Proposta għal DEĊIŻJONI TAL-KUNSILL dwar il-pożizzjoni li għandha tiġi adottata mill-Unjoni Ewropea fil-Kumitat Konġunt stabbilit mill-Ftehim ta' Assoċjazzjoni Ewro-Mediterranju Interim dwar il-kummerċ u l-kooperazzjoni bejn il-Komunità Ewropea, minn naħa waħda, u l-Organizzazjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Istrixxa ta' Gaża, min-naħa l-oħra, f'dak li għandu x'jaqsam mas-sostituzzjoni tal-Protokoll 3 ta' dak il-Ftehim, fir-rigward tad-definizzjoni tal-kunċett ta' “prodotti oriġinarji” u metodi ta' kooperazzjoni amministrattiva bi protokoll ġdid li, f'dak li għandu x'jaqsam mar-regoli tal-oriġini, jirreferi għall-Konvenzjoni Reġjonali dwar ir-regoli preferenzjali tal-oriġini pan-Ewro-Mediterranji /* COM/2015/026 final - 2015/0018 (NLE) */
MEMORANDUM TA’ SPJEGAZZJONI 1. IL-KUNTEST TAL-PROPOSTA Il-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[1]
("il-Konvenzjoni") tistabbilixxi dispożizzjonijiet dwar
l-oriġini ta' prodotti kkummerċjati skont il-Ftehimiet rilevanti
konklużi bejn il-Partijiet Kontraenti. L-UE u l-Palestina[2] ffirmaw il-Konvenzjoni
fil-15 ta’ Ġunju 2011 u
fit-18 ta’ Settembru 2013 rispettivament. L-UE u l-Palestina ddepożitaw
l-istrumenti tagħhom ta’ aċċettazzjoni għand
id-depożitarju tal-Konvenzjoni fis-26 ta’ Marzu 2012 u
fis-27 ta' Mejju 2014, rispettivament. Minħabba f'hekk,
bl-applikazzjoni tal-Artikolu 10(3) tagħha, il-Konvenzjoni
daħlet fis-seħħ kemm fl-UE u kif ukoll fil-Palestina u fl-1
ta' Mejju 2012 u fl-1 ta' Lulju 2014 rispettivament. L-Artikolu 6 tal-Konvenzjoni jistipula li
kull Parti Kontraenti tieħu miżuri xierqa biex tiżgura li
l-Konvenzjoni tiġi applikata b'mod effettiv. Għal dan l-għan,
il-Kumitat Konġunt stabbilit mill-Ftehim ta' Assoċjazzjoni
Ewro-Mediterranju Interim dwar il-kummerċ u l-kooperazzjoni bejn
il-Komunità Ewropea, minn naħa waħda, u l-Organizzazjoni
għal-Liberazzjoni tal-Palestina (PLO) għall-benefiċċju
tal-Awtorità Palestinjana tax-Xatt tal-Punent u l-Istrixxa ta' Gaża,
min-naħa l-oħra[3],
għandu jadotta Deċiżjoni li tissostitwixxi l-Protokoll 3, dwar
id-definizzjoni tal-kunċett ta’ "prodotti oriġinarji" u
metodi ta’ kooperazzjoni amministrattiva, bi protokoll ġdid li, fejn
għandu x'jaqsam mar-regoli ta’ oriġini, jirreferi għall-Konvenzjoni.
Il-pożizzjoni li għandha tittieħed mill-UE fil-Kumitat
Konġunt għandha tiġi stabbilita mill-Kunsill. 2. RIŻULTATI
TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET
TAL-IMPATT L-Istati Membri tal-UE ġew infurmati dwar
l-abbozz ta' Deċiżjoni tal-Kunsill fit-Taqsima tal-Oriġini
tal-Kumitat tal-Kodiċi Doganali tat-13 ta' Mejju 2013. Il-Partijiet
Kontraenti għall-Konvenzjoni ġew ikkonsultati l-aħħar waqt
il-laqgħa tal-grupp ta' ħidma Pan-Ewro-Mediterranju tat-22 u t-23 ta'
Ottubru 2014. Ma kienx hemm bżonn ta' għarfien
espert estern. Barra minn hekk, ma kienx hemm bżonn li ssir valutazzjoni
tal-impatt billi l-adattamenti proposti huma ta' natura teknika u ma jolqtux
is-sustanza tal-protokoll dwar ir-regoli tal-oriġini li jinsab
fis-seħħ bħalissa. 3. ELEMENTI LEGALI TAL-PROPOSTA Il-bażi ġuridika għal din
id-Deċiżjoni tal-Kunsill hija l-ewwel subparagrafu
tal-Artikolu 207(4), flimkien mal-Artikolu 218(9) tat-Trattat dwar
il-Funzjonament tal-Unjoni Ewropea. Il-proposta taqa' taħt il-kompetenza
esklussiva tal-Unjoni. Għalhekk il-prinċipju tas-sussidjarjetà ma
japplikax. L-istrument li qed jiġi propost:
Deċiżjoni tal-Kunsill. 2015/0018 (NLE) Proposta għal DEĊIŻJONI TAL-KUNSILL dwar il-pożizzjoni li għandha
tiġi adottata mill-Unjoni Ewropea fil-Kumitat Konġunt stabbilit
mill-Ftehim ta' Assoċjazzjoni Ewro-Mediterranju Interim dwar
il-kummerċ u l-kooperazzjoni bejn il-Komunità Ewropea, minn naħa
waħda, u l-Organizzazjoni għal-Liberazzjoni tal-Palestina (PLO)
għall-benefiċċju tal-Awtorità Palestinjana tax-Xatt tal-Punent u
l-Istrixxa ta' Gaża, min-naħa l-oħra, f'dak li għandu
x'jaqsam mas-sostituzzjoni tal-Protokoll 3 ta' dak il-Ftehim, fir-rigward
tad-definizzjoni tal-kunċett ta' “prodotti oriġinarji” u metodi ta'
kooperazzjoni amministrattiva bi protokoll ġdid li, f'dak li għandu
x'jaqsam mar-regoli tal-oriġini, jirreferi għall-Konvenzjoni
Reġjonali dwar ir-regoli preferenzjali tal-oriġini
pan-Ewro-Mediterranji IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b'mod partikolari l-ewwel subparagrafu
tal-Artikolu 207(4) flimkien mal-Artikolu 218(9) tiegħu, Wara li kkunsidra l-proposta tal-Kummissjoni
Ewropea, Billi: (1) l-Protokoll Nru 3
tal-Ftehim ta' Assoċjazzjoni Ewro-Mediterranju Interim dwar
il-kummerċ u l-kooperazzjoni bejn il-Komunità Ewropea minn naħa
waħda, u l-Organizzazzjoni għal-Liberazzjoni tal-Palestina (OLP) li
taġixxi f'isem l-Awtorità Palestinjana tax-Xatt tal-Punent u tal-Istrixxa
ta' Gaża, min-naħa l-oħra[4]
("il-Ftehim") jikkonċerna d-definizzjoni tal-kunċett ta'
“prodotti oriġinarji” u l-metodi ta' kooperazzjoni amministrattiva,
(“il-Protokoll 3”). (2) Il-Konvenzjoni Reġjonali
dwar ir-regoli preferenzjali tal-oriġini pan-Ewro-Mediterranji[5]
("il-Konvenzjoni") tistabbilixxi dispożizzjonijiet dwar
l-oriġini ta' prodotti kkummerċjati skont il-Ftehimiet rilevanti
konklużi bejn il-Partijiet Kontraenti. (3) L-Unjoni u l-Palestina[6] ffirmaw il-Konvenzjoni
fil-15 ta' Ġunju 2011 u fit-18 ta' Settembru 2013 rispettivament. (4) L-Unjoni u l-Palestina
ddepożitaw l-istrumenti tagħhom ta' aċċettazzjoni
għand id-depożitarju tal-Konvenzjoni fis-26 ta' Marzu 2012 u s-27 ta'
Mejju 2014 rispettivament. Minħabba f'hekk, bl-applikazzjoni
tal-Artikolu 10(3) tagħha, il-Konvenzjoni daħlet
fis-seħħ kemm fl-Unjoni u kif ukoll il-Palestina fl-1 ta' Mejju
2012 u fl-1 ta' Lulju 2014 rispettivament. (5) L-Artikolu 6
tal-Konvenzjoni jistipula li kull Parti Kontraenti tieħu miżuri
xierqa biex tiżgura li l-Konvenzjoni tiġi applikata b'mod effettiv.
Għal dak il-għan, il-Kumitat Konġunt stabbilit mill-Ftehim
għandu jadotta Deċiżjoni li tissostitwixxi l-Protokoll 3 bi
Protokoll ġdid li, fir-rigward tar-regoli tal-oriġini, jirreferi
għall-Konvenzjoni. (6) Il-pożizzjoni tal-Unjoni
fil-Kumitat Konġunt għandha għalhekk tkun ibbażata fuq
l-abbozz ta’ Deċiżjoni li jinsab mehmuż. ADOTTA DIN ID-DEĊIŻJONI: Artikolu 1 Il-pożizzjoni li għandha tiġi
adottata f'isem l-Unjoni Ewropea fil-Kumitat Konġunt maħluq
mill-Ftehim ta' Assoċjazzjoni Ewro-Mediterranju Interim dwar
il-kummerċ u l-kooperazzjoni bejn il-Komunità Ewropea, minn naħa
waħda, u l-Organizzazzjoni għal-Liberazzjoni tal-Palestina (PLO)
għall-benefiċċju tal-Awtorità Palestinjana tax-Xatt tal-Punent u
tal-Istrixxa ta' Gaża, min-naħa l-oħra, meta l-Protokoll 3 ta'
dak il-Ftehim, li jitratta d-definizzjoni tal-kunċett ta' “prodotti
oriġinarji” u metodi ta' kooperazzjoni amministrattiva, jinbidel bi
protokoll ġdid li fir-rigward tar-regoli tal-oriġini jirreferi
għall-Konvenzjoni Reġjonali dwar ir-regoli preferenzjali tal-oriġini
pan-Ewro-Mediterranji, għandha tkun ibbażata fuq l-abbozz
tad-deċiżjoni tal-Kumitat Konġunt anness ma' din
id-Deċiżjoni. Ir-rappreżentanti tal-Unjoni fil-Kumitat
Konġunt jistgħu jaqblu dwar tibdil minuri fl-abbozz
tad-deċiżjoni tal-Kumitat Konġunt, mingħajr
deċiżjoni ulterjuri tal-Kunsill. Artikolu 2 Id-deċiżjoni tal-Kumitat
Konġunt tiġi ppubblikata f'Il-Ġurnal Uffiċjali
tal-Unjoni Ewropea. Artikolu 3 Din id-Deċiżjoni tidħol
fis-seħħ fid-data tal-adozzjoni tagħha. Magħmul fi Brussell, Għall-Kunsill Il-President [1] ĠU L 54, 26.2.2013, p. 4 [2] Din id-deżinjazzjoni ma għandhiex tiġi
interpretata bħala rikonoxximent ta’ Stat tal-Palestina u hija
mingħajr ħsara għall-pożizzjonijiet individwali tal-Istati
Membri fuq din il-kwistjoni. [3] ĠU L 187, 16.7.1997, p. 3 [4] ĠU L 187, 16.7.1997, p. 3 [5] ĠU L 54, 26.2.2013, p. 4 [6] Din id-deżinjazzjoni ma għandhiex tiġi
interpretata bħala rikonoxximent ta’ Stat tal-Palestina u hija
mingħajr ħsara għall-pożizzjonijiet individwali tal-Istati
Membri fuq din il-kwistjoni. Abbozz
DEĊIŻJONI Nru … TAL-KUMITAT KONĠUNT TAL-UE-PALESTINA ta' li tisosstitwixxi l-Protokoll Nru 3 tal-Ftehim ta'
Assoċjazzjoni Ewro-Mediterranju Interim dwar il-kummerċ u
l-kooperazzjoni bejn il-Komunità Ewropea minn naħa waħda, u
l-Organizzazzjoni għal-Liberazzjoni tal-Palestina (OLP) li taġixxi
f'isem l-Awtorità Palestinjana tax-Xatt tal-Punent u l-Istrixxa ta' Gaża,
min-naħa l-oħra, rigward id-definizzjoni tal-kunċett ta'
"prodotti oriġinarji" u l-metodi ta' kooperazzjoni
amministrattiva Il-Kumitat Konġunt
tal-UE-Palestina, Wara li kkunsidra l-Ftehim ta’
Assoċjazzjoni Interim Ewro-Mediterranju dwar Kummerċ u Koperazzjoni
bejn il-Komunità Ewropea, minn naħa waħda, u l-Organizzazzjoni
għall-Liberazzjoni tal-Palestina (PLO) għall-benefiċċju
tal-Awtorità Palestinjana tax-Xatt tal-Punent u l-Istrixxa ta’ Gaża,
min-naħa l-oħra[1],
u b’mod partikolari l-Artikolu 25 tiegħu, Wara li kkunsdirat il-Protokoll Nru 3
tal-Ftehim ta' Assoċjazzjoni Ewro-Mediterranju Interim dwar
il-kummerċ u l-kooperazzjoni bejn il-Komunità Ewropea fuq naħa
waħda, u l-Organizzazzjoni għal-Liberazzjoni tal-Palestina (OLP) li
taġixxi f'isem l-Awtorità Palestinjana tax-Xatt tal-Punent u tal-Istrixxa
ta' Gaża, fuq in-naħa l-oħra, rigward id-definizzjoni
tal-kunċett ta' "prodotti oriġinarji" u l-metodi ta'
kooperazzjoni amministrattiva, Billi: (1)
L-Artikolu 25 tal-Ftehim Interim ta’
Assoċjazzjoni Ewro-Mediterranju dwar il-Kummerċ u l-Kooperazzjoni
bejn il-Komunità Ewropea, fuq naħa waħda, u l-Organizzazzjoni
għall-Ħelsien tal-Palestina (PLO) għall-benefiċċju
tal-Awtorità Palestinjana tax-Xatt tal-Punent u l-Istrixxa ta’ Gaża, fuq
in-naħa l-oħra (“il-Ftehim”) jirreferi għall-Protokoll 3
għall-Ftehim (“il-Protokoll 3”) li jistabbilixxi r-regoli tal-oriġini
u jipprovdi għal akkumulazzjoni ta’ oriġini bejn l-Unjoni Ewropea,
il-Palestina u Partijiet Kontraenti oħrajn għall-Konvenzjoni. (2)
L-Artikolu 39 tal-Protokoll 3 jistipula
li l-Kumitat Konġunt previst fl-Artikolu 63 tal-Ftehim jista’
jiddeċiedi li jemenda d-dispożizzjonijiet ta’ dan il-protokoll. (3)
Il-Konvenzjoni Reġjonali dwar ir-regoli
preferenzjali tal-oriġini pan-Ewro-Mediterranji[2] (“il-Konvenzjoni”)
għandha l-għan li b'att legali wieħed, tissostitwixxi
l-protokolli dwar ir-regoli tal-oriġini li jinsabu fis-seħħ
bħalissa fost il-pajjiżi taż-żona pan-Ewro-Mediterranja. (4)
L-Unjoni Ewropea u l-Palestina[3] ffirmaw il-Konvenzjoni
fil-15 ta' Ġunju 2011 u fit-18 ta' Settembru 2013 rispettivament. (5)
L-Unjoni Ewropea u l-Palestina ddepożitaw
l-istrumenti tagħhom ta' aċċettazzjoni għand
id-depożitarju tal-Konvenzjoni fis-26 ta' Marzu 2012 u fis-27 ta' Mejju
2014 rispettivament. Il-Konvenzjoni daħlet fis-seħħ fir-rigward
ta' kemm l-Unjoni Ewropea kif ukoll il-Palestina fl-1 ta' Mejju 2012 u fl-1 ta'
Lulju 2014 rispettivament, b'riżultat tal-applikazzjoni tal-Artikolu 10(3)
tal-Konvenzjoni. (6)
Il-Protokoll 3 għandu għalhekk jiġi
sostitwit bi protokoll ġdid li jagħmel referenza
għall-Konvenzjoni. ADOTTA DIN ID-DEĊIŻJONI: Artikolu 1 Il-Protokoll 3 għall-Ftehim ta'
Assoċjazzjoni Ewro-Mediterranju Interim dwar il-kummerċ u l-kooperazzjoni
bejn il-Komunità Ewropea, fuq naħa waħda, u l-Organizzazjoni għal-Liberazzjoni
tal-Palestina (PLO) għall-benefiċċju tal-Awtorità Palestinjana
tax-Xatt tal-Punent u l-Istrixxa ta' Gaża, fuq in-naħa l-oħra,
fir-rigward tad-definizzjoni tal-kunċett ta' “prodotti oriġinarji” u
l-metodi tal-kooperazzjoni amministrattiva jiġi sostitwit bit-test
stipulat fl-Anness ta' din id-Deċiżjoni: Artikolu 2 Din id-Deċiżjoni tidħol
fis-seħħ fid-data tal-adozzjoni tagħha. Tibda tapplika minn … Magħmul fi Għall-Kumitat
Konġunt Il-President Anness Protokoll 3 dwar
id-definizzjoni tal-kunċett ta' "prodotti oriġinarji" u
dwar metodi ta' kooperazzjoni amministrattiva Artikolu 1 Ir-regoli
ta’ oriġini applikabbli 1. Għall-fini
tal-implimentazzjoni ta’ dan il-Ftehim, l-Appendiċi I u
d-dispożizzjonijiet rilevanti tal-Appendiċi II għall-Konvenzjoni
Reġjonali dwar ir-regoli preferenzjali tal-oriġini
pan-Ewro-Mediterranji, minn hawn’ il quddiem[4]
(il-Konvenzjoni), japplikaw. 2. Ir-referenzi kollha għal
“ftehim rilevanti” fl-Appendiċi I u fid-dispożizzjonijiet rilevanti
tal-Appendiċi II tal-Konvenzjoni Reġjonali dwar ir-regoli
preferenzjali ta’ oriġini Pan-Ewro-Mediterranji jiġu interpretati
bħala li jfissru dan il-Ftehim. Artikolu 2 Soluzzjoni
ta’ tilwim 1. Meta b'rabta mal-proċeduri ta'
verifika tal-Artikolu 32 tal-Appendiċi I tal-Konvenzjoni jinqala'
xi tilwim li ma jkunx jista' jissolva bejn l-awtoritajiet doganali li jkunu qed
jitolbu l-verifika u l-awtoritajiet doganali li jkunu responsabbli
għat-twettiq ta' din il-verifika, it-tilwim għandu jitressaq quddiem
il-Kumitat Konġunt. 2. Fil-każijiet kollha
s-soluzzjonijiet tat-tilwim bejn l-importatur u l-awtoritajiet doganali
tal-pajjiż tal-importazzjoni għandhom jaqgħu taħt
il-leġiżlazzjoni tal-pajjiż imsemmi. Artikolu 3 Emendi
għall-Protokoll Il-Kumitat Konġunt jista' jiddeċiedi
li jemenda d-dispożizzjonijiet ta' dan il-Protokoll. Artikolu 4 L-irtirar
mill-Konvenzjoni 1. Jekk jingħata avviż
bil-miktub jew mill-Unjoni Ewropea[5]
jew mill-Palestina lid-depożitarju tal-Konvenzjoni dwar l-intenzjoni
tagħhom li jirtiraw mill-Konvenzjoni skont l-Artikolu 9 tagħha,
l-Unjoni Ewropea u l-Palestina immedjatament jidħlu f'negozjati dwar
ir-regoli tal-oriġini għall-iskop tal-implimentazzjoni ta' dan
il-Ftehim. 2. Dawn ir-regoli tal-oriġini li
jinsabu fl-Appendiċi I u, fejn xieraq, id-dispożizzjonijiet rilevanti
tal-Appendiċi II tal-Konvenzjoni, applikabbli fil-mument ta’ rtirar,
jibqgħu japplikaw għal dan il-Ftehim sakemm ma jidħlu
fis-seħħ ir-regoli ta’ oriġini appena nnegozjati. Ir-regoli
tal-oriġini li jinsabu fl-Appendiċi I u, fejn xieraq,
id-dispożizzjonijiet rilevanti tal-Appendiċi II tal-Konvenzjoni,
madankollu, mill-mument tal-irtirar, għandhom jiġu interpretati b'mod
li jippermetti akkumulazzjoni bilaterali bejn l-Unjoni Ewropea u l-Palestina
biss. [1] ĠU L 187, 16.7.1997, p. 3 [2] ĠU L 54, 26.2.2013, p. 4 [3] Din id-deżinjazzjoni ma għandhiex tiġi
interpretata bħala rikonoxximent ta’ Stat tal-Palestina u hija
mingħajr ħsara għall-pożizzjonijiet individwali tal-Istati
Membri fuq din il-kwistjoni. [4] ĠU L 54, 26.2.2013, p. 4 [5] Din id-deżinjazzjoni ma għandhiex tiġi interpretata
bħala rikonoxximent ta’ Stat tal-Palestina u hija mingħajr ħsara
għall-pożizzjonijiet individwali tal-Istati Membri fuq din
il-kwistjoni.