13.12.2013 |
MT |
Il-Ġurnal Uffiċjali tal-Unjoni Ewropea |
C 365/197 |
RAPPORT
dwar il-kontijiet annwali tal-Awtorità Ewropea tat-Titoli u s-Swieq għas-sena finanzjarja 2012, flimkien mar-risposti tal-Awtorità
2013/C 365/28
INTRODUZZJONI
1. |
L- Awtorità Ewropea tat-Titoli u s-Swieq (minn hawn ’il quddiem "l-Awtorità", magħrufa wkoll bħala l-“ESMA”), li tinsab f’Pariġi, ġiet stabbilita bir-Regolament (UE) Nru 1095/2010 tal-Parlament Ewropew u tal-Kunsill (1). Il-kompitu tal-Awtorità huwa li ttejjeb l-operat tas-suq finanzjarju intern tal-UE billi tiżgura livell għoli, effettiv u konsistenti ta’ regolamentazzjoni u sorveljanza, tippromwovi l-integrità u l-istabbiltà tas-sistemi finanzjarji u ssaħħaħ il-koordinazzjoni superviżorja internazzjonali sabiex tiżgura l-istabbiltà u l-effettività tas-sistema finanzjarja (2). L-ESMA twaqqfet fl-1 ta’ Jannar 2011. |
INFORMAZZJONI LI TAPPOĠĠA D-DIKJARAZZJONI TA’ ASSIGURAZZJONI
2. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ sorveljanza u kontroll tal-Awtorità. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment. |
DIKJARAZZJONI TA’ ASSIGURAZZJONI
3. |
Skont id-dispożizzjonijiet tal-Artikolu 287 tat-Trattat dwar il-Funzjonament tal-Unjoni Ewropea (TFUE), il-Qorti awditjat:
|
Ir-responsabbiltà tal-maniġment
4. |
Skont l-Artikoli 33 u 43 tar-Regolament tal-Kummissjoni (KE, Euratom) Nru 2343/2002 (5), il-maniġment huwa responsabbli mit-tħejjija u l-preżentazzjoni ġusta tal-kontijiet annwali tal-Awtorità u mil-legalità u r-regolarità tat-tranżazzjonijiet ta’ bażi:
|
Ir-responsabbiltà tal-awditur
5. |
Ir-responsabbiltà tal-Qorti hija li, fuq il-bażi tal-awditu tagħha, tipprovdi lill-Parlament Ewropew u lill-Kunsill (7) b’dikjarazzjoni ta' assigurazzjoni dwar l-affidabbiltà tal-kontijiet annwali u dwar il-legalità u r-regolarità tat-tranżazzjonijiet ta’ bażi. Il-Qorti tmexxi l-awditu tagħha skont l-Istandards Internazzjonali tal-Awditjar u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Awditjar tal-INTOSAI. Dawn l-istandards jeżiġu li l-Qorti tippjana u twettaq l-awditu biex tikseb aċċertament raġonevoli dwar jekk il-kontijiet annwali tal-Awtorità jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari. |
6. |
L-awditu jinvolvi t-twettiq ta' proċeduri biex tinkiseb evidenza għall-awditjar dwar l-ammonti u d-divulgazzjonijiet fil-kontijiet u dwar il-legalità u r-regolarità tat-tranżazzjonijiet ta’ bażi. Il-proċeduri magħżula jiddependu fuq il-ġudizzju tal-awditur, li huwa bbażat fuq valutazzjoni tar-riskji ta’ dikjarazzjoni skorretta materjali tal-kontijiet u ta’ nuqqas ta’ konformità materjali mit-tranżazzjonijiet ta’ bażi mar-rekwiżiti fil-qafas legali tal-Unjoni Ewropea, sew jekk minħabba frodi u sew jekk minħabba xi żball. Meta jivvaluta dawn ir-riskji, l-awditur iqis kwalunkwe kontroll intern rilevanti għat-tħejjija u l-preżentazzjoni ġusta tal-kontijiet, kif ukoll is-sistemi ta’ sorveljanza u kontroll li jkunu implimentati biex jiġu żgurati l-legalità u r-regolarità tat-tranżazzjonijiet ta’ bażi, u jfassal proċeduri tal-awditjar li jkunu xierqa skont iċ-ċirkustanzi. L-awditu jinvolvi wkoll l-evalwazzjoni tal-adegwatezza tal-politiki kontabilistiċi, ir-raġonevolezza tal-istimi kontabilistiċi u l-preżentazzjoni kumplessiva tal-kontijiet. |
7. |
Il-Qorti tqis li l-evidenza għall-awditjar miksuba hija suffiċjenti u xierqa biex tipprovdi bażi għad-dikjarazzjoni ta’ assigurazzjoni tagħha. |
Opinjoni dwar l-affidabbiltà tal-kontijiet
8. |
Fl-opinjoni tal-Qorti, il-kontijiet annwali tal-Awtorità jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2012 u r-riżultati tal-operazzjonijiet tagħha u l-flussi tal-flus tagħha għas-sena li ntemmet dakinhar, skont id-dispożizzjonijiet tar-Regolament Finanzjarju tagħha u r-regoli kontabilistiċi adottati mill-uffiċjal tal-kontabbiltà tal-Kummissjoni. |
Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
9. |
Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali għas-sena li ntemmet fil-31 ta’ Diċembru 2012 huma legali u regolari fl-aspetti materjali kollha. |
10. |
Il-kummenti li ġejjin ma jixħtux dubju fuq l-opinjonijiet tal-Qorti. |
KUMMENTI DWAR L-AFFIDABBILTÀ TAL-KONTIJIET
11. |
Is-sistema ta’ kontabbiltà tal-Awtorità għadha ma ġietx ivvalidata mill-Uffiċjal tal-Kontabbiltà. |
KUMMENTI DWAR IL-KONTROLLI INTERNI
12. |
Matul it-tieni sena ta’ attività tagħha, l-Awtorità ħadet pass importanti bl-adozzjoni u l-implimentazzjoni tar-rekwiżiti bażi għall-istandards kollha ta’ kontroll intern. Madankollu, għadha ma nkisbitx implimentazzjoni sħiħa tal-istandards. |
13. |
Hemm lok konsiderevoli għal titjib fil-puntwalità u d-dokumentazzjoni tal-proċeduri ta’ akkwist. |
KUMMENTI DWAR IL-ĠESTJONI BAĠITARJA
14. |
It-total tal-approprjazzjonijiet tal-Awtorità għall-2012 ammonta għal EUR 20,3 miljun, li minnhom EUR 2,8 miljun (14 %) ġew ikkanċellati u EUR 4,2 miljun (21 %) tal-approprjazzjonijiet impenjati ġew riportati għall-2013. |
15. |
Il-livell għoli ta’ kanċellazzjonijiet jirriżulta fil-parti l-kbira mill-fatt li l-baġit ġie stabbilit abbażi ta’ tabella tal-persunal implimentata bis-sħiħ fil-bidu tal-2012, filwaqt li xi reklutaġġi saru biss matul is-sena. Dewmien fl-akkwisti tal-IT ukoll ikkawża kanċellazzjonijiet. |
16. |
Il-livell ta’ approprjazzjonijiet impenjati li ġew riportati huwa għoli għat-Titolu II (nefqa amministrattiva) f’livell ta’ 39 % u għat-Titolu III (nefqa operazzjonali) f’livell ta’ 52 %. Għat-Titolu II, dan kien ikkawżat fil-parti l-kbira mill-fatt li kuntratt sinifikanti għal xogħlijiet fil-bini tal-Awtorità ngħata f’Diċembru 2012 (EUR 0,6 miljun) u bix-xiri ta’ hardware tal-IT (EUR 0,5 miljun), tagħmir tat-telefonija (EUR 0,1 miljun) u għamara (EUR 0,3 miljun) li l-konsenja tagħhom ma ġietx ikkompletata fi tmiem is-sena. Għat-Titolu III, il-livell għoli ta’ approprjazzjonijiet impenjati li ġew riportati jirriżulta min-natura pluriennali ta’ proġetti sinifikanti ta’ żvilupp tal-IT u minn dewmien fl-akkwisti relatati. |
17. |
Fl-2012, l-Awtorità għamlet 22 trasferiment tal-baġit li jammontaw għal EUR 3,2 miljun (16 % tat-total tal-baġit 2012), li jindika dgħufijiet fl-ippjanar tal-baġit. |
KUMMENTI OĦRA
18. |
Jeħtieġ li l-Awtorità ttejjeb aktar it-trasparenza tal-proċeduri ta’ reklutaġġ tagħha. B’mod partikolari, fi proċedura ta’ reklutaġġ awditjata, l-għadd ta’ snin ta’ esperjenza għal pożizzjoni partikolari ma kienx applikat u fi tliet proċeduri tar-reklutaġġ awditjati ma kien hemm ebda evidenza li l-limiti għal-listi ta’ preselezzjoni ġew stabbiliti qabel l-eżaminar tal-applikazzjonijiet. |
SEGWITU GĦALL-KUMMENTI MIS-SENA PREĊEDENTI
19. |
Ħarsa ġenerali lejn l-azzjonijiet korrettivi meħuda b’rispons għall-kummenti tal-Qorti mis-sena preċedenti tingħata fl-Anness I. |
Dan ir-Rapport ġie adottat mill-Awla IV, immexxija minn Dr Louis GALEA, Membru tal-Qorti tal-Awdituri, fil-Lussemburgu fil-laqgħa tagħha tad-9 ta’ Lulju 2013.
Għall-Qorti tal-Awdituri
Vítor Manuel da SILVA CALDEIRA
President
(1) ĠU L 331, 15.12.2010, p. 84.
(2) L-Anness II jagħti sommarju tal-kompetenzi u l-attivitajiet tal-Awtorità. Huwa ppreżentat għal skopijiet ta’ informazzjoni.
(3) Dawn jinkludu l-karta tal-bilanċ u l-kont tar-riżultat ekonomiku, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.
(5) ĠU L 357, 31.12.2002, p. 72.
(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni ġejjin mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.
(7) L-Artikolu 185(2) tar-Regolament tal-Kunsill (KE, Euratom) Nru 1605/2002 (ĠU L 248, 16.9.2002, p. 1).
ANNESS I
Segwitu għall-kummenti mis-sena preċedenti
Sena |
Kumment tal-Qorti |
Status tal-azzjoni korrettiva (Ikkompletata / Għadha għaddejja / Pendenti / M/A) |
2011 |
L-impenji tal-Awtorità ammontaw għal EUR 12 841 997 jew 76 % tal-baġit għall-2011. Ir-rati tal-impenji kienu baxxi speċjalment għat-Titolu III "Nefqa operazzjonali" (47 %). Dan kellu impatt fuq l- objettivi tal-Awtorità fir-rigward tal-IT li ma ntlaħqux kompletament. Ir-rati baxxi ta’ eżekuzzjoni tal-baġit jindikaw diffikultajiet fl-ippjanar u l-implimentazzjoni tal-baġit. |
Għadha għaddejja |
2011 |
Il-baġit tal-Awtorità għas-sena finanzjarja 2011 ammonta għal EUR 16,9 miljun. Skont l-Artikolu 62(1) tar-Regolament li hija Msejsa Fuqu, 60 % tal-baġit għall-2011 kien iffinanzjat mill-kontribuzzjonijiet tal-Istati Membri u l-pajjiżi tal-EFTA u 40 % mill-baġit tal-Unjoni. Fi tmiem l-2011, l-ESMA rreġistrat riżultat pożittiv fil-baġit ta’ EUR 4,3 miljun. F’konformità mar-Regolament Finanzjarju tagħha (1), l-ammont sħiħ imbagħad ġie rreġistrat fil-kontijiet bħala passiv lejn il-Kummissjoni Ewropea. |
Għadha għaddejja |
2011 |
Ġew innutati dgħufijiet fir-rigward ta’ sitt impenji legali magħmula minn qabel l-impenji tal-baġit (EUR 483 845). |
Għadha għaddejja |
2011 |
Il-Qorti identifikat għadd ta’ każijiet b’valur totali ta’ EUR 207 442 li fihom approprjazzjonijiet ta’ pagament riportati għall-2012 ma kinux jikkorrispondu ma’ impenji legali li kienu saru. Għaldaqstant dawn l-ammonti riportati kienu irregolari u għandhom jiġu kkanċellati. |
Pendenti |
2011 |
L-Awtorità kienet għadha ma adottatx standards ta’ kontroll intern. |
Ikkompletata |
2011 |
Hemm ħtieġa li tittejjeb il-ġestjoni tal-assi fissi mill-Awtorità. Għall-assi intanġibbli żviluppati mill-Awtorità, il-proċeduri tal-kontabbiltà u l-informazzjoni dwar l-ispejjeż ma kinux affidabbli. |
Għadha għaddejja |
2011 |
Ir-regoli implimentattivi għar-Regolament tal-Persunal kienu għadhom ma ġewx adottati. |
Ikkompletata |
2011 |
L-ESMA kienet għadha ma laħqitx ftehim interistituzzjonali mal-Uffiċċju Ewropew Kontra l-Frodi (OLAF) dwar investigazzjonijiet ta’ frodi. L-Awtorità għandha tiżgura li r-Regolament Finanzjarju tagħha jiġi implimentat bis-sħiħ f’dan ir-rigward. |
Ikkompletata |
2011 |
Jeħtieġ li l-Awtorità ttejjeb it-trasparenza tal-proċeduri ta’ reklutaġġ. L-għadd ta’ snin ta’ esperjenza meħtieġa għal pożizzjoni partikolari ma ġiex rispettat, ġew aċċettati applikazzjonijiet li waslu wara l-iskadenza, mistoqsijiet għat-testijiet bil-fomm u bil-miktub ma ġewx stabbiliti qabel ma ġew eżaminati l-applikazzjonijiet mill-bord ta’ għażla u ma kien hemm ebda deċiżjoni tal-Awtorità tal-Ħatra biex jinħatar il-bord ta’ għażla. |
Għadha għaddejja |
(1) L-Artikoli 15(4) u 16(1).
ANNESS II
Awtorità Ewropea tat-Titoli u s-Swieq (Pariġi)
Kompetenzi u attivitajiet
Oqsma ta’ kompetenza tal-Unjoni stipulati fit-Trattat (L-Artikolu 114 tat-Trattat dwar il-Funzjonament tal-Unjoni Ewropea) |
Il-Parlament Ewropew u l-Kunsill, li jaġixxu skont il-proċedura leġiżlattiva ordinarja u wara li jikkonsultaw mal-Kumitat Ekonomiku u Soċjali, għandhom jadottaw il-miżuri għall-approssimazzjoni tad-dispożizzjonijiet stipulati bil-liġi, b'regolamenti jew b'azzjoni amministrattiva fi Stati Membri li għandhom bħala l-għan tagħhom l-istabbiliment u l-operazzjoni tas-suq intern. |
||||||||||||||||||||||||||||||||||||||||||||||||||||
Kompetenzi tal-Awtorità (Ir-Regolament (UE) Nru 1095/2010 tal-Parlament Ewropew u tal-Kunsill u r-Regolament (KE) Nru 1060/2009 tal-Parlament Ewropew u tal-Kunsill) |
Kompiti
|
||||||||||||||||||||||||||||||||||||||||||||||||||||
Tmexxija |
Bord tas-Superviżuri Kompożizzjoni President (li m'għandux ikollu vot); il-kap tal-awtorità pubblika nazzjonali kompetenti għas-supervizjoni tal-parteċipanti fis-swieq finanzjarji f'kull Stat Membru; rapprezentant wieħed tal-Kummissjoni (li m'għandux ikollu vot); rappreżentant wieħed tal-Bord Ewropew dwar ir-Riskju Sistemiku (li m'għandux ikollu vot); rappreżentant wieħed ta’ kull waħda mill-Awtoritajiet Superviżorji Ewropej l-oħra (li m'għandux ikollhom vot). Kompiti Jagħti gwida lill-ħidma tal-Awtorità u jkun responsabbli għat-teħid tad-deċiżjonijiet imsemmija fil-Kapitolu II tar-Regolament li hija msejsa fuqu. Bord Maniġerjali Kompożizzjoni President u sitt membri oħrajn tal-Bord tas-Superviżuri, eletti mill-membri votanti tal-Bord tas-Superviżuri u minn fosthom stess. Id-Direttur Eżekuttiv u rappreżentant tal-Kummissjoni jipparteċipaw fil-laqgħat mingħajr id-dritt li jivvotaw (għalkemm ir-rappreżentant tal-Kummissjoni jista’ jivvota dwar kwistjonijiet relatati mal-baġit). Kompiti Jiżgura li l-Awtorità taqdi l-missjoni tagħha u twettaq il-kompiti assenjati lilha skont ir-Regolament li hija msejsa fuqu. President Rappreżentant tal-Awtorità responsabbli sabiex iħejji x-xogħol tal-Bord tas-Superviżuri u jmexxi l-laqgħat tal-Bord tas-Superviżuri u tal-Bord Maniġerjali. Jinħatar mill-Bord tas-Superviżuri wara li jkun semgħu l-Parlament Ewropew. Direttur Eżekuttiv Jinħatar mill-Bord tas-Superviżuri wara l-konferma mill-Parlament Ewropew. Ikun responsabbli mit-tmexxija tal-Awtorità u jipprepara x-xogħol tal-Bord Maniġerjali. Awditu intern Is-Servizz tal-Awditjar Intern tal-Kummissjoni (IAS). Awditu estern Il-Qorti Ewropea tal-Awdituri. Awtorità ta' kwittanza Il-Parlament Ewropew, li jaġixxi fuq rakkomandazzjoni mill-Kunsill |
||||||||||||||||||||||||||||||||||||||||||||||||||||
Riżorsi disponibbli għall-Awtorità fl-2012 |
Baġit finali Baġit totali: EUR 20,279 miljun, inklużi:
Persunal fil-31 ta' Diċembru 2012
|
||||||||||||||||||||||||||||||||||||||||||||||||||||
Prodotti u servizzi fl-2012 |
|
||||||||||||||||||||||||||||||||||||||||||||||||||||
Sors: Informazzjoni mogħtija mill-Awtorità. |
IT-TWEĠIBIET TAL-AĠENZIJA
11. |
Ir-rapport għall-validazzjoni tas-sistemi ta’ kontabbiltà qiegħed fil-proċess ta’ finalizzazzjoni. Qabel it-tħejjija tar-rapport, biex jivvalida l-affidabbiltà tar-riżultati tal-proċeduri fis-seħħ, il-kontabilist applika l-approċċ ta’ 100 % kontrolli tat-tranżazzjonijiet finanzjarji kollha fis-seħħ ta’ approċċ ta’ ttestjar ta’ kampjuni u sistema. |
12. |
L-ESMA stabbilixxiet funzjoni ta’ kontroll intern fl-2012 u adottat pjan ta’ azzjoni bbażat fuq ir-riskju dwar il-kontroll intern li qed jiġi żviluppat u monitorja b’mod attiv. Fi tmiem l-2012, l-ESMA kienet implimentat 19 mill-20 attività ppjanati għas-sena. Għall-2013 u l-2014 hemm programmi ta’ ħidma dwar il-kontroll intern żviluppati. Filwaqt li jitqiesu r-riskji assoċjati mal-ambjent amministrattiv, is-sistemi interni ta’ ġestjoni u kontroll huma adatti għall-prestazzjoni tad-dmirijiet tal-ESMA, skont l-Artikolu 38.4 tar-Regolament Finanzjarju tal-ESMA. |
13. |
Fl-2012, l-ESMA kellha terġa’ toħroġ sejħiet għal offerti għal diversi kuntratt li ntirtu mill-predeċessur tagħha, is-CESR. Twassal kważi l-pjan ta’ akkwist kollu, iżda bi ftit dewmien minħabba nuqqas ta’ riżorsi. Sabiex tittejjeb f’dan il-qasam, l-ESMA ser tirrekluta aktar persunal fit-tim ta’ akkwist tagħha fl-2013, filwaqt li ttejjeb il-proċeduri b’kontrolli interni addizzjonali. |
14. |
L-ESMA tapprezza l-ispjegazzjoniiet korretti diġà msemmija fil-kummenti tal-Qorti. Dawk l-ispjegazzjonijiet jirriflettu s-sitwazzjoni fl-2012. |
15. |
Il-baġit 2012 tħejja f’Jannar 2011, fl-ewwel xahar ta’ operat tal-aġenzija. Il-baġit tħejja fil-biċċa l-kbira mill-Kummissjoni tal-UE u fil-fatt ma kien hemm l-ebda esperjenza fit-tmexxija tal-aġenzija. |
16. |
Fir-rigward tal-ġestjoni tal-baġit irrappreżentat bil-programm ta’ ħidma tal-IT tal-ESMA, għandu jiġi nnotat li l-programm ta’ ħidma tal-IT fl-2012 kien ibbażat fuq rekwiżiti li ġejjin mil-leġiżlazzjonijiet li kienu għadhom taħt diskussjoni mill-istituzzjonijiet tal-UE. In-negozjati finali ta’ xi wħud minn dawn id-dispożizzjonijiet leġiżlattivi kellhom impatt fuq il-programm ta’ ħidma tal-IT kif ukoll fuq il-pjan ta’ akkwist matul is-sena. |
17. |
Miż-żjara tal-Qorti, l-ESMA żviluppat proċessi aħjar u implimentat kontrolli li qed jindirizzaw il-kwistjonijiet identifikati u l-ibbaġitjar u l-ippjanar. |
18. |
L-ESMA tirrikonoxxi s-sejba. B’segwitu tal-kumment mill-Qorti, l-ESMA wettqet reviżjoni ex post tal-proċeduri kollha ta’ reklutaġġ ta’ aġenti temporanji li tmexxew fl-2012, fejn saret konferma li ma seħħ l-ebda każ simili ieħor. Biex tillimita r-riskju li fil-futur iseħħu żvisti simili, l-ESMA implimentat proċeduri ġodda li jistabbilixxu limiti għal kandidati fuq il-lista u passi ta’ kontroll ex ante dwar il-validazzjoni tal-eliġibbiltà ta’ kandidati b’għodda elettronika għall-kalkolu tan-numru tas-snin ta’ esperjenza. |