu lill-ekonomija. B’mod ġenerali, tista’ ttejjeb l-effiċjenzi fis-sistema finanzjarja u tipprovdi opportunitajiet ikbar ta’ investiment. It-titolizzazzjoni tista’ sservi ta’ pont bejn l-istituzzjonijiet ta’ kreditu u s-swieq kapitali b’benefiċċju indirett għan-negozji u ċ-ċittadini (permezz ta’, pereżempju, self u ipoteki għall-finanzjament tan-negozji li jiġu jiswuhom inqas u karti ta’ kreditu) u tipprovdi lill-investituri potenzjali bl-iskopertura għall-klassijiet ta’ assi diżakkoppjati mir-riskju ta’ kreditu tal-oriġinatur.
Wara l-kriżi subprime tal-Istati Uniti fl-2007-08, l-awtoritajiet pubbliċi ħadu għadd ta’ miżuri biex irendu t-tranżazzjonijiet ta’ titolizzazzjoni iktar sikuri u sempliċi, u sabiex jiżguraw li jkun hemm fis-seħħ l-inċentivi xierqa li jikkontrollaw ir-riskju – anki permezz ta’ rekwiżiti kapitali ogħla, rekwiżiti tad-diliġenza dovuta u tal-kondotta tal-operazzjonijiet kif ukoll rekwiżiti obbligatorji ta’ ritensjoni tar-riskju sabiex jiżguraw li l-prodotti titolizzati ma jinħolqux biss sabiex jiġu distribwiti lill-investituri, kif spiss kien isir sakemm faqqgħet il-kriżi finanzjarja tal-2008 (l-hekk imsejjaħ mudell “oriġina u ddistribwixxi”). Dawn ir-riformi kienu neċessarji biex jiġi żgurat li tinżamm l-istabbiltà finanzjarja. Bħala riżultat ta’ dawn ir-riformi, issa t-titolizzazzjonijiet kollha fl-UE huma rregolati strettament.
Mindu bdiet il-kriżi finanzjarja, is-swieq ta’ titolizzazzjoni Ewropej baqgħu batuti. Dan jidher jikkuntrasta mas-swieq fl-Istati Uniti li rkupraw. Dan minkejja l-fatt li, għall-kuntrarju tal-Istati Uniti, is-swieq ta’ titolizzazzjoni tal-UE felħu għall-kriżi b’mod relattivament tajjeb, tant li t-telf realizzat fuq l-istrumenti oriġinati fl-UE baqa’ baxx ħafna meta mqabbel mal-Istati Uniti. Pereżempju, l-istrumenti ta’ titolizzazzjoni tal-Istati Uniti klassifikati AAA garantiti b’ipoteki residenzjali (residential mortgage-backed security, RMBS) laħqu rati ta’ inadempjenza ta’ 16 % (subprime) u 3 % (primi). Għall-kuntrarju, ir-rati ta’ inadempjenza tal-RMBS tal-UE qatt ma telgħu għal iktar minn 0,1 %. Id-diverġenza hija saħansitra ikbar għall-prodotti klassifikati BBB li fihom ir-rati ta’ inadempjenza tal-RMBS tal-Istati Uniti laħqu massimu ta’ 62 % u 46 % (subprime u primi, rispettivament) filwaqt li r-rati ta’ inadempjenza tal-prodotti tal-UE laħqu massimu ta’ 0,2 %.
Filwaqt li s-swieq ta’ titolizzazzjoni fl-Istati Uniti għandhom karatteristiċi differenti minn dawk fl-UE u s-swieq kostitwenti nazzjonali individwali, li kull wieħed minnhom għandu livelli ta’ frammentazzjoni u effiċjenza li jvarjaw, tal-inqas parti mill-irkupru aqwa tagħhom hija dovuta għar-rwol ta’ sponsorizzazzjoni pubblika. Kważi 80 % tal-istrumenti ta’ titolizzazzjoni fl-Istati Uniti jibbenefikaw minn garanziji pubbliċi mingħand Impriżi Sponsorjati mill-Gvern tal-Istati Uniti (eż. Fannie Mae u Freddy Mac). Għaldaqstant, banek li jinvestu f’dawn il-prodotti jibbenefikaw ukoll minn allokazzjonijiet inqas ta’ kapital skont ir-reġim regolatorju tal-Istati Uniti.
Din il-proposta hija bbażata fuq dak li ġie implimentat fl-UE sabiex jiġu indirizzati r-riskji inerenti f’titolizzazzjoni tassew kumplessa, opaka u riskjuża. L-enfasi fuq divrenzjar aħjar u l-iżvilupp ta’ titolizzazzjoni trasparenti, sempliċi u standardizzata hija l-pass naturali li jmiss sabiex jinbena suq sostenibbli tal-UE għat-titolizzazzjoni, li jsostni kemm l-investiment fl-UE kif ukoll l-immaniġġjar xieraq tar-riskji. B’hekk, din il-proposta għandha l-għan li:
(1)tagħti ħajja ġdida lis-swieq fuq bażi iktar sostenibbli, b’tali mod li titolizzazzjoni sempliċi, trasparenti u standardizzata tkun tista’ taġixxi bħala mezz ta’ finanzjament effettiv lill-ekonomija;
(2)tippermetti trasferimenti effiċjenti u effettivi tar-riskju lil sett wiesa’ ta’ investituri istituzzjonali kif ukoll lill-banek;
(3)tippermetti li t-titolizzazzjoni taħdem bħala mekkaniżmu ta’ finanzjament effettiv għal xi investituri fit-tul kif ukoll għall-banek;
(4)tipproteġi lill-investituri u timmaniġġja r-riskju sistemiku billi tevita r-rikorrenza tal-mudelli difettużi “oriġina u ddistribwixxi”.
F’termini ta’ bini ta’ suq għal titotlizzazzjoni sempliċi, trasparenti u standardizzata, l-ewwel pass huwa li jiġu identifikati strumenti solidi bbażati fuq kriterji ta’ eliġibbiltà ċari. It-tieni pass huwa li jiġi rranġat il-qafas regolatorju sabiex ikun jista’ jittieħed approċċ iktar sensittiv għar-riskji.
Ma hemm ebda intenzjoni li jitreġġa’ lura dak li ġie implimentat fl-UE sabiex jiġu indirizzati r-riskji inerenti f’titolizzazzjoni ferm kumplessa, opaka u riskjuża. Madankollu, din il-proposta ser tgħin sabiex il-prodotti sempliċi, trasparenti u standardizzati jingħarfu aħjar. Dan il-qafas għandu jipprovdi kunfidenza lill-investituri u standard għoli għall-UE, sabiex jgħin lill-partijiet fl-evalwazzjoni tar-riskji marbutin mat-titolizzazzjoni (kemm fi ħdan il-prodotti kif ukoll bejniethom). Madankollu, qafas ġdid tal-UE ma jiħux post il-bżonn li l-investituri jwettqu d-diliġenza dovuta dettaljata tagħhom. Lanqas ma jikkontrolla r-riskju ta’ kreditu fis-self titolizzat – l-investituri għandhom għad-dispożizzjoni l-firxa sħiħa ta’ possibbiltajiet ta’ investiment adattati għall-preferenzi ta’ riskji u gwadanji tagħhom. Il-kunċett ta’ “sempliċi, trasparenti u standardizzat” (STS) jirreferi għall-proċess li bih tiġi strutturata t-titolizzazzjoni u mhux il-kwalità kreditizja sottostanti tal-assi involuti. Għalhekk dan ma jfissirx li ċerti titolizzazzjonijiet mhux STS, pereżempju dawk li jimplikaw strutturi inqas sempliċi, ma jkunux jistgħu jiġu fformati minn esponimenti sottostanti b’karatteristiċi tal-kwalità kreditizja xierqa.
Fil-konklużjonijiet tiegħu wara l-laqgħa tal-25 u s-26 ta’ Ġunju 2015, il-Kunsill Ewropew iddikjara li t-titolizzazzjoni tista’ tipprovdi mekkaniżmu effettiv biex ir-riskju jiġi ttrasferit minn istituzzjonijiet ta’ kreditu għal istituzzjonijiet mhux ta’ kreditu, u b’hekk tiżdied il-kapaċità tal-istituzzjonijiet ta' kreditu li jisilfu, iżda anki sabiex il-finanzjament tal-istituzzjonijiet mhux ta’ kreditu jiġi allokat lejn il-kapital operatorju tal-kumpaniji. Il-Kunsill Ewropew sejjaħ lill-Kummissjoni sabiex tipproponi qafas għat-titolizzazzjoni STS, billi tibni fuq il-bosta inizjattivi kurrenti fil-livell Ewropew u dak internazzjonali, bħala prijorità sa mhux iktar tard minn tmiem l-2015.
Fir-Riżoluzzjoni tiegħu ta’ Lulju 2015 dwar is-CMU tal-ekonomija Ewropea, il-Parlament Ewropew osserva li l-iżvilupp ta’ titolizzazzjoni sempliċi, trasparenti u standardizzata għandu jiġi sfruttat aħjar u laqa’ l-inizjattiva sabiex jiġi stabbilit suq tat-titolizzazzjonijiet sostenibbli u trasparenti bl-iżvilupp ta’ qafas regolatorju speċifiku b’definizzjoni uniformi ta’ titolizzazzjoni ta’ kwalità għolja, flimkien ma’ metodi effettivi għall-monitoraġġ, il-kejl u l-immaniġġjar tar-riskju. Dan ir-Regolament propost jagħmel distinzjoni bejn id-dispożizzjonijiet applikabbli għal titolizzazzjonijiet STS u dawk applikabbli għal titolizzazzjonijiet STS u mhux STS.
Konsistenza mad-dispożizzjonijiet eżistenti fil-qasam ta’ politika
Bħalissa, il-qafas għat-titolizzazzjoni fl-UE huwa stabbilit minn numru kbir ta’ atti legali tal-UE. Dawn jinkludu r-Regolament dwar ir-Rekwiżiti ta’ Kapital għall-banek, id-Direttiva Solvibbiltà II għall-kumpaniji tal-assigurazzjoni, u d-Direttivi dwar l-UCITS u l-AIFMD għall-maniġers tal-assi. Id-dispożizzjonijiet legali, b’mod partikolari dwar id-divulgazzjoni ta’ informazzjoni u t-trasparenza, huma stabbiliti wkoll fir-Regolament dwar l-Aġenziji ta’ Klassifikazzjoni ta’ Kreditu (CRAIII) u fid-Direttiva dwar il-Prospett. Hemm ukoll elementi marbutin mat-trattament prudenzjali tat-titolizzazzjoni fil-proposti leġiżlattivi tal-Kummissjoni li bħalissa qed jiġu nnegozjati (Riforma Strutturali tal-Banek u Fondi tas-Swieq Monetarji).
Id-dispożizzjonijiet huma inklużi fl-atti delegati wkoll. L-UE diġà ħadet passi sabiex toħloq trattament regolatorju differenzjat f’żewġ atti delegati li jkopru r-rekwiżiti prudenzjali għall-kumpaniji tal-assigurazzjoni (skont id-Direttiva Solvibbiltà II), u l-likwidità tal-istituzzjonijiet ta’ kreditu (permezz tar-Regolament dwar il-Proporzjon tal-Kopertura tal-Likwidità). Dan l-approċċ jgħin sabiex jagħmel distinzjoni bejn il-prodotti sempliċi, trasparenti u standardizzati minn dawk li huma iktar opaki u kumplessi. Dan jista’ jrendi ċerti titolizzazzjonijiet iktar attraenti billi jnaqqas l-ostakli għall-proċess ta’ titolizzazzjoni u billi jtejjeb il-likwidità u l-fond tas-suq. Madankollu, dan id-divrenzjar ma jiħux post il-bżonn tad-diliġenza dovuta tal-investituri. L-adozzjoni ta’ dawn l-atti delegati fl-2014 kienet it-teħid ta’ passi preliminari li issa jridu jiġu komplimentati b’azzjoni ulterjuri, permezz tal-bini fuq il-firxa ta’ inizjattivi tal-UE u internazzjonali favur il-konverġenza ta’ standards regolatorji.
Dan l-aħħar, għadd ta’ awtoritajiet pubbliċi internazzjonali u Ewropej iddedikaw ammont sostanzjali ta’ xogħol fuq il-politika dwar it-titolizzazzjoni. Din il-proposta tibni fuq dawk l-inizjattivi.
Fil-livell globali, il-Kumitat ta’ Basel dwar is-Superviżjoni Bankarja (Basel Committee on Banking Supervision, BCBS) u l-Organizzazzjoni Internazzjonali tal-Kummissjonijiet tat-Titoli (International Organisation of Securities Commissions, IOSCO) kienu qed imexxu bejniethom Task Force transettorjali fuq ix-xkiel għat-titolizzazzjoni. Il-kompitu ewlieni tiegħu kien li jiżviluppa kriterji li jidentifikaw strumenti ta’ titolizzazzjoni sempliċi, trasparenti u paragunabbli. Il-grupp ħareġ sett ta’ kriterji globali fit-23 ta’ Lulju 2015.
F’Diċembru 2014, il-BCBS ippubblika standards riveduti marbutin mat-trattament ta’ kapital tal-banek li jinvesti fit-titolizzazzjoni. Fix-xhur li ġejjin, il-Kumitat ser jikkunsidra wkoll jekk jinkorporax il-kriterji li qed tiżviluppa t-Task Force BCBS-IOSCO għat-titolizzazzjoni sempliċi u trasparenti fil-qafas ta’ kapital ta’ titolizzazzjoni u, jekk iva, kif jinkorporahom.
Fil-livell tal-UE, b'reazzjoni għall-irkupru bil-mod tas-swieq ta’ titolizzazzjoni, hemm għadd ta’ awtoritajiet pubbliċi li qed jixtarru din il-kwistjoni. Pereżempju, il-Bank Ċentrali Ewropew (BĊE) u l-Bank of England (BoE) nedew konsultazzjoni pubblika f’Mejju 2014 fuq il-każ għal suq tat-titolizzazzjonijiet li jaħdem aħjar fl-Unjoni Ewropea.
Wara talba mingħand il-Kummissjoni f’Jannar 2014, fis-7 ta’ Lulju 2015 l-Awtorità Bankarja Ewropea (EBA) iffinalizzat parir għall-Kummissjoni dwar qafas għall-kwalifikazzjoni ta’ titolizzazzjoni. Dan jipproponi kriterji għad-definizzjoni ta’ tranżazzjonijiet ta’ titolizzazzjoni sempliċi, standard u trasparenti inkluż sett speċifiku ta’ elementi għal titolizzazzjonijiet għal terminu qasir, veikolu ta’ karti kummerċjali garantiti b'assi (asset-backed commercial paper, ABCP). L-EBA ssuġġeriet ukoll trattament prudenzjali sensittivi għar-riskju għal strumenti ta’ titolizzazzjoni fit-tul, kif ukoll għall-ABCP li jaġġusta l-allokazzjonijiet ta’ kapital proposti fil-qafas ta’ titolizzazzjoni ta’ Basel 2014 sabiex jiġi rikonoxxut is-sogru relattivament inqas tat-titolizzazzjoni STS, filwaqt li jinżamm il-kapital regolatorju fi ħdan il-perimetru ta’ sovraimposta prudenzjali.
Finalment, il-Kumitat Konġunt tal-Awtoritajiet Superviżorji Ewropej ħares lejn il-qafas eżistenti tal-UE fir-rigward tar-rekwiżiti u l-obbligi ta’ divulgazzjoni marbutin mad-diliġenza dovuta, ir-rapportar superviżorju u r-ritensjoni tar-riskju. Il-Kumitat Konġunt eżamina wkoll l-inkonsistenzi possibbli fil-qafas attwali. Fit-12 ta’ Mejju 2015 ġie ppubblikat rapport dettaljat.
Konsistenza ma’ politiki oħra tal-Unjoni
Ir-Regolament propost dwar it-Titolizzazzjoni jappoġġja l-Pjan ta’ Investiment għall-Ewropa propost mill-Kummissjoni fl-2014 u li jindirizza l-ostakli ewlenin għall-investiment. Dan l-approċċ il-ġdid jindirizza wkoll in-nuqqas attwali ta’ finanzjament tal-ekonomija reali fl-UE.
Din l-inizjattiva hija parti mill-pjan ta’ azzjoni tas-CMU adottat mill-Kummissjoni Ewropea llum. Is-CMU hija waħda mill-prijoritajiet tal-Kummissjoni sabiex jiġi żgurat li s-sistema finanzjarja ssostni l-impjiegi u t-tkabbir u tgħin fl-isfidi demografiċi li taffaċċja l-Ewropa. Għandha l-għan li torbot aħjar l-iffrankar mat-tkabbir u tipprovdi għażliet aħjar u redditi ikbar għal min ifaddal u għall-investituri. Għandha l-għan li toffri lin-negozji għażliet ikbar ta’ finanzjament fi stadji differenti tal-iżvilupp tagħhom u talloka l-investiment għal fejn jista’ jintuża bl-iktar mod produttiv, sabiex jiżdiedu l-opportuntiajiet għall-kumpaniji u l-proġetti infrastrutturali Ewropej.
Il-Kummissjoni ppubblikat Green Paper dwar il-Bini tas-CMU bil-konsulenza miftuħa bejn it-18 ta’ Frar u t-13 ta’ Mejju 2015. Ir-rispons tal-parti l-kbira ta’ dawk li wieġbu tikkonferma l-oqsma identifikati fil-Green Paper għat-tisħiħ tas-swieq tal-kapital Ewropej. L-iżvilupp ta’ qafas tal-UE għall-promozzjoni ta’ titolizzazzjoni sempliċi u trasparenti ġie approvat mill-partijiet interessati wkoll u ġew diskussi fehmiet dettaljati bħala parti minn konsultazzjoni separata.
Minbarra l-Pjan ta’ Investiment għall-Ewropa u l-inizjattivi regolatorji finanzjarji, bosta istituzzjonijiet u korpi tal-UE ħadu inizjattivi sabiex jagħtu ħajja ġdida lis-swieq ta’ titolizzazzjoni u jżidu l-kunfidenza minn perspettiva ta’ funzjonament tas-suq. Il-Kummissjoni, b’rabta mal-Bank Ewropew tal-Investiment u l-Fond Ewropew tal-Investiment, qed taħdem biex tiffinanzja lill-SMEs, pereżempju bil-programm COSME u l-inizjattivi konġunti bejn il-Kummissjoni u l-BEI permezz tal-użu ta’ veikoli ta’ titolizzazzjoni.
Fit-tieni nofs tal-2014, il-BĊE nieda Programm ta’ Xiri ta’ Titoli Garantiti b’Assi (Asset-Backed Securities Purchase, ABSPP) li għandu l-għan li jkompli jsaħħaħ it-trażmissjoni tal-politika monetarja. Flimkien ma' miżuri monetarji oħrajn (Operazzjonijiet Immirati ta' Rifinanzjament ta' Terminu Itwal (Targeted Longer-Term Refinancing Operations, TLTRO), Programm ta' Xiri ta' Bonds Koperti (Covered Bond Purchasing Programme, CBPP)), il-Programm ta' Xiri tas-Settur Pubbliku (Public Sector Purchase Programme, PSPP) beħsiebu jiffaċilita d-dispożizzjoni tal-kreditu għall-ekonomija taż-żona tal-euro. Id-dettalji operazzjonali tal-programm, adottat fit-2 ta' Ottubru 2014, stabbilixxa liema ABS jista' jixtri l-BĊE. Il-kriterji jirriflettu prinċipalment il-qafas kollaterali eżistenti tal-BĊE għall-operazzjonijiet ta' rifinanzjament. Huma ġeneralment konsistenti mal-kriterji attwali tal-atti delegati tal-Kummissjoni, u ma' din il-proposta.
2.BAŻI ĠURIDIKA, SUSSIDJARJETÀ U PROPORZJONALITÀ
Bażi ġuridika
Din il-proposta hija bbażata fuq l-Artikolu114 tat-Trattat dwar il-Funzjonament tal-Unjoni Ewropea (TFUE) li huwa l-bażi ġuridika għal miżuri għall-approssimazzjoni ta’ dispożizzjonijiet stabbiliti bil-liġi, b’regolament jew b’azzjoni amministrattiva fi Stati Membri fejn bħala l-objettiv tagħhom għandhom l-istabbiliment u l-funzjonament tas-suq intern.
Din il-bażi ġuridika ntużat mil-leġiżlatur ukoll għall-adozzjoni tar-Regolament ta’ Rekwiżiti ta’ Kapital (Capital Requirements Regulation, CRR) (ir-Regolament (UE) Nru 575/2013), ir-Regolament dwar l-Aġenziji ta’ Klassifikazzjoni tal-Kreditu (CRAIII) (ir-Regolament (UE) Nru 1060/2009), u r-Regolament (UE) Nru 648/2012 (dwar id-derivattivi OTC, il-kontropartijiet ċentrali u r-repożitorju tat-tranżazzjonijiet), li d-dispożizzjonijiet tagħhom huma inklużi f’dan ir-Regolament jew emendati minnu.
Din il-proposta temenda wkoll ċerti dispożizzjonijiet tad-Direttiva Solvibbiltà II u tirrevoka d-dispożizzjonijiet tad-Direttivi dwar l-UCITS u l-AIFM. Dawn id-Direttivi huma bbażati fuq l-Artikolu 53 flimkien mal-Artikolu 62 tat-Trattat. Għad li l-bażi ġuridika ta’ dawn id-dispożizzjonijiet mhijiex l-Artikolu 114 tat-Trattat għal din il-proposta, li kieku d-dispożizzjonijiet inkwistjoni ġew adottati separati minn din id-Direttiva, il-bażi ġuridika tagħhom kienet tkun l-Artikolu 114 TFUE. L-objettiv ewlieni tagħhom huwa l-istabbiliment u t-tħaddim tas-suq intern, b’mod partikolari billi jiġu żgurati kondizzjonijiet ekwivalenti ta’ kompetizzjoni fis-suq intern għall-investituri u l-emittenti li jindirizzaw it-titolizzazzjoni.
Sussidjarjetà (għal kompetenza mhux esklużiva)
L-objettiv ta’ din il-proposta huwa li tagħti nifs ġdid lil suq sostenibbli tat-titolizzazzjoni li ser itejjeb il-finanzjament tal-ekonomija tal-UE, filwaqt li jiżgura stabbiltà finanzjarja u protezzjoni lill-investituri. Biex isir hekk, il-proposta għandha l-għan li tipprovdi pjattaforma regolatorja li fuqha tista’ tinbena l-kunfidenza tal-investituri, sabiex jinħolqu konsistenza u standardizzazzjoni ikbar fis-suq u li timplimenta qafas regolatorju iktar sensittiv għar-riskji (bl-emenda tas-CRR u l-att delegat Solvibbiltà II).
Il-prodotti ta’ titolizzazzjoni huma parti mis-swieq finanzjarji tal-UE li huma miftuħin u integrati. It-titolizzazzjoni tgħaqqad l-istituzzjonijiet finanzjarji minn Stati Membri differenti u Stati li mhumiex Membri: spiss il-banek joriġinaw self li huwa titolizzat, filwaqt li l-istituzzjonijiet bħall-kumpaniji tal-assigurazzjoni u l-fondi ta’ investiment jinvestu f’dawn il-prodotti u jagħmlu hekk madwar l-Ewropa kollha, iżda anki fuq livell globali. Għalhekk, is-suq tat-titolizzazzjonijiet huwa internazzjonali fl-għamla tiegħu.
L-Istati Membri waħedhom ma jistgħux jieħdu azzjoni suffiċjenti biex jerġgħu jagħtu ħajja lis-swieq ta’ titolizzazzjoni. L-UE rrakkomandat standards f’livell internazzjonali li jidentifikaw titolizzazzjoni sempliċi, trasparenti u standardizzata (STS). It-tali standards ser jgħinu lill-investituri sabiex jidentifikaw kategoriji ta’ titolizzazzjonijiet li r-riskji sottostanti tagħhom jistgħu jiġu analizzati b’mod iktar faċli u trasparenti.
L-implimentazzjoni ta’ dawn l-istandards internazzjonali mill-Istati Membri tista’ twassal għal approċċi diverġenti, il-ħolqien ta’ ostaklu de facto għall-investituri transfruntiera u xxekkel il-kunfidenza tal-investituri fl-istandard STS. Barra minn hekk, qafas prudenzjali iktar sensittiv għar-riskji għat-titolizzazzjoni STS jirrekjedi li l-UE tiddefinixxi x’inhi titolizzazzjoni STS, peress li nkella jista’ jingħata trattament regolatorju iktar sensittiv għar-riskji għall-banek u l-kumpaniji tal-assigurazzjoni lil tipi differenti ta’ titolizzazzjonijiet fi Stati Membri differenti. Dan iwassal għal kundizzjonijiet ekwi u għal arbitraġġ regolatorju. Fir-rigward tan-nuqqas ta’ konsistenza u standardizzazzjoni, il-liġi tal-UE diġà armonizzat għadd ta’ elementi dwar it-titolizzazzjoni, b’mod partikolari d-definizzjonijiet, ir-regoli dwar id-divulgazzjoni, id-diliġenza dovuta, ir-ritnesjoni tar-riskju u t-trattament prudenzjali għal entitajiet irregolati li jinvestu f’dawn il-prodotti. Dawn id-dispożizzjonijiet ġew żviluppati fil-qafas ta’ atti legali differenti (is-CRR, is-Solvibbiltà II, l-UCITS, ir-Regolament dwar is-CRA u l-AIFMD) li wasslu għal ċerti diskrepanzi fir-rekwiżiti li japplikaw għal investituri differenti. Iż-żieda tal-konsistenza tagħhom u standardizzazzjoni ikbar ta’ dawn id-dispożizzjonijiet jistgħu jinkisbu biss fil-livell tal-Unjoni.
L-azzjoni tibgħat messaġġ ċar u konsistenti fi ħdan l-UE li ċerti titolizzazzjonijiet marru tajjeb anki matul il-kriżi finanzjarja, li jistgħu jkunu investimenti siewja għal tipi differenti ta’ investituri professjonali li għandhom jitneħħewlhom l-ostakli regolatorji (nuqqas ta’ trattament prudenzjali xieraq, trattament inkonsistenti bejn is-setturi finanzjarji). L-azzjoni fil-livell nazzjonali ma tistax toħloq b’mod effettiv trattament iktar sensittiv għar-riskji għat-titolizzazzjonijiet, peress li t-trattament prudenzjali diġà huwa stabbilit fil-liġi tal-UE, u lanqas ma tista’ tiżgura konsistenza u standardizzazzjoni ta’ dawk id-dispożizzjonijiet li bħalissa huma koperti minn atti legali differenti tal-UE bħal dawk dwar id-divulgazzjoni, id-diliġenza dovuta u r-ritensjoni tar-riskju.
Proporzjonalità
L-għażliet politiċi li ntgħażlu huma l-introduzzjoni ta’ kriterji għat-titolizzazzjoni STS li japplikaw għal titolizzazzjoni fit-tul u fuq terminu qasir (inkluż ABCP). Ir-responsabbiltà għall-iżgurar tal-konformità ma' dawn il-kriterji taqa' primarjament fuq l-oriġinaturi u l-isponsors li għandhom jiżguraw li titolizzazzjoni STS tissodisfa l-kriterji STS innotifikati lill-ESMA. L-investituri għandhom iwettqu d-diliġenza dovuta qabel ma jinvestu fit-titolizzazzjoni STS, jiddependu kemm xieraq fuq it-titolizzazzjoni STS u fuq l-informazzjoni divulgata mill-oriġinatur, mill-isponsor u mill-Entità bi Skop Speċjali tat-Titolizzazzjoni (Securitisation Special Purpose Entity, SSPE). L-approċċ huwa msaħħaħ permezz ta’ sorveljanza superviżorja, koordinazzjoni superviżorja tal-fruntiera u mekkaniżmu ta’ sanzjonar. Il-qafas tal-UE ser jipprovdi regoli dwar it-trasparenza, id-diliġenza dovuta u regoli dwar ir-ritensjoni tar-riskju.
Fl-istess ħin, il-parteċipanti fis-suq mhumiex obbligati joħorġu u jinvestu f’titolizzazzjonijiet STS: l-oriġinaturi xorta jistgħu joħolqu titolizzazzjonijiet mhux STS jew titolizzazzjonijiet iktar sempliċi, trasparenti u standardizzati minn dak li jeħtieġu l-kriterji STS. L-abbozzar tal-kriterji STS għandu l-għan li jallinjahom mal-kriterji eżistenti fil-Proporzjon tal-Kopertura tal-Likwidità (Liquidity Coverage Ratio, LCR) u l-atti delegati Solvibbiltà II u dak tal-BCBS/IOSCO u l-EBA.
Fir-rigward tal-konformità mar-rekwiżiti STS, l-iktar mekkaniżmu xieraq identifikat huwa li jiġi żgurat li r-responsabbiltà tkun tal-oriġinaturi u tal-investituri, li mbagħad ikun hemm fuqhom sorveljanza superviżorja. Dawn tal-aħħar huma kapaċi jagħmlu monitoraġġ tal-iżviluppi tas-suq u jaraw li tranżazzjoni tissodisfa r-rekwiżiti STS kollha u jimponu sanzjonijiet, meta jkun hemm bżonn. Minn naħa, il-kriżi finanzjarja wriet li, fl-imgħoddi, l-investituri qagħdu ħafna fuq partijiet terzi, bħal aġenziji ta’ klassifikazzjoni tal-kreditu. Din id-dipendenza żejda fuq partijiet terzi dgħajfet id-diliġenza dovuta li kellhom jagħmlu l-investituri. Parzjalment, din kienet konsegwenza tar-referenza regolatorja lil partijiet terzi (“hardwiring”), li għalhekk ta’ min jevitaha. F’din il-proposta, għad li l-partijiet terzi xorta waħda jista’ jkollhom rwol importanti fuq bażi volontarja, l-oneru tad-diliġenza dovuta jibqa’ fuq l-oriġinaturi u l-investituri. Min-naħa l-oħra, involviment regolatorju ex ante tas-superviżuri li jiddikjara li titolizzazzjoni tissodisfa r-rekwiżiti STS jaqleb ir-responsabbiltà fuq l-awtoritajiet pubbliċi u dan iwassal għal riksji minn perikli morali, filwaqt li l-oriġinaturi, l-isponsors u l-SSPEs għandhom jieħdu r-responsabbiltà.
Finalment, il-qafas ta’ titolizzazzjoni tal-UE huwa abbozzat fejn relevanti skont id-definizzjonijiet u d-dispożizzjonijiet eżistenti fil-liġi tal-Unjoni dwar id-divulgazzjoni, id-diliġenza dovuta u r-ritensjoni tar-riskju. Dan ser jiżgura li s-suq ikompli jaħdem fuq il-bażi tal-qafas legali eżistenti fejn dak il-qafas mhuwiex emendat, b’tali mod li ma jżidx l-ispejjeż għalxejn jew joħloq tfixkil regolatorju. Ser ikompli jiżgura wkoll protezzjoni tal-investituri, stabbiltà finanzjarja, filwaqt li jikkontribwixxi bl-iktar mod possibbli għall-finanzjament tal-ekonomija tal-UE. Fejn kien hemm bżonn sabiex jinħoloq qafas armonizzat tal-UE, saru xi bidliet meħtieġa.
L-armonizzazzjoni tal-qafas legali eżistenti fil-livell tal-UE waħedha ma tistax tistandardizza l-proċessi u l-prattiki kollha fis-swieq ta’ titolizzazzjoni. Għalhekk, il-proposta ssejjaħ sabiex il-parteċipanti fis-suq jaħdmu fuq standardizzazzjoni ulterjuri tal-prattiki tas-suq. Pereżempju, il-konsultazzjoni pubblika sabet li iktar standardizzazzjoni tad-dokumenti tat-titolizzazzjonijiet mill-parteċipanti fis-suq stess, kif pereżempju għamlet l-Assoċjazzjoni tan-Netherlands għat-Titolizzazzjoni (Dutch Securitisation Association, DSA), hija promettenti. Dan l-approċċ jista’ jiġi estiż għal Stati Membri u klassijiet ta’ assi oħrajn sabiex ikomplu jiġu standardizzati l-prattiki ta’ titolizzazzjoni u b’hekk jonqsu l-ispejjeż għall-parteċipanti kollha fis-suq kif ukoll jiffaċilita l-investimenti fit-titolizzazzjonijiet. Il-Kummissjoni ssejjaħ lill-parteċipanti fis-suq u lill-assoċjazzjonijiet professjonali tagħhom sabiex jibdew jaħdmu fuq iktar standardizzazzjoni u ser tissorvelja u tagħti assistenza, fejn ikun hemm bżonn.
Il-proporzjonalità tkompli tiġi diskussa fil-Valutazzjoni tal-impatt, b’mod partikolari fit-Taqsima 4.4.
Għażla tal-istrument
Din il-proposta għandha l-għan li toħloq suq sostenibbli għat-titolizzazzjoni STS. Għal dan il-għan, il-proposta tistipula l-kriterji li jridu jiġu ssodisfati bit-titolizzazzjonijiet u tipprovdi l-qafas superviżorju meħtieġ u tiġbor flimkien id-dispożizzjonijiet eżistenti fil-liġi tal-UE dwar it-titolizzazzjoni marbutin mar-ritensjoni tar-riskju, id-divulgazzjoni u d-diliġenza dovuta.
Il-kriterji STS għandhom ikunu l-istess madwar l-UE. Il-kriterji paragunabbli b’ambitu iktar limitat bħalissa huma implimentati biż-żewġ regolamenti delegati adottati mill-Kummissjoni (l-atti delegati tal-LCR u Solvibbiltà II). Barra minn hekk, ir-regoli sostanzjali dwar id-divulgazzjoni, ir-ritensjoni tar-riskju u d-diliġenza dovuta huma stabbiliti f’għadd ta’ regolamenti differenti tal-UE (is-CRR, l-att delegat ta’ Solvibbiltà II, ir-Regolament Delegat dwar is-CRA u r-Regolament delegat dwar l-AIFM).
L-Artikolu 114(1) TFUE jipprovdi l-bażi ġuridika għal Regolament li joħloq dispożizzjonijiet uniformi li għandhom l-għan li jtejbu l-funzjonament tas-suq intern. Il-kriterji għat-titolizzazzjoni STS u l-armonizzazzjoni tad-dispożizzjonijiet eżistenti fil-liġi tal-UE dwar it-titolizzazzjoni marbutin mar-ritensjoni tar-riskju, id-divulgazzjoni u d-diliġenza dovuta ser ikunu l-bażi tat-tħaddim tajjeb u sikur tas-suq intern. Direttiva ma tiksibx l-istess riżultati, peress li l-implimentazzjoni ta’ Direttiva tista’ twassal għal miżuri diverġenti adottati f’livell nazzjonali, li jistgħu jwasslu għal tfixkil tal-kompetizzjoni u arbitraġġ regolatorju. Barra minn hekk, il-parti l-kbira tad-dispożizzjonijiet tal-UE li diġà huma fis-seħħ f’dan il-qasam ġew adottati fil-forma ta’ Regolamenti.
Il-ħolqien ta’ dan il-qafas legali jeħtieġ l-adozzjoni ta' għadd ta’ atti legali. L-ewwel nett, Regolament dwar it-Titolizzazzjoni li joħloq definizzjonijiet u regoli uniformi bejn is-setturi finanzjarji, li jarmonizza r-regoli dwar ir-ritensjoni tar-riskju, id-diliġenza dovuta u d-divulgazzjoni. L-istess regolament jistipula l-kriterji għat-titolizzazzjoni STS għas-setturi finanzjarji kollha, il-klassijiet ta’ assi eliġibbli u l-istrutturi ta’ tranżazzjoni kif ukoll il-parteċipanti fis-suq relevanti fis-swieq kollha. Dan ir-regolament għandu jirrevoka wkoll id-dispożizzjonijiet fil-leġiżlazzjoni settorjali li ser isiru superfluwi. It-tieni nett, huma proposti wkoll atti legali għal trattament prudenzjali iktar sensittiv għar-riskju tat-titolizzazzjoni għall-istituzzjonijiet ta’ kreditu. Għall-istituzzjonijiet ta’ kreditu, il-qafas prudenzjali attwali huwa stabbilit fis-CRR u għall-kumpaniji tal-assigurazzjoni fl-att delegat Solvibbiltà II. B’hekk għandha tiġi adottata proposta għall-emendar tas-CRR, filwaqt li għandu jiġi emendat l-att delegat Solvibbiltà II ukoll, ladarba il-qafas legali għat-titolizzazzjoni jkun adottat.
Fir-rigward tat-twaqqit ta’ dawn l-istrumenti, l-atti legali differenti jikkostitwixxu pakkett minsuġ waħdieni, peress li għat-titolizzazzjoni STS ser ikun hemm trattament prudenzjali mfassal b’mod speċifiku. B’hekk, importanti li l-Kummissjoni tipproduċi pakkett komprensiv li jkun fih l-elementi relevanti kollha.
Sabiex tiżgura li l-qafas regolatorju tal-assigurazzjoni għat-titolizzazzjoni jkun kompatibbli mal-kontenut ta’ dan ir-Regolament, hemm bżonn li jsiru għadd ta’ emendi fir-Regolament Delegat tal-Kummissjoni (UE) 2015/35 (att delegat Solvibbiltà II). L-ewwel nett, id-definizzjonijiet tiegħu rigward it-titolizzazzjoni jridu jiġu allinjati ma’ dawk f’din il-proposta. It-tieni nett, minħabba l-applikabbiltà diretta tar-rekwiżiti tar-ritensjoni tar-riskju u diliġenza dovuta f’din il-proposta għal Regolament, ir-rekwiżiti simili mir-Regolament Delegat ta’ Solvibbiltà II jistgħu jiġu revokati wara li tidħol fis-seħħ din il-proposta. Fl-aħħar nett, filwaqt li jitqies l-appoġġ ġenerali fil-konsultazzjoni pubblika dwar il-Green Paper dwar is-CMU li s-segmenti mhux superjuri tat-titolizzazzjoni STS għandhom jibbenefikaw huma wkoll minn allokazzjoni ta’ kapital adattata skont Solvibbiltà II, b’sensittività aħjar għar-riskju, il-Kummissjoni ser tiżviluppa kalibrar ġdid. Il-metodoloġija ssegwi approċċ taċ-ċar kristall ibbażat fuq l-allokazzjoni ta’ kapital għall-iskoperturi sottostanti, miżjud b’fattur ta’ nonnewtralità sabiex ikun kopert ir-riskju mudell tat-titolizzazzjoni. L-allokazzjonijiet ta’ kapital tal-iskoperturi sottostanti jkunu bbażati fuq il-kalibrazzjonijiet attwali fl-att delegat tal-Kummissjoni (UE) 2015/35 u l-fattur ta’ nuqqas ta' newtralità jkun allinjat mal-fatturi medji li jinsabu fil-pariri mogħtijin mill-EBA fis-7 ta’ Lulju 2015. Il-metodoloġija tirriżulta fi tnaqqis importanti fl-allokazzjoni ta’ kapital għal segmenti mhux superjuri tat-titolizzazzjoni STS. Ser isir anki titjib tekniku fil-metodoloġija ta’ kalkolu tal-kalibrazzjonijiet għas-segmenti superjuri. Dawn il-bidliet fil-kalibrazzjonijiet ser jieħdu l-forma ta’ emenda għall-att delegat tal-Kummissjoni (UE) 2015/35.
Il-Kummissjoni diġà għandha s-setgħa sabiex tadotta minn issa dawn il-bidliet fir-Regolament Delegat Solvibbiltà II. Madankollu, peress li l-kalibrazzjonijiet il-ġodda ser ikollhom jirreferu għal din il-proposta u b’mod partikolari r-rekwiżiti dwar is-STS, il-bidliet meħtieġa jistgħu jiġu adottati biss wara li tiġi adottata din il-proposta. Il-Kummissjoni għandha l-għan li tiżgura li l-kalibrazzjonijiet il-ġodda fis-setturi tal-assigurazzjoni u tal-ibbankjar jibdew japplikaw mill-istess data.
Fl-aħħar nett, din il-proposta ser tiġi segwita iktar tard minn proposta sabiex l-att delegat tal-LCR jiġi emendat sabiex jiġi allinjat ma’ dan ir-Regolament. B’mod partikolari, il-kriterji ta’ eliġibbiltà għat-titolizzazzjonijiet bħall-assi tal-Livell 2B fl-Artikolu 13 ta’ dak l-att delegat ser jiġu emendati sabiex isiru konsistenti mal-kriterji STS ġenerali kif stipulat f’dan ir-Regolament. Għalissa mhumiex proposti emendi ta’ dawn l-atti delegati. Isegwu proċedura differenti u jiddependu mill-eżitu tan-negozjati leġiżlattivi fuq dan il-pakkett.
3.RIŻULTATI TAL-KONSULTAZZJONIJIET MAL-PARTIJIET IKKONĊERNATI U L-VALUTAZZJONIJIET TAL-IMPATT
Konsultazzjoni mal-partijiet interessati
Bejn it-18 ta’ Frar u t-13 ta’ Mejju 2015 saret konsultazzjoni pubblika dwar qafas possibbli tal-UE għal titolizzazzjoni sempliċi, trasparenti u standardizzata. Daħlu 120 tweġiba. B’mod kumplessiv, il-konsultazzjoni indikat li l-prijorità għandha tkun li jiġi żviluppat qafas madwar l-UE għal titolizzazzjoni sempliċi, trasparenti u standardizzata (ara s-sommarju tat-tweġibiet fl-Anness 10 tal-Valutazzjoni tal-Impatt imsemmija hawn taħt).
Dawk li wieġbu ġeneralment qablu li trid tiġi rikonoxxuta l-prestazzjoni ferm iktar b’saħħitha tat-titolizzazzjonijiet tal-UE matul il-kriżi meta mqabbla ma’ dawk tal-Istati Uniti u li l-qafas regolatorju attwali jeħtieġ li jiġi modifikat. Dan jgħin l-irkupru tas-suq Ewropew tat-titolizzazzjonijiet b’mod sostenibbli biex b’hekk jipprovdi mezz addizzjonali ta’ finanzjament għall-ekonomija tal-UE filwaqt li jiżgura stabbiltà finanzjarja.
Ittieħed f’kunsiderazzjoni l-kontribut mingħand il-partijiet ikkonċernati. Għadd ta’ parteċipanti fis-suq esprimew preferenza li jiġu stabbiliti korpi privati li jaġixxu bħala “ċertifikaturi” jew “korpi ta’ kontroll” għat-titolizzazzjonijiet STS. Argumentaw li r-rikors obbligatorju għal partijiet esterni jista’ jikkontribwixxi sabiex tingħeleb l-istigma attwali marbuta mat-titolizzazzjonijiet u sabiex tinbena l-kunfidenza tal-investituri fit-titolizzazzjonijiet STS. L-involviment mhux obbligatorju ta’ partijiet terzi b’kompetenza fit-titolizzazzjoni STS sabiex jgħinu fil-verifika tal-konformità ta’ titolizzazzjoni mar-rekwiżiti dwar is-STS jista’ jgħin kemm lill-investituri kif ukoll lill-oriġinaturi sabiex jifformaw l-opinjoni tagħhom. Madankollu, kif saħqet il-maġġoranza tal-awtoritajiet superviżorji fil-konsultazzjoni pubblika, huwa essenzjali li l-investituri jkomplu jagħmlu l-valutazzjoni tagħhom stess peress li eventwalment ikunu responsabbli għad-deċiżjonijiet ta’ investiment tagħhom. Il-Kummissjoni temmen ukoll li t-trattament prudenzjali fl-ibbankjar u l-assigurazzjoni iktar ta' benefiċċju ser jagħti lill-investituri biżżejjed inċentivi sabiex jinvestu f’titolizzazzjonijiet STS.
Ġbir u użu ta’ għarfien espert
Il-Kummissjoni kisbet ideat siewja permezz tal-parteċipazzjoni tagħha fit-taħditiet u l-qsim tal-fehmiet li informaw it-task force konġunta BCBS-IOSCO dwar is-swieq ta’ titolizzazzjoni u permezz tal-involviment tagħha fix-xogħol tal-BCBS dwar ir-reviżjoni tat-trattament kapitali. Il-Kummissjoni segwiet ukoll il-ħidma marbuta mal-aspetti ewlenin tat-titolizzazzjoni mwettqa mill-Kumitat Konġunt tal-Awtoritajiet Superviżorji Ewropej (ASE) kif ukoll mill-membri tagħha b’mod separat (EBA, ESMA, EIOPA). Tliet konsultazzjonijiet pubbliċi, li saru fl-2014 mill-BĊE-BoE, il-BCBS-IOSCO u l-EBA rispettivament, ġabru informazzjoni siewja fuq x’jaħsbu l-partijiet interessati fuq is-swieq ta’ titolizzazzjoni. Fil-konsultazzjoni pubblika tagħha stess, il-Kummissjoni bniet fuqhom, b’enfasi fuq il-ġbir ta’ iktar dettalji fuq kwistjonijiet importanti. Il-Kummissjoni ltaqgħet ma’ awtoritajiet pubbliċi, banek ċentrali, rappreżentanti mis-settur privat u l-FMI. B’mod ġenerali, dawn il-konsultazzjonijiet f’livell internazzjonali jikkonfermaw il-fehmiet espressi fil-konsultazzjoni tal-Kummissjoni stess, u jipprovdu xi rispons addizzjonali fuq il-merti relevanti ta’ wħud mill-għażliet politiċi proposti.
Valutazzjoni tal-impatt
Għat-tħejjija ta’ din il-proposta, tħejjiet Valutazzjoni tal-Impatt li ġiet diskussa ma’ Grupp ta’ Tmexxija Interservizzi. Ir-rapport tal-Valutazzjoni tal-Impatt ġie ppreżentat lill-Bord tal-Iskrutinju Regolatorju fis-17 ta’ Ġunju 2015. Il-laqgħa tal-bord saret fil-15ta’ Lulju 2015. Il-Bord kellu opinjoni pożitiva u sejjaħ għal bidliet u kontribut addizzjonali fl-oqsma li ġejjin: l-istat attwali tas-suq tat-titolizzazzjonijiet fl-Istati Membri differenti u l-effetti probabbli tal-inizjattiva f’dan il-livell; deskrizzjoni tar-rabta bejn il-problemi identifikati u l-objettivi tal-inizjattiva kif ukoll il-miri tagħha li jistgħu jinkisbu b’mod realistiku; u ħarsa ġenerali lejn il-vantaġġi u l-iżvantaġġi fl-analiżi tal-impatt tal-għażliet. Dawn il-kwistjonijiet ġew indirizzati u inkorporati fil-verżjoni finali li hija disponibbli fuq is-sit web tal-Kummissjoni.Idoneità regolatorja u simplifikazzjoni
Din il-proposta tissimplifika u tarmonizza d-dispożizzjonijiet legali eżistenti li japplikaw għat-titolizzazzjonijiet. Mhuwiex faċli li jiġu pprovduti stimi affidabbli dwar il-finanzjament addizzjonali li tista’ ġġib magħha żieda fis-swieq tat-titolizzazzjoni peress li dan jiddependi minn firxa ta’ fatturi bħall-kundizzjonijiet makroekonomiċi u l-politika monetarja, id-domanda aggregata għall-kreditu, jew l-iżviluppi f’mezzi alternattivi ta’ finanzjament. Dawn kollha aktarx li jinbidlu maż-żmien, u jaffettwaw l-eżitu finali. Bħala eżempju, jekk is-suq tat-titolizzazzjonijiet jirritorna għal livelli medji tal-assigurazzjoni ta’ qabel il-kriżi u l-istituzzjonijiet ta’ kreditu jużaw ħruġ ġdid sabiex jipprovdu kreditu ġdid, dawn ikunu jistgħu jipprovdu ammont addizzjonali ta’ kreditu lis-settur privat li jvarja bejn EUR 100-150 biljun. Dan jirrappreżenta żieda ta’ 1,6 % fil-kreditu lill-kumpaniji u lill-unitajiet domestiċi fl-UE.
Dawn l-istrumenti finanzjarji mhumiex adattati għall-investituri fil-livell tal-konsum minħabba l-livell ta’ riskji u kumplessità inerenti. L-għażliet politiċi meħudin f’din il-proposta għandu jkollhom bosta effettivi pożittivi fuq il-finanzjament tal-SMEs (ara l-Anness 6 tar-rapport dwar il-Valutazzjoni tal-Impatt). L-ewwel nett, għandha tgħin il-finanzjament tal-SMEs b’żewġ modi speċifiċi: Is-self lill-SMEs, permezz tal-ABS tal-SMEs, u s-self fuq terminu qasir, permezz ta’ veikoli ABCP sempliċi u trasparenti. It-tieni nett, l-inizjattiva għandha tipprovdi lill-banek b’għodda sabiex jittrasferixxu r-riskju ’l barra mill-karti bilanċjali tagħhom. Min-naħa tiegħu, dan ifisser li l-banek għandhom jilliberaw iktar kapital li mbagħad jista’ jintuża biex jingħata kreditu ġdid, inkluż lill-SMEs. Fl-aħħar nett, billi tintroduċi qafas ta’ titolizzazzjoni tal-UE waħdieni u konsistenti u billi tħeġġeġ lill-parteċipanti fis-suq sabiex jiżviluppaw iktar standardizzazzjoni, l-inizjattiva għandha tnaqqas il-kostijiet operazzjonali għat-titolizzazzjonijiet. Peress li dawn il-kostijiet huma ogħla mill-medja għat-titolizzazzjoni ta’ self lill-SMEs, dan it-tnaqqis għandu jkollu effett ta’ benefiċċju speċjali fuq il-kost tal-kreditu lill-SMEs.
Drittijiet fundamentali
Il-protezzjoni tad-data personali (l-Artikolu 8), il-libertà ta’ intrapriża (l-Art. 16) u l-protezzjoni tal-konsumatur (l-Art. 38) tal-Karta tad-Drittijiet Fundamentali tal-UE biss huma relevanti sa ċertu punt għal din il-proposta. Huma permessi limitazzjonijiet għal dawn id-drittijiet u l-libertajiet skont l-Artikolu 52 tal-Karta.
Għal dan il-għan, l-objettiv ta’ interess ġenerali li jiġġustifika ċerti limitazzjonijiet tad-drittijiet fundamentali huwa l-objettiv ta’ żgurar ta’ integrità tas-suq u stabbiltà finanzjarja. Il-libertà ta’ intrapriża tista’ tkun affettwata mill-ħtieġa li jiġu segwiti ċerti rekwiżiti ta’ ritensjoni tar-riskju u diliġenza dovuta sabiex jiġi żgurat allinjament tal-interess fil-katina tal-investiment u sabiex jiġi żgurat li l-investituri potenzjali jaġixxu b’mod prudenti. Fir-rigward tal-protezzjoni tad-data personali, id-divulgazzjoni ta’ ċerta informazzjoni fil-livell tas-self tista’ tkun meħtieġa sabiex jiġi żgurat li l-investituri kapaċi jagħmlu d-diliġenza dovuta tagħhom. Madankollu, huwa osservat li bħalissa dawn id-dispożizzjonijiet diġà huma implimentati fil-liġi tal-UE. Din il-proposta ma għandhiex tħalli impatt fuq il-konsumaturi, peress li t-titolizzazzjonijiet mhumiex maħsubin għall-konsumatur. Madankollu, għall-klassijiet kollha ta’ investituri, it-titolizzazzjoni STS tippermetti li ssir analiżi aħjar tar-riskji involuti, u din tikkontribwixxi għall-protezzjoni tal-investituri.
4.IMPLIKAZZJONIJIET GĦALL-BAĠIT
Din il-proposta leġiżlattiva jkollha konsegwenzi limitati fuq il-baġit tal-UE. Timplika żvilupp ta’ iktar politiki fi ħdan il-Kummissjoni u fit-tliet ASE. Barra minn hekk, xi kompiti ta’ koordinazzjoni speċifiċi ser jiġu assenjati lill-ASE sabiex jiżguraw implimentazzjoni konsistenti tal-qafas tas-STS fl-UE. Skeda finanzjarja hija pprovduta bħala anness hawnhekk.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Peress li l-istrument propost huwa Regolament li huwa bbażat sa ċertu punt sinifikanti fuq il-liġi eżistenti tal-UE, ma hemmx bżonn li jitħejja pjan ta’ implimentazzjoni.
Ir-Regolament jinkludi monitoraġġ u evalwazzjoni mill-ASE u mill-Kummissjoni. L-ewwel nett, l-EBA, f’kooperazzjoni mal-ESMA u l-EIOPA għandha tippubblika rapport fuq l-implimentazzjoni tar-rekwiżiti STS, fuq l-azzjonijiet li ħadu s-superviżuri u fuq ir-riskji materjali u l-vulnerabbiltajiet il-ġodda li setgħu mmaterjalizzaw irwieħhom matul l-implimentazzjoni u finalment fuq l-inizjattivi meħudin mill-parteċipanti fis-suq sabiex irawmu standardizzazzjoni fis-suq tat-titolizzazzjonijiet tal-UE. Barra minn hekk, l-ESMA, f’kooperazzjoni mill-qrib ma’ żewġ ASE oħrajn, tliet snin wara d-dħul fis-seħħ ta’ dan ir-Regolament, għandha tippubblika rapport dwar il-funzjonament tar-rekwiżiti ta’ trasparenza u l-livell ta’ trasparenza tas-suq tat-titolizzazzjonijiet fl-UE.
It-tieni nett, il-Kummissjoni ser teżamina u tirrapporta fuq il-funzjonament ta’ dan ir-Regolament erba’ snin mid-dħul fis-seħħ tiegħu u għandha tissottometti dak ir-rapport lill-Parlament Ewropew u lill-Kunsill flimkien ma’ proposta leġiżlattiva, fejn xieraq.
B’hekk, ir-Regolament ser ikun soġġett għal evalwazzjoni sħiħa sabiex, fost l-oħrajn, jiġi vvalutat kemm kien effettiv u effiċjenti f’termini tal-ilħuq tal-objettivi tiegħu.
Il-livell ta’ kisba tal-ewwel objettiv (Divrenzjar tal-prodotti ta’ titolizzazzjoni sempliċi, trasparenti u standardizzati minn tipi oħrajn ta’ titolizzazzjoni) ser jitkejjel bħala funzjoni tal-prezzijiet u l-livelli ta’ ħruġ tal-prodotti STS Żieda fit-tnejn, b’rabta ma’ prodotti mhux STS, ser tkun sinjal ta’ divrenzjar u, b’hekk, lħuq tal-ewwel objettiv.
It-tieni objettiv (Trawwmin tal-firxa ta’ standardizzazzjoni tal-proċessi u l-prattiki fis-swieq ta’ titolizzazzjoni, indirizzar tal-inkonsistenzi regolatorji) ser jitkejjel bis-saħħa ta’ tliet kriterji: 1) il-prezz tal-prodotti STS u t-tkabbir fil-ħruġ (eż. peress li tnaqqis fil-kostijiet operazzjonali għandu jfisser livelli ogħla ta’ ħruġ), 2) il-livell ta’ standardizzazzjoni tal-materjal ta’ kummerċjalizzazzjoni u rapportar u, finalment, 3) rispons minn prattikanti fuq l-evoluzzjoni tal-kostijiet operazzjonali (jaf ma jkunx hemm dejta tanġibbli pubblika fuq dan).
Spjegazzjoni fid-dettall tad-dispożizzjonijiet speċifiċi tal-proposta
Din il-proposta fiha żewġ partijiet ewlenin. L-ewwel parti hija ddedikata għar-regoli li japplikaw għat-titolizzazzjonijiet kollha, filwaqt li t-tieni parti tiffoka biss fuq it-Titolizzazzjoni STS.
L-ewwel parti tipprovdi ġabra komuni ta’ regoli li japplikaw għat-titolizzazzjonijiet kollha, inkluża titolizzazzjoni STS. Filwaqt li l-liġi eżistenti tal-UE diġà tipprevedi ċerti regoli fl-istituzzjonijiet ta’ kreditu, l-immaniġġjar tal-assi u s-settur tal-assigurazzjoni, dawn huma mifruxin fuq bosta atti legali differenti u mhux dejjem huma konsistenti. Għalhekk, l-ewwel parti tal-proposta tqiegħed ir-regoli f’att legali wieħed, u b’hekk tiżgura konsistenza u konverġenza bejn is-setturi, filwaqt li tissimplifika r-regoli eżistenti. Bħala konsegwenza ta’ dan, id-dispożizzjonijiet speċifiċi għas-settur fuq l-istess suġġett jiġu revokati.
It-tieni parti fiha l-kriterji li jiddefinixxu t-titolizzazzjoni STS. Fir-Regolament dwar l-LCR u r-Regolament dwar Solvibbiltà II, il-Kummissjoni diġà stabbiliet, għal skopijiet speċifiċi, kriterji simili għal dawk f’din il-proposta, iżda r-Regolament dwar it-Titolizzazzjoni ser joħloq reġim ġenerali u transettorjali. Ir-reviżjoni tar-Regolament dwar is-CRR u l-emendar fil-ġejjieni tal-att delegat Solvibbiltà II ser jipprevedu trattament prudenzjali iktar sensittiv għar-riskji għall-banek u l-kumpaniji tal-assigurazzjoni li jinvestu fit-titolizzazzjoni STS. L-att delegat dwar l-LCR ser jiġi emendat ukoll sabiex jirreferi għal dan l-att leġiżlattiv u b’mod partikolari għas-sett ta’ kriterji STS. Il-kriterji speċifiċi mabrutin mal-karatteristiċi tal-likwidità tat-titolizzazzjoni ser ikunu speċifikati fl-att delegat emendat.
Definizzjonijiet (l-Artikolu 2)
Id-definizzjonijiet fil-proposta huma fil-parti l-kbira meħudin mis-CRR u jiżguraw li japplikaw l-istess definizzjonijiet bejn is-setturi finanzjarji, inklużi dawk li mhumiex koperti mis-CRR.
Regoli dwar id-diliġenza dovuta għall-investituri (l-Artikolu 3)
Peress li t-titolizzazzjonijiet mhux dejjem ikunu l-iktar prodotti finanzjarji sempliċi u trasparenti u jistgħu jinvolvu riskji ikbar minn strumenti finanzjarji oħrajn, l-investituri istituzzjonali huma soġġetti għar-regoli dwar id-diliġenza dovuta.
Ir-regoli eżistenti huma stabbiliti fis-CRR, l-att delegat Solvibbiltà II u r-Regolament Delegat tal-Kummissjoni 231/2013 (ir-Regolament dwar l-AIFM). Dawn ir-regoli ser jiġu revokati u sostitwiti minn Artikolu wieħed li jipprevedi t-tipi kollha ta’ investituri istituzzjonali attivi fin-negozju fl-UE jew permezz tad-dispożizzjonijiet identiċi u simplifkati tad-diliġenza dovuta tal-UE. Għal UCITS għadha ma tapplika ebda regola dwar id-diliġenza dovuta: madankollu, il-Kummissjoni għandha s-setgħa li tadotta t-tali regoli (l-Artikolu 50a tad-Direttiva dwar l-UCITS). Għadha ma għamlitx dan, minħabba l-intenzjoni li tkopri l-UCITS f’din l-inizjattiva. Għalhekk, il-proposta toħloq rekwiżiti għall-UCITS. Fil-proposta, l-IORPs huma koperti mir-rekwiżiti tad-diliġenza dovuta wkoll. Dawn ma kinux soġġetti għal dawn ir-regoli s’issa, iżda jekk isir hekk dan ikun jaqbel mal-objettiv ta’ titjib tal-immaniġġjar tar-riskji fil-proposta IORP2 u l-objettiv li jinħoloq qafas armonizzat għall-investituri istituzzjonali.
Għat-titolizzazzjonijiet STS, l-investituri wkoll għandhom jagħmlu d-diliġenza dovuta fuq il-konformità mar-rekwiżiti STS. Peress li r-rekwiżiti STS mhumiex indikatur tal-karatteristiċi ta’ riskju tat-titolizzazzjoni, l-investituri jibqgħu responsabbli mill-valutazzjoni tar-riskji inerenti għall-iskopertura tagħhom għall-pożizzjoni ta’ titolizzazzjoni u jekk it-titolizzazzjoni hijiex xierqa u adattata għall-ħtiġijiet tal-investitur.
Ritensjoni tar-riskju (l-Artikolu 4)
Ir-ritensjoni tar-riskju mill-oriġinaturi, mill-isponsors jew mill-mutwanti oriġinali tat-titolizzazzjonijiet jiżgura allinjament tal-interess bejn it-tali atturi u l-investituri.
Ir-regolamenti eżistenti speċifiċi għas-settur (is-CRR, id-Direttiva dwar Solvibbiltà II u r-Regolament dwar l-AIFM) diġà jistabbilixxu rekwiżiti dwar ir-ritensjoni tar-riskju, iżda jużaw l-hekk imsejjaħ “approċċ indirett”: l-oriġinaturi, l-isponsors jew il-mutwanti oriġinali mhumiex soġġetti direttament għat-tali rekwiżiti, iżda l-investitur għandu jiċċekkja jekk l-oriġinatur, l-isponsor jew il-mutwanti oriġinali għandux riskju ritenut. Madankollu, dan jixħet piż fuq l-investitur, li ma għandux aċċess dirett għall-informazzjoni meħtieġa biex jagħmel it-tali kontroll.
B’hekk, il-proposta attwali timponi rekwiżit dirett ta’ ritensjoni tar-riskju u obbligu ta’ rapportar fuq l-oriġinatur, l-isponsor jew il-mutwanti oriġinali. B’hekk, l-investituri ser ikunu jistgħu sempliċiment jivverifikaw jekk dawn l-entitajiet għandhomx riskju ritenut. Għal titolizzazzjonijiet b’mod partikolari f’sitwazzjonijiet fejn l-oriġinatur, l-isponsor jew il-mutwanti oriġinali ma jkunx stabbilit fl-UE, l-approċċ indirett jibqa’ japplika bis-sħiħ. Dan l-approċċ eżistenti jiżgura kundizzjonijiet ekwi f’livell globali. F'konformità mal-liġi eżistenti tal-UE, għandhom isiru ċerti eċċezzjonijiet għal każijiet li fihom l-iskoperturi titolizzati jkunu ggarantiti bis-sħiħ, inkondizzjonalment u b’mod irrevokabbli b'mod partikolari mill-awtoritajiet pubbliċi. Fil-każ ta’ appoġġ mir-riżorsi pubbliċi pprovdut fil-forma ta’ garanziji jew b’mezzi oħrajn, kwalunkwe dispożizzjoni f’dan ir-Regolament hija mingħajr ħsara għar-regoli dwar l-għajnuna mill-Istat.
Din il-proposta tqis ukoll ir-rakkomandazzjoni tal-EBA li tingħalaq lakuna potenzjali fl-implimentazzjoni tar-reġim ta’ ritensjoni tar-riskju li biha r-rekwiżiti jistgħu jiġu evitati permezz ta’ interpretazzjoni estensiva tad-definizzjoni tal-oriġinatur. Għal dan il-għan, huwa speċifikat li, għall-finijiet tal-Artikolu 4, entità stabbilita bħala pjattaforma ddedikata għall-iskop uniku li tittitolizza skoperturi u mingħajr skop kummerċjali wiesa’ ma tistax titqies bħala oriġinatur. Pereżempju, l-entità li żżomm l-interess ekonomiku jrid ikollha l-kapaċità li tissodisfa obbligu ta’ ħlas mir-riżorsi mhux marbutin mal-iskoperturi li jiġu titolizzati.
Regoli dwar it-trasparenza (l-Artikolu 5)
Ir-rekwiżiti dwar it-trasparenza fuq it-titolizzazzjonijiet u l-iskoperturi sottostanti jippermettu lill-investituri jifhmu, jivvalutaw u jqabblu t-tranżazzjonijiet ta’ titolizzazzjoni u ma joqogħdux biss fuq partijiet terzi, bħal aġenziji ta’ klassifikazzjoni tal-kreditu. Jippermettu lill-investituri sabiex jaġixxu bħala investituri prudenti u jagħmlu d-diliġenza dovuta tagħhom.
Din il-proposta tiżgura li l-investituri jkollhom l-informazzjoni relevanti kollha dwar it-titolizzazzjonijiet għad-dispożizzjoni tagħhom. Tkopri t-tipi kollha ta’ titolizzazzjonijiet u tapplika fuq bosta setturi. Biex tħaffef kemm l-użu tal-informazzjoni mill-investituri kif ukoll id-divulgazzjoni mill-oriġinaturi, l-isponsors u l-SSPEs, il-proposta tassumi l-acquis eżistenti, inklużi mudelli ta’ divulgazzjoni standardizzati. Peress li dawn tal-aħħar ma jkoprux is-segmenti kollha tat-titolizzazzjoni, hemm bżonn li jiġu żviluppati mudelli oħrajn (eż. għall-ABCP). B’hekk, hemm bżonn li jinstab bilanċ tajjeb bejn il-livell ta’ dettalji u l-proporzjonalità tar-rekwiżiti ta’ divulgazzjoni.
L-oriġinaturi, l-isponsors u l-SSPEs għandhom iqiegħdu l-informazzjoni għad-dispożizzjoni bla ħlas lill-investituri, permezz ta’ mudelli standardizzati, fuq sit web li jissodisfa ċerti kriterji bħall-kontroll tal-kwalità tad-dejta u l-kontinwità tan-negozju. Fil-prattika, din tista’ tippermetti r-rapportar ta’ din l-informazzjoni f’repożitorju tad-dejta bħall-“European Datawarehouse”, fejn diġà hemm ħafna minn dan it-tip ta’ informazzjoni miġbura għall-finijiet ta’ eliġibbiltà fl-operazzjonijiet ta’ rifinanzjament tal-Eurosistema. Ir-rappurtar tal-informazzjoni se jsir permezz tal-mudelli standardizzati, li jistgħu anke jintużaw għar-rappurtar skont dan ir-Regolament u, sakemm dawn jitlestew, lis-sit web tal-SFI, skont l-Artikolu 8b tar-Regolament CRAIII. L-awtoritajiet kompetenti xorta waħda ser ikunu responsabbli li jiżguraw li l-informazzjoni tkun ipprovduta kif xieraq lill-investituri u li s-sit web iwieġeb għall-karatteristiċi meħtieġa. L-ESMA, f’kooperazzjoni mill-qrib mal-EBA u l-EIOPA, għandha tispeċifika f’abbozz ta’ standard tekniku regolatorju r-rekwiżiti li jridu jiġu ssodisfati mis-sit web li fuqu l-informazzjoni għandha titqiegħed għad-dispożizzjoni lid-detenturi ta’ pożizzjonijiet ta’ titolizzazzjoni. B’mod partikolari, dawn ir-rekwiżiti ser ikopru l-istruttura ta’ governanza inkluża l-indipendenza tas-sit web, il-modalitajiet ta’ kif taċċessa l-informazzjoni, il-proċeduri interni sabiex jiġi żgurat it-tħaddim tajjeb, is-sodezza operazzjonali u l-integrità tas-sit web u l-proċeduri li hemm fis-seħħ sabiex jiġu żgurati l-kwalità u l-preċiżjoni tal-informazzjoni.
Titolizzazzjoni STS (l-Artikoli 6 sa 13)
L-Artikoli 6 sa 13 fihom ir-rekwiżiti għal Titolizzazzjoni Sempliċi, Trasparenti u Standardizzata (“STS”).
L-“istandard STS” ma jfissirx li t-titolizzazzjoni kkonċernata hija ħielsa mir-riskji, iżda jfisser li l-prodott jirrispetta għadd ta’ kriterji u li investitur prudenti u diliġenti ser ikun jista’ janalizza r-riskju involut.
Ser ikun hemm żewġ tipi ta’ rekwiżiti STS: wieħed għal titolizzazzjonijiet fit-tul u wieħed għal titolizzazzjonijiet fuq terminu qasir (ABCP). Madankollu, fil-parti l-kbira r-rekwiżiti huma simili. Ir-rekwiżiti huma żviluppati fuq il-bażi tar-rekwiżiti eżistenti fl-atti delegati tal-Proporzjon tal-Kopertura tal-Likwidità u ta’ Solvibbiltà II, fuq il-pariri tal-EBA u fuq l-istandard tal-BCBS-IOSCO. Ir-rekwiżiti ser ikunu applikabbli għas-setturi finanzjarji kollha.
Din il-proposta tippermetti li titolizzazzjoni ta’ “bejgħ veru” biss issir STS. F’titolizzazzjoni ta’ bejgħ veru, is-sjieda tal-iskoperturi sottostanti tiġi ttrasferita jew assenjata b’mod effettiv lil entità bi skop speċjali tat-titolizzazzjoni. F’titolizzazzjonijiet sintetiċi, l-iskoperturi sottostanti ma jiġux ittrasferiti lit-tali entità, iżda r-riskju ta’ kreditu marbut mal-iskoperturi sottostanti jiġi ttrasferit permezz ta’ garanzija jew kuntratt tad-derivattivi. Dan jintroduċi riskju ta’ kreditu tal-kontroparti addizzjonali u kumplessità potenzjali marbuta b’mod partikolari mal-kontenut tal-kuntratt. S’issa, la fil-livell internazzjonali (BCBS-IOSCO), u lanqas fil-livell Ewropew (EBA) ma ġew żviluppati kriterji STS għat-titolizzazzjoni sintetika. B’hekk, bħalissa għadu mhuwiex ċar biżżejjed liema titolizzazzjonijiet sintetiċi għandhom jitqiesu STS u f’liema kundizzjonijiet. Il-Kummissjoni ser tkompli tqis din il-kwistjoni u ser issegwi l-ħidma tal-korpi internazzjonali u dawk Ewropej fuq dan is-suġġett. Hija ser tivvaluta jekk xi titolizzazzjonijiet sintetiċi li marru tajjeb matul il-kriżi finanzjarja u li huma sempliċi, trasparenti u standardizzati għandhomx ikunu jistgħu jissodisfaw ir-rekwiżiti STS. Kontributi futuri minn, b'mod partikulari, l-EBA jistgħu jinfurmaw lill-Kummissjoni fil-proposti ta' politika futuri tagħha. Madankollu, kategorija speċifika ta’ tranżazzjonijiet tal-SMEs imwettqin flimkien ma’ awtoritajiet pubbliċi jew skemi ta’ garanzija pubblika (jiġifieri “kopertura segmentata”) tqiegħdet għaliha u ser jingħatalha t-trattament prudenzjali STS fis-CRR f’kundizzjonijiet speċifiċi.
Notifika u divulgazzjoni STS (l-Artikolu 14)
L-oriġinaturi, l-isponsors u l-SSPEs għandhom ikunu responsabbli b'mod konġunt għall-konformità mar-rekwiżiti STS u għan-notifika lill-ESMA li mbagħad tippubblikaha fuq is-sit web tagħha. Dan ser jiżgura li l-oriġinaturi, l-isponsors u l-SSPEs jieħdu responsabbiltà għad-dikjarazzjoni tagħhom li t-titolizzazzjoni hija STS u li hemm trasparenza fis-suq. L-oriġinaturi u l-isponsors għandhom ikunu responsabbli għal kwalunkwe telf jew ħsara li tirriżulta minn notifiki żbaljati jew qarrieqa bil-kundizzjonijiet stipulati mil-liġi nazzjonali. Madankollu, l-investituri xorta waħda jridu jagħmlu d-diliġenza dovuta, iżda jistgħu jafdaw kif xieraq in-notifika STS u l-informazzjoni ddivulgata mill-oriġinatur, l-isponsor u l-SSPE fuq il-konformità STS. Biex jiġi ffaċilitat il-proċess għall-investituri u l-oriġinaturi, għall-isponsors u għall-SSPEs, l-Awtoritajiet Superviżorji Ewropej ser jiżżviluppaw mudell għall-valutazzjoni STS.
Superviżjoni (l-Artikoli 15-22).
Sabiex tiġi ssalvagwardjata l-istabbiltà finanzjarja, tiġi żgurata l-kunfidenza tal-investituri u promossa l-likwidità, huwa essenzjali li jkun hemm superviżjoni xierqa u effettiva tas-swieq ta’ titolizzazzjoni. Għal dan il-għan, il-proposta teħtieġ li l-Istati Membri jagħżlu l-awtoritajiet kompetenti skont l-atti legali eżistenti tal-UE fil-qasam tas-servizzi finanzjarji. Bħal kif inhu l-każ bħalissa skont id-dispożizzjonijiet eżistenti tal-liġi tal-UE, għas-superviżjoni tal-konformità mal-Artikolu dwar id-diliġenza dovuta, l-Istati Membri għandhom jagħżlu l-awtorità kompetenti tal-investitur istituzzjonali relevanti. Dan is-superviżur għandu jkollu s-setgħat li jingħatawlu skont il-leġiżlazzjoni relevanti dwar is-servizzi finanzjarji. Għas-superviżjoni tal-Artikoli 4 sa 14 tal-proposta, meta l-partijiet involuti jkunu rregolati mil-leġiżlazzjoni tal-UE dwar is-servizzi finanzjarji, l-awtorità kompetenti għall-entità rregolata relevanti għandha tingħażel mill-Istati Membri. Pereżempju, meta l-entità kkonċernata tkun istituzzjoni ta’ kreditu, is-superviżur bankarju relevanti għandu jingħażel mill-Istati Membri. F’każ li l-istituzzjoni ta’ kreditu tkun istituzzjoni ta’ kreditu importanti skont ir-Regolament (UE) Nru 1024/2013, għandu jingħażel il-Mekkaniżmu Superviżorju Uniku. Meta l-parti kkonċernata ma tkunx entità rregolata skont il-leġiżlazzjoni tal-UE dwar is-servizzi finanzjarji, pereżempju SSPE, l-Istati Membri jistgħu jiddeċiedu liema awtorità ser tkun l-awtorità kompetenti. B’dan il-mod, l-arranġamenti superviżorji għal din il-proposta huma allinjati bl-iktar mod possibbli mal-arranġamenti eżistenti. Għal entitajiet li bħalissa mhumiex regolati mil-liġi tal-UE, l-Istati Membri jridu jagħżlu awtorità kompetenti waħda jew iktar.
L-Istati Membri għandhom jipprovdu lill-awtoritajiet kompetenti bis-setgħat ta’ superviżjoni, investigazzjoni u sanzjonar li normalment ikunu disponibbli skont il-leġiżlazzjoni tal-UE dwar is-servizzi finanzjarji.
Fid-dawl tal-għamla transfruntiera tas-suq tat-titolizzazzjonijiet, il-kooperazzjoni bejn l-awtoritajiet kompetenti u l-ASE hija kruċjali. L-iskambju ta’ informazzjoni, il-kooperazzjoni fl-attivitajiet ta’ superviżjoni u l-investigazzjonijiet u l-koordinazzjoni tat-teħid ta’ deċiżjonijiet huma rekwiżit bażiku.
Sabiex jiġu żgurati interpretazzjoni konsistenti u fehim komuni tar-rekwiżiti STS mill-awtoritajiet kompetenti, l-EBA, l-ESMA u l-EIOPA għandhom jikkoordinaw ix-xogħol tal-awtoritajiet kompetenti fuq bosta setturi finanzjarji u jivvalutaw il-problemi prattiċi li jistgħu jirriżultaw fir-rigward tat-titolizzazzjonijiet STS. B’mod partikolari jistgħu jikkoordinaw xogħolhom fil-kuntest tal-kumitat konġunt tal-Awtoritajiet Superviżorji Ewropej. Proċess ta’ Mistoqsijiet u Tweġibiet jista’ jħaffef l-implimentazzjoni ta’ dan ir-Regolament mill-parteċipanti fis-suq u l-awtoritajiet kompetenti.
Fid-dawl tal-impatt tal-klassifikazzjoni STS fuq, pereżempju, it-trattament kapitali tat-tali prodotti, hemm bżonn ta’ ċerti regoli speċifiċi. Pereżempju, żewġ assiguraturi minn żewġ Stati Membri differenti jistgħu jinvestu fl-istess titolizzazzjoni STS minn Stat Membru ieħor. L-awtorità kompetenti b’sorveljanza fuq l-ewwel kumpanija tal-assigurazzjoni tista’ tasal għall-konklużjoni li l-istrument ta’ titolizzazzjoni ma jissodisfax ir-rekwiżiti STS, filwaqt li l-awtorità kompetenti b’sorveljanza fuq it-tieni kumpanija tal-assigurazzjoni tista’ tasal għall-konklużjoni li jissodisfa r-rekwiżiti STS. Użu persistenti ta’ approċċi differenti jista’ jħalli impatt negattiv fuq il-kredibbiltà tal-approċċ STS u jwassal għal arbitraġġ regolatorju.
Għalhekk, sabiex jiġi żgurat approċċ kredibbli għat-titolizzazzjoni STS, ġew introdotti xi regoli speċifiċi fil-proposta. Meta awtorità kompetenti jkollha evidenza li l-oriġinaturi, l-isponsors u l-SSPEs għamlu notifika dwar is-STS materjalment żbaljata jew qarrieqa, trid tgħarraf lill-ESMA, l-EBA jew l-EIOPA u lill-awtoritajiet kompetenti tal-Istati Membri kkonċernati minnufih sabiex tiddiskuti s-sejbiet tagħha. Meta ma jkunux jistgħu jaqblu, għandha ssir medjazzjoni vinkolanti skont ir-Regolament dwar l-ESMA.
Emendi għal atti legali oħrajn (l-Artikoli 23 sa 27)
L-Artikoli 24 sa 27 jemendaw għadd ta’ artikoli ta’ atti legali oħrajn, b’mod partikolari d-Direttiva dwar il-UCITS, id-Direttiva dwar Solvibbiltà II, ir-Regolament dwar CRAIII, id-Direttiva dwar l-AIFM u l-EMIR. Dawn il-bidliet huma neċessarji biex jirriflettu l-ħolqien ta’ qafas ta’ titolizzazzjoni armonizzat f’din il-proposta. Għalhekk, hemm għadd ta’ dispożizzjonijiet li jridu jiġu revokati jew emendati. Sakemm jiġu revokati (d-dispożizzjonijiet relevanti fl-)atti delegati bbażati fuq dawn id-Direttivi u r-Regolamenti, dawn jibqgħu applikabbli. Dan huwa b’mod partikolari l-każ għad-dispożizzjonijiet tar-Regolament Delegat tal-Kummissjoni (UE) Nru 625/2014, l-Artikoli 254 sa 257 tal-Att Delegat dwar Solvibbiltà II, l-Artikoli 50 sa 56 tar-Regolament dwar l-AIFM u d-dispożizzjonijiet tar-Regolament Delegat tal-Kummissjoni (UE) Nru 2015/3. Il-Kummissjoni ser tadotta l-bidliet meħtieġa għal dawn l-atti delegati fuq il-bażi tar-Regolament dwar it-Titolizzazzjoni adottat.
L-emendi għall-EMIR jipprovdu li l-kuntratti tad-derivattivi OTC li jkunu daħlu fihom l-Entitajiet tal-Bonds Koperti u l-Entitajiet bi Skop Speċjali tat-Titolizzazzjoni ma għandhomx ikunu soġġetti għall-obbligu tal-ikklirjar diment li jiġpu ssodisfati ċerti kundizzjonijiet. L-eżenzjoni hija ġġustifikata b'dak il-fatt li l-kontropartijiet għall-kuntratti tad-derivattivi OTC huma kredituri garantiti taħt l-arranġamenti ta' bonds koperti u ta' titolizzazzjoni u jista' jkun diġà ġiet preveduta protezzjoni xierqa kontra riskju ta' kreditu tal-kontroparti. Għalhekk, f’każijiet bħal dawn, obbligu tal-ikklirjar ċentrali jista’ jimponi tekniki duplikati żejda ta’ mitigazzjoni tar-riskju u jxekkel l-istruttura tal-assi. Dawn id-dispożizzjonijiet huma maħsubin biex jippermettu lill-ASE jipprovdu, għall-emittenti tat-titolizzazzjonijiet STS, is-sitwazzjonijiet u l-kundizzjonijiet li jiġġustifikaw esklużjonijiet mir-rekwiżiti ta’ kklirjar u proviżjonament ta’ marġni tal-EMIR.
Dimensjoni ta’ pajjiż terz
Essenzjalment, din il-proposta tipprovdi għal sistema li hija miftuħa għal titolizzazzjonijiet ta’ pajjii terzi. L-investituri istituzzjonali tal-UE jistgħu jinvestu f’titolizzazzjonijiet mhux tal-UE u ser ikollhom jagħmlu l-istess diliġenza dovuta bħal dawk għal titolizzazzjonijiet tal-UE, li tinkludi verifika ta’ jekk ir-riskju huwiex ritenut u jekk l-oriġinatur, l-isponsor u l-SSPE jqegħdux l-informazzjoni relevanti għad-dispożizzjoni. Barra minn hekk, titolizzazzjonijiet mhux tal-UE jistgħu jissodisfaw ukoll ir-rekwiżiti dwar is-STS u l-oriġinatur, l-isponsor u l-SSPE jistgħu jissottomettu wkoll notifika dwar is-STS lill-ESMA skont l-Artikolu 8. Lanqas ma hemm rekwiżit li l-iskoperturi sottostanti jkunu jinsabu fl-UE.
2015/0226 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi regoli komuni dwar it-titolizzazzjoni u li joħloq qafas Ewropew għal titolizzazzjoni sempliċi, trasparenti u standardizzata u li jemenda d-Direttivi 2009/65/KE, 2009/138/KE, 2011/61/UE u r-Regolamenti (KE) 1060/2009 u (UE) Nru 648/2012
(Test b'rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 114 tiegħu,
Wara li kkunsidra l-proposta mill-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidra l-opinjoni tal-Kumitat Ekonomiku u Soċjali Ewropew,
Filwaqt li jaġixxi skont il-proċedura leġiżlattiva ordinarja,
Billi:
(1)It-titolizzazzjoni tinvolvi tranżazzjonijiet li jippermettu lil mutwanti – normalment istituzzjoni ta’ kreditu – jirrifinanzja sett ta’ self jew skoperturi bħal self għal proprjetà immobbli, kirjiet ta’ karozzi, self lill-konsumatur jew karti ta’ kreditu, billi jibdilhom f’titoli negozjabbli. Il-mutwanti jippulja u jerġa’ jippakkja portafoll tas-self tiegħu, u jqassamhom f’kategoriji ta’ riskju differenti għal investituri differenti, biex b’hekk jagħti aċċess lill-investituri għal investimenti f’self u skoperturi oħrajn li normalment ma jkollhomx aċċess dirett. Ir-redditi għall-investituri huma ġġenerati mill-flussi tal-flus tas-self sottostanti.
(2)Fil-Pjan ta’ Investiment għall-Ewropa ppreżentat fis-26 ta’ Novembru 2014, il-Kummissjoni ħabbret l-intenzjoni tagħha li terġa’ tagħti l-ħajja lis-swieq ta’ titolizzazzjoni ta’ kwalità għolja, bla ma jiġu ripetuti l-iżbalji li saru qabel il-kriżi finanzjarja tal-2008. L-iżvilupp ta’ suq tat-titolizzazzjonijiet sempliċi, trasparenti u standardizzati jikkostitwixxi pedament tal-Unjoni tas-Swieq Kapitali (CMU) u jikkontribwixxi għall-objettiv prijoritarju tal-Kummissjoni li jiġu sostnuti l-ħolqien tax-xogħol u ritorn għal tkabbir sostenibbli.
(3)L-Unjoni Ewropea mhijiex beħsiebha li ddgħajjef il-qafas leġiżlattiv implimentat wara l-kriżi finanzjarja sabiex tindirizza r-riskji inerenti f’titolizzazzjoni ferm kumplessa, opaka u riskjuża. Huwa essenzjali li jiġi żgurat li r-regoli jiġu adottati sabiex isir divrenzjar aħjar ta’ prodotti sempliċi, trasparenti u standardizzati minn strumenti kumplessi, opaki u riskjużi u li jiġi applikat qafas prudenzjali iktar sensittiv għar-riskji.
(4)It-titolizzazzjoni hija element importanti ta’ swieq finanzjarji li jaħdmu kif suppost. Titolizzazzjoni strutturata tajjeb hija mezz importanti kif jiġu diversifikati s-sorsi ta’ finanzjament u kif ir-riskju jiġi allokat b’effiċjenza ikbar fi ħdan is-sistema finanzjarja tal-Unjoni. Tippermetti distribuzzjoni usa’ tar-riskju tas-settur finanzjarju u tista’ tgħin sabiex tiffranka mill-karti bilanċjali tal-oriġinatur biex ikun jista’ jislef iktar lill-ekonomija. B’mod ġenerali, tista’ ttejjeb l-effiċjenzi fis-sistema finanzjarja u tipprovdi opportunitajiet ikbar ta’ investiment. It-titolizzazzjoni tista’ toħloq pont bejn l-istituzzjonijiet ta’ kreddtu u s-swieq tal-kapital b’benefiċċju indirett għan-negozji u ċ-ċittadini (permezz ta’, pereżempju, self li jiswa inqas flus u finanzjament tan-negozji, krediti għall-proprjetà immobbli u karti ta’ kreditu).
(5)L-istabbiliment ta’ qafas prudenzjali iktar sensittiv għar-riskji għat-titolizzazzjonijiet sempliċi, trasparenti u standardizzati ("STS") jeħtieġ li l-Unjoni tiddefinixxi biċ-ċar x’inhi titolizzazzjoni STS, peress li nkella t-trattament regolatorju iktar sensittiv għar-riskji għall-istituzzjonijiet ta’ kreditu u l-kumpaniji tal-assigurazzjoni jkunu disponibbli għal tipi differenti ta’ titolizzazzjonijiet fi Stati Membri differenti. Dan iwassal għal kundizzjonijiet ta' kompetizzjoni li mhumiex ekwivalenti u għal arbitraġġ regolatorju.
(6)Huwa iktar xieraq li, b’konformità mad-definizzjonijiet eżistenti fil-leġiżlazzjoni settorjali tal-Unjoni, jiġu pprovduti definizzjonijiet tal-kunċetti ewlenin kollha tat-titolizzazzjoni. B’mod partikolari, definizzjoni ċara u li tkopri kollox tat-titolizzazzjoni hija meħtieġa sabiex tiġi koperta kwalunkwe tranżazzjoni jew skema li biha r-riskju ta’ kreditu assoċjat ma’ skopertura jew pula ta’ skoperturi jiġi segmentat. Skopertura li toħloq obbligu ta' pagament dirett għal tranżazzjoni jew skema użata għall-finanzjament jew l-operazzjoni tal-assi fiżiċi ma għandhiex titqies bħala skopertura għal titolizzazzjoni, anki jekk it-tranżazzjoni jew l-iskema jkollha obbligazzjonijiet ta' pagamenti ta' senjorità differenti.
(7)Kemm fil-livell internazzjonali kif ukoll fil-livell Ewropew, diġà sar ħafna xogħol sabiex tiġi identifikata t-titolizzazzjoni STS u fir-Regolamenti Delegati tal-Kummissjoni (UE) 2015/61 u (UE) 2015/35 diġà ġew stabbiliti l-kriterji għal titolizzazzjoni sempliċi, trasparenti u standardizzata għal skopijiet speċifiċi, li magħhom huwa marbut trattament prudenzjali iktar sensittiv għar-riskji.
(8)Fuq il-bażi tal-kriterji eżistenti, fuq il-kriterji tal-BCBS-IOSCO adottati fit-23 ta’ Lulju 2015 għall-identifikazzjoni ta’ titolizzazzjonijiet sempliċi, trasparenti u paragunabbli u b’mod partikolari l-Avviż tal-EBA dwar il-kwalifikazzjoni tat-titolizzazzjoni ppubblikat fis-7 ta’ Lulju 2015, huwa essenzjali li tiġi stabbilita definizzjoni ġenerali u applikabbli b’mod transettorjali tat-titolizzazzjoni STS.
(9)L-implimentazzjoni tal-kriterji STS fi ħdan l-UE kollha ma għandhiex twassal għal approċċi differenti. Dawk l-approċċi joħolqu ostakli potenzjali għall-investituri transfruntiera billi jġegħluhom jidħlu fid-dettalji tal-oqfsa tal-Istati Membri u b’hekk ixekklu l-kunfidenza tal-investituri fil-kriterji STS.
(10)Huwa tassew importanti li l-awtoritajiet kompetenti jaħdmu flimkien mill-qrib sabiex jaraw li jkun hemm fehim komuni u konsistenti tar-rekwiżiti STS madwar l-Unjoni u li jindirizzaw il-problemi potenzjali fl-interpretazzjoni. Fid-dawl ta’ dan l-objettiv, it-tliet ASE għandhom, fil-kuntest tal-Kumitat Konġunt tal-Awtoritajiet Superviżorji Ewropej, jikkoordinaw xogħolhom u dak tal-awtoritajiet kompetenti sabiex jiżguraw konsistenza transettorjali u jivvalutaw il-problemi prattiċi li jistgħu jinqalgħu fir-rigward tat-titolizzazzjonijiet STS. B’dan il-mod, il-fehmiet tal-parteċipanti fis-suq għandhom jintalbu wkoll u jridu jitqiesu kemm jista’ jkun. L-eżitu ta’ dawn it-taħditiet għandu jiġi ppubblikat fuq is-siti web tal-ASE sabiex jgħin lill-oriġinaturi, l-isponsors, l-SSPEs u l-investituri fil-valutazzjoni tat-titolizzazzjonijiet STS qabel ma joħorġu jew jinvestu fit-tali pożizzjonijiet. Mekkaniżmu ta’ koordinazzjoni bħal dan ikun ta’ importanza partikolari fil-perjodu li jwassal għall-implimentazzjoni ta’ dan ir-Regolament.
(11)L-investimenti fit-titolizzazzjonijiet jew l-esponimenti għalihom mhux talli jesponu lill-investitur għar-riskji ta’ kreditu tas-self sottostanti jew l-esponimenti, iżda l-proċess ta’ strutturar tat-titolizzazzjonijiet jista’ jwassal ukoll għal riskji oħrajn bħar-riskji tal-aġenzija, riskju mudell, riskju legali u operazzjonali, riskju tal-kontroparti, riskju tas-servizzjar, riskju tal-likwidità, riskju tal-konċentrazzjoni u riskji ta’ xorta operazzjonali. Għalhekk, huwa essenzjali li l-investituri istituzzjonali jkunu soġġetti għar-rekwiżiti proporzjonati dwar id-diliġenza dovuta sabiex jiżguraw li jivvalutaw kif xieraq ir-riskji li jirriżultaw mit-tipi kollha ta’ titolizzazzjonijiet, għall-benefiċċju tal-investituri finali. B’hekk, id-diliġenza dovuta tista’ ssaħħaħ anki l-fiduċja fis-suq u bejn l-oriġinaturi, l-isponsors u l-investituri individwali. Jeħtieġ li l-investituri jeżerċitaw ukoll diliġenza dovuta xierqa fir-rigward tat-titolizzazzjonijiet STS. Jistgħu jinfurmaw ruħhom bl-informazzjoni divulgata mill-partijiet għat-titolizzazzjoni, b'mod partikolari n-notifika STS u l-informazzjoni relatata ddivulgata f'dan il-kuntest, li għandha tipprovdi lill-investituri bl-informazzjoni rilevanti kollha dwar kif jiġu ssodisfati l-kriterji STS. L-investituri istituzzjonali għandhom ikunu jistgħu jpoġġu l-fiduċja xierqa fin-notifika STS u fl-informazzjoni ddivulgata mill-oriġinatur, mill-isponsor u mill-SSPE dwar jekk titolizzazzjoni tissodisfax ir-rekwiżiti STS.
(12)Importanti li l-interessi tal-oriġinaturi, l-isponsors u l-mutwanti oriġinali li jibdlu l-iskoperturi f’titoli negozjabbli u l-investituri jkunu allinjati. Biex jikseb dan, l-oriġinatur, l-isponsor jew il-mutwanti oriġinali għandu jżomm interess sinifikanti fl-iskoperturi sottostanti tat-titolizzazzjoni. Għalhekk, huwa importanti li l-oriġinaturi jew l-isponsors iżommu skopertura ekonomika netta materjali għar-riskji sottostanti inkwistjoni. B’mod iktar ġenerali, it-tranżazzjonijiet ta’ titolizzazzjoni ma għandhomx ikunu strutturati b’tali mod li jevitaw l-applikazzjoni tar-rekwiżit ta' ritensjoni. Dak ir-rekwiżit għandu jkun applikabbli fis-sitwazzjonijiet kollha fejn tkun applikabbli s-sustanza ekonomika ta’ titolizzazzjoni, ikunu xi jkunu l-istrutturi legali jew l-istrumenti użati. Ma hemmx bżonn ta’ ħafna applikazzjonijiet tar-rekwiżit ta' ritensjoni. Għal kwalunkwe titolizzazzjoni jkun biżżejjed li l-oriġinatur, l-isponsor jew il-mutwanti oriġinali jkun soġġett għar-rekwiżit. B’mod simili, meta t-tranżazzjonijiet ta’ titolizzazzjoni jkun fihom pożizzjonijiet ta’ titolizzazzjonijiet oħrajn bħala skoperturi sottostanti, ir-rekwiżit ta’ ritensjoni għandu jkun applikat biss għat-titolizzazzjoni li hija soġġetta għall-investiment. In-notifika STS tindika lill-investituri li l-oriġinaturi żammew skopertura ekonomika netta materjali għar-riskji sottostanti. Għandhom isiru ċerti eċċezzjonijiet għal każijiet li fihom l-iskoperturi titolizzati jkunu ggarantiti bis-sħiħ, inkondizzjonalment u b’mod irrevokabbli mill-awtoritajiet pubbliċi b’mod partikolari. Fil-każ ta’ appoġġ mir-riżorsi pubbliċi pprovdut fil-forma ta’ garanziji jew b’mezzi oħrajn, kwalunkwe dispożizzjoni f’dan ir-Regolament hija mingħajr ħsara għar-regoli dwar l-għajnuna mill-Istat.
(13)Il-ħila tal-investituri li jeżerċitaw id-diliġenza dovuta u, b’hekk, jagħmlu valutazzjoni informata tal-affidabbiltà kreditizja ta’ strument ta’ titolizzazzjoni partikolari tiddependi mill-aċċess tagħhom għal informazzjoni fuq dawk l-istrumenti. Fuq il-bażi tal-acquis eżistenti, importanti li tinħoloq sistema komprensiva li biha l-investituri jkollhom aċċess għall-informazzjoni relevanti kollha tul il-ħajja sħiħa tat-tranżazzjonijiet u li jitnaqqsu l-kompiti ta’ rapportar tal-oriġinaturi, l-isponsors u l-SSPEs u li jitħaffef l-aċċess kontinwu, faċli u liberu tal-investituri għal informazzjoni affidabbli dwar it-titolizzazzjonijiet.
(14)L-oriġinaturi, l-isponsors u l-SSPEs għandhom iqiegħdu d-dejta materjalment relevanti kollha dwar il-kwalità kreditizja u l-prestazzjoni tal-iskoperturi sottostanti disponibbli fir-rapport għall-investituri, inkluża dejta li tippermetti lill-investituri jidentifikaw biċ-ċar id-delinkwenza u l-inadempjenza tad-debituri sottostanti, ir-ristrutturar tad-dejn, il-maħfra tad-dejn, it-trażżin, ir-riakkwisti, il-pawżi tal-pagamenti, it-telf, iċ-charge offs, l-irkupru u rimedji oħrajn tal-prestazzjoni tal-assi fil-pula ta’ skoperturi sottostanti. Id-dejta dwar il-flussi tal-flus iġġenerati mill-iskoperturi sottostanti u mill-obbligazzjonijiet tal-ħruġ tat-titolizzazzjoni, inkluża divulgazzjoni separata tal-introjtu u l-iżborż tal-pożizzjoni ta’ titolizzazzjoni, jiġifieri l-kapital skedat, l-imgħax skedat, il-kapital bi ħlas antiċipat, imgħax u tariffi skaduti u imposti u kwalunkwe dejta marbuta mal-ksur ta’ kwalukwe xkattatur li jimplika bidliet fil-prijorità tal-pagamenti jew sostituzzjoni ta’ kwalunkwe kontroparti kif ukoll id-dejta fuq l-ammont u l-forma ta’ tisħiħ tal-kreditu disponibbli għal kull segment għandha tkun ippreżentata fir-rapport għall-investituri wkoll. Għalkemm it-titolizzazzjonijiet li huma sempliċi, trasparenti u standardizzati fil-passat kellhom prestazzjoni tajba, is-sodisfazzjon ta' kwalunkwe rekwiżit STS ma jfissirx li l-pożizzjoni ta' titolizzazzjoni hija ħielsa minn riskji, u lanqas ma jindika xejn dwar il-kwalità kreditizja sottostanti għat-titolizzazzjoni. Minflok, għandu jitqies li jindika li investitur prudenti u diliġenti ser ikun jista’ janalizza r-riskji involuti fit-titolizzazzjoni. Għandu jkun hemm żewġ tipi ta’ rekwiżiti STS: wieħed għal titolizzazzjonijiet fit-tul u wieħed għal titolizzazzjonijiet għal terminu qasir (ABCP), li fil-parti l-kbira għandhom ikunu soġġetti għal rekwiżiti simili b’aġġustamenti speċifiċi li jirriflettu l-karatteristiċi strutturali ta’ dawn iż-żewġ segmenti tas-suq. Il-funzjonament ta’ dawn is-swieq huwa differenti, bil-programmi tal-ABCP li jħaddmu għadd ta’ tranżazzjonijiet tal-ABCP li jikkonsistu fi skoperturi għal terminu qasir li jeħtieġu li jiġu sostitwiti ladarba jimmaturaw. Barra minn hekk, il-kriterji dwar is-STS iridu jirriflettu wkoll ir-rwol speċifiku tal-isponsor fil-forniment ta’ appoġġ ta’ likwidità lill-veikoli ABCP.
(15)Din il-proposta tippermetti li titolizzazzjonijiet ta’ “bejgħ veru” biss ikunu deżinjati bħala STS. F’titolizzazzjoni ta’ bejgħ veru, is-sjieda tal-iskoperturi sottostanti tiġi ttrasferita jew assenjata b’mod effettiv lil entità emittenti li hija entità bi skop speċjali tat-titolizzazzjoni (SSPE). It-trasferiment tal-iskoperturi sottostanti lill-SSPE ma għandux ikun soġġett għal dispożizzjonijiet severi ta’ rkupru fil-każ ta’ insolvenza tal-bejjiegħ. Dispożizzjonijiet tant severi ta' rkupru jinkludu, iżda mhumiex limitati għal, dispożizzjonijiet li taħthom il-bejgħ tal-iskoperturi sottostanti jista’ jiġi invalidat mil-likwidatur tal-bejjiegħ fuq l-unika bażi li kien konkluż f'ċertu perjodu qabel id-dikjarazzjoni tal-insolvenza tal-bejjiegħ jew qabel dispożizzjonijiet meta l-SSPE tista’ tipprevjeni t-tali invalidazzjoni biss jekk tista’ turi bil-provi li ma kinitx taf bl-insolvenza tal-bejjiegħ fi żmien il-bejgħ.
(16)F’titolizzazzjonijiet li mhumiex ta’ “bejgħ veru”, l-iskoperturi sottostanti ma jiġux ittrasferiti lit-tali entità, iżda r-riskju ta’ kreditu marbut mal-iskoperturi sottostanti jiġi ttrasferit permezz ta’ garanzija jew kuntratt tad-derivattivi jew garanziji. Dan jintroduċi riskju ta’ kreditu tal-kontroparti addizzjonali u l-kumplessità potenzjali marbuta b’mod partikolari mal-kontenut tal-kuntratt tad-derivattivi. Sal-lum, ebda analiżi dwar il-livell internazzjonali jew tal-Unjoni ma kienet biżżejjed sabiex jiġu identifikati l-kriterji dwar is-STS għal dawk it-tipi ta’ strumenti ta’ titolizzazzjoni. Għaldaqstant, fil-futur ikun essenzjali li ssir valutazzjoni ta’ jekk xi titolizzazzjonijiet sintetiċi li marru tajjeb matul il-kriżi finanzjarja u li huma sempliċi, trasparenti u standardizzati humiex eliġibbli sabiex jikkwalifikaw bħala STS. Fuq din il-bażi, il-Kummissjoni ser tivvaluta jekk it-titolizzazzjonijiet li mhumiex “bejgħ veru” għandhomx ikunu koperti mid-deżinjazzjoni ta’ STS fi proposta fil-futur.
(17)L-iskoperturi sottostanti trasferiti mill-bejjiegħ lill-SSPE għandhom jissodisfaw kriterji ta' eliġibbiltà predeterminati u ddefiniti b'mod ċar li ma jippermettux immaniġġjar tal-portafoll attiv ta' dawk l-iskoperturi fuq bażi diskrezzjonali. Fil-prinċipju, is-sostituzzjoni tal-iskoperturi li jiksru r-rappreżentazzjoFnijiet u l-garanziji ma għandhiex titqies immaniġġjar tal-portafoll attiv.
(18)Sabiex jiġi żgurat li l-investituri jagħmlu d-diliġenza dovuta robusta u jiffaċilitaw il-valutazzjoni tar-riskji sottostanti, huwa importanti li t-tranżazzjonijiet ta’ titolizzazzjoni jkunu garantiti b’ippuljar ta’ skoperturi li huma omoġen fit-tip ta' ass, bħal ippuljar ta’ self residenzjali, ippuljar ta’ self kummerċjali, kirjiet u faċilitajiet ta’ kreditu lil impriżi tal-istess kategorija sabiex jiffinanzjaw nefqiet kapitali jew operazzjonijiet kummerċjali, ippuljar ta’ self għall-karozzi u kirjiet lil mutwatarji jew lokatarji jew self u ppuljar ta’ faċilitajiet ta’ kreditu lil individwi għal skopijiet ta’ konsum personali, mill-familja jew mill-unità domestika.
(19)Huwa essenzjali li jiġi evitat milli jerġgħu jfeġġu mudelli purament “oriġina u ddistribwixxi”. F’dawk is-sitwazzjonijiet, il-mutwanti jagħtu krediti billi japplikaw politiki ta’ sottoskrizzjoni batuti u dgħajfin peress li jkunu jafu minn qabel li r-riskji relatati eventwalment jinbiegħu lil partijiet terzi. B’hekk, l-iskoperturi li jridu jiġu titolizzati għandhom ikunu oriġinati matul il-perkors normali tan-negozju tal-oriġinatur jew tal-mutwanti oriġinali skont standards dwar is-sottoskrizzjoni li ma għandhomx ikunu inqas strinġenti minn dawk li l-oriġinatur jew il-mutwanti oriġinali japplika għall-oriġinazzjoni ta’ skoperturi simili li mhumiex titolizzati. Il-bidliet materjali fl-istandards ta’ sottoskrizzjoni għandhom jiġu ddivulgati bis-sħiħ lill-investituri potenzjali. L-oriġinatur jew il-mutwanti oriġinali għandu jkollu biżżejjed esperjenza fl-oriġinazzjoni ta’ skoperturi ta’ xorta simili għal dawk li ġew titolizzati. Fil-każ ta’ titolizzazzjonijiet li fihom l-iskoperturi sottostanti jkunu self residenzjali, l-ippuljar ta’ self ma għandux jinkludi self li jiġi kummerċjalizzat u sottoskritt bil-patt li l-applikant għas-self jew, meta applikabbli, l-intermedjarji, ikunu ġew mgħarrfin li l-informazzjoni pprovduta jaf ma tkunx ġiet verifikata mill-mutwanti. Il-valutazzjoni tal-affidabbiltà kredizja tal-mutwatarju għandha tissodisfa wkoll, meta applikabbli, ir-rekwiżiti stabbiliti fid-Direttivi 2014/17/UE jew 2008/48/KE tal-Parlament Ewropew u tal-Kunsill jew ir-rekwiżiti ekwivalenti f’pajjiżi terzi.
(20)Meta l-oriġinaturi, l-isponsors u l-SSPEs ikunu jixtiequ li t-titolizzazzjonijiet tagħhom jużaw id-deżinjazzjoni ta’ STS, dawn għandhom jinnotifikaw lill-investituri, lill-awtoritajiet kompetenti u lill-ESMA li t-titolizzazzjoni tissodisfa r-rekwiżiti STS. Imbagħad, l-ESMA għandha tippubblika dan fuq lista ta’ tranżazzjonijiet li tkun disponibbli fuq is-sit web tagħha għal skopijiet ta' informazzjoni. L-inklużjoni ta’ ħruġ ta’ titolizzazzjoni fil-lista tal-ESMA ta’ titolizzazzjonijiet STS notifikati ma timplikax li l-ESMA jew awtoritajiet kompetenti oħrajn iċċertifikaw li t-titolizzazzjoni tissodisfa r-rekwiżiti STS. Il-konformità mar-rekwiżiti STS tibqa’ responsabbiltà tal-oriġinaturi, l-isponsors u l-SSPEs waħedhom. Dan ser jiżgura li l-oriġinaturi, l-isponsors u l-SSPEs jieħdu responsabbiltà għad-dikjarazzjoni tagħhom li t-titolizzazzjoni hija STS u li hemm trasparenza fis-suq.
(21)Meta titolizzazzjoni ma tibqax tissodisfa r-rekwiżiti STS, l-oriġinatur, l-isponsor u l-SSPE għandhom jinnotifikaw lill-ESMA minnufih. Barra minn hekk, meta awtorità kompetenti tkun imponiet sanzjonijiet amministrattivi jew miżuri ta' rimedju fir-rigward ta' titolizzazzjoni nnotifikata bħala STS, dik l-awtorità kompetenti għandha tinnotifika immedjatament lill-ESMA għall-indikazzjoni tagħha dwar il-lista ta' notifiki STS li tippermetti li l-investituri jkunu infurmati dwar dawn is-sanzjonijiet u dwar l-affidabbiltà tan-notifiki STS. Għaldaqstant huwa fl-interess tal-oriġinaturi, tal-isponsors u tal-SSPEs li jagħmlu notifiki maħsuba sew minħabba l-konsegwenzi reputazzjonali.
(22)L-investituri għandhom iwettqu d-diliġenza dovuta tagħhom fuq l-investimenti b’mod proporzjonali għar-riskji involuti, iżda għandhom ikunu jistgħu jafdaw in-notifiki STS u l-informazzjoni pprovduta mill-oriġinatur, mill-isponsor u mill-SSPE fuq il-konformità STS.
(23)L-involviment ta’ partijiet terzi fl-għajnuna sabiex tiġi verifikata l-konformità ta’ titolizzazzjoni mar-rekwiżiti STS jista’ jkun siewi għall-investituri, għall-oriġinaturi, għall-isponsors u għall-SSPEs u jista’ jikkontribwixxi sabiex tiżdied il-kunfidenza fis-suq għat-titolizzazzjonijiet STS. Madankollu, huwa essenzjali li l-investituri jagħmlu l-valutazzjoni tagħhom stess, jieħdu responsabbiltà għad-deċiżjonijiet ta’ investiment tagħhom u ma joqogħdux b’mod mekkanistiku fuq it-tali partijiet terzi.
(24)L-Istati Membri għandhom jagħżlu l-awtoritajiet kompetenti u jagħtuhom is-setgħat ta’ superviżjoni, investigazzjoni u sanzjonar li jeħtieġu. Fil-prinċipju, is-sanzjonijiet amministrattivi u l-miżuri ta' rimedju għandhom jiġu ppubblikati. Peress li l-investituri, l-oriġinaturi, l-isponsors, il-mutwanti oriġinali u l-SSPEs jistgħu jkunu stabbiliti fi Stati Membri differenti u ssupervizzati minn awtoritajiet kompetenti settorjali differenti, il-kooperazzjoni mill-qrib bejn l-awtoritajiet kompetenti rilevanti, inkluż il-Bank Ċentrali Ewropew (BĊE) skont ir-Regolament tal-Kunsill (UE) Nru 1024/2013, u l-ASE għandha tiġi żgurata bl-iskambju reċiproku ta’ informazzjoni u assistenza f’attivitajiet superviżorji.
(25)L-awtoritajiet kompetenti għandhom jikkoordinaw mill-qrib is-superviżjoni tagħhom u jiżguraw deċiżjonijiet konsistenti, speċjalment f'każ ta' ksur ta' dan ir-Regolament. Meta dan il-ksur jikkonċerna notifika inkorretta jew qarrieqa, l-awtorità kompetenti li tiskopri dak il-ksur għandha anke tinforma lill-ASE u lill-awtoritajiet kompetenti rilevanti tal-Istati Membri kkonċernati, . L-ESMA, u, fejn xieraq, il-Kumitat Konġunt tal-Awtoritajiet Superviżorji Ewropej, għandhom ikunu jistgħu jeżerċitaw is-setgħat vinkolanti ta' medjazzjoni tagħhom.
(26)Dan ir-Regolament jippromwovi l-armonizzazzjoni ta' għadd ta' elementi ewlenin fis-suq tat-titolizzazzjoni mingħajr preġudizzju għal iktar armonizzazzjoni kumplimentari mmexxija mis-suq tal-proċessi u l-prattiki fis-swieq tat-titolizzazzjoni. Għal dik ir-raġuni, huwa essenzjali li l-parteċipanti fis-suq u l-assoċjazzjonijiet professjonali tagħhom ikomplu jistandardizzaw il-prattiki tas-suq, u b'mod partikulari l-istandardizzazzjoni tad-dokumentazzjoni tat-titolizzazzjonijiet. Il-Kummissjoni ser timmonitorja bir-reqqa u tirrapporta fuq l-isforzi ta’ standardizzazzjoni li jagħmlu l-parteċipanti fis-suq.
(27)Id-Direttiva tal-UCITS, id-Direttiva tas-Solvibbiltà II, ir-Regolament tas-CRA, id-Direttiva tal-AIFM u l-EMIR huma emendati kif xieraq sabiex tiġi żgurata l-konsistenza tal-qafas legali tal-UE ma' dan ir-Regolament dwar id-dispożizzjonijiet relatati mat-titolizzazzjoni li l-objettiv ewlieni tiegħu huwa l-istabbiliment u l-funzjonament tas-suq intern, b'mod partikulari billi tiżgura kundizzjonijiet ekwi fis-suq intern għall-investituri istituzzjonali kollha.
(28)Fir-rigward tal-emendi għar-Regolament (UE) Nru 648/2012, kuntratti tad-derivattivi barra l-Borża ("OTC") li jkunu daħlu fihom entitajiet bi skop speċjali tat-titolizzazzjoni ma għandhomx ikunu soġġetti għall-obbligu tal-ikklirjar diment li jiġu ssodisfati ċerti kundizzjonijiet. Dan minħabba li kontropartijiet għall-kuntratti tad-derivattivi OTC li jkunu daħlu fihom b'veikoli bi skop speċjali tat-titolizzazzjoni huma kredituri garantiti skont l-arranġamenti ta' titolizzazzjoni u normalment jkun pipprovdut għal protezzjoni xierqa kontra r-riskju ta' kreditu tal-kontroparti. Fir-rigward ta' derivattivi kklirjati mhux ċentralment, il-livelli ta' kollateral meħtieġa għandhom iqisu wkoll l-istruttura speċifika tal-arranġamenti ta' titolizzazzjoni u l-protezzjonijiet diġà previsti fihom.
(29)Hemm livell ta’ sostitwibbiltà bejn il-bonds koperti u t-titolizzazzjonijiet. Għalhekk, sabiex tiġi evitata l-possibbiltà ta’ distorsjoni jew arbitraġġ bejn l-użu tat-titolizzazzjonijiet u l-bonds koperti minħabba t-trattament differenti tal-kuntratti tad-derivattivi OTC li jidħlu fihom l-entitajiet tal-bonds koperti jew l-SSPEs, ir-Regolament (UE) Nru 648/2012 għandu jiġi emendat ukoll sabiex jeżenta lill-entitajiet tal-bonds koperti mill-obbligu tal-ikklirjar u sabiex jiżgura li l-entitajiet tal-bonds koperti jkunu soġġetti għall-istess marġini bilaterali.
(30)Sabiex jiġi speċifikat ir-rekwiżit ta' ritenzjoni tar-riskju, is-setgħa li jiġu adottati l-atti f'konformità mal-Artikolu 290 tat-Trattat dwar il-Funzjonament tal-Unjoni Ewropea għandha tiġi delegata lill-Kummissjoni fir-rigward tal-adozzjoni tal-istandards tekniċi regolatorji li jistabbilixxu l-modalitajiet biex ir-riskju jiġi ritenut, il-kejl tal-livell ta' ritenzjoni, ċerti projbizzjonijiet rigward ir-riskju ritenut, ir-ritenzjoni fuq bażi konsolidata u l-eżenzjoni ta' ċerti tranżazzjonijiet . Fid-dawl tal-kompetenza tal-EBA, hi u tiddefinixxi l-atti delegati, il-Kummissjoni għandha tagħmel użu minn dik il-kompetenza għat-tħejjija tal-atti delegati. L-EBA għandha tikkonsulta mill-qrib maż-żewġ Awtoritajiet Superviżorji Ewropej l-oħra.
(31)Sabiex tiffaċilita l-aċċess kontinwu, faċli u ħieles tal-investituri għal informazzjoni affidabbli dwar it-titolizzazzjonijiet, l-istess setgħa biex tadotta l-atti għandha tiġi delegata lill-Kummissjoni fir-rigward tal-adozzjoni tal-istandards tekniċi regolatorji għall-informazzjoni paragunabbli dwar l-iskoperturi sottostanti u r-rapporti regolari tal-investituri u għar-rekwiżiti li għandhom jiġu ssodisfati mis-sit web li fuqu tkun disponibbli l-informazzjoni għad-detenturi ta' pożizzjonijiet ta' titolizzazzjoni. Fid-dawl tal-kompetenza tal-ESMA, hi u tiddefinixxi l-atti delegati, il-Kummissjoni għandha tagħmel użu minn dik il-kompetenza għat-tħejjija tal-atti delegati. L-ESMA għandha tikkonsulta mill-qrib maż-żewġ Awtoritajiet Superviżorji Ewropej l-oħra.
(32)Sabiex tiffaċilita l-proċess għall-investituri, għall-oriġinaturi, għall-isponsors, u għall-SSPEs, l-istess setgħa biex tadotta l-atti għandha tiġi delegata lill-Kummissjoni fir-rigward tal-adozzjoni tal-istandards tekniċi regolatorji rigward il-mudell għan-notifiki STS li se jipprovdu lill-investituri u lill-awtoritajiet kompetenti b'biżżejjed informazzjoni għall-valutazzjoni tagħhom tal-konformità mar-rekwiżiti STS. Fid-dawl tal-kompetenza tal-ESMA, hi u tiddefinixxi l-atti delegati, il-Kummissjoni għandha tagħmel użu minn dik il-kompetenza għat-tħejjija tal-atti delegati. L-ESMA għandha tikkonsulta mill-qrib maż-żewġ Awtoritajiet Superviżorji Ewropej l-oħra.
(33)Sabiex tispeċifika t-termini tal-kooperazzjoni u tiskambja l-obbligu ta' informazzjoni tal-awtoritajiet kompetenti, l-istess setgħa biex tadotta l-atti għandha tiġi delegata lill-Kummissjoni fir-rigward tal-adozzjoni tal-istandards tekniċi regolatorji li jistabbilixxu l-informazzjoni li għandha tiġi skambjata u l-kontenut u l-kamp ta' applikazzjoni tal-obbligi tan-notifika. Fid-dawl tal-kompetenza tal-ESMA, hi u tiddefinixxi l-atti delegati, il-Kummissjoni għandha tagħmel użu minn dik il-kompetenza għat-tħejjija tal-atti delegati. L-ESMA għandha tikkonsulta mill-qrib maż-żewġ Awtoritajiet Superviżorji Ewropej l-oħra.
(34)Il-Kummissjoni, hi u tħejji u tfassal l-atti delegati, għandha tiżgura trażmissjoni simultanja, f'waqtha u xierqa ta' dokumenti rilevanti lill-Parlament Ewropew u lill-Kunsill.
(35)Billi l-objettivi ta' dan ir-Regolament ma jistgħux jintlaħqu biżżejjed mill-Istati Membri minħabba li s-swieq ta' titolizzazzjoni joperaw globalment uminħabba li għandhom jiġu żgurati kundizzjonijiet ekwivalenti ta' kompetizzjoni fis-suq intern għall-investituri istituzzjonali u għall-entitajiet kollha involuti fit-titolizzazzjoni iżda, minħabba l-iskala u l-effetti tagħhom, jistgħu jintlaħqu aħjar fil-livell tal-Unjoni, l-Unjoni tista' tadotta miżuri, skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f'dak l-Artikolu, dan ir-Regolament ma jmurx lil hinn minn dak li hu meħtieġ sabiex jintlaħqu dawk l-objettivi.
(36)Dan ir-Regolament għandu japplika għal titolizzazzjonijiet li jinħarġu mad-dħul fis-seħħ ta’ dan ir-Regolament jew wara.
(37)Għall-pożizzjonijiet ta' titolizzazzjoni pendenti fid-data tad-dħul fis-seħħ ta' dan ir-Regolament, l-oriġinaturi, l-isponsors u l-SSPEs jistgħu jużaw id-deżinjazzjoni "STS" diment li t-titolizzazzjoni tikkonforma mar-rekwiżiti STS. Għaldaqstant, l-oriġinaturi, l-isponsors u l-SSPEs għandhom ikunu kapaċi jippreżentaw notifika STS skont l-Artikolu 14 (1) ta' dan ir-Regolament lill-ESMA.
(38)Essenzjalment, ir-rekwiżiti ta’ diliġenza dovuta jittieħdu mil-liġi eżistenti tal-Unjoni u, b’hekk, għandhom japplikaw għal titolizzazzjonijiet maħruġin fl-1 ta’ Jannar 2011 jew wara, u għal titolizzazzjonijiet maħruġin qabel dakinhar, meta wara l-31 ta’ Diċembru 2014 ikunu ġew sostiwtiti jew żdiedu skoperturi sottostanti ġodda. L-artikoli relevanti tar-Regolament Delegat tal-Kummissjoni (UE) Nru 625/2014 li jispeċifikaw ir-rekwiżiti ta’ ritenzjoni tar-riskji għall-istituzzjonijiet ta’ kreditu u għad-ditti tal-investiment kif definiti fl-Artikolu 4(1) (1) u (2) tar-Regolament (UE) Nru 2013/575 għandhom jibqgħu applikabbli sa meta jidħlu fis-seħħ l-istandards tekniċi regolatorji dwar ir-ritenzjoni tar-riskju skont dan ir-Regolament. Minħabba raġunijiet ta' ċertezza tad-dritt, l-istituzzjonijiet ta' kreditu jew id-ditti tal-investiment, l-impriżi tal-assigurazzjoni, l-impriżi tar-riassigurazzjoni u l-maniġers ta’ fondi ta’ investiment alternattiv għandhom, għal pożizzjonijiet ta’ titolizzazzjoni pendenti mid-dħul fis-seħħ ta' dan ir-Regolament, ikomplu jkunu soġġetti għall-Artikolu 405 tar-Regolament (UE) Nru 575/2013 u għall-Kapitoli 1, 2 u 3 u għall-Artikolu 22 tar-Regolament Delegat tal-Kummissjoni (UE) Nru 625/2014, għall-Artikoli 254 u 255 tar-Regolament Delegat tal-Kummissjoni (UE) Nru 2015/35 u għall-Artikolu 51 tar-Regolament Delegat tal-Kummissjoni (UE) Nru 231/2013 rispettivament. Sabiex jiżgura li l-oriġinaturi, l-isponsors u l-SSPEs jikkonformaw mal-obbligi ta' trasparenza tagħhom, sakemm jidħlu fis-seħħ l-istandards tekniċi regolatorji li jridu jiġu adottati mill-Kummissjoni skont dan ir-Regolament, huma jagħmlu l-informazzjoni msemmija fl-Annessi I sa VIII tar-Regolament Delegat 2015/3/UE disponibbli għas-sit web imsemmi fl-Artikolu 5 (4) ta' dan ir-Regolament.
ADOTTAW DAN IR-REGOLAMENT:
Kapitolu 1
Dispożizzjonijiet ġenerali
Artikolu 1
Suġġett u kamp ta’ applikazzjoni
1.Dan ir-Regolament jistabbilixxi qafas ġenerali għat-titolizzazzjoni. Jiddefinixxi t-titolizzazzjoni u jistabbilixxi r-rekwiżiti dwar id-diliġenza dovuta, ir-ritensjoni tar-riskju u t-trasparenza għal partijiet involuti fit-titolizzazzjonijiet, bħal investituri istituzzjonali, oriġinaturi, sponsors, mutwanti oriġinali u entitajiet bi skop speċjali tat-titolizzazzjoni. Jipprovdi wkoll qafas għal titolizzazzjoni Sempliċi, Trasparenti u Standardizzata, jew “STS”.
2.Dan ir-Regolament japplika għal investituri istituzzjonali li jiġu skoperti għal titolizzazzjoni u għal oriġinaturi, mutwanti oriġinali, sponsors u entitajiet bi skop speċjali tat-titolizzazzjoni.
Artikolu 2
Definizzjonijiet
Għall-finijiet ta’ dan ir-Regolament, għandhom japplikaw id-definizzjonijiet li ġejjin:
(1)“titolizzazzjoni” tfisser tranżazzjoni jew skema, li biha riskju ta’ kreditu assoċjat mal-iskopertura jew aggregazzjoni ta’ skoperturi tkun segmentata, u jkollha ż-żewġ karatteristiċi li ġejjin:
(a)il-pagamenti fit-tranżazzjoni jew l-iskema jkunu dipendenti fuq il-prestazzjoni tal-iskoperturi jew l-aggregazzjoni ta’ skoperturi;
(b)is-subordinazzjoni tas-segmenti tiddetermina d-distribuzzjoni tat-telf matul il-ħajja kurrenti tat-tranżazzjoni jew skema.
(2)“Entità bi Skop Speċjali tat-Titolizzazzjoni” jew “SSPE” tfisser korporazzjoni, fiduċjarja jew entità ġuridika oħra, għajr oriġinatur jew sponsor, stabbilita għall-fini ta’ twettiq ta’ titolizzazzjoni waħda jew iktar, li l-attivitajiet tagħha huma limitati għal dawk xierqa sabiex jintlaħaq dak l-objettiv, bi struttura li hija maħsuba sabiex tiżola l-obbligi tal-SSPE minn dawk tal-oriġinatur, u fejn id-detenturi tal-interessi benefiċjarji jkollhom id-dritt ta’ rahan jew skambju ta’ dawk l-interessi mingħajr ebda restrizzjoni;
(3)“oriġinatur” tfisser entità li:
(a)hi stess jew permezz ta’ entitajiet relatati, b’mod dirett jew indirett, kienet involuta fil-ftehim oriġinali li ħoloq l-obbligi jew l-obbligi potenzjali tad-debitur jew id-debitur potenzjali li wasslu għat-titolizzazzjoni tal-iskoperturi; jew
(b)tixtri l-iskoperturi ta’ parti terza għan-nom tagħha stess u mbagħad tittitolizzahom;
(4)“rititolizzazzjoni” tfisser titolizzazzjoni li biha tal-inqas waħda mill-iskoperturi sottostanti tkun pożizzjoni ta’ titolizzazzjoni.
(5)“sponsor” tfisser istituzzjoni ta’ kreditu jew ditta tal-investiment kif definita fl-Artikolu 4(1) il-punti (1) u (2) tar-Regolament (UE) Nru 2013/575 għajr oriġinatur li jistabbilixxi u jimmaniġġja programm ta’ karta kummerċjali garantita b’assi jew tranżazzjoni jew skema ta’ titolizzazzjoni oħra li tixtri skoperturi mingħand entitajiet terzi;
(6)“segment” tfisser segment stabbilit b’kuntratt tar-riskju ta’ kreditu assoċjat ma’ skopertura jew aggregazzjoni ta’ skoperturi, li bih pożizzjoni fis-segment tinvolvi riskju ta’ telf ta’ kreditu ikbar jew inqas minn pożizzjoni tal-istess ammont f’segment ieħor, bla ma titqies il-protezzjoni tal-kreditu pprovduta minn partijiet terzi direttament lid-detenturi tal-pożizzjonijiet fis-segment jew f’segmenti oħrajn;
(7)“programm tal-karta kummerċjali garantita b’assi (ABCP)” jew “programm ABCP” tfisser programm ta’ titolizzazzjonijiet li t-titoli maħruġin minnu jieħdu l-forma predominanti ta’ karta kummerċjali garantita b’assi b’maturità oriġinali ta’ sena jew inqas;
(8)“tranżazzjoni tal-karta kummerċjali garantita b’assi (ABCP)” jew “tranżazzjoni ABCP” tfisser titolizzazzjoni fi ħdan programm ABCP;
(9)“titolizzazzjoni tradizzjonali” tfisser titolizzazzjoni li tinvolvi t-trasferiment ekonomiku tal-iskoperturi li jkunu titolizzati. Dan għandu jseħħ permezz tat-trasferiment tas-sjieda tal-iskoperturi titolizzati mill-istituzzjoni oriġinatriċi lil SSPE jew permezz ta’ subparteċipazzjoni minn SSPE. It-titoli maħruġa ma jirrappreżentawx obbligazzjonijiet ta’ ħlas tal-istituzzjoni oriġinatriċi;
(10)“titolizzazzjoni sintetika” tfisser titolizzazzjoni li biha t-trasferiment tar-riskju jinkiseb bl-użu ta’ derivattivi tal-kreditu jew garanziji, u l-iskoperturi li jiġu titolizzati jibqgħu skoperturi tal-oriġinatur;
(11)"investitur" tfisser persuna li żżomm titoli li jirriżultaw minn titolizzazzjoni;
(12)“investituri istituzzjonali” tfisser impriżi tal-assigurazzjoni kif definiti fl-Artikolu 13 (1) tad-Direttiva 2009/138/KE tal-Parlament Ewropew u tal-Kunsill tal-25 ta’ Novembru 2009 dwar il-bidu u l-eżerċizzju tan-negozju tal-assigurazzjoni u tar-riassigurazzjoni (Solvibbiltà II); l-impriżi tar-riassigurazzjoni kif definiti fl-Artikolu 13 punt (4) tad-Direttiva 2009/138/KE; l-istituzzjonijiet għall-provvista ta’ rtirar okkupazzjonali li jaqgħu taħt il-kamp ta’ applikazzjoni tad-Direttiva 2003/41/KE tal-Parlament Ewropew u tal-Kunsill skont l-Artikolu 2 tagħha, sakemm Stat Membru ma jkunx għażel li ma japplikax dik id-Direttiva sħiħa jew partijiet minnha għal dik l-istituzzjoni skont l-Artikolu 5 ta’ dik id-Direttiva; maniġer ta’ fond ta’ investiment alternattiv (AIFM) kif definit fl-Artikolu 4(1)(b) tad-Direttiva 2011/61/UE tal-Parlament Ewropew u tal-Kunsill li jimmaniġġja u/jew iqiegħed fis-suq AIFs fl-Unjoni; jew kumpanija ta’ mmaniġġjar tal-UCITS kif definita fl-Artikolu 2(1)(b) tad-Direttiva 2009/65/KE tal-Parlament Ewropew u tal-Kunsill; jew UCITS immaniġġjata internament, li hija kumpanija tal-investiment awtorizzata skont id-Direttiva 2009/65/KE u li ma għażlitx kumpanija ta’ mmaniġġjar awtorizzata skont dik id-Direttiva għall-immaniġġjar tagħha; jew istituzzjonijiet ta’ kreditu jew ditti tal-investiment kif definiti fl-Artikolu 4(1) (1) u (2) tar-Regolament (UE) Nru 2013/575;
(13)“serviser” tfisser entità kif definita fl-Artikolu 142(1) il-punt (8) tar-Regolament Nru 2013/575/UE;
(14)“faċilità ta’ likwidità” tfisser il-pożizzjoni ta’ titolizzazzjoni li tirriżulta minn ftehim kuntrattwali sabiex jiġi pprovdut finanzjament li jiżgura l-prontezza tal-flussi tal-flus lill-investituri;
(15)“skopertura ċirkolanti” tfisser skopertura fejn il-bilanċi pendenti tal-konsumaturi jitħallew ivarjaw skont id-deċiżjonijiet tagħhom ta’ teħid ta’ self u ripagament, sa limitu miftiehem;
(16)“titolizzazzjoni ċirkolanti” tfisser titolizzazzjoni fejn l-istruttura nnifisha tat-titolizzazzjoni tkun ċirkolanti billi l-iskoperturi jiżdiedu jew jitneħħew mill-aggregazzjoni ta’ skoperturi irrispettivament milli jekk l-iskoperturi humiex ċirkolanti jew le;
(17)“klawżola ta’ ammortizzament antiċipat” tfisser klawżola ta’ kuntratt f’titolizzazzjoni ta’ skoperturi ċirkolanti jew titolizzazzjoni ċirkolanti li teħtieġ, meta jseħħu avvenimenti definiti, li l-pożizzjonijiet tal-investituri jinfdew qabel il-maturità stipulata oriġinarjament tat-titoli maħruġin;
(18)“segment tal-ewwel telf” tfisser l-aktar segment subordinat f’titolizzazzjoni li jkun l-ewwel segment li jġorr it-telf imġarrab fuq l-iskoperturi titolizzati u li b’hekk jipprovdi protezzjoni għat-tieni telf u, fejn rilevanti, segmenti kklassifikati ogħla.
Kapitolu 2
Dispożizzjonijiet applikabbli għal kull titolizzazzjoni
Artikolu 3
Rekwiżiti dwar id-diliġenza dovuta għall-investituri istituzzjonali
1.Qabel ma jiġi skopert għal titolizzazzjoni, investitur istituzzjonali għandu jivverifika li:
(a)meta l-oriġinatur jew il-mutwanti oriġinali ma jkunx istituzzjoni ta’ kreditu jew ditta tal-investiment kif definita fl-Artikolu 4(1), punti (1) u (2) tar-Regolament (UE) Nru 575/2013, l-oriġinatur jew il-mutwanti oriġinali jagħti l-krediti kollha tiegħu fuq il-bażi ta’ kriterji solidi u definiti sew u proċessi stabbiliti ċari għall-approvazzjoni, l-emenda, it-tiġdid u l-finanzjament ta’ dawk il-krediti u għandu sistemi effettivi fis-seħħ biex japplika dawn il-kriterji u l-proċessi;
(b)l-oriġinatur, l-isponsor jew il-mutwanti oriġinali jżomm interess materjali ekonomiku nett skont l-Artikolu 4 ta' dan ir-Regolament u jiddivulgah lill-investitur istituzzjonali skont l-Artikolu 5;
(c)l-oriġinatur, l-isponsor jew l-SSPE jagħmel l-informazzjoni meħtieġa mill-Artikolu 5 ta' dan ir-Regolament disponibbli skont il-frekwenza u l-modalitajiet stipulati f’dak l-Artikolu;
2.Qabel ma jiġu esposti għal titolizzazzjoni, l-investituri istituzzjonali jridu jagħmlu wkoll valutazzjoni tad-diliġenza dovuta li tkun proporzjonata għar-riskji involuti, inklużi tal-inqas l-aspetti li ġejjin:
(a)il-karatteristiċi tar-riskju tal-pożizzjoni ta’ titolizzazzjoni individwali u tal-iskoperturi sottostanti;
(b)il-karatteristiċi strutturali kollha tat-titolizzazzjoni li jistgħu jħallu impatt materjali fuq il-prestazzjoni tal-pożizzjoni ta’ titolizzazzjoni, bħall-prijoritajiet kuntrattwali tal-ħlas u l-prijorità tal-ixkattaturi marbutin mal-pagament, it-titjibiet tal-kreditu, it-titjibiet tal-likwidità, l-ixkattaturi tal-valur tas-suq, u d-definizzjonijiet speċifiċi għat-tranżazzjoni tal-inadempjenza;
(c)fir-rigward tat-titolizzazzjonijiet ddeżinjati bħala STS, jekk it-titolizzazzjoni tissodisfax ir-rekwiżiti STS stabbiliti fl-Artikoli 7 sa 10 jew fl-Artikoli 11 sa 14. L-investituri istituzzjonali jistgħu jafdaw kif xieraq in-notifika STS skont l-Artikolu 14 (1) u dwar l-informazzjoni ddivulgata mill-oriġinatur, l-isponsor u l-SSPE dwar il-konformità mar-rekwiżiti STS.
3.L-investituri istituzzjonali li huma esposti għal pożizzjoni ta’ titolizzazzjoni għandhom tal-inqas:
(a)jistabbilixxu proċeduri bil-miktub li jikkorrispondu mal-profil tar-riskju tal-pożizzjoni ta’ titolizzazzjoni, u jkunu xierqa għall-portafoll tan-negozjar u mhux tan-negozjar tagħhom fejn relevanti, sabiex isir monitoraġġ tal-konformità mal-paragrafi 1 u 2 u l-prestazzjoni tal-pożizzjoni ta' titolizzazzjoni u l-iskoperturi sottostanti fuq bażi kontinwa. Fejn xieraq, dawk il-proċeduri bil-miktub jinkludu monitoraġġ tat-tip ta’ skopertura, il-perċentwal ta’ self skaduti b’iktar minn 30, 60 u 90 jum, ir-rati ta’ inadempjenza, ir-rati ta’ prepagament, is-self fi preklużjoni, ir-rati ta’ rkupru, ir-riakkwisti, il-modifiki tas-self, il-pawżi mill-pagamenti, it-tip ta’ kollateral u l-okkupanza, u d-distribuzzjoni tal-frekwenza tal-punteġġi tal-kreditu jew miżuri oħrajn tal-affidabbiltà kredizja bejn skoperturi sottostanti, l-industrija u d-diversifikazzjoni ġeografika, id-distribuzzjoni tal-frekwenza tal-proporzjonijiet bejn is-self u l-valur b’firxiet li jiffaċilitaw analiżi adegwata tas-sensittività. Meta l-iskoperturi sottostanti huma stess ikunu titolizzazzjonijiet, l-investituri istituzzjonali għandhom jissorveljaw ukoll l-iskoperturi sottostanti għal dawk it-titolizzazzjonijiet;
(b)jagħmlu testijiet regolari tal-istress fuq il-flussi tal-flus u l-valuri tal-kollateral li jsostni l-iskoperturi sottostanti li huma proporzjonati għall-għamla, l-iskala u l-kumplessità tar-riskju tal-pożizzjoni ta’ titolizzazzjoni;
(c)jiżguraw li hemm livell adegwat ta’ rapportar intern għall-korp maniġerjali tagħhom sabiex dawn ikunu jafu bir-riskju materjali li jirriżulta mill-pożizzjonijiet ta’ titolizzazzjoni u li r-riskji minn dawk l-investimenti huma mmaniġġjati b’mod adegwat;
(d)ikunu kapaċi juru lill-awtoritajiet kompetenti tagħhom, fuq talba, li għal kull waħda mill-pożizzjonijiet ta’ titolizzazzjoni, għandhom fehim komprensiv u profond tal-pożizzjoni u l-iskoperturi sottostanti tagħha u li implimentaw politiki u proċeduri miktubin għall-immaniġġjar tar-riskju tagħhom u ż-żamma tal-informazzjoni relevanti.
Artikolu 4
Ritensjoni tar-riskju
1.L-oriġinatur, l-isponsor jew il-mutwanti oriġinali ta’ titolizzazzjoni għandu jżomm fuq bażi kontinwa interess materjali ekonomiku nett fit-titolizzazzjoni ta’ mhux inqas minn 5 %. Meta l-oriġinatur, l-isponsor jew il-mutwanti oriġinali ma jkunux qablu bejniethom min ser iżomm l-interess materjali ekonomiku nett, l-oriġinatur għandu jżomm l-interess materjali ekonomiku nett. Ma għandu jkun hemm l-ebda applikazzjoni multipla tar-rekwiżiti ta’ ritensjoni għal xi titolizzazzjoni partikolari. L-interess materjali ekonomiku nett għandu jitkejjel fl-oriġini u għandu jiġi stabbilit bil-valur nozzjonali għall-entrati li ma jidhrux fil-karta bilanċjali. L-interess materjali ekonomiku nett ma jinqasamx bejn tipi differenti ta’ min iżomm l-interess u ma jkunx soġġett għal xi ħħeġġjar jew mitigazzjoni tar-riskju ta’ kreditu.
Għall-finijiet ta’ dan l-Artikolu, entità ma titqiesx li hija oriġinatur meta l-entità tkun ġiet stabbilita jew topera bl-uniku skop li tittitolizza skoperturi.
2.Dawn li ġejjin biss jikkwalifikaw bħala żamma tal-interess materjali ekonomiku nett ta’ mhux inqas minn 5 % skont it-tifsira tal-paragrafu 1:
(a)iż-żamma ta’ xejn inqas minn 5% tal-valur nominali ta’ kull wieħed mis-segmenti mibjugħin jew trasferiti lill-investituri;
(b)fil-każ ta’ titolizzazzjonijiet ċirkolanti jew titolizzazzjonijiet ta’ skoperturi ċirkolanti, iż-żamma mill-oriġinatur ta’ interess ta’ xejn inqas minn 5% tal-valur nominali ta’ kull waħda mill-iskoperturi titolizzati;
(c)iż-żamma ta’ skoperturi magħżulin b’mod aleatorju, ekwivalenti għal xejn inqas minn 5% tal-valur nominali tal-iskoperturi titolizzati, meta t-tali skoperturi mhux titolizzati kienu jiġu titolizzati fit-titolizzazzjoni, diment li n-numru ta’ skoperturi potenzjalment titolizzati ma jkunx ta’ inqas minn 100 fl-oriġini;
(d)l-assorbiment tas-segment tal-ewwel tat-telf u, meta t-tali assorbiment ma jkunx jammonta għal 5% tal-valur nominali tal-iskoperturi titolizzati, jekk hemm bżonn, segmenti oħrajn bl-istess profil ta’ riskju jew wieħed iktar sever minn dawk ittrasferiti jew mibjugħin lil investituri u li ma jimmaturawx qabel dawk ittrasferiti jew mibjugħin lill-investituri, sabiex l-assorbiment totali ma jkunx inqas minn 5% tal-valur nominali tal-iskoperturi titolizzati;
(e)l-assorbiment ta’ skopertura tal-ewwel telf ta’ mhux inqas minn 5 % minn kull skopertura titolizzata fit-titolizzazzjoni.
3.Meta kumpanija azzjonarja finanzjarja mħallta stabbilita fl-Unjoni skont it-tifsira tad-Direttiva Nru 2002/87/KE, istituzzjoni ta’ kreditu prinċipali jew kumpanija azzjonarja finanzjarja stabbilita fl-Unjoni, jew waħda mis-sussidjarji tagħha skont it-tifsira tar-Regolament (UE) Nru 575/2013, bħala oriġinatur jew sponsor, tittitolizza skoperturi minn istituzzjoni ta’ kreditu, kumpanija tal-investiment jew istituzzjoni finanzjarja waħda jew iktar li jkunu inklużi fil-kamp ta’ applikazzjoni ta’ superviżjoni fuq bażi konsolidata, ir-rekwiżiti msemmija fil-paragrafu 1 jistgħu jkunu ssodisfati fuq il-bażi tas-sitwazzjoni konsolidata tal-istituzzjoni ta’ kreditu prinċipali, tal-kumpanija azzjonarja finanzjarja, jew tal-kumpanija azzjonarja finanzjarja mħallta stabbilita fl-Unjoni.
L-ewwel subparagrafu japplika biss meta l-istituzzjonijiet ta’ kreditu, id-ditti tal-investiment jew l-istituzzjonijiet finanzjarji li ħolqu l-iskoperturi titolizzati jaderixxu mar-rekwiżiti stabbiliti fl-Artikolu 79 tad-Direttiva 36/2013/UE u jfornu l-informazzjoni meħtieġa biex jissodisfaw ir-rekwiżiti stabbiliti fl-Artikolu 5 ta' dan ir-Regolament, fil-ħin, lill-oriġinatur jew lill-isponsor u lill-istituzzjoni ta’ kreditu prinċipali tal-UE, lill-kumpanija azzjonarja finanzjarja jew lill-kumpanija azzjonarja finanzjarja mħallta fl-Unjoni.
4.Il-paragrafu 1 ma japplikax meta l-iskoperturi titolizzati jkunu skoperturi fuq garanzija jew skoperturi garantiti bis-sħiħ, inkondizzjonalment u b’mod irrevokabbli minn:
(a)gvernijiet ċentrali jew banek ċentrali;
(b)gvernijiet ta' Stat federat, awtoritajiet lokali u entitajiet tas-settur pubbliku skont it-tifsira tal-Artikolu 4 (1) punt (8) tar-Regolament (UE) Nru 575/2013 tal-Istati Membri;
(c)istituzzjonijiet li għalihom jiġi assenjat piż tar-riskju ta’ 50 % jew inqas skont il-Parti Tlieta, Titolu II, Kapitolu 2 tar-Regolament (UE) Nru 575/2013;
(d)il-banek multilaterali tal-iżvilupp elenkati fl-Artikolu 117 tar-Regolament (UE) Nru 575/2013.
5.Il-paragrafu 1 ma japplikax għal tranżazzjonijiet ibbażati fuq indiċi ċar, trasparenti u aċċessibbli, fejn l-entitajiet referenzjarji sottostanti jkunu identiċi għal dawk li jiffurmaw indiċi tal-entitajiet li jkun negozjat ħafna, jew ikunu titoli kummerċjabbli oħra għajr pożizzjonijiet ta’ titolizzazzjoni.
6.L-Awtorità Bankarja Ewropea (EBA), f’kooperazzjoni mill-qrib mal-Awtorità Ewropea tat-Titoli u s-Swieq (ESMA) u l-Awtorità Ewropea tal-Assigurazzjoni u l-Pensjonijiet tax-Xogħol (EIOPA) għandha tiżviluppa abbozz ta’ standards tekniċi regolatorji biex tispeċifika f’dettall ikbar ir-rekwiżit ta’ ritensjoni tar-riskju, b’mod partikolari fir-rigward ta’:
(a)il-modalitajiet ta’ ritensjoni tar-riskju skont il-paragrafu 2, inkluż l-issodisfar permezz ta’ forma sintetika jew kontinġenti ta’ ritensjoni;
(b)il-kejl tal-livell ta’ ritensjoni msemmi fil-paragrafu 1;
(c)il-projbizzjoni ta’ ħħeġġjar jew bejgħ tal-imgħax ritenut;
(d)il-kundizzjonijiet għaż-żamma fuq bażi konsolidata skont il-paragrafu 3;
(e)il-kundizzjonijiet għall-eżenzjoni ta' tranżazzjonijiet ibbażati fuq indiċi ċar, trasparenti u aċċessibbli msemmi fil-paragrafu 5.
L-EBA għandha tissottometti dan l-abbozz ta’ standards tekniċi regolatorji lill-Kummissjoni sa [sitt xhur mid-dħul fis-seħħ ta’ dan ir-Regolament].
Is-setgħa hija ddelegata lill-Kummissjoni biex tadotta l-istandards tekniċi regolatorji msemmijin fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
Artikolu 5
Rekwiżiti ta’ trasparenza għall-oriġinaturi, għall-isponsors u għall-SSPEs
1.L-oriġinatur, l-isponsor u l-SSPE ta’ titolizzazzjoni , skont il-paragrafu 2, għandhom tal-inqas jagħmlu din l-informazzjoni disponibbli għad-detenturi ta’ pożizzjoni ta’ titolizzazzjoni u għall-awtoritajiet kompetenti msemmijin fl-Artikolu 15 ta' dan ir-Regolament.
(a)informazzjoni dwar l-iskoperturi li huma sottostanti għat-titolizzazzjoni fuq bażi trimestrali jew, fil-każ ta’ ABCP, informazzjoni fuq ir-riċevibbli sottostanti jew il-pretensjonijiet ta’ kreditu fuq bażi ta’ kull xahar;
(b)fejn applikabbli, dawn id-dokumenti, inkluża deskrizzjoni dettaljata tal-prijorità tal-pagamenti tat-titolizzazzjoni:
(i)
id-dokument tal-offerta finali jew il-prospett flimkien mad-dokumenti tat-tranżazzjoni ta’ għeluq, esklużi opinjonijiet ġuridiċi;
(ii)
għal titolizzazzjoni tradizzjonali, il-ftehim ta’ bejgħ ta’ assi, l-assenjament, in-novazzjoni jew il-ftehim ta’ trasferiment u kwalunkwe dikjarazzjoni ta’ fiduċja;
(iii)
il-ftehimiet tad-derivattivi u tal-garanziji u kwalunkwe dokument relevanti dwar l-arranġamenti ta’ kollateralizzazzjoni li fihom l-iskoperturi titolizzati jibqgħu skoperturi tal-oriġinatur;
(iv)
il-ftehimiet ta’ servizzjar, servizzjar ta’ riserva, ammininistrazzjoni u mmaniġġjar tal-flus;
(v)
l-att fiduċjarju, l-att ta’ sikurezza, il-ftehim tal-aġenzija, il-ftehim tal-kont tal-bank, il-kuntratt ta’ investiment garantit, it-termini inkorporati jew il-qafas fiduċjarju prinċipali jew il-ftehim ta’ definizzjonijiet prinċipali jew dokumentazzjoni legali bħal din b’valur legali ekwivalenti;
(vi)
kwalunkwe ftehim relevanti bejn il-kredituri, dokumenti dwar id-derivattivi, ftehimiet ta’ self subordinat, ftehimiet ta’ self għall-bidu ta’ negozju u ftehimiet ta’ faċilità ta’ likwidità;
(vii)
kwalunkwe dokumentazzjoni sottostanti oħra li hija essenzjali għall-fehim tat-tranżazzjoni;
(c)meta ma jkunx tfassal prospett skont id-Direttiva 2003/71/KE tal-Parlament Ewropew u tal-Kunsill, sommarju tat-tranżazzjonijiet jew ħarsa ġenerali lejn il-karatteristiċi ewlenin tat-titolizzazzjoni, inklużi, fejn applikabbli:
(i)
dettalji dwar l-istruttura tan-negozju;
(ii)
dettalji dwar il-karatteristiċi tal-iskopertura, il-flussi tal-flus, it-titjib tal-kreditu u l-karatteristiċi tal-appoġġ ta’ likwidità;
(iii)
dettalji dwar id-drittijiet tal-vot tad-detenturi ta’ pożizzjoni ta’ titolizzazzjoni u r-relazzjoni tagħhom ma’ kredituri titolizzati oħrajn;
(iv)
lista tal-ixkattaturi u l-avvenimenti kollha msemmijin fid-dokumenti pprovduti skont il-punt (b) li jista’ jkollhom impatt materjali fuq il-prestazzjoni tal-istrument ta’ titolizzazzjoni;
(v)
id-dijagrammi tal-istruttura li fihom ħarsa ġenerali lejn it-tranżazzjoni, il-flussi tal-flus u l-istruttura tas-sjieda;
(d)fil-każ ta’ titolizzazzjonijiet STS, in-notifika STS imsemmija fl-Artikolu 14 (1) ta' dan ir-Regolament;
(e)rapporti trimestrali għall-investituri jew, fil-każ ta’ ABCP, rapporti ta’ kull xahar għall-investituri, li fihom dawn li ġejjin:
(i)
id-dejta materjalment relevanti kollha dwar il-kwalità kreditizja u l-prestazzjoni tal-iskoperturi sottostanti;
(ii)
dejta fuq il-flussi tal-flus iġġenerati mill-iskoperturi sottostanti u mill-obbligazzjonijiet tat-titolizzazzjoni, ħlief għall-ABCP, u informazzjoni dwar il-ksur ta’ kwalunkwe xkattatur li jimplika bidliet fil-prijorità ta’ pagamenti jew is-sostituzzjoni ta’ xi kontroparti;
(iii)
informazzjoni dwar ir-riskju ritenut skont l-Artikolu 4 u l-informazzjoni meħtieġa skont il-paragrafu 3.
(f)fejn applikabbli, informazzjoni skont l-Artikolu 17 tar-Regolament (UE) Nru 596/2014 tal-Parlament Ewropew u tal-Kunsill dwar abbuż minn informazzjoni privileġġata u manipulazzjoni tas-suq;
(g)meta ma jkunx japplika s-subparagrafu (f), kwalunkwe avveniment sinifikanti bħal:
(i)
ksur materjali tal-obbligi stabbiliti fid-dokumenti pprovduti skont is-subparagrafu (b), inklużi kwalunkwe rimedju, rinunzja jew kunsens li jiġu pprovduti wara b’rabta mat-tali ksur;
(ii)
bidla fil-karatteristiċi strutturali li tista’ tħalli impatt materjali fuq il-prestazzjoni tat-titolizzazzjoni;
(iii)
bidla sinifikanti fil-karatteristiċi tar-riskju tat-titolizzazzjoni jew tal-iskoperturi sottostanti;
(iv)
fil-każ ta’ titolizzazzjonijiet STS, meta t-titolizzazzjoni ma tibqax tissodisfa r-rekwiżiti STS jew meta l-awtoritajiet kompetenti jkunu ħadu azzjonijiet ta’ rimedju jew amministrattivi;
(v)
kwalunkwe emenda materjali għad-dokumenti ta’ tranżazzjoni.
L-informazzjoni deskritta fis-subparagrafi (a), (b), (c) u (d) għandha tkun disponibbli mingħajr dewmien sa mhux iktar tard minn wara l-għeluq tat-tranżazzjoni.
L-informazzjoni deskritta fis-subparagrafi (a) u (e) tkun disponibbli fl-istess żmien kull trimestru mhux iktar tard minn xahar wara d-data li fiha jrid jitħallas l-imgħax. Rigward it-titolizzazzjonijiet ABCP, l-informazzjoni deskritta fis-subparagrafi (a) u (e) għandha tkun disponibbli fl-istess żmien kull xahar, mhux iktar tard minn xahar wara d-data li fiha jrid jitħallas l-imgħax.
L-informazzjoni deskritta fis-subparagrafi (f) u (g) għandha tkun disponibbli mingħajr dewmien.
2.L-oriġinatur, l-isponsor u l-SSPE ta’ titolizzazzjoni għandhom jaħtru bejniethom entità li tissodisfa r-rekwiżiti ta’ informazzjoni skont il-paragrafu 1. L-oriġinatur, l-isponsor u l-SSPE għandhom jiżguraw li l-informazzjoni tkun disponibbli mingħajr ħlas għad-detentur ta’ pożizzjoni ta’ titolizzazzjoni u l-awtoritajiet kompetenti, fil-ħin u b’mod ċar. L-entità maħtura biex tissodisfa r-rekwiżiti stabbiliti fil-paragrafu 1 għandha tagħmel l-informazzjoni disponibbli permezz ta’ sit web li għandu;
(a)jinkludi sistema ta’ kontroll tal-kwalità tad-dejta li taħdem kif suppost;
(b)jirrispetta l-istandards ta’ governanza xierqa u jiżgura ż-żamma u l-operat ta’ struttura organizzazzjonali adegwata sabiex jiġu żgurati kontinwità u funzjonament ordinat;
(c)jistabbilixxi sistemi, kontrolli u proċeduri xierqa li jiżguraw li s-sit web jista’ jaqdi l-funzjoni tiegħu b’mod affidabbli u sigur u li jidentifikaw is-sorsi ta’ riskju operazzjonali;
(d)jinkludi sistemi li jiżguraw il-protezzjoni u l-integrità tal-informazzjoni riċevuta u r-reġistrazzjoni minnufih tal-informazzjoni;
(e)jiżgura li l-informazzjoni tkun disponibbli għal tal-inqas 5 snin wara d-data ta’ maturità tat-titolizzazzjoni.
L-entità responsabbli għar-rapportar tal-informazzjoni skont dan l-Artikolu u l-post fejn tkun disponibbli l-informazzjoni ikunu indikati fid-dokumentazzjoni rigward it-titolizzazzjoni.
3.L-ESMA, f’kooperazzjoni mill-qrib mal-EBA u mal-EIOPA, għandha tiżviluppa abbozz ta’ standards tekniċi regolatorji biex tispeċifika
(a)l-informazzjoni li l-oriġinatur, l-isponsor u l-SSPE għandhom jipprovdu sabiex jikkonformaw mal-obbligi tagħhom skont il-paragrafu 1(a) u (d) u l-format tagħha permezz ta’ mudelli standardizzati;
(b)ir-rekwiżiti li jrid jissodisfa s-sit web imsemmi fil-paragrafu 2 fejn l-informazzjoni ser titqiegħed għad-dispożizzjoni għad-detenturi ta’ pożizzjonijiet ta’ titolizzazzjoni, b’mod partikolari fir-rigward ta’:
–l-istruttura ta’ governanza tas-sit web u l-modalitajiet ta’ kif tiġi aċċessata l-informazzjoni;
–il-proċeduri interni li jiżguraw il-funzjonament xieraq, ir-robustezza operazzjonali u l-integrità tas-sit web u tal-informazzjoni maħżuna;
–il-proċedura li hemm fis-seħħ li tiżgura l-kwalità u l-preċiżjoni tal-informazzjoni.
L-ESMA għandha tissottometti abbozz ta’ standards tekniċi regolatorji lill-Kummissjoni sa [sena wara d-dħul fis-seħħ ta’ dan ir-Regolament].
Is-setgħa hija delegata lill-Kummissjoni biex tadotta l-istandards tekniċi regolatorji msemmija f’dan il-paragrafu skont il-proċedura stabbilita fl-Artikoli 10 sa 14 tar-Regolament (UE) Nru 1095/2010.
Kapitolu 3
Titolizzazzjoni sempliċi, trasparenti u standard
Artikolu 6
Użu tad-deżinjazzjoni "titolizzazzjoni sempliċi, trasparenti u standardizzata"
L-oriġinaturi, l-isponsors u l-SSPEs għandhom jużaw id-deżinjazzjoni “STS” jew deżinjazzjoni li tirreferi b’mod dirett jew indirett għal dawn it-termini għat-titolizzazzjoni tagħhom biss jekk it-titolizzazzjoni tissodisfa r-rekwiżiti kollha tat-Taqsima 1 jew tat-Taqsima 2 ta' dan ir-Regolament, u nnotifikaw lill-ESMA skont l-Artikolu 14 (1).
Taqsima 1
Rekwiżiti ġenerali għat-titolizzazzjoni STS
Artikolu 7
Titolizzazzjoni sempliċi, trasparenti u standardizzata
It-titolizzazzjonijiet, ħlief it-titolizzazzjonijiet ABCP, li jissodifaw ir-rekwiżiti fl-Artikoli 8, 9 u 10 ta' dan ir-Regolament jitqiesu "STS".
Artikolu 8
Rekwiżit relatat mas-sempliċità
1.L-iskoperturi sottostanti għandhom jiġu akkwistati minn SSPE permezz ta' bejgħ jew ċessjoni b'mod infurzabbli kontra l-bejjiegħ jew kwalunkwe parti terza oħra, anke fil-każ ta' insolvenza tal-bejiegħ. It-trasferiment tal-iskoperturi sottostanti għall-SSPE ma għandhomx ikunu soġġetti għal xi dispożizzjonijiet severi ta’ rkupru fil-każ ta’ insolvenza tal-bejjiegħ. Meta t-trasferiment tal-iskoperturi sottostanti jitwettqu permezz ta' ċessjoni u jiġu pperfezzjonati iktar tard wara l-għeluq tat-tranżazzjoni, l-ixkattaturi li jeffettwaw it-tali perfezzjoni għandhom, bħala minimu, jinkludu fihom dawn l-avvenimenti:
(a)deterjorament sever fis-sitwazzjoni tal-kwalità kreditizja tal-bejjiegħ;
(b)inadempjenza jew insolvenza tal-bejjiegħ; u
(c)ksur mhux rimedjat ta’ obbligi kuntrattwali mill-bejjiegħ.
2.Il-bejjiegħ għandu jipprovdi rappreżentazzjonijiet u garanziji li, sa fejn jaf hu, l-iskoperturi sottostanti inklużi fit-titolizzazzjoni mhumiex gravati jew inkella f'kundizzjoni li jista' jiġi previst li taffettwa b'mod ħażin l-eżegwibilità tal-bejgħ jew taċ-ċessjoni.
3.L-iskoperturi sottostanti trasferiti mill-bejjiegħ lill-SSPE għandhom jissodisfaw kriterji ta' eliġibbiltà predeterminati u ddefiniti b'mod ċar li ma jippermettux immaniġġjar tal-portafoll attiv ta' dawk l-iskoperturi fuq bażi diskrezzjonali.
4.It-titolizzazzjoni għandha tkun appoġġjata minn pula ta’ skoperturi sottostanti li huma omoġeni f'termini tat-tip ta' assi. L-iskoperturi sottostanti għandhom ikunu obbligi vinkolanti u infurzabbli b’kuntratt b’rikors sħiħ għad-debituri bi flussi ta’ pagamenti perjodiċi definiti marbutin mal-kiri, mal-kapital, mal-pagamenti tal-imgħax, jew relatati ma' kwalunkwe dritt ieħor li jirċievu introjtu mill-assi li jiggarantixxu dawn il-pagamenti. L-iskoperturi sottostanti ma jinkludux titoli trasferibbli, kif definit fid-Direttiva 2014/65/UE.
5.L-iskoperturi sottostanti ma jinkludux titolizzazzjonijiet.
6.L-iskoperturi sottostanti joriġinaw fil-perkors normali tan-negozju tal-oriġinatur jew tal-mutwanti oriġinali skont l-istandards ta’ sottoskrizzjoni li mhumiex inqas strinġenti minn dawk li l-oriġinatur jew il-mutwanti oriġinali japplikaw għall-oriġinazzjoni ta’ skoperturi simili li mhumiex titolizzati. Bidliet materjali fl-istandards ta’ sottoskrizzjoni għandhom jiġu ddivulgati bis-sħiħ lill-investituri potenzjali. Fil-każ ta’ titolizzazzjonijiet li fihom l-iskoperturi sottostanti jkunu self residenzjali, l-ippuljar ta’ self ma jinkludix self li tqiegħed fis-suq u li ġie sottoskritt fuq il-bażi li l-applikant għas-self jew, fejn applikabbli, l-intermedjarji, kienu jafu li l-informazzjoni pprovduta jaf ma tkunx ġiet verifikata mill-mutwanti. Il-valutazzjoni tal-affidabbiltà kredizja tal-mutwatarju tissodisfa r-rekwiżiti stabbiliti fil-paragrafi 1 sa 4, 5(a) u 6 tal-Artikolu 18 tad-Direttiva 2014/17/UE tal-Parlament Ewropew u tal-Kunslll jew tal-Artikolu 8 tad-Direttiva 2008/48/KE tal-Parlament Ewropew u tal-Kunsill jew rekwiżiti ekwivalenti f’pajjiżi terzi. L-oriġinatur jew il-mutwanti oriġinali għandu jkollu kompetenza fl-iskoperturi li joriġinaw ta’ xorta simili għal dawk titolizzati.
7.L-iskoperturi sottostanti, fi żmien it-trasferiment lill-SSPE, ma jinkludux skoperturi f’inadempjenza skont it-tifsira tal-Artikolu 178(1) tar-Regolament (UE) Nru 575/2013 jew skoperturi għal debituri jew garanti bi kreditu indebolit li, sa fejn jaf l-oriġinatur jew il-mutwanti oriġinali:
(a)iddikjara insolvenza, qabel mal-kredituri tiegħu fuq tneħħija jew riskedar tad-dejn jew inkella qorti ddikjarat li l-kredituri tiegħu għandhom dritt ta’ infurzar jew għad-danni materjali bħala riżultat ta’ pagament li ma sarx fi żmien tliet snin mid-data tal-oriġinazzjoni;
(b)huwa fuq reġistru uffiċjali ta’ persuni bi storja ta’ kreditu avversa;
(c)għandu gradazzjoni tal-kreditu jew evalwazzjoni ta’ kreditu li tindika li r-riskju li ma jsirux il-pagamenti maqbulin fil-kuntratt huwa ferm ogħla minn dak ta’ debitur medju għal dan it-tip ta’ self fil-ġurisdizzjoni relevanti.
8.Id-debituri jew il-garanti, fi żmien it-trasferiment tal-iskoperturi, għandu jkun għamel tal-inqas pagament wieħed, ħlief fil-każ ta’ titolizzazzjonijiet rotanti garantiti b’faċilitajiet personali ta’ overdraft, riċevibbli tal-karti tal-kreditu, riċevibbli tan-negozju u self ta’ finanzjament “dealer floorplan” jew skoperturi pagabbli f’pagament wieħed.
9.Ir-ripagament mid-detenturi tal-pożizzjonijiet ta’ titolizzazzjoni ma għandux ikun jiddependi, b’mod sostanzjali, mill-bejgħ ta’ assi li jkopru l-iskoperturi sottostanti. Dan ma jwaqqafx lit-tali assi milli sussegwentament jiġu riportati jew rifinanzjati.
Artikolu 9
Rekwiżiti relatati mat-titolizzazzjoni
1.L-oriġinatur, l-isponsor jew il-mutwanti oriġinali għandhom jissodisfaw ir-rekwiżit tar-ritenzjoni tar-riskju skont l-Artikolu 4 ta' dan ir-Regolament.
2.Ir-riskji taċ-ċaqliq fir-rata tal-imgħax u tal-valuta li jirriżultaw mit-titolizzazzjoni jiġu mitigati u l-miżuri li jittieħdu f'dan ir-rigwad jiġu ddivulgati. L-iskoperturi sottostanti ma jinkludux derivattivi, jekk mhux għall-iskop tal-iħeġġjar tar-riskju tal-valuta u r-riskju taċ-ċaqliq fir-rata tal-imgħax. Dawk id-derivattivi jiġu sottoskritti u dokumentati skont l-istandards komuni fil-finanzi internazzjonali.
3.Kwalunkwe pagament tal-imgħax imsemmi fil-kuntest tal-assi u l-obbligazzjonijiet tat-titolizzazzjoni ikun ibbażat fuq rati tal-imgħax ġeneralment użati fis-suq u ma jirreferix għal formuli jew derivattivi kumplessi.
4.Meta t-titolizzazzjoni titwaqqaf mingħajr perjodu rotanti jew il-perjodu rotanti jkun intemm u meta jitwassal avviż ta' infurzar jew ta' tqegħid in mora, ma jkun hemm l-ebda ammont sostanzjali ta' flus kontanti maqbudin fl-SSPE u d-dħul kapitali mill-iskoperturi sottostanti għandhom jingħaddu lill-investituri permezz ta' amortizzament sekwenzjali tal-pożizzjonijiet ta' titolizzazzjoni, kif determinat mis-superjorità tal-pożizzjoni ta' titolizzazzjoni. Ir-ripagament tal-pożizzjonijiet ta' titolizzazzjoni ma għandhomx jiġu invertiti fir-rigward tas-superjorità tagħhom u l-ixkattaturi marbutin mal-prestazzjoni għandhom jiġu inklużi fit-tranżazzjonijiet li fihom prijorità mhux sekwenzjali ta’ pagamenti, inkluż tal-inqas id-deterjorament fil-kwalità kreditizja tal-iskoperturi sottostanti taħt livell predefinit. Ma għandu jkun hemm ebda dispożizzjoni li teħtieġ likwidazzjoni awtomatika tal-iskoperturi sottostanti bil-valur tas-suq.
5.Id-dokumentazzjoni tat-tranżazzjoni tinkludi avvenimenti xierqa ta’ ammortizzazzjoni antiċipata jew xkattaturi għat-terminazzjoni tal-perjodu rotanti meta t-titolizzazzjoni tkun ġiet stabbilita b’perjodu rotanti, inkluż tal-inqas dawn li ġejjin:
(a)deterjorament fil-kwalità kreditizja tal-iskoperturi sottostanti għal-limitu minimu predefinit hew taħtu;
(b)l-okkorrenza ta' avveniment relatat ma' insolvenza fir-rigward tal-oriġinatur jew tas-serviser;
(c)il-valur tal-iskoperturi sottostanti miżmumin mill-SSPE jaqa’ taħt limitu predefinit (avveniment ta' amortizzazzjoni antiċipata);
(d)nuqqas milli jiġu ġġenerati biżżejjed skoperturi sottostanti ġodda li jissodisfaw il-kwalità kreditizja predefinita (xkattatur għat-tmiem tal-perjodu rotanti).
6.Id-dokumentazzjoni tat-tranżazzjoni għandha tispeċifika b'mod ċar:
(a)l-obbligi kuntrattwali, id-dmirijiet u r-responsabbiltajiet tas-serviser u tat-tim ta' ġestjoni tiegħu, li għandu jkollhom kompetenza fis-servizzjar tal-iskoperturi sottostanti, u, fejn applikabbli, tal-fiduċjarju u fornituri ta' servizz anċillari oħra;
(b)il-proċessi u r-responsabbiltajiet meħtieġa biex ikun żgurat li inadempjenza jew insolvenza tas-serviser ma tirriżultax fit-tmiem tas-servizzjar;
(c)dispożizzjonijiet li jiżguraw is-sostituzzjoni ta' kontropartijiet derivattivi, ta' fornituri tal-likwidità u tal-bank tal-kont f'każ ta' inadepjenza, insolvenza, u avvenimenti oħrajn speċifikati, meta applikabbli.
Il-politiki, il-proċeduri u l-kontrolli ta’ mmaniġġjar tar-riskji għandhom ikunu dokumentati sew u għandhom jiddaħħlu fis-seħħ sistemi effettivi.
7.Id-dokumentazzjoni tat-tranżazzjoni tinkludi definizzjonijiet, rimedji u azzjonijiet marbutin mad-delinkwenza u l-inadempjenza tad-debituri, ir-ristrutturar tad-dejn, il-maħfra ta’ dejn, it-tolleranza, il-pawżi mill-pagamenti, it-telf, iċ-charge offs, l-irkupri u rimedji oħrajn tal-prestazzjoni tal-assi f'termini ċari u konsistenti. Id-dokumentazzjoni tat-titolizzazzjoni tispeċifika biċ-ċar il-prijorità tal-pagamenti, l-ixkattaturi, il-bidliet fil-prijorità tal-pagamenti wara avvenimenti xkattaturi kif ukoll l-obbligu li jiġu rrapportati tali avvenimenti. Kwalunkwe bidla fil-prijorità tal-pagamenti għandha tiġi rrapportata meta sseħħ.
8.Id-dokumentazzjoni tat-titolizzazzjoni tinkludi dispożizzjonijiet ċari li jiffaċilitaw ir-riżoluzzjoni f'waqtha tal-kunflitti bejn klassijiet differenti ta’ investituri, id-drittijiet tal-vot ikunu definiti biċ-ċar u jiġu allokati lid-detenturi tan-noti u r-responsabbiltajiet tal-fiduċjarju u entitajiet oħrajn bi dmirijiet fiduċjarji lejn l-investituri jiġu identifikati b'mod ċar.
Artikolu 10
Rekwiżiti relatati mat-trasparenza
1.L-oriġinatur, l-isponsor, u l-SSPE għandhom jipprovdu aċċess għad-dejta storika dwar prestazzjoni statika u dinamika fir-rigward ta' inadempjenzi u telf, bħad-dejta dwar id-delinkwenza u l-inadempjenza, għal skoperturi sostanzjalment simili għal dawk li jiġu titolizzati lill-investitur qabel ma jinvestu. Dik id-dejta għandha tkopri perjodu ta' mhux inqas minn seba' snin għal skoperturi mhux fil-livell tal-konsumatur u ħames snin għall-iskoperturi fil-livell tal-konsumatur. Għandha tiġi ddivulgata l-bażi għad-dikjarazzjoni ta’ similarità.
2.Kampjun tal-iskoperturi sottostanti għandu jkun soġġett għal verifika esterna qabel il-ħruġ tat-titoli li jirriżultaw mit-titolizzazzjonijiet minn parti xierqa u indipendenti, inkluż verifika li d-dejta ddivulgata fir-rigward tal-iskoperturi sottostanti hija akkurata, b’livell ta’ kunfidenza ta’ 95 %.
3.L-oriġinatur jew l-isponsor għandu jipprovdi mudell tal-fluss tal-flus tal-obbligazzjonijiet lill-investituri, kemm qabel l-ipprezzar tat-titolizzazzjoni kif ukoll fuq bażi kontinwa.
4.L-oriġinatur, l-isponsor u l-SSPE jkunu responsabbli b'mod konġunt mill-konformità mal-Artikolu 5 ta' dan ir-Regolament u għandhom jagħml l-informazzjoni kollha meħtieġa mill-Artikolu 5(1) (a) disponibbli lill-investituri potenzjali qabel l-ipprezzar. L-oriġinatur, l-isponsor u l-SSPE għandhom jagħmlu l-informazzjoni kollha meħtieġa mill-Artikolu 5 (1) (b) sa (e) disponibbli qabel l-ipprezzar tal-inqas f’forma inizjali jew ta’ abbozz, meta dan ikun permess skont l-Artikolu 3 tad-Direttiva 2003/71/KE. L-oriġinatur, l-isponsor u l-SSPE għandhom jagħmlu d-dokumentazzjoni finali disponibbli lill-investituri mhux iktar tard minn 15-il jum wara l-għeluq tat-tranżazzjoni.
Taqsima 2
Rekwiżiti għat-Titolizzazzjoni ABCP
Artikolu 11
Titolizzazzjoni ABCP sempliċi, trasparenti u standardizzata
It-titolizzazzjonijiet ABCP jitqiesu "STS" meta l-programm ABCP jikkonforma mar-rekwiżiti fl-Artikolu 13 ta' dan ir-Regolament u t-tranżazzjonijiet kollha fil-rogramm ABCP jissodifaw ir-rekwiżiti fl-Artikolu 12.
Artikolu 12
Rekwiżiti fil-livell tat-tranżazzjoni
1.Tranżazzjoni fil-programm ABCP tissodisfa r-rekwiżiti tat-Taqsima 1 ta' dan il-Kapitolu, ħlief għall-Artikolu 7, l-Artikolu 8 (4) u (6), l-Artikolu 9 (3), (4), (5), (6) u (8) u l-Artikolu 10 (3). Għall-iskopijiet ta' din it-Taqsima, it-termini "oriġinatur" u "mutwanti oriġinali" skont l-Artikolu 8(7) jitqiesu bħala l-bejjiegħ.
2.It-tranżazzjonijiet fil-programm ABCP ikunu ggarantiti b'ippuljar ta’ skoperturi sottostanti li huma omoġeni f’termini ta’ tip ta’ assi u li jkun fadlilhom ħajja medja ponderata ta’ mhux iktar minn sentejn u fl-ebda każ ma jkollhom maturità residwa ta' aktar minn tliet snin. L-iskoperturi sottostanti ma għandhom jinkludu l-ebda self garantit minn ipoteki residenzjali jew kummerċjali jew self residenzjali garantit bis-sħiħ, kif imsemmi fil-paragrafu 1(e) tal-Artikolu 129 tar-Regolament (UE) Nru 575/2013. L-iskoperturi sottostanti għanu jkun fihom obbligi vinkolanti u infurzabbli b’kuntratt b’rikors sħiħ għad-debituri bi flussi ta’ pagamenti definiti marbutin mal-kiri, mal-kapital, mal-imgħax, jew relatati ma' kwalunkwe dritt ieħor biex jirċievu dħul mill-assi li jiggarantixxu dawn il-pagamenti. L-iskoperturi sottostanti ma jinkludux titoli trasferibbli, kif definit fid-Direttiva 2014/65/UE.
3.Kwalunkwe pagament tal-imgħax imsemmi fl-assi u l-obbligazzjonijiet tat-tranżazzjoni ta’ titolizzazzjoni jkun ibbażat fuq rati tal-imgħax tas-suq użati b’mod ġenerali, iżda ma għandux jagħmel referenza għal formuli jew derivattivi kumplessi.
4.Wara l-avveniment ta' inadempjenza jew ta' tqegħid in mora, l-ebda ammont sostanzjali ta' flus kontanti ma jinqabdu fl-SSPE u dħul kapitali mill-iskoperturi sottostanti jingħaddu lill-investituri li jkollhom pożizzjoni ta' titolizzazzjoni permezz ta' pagament sekwenzjali tal-pożizzjonijiet ta' titolizzazzjoni, kif determinat mis-superjorità tal-pożizzjoni ta' titolizzazzjoni. Ma għandu jkun hemm ebda dispożizzjoni li teħtieġ likwidazzjoni awtomatika tal-iskoperturi sottostanti bil-valur tas-suq.
5.L-iskoperturi sottostanti joriġinaw fil-perkors normali tan-negozju tal-bejjiegħ skont l-istandards tas-sottoskrizzjoni li mhumiex inqas strinġenti minn dawk li japplika bejjiegħ għall-oriġinazzjoni ta’ skoperturi simili li mhumiex titolizzati. Bidliet materjali fl-istandards ta’ sottoskrizzjoni jiġu ddivulgati bis-sħiħ lill-investituri potenzjali. Fil-każ ta’ titolizzazzjonijiet li fihom l-iskoperturi sottostanti jkunu self residenzjali, l-ippuljar ta’ self ma jinkludix self li tqiegħed fis-suq u li ġie sottoskritt fuq il-bażi li l-applikant għas-self jew, fejn applikabbli, l-intermedjarji, kienu jafu li l-informazzjoni pprovduta jaf ma tkunx ġiet verifikata mill-mutwanti. Il-bejjiegħ ikun kompetenti fl-oriġinazzjoni tal-iskoperturi ta’ għamla simili għal dawk titolizzati.
6.Id-dokumenti tat-tranżazzjoni jinkludu xkattaturi għat-terminazzjoni tal-perjodu rotanti, li tal-inqas jinkludu:
(a)deterjorament fil-kwalità kreditizja tal-iskoperturi sottostanti għal jew f’livell inqas mil-limitu predefinit;
(b)l-okkorrenza ta’ avveniment relatat ma’ insolvenza fir-rigward tal-bejjiegħ jew tas-serviser;
(c)nuqqas milli jiġu ġġenerati biżżejjed skoperturi sottostanti ġodda li jissodisfaw il-kwalità kreditizja predefinita;
7.Id-dokumentazzjoni tat-tranżazzjoni għandha tispeċifika b'mod ċar:
(a)l-obbligi kuntrattwali, id-dmirijiet u r-responsabbiltajiet tal-isponsor, tas-serviser u tat-tim ta' ġestjoni tiegħu, li għandu jkollhom kompetenza fis-servizzjar tal-iskoperturi sottostanti, u, fejn applikabbli, il-fiduċjarju u fornituri ta' servizzi aċillari oħra;
(b)il-proċessi u r-responsabbiltajiet meħtieġa biex ikun żgurat li inadempjenza jew insolvenza tas-serviser ma tirriżultax fit-tmiem tas-servizzjar;
(c)dispożizzjonijiet li jiżguraw is-sostituzzjoni ta' kontropartijiet derivattivi u tal-bank tal-kont f'każ ta' inadepjenza, insolvenza jew avvenimenti oħrajn speċifikati, meta applikabbli;
(d)L-isponsor għandu jagħmel id-diliġenza dovuta tiegħu u jivverifika li l-bejjiegħ jilħaq standards ta’ sottoskrizzjoni tajbin, li l-kapaċitajiet ta’ servizzjar u l-proċessi ta’ ġbir jissodisfaw ir-rekwiżiti speċifikati fil-punti (i) sa (m) tal-Artikolu 259 (3) tar-Regolament (UE) Nru 575/2013 jew rekwiżiti ekwivalenti f’pajjiżi terzi.
Il-politiki, il-proċeduri u l-kontrolli ta’ mmaniġġjar tar-riskji għandhom ikunu dokumentati sew u għandhom jiddaħħlu fis-seħħ sistemi effettivi.
Artikolu 13
Rekwiżiti fil-livell tal-programm
1.It-tranżazzjonijiet kollha fil-programm ABCP jissodisfaw ir-rekwiżiti tal-Artikolu 12 ta' dan ir-Regolament;
2.L-oriġinatur, l-isponsor jew il-mutwanti oriġinali għandhom jissodisfaw ir-rekwiżit tar-ritenzjoni tar-riskju skont l-Artikolu 4 ta' dan ir-Regolament.
3.Il-programm ABCP ma jkunx rititolizzazzjoni u t-titjib tal-kreditu ma jistabbilix it-tieni saff ta’ segmentar fil-livell tal-programm.
4.L-isponsor tal-programm ABCP ikun istituzzjoni ta' kreditu ssupervizzata skont id-Direttiva 2013/36/UE. L-isponsor ikun fornitur tal-faċilità ta’ likwidità u jappoġġja l-pożizzjonijiet ta' titolizzazzjoni kollha fil-livell tat-tranżazzjoni fil-program ABCP u jkopri r-riskji kollha tal-likwidità u ta’ kreditu u kwalunkwe riskji ta’ dilwizzjoni materjali tal-iskoperturi titolizzati kif ukoll kwalunkwe kost ieħor tat-tranżazzjoni u kost imġarrab mill-programm sħiħ.
5.It-titoli maħruġin minn programm tal-ABCP ma jinkludux opzjonijiet ta' eżerċizzju, klawżoli ta’ estensjoni jew klawżoli oħrajn li jkollhom effett fuq il-maturità finali tagħhom.
6.Ir-riskji taċ-ċaqliq fir-rata tal-imgħax u tal-valuta li jirriżultaw fil-livell tal-programm ABCP jiġu mitigati u l-miżuri li jittieħdu f'dan ir-rigwad jiġu ddivulgati. Id-derivattivi għandhom jintużaw biss fil-livell tal-programm għall-iskop tal-iħeġġjar tar-riskju tal-valuta u r-riskju taċ-ċaqliq fir-rata tal-imgħax. Tali derivattivi għandhom jiġu dokumentati skont l-istandards komuni fil-finanzi internazzjonali.
7.Id-dokumentazzjoni relatata mal-programm għandha tispeċifika b'mod ċar:
(a)ir-responsabbiltajiet tal-fiduċjarju u entitajiet oħrajn bi dmirijiet ta' fiduċjarju għall-investituri;
(b)dispożizzjonijiet li jiffaċilitaw ir-riżoluzzjoni f'waqtha tal-kunflitti bejn l-isponsor u d-detenturi tal-pożizzjonijiet ta' titolizzazzjoni;
(c)obbligi kuntrattwali, dmirijiet u responsabbiltajiet tal-isponsor, u tat-tim ta' ġestjoni tiegħu, li għandu jkollhom kompetenza fis-sottoskrizzjoni tal-kreditu ,il-fiduċjarju u għal fornituri ta' servizzi anċillari oħrajn;
(d) proċessi u r-responsabbiltajiet meħtieġa biex jiżguraw li inadempjenza jew insolvenza tas-serviser ma tirriżultax fit-tmiem tas-servizzjar;
(e)dispożizzjonijiet għas-sostituzzjoni ta' kontropartijiet derivattivi u tal-bank tal-kont fil-livell tal-programm ABCP f'każ ta' inadepjenza, insolvenza u avvenimenti oħrajn speċifikati, meta applikabbli.
(f)li malli jseħħu avvenimenti speċifikati, inadempjenza jew insolvenza tal-isponsor, għandu jiġi pprovdut għal passi ta’ rimedju sabiex tinkiseb kif xieraq kollateralizzazzjoni tal-impenn ta’ finanzjament jew is-sostituzzjoni tal-fornitur ta’ faċilità ta’ likwidità. F'każ li l-fornitur ta’ faċilità tal-likwidità ma jġeddidx l-impenn ta’ finanzjament fi żmien 30 jum mill-iskadenza tiegħu, il-faċilità ta’ likwidità għandha tiġi prelevata, it-titoli li jimmaturaw għandhom jiġu ripagati u t-tranżazzjonijiet ma għandhomx jibqgħu jixtru skoperturi filwaqt li jiġu ammortizzati l-iskoperturi sottostanti eżistenti.
Il-politiki, il-proċeduri u l-kontrolli ta’ mmaniġġjar tar-riskji għandhom ikunu dokumentati sew u għandhom jiddaħħlu fis-seħħ sistemi effettivi.
8.L-oriġinatur, l-isponsor u l-SSPE jkunu responsabbli b'mod konġunt mill-konformità fil-livell tal-program ABCP mal-Artikolu 5 ta' dan ir-Regolament u għandhom jagħmul l-informazzjoni kollha meħtieġa mill-Artikolu 5(1) (a) disponibbli lill-investituri potenzjali qabel l-ipprezzar. L-oriġinatur, l-isponsor u l-SSPE għandhom jagħmlu l-informazzjoni kollha meħtieġa mill-Artikolu 5 (1) (b) sa (e) disponibbli qabel l-ipprezzar tal-inqas f’forma inizjali jew ta’ abbozz, meta dan ikun permess skont l-Artikolu 3 tad-Direttiva 2003/71/KE. L-oriġinatur, l-isponsor u l-SSPE għandhom jagħmlu d-dokumentazjzjoni finali disponibbli lill-investituri mhux iktar tard minn 15-il jum wara l-għeluq tat-tranżazzjoni.
Artikolu 14
Notifika STS u diliġenza dovuta
1.L-oriġinaturi, l-isponsors u l-SSPEs għandhom jinnotifikaw b'mod konġunt lill-ESMA permezz tal-mudell imsemmi fil-paragrafu 5 ta' dan l-Artikolu li t-titolizzazzjoni tissodisfa r-rekwiżiti tal-Artikoli 7 sa 10 jew l-Artikoli 11 sa 13 ta' dan ir-Regolament ("notifika STS"). L-ESMA għandha tippubblika n-notifika STS fuq is-sit web uffiċjali tagħha skont il-paragrafu 4. Għandhom jgħarrfu lill-awtorità kompetenti tagħhom ukoll. L-oriġinatur, l-isponsor u l-SSPE ta’ titolizzazzjoni għandhom jaħtru bejniethom entità waħda li tkun l-ewwel punt ta’ kuntatt għall-investituri u l-awtoritajiet kompetenti.
2.Meta l-oriġinaturi jew il-mutwanti oriġinali ma jkunux istituzzjoni ta’ kreditu jew ditta tal-investiment kif definit fl-Artikolu 4 (1) punti (1) u (2) tar-Regolament Nru 575/2013, in-notifika skont il-paragrafu 1 tkun akkumpanjata minn:
(a)konferma mill-oriġinatur jew il-mutwanti oriġinali li l-għoti tal-kreditu tagħha jsir fuq il-bażi ta’ kriterji sodi u definiti kif suppost u proċessi stabbiliti ċari għall-approvazzjoni, l-emendar, it-tiġdid u l-finanzjament ta’ krediti u li l-oriġinatur jew il-mutwanti oriġinali għandu sistemi effettivi fis-seħħ biex japplika dawn il-proċessi.
(b)dikjarazzjoni dwar jekk l-elementi msemmijin fis-subparagrafu (a) humiex soġġetti għal superviżjoni.
3.L-oriġinatur, l-isponsor u l-SSPE għandhom jinnotifikaw lill-ESMA u lill-awtorità kompetenti tagħhom minnufih meta titolizzazzjoni ma tibqax tissodisfa r-rekwiżiti tal-Artikoli 7 sa 10 jew l-Artikoli 11 sa 13 ta' dan ir-Regolament.
4.L-ESMA għandha żżomm lista tat-titolizzazzjonijiet kollha li għalihom l-oriġinaturi, l-isponsors u l-SSPEs ikunu nnotifikaw li jissodisfaw ir-rekwiżiti tal-Artikoli 7 sa 10 jew l-Artikoli 11 sa 13 ta' dan ir-Regolament fuq is-sit web uffiċjali tagħha. L-ESMA għandha taġġorna l-lista meta t-titolizzazzjonijiet ma jibqgħux jitqiesu li jkunu STS wara deċiżjoni tal-awtoritajiet kompetenti jew avviż mill-oriġinatur, mill-isponsor jew mill-SSPE. Meta l-awtorità kompetenti tkun imponiet sanzjonijiet amministrattivi jew miżuri ta' rimedju skont l-Artikolu 17, hija għandha tinnotifika lill-ESMA dwarha immedjatament. L-ESMA għandha tindika immedjatament fuq il-lista li awtorita kompetenti tkun imponiet sanzjonijiet amministrattivi jew miżuri ta' rimedju fir-rigward tat-titolizzazzjoni kkonċernata.
5.L-ESMA, f’kooperazzjoni mil-qrib mal-EBA u l-EIOPA, għandha tiżviluppa abbozz ta’ standards tekniċi regolatorji li jispeċifikaw l-informazzjoni li l-oriġinatur, l-isponsor u l-SSPE jipprovdu biex jikkonformaw mal-obbligi tagħhom skont il-paragrafu 1 u għandha tipprovdi l-format permezz ta’ mudelli standardizzati.
L-ESMA għandha tippreżenta dak l-abbozz ta’ standards tekniċi regolatorji lill-Kummissjoni sa [tnax-il xahar mid-dħul fis-seħħ ta’ dan ir-Regolament].
Is-setgħa hija delegata lill-Kummissjoni biex tadotta l-istandards tekniċi regolatorji msemmija f’dan il-paragrafu skont il-proċedura stabbilita fl-Artikoli minn 10 sa 14 tar-Regolament (UE) Nru 1095/2010.
Kapitolu 4
Superviżjoni
Artikolu 15
Ħatra tal-awtoritajiet kompetenti
1.Il-konformità mal-obbligi stabbiliti fl-Artikolu3 ta’ dan ir-Regolament għandha tiġi żgurata minn dawn l-awtoritajiet kompetenti skont is-setgħat mogħtijin mill-atti legali relevanti:
(a)għal impriżi tal-assigurazzjoni u tar-riassigurazzjoni, l-awtorità kompetenti maħtura skont l-Artikolu 13 (10) tad-Direttiva 2009/138/KE;
(b)għal maniġers ta’ fondi ta’ investiment alternattiv, l-awtorità kompetenti responsabbli maħtura skont l-Artikolu 44 tad-Direttiva 2011/61/UE;
(c)għall-UCITS u kumpaniji maniġerjali tal-UCITS, l-awtorità kompetenti maħtura skont l-Artikolu 97 tad-Direttiva 2009/65/KE;
(d)għal istituzzjonijiet għall-provvista ta' rtirar okkupazzjonali, l-awtorità kompetenti maħtura skont l-Artikolu 6 (g) tad-Direttiva 2003/41/KE;
(e)għal istituzzjonijiet ta’ kreditu jew ditti tal-investiment, l-awtorità kompetenti maħtura skont l-Artikolu 4 tad-Direttiva 2013/36/UE, inkluż il-BĊE skont ir-Regolament tal-Kunsill (UE) Nru 1024/2013.
2.L-awtoritajiet kompetenti responsabbli għas-superviżjoni tal-isponsors skont l-Artikolu 4 tad-Direttiva 2013/36/UE, inkluż il-BĊE skont ir-Regolament tal-Kunsill (UE) Nru 1024/2013, għandhom jiżguraw li l-isponsors jikkonformaw mal-obbligi stabbiliti fl-Artikoli 4 sa 14 ta’ dan ir-Regolament.
3.Meta l-oriġinaturi, il-mutwanti oriġinali u l-SSPEs ikunu entitajiet taħt superviżjoni skont id-Direttiva 2013/36/UE, ir-Regolament (UE) Nru 1024/2013, id-Direttiva 2009/138/KE, id-Direttiva 2003/41/KE, id-Direttiva 2011/61/UE jew id-Direttiva 2009/65/KE, l-awtoritajiet kompetenti relevanti maħtura skont dawk l-atti, inkluż il-BĊE skont ir-Regolament tal-Kunsill (UE) Nru 1024/2013, għandhom jiżguraw konformità mal-obbligi stabbiliti fl-Artikoli 4 sa 14 ta’ dan ir-Regolament.
4.Għal entitajiet mhux koperti mill-atti leġiżlattivi tal-Unjoni msemmijin fil-paragrafu 3, l-Istati Membri għandhom jaħtru awtorità kompetenti waħda jew iktar sabiex jiżguraw konformità mal-Artikoli 4 sa 14 ta’ dan ir-Regolament. L-Istati Membri għandhom jgħarrfu lill-Kummissjoni, l-ESMA, l-EBA u l-EIOPA u l-awtoritajiet kompetenti ta’ Stati Membri oħrajn bil-ħatra tal-awtoritajiet kompetenti skont dan il-paragrafu.
5.L-ESMA għandha tippubblika u żżomm aġġornata fuq is-sit web tagħha lista tal-awtoritajiet kompetenti msemmija f’dan l-Artikolu.
Artikolu 16
Setgħat tal-awtoritajiet kompetenti
1.Kull Stat Membru għandu jara li l-awtorità kompetenti, maħtura skont l-Artikolu 15 (2) sa (4) għandha s-setgħat superviżorji, investigatorji u ta' sanzjonar meħtieġa biex taqdi dmirijietha skont dan ir-Regolament.
2.L-awtorità kompetenti għandha teżamina b’mod regolari l-arranġamenti, il-proċess u l-mekkaniżmi implimentati mill-oriġinaturi, mill-isponsors, mill-SSPEs u mill-mutwanti oriġinali sabiex tikkonforma ma’ dan ir-Regolament.
3.L-awtoritajiet kompetenti għandhom jiżguraw li r-riskji li jirriżultaw mit-tranżazzjonijiet ta’ titolizzazzjoni, inklużi r-riskji għar-reputazzjoni, jiġu evalwati u indirizzati permezz ta’ politiki u proċeduri xierqa tal-oriġinaturi, l-isponsors, l-SSPEs u l-mutwanti oriġinali.
Artikolu 17
Sanzjonijiet amministrattivi u miżuri ta’ rimedju
1.Mingħajr preġudizzju għad-dritt li l-Istati Membri jipprevedu u jimponu sanzjonijiet kriminali skont l-Artikolu 19 ta' dan ir-Regolament, l-Istati Membri għandhom jistabbilixxu regoli li jfasslu s-sanzjonijiet amministrattivi u l-miżuri ta’ rimedju xierqa applikabbli għas-sitwazzjonijiet li fihom:
(a)oriġinatur, sponsor jew mutwanti oriġinali jkun naqas milli jissodisfa r-rekwiżiti tal-Artikolu 4;
(b)oriġinatur, sponsor jew mutwanti oriġinali jkun naqas milli jissodisfa r-rekwiżiti tal-Artikolu 5;
(c)oriġinatur, sponsor u SSPE jkunu naqsu milli jissodisfaw ir-rekwiżiti tal-Artikoli 7 sa 10 jew l-Artikoli 11 sa 13 ta' dan ir-Regolament.
L-Istati Membri għandhom jiżguraw li s-sanzjonijiet amministrattivi u/jew il-miżuri ta’ rimedju huma implimentati b’mod effettiv.
2.Dawk is-sanzjonijiet u l-miżuri għandhom ikunu effettivi, proporzjonati u dissważivi u, tal-inqas, għandhom jinkludu:
(a)dikjarazzjoni pubblika, li tindika l-identità tal-persuna fiżika jew ġuridika u n-natura tal-ksur skont l-Artikolu 22;
(b)ordni li titlob lill-persuna fiżika jew ġuridika biex tieqaf minn din l-imġiba u ma tirrepetihiex;
(c)projbizzjoni temporanja kontra kwalunkwe membru tal-korp maniġerjali tal-oriġinatur, l-isponsor jew l-SSPE jew kwalunkwe persuna fiżika oħra, li jkunu responsabbli minn funzjonijiet maniġerjali fit-tali impriżi;
(d)fil-każ tal-ksur imsemmi fil-paragrafu 1 (c) ta' dan l-Artikolu, projbizzjoni temporanja għall-oriġinatur, għall-isponsor u għall-SSPE milli jiċċertifikaw huma stess li titolizzazzjoni tissodisfa r-rekwiżiti stabbiliti fl-Artikoli 7 sa 10 jew fl-Artikoli 11 sa 13 ta' dan ir-Regolament;
(e)multi amministrattivi massimi ta’ tal-inqas EUR 5 000 000, jew fl-Istati Membri fejn il-munita mhijiex l-euro, il-valur korrispondenti fil-munita nazzjonali fi [data ta’ dħul fis-seħħ ta’ dan ir-Regolament]
(f)jew fil-każ ta’ persuna ġuridika, il-multi amministrattivi massimi msemmijin fil-punt (e) jew sa 10 % tal-fatturat annwali totali tal-persuna ġuridika skont l-aħħar kontijiet disponibbli approvati mill-korp maniġerjali; meta l-persuna ġuridika tkun impriża prinċipali jew sussidjarja tal-impriża prinċipali li trid tħejji kontijiet finanzjarji konsolidati skont id-Direttiva 2013/34/UE, il-fatturat annwali totali relevanti għandu jkun il-fatturat annwali totali jew it-tip korrispondenti ta’ dħul b’konformità mal-atti leġiżlattivi kontabilitsiċi relevanti skont l-aħħar kontijiet konsolidati disponibbli approvati mill-korp maniġerjali tal-impriża prinċipali finali;
(g)multi amministrattivi finali li tal-inqas jilħqu d-doppju tal-ammont tal-benefiċċju miksub mill-ksur meta dak il-benefiċċju jkun jista’ jiġi stabbilit, anki jekk dan jaqbeż l-ammonti massimi fil-punti (e) u (f).
3.Meta d-dispożizzjonijiet imsemmijin fl-ewwel paragrafu japplikaw għall-persuni ġuridiċi, l-Istati Membri għandhom jiżguraw ukoll li l-awtoritajiet kompetenti japplikaw is-sanzjonijiet amministrattivi u l-miżuri ta' rimedju stabbiliti fil-paragrafu 2 għal membri tal-korp maniġerjali, u għal individwi oħrajn li huma responsabbli għall-ksur skont il-liġi nazzjonali.
4.L-Istati Membri għandhom jiżguraw li kwalunkwe deċiżjoni li timponi s-sanzjonijiet amministrattivi jew il-miżuri ta' rimedju stabbiliti fil-paragrafu 2 tkun motivata sew u tkun soġġetta għad-dritt ta’ appell quddiem tribunal.
Artikolu 18
Eżerċitar tas-setgħa biex timponi sanzjonijiet amministrattivi u miżuri ta' rimedju
1.L-awtoritajiet kompetenti għandhom jeżerċitaw is-setgħat li jimponu s-sanzjonijiet amministrattivi u l-miżuri ta' rimedju msemmijin fl-Artikolu 17 ta' dan ir-Regolament skont l-oqfsa legali nazzjonali tagħhom:
(a)direttament;
(b)f'kollaborazzjoni ma’ awtoritajiet oħrajn;
(c)b’applikazzjoni lill-awtoritajiet ġudizzjarji kompetenti.
2.Meta jistabbilixxu t-tip u l-livell ta’ sanzjoni amministrattiva jew miżura ta' rimedju imposta skont l-Artikolu 17 ta' dan ir-Regolament, l-awtoritajiet kompetenti għandhom iqisu ċ-ċirkustanzi relevanti kollha, inkluż, fejn xieraq:
(a)il-materjalità, il-gravità u d-durata tal-ksur;
(b)il-grad ta’ responsabbiltà tal-persuna fiżika jew ġuridika responsabbli mill-ksur;
(c)is-saħħa finanzjarja tal-persuna fiżika jew ġuridika responsabbli kif indikat b’mod partikolari mill-fatturat totali tal-persuna ġuridika responsabbli jew id-dħul annwali u l-assi netti tal-persuna fiżika responsabbli;
(d)l-importanza tal-profitti miksuba jew tat-telf li jkun ġie evitat mill-persuna fiżika jew ġuridika responsabbli, sa fejn dawn ikunu jistgħu jiġu determinati;
(e)it-telf għal partijiet terzi kkaġunati mill-ksur, meta jkun jista’ jiġi stabbilit;
(f)il-livell ta’ kooperazzjoni tal-persuna fiżika jew ġuridika responsabbli mal-awtorità kompetenti, mingħajr ħsara għall-bżonn li jiġi żgurat li jiġu ċeduti l-profitti miksubin jew it-telf evitat minn dik il-persuna;
(g)il-ksur preċedenti mill-persuna fiżika jew ġuridika responsabbli.
Artikolu 19
Dispożizzjoni tas-sanzjonijiet kriminali
1.L-Istati Membri jistgħu jiddeċieud li ma jistabbilixxux regoli għas-sanzjonijiet amministrattivi jew għall-miżuri ta' rimedju għal ksur li jkun soġġett għal sanzjonijiet kriminali skont il-liġi nazzjonali tagħhom.
2.Meta l-Istati Membri jkunu għażlu, b’konformità mal-paragrafu 1, li jistabbilixxu sanzjonijiet kriminali għall-ksur imsemmi fl-Artikolu 17 (1) ta' dan ir-Regolament, għandhom jaraw li hemm il-miżuri xierqa fis-seħħ sabiex l-awtoritajiet kompetenti jkollhom is-setgħat meħtieġa kollha biex jaħdmu mal-awtoritajiet ġudizzjarji, tal-prosekuzzjoni jew tal-ġustizzja kriminali fi ħdan il-ġurisdizzjoni tagħhom ħalli jirċievu informazzjoni speċifika marbuta ma’ investigazzjonijiet jew proċedimenti kriminali mibdijin għall-ksur imsemmi fl-Artikolu 17 (1), u sabiex jipprovdu l-istess informazzjoni lil awtoritajiet kompetenti oħrajn u lill-ESMA, l-EBA u l-EIOPA sabiex jissodisfaw l-obbligu tagħhom li jikkooperaw għall-finijiet ta’ dan ir-Regolament.
Artikolu20
Dmirijiet ta’ notifika
L-Istati Membri għandhom jinnotifikaw il-liġijiet, ir-regolamenti u d-dispożizzjonijiet amministrattivi li jimplimentaw dan il-Kapitolu, inkluża kwalunkwe dispożizzjoni relevanti tal-liġi kriminali, lill-Kummissjoni, lill-ESMA, lill-EBA u lill-EIOPA sa [sena mid-dħul fis-seħħ ta’ dan ir-Regolament]. L-Istati Membri għandhom jinnotifikaw lill-Kummissjoni, lill-ESMA, lill-EBA u lill-EIOPA mingħajr dewmien żejjed dwar kwalunkwe emenda sussegwenti ifhom.
Artikolu 21
Kooperazzjoni bejn awtoritajiet kompetenti u l-Awtoritajiet Superviżorji Ewropej
1.L-awtoritajiet kompetenti msemmijin fl-Artikolu 15 ta' dan ir-Regolament u l-ESMA, l-EBA u l-EIOPA għandhom jikkooperaw mill-qrib ma’ xulxin u jiskambjaw informazzjoni biex iwettqu dmirijiethom skont l-Artikoli 16 sa 19, b’mod partikolari biex jidentifikaw u jirrimedjaw ksur ta’ dan ir-Regolament.
2.L-awtoritajiet kompetenti jistgħu anke jikkooperaw mal-awtoritajiet kompetenti ta’ pajjiżi terzi fir-rigward tal-eżerċitar tas-setgħat ta' sanzjonar u biex jiffaċilitaw l-irkupru ta’ sanzjonijiet pekunjarji.
3.Meta awtorità kompetenti ssib li nkiser dan ir-Regolament jew meta jkollha raġun biex temmen hekk, hija għandha tgħarraf lis-superviżur kompetenti tal-oriġinatur, tal-isponsor, tal-mutwanti oriġinali, tal-SSPE jew tal-investitur bis-sejbiet tagħha b’mod dettaljat biżżejjed. L-awtoritajiet kompetenti kkonċernati għandhom jikkoordinaw is-superviżjoni tagħhom mill-qrib u jaraw li jittieħdu deċiżjonijiet konsistenti.
4.Meta l-ksur imsemmi fil-paragrafu 3 ikun jikkonċerna, b'mod partikolari, notifika żbaljata jew qarrieqa skont l-Artikolu 14 (1) ta' dan ir-Regolament, l-awtorità kompetenti li ssib dak il-ksur għandha tinnotifika wkoll lill-ESMA, lill-EBA u lill-EIOPA bis-sejbiet tagħha mingħajr dewmien.
5.Meta tirċievi l-informazzjoni msemmija fil-paragrafu 3, l-awtorità kompetenti għandha tieħu kwalunkwe azzjoni meħtieġa biex tindirizza l-ksur identifikat u tinnotifika lill-awtoritajiet kompetenti kkonċernati l-oħrajn, b’mod partikolari dawk tal-oriġinatur, tal-isponsor, tal-SSPE u l-awtoritajiet kompetenti tad-detentur b'pożizzjoni ta’ titolizzazzjoni, meta tkun magħrufa. F’każ ta’ nuqqas ta’ qbil bejn l-awtoritajiet kompetenti, il-kwistjoni tista' tiġi riferita lill-ESMA u tapplika l-proċedura tal-Artikolu 19 u, fejn applikabbli, l-Artikolu 20 tar-Regolament (UE) Nru 1095/2010.
6.L-ESMA, f’kooperazzjoni mill-qrib mal-EBA u mal-EIOPA, għandha tiżviluppa abbozz ta’ standards tekniċi regolatorji sabiex tispeċifika l-obbligu ta’ kooperazzjoni ġenerali u l-informazzjoni li għandha tiġi skambjata skont il-paragrafu 1 u l-obbligi ta’ notifika skont il-paragrafi (3) u (4).
L-ESMA, f’kooperazzjoni mill-qrib mal-EBA u mal-EIOPA, għandha tissottometti dak l-abbozz ta’ standards tekniċi regolatorji lill-Kummissjoni [tnax-il xahar wara d-dħul fis-seħħ ta’ dan ir-Regolament].
Is-setgħa hija delegata lill-Kummissjoni sabiex din tadotta l-istandards tekniċi regolatorji msemmijin fl-ewwel subparagrafu skont l-Artikoli 10 sa 14 tar-Regolament (UE) Nru1095/2010.
Artikolu 22
Pubblikazzjoni tas-sanzjonijiet amministrattivi u l-miżuri ta' rimedju
1.L-Istati Membri għandhom jiżguraw li l-awtoritajiet kompetenti jippubblikaw kull deċiżjoni li timponi sanzjoni amministrattiva jew miżura ta' rimedju għal ksur tal-Artikoli 4, 5 jew 14(1) ta' dan ir-Regolament mingħajr dewmien fuq is-sit web uffiċjali tagħhom wara li d-destinatarju tas-sanzjoni jew tal-miżura tas-sanzjoni jew tal-miżura jkun ġie nnotifikat b'dik id-deċiżjoni.
2.Il-pubblikazzjoni msemmija fil-paragrafu 1 għandha tinkludi tal-inqas l-informazzjoni fuq it-tip u l-għamla tal-ksur u l-identità tal-persuni responsabbli u s-sanzjoniijet jew il-miżuri imposti.
3.Meta l-pubblikazzjoni tal-identità, f'każ ta' persuni ġuridiċi, jew l-identità u d-dejta personali , f'każ ta' persuni fiżiċi, titqies mill-awtorità kompetenti li mhijiex proporzjonata wara valutazzjoni ta’ każ b’każ jew meta l-awtorità kompetenti tqis li l-pubblikazzjoni tat-tali dejta, jew meta l-pubblikazzjoni tipperikola l-istabbiltà tas-swieq finanzjarji jew ta' investigazzjoni kontinwa, l-Istati Membri għandhom jiżguraw li l-awtoritajiet kompetenti jew :
(a)jiddiferixxu l-pubblikazzjoni tad-deċiżjoni li timponi s-sanzjoni amministrattiva jew il-miżura ta' rimedju sakemm ma jibqgħux jeżistu r-raġunijiet għan-nuqqas ta’ pubblikazzjoni; jew
(b)jippubblikaw id-deċiżjoni li timponi s-sanzjoni amministrattiva jew ir-rimedju, waqt li jħallu barra għal perjodu ta' żmien raġonevoli l-identità u d-dejta personali tad-destinatarju, jekk ikun imbassar li f'dak iż-żmien ir-raġunijiet għall-publikazzjoni anonima ma jibqgħux jeżistu u diment li din il-pubblikazzjoni anonima tiżgura protezzjoni effettiva tad-dejta personali kkonċernata; jew
(c) ma jippubblikawx id-deċiżjoni li timponi s-sanzjoni amministrattiva jew il-miżura ta' rimedju affattu f’każ li l-opzjonijiet stipulati fil-punti (a) u (b) jitqiesu li mhumiex biżżejjed biex jiżguraw:
(i)li l-istabbiltà tas-swieq finanzjarji ma tkunx imxekkla;
(ii)il-proporzjonalità tal-pubblikazzjoni tat-tali deċiżjonijiet fir-rigward tal-miżuri li jitqiesu li huma ta’ xorta minuri.
4.Fil-każ ta' deċiżjoni li tiġi pubblikata sanzjoni jew miżura fuq bażi anonima, il-pubblikazzjoni tad-dejta rilevanti tista' tiġi posposta. Meta deċiżjoni li timponi sanzjoni amministrattiva jew miżura ta' rimedju tkun soġġetta għal appell quddiem l-awtoritajiet ġudizzjarji relevanti, l-awtoritajiet kompetenti għandhom ukoll iżidu immedjatament fuq is-sit web uffiċjali tagħhom dik l-informazzjoni u kwalunkwe informazzjoni sussegwenti dwar l-eżitu ta' dak l-appell. Kwalunkwe deċiżjoni ġudizzjarja li tħassar deċiżjoni li timponi sanzjoni amministrattiva jew miżura ta' rimedju għandha tiġi ppubblikata wkoll.
5.L-awtoritajiet kompetenti għandhom jiżguraw li kwalunkwe pubblikazzjoni msemmija fil-paragrafi 1 sa 4 għandha tibqa’ fuq is-sit web uffiċjali tagħhom għal tal-anqas ħames snin wara li tiġi ppubblikata. Dejta personali li tkun tinsab fil-pubblikazzjoni għandha tinżamm fuq is-sit web uffiċjali tal-awtorità kompetenti għall-perjodu li hu meħtieġ skont ir-regoli applikabbli dwar il-protezzjoni tad-dejta biss.
6.L-awtoritajiet kompetenti għandhom jgħarrfu lill-ESMA, lill-EBA u lill-EIOPA dwar is-sanzjonijiet amministrattivi u l-miżuri ta' rimedju kollha imposti, inkluż, fejn xieraq, kwalunkwe appell b’rabta magħhom u l-eżitu ta’ dan. L-Istati Membri jridu jiżguraw li l-awtoritajiet kompetenti jirċievu informazzjoni u s-sentenza finali b’rabta ma’ kwalunkwe sanzjoni kriminali imposta u jippreżentawhom lill-ESMA, l-EBA jew l-EIOPA.
7.L-ESMA, l-EBA u l-EIOPA għandhom iżommu b'mod konġunt bażi ta' dejta ċentrali tas-sanzjonijiet amministrattivi u l-miżuri ta' rimedju kkomunikati lilhom. Il-bażi ta' dejta għandha tkun aċċessibbli biss lill-awtoritajiet kompetenti u għandha tiġi aġġornata fuq il-bażi tal-informazzjoni pprovduta mill-awtoritajiet kompetenti skont il-paragrafu 6.
TITOLU III
EMENDI
Artikolu 23
Emenda għad-Direttiva 2009/65/KE
L-Artikolu 50a tad-Direttiva 2009/65/KE huwa rrevokat
Artikolu24
Emenda għad-Direttiva 2009/138/KE
Id-Direttiva 2009/138/KE hija emendata kif ġej:
(1)fl-Artikolu 135, il-paragrafi 2 u 3 huma sostitwiti b’dan li ġej:
“2. Il-Kummissjoni għandha tadotta l-atti delegati skont l-Artikolu 301a li jistabbilixxi l-ispeċifikazzjonijiet għaċ-ċirkustanzi li fihom tista’ tiġi ordnata imposta kapitali addizzjonali proporzjonata meta jinkisru r-rekwiżiti stabbiliti fl-Artikoli 3 u 4 tar-Regolament [ir-Regolament dwar it-titolizzazzjonijiet], bla preġudizzju għall-Artikolu 101(3).
3. Sabiex tiġi żgurata armonizzazzjoni konsistenti b’rabta mal-paragrafu 2, l-EIOPA, soġġetta għall-Artikolu 301b, għandha tiżviluppa abbozz ta’ standards tekniċi regolatorji sabiex tispeċifika l-metodoloġiji għall-kalkolu tal-imposta kapitali addizzjonali proporzjonata msemmija hemm.
Il-Kummissjoni tingħata s-setgħa li tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1094/2010.”
(2)L-Artikolu 308b(11) huwa revokat.
Artikolu 25
Emenda għar-Regolament (KE) Nru 2009/1060
Ir-Regolament (KE) Nru 2009/1060 huwa emendat kif ġej:
(1)Fil-premessi 22 u 41, fl-Artikoli 8c u fl-Anness II, punt 1, “strument finanzjarju strutturat” hija sostitwita bi “strument ta’ titolizzazzjoni”.
(2)Fil-premessi 34 u 40, fl-Artikoli 8(4), 8c, 10(3), 39(4) kif ukoll fl-Anness I, Taqsima A, punt 2, paragrafu 5, Anness I, Taqsima B, punt 5, Anness II (titolu u punt 2), Anness III, Parti I, punti 8, 24 u 45, l-Anness III, Parti III, punt 8, “strumenti finanzjarji strutturati” hija sostitwita bi “strumenti ta’ titolizzazzjoni”.
(3)Fl-Artikolu 1, it-tieni subparagrafu huwa sostitwit b’dan li ġej:
“Dan ir-Regolament jistabbilixxi wkoll l-obbligi għall-emittenti u l-partijiet terzi relatati stabbiliti fl-Unjoni rigward l-istrumenti ta’ titolizzazzjoni."
(4)fl-Artikolu 3, il-punt (l) huwa sostitwit b’dan li ġej:
“(l) “strument ta’ titolizzazzjoni” tfisser strument finanzjarju jew assi oħrajn li jirriżultaw minn tranżazzjoni jew skema ta’ titolizzazzjoni msemmija fl-Artikolu2 (1) tar-Regolament [dan ir-Regolament];”
Artikolu 26
Emenda għad-Direttiva 2011/61/UE
L-Artikolu 17 tad-Direttiva 2011/61/UE huwa revokat
Artikolu 27
Emenda għar-Regolament (UE) Nru 648/2012
Ir-Regolament 648/2012/UE huwa emendat kif ġej:
(1)fl-Artikolu 2 jiżdiedu l-punti 30 u 31:
“(30) “bond kopert” tfisser bond li jissodisfa r-rekwiżiti tal-Aritkolu 129 tar-Regolament (UE) Nru 575/2013.
(31) “entità ta’ bonds koperti” tfisser l-emittent tal-bonds koperti jew l-ippuljar ta' kopertura ta’ bond kopert."
(2)fl-Artikolu 4 jiżdiedu l-paragrafi 5 u 6 li ġejjin:
“5. L-Artikolu 4(1) ma għandux japplika fir-rigward tal-kuntratti tad-derivattivi OTC li ma jiġux konklużi minn entitajiet ta’ bonds koperti b’rabta ma’ bond kopert, jew minn Entità bi Skop Speċjali tat-Titolizzazzjoni b’rabta ma’ titolizzazzjoni, skont it-tifsira tar-Regolament [ir-Regolament dwar it-Titolizzazzjoni] diment li:
(a) fil-każ ta’ Entitajiet bi Skop Speċjali tat-Titolizzazzjoni, l-Entità bi Skop Speċjali tat-Titolizzazzjoni għandha toħroġ biss titolizzazzjonijiet li jissodisfaw ir-rekwiżiti tal-Artikoli 7 sa 10 jew l-Artikoli 11 sa 13 u l-Artikolu 6 tar-Regolament [ir-Regolament dwar it-Titolizzazzjonijiet];
(b) il-kuntratt tad-derivattivi OTC jintuża biss biex jiħħeġġja spariġġi fir-rati tal-imgħax jew fil-valuti fil-bond kopert jew fit-titolizzazzjoni; u
(c) l-arranġamenti fil-bond kopert jew fit-titolizzazzjoni jimmitigaw b’mod adegwat ir-riskju ta’ kreditu tal-kontroparti fir-rigward tal-kuntratti tad-derivattivi OTC konklużi mill-entità ta’ bonds koperti jew Entità bi Skop Speċjali tat-Titolizzazzjoni b’rabta mal-bond kopert jew it-titolizzazzjoni.
6. Sabiex tiġi żgurata applikazzjoni konsistenti ta’ dan l-Artikolu, u filwaqt li jitqies il-bżonn li jiġi evitat arbitraġġ regolatorju, l-ASE għandhom jiżviluppaw abbozz ta’ standards tekniċi regolatorji li jispeċifikaw il-kriterji għall-istabbiliment ta’ liema arranġamenti f’bonds koperti jew titolizzazzjonijiet jimmitigaw b’mod adegwat ir-riskju ta’ kreditu tal-kontroparti, skont it-tifsira tal-paragrafu 5.
L-ASE għandhom jissottomettu dak l-abbozz ta’ standards tekniċi regolatorji lill-Kummissjoni sa [sitt xhur mid-dħul fis-seħħ ta’ dan ir-Regolament].
Il-Kummissjoni tingħata s-setgħa li tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.”
(3)fl-Artikolu 11, il-paragrafu 15 huwa mibdul b'dan li ġej:
“15. Biex tkun żgurata l-applikazzjoni konsistenti ta’ dan l-Artikolu, l-ASE għandhom jiżviluppaw abbozz komuni ta’ standards tekniċi regolatorji li jispeċifikaw:
(a) il-proċeduri ta’ mmaniġġjar tar-riskju, inklużi l-livelli u t-tip ta’ kollateral u arranġamenti ta’ segregazzjoni, meħtieġa għall-konformità mal-paragrafu 3;
(b) il-proċeduri għall-kontropartijiet u l-awtoritajiet kompetenti relevanti li jridu jiġu segwiti meta jiġu applikati l-eżenzjonijiet skont il-paragrafi 6 sa 10;
(c) il-kriterji applikabbli msemmijin fil-paragrafi 5 sa 10, inkluż, b’mod partikolari, dak li għandu jitqies bħala xkiel prattiku jew legali għat-trasferiment minnufih ta’ fondi proprji u r-ripagament ta’ obbligazzjonijiet bejn il-kontropartijiet.
Il-livell u t-tip ta’ kollateral meħtieġ fir-rigward tal-kuntratti tad-derivattivi OTC li huma konklużi minn entitajiet ta’ bonds koperti b’rabta ma’ bond kopert, jew minn Entità bi Skop Speċjali tat-Titolizzazzjoni b’rabta ma’ titolizzazzjoni skont it-tifsira ta’ [dan ir-Regolament] u li jissodisfaw il-kundizzjonijiet tal-paragrafu 4(5) ta’ dan ir-Regolament u r-rekwiżiti tal-Artikoli 7 sa 10 jew l-Artikoli 11 sa 13 u l-Artikolu 6 tar-Regolament [ir-Regolament dwar it-Titolizzazzjonijiet] għandhom jiġu stabbiliti filwaqt li jittieħed f’kunsiderazzjoni kwalunkwe xkiel affaċċjat fl-iskambju tal-kollateral fir-rigward ta’ arranġameti kollaterali eżistenti fil-bond kopert jew it-titolizzazzjoni.
L-ASE għandhom jissottomettu dak l-abbozz ta’ standards tekniċi regolatorji lill-Kummissjoni sa [sitt xhur mid-dħul fis-seħħ ta’ dan ir-Regolament.]
Skont in-natura legali tal-kontroparti, il-Kummissjoni hija mogħtija s-setgħa li tadotta l-istandards tekniċi regolatorji msemmija fl-ewwel subparagrafu b’konformità jew mal-Artikoli 10 sa 14 tar-Regolamenti (UE) Nru 1093/2010, (UE) Nru 1094/2010 jew (UE) Nru 1095/2010.”
Artikolu 28
Dispożizzjonijiet tranżitorji
1.Dan ir-Regolament japplika għal titolizzazzjonijiet li t-titoli tagħhom ikunu ġew ippubblikati fi [data tad-dħul fis-seħħ ta’ dan ir-Regolament] jew wara, soġġetti għall-paragrafi 2 sa 6.
2.Fir-rigward tal-pożizzjonijiet ta' titolizzazzjoni pendenti minn [data ta' dħul fis-seħħ ta' dan ir-Regolament], l-oriġinaturi, l-isponsors u l-SSPEs jistgħu jużaw id-deżinjazzjoni "STS" jew deżinjazzjoni li tirreferi direttament jew indirettament għal dawn it-termini biss meta r-rekwiżiti stabbiliti fl-Artikolu 6 ta' dan ir-Regolament ikunu ġew imħarsa.
3.Fir-rigward tat-titolizzazzjonijiet li t-titoli tagħhom ikunu ġew ippubblikati fl-1 ta' Jannar 2011 jew wara u għat-titolizzazzjonijiet ippubblikati qabel dik id-data, fejn żdiedu jew ġew sostitwiti skoperturi sottostanti wara l-31 ta' Diċembru 2014, japplika l-Artikolu 3.
4.Fir-rigward ta' pożizzjonijiet ta' titolizzazzjonijiet pendenti minn [data tad-dħul fis-seħħ ta’ dan ir-Regolament], l-istituzzjonijiet ta’ kreditu jew id-ditti tal-investiment kif definit fl-Artikolu 4(1) u (2) tar-Regolament (UE) Nru 2013/575, l-impriżi tal-assigurazzjoni kif definit fl-Artikolu 13 (1) tad-Direttiva 2009/138/KE, l-impriżi ta’ riassigurazzjoni kif definit fl-Artikolu 13 punt (4) tad-Direttiva 2009/138/KE u maniġers ta’ fondi ta’ investiment alternattiv (AIFM) kif definit fl-Artikolu 4(1)(b) tad-Direttiva 2011/61/UE jibqgħu japplikaw l-Artikolu 405 tar-Regolament (UE) Nru 575/2013 u għall-Kapitoli 1, 2 u 3 u l-Artikolu 22 tar-Regolament Delegat tal-Kummissjoni (UE) Nru 625/2014, l-Artikoli 254 u 255 tar-Regolament Delegat tal-Kummissjoni (UE) 2015/35 u l-Artikolu 51 tar-Regolament Delegat tal-Kummissjoni (UE) Nru 231/2013, rispettivament, fil-verżjoni applikabbli fi [jum qabel id-data ta' dħul fis-seħħ ta' dan ir-Regolament].
5.Sal-mument meta japplikaw l-istandards tekniċi regolatorji li għandhom jiġu adottati mill-Kummissjoni skont l-Artikolu 4 (6) ta' dan ir-Regolament, l-oriġinaturi, l-isponsors jew il-mutwanti oriġinali, għall-finijiet tal-obbligi stabbiliti fl-Artikolu 4 ta' dan ir-Regolament, għandhom japplikaw id-dispożizzjonijiet fil-Kapitoli 1, 2 u 3 u fl-Artikolu 22 tar-Regolament Delegat tal-Kummissjoni (UE) Nru 625/2014 għat-titolizzazzjonijiet li t-titoli tagħhom ikunu ġew ippubblikati fi [data ta' dħul fis-seħħ ta' dan ir-Regolament] jew wara.
6.Sal-mument meta japplikaw l-istandards tekniċi regolatorji li għandhom jiġu adottati mill-Kummissjoni skont l-Artikolu 5 (3) ta' dan ir-Regolament, l-oriġinaturi, l-isponsors u l-SSPEs, għall-finijiet tal-obbligi stabbiliti fil-punti a) u e) tal-Artikolu 5 (1) ta' dan ir-Regolament, għandhom jagħmlu l-informazzjoni msemmija fl-Annessi I sa VIII tar-Regolament Delegat tal-Kummissjoni (UE) Nru 2015/3 disponibbli għas-sit web imsemmi fl-Artikolu 5 (2).
Artikolu 29
Rapporti
1.Sa [sentejn mid-dħul fis-seħħ ta' dan ir-Regolament] u kull tliet snin wara, l-EBA, f'kooperazzjoni mill-qrib mal-ESMA u mal-EIOPA, għandha tippubblika rapport dwar l-implimentazzjoni tar-rekwiżiti STS kif stabbiliti fl-Artikoli 6 sa 14 ta' dan ir-Regolament.
2.Ir-rapport jinkludi wkoll valutazzjoni tal-azzjonijiet li wettqu l-awtoritajiet kompetenti, dwar ir-riskji materjali u l-vulnerabbiltajiet il-ġodda li setgħu tfaċċaw u dwar l-azzjonijiet tal-parteċipanti fis-suq sabiex ikomplu jistandardizzaw id-dokumenti tat-titolizzazzjonijiet.
3.Sa [tliet snin wara d-dħul fis-seħħ ta' dan ir-Regolament], l-ESMA, f'kooperazzjoni mill-qrib mal-EBA u mal-EIOPA, għandha tippubblika rapport dwar il-funzjonament tar-rekwiżiti ta' trasparenza fl-Artikolu 5 ta' dan ir-Regolament u l-livell ta' trasparenza tas-suq tat-titolizzazzjoni fl-Unjoni.
Artikolu 30
Eżami
Sa [erba' snin mid-dħul fis-seħħ ta' dan ir-Regolament], il-Kummissjoni għandha tippreżenta rapport lill-Parlament Ewropew u lill-Kunsill dwar il-funzjonament ta' dan ir-Regolament, akkumpanjat, fejn xieraq, minn proposta leġiżlattiva.
Artikolu 31
Dħul fis-seħħ
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.IL-QAFAS TAL-PROPOSTA/INIZJATTIVA
1.1.It-titolu tal-proposta/inizjattiva
1.2.Il-qasam/oqsma tal-politika kkonċernata fl-istruttura ABM/ABB
1.3.In-natura tal-proposta/inizjattiva
1.4.Għan(ijiet)
1.5.Ir-raġunijiet għall-proposta/inizjattiva
1.6.It-terminu u l-impatt finanzjarju
1.7.Metodu/metodi ta’ mmaniġġjar previst(i)
2.IL-MIŻURI TA’ MMANIĠĠJAR
2.1.Ir-regoli dwar il-monitoraġġ u r-rapportar
2.2.Sistema ta’ ġestjoni u kontroll
2.3.Il-miżuri għall-prevenzjoni tal-frodi u l-irregolaritajiet
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura(i) tal-qafas finanzjarju pluriennali u l-linja(i) baġitarja(i) milquta
3.2.L-impatt stmat fuq in-nefqa
3.2.1.Sommarju tal-impatt stmat fuq l-ispiża
3.2.2.L-impatt stmat fuq l-approprjazzjonijiet operazzjonali
3.2.3.L-impatt stmat fuq l-approprjazzjonijiet ta’ natura amministrattiva
3.2.4.Il-kompatibbiltà mal-qafas finanzjarju pluriennali attwali
3.2.5.Il-kontribuzzjonijiet minn partijiet terzi
3.3.L-impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.IL-QAFAS TAL-PROPOSTA/INIZJATTIVA
1.1.It-titolu tal-proposta/inizjattiva
REGOLAMENT TAL-PARLAMENT EWROPEW U TAL-KUNSILL Li jistabbilixxi regoli komuni dwar it-titolizzazzjoni u li joħloq qafas Ewropew għal titolizzazzjoni sempliċi, trasparenti u standardizzata u li jemenda d-Direttivi 2009/65/KE, 2009/138/KE, 2011/61/UE u r-Regolamenti (KE) 2009/1060 u (UE) Nru 648/2012
1.2.Il-qasam/oqsma tal-politika kkonċernata fl-istruttura ABM/ABB
1.3.In-natura tal-proposta/inizjattiva
Il-proposta/l-inizjattiva hija relatata ma' azzjoni ġdida
◻ Il-proposta/inizjattiva hija relatata ma’ azzjoni ġdida li ssegwi proġett pilota/azzjoni preparatorja
◻ Il-proposta/l-inizjattiva tirrigwarda l-estensjoni ta’ azzjoni eżistenti
◻ Il-proposta/l-inizjattiva tirrigwarda azzjoni diretta mill-ġdid lejn azzjoni ġdida
1.4.Għan(ijiet)
1.4.1.L-għan(ijiet) strateġiċi pluriennali tal-Kummissjoni huma fil-mira tal-proposta/inizjattiva
Din l-inizjattiva hija waħda mill-pedamenti tal-inizjattiva tal-Unjoni tas-Swieq Kapitali. Din il-proposta għandha l-għan li:
(1)
tagħti ħajja ġdida lis-swieq fuq bażi iktar sostenibbli, b’tali mod li titolizzazzjoni sempliċi, trasparenti u standardizzata tkun tista’ taġixxi bħala mezz ta’ finanzjament effettiv lill-ekonomija;
(2)
tippermetti trasferimenti effiċjenti u effettivi tar-riskju lil sett wiesa’ ta’ investituri istituzzjonali kif ukoll lill-banek;
(3)
tippermetti li t-titolizzazzjoni tiffunzjona bħala mekkaniżmu ta’ finanzjament effettiv għal xi investituri fit-tul kif ukoll għall-banek;
(4)
tipproteġi lill-investituri u timmaniġġja r-riskju sistemiku billi tevita r-rikorrenza tal-mudelli difettużi “oriġina u ddistribwixxi”.
1.4.2.L-għan(ijiet) speċifiċi u l-attività(jiet) ABM/ABB konċernati
Għan speċifiku
Din il-proposta għandha żewġ objettivi ewlenin:
1) Tneħħi l-istigma mill-investituri u tiżgura trattament regolatorju xieraq għal prodotti ta’ titolizzazzjoni sempliċi u trasparenti;
2) Tnaqqas/telimina l-kostijiet operatorji għoljin għalxejn għall-emittenti u l-investituri.
Dan il-qafas għandu jipprovdi kunfidenza lill-investituri u standard għoli għall-UE, sabiex jgħin lill-partijiet fl-evalwazzjoni tar-riskji marbutin mat-titolizzazzjoni (kemm fi ħdan kif ukoll bejn il-prodotti).
It-titolizzazzjoni tista’ tkun mezz importanti ta’ diversifikazzjoni tas-sorsi ta’ finanzjament u ta’ allokazzjoni tar-riskju b’effiċjenza ikbar fi ħdan is-sistema finanzjarja tal-UE. Tippermetti distribuzzjoni usa’ tar-riskju għas-settur finanzjarju u tista’ tgħin sabiex tillibera l-karti bilanċjali tal-banek sabiex dawn ikunu jistgħu jisilfu iktar lill-kategoriji differenti ta’ aġenti ekonomiċi (eż. kumpaniji mhux finanzjarji, SMEs, individwi). B’mod ġenerali, tista’ ttejjeb l-effiċjenzi fis-sistema finanzjarja u tipprovdi opportunitajiet ikbar ta’ investiment. It-titolizzazzjoni tista’ sservi ta’ pont bejn il-banek u s-swieq tal-kapital b’benefiċċju indirett għan-negozji u ċ-ċittadini (permezz ta’, pereżempju, self, ipoteki u karti tal-kreditu orħos).
Attivita(jiet) ABM/ABB konċernati
1.4.3.Riżultat(i) mistenni(ja) u l-impatt
Speċifika l-effetti li għandu jkollha l-proposta/inizjattiva fuq il-benefiċjarji/gruppi fil-mira.
Din il-proposta għandha żewġ objettivi ewlenin fil-mira tagħha;:
1) tneħħi l-istigma mill-investituri u l-iżvantaġġi regolatorji għal prodotti ta’ titolizzazzjoni sempliċi u trasparenti;
2) tnaqqas/telimina l-kostijiet operatorji għoljin għalxejn għall-emittenti u l-investituri.
Dan il-qafas għandu jipprovdi kunfidenza lill-investituri u standard għoli għall-UE, sabiex jgħin lill-partijiet fl-evalwazzjoni tar-riskji marbutin mat-titolizzazzjoni (kemm fi ħdan kif ukoll bejn il-prodotti).
It-titolizzazzjoni tista’ tkun mezz importanti ta’ diversifikazzjoni tas-sorsi ta’ finanzjament u ta’ allokazzjoni tar-riskju b’effiċjenza ikbar fi ħdan is-sistema finanzjarja tal-UE. Tippermetti distribuzzjoni usa’ tar-riskju għas-settur finanzjarju u tista’ tgħin sabiex tillibera l-karti bilanċjali tal-banek sabiex dawn ikunu jistgħu jisilfu iktar lill-kategoriji differenti ta’ aġenti ekonomiċi (eż. kumpaniji mhux finanzjarji, SMEs, individwi). B’mod ġenerali, tista’ ttejjeb l-effiċjenzi fis-sistema finanzjarja u tipprovdi opportunitajiet ikbar ta’ investiment. It-titolizzazzjoni tista’ sservi ta’ pont bejn il-banek u s-swieq tal-kapital b’benefiċċju indirett għan-negozji u ċ-ċittadini (permezz ta’, pereżempju, self, ipoteki u karti tal-kreditu orħos).
1.4.4.Indikaturi tar-riżultat u l-impatt
Speċifika l-indikaturi għall-monitoraġġ tal-implimentazzjoni tal-proposta/inizjattiva.
L-iktar indikatur importanti għall-kisba tal-ewwel objettiv ser ikun id-differenza fil-prezz tal-prodotti STS kontra dawk mhux STS. Jekk jinkiseb l-objettiv, din id-differenza għandha tiżdied mil-lum, bil-prodotti STS li jingħataw valur ogħla mill-investituri meta mqabblin ma’ dawk mhux STS. Dan għandu jġib miegħu żieda fil-provvista ta’ prodotti STS, u għalhekk il-kisba ta’ dan l-objettiv ser titkejjel ukoll mat-tkabbir fil-ħruġ ta’ prodotti STS kontra dawk mhux STS.
It-tieni objettiv jitkejjel bis-saħħa ta’ tliet kriterji: 1) Il-prezz u t-tkabbir fil-ħruġ tal-prodotti STS (peress li tnaqqis fl-ispejjeż operatorji għandu jsarraf f’iktar ħruġ għall-prodotti STS), 2) il-livell ta’ standardizzazzjoni tal-materjal ta’ rapportar u kummerċjalizzazzjoni u, fl-aħħar, 3) ir-rispons mingħand il-prattikanti fis-suq fuq l-evoluzzjoni tal-kostijiet operazzjonali.
1.5.Ir-raġunijiet għall-proposta/inizjattiva
1.5.1.Rekwiżit(i) li jridu jinkisbu fit-terminu medju jew fit-tul
L-objettiv ta’ din il-proposta huwa li tagħti nifs ġdid lil suq sostenibbli tat-titolizzazzjoni li ser itejjeb il-finanzjament tal-ekonomija tal-UE, filwaqt li jiżgura stabbiltà finanzjarja u protezzjoni lill-investituri. Biex terġa’ tagħti l-ħajja lis-suq, il-proposta għandha l-għan li tneħħi l-istigma li jaffaċċjaw it-titolizzazzjonijiet, toħloq konsistenza u standardizzazzjoni ikbar fis-suq u li timplimenta qafas regolatorju iktar sensittiv għar-riskji.
1.5.2.Valur miżjud tal-involviment tal-UE
Il-prodotti ta’ titolizzazzjoni huma parti mis-swieq tal-kapital tal-UE li huma miftuħin u integrati. It-titolizzazzjoni tgħaqqad l-istituzzjonijiet finanzjarji minn Stati Membri differenti u Stati li mhumiex Membri: spiss il-banek joriġinaw is-self li jkun titolizzat, filwaqt li l-istituzzjonijiet ta’ kreditu bħall-assiguraturi u l-fondi ta’ investiment jinvestu f’dawn il-prodotti, u jagħmlu hekk b’mod transfruntier.
Azzjoni minn Stat Membru waħdu ma tistax tneħħi l-istigma. Fuq livell internazzjonali, l-UE ilha tirrakkomanda l-istabbiliment ta’ standards li jidentifikaw it-titolizzazzjoni sempliċi, trasparenti u standardizzata (STS). Standards bħal dawn jgħinu lill-investituri jidentifikaw il-kategoriji ta’ titolizzazzjonijiet li marru tajjeb matul il-kriżi finanzjarja u li ser jippermettulhom janalizzaw ir-riskji involuti.
Għad li l-Istati Membri jistgħu jimplimentaw dawn l-istandards internazzjonali, fil-prattika dan iwassal għal approċċi differenti fl-Istati Membri, xi ħaġa li xxekkel it-tneħħija tal-istigma u toħloq ostakolu de facto għall-investituri transfruntiera li jkollhom jidħlu fid-dettalji tal-oqfsa tal-Istati Membri. Barra minn hekk, qafas prudenzjali iktar sensittiv għar-riskji għat-titolizzazzjoni STS jirrekjedi li l-UE tiddefinixxi x’inhi titolizzazzjoni STS, peress li nkella jista’ jingħata trattament regolatorju iktar sensittiv għar-riskji għall-banek u l-kumpaniji tal-assigurazzjoni lil tipi differenti ta’ titolizzazzjonijiet fi Stati Membri differenti. Dan iwassal għal kundizzjonijiet ekwi u għal arbitraġġ regolatorju. Fir-rigward tan-nuqqas ta’ konsistenza u standardizzazzjoni, il-liġi tal-UE diġà armonizzat għadd ta’ elementi dwar it-titolizzazzjoni, b’mod partikolari d-definizzjonijiet, ir-regoli dwar id-divulgazzjoni, id-diliġenza dovuta, l-assorbiment tar-riskju u t-trattament prudenzjali għal entitajiet irregolati li jinvestu f’dawn il-prodotti. Dawn id-dispożizzjonijiet ġew żviluppati fil-qafas ta’ atti legali differenti (CRR, Solvibbiltà II, UCITS, Regolament dwar is-CRA u l-AIFMD) li wasslu għal ċerti diskrepanzi fir-rekwiżiti li japplikaw għal investituri differenti. Iż-żieda tal-konsistenza tagħhom u standardizzazzjoni ulterjuri ta’ dawn id-dispożizzjonijiet jistgħu jsiru biss jekk tittieħed azzjoni fil-livell tal-UE.
1.5.3.It-tagħrif miksub minn esperjenzi simili fl-imgħoddi
Il-mekkaniżmi ta' divrenzjar żviluppati fis-suq x'aktarx ma kienux se jegħlbu l-istigma billi dawn qed jistrieħu fuq l-opinjonijiet tal-assoċjazzjonijiet tas-swieq li ma ġewx ittestjati minn avenimenti. Fuq kollox, anki jekk dawn il-mekkaniżmi ta’ divrenzjar bejn il-prodotti ta’ titolizzazzjoni jirnexxilhom jiksbu divrenzjar u jillimitaw l-istigma, ma jistgħux jaġġustaw it-trattament prudenzjali marbut mat-titolizzazzjonijiet u, b’hekk, ma jistgħux itejbu l-ekonomija tat-tranżazzjonijiet tal-UE. Barra minn hekk, l-inkonsistenzi attwali fil-leġiżlazzjoni tal-UE jibqgħu jaffettwaw dawn is-swieq. Fin-nuqqas ta’ intervent mill-UE, l-istat attwali tas-suq tat-titolizzazzjonijiet aktarx li ma jitreġġax lura: il-livell ta’ ħruġ baxx u l-frammentazzjoni jibqgħu preżenti.
1.5.4.Il-kumpatibbiltà u s-sinerġija possibbli ma' strumenti adattati oħra
Din il-proposta dwar it-titolizzazzjoni hija marbuta mal-Pjan ta’ Investiment għall-Ewropa mressaq mill-Kummissjoni fl-2014 u li għandu l-għan li jerġa’ jagħti ħajja lill-investiment fl-Ewropa billi jindirizza l-ostakoli ewlenin għall-investiment b’mod koerenti. Dan l-approċċ il-ġdid ser jgħin fl-indirizzar tan-nuqqas attwali ta’ finanzjament ta’ riskju fl-Ewropa.
Din l-inizjattiva hija parti mill-pjan ta’ azzjoni tal-Unjoni tas-Swieq Kapitali (CMU) adottat illum mill-Kummissjoni Ewropea. Is-CMU hija waħda mill-prijoritajiet tal-Kummissjoni sabiex tiżgura li s-sistema finanzjarja ssostni l-impjiegi u t-tkabbir u tgħin fl-isfidi demografiċi li taffaċċja l-Ewropa.
Apparti l-inizjattivi regolatorji finanzjarji, bosta istituzzjonijiet u korpi tal-UE ħadu inizjattivi sabiex jibnu s-swieq ta’ titolizzazzjoni u jżidu l-kunfidenza minn perspettiva ta’ finanzjament tas-suq. Il-Kummissjoni, flimkien mal-Bank Ewropew tal-Investiment u l-Fond Ewropew tal-Investiment, qed tuża l-veikoli ta’ titolizzazzjoni sabiex jgħinu l-finanzjament tal-SMEs, pereżempju bil-programm COSME u l-inizjattivi konġunti bejn il-Kummissjoni u l-BEI.
1.6.It-terminu u l-impatt finanzjarju
◻ Proposta/inizjattiva ta’ tul limitat
–◻
Proposta/inizjattiva fis-seħħ mill-[JJ/XX]SSSS sal-[JJ/XX]SSSS
–◻
Impatt finanzjarju mill-SSSS sa SSSS
Proposta/inizjattiva ta’ tul mhux limitat
–Implimentazzjoni b'perjodu għat-tnedija mill-SSSS sal-SSSS,
–u wara tħaddim fuq skala sħiħa.
1.7.Metodu/metodi ta’ mmaniġġjar previst(i)
◻ Ġestjoni diretta mill-Kummissjoni
–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
mill-aġenziji eżekuttivi
◻ Ġestjoni konġunta mal-Istati Membri
Ġestjoni indiretta permezz tad-delega ta’ kompiti tal-implimentazzjoni baġitarja lil:
–◻ pajjiżi terzi jew il-korpi maħtura minnhom;
–◻ organizzazzjonijiet internazzjonali u l-aġenziji tagħhom (iridu jiġu speċifikati);
–◻ il-BEI u l-Fond Ewropew tal-Investiment;
– korpi msemmijin fl-Artikoli 208 u 209 tar-Regolament Finanzjarju;
–◻ korpi tal-liġi pubblika;
–◻ korpi regolati mid-dritt privat b'missjoni ta’ servizz pubbliku sa fejn jipprovdu garanziji finanzjarji adegwati;
–◻ korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;
–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat iżjed minn modulu wieħed ta’ ġestjoni, jekk jogħġbok ipprovdi d-dettalji fit-taqsima tal-‘Kummenti’.
Kummenti
L-implimentazzjoni ta’ din l-inizjattiva ser timplika t-tliet ASE (l-EBA, l-ESMA u l-EIOPA). B’hekk, ir-riżorsi proposti huma għall-EBA, għall-ESMA u għall-EIOPA li huma aġenziji regolatorji u mhux eżekuttivi. L-EBA, l-ESMA u l-EIOPA jaġixxu taħt is-sorveljanza tal-Kummissjoni.
2.IL-MIŻURI TA’ MMANIĠĠJAR
2.1.Ir-regoli dwar il-monitoraġġ u r-rapportar
Speċifika l-frekwenza u l-kundizzjonijiet.
Il-proposta tipprevedi li l-Kummissjoni għandha teżamina l-effettività tal-miżuri proposti fuq bażi perjodika.
2.1.1.Riskju(i) identifikat(i)
B’rabta mal-użu legali, ekonomiku, effiċjenti u effettiv tal-approprjazzjonijiet li jirriżultaw mill-proposta, huwa mistenni li l-proposta ma ġġibx magħha riskji ġodda li bħalissa mhumiex koperti minn qafas ta’ kontroll intern eżistenti tal-EBA, l-EIOPA u l-ESMA.
2.1.2.Informazzjoni li tikkonċerna s-sistema stabbilita ta’ kontroll intern
2.1.3.Stima tal-kosti u tal-benefiċċji tal-kontrolli u valutazzjoni tal-livell mistenni tar-riskju ta’ żball
2.2.Il-miżuri għall-prevenzjoni tal-frodi u l-irregolaritajiet
Speċifika l-miżuri ta' prevenzjoni u protezzjoni attwali jew ippjanati.
Għall-finijiet tal-ġlieda kontra l-frodi, il-korruzzjoni u kwalunkwe attività illegali oħra, id-dispożizzjonijiet tar-Regolament (KE) Nru 1073/1999 tal-Parlament Ewropew u tal-Kunsill tal-25 ta’ Mejju 1999 dwar investigazzjonijiet immexxija mill-Uffiċċju Ewropew ta' Kontra l-Frodi (OLAF) japplikaw għall-EBA, l-EIOPA u l-ESMA mingħajr ebda restrizzjoni.
L-EBA, l-EIOPA u l-ESMA għandhom jaċċedu għall-Ftehim Interistituzzjonali tal-25 ta’ Mejju 1999 bejn il-Parlament Ewropew, il-Kunsill tal-Unjoni Ewropea u l-Kumissjoni tal-Komunitajiet Ewropej dwar l-investigazzjonijiet interni tal-Uffiċċju Ewropew Kontra l-Frodi (OLAF) u għandhom jadottaw minnufih id-dispożizzjonijiet xierqa għall-persunal kollu tal-EBA, l-EIOPA u l-ESMA.
Id-deċiżjonijiet ta’ finanzjament u l-ftehimiet u l-istrumenti ta’ implimentazzjoni li jirriżultaw minnhom għandhom jistipulaw b’mod espliċitu li l-Qorti tal-Awdituri u l-OLAF jistgħu, jekk ikun hemm bżonn, jagħmlu verifiki fuq il-post fuq il-benefiċjarji tal-flejjes maħruġin mill-EBA, l-EIOPA u l-ESMA kif ukoll fuq il-persunal responsabbli mill-allokazzjoni ta’ dawn il-flejjes.
L-Artikoli 64 u 65 tar-Regolament li jistabbilixxi l-EBA stipulaw id-dispożizzjonijiet dwar l-implimentazzjoni u l-kontroll tal-baġit tal-EBA u r-regoli finanzjarji applikabbli.
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura(i) tal-qafas finanzjarju pluriennali u l-linja(i) baġitarja(i) milquta
Linji baġitarji eżistenti
Skont l-ordni tal-intestaturi tal-qafas finanzjarju pluriennali u l-linji baġitarji.
Intestatura tal-qafas finanzjarju pluriennali
|
Linja baġitarja
|
Tip ta’
infiq
|
Kontribuzzjoni
|
|
|
Diff./Mhux-diff.
|
mill-pajjiżi tal-EFTA
|
mill-pajjiżi kandidati
|
minn pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
1a
|
12.02.04 EBA
|
DIFF
|
IVA
|
IVA
|
LE
|
LE
|
1a
|
12.02.05 EIOPA
|
DIFF
|
IVA
|
IVA
|
LE
|
LE
|
1a
|
12.02.06 ESMA
|
DIFF
|
IVA
|
IVA
|
LE
|
LE
|
Linji baġitarji ġodda mitluba
Skont l-intestaturi tal-qafas finanzjarju pluriennali u l-linji baġitarji.
Intestatura tal-qafas finanzjarju pluriennali
|
Linja baġitarja
|
Tip ta’
infiq
|
Kontribuzzjoni
|
|
Numru
[Intestatura………………………………………]
|
Diff./Mhux-diff.
|
mill-pajjiżi tal-EFTA
|
mill-pajjiżi kandidati
|
minn pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
|
[XX.YY.YY.YY]
|
|
IVA/LE
|
IVA/LE
|
IVA/LE
|
IVA/LE
|
3.2.L-impatt stmat fuq in-nefqa
[Din it-taqsima għandha timtela bl-użu ta’
spreadsheet dwar id-dejta tal-baġit ta’ natura amministrattiva
(it-tieni dokument fl-Anness għal din id-dikjarazzjoni finanzjarja) u mtella’ fuq is-CISNET għal skopijiet ta’ konsultazzjoni bejn is-servizzi.]
3.2.1.Sommarju tal-impatt stmat fuq l-ispiża
Din l-inizjattiva leġiżlattiva se jkollha dawn l-impatti fuq l-infiq:
Ir-reklutaġġ ta’ tliet aġenti temporanji ġodda (TA) fl-EBA (2 TAs) - Ara fl-Anness għal iktar informazzjoni fuq ir-rwoli tagħhom u l-mod kif ġew ikkalkolati l-ispejjeż tagħhom (li 40 % minnhom ser ikunu finanzjati mill-UE u 60 % mill-Istati Membri).
Ir-reklutaġġ ta’ tliet TAs ġodda fl-ESMA - Ara fl-Anness għal iktar informazzjoni fuq ir-rwoli tagħhom u l-mod kif ġew ikkalkolati l-ispejjeż tagħhom (li 40 % minnhom ser ikunu finanzjati mill-UE u 60 % mill-Istati Membri).
Ir-reklutaġġ ta’ żewġ TAs ġodda fl-EIOPA (2 TA) - Ara fl-Anness għal iktar informazzjoni fuq ir-rwoli tagħhom u l-mod kif ġew ikkalkolati l-ispejjeż tagħhom (li 40 % minnhom ser ikunu finanzjati mill-UE u 60 % mill-Istati Membri).
L-ispejjeż marbutin mal-kompiti li jridu jagħmlu l-ESMA, l-EBA u l-EIOPA ġew stmati għan-nefqa fuq il-persunal skont il-klassifikazzjoni tal-ispejjeż fl-abbozz tal-baġit tal-ASE għall-2015.
EUR miljun (sa tliet punti deċimali)
Intestatura tal-qafas finanzjarju
pluriennali
|
Numru 1
|
Tkabbir Intelliġenti u Inklużiv
|
DĠ: FISMA
|
|
|
r
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
TOTAL
|
•Approprjazzjonijiet operazzjonali
|
|
|
|
|
|
|
|
|
12.02.04 EBA
|
Impenji
|
(1)
|
0,266
|
0,251
|
0,251
|
|
|
|
|
0,767
|
|
Pagamenti
|
(2)
|
0,266
|
0,251
|
0,251
|
|
|
|
|
0,767
|
12.02.05 EIOPA
|
Impenji
|
(1a)
|
0,130
|
0,115
|
0,115
|
|
|
|
|
0,360
|
|
Pagamenti
|
(2a)
|
0,130
|
0,115
|
0,115
|
|
|
|
|
0,360
|
12.02.06 ESMA
|
Impenji
|
(1a)
|
0,212
|
0,197
|
0,197
|
|
|
|
|
0,606
|
|
Pagamenti
|
(2a)
|
0,212
|
0,197
|
0,197
|
|
|
|
|
0,606
|
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi
|
|
|
|
|
|
|
|
|
Numru tal-intestatura baġitarja
|
|
(3)
|
|
|
|
|
|
|
|
|
Approprjazzjonijiet TOTALI
għad-DĠ FISMA
|
Impenji
|
=1+1a +3
|
|
0,563
|
0,563
|
|
|
|
|
1,733
|
|
Pagamenti
|
=2+2a
+3
|
|
0,563
|
0,563
|
|
|
|
|
1,733
|
• TOTAL tal-approprjazzjonijiet operazzjonali
|
Impenji
|
(4)
|
|
|
|
|
|
|
|
|
|
Pagamenti
|
(5)
|
|
|
|
|
|
|
|
|
•TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi
|
(6)
|
|
|
|
|
|
|
|
|
Approprjazzjonijiet TOTALI
taħt l-INTESTATURA Nru 1
tal-qafas finanzjarju pluriennali
|
Impenji
|
=4+ 6
|
|
0,563
|
0,563
|
|
|
|
|
1,733
|
|
Pagamenti
|
=5+ 6
|
|
0,563
|
0,563
|
|
|
|
|
1,733
|
Jekk iżjed minn intestatura waħda hija affettwata mill-proposta / inizjattiva:
• TOTAL tal-approprjazzjonijiet operazzjonali
|
Impenji
|
(4)
|
|
|
|
|
|
|
|
|
|
Pagamenti
|
(5)
|
|
|
|
|
|
|
|
|
•TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi
|
(6)
|
|
|
|
|
|
|
|
|
Approprjazzjonijiet TOTALI
taħt l-INTESTATURI 1 sa 4
tal-qafas finanzjarju pluriennali
(Ammont ta' referenza)
|
Impenji
|
=4+ 6
|
|
|
|
|
|
|
|
|
|
Pagamenti
|
=5+ 6
|
|
|
|
|
|
|
|
|
Intestatura tal-qafas finanzjarju
pluriennali
|
5
|
“Nefqa amministrattiva”
|
EUR miljun (sa tliet punti deċimali)
|
|
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
TOTAL
|
DĠ: <…….>
|
• Riżorsi umani
|
|
|
|
|
|
|
|
|
• Infiq amministrattiv ieħor
|
|
|
|
|
|
|
|
|
TOTAL DĠ <…….>
|
Approprjazzjonijiet
|
|
|
|
|
|
|
|
|
Approprjazzjonijiet TOTALI
taħt l-INTESTATURA 5
tal-qafas finanzjarju pluriennali
|
(Impenji totali = Pagamenti totali)
|
|
|
|
|
|
|
|
|
EUR miljun (sa tliet punti deċimali)
|
|
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
TOTAL
|
Approprjazzjonijiet TOTALI
taħt l-INTESTATURI 1 sa 5
tal-qafas finanzjarju pluriennali
|
Impenji
|
|
|
|
|
|
|
|
|
|
Pagamenti
|
|
|
|
|
|
|
|
|
3.2.2.L-impatt stmat fuq l-approprjazzjonijiet operazzjonali
–◻ Il-proposta/l-inizjattiva ma tirrikjedix l-użu ta’ approprjazzjonijiet operazzjonali
– Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:
Approprjazzjonijiet għall-impenji f’miljuni ta’ EUR (sat-tielet punt deċimali)
Indika l-għanijiet u r-riżultati
⇩
|
|
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
TOTAL
|
|
RIŻULTATI
|
|
Tip
|
Kost medju
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru totali
|
Kost totali
|
OBJETTIV SPEĊIFIKU Nru 1…
|
|
|
|
|
|
|
|
|
|
|
|
|
|
|
|
|
- Produzzjoni
|
|
|
|
|
|
|
|
|
|
|
|
|
|
|
|
|
|
|
- Produzzjoni
|
|
|
|
|
|
|
|
|
|
|
|
|
|
|
|
|
|
|
- Produzzjoni
|
|
|
|
|
|
|
|
|
|
|
|
|
|
|
|
|
|
|
Subtotal għall-għan speċifiku Nru 1
|
|
|
|
|
|
|
|
|
|
|
|
|
|
|
|
|
OBJETTIV SPEĊIFIKU Nru 2 ...
|
|
|
|
|
|
|
|
|
|
|
|
|
|
|
|
|
- Produzzjoni
|
|
|
|
|
|
|
|
|
|
|
|
|
|
|
|
|
|
|
Subtotal għall-għan speċifiku Nru 2
|
|
|
|
|
|
|
|
|
|
|
|
|
|
|
|
|
KOST TOTALI
|
|
|
|
|
|
|
|
|
|
|
|
|
|
|
|
|
3.2.3.L-impatt stmat fuq l-approprjazzjonijiet ta’ natura amministrattiva
3.2.3.1.Sommarju
–
Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
–◻
Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
EUR miljun (sa tliet punti deċimali)
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
TOTAL
|
INTESTATURA 5
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Infiq amministrattiv ieħor
|
|
|
|
|
|
|
|
|
Subtotal INTESTATURA 5tal-qafas finanzjarju pluriennali
|
|
|
|
|
|
|
|
|
barra INTESTATURA 5
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Infiq ieħor
ta’ natura amministrattiva
|
|
|
|
|
|
|
|
|
Subtotal
barra INTESTATURA 5
tal-qafas finanzjarju pluriennali
|
|
|
|
|
|
|
|
|
L-approprijazzjonijiet meħtieġa għar-riżorsi umani u spejjeż oħrajn ta’ natura amministrattiva se jiġu ssodisfati minn approprijazzjonijiet mid-DĠ li diġà huma assenjati lill-immaniġġjar tal-azzjoni u/jew kienu riallokati fi ħdan id-DĠ, flimkien, jekk neċessarju, ma’ xi allokazzjoni addizzjonali li tista’ tkun mogħtija lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet tal-baġit.
3.2.3.2.Stima tar-riżorsi umani meħtieġa
–
Il-proposta/inizjattiva ma teħtieġx l-użu ta’ riżorsi umani.
–◻
Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid titniżżel f'unitajiet ekwivalenti għal full time
|
Sena
N
|
Sena
N+1
|
Sena N+2
|
Sena N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
• Pożizzjonijiet fil-pjan ta' stabbiliment (uffiċjali u aġenti temporanji)
|
|
|
XX 01 01 01 (Kwartieri ġenerali u l-Uffiċċji tar-Rappreżentanza tal-Kummissjoni)
|
|
|
|
|
|
|
|
XX 01 01 02 (Delegazzjonijiet)
|
|
|
|
|
|
|
|
XX 01 05 01 (Riċerka indiretta)
|
|
|
|
|
|
|
|
10 01 05 01 (Riċerka diretta)
|
|
|
|
|
|
|
|
•Persunal estern (f’unità ekwivalenti għal Full Time: FTE)
|
XX 01 02 01 (AC, ENS, INT mill-“pakkett globali”)
|
|
|
|
|
|
|
|
XX 01 02 02 (AC, AL, ENS, INT u JED fid-delegazzjonijiet)
|
|
|
|
|
|
|
|
XX 01 04 yy
|
- fil-Kwartieri Ġenerali
|
|
|
|
|
|
|
|
|
- fid-Delegazzjoni
|
|
|
|
|
|
|
|
XX 01 05 02 (AC, ENS, INT - Riċerka indiretta)
|
|
|
|
|
|
|
|
10 01 05 02 (AC, ENS, INT - Riċerka diretta)
|
|
|
|
|
|
|
|
Linji baġitarji oħra (speċifika)
|
|
|
|
|
|
|
|
TOTAL
|
|
|
|
|
|
|
|
XX huwa l-qasam tal-politika jew l-intestatura baġitarja konċernata.
L-approprjazzjonijiet tar-riżorsi umani meħtieġa se jiġu koperti mill-approprjazzjonijiet mid-DĠ li diġà huma assenjati għall-ġestjoni tal-azzjoni u/jew li ġew mobilizzati mill-ġdid fid-DĠ, flimkien, jekk ikun meħtieġ ma’ kwalunkwe allokazzjoni addizzjonali li tista’ tingħata lid-DĠ li jkun qed jimmaniġġja skont il-proċedura tal-allokazzjoni annwali u fid-dawl tal-limitazzjoni baġitarji.
Deskrizzjoni tad-dmirijiet li jridu jitwettqu:
Uffiċjali u persunal temporanju
|
|
Persunal estern
|
|
3.2.4.Il-kompatibbiltà mal-qafas finanzjarju pluriennali attwali
–◻
Il-proposta/l-inizjattiva hija kompatibbli mal-qafas finanzjarju pluriennali kurrenti.
–◻
Il-proposta/l-inizjattiva ser teħtieġ programmar mill-ġdid tal-intestatura rilevanti fil-qafas finanzjarju pluriennali.
Spjega xi programmazzjoni mill-ġdid hija meħtieġa, billi tispeċifika l-linji baġitarji konċernati u l-ammonti korrispondenti.
–◻
Il-proposta/l-inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali.
–
L-ispejjeż marbutin mal-kompiti li jridu jagħmlu l-ESMA, l-EBA u l-EIOPA ġew stmati għan-nefqa fuq il-persunal skont il-klassifikazzjoni tal-ispejjeż fl-abbozz tal-baġit tal-ASE għall-2015.
Il-proposta tal-Kummissjoni tinkludi dispożizzjonijiet sabiex it-tliet ASE jiżviluppaw għadd ta’ standards tekniċi regolatorji.
L-ESMA ser ikollha tiżviluppa u żżomm fuq is-sit web tagħha lista tat-titolizzazzjonijiet kollha li għalihom l-oriġinaturi, l-isponsors u l-SSPEs innotifikaw li jridu jissodisfaw ir-rekwiżiti dwar is-STS (l-Artikolu 14.2).
Mhumiex ser jiġu assenjati kompetenzi superviżorji ġodda lit-tliet ASE iżda ser jintalbu jippromwovu iktar il-kooperazzjoni superviżorja u l-konverġenza fl-interpretazzjoni u l-applikazzjoni tal-kriterji STS (ara l-Kapitolu 3). Dan l-objettiv huwa essenzjali peress li ser jevita frammentazzjoni tas-suq tat-titolizzazzjonijiet fi ħdan l-UE.
Fl-aħħar, l-ESMA, l-EBA u l-EIOPA ser ikollhom jippubblikaw bejniethom rapport dwar l-implimentazzjoni tar-rekwiżiti dwar is-STS u dwar il-funzjonament tas-sistema ta’ notifika dwar is-STS kif ukoll il-funzjonament tas-suq. Għandhom jirrapportaw ukoll fuq l-azzjonijiet li jkunu ħadu s-superviżuri u fuq ir-riskji materjali u l-vulnerabbiltajiet il-ġodda li mmaterjalizzaw irwieħhom. L-ewwel rapport għandu jiġi ppubblikat sentejn wara d-dħul fis-seħħ ta’ dan ir-Regolament u r-rapporti ta’ wara kull tliet snin.
Għalhekk, rigward it-twaqqit, huma meħtieġa riżorsi addizzjonali tal-ASE minn tmiem l-2016 sal-bidu tax-xogħlijiet prepatorji u implimentazzjoni bla intoppi tar-Regolament. Fir-rigward tan-natura tal-pożizzjonijiet, il-tlestija b’suċċess u f’waqtha tal-istandards tekniċi se teħtieġ, b’mod partikolari, ir-riżorsi addizzjonali li għandhom jiġu allokati għal kompiti fuq il-politika, abbozzar legali u valutazzjoni tal-impatt.
Il-ħidma tirrikjedi laqgħat bilaterali u multilaterali ma’ partijiet interessati, analiżi u valutazzjoni tal-għażliet u l-abbozzar ta’ dokumenti ta’ konsultazzjoni, konsultazzjoni pubblika mal-partijiet ikkonċernati, it-twaqqif u l-maniġment ta’ gruppi ta’ esperti permanenti magħmul minn superviżuri mill-Istati Membri, it-twaqqif u l-maniġment ta’ gruppi ta’ esperti ad hoc magħmula minn parteċipanti fis-suq u rappreżentanti tal-investituri, analiżi tat-tweġibiet għal konsultazzjonijiet, abbozzar ta’ analiżi ta’ spejjeż/benefiċċji u l-abbozzar tat-test legali.
Parti mix-xogħol meħtieġ hija marbuta mill-qrib max-xogħlijiet tekniċi eżistenti mwettqin skont is-CRR, is-CRA3, is-Solvibbiltà II u l-EMIR.
Dan ifisser li hemm bżonn ta' aktar aġenti temporanji mill-2017 u l-2018 billi l-ASE huma mistennija jwettqu kompiti ġodda. Dawn il-kompiti ġodda huma stabbiliti fir-Regolament propost u spjegati aktar fil-memorandum ta’ spjegazzjoni.
3.2.5.Il-kontribuzzjonijiet minn partijiet terzi
–Il-proposta/l-inizjattiva ma tipprevedix il-kofinanzjament mingħand terzi persuni.
–Il-proposta/l-inizjattiva tipprovdi għall-kofinanzjament stmat hawn taħt:
Approprjazzjonijiet għall-impenji f’miljuni ta’ EUR (sa tliet punti deċimali)
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
Total
|
Speċifika l-korp ta’ kofinanzjament
|
|
|
|
|
|
|
|
|
TOTAL tal-approprjazzjonijiet kofinanzjati
|
|
|
|
|
|
|
|
|
3.3.L-impatt stmat fuq id-dħul
–
Il-proposta/l-inizjattiva ma għandha l-ebda impatt finanzjarju fuq id-dħul.
–◻
Il-proposta/l-inizjattiva għandha l-impatt finanzjarju li ġej:
–◻
fuq ir-riżorsi proprji
–◻
fuq dħul mixxellanju
EUR miljun (sa tliet punti deċimali)
Linja baġitarja tad-dħul:
|
Approprjazzjonijiet disponibbli għas-sena finanzjarja kurrenti
|
Impatt tal-proposta/inizjattiva
|
|
|
Sena
N
|
Sena
N+1
|
Sena
N+2
|
Sena
N+3
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
Artikolu ………….
|
|
|
|
|
|
|
|
|
Għad-dħul mixxellanju “assenjat”, speċifika l-linja/linji baġitarja/baġitarji tan-nefqa affettwata/affettwati.
Speċifika l-metodu għall-kalkolu tal-impatt fuq id-dħul.
Anness għad-Dikjarazzjoni Finanzjarja Leġiżlattiva għal proposta għar-Regolament tal-Parlament Ewropew u tal-Kunsill dwar qafas Ewropew għal titolizzazzjoni sempliċi, trasparenti u standardizzata
L-ispejjeż marbutin mal-kompiti li jridu jagħmlu l-ESMA, l-EBA u l-EIOPA ġew stmati għan-nefqa fuq il-persunal skont il-klassifikazzjoni tal-ispejjeż fl-abbozz tal-baġit tal-ASE għall-2015.
Il-proposta tal-Kummissjoni tinkludi dispożizzjonijiet sabiex it-tliet ASE jiżviluppaw għadd ta’ standards tekniċi regolatorji, inklużi dawn li ġejjin.
- RTS li jispeċifika r-rekwiżit ta’ assorbiment tar-riskju u mudell għar-rapportar dwar l-assorbiment tar-riskju (Artikolu 4.6);
- RTS li jispeċifika l-informazzjoni li l-oriġinatur, l-isponsor u l-SSPE għandhom jipprovdu biex jikkonformaw mal-obbligi tagħhom skont l-Artikolu 5.1(a) u 1(e) u l-preżentazzjoni tagħhom permezz ta’ mudelli standardizzati;
- RTS li jispeċifika l-informazzjoni li l-oriġiatur, l-isponsor u l-SSPE għandhom jipprovdu sabiex jirrispettaw l-obbligi tagħhom skont il-paragrafu tal-Artikolu 14.1 (notifika dwar is-STS) u l-preżentazzjoni ta’ din permezz ta’ mudelli standardizzati.
- RTS li jispeċifika l-kriterji għall-istabbiliment ta’ liema arranġamenti fil-bond koperta jew it-titolizzazzjonijiet jimmitigaw b’mod adegwat ir-riskju ta’ kreditu tal-kontroparti (emenda għall-EMIR);
- RTS li jispeċifika l-proċeduri ta’ mmaniġġjar tar-riskju, inklużi l-livelli u t-tip ta’ arranġamenti tal-kollateral u segregazzjoni (emenda għall-EMIR);
- RTS li jispeċifika l-proċeduri li l-kontropartijiet u l-awtoritajiet kompetenti relevanti jridu jsegwu meta japplikaw l-eżenzjonijiet fl-Artikolu 11 paragrafi 6 sa 10 (emenda għall-EMIR);
- RTS li jispeċifika l-kriterji applikabbli msemmijin fl-Artikolu 11 paragrafi 5 sa 10, inkluż, b’mod partikolari, x’għandu jitqies bħala xkiel prattiku jew legali għat-trasferiment minnufih ta’ fondi proprji u r-ripagament tal-obbligazzjonijiet bejn il-kontropartijiet (emenda għall-EMIR);.
- RTS li jistabbilixxi formoli, mudelli u proċeduri standard għall-iskambju ta’ informazzjoni bejn l-awtoritajiet kompetenti u l-ESMA.
L-ESMA ser ikollha tiżviluppa u żżomm fuq is-sit web uffiċjali tagħha lista tat-titolizzazzjonijiet kollha li għalihom l-oriġinaturi, l-isponsors u l-SSPEs affermaw huma stess li jissodisfaw ir-rekwiżiti dwar is-STS (l-Artikolu 14.2).
Mhumiex ser jiġu assenjati kompetenzi superviżorji ġodda lit-tliet ASE iżda ser jintalbu jippromwovu iktar il-kooperazzjoni superviżorja u l-konverġenza fl-interpretazzjoni u l-applikazzjoni tal-kriterji STS (ara l-Kapitolu 3). Dan l-objettiv huwa essenzjali peress li ser jevita frammentazzjoni tas-suq tat-titolizzazzjonijiet fi ħdan l-UE.
Fl-aħħar nett, l-ESMA, l-EBA u l-EIOPA ser ikollhom jippubblikaw bejniethom rapport dwar l-implimentazzjoni tar-rekwiżiti STS u dwar il-funzjonament tas-sistema ta’ notifika STS kif ukoll il-funzjonament tas-suq. Għandhom jirrapportaw ukoll fuq l-azzjonijiet li jkunu ħadu s-superviżuri u fuq ir-riskji materjali u l-vulnerabbiltajiet il-ġodda li tfaċċaw. L-ewwel rapport għandu jiġi ppubblikat sentejn wara d-dħul fis-seħħ ta’ dan ir-Regolament u r-rapporti ta’ wara kull tliet snin.
Rigward it-twaqqit, huma meħtieġa riżorsi addizzjonali tal-ASE minn tmiem l-2016 sal-bidu tax-xogħlijiet prepatorji u implimentazzjoni bla intoppi tar-Regolament. Fir-rigward tan-natura tal-pożizzjonijiet, il-tlestija b’suċċess u f’waqtha tal-istandards tekniċi se teħtieġ, b’mod partikolari, ir-riżorsi addizzjonali li għandhom jiġu allokati għal kompiti fuq il-politika, abbozzar legali u valutazzjoni tal-impatt.
Il-ħidma tirrikjedi laqgħat bilaterali u multilaterali ma’ partijiet interessati, analiżi u valutazzjoni tal-għażliet u l-abbozzar ta’ dokumenti ta’ konsultazzjoni, konsultazzjoni pubblika mal-partijiet ikkonċernati, it-twaqqif u l-maniġment ta’ gruppi ta’ esperti permanenti magħmul minn superviżuri mill-Istati Membri, it-twaqqif u l-maniġment ta’ gruppi ta’ esperti ad hoc magħmula minn parteċipanti fis-suq u rappreżentanti tal-investituri, analiżi tat-tweġibiet għal konsultazzjonijiet, abbozzar ta’ analiżi ta’ spejjeż/benefiċċji u l-abbozzar tat-test legali.
Parti mix-xogħol meħtieġ hija marbuta mill-qrib max-xogħlijiet tekniċi eżistenti mwettqin skont is-CRR, is-CRA3, is-Solvibbiltà II u l-EMIR.
Dan ifisser li ser ikun hemm bżonn ta’ aġenti oħrajn minn tmiem l-2016. Huwa supponut li din iż-żieda ser tibqa’ sostnuta fl-2017 u l-2018 peress li l-ASE ser ikollhom kompiti ġodda xi jwettqu. Dawn il-kompiti ġodda huma stabbiliti fir-Regolament propost u spjegati aktar fil-memorandum ta’ spjegazzjoni.
Suppożizzjoni dwar riżorsi addizzjonali:
Huwa supponut li t-tmien karigi addizzjonali ser ikunu ta’ aġenti temporanji tal-grupp funzjonali u tal-grad AD7.
L-ispejjeż annwali medji għas-salarji għall-kategoriji differenti ta’ persunal huma bbażati fuq il-gwida tad-DĠ BUDG;
Il-koeffiċjent ta’ korrezzjoni tas-salarji għal Pariġi huwa ta' 1,168.
Il-koeffiċjent ta’ korrezzjoni tas-salarji għal Londra huwa ta’ 1,507.
Il-koeffiċjent ta’ korrezzjoni tas-salarji għal Frankfurt huwa ta’ 0,972.
Spejjeż tal-missjonijiet stmati li huma ta’ EUR 10 000.
Spejjeż relatati mar-reklutaġġ (vjaġġi, lukanda, eżamijiet mediċi, istallazzjoni u allowances oħrajn, spejjeż tal-ġarr, eċċ) stmati li huma ta’ EUR 12 700.
ESMA
Tip ta’ spiża
|
Kalkolu
|
Ammont (f’eluf)
|
|
|
2017
|
2018
|
2019
|
Total
|
Nefqa fuq il-persunal
|
|
|
|
|
|
Salarji u allowances
|
=3x132 x1.168
|
463
|
463
|
463
|
1389
|
Nefqa relatata mar-reklutaġġ
|
=3x13
|
39
|
|
|
39
|
L-ispejjeż marbutin mal-missjoni
|
=3x10
|
30
|
30
|
30
|
90
|
Total
|
|
532
|
493
|
493
|
1518
|
EBA
Tip ta’ spiża
|
Kalkolu
|
Ammont (f’eluf)
|
|
|
2017
|
2018
|
2019
|
Total
|
Nefqa fuq il-persunal
|
|
|
|
|
|
Salarji u allowances
|
=3x132 x1.507
|
597
|
597
|
597
|
1791
|
Nefqa relatata mar-reklutaġġ
|
=3x13
|
39
|
|
|
39
|
L-ispejjeż marbutin mal-missjoni
|
=3x10
|
30
|
30
|
30
|
90
|
Total
|
|
666
|
627
|
627
|
1920
|
EIOPA
Tip ta’ spiża
|
Kalkolu
|
Ammont (f’eluf)
|
|
|
2017
|
2018
|
2019
|
Total
|
Nefqa fuq il-persunal
|
|
|
|
|
|
Salarji u allowances
|
=2x132 x0.972
|
257
|
257
|
257
|
771
|
Nefqa relatata mar-reklutaġġ
|
=1x13
|
39
|
|
|
39
|
L-ispejjeż marbutin mal-missjoni
|
=1x10
|
30
|
30
|
30
|
90
|
Total
|
|
326
|
287
|
287
|
900
|