20.7.2013

Il-Ġurnal Uffiċjali tal-Unjoni Ewropea

C 206/6

Opinjoni tal-Kumitat Konsultattiv dwar il-fużjonijiet mogħtija fil-laqgħa tiegħu tat-28 ta’ Marzu 2012 għar-rigward ta' abbozz ta' deċiżjoni dwar il-Każ COMP/M.6266 – Johnson & Johnson/Synthes

Rapportatur: Ir-Repubblika Ċeka

2013/C 206/04

1.	Il-Kumitat Konsultattiv jaqbel mal-Kummissjoni li l-operazzjoni nnotifikata tikkostitwixxi konċentrazzjoni skont it-tifsira tal-Artikolu 3(1)(b) tar-Regolament dwar l-Għaqdiet.

2.	Il-Kumitat Konsultattiv jaqbel mal-Kummissjoni li t-tranżazzjoni nnotifikata għandha dimensjoni tal-Unjoni, skont it-tifsira tal-Artikolu 1 tar-Regolament dwar l-Għaqdiet.

3.	Il-Kumitat Kosultattiv jaqbel mad-definizzjonijiet tal-Kummissjoni tas-swieq tal-prodott u s-swieq ġeografiċi rilevanti kif iddikjarat fl-abbozz tad-deċiżjoni.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni nnotifikata mhux se twassal għal xi tfixkil sinifikanti għall-kompetizzjoni effettiva fis-swieq ikkonċernati fl-oqsma ta': (1) Apparat għas-sinsla; (2) Apparat għall-ispalla; (3) Apparat karnju-maksillofaċjali; kif ukoll (4) Għodod bil-mutur.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni notifikata, kif proposta oriġinarjament miill-partijiet notifikanti, twassal għal tfixkil sinifikanti tal-kompetizzjoni effettiva fis-swieq li ġejjin

—	Sistemi ta' kisi mhux anatomiċi fid-Danimarka, in-Norveġja, is-Slovenja, l-Isvezja u r-Renju Unit;

—	Sistemi ta' kisi tal-polz anatomiċi fin-Norveġja, il-Portugall, Spanja, l-Isvezja u r-Renju Unit;

—	Sistemi ta' kisi tal-ispalla anatomiċi fil-Portugall, l-Isvezja u r-Renju Unit;

—	Sistemi ta' kisi tal-għarqub fi Franza, il-Ġermanja il-Portugall u r-Renju Unit;

—	Sistemi ta' kisi tal-irkoppa fir-Repubblika Ċeka, il-Portugall, u s-Slovenja;

—	Sistemi ta' kisi tal-minkeb fil-Portugall; kif ukoll

—	Viti kannulati (irrispettivament minn jekk viti kannulati kanċellużi humiex ikkunsidrati bħala suq separat jew le) fl-Awstrija, il-Belġju, l-Estonja, Franza, il-Latvja, il-Lussemburgu, il-Pajjiżi l-Baxxi, is-Slovenja, Spanja u r-Renju Unit.

Il-Kumitat Konsultattiv jaqbel mal-Kummissjoni li l-impenji offruti mill-parti notifikanti fil-21 ta’ Frar 2012 u kif modifikati fit-13 ta’ Marzu 2012 jindirizzaw il-problemi relatati mal-kompetizzjoni identifikati mill-Kummissjoni u se jeliminaw it-tfixkil sinifikanti għall-kompetizzjoni effettiva li tirriżulta mit-tranżazzjoni notifikata.

7.	Il-Kumitat Konsultattiv jaqbel mal-Kummissjoni li t-tranżazzjoni notifikata għandha tiġi għalhekk dikkjarata inkompatibbli mas-suq komuni u mat-tħaddim tal-ftehim taż-ŻEE.