MEMORANDUM TA’ SPJEGAZZJONI

Fl-24 ta’ Settembru 2012 il-Kunsill awtorizza lill-Kummissjoni tiftaħ negozjati, f’isem l-Unjoni Ewropea u l-Istati Membri tagħha, u r-Repubblika tal-Kroazja, mas-Serbja sabiex tikkonkludi Protokoll għall-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea.

Fit-28 ta’ Jannar 2013 u fit-13 ta’ Marzu 2013 saru żewġ ċikli ta’ negozjati li kienu segwiti minn iktar kjarifiki tekniċi u skambju ta’ korrispondenza. Il-Protokoll ġie inizjalat mill-Kummissjoni u l-Gvern tas-Serbja fl-10 ta' Diċembru 2013. It-test tal-abbozz tal-Protokoll huwa mehmuż.

Il-Kummissjoni tipproponi li l-Kunsill jiddeċiedi dwar l-iffirmar u l-applikazzjoni provviżorja tal-Protokoll f’isem l-Unjoni Ewropea u jikkonkludi l-Protokoll f’isem l-Unjoni Ewropea u l-Istati Membri tagħha. Għall-konklużjoni tal-Protokoll f’isem il-Komunità Ewropea għall-Enerġija Atomika (KEEA), il-Kummissjoni tipproponi li l-Kunsill jagħti l-approvazzjoni tiegħu, skont it-tieni paragrafu tal-Artikolu 101 tat-Trattat li jistabbilixxi l-KEEA.

Il-proposta mehmuża hija għal Deċiżjoni tal-Kunsill dwar l-iffirmar u l-applikazzjoni provviżorja tal-protokoll. Il-Kummissjoni tipproponi li l-Kunsill:

– jiddeċiedi dwar l-iffirmar u l-applikazzjoni provviżorja tal-Protokoll f’isem l-Unjoni Ewropea.

2014/0038 (NLE)

Proposta għal

DEĊIŻJONI TAL-KUNSILL

dwar l-iffirmar, f'isem l-Unjoni Ewropea u l-Istati Memri tagħha, u l-applikazzjoni provviżorja tal-Protokoll mal-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 217, flimkien mal-Artikolu 218(5) u t-tieni subparagrafu tal-Artikolu 218(8) tiegħu,

Wara li kkunsidra l-Att li jikkonċerna l-kundizzjonijiet għall-adeżjoni tar-Repubblika tal-Kroazja u b'mod partikolari l-Artikolu 6(2),tiegħu,

Wara li kkunsidra l-proposta mill-Kummissjoni Ewropea[1],

Billi:

(1)       Fl-24 ta’ Settembru 2012 il-Kunsill awtorizza lill-Kummissjoni tiftaħ negozjati, f’isem l-Unjoni u l-Istati Membri tagħha, u r-Repubblika tal-Kroazja, mar-Repubblika tas-Serbja sabiex tikkonkludi Protokoll għall-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea ("il-Protokoll").

(2)       Dawn in-negozjati tlestew b’suċċess billi ġie inizjalat il-Protokoll fl-10 ta’ Diċembru 2013.

(3)       Il-Protokoll għandu jiġi ffirmat f’isem l-Unjoni u l-Istati Membri tagħha, suġġett għall-konklużjoni tiegħu f’data aktar tard.

(4)       Il-konklużjoni tal-Protokoll hija soġġetta għal proċedura separata fir-rigward ta’ kwistjonijiet li jaqgħu fil-kompetenza tal-Komunità Ewropea tal-Enerġija Atomika.

(5)       Il-Protokoll għandu jkun applikat fuq bażi provviżorja b'effett mid-data tal-firma tiegħu.

ADOTTA DIN ID-DEĊIŻJONI:

Artikolu 1

L-iffirmar tal-Protokoll għall-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea huwa b’dan awtorizzat f’isem l-Unjoni u l-Istati Membri, soġġett għall-konklużjoni tal-Protokoll imsemmi.

It-test tal-Protokoll huwa mehmuż ma’ din id-Deċiżjoni.

Artikolu 2

Il-President tal-Kunsill huwa b'dan awtorizzat li jaħtar il-persuna/i li jkollhom is-setgħa li jiffirmaw il-Protokoll f'isem l-Unjoni u l-Istati Membri tagħha.

Artikolu 3

Il-Protokoll għandu jiġi applikat fuq bażi provviżorja, skont l-Artikolu 14 tiegħu, mill-ewwel jum tat-tieni xahar wara d-data tal-iffirmar tiegħu, sakemm jitlestew il-proċeduri għall-konklużjoni tiegħu.

Artikolu 4

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmul fi Brussell,

                                                                       Għall-Kunsill

                                                                       Il-President

[1]               ĠU C […], […], p. […].

Anness

PROTOKOLL

għall-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Albanija min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA’ SPANJA,

IR-REPUBBLIKA FRANĊIŻA,

IR-REPUBBLIKA TAL-KROAZJA,

IR-REPUBBLIKA TALJANA,

IR-REPUBBLIKA TA’ ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

L-UNGERIJA,

MALTA,

IR-RENJU TAL-PAJJIŻI L-BAXXI,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-ISVEZJA,

IR-RENJU UNIT TAL-GRAN BRITTANJA U L-IRLANDA TA’ FUQ

Partijiet kontraenti għat-Trattat tal-Unjoni Ewropea, it-Trattat dwar il-Funzjonament tal-Unjoni Ewropea u t-Trattat li jistabbilixxi l-Komunità Ewropea tal-Enerġija Atomika,

minn hawn 'il quddiem "l-Istati Membri", u

L-UNJONI EWROPEA u L-KOMUNITÀ EWROPEA TAL-ENERĠIJA ATOMIKA,

minn hawn 'il quddiem l-"Unjoni Ewropea",

minn naħa, u

r- Repubblika tas-Serbja, minn hawn 'il quddiem is-"Serbja"

min-naħa l-oħra,

Wara li kkunsidraw l-adeżjoni tar-Repubblika tal-Kroazja (minn hawn 'il quddiem il-''Kroazja'') mal-Unjoni Ewropea fl-1 ta' Lulju 2013,

Billi:

(1) Il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u s-Serbja, min-naħa l-oħra, (minn hawn 'il quddiem "il-FSA") ġie ffirmat fil-Lussemburgu fid-29 ta’ April 2008 u daħal fis-seħħ fl-1 ta’ Settembru 2013.

(2) It-Trattat dwar l-adeżjoni tal-Kroazja fl-Unjoni Ewropea (minn hawn 'il quddiem it-"Trattat ta' Adeżjoni") ġie ffirmat fi Brussell fid-9 ta' Diċembru 2011.

(3) Il-Kroazja saret parti mill-Unjoni Ewropea fl-1 ta’ Lulju 2013.

(4) Skont l-Artikolu 6(2) tal-Att ta' Adeżjoni tal-Kroazja, l-adeżjoni tal-Kroazja mal-FSA tiġi miftiehma permezz tal-konklużjoni ta' protokoll għall-FSA.

(5) Saru konsultazzjonijiet skont l-Artikolu 39(3) tal-FSA sabiex jiġi żgurat li jitqiesu l-interessi reċiproċi tal-Unjoni Ewropea u tal-Albanija msemmija f’dan il-Ftehim,

FTIEHMU KIF ĠEJ:

Taqsima I

Il-Partijiet Kontraenti

Artikolu 1

Il-Kroazja għandha tkun Parti fl-FSA u għandha rispettivament tadotta u tqis, bl-istess mod bħall-Istati Membri l-oħra tal-Unjoni Ewropea t-testi tal-FSA, kif ukoll tad-Dikjarazzjonijiet Konġunti, u d-Dikjarazzjonijiet Unilaterali annessa mal-Att Finali ffirmat fl-istess data.

AĠĠUSTAMENTI GĦAT-TEST TAL-FSA INKLUŻI L-ANNESSI U L-PROTOKOLLI TIEGĦU

Taqsima II

Prodotti Agrikoli

Artikolu 2

Konċessjonijiet tal-Unjoni Ewropea fuq prodotti agrikoli

Fl-Artikolu 26, il-paragrafu (4) jinbidel b'dan li ġej:

"4.        Mid-data tad-dħul fis-seħħ tal-Protokoll ta' dan il-Ftehim sabiex tqis l-adeżjoni tal-Kroazja mal-Unjoni Ewropea, l-Unjoni Ewropea għandha tapplika aċċess bla ħlas ta' dazji doganali għal importazzjonijiet fil-Komunità ta' prodotti li joriġinaw mis-Serbja li jaqgħu taħt l-intestaturi 1701 u 1702 tan-Nomenklatura Magħquda, fi ħdan limitu ta' kwota ta' tariffa annwali ta' 181 000 tunnellata (piż nett).

Artikolu 3

Konċessjonijiet mis-Serbja fuq prodotti agrikoli

1. Fl-Artikolu 27, jiżdied il-paragrafu (3) ġdid:

"Mid-dħul fis-seħħ tal-Protokoll ta' dan il-Ftehim sabiex tqis l-adeżjoni tal-Kroazja mal-Unjoni Ewropa, is-Serbja għandha tapplika d-dazji tad-dwana applikabbli fuq l-importazzjonijiet ta' ċerti prodotti agrikoli li joriġinaw fl-Unjoni Ewropea fil-kwantitajiet indikati, elenkati fl-Anness III(e)."

2. L-Anness I ta' dan il-Protokoll għandu jiżdied bħala l-Anness III(e) tal-FSA u għandu jifforma parti integrali mill-FSA.

Artikolu 4

Konċessjonijiet tal-Unjoni Ewropea fuq prodotti tas-sajd

1. Fl-Artikolu 29, jiżdied il-paragrafu (3) ġdid:

"3.        Mid-dħul fis-seħħ tal-Protokoll ta' dan il-Ftehim sabiex tqis l-adeżjoni tal-Kroazja mal-Unjoni Ewropea, l-Unjoni Ewropea għandha żżid il-volum tal-kwota tariffarja annwali għall-importazzjonijiet ta’ karpjun fl-Anness IV tal-FSA b’26 tunnellata.   

2. Fl-Artikolu 29, jiddaħħal il-paragrafu (4) ġdid:

"4.        Mid-dħul fis-seħħ tal-Protokoll ta' dan il-Ftehim sabiex tqis l-adeżjoni tal-Kroazja mal-Unjoni Ewropea, l-Unjoni Ewropea għandha tiftaħ kwota tariffarja għall-importazzjonijiet ta’ prodotti tas-subintestatura SA 1604 bla dazju fi ħdan limitu annwali ta' 15 -il tunnellata.  Importazzjonijiet barra l-limiti tal-kwota se jkunu b’rata ta’ dazju ta’ 70 % tad-dazju MFN. " 

Artikolu 5

Konċessjonijiet mis-Serbja fuq prodotti tas-sajd

1. Fl-Artikolu 30, jiżdied il-paragrafu (3) ġdid:

"3.        Mid-dħul fis-seħħ tal-Protokoll ta' dan il-Ftehim sabiex titqies l-adeżjoni tal-Kroazja mal-Unjoni Ewropea, is-Serbja għandha tiftaħ kwota tariffarja għall-importazzjonijiet ta’ karpjun ħaj (Cyprinus carpio, Carassius carassius, Ctenopharyngodon idellus, Hypophthalmichthys spp., cirrhinus spp., Mylopharyngodon piceus) tal-kodiċi NM 0301 93 00 b’rata ta’ dazju ta’ 10 % fi ħdan limitu annwali ta’ 20 tunnellata.  Importazzjonijiet barra l-limiti tal-kwota se jkollhom rata ta’ dazju ta’ 60 % tad-dazju MFN."

Artikolu 6

Konċessjonijiet Serbi fuq Prodotti Agrikoli Proċessati

L-Anness II ta' dan il-Protokoll għandu jiżdied bħala l-Anness IIa tal-Protokoll 1 tal-FSA u għandu jifforma parti integrali mill-FSA.

Artikolu 7

Protokoll dwar prodotti ta' nbid u xarbiet alkoħoliċi

Il-paragrafu 1 tal-Anness I tal-Protokoll 2 dwar konċessjonijiet preferenzjali reċiproċi għal ċerti nbejjed, ir-rikonoxximent reċiproku, il-protezzjoni u l-kontroll tal-inbid, xorb alkoħoliku u nbid aromatizzat imsemmija fl-Artikolu 28 tal-FSA għandu jinbidel bit-test stipulat fl-Anness III ta’ dan il-Protokoll. 

Taqsima III

Regoli tal-Oriġini

Artikolu 8

L-Anness IV tal-Protokoll 3 tal-FSA għandu jinbidel bit-test stipulat fl-Anness IV ta' dan il-Protokoll.

DISPOŻIZZJONIJIET TRANŻITORJI

Taqsima IV

Artikolu 9

Prova tal-oriġini u tal-kooperazzjoni amministrattiva

1. Il-provi tal-oriġini maħruġa kif suppost mis-Serbja jew mill-Kroazja fil-qafas ta' ftehimiet preferenzjali jew arranġamenti awtonomi applikati bejniethom għandhom ikunu aċċettati fil-pajjiżi rispettivi, sakemm:

(a)        il-ksib ta' din l-oriġini tagħti trattament b'tariffi preferenzjali abbażi tal-miżuri tat-tariffi preferenzjali fil-FSA;

(b)        il-prova tal-oriġini u d-dokumenti tat-trasport inħarġu mhux aktar tard mill-jum ta' qabel id-data tal-adeżjoni;

(c)        il-prova tal-oriġini titressaq lill-awtoritajiet doganali matul il-perjodu ta' erba' xhur mid-data tal-adeżjoni.

Meta l-merkanzija tiġi ddikjarata għall-finijiet ta’ importazzjoni fis-Serbja jew fil-Kroazja, qabel id-data tal-adeżjoni, fil-qafas ta’ ftehimiet preferenzjali jew arranġamenti awtonomi applikati f’dak il-mument bejn is-Serbja u l-Kroazja, prova tal-oriġini maħruġa retrospettivament skont dawn il-ftehimiet jew l-arranġamenti tista’ wkoll tiġi aċċettata b’kundizzjoni li tkun ippreżentata lill-awtoritajiet doganali fi żmien erba’ xhur mid-data tal-adeżjoni.

2. Is-Serbja u l-Kroazja huma awtorizzati jżommu l-awtorizzazzjonijiet li bihom ingħata l-istatus ta’ “esportaturi approvati” fil-qafas ta’ ftehimiet jew arranġamenti awtonomi preferenzjali applikati bejniethom sakemm:

(a)        tali dispożizzjoni tkun prevista wkoll fil-ftehim konkluż qabel id-data tal-adeżjoni tal-Kroazja bejn is-Serbja u l-Unjoni Ewropea; u

(b)        l-esportaturi approvati japplikaw ir-regoli tal-oriġini fis-seħħ skont dak il-ftehim.

Dawn l-awtorizzazzjonijiet għandhom jinbidlu, sa mhux aktar tard minn sena wara d-data tal-adeżjoni, tal-Kroazja b’awtorizzazzjonijiet ġodda maħruġa skont il-kundizzjonijiet tal-FSA.

3. Talbiet għal verifika sussegwenti tal-provi tal-oriġini maħruġin skont il-ftehimiet preferenzjali jew l-arranġamenti awtonomi msemmija fil-paragrafi 1 u 2 għandhom jiġu aċċettati mill-awtoritajiet doganali kompetenti jew tas-Serbja jew tal-Kroazja għal perjodu ta’ tliet snin wara li tkun inħarġet il-prova tal-oriġini konċernata u jistgħu jsiru minn dawk l-awtoritajiet għal perjodu ta’ tliet snin wara l-aċċettazzjoni tal-prova tal-oriġini preżentata lil dawk l-awtoritajiet b'sostenn għal dikjarazzjoni ta’ importazzjoni.

Artikolu 10

Oġġetti fi tranżitu

1. Id-dispożizzjonijiet tal-FSA jistgħu jiġu applikati għall-oġġetti esportati mill-Albanija għall-Kroazja jew mill-Kroazja għall-Albanija, li jkunu konformi mad-dispożizzjonijiet tal-Protokoll 3 għall-FSA u li fid-data tal-adeżjoni tal-Kroazja jkunu jew fi triqthom jew maħżuna temporanjament f'maħżen doganali jew f'żona ħielsa fis-Serbja jew fil-Kroazja.

2. F’każijiet bħal dawn jista’ jingħata trattament preferenzjali, soġġett għas-sottomissjoni lill-awtoritajiet doganali tal-pajjiż li qed jimporta, fi żmien erba’ xhur mid-data tal-adeżjoni tal-Kroazja, ta' prova tal-oriġini maħruġa retrospettivament mill-awtoritajiet doganali tal-pajjiż li qed jesporta.

Artikolu 11

Kwoti fl-ewwel sena tal-applikazzjoni tal-Protokoll:

Fl-ewwel sena tal-applikazzjoni tal-Protokoll, il-volumi tal-kwoti tariffarji ġodda u ż-żidiet fil-volumi tal-kwoti tariffarji eżistenti għandhom jiġu kkalkulati bħala pro rata tal-volumi annwali bażiċi, b'kunsiderazzjoni tal-parti tas-sena li tkun għaddiet qabel id-data tal-applikazzjoni ta' dan il-protokoll.

DISPOŻIZZJONIJIET ĠENERALI U FINALI

Taqsima V

Artikolu 12

Dan il-Protokoll u l-Annessi tiegħu għandhom ikunu parti integrali mill-FSA.

Artikolu 13

1. Dan il-Protokoll għandu jkun approvat mill-Unjoni Ewropea u l-Istati Membri tagħha u mis-Serbja skont il-proċeduri tagħhom stess.

2. Il-Partijiet għandhom jinnotifikaw lil xulxin bit-tlestija tal-proċeduri korrispondenti msemmija fil-paragrafu 1. L-istrumenti ta' approvazzjoni jiġu depożitati mas-Segretarjat Ġenerali tal-Kunsill tal-Unjoni Ewropea.

Artikolu 14

1. Dan il-Protokoll jidħol fis-seħħ fl-ewwel jum tal-ewwel xahar wara d-data tad-depożitu tal-aħħar strument tal-approvazzjoni.

.

2. Jekk mhux l-istrumenti kollha ta’ approvazzjoni ta’ dan il-Protokoll ikunu ġew depożitati qabel l-ewwel jum tat-tieni xahar wara d-data tal-firma, dan il-Protokoll għandu japplika b’mod provviżorju. Id-data tal-applikazzjoni provviżorja għandha tkun l-ewwel jum tat-tieni xahar wara d-data tal-firma.

Artikolu 15

Dan il-Protokoll huwa miktub b'żewġ kopji fil-lingwa Bulgara, Kroata, Ċeka, Daniża, Olandiża, Ingliża, Estonjana, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovakka, Slovena, Spanjola, Svediża u Serba, u kull wieħed minn dawn it-testi huwa ugwalment awtentiku.

Artikolu 16

It-test tal-FSA, inklużi l-Annessi u l-Protokolli li huma parti integrali minnu, kif ukoll l-Att Finali flimkien mad-dikjarazzjonijiet annessi tiegħu għandhom jinkitbu bil-lingwa Kroata u t-tnejn li huma għandhom ikunu awtentiċi bl-istess mod bħat-testi oriġinali. Il-Kunsill ta' Stabbilizzazzjoni u Assoċjazzjoni għandu japprova dawn it-testi.

ANNESS I

"Anness III(e)

Konċessjonijiet tariffarji Serbi għal prodotti agrikoli primarji li joriġinaw fl-Unjoni Ewropea

(imsemmija fl-Artikolu 27(3))

(Dazji doganali (ad valorem u/jew dazji partikolari) kif indikat ser jiġu applikati għall-prodotti msemmija f'dan l-anness fil-kwantitajiet indikati għal kull prodott mid-data tad-dħul fis-seħħ tal-Protokoll ta' dan il-ftehim biex iqisu l-adeżjoni tal-Kroazja mal-Unjoni Ewropea)

Kodiċi NM (2013) || Deskrizzjoni || Kwantità annwali (f’tunnellati) || Rata ta' dazju ġewwa l-kwota (% tal-MFN)

0103 || Majjali ħajjin: || 200. || 0 %

|| – Oħrajn: || ||

0103 92 || – – Ta' piż ta’ 50 kg jew aktar: || ||

|| – – – Speċi domestiċi: || ||

0103 92 11 || – – – – Majjali nisa li jkunu welldu għall-inqas darba, ta’ piż mhux inqas minn 160 kg || ||

0103 92 19 || – – – – Oħrajn || ||

0206 || Ġewwieni li jittiekel ta’ annimali tal-ifrat, majjali, nagħaġ, mogħoż, żwiemel, ħmir, bgħula jew bgħula tal-irkib, frisk, imkessaħ jew iffriżat || 200 || 0 %

|| – Tal-majjal, iffriżat: || ||

0206 41 00 || – – Fwied || ||

0206 49 00 || – – Oħrajn || ||

0402 || Ħalib u krema, konċentrati jew li jkun fihom zokkor miżjud jew materjal ieħor li jagħmel ħelu materjal: || 70 || 5 %

0402 10 || – Fi trab, ħbub jew forom solidi oħrajn, b’kontenut ta’ xaħam, bil-piż, ta’ mhux aktar minn 1,5 % || ||

|| – – Mingħajr zokkor miżjud jew materjal ieħor li jagħmel ħelu || ||

0402 10 11 || – – – F’imballaġġ immedjat ta’ kontenut nett ta’ anqas minn 2,5 kg || ||

0402 10 19 || – – – Oħrajn || ||

|| – – Oħrajn || ||

0402 10 99 || – – – Oħrajn || ||

|| – Fi trab, ħbub jew forom solidi oħrajn, b’kontenut ta’ xaħam, bil-piż, ta’ aktar minn 1,5 % || ||

0402 21 || – – Mingħajr zokkor miżjud jew materjal ieħor li jagħmel ħelu: || ||

|| – – – B’kontenut ta’ xaħam, bil-piż, mhux aktar minn 27 % || ||

0402 21 11 || – – – – F’imballaġġ immedjat ta’ kontenut nett li ma jaqbiżx it-2,5 kg || ||

0402 21 18 || – – – – Oħrajn || ||

0406 || Ġobon u baqta: || 50 || 0 %

0406 10 || – Ġobon frisk (mhux misjur jew konservat), inkluż ġobon tax-xorrox, u baqta: || ||

0406 10 20 || – – B’kontenut ta’ xaħam, bil-piż, mhux aktar minn 40 % || ||

0406 10 80 || – – Oħrajn || ||

0406 30 || – Ġobon proċessat, mhux maħkuk jew trab || ||

0406 30 10 || – – Li fil-manifattura tiegħu ma ntuża ebda ġobon ħlief Emmentaler, Gruyère u Appenzell u li fih jista’ jkun miżjud ġobon bil-ħwawar Glarus (magħruf bħala Schabziger); li jitqiegħdu għall-bejgħ bl-imnut, b'kontenut ta' xaħam bil-piż u mnixxef mhux aktar minn 56 % || ||

|| – – Oħrajn || ||

|| – – – B’kontenut ta’ xaħam, bil-piż, ta’ mhux aktar minn 36 % u b’kontenut ta’ xaħam, bil-piż, fil-materjal xott: || ||

0406 30 31 || – – – – Mhux aktar minn 48 % || ||

0406 30 39 || – – – – Aktar minn 48 % || ||

0406 30 90 || – – – B’kontenut ta’ xaħam, bil-piż, ta’ aktar minn 36 % || ||

0406 90 || – Ġobon ieħor: || ||

|| – – Oħrajn || ||

0406 90 13 || – – – Emmentaler || ||

0406 90 15 || – – – Gruyère, Sbrinz || ||

0406 90 17 || – – – Bergkäse, Appenzell || ||

0406 90 18 || – – – Fromage fribourgeois, Vacherin Mont d'Or u Tête de Moine || ||

0406 90 19 || – – – Ġobon bil-ħwawar Glarus (magħruf bħala Schabziger) magħmul mill-ħalib xkumat u mħallat ma' ħwawar midħuna fini || ||

0406 90 21 || – – – Cheddar || ||

0406 90 23 || – – – Edam || ||

0406 90 25 || – – – Tilsit || ||

0406 90 27 || – – – Butterkäse || ||

0406 90 29 || – – – Kashkaval || ||

0406 90 32 || – – – Feta || ||

0406 90 37 || – – – Finlandia || ||

0406 90 39 || – – – Jarlsberg || ||

|| – – – Oħrajn: || ||

0406 90 50 || – – – – Ġobon ta’ ħalib tan-nagħaġ jew ta’ ħalib tal-buflu f’kontenituri bis-salmura, jew fi fliexken tal-ġilda tan-nagħaġ jew tal-ġilda tal-mogħoż || ||

|| – – – – Oħrajn || ||

|| – – – – – B'kontenut ta' xaħam, bil-piż, li ma jkunx aktar minn 40 % u b'kontenut ta' ilma, bil-piż, fil-materja mhux grassa: || ||

|| – – – – – – Mhux aktar minn 47 %: || ||

0406 90 61 || – – – – – – – Grana Padano, Parmigiano Reggiano || ||

0406 90 63 || – – – – – – – Fiore Sardo, Pecorino || ||

0406 90 69 || – – – – – – – Oħrajn || ||

|| – – – – – – Li jkun aktar minn 47 % iżda mhux aktar minn 72 %: || ||

0406 90 73 || – – – – – – – Provolone || ||

0406 90 75 || – – – – – – – Asiago, Caciocavallo, Montasio, Ragusano || ||

0406 90 76 || – – – – – – – Danbo, Fontal, Fontina, Fynbo, Havarti, Maribo, Samsø || ||

0406 90 78 || – – – – – – – Gouda || ||

0406 90 79 || – – – – – – – Esrom, Italico, Kernhem, Saint-Nectaire, Saint-Paulin, Taleggio || ||

0406 90 81 || – – – – – – – Cantal, Cheshire, Wensleydale, Lancashire, Double Gloucester, Blarney, Colby, Monterey || ||

0406 90 82 || – – – – – – – Camembert || ||

0406 90 84 || – – – – – – – Brie || ||

|| – – – – – – – Ġobon ieħor, b’kontenut ta’ ilma, bil-piż, fil-materjal mhux xaħmi: || ||

0406 90 86 || – – – – – – – – Li jkun aktar minn 47 % iżda mhux aktar minn 52 %: || ||

0406 90 87 || – – – – – – – – Li jkun aktar minn 52 % iżda mhux aktar minn 62 %: || ||

0406 90 88 || – – – – – – – – Li jkun aktar minn 62 % iżda mhux aktar minn 72 %: || ||

0406 90 93 || – – – – – – Aktar minn 72 % || ||

0406 90 99 || – – – – – Oħrajn || ||

0701 || Patata, friska jew imkessħa: || 165 || 0 %

0701 90 || – Oħrajn: || ||

|| – – Oħrajn || ||

0701 90 90 || – – – Oħrajn || ||

0710 || Veġetali (mhux imsajrin jew imsajrin bl-istim jew bit-togħlija fl-ilma), friżati: || 20 || 0 %

|| – Veġetali leguminużi, imqaxxrin jew bil-qoxra || ||

0710 21 00 || – – Piżelli (Pisum sativum) || ||

1001 || Qamħ u meslin: || 300 || 0 %

|| – Oħrajn: || ||

1001  99 00 || – – Oħrajn || ||

1005 || Qamħirrum (qamħ): || 270 || 0 %

1005 10 || – Żerriegħa: || ||

|| – – Ibridi: || ||

1005 10 15 || – – – Ibridi sempliċi || ||

1005 10 18 || – – – Oħrajn: || ||

ex 1005, 10 sa 18 || – – – – Żerriegħa tal-qamħirrum ibrida doppja u top cross || ||

1512 || Żejt taż-żerriegħa tal-ġirasol, tal-għosfor jew tal-qoton u frazzjonijiet tiegħu, sew jekk raffinat kif ukoll jekk le, iżda mhux kimikament modifikat: || 60 || 5 %

|| – Żejt taż-żerriegħa tal-ġirasol jew tal-għosfor u frazzjonijiet tiegħu: || ||

1512 19 || – – Oħrajn || ||

1512 19 90 || – – – Oħrajn || ||

1602 || Laħam, fdal tal-laħam jew demm oħrajn preparati jew ippreservati: || 150 || 0 %

1602 10 00 || – Preparazzjonijiet omoġenizzati || ||

|| – Tal-majjal: || ||

1602 41 || – – Prieżet u qatgħat minnhom || ||

1602 42 || – – Spallejn u qatgħat minnhom || ||

1602 49 || – – Oħrajn, inklużi taħlitiet || ||

1602 50 || – Ta' annimali tal-ifrat || ||

1701 || Zokkor tal-kannamieli jew tal-pitravi u sukrożju kimikalment pur, f'forma solida: || 70 || 20 %

|| – Zokkor mhux raffinat li ma fihx ħwawar jew materjal miżjud biex jagħti l-kulur: || ||

1701 12 || – – Zokkor tal-pitravi: || ||

1701 12 90 || – – – Oħrajn || ||

1701 14 || – – Zokkor tal-kannamieli ieħor: || ||

1701 14 90 || – – – Oħrajn || ||

|| – Oħrajn: || ||

1701 91 00 || – – Li fih ħwawar jew materjal miżjud biex jagħti l-kulur || ||

1701 99 || – – Oħrajn || ||

1701 99 10 || – – – Zokkor abjad || ||

1701 99 90 || – – – Oħrajn || ||

2009 || Meraq tal-frott (inkluż most tal-għeneb) u meraq tal-veġetali, mhux fermentati u mingħajr spirtu miżjud, kemm jekk fihom zokkor miżjud jew xi materjal ieħor biex jagħmel ħelu: || 20 || 0 %

|| – Meraq ta’ kull frotta jew veġetali oħra singola || ||

2009 89 || – – Oħrajn || ||

|| – – – B'valur Brix li mhuwiex aktar minn 67: || ||

|| – – – – Oħrajn: || ||

|| – – – – – Oħrajn: || ||

|| – – – – – – Li ma jkunx fihom zokkor miżjud: || ||

2009 89 96 || – – – – – – – Meraq taċ-ċirasa || ||

2401 || Tabakk mhux manifatturat; skart tat-tabakk: || 75 || 0 %

2401 10 || – Tabakk, biz-zokk mhux maqtugħ/imqaxxar: || ||

2401 10 35 || – – Tabakk ċar imqadded bl-arja || ||

2401 10 60 || – – Tabakk ta’ tip orjentali mqadded fix-xemx || ||

2401 10 85 || – – Tabakk imqadded bi sħana artifiċjali (flue-cured) || ||

2401 20 || – Tabakk, biz-zokk maqtugħ kompletament jew parzjalment || ||

2401 20 35 || – – Tabakk ċar imqadded bl-arja || ||

2401 20 60 || – – Tabakk ta’ tip orjentali mqadded fix-xemx || ||

2401 20 85 || – – Tabakk imqadded bi sħana artifiċjali (flue-cured) || ||

2401 20 95 || – – Oħrajn || ||

2401 30 00 || – Skart tat-tabakk || ||

ANNESS II

(Prodotti msemmija fl-Artikolu 25 tal-FSA)

"Anness IIa tal-Protokoll 1

Kwoti tariffarji applikabbli għal oġġetti li joriġinaw mill-Unjoni Ewropea importati fis-Serbja

|| || ||

Kodiċi NM 2013 || Deskrizzjoni || Kwantità annwali (f'tunnellati) || Rata ta’ dazju ġewwa l-kwota

0403 || Xorrox tal-butir, baqta u krema, jogurt, kefir u ħalib u krema oħrajn iffermentati jew li saru aċidużi, kemm jekk konċentrati kif le jew biz-zokkor miżjud jew materjal ieħor li jagħmel ħelu jew imħawrin jew miżjudin bil-frott, bil-ġewż jew bil-kawkaw: || 190 || 0 %

0403 10 || – Jogurt:

|| – – Mhux imħawwar u lanqas miżjud bil-frott, bil-ġewż jew bil-kawkaw:

|| – – – Mingħajr żieda ta’ zokkor jew materjal ieħor li jagħmel ħelu, b’kontenut ta’ xaħam, bil-piż

0403 10 11 || – – – – Mhux aktar minn 3 %

0403 10 13 || – – – – Li jkun aktar minn 3 % iżda mhux aktar minn 6 %:

0403 90 || – Oħrajn:

|| – – Imħawwar jew miżjud bil-frott, bil-ġewż jew bil-kawkaw

|| – – – Oħrajn, b’kontenut ta’ xaħam, bil-piż:

0403 90 91 || – – – – Mhux aktar minn 3 %

0403 90 93 || – – – – Li jkun aktar minn 3 % iżda mhux aktar minn 6 %:

2207 || Alkoħol etiliku mhux denaturat ta' saħħa alkoħolika skont il-volum ta' 80 % jew ogħla; alkoħol etiliku u spirti oħra, li nbidlet in-natura tagħhom, ta’ kwalunkwe qawwa: || 1180 || 0 %

2207 10 00 || – Alkoħol etiliku mhux denaturat ta' saħħa alkoħolika skont il-volum ta' 80 % jew ogħla;

2402 || Sigarri, sigarri ħoxnin miftuħin miż-żewġt itruf, sigarri żgħar u sigaretti, tat-tabakk jew tas-sostituti tat-tabakk: || 25 1 600 || 10 % 15 %

2402 20 || – Sigaretti li fihom it-tabakk:

2402 20 90 || – – Oħrajn

ANNESS III

1. L-importazzjonijiet fl-Unjoni Ewropea tal-inbejjed li ġejjin li huma msemmija fl-Artikolu 2 ta' dan il-Protokoll għandhom ikunu suġġetti għall-konċessjonijiet stabbiliti hawn taħt:

Kodiċi NM || Deskrizzjoni (skont l-Artikolu 2(1)(b) tal-Protokoll 2) || Dazju applikabbli || Kwantità annwali (hl) || Dispożizzjonijiet speċjali

ex 2204 10 ex 2204 21 || Inbid spumanti ta’ kwalità Inbid minn għeneb frisk || eżenzjoni || 55 000 || (1)

ex 2204 29 || Inbid minn għeneb frisk || eżenzjoni || 12,300 || (1)

(1) Jistgħu jsiru konsultazzjonijiet fuq it-talba ta’ waħda mill-Partijiet Kontraenti sabiex jiġu adattati l-kwoti billi jiġu trasferiti kwantitajiet mill-kwota li tapplika għall-pożizzjoni ex 2204 29 għall-kwota li tapplika għall-pożizzjonijiet ex 2204 10 u ex 2204 21.

ANNESS IV

Anness IV

TEST TAD-DIKJARAZZJONI TAL-FATTURA

Id-dikjarazzjoni tal-fattura, li t-test tagħha huwa mogħti hawn taħt, trid issir skont in-noti ta' qiegħ il-paġna. Madankollu, in-noti ta’ qiegħ il-paġna ma għandhomx għalfejn ikunu riprodotti.

Verżjoni bil-Bulgaru

Износителят на продуктите, обхванати от този документ (митническо разрешение № … (1[1])) декларира, че освен където ясно е отбелязано друго, тези продукти са с ….  преференциален произход (2).

Verżjoni bl-Ispanjol

El exportador de los productos incluidos en el presente documento (autorización aduanera n° … (1)) declara que, salvo indicación en sentido contrario, estos productos gozan de un origen preferencial … (2).

Verżjoni biċ-Ċek

Vývozce výrobků uvedených v tomto dokumentu (číslo povolení … (1)) prohlašuje, že kromě zřetelně označených mají tyto výrobky preferenční původ v … (2).

Verżjoni bid-Daniż

Eksportøren af varer, der er omfattet af nærværende dokument, (toldmyndighedernes tilladelse nr. … (1)), erklærer, at varerne, medmindre andet tydeligt er angivet, har præferenceoprindelse i … (2).

Verżjoni bil-Ġermaniż

Der Ausführer (Ermächtigter Ausführer; Bewilligungs-Nr. … (1)) der Waren, auf die sich dieses Handelspapier bezieht, erklärt, dass diese Waren, soweit nicht anderes angegeben, präferenzbegünstigte … (2) Ursprungswaren sind.

Verżjoni bl-Estonjan

Käesoleva dokumendiga hõlmatud toodete eksportija (tolli kinnitus nr. … (1)) deklareerib, et need tooted on … (2) sooduspäritoluga, välja arvatud juhul, kui on selgelt näidetud teisiti.

Verżjoni bil-Grieg

Ο εξαγωγέας των προϊόντων που καλύπτονται από το παρόν έγγραφο (άδεια τελωνείου υπ’αριθ. … (1)) δηλώνει ότι, εκτός εάν δηλώνεται σαφώς άλλως, τα προϊόντα αυτά είναι προτιμησιακής καταγωγής … (2).

Verżjoni bl-Ingliż

The exporter of the products covered by this document (customs authorization No … (1)) declares that, except where otherwise clearly indicated, these products are of … (2) preferential origin.

Verżjoni bil-Franċiż

L’exportateur des produits couverts par le présent document (autorisation douanière n° … (1)) déclare que, sauf indication claire du contraire, ces produits ont l’origine préférentielle … (2).

Verżjoni bil-Kroat

Izvoznik proizvoda obuhvaćenih ovom ispravom (carinsko ovlaštenje br. ... (1)) izjavljuje da su, osim ako je drukčije izričito navedeno, ovi proizvodi ... (2) preferencijalnog podrijetla.

Verżjoni bit-Taljan

L’esportatore delle merci contemplate nel presente documento (autorizzazione doganale n. … (1)) dichiara che, salvo indicazione contraria, le merci sono di origine preferenziale … (2).

Verżjoni bil-Latvjan

To produktu eksportētājs, kuri ietverti šajā dokumentā (muitas atļauja Nr. … (1)), deklarē, ka, izņemot tur, kur ir citādi skaidri noteikts, šiem produktiem ir preferenciāla izcelsme … (2).

Verżjoni bil-Litwan

Šiame dokumente išvardytų prekių eksportuotojas (muitinės liudijimo Nr. … (1)) deklaruoja, kad, jeigu kitaip nenurodyta, tai yra … (2) preferencinės kilmės prekės.

Verżjoni bl-Ungeriż

A jelen okmányban szereplő áruk exportőre (vámfelhatalmazási szám: … (1)) kijelentem, hogy eltérő egyértelmű jelzés hiányában az áruk preferenciális … (2) származásúak.

Verżjoni bil-Malti

L-esportatur tal-prodotti koperti b’dan id-dokument (awtorizzazzjoni tad-dwana nru. … (1)) jiddikjara li, ħlief fejn indikat b’mod ċar li mhux hekk, dawn il-prodotti huma ta’ oriġini preferenzjali … (2).

Verżjoni bl-Olandiż

De exporteur van de goederen waarop dit document van toepassing is (douanevergunning nr. … (1)), verklaart dat, behoudens uitdrukkelijke andersluidende vermelding, deze goederen van preferentiële … oorsprong zijn (2).

Verżjoni bil-Pollakk

Eksporter produktów objętych tym dokumentem (upoważnienie władz celnych nr … (1)) deklaruje, że z wyjątkiem gdzie jest to wyraźnie określone, produkty te mają … (2) preferencyjne pochodzenie.

Verżjoni bil-Portugiż

O abaixo-assinado, exportador dos produtos abrangidos pelo presente documento (autorização aduaneira no. … (1)), declara que, salvo indicação expressa em contrário, estes produtos são de origem preferencial … (2).

Verżjoni bir-Rumen

Exportatorul produselor ce fac obiectul acestui document (autorizaţia vamală nr. … (1)) declară că, exceptând cazul în care în mod expres este indicat altfel, aceste produse sunt de origine preferenţială … (2).

Verżjoni bis-Slovakk

Vývozca výrobkov uvedených v tomto dokumente (číslo povolenia … (1)) vyhlasuje, že okrem zreteľne označených, majú tieto výrobky preferenčný pôvod v … (2).

Verżjoni bis-Sloven

Izvoznik blaga, zajetega s tem dokumentom (pooblastilo carinskih organov štr. … (1)) izjavlja, da, razen če ni drugače jasno navedeno, ima to blago preferencialno … (2) poreklo.

Verżjoni bil-Finlandiż

Tässä asiakirjassa mainittujen tuotteiden viejä (tullin lupa n:o … (1)) ilmoittaa, että nämä tuotteet ovat, ellei toisin ole selvästi merkitty, etuuskohteluun oikeutettuja … alkuperätuotteita (2).

Verżjoni bl-Isvediż

Exportören av de varor som omfattas av detta dokument (tullmyndighetens tillstånd nr. … (1)) försäkrar att dessa varor, om inte annat tydligt markerats, har förmånsberättigande … ursprung (2).

Verzjonijiet bis-Serb

Извозник производа обухваћених овом исправом (царинско овлашћење бр...........(1) ) изјављује да су, осим ако је то другачије изричито наведено, ови производи .............(2) преференцијалног порекла.

Izvoznik proizvoda obuhvaćenih ovom ispravom (carinsko ovlašćenje br...........(1)) izjavljuje da su, osim ako je drugačije izričito navedeno, ovi proizvodi .............(2) preferencijalnog porekla.

............................................................................................................................................. (3)

(Post u data)

............................................................................................................................................. (4)

(Firma tal-esportatur. Barra minn dan, l-isem tal-persuna li tiffirma d-dikjarazzjoni jrid ikun indikat b'kitba ċara.)

[1]              

(1) Meta d-dikjarazzjoni tal-fattura ssir minn esportatur approvat, in-numru ta' awtorizzazzjoni tal-esportatur approvat għandu jitniżżel f'dan l-ispazju. Meta d-dikjarazzjoni tal-fattura ma ssirx minn esportatur approvat, il-kliem fil-parenteżi jitħalla barra jew l-ispazju jitħalla vojt.

(2) L-oriġini tal-prodotti għandha tkun indikata. Meta d-dikjarazzjoni tal-fattura titratta, parti minnha jew kollha, dwar prodotti li joriġinaw f'Ceuta u Melilla, l-esportatur għandu jindikahom fid-dokument li fih tinsab id-dikjarazzjoni permezz tas-simbolu "CM".

(3) Dawn l-indikazzjonijiet jistgħu jitħallew barra jekk l-informazzjoni tinsab fid-dokument innifsu.

(4) F’każijiet fejn l-esportatur ma għandux għalfejn jiffirma, l-eżenzjoni mill-firma timplika wkoll eżenzjoni mill-isem tal-firmatarju.."