RAPPORT MILL-KUMMISSJONI RAPPORT ANNWALI 2013 DWAR IS-SUSSIDJARJETÀ U L-PROPORZJONALITÀ /* COM/2014/0506 final */
1. Introduzzjoni Dan huwa l-21 rapport annwali dwar
l-applikazzjoni tal-prinċipji tas-sussidjarjetà u tal-proporzjonalità
fit-tfassil tal-liġijiet tal-UE, ippreżentat skont l-Artikolu 9
tal-Protokoll Nru 2 dwar l-applikazzjoni ta’ dawn il-prinċipji (minn
issa’ l quddiem “il-Protokoll”) mehmuża mat-Trattat dwar il-Funzjonament
tal-Unjoni Ewropea (TFUE). Ir-rapport iħares lejn kif
l-istituzzjonijiet u l-korpi tal-UE implimentaw dawn iż-żewġ
prinċipji u kif evolviet il-prassi meta mqabbel ma’ snin preċedenti.
Huwa jipprovdi wkoll analiżi aktar dettaljata ta’ numru ta’ proposti
tal-Kummissjoni li kienu s-suġġett ta’ opinjonijiet motivati mressqa
mill-Parlamenti nazzjonali fl-2013. Minħabba r-rabtiet mill-qrib bejn
il-mekkaniżmi ta' kontroll tas-sussidjarjetà u d-djalogu politiku bejn
il-Parlamenti nazzjonali u l-Kummissjoni, dan ir-rapport għandu jitqies
bħala kumplimentari għar-rapport annwali tal-Kummissjoni
għas-sena 2013 dwar ir-relazzjonijiet mal-Parlamenti nazzjonali.[1] 2. L-applikazzjoni
tal-prinċipji mill-istituzzjonijiet 2.1. Il-Kummissjoni Għal meta tkun qed tiżviluppa
l-politiki, il-Kummissjoni introduċiet proċeduri sabiex tivvaluta
l-konformità mal-prinċipji tas-sussidjarjetà u l-proporzjonalità fi stadji
differenti fiċ-ċiklu ta’ teħid ta’ deċiżjoni skont
il-prinċipji tar-regolamentazzjoni intelliġenti. Qabel ma tipproponi
inizjattivi ġodda, hija tikkontrolla li l-azzjoni fil-livell tal-UE tkun
leġittima u neċessarja. Jiġu ppubblikati pjani direzzjonali
għall-inizjattivi ġodda ewlenin kollha.[2]
Il-pjani direzzjonali jipprovdu deskrizzjoni preliminari ta’ dawn l-inizjattivi
potenzjali u jiddeskrivu l-pjani tal-Kummissjoni għall-politika u
x-xogħol ta’ konsultazzjoni. Dawn jinkludu wkoll ġustifikazzjoni
inizjali għall-azzjoni fir-rigward tas-sussidjarjetà u l-proporzjonalità. Meta jkun hemm bżonn li ssir valutazzjoni
tal-impatt, il-partijiet ikkonċernati jiġu mistiedna, permezz ta’
eżerċizzju ta’ konsultazzjoni pubblika, li jikkummentaw dwar
il-ħtieġa ta’ azzjoni u dwar soluzzjonijiet possibbli għall-problemi
identifikati. Abbażi tat-tweġibiet għal din il-konsultazzjoni u
ta' kontributi rilevanti oħra, il-valutazzjonijiet tal-impatt janalizzaw
is-sussidjarjetà u jevalwaw il-proporzjonalità tal-opzjonijiet eżaminati.
Il-Linji Gwida għall-valutazzjoni ta’ impatt jipprovdu gwida dwar
il-valutazzjoni tal-ħtieġa għal azzjoni tal-UE u l-valur li din
iżżid[3]. Aktar tard fil-proċess tal-iżvilupp
tal-politika, il-valutazzjonijiet tal-impatt jinflew bir-reqqa mill-Bord
tal-Valutazzjoni tal-Impatt.[4] Fl-2013, il-Bord eżamina 97 valutazzjoni tal-impatt u
ħareġ 142 opinjoni. Huwa kkumenta fuq kwistjonijiet ta' sussidjarjetà
u proporzjonalità f’aktar minn terz (34 %) tal-każijiet li
eżamina. Dan juri x'importanza tagħti l-Kummissjoni għall-eżami
tas-sussidjarjetà u tal-proporzjonalità meta tkun qed tħejji proposti
leġiżlattivi. Il-memorandum ta’ spjegazzjoni li jakkumpanja
l-proposta leġiżlattiva jistabbilixxi wkoll kif il-proposta
tikkonforma mal-prinċipju tas-sussidjarjetà. Il-proposta għal Direttiva dwar
għajnuna legali provviżorja għal persuni ssuspettati jew
mixlija, li huma mċaħħda mil-libertà kif ukoll għajnuna
legali fi proċedimenti ta’ mandat ta’ arrest Ewropew[5]
hija eżempju ta’ każ fejn l-aspetti tas-sussidjarjetà kienu diskussi
b'mod qawwi. Il-Bord għall-Valutazzjoni tal-Impatt ta opinjoni
pożittiva iżda kompla jikkunsudra li "r-rapport għandu
jiddeskrivi b’mod aktar ċar liema huma l-problemi ta' drittijiet
fundamentali li mhux qed jiġu indirizzati biżżejjed fil-livell
tal-Istati Membri jew fil-livell ta' QEDB li jeħtieġu azzjoni tal-UE.
Huwa għandu jidentifika liema Stati Membri m'għandhomx oqfsa ta'
għajnuna legali fis-seħħ biex jiżguraw l-implimentazzjoni
korretta tad-Direttiva dwar l-aċċess għal avukat, b’tali mod li
jkun ċar fejn Stati Membri jkunu jaqgħu taħt ir-rekwiżiti
meħtieġa u fejn l-azzjoni tal-UE tkun meħtieġa biex
jiġu żgurati standards minimi ta' drittijiet".
B'riżultat ta' dan, it-taqsimiet rilevanti tal-valutazzjoni tal-impatt
ġew imsaħħa u l-insuffiċjenza tas-soluzzjonijiet
eżistenti ġiet spjegata b’mod aktar ċar. Eżempju ieħor hija l-proposta
għal Direttiva li temenda d-Direttiva 2006/112/KE dwar is-sistema
komuni ta’ taxxa fuq il-valur miżjud fir-rigward ta’ denunzja standard
tal-VAT.[6] Il-Bord ikkunsidra li "r-rapport għandu jiżviluppa
ulterjorment l-analiżi tas-sussidjarjetà". B'mod aktar
speċifiku, huwa talab għal aktar dettalji li juru li d-denunzji
tal-VAT bħalissa ma jaħdmux b’mod effiċjenti u joħolqu
piżijiet żejda għan-negozji, u juri li l-opzjoni ppreferuta mhux
se twassal għal piżijiet addizzjonali għall-Istati Membri
b’sistemi tal-VAT inqas kumplessi. It-taqsimiet rilevanti tal-valutazzjoni
tal-impatt ġew emendati f’konformità ma’ dawn ir-rakkomandazzjonijiet, u
b'hekk jipprovdu spjegazzjoni aħjar dwar ir-raġunijiet li ċerti
standards minimi huma meħtieġa biex jitnaqqsu l-ostakli
għall-kummerċ transfruntier u biex jitnaqqsu l-piżijiet
amministrattivi fuq in-negozju. Ġew diskussi aspetti ta’ proporzjonalità,
pereżempju, fil-valutazzjoni tal-impatt li takkumpanja l-proposta
għal Regolament dwar l-indiċi użati bħala parametri
referenzjarji fi strumenti finanzjarji u kuntratti finanzjarji.[7] Il-Bord irrakomanda li l-valutazzjoni tal-impatt "tispjega
aħjar kif se tiġi żgurata l-proporzjonalità, b'mod partikolari
għal kontribwenti/produtturi ta' parametri referenzjarji iżgħar
jew inqas riskjużi". B'riżultat ta' dan, il-valutazzjoni
tal-impatt riveduta kienet tinkludi spjegazzjoni aktar dettaljata, li tfisser
b’mod partikolari kif ir-rekwiżiti jiġu adattati b’tali mod li
l-miżuri ppjanati jkunu inqas onerużi għal produtturi
iżgħar. Permezz tar-rakkomandazzjonijiet tiegħu,
il-Bord jgħin biex tittejjeb l-analiżi tal-konformità
mal-prinċipji tas-sussidjarjetà u l-proporzjonalità. L-opinjonijiet
tiegħu jipprovdu appoġġ kruċjali għal proċess
tat-teħid tad-deċiżjonijiet politiċi tal-Kummissjoni. Is-sussidjarjetà u l-proporzjonalità huma
wkoll kruċjali fil-kuntest ta’ evalwazzjoni retrospettiva li tevalwa kemm
l-azzjonijiet tal-UE jibqgħu meħtieġa u jekk humiex qed iwasslu
fil-fatt għar-riżultati mistennija u jekk fl-aħħar
mill-aħħar humiex qed itejbu l-kundizzjonijiet
għaċ-ċittadini u n-negozji Ewropej u jekk humiex qed
jikkontribwixxu għar-rwol globali tal-UE f'livell li ma jkunx jista'
jintlaħaq mill-Istati Membri waħedhom. Il-Kummissjoni hija impenjata
biex "l-ewwel tevalwa", u biex tanalizza l-prestazzjoni passata qabel
tikkunsidra bidliet potenzjali. Bil-ġbir tal-evidenza u
bl-identifikati ta' lezzjonijiet li jistgħu jkunu ta' kontribut
fit-teħid tad-deċiżjonijiet, l-UE qed tagħmel
l-evalwazzjoni tal-politika tal-UE parti integrali u permanenti fit-tfassil
tal-politika tagħha. Tabilħaqq, il-valur miżjud tal-UE, jew
l-evalwazzjoni tar-rwol li għandu l-intervent fil-livell tal-UE u li
tiġi ffurmata opinjoni dwar jekk l-azzjoni kontinwa għadhiex
meħtieġa f’dak il-livell, huwa waħda mill-ħames
kwistjonijiet kruċjali ta’ valutazzjoni (l-effikaċja,
l-effiċjenza, ir-rilevanza, il-koerenza, il-valur miżjud tal-UE) li
l-leġiżlazzjoni u l-politiki tal-UE jiġu b'mod regolari evalwati
bihom.[8] 2.2. Il-Parlamenti nazzjonali Fl-2013, il-Kummissjoni rċeviet 88 opinjoni
motivata[9]
mill-Parlamenti nazzjonali rigward ir-rispett tal-prinċipju ta’
sussidjarjetà (ara l-anness), żieda ta’ 25 % fuq is-sena ta' qabel
(70 opinjoni motivata fl-2012). L-opinjonijiet motivati li daħlu fl-2013
kienu jammontaw ukoll għal proporzjon ogħla (14 %) tan-numru
globali ta’ opinjonijiet li l-Kummissjoni rċeviet fil-kuntest tad-djalogu
politiku usa’ ma’ Parlamenti nazzjonali (621). Fl-2012 u fl-2011, ftit aktar
minn 10 % tal-opinjonijiet kienu opinjonijiet motivati. Fl-2013, għat-tieni darba, skattat il-"karta
s-safra" mill-Parlamenti nazzjonali fil-kuntest tal-mekkaniżmu
ta’ kontroll tas-sussidjarjetà, jiġifieri dwar il-proposta tal-Kummissjoni
għal Regolament tal-Kunsill dwar l-istabbiliment tal-Uffiċċju
tal-Prosekutur Pubbliku Ewropew (European Public Prosecutor's Office - EPPO).[10] Dan il-proċess
huwa deskritt f’aktar dettall fil-Kapitolu 3. L-opinjonijiet motivati għadhom ivarjaw
bil-bosta fil-forma u fit-tip ta’ argumenti mressqa mill-Parlamenti nazzjonali
f'sostenn tal-konklużjoni tagħhom li l-prinċipju ta’
sussidjarjetà ikun inkiser. Bħal fl-2012, il-Parlamenti nazzjonali
ħarġu opinjonijiet motivati dwar diversi suġġetti fl-2013.
It-88 opinjoni motivata maħruġa kienu jkopru 36[11] proposta tal-Kummissjoni.
Il-proposta tal-EPPO ġġenerat 13-il opinjoni mmotivata; it-tieni
l-ogħla numru ta’ opinjonijiet motivati (disgħa) ġew
maħruġa b’rabta mal-proposta għal Direttiva li tistabbilixxi
qafas għall-ippjanar spazjali marittimu u għall-ġestjoni
integrata tal-kosta.[12]
Il-Parlamenti nazzjonali ħarġu seba’ opinjonijiet motivati dwar
il-proposta għal Direttiva dwar l-approssimazzjoni tal-liġijiet,
ir-regolamenti u d-dispożizzjonijiet amministrattivi tal-Istati Membri
rigward il-manifattura, il-preżentazzjoni u l-bejgħ tat-tabakk u
prodotti relatati[13]
kif ukoll dwar il-proposta għal Regolament li jistabbilixxi qafas fuq
l-aċċess għas-suq għas-servizzi portwarji u t-trasparenza
finanzjarja tal-portijiet.[14]
(Għal aktar dettalji, ara l-Anness ta' dan ir-rapport). Bħal fl-2012, ir-Riksdag
Svediż kien il-Parlament nazzjonali li ħareġ, bil-bosta,
l-ogħla numru ta’ opinjonijiet motivati (9), għalkemm dan kien
ħafna inqas minn kemm ħareġ fl-2012 (20). Il-Bundesrat Awstrijak
u s-Seimas Litwan ħarġu t-tieni l-ogħla numru ta' opinjonijiet
motivati (6 kull wieħed), u wara ġew iż-żewġ kmamar
Spanjoli (il-Congreso de los Disputados u s-Senado), il-Kamra
tad-Deputati ta' Malta, it-Tweede Kameer Olandiża u l-House of
Commons tar-Renju Unit (5 kull wieħed). 2.3. Il-Parlament Ewropew u
l-Kunsill a) Il-Parlament Ewropew Fir-rigward ta’
kwistjonijiet ta’ sussidjarjetà u proporzjonalità, il-Parlament Ewropew
ikkonsolida l-prassi tiegħu ta’ rapporti leġiżlattivi ta'
appoġġ fuq inizjattiva proprja abbażi tal-Artikolu 225 TFUE
b'analiżi bbażatat fuq evidenza tal-valur miżjud potenzjali
tal-UE. B'kollox, fl-2013 ġew finalizzati ħames valutazzjonijiet li
jakkumpanjaw rapporti leġiżlattivi fuq inizjattiva proprja
mill-Parlament Ewropew. Dawn kienu jkopru: ·
governanza aħjar tas-Suq Uniku; ·
il-ġlieda kontra l-vjolenza fuq in-nisa; ·
Direttiva dwar it-trasferiment transfruntier ta'
uffiċċju reġistrat ta’ kumpanija (l-14-il Direttiva tad-dritt
soċjetarju); ·
l-applikazzjoni tal-prinċipju ta’ paga ugwali
għall-ħaddiema rġiel u nisa għal xogħol ugwali ta’
valur ugwali; u ·
l-istatut għal impriżi mutwi Ewropej. Barra minn hekk, fl-2013
tlestew ħames rapporti dwar "il-prezz tan-non-Ewropa". Dawn
tfasslu biex jiġu studjati l-possibbiltajiet għal qligħ u/jew
għar-realizzazzjoni ta' "ġid pubbliku" permezz ta’ azzjoni
fil-livell tal-UE f’oqsma speċifiċi ta’ politika. Dawn kienu jkopru: ·
il-Politika ta' Sigurtà u ta' Difiża Komuni
tal-UE; ·
aktar koordinazzjoni bejn id-donaturi tal-UE; ·
il-kodiċi Ewropew dwar id-dritt
internazzjonali privat; ·
is-suq uniku għall-enerġija; u ·
il-promozzjoni tal-moviment liberu
taċ-ċittadini u n-negozji permezz tas-simplifikazzjoni
tal-aċċettazzjoni ta’ ċerti dokumenti pubbliċi fl-UE. Fl-2013, l-Unità
tal-Valutazzjoni tal-Impatt ex ante tal-Parlament Ewropew
ipproduċiet 50 valutazzjoni inizjali ta’ valutazzjonijiet tal-impatt
tal-Kummissjoni, żewġ evalwazzjonijiet dettaljalti
tal-valutazzjonijiet tal-impatt tal-Kummissjoni, tliet valutazzjonijiet
tal-impatt dwar l-emendi tal-Parlament (b’kollox, ġew evalwati 20 emenda) u
valutazzjoni tal-impatt waħda alternattiva (f’każ fejn il-Kummissjoni
ma kinitx ipproduċiet waħda). b) Il-Kunsill Skont it-tielet paragrafu
tal-Artikolu 4 tal-Protokoll Nru 2, il-Kunsill għadda
lill-parlamenti nazzjonali l-abbozzi tal-atti leġiżlattivi kollha u
l-abbozzi emendati li joriġinaw minn grupp ta’ Stati Membri, mill-Qorti
tal-Ġustizzja, mill-Bank Ċentrali Ewropew (BĊE) jew mill-Bank
Ewropew tal-Investiment (BEI). Bħala korollarju ta’ dan l-obbligu
(taħt it-tieni paragrafu tal-Artikolu 6 tal-Protokoll), il-President
tal-Kunsill jgħaddi kull opinjoni dwar abbozz ta’ att
leġiżlattiv li joriġina minn grupp ta’ Stati Membri
lill-gvernijiet ta’ dawk l-Istati Membri. Bl-istess mod, il-President
tal-Kunsill jgħaddi kull opinjoni dwar abbozz ta’ att
leġiżlattiv li joriġina mill-Qorti tal-Ġustizzja,
il-BĊE jew il-BEI lill-istituzzjoni jew il-korp ikkonċernat (skont
it-tielet paragrafu tal-Artikolu 6 tal-Protokoll). B'żieda ma' dawn
l-obbligi skont it-Trattat, is-Segretarjat Ġenerali tal-Kunsill iżomm
lill-membri tal-Kunsill informati bl-opinjonijiet tal-Istati Membri dwar
l-abbozzi ta' atti leġislattivi li joriġinaw minn istituzzjonijiet
oħra. Fl-2013, is-Segretarjat tal-Kunsill irċieva numru għoli
ta’ opinjonijiet u ta' opinjonijiet motivati mill-Parlamenti nazzjonali,
maħruġa skont il-Protokoll u fil-qafas tad-djalogu politiku bejn
il-Parlamenti nazzjonali u l-Kummissjoni. Dawn l-opinjonijiet tressqu
lill-membri tal-Kunsill għall-informazzjoni tagħhom. Barra minn hekk, fil-qafas
ta’ proċeduri leġiżlattivi, il-Kunsill jivverifika l-konformità
mal-prinċipji tas-sussidjarjetà u tal-proporzjonalità meta janalizza
l-valutazzjonijiet tal-impatt li jakkumpanjaw il-proposti tal-Kummissjoni. 2.4. Il-Kumitat tar-Reġjuni Fl-2013, il-Kumitat tar-Reġjuni
(KtR) adotta u implimenta l-ewwel Programm ta’ Ħidma dwar
is-Sussidjarjetà.[15]
Il-programm kien jinkludi ħames inizjattivi,[16] magħżula
mill-Programm ta' Ħidma tal-Kummissjoni abbażi ta' kriterji
miftiehma,[17]
sabiex jiġu mmonitorjati partikolarment mill-qrib fir-rigward
tas-sussidjarjetà. Billi huma l-awtoritajiet lokali u reġjonali li huma responsabbli,
fil-biċċa l-kbira tal-Istati Membri, għall-implimentazzjoni
tal-leġiżlazzjoni tal-UE dwar l-iskart, il-KtR issorvelja mill-qrib
ir-rieżami tal-politika u tal-leġiżlazzjoni tal-UE dwar
l-iskart, u kkonsulta l-grupp ta’ esperti tas-sussidjarjetà u n-netwerk ta’
monitoraġġ tas-sussidjarjetà. Għar-rigward tal-inizjattiva
tal-pakkett dwar il-portijiet, kien hemm tħassib li l-inizjattiva
tal-pakkett dwar il-portijiet tista’ ma tikkunsidrax biżżejjed il-partikolaritajiet
lokali u reġjonali fl-Ewropa, u l-gvernijiet u l-parlamenti reġjonali
għalhekk ġew ikkonsultati dwar kwistjonijiet ta' sussidjarjetà u
proporzjonalità b'mod parallel mal-mekkaniżmu ta’ twissija bikrija ta’ tmien
ġimgħat. Dawk li ġew ikkonsultati kollha kkonkludew li
l-inizjattiva kienet konformi mal-prinċipju ta’ sussidjarjetà,
għalkemm tqajmu xi kwistjonijiet ta' proporzjonalità. Fil-25 ta' Settembru 2013 sar workshop ta' valutazzjoni
bil-metodoloġija Quick Scan[18]
dwar l-impatt territorjali, li ta ħarsa lejn din l-inizjattiva. Dan
ġie organizzat flimkien mill-KtR u min-netwerk Ewropew ta’ osservazzjoni
għall-iżvilupp u l-koeżjoni territorjali (ESPON)
fil-25 ta’ Settembru 2013 b’rabta ma’ din l-inizjattiva. Din
kienet l-ewwel darba li l-KtR wettaq valutazzjoni tal-impatt territorjali
bl-użu tal-metodoloġija Quick Scan. Il-gvernijiet u l-parlamenti
reġjonali ġew ikkonsultati wkoll dwar is-sussidjarjetà u
l-proporzjonalità tal-proposta għal Direttiva dwar il-fatturar elettroniku
fl-akkwist pubbliku, minħabba l-impatt potenzjali ta’ din l-inizjattiva
fuq il-kosti u l-piż amministrattiv fil-livell lokali u reġjonali.
Dawk li wieġbu, fil-biċċa l-kbira, qablu li l-inizjattiva kienet
konformi mal-prinċipju tas-sussidjarjetà, iżda qajmu xi mistoqsijiet
fir-rigward tal-prinċipju ta’ proporzjonalità. B’mod partikolari,
it-tweġibiet enfasizzaw li l-perspettiva tal-awtoritajiet lokali u
reġjonali ma ġietx ikkunsidrata biżżejjed. Barra l-programm ta’ ħidma
tal-Kummissjoni, il-Grupp ta’ Esperti tas-Sussidjarjetà ġie kkonsultat
ukoll għat-tħejjija tal-opinjoni fuq inizjattiva proprja tal-KtR dwar
id-devoluzzjoni fl-UE u l-post tal-awtonomija lokali u reġjonali
fit-tfassil u t-twettiq tal-politika tal-UE.[19] Biex jappoġġaw il-monitoraġġ tas-sussidjarjetà,
il-KtR aġġornat ulterjorment ir-REGPEX — għodda bbażata fuq
l-internet għal reġjuni b’setgħat leġiżlattivi —
biż-żieda ta’ mappa interattiva ta’ reġjuni b’setgħat
leġiżlattivi, u l-profili ta’ kull parlament reġjonali. Sabiex
tevalwa l-esperjenza tas-sistema ta’ twissija bikrija u t-tixrid tal-aħjar
prassi, il-KtR ippubblika studju dwar “is-sistema ta’ twissija bikrija
tas-sussidjarjetà tat-Trattat ta’ Lisbona — ir-rwol tal-parlamenti
reġjonali b’setgħat leġiżlattivi u awtoritajiet subnazzjonali
oħra”. Xi wħud mill-opinjonijiet tal-KtR fl- 2013 esprimew tħassib
dwar il-konformità tal-inizjattivi leġiżlattivi tal-UE
mal-prinċipji tas-sussidjarjetà u l-proporzjonalità. Fl-opinjoni dwar
id-Direttiva proposta li tistabbilixxi qafas għall-ippjanar spazjali
marittimu u għall-ġestjoni integrata tal-kosta[20] tressaq l-argument li
l-proposta ma kinitx konformi mal-prinċipji tas-sussidjarjetà u
tal-proporzjonalità. Il-KtR qajjem ukoll tħassib dwar l-użu ta’ atti
delegati fl-opinjoni tiegħu dwar il-proposta għal Regolament dwar
il-kontrolli uffiċjali[21]
u l-opinjoni tiegħu dwar il-proposta għal Direttiva dwar
il-manifattura, il-preżentazzjoni u l-bejgħ tat-tabakk u prodotti
relatati.[22] Issir referenza wkoll għar-Rapport Annwali 2013 dwar
is-sussidjarjetà maħruġa mill-Kumitat tar-Reġjuni.[23] 2.5. Il-Qorti
Tal-Ġustizzja Fl-2013, il-Qorti tal-Ġustizzja ma tat
l-ebda sentenza ewlenija fuq il-prinċipju tas-sussidjarjetà, iżda
kien hemm żewġ sentenzi tal-Qorti Ġenerali dwar
il-prinċipju. Fil-Kawża T-31/07, Du Pont de
Nemours u oħrajn v il-Kummissjoni, għadd ta’ kumpaniji
ppreżentaw kawża għall-annullament ta’ Direttiva tal-Kummissjoni
li kienet tinkludi l-flusilażol, b’ċerti limiti, bħala sustanza
attiva fi prodotti għall-protezzjoni tal-pjanti skont id- Direttiva
91/414/KE.[24]
Waħda mir-raġunijiet għall-kawża kien il-ksur
tal-prinċipju ta’ sussidjarjetà. Fis-sentenza tagħha
tat-12 ta’ April 2013, il-Qorti Ġenerali enfasizzat li dan
il-prinċipju japplika biss fl-oqsma li ma jaqgħux taħt il-kompetenza
esklużiva tal-UE (paragrafu 202). Peress li d-Direttiva 91/414/KE
tikkonferixxi fuq l-awtoritajiet tal-Unjoni kompetenza esklużiva
għall-valutazzjoni tas-sustanzi attivi li jistgħu jintużaw
fil-prodotti għall-protezzjoni tal-pjanti u li biex jiġu stabbiliti
restrizzjonijiet fuq l-aċċettazzjoni tagħhom (paragrafi 203
u 204), il-miżura adottata fl-eżerċizzju ta’ din il-kompetenza
ġiet meqjusa li ma kinitx koperta bil-prinċipju tas-sussidjarjetà
(paragrafu 205). Għaldaqstant il-Qorti Ġenerali ċaħdet
l-argument tar-rikorrenti, u kkonfermat il-ġurisprudenza tagħha dwar
il-kwistjoni.[25] Fil-Kawża T-526/10, Inuit
Tapiriit Kanatami et al v il-Kummissjoni, ir-rikorrenti talbu l-annullament
ta’ Regolament tal-Kummissjoni li jistabbilixxi regoli dettaljati dwar
il-kummerċ tal-prodotti mill-foki,[26]
abbażi ta’ raġunijiet li jinkludu ksur tal-prinċipju
tas-sussidjarjetà. Fis-sentenza tagħha
tal-25 ta’ April 2013, il-Qorti Ġenerali ċaħdet
din it-talba. Din enfasizzat fuq ġurisprudenza li tgħid li
l-prinċipju ta’ sussidjarjetà japplika għall-miżuri tal-UE
bbażati fuq l-Artikolu 114 TFUE, "sa fejn din
id-dispożizzjoni ma tagħtix [lill-UE] kompetenza esklussiva li
tirregola l-attivitajiet ekonomiċi fis-suq intern, iżda biss
ċerta kompetenza bil-għan li jtejbu l-kundizzjonijiet għall-istabbiliment
u l-funzjonament tagħha bl-eliminazzjoni tal-ostakli għall-moviment
ħieles tal-oġġetti u l-libertà li jiġu pprovduti servizzi
jew billi jitneħħew id-distorsjonijiet tal-kompetizzjoni”
(paragrafu 84).[27]
Il-Qorti Ġenerali ddeċidiet li kien ċar li “l-għan
tar-Regolament bażiku [ma setax] jintlaħaq b’mod suffiċjenti
b’azzjoni adottata biss fl-Istati Membri u kienet rikjesta azzjoni fil-livell
tal-Unjoni, kif turi l-evoluzzjoni eteroġena
tal-leġiżlazzjonijiet nazzjonali f’dan il-każ”. Konsegwentement,
l-għanijiet tal-azzjoni prevista setgħu jinkisbu aħjar
fil-livell tal-UE u r-Regolament ma kienx jikser il-prinċipju
tas-sussidjarjetà (paragrafu 85). 3. Każijiet
ewlwenin fejn tqajjem tħassib dwar is-sussidjarjetà u l-proporzjonalità Proposta għal Regolament dwar
l-istabbiliment tal-Uffiċċju tal-Prosekutur Pubbliku Ewropew Il-proposta tal-Kummissjoni għal
Uffiċċju tal-Prosekutur Pubbliku Ewropew[28] ġiet adottata
fis-17 ta’ Lulju 2013. L-għan tal-proposta huwa li
jiġi stabbilit EPPO biex jinvestiga u jmexxi l-prosekuzzjoni tal-awturi
ta’ reati li jaffettwaw l-interessi finanzjarji tal-UE. L-EPPO jkun korp tal-UE
bi struttura deċentralizzata li, għall-biċċa l-kbira
tal-attivitajiet tiegħu, ikun iserraħ fuq l-investigazzjoni u
l-awtoritajiet ta’ prosekuzzjoni nazzjonali, u fuq il-liġi nazzjonali. Il-Parlamenti nazzjonali ħarġu 13-il
opinjoni motivata[29]
dwar il-proposta, li jirrappreżentaw 18-il vot minn 56 possibbli[30]. Skont
l-Artikolu 7(2) tal-Protokoll Nru 2, kienu meħtieġa 14-il
vot biex tiskatta l-proċedura tal-karta safra f’dan il-każ. Fl-2013, sebat
ikmamar oħra tal-Parlamenti nazzjonali[31]
ħarġu opinjonijiet dwar din il-proposta fil-qafas tad-djalogu
politiku. Dawn ma sostnewx li l-proposta tal-Kummissjoni kienet inkompatibbli
mal-prinċipju tas-sussidjarjetà, iżda kkummentaw dwar elementi
speċifiċi tagħha.[32] Fis-6 ta’ Novembru 2013,
il-Kummissjoni kkonfermat li kien skatta l-mekkaniżmu ta’ kontroll
tas-sussidjarjetà deskritt fl- Artikolu 7(2) tal-Protokoll
Nru 2. Bħala riżultat, il-Kummissjoni għamlet reviżjoni
tal-proposta, u wara dan ħarġet Komunikazzjoni[33] li tanalizza bir-reqqa
l-opinjonijiet motivati ppreżentati mill-Parlamenti nazzjonali
mill-perspettiva tal-prinċipju tas-sussidjarjetà. Fl-analiżi
tal-opinjonijiet motivati, il-Kummissjoni għamlet distinzjoni bejn
l-argumenti dwar il-prinċipju tas-sussidjarjetà, jew li setgħu
jiġu interpretati bħala tħassib dwar is-sussidjarjetà, u
argumenti oħra relatati mal-prinċipju tal-proporzjonalità, għal
għażliet ta’ politika mhux relatati mas-sussidjarjetà, jew għal
kwistjonijiet ta’ politika u ġuridiċi oħrajn.
L-oġġezzjonijiet ewlenin mill-Parlamenti nazzjonali marbuta
mal-prinċipju tas-sussidjarjetà kienu kif ġej: ·
Ir-raġunament dwar is-sussidjarjetà Numru ta’ kmamar tal-Parlamenti nazzjonali kkunsidraw li l-Kummissjoni
ma kinitx spjegat biżżejjed kif il-proposta hija konformi
mal-prinċipju tas-sussidjarjetà. Ir-raġunijiet mogħtija
mill-Kummissjoni ġew meqjusa bħala insuffiċjenti. Barra minn
hekk l-ispjegazzjonijiet għandhom ikunu inklużi fil-memorandum ta’
spjegazzjoni, kif ukoll fl-evalwazzjoni tal-impatt. Wara r-reviżjoni tagħha, il-Kummissjoni sabet li l-memorandum
ta’ spjegazzjoni u d-dikjarazzjoni finanzjarja leġiżlattiva li
takkumpanjah ma jagħtux spjega biżżejjed għaliex azzjoni
fil-livell ta’ Stat Membru ma tiksibx l-objettiv ta' politika u għaliex
azzjoni fil-livell tal-Unjoni tilħaq dan aħjar (pereż.
minħabba li kien hemm nuqqas ta’ kontinwità fl-azzjoni ta’ infurzar u
nuqqas ta’ politika ta’ prosekuzzjoni Ewropea komuni sottostanti). ·
Il-karattru allegatament suffiċjenti
tal-mekkaniżmi eżistenti Diversi kmamar esprimew il-fehma li l-azzjoni ta’ investigazzjoni u
prosekuzzjoni fil-livell ta’ Stat Membru kienet biżżejjed u li
l-mekkaniżmi eżistenti ta’ koordinazzjoni u investigazzjoni
fil-livell tal-Unjoni (Eurojust, Europol u OLAF) ikunu biżżejjed ukoll.
Xi kmamar dehrilhom li l-Kummissjoni kellha tistenna li tiġi adottata
d-Direttiva proposta tagħha dwar il-ġlieda kontra l-frodi li
jaffettwa l-interessi finanzjarji tal-Unjoni permezz tal-liġi kriminali
qabel ma ddaħal leġiżlazzjoni ġdida f’dan il-qasam. Il-Kummissjoni nnutat li informazzjoni statistika ċara kienet turi
li l-għan fit-Trattat li jkun hemm livell effettiv u li jservi ta’
deterrent u ekwivalenti ta’ protezzjoni tal-interessi finanzjarji tal-UE ma
ntlaħaqx. Hija saħqet li l-ebda mekkaniżmu jew korp
eżistenti ma jista' jindirizza n-nuqqasijiet identifikati fir-rigward
tal-ammissibilità ta’ evidenza transfruntiera, tal-identifikazzjoni ta’ rabtiet
transfruntiera, jew li jsib għajnuna minn awtoritajiet fi Stati Membri
oħra, u lanqas ma jistgħu dawn il-kwistjonijiet jiġu indirizzati
permezz ta’ miżuri meħuda biss fil-livell ta' Stat Membru. Il-Kummissjoni nnutat ukoll li jekk isir titjib tal-mekkaniżmi
eżistenti, l-aktar li dan jista' jkollu jkunu effetti marġinali,
minħabba l-limitazzjonijiet inerenti tagħhom. Fl-aħħar
nett, hija enfasizzat li l-proposta għal Direttiva dwar il-ġlieda
kontra l-frodi li jaffettwa l-interessi finanzjarji tal-Unjoni permezz
tal-liġi kriminali u l-proposta li jiġi stabbilit l-EPPO
għandhom objettivi differenti, għalkemm kumplimentari. ·
Il-valur miżjud tal-proposta tal-EPPO Għadd ta' kmamar qajmu dubji dwar il-valur miżjud
tal-proposta, minkejja li wħud irrikonoxxew il-vantaġġi li
jiġi stabbilit l-EPPO. Il-Parlamenti nazzjonali argumentaw li
l-Kummissjoni ma wrietx li azzjoni fil-livell tal-Unjoni tista’ tikseb
riżultati aħjar minn azzjoni fuq livell nazzjonali. B'reazzjoni għal dawn l-opinjonijiet, il-Kummissjoni spjegat li
kien mistenni li s-sistema proposta ġġib valur miżjud
sinifikanti fil-ġlieda kontra l-frodi tal-UE. Wieħed mill-fatturi
ewlenin ta’ titjib jiġi minn politika ta’ prosekuzzjoni fil-livell tal-UE,
li tindirizza d-differenzi kbar bejn l-Istati Membri dwar kif jiġi
investigat il-frodi tal-UE u kif issir il-prosekuzzjoni tiegħu. Din
tippermetti wkoll l-iskoperta ta’ rabtiet transfruntieri li jistgħu ma
jiġux innutati f’investigazzjonijiet purament nazzjonali u b’mod aktar
effettiv jidderieġu u jikkoordinaw l-investigazzjonijiet. Barra minn hekk,
il-ħolqien ta’ EPPO deċentralizzat jiġbor flimkien
il-ħiliet u l-għarfien rigward l-investigazzjoni u l-prosekuzzjoni
ta’ każijiet ta’ frodi tal-UE fil-livell Ewropew u jiżgura li dan
iseħħ viċin il-post tad-delitt. ·
Kwistjonijiet relatati mal-istruttura tal-EPPO u
man-natura u l-kamp ta’ applikazzjoni tal-kompetenzi tiegħu Għar-rigward
tal-istruttura, il-Kummissjoni nnotat li l-ħolqien tal-EPPO bi struttura
kolleġġjali sħiħa, kif sostnuta minn għadd ta’
Parlamenti nazzjonali, jista’ jxekkel l-effiċjenza tiegħu, u
jagħmel it-teħid ta’ deċiżjonijiet tiegħu anqas effiċjenti.
Bi tweġiba għal mistoqsijiet dwar in-natura u l-ambitu tal-kompetenza
tal-EPPO, il-Kummissjoni enfasizzat li d-delitti fil-kwistjoni, inklużi
każijiet mhux transfruntieri, għandhom dimensjoni intrinsika
tal-Unjoni. Limitazzjoni fl-ambitu mhux biss tnaqqas il-valur miżjud
tal-EPPO iżda tqanqal ukoll dubji dwar il-kompetenza tal-Unjoni f’din
il-kwistjoni. Madankollu,
il-kompetenza esklużiva tal-EPPO ma tfissirx li l-awtoritajiet nazzjonali
jkunu esklużi milli jittrattaw il-kawżi li jkollhom quddiemhom,
fid-dawl tal-involviment tal-awtoritajiet nazzjonali tal-infurzar tal-liġi
u tal-Prosekuturi Delegati Ewropej li jkunu jinsabu fl-Istati Membri, li
fl-istess ħin huma prosekuturi nazzjonali. Wara
din l-analiżi fil-fond, il-Kummissjoni kkonkludiet li l-proposta hija
konformi mal-prinċipju ta’ sussidjarjetà u ddeċidiet li
żżommha. Proposta
għal direttiva li tistabbilixxi qafas għall-ippjanar spazjali
marittimu u għall-ġestjoni integrata tal-kosta[34] Il-proposta
tal-Kummissjoni li attirat t-tieni l-ogħla numru ta’ opinjonijiet motivati
fl-2013 kienet il-proposta li tistabbilixxi qafas għall-ippjanar spazjali
marittimu u l-ġestjoni integrata tal-kosta. Il-Parlamenti nazzjonali
ħarġu disa’ opinjonijiet motivati dwar il-proposta,[35] li
jirrappreżentaw 13-il vot. Barra minn hekk, fl-2013, ħamest ikmamar
oħra bagħtu opinjonijet fil-qafas tad-djalogu politiku; dawn ma qisux
il-proposta bħala inkompatibbli mal-prinċipju tas-sussidjarjetà.[36] Xi Parlamenti
nazzjonali dehrilhom li l-Kummissjoni ma wrietx b’mod adegwat li l-valur
miżjud tal-obbligi fil-livell tal-UE fil-qasam tal-ippjanar spazjali
marittimu u l-ġestjoni integrata tal-kosta, kif ukoll li d-Direttiva se
żżid b’mod sinifikanti l-piż amministrattiv u r-rekwiżiti
ta’ rappurtar, mingħajr benefiċċji adegwati. Barra minn hekk, xi
opinjonijiet motivati esprimew dubji dwar il-bażi ġuridika li
ġiet issuġġerita għall-proposta. Fir-risposta
tagħha għal dawn l-opinjonijiet motivati, il-Kummissjoni enfasizzat
li d-Direttiva proposta se tipprovdi valur miżjud billi tippermetti
lill-Istati Membri jilħqu livell minimu komuni li jippermetti
kooperazzjoni transfruntiera aħjar u li jappoġġaw
l-implimentazzjoni f’waqtha tal-leġiżlazzjoni relatata.
Il-Kummissjoni indikat li l-attivitajiet marittimi u kostali għandhom
impatt transfruntier u ħafna drabi, madwar l-UE, il-proċessi ta’
ppjanar u ta' impatt nazzjonali jvarjaw b'mod konsiderevoli. Huwa għal din
ir-raġun li huwa meħtieġ qafas fil-livell tal-UE biex jiggwida
l-proċessi ta’ ppjanar fil-baħar u li jintegra l-ġestjoni
taż-żoni tal-kosta. Il-Kummissjoni enfasizzat li d-Direttiva proposta
tħalli lill-Istati Membri diskrezzjoni sinifikanti rigward kif
għandhom jinkisbu l-objettivi tagħha. Hija enfasizzat li
l-kooperazzjoni internazzjonali tagħmilha aktar faċli li jiġu
involuti pajjiżi rilevanti mhux tal-UE fl-ippjanar tal-ispazju marittimu u
l-ġestjoni integrata tal-kosta. Id-Direttiva proposta tippermetti li
l-Istati Membri jagħżlu l-format u l-mezzi ta’ din il-kooperazzjoni
ma’ pajjiżi terzi, sakemm dawn jagħmlu kull sforz biex jikkoordinaw
il-pjanijiet u l-istrateġiji tagħhom ma’ dawk tal-pajjiż terz.
It-test miftiehem fuq livell politiku mill-koleġiżlaturi kien
konsistenti ma’ dawn ir-reazzjonijiet. Proposta
għal Direttiva dwar l-approssimazzjoni tal-liġijiet, ir-regolamenti u
d-dispożizzjonijiet amministrattivi tal-Istati Membri rigward
il-manifattura, il-preżentazzjoni u l-bejgħ tat-tabakk u prodotti
relatati [37] Il-leġiżlazzjoni
proposta tikkonsisti f’regoli ġodda u msaħħa dwar kif
il-prodotti tat-tabakk jistgħu jiġu manifatturati u ppreżentati
għall-bejgħ fl-UE. Din siltet seba’ opinjonijiet motivati, li
jirrappreżentaw 11-il vot.[38]
Tmien Parlamenti nazzjonali[39]
wkoll bagħtu opinjonijet fil-qafas tad-djalogu politiku; dawn ma qisux
il-proposta bħala inkompatibbli mal-prinċipju tas-sussidjarjetà.
Żewġt ikmamar[40]
bagħtu opinjonijiet bl-argument li l-proposta ma kinitx konformi
mal-prinċipju tas-sussidjarjetà, iżda dawn ġew ippreżentati
wara li kienet għaddiet l-iskadenza u għalhekk ma setgħux
jiġu inklużi fil-kalkolu dwar jekk il-limitu kienx intlaħaq. Xi kmamar
dehrilhom li r-regolazzjoni ta' ċerti tipi ta’ prodotti tat-tabakk,
bħal prodotti b’riskju baxx, kienet kompetenza nazzjonali. Oħrajn
ikkritikaw it-trasferiment tas-setgħa lill-Kummissjoni li tadotta atti
delegati. Barra minn hekk, anki l-bażi ġuridika għal din
il-proposta ġiet ikkontestata, peress li ma kinitx se tarmonizza
l-liġijiet tal-Istati Membri dwar il-prodotti tat-tabakk. Il-Parlamenti
nazzjonali ressqu wkoll l-argument li l-projbizzjoni ta' sigaretti
"slim" u tal-mentol, kif ukoll il-pakketti ta’ tabakk tal-brim ta’
inqas minn 40 g ma kinitx se tkun ta' kontribut għall-funzjonament
tas-suq intern. Fit-tweġibiet
tagħha, il-Kummissjoni enfasizzat li l-proposta ma kinitx se timponi
restrizzjonijiet fuq it-tqegħid fis-suq ta’ prodotti b’riskju baxx. Hija
spjegat ukoll li, sabiex id-Direttiva tkun totalment operattiva, l-użu
tas-setgħa li jiġu adotti atti skont l-Artikolu 290 TFUE
tqies bħala neċessarju. Id-delegazzjonijiet ta’ setgħa
stabbiliti fil-proposta pprovdew għal kriterji ċari u
konċiżi, bl-għoti ta' diskrezzjoni limitata lill-Kummissjoni.
Fir-rigward tal-bażi ġuridika għall-proposta, il-Kummissjoni
nnutat li d-Direttiva attwali fil-biċċa l-kbira ssegwi l-istess
għanijiet bħall-proposta għar-reviżjoni tagħha, u
l-Qorti Ewropea tal-Ġustizzja kkonfermat il-legalità tal-Artikolu 114
bħala l-bażi ġuridika tad-Direttiva attwali.[41] Għalhekk,
il-bażi ġuridika kienet xierqa għall-aġġornament
tal-livell eżistenti ta’ armonizzazzjoni, bit-tneħħija
tal-ostakli għas-suq intern minħabba l-iżviluppi regolatorji diverġenti
fl-Istati Membri u l-prevenzjoni tal-evażjoni tar-regoli tas-suq intern.
Fil-fehma tal-Kummissjoni, l-Artikolu 114 TFUE jipprovdi bażi
ġuridika għall-armonizzazzjoni sħiħa, parzjali jew minima u
jħalli f'idejn l-Istati Membri biex jirregolaw ċerti materji.
Il-Kummissjoni indikat li l-Istati Membri kienu bdew jadottaw miżuri li
jirregolaw prodotti tat-tabakk b’togħmiet karatterizzanti, u
għaldaqstant, hija pproponiet armonizzazzjoni biex jiġi evitat
it-tagħwiġ tas-suq. Hija enfasizzat ukoll li l-proposta sejra biss
tistandardizza ċerti aspetti tal-pakkett, bħan-numru ta’ sigaretti li
jkollu u d-daqs tat-twissijiet tas-saħħa, li huma ta’
benefiċċju għaċ-ċirkolazzjoni tal-prodotti fis-suq
intern filwaqt li jiġi żgurat li t-twissijiet tas-saħħa
jkunu jidhru sew. Proposta
għal Regolament li jistabbilixxi qafas fuq l-aċċess
għas-suq għas-servizzi portwarji u t-trasparenza finanzjarja
tal-portijiet[42] Il-proposta hija
maħsuba biex ittejjeb l-operazzjonijiet portwarji u l-konnessjonijiet ta’
trasport ulterjuri f’portijiet marittimi tan-netwerk trans-Ewropew
tat-trasport. Il-qafas legali li qed jiġi propost ikun jikkontribwixxi
għal kundizzjonijiet legali ġenwini u joħloq aktar ċertezza
legali lill-operaturi portwarji u lill-investituri. Il-proposta tiddefinixxi
proċeduri miftuħa u trasparenti għall-ħatra tal-fornituri
ta’ servizzi portwarji, regoli li jipprevjenu abbużi possibbli
fil-prezzijiet min-naħa tal-operaturi bi drittijiet esklussivi u regoli li
jiżguraw it-trasparenza tal-użu tal-fondi pubbliċi. Il-Parlamenti
nazzjonali ħarġu seba' opinjonijiet motivati dwar il-proposta,[43] li
jirrappreżentaw 11-il vot. Barra minn hekk, tlitt ikmamar bagħtu
opinjonijet fil-qafas tad-djalogu politiku li ma qisux il-proposta bħala
inkompatibbli mal-prinċipju tas-sussidjarjetà[44]. Xi Parlamenti
nazzjonali allegaw li l-objettivi tal-proposta jistgħu jintlaħqu
aħjar permezz ta’ liġi li ma torbotx jew permezz ta’ Direttiva.
Oħrajn ikkritikaw li l-Istati Membri jitilfu d-dritt tagħhom u
l-possibbiltà li jkomplu jirregolaw is-settur portwarju tagħhom permezz
ta’ atti legali nazzjonali tagħhom u li r-Regolament propost jista’ jkollu
effetti kontroproduttivi fuq il-prestazzjoni tal-ekonomiji u l-infrastruttura
fl-oqsma kkonċernati, Fit-tweġibiet
tagħha, il-Kummissjoni stqarret li l-proposta għal Regolament
tapplika biss għall-portijiet li jiffurmaw parti min-Netwerk trans-Ewropew
tat-Trasport (TEN-T) li l-Parlament Ewropew u l-Kunsill iqisu bħala
importanti għas-suq intern u għall-koeżjoni territorjali tal-UE
fil-kuntest tar-Regolament (UE) Nru 1315/203 dwar l-iżvilupp
tat-TEN-T. Ir-Regolament jinkwadra prinċipji eżistenti fit-Trattat li
diġà huma applikabbli għas-settur portwarju billi jintroduċi
żewġ gruppi bażiċi ta' regolamenti: kundizzjonijiet ta'
aċċess mhux diskriminatorji u trasparenti għas-suq
għall-fornituri ta' servizzi portwarji u r-rispett ta' regoli finanzjarji
trasparenti fl-użu tal-fondi pubbliċi fil-portijiet. Il-Kummissjoni
enfasizzat li l-intenzjoni tagħha kienet li d-dispożizzjonijiet tar-Regolament
għandhom jibqgħu newtrali fir-rigward tal-organizzazzjoni interna
tal-Istati Membri dwar is-sistemi portwarji tagħhom. Għar-rigward
tal-għażla tal-istrument ġuridiku, il-Kummissjoni saħqet li
jkun preferibbli regolament minflok direttiva peress li wieħed
mill-għanijiet ewlenin tal-proposta kien li jiżgura kundizzjonijiet
ekwi li jkun jirrekjedi implimentazzjoni uniformi tal-ftit regoli, li iżda
huma essenzjali. Barra minn hekk,
il-Kummissjoni saħqet li r-Regolament ikun iħalli f'idejn l-Istati
Membri l-flessibbiltà meħtieġa biex iqisu ċirkostanzi
partikolari, u li l-Istati Membri iżommu l-għażla bejn diversi
forom ta’ aċċess għas-suq. Pereżempju huma ma jkunux
obbligati li jiftħu għall-kompetizzjoni s-servizzi li, skont l-għażla
tagħhom, għandhom jibqgħu regolati minħabba raġunijiet
ġustifikati kif imiss ta’ interess pubbliku. Il-Kummissjoni enfasizzat
ukoll li biex jiġu attrati l-investituri hija meħtieġa
kompetizzjoni bla distorsjonijiet bejn il-portijiet tat-TEN-T, b’mod
partikolari dawk li jinsabu fi Stati Membri differenti, li fl-opinjoni
tal-Kummissjoni ma tistax tinkiseb mill-Istati Membri weħidhom. 4. Konklużjonijiet Fl-2013,
komplew id-diskussjonijiet interistituzzjonali dwar il-prinċipji ta’
sussidjarjetà u proporzjonalità, u l-iskattar tat-tieni proċedura
tal-karta safra mill-Parlamenti nazzjonali kien avveniment notevoli. It-88 opinjoni motivata mressqa
mill-Parlamenti nazzjonali fl-2013 kienu jolqtu 36 dokument differenti
tal-Kummissjoni. Dan jidher li jikkonferma x-xejra li diġà ġiet
osservata fis-snin preċedenti: il-Parlamenti nazzjonali għandhom
interessi politiċi li jvarjaw u prijoritajiet differenti meta
jagħżlu liema proposti tal-Kummissjoni se jiflu fil-kuntest
tal-mekkaniżmu ta' kontroll tas-sussidjarjetà. Jidher ukoll li qed japplikaw
kriterji differenti meta jevalwaw jekk proposta tikkonformax mal-prinċipju
ta’ sussidjarjetà. L-istituzzjonijiet kollha involuti fil-proċess
leġiżlattiv kienu attivi biex jiżguraw kontroll
tal-prinċipju tas-sussidjarjetà. Il-Kummissjoni kompliet twettaq
valutazzjonijiet fil-fond tal-konformità mal-prinċipji tas-sussidjarjetà u
l-proporzjonalità fi stadji differenti. Qabel ma tadotta proposti
leġiżlattivi, hija tipprovdi valutazzjonijiet (pereż.
fil-pjanijiet direzzjonali u l-valutazzjonijiet tal-impatt) u wara l-adozzjoni,
hija teżamina u twieġeb għal opinjonijiet motivati
mill-Parlamenti nazzjonali li jesprimu tħassib dwar is-sussidjarjetà. Il-kontroll tas-sussidjarjetà u l-kwistjonijiet ta'
monitoraġġ kellhom ukoll post prominenti fuq l-aġenda
tal-Parlament Ewropew u tal-Kumitat tar-Reġjuni. Il-Parlament Ewropew
kompla jappoġġa r-rapporti tiegħu fuq inizjattiva proprja
b'analiżi bbażata fuq l-evidenza tal-valur miżjud potenzjali
tal-UE. Bl-istess mod, il-Kumitat tar-Reġjuni żied il-ħidma
tiegħu fuq kwistjonijiet ta’ sussidjarjetà, speċjalment bl-adozzjoni
u l-implimentazzjoni ta’ programm ta’ ħidma tas-sussidjarjetà
għall-ewwel darba. Anness Lista ta’ dokumenti
tal-Kummissjoni li dwarhom il-Kummissjoni rċeviet opinjonijiet motivati[45] rigward
il-konformità mal-prinċipju tas-sussidjarjetà mill-Parlamenti nazzjonali
fl-2013 || Dokument tal-Kummissjoni || Titolu || Numru ta’ opinjonijiet motivati (Protokoll Nru 2) || Numru ta' voti (Protokoll Nru 2)[46] || Kmamar nazzjonali li ressqu opinjonijiet motivati 1 || COM(2013) 534 || Proposta għal Regolament tal-Kunsill dwar it-twaqqif tal-Uffiċċju tal-Prosekutur Pubbliku Ewropew || 13[47] || 18 (intlaħqet l-għatba tal-karta safra[48]) || CY Vouli ton Antiprosopon (żewġ voti) CZ Senát (vot wieħed) FR Sénat (vot wieħed) HU Országgyűlés (żewġ voti) IE Kmamar tal-Oireachtas (iż-żewġt ikmamar — żewġ voti) MT Kamra tad-Deputati (żewġ voti) RO Camera Deputaților (vot wieħed) SI Državni zbor (vot wieħed) SE Riksdag (żewġ voti) NL Eerste Kamer (vot wieħed) NL Tweede Kamer (vot wieħed) UK House of Commons (vot wieħed) UK House of Lords (vot wieħed) 2 || COM (2013) 133 || Proposta għal Direttiva li tistabbilixxi qafas għall-ippjanar spazjali marittimu u għall-ġestjoni integrata tal-kosta || 9[49] || 13 || BE Vlaams Parlement (vot wieħed) FI Eduskunta (żewġ voti) DE Bundesrat (vot wieħed) IE Kmamar tal-Oireachtas (iż-żewġt ikmamar — żewġ voti) LT Seimas (żewġ voti) PL Senat (vot wieħed) SE Riksdag (żewġ voti) NL Eerste Kamer (vot wieħed) NL Tweede Kamer (vot wieħed) 3 || COM (2012) 788 || Proposta għal Direttiva dwar l-approssimazzjoni tal-liġijiet, ir-regolamenti u d-dispożizzjonijiet amministrattivi tal-Istati Membri rigward il-manifattura, il-preżentazzjoni u l-bejgħ tat-tabakk u prodotti relatati || 7 || 11 || CZ Poslanecká sněmovna (vot wieħed) DK Folketing (żewġ voti) EL Vouli ton Ellinon (żewġ voti) IT Senato della Republica (vot wieħed) PT Assembleia da República (żewġ voti) RO Camera Deputaților (vot wieħed) SE Riksdag (żewġ voti) 4 || COM (2013) 296 || Proposta għal Regolament li jistabbilixxi qafas fuq l-aċċess għas-suq għas-servizzi portwarji u t-trasparenza finanzjarja tal-portijiet || 7[50] || 11 || FR Assemblée nationale (vot wieħed) IT Senato della Republica (vot wieħed) LV Saeima (żewġ voti) MT Kamra tad-Deputati (żewġ voti) PL Sejm (vot wieħed) ES Congreso de los Diputados u s-Senado (żewġt ikmamar — żewġ voti) SE Riksdag (żewġ voti) 5 || COM(2013) 28[51] || Proposta għal Regolament li jemenda r-Regolament (KE) Nru 1370/2007 fir-rigward tal-ftuħ tas-suq għas-servizzi tat-trasport ferrovjarju domestiku tal-passiġġieri || 6 || 9 || AT Bundesrat (vot wieħed) LT Seimas (żewġ voti) LU Chambre des Députés (żewġ voti)[52] SE Riksdag (żewġ voti)[53] NL Eerste Kamer (vot wieħed)[54] NL Tweede Kamer (vot wieħed)[55] 6 || COM(2013) 29[56] || Proposta għal Direttiva li temenda d-Direttiva 2012/34/UE li tistabbilixxi żona ferrovjarja unika Ewropea, fir-rigward tal-ftuħ tas-suq tas-servizzi tat-trasport ferrovjarju domestiku tal-passiġġieri u l-governanza tal-infrastruttura ferrovjarja || 6 || 9 || FR Sénat (vot wieħed) LT Seimas (żewġ voti) LU Chambre des Députés (żewġ voti)[57] SE Riksdag (żewġ voti)[58] NL Eerste Kamer (vot wieħed)[59] NL Tweede Kamer (vot wieħed)[60] 7 || COM(2012) 614[61] || Proposta għal Direttiva dwar it-titjib tal-bilanċ bejn is-sessi fost diretturi mhux eżekuttivi ta’ kumpaniji elenkati f'borża u miżuri relatati || 5[62] || 5 || CZ Poslanecká sněmovna (vot wieħed)[63] PL Sejm (vot wieħed) PL Senat (vot wieħed) UK House of Commons (vot wieħed) UK House of Lords (vot wieħed)[64] 8 || COM (2013) 627 || Proposta għal Regolament li jistabbilixxi miżuri biex jitlesta s-suq uniku Ewropew għall-komunikazzjoni elettronika u biex jinkiseb Kontinent Konness, u li jemenda d-Direttivi 2002/20/KE, 2002/21/KE u 2002/22/KE u r-Regolamenti (KE) Nru 1211/2009 u (UE) Nru 531/2012. || 4[65] || 7 || AT Bundesrat (vot wieħed) IE Kmamar tal-Oireachtas (iż-żewġt ikmamar — żewġ voti) MT Kamra tad-Deputati (żewġ voti) SE Riksdag (żewġ voti) 9 || COM(2013) 27[66] || Proposta għal Regolament dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 || 3 || 5 || LT Seimas (żewġ voti) RO Senatul (vot wieħed) SE Riksdag (żewġ voti)[67] 10 || COM(2013) 31[68] || Proposta għal Direttiva dwar is-sikurezza ferrovjarja (Riformulazzjoni) || 3 || 5 || LT Seimas (żewġ voti) RO Senatul (vot wieħed) SE Riksdag (żewġ voti)[69] 11 || COM (2013) 173 || Proposta għal Regolament dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi u t-Taħriġ (Europol) u li tħassar id-Deċiżjonijiet 2009/371/ĠAI u 2005/681/ĠAI || 3[70] || 4 || BE Chambre des Représentants (vot wieħed) DE Bundesrat (vot wieħed) ES Congreso de los Diputados u s-Senado (żewġt ikmamar — żewġ voti) 12 || COM(2012) 615[71] || Komunikazzjoni dwar Il-bilanċ bejn is-sessi fit-tmexxija tan-negozju: kontribuzzjoni għal tkabbir intelliġenti, sostenibbli u inklussiv || 2 || 2 || CZ Poslanecká sněmovna (vot wieħed)[72] UK House of Lords (vot wieħed)[73] 13 || COM(2013) 30[74] || Proposta għal Direttiva dwar l-interoperabilità tas-sistema ferrovjarja fl-Unjoni Ewropea (riformulazzjoni) || 2 || 4 || LT Seimas (żewġ voti) SE Riksdag (żewġ voti)[75] 14 || COM(2013) 147 || Proposta għal regolament dwar miżuri biex tonqos l-ispiża biex isiru netwerks tal-komunikazzjoni elettronika b’veloċità għolja || 2 || 2 || NL Tweede Kamer (vot wieħed) UK House of Commons (vot wieħed) 15 || COM(2013) 262 || Proposta għal Regolament dwar il-produzzjoni u d-disponibbiltà fis-suq ta’ materjal riproduttiv tal-pjanti (il-liġi tal-materjal riproduttiv tal-pjanti) || 2 || 2 || AT Bundesrat (vot wieħed) NL Tweede Kamer (vot wieħed) 16 || COM(2013) 472 || Proposta għal Regolament dwar tariffi pagabbli lill-Aġenzija Ewropea għall-Mediċini (EMA) sabiex twettaq attivitajiet ta’ farmakoviġilanza fir-rigward ta’ prodotti mediċinali għall-użu mill-bniedem || 2[76] || 4 || EL Vouli ton Ellinon (żewġ voti) ES Congreso de los Diputados u s-Senado (żewġt ikmamar — żewġ voti) 17 || COM(2013) 618[77] || Proposta għal Direttiva li temenda d-Deċiżjoni Qafas tal-Kunsill 2004/757/ĠAI tal-25 ta’ Ottubru 2004 li tistabbilixxi dispożizzjonijiet minimi dwar l-elementi kostitwenti ta’ atti kriminali u ta’ pieni fil-qasam tat-traffikar illeċitu ta’ drogi, rigward id-definizzjoni ta’ droga || 2 || 2 || UK House of Commons (vot wieħed)[78] UK House of Lords (vot wieħed)[79] 18 || COM(2013) 619[80] || Proposta għal Regolament fuq sustanzi psikoattivi ġodda || 2 || 2 || UK House of Commons (vot wieħed)[81] UK House of Lords (vot wieħed)[82] 19 || COM(2013) 721 || Proposta għal Direttiva li temenda d-Direttiva 2006/112/KE dwar is-sistema komuni ta’ taxxa fuq il-valur miżjud fir-rigward ta’ denunzja standard tal-VAT || 2 || 2 || FR Sénat (vot wieħed) DE Bundesrat (vot wieħed) 20 || COM(2012) 724 || Proposta għal Regolament li jemenda ċerti atti leġiżlattivi fil-qasam tal-istatistika agrikola u tas-sajd || 1[83] || 2 || ES Congreso de los Diputados u s-Senado (żewġt ikmamar — żewġ voti) 21 || COM(2013) 48[84] || Proposta għal Direttiva dwar miżuri li jiżguraw livell għoli komuni ta’ sigurtà tan-netwerks u tal-informazzjoni madwar l-Unjoni || 1 || 2 || SE Riksdag (żewġ voti) 22 || COM(2013) 71 || Proposta għal Direttiva li timplimenta kooperazzjoni msaħħa fil-qasam tat-taxxa fuq it-tranżazzjonijiet finanzjarji || 1 || 2 || SE Riksdag (żewġ voti) 23 || COM(2013) 151 || Proposta għal Direttiva dwar il-kundizzjonijiet ta’ dħul u residenza ta’ ċittadini ta’ pajjiżi terzi għal skop ta’ riċerka, studji, skambju ta’ studenti, taħriġ bi ħlas u bla ħlas, servizz volontarju u au pairing (Riformulazzjoni) || 1 || 2 || EL Vouli ton Ellinon (żewġ voti) 24 || COM(2013) 168 || Proposta emendata għal Direttiva dwar it-trasparenza ta' miżuri li jirregolaw il-prezzijiet ta' prodotti mediċinali għall-użu mill-bniedem u l-inkużjoni tagħhom fil-kamp ta' applikazzjoni ta' sistemi pubbliċi tal-assigurazzjoni tas-saħħa || 1[85] || 2 || ES Congreso de los Diputados u s-Senado (żewġt ikmamar — żewġ voti) 25 || COM(2013) 207 || Proposta għal Direttia li temenda d-Direttivi tal-Kunsill 78/660/KEE u 83/349/KEE fir-rigward tad-divulgazzjoni ta’ informazzjoni mhux finanzjarja u dwar id-diversità minn ċertu kumpaniji u gruppi kbar || 1 || 2 || EE Riigikogu (żewġ voti) 26 || COM(2013) 228 || Proposta għal Regolament dwar il-promozzjoni tal-moviment liberu taċ-ċittadini u n-negozji permezz tas-simplifikazzjoni tal-aċċettazzjoni ta' ċerti dokumenti pubbliċi fl-Unjoni Ewropea u li jemenda r-Regolament (UE) Nru 1024/2012 || 1 || 1 || RO Senatul (vot wieħed) 27 || COM(2013) 260 || Il-proposta għal Regolament dwar is-saħħa tal-annimali || 1 || 1 || AT Bundesrat (vot wieħed) 28 || COM(2013) 265 || Proposta għal Regolament dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, regoli dwar is-saħħa u l-benessri tal-annimali, dwar is-saħħa tal-pjanti, dwar il-materjal riproduttiv tal-pjanti, il-protezzjoni tal-pjanti || 1 || 2 || LU Chambre des Députés (żewġ voti) 29 || COM(2013) 267 || Proposta għal Regolament dwar il-miżuri protettivi kontra l-pesti tal-pjanti || 1 || 1 || AT Bundesrat (vot wieħed) 30 || COM(2013) 409 || Proposta għal Regolament li jemenda r-Regolament (KE) Nru 216/2008 fil-qasam tal-ajrudromi, il-ġestjoni tat-traffiku tal-ajru u s-servizzi tan-navigazzjoni tal-ajru || 1 || 2 || MT Kamra tad-Deputati (żewġ voti) 31 || COM(2013) 410 || Proposta għal Regolament dwar l-implimentazzjoni tal-ajru uniku Ewropew (Riformulazzjoni) || 1 || 2 || MT Kamra tad-Deputati (żewġ voti) 32 || COM(2013) 520 || Proposta għal Regolament li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta' kreditu u ċerti ditti tal-investiment fil-qafas ta’ Mekkaniżmu Uniku ta' Riżoluzzjoni u Fond Uniku għar-Riżoluzzjoni tal-Banek u li jemenda r-Regolament (UE) Nru 1093/2010 tal-Parlament Ewropew u tal-Kunsill. || 1 || 2 || SE Riksdag (żewġ voti) 33 || COM(2013) 535 || Proposta għal Regolament dwar l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust) || 1 || 1 || CZ Senát (vot wieħed) 34 || COM(2013) 550 || Proposta għal Regolament dwar it-tariffi tal-interkambju għat-tranżazzjonijiet ta’ pagament ibbażati fuq kard || 1 || 1 || FR Sénat (vot wieħed) 35 || COM(2013) 620 || Proposta għal Regolament dwar il-prevenzjoni u l-ġestjoni tal-introduzzjoni u t-tixrid tal-ispeċijiet aljeni invażivi || 1 || 1 || AT Bundesrat (vot wieħed) 36 || COM(2013) 641 || Proposta għal Regolament dwar l-indiċijiet użati bħala parametri referenzjarji fi strumenti finanzjarji u kuntratti finanzjarji || 1 || 1 || UK House of Commons (vot wieħed) Numru ta’ opinjonijiet motivati dwar dokumenti magħduda b'mod individwali || 99 Numru ta’ opinjonijiet motivati li jikkonċernaw b’mod konġunt aktar minn dokument wieħed[86] || 11[87] TOTAL ta’ opinjonijiet motivati rċevuti || 88 [1] COM(2014) XXX finali. [2] http://ec.europa.eu/smart-regulation/impact/planned_ia/planned_ia_en.htm. [3] http://ec.europa.eu/smart-regulation/impact/commission_guidelines/commission_guidelines_en.htm. [4] http://ec.europa.eu/smart-regulation/impact/iab/iab_en.htm. [5] COM(2013) 824 finali. [6] COM(2013) 721 finali. [7] COM(2013) 641 finali. [8] Il-Komunikazzjoni "It-tisħiħ tas-sisien tar-Regolamentazzjoni
Intelliġenti — It-titjib tal-evalwazzjoni" - COM(2013) 686
finali tat-02.10.2013. [9] Ara n-nota 44 ta' qiegħ il-paġna [10] COM(2013) 534 finali. [11] Il-Kummissjoni rċeviet 88 opinjoni motivata, uħud minnhom
relatati ma’ aktar minn dokument wieħed. [12] COM(2013) 133 finali. [13] COM(2012) 788 finali. [14] COM(2013) 296 finali. [15] CdR 2336/2012, adottata mill-Bureau tal-KtR
fit-30 ta’ Jannar 2013. [16] 1. Rieżami tal-politika u l-leġiżlazzjoni tal-UE
dwar l-iskart;
2. Il-Pakkett dwar il-Portijiet (li ħa post l-inizjattiva "Blue
Belt" li kienet ġiet magħżula inizjalment);
3. Il-mobilità urbana;
4. Il-fatturar elettroniku fl-akkwist pubbliku; u
5. Qafas dwar il-klima ambjentali u l-valutazzjoni tal-enerġija li
jippermetti l-estrazzjoni sigura u mingħajr periklu tal-idrokarburi mhux
konvenzjonali [17] a) l-inizjattivi għandhom jippreżentaw interess politiku
ċar għall-awtoritajiet lokali u reġjonali; b) l-inizjattivi għandhom jindirizzaw il-kompetenzi
tal-awtoritajiet lokali u reġjonali; u c) l-inizjattivi għandhom ikollhom dimensjoni potenzjali ta'
sussidjarjetà. [18] Din il-metodoloġija tippermetti malajr li ssir analiżi ex
ante tal-impatt potenzjali tal-leġiżlazzjoni tal-UE fuq
l-iżvilupp ta’ reġjuni. Hija tikkombina strument standardizzat
ibbażat fuq indikaturi b’mezz li sistematikament jiġbor
l-għarfien espert permezz ta’ workshops. Hija tkopri l-impatti potenzjali
fuq livell ġenerali b’indikaturi komuni Ewropej għal reġjuni
NUTS 2. [19] CdR 2214/2012. [20] CdR 3766/2013. [21] CdR 5295/2013. [22] CdR 2062/2013. [23] https://portal.cor.europa.eu/subsidiarity/news/Pages/Subsidiarity-Annual-Report-2013.aspx.
[24] Id-Direttiva tal-Kunsill 91/414/KEE tal-15 ta’ Lulju 1991
li tikkonċerna t-tqegħid fis-suq ta’ prodotti għall-protezzjoni
tal-pjanti (ĠU L 230, 19.8.1991, p. 1). [25] Il-Kawża T-420/05 R, Vischim v il-Kummissjoni
[2009] Ġabra II‑3841, paragrafu 223. [26] Ir-Regolament tal-Kummissjoni (UE) Nru 737/2010 tal-10 ta’ Awwissu 2010
li jistabbilixxi regoli dettaljati għall-implimentazzjoni tar-Regolament
(KE) Nru 1007/2009 tal-Parlament Ewropew u tal-Kunsill dwar
il-kummerċ tal-prodotti mill-foki (ĠU L 216, 17.8.2010, p. 1). [27] Il-Kawża C-491/01, British American Tobacco
(Investments) u Imperial Tobacco [2002] Ġabra I-11453,
paragrafu 179. [28] COM(2013) 534 finali. [29] CY Vouli ton Antiprosopon (2 voti), CZ Senát (vot
wieħed), FR Sénat (vot wieħed), HU Országgyűlés (2
voti), IE Houses of the Oireachtas (iż-żewġt ikmamar — 2
voti), MT Kamra tad-Deputati (2 voti), RO Camera Deputaților (vot
wieħed), SI Državni zbor (vot wieħed), SE Riksdag
(żewġ voti), NL Eerste Kamer (vot wieħed), NL Tweede
Kamer (vot wieħed), UK House of Commons (vot wieħed) u UK House
of Lords (vot wieħed). [30] Kull Parlament nazzjonali għandu żewġ voti; fejn
Parlament nazzjonali ikun bikamerali, kull kamra jkollha vot wieħed. Kull
kamra hija intitolata li toħroġ opinjonijiet motivati għaliha. [31] PL Senat, DE Bundesrat, PT Assembleia da
República, RO Senatul, IT Senato della Repubblica, FR Assemblée
nationale, FI Eduskunta. Fl-2014 ġew ippreżentati
opinjonijiet addizzjonali. [32] Il-Kummissjoni wieġbet għal dawn il-kummenti mhux relatati
mas-sussidjarjetà b’ittri individwali lill-Parlamenti nazzjonali. [33] COM(2013) 851 finali. [34] COM(2013) 133 finali. [35] BE Sénat, FI Eduskunta,
DE Bundesrat, IE il-Kmamar tal-Oireachtas
(iż-żewġt ikmamar), LT Seimas, PL Senat, SE Riksdag,
NL Eerste Kamer, NL Tweede Kamer. [36] IT Senato della Repubblica, DK Folketing, EE Riigikogu,
RO Senatul u PT Assembleia da República. [37] COM (2012) 788. [38] CZ Poslanecká sněmovna (vot wieħed), DK Folketing
(żewġ voti), EL Vouli ton Ellinon (żewġ voti), IT Senato
della Repubblica (vot wieħed), PT Assembleia da República
(żewġ voti), RO Camera Deputaților (vot wieħed) u SE
Riksdag (żewġ voti). [39] AT Bundesrat, CZ Sénat, DE Bundesrat, FR Assemblée
nationale, PL Senat, RO Senat, SK Národná Rada, HU Országgyűlés. [40] BG Narodno Sabranie u IT Camera dei Deputati. [41] Ara l-Kawża C-491/01, BAT [2002] Ġabra I-11453. [42] COM(2013) 296. [43] FR Assemblée nationale (vot wieħed), IT Senato della
Repubblica (vot wieħed), LV Saeima (żewġ voti), MT
Kamra tad-Deputati (żewġ voti), PL Sejm (vot wieħed), ES Congreso
de los Diputados u Senado (iż-żewġt ikmamar - żewġ
voti) u SE Riksdag (żewġ voti). [44] PT Assembleia da República, PL Senat u DE Bundesrat. [45] Biex tikkwalifika bħala opinjoni motivata kif definit
fil-Protokoll Nru 2, opinjoni tkun trid tiddikjara għaliex Parlament
nazzjonali jkun iqis li proposta leġiżlattiva ma tkun konformi
mal-prinċipju ta’ sussidjarjetà u trid tintbagħat lill-Kummissjoni fi
żmien tmien ġimgħat mit-trażmissjoni tal-proposta
lill-Parlamenti nazzjonali. [46] Skont il-Protokoll Nru 2, kull Parlament nazzjonali
għandu żewġ voti; fil-każ ta’ sistema bikamerali, kull
kamra jkollha vot wieħed. Meta opinjoni motivata dwar in-nuqqas
tal-osservanza tal-prinċipju ta' sussidjarjetà ta' abbozz ta' att
leġiżlattiv Ewropew tkun tirrappreżenta tal-anqas terz tal-voti
kollha allokati lill-Parlamenti nazzjonali, tkun intħalqet l-għatba
tal-karta safra, li jfisser li l-abbozz ikun irid jiġi rivedut.
Bl-adeżjoni tal-Kroazja fl-1 ta’ Lulju 2013, 19 minn 56 vot
jirrappreżentaw terz tal-voti kollha allokati lill-Parlamenti nazzjonali. [47] Li minnhom waħda ġiet b'mod konġunt
miż-żewġt ikmamar tal-Irlanda tal-Oireachtas —
magħduda bħala opinjoni motivta waħda minn żewġt
ikmamar. [48] Skont il-Protokoll Nru 2, fil-każ ta’ abbozz ta’ att
leġiżlattiv ippreżentat abbażi tal- Artikolu 76 TFUE
(dwar il-libertà, is-sigurtà u l-ġustizzja), l-għatba tal-karta safra
tintlaħaq meta l-opinjonijiet motivati jkunu jirrappreżentaw
tal-inqas kwart tal-voti kollha allokati lill-Parlamenti nazzjonali.
Bl-adeżjoni tal-Kroazja fl-1 ta’ Lulju 2013, 14 minn 56 vot
jirrappreżentaw kwart tal-voti kollha allokati lill-Parlamenti nazzjonali.
[49] Li minnhom waħda ġiet b’mod konġunt
miż-żewġt ikmamar tal-Oireachtas Irlandiżi —
magħduda bħala opinjoni motivata waħda minn żewġt
ikmamar. [50] Li minnhom waħda ġiet b’mod konġunt
miż-żewġt ikmamar tal-Oireachtas Irlandiżi —
magħduda bħala opinjoni motivata waħda minn żewġt
ikmamar. [51] Erbgħa mill-opinjonijiet motivati dwar dan id-dokument
tal-Kummissjoni kienu wkoll jikkonċernaw b'mod konġunt diversi
dokumenti oħra tal-Kummissjoni. [52] Din l-opinjoni motivata mix-Chambre des Députés tal-Lussemburgu
kienet tikkonċerna b'mod konġunt COM(2013) 28 u
COM(2013) 29. [53] Din l-opinjoni motivata mir-Riksdag tal-Isvezja kienet
tikkonċerna b’mod konġunt COM(2013) 27, COM(2013) 28,
COM(2013) 29, COM(2013) 30, u COM(2013) 31 — ir-4 pakkett
ferrovjarju. [54] Din l-opinjoni motivata mill-Eerste Kamer tal-Pajjiżi
l-Baxxi kienet tikkonċerna b'mod konġunt COM(2013) 28 u
COM(2013) 29. [55] Din l-opinjoni motivata mit-Tweede Kamer tal-Pajjiżi
l-Baxxi kienet tikkonċerna b'mod konġunt COM(2013) 28 u
COM(2013) 29. [56] Erbgħa mill-opinjonijiet motivati dwar dan id-dokument
tal-Kummissjoni kienu wkoll jikkonċernaw b'mod konġunt diversi
dokumenti oħra tal-Kummissjoni. [57] Kif irrimarkat aktar 'il fuq, din l-opinjoni motivata mix-Chambre
des Députés tal-Lussemburgu kienet tikkonċerna b'mod konġunt
COM(2013) 28 u COM(2013) 29. [58] Kif irrimarkat aktar 'il fuq, din l-opinjoni motivata mir-Riksdag
tal-Isvezja kienet tikkonċerna b’mod konġunt COM(2013) 27,
COM(2013) 28, COM(2013) 29, COM(2013) 30, u COM(2013) 31 —
ir-4 pakkett ferrovjarju. [59] Kif irrimarkat aktar 'il fuq, din l-opinjoni motivata mill-Eerste
Kamer tal-Pajjiżi l-Baxxi kienet tikkonċerna b'mod konġunt
COM(2013) 28 u COM(2013) 29. [60] Kif irrimarkat aktar 'il fuq, din l-opinjoni motivata mill-Eerste
Kamer tal-Pajjiżi l-Baxxi kienet tikkonċerna b'mod konġunt
COM(2013) 28 u COM(2013) 29. [61] Tnejn mill-opinjonijiet motivati dwar dan id-dokument
tal-Kummissjoni kien jikkonċerna b'mod konġunt ukoll
COM(2012) 615. [62] Il-Kummissjoni rċeviet tliet opinjonijiet motivati dwar dan
id-dokument minn DK Folketing, ir-Riksdag tal-Isvezja u b’mod
konġunt minn l-Eerste Kamer u t-Tweede Kamer
(iż-żewġt ikmamar) qabel l-1 ta’ Jannar 2013. [63] Din l-opinjoni motivata mill-Poslanecká sněmovna tar-Repubblika
Ċeka kienet tikkonċerna b'mod konġunt COM(2012) 614 u
COM(2012) 615. [64] Din l-opinjoni motivata mill-Houe of Lords tar-Renju Unit kienet
tikkonċerna b'mod konġunt COM(2012) 614 u COM(2012) 615. [65] Li minnhom waħda ġiet b'mod konġunt
miż-żewġt ikmamar tal-Irlanda tal-Oireachtas —
magħduda bħala opinjoni motivata waħda minn żewġt
ikmamar. [66] Waħda mill-opinjonijiet motivati li tikkonċerna dan
id-dokument tal-Kummissjoni, kienet ukoll tikkonċerna b'mod konġunt
COM(2013) 28, COM(2013) 29, COM(2013) 30, u COM(2013) 31. [67] Kif irrimarkat aktar 'il fuq, din l-opinjoni motivata mir-Riksdag
tal-Isvezja kienet tikkonċerna b’mod konġunt COM(2013) 27,
COM(2013) 28, COM(2013) 29, COM(2013) 30, u COM(2013) 31 —
ir-4 pakkett ferrovjarju. [68] Waħda mill-opinjonijiet motivati li tikkonċerna dan
id-dokument tal-Kummissjoni, kienet ukoll tikkonċerna b'mod konġunt
COM(2013) 27, COM(2013) 28, COM(2013) 29, u COM(2013) 30. [69] Kif irrimarkat aktar 'il fuq, din l-opinjoni motivata mir-Riksdag
tal-Isvezja kienet tikkonċerna b’mod konġunt COM(2013) 27,
COM(2013) 28, COM(2013) 29, COM(2013) 30, u COM(2013) 31 —
ir-4 pakkett ferrovjarju. [70] Li minnhom waħda ġiet b'mod konġunt
miż-żewġt ikmamar Spanjoli — magħduda bħala opinjoni
motivata waħda minn żewġt ikmamar. [71] L-opinjonijiet motivati dwar dan id-dokument tal-Kummissjoni kien
jikkonċerna b'mod konġunt ukoll COM(2012) 614. [72] Kif irrimarkat aktar 'il fuq, din l-opinjoni motivata mill-Poslanecká
sněmovna tar-Repubblika Ċeka kienet tikkonċerna b'mod
konġunt COM(2012) 614 u COM(2012) 615. [73] Kif irrimarkat aktar 'il fuq, din l-opinjoni motivata mill-House
of Lords tar-Renju Unit kienet tikkonċerna b'mod konġunt
COM(2012) 614 u COM(2012) 615. [74] L-opinjoni motivata li tikkonċerna dan id-dokument
tal-Kummissjoni, kienet ukoll tikkonċerna b'mod konġunt
COM(2013) 27, COM(2013) 28, COM(2013) 29, u COM(2013) 31. [75] Kif irrimarkat aktar 'il fuq, din l-opinjoni motivata mir-Riksdag
tal-Isvezja kienet tikkonċerna b’mod konġunt COM(2013) 27,
COM(2013) 28, COM(2013) 29, COM(2013) 30, u COM(2013) 31 —
ir-4 pakkett ferrovjarju. [76] Li minnhom waħda ġiet b’mod konġunt
miż-żewġt ikmamar Spanjoli — magħduda bħala opinjoni
motivata waħda minn żewġt ikmamar. [77] L-opinjonijiet motivati dwar dan id-dokument tal-Kummissjoni kien
jikkonċerna b'mod konġunt ukoll COM(2013) 619. [78] Din l-opinjoni motivata mill-House of Lords tar-Renju Unit
kienet tikkonċerna b'mod konġunt COM(2012) 618 u
COM(2012) 619. [79] Din l-opinjoni motivata mill-House of Lords tar-Renju Unit
kienet tikkonċerna b'mod konġunt COM(2012) 618 u
COM(2012) 619. [80] L-opinjonijiet motivati dwar dan id-dokument tal-Kummissjoni kien
jikkonċerna b'mod konġunt ukoll COM(2013) 618. [81] Kif irrimarkat aktar 'il fuq, din l-opinjoni motivata mill-House
of Lords tar-Renju Unit kienet tikkonċerna b'mod konġunt
COM(2012) 618 u COM(2012) 619. [82] Kif irrimarkat aktar 'il fuq, din l-opinjoni motivata mill-House
of Lords tar-Renju Unit kienet tikkonċerna b'mod konġunt
COM(2012) 618 u COM(2012) 619. [83] Din l-opinjoni motivata ġiet b’mod konġunt
miż-żewġt ikmamar Spanjoli — magħduda bħala opinjoni
motivata waħda minn żewġt ikmamar. [84] Waħda mill-opinjonijiet motivati dwar dan id-dokument
tal-Kummissjoni kienet ukoll tikkonċerna b'mod konġunt
JOIN(2013) 1. [85] Din l-opinjoni morivata ġiet b’mod konġunt
miż-żewġt ikmamar Spanjoli — magħduda bħala opinjoni
motivata waħda minn żewġt ikmamar. [86] Minħabba li xi opinjonijiet motivati jikkonċernaw b’mod
konġunt aktar minn dokument wieħed, it-tabella turi l-għadd ta’
opinjonijiet motivati maħruġa għal kull dokument individwali.
Sabiex juru wkoll in-numru ta’ opinjonijiet motivati rċevuti
mill-Kummissjoni, l-għadd addizzjonali ta’ opinjonijiet motivati b’mod
konġunt li jikkonċernaw aktar minn dokument wieħed huwa mnaqqas. [87] Kif irrimarkat aktar 'il fuq, din tirreferi għal opinjoni
motivata waħda mix-Chambre des Députés tal-Lussemburgu li
tikkonċerna b'mod konġunt COM(2013) 28 u COM(2013) 29.
opinjoni motivata waħda mir-Riksdag tal-Isvezja li tikkonċerna
b’mod konġunt COM(2013) 27, COM(2013) 28, COM(2013) 29,
COM(2013) 30, u COM(2013) 31 — ir-4 pakkett ferrovjarju. opinjoni
motivata waħda mill-Eerste Kamer tal-Pajjiżi l-Baxxi li
tikkonċerna b'mod konġunt COM(2013) 28 u COM(2013) 29.
opinjoni motivata waħda mit-Tweede Kamer tal-Pajjiżi l-Baxxi
li tikkonċerna b'mod konġunt COM(2013) 28 u COM(2013) 29.
opinjoni motivata waħda mill-Poslanecká sněmovna tar-Repubblika
Ċeka li tikkonċerna b'mod konġunt COM(2012) 614 u
COM(2012) 615. Din l-opinjoni motivata mill-House of Lords
tar-Renju Unit kienet tikkonċerna b'mod konġunt COM(2012) 614 u
COM(2012) 615. opinjoni motivata waħda mill-House of Commons
tar-Renju Unit kienet tikkonċerna b'mod konġunt COM(2012) 618 u
COM(2012) 619. u opinjoni motivata mill-House of Lords tar-Renju
Unit kienet tikkonċerna b'mod konġunt COM(2012) 618 u
COM(2012) 619.