30.6.2014   

MT

Il-Ġurnal Uffiċjali tal-Unjoni Ewropea

C 201/1

I.

A.

B.

C.

D.

E.

F.

G.

H.

H.1.

H.2.

H.3.

II.

A.

B.

C.

D.

E.

F.

G.

H.

I.

J.

K.

L.

M.

III.

A.

A.1.

A.2.

A.3.

A.4.

B.

B.1.

B.2.

B.3.

B.4.

B.5.

C.

D.

D.1.

D.2.

D.3.

D.4.

D.5.

D.6.

E.

E.1.

E.2.

E.3.

E.4.

F.

Anness I –

Anness II –

Anness III –

1.

Dan ir-rapport janalizza l-ġestjoni baġitarja u finanzjarja tal-Parlament Ewropew għas-sena finanzjarja 2013. Jiddeskrivi l-użu tar-riżorsi finanzjarji kif ukoll l-avvenimenti li kellhom influwenza sinifikanti fuq l-attivitajiet tas-sena finanzjarja (il-partijiet I u II) u jagħti rendikont fil-qosor tar-riżultati li nkisbu fir-rigward tal-objettivi stabbiliti għas-sena 2013 (il-parti III).

2.

Ir-rapport tfassal skont l-Artikolu 142 tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (1), li minn issa ’l quddiem se jissejjaħ “Ir-Regolament Finanzjarju” u skont l-Artikolu 227 tar-Regolament ta' Delega tal-Kummissjoni Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 (2). L-analiżi hija bbażata fuq il-kontijiet baġitarji proviżorji kif stabbiliti mill-Uffiċjal tal-Kontabilità.

3.

L-approprjazzjonijiet finali tal-Parlament għall-2013 ammontaw għal EUR 1  75 0 4 63  939, jiġifieri 19,07 % tal-limitu massimu tal-intestatura V tal-Qafas Finanzjarju (3). It-tabella 1 ta' hawn taħt tippreżenta l-implimentazzjoni tal-baġit tal-Parlament Ewropew matul is-sena finanzjarja 2013.

Tabella 1

Użu tal-approprjazzjonijiet

4.

L-ammont totali tad-dħul imdaħħal fil-kontijiet fil-31 ta' Diċembru 2013 ammonta għal EUR 15 8 1 17  371 (2012: EUR 17 5 5 41  860), li minnu EUR 2 5 9 91  783 minn dħul assenjat (2012: EUR 2 2 2 74  843).

5.

It-total tal-approprjazzjonijiet tal-baġit finali tal-Parlament għall-2013 ammonta għal EUR 1  75 0 4 63  939, jiġifieri żieda ta’ 1,9 % meta mqabbel mal-baġit tal-2012 (EUR 1  71 7 8 68  121).

6.

L-impenji ammontaw għal EUR 1  73 5 9 63  486, jiġifieri 99 % tal-approprjazzjonijiet finali (2012: 99 %). Il-pagamenti ammontaw għal total ta' EUR 1  45 8 1 88  881, jiġifieri 84 % tal-impenji li ttieħdu (2012: 82 %).

7.

Ir-riporti awtomatiċi għas-sena finanzjarja 2014 ammontaw għal EUR 27 7 7 74  604, jiġifieri 16 % tal-approprjazzjonijiet impenjati (2012: 18 %). Ir-riporti mhux awtomatiċi tal-approprjazzjonijiet fis-sena finanzjarja 2014, b'applikazzjoni tal-Artikolu 13 tar-Regolament Finanzjarju żdiedu għal EUR 7 34  000.

8.

Ir-riporti awtomatiċi tal-approprjazzjonijiet għall-2013 ammontaw għal total ta’ EUR 30 5 4 57  875 (2012: EUR 22 2 9 00  384). Il-pagamenti minn dawn ir-riporti ġew stabbiliti għal EUR 28 6 1 09  573, jiġifieri 94 % (2012: 89 %). B'hekk l-ammont ikkanċellat ammonta għal EUR 1 9 3 48  302, 22 % anqas meta mqabbel mal-2012 (EUR 2 4 9 09  308). Il-kanċellazzjonijiet ikkonċernaw essenzjalment l-Artikoli li ġejjin: l-Artikolu 2 0 0 “Bini”, l-Artikolu 2 0 2 “In-nefqa fuq il-bini”, l-Artikolu 3 2 4 “Produzzjoni u tixrid”, l-Artikolu 2 1 0 “Informatika u Telekomunikazzjonijiet”, l-Artikolu 1 4 0 “Aġenti oħra u ħaddiema esterni” u l-Artikolu 3 0 0 “Nefqiet għall-missjonijiet tal-istaff u vvjaġġar fuq xogħol bejn it-tliet postijiet ta' ħidma”. Il-kanċellazzjonijiet li jikkonċernaw dawn is-sitt Artikoli jirrappreżentaw 74 % tat-total tal-ammonti kkanċellati.

9.

L-ammonti kkanċellati u r-raġunijiet prinċipali ta' dawn il-kanċellazzjonijiet huma ppreżentati fit-tabella 2.

Tabella 2

Raġunijiet ewlenin għall-kanċellazzjonijiet tal-approprjazzjonijiet riportati awtomatikament mill-2012 sal-2013

10.

Id-dħul assenjat li kien disponibbli fl-2013 ammonta għal total ta' EUR 2 5 9 91  783 (2012: EUR 2 2 2 74  843). L-impenji ammontaw għal EUR 1 6 9 07  174, jiġifieri rata ta’ impenn ta’ 65 % (2012: 81 %). Il-pagamenti ammontaw għal EUR 8 9 97  498, jiġifieri 53 % tal-impenji li ttieħdu (2012: 62 %).

11.

Is-sors tal-approprjazzjonijiet mid-dħul assenjat fl-2013 huwa analizzat fil-figura hawn isfel:

Figura 1

Approprjazzjonijiet minn dħul assenjat fl-2013 skont il-kapitolu

12.

L-approprjazzjonijiet minn dħul assenjat riportati għall-2013 ammontaw għal total ta' EUR 10 6 9 00  532 (2012: EUR 10 7 5 92  247). Il-maġġoranza (91 %) ta' dan id-dħul ġejja mill-kapitolu 2 0 u tirriżulta prinċipalment minn trasferiment ta’ EUR 8 5 9 87  000 imwettaq mill-Istat Belġjan, fis-27 ta’ Jannar 2010, fil-kuntest tat-tqassim tal-ispiża tal-art li fuqha hemm is-sit għall-bini D4 u D5 u tal-ispejjeż ta’ żvilupp tas-saqaf fuq l-istazzjon ta’ Brussell-Lussemburgu.

13.

It-total tal-impenji minn dħul assenjat riportat ammonta għal EUR 10 4 1 47  894 fl-aħħar tas-sena 2013 (2012: EUR 10 5 4 82  187). Il-pagamenti mwettqa fl-2013 irrappreżentaw 16 % tal-impenji (2012: 10 %). Il-maġġoranza tal-impenji tikkonċerna x-xiri tal-bini TREBEL, b'mod konformi mad-deċiżjoni tal-Bureau tat-30 ta' Novembru 2011.

14.

Is-somma ta' EUR 10 6 9 34  452 ġiet trasferita għas-sena finanzjarja 2014, li minnha l-ammont ta' EUR 1 6 4 94  703 ġej minn approprjazzjonijiet minn dħul assenjat fl-2013 (il-kanċellazzjonijiet tal-approprjazzjonijiet jammontaw għal EUR 4 99  582) u EUR 9 0 3 35  056 tal-approprjazzjonijiet minn dħul assenjat riportat mill-2012 (il-kanċellazzjonijiet tal-approprjazzjonijiet jammontaw għal EUR 30). L-ammont ta' EUR 8 5 8 97  000 imħallas mill-Istat Belġjan f'Jannar 2010 (ara l-paragrafu 12) jikkostitwixxi dħul assenjat estern fis-sens tal-Artikolu 21(2) tar-Regolament Finanzjarju. L-approprjazzjonijiet riportati minn dħul assenjat intern jammontaw għal EUR 2 1 0 37  452.

15.

Ammont ta' EUR 1 3 7 66  453 (2012: EUR 2 4 8 30  106), li jirrappreżenta 0,8 % tal-approprjazzjonijiet finali (2012: 1,4 %), ġie kkanċellat. Ir-raġunijiet ewlenin għal din il-kanċellazzjoni huma ppreżentati fit-tabella ta' hawn taħt:

Tabella 3

Raġunijiet ewlenin għall-kanċellazzjonijiet tal-approprjazzjonijiet kurrenti fl-2013

16.

Matul is-sena finanzjarja, 10 trasferimenti C (fosthom it-trasferiment imsejjaħ “ta' tlaqqit”) ġew approvati skont l-Artikoli 27 u 46 tar-Regolament Finanzjarju (7). Dawn ammontaw għat-total ta' EUR 6 9 0 88  000, jiġifieri 3,9 % tal-approprjazzjonijiet finali (fl-2012: 10 trasferimenti li jirrappreżentaw 4,7 % tal-approprjazzjonijiet finali). Il-President approva 10 trasferimenti P minn dħul kurrenti taħt l-Artikolu 25(1) tar-Regolament Finanzjarju (8), għal ammont totali ta' EUR 9 7 98  500, jiġifieri 0,6 % tal-approprjazzjonijiet finali (2012: 8 trasferimenti li jirrappreżentaw 0,6 % tal-approprjazzjonijiet finali).

17.

B'kollox, 20 trasferiment C u P minn dħul kurrenti ġew approvati fl-2013, għal ammont ta' EUR 7 8 8 86  500, jiġifieri 4,5 % tal-approprjazzjonijiet finali (fl-2012: 18-il trasferiment ta' ammont totali ta' EUR 9 0 8 41  790, jiġifieri 5,3 % tal-approprjazzjonijiet finali).

Tabella 4

Trasferimenti skont il-bażi ġuridika

Tabella 5

Analiżi tat-trasferimenti C skont il-linja baġitarja li għandha tirċievi t-trasferiment

Tabella 6

Analiżi tat-trasferimenti C skont il-kategorija tal-infiq u skont l-objettiv

18.

Din it-taqsima teżamina l-użu tal-approprjazzjonijiet tal-Kapitolu 10 1 “Riserva ta' kontinġenza” u tal-Kapitolu 10 8 “Riserva tal-EMAS”. Dawn il-kapitoli, li jidhru fit-Titolu 10 “Infiq ieħor”, jissejħu “approprjazzjonijiet proviżorji” fil-bqija ta' dan ir-rapport. It-titolu 10 “Infiq ieħor” ikkostitwixxa s-sors ewlieni ta' trasferimenti barra mit-trasferiment ta' tlaqqit peress li 59 % tal-approprjazzjonijiet barra mit-trasferiment ta' tlaqqit ġejjin minn din l-intestatura (Eur 8 8 34  000 minn total ta' EUR 1 5 0 88  000).

19.

Minn dan l-ammont, EUR 6 0 74  000 kienu previsti għall-Membri, EUR 2 0 60  000 għall-informatika u EUR 7 00  000 għall-amministrazzjoni. Id-destinazzjoni tat-trasferimenti tal-approprjazzjonijiet provizorji u l-objettiv tagħhom huma deskritti hawn taħt.

Tabella 7

Destinazzjoni tat-trasferimenti minn approprjazzjonijiet proviżorji

20.

Din it-taqsima teżamina t-trasferimenti barra t-trasferiment ta' tlaqqit li ġejjin minn sorsi oħra għajr it-titolu 10 “Infiq ieħor”. Ammont totali ta' EUR 6 2 54  000 ġie trasferit għal dawn it-trasferimenti minn titoli oħra. L-ispejjeż relatati mal-Membri rrappreżentaw l-akbar parti ta' dawn it-trasferimenti, jiġifieri 44 %, segwiti mill-ispejjeż marbuta mal-informazzjoni (28 %), l-informatika (26 %) u l-ispejjeż marbuta mal-amministrazzjoni (2 %). It-tabella 8a tagħti ħarsa ġenerali ta' dawn it-trasferimenti.

Tabella 8.a

Oriġini tat-trasferimenti C ta' sorsi oħra għajr l-approprjazzjonijiet proviżorji barra t-trasferiment ta' tlaqqit

21.

Total ta' EUR 5 4 0 00  000 ġie trasferit mill-approprjazzjonijiet proviżorji u minn sorsi oħra sabiex jikkontribwixxi għall-finanzjament tal-estensjoni u tar-rinovazzjoni tal-bini Konrad Adenauer (KAD), il-proġett ewlieni ta' bini fil-Lussemburgu. It-tabella 8a tippreżenta sommarju ta' dan it-trasferiment.

Tabella 8.b

Dettall tat-trasferiment “ta' tlaqqit” C12

22.

Ir-rendikont tat-trasferimenti P jingħata fit-Tabella 9.

Tabella 9

Destinazzjoni tat-trasferimenti P

23.

Din it-taqsima tippreżenta l-użu tal-approprjazzjonijiet skont il-kapitolu baġitarju, il-volum tagħhom fil-baġit u l-bidliet fl-użu tal-approprjazzjonijet meta mqabbel mas-sena finanzjarja preċedenti. Erba' kapitoli jirappreżentaw huma biss 70 % tal-impenji kollha. Dawn huma l-kapitoli 1 0 “Membri tal-istituzzjoni”, il-kapitolu 1 2 “Uffiċjali u persunal temporanju”, il-kapitolu 2 0 “Bini u nefqiet relatati” u l-kapitolu 4 2 “Nefqa relatata mal-assistenza parlamentari”.

24.

It-tabella 10 tippreżenta, kapitolu b'kapitolu, l-iżvilupp tal-approprjazzjonijiet impenjati fl-2013 fir-rigward tas-sena finanzjarja 2012. Il-figuri 2 u 3 juru l-partijiet relatati u l-iżvilupp mill-2012 għall-2013.

Tabella 10

Żvilupp tal-imprenji tal-approprjazzjonijiet mill-2013 għall-2012

25.

L-ispejjeż diretti relatati mal-Membri rrappreżentaw EUR 20 5 4 14  449 fl-2013, jiġifieri 12 % tat-total tal-impenji tas-sena finanzjarja. L-ispejjeż żdiedu b'EUR 1,1 miljuni, jiġifieri żieda ta' 0,6 % meta mqabbla mal-2012. Il-kapitolu huwa magħmul minn ħames nefqiet prinċipali: Il-Partiti 1 0 0 0 “Allowances” u 1 0 0 6 “Allowances għal nefqiet ġenerali” jirrappreżentaw 34 % u 19 % tal-impenji rispettivament, il-Partiti “Spejjeż għall-vjaġġi regolari” u 1 0 0 5 “Spejjeż oħra għall-ivvjaġġar” jirrappreżentaw 35 % u 3 %, u l-Partita 1 0 3 0 “Pensjonijiet tal-irtirar” tirrappreżenta 6 %.

26.

L-impenji tal-Partiti 1 0 0 0 “Allowances” u 1 0 0 6 “Allowances għall-ispejjeż ġenerali” (maħsuba biex ikopru l-ispejjeż li jirriżultaw minn attivitajiet parlamentari tal-Membri) jammontaw għal EUR 10 8 6 33  749 u jirrappreżentaw 53 % tat-total tal-impenji tal-kapitolu. Huma żdiedu b'0,5 % meta mqabbla mal-impenji tal-2012 wara l-adeżjoni tal-Kroazja u l-wasla ta' tnax-il Membru Kroat (9). L-allowance ta' kull xahar (salarju gross) tammonta għal EUR 7  957 għal kull Membru, u l-allowance għall-ispejjeż ġenerali tammonta għal EUR 4  299, ammonti li ma nbidlux meta mqabbla mal-2012.

27.

L-impenji tal-Partiti 1 0 0 4 “Spejjeż għall-vjaġġi regolari” u 1 0 0 5 “Spejjeż oħra għall-ivvjaġġar” jammontaw għal EUR 7 8 4 97  779, jiġifieri 38 % tat-total tal-impenji tal-Kapitolu 1 0. Dawn naqqsu b'0,4 % meta mqabbla mal-impenji tal-2012. Il-livell tal-impenji għandu madankollu jitqies b'riserva għaliex hu ma jirrappreżentax b'mod definittiv il-livell tal-infiq annwali reali tal-ispejjeż tal-ivvjaġġar u ta' soġġorn tal-Membri (10). Madankollu, miżuri ta' tnaqqis strutturali meħuda mill-Bureau fil-qasam tal-ispejjeż tal-ivvjaġġar għenu jnaqqsu l-livell tal-impenji, u dan minkejja l-integrazzjoni tal-Membri Kroati ġodda (11) kif ukoll l-inflazzjoni tal-ispejjeż relatati mat-trasport.

28.

Fl-2013, il-Membri (12) għamlu total ta' 29  142 (13) vjaġġ (14). Il-maġġoranza tal-vjaġġi saru fi Brussell (18  280) u fi Strasburgu (8  407). Laqgħat f'postijiet oħra fl-Unjoni Ewropea rrappreżentaw 1  514 vjaġġ u laqgħat barra mill-Unjoni Ewropea rrappreżentaw 941 vjaġġ.

29.

L-impenji tal-Partita 1 0 3 0 “Pensjonijiet ta' rtirar” kienu stabbiliti għal EUR 1 1 9 41  558, jiġifieri 6 % tat-total tal-impenji tal-kapitolu. Dawn żdiedu bi 18 % meta mqabbla mal-2012 minħabba l-ħtieġa li jitħallsu l-arretrati u interessi fuq ħlas tard marbuta mal-pensjonijiet ta' rtirar mħallsa lill-ex Membri eletti fi Franza.

30.

L-infiq relatat mal-uffiċjali u l-aġenti temporanji rrappreżentaw EUR 57 4 9 99  348 fl-2013, jiġifieri l-akbar kategorija ta' nfiq bi 33 % tat-total tal-impenji tas-sena finanzjarja 2013. Din iċ-ċifra żdiedet b'EUR 14,3 miljun, jiġifieri żieda ta' 3 % meta mqabbla mas-sena finanzjarja preċedenti. Id-dinamika tal-kapitolu tirrużulta essenzjalment minn dik tal-Partita 1 2 0 0 “Rimunerazzjonijiet u allowances”, li tirrappreżenta 99 % tal-approprjazzjonijiet.

31.

L-ammont tal-impenji mwettqa fin-nefqa 1200 “Rimunerazzjonijiet u allowances” huwa ta' EUR 57 0 6 69  888 u żdied bi 3 % (EUR 1 5 2 94  817) meta mqabbel mal-2012. Din iċ-ċaqliqa tirrifletti r-rata tal-postijiet vakanti u tintegra l-progressjoni tal-karrieri. Il-Partita 1200 hija kkaratterizzata minn eċċess fl-2013 u kkostitwixxiet is-sors ewlieni għat-trasferiment ta' tlaqqit (15)(EUR 6 3 00  000). Dan l-eċċess jista' essenzjalment jiġi spjegata mill-fatt li, meta kien qed jinħadem il-baġit tal-2013, ġie kkalkolat l-adattament annwali tas-salarji għall-2011 u 2012 li fl-aħħar mill-aħħar s'issa għadu ma seħħx. Fis-sentenza tagħha tad-19 ta' Novembru 2013, il-Qorti tal-Ġustizzja tal-Unjoni Ewropea ddeċidiet li l-Kunsill tal-Unjoni Ewropea għandu d-dritt li jirrifjuta l-proposta tal-Kummissjoni, ibbażata fuq il-“metodu ta' aġġustament” maħsub biex iżid is-salarji tal-uffiċjali Ewropej b'1,7 % fl-2011 (16).

32.

Fl-2013, 463 uffiċjal u aġent temporanju ġew reklutati mas-Segretarjat Ġenerali, 75 aġent temporanju ġew reklutati mal-gruppi politiċi u 337 persuna ġew reklutati bħala assistenti parlamentari akkreditati. B'kollox, sal-31 ta' Diċembru 2013 kien hemm 6  105 uffiċjal u aġent temporanju jaħdmu mal-Parlament Ewropew (li minnhom 5  308 persuna mas-Segretarjat Ġenerali u 797 mal-gruppi politiċi), kif ukoll 1  763 assistent parlamentari akkreditat.

33.

Fir-rigward tad-tqassim skont il-ġeneru, sal-31 ta' Diċembru 2013, in-nisa kienu jirrappreżentaw 29 % tal-kapijiet ta' unità, 34 % tad-diretturi u 33 % tad-diretturi ġenerali. Il-figura ta' hawn taħt tippreżenta t-tqassim tal-persunal skont il-grupp ta' funzjonijiet u skont il-ġeneru.

Figura 4

Tqassim tal-persunal tas-Segretarjat Ġenerali skont il-ġeneru

34.

L-infiq rigward Persunal ieħor u servizzi esterni rrappreżenta EUR 10 6 1 82  103 fl-2013, jiġifieri 6 % tal-impenji. Il-kapitolu jinkludi tliet Partiti ta' spejjeż ewlenin: Il-Partita 1 4 0 2 “interpreti għall-konferenzi” tirrappreżenta 47 % tal-impenji, il-Partita 1 4 0 0 “Aġenti oħra” (17) tirrappreżenta 35 % u l-Partita 1 4 2 0 “Servizzi esterni” (18) tirrappreżenta 11 %.

35.

L-impenji tal-kapitolu żdiedu b'madwar EUR 3,7 miljuni meta mqabbla mal-2012, jiġifieri żieda ta' 4 %. Din il-bidla tiġi spjegata prinċipalment miż-żieda tan-numru ta' jiem ta' interpretazzjoni mill-interpreti għall-konferenzi awżiljarji u r-reklutaġġ tal-persunal kuntrattwali fil-qafas tal-internalizzazzjoni tas-sigurtà, filwaqt li fil-qasam tat-traduzzjoni esterna diversi miżuri ppermettu t-tnaqqis tal-ispejjeż.

36.

Għall-Partita 1 4 0 2 “Interpreti għall-konferenzi”, l-impenji ammontaw għal EUR 4 9 5 99  377 biex ikopru l-onorarji, il-kontribuzzjonijiet soċjali, l-ispejjeż tal-ivvjaġġar u l-allowances għas-soġġorn tal-interpreti għall-konferenzi awżiljarji impjegati mill-Parlament biex jiżgura l-interpretazzjoni waqt il-laqgħat organizzati mill-Parlament. Il-livell tal-impenji żdied b'EUR 3 5 99  377 meta mqabbla mal-2012, jiġifieri żieda ta' 8 %. Din il-bidla tirriżulta essenzjalment miż-żieda tan-numru ta' jiem ta' interpretazzjoni mill-interpreti għall-konferenzi awżiljarji (2013: 53  244 jum, 2012: 49  615 jum).

37.

L-interpreti tal-Parlament u l-interpreti għall-konferenzi awżiljarji ħadmu 1 03  550 jum ta' interpretazzjoni fl-2013 (2012: 1 02  471 jum), għall-Parlament u istituzzjonijiet oħra (19) meta l-Parlament kellu jiggarantixxi din l-interpretazzjoni L-interpreti tal-Parlament ħadmu 50  206 jum (5 % inqas milli fl-2012), filwaqt li l-interpreti tal-konferenzi awżiljarji ħadmu 53  244 jum (żieda ta' 7 % meta mqabbel mal-2012).

38.

L-impenji tal-Partita 1 4 2 0 “Servizzi esterni” ammontaw għal EUR 1 1 9 04  661, tnaqqis ta' EUR 2 6 82  972 meta mqabbla mal-2012, jiġifieri tnaqqis ta' 18 %. Din il-varjazzjoni ġejja minn diversi miżuri ta' tnaqqis tal-ispejjeż. Id-deċiżjoni li r-rapporti verbatim (CRE) jiġu prodotti biss f'dokument multilingwu, mingħajr traduzzjoni awtomatika, ippermettiet tnaqqis tal-impenji għas-servizzi esterni ta' EUR 9 70  000. Barra minn hekk, l-emendi li għandhom jiġu tradotti mit-tradutturi esterni tnaqqsu bi 1 40  000 paġna, minħabba li t-tul medju ta' dokument emendat ta' 28 paġna standard fl-2012 inbidel għal 21,5 paġna standard fl-2013. Il-persentaġġ ta' paġni tradotti minn tradutturi esterni naqas minn 30,1 % fl-2012 għal 28,3 % fl-2013.

39.

Fir-rigward tal-Partita 1 4 0 0 “Aġenti oħra”, l-impenji ammontaw għal EUR 3 7 2 96  239, b'żieda ta' 7 % meta mqabbla mal-2012. Din il-Partita sservi biex tkopri r-rimunerazzjoni, l-allokazzjonijiet u l-allowances tal-aġenti l-oħra, speċjalment l-aġenti kuntrattwali, lokali u konsulenti speċjali, il-kontribuzzjonijiet varji ta’ min iħaddem għal skemi tas-sigurta’ soċjali u l-impatt tad-differenzi fis-salarji applikabbli għar-rimunerazzjoni ta’ dan il-persunal kif ukoll it-tħaddim tal-persunal temporanju tal-aġenziji. Din il-progressjoni tiġi spjegata prinċipalment mir-reklutaġġ tal-persunal kuntrattwali fil-qafas tal-internalizzazzjoni tas-sigurtà. F’dak li jikkonċerna l-persunal kuntrattwali sal-31 ta' Diċembru 2013, kienu impjegati 691 persuna. It-tqassim tal-persunal kuntrattwali skont il-grupp ta’ funzjoni (20) qed jiġi preżentat fil-Figura 5.

Figura 5

Persunal kuntrattwali skont il-grupp ta' funzjoni u skont il-ġeneru fl-2013

40.

L-infiq tal-Kapitolu 1 6 ammonta għal EUR 1 7 8 29  236, jiġifieri 1 % tat-total tal-impenji tas-sena finanzjarja 2013. Dawn żdiedu b'EUR 1 1 29  413 miljun, jiġifieri żieda ta' 7 % meta mqabbla mal-2012.

41.

Fi ħdan dan il-kapitolu, 33 % tal-impenji kellhom x'jaqsmu mal-Partita 1 6 5 4 “Ċentri għat-Tfal żgħar u skejjel materni approvati”, 26 % mal-Partita 1 6 1 2 “Taħriġ ulterjuri” u 24 % mal-Partita 1 6 5 2 “Nefqa kurrenti għall-operat amministrattiv tar-ristoranti u l-kantins”.

42.

Il-ġestjoni esterna tal-iskejjel materni u l-kamra għall-familji tal-istituzzjoni fi Brussell u spejjeż annessi tikkostitwixxi l-ikbar parti tal-Partita 1 6 5 4. L-approprjazzjonijiet impenjati fuq il-Partita kollha kemm hi żdiedu għal EUR 5 8 43  000 u baqgħu stabbli meta mqabbla mal-2012, u koprew il-kontribuzzjoni tal-Parlament għall-ispejjeż kollha taċ-ċentru għat-tfal żgħar u skejjel materni esterni li magħhom ġie konkluż ftehim (21).

43.

Fir-rigward tal-Partita 1 6 1 2 “Taħriġ ulterjuri”, l-approprjazzjonijiet impenjati ammontaw għal EUR 4 6 82  180, żieda ta' 12 % meta mqabbla mal-2012, u koprew l-infiq marbut mal-korsijiet maħsuba biex iżidu l-kompetenzi tal-persunal kif ukoll il-prestazzjonijiet u l-effikaċja tal-istituzzjoni. Fl-2013, 4  766 persuna (2012: 5  089) segwew korsijiet tal-lingwa, 5  775 (22) persuna (2012: 1  538) ipparteċipw f'taħriġ fl-informatika u 900 persuna (2012: 1  126 persuna f'taħriġ fil-qasam finanzjarju. Madwar 7  709 persuna (2012: 6  963) ipparteċipw f'taħriġ ġenerali mwettaq internament u 343 (2012: 320) f'taħriġ estern.

44.

Fir-rigward tal-Partita 1 6 5 2 “Nefqiet kurrenti għall-operat amministrattiv tar-ristoranti u l-kantins”, l-impenji ammontaw għal EUR 4 2 60  000, żieda ta' 8 % meta mqabbla mal-2012. Il-Bureau, fil-laqgħa tiegħu tal-10 ta' Ġunju 2012, adotta nota mingħand is-Segretarju Ġenerali dwar il-“politika futura għall-forniment tal-ikel tal-Parlament għall-2014-2019 – Linji gwida għall-modernizzazzjoni” u pprovda wkoll linji gwida strateġiċi għall-iżvilupp futur ta' dan is-settur. L-ewwel effetti tal-implimentazzjoni tar-riforma strutturali akkumpanjata minn reviżjoni tal-prezzijiet (li ilhom ma jinbidlu 12-il sena) mwettqa fil-bidu tal-2013 fir-ristoranti, self service, kafeteriji u barijiet tal-Parlament, ippermettu stabilizzazzjoni ġenerali tas-sitwazzjoni baġitarja għall-Partita 1652 (ara l-paragrafu 130). Iż-żieda fir-rigward tal-2012 kienet minħabba l-organizzazzjoni tal-avveniment EYE (Avveniment Ewropew taż-Żgħażagħ fl-2014) deċiż mill-Bureau fl-1 ta' Lulju 2013 (ara l-paragrafu 106), u li għalih twettaq trasferiment tal-approprjazzjonijiet ta' EUR 3 00  000 (trasferiment P6, ara t-tabella 9).

45.

L-impenji tal-Kapitolu 2 0 ammontaw għal EUR 25 0 3 36  611, jiġifieri 14 % tal-impenji tal- 2013. Il-volum tal-impenji żdied b'EUR 1 4 71  683, jiġifieri żieda ta' 1 % meta mqabbel mal-volum tagħhom tal-2012. L-approprjazzjonijiet tal-kapitolu żdiedu b'EUR 41 miljun matul is-sena finanzjarja (19 % tal-ammont tal-approprjazzjonijiet inizjali), minħabba t-trasferiment ta' tlaqqit (ara t-tabella 8b).

46.

It-tqassim tal-approprjazzjonijiet tal-Kapitolu 2 0 skont it-tip ta' spejjeż qed tiġi ppreżentata fil-figura ta' hawn taħt.

Figura 6

Tqassim tal-impenji tal-Kapitolu 2 0 skont il-Partita

47.

L-approprjazzjonijiet għall-Partita 2 0 2 2 “Manutenzjoni, żamma, operat u tindif tal-bini” ammontaw għal EUR 5 1 8 91  984 (21 % tal-kapitolu). Din il-Partita kopriet l-ispiża tal-manutenzjoni tal-bini, tal-liftijiet, tas-sistemi ta' tisħin u ta' klimatizzazzjoni u tal-bibien kontra n-nirien, kif ukoll ix-xogħol ta' tibjid u ta' tiswija, eċċ. L-impenji żdiedu bi 11 % meta mqabbla ma' dawk tal-2012 (+ EUR 3 2 53  340). Din l-evoluzzjoni rriżultat essenzjalment mill-konklużjoni progressiva tal-kuntratti li jiżguraw l-implimentazzjoni tal-politika ġdida ta' manutenzjoni (b'segwitu tar-rapport Baloche stabbilit fit-22 ta' Diċembru 2008) li għandu l-għan joffri servizzi ta' manutenzjoni msaħħa fir-rigward tar-responsabilitajiet tal-Parlament Ewropew bħala proprjetarju. Madankollu, l-allokazzjoni għall-Partita tnaqqset b'EUR 3,9 miljuni matul is-sena finanzjarja (7 % tal-approprjazzjonijiet inizjali) minħabba n-nuqqas ta' sostituzzjoni ta' ċertu tagħmir, il-posponiment tal-proċeduri tal-akkwist pubbliku u l-użu ta' dħul assenjat.

48.

L-impenji għall-Partita 2 0 0 1 “Pagamenti ta’ ċnus” (28 % tal-kapitolu) jammontaw għal EUR 6 9 2 36  000, jiġifieri darbtejn aktar mil-livell tal-2012. L-allokazzjoni tal-Partita ssaħħet b'EUR 5 3 1 00  000 matul is-sena finanzjarja, żieda ta' 329 % meta mqabbla mal-approprjazzjonijiet inizjali, essenzjalment minħabba t-trasferiment ta' tlaqqit (ara t-tabella 8a u 8b). L-ammont kollu ġie mpenjata għall-proġett ta' estenzjoni tal-bini KAD fil-Lussemburgu.

49.

L-impenji għall-Partita 2 0 0 5 “Kostruzzjoni ta' bini” ammontaw għal EUR 8 0 65  316 (3 % tal-kapitolu) u koprew l-ispejjeż u x-xogħlijiet relatati mal-proġett KAD bl-eċċezzjoni tax-xogħlijiet iffinanzjati taħt il-lokazzjoni (li huma koperti mill-approprjazzjonijiet tal-Partita 2 0 0 1). Iż-żieda tal-impenji ta' 76 % meta mqabbla mal-2012 (+EUR 3 4 81  701) tqis it-tisħiħ tal-mezzi ta' kontroll (koordinatur mexxej, kontrollur tal-ispejjeż) mitlub mill-Bureau.

50.

Fir-rigward tal-Partita 2 0 0 7 “Sistemazzjoni fil-bini” (15 % tal-kapitolu), l-impenji ammontaw għal EUR 3 6 3 26  338, żieda ta' 4 % meta mqabbla mal-2012. Fl-2013, ġie impenjat u mwettaq numru kbir ta' xogħlijiet fil-bini u proġetti ta' siti ta' Brussell. L-ikbar xogħlijiet jikkonċernaw il-proġett tad-Dar l-Istorja Ewropea li għaliha ġie impenjat ammont ta' EUR 1 2 4 48  650 fl-2013, kif ukoll ix-xogħlijiet marbuta mal-emiċiklu tal-bini PHS fi Brussell (xogħlijiet ta' rinovazzjoni tal-istruttura) li għalihom ġie impenjat ammont totali ta' EUR 2 0 79  600 fl-2013 (fil-kuntratt huwa previst ammont addizzjonali ta' 15 % għal modifiki u imprevisti). Diversi xogħlijiet u proġetti saru wkoll fil-bini okkupat. Din il-Partita baġitarja hija maħsuba biex tmexxi proġetti ta' sistemazzjoni speċifiċi u individwali li ma jinvolvux xogħol rikorrenti. Paragun tal-iżvilupp tal-approprjazzjonijiet ta' sena finanzjarja ma' oħra huwa għalhekk ftit rilevanti.

51.

L-impenji għall-Partita 2 0 2 6 “Sigurtà u sorveljanza tal-bini” (12 % tal-Kapitolu) ammontaw għal total ta' EUR 3 1 0 97  983, tnaqqis ta' 11 % meta mqabbla ma' dawk tal-2012. Dawn koprew prinċipalment l-ispejjeż tal-għassa u tas-sorveljanza tal-bini okkupat mill-Parlament fit-tliet postijiet regolari ta’ xogħol u fl-uffiċċji tal-informazzjoni. It-tnaqqis jikkorrispondi essenzjalment għat-tfaddil li sar fil-qafas tal-internalizzazzjoni.

52.

L-impenji tal-Kapitolu ammontaw għal EUR 131,805,904, jiġifieri 8 % tal-impenji tal-2013. Ġew impenjati madwar EUR 1 0 9 98  530 inqas mill-2012, jiġifieri tnaqqis ta' 8 %. L-approprjazzjonijiet tal-kapitolu matul is-sena finanzjarja żdiedu b'EUR 3 8 78  200, jiġifieri 3 % tal-approprjazzjonijiet inizjali. (Il-kanċellazzjonijiet tal-approprjazzjonijiet jirrappreżentaw biss 1,2 % tal-ammont tal-approprjazzjonijiet finali, jiġifieri bilanċ tekniku).

53.

Il-Partiti 2 1 0 0 “Tagħmir u softwer” u 2 1 0 2 “Servizzi esterni għat-teknoloġiji tal-informazzjoni u tal-innovazzjoni” jirrappreżentaw it-tnejn waħedhom 79 % tal-impenji tal-kapitolu.

54.

It-tqassim tal-infiq tal-Kapitolu 21 huwa ppreżentat fil-figura ta' hawn taħt.

Figura 7

Tqassim tal-ispejjeż tal-Kapitolu 21

55.

L-impenji tal-Partita 2 1 0 0 “Tagħmir u softwer” jirrappreżentaw 23 % tal-Kapitolu 2 1 b'ammont ta' EUR 3 0 7 92  197, bi tnaqqis ta' 31 % meta mqabbla mal-2012. Din il-Partita tkopri l-infiq marbut max-xiri, il-kiri, il-manutenzjoni u l-manutenzjoni ta’ materjal u ta’ softwer għall-istituzzjoni u x-xogħlijiet relatati. Dan il-materjal u s-softwer jikkonċernaw b’mod partikulari s-sistemi taċ-ċentru tal-informatika u tat-telekomunikazzjoni, l-informatika fil-livell tad-dipartimenti u tal-gruppi politiċi, kif ukoll il-votazzjoni elettronika. Ir-raġuni prinċipali għal dan it-tnaqqis huwa l-fatt li l-livell ta' impenji fl-2012 għal din il-Partita żdied b'mod eċċezzjonali: żewġ trasferimenti C ġew adottati u b'hekk ippermettew iż-żieda tal-approprjazzjonijiet ta' din il-Partita b'aktar minn EUR 11 fl-aħħar tas-sena 2012 sabiex jiffinanzjaw il-WI-FI fil-bini tal-Parlament u t-tiġdid ta' parti kbira tal-infrastruttura tan-netwerk.

56.

L-impenji tal-Partita 2 1 0 0 “Assistenza esterni għat-teknoloġiji tal-informazzjoni u tal-innovazzjoni” jirrappreżentaw 55 % tal-Kapitolu 21 b'ammont ta' EUR 7 2 9 84  023, żieda ta' 4 % meta mqabbla mal-2012. Din iż-żieda tirriżulta minn diversi proġetti addizzjonali li jeħtieġu servizzi esterni. Barra minn hekk, kien hemm ukoll dewmien fil-livell tal-internalizzazzjoni ta' ċerti kompiti, minħabba li kien hemm diffikultajiet biex jiġi reklutat persunal kwalifikat għax dawn il-kariġi ġodda permanenti. Barra minn hekk, l-approprjazzjonijiet żdiedu b'EUR 5 5 86  300 matul is-sena finanzjarja (8 % tal-approprjazzjonijiet inizjali). Dawn l-approprjazzjonijiet koprew prinċipalment l-ispejjeż għall-assistenza minn fornituri ta’ servizzi u ta’ konsulenza rigward l-informatika, għat-tħaddim ta’ ċentru tal-informatika u tan-netwerk, il-produzzjoni u l-manutenzjoni tal-applikazzjonijiet, l-assistenza għall-utenti, inklużi Membri Parlamentari u l-gruppi politiċi, għat-twettiq ta’ studji, u għat-tfassil u l-input ta’ dokumentazzjoni teknika.

57.

Fl-2013, dan il-kapitolu rrappreżenta 1 % tal-impenji b'ammont totali ta' EUR 9 5 48  021. Il-livell ta' impenji żdied b'1 % meta mqabbel mal-2012.

58.

It-tqassim tal-impenji ta' dan il-kapitolu huwa kif ġej: 49 % jikkorrispondi għall-Artikolu 235 “Telekomunikazzjonijiet”, 24 % għall-Artikolu 230 “Kanċellerija, provvisti għall-uffiċċju u oġġetti għall-konsum diversi” u 15 % għall-Artikolu 2 3 2 “Spejjeż legali u ħsarat”. Is-17 % li jifdal huma mqassma bejn l-Artikolu 2 3 1 “Tariffi finanzjarji”, l-Artikolu 2 3 6 “Servizzi postali u ta' ġarr”, l-Artikolu 2 3 7 “Rilokazzjonijiet” u l-Artikolu 2 3 8 “Nefqiet amministrattivi oħra” u l-Artikolu 2 3 9 “Skema tal-Parlament Ewropew ta’ kumpens għall-emissjonijiet tal-karbonju”.

59.

Bl-eċċezzjoni tal-Partiti 2 3 8 0 “Nefqiet amministrattivi oħra” u 2 3 0 0 “Kanċellerija, provvisti għall-uffiċċju u oġġetti għall-konsum diversi”, il-Partiti kollha tal-Kapitolu kienu Partiti li pprovdew finanzjament għat-trasferimenti C8 u C12 (ara t-Tabella 8.a u 8.b). L-effett ta' dawn it-trasferimenti kien tnaqqis ta' 24 % tal-approprjazzjonijiet inizjali tal-Kapitolu, li xehed l-isforzi biex jiġu kkontrollati l-ispejjeż kurrenti tal-funzjonament amministrattiv.

60.

L-approprjazzjonijiet tal-Artikolu 2 3 9 “Skema tal-Parlament Ewropew ta’ kumpens għall-emissjonijiet tal-karbonju”, li inizjalment kienu ta' EUR 1 0 64  000, tnaqqsu b'98 % meta sar it-trasferiment ta' tlaqqit minħabba tnaqqis sinifikanti tal-prezz għal kull tunnellata ta' CO2.

61.

Fl-2013, dan il-Kapitolu rrappreżenta 2 % tal-impenji b'ammont totali ta' EUR 3 2 8 16  473, u żieda ta' 1 % meta mqabbel mal-2012. It-tqassim tal-impenji ta' dan il-kapitolu huwa kif ġej: 78 % jikkorrispondu għall-Artikolu 3 0 0 “Nefqiet għall-missjonijiet tal-istaff u vjaġġar fuq xogħol bejn it-tliet postijiet tax-xogħol”, 19 % għall-Artikolu 3 0 4 “Nefqiet varji għal laqgħat” u 3 % għall-Artikolu 3 0 2 “Spejjeż għad-divertiment u għar-rappreżentanza”.

62.

Fl-2013, kien hemm 32  736 missjoni (2012: 33  616 missjoni), u dawn irrappreżentaw total ta' 97  161 jum ta' missjoni (2012: 99  377 jum). Il-missjonijiet huma fil-biċċa l-kbira maqsumin bejn it-tliet postijiet ta' xogħol tal-Parlament (Brussell: 4  094 missjoni, Strasburgu: 19  427 missjoni, u l-Lussemburgu: 1  886 missjoni).

63.

Fl-2013, l-impenji ta' dan il-Kapitolu rrappreżentaw 7 % tal-infiq, b'ammont ta' EUR 12 5 6 72  031, żieda ta' 19 % meta mqabbla mal-2012. Madwar 25 % tal-impenji tal-Kapitolu ntużaw għall-Partita 3 2 4 4 “L-Organizzazzjoni u l-ospitalità ta' gruppi ta' viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi”, 20 % għall-Partita 3 2 4 2 “Nefqiet għall-pubblikazzjoni, it-tagħrif u l-parteċipazzjoni f’manifestazzjonijiet pubbliċi”, 16 % għall-Partita 3 2 4 8 “In-nefqa għall-informazzjoni awdjoviżiva” u 10 % għall-Partita 3 2 2 0 “Nefqa għad-dokumentazzjoni u għal-librerija”.

64.

It-tqassim tal-impenji qed jiġi ppreżentat fil-figura ta' hawn taħt.

Figura 8

Tqassim tal-ispejjeż tal-Kapitolu 3 2

65.

Fil-konfront tal-Partita 3 2 4 4 “L-organizzazzjoni u l-ospitalità ta’ gruppi ta’ viżitaturi, il-programm Euroscola u stediniet għall-multiplikaturi tal-opinjoni minn pajjiżi terzi”, l-impenji ammontaw għal EUR 3 1 6 67  743, żieda meta mqabbla ma' dawk tal-2012 (+13 %). Dawn koprew is-sussidji mogħtija għall-gruppi ta' viżitaturi u l-ispejjeż ta' superviżjoni u ta' infrastruttura relatati, l-ispejjeż għall-ġestjoni tal-programm “Euroscola” u l-finanzjament tal-perjodi ta' prattika għall-multiplikaturi ta' opinjoni minn pajjiżi terzi. Iż-żieda hija marbuta, fost l-oħrajn, mal-espożizzjoni l-ġdida EU-Phoria fil-Mużew Schirmeck b'kooperazzjoni mar-reġjun ta' Alsace u l-Mémorial Alsace- Moselle, kif ukoll mal-organizzazzjoni tal-avveniment EYE (Avveniment Ewropew taż-Żgħażagħ fl-2014) u maż-żieda tan-numru ta' gruppi ta' viżitaturi u parteċipanti fil-programm Euroscola.

66.

Fil-konfront tal-Partita 3 2 4 2 “Nefqiet għall-pubblikazzjoni, it-tagħrif u l-parteċipazzjoni f’manifestazzjonijiet pubbliċi”, l-impenji laħqu l-EUR 2 2 1 24  435. B'mod partikolari, dawn koprew l-ispejjeż fil-qasam tal-pubblikazzjonijiet, speċifikament dawk elettroniċi, ta' attivitajiet ta' informazzjoni, ta' relazzjonijiet pubbliċi u ta' parteċipazzjoni f'avvenimenti pubbliċi, f'fieri u wirjiet fl-Istati Membri u l-pajjiżi kandidati, kif ukoll l-ispejjeż relatati mal-aġġornament tal-Osservatorju Leġiżlattiv (OEIL). L-impenji żdiedu b' 15 % meta mqabbla ma' dawk tal-2012. Din l-evoluzzjoni hija marbuta mal-attivitajiet ta' informazzjoni maħsuba għat-tħejjija tal-elezzjonijiet tal-2014.

67.

L-impenji għall-Partita 3 2 4 8 “In-nefqa għall-informazzjoni awdjoviżiva” ammontaw għal EUR 2 0 5 33  306 u koprew l-ispejjeż marbuta mal-elementi li ġejjin:

L-impenji żdiedu b'54 % meta mqabbla ma' dawk tal-2012. Din l-evoluzzjoni hija marbuta mal-attivitajiet ta' informazzjoni fis-settur awdjoviżiv dwar l-elezzjonijiet tal-2014.

68.

Rigward il-produzzjoni tal-informazzjoni awdjoviżiva, 1  375 avveniment, li minnhom 1  134 laqgħat tal-kumitati, reġgħu xxandru fuq l-internet. Fir-rigward ta' “Europe by Satellite”, il-produzzjoni tinqasam kif ġej: 829 sekwenza tal-aħbarijiet tal-Parlament Ewropew li reġgħu xxandru 27  563 darba minn 187 stazzjon, 79 filmat informattiv dwar suġġetti leġiżlattivi, 75,5 jum ta' Plenarja, 527 xandira diretta, 321 tema ta' aħbarijiet prodotti għall-Eurovision (biex jixxandru lill-membri tagħha) u 26 avveniment li reġgħu xxandru minn Eurovision mill-Parlament Ewropew fi Brussell u fi Strasburgu.

69.

Ikun xieraq ukoll li jiġi nnotat li l-impenji tal-Partita 3 2 4 3 “Parlamentarium – Iċ-Ċentru għall-Viżitaturi tal-Parlament Ewropew” (EUR 3 8 44  123) żdiedu b'11 % meta mqabbla ma' dawk tas-sena finanzjarja preċedenti. Il-Parlamentarium jagħmel parti mill-aktar attrazzjonijiet li t-turisti jżuru fi Brussell u laqa' 3 37  000 viżitatur fl-2013 (2012: 2 50  000 viżitaturi).

70.

Fl-2013, dan il-Kapitolu rrappreżenta 5 % tal-impenji b'ammont totali ta' EUR 9 2 6 83  288, żieda ta' 5 % meta mqabbla mal-2012.

71.

L-Artikolu 4 0 0 “Nefqa amministrattiva kurrenti u nefqa marbuta mal-attivitajiet politiċi ta' informazzjoni tal-gruppi politiċi u tal-Membri mhux affiljati” rrappreżenta 63 % mill-approprjazzjonijiet tal-Kapitolu 4 0 (2012: 65 %). L-impenji għal dan l-Artikolu ammontaw għal EUR 5 8 6 97  494. Dawn l-approprjazzjonijiet kienu maħsuba biex ikopru, għall-gruppi politiċi u l-Membri mhux affiljati:

Dawn l-impenji żdiedu bi 3 % meta mqabbla mal-2012 minħabba ħtiġijiet addizzjonali li rriżultaw minħabba l-adeżjoni tal-Kroazja.

72.

L-Artikolu 4 0 2 “Kontribuzzjonijiet tal-Partiti politiċi Ewropej” irrappreżenta 23 % (2012: 21 %) tal-impenji tal-kapitolu 4 0, jiġifieri EUR 2 1 5 85  794 u żdied b'14 % meta mqabbla mal-2012. Din iż-żieda hija minħabba l-fatt li l-2013 kienet sena ta' qabel l-elezzjoni.

73.

L-Artikolu 4 0 3 “Finanzjament tal-Partiti politiċi Ewropej” b'ammont ta' EUR 1 2 4 00  000 rrappreżenta 13 % (2012: 14 %) tal-impenji tal-kapitolu 4 0.

Figura 9

Tqassim tal-impenji tal-Kapitolu 4 0

74.

Fl-2013, dan il-Kapitolu rrappreżenta 11 % tal-impenji b'ammont ta' EUR 18 8 3 01  020, żieda ta' 4 % meta mqabbla mal-2012.

75.

L-approprjazzjonijiet allokati żdiedu bi EUR 3,7 miljuni (2 % tal-approprjazzjonijiet inizjali) matul is-sena finanzjarja, sabiex ikopru n-nefqiet li qed jiżdiedu marbuta mal-assistenti parlamentari akkreditati (+EUR 3,5 miljuni) kif ukoll differenzi ta' skambju akbar milli kien previst (+EUR 0,2 miljuni).

76.

Il-figura ta' hawn taħt turi t-tqassim tal-impenji tal-kapitolu.

Figura 10

Tqassim tal-impenji tal-Kapitolu 4 2

77.

L-impenji relatati mal-“assistenti lokali” jammontaw għal EUR 8 3 8 40  699, żieda ta' 4 % meta mqabbla mal-2012.

78.

L-impenji relatati mal-“assistenti akkreditati – Statut” jammontaw għal EUR 10 3 7 97  680, żieda ta' 5 % meta mqabbla mal-2012. Dawn ikopru s-salarji, l-allokazzjonijiet u l-ispejjeż ta' missjoni ta' dawn l-aġenti kif ukoll l-ispejjeż relatati mal-korsijiet ta' taħriġ professjonali estern. Il-livell medju ta' kull xahar tar-rimunerazzjonijiet imħallsa jammonta għal EUR 7,9 miljuni (medja ta' EUR 7,5 miljuni fl-2012).

79.

Fil-31 ta' Diċembru 2013, kien hemm 1  785 assistent parlamentari akkreditat jaħdmu mal-Parlament u 4  860 assistent lokali kellhom kuntratt ta' xogħol mal-Membri (li minnhom 162 permezz tal-gruppi). Fuq medja, kull Membru impjega 2,33 assistent akkreditat u 6,34 assistent lokali (23). In-numru ta' assistenti lokali impjegati minn kull Membru jvarja b'mod konsiderevoli, minn 0 sa 43 fl-2013. Filwaqt li 16-il Membru ma impjegawx assistenti lokali, 84 Membru rreklutaw aktar minn 10 impjegati fl-Istat Membru tagħhom matul is-sena 2013. Madwar 45 Membru ma impjegawx assistenti lokali matul is-sena 2013.

80.

Il-pagamenti fl-2013 relatati mal-assistenti parlamentari lokali domiċiljati barra miż-żona tal-Euro twettqu permezz ta' livell ta' kambju stabbilit għas-sena kollha bejn l-Euro u l-muniti l-oħra (livell tax-xahar ta' Diċembru 2012).

81.

Fl-2013, dan il-Kapitolu rrappreżenta 0,02 % tal-impenji b'ammont ta' EUR 3 75  000, żieda ta' 4 % meta mqabbla mal-2012.

82.

Il-Kapitoli mdaħħla taħt din l-intestatura jinvolvu biss approprjazzjonijiet proviżorji li ma jistgħux jiġu impenjati ħlief wara trasferiment minn qabel għal Partita operattiva. Dawn it-trasferimenti (EUR 2 2 9 12  765) ġew eżaminati fit-Taqsima 1 ta’ dan ir-rapport. L-approprjazzjonijiet inizjali ta' dan it-titolu żdiedu għal EUR 2 2 9 12  765 (2012: EUR 2 9 5 42  652), jiġifieri 1,3 % tal-baġit kollu tal-2013.

83.

Is-sena finanzjarja 2013 kienet ikkaratterizzata mis-segwitu tat-titjib strutturali impenjat sa mill-2011 sabiex l-istituzzjoni tkun mgħammra bil-mezzi kollha neċessarji sabiex taqdi bis-sħiħ ir-rwol tagħha fil-proċess leġiżlattiv u tkun tista' tagħmel użu sħiħ mill-kompetenzi miżjuda li taha t-Trattat ta' Lisbona.

84.

L-istituzzjoni segwit ukoll it-twettiq tal-programmi pluriennali maħsuba biex jirrazzjonalizzaw u jimmoderinazzaw is-setturi ewlenin tal-amministrazzjoni tagħha, speċjalment fil-qasam tas-sigurtà, u kompliet bi żviluppi kbar fis-settur tal-politika tal-informazzjoni u komunikazzjoni b'kunsiderazzjoni tal-elezzjonijiet tal-2014.

85.

L-aġġustamenti istituzzjonali marbuta mal-adeżjoni tal-Kroazja tlestew mingħajr diffikultajiet kbar.

86.

L-objettivi segwiti u r-riżultati miskuba fl-2013, ippreżentati hawn taħt, jibbażaw fuq il-prijoritajiet u d-deċiżjonijiet meħuda mill-Bureau fl-2013, fuq l-orjentazzjonijiet adottati mill-Parlament fir-riżoluzzjonijiet baġitarji tiegħu u fuq l-objettivi u r-riżultati tal-programm amministrattiv ta' ħidma għall-perjodu 2012-2014.

87.

Studju komparattiva ma' erba' parlamenti nazzjonali u mal-Kungress tal-Istati Uniti wera marġni sinifikanti għal titjib fl-istruttura tal-appoġġ lill-Parlament Ewropew, partikolarment rigward konsulenza xjentifika indipendenti. Abbażi tar-rakkomandazzjonijiet tal-Grupp ta' Ħidma Konġunt tal-Bureau u l-Kumitat għall-Baġits dwar il-baġit tal-Parlament, il-Bureau ddeċieda, fil-laqgħa tiegħu tal-20 ta' Mejju 2013, li joħloq Direttorat Ġenerali ġdid għar-Riċerka Parlamentari (DĠ EPRS) sabiex jipprovdi konsulenza indipendenti kemm għall-korpi politiċi tal-Parlament kif ukoll hħall-membri parlamentari.

88.

Dan id-Direttorat Ġenerali, li l-ħolqien tiegħu sar effettiv fl-1 ta' Novembru 2013, jgħaqqad flimkien id-Direttorat l-antik tal-Librerija u l-ġestjoni tad-dokumenti (bl-eċċezzjoni tal-Unità Posta Uffiċjali li baqgħet magħquda mad-DĠ PERS) u d-Direttorat għall-Valutazzjoni tal-Impatt u l-Valur Miżjud Ewropew li qabel kien magħqud mad-DĠ IPOL, li magħhom ingħaqad Direttorat ġdid għas-Servizz ta' Riċerka tal-Membri, organizzat b'mod tematiku.

89.

Is-servizz il-ġdid tar-riċerka parlamentari se joffri appoġġ lill-Membri individwali u se jkun kumplimentari għad-dipartimenti tematiċi (24), li se jkomplu jservu d-detenturi ta' mandat u ta' funzjoni partikolari, bħar-rapporteurs. Dawn il-prodotti huma ta' natura differenti, peress li d-dipartimenti tematiċi nħolqu espliċitament biex iwieġbu minnufih lill-kumitati u lid-delegazzjonijiet parlamentari. Madankollu, dawn iż-żewġ servizzi se jikooperaw ukoll kemm jista' jkun possibbli u se jiskambjaw informazzjoni bħallikieku jappartjenu verament għal servizz wieħed. Huma jikkondividu l-linja baġitarja eżistenti għall-għarfien.

90.

Waqt il-laqgħa tiegħu tal-15 ta' April 2013, il-Bureau awtorizza negozjati mal-Kumitat Ekonomiku u Soċjali u l-Kumitat tar-Reġjuni fil-qafas tal-proċedura baġitarja 2014 sabiex jikseb effikaċja miżjuda fil-qasam tat-traduzzjoni, u l-parti ta' din il-kisba fi ħdan il-Parlament hija allokata għat-tisħiħ tas-servizz tar-riċerka parlamentari. Peress li dawn in-negozjati kienu kompluti b'suċċess, il-Bureau ta' istruzzjoni lill-President biex jiffirma ftehim ta' kooperazzjoni maż-żewġ kumitati waqt il-laqgħa tiegħu tad-9 ta' Diċembru. Dan il-ftehim joffri b'mod speċjali lill-aġenti kkonċernati mir-ristrutturar tas-servizz tat-traduzzjoni tal-kumitati u li jkollhom il-profil meħtieġ, il-possibilità li jiġu trasferiti lill-Parlament sabiex jaħdmu għad-Direttorat Ġenerali ġdid għas-servizzi tar-riċerka parlamentari (mhux aktar minn 80 aġenti).

91.

Il-kooperazzjoni tal-kumitati mad-Dipartimenti tal-Politika hija stretta ħafna, kontinwa u għandha diversi lati: It-tgħarrif, il-karti politiċi, l-istudji u s-sessjonijiet ta' ħidma tad-Dipartimenti tal-Politika regolarment iwasslu għal deliberazzjonijiet tal-kumitati u jiżguraw interkonnessjoni ta' valur bejn il-kompetenza u t-tfassil ta' politika. Sabiex jissaħħu l-viżibilità u l-aċċessibilità tal-prodotti tad-Dipartimenti tal-Politika, fl-2013 inħoloq bullettin komuni tad-Dipartimenti tal-Politika. Il-bullettin joffri ħarsa ġenerali kull xahar tal-avvenimenti ewlenin li ġejjin organizzati fil-Parlament Ewropew, sommarju tal-istudji ewlenin li qed jitħejjew u rabta diretta ma' għażla ta' studji li ġew ippubblikati riċentement. Id-Dipartimenti tal-Politika wettqu aġġornament maġġuri tal-Iskedi ta' Informazzjoni tal-Parlament qabel is-sena tal-elezzjoni.

92.

Skont it-Trattat ta' Lisbona, il-ftehimiet kummerċjali kollha issa huma soġġetti tal-kunsens tal-PE, filwaqt li l-miżuri ta' implimentazzjoni tal-Politika Kummerċjali Komuni (PKK) huma soġġetti għall-Proċedura Leġiżlattiva Ordinarja. Fl-2013, il-Kumitat għall-Kummerċ Internazzjonali (INTA) ħadem fuq rapporti leġiżlattivi maġġuri dwar l-Istrument ta' Akkwist Internazzjonali, ir-Regolament ta' Infurzar, u l-ftehimiet tat-tieni qari dwar l-Omnibus I u Omnibus II (li jallinjaw il-leġiżlazzjoni kummerċjali tal-Unjoni mat-Trattat ta' Lisbona), u wkoll l-Istrument ta' Akkwist Internazzjonali u l-modernizzazzjoni tal-Istrumenti ta' Difiża Kummerċjali tal-Unjoni. Il-gruppi ta' monitoraġġ tal-INTA komplew il-ħidma tagħhom fil-monitoraġġ tan-negozjati kummerċjali. Ir-riżoluzzjonijiet ġew adottati f'rabta mal-mandati ta' negozjar kollha, li kienu ssuġġeriti mill-Kummissjoni.

93.

Il-kumitati komplew il-prattika li jimmonitorjaw in-negozjati tal-ftehimiet internazzjonali. Għall-Kumitat għall-Affarijiet Barranin (AFET), kien ikkonċernat b'mod speċjali l-Qafas pendenti għall-Ftehimiet ta' Assoċjazzjoni ma' pajjiżi terzi. AFET iddubita wkoll il-prattika mill-Kunsill li jitlob il-kunsens tal-Parlament ladarba l-proċess ta' ratifika fl-Istati Membri tal-UE jkun kważi lest. AFET adotta wkoll riżoluzzjonijiet dwar il-pajjiżi kandidati u prekandidati kollha, peress li din hija prattika konsolidata.

94.

Il-monitoraġġ tal-iżviluppi fl-Ukraina ġie intensifikat bl-għan li tiġi determinata l-pożizzjoni tal-Parlament dwar il-firma tal-Ftehim ta' Assoċjazzjoni. AFET organizza laqgħat ta' tgħarrif mal-UE u l-partijiet interessati tal-Ukraina u ħejja riżoluzzjoni dwar il-politika tal-viċinat tal-UE, li tkopri l-Ftehim ta' Assoċjazzjoni mal-Ukraina (u wkoll mal-Moldova u l-Ġeorġja).

95.

Il-Bureau ddeċieda fis-26 ta' Frar 2013 li programm għal Euronest Scola (25) se jkun organizzat u mmaniġġjat minn DĠ EXPO f'konformità mal-prinċipji għal Euromed Scola (26) diġà eżistenti, u ddeċieda fil-15 ta' April 2013 dwar estensjoni tal-programm għall-Mexxejja Politiċi Żgħażagħ mill-Ewropa, il-Palestina u l-Iżrael sabiex jinkludu l-pajjiżi tal-viċinat. Għall-ewwel darba, il-programm ta' Euronest Scola u żewġ fora ġodda tal-Mexxejja Politiċi Żgħażagħ ġew organizzati b'suċċess kbir f'Novembru-Diċembru 2013 (Magreb-UE u Sħubija tal-Lvant-UE) fejn esprimew konkretament permezz tal-azzjoni amministrattiva l-impenn tal-prijorità tal-PE li jsaħħaħ u jagħti s-setgħa lis-soċjetà ċivili fil-viċinat.

96.

L-isforzi tat-titjib tal-imaġini tal-Istituzzjoni u l-attrattività tal-Plenarja ġew segwiti billi ġiet żviluppata bażi tad-data affidabbli ta' statistika dwar l-attivitajiet tal-Plenarja, billi jiġu stabbiliti modifiki għar-Regolament u jiġu adattati proċeduri interni, pereżempji d-dikjarazzjonijiet bil-miktub, ir-rapporti verbatim, il-proċeduri tal-votazzjonijiet. Barra minn hekk, il-modernizzazzjoni tal-applikazzjonijiet tal-IT li jikkonċernaw il-plenarja għadha għaddejja.

97.

F'dak li għandu x'jaqsam mal-abbozzar tal-atti leġiżlattivi, il-ġeneralizzazzjoni tal-proċedura ta' finalizzazzjoni ta' testi qabel l-adozzjoni tagħhom, li tippermetti l-firma u l-pubblikazzjoni aktar rapida tal-leġiżlazzjoni, u l-iżvilupp ta' kapaċità akbar ta' programmazzjoni, ippermettu d-dħul fis-seħħ tal-maġġoranza tal-fajls tal-QFM qabel l-aħħar tas-sena. Inkiseb ukoll progress ieħor fis-servizz tal-abbozzar “fuq talba”, pereżempju fil-ħolqien ta' għodda e-Parlament (27) bħad-Drafting Support Tool (28).

98.

Ta' min wieħed jinnota li n-numru ta' testi leġiżlattivi adottati mill-Parlament (ippreparati mid-Direttorat għall-Atti Leġiżlattivi) irdoppja mill-2012. L-integrazzjoni tal-lingwa Kroata (pubblikazzjoni ta' testi leġiżlattivi u parlamentari mid-data ta' adeżjoni) kienet suċċess.

99.

Il-kunċett kreattiv għall-Kampanja Istituzzjonali għall-Informazzjoni u l-Komunikazzjoni dwar l-elezzjonijiet 2014 kien approvat mill-Bureau fl-20 ta' Mejju 2013 u kuntratt speċifiku għall-eżekuzzjoni u l-implimentazzjoni tal-kampanja ġie ffirmat fis-7 ta' Ġunju 2013. L-enfażi tal-kampanja tpoġġiet fuq in-natura politika tal-Parlament Ewropew u s-setgħat ġodda mogħtija lilu mit-Trattat ta' Lisbona tradotti permezz tal-messaġġ “Din id-darba differenti”. Il-kunċett huwa bbażat fuq approċċ ta' erba' fażijiet li jirrigwarda l-linja ta' referenza “Aġixxi. Irreaġixxi. Ħalli Impatt.” Din il-linja ta' referenza li għandha l-għan li tistabbilixxi l-Parlament Ewropew bħala marka rikonoxxuta, se tiżgura l-perennità tal-kampanja sew wara l-2014.

100.

Il-bidu tal-kampanja istituzzjonali għall-informazzjoni u l-komunikazzjoni sar fi Strasburgu fl-10 ta' Settembru 2013, kontestwalment għall-Istat tal-Unjoni, mument simboliku magħżul biex jissottolinja r-rwol ġdid tal-Parlament Ewropew wara d-dħul fis-seħħ tat-Trattat ta' Lisbona. L-avveniment kellu kopertura estensiva tal-midja, fejn madwar 160 ġurnalist attendew il-konferenza tal-istampa tal-bidu. Din il-kopertura, flimkien mal-interazzjoni intensiva tal-midja soċjali, tfisser li t-tnedija tista' titqies bħala suċċess reali fir-rigward tas-sensibilizzazzjoni. F'Diċembru 2013, il-websajt uffiċjali tal-kampanja saret disponibbli onlajn.

101.

L-aħħar xhur tal-2013 kienu ddedikati għall-implimentazzjoni tat-tieni fażi tal-kampanja (“Fażi tematika”) u l-preparazzjoni tal-fażijiet ta' wara (“Mur ivvota” u “wara l-elezzjoni”).

102.

Apparti li tuża kanali ta' komunikazzjonijiet tradizzjonali, il-fażi tematika tal-kampanja tintroduċi numru ta' attivitajiet ta' komunikazzjoni innovattivi bħall-organizzazzjoni tal-avvenimenti “ReACT” f'ħamest ibliet ewlenin.

103.

L-ewwel avvenimenti, organizzati f'Pariġi, Varsavja u Frankfurt, indirizzaw it-temi ewlenin bħall-impjiegi, l-ekonomija, il-baġit tal-UE u l-fondi strutturali, u rreġistraw livell għoli ta' interess fost is-soċejtà ċivili u l-partijiet interessati. Żewġ avvenimenti oħra dwar il-kwalità tal-ħajja u l-UE fid-dinja se jsiru f'Ruma u f'Madrid fl-2014.

104.

L-Uffiċċji ta' Informazzjoni għandhom rwol ewlieni fl-implimentazzjoni tal-kampanja, billi jippromwovu l-għodda żviluppati ċentralment fl-Istati Membri kollha, u billi jinvolvu l-partijiet interessati u lill-midja bħala multiplikaturi sabiex jiksbu komunikazzjoni usa' tal-messaġġ tal-kampanja kif ukoll jimmaniġġjaw l-midja soċjali fil-livell lokali.

105.

B'mod parallel mal-kampanja istituzzjonali għall-informazzjoni u l-komunikazzjoni, se jiġi organizzat Avveniment Ewropew taż-Żgħażagħ (EYE). Il-Bureau adotta fl-1 ta' Lulju 2013 il-kunċett għal dan l-avveniment, maħsub biex iqajjem kuxjenza tal-identità Ewropea fost iż-żgħażagħ.

106.

L-avveniment, bil-motto ġenerali “Ideat għal Ewropa Aħjar”, se jsiru fi Strasburgu f'Mejju 2014, b'5  000 żgħażugħ mill-Ewropa kollha. Ir-reġistrazzjoni ilha miftuħa minn Ottubru 2013.

107.

Il-kunċett tal-punti ewlenin tal-eżibizzjoni permanenti ġie adottat mill-Bureau matul il-laqgħa tiegħu tat-22 ta' Ottubru 2012. Fl-2013, dan il-kunċett ġie żviluppat aktar ma' kumpanija tad-disinn u ġie finalizzat issa.

108.

B'mod parallel mad-disinn tal-eżibizzjoni permanenti, it-tim tad-Dar l-Istorja Ewropea beda jiżviluppa l-offerta tal-futur lill-viżitaturi, li tinkludi eżibizzjonijiet temporanji u itineranti, avvenimenti, konferenzi, offerta onlajn estensiva u programmi ta' tagħlim immirati lejn gruppi ta' età differenti. Il-proġett tad-Dar l-Istorja Ewropea huwa parti integrali tal-offerti tal-viżitaturi tal-Parlament Ewropew u l-istrateġija tal-viżitaturi li qed tiġi żviluppata bħalissa.

109.

Ix-xogħlijiet fil-bini Eastman, li se jospita d-Dar l-Istorja Ewropea, għamlu progress sinifikanti fl-2013 u huma mistennija li jitlestew sal-aħħar tal-2014. Il-bini se jitħejja sabiex jilqa' l-eżibizzjonijiet. il-ftuħ tad-Dar l-Istorja Ewropea huwa mistenni għall-aħħar tal-2015 b'eżibizzjoni permanenti, filwaqt li l-ewwel eżibizzjoni temporanja hija skedata għall-2016.

110.

Fl-2013 sar progress fit-titjib tas-servizzi għall-viżitaturi permezz ta' żewġ ftehimiet ta' kooperazzjoni mal-Port Awtonomu ta' Strasburgu u r-Reġjun ta' Alsace/Memorial Alsace-Moselle wara d-deċiżjoni tal-Bureau tat-18 ta' Novembru 2013: il-kapaċità ta' lqugħ ta' viżitaturi tal-bini tal-PE fi Strasburgu se tiżdied minħabba n-numru ogħla ta' viżitaturi mistennija matul is-sena tal-elezzjoni, u ċ-ċittadini li jżuru l-PE fi Strasburgu se jiġu pprovduti b'ħarsa ġenerali storika usa' bħala parti mill-proġett ġdid EU-PHORIA fi Schrimeck.

111.

Fl-istess ħin u f'konformità mad-deċiżjoni msemmija hawn fuq, sar xogħol preparatorju biex jistabbilixxi ċinema 360 żgħir fi Strasburgu u f'Berlin, u biex jitwettqu fi Strasburgu eżerċizzji ta' logħob fejn il-parteċipanti jieħdu rwoli realistiċi simili għal dawk organizzati fi Brussell.

112.

Il-mili ta' postijiet vakanti previst fil-baġit (total ta' 124) sar permezz tal-ħatra ta' aġenti temporanji b'effett mill-1 ta' Lulju 2013 imbagħad bis-sostituzzjoni tal-aġenti temporanji minn uffiċjali taħt prova hekk kif ġew ippubblikati l-listi ta' kandidati li għaddew kompetizzjoni speċifika għaċ-ċittadini ta' nazzjonalità Kroata.

113.

It-tnax-il osservatur Kroat attendew għax-xogħlijiet parlamentari (sessjonijiet plenarji, kumitati, gruppi politiċi) sa mill-1 ta' April 2012 u saru Membri bis-sħiħ mill-1 ta' Lulju 2013.

114.

Fil-kuntest tal-implimentazzjoni tal-istrateġija tal-proprjetà immobbli għal żmien medju stabbilita mill-Bureau fl-24 ta' Marzu 2010, ġew deċiżi jew implimentati diversi proġetti, bħal kif inhu deskrit hawn taħt.

115.

Fir-rigward tal-proġett Trebel, il-permess ta' ppjanar twassal fit-30 ta' April 2013 bi tnaqqis tal-art mistenni li jkun ta' 8 %. Minħabba din il-modifika tal-proġett, defiċit addizzjonali tal-ispazju għall-uffiċċji ta' 2  562 m2 huwa mistenni sas-sena 2017.

116.

It-tfittxija għal soluzzjoni temporanja sakemm il-bini Trebel ikun jista' jiġi okkupat, li huwa mistenni fl-2007, wasslet biex jiġi identifikat il-bini Square de Meeûs Nru 8 bħala l-aktar wieħed adattat (ara d-deċiżjonijiet tal-Bureau tat-30 ta' Novembru 2011, l-14 ta' Jannar 2013 u l-11 ta' Marzu 2013 kif ukoll id-deċiżjoni tal-Kumitat għall-Baġits tat-28 ta' Frar 2013). Il-kuntratt ta' kera ta' 12-il sena għal dan il-bini ġie ffirmat fit-28 ta' Marzu 2013, b'dispożizzjoni li l-bini għandu jiġi okkupat mill-31 ta' Marzu 2014. L-ippjanar tat-tneħħija gradwali mill-2014 tad-dipartimenti li bħalissa jinsabu f'bini ieħor (minimu ta' 1  000 persuna) kif ukoll ix-xogħlijiet fl-uffiċċji attwali u futuri għall-Membri u l-assistenti tagħhom bdew fl-2013.

117.

Għal dak li jikkonċerna l-proġett Konrad Adenauer, analiżi ġenerali tax-xogħol tal-kumpanija li għall-bidu mmaniġġjat il-proġett twettqet skont it-termini tal-ftehim ta' sħubija ffirmat fis-16 ta' Jannar 2012 mal-Istat Lussemburgiż, u minħabba f'hekk ġie deċiż li jitwaqqfu s-servizzi ta' din il-kumpanija. Sejħa għall-offerti għall-maniġment imsaħħaħ tal-proġett inkarigat mis-sorveljanza tax-xogħlijiet ġiet ippubblikata fit-2 ta' Jannar 2013 u rriżultat fil-ħatra ta' ħames entitajiet li flimkien jiffurmaw il-maniġment tal-proġett, taħt it-tmexxija ta' koordinatur mexxej. Is-servizzi pprovduti mill-maniġment ġdid tal-proġett bdew f'nofs l-2013. Barra minn hekk, ir-riċerka għall-miżuri ta' tfaddil fil-livell tal-proġett u l-ħruġ mill-ġdid tas-sejħat għall-offerti għax-xogħlijiet tas-sit tal-bini EST ippermettew li jinkisbu offerti li jirrispettaw il-baġits allokati. Ix-xogħol ta’ kostruzzjoni beda f’Settembru tal-2013. Ingħata lott addizzjonali (Façades) fl-20 ta' settembru 2013 u wassal għall-iffirmar tal-kuntratt korrispondenti fis-6 ta' Jannar 2014.

118.

Barra minn hekk, il-pakkett finanzjarju li ġie stabbilit għall-finanzjament tal-proġett tpoġġa fil-prattika għall-ewwel darba. L-ewwel kontijiet tħallsu lill-kuntratturi mill-kumpanija tal-proprjetà immobbli li ġiet stabbilita għal dan l-għan. Ġie ffirmat ftehim fiduċjarju fil-25 ta' Novembru 2013 mal-bank BGL. Huwa maħsub biex jiggarantixxi l-ammonti kkreditati lill-kontijiet tal-kumpanija tal-proprjetà immobbli u jippermetti t-trasferiment sikur tal-approprjazzjonijiet allokati lill-proġett Konrad Adenauer mill-awtorità baġitarja. Il-kont fiduċjarju kkonċernat seta' għalhekk jirċievi l-ewwel trasferimenti f'Diċembru 2013. Skont l-obbligi kuntrattwali, sar l-ewwel prelevament fuq is-self fil-31 ta' Diċembru 2013.

119.

Sakemm il-bini ġdid Konrad Adenauer isir disponibbli, huwa neċessarju li tiġi estiża l-kera tal-bini Goldbell sal-31 ta' Diċembru 2017, u li jinkera l-bini Geos minflok il-bini President. Fir-rigward tal-bini Goldbell, seta' jinkiseb tfaddil sostanzjali b'paragun mal-kundizzjonijiet tal-kera attwali fil-konklużjoni tan-negozjati mas-sid, u l-ftehim addizzjonali għall-kera ġie ffirmat fil-21 ta' Ottubru 2013 (29). Barra minn hekk, analiżi tal-ispejjeż/benefiċji uriet li l-ġarr mill-bini President għall-bini Geos fl-2014 se jiġġenera tfaddil għall-perjodu bejn l-1 ta' April 2014 sal-31 ta' Diċembru 2017 li jkun ogħla minn dak iġġenerat li kieku tinżamm il-kera fuq il-bini President taħt it-termini l-ġodda proposti mis-sid. Konsegwentement, fit-13 ta' Awwissu 2013, ġie ffirmat kuntratt ta' kera tal-bini Geos wara l-approvazzjoni tal-Bureau waqt il-laqgħa tiegħu tat-2 ta' Lulju 2013 (30).

120.

Il-kuntratt preliminari tax-xiri tal-bini ġdid f'Sofija ġie ffirmat fis-7 ta' Lulju 2011 għall-ammont ta' EUR 9 miljuni. Minħabba xogħol ħażin u nuqqas ta' konformità tax-xogħlijiet ta' sistemazzjoni, il-bini ma ġiex aċċettat fl-2012. Wara li s-sid irranġa d-difetti kollha tal-bini, il-proċedura għall-approvazzjoni tal-bini wasslet għall-iffirmar tal-kuntratt ta' xiri quddiem nutar f'Sofija fl-4 ta' Ġunju 2013. Ir-rilokazzjoni saret fil-11 ta' Ġunju 2013 u sa minn Lulju 2013, Dar l-Ewropa hija operattiva bis-sħiħ.

121.

Għadhom qed isiru tentattivi biex jiġi ffirmat ftehim ta' kooperazzjoni bejn il-Parlament Ewropew u l-Kummissjoni Ewropea fir-rigward tal-ġestjoni konġunta tad-Djar l-Ewropa maħsub biex min-naħa, jiddefinixxi qafas ta' ppjanar pluriennali tal-istħarriġ tal-proprjetà għall-akkwist jew il-kera, u min-naħa oħra, biex jissimplifika l-proċeduri amministrattivi u finanzjarji tal-ġestjoni tagħhom ta' kuljum.

122.

Tnieda awditu estern fl-2013 sabiex tkun tista' tiġi ppreżentata, għall-okkażjoni tal-leġiżlatura l-ġdida, l-ewwel valutazzjoni tal-politika ta' manutenzjoni msaħħa. Skema ta' awditu intern u estern li għandha tiġi riprodotta regolarment f'kull leġiżlatura ġiet approvata mill-Bureau fis-26 ta' Frar 2013, u r-riżorsi li se jiġu mobilizzati se jiġu deċiżi fuq din il-bażi.

123.

L-għeluq temporanju taż-żona A tal-bini Paul-Henri Spaak ġie deċiż wara s-sejbien ta' xquq fi tliet travi tal-istruttura tal-Kamra waqt il-verifiki li saru f'Settembru 2012 bħala parti mill-politika kontinwa ta' kontrolli u manutenzjoni preventiva tal-infrastrutturi tal-Parlament. Wara analiżi dettaljata tal-vantaġġi u l-iżvantaġġi tas-soluzzjonijiet biex jerġgħu jagħmlu l-istruttura sikura, l-esperti għażlu soluzzjoni li, b'kunsiderazzjoni taż-żmien meħtieġ għall-istudju, kontroll, sejħiet għall-offerti, twettiq ta' xogħlijiet u rinovazzjoni tal-Kamra, tipprevedi li l-Kamra ma tistax tkun disponibbli għall-użu qabel il-bidu tas-sena 2014. Il-kuntratt dwar ix-xogħlijiet maħsuba biex jagħmlu l-Kamra sikura (tiswija tal-istruttura u rinovazzjoni tal-Kamra) ġie ffirmat fis-26 ta' Ġunju 2013, ippermetta l-bidu tax-xogħlijiet ta' tisħiħ tal-istruttura tas-saqaf.

124.

Fir-rigward tal-ħsarat li jaffettwaw is-saff ta' protezzjoni kontra n-nirien tal-istruttura tas-saqaf tal-bini Louise Weiss, l-ispezzjonijiet imwettqa mill-grupp ta' esperti maħtura mill-Qorti Ġenerali ta' Strasburgu, se jitkomplew sat-tmiem l-ewwel trimestru tal-2014. Madankollu, il-konklużjonijiet tal-grupp ta' esperti li wasslu għalihom abbażi tal-istudji inizjali tagħhom, ippermettew lill-Parlament Ewropew biex jippjana l-ewwel xogħlijiet meħtieġa biex l-istruttura tas-saqaf tal-Kamra terġa' tiġi konformi mal-liġi dwar is-sikurezza kontra n-nirien. F'dan ir-rigward, tniedu żewġ proċeduri tas-sejħa għall-offerti. L-ewwel waħda, li tikkonċerna x-xogħlijiet imsemmija hawn fuq, ġiet sospiża sakemm jiġi konkluż ir-rapport tal-esperti u d-deċiżjoni għandha tittieħed qabel ix-xahar ta' Mejju 2014. It-tieni waħda hija finalizzata u se tippermetti l-abbozzar ta' studju dwar is-sikurezza kontra n-nirien li permezz tiegħu jkunu jistgħu jiġu stabbiliti diversi modi kif jistgħu jġibu l-bqija tal-istruttura konformi mal-liġi. Ix-xogħol meħtieġ għal din it-tieni proċedura għandu jitwettaq fl-ewwel trimestru 2014.

125.

Il-Parlament Ewropew sar eżemplari fil-ġlieda kontra l-bidla fil-klima billi stabbilixxa strateġija kompluta tat-tnaqqis u kumpens tal-emissjonijiet tal-karbonju, b'objettiv ambizzjuż ta' tnaqqis ta' 30 % tal-emissjonijiet tiegħu qabel l-2020. Fl-2013, kien hemm tnaqqis ta' 26,4 % u 28 % tal-marka tal-karbonju kienu bbilanċjati (bini, missjonijiet, karozzi uffiċjali).

126.

Għall-ewwel darba mill-ewwel reġistrazzjoni EMAS fl-2007 (li kopriet 9 binjiet), il-Parlament Ewropew żied in-numru ta' binjiet li jirċievu r-reġistrazzjoni EMAS. Tliet binjiet ġodda (WIB, JAN u PFL) żdiedu fl-2013. Dan talab it-twettiq ta' analiżi ambjentali u ta' awditi ta' dan il-bini. Barra minn hekk, dan il-kuntratt intuża biex tintalab li ssir kwantità sinifikanti ta' kontrolli biex jiffaċilitaw l-interpretazzjoni tal-leġiżlazzjoni ambjentali u biex jiżguraw li s-servizzi tal-Parlament ikunu konformi bis-sħiħ (Eżiġenza tar-Regolament EMAS). Wara t-twettiq ta' awditi esterni f'Mejju u f'Ġunju 2013, il-Parlament seta' jitlob estensjoni tar-reġistrazzjoni EMAS tiegħu għal tliet snin addizzjonali.

127.

Ġie ffirmat kuntratt mal-impriża ECOACT fis-7 ta' Novembru 2013 sabiex jikkumpensa 28  747 tunnellata ta' CO2 fil-qafas ta' proġett ta' effiċjenza enerġetika fis-sistema ta' tisħin urban f'Pernik, fil-Bulgarija. L-approprjazzjonijiet ta' kumpens mixtrija huma konformi mas-Sistema ta' skambju ta' kwoti ta' emissjoni tal-Unjoni Ewropea (UE ETS).

128.

Barra minn hekk, ġew organizzati tliet avvenimenti fl-2013 fit-tliet postijiet: il-Ġimgħa “Ħadra”, il-Ġimgħa “Mobilità” u l-Ġimgħa “Skart”.

129.

Is-sena 2013 kienet il-bidu ta' perjodu ta' riformi strutturali tal-attivitajiet tal-forniment tal-ikel tal-Parlament, bl-għan li jimmodernizzawhom kompletament minn issa sal-2019. F'dan il-kuntest, fil-laqgħa tiegħu tal-10 ta' Ġunju 2012, il-Bureau adotta nota mingħand is-Segretarju Ġenerali dwar il-“politika futura għall-forniment tal-ikel tal-Parlament għall-2014-2019 – Direttivi għall-modernizzazzjoni” u pprovda wkoll linji gwida strateġiċi għall-iżvilupp futur ta' dan is-settur.

130.

Id-deċiżjoni tal-Bureau tkopri mhux biss il-kwistjonijiet marbuta mal-infrastrutturi, l-aspetti operattivi u nutrizzjonali iżda wkoll l-objettivi ekonomiċi. L-ewwel effetti tal-implimentazzjoni tar-riforma strutturali akkumpanjata minn reviżjoni tal-prezzijiet (li ilhom ma jinbidlu 12-il sena) imwettqa fil-bidu tal-2013 fir-ristoranti, self service, kafeteriji u barijiet tal-Parlament, ippermettew titjib tas-sitwazzjoni baġitarja għall-Partita 1652 “Spejjeż tal-funzjonament tar-ristoranti u l-kantins”..

131.

Permezz ta' ġestjoni aħjar tal-ispejjeż, żieda tal-produttività, kompetizzjoni bejn il-fornituri differenti u pprezzar realistiku, huwa previst li tinkiseb sitwazzjoni ta' bilanċ fl-aħħar tal-perjodu leġiżalltiva 2014-2019.

132.

L-implimentazzjoni ta' programmi bħal eParliament (emendi u firem elettroniċi, MEP Portal, eċċ), Paperless (eCommittee (31), eMeeting (32), eċċ) u Knowledge Management, tippermetti li nimxu lejn PE kompletament konness u mobbli. Dan huwa kkompletat bl-introduzzjoni (li għadha għadejja bħalissa) tat-tablet bħala għodda ta' xogħol standard. Dan il-proċess huwa akkumpanjat minn tiġdid tas-softwer (migrazzjoni lejn livelli avvanzati ta' W7 u Outlook 2010) u tisħiħ konsiderevoli tan-netwerk tal-vidjokonferenzi kif ukoll tal-Wi-Fi.

133.

B'segwitu ta' artikli tal-istampa relatati ma' intrużjoni fin-netwerk tal-Wi-Fi miftuħ tal-Parlament Ewropew, sar stħarriġ biex jivvaluta l-livell u t-tip ta' intrużjoni. Waqt il-laqgħa tiegħu tad-9 ta' Diċembru 2013, il-Bureaa approva b'mod unanimu l-miżuri immedjati u ta' terminu medju proposti mis-Segretarju Ġenerali maħsuba biex issaħħu r-regoli ta' sikurezza tal-Parlament dwar l-użu ta' tagħmir mobbli.

134.

Ir-relazzjonijiet mal-Parlamenti nazzjonali komplew jissaħħew permezz tal-Ġimgħa Parlamentari Ewropea mit-28 sat-30 ta' Jannar 2013, fejn il-Membri tal-Parlament Ewropew u l-Parlamentari nazzjonali ltaqgħu biex jiddibattu dwar is-Simestru Ewropew għall-koordinazzjoni politika ekonomika.

135.

L-ewwel konferenza interparlamentari dwar il-governanza ekonomika u finanzjarja tal-Unjoni Ewropea, prevista mill-Artikolu 13 tat-Trattat dwar l-Istabbiltà, il-Koordinazzjoni u l-Governanza, saret f'Vilnjus mis-16 sas-17 ta' Ottubru 2013.

136.

Fuq il-pjan tekniku, wieħed għandu jinnota l-iżvilupp tal-bażi tad-data tal-PE għad-dokumenti tal-parlamenti nazzjonali “Connect”, bl-għan li jinxterdu aħjar l-opinjonijiet u l-kontribuzzjonijiet tagħhom, skont kif ġie previst mit-Trattat fil-qasam tas-sussidjarjetà u l-proporzjonalità. Il-proġett pilota dwar il-“vidjokonferenzi” bħala vantaġġ maġġuri fil-kooperazzjoni interparlamentari ġie konkluż b'suċċess. L-informazzjoni disponibbli għall-Membri u l-partijiet terzi tjiebet b'mod sinifikanti permezz tal-iżvilupp tal-bażijiet tad-data CERDP (Ċentru Ewropew għar-Riċerka u d-Dokumentazzjoni Parlamentari) u IPEX (Netwerk Komunitarju għall-Iskambju tal-Informazzjoni Interparlamentari).

137.

Wara d-deċiżjoni tal-Bureau tal-2012 dwar l-internalizzazzjoni tas-servizzi tas-sikurezza ġenerali, ġiet adottata sensiela ta' miżuri preparatorji maħsuba biex iniedu l-internalizzazzjoni, l-ewwel bil-proċedura ta' għażla ta' 1  212 kandidat magħżula minn total ta' 2  443 applikazzjoni li tippermetti r-reklutaġġ progressiv ta' aġenti kuntrattwali fit-tliet postijiet ta' xogħol tal-Parlament, u dan fir-rispett strett tal-pjan ta' azzjoni approvat mill-Bureau.

138.

Minn Settembru 2013, iċ-ċentru ta' kontroll huwa magħmul biss minn aġenti tal-Parlament u, minn Ottubru, il-funzjonijiet ta' sikurezza għall-iskola materna, il-Parlamentarium u l-punti ta' aċċess għall-bini ASP ġew ukoll internalizzati.

139.

L-internalizzazzjoni tinvolvi proċess kumpless li għandu diversi lati li jinkludi, mhux biss operazzjoni vasta ta' reklutaġġ ta' aġenti tal-Parlament, iżda wkoll u speċjalment it-taħriġ, l-adattament u l-integrazzjoni tagħhom kif ukoll l-organizzazzjoni tal-attivitajiet, kompiti li qatt ma ġew żgurati internament fil-passat. Il-kumplessità ta' dan il-proċess ġejja wkoll mill-fatt li, waqt il-fażi tranżitorja u sat-tlestija kompluta, il-kumpaniji esterni attwalment inkarigati mis-sigurtà u l-persunal tal-Parlament iridu jaħdmu b'mod parallel.

140.

Kif indikat fil-pjan ta' azzjoni approvat mill-Bureau, il-proċess ta' internalizzazzjoni fi Brussell u Strasburgu se jitwettaq b'mod progressiv waqt il-perjodu 2013-2016. Fir-rigward tal-Lussemburgu, il-proċess ta' internalizzazzjoni huwa kkundizzjonat mill-politika tal-bini u speċjalment mix-xogħlijiet li għaddejjin bħalissa fil-bini KAD. Minħabba f'hekk, l-iżvilupp u l-implimentazzjoni tiegħu se jkunu marbuta mal-istat ta' progress tax-xogħlijiet.

141.

Fil-laqgħa tiegħu tad-9 ta' Diċembru 2013, il-Bureau ħa nota u approva l-ħolqien ta' post uniku għas-servizzi parlamentari għall-Membri. Dan isegwi l-konklużjonijiet ta' proċess ta' konsultazzjoni tal-Membri u tal-persunal tal-Parlament għat-titjib u l-modernizzazzjoni tal-kapaċitajiet organizzattivi tal-Parlament. Dan is-servizz se jkun marbut mad-Direttorat għal-Loġistika, u r-reklutaġġi tal-persunal marbut ma' din l-unità se jsiru permezz tar-riallokazzjoni interna. Dan se jibda jaħdem progressivament mill-bidu tal-2014 sabiex ikun operattiv bis-sħiħ wara l-elezzjonijiet.

142.

Il-portal tal-Membri għall-intitolamenti soċjali u finanzjarji għandu l-għan li jipprovdi lill-Membri b'punt ta' dħul uniku tal-Intranet fejn huma jistgħu jiksbu informazzjoni dwar l-istatus u x-xejriet tad-drittijiet finanzjarji u soċjali tagħhom li jirriżultaw mill-Istatut tal-Membri u l-miżuri ta' implimentazzjoni tiegħu. Dan se jiffaċilita b'mod sostanzjali l-ġestjoni tal-intitolamenti finanzjarji u soċjali ta' kull Membru. L-ewwel verżjoni tal-Portal għall-Membri attivi li se tintuża mill-bini tal-PE għal subsett ta' formoli u data saret disponibbli fl-2013. Huma previsti passi addizzjonali (bħal karatteristiċi addizzjonali għall-MEPs fosthom l-użu tal-firma elettronika, l-aċċessibilità barra l-bini tal-PE, il-portal għal ex Membri u l-benefiċjarji tagħhom, aġenti ta' pagament, tlestija tal-arkivji), b'data fil-mira ta' Diċembru 2015, sabiex titlesta s-sistema sħiħa.

143.

Matul is-sena 2013, fil-qafas tal-proċedura tal-baġit tal-2014 (33), il-Parlament fuq il-bażi tal-proposti tal-Bureau u wara konsultazzjonijiet fil-grupp ta' ħidma konġunt tal-Bureau – Kumitat għall-Baġits approva l-ħtieġa li jissaħħu l-erba' oqsma tal-attivitajiet tiegħu:

144.

Barra minn hekk, il-Grupp ta' Ħidma Konġunt identifika seba' oqsma, fejn il-Parlament jista' jtejjeb l-effiċjenza tiegħu biex jippermetti l-iżvilupp tal-erba' oqsma ta' attività msemmija hawn fuq b'mod li jkun finanzjarjament responsabbli:

145.

Il-preparamenti relatati mal-implimentazzjoni tad-dispożizzjonijiet tar-Regolamenti tal-Persunal twettqu matul is-sena kollha tal-2013. Id-dispożizzjonijiet il-ġodda kważi kollha japplikaw mill-1 ta' Jannar 2014, ir-reviżjoni tar-regoli eżistenti, ta' ċerti proċeduri kif ukoll tas-sistemi tal-informatika saret fi żmien qasir ħafna. Dawn ix-xogħlijiet (speċjalment l-adozzjoni tal-qafas leġiżlattiv kif ukoll ix-xogħlijiet tal-informatika) se jkomplu parzjalment fl-2014 għall-oqsma meqjusa mhux prijoritarji fl-2013.

146.

Madankollu, minħabba l-preparazzjoni għall-bidla tal-leġiżlatura, ittieħdu miżuri biex tiġi organizzata l-ġestjoni tat-tmiem tal-kuntratti ta' madwar 1  700 assistent parlamentari akkreditat (APAs), l-akkumpanjament ta' dawn l-aġenti fil-proċeduri amministrattivi tagħhom u l-integrazzjoni ta' diversi mijiet ta' APAs ġodda, u l-akkumpanjament ta' dawn il-proċeduri li għandhom jitwettqu minn gruppi politiċi jekk ir-riżultati tal-elezzjonijiet Ewropej tal-2014 se jġibu magħhom modifiki sinifikanti fil-kompożizzjoni tas-segretarjati ta' diversi gruppi. Barra minn hekk, ġiet stabbilita pjattaforma għall-upload ta' dokumenti APA-People, kif ukoll servizzi “Tluq” u “Wasla” li jkunu disponibbli matul perjodu twil biex jagħtu appoġġ aħjar lill-assistenti parlamentari u lill-persunal tal-gruppi politiċi fil-proċeduri amministrattivi tagħhom.

147.

Waqt il-laqgħa tiegħu tat-2 ta' Lulju 2012, il-Bureau adotta l-mudell il-ġdid ta' ġestjoni tad-dokumenti u tal-arkivji. Dan il-mudell jibbaża fuq l-identifikazzjoni tad-diversi stadji fil-perjodu tal-ħajja ta' dawn id-dokumenti u fuq ġestjoni xierqa taċ-ċiklu kollu. Huwa jippermetti wkoll lill-Parlament li jikkonforma aktar faċilment mar-regoli li jirregolaw l-aċċess tal-pubbliku għad-dokumenti.

148.

Id-dispożizzjonijiet ta' implimentazzjoni tar-regoli dwar il-ġestjoni tad-dokumenti ġew ippreparati. Waqt il-laqgħa tiegħu tal-15 ta' April 2013, il-Bureau approva d-deċiżjoni dwar it-trattament ta' dokumenti kunfidenzjali fi ħdan il-PE u adotta fl-10 ta' Ġunju 2013 ir-rapport annwali dwar il-ġestjoni ta' dokumenti klassifikati. Il-Kunsill ta l-approvazzjoni tiegħu għall-aspetti tekniċi relatati max-xogħlijiet li għandhom jitwettqu biex tinħoloq kamra tal-qari sikura li llum hija operattiva.

149.

B'total, inħolqu 59 kariga ġdida fl-2013 sabiex ikopru l-ħtiġijiet kbar miġbura fil-qosor hawn taħt:

150.

Il-modifiki prinċipali li saru fl-organigramma u fil-ġestjoni tal-Parlament huma miġbura fil-qosor hawn taħt.

Tabella 11

Sommarju tar-ristrutturar tas-Segretarjat Ġenerali fl-2013