KOMUNIKAZZJONI TAL-KUMMISSJONI LILL-KUNSILL U LILL-PARLAMENT EWROPEW Aġġustament tekniku tal-qafas finanzjarju għas-sena 2015 f’konformità mal-movimenti fl-ING (l-Artikolu 6 tar-Regolament tal-Kunsill Nru 1311/2013 li jistabbilixxi l-qafas finanzjarju pluriennali għas-snin 2014-2020) /* COM/2014/0307 final */
KOMUNIKAZZJONI TAL-KUMMISSJONI
LILL-KUNSILL U LILL-PARLAMENT EWROPEW Aġġustament tekniku tal-qafas
finanzjarju għas-sena 2015 f’konformità mal-movimenti fl-ING
(l-Artikolu 6 tar-Regolament tal-Kunsill Nru 1311/2013 li
jistabbilixxi l-qafas finanzjarju pluriennali għas-snin 2014-2020) 1. introduzzjoni Ir-Regolament tal-Kunsill Nru 1311/2013 li
jistabbilixxi l-qafas finanzjarju pluriennali għas-snin 2014-2020[1] (ir-Regolament QFP)
jinkludi t-tabella tal-qafas finanzjarju għall-UE-28 għall-perjodu
2014-2020, espress fi prezzijiet tal-2011 (it-Tabella 1). Skont l-Artikolu 6(1) tar-Regolament QFP,
il-Kummissjoni kull sena, qabel il-proċedura baġitarja għas-sena
n+1, tagħmel aġġustament tekniku għall-qafas finanzjarju
f'konformità mal-movimenti fl-introjtu nazzjonali gross (ING) u l-prezzijiet
tal-UE u tikkomunika r-riżultati liż-żewġ fergħat
tal-awtorità baġitarja. F'dak li jirrigwarda l-prezzijiet, il-limiti
massimi tan-nefqa bi prezzijiet attwali huma stabbiliti bl-użu tad-deflatur
fiss ta' 2 % previst fl-Artikoli 6(2) tar-Regolament QFP. F'dak li
jirrigwarda l-movimenti tal-ING, din il-Komunikazzjoni tinkludi
l-aħħar tbassir ekonomiku disponibbli. Fl-istess ħin il-Kummissjoni tikkalkula
l-marġini disponibbli skont il-limitu tar-riżorsi proprji stabbilit
skont id-Deċiżjoni 2007/436/KE, Euratom, l-ammont assolut
tal-Marġini ta’ Kontinġenza previst fl-Artikolu 13,
il-marġini globali għall-pagamenti previst fl-Artikolu 5, u
l-marġini globali għall-impenji previst fl-Artikolu 14
tar-Regolament QFP. Barra minn hekk, skont l-Artikolu 3(1) tar-Regolament
dwar QFM, il-limitu massimu għall-intestatura 2 dwar nefqa relatata
mas-suq u l-pagamenti diretti għandu jkun aġġustat wara
t-trasferimenti bejn il-pilastru I u l-iżvilupp rurali skont l-att legali
li jistabbilixxi dawn it-trasferimenti. L-għan ta' din il-komunikazzjoni huwa li
r-riżultat tal-aġġustamenti tekniki (UE-28) għall-2015
skont l-Artikolu 6 tar-Regolament QFP jiġi ppreżentat
lill-awtorità baġitarja. 2. termini
tal-aġġustament tat-tabella tal-qafas finanzjarju
(it-tabelli 1-2) It-Tabella 1 turi
l-qafas finanzjarju għall-UE-28 fi prezzijiet tal-2011 kif inkluż
fl-Anness I tar-Regolament QFP. It-Tabella 2 turi
l-qafas finanzjarju għall-UE-28 aġġustat għall-2015
(jiġifieri bil-prezzijiet attwali). Il-qafas finanzjarju espress
bħala perċentwal tal-ING huwa aġġornat bl-aħħar
previżjonijiet ekonomiċi disponibbli (Rebbiegħa 2014) u
l-projezzjonijiet fit-tul. 2.1. Ċifra
totali għall-ING Skont l-aħħar previżjoni
disponibbli, l-ING għall-2015 huwa stabbilit għal EUR 13 918 050
miljun fi prezzijiet attwali għall-UE-28. 2.2. Ir-riżultati
ewlenin tal-aġġustament tekniku tal-Qafas Finanzjarju għall-2015 Il-limitu massimu kumplessiv
għall-approprjazzjonijiet ta' impenn għall-2015
(EUR 146 483 miljun) huwa ekwivalenti għal 1,05 % tal-ING. Il-limitu massimu kumplessiv li jikkorrsipondi
għall-approprjazzjonijiet ta' pagamenti
(EUR 141 901 miljun) huwa ekwivalenti għal 1,02 %
tal-ING. Abbażi tal-aħħar tbassir ekonomiku, dan iħalli
marġini taħt il-limitu massimu ta' 1,23 % tar-riżorsi
proprji ta' EUR 29 291 miljun (0,21 % tal-ING
għall-UE-28). 2.3. Aġġustament
tas-sottolimitu massimu għall-Intestatura 2 Skont l-Artikolu 3(1) tar-RegolamentQFM,
is-sottolimitu massimu għall-intestatura 2ta' b'kollox
EUR 312 735 għan-nefqa relatata mas-suq u l-pagamenti diretti
fil-perjodu 2014 sa 2020 għandu jiġi aġġustat wara
t-trasferimenti bejn il-pilastru I u l-iżvilupp rurali skont l-att legali
li jistabbilixxi dawn it-trasferimenti. L-ammonti li saru disponibbli għall-Fond
Agrikolu Ewropew għall-Iżvilupp Rurali (FAEŻR), kif stabbilit
fir-Regolament ta’ Implimentazzjoni tal-Kummissjoni Nru 367/2014[2], jikkonsisti
mill-elementi li ġejjin (ara t-tabella ta’ hawn taħt): (1)
Għall-aġġustament volontarju
stabbilit fid-Deċiżjoni ta' Implimentazzjoni tal-Kummissjoni 2013/146/UE
skont l-Artikolu 10b tar-Regolament (KE) Nru 73/2009, li jiżdied
mat-tqassim annwali tal-appoġġ mill-Unjoni għall-iżvilupp
rurali skont l-Artikolu 10c(2) tal-istess Regolament. Id-Deċiżjoni
ta’ Implimentazzjoni tal-Kummissjoni li tiffissa dan l-ammont għal
EUR 296,3 miljun fir-Renju Unit għas-sena finanzjarja 2014. (2)
L-ammonti li għandhom jiġu ttrasferiti
lill-FAEŻR skont l-Artikoli 136 u 136b tar-Regolament (KE)
Nru 73/2009 għall-Ġermanja u l-Isvezja b'total ta’ EUR 51,6 miljun
kull sena għas-sena finanzjarja 2014 u 2015 ('ammonti li ma jintefqux'). (3)
L-ammonti jiġi ttrasferiti
għall-FAEŻR skont l-Artikolu 66(1) tar-Regolament (UE)
Nru 1307/2013. Il-Greċja se tittrasferixxi EUR 4 miljun
kull sena mill-2014 ('EL qoton'). Dan l-ewwel sett ta’ trasferimenti jnaqqas
il-bilanċ nett disponibbli għan-nefqa tal-Fond Agrikolu Ewropew ta’
Garanzija (FAEG) b’EUR 427,5 miljun fl-2014-2020 u s-sottolimitu
massimu tal-QFP għan-nefqa marbuta mas-suq u l-pagamenti diretti teħtieġ
li tiġi aġġustata minn EUR 312 735 miljun
għal EUR 312 309 miljun kif jidher fit-tabella ta’ hawn
taħt. Barra minn hekk, sett ieħor ta’ trasferimenti
bejn il-pilastru I u l-iżvilupp rurali ġie deċiż imma
għadu ma ġiex rifless fir-Regolament ta’ Implimentazzjoni
tal-Kummissjoni rispettivi. Wara n-notifiki magħmula mill-Istati Membri
sal-31 ta’ Diċembru 2013 dwar il-flessibbiltà bejn il-pilastri
skont l-Artikolu 14 tar-Regolament (UE) Nru 1307/2013,
it-trasferiment totali tal-ammonti mil-limiti massimi tal-pagamenti diretti
għall-programmazzjoni tal-iżvilupp rurali għas-snin finanzjarji
2015-2020 huwa ta’ EUR 3 884,380 miljun, filwaqt li
t-trasferiment totali tal-ammonti mill-programmazzjoni tal-iżvilupp rurali
għas-snin finanzjarji 2015-2020 għal-limiti massimi tal-pagamenti
diretti huwa ta’ EUR 2 988,507 miljun. Madankollu, dawn
iċ-ċifri huma biss preliminari. Dan it-tieni aġġustament
għas-sottolimitu massimu tal-H2 jista’ jiġi implimentat biss fl-2015
(fl-aġġustament tekniku għall-2016) wara li tidħol fis-seħħ
l-emenda fir-Regolament ta’ Implimentazzjoni tal-Kummissjoni li jistipula
l-bilanċ nett disponibbli għall-FAEG[3].
F’dak iż-żmien jistgħu jitqiesu aktar aġġustamenti
relatati mal-flessibbiltà bejn il-pilastri wara t-tieni skadenza tan-notifika
fl-1 ta’ Awwissu 2014. Il-modifika tas-sottolimitu H2 fil-prezzijiet
attwali teħtieġ li tiġi tradotta fi prezzijiet tal-2011 sabiex
taġġusta teknikament it-Tabella tal-QFP fi prezzijiet tal-2011. Għal dan l-għan il-bilanċ nett
tal-FAEG l-ewwel jiġi trasformat fi prezzijiet tal-2011 permezz
tad-deflatur fiss ta’ 2 %. Dan imbagħad jiġi arrodondit biex
jinkiseb is-sottolimitu massimu H2 aġġustat peress li l-limiti
massimi tal-QFP huma espressi biss f’miljuni ta’ Euro. Huwa biss permess ta’
din il-proċedura ta' arrotondiment li jista’ jiġi żgurat li
s-sottolimitu massimu tal-QFP ikunu dejjem ogħla mill-bilanċ nett
disponibbli għan-nefqa tal-FAEG. Id-differenza żgħira li
tirriżulta ma tikkostitwixxix marġni disponibbli, iżda
tirriżulta esklussivament mill-operazzjoni tal-arrotondiment peress li ċ-ċifri
kollha fit-tabella tal-QFP iridu jkunu espressi f’miljuni ta’ Euro. Għal
kull baġit annwali, il-Kummissjoni se tuża l-ammonti eżatti
tal-bilanċ nett disponibbli għan-nefqa tal-FAEG kif diġà kien
il-każ għall-baġit tal-2014. 3. marġini
kumplessiv għall-pagamenti Skont l-Artikolu 5 tar-Regolament QFP,
il-Kummissjoni se taġġusta l-limitu massimu tal-pagamenti
għas-snin 2015-2020 'il fuq b’ammont ekwivalenti għad-differenza bejn
il-pagamenti eżegwiti u l-limitu massimu tal-pagamenti tal-QFP tas-sena
n-1. Kwalunkwe aġġustament 'il fuq għandu jkun paċut
bis-sħiħ bi tnaqqis korrispondenti tal-limitu massimu tal-pagamenti
għas-sena n-1. Dan l-aġġustament se jsir
għall-ewwel darba fl-2015 (fl-aġġustament tekniku
għall-2016). 4. strumenti
speċjali Hemm għadd ta’ strumenti li huma disponibbli
barra mil-limiti massimi tan-nefqa miftiehma fil-qafas finanzjarju 2014-2020.
Dawn l-istrumenti għandhom l-għan li jipprovdu rispons rapidu
għal avvenimenti eċċezzjonali jew mhux mistennija, u jipprovdu
ftit element ta’ flessibilità lil hinn mil-limiti massimi tan-nefqa miftiehma
b’ċerti limiti: 4.1. Riżerva
għal Għajnuna f'Emerġenza Skont l-Artikolu 9 tar-Regolament QFP,
ir-Riżerva għal Għajnuna f'Emerġenza tista' tiġi
mobilizzata sa ammont massimu ta' EUR 280 miljun fis-sena fi
prezzijiet tal-2011, jew EUR 303 miljuni fl-2015 fi prezzijiet
attwali (EUR 2 209 miljun għall-perjodu kollu fi prezzijiet
attwali). Il-porzjon tal-ammont mhux użat tas-sena preċedenti jista'
jiġi riportat. 4.2. Fond
ta' Solidarjetà tal-Unjoni Ewropea Skont l-Artikolu 10 tar-Regolament QFP, il-Fond
ta' Solidarjetà tal-UE jista' jiġi mobilizzat sa ammont massimu ta'
EUR 500 miljun fis-sena fi prezzijiet tal-2011, jew
EUR 541 miljun fl-2015 fi prezzijiet attwali
(EUR 3 945 miljun għall-perjodu kollu fi prezzijiet
attwali). Il-porzjon tal-ammont mhux użat tas-sena preċedenti jista'
jiġi riportat. 4.3. Strument
ta' Flessibbiltà Skont l-Artikolu 11 tar-Regolament QFP, l-Istrument
ta' Flessibbiltà jista' jiġi mobilizzat sa ammont annwali massimu ta'
EUR 471 miljun fi prezzijiet tal-2011, jew EUR 510 miljuni
fl-2015 fi prezzijiet attwali (EUR 3 716-il miljun
għall-perjodu kollu fi prezzijiet attwali). Il-porzjon tal-ammont mhux
użat tat-tliet snin preċedenti jista' jiġi riportat. 4.4. Fond
Ewropew ta' Aġġustament għall-Globalizzazzjoni Skont l-Artikolu 12 tar-Regolament QFP, il-Fond
Ewropew ta' Aġġustament għall-Globalizzazzjoni jista'
jiġi mobilizzat sa massimu ta' EUR 150 miljun fis-sena fi prezzijiet
tal-2011, jew EUR 162 miljun fl-2015 fi prezzijiet attwali
(EUR 1 183 miljun għall-perjodu kollu fi prezzijiet
attwali). 4.5. Marġini
ta' Kontinġenza Skont l-Artikolu 13 tar-Regolament QFP,
Marġini ta’ Kontinġenza sa 0,03 % tal-Introjtu Nazzjonali Gross
tal-Unjoni għandu jiġi stabbilit barra mil-limiti massimi tal-qafas
finanzjarju għall-perjodu 2014-2020. L-ammont assolut tal-Marġini ta’
Kontinġenza għas-sena 2015 huwa ta’
EUR 4 175,4 miljun. 4.6. Marġini
globali għall-impenji għat-tkabbir u
l-impjiegi, b'mod partikolari l-impjiegi taż-żgħażagħ Skont l-Artikolu 14 tar-Regolament QFP,
il-marġini li jibqgħu disponibbli taħt il-limiti massimi tal-QFP
għal approprjazzjonijiet tal-impenji għas-snin 2014-2017
jikkostitwixxu Marġini Kumplessiv tal-QFP għall-impenji, li għandhom
ikunu disponibbli lil hinn mil-limiti massimi stabbiliti fl-Anness
tar-Regolament QFP għas-snin 2016 sa 2020 għal objettivi ta’ politika
relatati mat-tkabbir u mal-impjiegi, b’mod partikulari l-impjiegi fost
iż-żgħażagħ. Il-Kummissjoni tikkalkula l-ammont disponibbli.
Il-Marġini Kumplessiv tal-QFP
għall-impenji se jiġi kkalkulat għall-ewwel darba fl-2015
(fl-aġġustament tekniku għall-2016). [1] ĠU L 347, 20.12.2013, p. 884. [2] Ir-Regolament ta' Implimentazzjoni tal-Kummissjoni (UE)
Nru 367/2014 tal-10 ta' April 2014 li jiffissa
l-bilanċ nett disponibbli għan-nefqa tal-FAEG (ĠU L 108,
11.4.2014, p. 13) [3] Ir-Regolament ta’ Delega tal-Kummissjoni (UE)
Nru xxx/xxxx tat-13 ta’ Mejju 2014 li jemenda
l-Annessi VIII u VIIIc tar- Regolament tal-Kunsill (KE) Nru 73/2009,
l-Anness I tar-Regolament (UE) Nru 1305/2013 tal-Parlament Ewropew u
tal-Kunsill u l-Annessi II, III u VI tar-Regolament (UE)
Nru 1307/2013 tal-Parlament Ewropew u tal-Kunsill (C(2014)3006)
intbagħat lill-PE u lill-Kunsill. Iż-żewġ istituzzjonijiet
għandhom perjodu ta’ skrutinju ta’ mill-inqas xahrejn biex
joġġezzjonaw. Wara dak il-perjodu ta’ skrutinju biss, il-Kummissjoni
se tkun tista’ tadotta Regolament ta’ Implimentazzjoni tal-Kummissjoni ta'
emenda li jistipula l-bilanċ nett disponibbli għan-nefqa tal-FAEG.
Il-flessibbiltà bejn il-pilastri notifikata
fil-31 ta’ Diċembru 2013 se tkun diġà tqieset
għall-abbozz tal-Baġit tal-2015.