MEMORANDUM TA’ SPJEGAZZJONI

(1) Ir-Regolament tal-Kunsill (KE) Nru 1210/2003 jimponi ċerti miżuri restrittivi fir-rigward tal-Iraq, skont il-Pożizzjoni Komuni 2003/495/PESK u r-Riżoluzzjoni tal-Kunsill tas-Sigurtà tan-NU 1483 (2003). L-Artikolu 4(4) ta' dak ir-Regolament jistipula li ma jitqiegħdu l-ebda riżorsi ekonomiċi għad-dispożizzjoni, kemm direttament kif ukoll indirettament, jew għall-vantaġġ ta', persuna fiżika jew ġuridika, organu jew entità elenkata fl-Anness IV b' tali mod li dik il-persuna, korp jew entità tkun tista' takkwista fondi, oġġetti jew servizzi. 

(2) Fil-X ta’ Lulju 2014, il-Kunsill adotta d-Deċiżjoni 2014/…/PESK dwar miżuri restrittivi kontra l-Iraq sabiex jipprovdu li l-ebda fondi jew riżorsi ekonomiċi ma jsiru disponibbli, direttament jew indirettament, għall-benefiċċju ta’ persuni u entitajiet imsemmija fl-Artikolu 2(b), suġġett għal eżenzjonijiet speċifiċi, jiġifieri, fejn il-fondi u r-riżorsi ekonomiċi jistgħu jkunu meħtieġa sabiex jiġu ssodisfati ħtiġijiet bażiċi, fejn maħsuba esklużivament għall-ħlas ta’ tariffi professjonali u spejjeż għal servizzi legali, maħsuba għall-ħlas ta’ miżati għal servizzi għaż-żamma jew il-manutenzjoni ta’ fondi jew riżorsi ekonomiċi ffriżati jew meħtieġa għall-ħlas ta' spejjeż straordinarji. Skont id-Deċiżjoni tal-Kunsill 2014/…/PESK, ir-Regolament (KE) Nru 1210/2003 għandu b’hekk jiġi emendat f'dan is-sens.

2014/0210 (NLE)

Proposta Konġunta għal

REGOLAMENT TAL-KUNSILL

li jemenda r-Regolament (KE) Nru 1210/2003 dwar ċerti ristrizzjonijiet speċifiċi fuq relazzjonijiet ekonomiċi u finanzjarji mal-Iraq

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2014/…/PESK li temenda l-Pożizzjoni Komuni 2003/495/PESK dwar l-Iraq[1],

Wara li kkunsidra l-proposta konġunta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u tal-Kummissjoni Ewropea,

Billi:

(1)       Ir-Regolament tal-Kunsill (KE) Nru 1210/2003[2] jimponi miżuri restrittivi fir-rigward tal-Iraq, skont il-Pożizzjoni Komuni 2003/495/PESK u r-Riżoluzzjoni tal-Kunsill tas-Sigurtà tan-NU 1483 (2003).

(2)       L-Artikolu 4(4) tar-Regolament (KE) Nru 1210/2003 jistipula li ma għandhom jitqiegħdu l-ebda riżorsi ekonomiċi għad-dispożizzjoni, kemm direttament kif ukoll indirettament, jew għall-vantaġġ ta', persuna fiżika jew ġuridika, korp jew entità elenkata fl-Anness IV ta' dak ir-Regolament b'tali mod li dik il-persuna, korp jew entità tkun tista' takkwista fondi, oġġetti jew servizzi.

(3)       Fi … ta’ Lulju 2014, il-Kunsill adotta d-Deċiżjoni 2014/…/PESK li tipprojbixxi fondi jew riżorsi ekonomiċi milli jsiru disponibbli, direttament jew indirettament, għall-benefiċċju tal-persuni u l-entitajiet elenkati. Huma stipulati eżenzjonijiet speċifiċi, jiġifieri fondi u riżorsi ekonomiċi li huma: (a) meħtieġa biex jissodisfaw ħtiġijiet bażiċi (b) maħsuba esklussivament għall-ħlas ta' tariffi professjonali raġonevoli u rimborż ta' spejjeż assoċjati mall-forniment ta' servizzi ġuridiċi u (c) maħsuba esklussivament għall-ħlas ta' tariffi jew miżati tas-servizzi għaż-żamma jew il-manutenzjoni tal-fondi u r-riżorsi ekonomiċi ffriżati jew (d) meħtieġa għall-ħlas ta' spejjeż straordinarji.

(4)       Huwa wkoll xieraq li r-Regolament (KE) Nru 1210/2003 jiġi aġġornat b’tagħrif riċenti pprovdut mill-Istati Membri fir-rigward tal-identifikazzjoni tal-awtoritajiet kompetenti.

(5)       Għalhekk, ir-Regolament (KE) Nru 1210/2003 għandu jiġi emendat skont dan,

ADOTTA DAN IR-REGOLAMENT:

Artikolu 1

Ir-Regolament (KE) Nru 1210/2003 huwa emendat kif ġej:

(1)        L-Artikolu 4 huwa emendat kif ġej:

(a)      Il-Paragrafu 3 huwa sostitwit b’dan li ġej:

‘(3)    L-ebda fond jew riżorsa ekonomika ma jitqiegħdu għad-disposizzjoni, direttament jew indirettament, jew għall-beneficċju ta’ xi persuna fiżika jew ġuridika, entità jew korp elenkati fl-Anness IV."

(b)     Il-paragrafu 4 jitħassar.

(2)        L-Artikolu 5 huwa sostitwit b’dan li ġej:

Artikolu 5

1. L-Artikolu 4 ma jimpedixxix l-akkreditar tal-kontijiet iffriżati minn istituzzjonijiet finanzjarji jew ta’ kreditu li jirċievu fondi ttrasferiti minn partijiet terzi fil-kont tal-persuna, entità jew korp elenkati, dejjem jekk kull żieda f’dawn il-kontijiet tiġi ffriżata wkoll.  L-istituzzjoni finanzjarja jew ta' kreditu tgħarraf bla dewmien lill-awtoritajiet kompetenti b'tali tranżazzjonijiet.

2. B'deroga mill-Artikolu 4(3), l-awtoritajiet kompetenti, kif indikat fis-siti web elenkati fl-Anness V, jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati jew jagħmlu disponibbli ċerti fondi jew riżorsi ekonomiċi, taħt dawk il-kundizzjonijiet li jidhrilhom xierqa, wara li jkunu ddeterminaw li l-fondi jew riżorsi ekonomiċi kkonċernati huma: 

(a)      meħtieġa biex jissodisfaw il-ħtiġijiet bażiċi ta’ persuni fiżiċi jew ġuridiċi, entitajiet jew korpi elenkati fl-Anness V, u tal-membri dipendenti tal-familji ta’ dawn il-persuni fiżiċi, inklużi ħlasijiet għal oġġetti tal-ikel, għall-kera jew fuq ipoteki, għall-mediċini u għat-trattament mediku, għat-taxxi, għall-primjums tal-assigurazzjoni, u għall-ispejjeż tas-servizzi pubbliċi;

(b)     maħsuba esklussivament għall-ħlas ta’ onorarji professjonali raġonevoli u għar-rimborż ta’ spejjeż imġarrba assoċjati mal-forniment ta’ servizzi legali,

(c)      maħsuba esklussivament għall-ħlas ta’ onorarji jew kosti ta’ servizzi għall-kustodja jew manutenzjoni konswetudinarji ta’ fondi jew riżorsi ekonomiċi ffriżati,

jew

(d)     meħtieġa għal spejjeż straordinarji, bil-kundizzjoni li l-awtorità kompetenti relevanti tkun innotifikat ir-raġunijiet li għalihom hi kkunsidrat li għandha tingħata awtorizzazzjoni speċifika lill-awtoritajiet kompetenti tal-Istati Membri l-oħra u lill-Kummissjoni mill-anqas ġimagħtejn qabel l-awtorizzazzjoni.

3. L-Istati Membri kkonċernati jinformaw lill-Istati Membri l-oħrajn u lill-Kummissjoni b'kull awtorizzazzjoni mogħtija skont dan l-Artikolu.” 

(3)        L-Anness V huwa sostitwit bit-test stabbilit fl-Anness ta' dan ir-Regolament."

Artikolu 2

Dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell,

                                                                       Għall-Kunsill

                                                                       Il-President

[1]               ĠU L … , … 2014, p. .. .

[2]               Ir-Regolament tal-Kunsill (KE) Nru 1210/2003 tas-7 ta’ Lulju 2003 dwar ċerti restrizzjonijiet speċifiċi fuq ir-relazzjonijiet ekonomiċi u finanzjarji mal-Iraq u li jħassar ir-Regolament (KE) Nru 2465/96 (ĠU L 169, 8.7.2003, p. 6).

ANNESSI

għall-

Proposta konġunta għal REGOLAMENT TAL-KUNSILL

li jemenda r-Regolament (KE) Nru 1210/2003 dwar ċerti restrizzjonijiet speċifiċi fuq relazzjonijiet ekonomiċi u finanzjarji mal-Iraq

ANNESS

"ANNESS V

Siti elettroniċi li jipprovdu informazzjoni dwar l-awtoritajiet kompetenti msemmija fl-Artikoli 5, 6, 7 u 8, u l-indirizz għan-notifiki lill-Kummissjoni Ewropea

A. Awtoritajiet kompetenti f'kull Stat Membru:

IL-BELĠJU

http://www.diplomatie.be/eusanctions

IL-BULGARIJA

http://www.mfa.bg/en/pages/135/index.html

IR-REPUBBLIKA ĊEKA

http://www.mfcr.cz/mezinarodnisankce

ID-DANIMARKA

http://um.dk/da/politik-og-diplomati/retsorden/sanktioner/

IL-ĠERMANJA

http://www.bmwi.de/DE/Themen/Aussenwirtschaft/aussenwirtschaftsrecht,did=404888.html

L-ESTONJA

http://www.vm.ee/est/kat_622/

L-IRLANDA

http://www.dfa.ie/home/index.aspx?id=28519

IL-GREĊJA

http://www.mfa.gr/en/foreign-policy/global-issues/international-sanctions.html

SPANJA

http://www.exteriores.gob.es/Portal/es/PoliticaExteriorCooperacion/GlobalizacionOportunidadesRiesgos/Documents/ORGANISMOS%20COMPETENTES%20SANCIONES%20INTERNACIONALES.pdf

FRANZA

http://www.diplomatie.gouv.fr/autorites-sanctions/

IL-KROAZJA

http://www.mvep.hr/sankcije

L-ITALJA

http://www.esteri.it/MAE/IT/Politica_Europea/Misure_Deroghe/

ĊIPRU

http://www.mfa.gov.cy/sanctions

IL-LATVJA

http://www.mfa.gov.lv/en/security/4539

IL-LITWANJA

http://www.urm.lt/sanctions

IL-LUSSEMBURGU

http://www.mae.lu/sanctions

L-UNGERIJA

http://en.nav.gov.hu/criminal_branch_of_NTCA/restrictive_measures/European_Unions_consolidated_sanctions_list

MALTA

https://www.gov.mt/en/Government/Government%20of%20Malta/Ministries%20and%20Entities/Officially%20Appointed%20Bodies/Pages/Boards/Sanctions-Monitoring-Board-.aspx

IL-PAJJIŻI L-BAXXI

www.rijksoverheid.nl/onderwerpen/internationale-vrede-en-veiligheid/sancties

L-AWSTRIJA

http://www.bmeia.gv.at/view.php3?f_id=12750&LNG=en&version=

IL-POLONJA

http://www.msz.gov.pl

IL-PORTUGALL

http://www.portugal.gov.pt/pt/os-ministerios/ministerio-dos-negocios-estrangeiros/quero-saber-mais/sobre-o-ministerio/medidas-restritivas/medidas-restritivas.aspx

IR-RUMANIJA

http://www.mae.ro/node/1548

IS-SLOVENJA

http://www.mzz.gov.si/si/zunanja_politika_in_mednarodno_pravo/zunanja_politika/mednarodna_varnost/omejevalni_ukrepi/

IS-SLOVAKKJA

http://www.mzv.sk/sk/europske_zalezitosti/europske_politiky-sankcie_eu

IL-FINLANDJA

http://formin.finland.fi/kvyhteistyo/pakotteet

L-ISVEZJA

http://www.ud.se/sanktioner

IR-RENJU UNIT

https://www.gov.uk/sanctions-embargoes-and-restrictions

Indirizz għan-notifiki lill-Kummissjoni Ewropea:

European Commission

Service for Foreign Policy Instruments (FPI)

EEAS 02/309

B-1049 Brussels

Belgium

Posta elettronika: relex-sanctions@ec.europa.eu"