|
9.3.2013 |
MT |
Il-Ġurnal Uffiċjali tal-Unjoni Ewropea |
C 70/12 |
Sommarju tad-Deċiżjoni tal-Kummissjoni
tas-27 ta’ Ġunju 2012
li temenda d-Deċiżjoni C(2006) 6762 finali tal-24 ta’ Jannar 2007 li tirrigwarda proċedura skont l-Artikolu 81 tat-Trattat tal-KE (issa l-Artikolu 101 tat-Trattat dwar il-Funzjonament tal-Unjoni Ewropea) u l-Artikolu 53 tal-Ftehim taż-ŻEE sal-punt li kienet indirizzata lil Mitsubishi Electric Corporation u lil Toshiba Corporation
(Kawża COMP/39.966 – Switchgear Iżolat bil-Gass – Multi)
(notifikata bid-dokument numru C(2012) 4381)
(It-test bl-Ingliż biss hu awtentiku)
(Test b’relevanza għaż-ŻEE)
2013/C 70/06
Fis-27 ta’ Ġunju 2012, il-Kummissjoni adottat deċiżjoni li temenda d-Deċiżjoni C(2006) 6762 finali tal-24 ta’ Jannar 2007 li tirrigwarda proċedura skont l-Artikolu 81 tat-Trattat tal-KE (issa l-Artikolu 101 tat-Trattat dwar il-Funzjonament tal-Unjoni Ewropea) u l-Artikolu 53 tal-Ftehim taż-ŻEE sal-punt li kienet indirizzata lil Mitsubishi Electric Corporation u lil Toshiba Corporation. Skont id-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1), il-Kummissjoni b’dan qiegħda tippubblika l-ismijiet tal-partijiet u l-kuntest ewlieni tad-deċiżjoni, inklużi kwalunkwe penali imposti, wara li kkunsidrat l-interess leġittimu tal-impriżi fil-ħarsien tal-interessi kummerċjali tagħhom.
1. INTRODUZZJONI
|
(1) |
Id-Deċiżjoni temenda d-Deċiżjoni C(2006) 6762 tal-24 ta’ Jannar 2007 sal-punt li kienet indirizzata lil Mitsubishi Electric Corporation (Melco) u lil Toshiba Corporation (Toshiba) (minn hawn ’il quddiem id-Deċiżjoni tal-24 ta’ Jannar 2007). |
|
(2) |
Fis-sentenzi tagħha fil-Kawża T-113/07 Toshiba Corp. vs il-Kummissjoni Ewropea u l-Kawża T-133/07 Mitsubishi Electric Corp. vs il-Kummissjoni Ewropea, il-Qorti Ġenerali kkonfermat il-konklużjoni tal-Kummissjoni skont l-Artikolu 7(1) tar-Regolament (KE) Nru 1/2003, li saru fl-Artikoli 1(l) u (s) tad-Deċiżjoni tal-24 ta’ Jannar 2007, li Melco u Toshiba kisru l-Artikolu 101 tat-TFUE u l-Artikolu 53 tal-Ftehim taż-ŻEE billi pparteċipaw, mill-15 ta’ April 1988 sal-11 ta’ Mejju 2004, f’kumpless ta’ ftehimiet u prattiċi miftiehma fis-settur Switchgear Iżolati bil-Gass fiż-ŻEE. Madankollu, il-Qorti Ġenerali annullat il-multi imposti fuq Melco u Toshiba għal din l-infrazzjoni fid-deċiżjoni tal-24 ta’ Jannar 2007 minħabba ksur tal-prinċipju ta’ trattament ugwali fl-għażla tas-sena ta’ referenza għall-iskop tal-kalkolu tal-multa imposta fuq Melco u Toshiba. |
|
(3) |
Id-Deċiżjoni tirrimedja l-iżball fl-għażla tas-sena ta’ referenza u timponi mill-ġdid multa fuq Melco u Toshiba għall-parteċipazzjoni tagħhom fil-ksur stabbilit fid-deċiżjoni tal-24 ta’ Jannar 2007. |
2. DESKRIZZJONI TAL-KAŻ
2.1. Proċedura
|
(4) |
L-intenzjoni tal-Kummissjoni li timponi mill-ġdid multa fuq Melco u Toshiba kif ukoll il-parametri tal-kalkolu tagħhom ġew ikkomunikati lil Melco u Toshiba f’ittra tal-Fatti fil-15 ta’ Frar 2012, li għaliha Melco wieġeb fis-16 ta’ Marzu 2012 u Toshiba fit-23 ta’ Marzu 2012. |
|
(5) |
Saret laqgħa dwar is-sustanza tal-Ittra tal-Fatti mar-rappreżentanti ta’ Melco u Toshiba fit-8 ta’ Ġunju 2012 u fit-12 ta’ Ġunju 2012 rispettivament. |
|
(6) |
Il-Kumitat Konsultattiv dwar Ftehimiet Restrittivi u Pożizzjonijiet Dominanti ħareġ b’opinjoni favorevoli fid-19 ta’ Ġunju 2012. |
2.2. Sommarju tal-ksur
|
(7) |
Kif stabbilit fid-Deċiżjoni tal-24 ta’ Jannar 2007, Melco u Toshiba kisru l-Artikolu 101 tat-TFUE u l-Artikolu 53 tal-Ftehim taż-ŻEE billi pparteċipaw, mill-15 ta’ April 1988 sal-11 ta’ Mejju 2004, f’kumpless ta’ ftehimiet u prattiċi miftiehma fis-settur Switchgear Iżolati bil-Gass fiż-ŻEE. |
|
(8) |
Fid-Deċiżjoni tal-24 ta’ Jannar 2007, Melco u Toshiba kienu miżmuma unikament responsabbli għall-involviment tagħhom fil-ksur bejn il-15 ta’ April 1988 u l-1 ta’ Ottubru 2002, u flimkien u separatament responsabbli għall-ksur kommess minn TM T&D (2) bejn l-1 ta’ Ottubru 2002 u l-11 ta’ Mejju 2004. |
2.3. Destinatarji
|
(9) |
Id-destinatarji tad-Deċiżjoni huma Melco u Toshiba. |
2.4. Rimedji
|
(10) |
Biex tiġi kkalkulata l-multa fuq Melco u Toshiba, il-Kummissjoni tapplika l-Linji Gwida tal-Multi tal-1998, li kienu wkoll applikabbli għall-kalkolu tal-multa imposta fid-Deċiżjoni tal-24 ta’ Jannar 2007 (3). |
2.4.1. L-ammont bażiku tal-multa
|
(11) |
Is-serjetà tal-ksur hija waħda serja ħafna. |
|
(12) |
Minħabba t-tul tal-ksur, il-Kummissjoni tapplika żieda ta’ 140 % għall-perjodu tar-responsabbiltà unika ta’ Melco u Toshiba u 15 % għall-perjodu tagħhom ta’ responsabbiltà in solidum. |
2.4.2. Ċirkostanzi aggravanti
|
(13) |
Ma hemm l-ebda ċirkustanzi aggravanti f’dan il-każ |
2.4.3. Ċirkustanzi li jimmitigaw
|
(14) |
Ma hemm l-ebda ċirkustanzi li jimmitigaw f’dan il-każ |
2.4.4. Żieda speċifika bħala deterrent
|
(15) |
Huwa applikat multiplikatur għal deterrenza kemm għal Melco kif ukoll għal Toshiba minħabba l-fatturati tagħhom fuq livell dinji. |
2.4.5. Applikazzjoni tal-limitu tal-fatturat ta’ 10 %
|
(16) |
La fil-każ ta’ Melco u lanqas ta’ Toshiba, il-multa ma tilħaq l-10 % tal-fatturati rispettivi tagħhom fuq livell dinji. |
2.4.6. L-Applikazzjoni tal-Avviż ta’ Klemenza tal-2002: tnaqqis ta’ multi
|
(17) |
L-ebda tnaqqis skont l-Avviż ta’ Klemenza tal-2002 ma huma mogħtija. |
3. DEĊIŻJONI
|
(18) |
Għall-ksur wieħed u kontinwu stabbilit fid-deċiżjoni tal-24 ta’ Jannar 2007 ġew imposti l-multi li ġejjin:
|
(2) TM T&D Corporation kienet impriża konġunta 50/50 bejn Melco u Toshiba. Kienet responsabbli għall-produzzjoni u l-bejgħ tal-SIG. Hi bdiet topera fl-1 ta' Ottubru 2002. Sussegwentement kienet ġiet xolta fit-30 ta’ April 2005 u l-assi tagħha kienu akkwistati minn Melco u Toshiba.