Brussell, 21.4.2015

COM(2015) 168 final

2013/0273(NLE)

Proposta emendata għal

DEĊIŻJONI TAL-KUNSILL

dwar il-konklużjoni, f'isem l-Unjoni Ewropea u l-Istati Membri tagħha, tal-Protokoll għall-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, min-naħa l-waħda, u r-Repubblika ta' San Marino, min-naħa l-oħra, rigward il-parteċipazzjoni, bħala parti kontraenti, tar-Repubblika tal-Kroazja, wara l-adeżjoni tagħha mal-Unjoni Ewropea


MEMORANDUM TA’ SPJEGAZZJONI

1.IL-KUNTEST TAL-PROPOSTA

Ir-Repubblika tal-Kroazja (minn hawn ’il quddiem “il-Kroazja”)ser tissieħeb issieħbet fl-Unjoni Ewropea fl-1 ta’ Lulju 2013. Fl-14 ta’ Settembru 2012, il-Kunsill awtorizza lill-Kummissjoni biex tinnegozja l-adattament, permezz ta’ Protokoll, tal-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, min-naħa l-waħda, u r-Repubblika ta’ San Marino, min-naħa l-oħra 1 (minn hawn ’il quddiem “il-Ftehim”), dwar il-parteċipazzjoni tal-Kroazja bħala parti kontraenti, fid-dawl tat-tkabbir tal-Unjoni biex tinkludi lil din tal-aħħar lill-Kroazja bħala parti kontraenti, fid-dawl tal-adeżjoni tagħha mal-UE.

F'konformità mal-Artikolu 6(2) tal-Protokoll dwar il-kundizzjonijiet u l-arranġamenti għall-ammissjoni Att tal-Adeżjoni tar-Repubblika tal-Kroazja mal-Unjoni Ewropea, il-Kummissjoni għandha tissottometti ppreżentat lill-Kunsill abbozz tal-Protokoll li għandu jkun konkluż proposti għal Deċiżjonijiet tal-Kunsill dwar l-iffirmar u l-applikazzjoni proviżorja tal-Protokoll 2 , u dwar il-konklużjoni 3 .

Il-Kunsill adotta d-Deċiżjoni dwar l-iffirmar tal-Protokoll fis-7 ta’ Ottubru 2013 4 . Il-Protokoll ġie ffirmat kif dovut fid-29 ta’ Ottubru 2013.

Fit-2 ta’ Awwissu 2013, l-abbozz ta’ Protokoll u l-abbozz ta’ Deċiżjoni tal-Kunsill dwar il-konklużjoni tiegħu ntbagħtu quddiem il-Parlament Ewropew, f’konformità mal-proċedura fl- Artikolu 218(6)(a) tat-Trattat dwar il-Funzjonament tal-Unjoni Ewropea (TFUE). Fit-23 ta’ April 2014, il-President tal-Parlament Ewropew kiteb lill-President fil-Kariga tal-Kunsill fejn talab għal reviżjoni tal-bażi ġuridika tad-Deċiżjoni tal-Kunsill.

2.    L-ELEMENTI ĠURIDIĊI TAL-PROPOSTA EMENDATA

Il-Ftehim daħal fis-seħħ fl-1 ta’ April 2002 u jeħtieġ li jiġi emendat biex jinkludi

lill-Kroazja bħala parti kontraenti. Wara l-awtorizzazzjoni mogħtija lill-Kummissjoni fl-14

ta’ Settembru 2012, in-negozjati ġew konklużi ma’ San Marino dwar Protokoll mal-

Ftehim.

Skont l-Artikolu 218(6)(a) tat-Trattat dwar il-Funzjonament tal-Unjoni Ewropea, il-

Parlament Ewropew ta l-kunsens tiegħu għall-konklużjoni tal-imsemmi Protokoll mal-Ftehim

fi [...].

Il-bażi ġuridika fil-proposta oriġinali tal-Kummissjoni għal Deċiżjoni tal-Kunsill dwar il-konklużjoni tal-Protokoll kienet l-Artikoli 207 u 352, flimkien mal-Artikolu 218(6)(a) u t-tieni sottoparagrafu tal-Artikolu 218(8) TFUE. Il-Parlament Ewropew ikkonkluda li l-bażi ġuridika sostantiva xierqa kienet dik tal-Artikolu 212 TFEU u mhux l-Artikolu 352, minħabba li għandha x'taqsam speċifikament ma' mal-kooperazzjoni ekonomika ma' pajjiżi terzi li mhumiex pajjiżi fil-fażi tal-iżvilupp. Għaldaqstant, il-Parlament talab lill-Kunsill biex jirrevedi l-bażi ġuridika tad-Deċiżjoni tiegħu.

Il-proposta ġiet emendata skont it-talba tal-Parlament.

Il-Kummissjoni taqbel mal-Parlament li l-Artikolu 207 TFUE huwa l-bażi ġuridika sostantiva xierqa għat-Titolu I dwar “Unjoni doganali” tal-Ftehim u li l-Artikolu 212 TFUE huwa l-bażi ġuridika sostantiva xierqa għat-Titolu II dwar “Kooperazzjoni”.

Madankollu, il-Ftehim għandu wkoll it-Titolu III dwar “Dispożizzjonijiet soċjali”. Il-Kummissjoni tikkunsidra li l-bażi ġuridika sostantiva xierqa għat-Titolu III hija l-Artikolu 79(2)(b) TFEU dwar id-drittijiet ta' ċittadini ta' pajjiżi terzi skont il-politika tal-immigrazzjoni tal-Unjoni, minħabba li ma hemm l-ebda ftehim bejn l-UE u San Marino li fih dispożizzjonijiet dwar il-moviment liberu taċ-ċittadini tagħhom.

F'dan ir-rigward, id-Danimarka, l-Irlanda u r-Renju Unit huma marbutin fil-konfront ta' San Marino bid-dispożizzjonijiet tal-Ftehim, inkluż it-Titolu III. B'konsegwenza ta' dan, l-Irlanda u r-Renju Unit għandhom ikunu parti mill-adozzjoni ta' din id-Deċiżjoni. Id-Danimarka, l-Irlanda u r-Renju Unit f'kull każ jibqgħu marbutin fil-konfront ta’ San Marino fuq il-bażi tal-Ftehim, kif ġie estiż permezz tal-Protokoll għall-Kroazja.

Sommarju tal-azzjoni proposta

Din il-proposta tikkonsisti minn abbozz ta' Deċiżjoni tal-Kunsill dwar il-konklużjoni, f’isem l-Unjoni Ewropea u l-Istati Membri tagħha, ta’ Protokoll mal-Ftehim (fl-Anness), li jipprevedi l-parteċipazzjoni tal-Kroazja bħala parti kontraenti wara l-adeżjoni tagħha mal-Unjoni Ewropea.

Bażi ġuridika

It-Trattat dwar il-Funzjonament tal-Unjoni Ewropea, b’mod partikolari l-Artikolu 79(2)(b), 207 u 212, flimkien mal-Artikolu 218(6)(a) tiegħu; it-Trattat tal-Adeżjoni tal-Kroazja 5 ; u l-Att tal-Adeżjoni tal-Kroazja 6 , b'mod partikolari, it-tieni sottoparagrafu tal-Artikolu 6(2) tiegħu.

Għażla ta' strument

Skont l-Artikolu 218(6)(a) TFEU, f’każijiet koperti mill-imsemmi minn dak l-Artikolu, il-Kunsill jadotta għandu jadotta Deċiżjoni li tawtorizza dwar il-konklużjoni tal-Ftehim wara li jkun inkiseb il-kunsens tal-Parlament Ewropew. Din hija proposta emendata għal Deċiżjoni ta’ dan it-tip.

Proporzjonalità

Din il-proposta emendata hija konformi mal-prinċipju tal-proporzjonalità billi l-effetti tagħha huma strettament limitati għal dak li huwa neċessarju biex jingħata lok għall-parteċipazzjoni tal-Kroazja fil-Ftehim, bħala parti kontraenti, wara l-adeżjoni tagħha mal-Unjoni Ewropea.

2013/0273 (NLE)

Proposta emendata għal

DEĊIŻJONI TAL-KUNSILL

dwar il-konklużjoni, f'isem l-Unjoni Ewropea u l-Istati Membri tagħha, tal-Protokoll għall-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, min-naħa l-waħda, u r-Repubblika ta' San Marino, min-naħa l-oħra, rigward il-parteċipazzjoni, bħala parti kontraenti, tar-Repubblika tal-Kroazja, wara l-adeżjoni tagħha mal-Unjoni Ewropea

IL-KUNSILL TA' L-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea u b’mod partikolari l-Artikolu 79(2)(b), 207 u l-Artikolu 352 u 212, flimkien mal-Artikolu 218(6)(a) u t-tieni sottoparagrafu tal-Artikolu 218(8) tiegħu,

Wara li kkunsidra l-Att tal-Adeżjoni tal-Kroazja, u b’mod partikolari t-tieni sottoparagrafu tal-Artikolu 6(2) tiegħu,

Wara li kkunsidra l-proposta mill-Kummissjoni Ewropea,

Wara li kkunsidra l-kunsens tal-Parlament Ewropew 7 ,

Billi:

(1)Fl-14 ta’ Settembru 2012, il-Kunsill awtorizza lill-Kummissjoni biex tiftaħ negozjati mar-Repubblika ta' San Marino għall-adattament, permezz ta' Protokoll, tal-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, minn naħa l-waħda, u r-Repubblika ta’ San Marino min-naħa l-oħra 8 , dwar il-parteċipazzjoni tar-Repubblika tal-Kroazja bħala parti kontraenti, fid-dawl tal-adeżjoni tagħha mal-Unjoni Ewropea (“il-Protokoll”).

(2)In-negozjati dwar il-Protokoll għall-Ftehim saru mill-Kummissjoni u ġew konklużi reċentamentfis-26 ta' Marzu 2013. Fit-2 ta’ Awwissu 2013, il-Kummissjoni ppreżentat lill-Kunsill u lill-Parlament Ewropew proposti għal Deċiżjonijiet tal-Kunsill dwar l-iffirmar u l-applikazzjoni proviżorja tal-Protokoll 9 u dwar il-konklużjoni tiegħu 10 .

(3)Il-Parlament Ewropew ta l-kunsens tiegħu għall-Protokoll imsemmi dwar […] Skont l-Artikolu 218(6)(a) TFEU, il-kunsens tal-Parlament Ewropew huwa meħtieġ għall-konklużjoni tal-Protokoll. Il-Parlament ikkonkluda li l-bażi ġuridika sostantiva xierqa għad-Deċiżjoni tal-Kunsill dwar il-konklużjoni tal-Protokoll kienet dik tal-Artikoli 207 u 212 TFEU u mhux l-Artikoli 207 u 352 TFEU. Għaldaqstant, fit-23 ta' April 2014, il-President tal-Parlament kiteb lill-President fil-Kariga tal-Kunsill fejn talab għal reviżjoni tal-bażi ġuridika tad-Deċiżjoni.

(4)Għalhekk, il-Kummissjoni qiegħda tippreżenta lill-Kunsill proposta emendata għal Deċiżjoni tal-Kunsill dwar il-konklużjoni tal-Protokoll, f’konformità mat-talba tal-Parlament Ewropew.

(5)Il-Kummissjoni hija tal-fehma li għandha wkoll issir referenza għall-Artikolu 79(2)(b) TFEU bħala bażi legali sostantiva għad-Deċiżjoni, billi t-Titolu III (“Dispożizzjonijiet soċjali”) tal-Ftehim dwar il-Kooperazzjoni u l-Unjoni Doganali jaqa' fil-politika komuni dwar l-immigrazzjoni tal-Unjoni.

(6)Il-Parlament Ewropew ta l-kunsens tiegħu għall-konklużjoni tal-Protokoll fil- […].

(7)Il-Protokoll għandu jiġi konkluż f’isem l-Unjoni Ewropea.

ADOTTA DIN ID-DEĊIŻJONI:

Artikolu 1

Il-Protokoll għall-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, minn naħa l-waħda, u r-Repubblika ta’ San Marino, min-naħa l-oħra, rigward il-parteċipazzjoni tar-Repubblika tal-Kroazja, bħala parti kontraenti, wara l-adeżjoni tagħha mal-Unjoni Ewropea 11 , huwa b’dan approvat f’isem l-Unjoni Ewropea u l-Istati Membri tagħha.

It-test tal-Protokoll huwa mehmuż ma' din id-Deċiżjoni.

Artikolu 2

Il-President tal-Kunsill jaħtar lill-persuna li jkollha s-setgħa li tipproċedi, f'isem l-Unjoni Ewropea u l-Istati Membri tagħha, biex tiddepożita l-istrument ta' approvazzjoni previst fl-Artikolu 3 tal-Protokoll, sabiex tesprimi l-kunsens tal-Unjoni European u tal-Istati Membri tagħha li jintrabtu bil-Protokoll 12 .

Artikolu 3

Din id-Deċiżjoni tidħol fis-seħħ dakinhar tal-adozzjoni tagħha 13 .

Magħmul fi Brussell,

   Għall-Kunsill

   Il-President

(1) ĠU L 84, 28.3.2002, p. 43.
(2) COM(2013) 530 finali.
(3) COM(2013) 568 finali.
(4)

   ĠU L 322, 3,12.2013, p. 1.

(5) ĠU L 112, 24.4.2012, p. 10.
(6) ĠU L 112, 24.4.2012, p. 21.
(7) ĠU C , p. .
(8) ĠU L 84, 28,3.2002, p. 43.
(9) COM(2013) 530 finali.
(10) COM(2013) 568 finali.
(11) It-test tal-Protokoll ġie ppubblikat fil-ĠU L 322, 3.12.2013, p. 2-5 flimkien mad-Deċiżjoni dwar l-iffirmar.
(12) Is-Segretarjat Ġenerali tal-Kunsill se jippubblika d-data tad-dħul fis-seħħ tal-Protokoll f’Il-Ġurnal Uffiċjali tal-Unjoni Ewropea.
(13) Id-data tad-dħul fis-seħħ tal-Protokoll ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.

Brussell, 21.4.2015

COM(2015) 168 final

ANNESS

Protokoll

għall-

proposta emendata għal Deċiżjoni tal-Kunsill

dwar il-konklużjoni, f'isem l-Unjoni Ewropea u l-Istati Membri tagħha, tal-Protokoll għall-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, min-naħa l-waħda, u r-Repubblika ta' San Marino, min-naħa l-oħra, rigward il-parteċipazzjoni, bħala parti kontraenti, tar-Repubblika tal-Kroazja, wara l-adeżjoni tagħha mal-Unjoni Ewropea


ANNESS

PROTOKOLL

għall-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, minn naħa l-waħda, u r-Repubblika ta’ San Marino, min-naħa l-oħra, rigward il-parteċipazzjoni tar-Repubblika tal-Kroazja, bħala parti kontraenti, wara l-adeżjoni tagħha mal-Unjoni Ewropea

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA' SPANJA,

IR-REPUBBLIKA FRANĊIŻA,

IR-REPUBBLIKA TAL-KROAZJA,

IR-REPUBBLIKA TALJANA,

IR-REPUBBLIKA TA' ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

IR-REPUBBLIKA TAL- L-UNGERIJA,

MALTA,

IR-RENJU TAL-PAJJIŻI L-BAXXI,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-ISVEZJA, U

IR-RENJU UNIT TAL-GRAN BRITTANJA U L-IRLANDA TA' FUQ,

minn hawn ’il quddiem "l-Istati Membri"

u

L-UNJONI EWROPEA

min-naħa waħda,

u

IR-REPUBBLIKA TA’ SAN MARINO,

min-naħa l-oħra,

Wara li kkunsidraw il-Ftehim dwar il-Kooperazzjoni u l-Unjoni Doganali bejn il-Komunità Ewropea u l-Istati Membri tagħha, min-naħa l-waħda u r-Repubblika ta’ San Marino, min-naħa l-oħra tas-16 ta' Diċembru 1991, ("il-Ftehim"), li daħal fis-seħħ fl-1 ta' April 2002,

Wara li kkunsidraw l-adeżjoni tar-Repubblika tal-Kroazja mal-Unjoni Ewropea fl-1 ta’ Lulju 2013,

Billi r-Repubblika tal-Kroazja se ssir parti kontraenti għall-Ftehim,

FTEHMU KIF ĠEJ:

Artikolu 1

Ir-Repubblika tal-Kroazja b'dan taderixxi bħala Parti Kontraenti għall-Ftehim.

Artikolu 2

Dan il-Protokoll ikun parti integrali mill-Ftehim.

Artikolu 3

1. Dan il-Protokoll jiġi approvat mill-Partijiet Kontraenti, skont il-proċeduri rispettivi tagħhom.

2. Il-Partijiet jinnotifikaw lil xulxin bit-tlestija ta’ dawn il-proċeduri. L-istrumenti ta' approvazzjoni jiġu depożitati għand is-Segretarjat Ġenerali tal-Kunsill tal-Unjoni Ewropea.

Artikolu 4

Dan il-Protokoll jidħol fis-seħħ fl-ewwel jum tal-ewwel xahar wara d-data tad-depożitu tal-aħħar strument ta’ approvazzjoni.

Artikolu 5

Dan il-Protokoll japplika provviżorjament mill-1 ta’ Lulju 2013.

Artikolu 6

It-testi tal-Ftehim u tad-Dikjarazzjonijiet annessi miegħu tfasslu bl-ilsien Kroat ( 1 ). Huma annessi ma' dan il-Protokoll u huma awtentiċi daqs it-testi fl-ilsna l-oħra li bihom tfasslu l-Ftehim u d-Dikjarazzjonijiet annessi miegħu.

Artikolu 7

Dan il-Protokoll tfassal f’żewġ kopji bil-Bulgaru, biċ-Ċek, bid-Daniż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ingliż, bl-Irlandiż, bl-Ispanjol, bl-Isvediż, bil-Kroat, bil-Latvjan, bil-Litwan, bil-Malti, bl-Olandiż, bil-Pollakk, bil-Portugiż, bir-Rumen, bis-Slovakk, bis-Sloven, bit-Taljan u bl-Ungeriż, u kull wieħed minn dawn it-testi huwa awtentiku daqs l-ieħor.

Magħmul fi Brussell, fid-disgħa u għoxrin jum ta' Ottubru fis-sena elfejn u tlettax.

Għall-Istati Membri

Għall-Unjoni Ewropea

Għar-Repubblika ta' San Marino

(1) Il-verżjoni bil-Kroat tal-Ftehim u tad-Dikjarazzjonijiet mehmużin miegħu huma ppubblikati f'Il-Ġurnal Uffiċjali, Edizzjoni Speċjali, 2013, Kapitolu 02, Volum 17, paġna 111.